| Ms. line: 4 | Morgane íu tho giuúortanemo |
| Ms. line: 5 | stuont ther heilant in stedíu, |
| Ms. line: 6 | nalles thóh uúidaro ni forstúontun |
| Ms. line: 7 | thie iungoron thaz iz ther héilant uúas. |
| Ms. line: 8 | Tho quad ín ther heilant: knéhta, |
| Ms. line: 9 | eno habet ir uuaz muoses? |
| Ms. line: 10 | Sie tho antalengitun imo: |
| Ms. line: 11 | neín. Sentence: 3 Tho quad her ín: |
| Ms. line: 12 | sentet in zeso thes skéfes nezi, |
| Ms. line: 13 | inti ir findet. Sentence: 4 Santun uúarlicho |
| Ms. line: 14 | inti iu ni mohtun |
| Ms. line: 15 | thaz ziohan |
| Ms. line: 16 | fora thera menigi físgo. |
| Ms. line: 17 | Quad uuarlicho ther iungoro |
| Ms. line: 18 | then ther heilant minnota Petruse: |
| Ms. line: 19 | trohtin ist iz. Sentence: 6 Simon Petrus, |
| Ms. line: 20 | mittíu her gihorta thaz iz trohtin uúas, |
| Ms. line: 21 | mit dunichun bigurta sih |
| Ms. line: 22 | (uuas uuarlicho nackot) |
| Ms. line: 23 | inti santa sih in then séo. |
| Ms. line: 24 | Thie andere iungoron |
| Ms. line: 25 | mit ferennu quamun |
| Ms. line: 26 | (ni uuarun sie ferro fon érdu, |
| Ms. line: 27 | oh so zuueihunt elinono uuas) |
| Ms. line: 28 | thinsenti thaz nezzi fisgo. |
