TITUS
Biblia Udica, Versio Nizhensis: Vetus Testamentum
Part No. 168
Previous part

Chapter: 88 

88-ǯi ω͑vel mä͑ġ
88-ci Ǐvel mə̌ğ



Mä͑ġḳalxoy däsṭin kalaṭaynaḳ cameci Goraxi ġarmoġon mä͑ġḳala ω͑vel mä͑ġ.
Mə̌ğk'alxoy dəst'in kalat'aynak' śameśi Goraxi ğarmoğon mə̌ğk'ala Ǐvel mə̌ğ.

Ezraxlu Hemani "Maxalaṭ leannot" uḳala faren mä͑ġe͑ġala ögüd-näsyät tadala ω͑vel mä͑ġ.
Ezraxlu Hemani "Maxalat' leannot" uk'ala faren mə̌ğěğala ögüd-nəsyət tadala Ǐvel mə̌ğ.


Verse: 1    Ay Q̣ONƷ́UX, ay za čarḳesṭala Buxaʒ́ux,
   Ay Q'ONČUX, ay za çark'est'ala Buxačux,
    Üše-ġena Va xoyinśezbsa!
    Üşe-ğena Va xoyinšezbsa!

Verse: 2    Bez afərəna ibaka,
   Bez afırına ibaka,
    Bez xoyinśa nu ibaksuna ma laxa.
    Bez xoyinša nu ibaksuna ma laxa.

Verse: 3    Bäloġon za q̇ä͑q̇ä͑nne,
   Bəloğon za q'ə̌q'ə̌nne,
    Mone, bez sa tur ene gärämzoġone.
    Mone, bez sa tur ene gərəmzoğone.

Verse: 4    P̣uri taci sa amdar ḳinäḳ,
   P'uri taśi sa amdar k'inək',
    Mafarsuz sa bädän ḳinäḳzu zu.
    Mafarsuz sa bədən k'inək'zu zu.

Verse: 5    Oćalaxbaki ṗurinaxun sa färg tezax bu bezi,
   Oç̌alaxbaki p'urinaxun sa fərg tezax bu bezi,
    Vi eyexun č̣eri,
    Vi eyexun c'eri,
    Vi kula iz loxolxun zapi,
    Vi kula iz loxolxun zapi,
    Oćalin oq̇a basḳi sa meyid ḳinäḳzu zu.
    Oç̌alin oq'a bask'i sa meyid k'inək'zu zu.

Verse: 6    Za än bä͑ġä͑loy gärämzinä,
   Za ən bə̌ğə̌loy gərəmzinə,
    Ṭe zülmät bayinq̇luġan badi Hun.
    T'e zülmət bayinq'luğan badi Hun.

Verse: 7    Vi äǯuġ bez bel ṭetäre bari ki,
   Vi əcuğ bez bel t'etəre bari ki,
    E͑qe͑ci dänizi läpoġon buṭḳala ḳinäḳe buṭḳi šoṭin za.
    Üqěśi dənizi ləpoğon but'k'ala k'inək'e but'k'i şot'in za.

Verse: 8    Bez dosṭurxon zaxun ä͑xilbi Hun,
   Bez dost'urxon zaxun ə̌xilbi Hun,
    Šoṭoġo zaxun iriṭṗesendi.
    Şot'oğo zaxun irit'p'esendi.
    Isä mone, ṭussaġ ḳinäḳzu, č̣eyes tez baksa.
    İsə mone, t'ussağ k'inək'zu, c'eyes tez baksa.

Verse: 9    Bez piin išiġe aći zülümi kiyexun.
   Bez piin işiğe aç̌i zülümi kiyexun.
   \ Här ġi Vaz ḳale zu, ay Q̣ONƷ́UX,
   \ Hər ği Vaz k'ale zu, ay Q'ONČUX,
    Bez bula alabi Vaz xoyinśpsa.
    Bez bula alabi Vaz xoyinšpsa.

Verse: 10    P̣uriṭoġo aḳesṭalnu Vi möǯüzoġo?
   P'urit'oğo ak'est'alnu Vi möcüzoğo?
    Yäni šoṭoġoy urufxon hayzeri Va šükürbalṭun?
    Yəni şot'oğoy urufxon hayzeri Va şükürbalt'un?

Verse: 11    Gärämzoġo bayanbakale Vi nu badalbakala čuresun?
   Gərəmzoğo bayanbakale Vi nu badalbakala çuresun?
    Yäni bädäni äfčibaki taġala ṭe gala ǯar sakalṭun
    Yəni bədəni əfçibaki tağala t'e gala car sakalt'un
    Vi beši bać̣ane čurpsuna?
    Vi beşi bač'ane çurpsuna?

Verse: 12    Vi biq̇i nu aḳeci äšur ṭe ḳule oq̇a,
   Vi biq'i nu ak'eśi əşur t'e k'ule oq'a,
    Yäni Vi düzgünluġ ṗuri taciṭoġoy ṭe mäsḳäne čalxeġale?
    Yəni Vi düzgünluğ p'uri taśit'oğoy t'e məsk'əne çalxeğale?

Verse: 13    Ama mone, Va kömäyäz ḳale, ay Q̣ONƷ́UX,
   Ama mone, Va köməyəz k'ale, ay Q'ONČUX,
    Här savaxṭan afərənenez eysa Vi be͑ś zu.
    Hər savaxt'an afırınenez eysa Vi běš zu.

Verse: 14    Heṭaynaḳen za to͑o͑xbsa, ay Q̣ONƷ́UX?
   Het'aynak'en za tǒǒxbsa, ay Q'ONČUX?
    Heṭaynaḳen zaxun ćo tarasṭa?
    Het'aynak'en zaxun ç̌o tarast'a?

Verse: 15    Äyelluġaxun zülümi bošzu, ene bisazu,
   Əyelluğaxun zülümi boşzu, ene bisazu,
    Čarasuzez mande zu Vi tadi bäloġoy kiyexun.
    Çarasuzez mande zu Vi tadi bəloğoy kiyexun.

Verse: 16    Vi hirsen za e͑qeci läpinen amdara bäč̣ürpi tašala ḳinäḳe bäč̣ürpi,
   Vi hirsen za ěqeśi ləpinen amdara bəc'ürpi taşala k'inək'e bəc'ürpi,
    Äfčizbaki Vi zaynaḳ yaq̇abi bäloġoxun zu.
    Əfçizbaki Vi zaynak' yaq'abi bəloğoxun zu.

Verse: 17    Xe hari xərṭṭäyä ṗaṗi ḳinäḳzu häysä zu,
   Xe hari xırt't'əyə p'ap'i k'inək'zu həysə zu,
    Ćaxene za šoṭin, dirisṭ q̇uč̣ṗi tanešṭa.
    Ç̌axene za şot'in, dirist' q'uc'p'i taneşt'a.

Verse: 18    Bez ə͑śaṭoġo, bez dosṭurxon zaxun ä͑xilbi Hun,
   Bez ı̌šat'oğo, bez dost'urxon zaxun ə̌xilbi Hun,
    Bayinq̇unaxun bašq̇a šuḳḳal tezax bu bezi!
    Bayinq'unaxun başq'a şuk'k'al tezax bu bezi!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.