| Ms. line: 21 | Mittiu sie tho ázun, |
| Ms. line: 22 | quad Simone Petre ther heilant: |
| Ms. line: 23 | Simon Iohannis, minnostu mih |
| Ms. line: 24 | mer thesen? |
| Ms. line: 25 | Quad imo: zisperiu, trohtin: |
| Ms. line: 26 | thú uueist thaz ih thih minnon. |
| Ms. line: 27 | Quad her imo: fuotri miniu lembir. |
| Ms. line: 28 | Tho quad her imo abur: |
| Ms. line: 29 | Simon Iohannis, |
| Ms. line: 30 | minnostu mih? Her quad imo: |
| Ms. line: 31 | zisperiu, trohtin: |
| Ms. line: 32 | thú uueist thaz ih thih minnon. |
| Ms. line: 1 | Tho quad her imo: |
| Ms. line: 2 | fuotri miniu lembir. |
| Ms. line: 3 | Tho quad her imo thrittun stunt: |
| Ms. line: 4 | Simon Iohannis, minnostu mih? |
| Ms. line: 5 | Gitruobit uuas tho Petrus, |
| Ms. line: 6 | uuanta her imo quad thrittun stunt: |
| Ms. line: 7 | minnostu mih? inti quad imo: |
| Ms. line: 8 | trohtin, thu uueist alliu, |
| Ms. line: 9 | thu uueist thaz ih thih minnon. |
| Ms. line: 10 | Tho quad her imo: fuotri miniu scáf. |
| Ms. line: 11 | Uuar uuar quidu ih thir, |
| Ms. line: 12 | mittiu thu iungiro uuari, |
| Ms. line: 13 | bigurtos thih inti giengi |
| Ms. line: 14 | thara thu uuoltas: mittiu thú altes, |
| Ms. line: 15 | thenis thíno henti, |
| Ms. line: 16 | inti ander thih gurtit |
| Ms. line: 17 | inti leitit thih thara thú ni uúilis. |
| Ms. line: 18 | Thaz quad her |
| Ms. line: 19 | gizeihnonti in uúelichemo tode |
| Ms. line: 20 | her giberohtonti uuas got. |
