TITUS
Minor Old High German Monuments
Part No. 24
Previous part

Text: Georgsl. 
Page: S94 
Manuscript: Pal.Heid._52 
Georgslied

(Textherstellung Steinmeyer)

Cod. Pal. (Heidelb.) lat. 52, 200v


Ms. page: 200v 
Line: 1     Georio fuor ze malo   mit mikilemo herigo,
Line: 2     fone dero marko   mit mikilemo folko.
Line: 3     Fuor er ze demo ringe,   ze heuigemo dinge.
Line: 4     daz thinc uuas marista,   kote liebosta.
Line: 5     Ferliez er1 uuereltrike,   keuuan er himilrike.
Line: 6     daz keteta selbo   der mare crabo Georio.
Line: 7     Do sbuonun inen alla   kuninga so manega.
Line: 8     uuolton si inen erkeren,   neuuolta ern2 es horen.
Line: 9     Herte uuas daz Georigen muot,3   nehort er in es, segih guot,4
Line: 10     nub er al kefrumeti   des er ce kote digeti.
Line: 11     daz keteta selbo   sancte5 Gorio.
Line: 12     Do teilton6 si7 inen sare   ze demo karekare.
Line: 13     dar8 met imo do fuoren   engila de skonen.
Line: 14     Dar fand er9 ceuuei uuib,   kenerit er daz ire lib:
Line: 15     do uuorht er so skono   daz10 imbiz in frono.
Line: 16     daz ceiken uuorhta dare   Georio1 ce uuare.


Cod. Pal. (Heidelb.) lat. 485, 201r


Ms. page: 201r 
Line: 17     Georio do digita,   inan druhtin al geuuereta.
Line: 18     inan druhtin al geuuereta,2   des Gorio zimo digita.
Line: 19     Den tumben sprekenten,   den touben horenten,
Line: 20     den blinten det er sehenten,   den halcon gangentan.3
Line: 21     Ein sul stuont er4 manic5 iar:   uz sprang der6 loub sar.
Line: 22     daz zeiken uuorhta dare   Gorio ze uuare.
Line: 23     Begont ez der rike man   file harte zurenan,
Line: 24     Tacianus uuuoto7   zurent ez8 uuntardrato.
Line: 25     Er quat, Gorio uuari   ein koukelari.
Line: 26     hiez er Goriien fahen,   hiez en uzziehen,
Line: 27     hiez en slahen harto   mit uunteruuasso suereto.
Line: 28     Daz uueiz ik, daz ist aleuuar,   uf erstuont sik Goriio dar,
Line: 29     uf erstuont sik Goriio dar,   wola prediiot er dar.9
Line: 30     die heidenen man   kescante10 Gorio drate11 fram.
Line: 31     Begont ez der rike man   filo harto zurnan.
Line: 32     do hiez er Goriion binten,   anen12 rad uuinten.
Page: S96   Line: 33     ce uuare sagen ik ez iu,   sie braken inen en ceniu.1
Line: 34     Daz uueiz ih, daz ist aleuuar,   uf erstuont sik Gorio dar,
Line: 35     uf irstuont sik Gorio dar,   uuola ... dar.2
Line: 36     die heidenen man   kescante3 Gorio file fram.4
Line: 37     Do hiez er Gorion fahen,   hiez en harto fillen.
Line: 38     man gehiez en muillen,   ze puluer al uerprennen.
Line: 39     man uuarf en in den prunnun:5   ........6
Line: 40     Poloton si der ubere   steine mikil menige.7
Line: 41     begonton si nen umbekan,   hiezen Gorien uf erstan.8
Line: 42     mikil teta Georio dar,9   so10 er io tuot in war.11
Line: 43     Daz uueiz ik, daz ist aleuuar,   uf erstuont sik Gorio dar,
Line: 44     uf erstuont sik Gorio dar,   uz spranc der12 uuac13 sar.14
Line: 45     die heidenen man   kescante15 Gorio file fram.
Line: 46     Gorio einen toten16 man   uf hiez er stantan,


Cod. Pal. (Heidelb.) lat. 52, 201v


Ms. page: 201v 
Line: 47     er hiez en dare cimo kan,   hiez en sar sprekan.
Page: S97   Line: 48     Do segita ......   ........1
Line: 49     quuat, si uuarin florena,2   demo3 tiufele al petrogena.
Line: 50     daz cunt uns4 selbo   sancte5 Gorio.
Line: 51     Do gienc6 er ze dero kamero   ze dero chuninginno,
Line: 52     pegont er sie leren,   begonta si mes horen.
Line: 53     Elossandria,   si uuas dogelika,
Line: 54     si ilta sar uuole tuon,   den iro scaz7 spenton.
Line: 55     Si spentota iro triso dar:   daz hilfet sa8 manec iar.
Line: 56     fon euuon uncen euuon   so .... en gnadon.
Line: 57     daz erdigita selbo   hero sancte Gorio.
Line: 58     Gorio huob dia hant + uf:   erbibinota Abollin.
Line: 59     gebot er uper den hellehunt:   do fuor er sar en abcrunt.
Page:    Section:    Manuscript:    Ms. page:  



Next part


This text is part of the TITUS edition of Minor Old High German Monuments.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.