TITUS
Biblia Udica, Versio Nizhensis: Vetus Testamentum
Part No. 172
Previous part

Chapter: 92 

92-ǯi ω͑vel mä͑ġ
92-ci Ǐvel mə̌ğ



Xrama šamaṭ ġine bakala q̇ulluġasṭa mä͑ġe͑ġala ω͑vel mä͑ġ.
Xrama şamat' ğine bakala q'ulluğast'a mə̌ğěğala Ǐvel mə̌ğ.


Verse: 1    Q̣ONƷ́UĠO šükürbsun,
   Q'ONČUĞO şükürbsun,
    Vi c̣iya alabala mä͑ġur mä͑ġpsun he šaaṭe, ay Ala Arciyo!
    Vi s'iya alabala mə̌ğur mə̌ğpsun he şaat'e, ay Ala Arśiyo!

Verse: 2    Savaxṭan hayzeri Vi nu badalbakala čuresuna,
   Savaxt'an hayzeri Vi nu badalbakala çuresuna,
    Biyäsin Vi beš bać̣ane čurpsuna muzel ešṭun,
    Biyəsin Vi beş bač'ane çurpsuna muzel eşt'un,

Verse: 3    Moṭoġo vic̣ simla arfin q̇a tare faren mä͑ġpi bayanbsun he šaaṭe!
   Mot'oğo vis' simla arfin q'a tare faren mə̌ğpi bayanbsun he şaat'e!

Verse: 4    Šoṭo görä ki, Vi biq̇i äšure za mu͑qṭalo, ay Q̣ONƷ́UX,
   Şot'o görə ki, Vi biq'i əşure za mǔqt'alo, ay Q'ONČUX,
    Vi kiyexun č̣eriyoroxe bez muza qaypi Va tärifläyinšesṭalo!
    Vi kiyexun c'eriyoroxe bez muza qaypi Va tərifləyinşest'alo!

Verse: 5    Vi biyorox nu aḳeci äšure, ay Q̣ONƷ́UX,
   Vi biyorox nu ak'eśi əşure, ay Q'ONČUX,
    Vi fikirbi bex č̣evḳiyorox beyne ṗaq̇esṭala šey tene!
    Vi fikirbi bex c'evk'iyorox beyne p'aq'est'ala şey tene!

Verse: 6    Hiḳḳalaxun iz xavar nu bakala q̇ammazen avatene,
   Hik'k'alaxun iz xavar nu bakala q'ammazen avatene,
    Ičuxun iräzi axmaġenal q̇amištene ki,
    İçuxun irəzi axmağenal q'amiştene ki,

Verse: 7    Häysä pisorox göyün o ḳinäḳ e͑qeci,
   Həysə pisorox göyün o k'inək' ěqeśi,
    Šär bakalorox vard ḳinäḳ qayeciyal bakayṭun, axər butene šoṭoġoy,
    Şər bakalorox vard k'inək' qayeśiyal bakayt'un, axır butene şot'oğoy,
    Äfčibaki taġalṭun bito!
    Əfçibaki tağalt'un bito!

Verse: 8    Ama Hun, ay Q̣ONƷ́UX, hämišäluġ bitoṭuxun üsṭün bakalonu!
   Ama Hun, ay Q'ONČUX, həmişəluğ bitot'uxun üst'ün bakalonu!

Verse: 9    Avazu ki, Vi düšmänxo ḳac̣eci baralṭun, ay Q̣ONƷ́UX,
   Avazu ki, Vi düşmənxo k'as'eśi baralt'un, ay Q'ONČUX,
    Šär bakalṭoġoy caresuna avazu.
    Şər bakalt'oğoy śaresuna avazu.

Verse: 10    Za isä čölnä öküzi zoren tasṭa Hun,
   Za isə çölnə öküzi zoren tast'a Hun,
    Bez bel täzä zeyṭuni č̣äyin lä͑ä͑mdi mu͑qensṭa!
    Bez bel təzə zeyt'uni c'əyin lə̌ə̌mdi mǔqenst'a!

Verse: 11    Bez düšmänxoy q̇ə͑yexun č̣eri ṭisṭunaz aki zu,
   Bez düşmənxoy q'ı̌yexun c'eri t'ist'unaz aki zu,
    Bez loxol e͑qeciṭoġoy ḳalpi xoyinśpsunaz ibaki.
    Bez loxol ěqeśit'oğoy k'alpi xoyinšpsunaz ibaki.

Verse: 12    Xurmin xod ḳinäḳṭun düzgünorox, hevaxṭ be͑ġayin vardṭun qaye,
   Xurmin xod k'inək't'un düzgünorox, hevaxt' běğayin vardt'un qaye,
    Livana bakala šame xod ḳinäḳṭun, bito xodurxoxun alloyṭun e͑qesa.
    Livana bakala şame xod k'inək't'un, bito xodurxoxun alloyt'un ěqesa.

Verse: 13    Q̣ONƷ́UĠOY xrama tum sakiṭoġon
   Q'ONČUĞOY xrama tum sakit'oğon
    Buxaʒ́uġoy ḳožin määlnene göyünbaki c̣ic̣iḳ qayḳon.
    Buxačuğoy k'ojin məəlnene göyünbaki s'is'ik' qayk'on.

Verse: 14    Q̣ožabakaṭanal bar tadalṭun šoṭoġon,
   Q'ojabakat'anal bar tadalt'un şot'oğon,
    Hämišä göyün, värkär mandalṭun.
    Həmişə göyün, vərkər mandalt'un.

Verse: 15    Bayanbalṭun šoṭoġon ičoġoynaḳ q̇aya bakala Q̣ONƷ́UĠOY düzgün baksuna,
   Bayanbalt'un şot'oğon içoğoynak' q'aya bakala Q'ONČUĞOY düzgün baksuna,
    Šoṭosṭa sal sa haq̇suzluġ nu baksuna!
    Şot'ost'a sal sa haq'suzluğ nu baksuna!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.