TITUS Texts: Minor Old High German Monuments

TITUS
Minor Old High German Monuments
Part No. 53

Previous part

Text: Lrsch.Beichte
Page: S323
Manuscript: Vat.lat._485
XLVI. Lorscher Beichte

Cod. Pal. (Vaticana) lat. 485, p. 2^v

Ms. page: 2v
Line: 1        Ih gihu gote¹ alamahtigen fater inti allen sinen sanctin inti desen
Line: 2     uuihidon inti thir gotes manne allero² minero sunteno, thero ih gidahda
Line: 3     inti gisprah inti gideda,³ thaz uuidar gote uuari inti daz uuidar

Cod. Pal. (Vaticana) lat. 485, p. 3^r

Line: 4     minera christanheiti uuari inti uuidar⁴ Ms. page: 3r   minemo gilouben inti uuidar
Line: 5     mineru uuihun doufi⁵ inti uuidar mineru bigihdi. Ih giu nides, abunstes,⁶
Line: 6     bispraha, sueriennes, firinlustio, zitio⁷ forlazanero, ubermuodi,
Line: 7     geili, slafheiti, tragi gotes ambahtes, huoro uuilleno, farligero, inti
Line: 8     mordes inti manslahta, ubarazi, ubartrunchi.⁸ Ih gihu, thaz ih minan
Line: 9     fater inti mina muater so niereda so ih scolda, inti daz ih minan
Line: 10     hereron so niereda so ih scolda inti inan so niminnoda so ih scolda,
Line: 11     inti mine nahiston so niminnoda so ih scolda, inti min uuip inti
Line: 12     min kind so niminnoda inti nileerda so ih scolda, inti mine iungeron
Line: 13     so nileerda inti niminnoda so ih scolda, indi mine fillola so niereda
Line: 14     indi⁹ nileerda so ih scolda. Ih¹⁰ gihu, thaz ih then uuihon sunnundag
Page: S324   Line: 15     inti thia heilagun missa so niereda inti nimarda so ih scolda. Ih
Line: 16     gihu, daz ih minan¹ decemon nifargalt so ih scolda, thaz ih stal inti
Line: 17     ferstolan fehota. Ih gihu, thaz ih siohero niuuisoda, serege nigidrosda,
Line: 18     gast nintfianc² so ih scolda, gisahane nigisuonda, thie ih gisuenen
Line: 19     mohda, thaz ih meer³ giuuar inti unsipberon gisageda thanne ih
Line: 20     scoldi. Ih gihu, thaz ih daz giloupda, thaz ih gilouben niscolda, thaz
Line: 21     ih nigilaupta, thaz ih gilouben scolta. Ih⁴ gihu unrehtero gisihto,
Line: 22     unrehtera gihorida, unrehtero gidanco, unrehdero uuordo, unrehdero
Line: 23     uuerco, unrehtero sedelo, unrehtero stadalo, unrehtero legero, unrehtero
Line: 24     gango, unrehtes anafanges, unrehtero cosso. Ih gihu, thaz ih
Line: 25     minan heit brah, meinan⁵ heit suuor in uuihidon inti bi gotes heilogon.
Line: 26     Ih gihu ungihorsami, ungithulti, untriuuono, abulges [zit hielt] inti
Line: 27     strites. Ih⁶ gihu, thaz ih heilac ambaht inti min gibet ruoholoso deda
Line: 28     inti daz ih daz uuiha uuizzod unbigihtic inti unuuirdic nam, inti daz

Cod. Pal. (Vaticana) lat. 485, p. 3^v

Line: 29     so nihialt inti so niereda so ih scolta,⁷ Ms. page: 3v   inti daz heilaga cruci so niereda
Line: 30     noh nigidruog so ih scolda, noh⁸ thero gibennidero⁹ fastono inti
Line: 31     thero crucithrahto¹⁰ so nierfulta noh nihialt so ih scolda. Ih gihu,
Line: 32     thaz ih biscoffa¹¹ inti priesda inti gotes man so niereda inti niminnoda
Line: 33     so ih scolda, meer sprah inti suuigeda thanne ih scolti. Ih gihu, daz
Line: 34     ih mih selbon mit lustin inti mit argen uuillon int mit argen githancon
Line: 35     biuual int giunsubrida meer thanne ih scoldi. Thes alles inti anderes
Line: 36     manages, thes ih uuidar¹² gotes uuillen gifrumita inti uuidar minemo
Line: 37     rehde, so ih¹³ iz¹⁴ uuizzantheiti dadi so unuuizzandi, so ih iz in naht¹⁵
Line: 38     dadi so in dag, so ih iz slafandi dadi so uuahhandi, so ih iz mit uuillen
Line: 39     dadi so ana uuillon: so¹⁶ uuaz so ih thes alles uuidar gotes uuillen
Line: 40     gidadi, so gan ih es in gotes almahtigen muntburt inti in sino ginada
Line: 41     inti in lutarliha bigiht gote almahtigen inti allen sinen sanctin inti
Line: 42     thir gotes manne mit gilouben inti mit riuuuon inti mit uuillen zi
Line: 43     gibuozanne, inti bitdiu thih mit otmuodi, thaz thu giuuerdos gibeton
Line: 44     furi mih, thaz druhdtin thuruh sino ginada giuuerdo mir farlazan
Line: 45     allo mino sunda.
Line: 46        Inther¹⁷ priast quede thanne "Dominus custodiat¹⁸ te ab omni malo.
Line: 47     Benedicat te deus pater, custodiat¹⁸ te deus filius, inluminet²⁰ te deus
Line: 48     spiritus sanctus. Indulgeat tibi dominus omnia peccata tua" et cetera.
Page:    Section:    Manuscript:    Ms. page:

Next part

This text is part of the TITUS edition of Minor Old High German Monuments.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.