| Ms. line: 1 | Senu tho sume fon then uuarton |
| Ms. line: 2 | quamun in thia burg |
| Ms. line: 3 | inti sagetun then heroston |
| Ms. line: 4 | thero heithaftono alliu |
| Ms. line: 5 | thiu dar gitan uurdun. |
| Ms. line: 6 | Inti gisamanote mit then alton |
| Ms. line: 7 | girate intfanganemo |
| Ms. line: 8 | ginuhtsaman mietscáz |
| Ms. line: 9 | gabun then kenfon quædenti: |
| Ms. line: 10 | quædet: bidiu uuanta sine iungoron |
| Ms. line: 11 | quamun nahtes inti forstalun inan |
| Ms. line: 12 | úns sláfenten. |
| Ms. line: 13 | Inti oba thaz gihorit uuirdit |
| Ms. line: 14 | fon themo grauen, uuir spanen ínan |
| Ms. line: 15 | inti ursurge tuomes íuuuih. |
| Ms. line: 16 | Sie tho intfanganemo mietscazze |
| Ms. line: 17 | tatun so sie uuarun gilerte, |
| Ms. line: 18 | inti uuas tho gimarit |
| Ms. line: 19 | thaz uuort mit then Iudeon |
| Ms. line: 20 | unzan hiutlichan tag. |
