TITUS
Corpus of Middle Irish Saga Texts
Part No. 12
Previous part

Work: FR 
Fingal Rónáin

On the basis of the edition
Fingal Rónáin and other stories,
edited by David Greene,
Dublin: Dublin Institute for Advanced Studies 1955
(Mediaeval and Modern Irish Series Vol. XVI)
p. 3-12


INCIPIT FINGAL RÓNÁIN
Incipit Fingal Rónáin



Page of edition: 3 
Line: 1    Rí amra ro boí for Laignib .i. Rónán mac Aeda, 7 Ethni ingen
   Rí amra ro boí for Laignib .i. Rónán mac Aeda, ocus Ethni ingen=L

Line: 2    Chummascaig maic Eogain do Dēsib Muman na f°arrad. Co
   Cummascaig maic Eogain do Dēsib Muman na=L farrad. Co=G

Line: 3    rruc mac do .i. Mael Fothartaig mac Rónáin, mac is amru
   ruc mac do .i. Mael Fothartaig mac Rónáin, mac is amru

Line: 4    tānic Laigniu riam. Is immi con·ēirgitis fri dāla 7 dúnada 7
   tānic Laigniu riam. Is immi con·ēirgitis fri dāla ocus dúnada ocus

Line: 5    cluichi ocus céti 7 tressa ocus dībircthi. Ba hé menmarc a n-ingen
   cluichi ocus céti ocus tressa ocus dībircthi. Ba=h é menmarc a=N ingen

Line: 6    ocus lennán a n-ócban uli Maíl Fothartaig.
   ocus lennán a=N ócban uli Maíl Fothartaig.

Line: 7       Marb a máthair. Baí Rónán cen mnaí fri hed cían.
      Marb a máthair. Baí Rónán cen mnaí fri=h ed cían.

Line: 8       Cid na tucai mnaí? or a mac. Ropad ferr duit ben it
      Cid na tucai mnaí? or a mac. Ropad ferr duit ben it

Line: 9    arrad.
   arrad.

Line: 10       Ad·fiadar dam-sa, ol Rónán, a·tá ingen chóem la hEchthaig
      Ad·fiadar dam-sa, ol Rónán, a·tá ingen=L cóem la=h Echthaig

Line: 11    (.i. rí Dúin S°obairche an-túaid).
   (.i. rí Dúin=L Sobairche an-túaid).

Line: 12       Nida† céili ingine ém, or in gilla. Nach ben f°orusta do·bēre†?
      Nida céili ingine ém, or in gilla. Nach ben=L forusta do·bēre?

Line: 13    Ba córu lim duit ol·dás scintline ingine.
   Ba córu lim duit ol·dás scintline ingine.

Line: 14       At·rós a thairmesc, co ndechaid coro foí lee a-tuaid ocus
      At·rós a=L tairmesc, co=N dechaid coro foí lee a-tuaid ocus

Line: 15    conda tuc† lais i-lle. Do·chōid Mael Fothartaig immorro co
   conda tuc lais i-lle. Do=L·cōid Mael Fothartaig immorro co=N

Line: 16    mbaí ar cuairt i ndesciurt Lagen. Tic-si a-túaid.
   baí ar cuairt i=N desciurt Lagen. Tic-si a-túaid.

Line: 17       Cade do mac-su, a Rōnāin? or sī. Ad·fiadar dam-sa a·tá mac
      Cade do mac-su, a Rōnāin? or sī. Ad·fiadar dam-sa a·tá mac

Line: 18    maith lat-so.
   maith lat-so.

Line: 19       A·tá immorro, ar Rónán, mac as dech fil la Laigniu.
      A·tá immorro, ar Rónán, mac as dech fil la Laigniu.

Line: 20       Con°garar dam-sa didiu, conom ragba ocus co rragba mo
      Conhgarar dam-sa didiu, conom ragba ocus co=G ragba mo

Line: 21    muntir ocus mo maíni ocus mo s°ēotu.
   muntir ocus mo maíni ocus mo=L sēotu.

Line: 22       Do·raga immorro, ar Rōnán.
      Do·raga immorro, ar Rōnán.

Line: 23       Tic-side iar sin ocus feraid fāilti móir frie-si.
      Tic-side iar sin ocus feraid fāilti móir frie-si.

Line: 24       Rot bia grādugud, or in gilla. A n-at·chotfam-ni do s°ētaib 7
      Rot bia grādugud, or in gilla. A=N at=L·cotfam-ni do=L sētaib ocus

Line: 25    maīnib, is duit ragas ar grādugud Rōnāin.
   maīnib, is duit ragas ar grādugud Rōnāin.

Line: 26       Is maith lim-sa, or sī, mo les do dēnam duit-siu.
      Is maith lim-sa, or sī, mo les do dēnam duit-siu.

Line: 27       Ócben chóem ina hinaltus-si. Ros faīd chuci fo-chētóir dia
      Ócben=L cóem ina=h inaltus-si. Ros faīd=L cuci fo-chētóir dia

Line: 28    athchungid (.i. Maīl F°othartaig). Nīro lam ind ócben a rād, nā
   athchungid (.i. Maīl=L Fothartaig). Nīro lam ind ócben a rād, nā

Line: 29    ros marba Mael Fothartaig, coro bāig-si frie a cend do béim di
   ros marba Mael Fothartaig, coro bāig-si frie a cend do béim di

Line: 30    acht mani aprad. Fecht and baí Mael Fothartaig oc imbirt
   acht mani aprad. Fecht and baí Mael Fothartaig oc imbirt=L

Page of edition: 4 
Line: 31    f°idchille fria dā chomalta .i. Dond ocus Congal, dā mac a aiti; it
   fidchille fria dā=L comalta .i. Dond ocus Congal, dā mac a aiti; it

Line: 32    eat no bítis imbi do grés. Gaibid ind ócben chucu co mboí oc
   eat no bítis imbi do grés. Gaibid ind ócben=L cucu co=N boí oc

Line: 33    imbirt fidchille friu. No thriallad a rád; nī laimed, no imdergtha
   imbirt fidchille friu. No=L triallad a rád; nī laimed, no imdergtha

Line: 34    impi. Airigit ind f°ir a n-í-sin. Luid Mael Fothartaig uaidib.†
   impi. Airigit ind=L fir a=N í-sin. Luid Mael Fothartaig uaidib.

Line: 35       Cid ass āil duit-siu do rād? ar Congal frisin mnaī.
      Cid ass āil duit-siu do rād? ar Congal frisin mnaī.

Line: 36       Nī dam ass āil, or sī, acht do ingin Echach rop áil Mael
      Nī dam ass āil, or sī, acht do ingin Echach rop áil Mael

Line: 37    Fothartaig na cardess.
   Fothartaig na cardess.

Line: 38       Nā hapair, a ben, or Congal. Bia marb dianat chluine Mael
      Nā hapair, a ben, or Congal. Bia marb dianat=L cluine Mael

Line: 39    Fothartaig. Do·gēn-sa do les-su féin fris-seom chena, mad áil
   Fothartaig. Do·gēn-sa do les-su féin fris-seom=L cena, mad áil

Line: 40    duit.
   duit.

Line: 41       At·beir ind ócben frie-si.
      At·beir ind ócben frie-si.

Line: 42       Is maith lem, or si-si, ar ro·lēma-su a rād ind aithisc acht co
      Is maith lem, or si-si, ar ro·lēma-su a rād ind aithisc acht co

Line: 43    comrís fēin fris; ocus dēna mo les-sa iarum friss.
   comrís fēin fris; ocus dēna mo les-sa iarum friss.

Line: 44       Do·gnīther. Foid ind ócben leis .i. la Mael Fothartaig.
      Do·gnīther. Foid ind ócben leis .i. la Mael Fothartaig.

Line: 45       Maith tra, or si, nī dingne-su mo les-sa a fecht-sa. Is ferr
      Maith tra, or si, nī dingne-su mo les-sa a fecht-sa. Is ferr

Line: 46    let in fer ucut t'oenur. Bet† marb-so dano lim-sa.
   let in fer ucut t' oenur. Bet marb-so dano lim-sa.

Line: 47       Feccaid in ben laa n-and ic coí fri Male Fothartaig.
      Feccaid in ben laa=N and ic coí fri Male Fothartaig.

Line: 48       Cid daí, a ben? or sē.
      Cid daí, a ben? or sē.

Line: 49       Ingen Echdach oc báig mo marbtha frim, olsi, uair nach
      Ingen Echdach oc báig mo marbtha frim, olsi, uair nach

Line: 50    dēnaim a lles frit-so, co comairsed frit.
   dēnaim a=G les frit-so, co comairsed frit.

Line: 51       Dóich dano, or sē. Nī sechbaid duit, or sē, ro gabais chom-
      Dóich dano, or sē. Nī sechbaid duit, or sē, ro gabais=L commairchi.

Line: 52    mairchi. Dianom bertha-sa, a ben, or sē, i cualchlais tened fo
   Dianom bertha-sa, a ben, or sē, i cualchlais tened fo=L

Line: 53    thrí co ndernad min 7 luaith dím, ní chomraicfind fri mnaī
   trí co=N dernad min ocus luaith dím, ní=L comraicfind fri mnaī

Line: 54    Rónāin, cid ed nomm ainsed airi sin uile. Regat-sa dano, or sē,
   Rónāin, cid ed nomm ainsed airi sin uile. Regat-sa dano, or sē,

Line: 55    for a himgabāil.
   for a=h imgabāil.

Line: 56       Luid iar sin coīcait laech co mbaí hi crích Alban. Fo·geib
      Luid iar sin coīcait laech co=N baí=h i crích Alban. Fo·geib

Line: 57    fáilti móir la rīg nAlban. Coin le[s]-side fri míla maige, coin fri
   fáilti móir la rīg nAlban. Coin le[s]-side fri míla maige, coin fri

Line: 58    muca, coin fri haige. Nos marbtais immorro Doílīn ocus Daith-
   muca, coin fri=h aige. Nos marbtais immorro Doílīn ocus Daithlend

Line: 59    lend cach toffond ar úair ar a mbēlaib-side .i. dā choin Maele
   cach toffond ar úair ar a=N bēlaib-side .i. dā=L coin Maele

Line: 60    Fothartaig.† Cach cath ocus cach immarec no maided re ríg
   Fothartaig. Cach cath ocus cach immarec no maided re ríg

Line: 61    Alban, is Mael Fothartaig nod m°brissed.
   Alban, is Mael Fothartaig nod=N brissed.

Line: 62       Cid so, a Rónāin? or Lagin. In tusssa ruc Mael Fothartaig
      Cid so, a Rónāin? or Lagin. In tusssa ruc Mael Fothartaig

Line: 63    as tír? Beat† marb-so lin-ni mani thora a-ridisi.
   as tír? Beat marb-so lin-ni mani=L tora a-ridisi.

Page of edition: 5 
Line: 64       At·fiadar dō-som ōn; do·thaot-som an-air a-ridisi.†
      At·fiadar dō-som ōn; do=L·taot-som an-air a-ridisi.

Line: 65       Is ed do·rala an-air, do Dún Sobairchi. Ferthair fāilti mór
      Is ed do·rala an-air, do Dún Sobairchi. Ferthair fāilti mór

Line: 66    friss. Is olc duit-siu, a Mael Fothartaig, nāc[h] ruī fri ar
   friss. Is olc duit-siu, a Mael Fothartaig, nāc[h] ruī fri ar=N

Line: 67    n-ingin-ni. Is duit dos·ratsam, ocus nī dont s°enaithiuch ucut.
   ingin-ni. Is duit dos·ratsam, ocus nī dont=L senaithiuch ucut.

Line: 68       Olc ón immorro, ol Mael Fothartaig.
      Olc ón immorro, ol Mael Fothartaig.

Line: 69       Do·tháet Mael Fothartaig co Laigniu, ocus ferait fāilti móir
      Do=L·táet Mael Fothartaig co Laigniu, ocus ferait fāilti móir

Line: 70    fris. Foid ind ócben chētna leis.
   fris. Foid ind ócben=L cētna leis.

Line: 71       In fer uait dam-sa, or ingen Echdach fria sētchi, nó bás fort
      In fer uait dam-sa, or ingen Echdach fria sētchi, nó bás fort

Line: 72    bēolu!
   bēolu!

Line: 73       Ad·fēt-side do Mael Fothartaig.
      Ad·fēt-side do Mael Fothartaig.

Line: 74       Cid do·gēn friss so, a Chongail? or Mael Fothartaig.
      Cid do·gēn friss so, a=L Congail? or Mael Fothartaig.

Line: 75       Tuc a lōg dam-sa, or Congal,† ocus dingēbat in mnaī dít
      Tuc a lōg dam-sa, or Congal, ocus dingēbat in mnaī dít

Line: 76    connāchat imrāidfe etir.
   connāchat imrāidfe etir.

Line: 77       Rot bia mo ech cona s°rian ocus mo dechelt, or Mael Foth-
      Rot bia mo ech cona=L srian ocus mo dechelt, or Mael

Line: 78    artaig.
   Fothartaig.

Line: 79       Nī gēb, ar Congal, acht na dā choin, co rraib mo s°elb forru
      Nī gēb, ar Congal, acht na dā=L coin, co=G raib mo=L selb forru

Line: 80    na-mmá.
   na-mmá.

Line: 81       Rot biat, or Mael Fothartaig.
      Rot biat, or Mael Fothartaig.

Line: 82       Airg-siu ám i-mbárach, ar Congal, co mbē oc Buaib Aīfe
      Airg-siu ám i-mbárach, ar Congal, co=N bē oc Buaib Aīfe

Line: 83    oc taffond.
   oc taffond.

Line: 84       (Bae Aīfi .i. clocha filet la tóeb int s°léibe. It cosmaile fri bú
      (Bae Aīfi .i. clocha filet la tóeb int=L sléibe. It cosmaile fri bú

Line: 85    finna do chéin. For aīfe int s°lēibe a·taat.)
   finna do=L céin. For aīfe int=L slēibe a·taat.)

Line: 86       Eirg-siu didiu co rrabais oc mīlruth and. Ocus dálfaid in ben
      Eirg-siu didiu co=G rabais oc mīlruth and. Ocus dálfaid in ben

Line: 87    a ssétchi chucund, ocus no cureb-sa dít.
   a=G sétchi=L cucund, ocus no cureb-sa dít.

Line: 88       Ba fír sōn. As·bert a sētig frie. Ba fota lee co matain. Do-
      Ba fír sōn. As·bert a sētig frie. Ba fota lee co matain. Do=Glotar

Line: 89    llotar arna-bārach ina n-urdáil. Co n-accatar Congal ar a ciund.
   arna-bārach ina=N urdáil. Co=N accatar Congal ar a ciund.

Line: 90       Cia leth so, a dorman?† or sē. Ní maith duit imthecht
      Cia leth so, a dorman? or sē. Ní maith duit imthecht

Line: 91    t'oenur, acht mani[d] dáil fir no thēig. Eirgg dot tig, ar sē,
   t' oenur, acht mani[d] dáil fir no=L tēig. Eirgg dot tig, ar sē,

Line: 92    ocus beir miscaid.
   ocus beir miscaid.

Line: 93       Luid Congal lee coa teg. Co n-accatar cuccu do-ridisi.
      Luid Congal lee coa teg. Co=N accatar cuccu do-ridisi.

Line: 94       Amein, ar Congal, is imdergad rīg Lagen iss áil duit, a
      Amein, ar Congal, is imdergad rīg Lagen iss áil duit, a

Line: 95    drochben! Dianat accur-sa do-ridisi, or sē, bērat do chend co
   drochben! Dianat accur-sa do-ridisi, or sē, bērat do=L cend co=G

Page of edition: 6 
Line: 97    rraib for cuailli ar bēlaib Rōnāin. Drochben dia imdergad i
   raib for cuailli ar bēlaib Rōnāin. Drochben dia imdergad i

Line: 98    claidib ocus muinib a hoínur i ndáil gilla.
   claidib ocus muinib a=h oínur i=N dáil gilla.

Line: 99       Ro gab echlaisc di conda fargaib ina tig.
      Ro gab echlaisc di conda fargaib ina tig.

Line: 100       Ro·bēr-sa dano, or sī, loim fola it beolu-so.
      Ro·bēr-sa dano, or sī, loim fola it beolu-so.

Line: 101       Tic Rōnán dia thig. Do·thaet a munter ria Maīl Fothartaig
      Tic Rōnán dia=L tig. Do=L·taet a munter ria Maīl Fothartaig

Line: 102    is-tech. Anaid-seom a oenur a-mmaig oc mīlruth.
   is-tech. Anaid-seom a oenur a-mmaig oc mīlruth.

Line: 103       Cade Mael Fothartaig i-nnocht, a Chongail? ar Rōnán.
      Cade Mael Fothartaig i-nnocht, a=L Congail? ar Rōnán.

Line: 104       A·tá i-mmaig, ar Congal.
      A·tá i-mmaig, ar Congal.

Line: 105       Fē amai mo mac-sa do bith i-mmaig a oenur ocus a lín dia
      Fē amai mo mac-sa do bith i-mmaig a oenur ocus a lín dia

Line: 106    tabair mathius.
   tabair mathius.

Line: 107       Ro bodrais sind, or sī, oc imrádud do maic.
      Ro bodrais sind, or sī, oc imrádud do maic.

Line: 108       Is cóir a imrādud, ol Rōnán, ar nī fil i nHērinn mac as f°err do
      Is cóir a imrādud, ol Rōnán, ar nī fil i=N Hērinn mac as=L ferr do

Line: 109    rēir a athar. Ár is cumma a ét immon fer 7 immon mnaí† oc
   rēir a athar. Ár is cumma a ét immon fer ocus immon mnaí oc

Line: 110    Áth Clíath 7 oc Clár Daire Móir 7 oc Drochiut Charpri† amail
   Áth Clíath ocus oc Clár Daire Móir ocus oc Drochiut=L Carpri amail

Line: 111    bid a anim fessin no beth mom dágin-se, corop sám dam ocus
   bid a anim fessin no beth mom dágin-se, corop sám dam ocus

Line: 112    duit-siu, a ben, ar Rōnān.
   duit-siu, a ben, ar Rōnān.

Line: 113       Nī étann† úam-si ám, or si-si, in sāmchaire ass áil dó .i.
      Nī étann úam-si ám, or si-si, in sāmchaire ass áil dó .i.

Line: 114    comrac frim dot chind-so. Nocha† beo-sa iarum oc gabáil fris
   comrac frim dot=L cind-so. Nocha beo-sa iarum oc gabáil fris

Line: 115    nī bas sīriu. Rom·uc-sa Congal chuci co bo thrí ō matin co
   nī bas sīriu. Rom·uc-sa Congal=L cuci co bo=L trí ō matin co=N

Line: 116    n-erlós ar écin assa lāmaib.
   erlós ar écin assa lāmaib.

Line: 117       Mallacht fort beolu, a drochben, ar Rónán. Is gó duit.
      Mallacht fort beolu, a drochben, ar Rónán. Is gó duit.

Line: 118       At·chicera didiu comartha airi inn-ossa, or si-ssi. Gēb-sa
      At=L·cicera didiu comartha airi inn-ossa, or si-ssi. Gēb-sa

Line: 119    lethrand dús in ba cubaid frissa n°gēba-som.
   lethrand dús in ba cubaid frissa=N gēba-som.

Line: 120       Do·gnīth-som ōn cech n-iadchi do airiuc thuli di-ssi. No
      Do·gnīth-som ōn cech=N iadchi do airiuc=L tuli di-ssi. No

Line: 121    gaibed-som lethrand, no gaibed-si a lleth n-aill.
   gaibed-som lethrand, no gaibed-si a=G leth=N aill.

Line: 122       Do·lluid-som didiu a-mmaig co mboí oc tīrad a cholptha
      Do=G·luid-som didiu a-mmaig co=N boí oc tīrad a=L colptha

Line: 123    frisin tenid, ocus Congal inna f°arrad. Buí in drúth Mael Foth-
   frisin tenid, ocus Congal inna=L farrad. Buí in drúth Mael Fothartaig

Line: 124    artaig .i. Mac Glass, oc clessaib for lár in taige. Is and as·bert,
   .i. Mac Glass, oc clessaib for lár in taige. Is and as·bert,

Line: 125    ar rop úar in laa
   ar rop úar in laa


Line: 126       Is úar fri cloï† n°gaeithe
      Is úar fri cloï=N gaeithe

Line: 127       do neoch in·gair† Bū Aīfe.
      do neoch in·gair Bū Aīfe.


Page of edition: 7 
Line: 128       †Cluinti seo, a Rōnāin, or si-si. Gaib sin do-ridisi, or sī.
      Cluinti seo, a Rōnāin, or si-si. Gaib sin do-ridisi, or sī.


Line: 129       Is úar fri cloï n°gaíthe
      Is úar fri cloï=N gaíthe

Line: 130       do neoch in·gair† Bū Aīfe.†
      do neoch in·gair Bū Aīfe.

Line: 131        Iss ed ingaire mada, or si-se
       Iss ed ingaire mada, or si-se

Line: 132        cen bú, cen nech no chara.
       cen bú, cen nech no=L cara.


Line: 133       (.i. sech nī rānac-sa, nī thucais-siu na bú lat.)
      (.i. sech nī rānac-sa, nī=L tucais-siu na bú lat.)

Line: 134       Is fīr sōn a fecht-sa, ol Rónān.
      Is fīr sōn a fecht-sa, ol Rónān.

Line: 135       Caur ro baí for láim Rónāin .i. Aedān mac Fiachnai Lára.
      Caur ro baí for láim Rónāin .i. Aedān mac Fiachnai Lára.

Line: 136       A Aedán, or sē, gaī i mMael Fothartaig, ocus riced ní uait
      A Aedán, or sē, gaī i=G Mael Fothartaig, ocus riced ní uait

Line: 137    dano Congal.
   dano Congal.

Line: 138       Ō ro boī a druim friu frisin tenid, nod clanna Aedān ind
      Ō ro boī a druim friu frisin tenid, nod clanna Aedān ind

Line: 139    in gaī, co rruc a rrindi triit, co† tarlai ina s°uidi. Oc éirgiu do
   in gaī, co=G ruc a=G rindi triit, co tarlai ina=L suidi. Oc éirgiu do=L

Line: 140    Chongal dos·beir Aedán in n°gaī ind co tarla trína chride. Ro
   Congal dos·beir Aedán in=N gaī ind co tarla trína=L cride. Ro

Line: 141    leblain°g in drúth. Dos·léce Aedán in gae ina diaid co rruc a
   leblainhg in drúth. Dos·léce Aedán in gae ina diaid co=G ruc a

Line: 142    inathar ass.
   inathar ass.

Line: 143       Is lór, a Aedán, immot·beri forna feraib, or Mael Fothartaig
      Is lór, a Aedán, immot·beri forna feraib, or Mael Fothartaig

Line: 144    assa s°uidi.
   assa=L suidi.

Line: 145       Sirsan dúib ám, ar Rónān, nā fuarais-[s]iu mnaí do guidi
      Sirsan dúib ám, ar Rónān, nā fuarais-[s]iu mnaí do guidi

Line: 146    acht mo ben-sa.
   acht mo ben-sa.

Line: 147       Is truag in bréc sin, a Rōnán, or in gilla, do·ratad immut,
      Is truag in bréc sin, a Rōnán, or in gilla, do·ratad immut,

Line: 148    marbad d'oenmaic cen chinaid. Dar th'ordan-su ocus darsin
   marbad d' oenmaic cen=L cinaid. Dar=L t' ordan-su ocus darsin

Line: 149    dáil i tiag-sa .i. dál báis, ní mó mo chin-sa do imrādud comraic
   dáil i tiag-sa .i. dál báis, ní mó mo=L cin-sa do imrādud comraic

Line: 150    frie ol-daas con·rīsainn† frim māthair, acht a·tá ocom chungid ó
   frie ol-daas con·rīsainn frim māthair, acht a·tá ocom=L cungid ó=L

Line: 151    thānic a tír-se, conda tuc Congal fo thrí i-ndiu for cúlu nācham
   tānic a tír-se, conda tuc Congal fo=L trí i-ndiu for cúlu nācham

Line: 152    rosed-sa. Nī buí cin a marbtha la Congal.
   rosed-sa. Nī buí cin a marbtha la Congal.

Line: 153       No bered immorro in fiach a inathar ōn drūth for irdro-
      No bered immorro in fiach a inathar ōn drūth for irdrochiut.

Line: 154    chiut. No f°en°cad a beolu. No thibtís ind athig. Mebul la Mael
   No=L fenhcad a beolu. No=L tibtís ind athig. Mebul la Mael

Line: 155    Fothartaig. Is and as·bert-som
   Fothartaig. Is and as·bert-som

Line: 156       A Mic Glais
      A Mic Glais

Line: 157        timthais t'inathar inniut,
       timthais t' inathar inniut,

Line: 158       cid nā fetar-su náire?
      cid nā fetar-su náire?

Line: 159        athaig oc gáire immut.
       athaig oc gáire immut.

Page of edition: 8 
Line: 160       Marba iarum a triur. Ructha i tech fo leith. Luid Rōnán co
      Marba iarum a triur. Ructha i tech fo leith. Luid Rōnán co=N

Line: 161    mbuí fó chind a maic tri laa 7 teora† aidche.
   buí fó=L cind a maic tri laa ocus teora aidche.

Line: 162       Luid immorro Dond comalta Mael Fothartaig, bráthair
      Luid immorro Dond comalta Mael Fothartaig, bráthair

Line: 163    Congaile, fichit marcach co Dún Sobairche, co tartsat bréic im
   Congaile, fichit marcach co Dún Sobairche, co tartsat bréic im

Line: 164    Echdaig do thuidecht co hor crīche ar cend Mael Fothartaig ar
   Echdaig do=L tuidecht co hor crīche ar cend Mael Fothartaig ar

Line: 165    tabairt a ingini-seom for aithed, co tucat a chend 7 cend a
   tabairt a ingini-seom for aithed, co tucat a=L cend ocus cend a

Line: 166    maic ocus a mná.
   maic ocus a mná.

Line: 167       Is and as·bert† Rónán fo chind a maicc:
      Is and as·bert Rónán fo=L cind a maicc:


Line: 168       Is huar fri clóï ngaīthe
      Is huar fri clóï=N gaīthe

Line: 169       do neoch in·gair Bú Aīfe;
      do neoch in·gair Bú Aīfe;

Line: 170        iss ed ingaire mada
       iss ed ingaire mada

Line: 171        cen bū, cen neoch no chara.†
       cen bū, cen neoch no=L cara.


Line: 172       Is úar gaeth
      Is úar gaeth

Line: 173       i ndorus tige na llaech;
      i=N dorus tige na=G laech;

Line: 174        batar inmaine laoich†
       batar inmaine laoich

Line: 175        bītis etrainn† ocus gaīth.
       bītis etrainn ocus gaīth.


Line: 176       Cotail, a ingen Echach,
      Cotail, a ingen Echach,

Line: 177        is mór aichri na gaíthi;
       is mór aichri na gaíthi;

Line: 178       saeth lim-sa Mael Fothartaig
      saeth lim-sa Mael Fothartaig

Line: 179        do guin i cin mnā baīthe.
       do guin i cin mnā baīthe.


Line: 180       Cotail, a ingen Echach;
      Cotail, a ingen Echach;

Line: 181        ní sám lim, cen co tola,
       ní sám lim, cen co tola,

Line: 182       aicsin Mael[e] Fothartaig
      aicsin Mael[e] Fothartaig

Line: 183        inna léni lān f°ola.
       inna léni lān=L fola.


Line: 184       Ingen Echach: Mo-nuar, a marbáin chūili, or si-si
      Ingen Echach: Mo-nuar, a marbáin=L cūili, or si-si


Line: 185       immon·rualaid lín sūle,
      immon·rualaid lín sūle,

Line: 186        a ndo·ringénsam do chul
       a=N do·ringénsam do=L cul

Line: 187        rop sí do phian iat t'athchur.
       rop sí do=L pian iat t' athchur.


Page of edition: 9 
Line: 188       Rōnān:
      Rōnān:


Line: 189       Cotail, a ingen Echach,
      Cotail, a ingen Echach,

Line: 190        nīdat mera na doene;
       nīdat mera na doene;

Line: 191       cia broína-so do brattán
      cia broína-so do brattán

Line: 192        nī hé mo maccān chaíne.
       nī hé mo maccān=L caíne.


Line: 193       Is and-sin trā tānic Dond co tarlaic cend a hathar for a
      Is and-sin trā tānic Dond co tarlaic cend a=h athar for a

Line: 194    brunni-si, 7 cend a mmáthar 7 cend a derbrāthar. At·raig
   brunni-si, ocus cend a=G máthar ocus cend a derbrāthar. At·raig

Line: 195    suas iar sin co tarlaic imma scín co mbuí triana druim suas iar
   suas iar sin co tarlaic imma scín co=N buí triana druim suas iar

Line: 196    sin. Is and as·bert Rónán.
   sin. Is and as·bert Rónán.


Line: 197       Ro gab Eochaid oenlēni
      Ro gab Eochaid oenlēni

Line: 198        iar m°beith i lleind loborde;
       iar=N beith i=G leind loborde;

Line: 199       in brónān fil for Dún nÁis
      in brónān fil for Dún=N Áis

Line: 200        a·tá for Dún Soborche.
       a·tá for Dún Soborche.


Line: 201       Tabraid biäd, tabraid dig
      Tabraid biäd, tabraid dig

Line: 202       do choin Maoile† Fothartaig,
      do=L coin Maoile Fothartaig,

Line: 203        ocus tabrad nech aile
       ocus tabrad nech aile

Line: 204        biäd do choin Chongaile.
       biäd do=L coin=L Congaile.


Line: 205       Tabraid biäd, tabraid dig
      Tabraid biäd, tabraid dig

Line: 206       do choin Maīle Fothertaig,
      do=L coin Maīle Fothertaig,

Line: 207        cū fir do·bér(e)ad biäd
       cū fir do·bér(e)ad biäd

Line: 208        do neoch, cid luaig no criäd.
       do neoch, cid luaig no criäd.


Line: 209       Saeth lim cūrad Dathlinne
      Saeth lim cūrad Dathlinne

Line: 210        flescaib† tinne dar toebu;
       flescaib tinne dar toebu;

Line: 211       nī fil ar n-aithber fuirri
      nī fil ar=N aithber fuirri

Line: 212        ní sī ro rir ar coemu.
       ní sī ro rir ar coemu.


Line: 213       Doīlēne†
      Doīlēne

Line: 214       acum-sa fo·rroīgēne;†
      acum-sa fo=G·roīgēne;

Line: 215        a cend fo choim cāich ar uair
       a cend fo=L coim cāich ar uair

Line: 216        oc cungid neich nā fogébe.
       oc cungid neich nā fogébe.

Page of edition: 10 
Line: 217       Ind f°ir, ind óïc, ind eich,
      Ind=L fir, ind óïc, ind eich,

Line: 218       bítis im Mael Fothartaig,
      bítis im Mael Fothartaig,

Line: 219        nīptís formtig caemnai neich
       nīptís formtig caemnai neich

Line: 220        i mbethaid a n-airchinnig.
       i=N bethaid a=N airchinnig.


Line: 221       Ind f°ir, ind óïc, ind eich,
      Ind=L fir, ind óïc, ind eich,

Line: 222       bítis im Mael Fothartaig,
      bítis im Mael Fothartaig,

Line: 223        do·gnítis cen cosc a-maig†
       do·gnítis cen cosc a-maig

Line: 224        fo·f°ertais graffaind graigig.
       fo=L·fertais graffaind graigig.


Line: 225       Ind f°ir, ind óïc, ind eich
      Ind=L fir, ind óïc, ind eich

Line: 226       bítis im Mael Fothartaig
      bítis im Mael Fothartaig

Line: 227        batar menci-som uaraib
       batar menci-som uaraib

Line: 228        fo ilaig iar mbithbuadaib.
       fo ilaig iar=N bithbuadaib.


Line: 229       Munter Mael[e] Fothartaig
      Munter Mael[e] Fothartaig

Line: 230        cet lim cenptís desruithe;
       cet lim cenptís desruithe;

Line: 231       nī maith ro gabsat oc fir
      nī maith ro gabsat oc fir

Line: 232        do·ficed a n-esbuide.
       do·ficed a=N esbuide.


Line: 233       Mo mac-sa Mael Fothartaig
      Mo mac-sa Mael Fothartaig

Line: 234        diambo adba fid fata,
       diambo adba fid fata,

Line: 235       nī scoirtis cen immaire
      nī scoirtis cen immaire

Line: 236        rīg nā rīgdomna aca.
       rīg nā rīgdomna aca.


Line: 237       Mo mac-sa Mael Fothartaig
      Mo mac-sa Mael Fothartaig

Line: 238        im[me]·rēid Albain oraig,
       im[me]·rēid Albain oraig,

Line: 239       ba laech etir laechradaib,
      ba laech etir laechradaib,

Line: 240        im·bered a baind foraib.
       im·bered a baind foraib.


Line: 241       Mo mac-sa Mael Fothartaig
      Mo mac-sa Mael Fothartaig

Line: 242        ba hē cunnid na cuane,
       ba=h ē cunnid na cuane,

Line: 243       eo find fota for lassair
      eo find fota for lassair

Line: 244        ro gab adba co n-uare. Is uar.
       ro gab adba co=N uare. Is uar.


Page of edition: 11 
Line: 245       Iar sin trá bātar Lagin im Rōnān ocon chāiniud. Roíntir
      Iar sin trá bātar Lagin im Rōnān ocon=L cāiniud. Roíntir

Line: 246    Rōnān dar a ais. Tiagair for tairr Aedáin ocus air·gabthair la da
   Rōnān dar a ais. Tiagair for tairr Aedáin ocus air·gabthair la da

Line: 247    mac Mael[e] Fothartaig .i. Aed ocus Mael Tuile. Nod goin int
   mac Mael[e] Fothartaig .i. Aed ocus Mael Tuile. Nod goin int

Line: 248    Aed co nderna criathar focha de.
   Aed co=N derna criathar focha de.

Line: 249       Nom léicid suas, a ócu, or sē, manip mo marbad as āil dúib.
      Nom léicid suas, a ócu, or sē, manip mo marbad as āil dúib.

Line: 250    In marb in fer? or sē.
   In marb in fer? or sē.


Line: 251       Marb immorro, or ind ōic.
      Marb immorro, or ind ōic.

Line: 252       Cia rod marb? or sē.
      Cia rod marb? or sē.

Line: 253       Rod marb Aed, ar ind ōic.
      Rod marb Aed, ar ind ōic.

Line: 254       Mael Tuile in rubai? or sē.
      Mael Tuile in rubai? or sē.

Line: 255       Nāthó, ar ind óic.
      Nāthó, ar ind óic.


Line: 256       Nīra gona duine co bráth! or sē. Buaid n°gaile immorro 7
      Nīra gona duine co bráth! or sē. Buaid=N gaile immorro ocus

Line: 257    gaiscid don mac rod mbí.
   gaiscid don mac rod=N bí.

Line: 258       Is and as·bert Rōnān
      Is and as·bert Rōnān


Line: 259       Is mór bríg
      Is mór bríg

Line: 260       do mac aithig guin maic ríg;
      do mac aithig guin maic ríg;

Line: 261        ba mend ina ló dála
       ba mend ina ló dála

Line: 262        d'Aedán mac F°iachnai Lāra.
       d' Aedán mac=L Fiachnai Lāra.


Line: 263       Tucad trā iar sin in cocad chucai-seom co dorus in taige.
      Tucad trā iar sin in cocad=L cucai-seom co dorus in taige.

Line: 264    Is and as·bert-som
   Is and as·bert-som


Line: 265       [In] cocad-so forsin maig
      [In] cocad-so forsin maig

Line: 266       anim cen Male Fothartaig;
      anim cen Male Fothartaig;

Line: 267        toeb frisin cocad nuä
       toeb frisin cocad nuä

Line: 268        nī f°ulain°g in senruä.
       nī=L fulainhg in senruä.


Line: 269       La sodain maidid a loim fola for a beolu ocus at·bail fo
      La sodain maidid a loim fola for a beolu ocus at·bail fo=L

Line: 270    chētóir.
   cētóir.



Line: 271 
Fingal Rōnāin in sin.

Fingal Rōnāin in sin.



Next part


This text is part of the TITUS edition of Corpus of Middle Irish Saga Texts.

Copyright TITUS Project, Frankfurt a/M, 12.8.2012. No parts of this document may be republished in any form without prior permission by the copyright holder.