TITUS
Brokmerrecht
Part No. 237
Previous part

Paragraph: 222  
222 (= Rq._217,_218)


Sentence: 1     Fon tha monne, ther flivth inna tsyurka {Anm.}.

Sentence: 2     Ief hir en mon flivth {Anm.} inna tsyureka and tha fivnd hine theron gelath, al thet hi thenna bire nedwere deth {Anm.}, thet lidse gresfelle; wirgath ma hine theron, sa gelde ma hine mith fiftahalwe ielde and tha liudem hunder {Anm.} merca, and thet hus thera liuda.

Sentence: 3     Nel hi thenna naut ofvnga, alsa tha fiund fonvngath bi helgenamonna and bi rediewena worde, sa resze hi alsa stor alsa thi, ther tha tsyurka bifeth; and hwasare enne mon asleyt innare tsyurika, sa resze hi hunder {Anm.} merca tha liudem and sexthech tha helegum.

Sentence: 4     Nellath hia of there tsyvrka nauvet vnga, therre thenna on send, sa vnge thi redia, ther vr tha tsyurka sueren heth, and kethe se of; nellet hia nawet ofvnga, sa berne hi thet forme beken bi achta mercum thes selwa deis; and ne vngat hia thenna naut of, sa berne alle sine sithar tha bekene thes letera deis and sogenie tha liude, alrec hira bi achta mercum; and hoc hira sa tha bekene naut ne bernt and sine liude naut ne brenth {Anm.}, sa lede ma oppa Page: 118  hine alra erest; and fivth {Anm.} hi with tha sithar, sa felle hit a tuira wegena.



Next part


This text is part of the TITUS edition of Brokmerrecht.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.