TITUS
Minor Old High German Monuments
Part No. 28
Previous part

Text: Ps.138  
Page: S105  
Manuscript: Vind._1609  
XXII. Psalm CXXXVIII


Cod. Vind. (ÖNB) 1609, 69r


Ms. page: 69r 
Line: 1     Uuellet1 ir gihoren   Dauiden den guoton,
Line: 2     
den sinen touginon sin?   er gruozte2 sinen trohtin:
Line: 3     
Ia gichuri du mih, trohtin,   inte irchennist uuer3 ih pin
Line: 4     
fone demo aneginne4   uncin5 an daz enti.
Line: 5     
Nemegih6 in gidanchun   fore dir giuuanchon:
Line: 6     
du irchennist allo stiga,   se uuarot so ih ginigo.
Line: 7     
So uuare sose ih cherte minen zoum,7   so rado nami dus goum:
Line: 8     
den uuech furiuuorhtostu mir,   daz ih mih cherte after dir.8
Line: 9     
Du hapest mir de zungun   so fasto piduungen,9
Line: 10     
daz ih ane din gipot   nespricho10 nohein uuort.
Line: 11     
Uuie michiliu11 ist   de12 din giuuizida,13 Christ,14
Line: 12     
fone mir ce dir gitan!15   uuie mahtih dir intrinnen!16
Line: 13     
Far ih uf ze himile,   dar pistu mit herie,
Page: S106   Line: 14     
ist ze hello min fart,1   dar pistu geginuuart:2
Line: 15     
nemegih in nohhein lant,   nupe mih hapet din hant.
Line: 16     
Nu uuillih mansleccun   alle fone mir gituon,3
Line: 17     
alle die mir rieton   den unrehton rihtuom.
Line: 18     
Alle4 die mir rietun   den unrehton rihtuom,
Line: 19     
die sint fienta din,   mit den uuillih gifeh sin.
Line: 20     
De uuider dir uuellent tuon,   de uuillih fasto nidon,
Line: 21     
alle durh dinen ruom   mir ze fiente tuon.
Line: 22     
Du got mit dinero giuualt   scirmi iogiuuedrehalp,5
Line: 23     
mit dinero chrefti6   pinim du mo daz scefti,7
Line: 24     
nela du mos de muozze,8   daz er mih se9 aneskiozze.


Cod. Vind. (ÖNB) 1609, 69v


Ms. page: 69v 
Line: 25     
De10 sela uuorhtostu mir,   die pisazi du mir.
Line: 26     
du uurti sar min giuuar,   so mih de muoter gipar.
Line: 27     
Noh trof ih des nelougino,   des du tati tougino,11
Line: 28     
nupe ih fone gipurti   ze erdun auer uurti.
Line: 29     
Far ih in de12 finster,   dar hapest du mih sar:
Line: 30     
ih uueiz daz din nacht13 mach14   sin so lioht also tach.
Line: 31     
So uuillih danne file fruo   stellen mino federa:
Line: 32     
peginno15 ih danne fliogen   sose er netete nioman.
Line: 33     
Peginno ih danne16 fliogen   sose er netete nioman,
Line: 34     
so fliugih ze enti ienes17 meres:   ih uueiz daz du mih dar irferist;
Page: S107   Line: 35     
nemegih in nohhein lant,   nupe mih hapet din hant.
Line: 36     
Nu chius dir fasto ze mir,   upe ih mih chere after dir:
Line: 37     
du ginadigo got,   cheri mih framort,1
Line: 38     
mit dinen ginadun   gihalt mih dir in euun.2
Page:    Section:    Manuscript:    Ms. page:  



Next part



This text is part of the TITUS edition of Minor Old High German Monuments.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.