TITUS
Text collection: Edda
Edda
On the basis of the edition
Edda,
Die Lieder des Codex Regius
nebst verwandten Denkmälern,
hrsg. v. Gustav Neckel,
I. Text,
5., umgearbeitete Auflage von Hans Kuhn,
Heidelberg: Carl Winter 1983
prepared for the TITUS collection
by David Stifter and Sigurdur H. Palsson,
Vienna 1994;
corrections by Fabrizio Ducci,
2001;
TITUS version by Jost Gippert,
Frankfurt a/M, 28.2.1998 / 21.6.1998 / 3.10.1999 / 1.6.2000 / 13.4.2002 / 1.3.2003
Song: Vsp.
Strophe: 1
(VǪLOSPÁ)
Strophe: 1
Verse: 1 Hlióðs bið ec allar helgar kindir,
Verse: 2 meiri oc minni, mǫgo Heimdalar;
Verse: 3 vildo, at ec, Valfǫðr, vel fyrtelia
Verse: 4 forn spiǫll fira, þau er fremst um man.
Strophe: 2
Verse: 1 Ec man iǫtna, ár um borna,
Verse: 2 þá er forðom mic fœdda hǫfðo;
Verse: 3 nío man ec heima, nío íviði,
Verse: 4 miǫtvið mœran fyr mold neðan.
Strophe: 3
Verse: 1 Ár var alda, þat er Ymir bygði,
Verse: 2 Vara sandr né sær né svalar unnir;
Verse: 3 iorð fannz æva né upphiminn,
Verse: 4 gap var ginnunga, enn gras hvergi.
Strophe: 4
Verse: 1 Áðr Burs synir biǫðom um ypþo,
Verse: 2 þeir er miðgarð, mœran, scópo;
Verse: 3 sól scein sunnan á salar steina,
Verse: 4 þá var grund gróin grœnom lauki.
Strophe: 5
Verse: 1 Sól varp sunnan, sinni mána,
Verse: 2 bendi inni hœgri um himinioður;
Verse: 3 sól þat né vissi, hvar hon sali átti,
Verse: 4 Stiornor þat né visso, hvar þær staði átto,
Verse: 5 máni þat né vissi, hvat hann megins átti.
Strophe: 6
Verse: 1 Þá gengo regin ǫll á rǫcstóla,
Verse: 2 Ginnheilog goð, oc um þat gættuz:
Verse: 3 nótt oc niðiom nǫfn um gáfo,
Verse: 4 morgin héto oc miðian dag,
Verse: 5 undorn oc aptan, árom at telia.
Strophe: 7
Verse: 1 Hittuz æsir á Iðavelli,
Verse: 2 þeir er hǫrg oc hof há timbroðo;
Verse: 3 afla lǫgðo, auð smiðoðo,
Verse: 4 tangir scópo oc tól gorðo.
Strophe: 8
Verse: 1 Teflðo í túni, teitir vóro,
Verse: 2 var þeim vættergis vant ór gulli,
Verse: 3 unz þriár qvómo þursa meyiar,
Verse: 4 ámátcar mioc, ór iǫtunheimom.
Strophe: 9
Verse: 1 Þá gengo regin ǫll á rǫcstóla,
Verse: 2 Ginnheilog goð, oc um þat gættuz,
Verse: 3 hverr scyldi dverga dróttin scepia,
Verse: 4 ór Brimis blóði oc ór Bláins leggiom.
Strophe: 10
Verse: 1 Þar var Mótsognir mæztr um orðinn
Verse: 2 dverga allra, enn Durinn annarr;
Verse: 3 þeir manlícon mǫrg um gorðo,
Verse: 4 dvergar, ór iorðo, sem Durinn sagði.
Strophe: 11
Verse: 1 Nýi oc Niði, Norðri oc Suðri,
Verse: 2 Austri oc Vestri, Alþiófr, Dvalinn,
Verse: 3 Bívǫrr, Bávǫrr, Bǫmburr, Nóri,
Verse: 4 Án oc Ánarr, Ái, Mioðvitnir.
Strophe: 12
Verse: 1 Veigr oc Gandálfr, Vindálfr, Þráinn,
Verse: 2 Þeccr oc Þorinn, Þrór, Vitr oc Litr,
Verse: 3 Nár oc Nýráðr - nú hefi ec dverga
Verse: 4 - Reginn oc Ráðsviðr - rétt um talða.
Strophe: 13
Verse: 1 Fíli, Kíli, Fundinn, Náli,
Verse: 2 Hepti, Víli, Hánarr, Svíurr,
Verse: 3 Frár, Hornbori, Frægr oc Lóni,
Verse: 4 Aurvangr, Iari, Eikinscialdi.
Strophe: 14
Verse: 1 Mál er, dverga í Dvalins liði
Verse: 2 lióna kindom til Lofars telia,
Verse: 3 þeir er sótto frá salar steini
Verse: 4 Aurvanga siǫt til Iorovalla.
Strophe: 15
Verse: 1 Þar var Draupnir oc Dólgþrasir,
Verse: 2 Hár, Haugspori, Hlévangr, Glói,
Verse: 3 Scirvir, Virvir, Scáfiðr, Ái,
Strophe: 16
Verse: 1 Álfr oc Yngvi, Eikinscialdi,
Verse: 2 Fialarr oc Frosti, Finnr oc Ginnarr;
Verse: 3 þat mun uppi, meðan ǫld lifir,
Verse: 4 langniðia tal Lofars hafat.
Strophe: 17
Verse: 1 Unz þrír qvómo ór því liði,
Verse: 2 ǫflgir oc ástgir, æsir, at húsi;
Verse: 3 fundo á landi, lítt megandi,
Verse: 4 Asc oc Emblo, ørlǫglausa.
Strophe: 18
Verse: 1 ǫnd þau né átto, óð þau né hǫfðo,
Verse: 2 lá né læti né lito góða;
Verse: 3 ǫnd gaf Óðinn, óð gaf Hœnir,
Verse: 4 lá gaf Lóðurr oc lito góða.
Strophe: 19
Verse: 1 Asc veit ec standa, heitir Yggdrasill,
Verse: 2 hár baðmr, ausinn hvítaauri;
Verse: 3 þaðan koma dǫggvar, þærs í dala falla,
Verse: 4 stendr æ yfir, grœnn, Urðar brunni.
Strophe: 20
Verse: 1 Þaðan koma meyiar, margs vitandi,
Verse: 2 þriár, ór þeim sæ, er und þolli stendr;
Verse: 3 Urð héto eina, aðra Verðandi
Verse: 4 - scáro á scíði -, Sculd ina þriðio;
Verse: 5 þær lǫg lǫgðo, þær líf kuro
Verse: 6 alda bornom, ørlǫg seggia.
Strophe: 21
Verse: 1 Þat man hon fólcvíg fyrst í heimi,
Verse: 2 er Gullveigo geirom studdo
Verse: 3 oc í hǫll Hárs hána brendo;
Verse: 4 þrysvar brendo, þrysvar borna,
Verse: 5 opt, ósialdan, þó hon enn lifir.
Strophe: 22
Verse: 1 Heiði hana héto, hvars til húsa kom,
Verse: 2 vǫlo velspá, vitti hon ganda;
Verse: 3 seið hon, hvars hon kunni, seið hon hug leikinn,
Verse: 4 æ var hon angan illrar brúðar.
Strophe: 23
Verse: 1 Þá gengo regin ǫll á rǫcstóla,
Verse: 2 ginnheilog goð, oc um þat gættuz,
Verse: 3 hvárt scyldo æsir afráð gialda
Verse: 4 eða scyldo goðin ǫll gildi eiga.
Strophe: 24
Verse: 1 Fleygði Óðinn oc í fólc um scaut,
Verse: 2 þat var enn fólcvíg fyrst í heimi;
Verse: 3 brotinn var borðveggr borgar ása,
Verse: 4 knátto vanir vígspá vǫllo sporna.
Strophe: 25
Verse: 1 Þá gengo regin ǫll á rǫcstóla,
Verse: 2 ginnheilog goð, oc um þat gættuz,
Verse: 3 hverir hefði lopt alt lævi blandit
Verse: 4 eða ætt iǫtuns Óðs mey gefna.
Strophe: 26
Verse: 1 Þórr einn þar vá, þrunginn móði,
Verse: 2 hann sialdan sitr, er hann slíct um fregn;
Verse: 3 á genguz eiðar, orð oc sœri,
Verse: 4 mál ǫll meginlig, er á meðal fóro.
Strophe: 27
Verse: 1 Veit hon Heimdalar hlióð um fólgit
Verse: 2 Undir heiðvǫnom helgom baðmi;
Verse: 3 á sér hon ausaz aurgom forsi
Verse: 4 af veði Valfǫðrs - vitoð ér enn, eða hvat?
Strophe: 28
Verse: 1 Ein sat hon úti, þá er inn aldni kom
Verse: 2 Yggiungr ása, oc í augo leit:
Verse: 3 "Hvers fregnit mic, hví freistið mín?
Verse: 4 alt veit ec, Óðinn, hvar þú auga falt:
Verse: 5 í inom mæra Mímis brunni."
Verse: 6 Dreccr mioð Mímir morgin hverian
Verse: 7 af veði Valfǫðrs - vitoð ér enn, eða hvat?
Strophe: 29
Verse: 1 Valði henni Herfǫðr hringa oc men,
Verse: 2 fecc spiǫll spaclig oc spáganda;
Verse: 3 sá hon vítt oc um vítt of verold hveria.
Strophe: 30
Verse: 1 Sá hon valkyrior, vítt um komnar,
Verse: 2 gorvar at ríða til Goðþióðar;
Verse: 3 Sculd helt scildi, enn Scǫgul ǫnnor,
Verse: 4 Gunnr, Hildr, Gǫndul oc Geirscǫgul;
Verse: 5 nú ero talðar nǫnnor Herians,
Verse: 6 gorvar at ríða grund, valkyrior.
Strophe: 31
Verse: 1 Ec sá Baldri, blóðgom tívor,
Verse: 2 Óðins barni, ørlǫg fólgin;
Verse: 3 stóð um vaxinn, vǫllom hæri,
Verse: 4 miór oc mioc fagr, mistilteinn.
Strophe: 32
Verse: 1 Varð af þeim meiði, er mær sýndiz,
Verse: 2 harmflaug hættlig, Hǫðr nam scióta;
Verse: 3 Baldrs bróðir var of borinn snemma,
Verse: 4 sá nam Óðins sonr einnættr vega.
Strophe: 33
Verse: 1 Þó hann æva hendr né hǫfuð kembði,
Verse: 2 áðr á bál um bar Baldrs andscota;
Verse: 3 enn Frigg um grét í Fensǫlom
Verse: 4 vá Valhallar - vitoð ér enn, eða hvat?
Strophe: 34
Verse: 1 Þá kná Vála vígbǫnd snúa,
Verse: 2 heldr vóro harðgor hǫpt, ór þǫrmom.
Strophe: 35
Verse: 1 Hapt sá hon liggia undir hvera lundi,
Verse: 2 lægiarn líki Loca áþeccian;
Verse: 3 þar sitr Sigyn þeygi um sínom
Verse: 4 ver velglýiuð - vitoð ér enn, eða hvat?
Strophe: 36
Verse: 1 Á fellr austan um eitrdala,
Verse: 2 sǫxom oc sverðom, Slíðr heitir sú.
Strophe: 37
Verse: 1 Stóð fyr norðan, á Niðavǫllom,
Verse: 2 salr ór gulli Sindra ættar;
Verse: 3 enn annarr stóð á Ókólni,
Verse: 4 biórsalr iǫtuns, enn sá Brimir heitir.
Strophe: 38
Verse: 1 Sal sá hon standa sólo fiarri,
Verse: 2 Nástrǫndo á, norðr horfa dyrr;
Verse: 3 fello eitrdropar inn um lióra,
Verse: 4 sá er undinn salr orma hryggiom.
Strophe: 39
Verse: 1 Sá hon þar vaða þunga strauma
Verse: 2 menn meinsvara oc morðvarga,
Verse: 3 oc þannz annars glepr eyrarúno;
Verse: 4 þar saug Níðhǫggr nái framgengna,
Verse: 5 sleit vargr vera - vitoð er enn, eða hvat?
Strophe: 40
Verse: 1 Austr sat in aldna í Iárnviði
Verse: 2 oc fœddi þar Fenris kindir;
Verse: 3 verðr af þeim ǫllom einna noccorr
Verse: 4 tungls tiúgari í trollz hami.
Strophe: 41
Verse: 1 Fylliz fiorvi feigra manna,
Verse: 2 rýðr ragna siǫt rauðom dreyra;
Verse: 3 svort verða sólscin of sumor eptir,
Verse: 4 veðr ǫll válynd - vitoð ér enn, eða hvat?
Strophe: 42
Verse: 1 Sat þar á haugi oc sló hǫrpo
Verse: 2 gýgiar hirðir, glaðr Eggþér;
Verse: 3 gól um hánom í gaglviði
Verse: 4 Fagrrauðr hani, sá er Fialarr heitir.
Strophe: 43
Verse: 1 Gól um ásom Gullinkambi,
Verse: 2 sá vecr hǫlða at Heriafǫðrs;
Verse: 3 enn annarr gelr fyr iorð neðan,
Verse: 4 sótrauðr hani, at sǫlom Heliar.
Strophe: 44
Verse: 1 Geyr Garmr mioc fyr Gnipahelli,
Verse: 2 festr mun slitna, enn freki renna;
Verse: 3 fiolð veit hon froða, fram sé ec lengra
Verse: 4 um ragna rǫc, rǫmm, sigtýva.
Strophe: 45
Verse: 1 Brœðr muno beriaz oc at bǫnom verðaz,
Verse: 2 muno systrungar sifiom spilla;
Verse: 3 hart er í heimi, hórdómr mikill,
Verse: 4 sceggǫld, scálmǫld, scildir ro klofnir,
Verse: 5 vindǫld, vargǫld, áðr verold steypiz;
Verse: 6 mun engi maðr ǫðrom þyrma.
Strophe: 46
Verse: 1 Leica Míms synir, enn miǫtuðr kyndiz
Verse: 2 at ino gamla Giallarhorni;
Verse: 3 hátt blæss Heimdallr, horn er á lopti,
Verse: 4 mælir Óðinn við Míms hǫfuð.
Strophe: 47
Verse: 1 Scelfr Yggdrasils ascr standandi,
Verse: 2 ymr iþ aldna tré, enn iǫtunn losnar;
Verse: 3 hræðaz allir á helvegom,
Verse: 4 áðr Surtar þann sefi of gleypir.
Strophe: 49
Verse: 1 Geyr nú Garmr mioc fyr Gnipahelli,
Verse: 2 festr mun slitna, enn freki renna;
Verse: 3 fiolð veit hon froða, fram sé ec lengra
Verse: 4 um ragna rǫc, rǫmm, sigtýva.
Strophe: 50
Verse: 1 Hrymr ecr austan, hefiz lind fyrir,
Verse: 2 snýz iormungandr í iǫtunmóði;
Verse: 3 ormr knýr unnir, enn ari hlaccar,
Verse: 4 slítr nái neffǫlr, Naglfar losnar.
Strophe: 51
Verse: 1 Kióll ferr austan, koma muno Muspellz
Verse: 2 um lǫg lýðir, enn Loki stýrir;
Verse: 3 fara fífls megir með freca allir,
Verse: 4 þeim er bróðir Býleiptz í for.
Strophe: 48
Verse: 1 Hvat er með ásom, hvat er með álfom?
Verse: 2 gnýr allr iǫtunheimr, æsir ro á þingi;
Verse: 3 stynia dvergar fyr steindurom,
Verse: 4 veggbergs vísir - vitoð ér enn, eða hvat?
Strophe: 52
Verse: 1 Surtr ferr sunnan með sviga lævi,
Verse: 2 scínn af sverði sól valtíva;
Verse: 3 griótbiǫrg gnata, enn gífr rata,
Verse: 4 troða halir helveg, enn himinn klofnar.
Strophe: 53
Verse: 1 Þá kømr Hlínar harmr annarr fram,
Verse: 2 er Óðinn ferr við úlf vega,
Verse: 3 enn bani Belia, biartr, at Surti;
Verse: 4 þá mun Friggiar falla angan.
Strophe: 55
Verse: 1 Þá kømr inn micli mǫgr Sigfǫður,
Verse: 2 Víðarr, vega at valdýri;
Verse: 3 lætr hann megi Hveðrungs mund um standa
Verse: 4 hior til hiarta, þá er hefnt fǫður.
Strophe: 55H
Verse: 1 Gínn lopt yfir lindi iarðar,
Verse: 2 gapa ýgs kiaptar orms í hæðom;
Verse: 3 mun Óðins sonr ormi mœta,
Verse: 4 vargs at dauða Víðars niðia.
Strophe: 56
Verse: 1 Þá kømr inn mœri mǫgr Hlóðyniar,
Verse: 2 gengr Óðins sonr við úlf vega;
Verse: 3 drepr hann af móði miðgarðz véor,
Verse: 4 muno halir allir heimstǫð ryðia;
Verse: 5 gengr fet nío Fiorgyniar burr
Verse: 6 neppr frá naðri, níðs óqvíðnom.
Strophe: 57
Verse: 1 Sól tér sortna, sígr fold í mar,
Verse: 2 hverfa af himni heiðar stiornor;
Verse: 3 geisar eimi við aldrnara,
Verse: 4 leicr hár hiti við himin siálfan.
Strophe: 58
Verse: 1 Geyr nú Garmr mioc fyr Gnipahelli,
Verse: 2 festr mun slitna, enn freki renna;
Verse: 3 fiolð veit hon froða, fram sé ec lengra
Verse: 4 um ragna rǫc, rǫmm, sigtýva.
Strophe: 59
Verse: 1 Sér hon upp koma ǫðro sinni
Verse: 2 iorð ór ægi, iðiagrœna;
Verse: 3 falla forsar, flýgr ǫrn yfir,
Verse: 4 sá er á fialli fisca veiðir.
Strophe: 60
Verse: 1 Finnaz æsir á Iðavelli
Verse: 2 oc um moldþinur, mátcan, dœma,
Verse: 3 oc minnaz þar á megindóma
Verse: 4 oc á Fimbultýs fornar rúnar.
Strophe: 61
Verse: 1 Þar muno eptir undrsamligar
Verse: 2 gullnar tǫflor í grasi finnaz,
Verse: 3 þærs í árdaga áttar hǫfðo.
Strophe: 62
Verse: 1 Muno ósánir acrar vaxa,
Verse: 2 bǫls mun allz batna, Baldr mun koma;
Verse: 3 búa þeir Hǫðr oc Baldr Hroptz sigtóptir,
Verse: 4 vel, valtívar - vitoð ér enn, eða hvat?
Strophe: 63
Verse: 1 Þá kná Hœnir hlautvið kiósa,
Verse: 2 oc byrir byggia brœðra tveggia
Verse: 3 vindheim víðan - vitoð ér enn, eða hvat?
Strophe: 64
Verse: 1 Sal sér hon standa, sólo fegra,
Verse: 2 gulli þacþan, á Gimlé;
Verse: 3 þar scolo dyggvar dróttir byggia
Verse: 4 oc um aldrdaga ynðis nióta.
Strophe: 65
Verse: 1 Þá kømr inn ríki at regindómi,
Verse: 2 ǫflugr, ofan, sá er ǫllo ræðr.
Strophe: 66
Verse: 1 Þar kømr inn dimmi dreki fliúgandi,
Verse: 2 naðr fránn, neðan frá Niðafiollom;
Verse: 3 berr sér í fioðrom - flýgr vǫll yfir -,
Verse: 4 Níðhǫggr, nái - nú mun hon søcqvaz.
Verse: 1 Oc þessi segir hon (Vǫlospá) nǫfn þeira dverganna:
Verse: 2 {a} Nýi, Niði, Norðri, Suðri,
Verse: 3 Austri, Vestri, Alþiófr, Dvalinn,
Verse: 4 Nár, Náinn, Nípingr, Dáinn,
Verse: 5 Bífurr, Báfurr, Bǫmburr, Nóri,
Verse: 6 Óri, Ónarr, Óinn, Mioðvitnir,
Verse: 7 Vigr oc Gandálfr, Vindálfr, Þorinn,
Verse: 8 Fíli, Kíli, Fundinn, Váli,
Verse: 9 Þrór, Þróinn, Þeccr, Litr, Vitr,
Verse: 10 Nýr, Nýráðr,
Verse: 11 Reccr, Ráðsviðr.
Strophe: 2
Verse: 1 Enn þessir ero oc dvergar, oc búa í steinom:
Verse: 2 {b} Draupnir, Dólgþvari,
Verse: 3 Hǫrr, Hugstari, Hleðiólfr, Glóinn,
Verse: 4 Dóri, Óri, Dúfr, Andvari,
Verse: 5 Heptifíli, Hárr, Síarr.
Strophe: 3
Verse: 1 Enn þessir kómo frá Svarinshaugi til Aurvanga á Iorovǫllo,
Verse: 2 oc er kominn þaðan Lofarr. Þessi ero nǫfn þeira:
Verse: 3 {c} Scirvir, Virvir, Scafiðr, Ái,
Verse: 4 Álfr, Ingi, Eikinscialdi,
Verse: 5 Falr, Frosti, Fiðr, Ginnarr.
Verse: 1 Gáttir allar, áðr gangi fram,
Verse: 2 um scoðaz scyli,
Verse: 3 um scygnaz scyli;
Verse: 4 þvíat óvíst er at vita, hvar óvinir
Verse: 5 sitia á fleti fyrir.
Strophe: 2
Verse: 1 Gefendr heilir! gestr er inn kominn,
Verse: 2 hvar scal sitia siá?
Verse: 3 mioc er bráðr, sá er á brǫndom scal
Verse: 4 síns um freista frama.
Strophe: 3
Verse: 1 Eldz er þǫrf, þeims inn er kominn
Verse: 2 oc á kné kalinn;
Verse: 3 matar oc váða er manni þǫrf,
Verse: 4 þeim er hefir um fiall farið.
Strophe: 4
Verse: 1 Vatz er þǫrf, þeim er til verðar kømr,
Verse: 2 þerro oc þióðlaðar,
Verse: 3 góðs um oðis, ef sér geta mætti,
Verse: 4 orðz oc endrþǫgo.
Strophe: 5
Verse: 1 Vitz er þǫrf, þeim er víða ratar,
Verse: 2 dælt er heima hvat;
Verse: 3 at augabragði verðr, sá er ecci kann
Verse: 4 oc með snotrum sitr.
Strophe: 6
Verse: 1 At byggiandi sinni scylit maðr hrosinn vera,
Verse: 2 heldr gætinn at geði;
Verse: 3 þá er horscr oc þǫgull kømr heimisgarða til,
Verse: 4 sialdan verðr víti vorom;
Verse: 5 þvíat óbrigðra vin fær maðr aldregi
Verse: 6 enn manvit mikit.
Strophe: 7
Verse: 1 Inn vari gestr, er til verðar kømr,
Verse: 2 þunno hljóði þegir;
Verse: 3 eyrom hlýðir, enn augom scoðar;
Verse: 4 svá nýsiz fróðra hverr fyrir.
Strophe: 8
Verse: 1 Hinn er sæll, er sér um getr
Verse: 2 lof oc lícnstafi;
Verse: 3 ódælla er þat, er maðr eiga scal
Verse: 4 annars brióstom í.
Strophe: 9
Verse: 1 Sá er sæll, er siálfr um á
Verse: 2 lof oc vit, meðan lifir;
Verse: 3 þvíat ill ráð hefir maðr opt þegit
Verse: 4 annars brióstom ór.
Strophe: 10
Verse: 1 Byrði betri berrat maðr brauto at,
Verse: 2 enn sé manvit mikit;
Verse: 3 auði betra þiccir þat í ókunnom stað,
Verse: 4 slíct er válaðs vera.
Strophe: 11
Verse: 1 Byrði betri berrat maðr brauto at,
Verse: 2 enn sé manvit mikit;
Verse: 3 vegnest verra vegra hann velli at,
Verse: 4 enn sé ofdryccia ǫls.
Strophe: 12
Verse: 1 Era svá gott, sem gott qveða,
Verse: 2 ǫl alda sona;
Verse: 3 þvíat færa veit, er fleira dreccr,
Verse: 4 síns til geðs gumi.
Strophe: 13
Verse: 1 Óminnis hegri heitir, sá er yfir ǫlðrom þrumir,
Verse: 2 hann stelr geði guma;
Verse: 3 þess fugls fjǫðrom ec fiotraðr varc
Verse: 4 í garði Gunnlaðar.
Strophe: 14
Verse: 1 Ǫlr ec varð, varð ofrǫlvi
Verse: 2 at ins fróða Fialars;
Verse: 3 því er ǫlðr bazt, at aptr uf heimtir
Verse: 4 hverr sitt geð gumi.
Strophe: 15
Verse: 1 Þagalt oc hugalt scyli þióðans barn
Verse: 2 oc vígdiarft vera;
Verse: 3 glaðr oc reifr scyli gumna hverr,
Verse: 4 unz sinn bíðr bana.
Strophe: 16
Verse: 1 Ósniallr maðr hyggz muno ey lifa,
Verse: 2 ef hann við víg varaz;
Verse: 3 enn elli gefr hánom engi frið,
Verse: 4 þótt hánom geirar gefi.
Strophe: 17
Verse: 1 Kópir afglapi, er til kynnis kømr,
Verse: 2 þylsc hann um eða þrumir;
Verse: 3 alt er senn, ef hann sylg um getr,
Verse: 4 uppi er þá geð guma.
Strophe: 18
Verse: 1 Sá einn veit, er víða ratar
Verse: 2 oc hefir fiolð um farið,
Verse: 3 hverio geði stýrir gumna hverr,
Verse: 4 sá er vitandi er vitz.
Strophe: 19
Verse: 1 Haldit maðr á keri, drecci þó at hófi mioð,
Verse: 2 mæli þarft eða þegi;
Verse: 3 ókynnis þess vár þic engi maðr,
Verse: 4 at þú gangir snemma at sofa.
Strophe: 20
Verse: 1 Gráðugr halr, nema geðs viti,
Verse: 2 etr sér aldrtrega;
Verse: 3 opt fær hlogis, er með horscom kømr,
Verse: 4 manni heimscom magi.
Strophe: 21
Verse: 1 Hiarðir þat vito, nær þær heim scolo,
Verse: 2 oc ganga þá af grasi;
Verse: 3 enn ósviðr maðr kann ævagi
Verse: 4 síns um mál maga.
Strophe: 22
Verse: 1 Vesall maðr oc illa scapi
Verse: 2 hlær at hvívetna;
Verse: 3 hitki hann veit, er hann vita þyrpti,
Verse: 4 at hann era vamma vanr.
Strophe: 23
Verse: 1 Ósviðr maðr vakir um allar nætr
Verse: 2 oc hyggr at hvívetna;
Verse: 3 þá er móðr, er at morni kømr,
Verse: 4 alt er víl, sem var.
Strophe: 24
Verse: 1 Ósnotr maðr hyggr sér alla vera
Verse: 2 viðhlæiendr vini;
Verse: 3 hitki hann fiðr, þótt þeir um hann fár lesi,
Verse: 4 ef hann með snotrom sitr.
Strophe: 25
Verse: 1 Ósnotr maðr hyggr sér alla vera
Verse: 2 viðhlæiendr vini;
Verse: 3 þá þat finnr, er at þingi kømr,
Verse: 4 at hann á formælendr fá.
Strophe: 26
Verse: 1 Ósnotr maðr þicciz alt vita,
Verse: 2 ef hann á sér í vá vero;
Verse: 3 hitki hann veit, hvat hann scal við qveða"
Verse: 4 ef hans freista firar.
Strophe: 27
Verse: 1 Ósnotr, er með aldir kømr,
Verse: 2 þat er bazt, at hann þegi;
Verse: 3 engi þat veit, at hann ecci kann,
Verse: 4 nema hann mæli til mart;
Verse: 5 veita maðr, hinn er vætki veit,
Verse: 6 þótt hann mæli til mart.
Strophe: 28
Verse: 1 Fróðr sá þycciz, er fregna kann
Verse: 2 oc segia it sama;
Verse: 3 eyvito leyna mego ýta sønir,
Verse: 4 því er gengr um guma.
Strophe: 29
Verse: 1 Orna mælir, sá er æva þegir,
Verse: 2 staðlauso stafi;
Verse: 3 hraðmælt tunga, nema haldendr eigi,
Verse: 4 opt sér ógott um gelr.
Strophe: 30
Verse: 1 At augabragði scala maðr annan hafa,
Verse: 2 þótt til kynnis komi;
Verse: 3 margr þá fróðr þicciz, ef hann freginn erat
Verse: 4 oc nái hann þurrfiallr þruma.
Strophe: 31
Verse: 1 Fróðr þicciz, sá er flótta tecr,
Verse: 2 gestr at gest hæðinn;
Verse: 3 veita gorla, sá er um verði glissir,
Verse: 4 þótt hann með grǫmom glami.
Strophe: 32
Verse: 1 Gumnar margir erosc gagnhollir,
Verse: 2 enn at virði vrecaz;
Verse: 3 aldar róg þat mun æ vera,
Verse: 4 órir gestr við gest.
Strophe: 33
Verse: 1 Árliga verðar scyli maðr opt fá,
Verse: 2 nema til kynnis komi;
Verse: 3 sitr oc snópir, lætr, sem sólginn sé,
Verse: 4 oc kann fregna at fá.
Strophe: 34
Verse: 1 Afhvarf mikit er til illz vinar,
Verse: 2 þótt á brauto búi;
Verse: 3 enn til góðs vinar liggia gagnvegir,
Verse: 4 þótt hann sé firr farinn.
Strophe: 35
Verse: 1 Ganga scal, scala gestr vera
Verse: 2 ey í einom stað;
Verse: 3 liúfr verðr leiðr, ef lengi sitr
Verse: 4 annars fletiom á.
Strophe: 36
Verse: 1 Bú er betra, þótt lítit sé,
Verse: 2 halr er heima hverr;
Verse: 3 þótt tvær geitr eigi oc taugreptan sal,
Verse: 4 þat er þó betra en bonn.
Strophe: 37
Verse: 1 Bú er betra, þótt lítit sé,
Verse: 2 halr er heima hverr;
Verse: 3 blóðuct er hiarta, þeim er biðia scal
Verse: 4 sér í mál hvert matar.
Strophe: 38
Verse: 1 Vápnom sínom scala maðr velli á
Verse: 2 feti ganga framarr;
Verse: 3 þvíat óvíst er at vita, nær verðr á vegom úti
Verse: 4 geirs um þǫrf guma.
Strophe: 39
Verse: 1 Fanca ec mildan mann eða svá matargóðan
Verse: 2 at ei væri þiggia þegit,
Verse: 3 eða síns fiár svági . . . .,
Verse: 4 at leið sé laun, ef þægi.
Strophe: 40
Verse: 1 Fiár síns, er fengit hefr,
Verse: 2 scylit maðr þǫrf þola;
Verse: 3 opt sparir leiðom, þatz hefir liúfom hugat,
Verse: 4 mart gengr verr, enn varir.
Strophe: 41
Verse: 1 Vápnom oc váðom scolo vinir gleðiaz,
Verse: 2 þat er á siálfom sýnst;
Verse: 3 viðrgefendr oc endrgefendr erost lengst vinir,
Verse: 4 ef þat bíðr at verða vel.
Strophe: 42
Verse: 1 Vin sínom scal maðr vinr vera
Verse: 2 oc gialda giof við giof;
Verse: 3 hlátr við hlátri scyli hǫlðar taca,
Verse: 4 enn lausung við lygi.
Strophe: 43
Verse: 1 Vin sínom scal maðr vinr vera,
Verse: 2 þeim oc þess vin;
Verse: 3 enn óvinar síns scyli engi maðr
Verse: 4 vinar vinr vera.
Strophe: 44
Verse: 1 Veiztu, ef þú vin átt, þann er þú vel trúir,
Verse: 2 oc vill þú af hánom gott geta:
Verse: 3 geði scaltu við þann blanda oc giofom scipta,
Verse: 4 fara at finna opt.
Strophe: 45
Verse: 1 Ef þú átt annan, þannz þú illa trúir,
Verse: 2 vildu af hánom þó gott geta:
Verse: 3 fagrt scaltu við þann mæla, enn flátt hyggia
Verse: 4 oc gialda lausung við lygi.
Strophe: 46
Verse: 1 Þat er enn of þann, er þú illa trúir
Verse: 2 oc þér er grunr at hans geði:
Verse: 3 hlæia scaltu við þeim oc um hug mæla,
Verse: 4 glíc scolo giold giofom.
Strophe: 47
Verse: 1 Ungr var ec forðom, fór ec einn saman,
Verse: 2 þá varð ec villr vega;
Verse: 3 auðigr þóttomz, er ec annan fann,
Verse: 4 maðr er mannz gaman.
Strophe: 48
Verse: 1 Mildir, frocnir menn bazt lifa,
Verse: 2 sialdan sút ala;
Verse: 3 enn ósniallr maðr uggir hotvetna,
Verse: 4 sýtir æ gløggr við giofom.
Strophe: 49
Verse: 1 Váðir mínar gaf ec velli at
Verse: 2 tveim trémǫnnom;
Verse: 3 reccar þat þóttuz, er þeir rift hǫfðo,
Verse: 4 neiss er nøcqviðr halr.
Strophe: 50
Verse: 1 Hrørnar þǫll, sú er stendr þorpi á,
Verse: 2 hlýra henni bǫrcr né barr;
Verse: 3 svá er maðr, sá er mangi ann,
Verse: 4 hvat scal hann lengi lifa?
Strophe: 51
Verse: 1 Eldi heitari brennr með illom vinom
Verse: 2 friðr fimm daga;
Verse: 3 enn þá slocnar, er inn sétti kømr,
Verse: 4 oc versnar allr vinscapr.
Strophe: 52
Verse: 1 Mikit eitt scala manni gefa,
Verse: 2 opt kaupir sér í litlo lof;
Verse: 3 með hálfom hleif oc með hǫllo keri
Verse: 4 fecc ec mér félaga.
Strophe: 53
Verse: 1 Lítilla sanda, lítilla sæva
Verse: 2 lítil ero geð guma;
Verse: 3 því allir menn urðot iafnspakir,
Verse: 4 hálb er ǫld hvar.
Strophe: 54
Verse: 1 Meðalsnotr scyli manna hverr,
Verse: 2 æva til snotr sé;
Verse: 3 þeim er fyrða fegrst at lifa,
Verse: 4 er vel mart vito.
Strophe: 55
Verse: 1 Meðalsnotr scyli manna hverr,
Verse: 2 æva til snotr sé;
Verse: 3 þvíat snotrs mannz hiarta verðr sialdan glatt,
Verse: 4 ef sá er alsnotr, er á.
Strophe: 56
Verse: 1 Meðalsnotr scyli manna hverr,
Verse: 2 æva til snotr sé;
Verse: 3 ørlǫg sín viti engi fyrir,
Verse: 4 þeim er sorgalausastr sefi.
Strophe: 57
Verse: 1 Brandr af brandi brenn, unz brunninn er,
Verse: 2 funi qveykiz af funa;
Verse: 3 maðr af manni verðr at máli kuðr,
Verse: 4 enn til dolscr af dul.
Strophe: 58
Verse: 1 Ár scal rísa, sá er annars vill
Verse: 2 fé eða fior hafa;
Verse: 3 sialdan liggiandi úlfr lær um getr,
Verse: 4 né sofandi maðr sigr.
Strophe: 59
Verse: 1 Ár scal rísa, sá er á yrkendr fá,
Verse: 2 oc ganga síns verca á vit;
Verse: 3 mart um dvelr, þann er um morgin sefr,
Verse: 4 hálfr er auðr und hvǫtom.
Strophe: 60
Verse: 1 Þurra scíða oc þakinna næfra,
Verse: 2 þess kann maðr miot,
Verse: 3 oc þess viðar, er vinnaz megi
Verse: 4 mál oc misseri.
Strophe: 61
Verse: 1 Þveginn oc mettr ríði maðr þingi at,
Verse: 2 þótt hann séð væddr til vel;
Verse: 3 scúa oc bróca scammiz engi maðr,
Verse: 4 né hestz in heldr, þótt hann hafit góðan.
Strophe: 62
Verse: 1 Snapir oc gnapir, er til sævar kømr,
Verse: 2 ǫrn á aldinn mar;
Verse: 3 svá er maðr, er með mǫrgom kømr
Verse: 4 oc á formælendr fá.
Strophe: 63
Verse: 1 Fregna oc segia scal fróðra hverr,
Verse: 2 sá er vill heitinn horscr;
Verse: 3 einn vita né annarr scal,
Verse: 4 þióð veit, ef þríro.
Strophe: 64
Verse: 1 Ríki sitt scyli ráðsnotra hverr
Verse: 2 í hófi hafa;
Verse: 3 þá hann þat finnr, er með frocnom kømr,
Verse: 4 at engi er einna hvatastr.
Strophe: 65
Verse: 1 Orða þeira, er maðr ǫðrom segir,
Verse: 2 opt hann giold um getr.
Strophe: 66
Verse: 1 Mikilsti snemma kom ec í marga staði,
Verse: 2 enn til síð í suma;
Verse: 3 ǫl var druccit, sumt var ólagat,
Verse: 4 sialdan hittir leiðr í lið.
Strophe: 67
Verse: 1 Hér oc hvar myndi mér heim uf boðit,
Verse: 2 ef þyrptac at málungi mat,
Verse: 3 eða tvau lær hengi at ins tryggva vinar,
Verse: 4 þars ec hafða eitt etið.
Strophe: 68
Verse: 1 Eldr er beztr með ýta sonom
Verse: 2 oc sólar sýn,
Verse: 3 heilyndi sitt, ef maðr hafa náir,
Verse: 4 án við lǫst at lifa.
Strophe: 69
Verse: 1 Erat maðr allz vesall, þótt hann sé illa heill;
Verse: 2 sumr er af sonom sæll,
Verse: 3 sumr af frondom, sumr af fé orno,
Verse: 4 sumr af vercom vel.
Strophe: 70
Verse: 1 Betra er lifðom oc sællifðom,
Verse: 2 ey getr qvicr kú;
Verse: 3 eld sá ec up brenna auðgom manni fyrir,
Verse: 4 enn úti var dauðr fyr durom.
Strophe: 71
Verse: 1 Haltr ríðr hrossi, hiorð recr handarvanr,
Verse: 2 daufr vegr oc dugir;
Verse: 3 blindr er betri, enn brendr sé:
Verse: 4 nýtr mangi nás.
Strophe: 72
Verse: 1 Sonr er betri, þótt sé síð of alinn
Verse: 2 eptir genginn guma;
Verse: 3 sialdan bautarsteinar standa brauto nær,
Verse: 4 nema reisi niðr at nið.
Strophe: 73
Verse: 1 Tveir ro eins heriar, tunga er hǫfuðs bani,
Verse: 2 er mér í heðin hvern handar væni.
Strophe: 74
Verse: 1 Nótt verðr feginn, sá er nesti trúir,
Verse: 2 scammar ro scips rár,
Verse: 3 hverb er haustgríma;
Verse: 4 fiolð um viðrir á fimm dǫgom,
Verse: 5 enn meira á mánaði.
Strophe: 75
Verse: 1 Veita hinn, er vætki veit,
Verse: 2 margr verðr aflǫðrom api;
Verse: 3 maðr er auðigr, annarr óauðigr,
Verse: 4 scylit þann vitca vár.
Strophe: 76
Verse: 1 Deyr fé, deyia frondr,
Verse: 2 deyr siálfr it sama;
Verse: 3 enn orðztírr deyr aldregi,
Verse: 4 hveim er sér góðan getr.
Strophe: 77
Verse: 1 Deyr fé, deyia frondr,
Verse: 2 deyr siálfr it sama;
Verse: 3 ec veit einn, at aldri deyr:
Verse: 4 dómr um dauðan hvern.
Strophe: 78
Verse: 1 Fullar grindr sá ec fyr Fitiungs sonom,
Verse: 2 nú hera þeir vánar vǫl;
Verse: 3 svá er auðr sem augabragð,
Verse: 4 hann er valtastr vina.
Strophe: 79
Verse: 1 Ósnotr maðr, ef eignaz getr
Verse: 2 fé eða flióðs munuð,
Verse: 3 metnaðr hánom þróaz, enn manvit aldregi,
Verse: 4 fram gengr hann driúgt í dul.
Strophe: 80
Verse: 1 Þat er þá reynt, er þú at rúnom spyrr,
Verse: 2 inom reginkunnom,
Verse: 3 þeim er gorðo ginregin
Verse: 4 oc fáði fimbulþulr,
Verse: 5 þá hefir hann bazt, ef hann þegir.
Strophe: 81
Verse: 1 At qveldi scal dag leyfa, kono, er brend er,
Verse: 2 mæki, er reyndr er, mey, er gefin er,
Verse: 3 ís, er yfir kømr, ǫl, er druccit er.
Strophe: 82
Verse: 1 Á vindi scal við hǫggva, veðri á sió róa,
Verse: 2 myrcri við man spialla: mǫrg ero dags augo;
Verse: 3 á scip scal scriðar orca, enn á sciold til hlífar,
Verse: 4 mæki hǫggs, enn mey til kossa.
Strophe: 83
Verse: 1 Við eld scal ǫl drecca, enn á ísi scríða,
Verse: 2 magran mar kaupa, enn mæki saurgan,
Verse: 3 heima hest feita, enn hund á búi.
Strophe: 84
Verse: 1 Meyiar orðom scyli mangi trúa,
Verse: 2 né því er qveðr kona;
Verse: 3 þvíat á hverfanda hvéli vóro þeim hiorto scǫpuð,
Verse: 4 brigð í brióst um lagit.
Strophe: 85
Verse: 1 Brestanda boga, brennanda loga,
Verse: 2 gínanda úlfi, galandi kráco,
Verse: 3 rýtanda svíni, rótlausom viði,
Verse: 4 vaxanda vági, vellanda katli,
Strophe: 86
Verse: 1 fliúganda fleini, fallandi báro,
Verse: 2 ísi einnættom, ormi hringlegnom,
Verse: 3 brúðar beðmálom eða brotno sverði,
Verse: 4 biarnar leiki eða barni konungs,
Strophe: 87
Verse: 1 siúcom kálfi, siálfráða þræli,
Verse: 2 vǫlo vilmæli, val nýfeldom,
Strophe: 88
Verse: 1 acri ársánom trúi engi maðr,
Verse: 2 né til snemma syni;
Verse: 3 veðr ræðr acri, enn vit syni,
Verse: 4 hætt er þeira hvárt.
Strophe: 89
Verse: 1 Bróðurbana sínom, þótt á brauto moti,
Verse: 2 húsi hálfhrunno, hesti alsciótom -
Verse: 3 þá er iór ónýtr, ef einn fótr brotnar -,
Verse: 4 verðit maðr svá tryggr, at þesso trúi ǫllo.
Strophe: 90
Verse: 1 Svá er friðr qvenna, þeira er flátt hyggia,
Verse: 2 sem aki ió óbryddom á ísi hálom,
Verse: 3 teitom, tvévetrom, oc sé tamr illa,
Verse: 4 eða í byr óðom beiti stiórnlauso,
Verse: 5 eða scyli haltr henda hrein í þáfialli.
Strophe: 91
Verse: 1 Bert ec nú mæli, þvíat ec bæði veit:
Verse: 2 brigðr er karla hugr konom;
Verse: 3 þá vér fegrst mælom, er vér flást hyggiom,
Verse: 4 þat tælir horsca hugi.
Strophe: 92
Verse: 1 Fagrt scal mæla oc fé bióða,
Verse: 2 sá er vill flióðs ást fá,
Verse: 3 líki leyfa ins liósa mans;
Verse: 4 sá fær, er friár.
Strophe: 93
Verse: 1 Ástar firna scyli engi maðr
Verse: 2 annan aldregi;
Verse: 3 opt fá á horscan, er á heimscan né fá,
Verse: 4 lostfagrir litir.
Strophe: 94
Verse: 1 Eyvitar firna er maðr annan scal,
Verse: 2 þess er um margan gengr guma;
Verse: 3 heimsca ór horscom gorir hǫlða sono
Verse: 4 sá inn mátki munr.
Strophe: 95
Verse: 1 Hugr einn þat veit, er býr hiarta nær,
Verse: 2 einn er hann sér um sefa:
Verse: 3 ǫng er sótt verri hveim snotrom manni,
Verse: 4 enn sér ǫngo at una.
Strophe: 96
Verse: 1 Þat ec þá reynda, er ec í reyri sat
Verse: 2 oc vættac míns munar;
Verse: 3 hold oc hiarta var mér in horsca mær,
Verse: 4 þeygi ec hana at heldr hefic.
Strophe: 97
Verse: 1 Billings mey ec fann beðiom á,
Verse: 2 sólhvíta, sofa;
Verse: 3 iarls ynði þótti mér ecci vera,
Verse: 4 nema við þat líc at lifa.
Strophe: 98
Verse: 1 "Auc nær apni scaltu, Óðinn, koma,
Verse: 2 ef þú vilt þér mæla man;
Verse: 3 alt ero óscǫp, nema einir viti
Verse: 4 slícan lǫst saman."
Strophe: 99
Verse: 1 Aptr ec hvarf, oc unna þóttomz,
Verse: 2 vísom vilia frá;
Verse: 3 hitt ec hugða, at ec hafa mynda
Verse: 4 geð hennar alt oc gaman.
Strophe: 100
Verse: 0 Svá kom ec næst, at in nýta var
Verse: 1 vígdrót ǫll um vakin;
Verse: 2 með brennandom liósom oc bornom viði,
Verse: 3 svá var mér vilstígr of vitaðr.
Strophe: 101
Verse: 0 Oc nær morni, er ec var enn um kominn,
Verse: 1 þá var saldrót um sofin;
Verse: 2 grey eitt ec þá fann innar góðo kono
Verse: 3 bundit beðiom á.
Strophe: 102
Verse: 0 Mǫrg er góð mær, ef gorva kannar"
Verse: 1 hugbrigð við hali;
Verse: 2 þá ec þat reynda, er iþ ráðspaca
Verse: 3 teygða ec á flærðir flióð;
Verse: 4 háðungar hverrar leitaði mér it horsca man,
Verse: 5 oc hafða ec þess vætki vífs.
Strophe: 103
Verse: 0 Heima glaðr gumi oc við gesti reifr,
Verse: 1 sviðr scal um sic vera,
Verse: 2 minnigr oc málugr, ef hann vill margfróðr vera,
Verse: 3 opt scal góðs geta;
Verse: 4 fimbulfambi heitir, sá er fát kann segia,
Verse: 5 þat er ósnotrs aðal.
Strophe: 104
Verse: 0 Inn aldna iotun ec sótta, nú em ec aptr um kominn,
Verse: 1 fát gat ec þegiandi þar;
Verse: 2 mǫrgom orðom mælta ec í minn frama
Verse: 3 í Suttungs sǫlom.
Strophe: 105
Verse: 0 Gunnlǫð mér um gaf gullnom stóli á
Verse: 1 drycc ins dýra miaðar;
Verse: 2 ill iðgiold lét ec hana eptir hafa
Verse: 3 síns ins heila hugar,
Verse: 4 síns ins svára sefa.
Strophe: 106
Verse: 0 Rata munn létomc rúms um fá
Verse: 1 oc um griót gnaga;
Verse: 2 yfir oc undir stóðomc iotna vegir,
Verse: 3 svá hætta ec hǫfði til.
Strophe: 107
Verse: 0 Vel keyptz litar hefi ec vel notið,
Verse: 1 fás er fróðom vant;
Verse: 2 þvíat Óðrerir er nú upp kominn
Verse: 3 á alda vés iaðar.
Strophe: 108
Verse: 0 Ifi er mér á, at ec væra enn kominn
Verse: 1 iotna gǫrðom ór,
Verse: 2 ef ec Gunnlaðar né nytac, innar góðo kono,
Verse: 3 þeirar er lǫgðomc arm yfir.
Strophe: 109
Verse: 0 Ins hindra dags gengo hrímþursar,
Verse: 1 Háva ráðs at fregna, Háva hǫllo í;
Verse: 2 at Bǫlverki þeir spurðo, ef hann væri með
Verse: 3 bǫndom kominn,
Verse: 4 eða hefði hánom Suttungr of sóit.
Strophe: 110
Verse: 0 Baugeið Óðinn hygg ec at unnit hafi,
Verse: 1 hvat scal hans trygðom trúa?
Verse: 2 Suttung svikinn hann lét sumbli frá
Verse: 3 oc grotta Gunnlǫðo.
Strophe: 111
Verse: 0 Mál er at þylia þular stóli á,
Verse: 1 Urðar brunni at;
Verse: 2 sá ec oc þagðac, sá ec oc hugðac,
Verse: 3 hlýdda ec á manna mál;
Verse: 4 of rúnar heyrða ec doma, né um ráðom þǫgðo,
Verse: 5 Háva hǫllo at, Háva hǫllo í;
Verse: 6 heyrða ec segia svá:
Strophe: 112
Verse: 0 Ráðomc þér, Loddfáfnir, at þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 nótt þú rísat, nema á niósn sér
Verse: 4 eða þú leitir þér innan út staðar.
Strophe: 113
Verse: 0 Ráðomc þér, Loddfáfnir, at þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 fiolkunnigri kono scalattu í faðmi sofa,
Verse: 4 svá at hon lyki þic liðom;
Strophe: 114
Verse: 0 hon svá gorir, at þú gáir eigi
Verse: 1 þings né þióðans máls;
Verse: 2 mat þú villat né mannzcis gaman,
Verse: 3 ferr þú sorgafullr at sofa.
Strophe: 115
Verse: 0 Ráðomc þér, Loddfáfnir, at þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 annars kono teygðo þér aldregi
Verse: 4 eyrarúno at.
Strophe: 116
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 á fialli eða firði ef þic fara tíðir,
Verse: 4 fástu at virði vel.
Strophe: 117
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 illan mann láttu aldregi
Verse: 4 óhǫpp at þér vita;
Verse: 5 þvíat af illom manni fær þú aldregi
Verse: 6 giold ins góða hugar.
Strophe: 118
Verse: 0 Ofarla bíta ec sá einom hal
Verse: 1 orð illrar kono;
Verse: 2 fláráð tunga varð hánom at fiorlagi,
Verse: 3 oc þeygi um sanna sǫc.
Strophe: 119
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 veiztu, ef þú vin átt, þannz þú vel trúir,
Verse: 4 farðu at finna opt;
Verse: 5 þvíat hrísi vex oc hávo grasi
Verse: 6 vegr, er vætki trøðr.
Strophe: 120
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 góðan mann teygðo þér at gamanrúnom
Verse: 4 oc nem lícnargaldr, meðan þú lifir.
Strophe: 121
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 vin þínom ver þú aldregi
Verse: 4 fyrri at flaumslitom;
Verse: 5 sorg etr hiarta, ef þú segia né náir
Verse: 6 einhveriom allan hug.
Strophe: 122
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 orðom scipta þú scalt aldregi
Verse: 4 við ósvinna apa;
Strophe: 123
Verse: 0 þvíat af illom manni mundo aldregi
Verse: 1 góðs laun um geta;
Verse: 2 enn góðr maðr mun þic gorva mega
Verse: 3 lícnfastan at lofi.
Strophe: 124
Verse: 0 Sifiom er þá blandat, hverr er segia ræðr
Verse: 1 einom allan hug;
Verse: 2 alt er betra, enn sé brigðom at vera;
Verse: 3 era sá vinr ǫðrom, er vilt eitt segir.
Strophe: 125
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 þrimr orðom senna scalattu þér við verra mann;
Verse: 4 opt inn betri bilar,
Verse: 5 þá er inn verri vegr.
Strophe: 126
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 scósmiðr þú verir né sceptismiðr,
Verse: 4 nema þú siálfom þér sér;
Verse: 5 scór er scapaðr illa, eða scapt sé rangt,
Verse: 6 þá er þér bǫls beðit.
Strophe: 127
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 hvars þú bǫl kant, qveððu þat bǫlvi at,
Verse: 4 oc gefat þínom fiándom frið.
Strophe: 128
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 illo feginn verðu aldregi,
Verse: 4 enn lát þér at góðo getið.
Strophe: 129
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 upp líta scalattu í orrosto -
Verse: 4 gialti glíkir verða gumna synir -,
Verse: 5 síðr þic um heilli halir.
Strophe: 130
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 ef þú vilt þér góða kono qveðia at gamanrúnom
Verse: 4 oc fá fǫgnuð af,
Verse: 5 fǫgro scaldu heita oc láta fast vera,
Verse: 6 leiðiz mangi gott, ef getr.
Strophe: 131
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 varan bið ec þic vera, oc eigi ofvaran;
Verse: 4 ver þú við ǫl varastr oc við annars kono,
Verse: 5 oc við þat iþ þriðia, at þic þiófar né leiki.
Strophe: 132
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 at háði né hlátri hafðu aldregi "
Verse: 4 gest né ganganda!
Strophe: 133
Verse: 0 Opt vito ógorla, þeir er sitia inni fyrir,
Verse: 1 hvers þeir ro kyns, er koma;
Verse: 2 erat maðr svá góðr, at galli né fylgi,
Verse: 3 né svá illr, at einugi dugi.
Strophe: 134
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 at három þul hlæðu aldregi!
Verse: 4 opt er gott, þat er gamlir qveða;
Verse: 5 opt ór scǫrpom belg scilin orð koma,
Verse: 6 þeim er hangir með hám
Verse: 7 oc scollir með scrám
Verse: 8 oc váfir með vilmǫgom.
Strophe: 135
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 gest þú né geyia né á grind hrækir,
Verse: 4 get þú váloðom vel!
Strophe: 136
Verse: 0 Ramt er þat tré, er ríða scal
Verse: 1 ǫllom at upploki;
Verse: 2 baug þú gef, eða þat biðia mun
Verse: 3 þér læs hvers á liðo.
Strophe: 137
Verse: 0 Ráðomc þér, Loddfáfnir, enn þú ráð nemir,
Verse: 1 nióta mundo, ef þú nemr,
Verse: 2 þér muno góð, ef þú getr:
Verse: 3 hvars þú ǫl dreccir, kiós þú þér iarðar megin!
Verse: 4 þvíat iorð tecr við ǫlðri, enn eldr við sóttom,
Verse: 5 eic við abbindi, ax við fiolkyngi,
Verse: 6 hǫll við hýrógi - heiptom scal mána qveðia -
Verse: 7 beiti við bitsóttom, enn við bǫlvi rúnar;
Verse: 8 fold scal við flóði taca.
Strophe: 138
Verse: 0 Veit ec, at ec hecc vindgameiði á
Verse: 1 nætr allar nío,
Verse: 2 geiri undaðr oc gefinn Óðni,
Verse: 3 siálfr siálfom mér,
Verse: 4 á þeim meiði, er mangi veit,
Verse: 5 hvers hann af rótom renn.
Strophe: 139
Verse: 0 Við hleifi mic sældo né við hornigi,
Verse: 1 nýsta ec niðr;
Verse: 2 nam ec upp rúnar, opandi nam,
Verse: 3 fell ec aptr þaðan.
Strophe: 140
Verse: 0 Fimbullióð nío nam ec af inom frægia syni
Verse: 1 Bǫlþors, Bestlo fǫður,
Verse: 2 oc ec drycc of gat ins dýra miaðar,
Verse: 3 ausinn Óðreri.
Strophe: 141
Verse: 0 Þá nam ec frævaz oc fróðr vera
Verse: 1 oc vaxa oc vel hafaz;
Verse: 2 orð mér af orði orðz leitaði,
Verse: 3 verc mér af verki vercs leitaði.
Strophe: 142
Verse: 0 Rúnar munt þú finna oc ráðna stafi,
Verse: 1 mioc stóra stafi,
Verse: 2 mioc stinna stafi,
Verse: 3 er fáði fimbulþulr
Verse: 4 oc gorðo ginregin
Verse: 5 oc reist hroptr rǫgna,
Strophe: 143
Verse: 0 Óðinn með ásom, enn fyr álfom Dáinn,
Verse: 1 Dvalinn dvergom fyrir,
Verse: 2 Ásviðr iotnom fyrir,
Verse: 3 ec reist siálfr sumar.
Strophe: 144
Verse: 0 Veiztu, hvé rísta scal, veiztu, hvé ráða scal?
Verse: 1 veiztu, hvé fá scal, veiztu, hvé freista scal?
Verse: 2 veiztu, hvé biðia scal, veiztu, hvé blóta scal?
Verse: 3 veiztu, hvé senda scal, veiztu, hvé sóa scal?
Strophe: 145
Verse: 0 Betra er óbeðit, enn sé ofblótið,
Verse: 1 ey sér til gildis giof;
Verse: 2 betra er ósent, enn sé ofsóit.
Verse: 3 Svá Þundr um reist fyr þióða rǫc;
Verse: 4 þar hann upp um reis, er hann aptr of kom.
Strophe: 146
Verse: 0 Lióð ec þau kann, er kannat þióðans kona
Verse: 1 oc mannzcis mǫgr;
Verse: 2 hiálp heitir eitt, enn þat þér hiálpa mun
Verse: 3 við sǫcom oc sorgom oc sútom gorvǫllom.
Strophe: 147
Verse: 0 Þat kann ec annat, er þurfo ýta synir,
Verse: 1 þeir er vilia læcnar lifa.
Strophe: 148
Verse: 0 Þat kann ec it þriðia, ef mér verðr þǫrf mikil
Verse: 1 haptz við mína heiptmǫgo:
Verse: 2 eggiar ec deyfi minna andscota,
Verse: 3 bítað þeim vápn né velir.
Strophe: 149
Verse: 0 Þat kann ec it fiórða, ef mér fyrðar bera
Verse: 1 bǫnd at boglimom:
Verse: 2 svá ec gel, at ec ganga má,
Verse: 3 sprettr mér af fótom fioturr,
Verse: 4 enn af hǫndom hapt.
Strophe: 150
Verse: 0 Þat kann ec it fimta, ef ec sé af fári scotinn
Verse: 1 flein í fólki vaða:
Verse: 2 flýgra hann svá stint, at ec stǫðvigac,
Verse: 3 ef ec hann siónom of séc.
Strophe: 151
Verse: 0 Þat kann ec it sétta, ef mic særir þegn
Verse: 1 á rótom rás viðar:
Verse: 2 oc þann hal, er mic heipta qveðr,
Verse: 3 þann eta mein heldr enn mic.
Strophe: 152
Verse: 0 Þat kann ec it siaunda, ef ec sé hávan loga
Verse: 1 sal um sessmǫgom:
Verse: 2 brennrat svá breitt, at ec hánom biargigac,
Verse: 3 þann kann ec galdr at gala.
Strophe: 153
Verse: 0 Þat kann ec iþ átta, er ǫllom er
Verse: 1 nytsamlict at nema:
Verse: 2 hvars hatr vex með hildings sonom,
Verse: 3 þat má ec bota brát.
Strophe: 154
Verse: 0 Þat kann ec iþ níunda, ef mic nauðr um stendr,
Verse: 1 at biarga fari míno á floti:
Verse: 2 vind ec kyrri vági á
Verse: 3 oc svæfic allan sæ.
Strophe: 155
Verse: 0 Þat kann ec iþ tíunda, ef ec sé túnriðor
Verse: 1 leica lopti á:
Verse: 2 ec svá vinnc, at þeir villir fara
Verse: 3 sinna heim hama,
Verse: 4 sinna heim huga.
Strophe: 156
Verse: 0 Þat kann ec iþ ellipta, ef ec scal til orrosto
Verse: 1 leiða langvini:
Verse: 2 undir randir ec gel, enn þeir með ríki fara
Verse: 3 heilir hildar til,
Verse: 4 heilir hildi frá,
Verse: 5 koma þeir heilir hvaðan.
Strophe: 157
Verse: 0 Þat kann ec iþ tólpta, ef ec sé á tré uppi
Verse: 1 váfa virgilná:
Verse: 2 svá ec ríst oc í rúnom fác,
Verse: 3 at sá gengr gumi
Verse: 4 oc mælir við mic.
Strophe: 158
Verse: 0 Þat kann ec iþ þrettánda, ef ec scal þegn ungan
Verse: 1 verpa vatni á:
Verse: 2 munað hann falla, þótt hann í fólc komi,
Verse: 3 hnígra sá halr fyr hiorom.
Strophe: 159
Verse: 0 Þat kann ec iþ fiórtánda, ef ec scal fyrða liði
Verse: 1 telia tíva fyrir:
Verse: 2 ása oc álfa ec kann allra scil,
Verse: 3 fár kann ósnotr svá.
Strophe: 160
Verse: 0 Þat kann ec iþ fimtánda, er gól Þióðrørir,
Verse: 1 dvergr, fyr Dellings durom:
Verse: 2 afl gól hann ásom, enn álfom frama,
Verse: 3 hyggio Hroptatý.
Strophe: 161
Verse: 0 Þat kann ec iþ sextánda, ef ec vil ins svinna mans
Verse: 1 hafa geð alt oc gaman:
Verse: 2 hugi ec hverfi hvítarmri kono
Verse: 3 oc sný ec hennar ǫllom sefa.
Strophe: 162
Verse: 0 Þat kann ec iþ siautiánda, at mic mun seint firraz
Verse: 1 iþ manunga man.
Verse: 2 Lióða þessa munðu, Loddfáfnir,
Verse: 3 lengi vanr vera;
Verse: 4 þó sé þér góð, ef þú getr,
Verse: 5 nýt, ef þú nemr,
Verse: 6 þǫrf, ef þú þiggr.
Strophe: 163
Verse: 0 Þat kann ec iþ átiánda, er ec æva kennig
Verse: 1 mey né mannz kono -
Verse: 2 alt er betra, er einn um kann,
Verse: 3 þat fylgir lióða locom -,
Verse: 4 nema þeiri einni, er mic armi verr
Verse: 5 eða mín systir sé.
Strophe: 164
Verse: 0 Nú ero Háva mál qveðin, Háva hǫllo í,
Verse: 1 allþǫrf ýta sonom,
Verse: 2 óþǫrf iotna sonom;
Verse: 3 heill, sá er qvað, heill, sá er kann!
Verse: 4 nióti, sá er nam,
Verse: 5 heilir, þeirs hlýddo!
Verse: 1 "Ráð þú mér nú, Frigg, allz mic fara tíðir
Verse: 2 at vitia Vafðrúðnis;
Verse: 3 forvitni micla qveð ec mér á fornom stǫfom
Verse: 4 við þann inn alsvinna iotun."
Strophe: 2
Verse: 1 "Heima letia ec mynda Heriafǫðr
Verse: 2 í gǫrðom goða,
Verse: 3 þvíat engi iotun ec hugða iafnramman
Verse: 4 sem Vafðrúðni vera."
Strophe: 3
Verse: 1 "Fiolð ec fór, fiolð ec freistaða,
Verse: 2 fiolð ec reynda regin;
Verse: 3 hitt vil ec vita, hvé Vafðrúðnis
Verse: 4 salakynni sé."
Strophe: 4
Verse: 1 "Heill þú farir, heill þú aptr komir,
Verse: 2 heill þú á sinnom sér!
Verse: 3 oði þér dugi, hvars þú scalt, Aldafǫðr,
Verse: 4 orðom mæla iotun."
Strophe: 5
Verse: 1 Fór þá Óðinn, at freista orðspeki
Verse: 2 þess ins alsvinna iotuns;
Verse: 3 at hǫllo hann kom, oc átti Íms faðir;
Verse: 4 inn gecc Yggr þegar.
Strophe: 6
Verse: 1 "Heill þú nú, Vafðrúðnir! nú em ec í hǫll kominn,
Verse: 2 á þic siálfan siá;
Verse: 3 hitt vil ec fyrst vita, ef þú fróðr sér
Verse: 4 eða alsviðr, iotunn."
Strophe: 7
Verse: 1 "Hvat er þat manna, er í mínom sal
Verse: 2 verpomc orði á?
Verse: 3 Út þú né komir órom hǫllom frá,
Verse: 4 nema þú inn snotrari sér."
Strophe: 8
Verse: 1 "Gagnráðr ec heiti; nú emc af gǫngo kominn
Verse: 2 þyrstr til þinna sala;
Verse: 3 laðar þurfi hefi ec lengi farit
Verse: 4 oc þinna andfanga, iotunn."
Strophe: 9
Verse: 1 "Hví þú þá, Gagnráðr, mæliz af gólfi fyrir?
Verse: 2 farðu í sess í sal!
Verse: 3 þá scal freista, hvárr fleira viti,
Verse: 4 gestr eða inn gamli þulr."
Strophe: 10
Verse: 1 "Óauðigr maðr, er til auðigs kømr,
Verse: 2 mæli þarft eða þegi;
Verse: 3 ofrmælgi mikil hygg ec at illa geti,
Verse: 4 hveim er við kaldrifiaðan kømr."
Strophe: 11
Verse: 1 "Segðu mér, Gagnráðr, allz þú á gólfi vill
Verse: 2 þíns um freista frama,
Verse: 3 hvé sá hestr heitir, er hverian dregr
Verse: 4 dag of dróttmǫgo."
Strophe: 12
Verse: 1 "Scinfaxi heitir, er inn scíra dregr
Verse: 2 dag um dróttmǫgo;
Verse: 3 hesta beztr þyccir hann með Hreiðgotom,
Verse: 4 ey lýsir mǫn af mari."
Strophe: 13
Verse: 1 "Segðu þat, Gagnráðr, allz þú á gólfi vill
Verse: 2 þíns um freista frama,
Verse: 3 hvé sá iór heitir, er austan dregr
Verse: 4 nótt of nýt regin."
Strophe: 14
Verse: 1 "Hrímfaxi heitir, er hveria dregr
Verse: 2 nótt of nýt regin;
Verse: 3 méldropa fellir hann morgin hvern,
Verse: 4 þaðan kømr dǫgg um dala."
Strophe: 15
Verse: 1 "Segðu þat, Gagnráðr, allz þú á gólfi vill
Verse: 2 þíns um freista frama,
Verse: 3 hvé sú á heitir, er deilir með iotna sonom
Verse: 4 grund oc með goðom."
Strophe: 16
Verse: 1 "Ifing heitir á, er deilir með iotna sonom
Verse: 2 grund oc með goðom;
Verse: 3 opin renna hon scal um aldrdaga,
Verse: 4 verðrat íss á á."
Strophe: 17
Verse: 1 "Segðu þat, Gagnráðr, allz þú á gólfi vill
Verse: 2 þíns um freista frama,
Verse: 3 hvé sá vǫllr heitir, er finnaz vígi at
Verse: 4 Surtr oc in sváso goð."
Verse: 5 Óðinn qvað:
Strophe: 18
Verse: 1 "Vígríðr heitir vǫllr, er finnaz vígi at
Verse: 2 Surtr oc in sváso goð;
Verse: 3 hundrað rasta hann er á hverian veg,
Verse: 4 sá er þeim vǫllr vitaðr."
Verse: 5 Vafðrúðnir qvað:
Strophe: 19
Verse: 1 "Fróðr ertu nú, gestr, far þú á becc iotuns,
Verse: 2 oc mælomc í sessi saman!
Verse: 3 hǫfði veðia við scolom hǫllo í,
Verse: 4 gestr, um geðspeki."
Verse: 5 Capitulum.
Verse: 6 Óðinn qvað:
Strophe: 20
Verse: 1 "Segðu þat iþ eina, ef þitt oði dugir
Verse: 2 oc þú, Vafðrúðnir, vitir,
Verse: 3 hvaðan iorð um kom eða uphiminn
Verse: 4 fyrst, inn fróði iotunn."
Verse: 5 Vafðrúðnir qvað:
Strophe: 21
Verse: 1 "Ór Ymis holdi var iorð um scǫpuð,
Verse: 2 enn ór beinom biorg,
Verse: 3 himinn ór hausi ins hrímkalda iotuns,
Verse: 4 enn ór sveita siór."
Verse: 5 Óðinn qvað:
Strophe: 22
Verse: 1 "Segðu þat annat, ef þitt oði dugir
Verse: 2 oc þú, Vafðrúðnir, vitir,
Verse: 3 hvaðan máni um kom, svá at ferr menn yfir,
Verse: 4 eða sól iþ sama."
Verse: 5 Vafðrúðnir qvað:
Strophe: 23
Verse: 1 "Mundilfori heitir, hann er Mána faðir
Verse: 2 oc svá Sólar iþ sama;
Verse: 3 himin hverfa þau scolo hverian dag,
Verse: 4 ǫldom at ártali."
Verse: 5 Óðinn qvað:
Strophe: 24
Verse: 1 "Segðu þat iþ þriðia, allz þic svinnan qveða
Verse: 2 oc þú, Vafðrúðnir, vitir,
Verse: 3 hvaðan dagr um kom, sá er ferr drótt yfir,
Verse: 4 eða nótt með niðom."
Verse: 5 Vafðrúðnir qvað:
Strophe: 25
Verse: 1 "Dellingr heitir, hann er Dags faðir,
Verse: 2 enn Nótt var Nǫrvi borin;
Verse: 3 ný oc nið scópo nýt regin,
Verse: 4 ǫldom at ártali."
Verse: 5 Óðinn qvað:
Strophe: 26
Verse: 1 "Segðu þat iþ fiórða, allz þic fróðan qveða
Verse: 2 oc þú, Vafðrúðnir, vitir,
Verse: 3 hvaðan vetr um kom eða varmt sumar
Verse: 4 fyrst með fróð regin."
Verse: 5 Vafðrúðnir qvað:
Strophe: 27
Verse: 1 "Vindsvalr heitir, hann er Vetrar faðir,
Verse: 2 enn Svásuðr Sumars."
Verse: 3 Óðinn qvað:
Strophe: 28
Verse: 1 "Segðu þat iþ fimta, allz þic fróðan qveða
Verse: 2 oc þú, Vafðrúðnir, vitir,
Verse: 3 hverr ása elztr eða Ymis niðia
Verse: 4 yrði í árdaga."
Verse: 5 Vafðrúðnir qvað:
Strophe: 29
Verse: 1 "Ørófi vetra, áðr væri iorð scǫpuð,
Verse: 2 þá var Bergelmir borinn;
Verse: 3 Þrúðgelmir var þess faðir,
Verse: 4 enn Aurgelmir afi."
Verse: 5 Óðinn qvað:
Strophe: 30
Verse: 1 "Segðu þat it sétta, allz þic svinnan qveða
Verse: 2 oc þú, Vafðrúðnir, vitir,
Verse: 3 hvaðan Aurgelmir kom með iotna sonom
Verse: 4 fyrst, inn fróði iotunn."
Verse: 5 Vafðrúðnir qvað:
Strophe: 31
Verse: 1 "Ór Élivágom stucco eitrdropar,
Verse: 2 svá óx, unz varð ór iotunn;
Verse: 3 (þar órar ættir kómo allar saman,
Verse: 4 því er þat æ alt til atalt)."
Verse: 5 Óðinn qvað:
Strophe: 32
Verse: 1 "Segðu þat iþ siaunda, allz þic svinnan qveða
Verse: 2 oc þú, Vafðrúðnir, vitir,
Verse: 3 hvé sá born gat, inn baldni iotunn,
Verse: 4 er hann hafðit gýgiar gaman."
Verse: 5 Vafðrúðnir qvað:
Strophe: 33
Verse: 1 "Undir hendi vaxa qváðo hrímþursi
Verse: 2 mey oc mǫg saman;
Verse: 3 fótr við foti gat ins fróða iotuns
Verse: 4 sexhǫfðaðan son."
Verse: 5 Óðinn qvað:
Strophe: 34
Verse: 1 "Segðu þat iþ átta, allz þic fróðan qveða
Verse: 2 oc þú, Vafðrúðnir, vitir,
Verse: 3 hvat þú fyrst mant eða fremst um veizt;
Verse: 4 þú ert alsviðr, iotunn."
Verse: 5 Vafðrúðnir qvað:
Strophe: 35
Verse: 1 "Ørófi vetra, áðr væri iorð um scǫpuð,
Verse: 2 þá var Bergelmir borinn;
Verse: 3 þat ec fyrst um man, er sá inn fróði iotunn
Verse: 4 var á lúðr um lagiðr."
Verse: 5 Óðinn qvað:
Strophe: 36
Verse: 1 "Segðu þat iþ níunda, allz þic svinnan qveða
Verse: 2 eða þú, Vafðrúðnir, vitir,
Verse: 3 hvaðan vindr um kømr, svá at ferr vág yfir;
Verse: 4 æ menn hann siálfan um siá."
Verse: 5 Vafðrúðnir qvað:
Strophe: 37
Verse: 1 "Hræsvelgr heitir, er sitr á himins enda,
Verse: 2 iotunn, í arnar ham;
Verse: 3 af hans vængiom qveða vind koma
Verse: 4 alla menn yfir."
Verse: 5 Óðinn qvað:
Strophe: 38
Verse: 1 "Segðu þat iþ tíunda, allz þú tíva rǫc
Verse: 2 ǫll, Vafðrúðnir, vitir,
Verse: 3 hvaðan Niorðr um kom með ása sonom;
Verse: 4 hofom oc hǫrgom hann ræðr hunnmǫrgom,
Verse: 5 oc varðað hann ásom alinn."
Verse: 6 Vafðrúðnir qvað:
Strophe: 39
Verse: 1 "Í Vanaheimi scópo hann vís regin
Verse: 2 oc seldo at gíslingo goðom;
Verse: 3 í aldar rǫc hann mun aptr koma
Verse: 4 heim með vísom vǫnom."
Verse: 5 Óðinn qvað:
Strophe: 40
Verse: 1 "Segðu þat it ellipta, hvar ýtar túnom í
Verse: 2 hǫggvaz hverian dag".
Verse: 3 Vafðrúðnir qvað:
Strophe: 41
Verse: 1 "Allir einheriar Óðins túnom í
Verse: 2 hǫggvaz hverian dag;
Verse: 3 val þeir kiósa oc ríða vígi frá,
Verse: 4 sitia meirr um sáttir saman."
Verse: 5 Óðinn qvað:
Strophe: 42
Verse: 1 "Segðu þat iþ tólfta, hví þú tíva rǫc
Verse: 2 ǫll, Vafðrúðnir, vitir;
Verse: 3 frá iotna rúnom oc allra goða
Verse: 4 segir þú iþ sannasta,
Verse: 5 inn alsvinni iotunn."
Verse: 6 Vafðrúðnir qvað:
Strophe: 43
Verse: 1 "Frá iotna rúnom oc allra goða
Verse: 2 ec kann segia satt,
Verse: 3 þvíat hvern hefi ec heim um komit;
Verse: 4 nío kom ec heima fyr Niflhel neðan,
Verse: 5 hinig deyia ór helio halir."
Verse: 6 Óðinn qvað:
Strophe: 44
Verse: 1 "Fiolð ec fór, fiolð ec freistaðac,
Verse: 2 fiolð ec reynda regin:
Verse: 3 hvat lifir manna, þá er inn mæra líðr
Verse: 4 fimbulvetr með firom?"
Verse: 5 Vafðrúðnir qvað:
Strophe: 45
Verse: 1 "Líf oc Lífðrasir, enn þau leynaz muno
Verse: 2 í holti Hoddmimis;
Verse: 3 morgindǫggvar þau sér at mat hafa,
Verse: 4 þaðan af aldir alaz."
Verse: 5 Óðinn qvað:
Strophe: 46
Verse: 1 "Fiolð ec fór, fiolð ec freistaðac,
Verse: 2 fiolð ec reynda regin:
Verse: 3 hvaðan kømr sól á inn slétta himin,
Verse: 4 þá er þessa hefir Fenrir farit?"
Verse: 5 Vafðrúðnir qvað:
Strophe: 47
Verse: 1 "Eina dóttur berr Álfrǫðull,
Verse: 2 áðr hana Fenrir fari;
Verse: 3 sú scal ríða, þá er regin deyia,
Verse: 4 móður brautir mær."
Verse: 5 Óðinn qvað:
Strophe: 48
Verse: 1 "Fiolð ec fór, fiolð ec freistaðac,
Verse: 2 fiolð ec reynda regin:
Verse: 3 hveriar ro þær meyiar, er líða mar yfir,
Verse: 4 fróðgeðiaðar fara?"
Verse: 5 Vafðrúðnir qvað:
Strophe: 49
Verse: 1 "Þriár þióðar falla þorp yfir
Verse: 2 meyia Mǫgþrasis,
Verse: 3 hamingior einar þeira í heimi ero,
Verse: 4 þó þær með iotnom alaz."
Verse: 5 Óðinn qvað:
Strophe: 50
Verse: 1 "Fiolð ec fór, fiolð ec freistaðac,
Verse: 2 fiolð ec reynda regin:
Verse: 3 hverir ráða æsir eignom goða,
Verse: 4 þá er slocnar Surtar logi?"
Verse: 5 Vafðrúðnir qvað:
Strophe: 51
Verse: 1 "Víðarr oc Váli byggia vé goða,
Verse: 2 þá er slocnar Surtar logi;
Verse: 3 Móði oc Magni scolo Miollni hafa
Verse: 4 oc vinna at vígþroti."
Verse: 5 Óðinn qvað:
Strophe: 52
Verse: 1 "Fiolð ec fór, fiolð ec freistaðac,
Verse: 2 fiolð ec reynda regin:
Verse: 3 hvat verðr Óðni at aldrlagi,
Verse: 4 þá er riúfaz regin?"
Verse: 5 Vafðrúðnir qvað:
Strophe: 53
Verse: 1 "Úlfr gleypa mun Aldafǫðr,
Verse: 2 þess mun Víðarr vreka;
Verse: 3 kalda kiapta hann klyfia mun
Verse: 4 vitnis vígi at."
Verse: 5 Óðinn qvað:
Strophe: 54
Verse: 1 "Fiolð ec fór, fiolð ec freistaðac,
Verse: 2 fiolð ec reynda regin:
Verse: 3 hvat mælti Óðinn, áðr á bál stigi,
Verse: 4 siálfr í eyra syni?"
Verse: 5 Vafðrúðnir qvað:
Strophe: 55
Verse: 1 "Ey manni þat veit, hvat þú í árdaga
Verse: 2 sagðir í eyra syni;
Verse: 3 feigom munni mælta ec mína forna stafi
Verse: 4 oc um ragna rǫc.
Verse: 5 Nú ec við Óðin deildac mína orðspeki,
Verse: 6 þú ert æ vísastr vera."
Verse: 1 Hrauðungr konungr átti tvá sono; hét annarr Agnarr,
Verse: 2 enn annarr Geirroðr. Agnarr var tío vetra, enn Geirroðr
Verse: 3 átta vetra. Þeir rero tveir á báti með dorgar sínar at
Verse: 4 smáfisci. Vindr rac þá í haf út. Í náttmyrcri bruto þeir
Verse: 5 við land, oc gengo up, fundo kotbónda einn. Þar vóro
Verse: 6 þeir um vetrinn. Kerling fóstraði Agnar, enn karl Geirroð.
Verse: 7 At vári fecc karl þeim scip. Enn er þau kerling leiddo
Verse: 8 þá til strandar, þá mælti karl einmæli við Geirroð. Þeir
Verse: 9 fengo byr oc qvómo til stǫðva fǫðurs síns. Geirroðr var
Verse: 10 fram í scipi; hann hlióp up á land, enn hratt út scipino
Verse: 11 oc mælti: "Farðu, þar er smyl hafi þic!" Scipit rac út.
Verse: 12 Enn Geirroðr gecc up til boiar. Hánom var vel fagnat.
Verse: 13 Þá var faðir hans andaðr. Var þá Geirroðr til konungs
Verse: 14 tekinn oc varð maðr ágætr.
Verse: 15 Óðinn oc Frigg sáto í Hliðsciálfo oc sá um heima alla.
Verse: 16 Óðinn mælti: "Sér þú Agnar, fóstra þinn, hvar hann
Verse: 17 elr born við gýgi í hellinom? Enn Geirroðr, fóstri minn,
Verse: 18 er konungr oc sitr nú at landi." Frigg segir: "Hann er
Verse: 19 matníðingr sá, at hann qvelr gesti sína, ef hánom þiccia
Verse: 20 ofmargir koma." að inn segir, at þat er in mesta lygi.
Verse: 21 Þau veðia um þetta mál.
Verse: 22 Frigg sendi escismey sína, Fullo, til Geirroðar. Hon
Verse: 23 bað konung varaz, at eigi fyrgerði hánom fiolkunnigr
Verse: 24 maðr, sá er þar var kominn í land, oc sagði þat marc á,
Verse: 25 at engi hundr var svá ólmr, at á hann myndi hlaupa. Enn
Verse: 26 þat var inn mesti hégómi, at Geirroðr væri eigi matgóðr.
Verse: 27 Oc þó lætr hann handtaca þann mann, er eigi vildo
Verse: 28 hundar á ráða. Sá var í feldi blám oc nefndiz Grímnir,
Verse: 29 oc sagði ecci fleira frá sér, þótt hann væri at spurðr.
Verse: 30 Konungr lét hann pína til sagna oc setia milli elda tveggia,
Verse: 31 oc sat hann þar átta nætr. Geirroðr konungr átti son, tío
Verse: 32 vetra gamlan, oc hét Agnarr eptir bróður hans. Agnarr
Verse: 33 gecc at Grímni oc gaf hánom horn fult at drecca, sagði,
Verse: 34 at konungr gorði illa, er hann lét pína hann saclausan.
Verse: 35 Grímnir dracc af. Þá var eldrinn svá kominn, at feldrinn
Verse: 36 brann af Grímni. Hann qvað:
Strophe: 0
Verse: 1 (GRÍMNISMÁL)
Strophe: 1
Verse: 1 "Heitr ertu, hripuðr, oc heldr til mikill,
Verse: 2 gǫngomc firr, funi!
Verse: 3 loði sviðnar, þótt ec á lopt berac,
Verse: 4 brennomc feldr fyrir.
Strophe: 2
Verse: 1 Átta nætr sat ec milli elda hér,
Verse: 2 svá at mér mangi mat né bauð,
Verse: 3 nema einn Agnarr, er einn scal ráða,
Verse: 4 Geirroðar sonr, Gotna landi.
Strophe: 3
Verse: 1 Heill scaltu, Agnarr, allz þic heilan biðr
Verse: 2 Veratýr vera;
Verse: 3 eins drycciar þú scalt aldregi
Verse: 4 betri giold geta.
Strophe: 4
Verse: 1 Land er heilact, er ec liggia sé
Verse: 2 ásom oc álfom nær;
Verse: 3 enn í Þrúðheimi scal Þórr vera,
Verse: 4 unz um riúfaz regin.
Strophe: 5
Verse: 1 ùdalir heita, þar er Ullr hefir
Verse: 2 sér um gorva sali;
Verse: 3 Álfheim Frey gáfo í árdaga
Verse: 4 tívar at tannfé.
Strophe: 6
Verse: 1 Bor er sá inn þriði, er blíð regin
Verse: 2 silfri þǫcþo sali;
Verse: 3 Válasciálf heitir, er vélti sér
Verse: 4 áss í árdaga.
Strophe: 7
Verse: 1 Sǫcqvabeccr heitir inn fiórði, enn þar svalar knego
Verse: 2 unnir yfir glymia;
Verse: 3 þar þau Óðinn oc Sága drecca um alla daga,
Verse: 4 glǫð, ór gullnom kerom.
Strophe: 8
Verse: 1 Glaðsheimr heitir inn fimti, þars en gullbiarta
Verse: 2 Valhǫll víð of þrumir;
Verse: 3 enn þar Hroptr kýss hverian dag
Verse: 4 vápndauða vera.
Strophe: 9
Verse: 1 Mioc er auðkent, þeim er til Óðins koma,
Verse: 2 salkynni at siá;
Verse: 3 scǫptom er rann rept, scioldom er salr þakiðr,
Verse: 4 bryniom um becci strát.
Strophe: 10
Verse: 1 Mioc er auðkent, þeim er til Óðins koma,
Verse: 2 salkynni at siá;
Verse: 3 vargr hangir fyr vestan dyrr,
Verse: 4 oc drúpir ǫrn yfir.
Strophe: 11
Verse: 1 Þrymheimr heitir inn sétti, er Þiazi bió,
Verse: 2 sá inn ámátki iotunn;
Verse: 3 enn nú Scaði byggvir, scír brúðr goða,
Verse: 4 fornar tóptir fǫður.
Strophe: 12
Verse: 1 Breiðablic ero in siúndo, enn þar Baldr hefir
Verse: 2 sér um gerva sali,
Verse: 3 á því landi, er ec liggia veit
Verse: 4 fæsta feicnstafi.
Strophe: 13
Verse: 1 Himinbiorg ero in átto, enn þar Heimdall
Verse: 2 qveða valda véom;
Verse: 3 þar vorðr goða dreccr í væro ranni,
Verse: 4 glaðr, inn góða mioð.
Strophe: 14
Verse: 1 Fólcvangr er inn níundi, enn þar Freyia ræðr
Verse: 2 sessa kostom í sal;
Verse: 3 hálfan val hon kýss hverian dag,
Verse: 4 enn hálfan Óðinn á.
Strophe: 15
Verse: 1 Glitnir er inn tíundi, hann er gulli studdr
Verse: 2 oc silfri þacþr iþ sama;
Verse: 3 enn þar Forseti byggir flestan dag
Verse: 4 oc svæfir allar sakir.
Strophe: 16
Verse: 1 Nóatún ero in ellipto, enn þar Niorðr hefir
Verse: 2 sér um gorva sali;
Verse: 3 manna þengill, inn meinsvani,
Verse: 4 hátimbroðom hǫrgi ræðr.
Strophe: 17
Verse: 1 Hrísi vex oc há grasi
Verse: 2 Víðars land, viði;
Verse: 3 enn þar mǫgr of læzc af mars baki,
Verse: 4 frocn, at hefna fǫður.
Strophe: 18
Verse: 1 Andhrímnir lætr í Eldhrímni
Verse: 2 Sæhrímni soðinn,
Verse: 3 flesca bezt, enn þat fáir vito,
Verse: 4 við hvat einheriar alaz.
Strophe: 19
Verse: 1 Gera oc Freca seðr gunntamiðr,
Verse: 2 hróðigr Heriafǫðr;
Verse: 3 enn við vín eitt vápngǫfugr
Verse: 4 Óðinn æ lifir.
Strophe: 20
Verse: 1 Huginn oc Muninn fliúga hverian dag
Verse: 2 iormungrund yfir;
Verse: 3 óomc ec of Hugin, at hann aptr né komið,
Verse: 4 þó siámc meirr um Munin.
Strophe: 21
Verse: 1 Þýtr Þund, unir Þióðvitnis
Verse: 2 fiscr flóði í;
Verse: 3 árstraumr þiccir ofmikill
Verse: 4 valglaumi at vaða.
Strophe: 22
Verse: 1 Valgrind heitir, er stendr velli á,
Verse: 2 heilog, fyr helgom durom;
Verse: 3 forn er sú grind, enn þat fáir vito,
Verse: 4 hvé hon er í lás lokin.
Strophe: 24
Verse: 1 Fimm hundruð gólfa oc um fiórom togom,
Verse: 2 svá hygg ec Bilscírni með bugom;
Verse: 3 ranna þeira, er ec rept vita,
Verse: 4 míns veit ec mest magar.
Verse: 5 svá hygg ec at Valhǫllo vera;
Verse: 6 átta hundruð einheria ganga ór einom durom,
Verse: 7 þá er þeir fara at vitni at vega.
Strophe: 25
Verse: 1 Heiðrún heitir geit, er stendr hǫllo á Heriafǫðrs
Verse: 2 oc bítr af Læraðs limom;
Verse: 3 scapker fylla hon scal ins scíra miaðar,
Verse: 4 knáat sú veig vanaz.
Strophe: 26
Verse: 1 Eicþyrnir heitir hiortr, er stendr á hǫllo Heriafǫðrs
Verse: 2 oc bítr af Læraðs limom;
Verse: 3 enn af hans hornom drýpr í Hvergelmi,
Verse: 4 þaðan eigo vǫtn ǫll vega.
Strophe: 27
Verse: 1 Síð oc Víð, Sokin oc Eikin,
Verse: 2 Svǫl oc Gunnþró,
Verse: 3 Fiorm oc Fimbulþul,
Verse: 4 Rín oc Rennandi,
Verse: 5 Gipul oc Gǫpul,
Verse: 6 Gǫmul oc Geirvimul,
Verse: 7 þær hverfa um hodd goða,
Verse: 8 Þyn oc Vin, Þǫll oc Hǫll,
Verse: 9 Gráð oc Gunnþorin.
Strophe: 28
Verse: 1 Vína heitir enn, ǫnnor Vegsvinn,
Verse: 2 þriðia Þióðnuma,
Verse: 3 Nyt oc Nǫt, Nǫnn oc Hrǫnn,
Verse: 4 Slíð oc Hríð, Sylgr oc Ylgr,
Verse: 5 Víð oc Ván, Vǫnd oc Strǫnd,
Verse: 6 Gioll oc Leiptr, þær falla gumnom nær,
Verse: 7 enn falla til heliar heðan.
Strophe: 29
Verse: 1 Kǫrmt oc Ǫrmt oc Kerlaugar tvær,
Verse: 2 þær scal Þórr vaða,
Verse: 3 hverian dag, er hann doma ferr
Verse: 4 at asci Yggdrasils,
Verse: 5 þvíat ásbrú brenn ǫll loga,
Verse: 6 heilog vǫtn hlóa.
Strophe: 30
Verse: 1 Glaðr oc Gyllir, Glær oc Sceiðbrimir,
Verse: 2 Silfrintoppr oc Sinir,
Verse: 3 Gísl oc Falhófnir, Gulltoppr oc Léttfeti,
Verse: 4 þeim ríða æsir ióm,
Verse: 5 dag hvern, er þeir doma fara
Verse: 6 at asci Yggdrasils.
Strophe: 31
Verse: 1 Þriár rotr standa á þriá vega
Verse: 2 undan asci Yggdrasils;
Verse: 3 Hel býr undir einni, annarri hrímþursar,
Verse: 4 þriðio mennzcir menn.
Strophe: 32
Verse: 1 Ratatoscr heitir ícorni, er renna scal
Verse: 2 at asci Yggdrasils;
Verse: 3 arnar orð hann scal ofan bera
Verse: 4 oc segia Níðhǫggvi niðr.
Strophe: 33
Verse: 1 Hirtir ero oc fiórir, þeirs af hæfingar á
Verse: 2 gaghálsir gnaga:
Verse: 3 Dáinn oc Dvalinn,
Verse: 4 Duneyrr oc Duraþrór.
Strophe: 34
Verse: 1 Ormar fleiri liggia undir asci Yggdrasils,
Verse: 2 enn þat uf hyggi hverr ósviðra apa;
Verse: 3 Góinn oc Móinn - þeir ero Grafvitnis synir -
Verse: 4 Grábacr oc Grafvǫlluðr;
Verse: 5 Ofnir oc Sváfnir hygg ec at æ scyli
Verse: 6 meiðs qvisto má.
Strophe: 35
Verse: 1 Ascr Yggdrasils drýgir erfiði,
Verse: 2 meira, enn menn viti;
Verse: 3 hiortr bítr ofan, enn á hliðo fúnar,
Verse: 4 scerðir Níðhǫggr neðan.
Strophe: 36
Verse: 1 Hrist oc Mist vil ec at mér horn beri,
Verse: 2 Sceggiold oc Scǫgul,
Verse: 3 Hildi oc Þrúði, Hlǫcc oc Herfiotur,
Verse: 4 Gǫll oc Geirǫlul;
Verse: 5 Randgríð oc Ráðgríð oc Reginleif,
Verse: 6 þær bera einheriom ǫl.
Strophe: 37
Verse: 1 Árvacr oc Alsviðr, þeir scolo upp heðan,
Verse: 2 svangir, sól draga;
Verse: 3 enn und þeira bógom fálo blíð regin,
Verse: 4 æsir, ísarn kól.
Strophe: 38
Verse: 1 Svǫl heitir, hann stendr sólo fyrir,
Verse: 2 scioldr, scínanda goði;
Verse: 3 biorg oc brim ec veit at brenna scolo,
Verse: 4 ef hann fellr í frá.
Strophe: 39
Verse: 1 Scǫll heitir úlfr, er fylgir ino scírleita goði
Verse: 2 til varna viðar;
Verse: 3 enn annarr Hati, hann er Hróðvitnis sonr,
Verse: 4 sá scal fyr heiða brúði himins.
Strophe: 40
Verse: 1 Ór Ymis holdi var iorð um scǫpuð,
Verse: 2 enn ór sveita sær,
Verse: 3 biorg ór beinom, baðmr ór hári,
Verse: 4 enn ór hausi himinn.
Strophe: 41
Verse: 1 Enn ór hans brám gerðo blíð regin
Verse: 2 miðgarð manna sonom;
Verse: 3 enn ór hans heila vóro þau in harðmóðgo
Verse: 4 scý ǫll um scǫpuð.
Strophe: 42
Verse: 1 Ullar hylli hefr oc allra goða,
Verse: 2 hverr er tecr fyrstr á funa;
Verse: 3 þvíat opnir heimar verða um ása sonom,
Verse: 4 þá er hefia af hvera.
Strophe: 43
Verse: 1 Ívalda synir gengo í árdaga
Verse: 2 Scíðblaðni at scapa,
Verse: 3 scipa bezt, scírom Frey,
Verse: 4 nýtom Niarðar bur.
Strophe: 44
Verse: 1 Ascr Yggdrasils, hann er oztr viða,
Verse: 2 enn Scíðblaðnir scipa,
Verse: 3 Óðinn ása, enn ióa Sleipnir,
Verse: 4 Bilrǫst brúa, enn Bragi scálda,
Verse: 5 Hábróc hauca, enn hunda Garmr.
Strophe: 45
Verse: 1 Svipom hefi ec nú ypt fyr sigtíva sonom,
Verse: 2 við þat scal vilbiorg vaca;
Verse: 3 ǫllom ásom þat scal inn koma,
Verse: 4 Ægis becci á,
Verse: 5 Ægis drecco at.
Strophe: 46
Verse: 1 Hétomc Grímr, hétomc Gangleri,
Verse: 2 Herian oc Hiálmberi,
Verse: 3 Þeccr oc Þriði, Þundr oc Uðr,
Verse: 4 Helblindi oc Hár.
Strophe: 47
Verse: 1 Saðr oc Svipall oc Sanngetall,
Verse: 2 Herteitr oc Hnicarr,
Verse: 3 Bileygr, Báleygr, Bǫlvercr, Fiolnir,
Verse: 4 Grímr oc Grímnir, Glapsviðr oc Fiolsviðr.
Strophe: 48
Verse: 1 Síðhǫttr, Síðsceggr, Sigfǫðr, Hnicuðr,
Verse: 2 Alfǫðr, Valfǫðr, Atríðr oc Farmatýr;
Verse: 3 eino nafni hétomc aldregi,
Verse: 4 síz ec með fólcom fór.
Strophe: 49
Verse: 1 Grímni mic héto at Geirraðar,
Verse: 2 enn Iálc at Ósmundar,
Verse: 3 enn þá Kialar, er ec kiálca dró;
Verse: 4 Þrór þingom at,
Verse: 5 Viðurr at vígom,
Verse: 6 Ósci oc Ómi, Iafnhár oc Biflindi,
Verse: 7 Gǫndlir oc Hárbarðr með goðom.
Strophe: 50
Verse: 1 Sviðurr oc Sviðrir er ec hét at Sǫccmímis,
Verse: 2 oc dulða ec þann inn aldna iotun,
Verse: 3 þá er ec Miðviðnis varc ins mora burar
Verse: 4 orðinn einn bani.
Strophe: 51
Verse: 1 Ǫlr ertu, Geirroðr, hefr þú ofdruccit;
Verse: 2 miclo ertu hnugginn, er þú ert míno gengi,
Verse: 3 ǫllom einheriom oc Óðins hylli.
Strophe: 52
Verse: 1 Fiolð ec þér sagða, enn þú fát um mant,
Verse: 2 of þic véla vinir;
Verse: 3 mæki liggia ec sé míns vinar
Verse: 4 allan í dreyra drifinn.
Strophe: 53
Verse: 1 Eggmóðan val nú mun Yggr hafa,
Verse: 2 þitt veit ec líf um liðit;
Verse: 3 úfar ro dísir - nú knáttu Óðin siá,
Verse: 4 nálgaztu mic, ef þú megir!
Strophe: 54
Verse: 1 Óðinn ec nú heiti, Yggr ec áðan hét,
Verse: 2 hétomc Þundr fyrir þat,
Verse: 3 Vacr oc Scilfingr, Váfuðr oc Hroptatýr,
Verse: 4 Gautr oc Iálcr með goðom,
Verse: 5 Ofnir oc Sváfnir, er ec hygg at orðnir sé
Verse: 6 allir af einom mér.
Verse: 7 Geirroðr konungr sat oc hafði sverð um kné sér, oc
Verse: 8 brugðit til miðs. Enn er hann heyrði, at Óðinn var þar
Verse: 9 kominn, stóð hann up oc vildi taca Óðin frá eldinom.
Verse: 10 Sverðit slapp ór hendi hánom, visso hioltin niðr. Konungr
Verse: 11 drap foti oc steyptiz áfram, enn sverðit stóð í gognom
Verse: 12 hann, oc fecc hann bana. Óðinn hvarf þá. Enn Agnarr
Verse: 13 var þar konungr lengi síðan.
Verse: 1 Freyr, sonr Niarðar, hafði sezc í Hliðsciálf oc sá um
Verse: 2 heima alla. Hann sá í Iotunheima, oc sá þar mey fagra,
Verse: 3 þá er hon gecc frá scála fǫður síns til scemmo. Þar af fecc
Verse: 4 hann hugsóttir miclar.
Verse: 5 Scírnir hét scósveinn Freys. Niorðr bað hann qveðia
Verse: 6 Frey máls. Þá mælti Scaði:
Strophe: 1
Verse: 1 "Rístu nú, Scírnir, oc gacc at beiða
Verse: 2 occarn mála mǫg,
Verse: 3 oc þess at fregna, hveim inn fróði sé
Verse: 4 ofreiði afi."
Verse: 5 Scírnir qvað:
Strophe: 2
Verse: 1 "Illra orða er mér ón at ycrom syni,
Verse: 2 ef ec geng at mæla við mǫg,
Verse: 3 oc þess at fregna, hveim inn fróði sé
Verse: 4 ofreiði afi.
Strophe: 3
Verse: 1 Segðu þat, Freyr, fólcvaldi goða,
Verse: 2 oc ec vilia vita:
Verse: 3 hví þú einn sitr ennlanga sali,
Verse: 4 minn dróttinn, um daga?"
Verse: 5 Freyr qvað:
Strophe: 4
Verse: 1 "Hví um segiac þér, seggr inn ungi,
Verse: 2 mikinn móðtrega?
Verse: 3 þvíat álfrǫðull lýsir um alla daga,
Verse: 4 oc þeygi at mínom munom."
Verse: 5 Scírnir qvað:
Strophe: 5
Verse: 1 "Muni þína hycca ec svá micla vera,
Verse: 2 at þú mér, seggr, né segir;
Verse: 3 þvíat ungir saman várom í árdaga,
Verse: 4 vel mættim tveir trúazc."
Verse: 5 Freyr qvað:
Strophe: 6
Verse: 1 "Í Gymis gǫrðom ec sá ganga
Verse: 2 mér tíða mey;
Verse: 3 armar lýsto, enn af þaðan
Verse: 4 alt lopt oc lǫgr.
Strophe: 7
Verse: 1 Mær er mér tíðari enn manni hveim,
Verse: 2 ungom, í árdaga;
Verse: 3 ása oc álfa þat vill engi maðr,
Verse: 4 at við sátt sém."
Verse: 5 Scírnir qvað:
Strophe: 8
Verse: 1 "Mar gefðu mér þá, þann er mic um myrqvan beri,
Verse: 2 vísan vafrloga,
Verse: 3 oc þat sverð, er siálft vegiz
Verse: 4 við iotna ætt."
Verse: 5 Freyr qvað:
Strophe: 9
Verse: 1 "Mar ec þér þann gef, er þic um myrqvan berr,
Verse: 2 vísan vafrloga,
Verse: 3 oc þat sverð, er siálft mun vegaz,
Verse: 4 ef sá er horscr, er hefir."
Verse: 5 Scírnir mælti við hestinn:
Strophe: 10
Verse: 1 "Myrct er úti, mál qveð ec ocr fara
Verse: 2 úrig fioll yfir,
Verse: 3 þyria þióð yfir;
Verse: 4 báðir við komomc, eða ocr báða tecr
Verse: 5 sá inn ámátki iotunn."
Verse: 6 Scírnir reið í Iotunheima til Gymis garða. Þar vóro
Verse: 7 hundar ólmir, oc bundnir fyrir scíðgarðz hliði, þess er um
Verse: 8 sal Gerðar var. Hann reið at, þar er féhirðir sat á haugi,
Verse: 9 oc qvaddi hann:
Strophe: 11
Verse: 1 "Segðu þat, hirðir, er þú á haugi sitr
Verse: 2 oc varðar alla vega:
Verse: 3 hvé ec at annspilli komomc ins unga mans
Verse: 4 fyr greyiom Gymis?"
Verse: 5 Hirðir qvað:
Strophe: 12
Verse: 1 "Hvárt ertu feigr, eða ertu framgenginn?
Verse: 2 annspillis vanr þú scalt æ vera
Verse: 3 góðrar meyiar Gymis."
Verse: 4 Scírnir qvað:
Strophe: 13
Verse: 1 "Kostir ro betri, heldr enn at kløcqva sé,
Verse: 2 hveim er fúss er fara;
Verse: 3 eino dogri mér var aldr um scapaðr
Verse: 4 oc alt líf um lagið."
Verse: 5 Gerðr qvað:
Strophe: 14
Verse: 1 "Hvat er þat hlym hlymia, er ec hlymia heyri nú til
Verse: 2 ossom rǫnnom í?
Verse: 3 iorð bifaz, enn allir fyrir
Verse: 4 sciálfa garðar Gymis."
Verse: 5 Ambót qvað:
Strophe: 15
Verse: 1 "Maðr er hér úti, stiginn af mars baki,
Verse: 2 ió lætr til iarðar taca."
Verse: 3 Gerðr qvað:
Strophe: 16
Verse: 1 "Inn biððu hann ganga í occarn sal
Verse: 2 oc drecca inn mæra mioð!
Verse: 3 þó ec hitt óomc, at hér úti sé
Verse: 4 minn bróðurbani.
Strophe: 17
Verse: 1 Hvat er þat álfa, né ása sona,
Verse: 2 né víssa vana?
Verse: 3 hví þú einn um komt eikinn fúr yfir,
Verse: 4 ór salkynni at siá?"
Verse: 5 Scírnir qvað:
Strophe: 18
Verse: 1 "Emcat ec álfa né ása sona
Verse: 2 né víssa vana;
Verse: 3 þó ec einn um komc eikinn fúr yfir,
Verse: 4 yðor salkynni at siá.
Strophe: 19
Verse: 1 Epli ellifo hér hefi ec, algullin,
Verse: 2 þau mun ec þér, Gerðr, gefa,
Verse: 3 frið at kaupa, at þú þér Frey qveðir
Verse: 4 óleiðastan lifa."
Verse: 5 Gerðr qvað:
Strophe: 20
Verse: 1 "Epli ellifo ec þigg aldregi
Verse: 2 at mannzcis munom,
Verse: 3 né við Freyr, meðan occart fior lifir,
Verse: 4 byggiom bæði saman."
Verse: 5 Scírnir qvað:
Strophe: 21
Verse: 1 "Baug ec þér þá gef, þann er brendr var
Verse: 2 með ungom Óðins syni;
Verse: 3 átta ero iafnhǫfgir, er af driúpa
Verse: 4 ina níundo hveria nótt."
Verse: 5 Gerðr qvað:
Strophe: 22
Verse: 1 "Baug ec þiccac, þótt brendr sé
Verse: 2 með ungom Óðins syni;
Verse: 3 era mér gullz vant í gǫrðom Gymis,
Verse: 4 at deila fé fǫður."
Verse: 5 Scírnir qvað:
Strophe: 23
Verse: 1 "Sér þú þenna mæki, mær, mióvan, málfán,
Verse: 2 er ec hefi í hendi hér?
Verse: 3 hǫfuð hǫggva ec mun þér hálsi af,
Verse: 4 nema þú mér sætt segir."
Verse: 5 Gerðr qvað:
Strophe: 24
Verse: 1 "Ánauð þola ec vil aldregi
Verse: 2 at mannzcis munom;
Verse: 3 þó ec hins get, ef iþ Gymir finniz,
Verse: 4 vígs ótrauðir, at ycr vega tíði."
Verse: 5 Scírnir qvað:
Strophe: 25
Verse: 1 "Sér þú þenna mæki, mær, mióvan, málfán,
Verse: 2 er ec hefi í hendi hér?
Verse: 3 fyr þessom eggiom hnígr sá inn aldni iotunn,
Verse: 4 verðr þinn feigr faðir.
Strophe: 26
Verse: 1 Tamsvendi ec þic drep, enn ec þic temia mun,
Verse: 2 mær, at mínom munom;
Verse: 3 þar scaltu ganga, er þic gumna synir
Verse: 4 síðan æva sé.
Strophe: 27
Verse: 1 Ara þúfo á scaltu ár sitia,
Verse: 2 horfa heimi ór, snugga heliar til;
Verse: 3 matr sé þér meirr leiðr enn manna hveim
Verse: 4 inn fráni ormr með firom.
Strophe: 28
Verse: 1 At undrsiónom þú verðir, er þú út kømr,
Verse: 2 á þic Hrímnir hari, á þic hotvetna stari!
Verse: 3 víðkunnari þú verðir enn vorðr með goðom,
Verse: 4 gapiðu grindom frá!
Strophe: 29
Verse: 1 Tópi oc ópi, tiosull oc óþoli,
Verse: 2 vaxi þér tár með trega!
Verse: 3 Seztu niðr, enn ec mun segia þér
Verse: 4 sváran súsbreca
Verse: 5 oc tvennan trega.
Strophe: 30
Verse: 1 Tramar gneypa þic scolo gerstan dag
Verse: 2 iotna gǫrðom í;
Verse: 3 til hrímþursa hallar þú scalt hverian dag
Verse: 4 kranga kosta laus,
Verse: 5 kranga kosta vǫn;
Verse: 6 grát at gamni scaltu í gogn hafa
Verse: 7 oc leiða með tárom trega.
Strophe: 31
Verse: 1 Með þursi þríhǫfðoðom þú scalt æ nara,
Verse: 2 eða verlaus vera;
Verse: 3 þitt geð grípi,
Verse: 4 þic morn morni!
Verse: 5 ver þú sem þistill, sá er var þrunginn
Verse: 6 í ǫnn ofanverða.
Strophe: 32
Verse: 1 Til holtz ec gecc oc til hrás viðar,
Verse: 2 gambantein at geta,
Verse: 3 gambantein ec gat.
Strophe: 33
Verse: 1 Reiðr er þér Óðinn, reiðr er þér ásabragr,
Verse: 2 þic scal Freyr fiásc,
Verse: 3 in fyrinilla mær, enn þú fengit hefir
Verse: 4 gambanreiði goða.
Strophe: 34
Verse: 1 Heyri iotnar, heyri hrímþursar,
Verse: 2 synir Suttunga, siálfir ásliðar,
Verse: 3 hvé ec fyrbýð, hvé ec fyrirbanna
Verse: 4 manna glaum mani,
Verse: 5 manna nyt mani.
Strophe: 35
Verse: 1 Hrímgrímnir heitir þurs, er þic hafa scal,
Verse: 2 fyr nágrindr neðan;
Verse: 3 þar þér vílmegir á viðar rótom
Verse: 4 geita hland gefi!
Verse: 5 Oðri dryccio fá þú aldregi,
Verse: 6 mær, af þínom munom,
Verse: 7 mær, at mínom munom.
Strophe: 36
Verse: 1 Þurs ríst ec þér oc þriá stafi,
Verse: 2 ergi oc oði oc óþola;
Verse: 3 svá ec þat af ríst, sem ec þat á reist,
Verse: 4 ef goraz þarfar þess."
Verse: 5 Gerðr qvað:
Strophe: 37
Verse: 1 "Heill verðu nú heldr, sveinn, oc tac við hrímkálki,
Verse: 2 fullom forns miaðar!
Verse: 3 þó hafða ec þat ætlað, at myndac aldregi
Verse: 4 unna vaningia vel."
Verse: 5 Scírnir qvað:
Strophe: 38
Verse: 1 "Ørindi mín vil ec ǫll vita,
Verse: 2 áðr ec ríða heim heðan,
Verse: 3 nær þú á þingi munt inom þrosca
Verse: 4 nenna Niarðar syni."
Verse: 5 Gerðr qvað:
Strophe: 39
Verse: 1 "Barri heitir, er við bæði vitom,
Verse: 2 lundr lognfara;
Verse: 3 enn ept nætr nío þar mun Niarðar syni
Verse: 4 Gerðr unna gamans."
Verse: 5 Þá reið Scírnir heim. Freyr stóð úti oc qvaddi hann
Verse: 6 oc spurði tíðinda:
Strophe: 40
Verse: 1 "Segðu mér þat, Scírnir, áðr þú verpir sǫðli af mar
Verse: 2 oc þú stígir feti framarr:
Verse: 3 hvat þú árnaðir í iotunheima
Verse: 4 þíns eða míns munar?"
Verse: 5 Scírnir qvað:
Strophe: 41
Verse: 1 "Barri heitir, er við báðir vitom,
Verse: 2 lundr lognfara;
Verse: 3 enn ept nætr nío þar mun Niarðar syni
Verse: 4 Gerðr unna gamans."
Verse: 5 Freyr qvað:
Strophe: 42
Verse: 1 "Lǫng er nótt, langar ro tvær,
Verse: 2 hvé um þreyiac þriár?
Verse: 3 opt mér mánaðr minni þótti
Verse: 4 enn siá hálf hýnótt."
Verse: 1 Þórr fór ór austrvegi ok kom at sundi eino. Ǫðrom
Verse: 2 megom sundzins var feriokarlinn með scipit. Þórr kallaði:
Strophe: 1
Verse: 1 "Hverr er sá sveinn sveina, er stendr fyr sundit
Verse: 2 handan?"
Verse: 3 Hann svaraði:
Strophe: 2
Verse: 1 "Hverr er sá karl karla, er kallar um váginn?"
Verse: 2 Þórr qvað:
Strophe: 3
Verse: 1 "Ferðu mic um sundit, foði ec þic á morgon, "
Verse: 2 meis hefi ec á baki, verðra matrinn betri;
Verse: 3 át ec í hvíld, áðr ec heiman fór,
Verse: 4 síldr oc hafra, saðr em ec enn þess."
Verse: 5 Feriokarlinn qvað:
Strophe: 4
Verse: 1 "Árligom vercom hrósar þú verðinom;
Verse: 2 veiztattu fyrir gorla: "
Verse: 3 dǫpr ero þín heimkynni, dauð hygg ec at þín
Verse: 4 móðir sé."
Verse: 5 Þórr qvað:
Strophe: 5
Verse: 1 "Þat segir þú nú, er hveriom þiccir
Verse: 2 mest at vita, at mín móðir dauð sé."
Verse: 3 Feriokarlinn qvað:
Strophe: 6
Verse: 1 "Þeygi er, sem þú þriú bú góð eigir;
Verse: 2 berbeinn þú stendr, oc hefir brautinga gervi,
Verse: 3 þatki, at þú hafir brocr þínar."
Verse: 4 Þórr qvað:
Strophe: 7
Verse: 1 "Stýrðu hingat eikionni! ec mun þér stǫðna
Verse: 2 kenna,
Verse: 3 eða hverr á scipit, er þú heldr við landit?"
Verse: 4 Feriokarlinn qvað:
Strophe: 8
Verse: 1 "Hildólfr sá heitir, er mic halda bað,
Verse: 2 reccr inn ráðsvinni, er býr í Ráðseyiarsundi;
Verse: 3 baðat hann hlennimenn flytia eða hrossa þiófa,
Verse: 4 góða eina, oc þá er ec gerva kunna;
Verse: 5 segðu til nafns þíns, ef þú vill um sundit fara!"
Verse: 6 Þórr qvað:
Strophe: 9
Verse: 1 "Segia mun ec til nafns míns, þótt ec secr siác,
Verse: 2 oc til allz øðlis: ec em Óðins sonr,
Verse: 3 Meila bróðir, enn Magna faðir,
Verse: 4 þrúðvaldr goða; við Þór knáttu hér doma.
Verse: 5 Hins vil ec nú spyria, hvat þú heitir."
Verse: 6 Feriokarlinn qvað:
Strophe: 10
Verse: 1 "Hárbarðr ec heiti, hylc um nafn sialdan."
Verse: 2 Þórr qvað:
Strophe: 11
Verse: 1 "Hvat scaltu of nafn hylia, nema þú sacar eigir?"
Verse: 2 Hárbarðr qvað:
Strophe: 12
Verse: 1 "Enn þótt ec sacar eiga, fyr slícom, sem þú ert,
Verse: 2 þá mun ec forða fiorvi míno, nema ec feigr sé."
Verse: 3 Þórr qvað:
Strophe: 13
Verse: 1 "Harm liótan mér þiccir í því,
Verse: 2 at vaða um váginn til þín oc væta ǫgur minn;
Verse: 3 scylda ec launa kǫgursveini þínom
Verse: 4 kanginyrði, ef ec komomc yfir sundit."
Verse: 5 Hárbarðr qvað:
Strophe: 14
Verse: 1 "Hér mun ec standa oc þín heðan bíða;
Verse: 2 fanntaðu mann inn harðara at Hrungni dauðan."
Verse: 3 Þórr qvað:
Strophe: 15
Verse: 1 "Hins viltu nú geta, er við Hrungnir deildom,
Verse: 2 sá inn stórúðgi iotunn, er ór steini var hǫfuðit á;
Verse: 3 þó lét ec hann falla oc fyrir hníga.
Verse: 4 Hvat vanntu þá meðan, Hárbarðr?"
Verse: 5 Hárbarðr qvað:
Strophe: 16
Verse: 1 "Var ec með Fiolvari fimm vetr alla,
Verse: 2 í ey þeiri, er Algron heitir;
Verse: 3 vega vér þar knáttom oc val fella,
Verse: 4 margs at freista, mans at kosta."
Verse: 5 Þórr qvað:
Strophe: 17
Verse: 1 "Hverso snúnoðo yðr konor yðrar?"
Verse: 2 Hárbarðr qvað:
Strophe: 18
Verse: 1 "Sparcar átto vér konor, ef oss at spǫcom yrði,
Verse: 2 horscar átto vér konor, ef oss hollar væri;
Verse: 3 þær ór sandi síma undo
Verse: 4 oc ór dali diúpom
Verse: 5 grund um grófo;
Verse: 6 varð ec þeim einn ǫllom efri at ráðom,
Verse: 7 hvílda ec hiá þeim systrom siau,
Verse: 8 oc hafða ec geð þeira alt oc gaman.
Verse: 9 Hvað vanntu þá meðan, Þórr?"
Verse: 10 Þórr qvað:
Strophe: 19
Verse: 1 "Ec drap Þiaza, inn þrúðmóðga iotun,
Verse: 2 upp ec varp augom Allvalda sonar
Verse: 3 á þann inn heiða himin;
Verse: 4 þau ero merki mest minna verca,
Verse: 5 þau er allir menn síðan um sé.
Verse: 6 Hvat vanntu meðan, Hárbarðr?"
Verse: 7 Hárbarðr qvað:
Strophe: 20
Verse: 1 "Miclar manvélar ec hafða við myrcriðor,
Verse: 2 þá er ec vélta þær frá verom;
Verse: 3 harðan iotun ec hugða Hlébarð vera,
Verse: 4 gaf hann mér gambantein,
Verse: 5 enn ec vélta hann ór viti."
Verse: 6 Þórr qvað:
Strophe: 21
Verse: 1 "Illom huga launaðir þú þá góðar giafar."
Verse: 2 Hárbarðr quað:
Strophe: 22
Verse: 1 "Þat hefir eic, er af annarri scefr,
Verse: 2 um sic er hverr í slíco.
Verse: 3 Hvat vanntu meðan, Þórr?"
Verse: 4 Þórr qvað:
Strophe: 23
Verse: 1 "Ec var austr oc iotna barðag,
Verse: 2 brúðir bǫlvísar, er til biargs gengo;
Verse: 3 mikil myndi ætt iotna, ef allir lifði,
Verse: 4 vætr myndi manna undir miðgarði.
Verse: 5 Hvat vanntu meðan, Hárbarðr?"
Verse: 6 Hárbarðr qvað:
Strophe: 24
Verse: 1 "Var ec á Vallandi oc vígom fylgðag,
Verse: 2 atta ec iofrom, enn aldri sættac;
Verse: 3 Óðinn á iarla, þá er í val falla,
Verse: 4 enn Þórr á þræla kyn."
Verse: 5 Þórr qvað:
Strophe: 25
Verse: 1 "Óiafnt scipta er þú myndir með ásom liði,
Verse: 2 ef þú ættir vilgi mikils vald."
Verse: 3 Hárbarðr qvað:
Strophe: 26
Verse: 1 "Þórr á afl orit, enn ecci hiarta;
Verse: 2 af hrozlo oc hugbleyði þér var í hanzca troðit,
Verse: 3 oc þóttisca þú þá Þórr vera;
Verse: 4 hvárki þú þá þorðir fyr hrozlo þinni
Verse: 5 hniósa né físa, svá at Fialarr heyrði."
Verse: 6 Þórr qvað:
Strophe: 27
Verse: 1 "Hárbarðr inn ragi, ec mynda þic í hel drepa,
Verse: 2 ef ec mætta seilaz um sund."
Verse: 3 Hárbarðr qvað:
Strophe: 28
Verse: 1 "Hvat scyldir þú um sund seilaz, er sakir ro allz
Verse: 2 ǫngar?
Verse: 3 Hvat vanntu þá, Þórr?"
Verse: 4 Þórr qvað:
Strophe: 29
Verse: 1 "Ec var austr oc ána varðac,
Verse: 2 þá er mic sótto þeir Svárangs synir;
Verse: 3 grióti þeir mic bǫrðo, gagni urðo þeir þó lítt
Verse: 4 fegnir;
Verse: 5 þó urðo þeir mic fyrri friðar at biðia.
Verse: 6 Hvat vanntu þá meðan, Harbárðr?"
Verse: 7 Hárbarðr qvað:
Strophe: 30
Verse: 1 "Ec var austr oc við einhveria domðac,
Verse: 2 léc ec við ina línhvíto oc launþing háðac,
Verse: 3 gladdac ina gullbiorto, gamni mær unði."
Verse: 4 Þórr qvað:
Strophe: 31
Verse: 1 "Góð átto þær mankynni þar þá."
Verse: 2 Hárbarðr qvað:
Strophe: 32
Verse: 1 "Liðs þíns væra ec þá þurfi, Þórr,
Verse: 2 at ec helda þeiri inni línhvíto mey."
Verse: 3 Þórr qvað:
Strophe: 33
Verse: 1 "Ec mynda þér þat veita, ef ec viðr of komiz."
Verse: 2 Hárbarðr qvað:
Strophe: 34
Verse: 1 "Ec mynda þér þá trúa, nema þú mic í trygð
Verse: 2 véltir."
Verse: 3 Þórr qvað:
Strophe: 35
Verse: 1 "Emcat ec sá hælbítr sem húðscór forn á vár."
Verse: 2 Hárbarðr qvað:
Strophe: 36
Verse: 1 "Hvat vanntu meðan, Þórr?"
Verse: 2 Þórr qvað:
Strophe: 37
Verse: 1 "Brúðir berserkia barðac í Hléseyio;
Verse: 2 þær hǫfðo verst unnit, vélta þióð alla."
Verse: 3 Hárbarðr qvað:
Strophe: 38
Verse: 1 "Klæki vanntu þá, Þórr, er þú á konom barðir."
Verse: 2 Þórr qvað:
Strophe: 39
Verse: 1 "Vargynior vóro þær, enn varla konor,
Verse: 2 sceldo scip mitt, er ec scorðat hafðac,
Verse: 3 ogðo mér iárnlurki, enn elto Þiálfa.
Verse: 4 Hvat vanntu meðan, Hárbarðr?"
Verse: 5 Hárbarðr qvað:
Strophe: 40
Verse: 1 "Ec varc í hernom, er hingat gorðiz
Verse: 2 gnæfa gunnfana, geir at rióða."
Verse: 3 Þórr qvað:
Strophe: 41
Verse: 1 "Þess viltu nú geta, er þú fórt oss ólubann at bióða."
Verse: 2 Hárbarðr qvað:
Strophe: 42
Verse: 1 "Bota scal þér þat þá munda baugi,
Verse: 2 sem iafnendr unno, þeir er ocr vilia sætta."
Verse: 3 Þórr qvað:
Strophe: 43
Verse: 1 "Hvar namtu þessi in hnofiligo orð,
Verse: 2 er ec heyrða aldregi hnofiligri?"
Verse: 3 Hárbarðr qvað:
Strophe: 44
Verse: 1 "Nam ec at mǫnnom þeim inom aldronom, er búa í
Verse: 2 heimis scógom."
Verse: 3 Þórr qvað:
Strophe: 45
Verse: 1 "Þó gefr þú gott nafn dysiom, er þú kallar þat heimis
Verse: 2 scóga."
Verse: 3 Hárbarðr qvað:
Strophe: 46
Verse: 1 "Svá domi ec um slíct far."
Verse: 2 Þórr qvað:
Strophe: 47
Verse: 1 "Orðkringi þín mun þér illa koma,
Verse: 2 ef ec ræð á vág at vaða;
Verse: 3 úlfi hæra hygg ec at þú opa munir,
Verse: 4 ef þú hlýtr af hamri hǫgg."
Verse: 5 Hárbarðr qvað:
Strophe: 48
Verse: 1 "Sif á hó heima, hans mundo fund vilia,
Verse: 2 þann muntu þrec drýgia, þat er þér scyldara."
Verse: 3 Þórr qvað:
Strophe: 49
Verse: 1 "Mælir þú at munnz ráði, svá at mér scyldi verst
Verse: 2 þiccia,
Verse: 3 halr inn hugblauði, hygg ec, at þú liúgir."
Verse: 4 Hárbarðr qvað:
Strophe: 50
Verse: 1 "Satt hygg ec mic segia, seinn ertu at for þinni;
Verse: 2 langt myndir þú nú kominn, Þórr, ef þú litom forir."
Verse: 3 Þórr qvað:
Strophe: 51
Verse: 1 "Hárbarðr inn ragi, heldr hefir þú nú mic
Verse: 2 dvalðan."
Verse: 3 Hárbarðr qvað:
Strophe: 52
Verse: 1 "Ása-Þórs hugða ec aldregi mundo
Verse: 2 glepia féhirði farar."
Verse: 3 Þórr qvað:
Strophe: 53
Verse: 1 "Ráð mun ec þér nú ráða: ró þú hingat bátinom,
Verse: 2 hættom hotingi, hittu fǫður Magna!"
Verse: 3 Hárbarðr qvað:
Strophe: 54
Verse: 1 "Farðu firr sundi! þér scal fars synia."
Verse: 2 Þórr qvað:
Strophe: 55
Verse: 1 "Vísa þú mér nú leiðina, allz þú vill mic eigi um
Verse: 2 váginn feria."
Verse: 3 Hárbarðr qvað:
Strophe: 56
Verse: 1 "Lítið er synia, langt er at fara;
Verse: 2 stund er til stoccsins, ǫnnor til steinsins,
Verse: 3 haltu svá til vinstra vegsins, unz þú hittir
Verse: 4 Verland;
Verse: 5 þar mun Fiorgyn hitta Þór, son sinn,
Verse: 6 oc mun hon kenna hánom áttunga brautir til Óðins
Verse: 7 landa."
Verse: 8 Þórr qvað:
Strophe: 57
Verse: 1 "Mun ec taca þangat í dag?"
Verse: 2 Hárbarðr qvað:
Strophe: 58
Verse: 1 "Taca við víl oc erfiði at upverandi sólo,
Verse: 2 er ec get þána."
Verse: 3 Þórr qvað:
Strophe: 59
Verse: 1 "Scamt mun nú mál occat vera, allz þú mér scotingo
Verse: 2 einni svarar;
Verse: 3 launa mun ec þér farsynion, ef við finnomc í
Verse: 4 sinn annat."
Verse: 5 Hárbarðr qvað:
Strophe: 60
Verse: 1 "Farðu nú, þars þic hafi allan gramir!"
Verse: 1 Ár valtívar veiðar námo,
Verse: 2 oc sumblsamir, áðr saðir yrði;
Verse: 3 hristo teina oc á hlaut sá,
Verse: 4 fundo þeir at Ægis ørkost hvera.
Strophe: 2
Verse: 1 Sat bergbúi, barnteitr, fyrir,
Verse: 2 mioc glícr megi miscorblinda;
Verse: 3 leit í augo Yggs barn í þrá:
Verse: 4 "Þú scalt ásom opt sumbl gora."
Strophe: 3
Verse: 1 Ǫnn fecc iotni orðbæginn halr,
Verse: 2 hugði at hefndom hann næst við goð;
Verse: 3 bað hann Sifiar ver sér fora hver,
Verse: 4 "þannz ek ǫllom ǫl yðr of heita."
Strophe: 4
Verse: 1 Né þat mátto mærir tívar
Verse: 2 oc ginregin of geta hvergi,
Verse: 3 unz af trygðom Týr Hlórriða
Verse: 4 ástráð mikit einom sagði:
Strophe: 5
Verse: 1 "Býr fyr austan Élivága
Verse: 2 hundvíss Hymir, at himins enda;
Verse: 3 á minn faðir, móðugr, ketil,
Verse: 4 rúmbrugðinn hver, rastar diúpan."
Strophe: 6
Verse: 1 "Veiztu, ef þiggiom þann lǫgvelli?"
Verse: 2 "Ef, vinr, vélar við gorvom til."
Strophe: 7
Verse: 1 Fóro driúgom dag þann fram,
Verse: 2 Ásgarði frá, unz til Egils qvómo.
Verse: 3 Hirði hann hafra horngǫfgasta,
Verse: 4 hurfo at hǫllo, er Hymir átti.
Strophe: 8
Verse: 1 Mǫgr fann ǫmmo, mioc leiða sér,
Verse: 2 hafði hǫfða hundruð nío.
Verse: 3 Enn ǫnnor gecc, algullin, fram,
Verse: 4 brúnhvít, bera biórveig syni:
Strophe: 9
Verse: 1 "Áttniðr iotna, ec viliac ycr,
Verse: 2 hugfulla tvá, und hvera setia.
Verse: 3 Er minn frí mǫrgo sinni
Verse: 4 gløggr við gesti, gorr illz hugar."
Strophe: 10
Verse: 1 Enn váscapaðr varð síðbúinn,
Verse: 2 harðráðr Hymir, heim af veiðom.
Verse: 3 Gecc inn í sal, glumðo ioclar,
Verse: 4 var karls, er kom, kinnscógr frørinn.
Strophe: 11
Verse: 1 "Ver þú heill, Hymir, í hugom góðom!
Verse: 2 nú er sonr kominn til sala þinna,
Verse: 3 sá er við vættom af vegi lǫngom.
Verse: 4 Fylgir hánom Hróðrs andscoti,
Verse: 5 vinr verliða, Véorr heitir sá.
Strophe: 12
Verse: 1 Séðu, hvar sitia und salar gafli,
Verse: 2 svá forða sér, stendr súl fyrir."
Verse: 3 Sundr stǫcc súla fyr sión iotuns,
Verse: 4 enn áðr í tvau áss brotnaði.
Strophe: 13
Verse: 1 Stucco átta, enn einn af þeim,
Verse: 2 hverr harðsleginn, heill af þolli.
Verse: 3 Fram gengo þeir, enn forn iotunn
Verse: 4 siónom leiddi sinn annscota.
Strophe: 14
Verse: 1 Sagðit hánom hugr vel, þá er hann sá
Verse: 2 gýgiar groti á gólf kominn.
Verse: 3 Þar vóro þiórar þrír of tecnir,
Verse: 4 bað senn iotunn sióða ganga.
Strophe: 15
Verse: 1 Hvern léto þeir hǫfði scemra
Verse: 2 oc á seyði síðan báro.
Verse: 3 Át Sifiar verr, áðr sofa gengi,
Verse: 4 einn með ǫllo øxn tvá Hymis.
Strophe: 16
Verse: 1 Þótti három Hrungnis spialla
Verse: 2 verðr Hlórriða vel fullmikill.
Verse: 3 "Munom at apni ǫðrom verða
Verse: 4 við veiðimat vér þrír lifa."
Strophe: 17
Verse: 1 Véorr qvaz vilia á vág róa,
Verse: 2 ef ballr iotunn beitor gæfi.
Verse: 3 "Hverfðu til hiarðar, ef þú hug trúir,
Verse: 4 briótr berg-Dana, beitor sokia!
Strophe: 18
Verse: 1 Þess vænti ec, at þér myni
Verse: 2 ǫgn af oxa auðfeng vera."
Verse: 3 Sveinn sýsliga sveif til scógar,
Verse: 4 þar er uxi stóð, alsvartr, fyrir.
Strophe: 19
Verse: 1 Braut af þióri þurs ráðbani
Verse: 2 hátún ofan horna tveggia.
Verse: 3 "Verc þiccia þín verri myclo,
Verse: 4 kióla valdi, enn þú kyrr sitir."
Strophe: 20
Verse: 1 Bað hlunngota hafra dróttinn
Verse: 2 áttrunn apa útarr fora;
Verse: 3 enn sá iotunn sína talði
Verse: 4 litla fýsi at róa lengra.
Strophe: 21
Verse: 1 Dró morr Hymir, móðugr, hvali
Verse: 2 einn á ongli up senn tvá:
Verse: 3 enn aptr í scut Óðni sifiaðr,
Verse: 4 Véorr, við vélar vað gorði sér.
Strophe: 22
Verse: 1 Egndi á ǫngul, sá er ǫldom bergr,
Verse: 2 orms einbani, uxa hǫfði;
Verse: 3 gein við ǫngli, sú er goð fiá,
Verse: 4 umgiorð neðan allra landa.
Strophe: 23
Verse: 1 Dró diarfliga dáðraccr Þórr
Verse: 2 orm eitrfán upp at borði;
Verse: 3 hamri kníði háfiall scarar,
Verse: 4 ofliótt, ofan úlfs hnitbróður.
Strophe: 24
Verse: 1 Hreingálcn hlumðo, enn hǫlcn þuto,
Verse: 2 fór in forna fold ǫll saman.
Verse: 3 Søcþiz síðan sá fiscr í mar.
Strophe: 25
Verse: 1 Óteitr iotunn, er þeir aptr rero,
Verse: 2 svá at ár Hymir ecci mælti;
Verse: 3 veifði hann roði veðrs annars til:
Strophe: 26
Verse: 1 "Mundo um vinna verc hálft við mic,
Verse: 2 at þú heim hvali haf til boiar
Verse: 3 eða flotbrúsa festir occarn."
Strophe: 27
Verse: 1 Gecc Hlórriði, greip á stafni,
Verse: 2 vatt með austri up lǫgfáki;
Verse: 3 einn með árom oc með austscoto
Verse: 4 bar hann til boiar brimsvín iotuns
Verse: 5 oc holtriða hver í gegnom.
Strophe: 28
Verse: 1 Oc enn iotunn um afrendi,
Verse: 2 þrágirni vanr, við Þór senti;
Verse: 3 qvaðat mann ramman, þótt róa kynni
Verse: 4 krǫpturligan, nema kálc bryti.
Strophe: 29
Verse: 1 Enn Hlórriði, er at hǫndom kom,
Verse: 2 brát lét bresta brattstein gleri;
Verse: 3 sló hann sitiandi súlor í gognom;
Verse: 4 báro þó heilan fyr Hymi síðan.
Strophe: 30
Verse: 1 Unz þat in fríða frilla kendi,
Verse: 2 ástráð mikit, eitt, er vissi:
Verse: 3 "Drep við haus Hymis! hann er harðari,
Verse: 4 kostmóðs iotuns, kálki hveriom."
Strophe: 31
Verse: 1 Harðr reis á kné, hafra dróttinn,
Verse: 2 forðiz allra í ásmegin;
Verse: 3 heill var karli hiálmstofn ofan,
Verse: 4 enn vínferill, valr, rifnaði.
Strophe: 32
Verse: 1 "Mǫrg veit ec mæti mér gengin frá,
Verse: 2 er ec kálki sé ýr kniám hrundit."
Verse: 3 Karl orð um qvað: "knácat ec segia
Verse: 4 aptr ævagi, þú ert, ǫlðr, of heitt.
Strophe: 33
Verse: 1 Þat er til kostar, ef koma mættið
Verse: 2 út ór óro ǫlkiól hofi."
Verse: 3 Týr leitaði tysvar hrora,
Verse: 4 stóð at hváro hverr kyrr fyrir.
Strophe: 34
Verse: 1 Faðir Móða fecc á þremi,
Verse: 2 oc í gegnom steig gólf niðr í sal;
Verse: 3 hóf sér á hǫfuð up hver Sifiar verr,
Verse: 4 enn á hælom hringar scullo.
Strophe: 35
Verse: 1 Fóro lengi, áðr líta nam
Verse: 2 aptr Óðins sonr eino sinni;
Verse: 3 sá hann ór hreysom með Hymi austan
Verse: 4 fólcdrót fara, fiolhǫfðaða.
Strophe: 36
Verse: 1 Hóf hann sér af herðom hver standanda,
Verse: 2 veifði hann Miollni, morðgiornom, fram,
Verse: 3 oc hraunhvala hann alla drap.
Strophe: 37
Verse: 1 Fóroð lengi, áðr liggia nam
Verse: 2 hafr Hlórriða hálfdauðr fyrir;
Verse: 3 var scirr scǫculs scaccr á banni,
Verse: 4 enn því inn lævísi Loki um olli.
Strophe: 38
Verse: 1 Enn ér heyrt hafið - hverr kann um þat
Verse: 2 goðmálugra gørr at scilia -,
Verse: 3 hver af hraunbúa hann laun um fecc,
Verse: 4 er hann bæði galt born sín fyrir.
Strophe: 39
Verse: 1 Þróttǫflugr kom á þing goða,
Verse: 2 oc hafði hver, þannz Hymir átti;
Verse: 3 enn véar hverian vel scolo drecca
Verse: 4 ǫlðr at Ægis eitt hǫrmeitið.
Verse: 1 Ægir, er ǫðro nafni hét Gymir, hann hafði búit ásom
Verse: 2 ǫl, þá er hann hafði fengit ketil inn micla, sem nú er sagt.
Verse: 3 Til þeirar veizlo kom Óðinn oc Frigg, kona hans. Þórr
Verse: 4 kom eigi, þvíat hann var í austrvegi. Sif var þar, kona
Verse: 5 Þórs, Bragi oc Iðunn, kona hans. Týr var þar, hann
Verse: 6 var einhendr. Fenrisúlfr sleit hǫnd af hánom, þá er
Verse: 7 hann var bundinn. Þar var Niorðr oc kona hans, Scaði,
Verse: 8 Freyr oc Freyia, Víðarr, son Óðins. Loki var þar, oc
Verse: 9 þiónustomenn Freys, Byggvir oc Beyla. Mart var þar
Verse: 10 ása oc álfa. Ægir átti tvá þiónustomenn, Fimafengr oc
Verse: 11 Eldir. Þar var lýsigull haft fyrir eldzliós. Siálft barsc
Verse: 12 þar ǫl. Þar var griðastaðr mikill. Menn lofoðo mioc,
Verse: 13 hverso góðir þiónustomenn Ægis vóro. Loki mátti eigi
Verse: 14 heyra þat, oc drap hann Fimafeng. Þá scóco æsir scioldo
Verse: 15 sína oc opþo at Loca, oc elto hann braut til scógar, enn
Verse: 16 þeir fóro at drecca.
Verse: 17 Loki hvarf aptr oc hitti úti Eldi. Loki qvaddi hann:
Strophe: 0
Verse: 1 (LOCASENNA.)
Strophe: 1
Verse: 1 "Segðu þat, Eldir, svá at þú einugi
Verse: 2 feti gangir framarr:
Verse: 3 hvat hér inni hafa at ǫlmálom
Verse: 4 sigtíva synir?"
Verse: 5 Eldir qvað:
Strophe: 2
Verse: 1 "Of vápn sín doma oc um vígrisni sína
Verse: 2 sigtíva synir;
Verse: 3 ása oc álfa, er hér inni ero,
Verse: 4 mangi er þér í orði vinr."
Verse: 5 Loki qvað:
Strophe: 3
Verse: 1 "Inn scal ganga Ægis hallir í,
Verse: 2 á þat sumbl at siá;
Verse: 3 ioll oc áfo fori ec ása sonom,
Verse: 4 oc blend ec þeim svá meini mioð."
Verse: 5 Eldir qvað:
Strophe: 4
Verse: 1 "Veiztu, ef þú inn gengr Ægis hallir í,
Verse: 2 á þat sumbl at siá,
Verse: 3 hrópi oc rógi ef þú eyss á holl regin:
Verse: 4 á þér muno þau þerra þat."
Verse: 5 Loki qvað:
Strophe: 5
Verse: 1 "Veiztu þat, Eldir, ef við einir scolom
Verse: 2 sáryrðom sacaz:
Verse: 3 auðigr verða mun ec í andsvorom,
Verse: 4 ef þú mælir til mart."
Verse: 5 Síðan gecc Loki inn í hǫllina. Enn er þeir sá, er fyrir
Verse: 6 vóro, hverr inn var kominn, þǫgnoðo þeir allir.
Verse: 7 Loki qvað:
Strophe: 6
Verse: 1 "Þyrstr ec kom þessar hallar til,
Verse: 2 Loptr, um langan veg,
Verse: 3 áso at biðia, at mér einn gefi
Verse: 4 mæran drycc miaðar.
Strophe: 7
Verse: 1 Hví þegit ér svá, þrungin goð,
Verse: 2 at þér mæla né megoð?
Verse: 3 sessa oc staði velið mér sumbli at,
Verse: 4 eða heitið mic heðan!"
Verse: 5 Bragi qvað:
Strophe: 8
Verse: 1 "Sessa oc staði velia þér sumbli at
Verse: 2 æsir aldregi,
Verse: 3 þvíat æsir vito, hveim þeir alda scolo
Verse: 4 gambansumbl um geta."
Verse: 5 Loki qvað:
Strophe: 9
Verse: 1 "Mantu þat, Óðinn, er við í árdaga
Verse: 2 blendom blóði saman;
Verse: 3 ǫlvi bergia léztu eigi mundo,
Verse: 4 nema ocr væri báðom borit."
Verse: 5 Óðinn qvað:
Strophe: 10
Verse: 1 "Rístu þá, Víðarr, oc lát úlfs fǫður
Verse: 2 sitia sumbli at,
Verse: 3 síðr oss Loki qveði lastastǫfom
Verse: 4 Ægis hǫllo í."
Verse: 5 Þá stóð Víðarr up oc scencti Loca. Enn áðr hann drycci,
Verse: 6 qvaddi hann ásona:
Strophe: 11
Verse: 1 "Heilir æsir, heilar ásynior
Verse: 2 oc ǫll ginnheilog goð!
Verse: 3 nema sá einn áss, er innar sitr,
Verse: 4 Bragi, becciom á."
Verse: 5 Bragi qvað:
Strophe: 12
Verse: 1 "Mar oc mæki gef ec þér míns fiár,
Verse: 2 oc botir þér svá baugi Bragi,
Verse: 3 síðr þú ásom ǫfund um gialdir,
Verse: 4 gremðu eigi goð at þér!"
Verse: 5 Loki qvað:
Strophe: 13
Verse: 1 "Iós oc armbauga mundu æ vera
Verse: 2 beggia vanr, Bragi;
Verse: 3 ása oc álfa, er hér inni ero,
Verse: 4 þú ert við víg varastr
Verse: 5 oc sciarrastr við scot."
Verse: 6 Bragi qvað:
Strophe: 14
Verse: 1 "Veit ec, ef fyr útan værac, svá sem fyr innan emc
Verse: 2 Ægis hǫll um kominn,
Verse: 3 hǫfuð þitt bæra ec í hendi mér,
Verse: 4 lít ec þér þat fyr lygi."
Verse: 5 Loki qvað:
Strophe: 15
Verse: 1 "Sniallr ertu í sessi, scalattu svá gora,
Verse: 2 Bragi, beccscrautuðr;
Verse: 3 vega þú gacc, ef þú vreiðr sér,
Verse: 4 hyggz vætr hvatr fyrir."
Verse: 5 Iðunn qvað:
Strophe: 16
Verse: 1 "Bið ec, Bragi, barna sifiar duga
Verse: 2 oc allra óscmaga,
Verse: 3 at þú Loca qveðira lastastǫfom
Verse: 4 Ægis hǫllo í."
Verse: 5 Loki qvað:
Strophe: 17
Verse: 1 "Þegiðu, Iðunn! þic qveð ec allra qvenna
Verse: 2 vergiarnasta vera,
Verse: 3 síztu arma þína lagðir, ítrþvegna,
Verse: 4 um þinn bróðurbana."
Verse: 5 Iðunn qvað:
Strophe: 18
Verse: 1 "Loca ec qveðca lastastǫfom
Verse: 2 Ægis hǫllo í;
Verse: 3 Braga ec kyrri, biórreifan,
Verse: 4 vilcat ec, at iþ vreiðir vegiz."
Verse: 5 Gefion qvað:
Strophe: 19
Verse: 1 "Hví iþ æsir tveir scoloð inni hér
Verse: 2 sáryrðom sacaz?
Verse: 3 Lopzci þat veit, at hann leikinn er
Verse: 4 oc hann fiorgvall friá."
Verse: 5 Loki qvað:
Strophe: 20
Verse: 1 "Þegi þú, Gefion! þess mun ec nú geta,
Verse: 2 er þic glapþi at geði:
Verse: 3 sveinn inn hvíti, er þér sigli gaf,
Verse: 4 oc þú lagðir lær yfir."
Verse: 5 Óðinn:
Strophe: 21
Verse: 1 "Orr ertu, Loki, oc ørviti,
Verse: 2 er þú fær þér Gefion at gremi,
Verse: 3 þvíat aldar ørlǫg hygg ec at hon ǫll um viti
Verse: 4 iafngorla sem ec."
Verse: 5 Loki qvað:
Strophe: 22
Verse: 1 "Þegi þú, Óðinn! þú kunnir aldregi
Verse: 2 deila víg með verom;
Verse: 3 opt þú gaft, þeim er þú gefa scyldira,
Verse: 4 inom slævorom, sigr."
Verse: 5 Óðinn qvað:
Strophe: 23
Verse: 1 "Veiztu, ef ec gaf, þeim er ec gefa né scylda,
Verse: 2 inom slævorom, sigr:
Verse: 3 átta vetr vartu fyr iorð neðan
Verse: 4 kýr mólcandi oc kona,
Verse: 5 oc hefir þú þar born borit,
Verse: 6 oc hugða ec þat args aðal."
Verse: 7 Loki qvað:
Strophe: 24
Verse: 1 "Enn þic síða kóðo Sámseyo í,
Verse: 2 oc draptu á vétt sem vǫlor;
Verse: 3 vitca líki fórtu verþióð yfir,
Verse: 4 oc hugða ec þat args aðal."
Verse: 5 Frigg qvað:
Strophe: 25
Verse: 1 "Ørlǫgom ycrom scylit aldregi
Verse: 2 segia seggiom frá,
Verse: 3 hvat iþ æsir tveir drýgðot í árdaga;
Verse: 4 firriz æ forn rǫc firar."
Verse: 5 Loki qvað:
Strophe: 26
Verse: 1 "Þegi þú, Frigg! þú ert Fiorgyns mær
Verse: 2 oc hefir æ vergiorn verið,
Verse: 3 er þá Véa oc Vilia léztu þér, Viðris qvæn,
Verse: 4 báða í baðm um tekit."
Verse: 5 Frigg qvað:
Strophe: 27
Verse: 1 "Veiztu, ef ec inni ættac Ægis hǫllom í
Verse: 2 Baldri lícan bur,
Verse: 3 út þú né kvomir frá ása sonom,
Verse: 4 oc væri þá at þér vreiðom vegit."
Verse: 5 Loki qvað:
Strophe: 28
Verse: 1 "Enn vill þú, Frigg, at ec fleiri telia
Verse: 2 mína meinstafi:
Verse: 3 ec því ræð, er þú ríða sérat
Verse: 4 síðan Baldr at sǫlom."
Verse: 5 Freyia qvað:
Strophe: 29
Verse: 1 "Orr ertu, Loki, er þú yðra telr
Verse: 2 lióta leiðstafi;
Verse: 3 ørlǫg Frigg hugg ec at ǫll viti,
Verse: 4 þótt hon siálfgi segi."
Verse: 5 Loki qvað:
Strophe: 30
Verse: 1 "Þegi þú, Freyia! þic kann ec fullgerva,
Verse: 2 era þér vamma vant;
Verse: 3 ása oc álfa, er hér inni ero,
Verse: 4 hverr hefir þinn hór verið."
Verse: 5 Freyia qvað:
Strophe: 31
Verse: 1 "Flá er þér tunga, hugg ec at þér fremr myni
Verse: 2 ógott um gala;
Verse: 3 reiðir ro þér æsir oc ásynior,
Verse: 4 hryggr muntu heim fara."
Verse: 5 Loki qvað:
Strophe: 32
Verse: 1 "Þegi þú, Freyia! þú ert fordæða
Verse: 2 oc meini blandin mioc,
Verse: 3 síztic at broðr þínom stóðo blíð regin,
Verse: 4 oc mundir þú þá, Freyia, frata."
Verse: 5 Niorðr qvað:
Strophe: 33
Verse: 1 "Þat er válítit, þótt sér varðir vers fái,
Verse: 2 hós eða hvárs;
Verse: 3 hitt er undr, er áss ragr er hér inn of kominn,
Verse: 4 oc hefir sá born of borit."
Verse: 5 Loki qvað:
Strophe: 34
Verse: 1 "Þegi þú, Niorðr! þú vart austr heðan
Verse: 2 gíls um sendr at goðom;
Verse: 3 Hymis meyiar hǫfðo þic at hlandtrogi
Verse: 4 oc þér í munn migo."
Verse: 5 Niorðr qvað:
Strophe: 35
Verse: 1 "Sú eromc lícn, er ec varc langt heðan
Verse: 2 gísl um sendr at goðom:
Verse: 3 þá ec mǫg gat, þann er mangi fiár,
Verse: 4 oc þiccir sá ása iaðarr."
Verse: 5 Loki qvað:
Strophe: 36
Verse: 1 "Hættu nú, Niorðr, haf þú á hófi þic!
Verse: 2 munca ec því leyna lengr:
Verse: 3 við systor þinni gaztu slícan mǫg,
Verse: 4 oc era þó óno verr."
Verse: 5 Týr qvað:
Strophe: 37
Verse: 1 "Freyr er beztr allra ballriða
Verse: 2 ása gǫrðom í;
Verse: 3 mey hann né grotir né mannz kono,
Verse: 4 oc leysir ór hǫptom hvern."
Verse: 5 Loki qvað:
Strophe: 38
Verse: 1 "Þegi þú, Týr! þú kunnir aldregi
Verse: 2 bera tilt með tveim;
Verse: 3 handar innar hogri mun ec hinnar geta,
Verse: 4 er þér sleit Fenrir frá."
Verse: 5 Týr qvað:
Strophe: 39
Verse: 1 "Handar em ec vanr, enn þú Hróðrsvitnis,
Verse: 2 bǫl er beggia þrá;
Verse: 3 úlfgi hefir oc vel, er í bǫndom scal
Verse: 4 bíða ragna rǫcrs."
Verse: 5 Loki qvað:
Strophe: 40
Verse: 1 "Þegi þú, Týr! þat varð þinni kono,
Verse: 2 at hon átti mǫg við mér;
Verse: 3 ǫln né penning hafðir þú þess aldregi
Verse: 4 vanréttis, vesall."
Verse: 5 Freyr qvað:
Strophe: 41
Verse: 1 "Úlf sé ec liggia árósi fyrir,
Verse: 2 unz riúfaz regin;
Verse: 3 því mundu næst, nema þú nú þegir,
Verse: 4 bundinn, bǫlvasmiðr."
Verse: 5 Loki qvað:
Strophe: 42
Verse: 1 "Gulli keypta léztu Gymis dóttur
Verse: 2 oc seldir þitt svá sverð;
Verse: 3 enn er Muspellz synir ríða Myrcvið yfir,
Verse: 4 veizta þú þá, vesall, hvé þú vegr."
Verse: 5 Byggvir:
Strophe: 43
Verse: 1 "Veiztu, ef ec øðli ættac sem Inguna-Freyr,
Verse: 2 oc svá sællict setr,
Verse: 3 mergi smæra mølða ec þá meinkráco
Verse: 4 oc lemða alla í liðo."
Verse: 5 Loki qvað:
Strophe: 44
Verse: 1 "Hvat er þat iþ litla, er ec þat lǫggra séc,
Verse: 2 oc snapvíst snapir?
Verse: 3 at eyrom Freys munðu æ vera
Verse: 4 oc und qvernom klaca."
Verse: 5 Byggvir qvað:
Strophe: 45
Verse: 1 "Byggvir ec heiti, enn mic bráðan qveða
Verse: 2 goð ǫll oc gumar;
Verse: 3 því em ec hér hróðugr, at drecca Hroptz megir
Verse: 4 allir ǫl saman."
Verse: 5 Loki qvað:
Strophe: 46
Verse: 1 "Þegi þú, Byggvir! þú kunnir aldregi
Verse: 2 deila með mǫnnom mat;
Verse: 3 oc þic í fletz strá finna né mátto,
Verse: 4 þá er vágo verar."
Verse: 5 Heimdallr qvað:
Strophe: 47
Verse: 1 "Ǫlr ertu, Loki, svá at þú er ørviti,
Verse: 2 hví né lezcaðu, Loki?
Verse: 3 þvíat ofdryccia veldr alda hveim,
Verse: 4 er sína mælgi né manað."
Verse: 5 Loki qvað:
Strophe: 48
Verse: 1 "Þegi þú, Heimdallr! þér var í árdaga
Verse: 2 iþ lióta líf um lagit;
Verse: 3 aurgo baki þú munt æ vera
Verse: 4 oc vaca vorðr goða."
Verse: 5 Skaði qvað:
Strophe: 49
Verse: 1 "Létt er þér, Loki, munattu lengi svá
Verse: 2 leica lausom hala;
Verse: 3 þvíat þic á hiorvi scolo ins hrímkalda magar
Verse: 4 gornom binda goð."
Verse: 5 Loki qvað:
Strophe: 50
Verse: 1 "Veiztu, ef mic á hiorvi scolo ins hrímkalda magar
Verse: 2 gornom binda goð:
Verse: 3 fyrstr oc øfstr var ec at fiorlagi,
Verse: 4 þars vér á Þiaza þrifom."
Verse: 5 Skaði qvað:
Strophe: 51
Verse: 1 "Veiztu, ef fyrstr oc øfstr vartu at fiorlagi,
Verse: 2 þá er ér á Þiaza þrifoð:
Verse: 3 frá mínom véom oc vǫngom scolo
Verse: 4 þér æ kǫld ráð koma."
Verse: 5 Loki qvað:
Strophe: 52
Verse: 1 "Léttari í málom vartu við Laufeyiar son,
Verse: 2 þá er þú léz mér á beð þinn boðit;
Verse: 3 getið verðr oss slícs, ef vér gorva scolom
Verse: 4 telia vǫmmin vár."
Verse: 5 Þá gecc Sif fram oc byrlaði Loca í hrímkálki mioð
Verse: 6 oc mælti:
Strophe: 53
Verse: 1 "Heill ver þú nú, Loki, oc tac við hrímkálki,
Verse: 2 fullom forns miaðar,
Verse: 3 heldr þú hana eina látir með ása sonom
Verse: 4 vammalausa vera."
Verse: 5 Hann tóc við horni ok dracc af:
Strophe: 54
Verse: 1 "Ein þú værir, ef þú svá værir,
Verse: 2 vor oc grǫm at veri;
Verse: 3 einn ec veit, svá at ec vita þicciomc,
Verse: 4 hór oc af Hlórriða,
Verse: 5 oc var þat sá inn lævísi Loki."
Verse: 6 Beyla qvað:
Strophe: 55
Verse: 1 "Fioll ǫll sciálfa, hygg ec á for vera
Verse: 2 heiman Hlórriða;
Verse: 3 hann ræðr ró, þeim er rogir hér
Verse: 4 goð ǫll oc guma."
Verse: 5 Loki qvað:
Strophe: 56
Verse: 1 "Þegi þú, Beyla! þú ert Byggvis qvæn,
Verse: 2 oc meini blandin mioc;
Verse: 3 ókynian meira koma með ása sonom,
Verse: 4 ǫll ertu, deigia, dritin."
Verse: 5 Þá kom Þórr at oc qvað:
Strophe: 57
Verse: 1 "Þegi þú, rǫg vættr! þér scal minn þrúðhamarr,
Verse: 2 Miollnir, mál fyrnema;
Verse: 3 herða klett drep ec þér hálsi af,
Verse: 4 oc verðr þá þíno fiorvi um farit.
Verse: 5 Loki qvað:
Strophe: 58
Verse: 1 "Iarðar burr er hér nú inn kominn;
Verse: 2 hví þrasir þú svá, Þórr?
Verse: 3 enn þá þorir þú ecci, er þú scalt við úlfinn vega,
Verse: 4 oc svelgr hann allan Sigfǫður."
Verse: 5 Þórr qvað:
Strophe: 59
Verse: 1 "Þegi þú, rǫg vættr! þér scal minn þrúðhamarr,
Verse: 2 Miollnir, mál fyrnema;
Verse: 3 upp ec þér verp oc á austrvega,
Verse: 4 síðan þic mangi sér."
Verse: 5 Loki qvað:
Strophe: 60
Verse: 1 "Austrforom þínom scaltu aldregi
Verse: 2 segia seggiom frá,
Verse: 3 sízt í hanzca þumlungi hnúcþir þú, einheri,
Verse: 4 oc þóttisca þú þá Þórr vera."
Verse: 5 Þórr qvað:
Strophe: 61
Verse: 1 "Þegi þú, rǫg vættr! þér scal minn þrúðhamarr,
Verse: 2 Miollnir, mál fyrnema;
Verse: 3 hendi inni hogri drep ec þic Hrungnis bana,
Verse: 4 svá at þér brotnar beina hvat."
Verse: 5 Loki qvað:
Strophe: 62
Verse: 1 "Lifa ætla ec mér langan aldr,
Verse: 2 þóttu hotir hamri mér;
Verse: 3 scarpar álar þótto þér Scrýmis vera,
Verse: 4 oc máttira þú þá nesti ná,
Verse: 5 oc svaltz þú þá hungri heill."
Verse: 6 Þórr qvað:
Strophe: 63
Verse: 1 "Þegi þú, rǫg vættr! þér scal minn þrúðhamarr,
Verse: 2 Miollnir, mál fyrnema;
Verse: 3 Hrungnis bani mun þér í hel koma,
Verse: 4 fyr nágrindr neðan."
Verse: 5 Loki qvað:
Strophe: 64
Verse: 1 "Qvað ec fyr ásom, qvað ec fyr ása sonom,
Verse: 2 þatz mic hvatti hugr;
Verse: 3 enn fyr þér einom mun ec út ganga,
Verse: 4 þvíat ec veit, at þú vegr.
Strophe: 65
Verse: 1 Ǫl gorðir þú, Ægir, enn þú aldri munt
Verse: 2 síðan sumbl um gora;
Verse: 3 eiga þín ǫll, er hér inni er,
Verse: 4 leiki yfir logi,
Verse: 5 oc brenni þér á baki!"
Strophe: L.
Verse: 1 Frá Loca.
Verse: 2 Enn eptir þetta falz Loki í Fránangrsforsi í lax líki.
Verse: 3 Þar tóco æsir hann. Hann var bundinn með þǫrmom
Verse: 4 sonar Nara. Enn Narfi, sonr hans, varð at vargi. Scaði
Verse: 5 tóc eitrorm oc festi up yfir annlit Loca. Draup þar ór
Verse: 6 eitr. Sigyn, kona Loca, sat þar oc helt munnlaug undir
Verse: 7 eitriþ. Enn er munnlaugin var full, bar hon út eitriþ;
Verse: 8 enn meðan draup eitriþ á Loca. Þá kiptiz hann svá hart
Verse: 9 við, at þaðan af scalf iorð ǫll; þat ero nú kallaðir
Verse: 10 landsciálptar.
Verse: 1 Reiðr var þá Vingþórr, er hann vacnaði
Verse: 2 - oc síns hamars um sacnaði;
Verse: 3 scegg nam at hrista, scǫr nam at dýia,
Verse: 4 réð Iarðar burr um at þreifaz.
Strophe: 2
Verse: 1 Oc hann þat orða allz fyrst um qvað:
Verse: 2 "Heyrðu nú, Loki, hvat ec nú mæli,
Verse: 3 er eigi veit iarðar hvergi
Verse: 4 né uphimins: áss er stolinn hamri."
Strophe: 3
Verse: 1 Gengo þeir fagra Freyio túna,
Verse: 2 oc hann þat orða allz fyrst um qvað:
Verse: 3 "Muntu mér, Freyia, fiaðrhams liá,
Verse: 4 ef ec minn hamar mættac hitta?"
Verse: 5 Freyia qvað:
Strophe: 4
Verse: 1 "Þó mynda ec gefa þér, þótt ór gulli væri,
Verse: 2 oc þó selia, at væri ór silfri."
Strophe: 5
Verse: 1 Fló þá Loki, fiaðrhamr dunði,
Verse: 2 unz fyr útan kom ása garða
Verse: 3 oc fyr innan kom iotna heima.
Strophe: 6
Verse: 1 Þrymr sat á haugi, þursa dróttinn,
Verse: 2 greyiom sínom gullbǫnd snøri
Verse: 3 oc mǫrom sínom mǫn iafnaði.
Verse: 4 Þrymr qvað:
Strophe: 7
Verse: 1 "Hvat er með ásom, hvat er með álfom?
Verse: 2 hví ertu einn kominn í iotunheima?"
Verse: 3 "Illt er með ásom, illt er með álfom,
Verse: 4 hefir þú Hlórriða hamar um fólginn?"
Strophe: 8
Verse: 1 "Ec hefi Hlórriða hamar um fólginn,
Verse: 2 átta rǫstom fyr iorð neðan;
Verse: 3 hann engi maðr aptr um heimtir,
Verse: 4 nema fori mér Freyio at qvæn."
Strophe: 9
Verse: 1 Fló þá Loki, fiaðrhamr dunði,
Verse: 2 unz fyr útan kom iotna heima
Verse: 3 oc fyr innan kom ása garða;
Verse: 4 motti hann Þór miðra garða,
Verse: 5 oc þat hann orða allz fyrst um qvað:
Strophe: 10
Verse: 1 "Hefir þú erindi sem erfiði?
Verse: 2 segðu á lopti lǫng tíðindi!
Verse: 3 opt sitianda sǫgor um fallaz,
Verse: 4 oc liggiandi lygi um bellir."
Strophe: 11
Verse: 1 "Hefi ec erfiði oc ørindi:
Verse: 2 Þrymr hefir þinn hamar, þursa dróttinn;
Verse: 3 hann engi maðr aptr um heimtir,
Verse: 4 nema hánom fori Freyio at qván."
Strophe: 12
Verse: 1 Ganga þeir fagra Freyio at hitta,
Verse: 2 oc hann þat orða allz fyrst um qvað:
Verse: 3 "Bittu þic, Freyia, brúðar líni!
Verse: 4 við scolom aca tvau í iotunheima."
Strophe: 13
Verse: 1 Reið varð þá Freyia oc fnásaði,
Verse: 2 allr ása salr undir bifðiz,
Verse: 3 stǫcc þat iþ micla men Brísinga:
Verse: 4 "Mic veiztu verða vergiarnasta,
Verse: 5 ef ec ec með þér í iotunheima."
Strophe: 14
Verse: 1 Senn vóro æsir allir á þingi,
Verse: 2 oc ásynior allar á máli,
Verse: 3 oc um þat réðo ríkir tívar,
Verse: 4 hvé þeir Hlórriða hamar um sotti.
Strophe: 15
Verse: 1 Þá qvað þat Heimdallr, hvítastr ása -
Verse: 2 vissi hann vel fram, sem vanir aðrir -:
Verse: 3 "Bindo vér Þór þá brúðar líni,
Verse: 4 hafi hann iþ micla men Brísinga!
Strophe: 16
Verse: 1 Látom und hánom hrynia lucla
Verse: 2 oc qvennváðir um kné falla,
Verse: 3 enn á briósti breiða steina,
Verse: 4 oc hagliga um hǫfuð typpom!"
Strophe: 17
Verse: 1 Þá qvað þat Þórr, þrúðugr áss:
Verse: 2 "Mic muno æsir argan kalla,
Verse: 3 ef ec bindaz læt brúðar líni."
Strophe: 18
Verse: 1 Þá qvað þat Loki, Laufeyiar sonr:
Verse: 2 "Þegi þú, Þórr, þeira orða!
Verse: 3 þegar muno iotnar ásgarð búa,
Verse: 4 nema þú þinn hamar þér um heimtir."
Strophe: 19
Verse: 1 Bundo þeir Þór þá brúðar líni
Verse: 2 oc ino micla meni Brísinga,
Verse: 3 léto und hánom hrynia lucla
Verse: 4 oc qvennváðir um kné falla,
Verse: 5 enn á briósti breiða steina,
Verse: 6 oc hagliga um hǫfuð typþo.
Strophe: 20
Verse: 1 Þá kvað Loki, Laufeyiar sonr:
Verse: 2 "Mun ec oc með þér ambót vera,
Verse: 3 við scolom aca tvau í iotunheima."
Strophe: 21
Verse: 1 Senn vóro hafrar heim um recnir,
Verse: 2 scyndir at scǫclom, scyldo vel renna;
Verse: 3 biorg brotnoðo, brann iorð loga,
Verse: 4 óc Óðins sonr í iotunheima.
Strophe: 22
Verse: 1 Þá qvað þat Þrymr, þursa dróttinn:
Verse: 2 "Standit up, iotnar, oc stráið becci!
Verse: 3 nú forið mér Freyio at qván,
Verse: 4 Niarðar dóttur, ór Nóatúnom!
Strophe: 23
Verse: 1 Ganga hér at garði gullhyrnðar kýr,
Verse: 2 øxn alsvartir, iotni at gamni;
Verse: 3 fiolð á ec meiðma, fiolð á ec menia,
Verse: 4 einnar mér Freyio ávant þiccir."
Strophe: 24
Verse: 1 Var þar at qveldi um komið snimma,
Verse: 2 oc fyr iotna ǫl fram borit;
Verse: 3 einn át oxa, átta laxa,
Verse: 4 krásir allar, þær er konor scyldo,
Verse: 5 dracc Sifiar verr sáld þriú miaðar.
Strophe: 25
Verse: 1 Þá qvað þat Þrymr, þursa dróttinn:
Verse: 2 "Hvar sáttu brúðir bíta hvassara?
Verse: 3 sáca ec brúðir bíta in breiðara,
Verse: 4 né inn meira mioð mey um drecca."
Strophe: 26
Verse: 1 Sat in alsnotra ambót fyrir,
Verse: 2 er orð um fann við iotuns máli:
Verse: 3 "Át vætr Freyia átta nóttom,
Verse: 4 svá var hon óðfús í iotunheima."
Strophe: 27
Verse: 1 Laut und líno, lysti at kyssa,
Verse: 2 enn hann útan stǫcc endlangan sal:
Verse: 3 "Hví ero ǫndótt augo Freyio?
Verse: 4 þicci mér ór augom eldr of brenna."
Strophe: 28
Verse: 1 Sat in alsnotra ambót fyrir,
Verse: 2 er orð um fann við iotuns máli:
Verse: 3 "Svaf vætr Freyia átta nóttom,
Verse: 4 svá var hon óðfús í iotunheima."
Strophe: 29
Verse: 1 Inn kom in arma iotna systir,
Verse: 2 hin er brúðfiár biðia þorði:
Verse: 3 "Láttu þér af hǫndom hringa rauða,
Verse: 4 ef þú ǫðlaz vill ástir mínar,
Verse: 5 ástir mínar, alla hylli."
Strophe: 30
Verse: 1 Þá qvað þat Þrymr, þursa dróttinn:
Verse: 2 "Berið inn hamar, brúði at vígia,
Verse: 3 leggit Miollni í meyiar kné,
Verse: 4 vígit ocr saman Várar hendi!"
Strophe: 31
Verse: 1 Hló Hlórriða hugr í briósti,
Verse: 2 er harðhugaðr hamar um þecþi;
Verse: 3 Þrym drap hann fyrstan, þursa dróttin,
Verse: 4 oc ætt iotuns alla lamði.
Strophe: 32
Verse: 1 Drap hann ina ǫldno iotna systor,
Verse: 2 hin er brúðfiár of beðit hafði;
Verse: 3 hon scell um hlaut fyr scillinga,
Verse: 4 enn hǫgg hamars fyr hringa fiolð.
Verse: 5 Svá kom Óðins sonr endr at hamri.
Verse: 0 Frá Vǫlundi.
Verse: 1 Níðuðr hét konungr í Svíðióð. Hann átti tvá sono
Verse: 2 oc eina dóttur; hon hét Bǫðvildr. Broðr vóro þrír,
Verse: 3 synir Finnakonungs. Hét einn Slagfiðr, annarr Egill,
Verse: 4 þriði Vǫlundr. Þeir scriðo oc veiddo dýr. Þeir qvómo
Verse: 5 í Úlfdali oc gerðo sér þar hús. Þar er vatn, er heitir
Verse: 6 Úlfsiár. Snemma of morgin fundo þeir á vatzstrǫndo
Verse: 7 konor þriár, oc spunno lín. Þar vóro hiá þeim álptar.
Verse: 8 hamir þeira. Þat vóro valkyrior. Þar vóro tvær dotr
Verse: 9 Hlǫðvés konungs, Hlaðguðr svanhvít oc Hervor alvitr;
Verse: 10 in þriðia var Ǫlrún, Kiárs dóttir af Vallandi. Þeir hǫfðo
Verse: 11 þær heim til scála með sér. Fecc Egill Ǫlrúnar, enn
Verse: 12 Slagfiðr Svanhvítar, enn Vǫlundr Alvitrar. Þau bioggo
Verse: 13 siau vetr. Þá flugo þær at vitia víga oc qvómo eigi aptr.
Verse: 14 Þá screið Egill at leita Ǫlrúnar. Enn Slagfiðr leitaði
Verse: 15 Svanhvítar. Enn Vǫlundr sat í Úlfdǫlom. Hann var
Verse: 16 hagastr maðr, svá at menn viti, í fornom sǫgom. Níðuðr
Verse: 17 konungr lét hann hǫndom taca, svá sem hér er um qveðit.
Verse: 18 Frá Vǫlundi oc Níðaði.
Strophe: 1
Verse: 1 Meyiar flugo sunnan, myrcvið í gognom,
Verse: 2 - alvitr unga, ørlǫg drýgia;
Verse: 3 þær á sævar strǫnd settuz at hvílaz,
Verse: 4 drósir suðronar, dýrt lín spunno.
Strophe: 2
Verse: 1 Ein nam þeira Egil at veria,
Verse: 2 fǫgr mær fira, faðmi liósom;
Verse: 3 ǫnnor var Svanhvít, svanfiaðrar dró;
Verse: 4 enn in þriðia, þeira systir,
Verse: 5 varði hvítan háls Vǫlundar.
Strophe: 3
Verse: 1 Sáto síðan siau vetr at þat,
Verse: 2 enn inn átta allan þráðo,
Verse: 3 enn inn níunda nauðr um skilði;
Verse: 4 meyiar fýstuz á myrqvan við,
Verse: 5 alvitr unga, ørlǫg drýgia.
Strophe: 4
Verse: 1 Kom þar af veiði veðreygr scyti;
Verse: 2 Slagfiðr oc Egill sali fundo auða;
Verse: 3 gengo út oc inn oc um sáz.
Verse: 4 Austr screið Egill at Ǫlrúno,
Verse: 5 enn suðr Slagfiðr at Svanhvíto.
Strophe: 5
Verse: 1 Enn einn Vǫlundr sat í Úlfdǫlom;
Verse: 2 hann sló gull rautt við gimfastan,
Verse: 3 lucþi hann alla lindbauga vel;
Verse: 4 svá beið hann sinnar lióssar
Verse: 5 qvánar, ef hánom koma gerði.
Strophe: 6
Verse: 1 Þat spyrr Níðuðr, Niára dróttinn,
Verse: 2 at einn Vǫlundr sat í Úlfdǫlom;
Verse: 3 nóttom fóro seggir, negldar vóro brynior,
Verse: 4 scildir blico þeira við inn scarða mána.
Strophe: 7
Verse: 1 Stigo ór sǫðlom at salar gafli,
Verse: 2 gengo inn þaðan endlangan sal;
Verse: 3 sá þeir á bast bauga dregna,
Verse: 4 siau hundruð allra, er sá seggr átti.
Strophe: 8
Verse: 1 Oc þeir af tóco, oc þeir á léto,
Verse: 2 fyr einn útan, er þeir af léto.
Verse: 3 Kom þar af veiði veðreygr scyti,
Verse: 4 Vǫlundr, líðandi um langan veg.
Strophe: 9
Verse: 1 Gecc brúnni bero hold steikia;
Verse: 2 hár brann hrísi allþurr fura,
Verse: 3 viðr inn vinnþurri, fyr Vǫlundi.
Strophe: 10
Verse: 1 Sat á berfialli, bauga talði,
Verse: 2 álfa lióði, eins sacnaði;
Verse: 3 hugði hann, at hefði Hlǫðvés dóttir,
Verse: 4 alvitr unga, væri hon aptr komin.
Strophe: 11
Verse: 1 Sat hann svá lengi, at hann sofnaði,
Verse: 2 oc hann vacnaði vilia lauss;
Verse: 3 vissi sér á hǫndom hǫfgar nauðir,
Verse: 4 enn á fótom fiotur um spenntan.
Strophe: 12
Verse: 1 "Hverir ro iofrar, þeir er á lǫgðo
Verse: 2 bestibyrsíma oc mic bundo?"
Strophe: 13
Verse: 1 Kallaði nú Níðuðr, Niára dróttinn:
Verse: 2 "Hvar gaztu, Vǫlundr, vísi álfa,
Verse: 3 vára aura í Úlfdǫlom?"
Strophe: 14
Verse: 1 "Gull var þar eigi á Grana leiðo,
Verse: 2 fiarri hugða ec várt land fiollom Rínar;
Verse: 3 man ec, at vér meiri mæti áttom,
Verse: 4 er vér heil hiú heima vórom.
Strophe: 15
Verse: 1 Hlaðguðr oc Hervor borin var Hlǫðvé,
Verse: 2 kunn var Ǫlrún, Kiárs dóttir."
Strophe: 16
Verse: 1 Hon inn um gecc ennlangan sal,
Verse: 2 stóð á gólfi, stilti rǫddo:
Verse: 3 "Era sá nú hýrr, er ór holti ferr."
Verse: 4 Níðuðr konungr gaf dóttur sinni, Bǫðvildi, gullhring,
Verse: 5 þann er hann tóc af bastino at Vǫlundar. Enn hann siálfr
Verse: 6 bar sverðit, er Vǫlundr átti. Enn drótning qvað:
Strophe: 17
Verse: 1 "Tenn hánom teygiaz, er hánom er téð sverð
Verse: 2 oc hann Bǫðvildar baug um þeccir;
Verse: 3 ámun ero augo ormi þeim inom frána;
Verse: 4 sníðit ér hann sina magni
Verse: 5 oc setið hann síðan í sævar stǫð!"
Verse: 6 Svá var gǫrt, at scornar vóro sinar í knésfótom, oc
Verse: 7 settr í hólm einn, er þar var fyrir landi, er hét Sævarstaðr.
Verse: 8 Þar smíðaði hann konungi allz kyns gorsimar. Engi maðr
Verse: 9 þorði at fara til hans nema konungr einn.
Verse: 10 Vǫlundr qvað:
Strophe: 18
Verse: 1 "Scínn Níðaði sverð á linda,
Verse: 2 þat er ec hvesta, sem ec hagast kunna,
Verse: 3 oc ec herðac, sem mér hogst þótti;
Verse: 4 sá er mér, fránn mækir, æ fiarri borinn,
Verse: 5 sécca ec þann Vǫlundi til smiðio borinn.
Strophe: 19
Verse: 1 Nú berr Bǫðvildr brúðar minnar
Verse: 2 - bíðca ec þess bót - bauga rauða."
Strophe: 20
Verse: 1 Sat hann, né hann svaf, á valt oc hann sló hamri;
Verse: 2 vél gorði hann heldr hvatt Níðaði.
Verse: 3 Drifo ungir tveir á dýr siá,
Verse: 4 synir Níðaðar, í sævar stǫð.
Strophe: 21
Verse: 1 Kómo þeir til kisto, krǫfðo lucla,
Verse: 2 opin var illúð, er þeir í sá;
Verse: 3 fiolð var þar menia, er þeim mǫgom sýndiz,
Verse: 4 at væri gull rautt oc gorsimar.
Strophe: 22
Verse: 1 "Komið einir tveir, komit annars dags!
Verse: 2 ycr læt ec þat gull um gefit verða;
Verse: 3 segita meyiom né salþióðom,
Verse: 4 manni ǫngom, at iþ mic fyndit."
Strophe: 23
Verse: 1 Snemma kallaði seggr á annan,
Verse: 2 bróðir á bróður: "Gǫngom baug siá!"
Verse: 3 Kómo til kisto, krǫfðo lucla,
Verse: 4 opin var illúð, er þeir í lito;
Strophe: 24
Verse: 1 sneið af haufuð húna þeira,
Verse: 2 oc undir fen fioturs fotr um lagði;
Verse: 3 enn þær scálar, er und scǫrom vóro,
Verse: 4 sveip hann útan silfri, seldi Níðaði.
Strophe: 25
Verse: 1 Enn ór augom iarcnasteina
Verse: 2 sendi hann kunnigri kono Níðaðar;
Verse: 3 enn ór tǫnnom tveggia þeira
Verse: 4 sló hann brióstkringlor, sendi Bǫðvildi.
Strophe: 26
Verse: 1 Þá nam Bǫðvildr
Verse: 2 baugi at hrósa, er brotið hafði:
Verse: 3 "Þoriga ec at segia, nema þér einom."
Verse: 4 Vǫlundr qvað:
Strophe: 27
Verse: 1 "Ec boti svá brest á gulli,
Verse: 2 at feðr þínom fegri þiccir,
Verse: 3 oc moðr þinni miclo betri,
Verse: 4 oc siálfri þér at sama hófi."
Strophe: 28
Verse: 1 Bar hann hana bióri, þvíat hann betr kunni,
Verse: 2 svá at hon í sessi um sofnaði.
Verse: 3 "Nú hefi ec hefnt harma minna,
Verse: 4 allra nema einna, íviðgiarnra."
Strophe: 29
Verse: 1 "Vel ec", qvað Vǫlundr, "verða ec á fitiom,
Verse: 2 þeim er mic Níðaðar námo reccar."
Verse: 3 Hlæiandi Vǫlundr hófz at lopti,
Verse: 4 grátandi Bǫðvildr gecc ór eyio;
Verse: 5 tregði for friðils oc fǫður reiði.
Strophe: 30
Verse: 1 Úti stendr kunnig qván Níðaðar,
Verse: 2 oc hon inn um gecc endlangan sal;
Verse: 3 enn hann á salgarð settiz at hvílaz:
Verse: 4 "Vakir þú, Níðuðr, Niára dróttinn?"
Strophe: 31
Verse: 1 "Vaki ec á valt, vilia lauss,
Verse: 2 sofna ec minnzt sízt mína sono dauða;
Verse: 3 kell mic í haufuð, kǫld ero mér ráð þín,
Verse: 4 vilnomc ec þess nú, at ec við Vǫlund doma."
Strophe: 32
Verse: 1 "Seg þú mér þat, Vǫlundr, vísi álfa:
Verse: 2 af heilom hvat varð húnom mínom?"
Strophe: 33
Verse: 1 "Eiða scaltu mér áðr alla vinna,
Verse: 2 at scips borði oc at scialdar rǫnd,
Verse: 3 at mars bogi oc at mækis egg,
Verse: 4 at þú qveliat qván Vǫlundar
Verse: 5 né brúði minni at bana verðir,
Verse: 6 þótt vér qván eigim, þá er þér kunnið,
Verse: 7 eða ióð eigim innan hallar.
Strophe: 34
Verse: 1 Gacc þú til smiðio, þeirar er þú gorðir,
Verse: 2 þar fiðr þú belgi blóði stocna;
Verse: 3 sneið ec af haufuð húna þinna,
Verse: 4 oc undir fen fioturs fotr um lagðac.
Strophe: 35
Verse: 1 Enn þær scálar, er und scǫrom vóro,
Verse: 2 sveip ec utan silfri, senda ec Níðaði;
Verse: 3 enn ór augom iarcnasteina
Verse: 4 senda ec kunnigri qván Níðaðar.
Strophe: 36
Verse: 1 Enn ór tǫnnom tveggia þeira
Verse: 2 sló ec brióstkringlor, senda ec Bǫðvildi;
Verse: 3 nú gengr Bǫðvildr barni aukin,
Verse: 4 eingadóttir yccor beggia."
Strophe: 37
Verse: 1 "Mæltira þú þat mál, er mic meirr tregi,
Verse: 2 né ec þic vilia, Vǫlundr, verr um níta;
Verse: 3 erat svá maðr hár, at þic af hesti taki,
Verse: 4 né svá ǫflugr, at þic neðan scióti,
Verse: 5 þar er þú scollir við scý uppi."
Strophe: 38
Verse: 1 Hlæiandi Vǫlundr hófz at lopti;
Verse: 2 enn ókátr Níðuðr sat þá eptir.
Strophe: 39
Verse: 1 "Up rístu, Þacráðr, þræll minn inn bezti,
Verse: 2 bið þú Bǫðvildi, meyna bráhvíto,
Verse: 3 ganga fagrvarið við fǫður roða."
Strophe: 40
Verse: 1 "Er þat satt, Bǫðvildr, er sǫgðo mér:
Verse: 2 sátoð iþ Vǫlundr saman í hólmi?"
Strophe: 41
Verse: 1 "Satt er þat, Níðaðr, er sagði þér:
Verse: 2 sáto við Vǫlundr saman í hólmi,
Verse: 3 eina ǫgurstund, æva scyldi!
Verse: 4 Ec vætr hánom vinna kunnac,
Verse: 5 ec vætr hánom vinna máttac."
Verse: 1 "Becci breiða nú scal brúðr með mér,
Verse: 2 heim í sinni snúaz;
Verse: 3 hratað um mægi mun hveriom þiccia;
Verse: 4 heima scalat hvíld nema."
Strophe: 2
Verse: 1 "Hvat er þat fira, hví ertu svá fǫlr um nasar,
Verse: 2 vartu í nótt með ná?
Verse: 3 þursa líki þicci mér á þér vera,
Verse: 4 ertattu til brúðar borinn."
Strophe: 3
Verse: 1 "Alvíss ec heiti, bý ec fyr iorð neðan,
Verse: 2 á ec undir steini stað;
Verse: 3 vagna verz ec em á vit kominn,
Verse: 4 bregði engi fǫsto heiti fira!"
Strophe: 4
Verse: 1 "Ec mun bregða, þvíat ec brúðar á
Verse: 2 flest um ráð sem faðir;
Verse: 3 varca ec heima, þá er þér heitið var,
Verse: 4 at sá einn er giof er með goðom."
Strophe: 5
Verse: 1 "Hvat er þat recca, er í ráðom telz
Verse: 2 flióðs ins fagrglóa?
Verse: 3 fiarrafleina þic muno fáir kunna,
Verse: 4 hverr hefir þic baugom borit?"
Strophe: 6
Verse: 1 "Vingþórr ec heiti - ec hefi víða ratað -
Verse: 2 sonr em ec Síðgrana;
Verse: 3 at ósátt minni scaltu þat iþ unga man hafa
Verse: 4 oc þat giaforð geta."
Strophe: 7
Verse: 1 "Sáttir þínar er ec vil snemma hafa
Verse: 2 oc þat giaforð geta;
Verse: 3 eiga vilia, heldr enn án vera,
Verse: 4 þat iþ miallhvíta man."
Strophe: 8
Verse: 1 "Meyiar ástom muna þér verða,
Verse: 2 vísi gestr, of varið,
Verse: 3 ef þú ór heimi kant hveriom at segia
Verse: 4 alt, þat er ec vil vita.
Strophe: 9
Verse: 1 Segðu mér þat, Alvíss - ǫll of rǫc fira
Verse: 2 voromc, dvergr, at vitir -,
Verse: 3 hvé sú iorð heitir, er liggr fyr alda sonom,
Verse: 4 heimi hveriom í."
Strophe: 10
Verse: 1 "Iorð heitir með mǫnnom, enn með ásom fold,
Verse: 2 kalla vega vanir,
Verse: 3 ígron iotnar, álfar gróandi,
Verse: 4 kalla aur upregin."
Strophe: 11
Verse: 1 "Segðu mér þat, Alvíss - ǫll of rǫc fira
Verse: 2 voromc, dvergr, at vitir -,
Verse: 3 hvé sá himinn heitir erakendi
Verse: 4 heimi hveriom í."
Strophe: 12
Verse: 1 "Himinn heitir með mǫnnom, enn hlýrnir með goðom,
Verse: 2 kalla vindofni vanir, uppheim iotnar, álfar fagraræfr,
Verse: 3 dvergar driúpan sal."
Strophe: 13
Verse: 1 "Segðu mér þat, Alvíss - ǫll of rǫc fira
Verse: 2 voromc, dvergr, at vitir -,
Verse: 3 hverso máni heitir, sá er menn siá
Verse: 4 heimi hveriom í."
Strophe: 14
Verse: 1 "Máni heitir með mǫnnom, enn mylinn með goðom,
Verse: 2 kalla hverfanda hvél helio í,
Verse: 3 scyndi iotnar, enn sein dvergar,
Verse: 4 kalla álfar ártala."
Strophe: 15
Verse: 1 "Segðu mér þat, Alvíss - ǫll of rǫc fira
Verse: 2 voromc, dvergr, at vitir -,
Verse: 3 hvé sú sól heitir, er siá alda synir,
Verse: 4 heimi hveriom í."
Strophe: 16
Verse: 1 "Sól heitir með mǫnnom, enn sunna með goðom,
Verse: 2 kalla dvergar Dvalins leica,
Verse: 3 eygló iotnar, álfar fagrahvél,
Verse: 4 alscír ása synir."
Strophe: 17
Verse: 1 "Segðu mér þat, Alvíss - ǫll of rǫc fira
Verse: 2 voromc, dvergr, at vitir -,
Verse: 3 hvé þau scý heita, er scúrom blandaz,
Verse: 4 heimi hveriom í."
Strophe: 18
Verse: 1 "Scý heita með mǫnnom, enn scúrván með goðom,
Verse: 2 kalla vindflot vanir,
Verse: 3 úrván iotnar, álfar veðrmegin,
Verse: 4 kalla í helio hiálm huliz."
Strophe: 19
Verse: 1 "Segðu mér þat, Alvíss - ǫll of rǫc fira
Verse: 2 voromc, dvergr, at vitir -,
Verse: 3 hvé sá vindr heitir, er víðast ferr,
Verse: 4 heimi hveriom í."
Strophe: 20
Verse: 1 "Vindr heitir með mǫnnom, enn váfuðr með goðom,
Verse: 2 kalla gneggiuð ginregin,
Verse: 3 opi iotnar, álfar dynfara,
Verse: 4 kalla í helio hviðuð."
Strophe: 21
Verse: 1 "Segðu mér þat, Alvíss - ǫll of rǫc fira
Verse: 2 voromc, dvergr, at vitir -,
Verse: 3 hvé þat logn heitir, er liggia scal
Verse: 4 heimi hveriom í."
Strophe: 22
Verse: 1 "Logn heitir með mǫnnom, enn lægi með goðom,
Verse: 2 kalla vindslot vanir,
Verse: 3 ofhlý iotnar, álfar dagsefa,
Verse: 4 kalla dvergar dags vero."
Strophe: 23
Verse: 1 "Segðu mér þat, Alvíss - ǫll of rǫc fira
Verse: 2 voromc, dvergr, at vitir -,
Verse: 3 hvé sá marr heitir, er menn róa
Verse: 4 heimi hveriom í."
Strophe: 24
Verse: 1 "Sær heitir með mǫnnom, enn sílægia með goðom,
Verse: 2 kalla vág vanir,
Verse: 3 álheim iotnar, álfar lagastaf,
Verse: 4 kalla dvergar diúpan mar."
Strophe: 25
Verse: 1 "Segðu mér þat, Alvíss - ǫll of rǫc fira
Verse: 2 voromc, dvergr, at vitir -,
Verse: 3 hvé sá eldr heitir, er brenn fyr alda sonom
Verse: 4 heimi hveriom í."
Strophe: 26
Verse: 1 "Eldr heitir með mǫnnom, enn með ásom funi,
Verse: 2 kalla vag vanir,
Verse: 3 frecan iotnar, enn forbrenni dvergar,
Verse: 4 kalla í helio hrǫðuð."
Strophe: 27
Verse: 1 "Segðu mér þat, Alvíss - ǫll of rǫc fira
Verse: 2 voromc, dvergr, at vitir -,
Verse: 3 hvé sá viðr heitir, er vex fyr alda sonom
Verse: 4 heimi hveriom í."
Strophe: 28
Verse: 1 "Viðr heitir með mǫnnom, enn vallar fax með goðom,
Verse: 2 kalla hlíðþang halir,
Verse: 3 eldi iotnar, álfar fagrlima,
Verse: 4 kalla vǫnd vanir."
Strophe: 29
Verse: 1 "Segðu mér þat, Alvíss - ǫll of rǫc fira
Verse: 2 voromc, dvergr, at vitir -,
Verse: 3 hvé sú nótt heitir, in Nǫrvi kenda,
Verse: 4 heimi hveriom í."
Strophe: 30
Verse: 1 "Nótt heitir með mǫnnom, enn niól með goðom,
Verse: 2 kalla grímo ginregin,
Verse: 3 óliós iotnar, álfar svefngaman,
Verse: 4 kalla dvergar draumniorun."
Strophe: 31
Verse: 1 "Segðu mér þat, Alvíss - ǫll of rǫc fira
Verse: 2 voromc, dvergr, at vitir -,
Verse: 3 hvé þat sáð heitir, er sá alda synir
Verse: 4 heimi hveriom í."
Strophe: 32
Verse: 1 "Bygg heitir með mǫnnom, enn barr með goðom,
Verse: 2 kalla vaxt vanir,
Verse: 3 æti iotnar, álfar lagastaf,
Verse: 4 kalla í helio hnipinn."
Strophe: 33
Verse: 1 "Segðu mér þat, Alvíss - ǫll of rǫc fira
Verse: 2 voromc, dvergr, at vitir -,
Verse: 3 hvé þat ǫl heitir, er drecca alda synir
Verse: 4 heimi hveriom í."
Strophe: 34
Verse: 1 "Ǫl heitir með mǫnnom, enn með ásom biórr,
Verse: 2 kalla veig vanir,
Verse: 3 hreinalǫg iotnar, enn í helio mioð,
Verse: 4 kalla sumbl Suttungs synir."
Strophe: 35
Verse: 1 "Í eino briósti ec sác aldregi
Verse: 2 fleiri forna stafi;
Verse: 3 miclom tálom ec qveð tældan þic:
Verse: 4 uppi ertu, dvergr, um dagaðr,
Verse: 5 nú scínn sól í sali.
Verse: 1 Hér hefr up qvæði frá Helga Hundingsbana þeira oc
Verse: 2 Hǫðbrodds.
Verse: 3 Vǫlsungaqviða.
Strophe: 1
Verse: 1 Ár var alda, þat er arar gullo,
Verse: 2 hnigo heilog vǫtn af Himinfiollom;
Verse: 3 þá hafði Helga, inn hugomstóra,
Verse: 4 Borghildr borit í Brálundi.
Strophe: 2
Verse: 1 Nótt varð í bo, nornir qvómo,
Verse: 2 þær er ǫðlingi aldr um scópo;
Verse: 3 þann báðo fylki frægstan verða
Verse: 4 oc buðlunga beztan þiccia.
Strophe: 3
Verse: 1 Snero þær af afli ørlǫgþátto,
Verse: 2 þá er borgir braut í Brálundi;
Verse: 3 þær um greiddo gullin símo
Verse: 4 oc und mána sal miðian festo.
Strophe: 4
Verse: 1 Þær austr oc vestr enda fálo,
Verse: 2 þar átti lofðungr land á milli;
Verse: 3 brá nipt Nera á norðrvega
Verse: 4 einni festi, ey bað hon halda.
Strophe: 5
Verse: 1 Eitt var at angri Ylfinga nið
Verse: 2 oc þeiri meyio, er munuð foddi:
Verse: 3 hrafn qvað at hrafni - sat á hám meiði,
Verse: 4 andvanr áto -: "Ec veit noccoð.
Strophe: 6
Verse: 1 Stendr í brynio burr Sigmundar,
Verse: 2 dogrs eins gamall, nú er dagr kominn;
Verse: 3 hvessir augo sem hildingar;
Verse: 4 sá er varga vinr, við scolom teitir."
Strophe: 7
Verse: 1 Drótt þótti sá dǫglingr vera,
Verse: 2 qváðo með gumnom góð ár komin;
Verse: 3 siálfr gecc vísi ór vígþrimo
Verse: 4 ungom fora ítrlauc grami.
Strophe: 8
Verse: 1 Gaf hann Helga nafn oc Hringstaði,
Verse: 2 Sólfioll, Snæfioll oc Sigarsvǫllo,
Verse: 3 Hringstǫð, Hátún oc Himinvanga,
Verse: 4 blóðorm búinn, broðr Sinfiotla.
Strophe: 9
Verse: 1 Þá nam at vaxa fyr vina briósti
Verse: 2 álmr ítrborinn, ynðis lióma;
Verse: 3 hann galt oc gaf gull verðungo,
Verse: 4 sparði eigi hilmir hodd blóðrekinn.
Strophe: 10
Verse: 1 Scamt lét vísi vígs at bíða,
Verse: 2 þá er fylkir var fimtán vetra;
Verse: 3 oc hann harðan lét Hunding veginn,
Verse: 4 þann er lengi réð lǫndom oc þegnom.
Strophe: 11
Verse: 1 Qvǫddo síðan Sigmundar bur
Verse: 2 auðs oc hringa Hundings synir,
Verse: 3 þvíat þeir átto iofri at gialda
Verse: 4 fiárnám mikit oc fǫður dauða.
Strophe: 12
Verse: 1 Létað buðlungr bótir uppi,
Verse: 2 né niðia in heldr nefgiold fá;
Verse: 3 ván qvað hann mundo veðrs ins micla
Verse: 4 grára geira oc gremi Óðins.
Strophe: 13
Verse: 1 Fara hildingar hiorstefno til,
Verse: 2 þeirar er lǫgðo at Logafiollom;
Verse: 3 sleit Fróða frið fiánda á milli,
Verse: 4 fara Viðris grey valgiorn um ey.
Strophe: 14
Verse: 1 Settiz vísi, þá er vegit hafði
Verse: 2 Álf oc Eyiólf, und Arasteini,
Verse: 3 Hiorvarð oc Hávarð, Hundings sono;
Verse: 4 farit hafði hann allri ætt geir Mímis
Strophe: 15
Verse: 1 Þá brá lióma af Logafiollom,
Verse: 2 enn af þeim liómom leiptrir qvómo;
Verse: 3 þá var und hiálmom á Himinvanga
Verse: 4 Brynior vóro þeira blóði stocnar.
Verse: 5 Enn af geirom geislar stóðo.
Strophe: 16
Verse: 1 Frá árliga ór úlfiði
Verse: 2 dǫglingr at því dísir suðronar,
Verse: 3 ef þær vildi heim með hildingom
Verse: 4 þá nótt fara; þrymr var álma.
Strophe: 17
Verse: 1 Enn af hesti Hǫgna dóttir
Verse: 2 - líddi randa rym - ræsi sagði:
Verse: 3 "Hugg ec, at vér eigim aðrar sýslor,
Verse: 4 enn með baugbrota biór at drecca.
Strophe: 18
Verse: 1 Hefir minn faðir meyio sinni
Verse: 2 grimmom heitit Granmars syni;
Verse: 3 enn ec hefi, Helgi, Hǫðbrodd qveðinn,
Verse: 4 konung óneisan, sem kattar son.
Strophe: 19
Verse: 1 Þá kømr fylkir fára nátta,
Verse: 2 nema þú hánom vísir valstefno til
Verse: 3 eða mey nemir frá mildingi."
Strophe: 20
Verse: 1 "Uggi eigi þú Ísungs bana!
Verse: 2 fyrr mun dólga dynr, nema ec dauðr siác."
Strophe: 21
Verse: 1 Sendi áro allvaldr þaðan,
Verse: 2 of lopt oc um lǫg, leiðar at biðia,
Verse: 3 iðgnógan agnar lióma
Verse: 4 brǫgnom bióða oc burom þeira.
Strophe: 22
Verse: 1 "Biðit sciótliga til scipa ganga
Verse: 2 oc ór Brandeyio búna verða!"
Verse: 3 Þaðan beið þengill, unz þinig qvómo
Verse: 4 halir hundmargir ór Heðinseyio.
Strophe: 23
Verse: 1 Oc þar af stǫndom ór Stafnsnesi
Verse: 2 beit hans út scriðo oc búin gulli;
Verse: 3 spurði Helgi Hiorleif at því:
Verse: 4 "Hefir þú kannaða koni óneisa?"
Strophe: 24
Verse: 1 Enn ungr konungr ǫðrom sagði;
Verse: 2 seint qvað at telia af Trǫnoeyri
Verse: 3 langhǫfðuð scip und líðondom,
Verse: 4 þau er í Ǫrvasund útan fóro:
Strophe: 25
Verse: 1 "Tólf hundruð tryggra manna;
Verse: 2 þó er í Hátúnom hálfo fleira,
Verse: 3 víglið konungs; ván erom rómo."
Strophe: 26
Verse: 1 Svá brá stýrir stafntioldom af,
Verse: 2 at mildinga mengi vacþi
Verse: 3 oc dǫglingar dagsbrún siá,
Verse: 4 oc siclingar snero up við tré
Verse: 5 vefnistingom á Varinsfirði.
Strophe: 27
Verse: 1 Varð ára ymr oc iárna glymr,
Verse: 2 brast rǫnd við rǫnd, rero víkingar;
Verse: 3 eisandi gecc und ǫðlingom
Verse: 4 lofðungs floti lǫndom fiarri.
Strophe: 28
Verse: 1 Svá var at heyra, er saman qvómo
Verse: 2 Kólgo systir oc kilir langir,
Verse: 3 sem biorg eða brim brotna myndi.
Strophe: 29
Verse: 1 Draga bað Helgi há segl ofarr,
Verse: 2 varðat hrǫnnom hǫfn þingloga,
Verse: 3 þá er ógorlig Ægis dóttir
Verse: 4 stagstiórnmǫrom steypa vildi.
Strophe: 30
Verse: 1 Enn þeim siálfom Sigrún ofan,
Verse: 2 fólcdiorf, um barg oc fari þeira;
Verse: 3 snøriz ramliga Rán ór hendi
Verse: 4 giálfrdýr konungs at Gnipalundi.
Strophe: 31
Verse: 1 Svát þar um aptan í Unavágom
Verse: 2 flaust fagrbúin flióta knátto;
Verse: 3 enn þeir siálfir frá Svarinshaugi
Verse: 4 með hermðar hug her kǫnnoðo.
Strophe: 32
Verse: 1 Frá goðborinn Guðmundr at því:
Verse: 2 "Hverr er landreki, sá er liði stýrir,
Verse: 3 oc hann feicnalið forir at landi?"
Strophe: 33
Verse: 1 Sinfiotli qvað - slǫng up við rá
Verse: 2 rauðom scildi, rǫnd var ór gulli;
Verse: 3 þar var sundvorðr, sá er svara kunni
Verse: 4 oc við ǫðlinga orðom scipta -:
Strophe: 34
Verse: 1 "Segðu þat í aptan, er svínom gefr
Verse: 2 oc tícr yðrar teygir at solli,
Verse: 3 at sé Ylfingar austan komnir,
Verse: 4 gunnar giarnir, at Gnipalundi.
Strophe: 35
Verse: 1 Þar mun Hǫðbroddr Helga finna,
Verse: 2 flugtrauðan gram, í flota miðiom,
Verse: 3 sá er opt hefir ǫrno sadda,
Verse: 4 meðan þú á qvernom kystir þýiar."
Strophe: 36
Verse: 1 "Fát mantu, fylkir, fornra spialla,
Verse: 2 er þú ǫðlingom ósǫnno bregðr;
Verse: 3 þú hefir etnar úlfa krásir
Verse: 4 oc broðr þínom at bana orðit,
Verse: 5 opt sár sogin með svǫlom munni,
Verse: 6 hefr í hreysi hvarleiðr scriðit."
Strophe: 37
Verse: 1 "Þú vart vǫlva í Varinseyio,
Verse: 2 scollvís kona, bartu scrǫc saman;
Verse: 3 qvaztu engi mann eiga vilia,
Verse: 4 segg bryniaðan, nema Sinfiotla.
Strophe: 38
Verse: 1 Þú vart in scoða, scass, valkyria,
Verse: 2 ǫtul, ámátlig, at Alfǫður;
Verse: 3 mundo einheriar allir beriaz,
Verse: 4 svévís kona, um sacar þínar.
Strophe: 39
Verse: 1 Nío átto við á nesi Ságo
Verse: 2 úlfa alna, ec var einn faðir þeira."
Strophe: 40
Verse: 1 "Faðir varattu fenrisúlfa,
Verse: 2 ǫllom ellri, svá at ec muna,
Verse: 3 sízt þic geldo fyr Gnipalundi
Verse: 4 þursa meyiar, á Þórsnesi.
Strophe: 41
Verse: 1 Stiúpr vartu Siggeirs, látt und stǫðom heima,
Verse: 2 varglióðom vanr á viðom úti;
Verse: 3 kómo þér ógǫgn ǫll at hendi,
Verse: 4 þá er broðr þínom brióst raufaðir.
Verse: 5 Gorðir þic frægian af firinvercom.
Strophe: 42
Verse: 1 Þú vart brúðr Grana á Brávelli,
Verse: 2 gullbitluð, vart gor til rásar;
Verse: 3 hafða ec þér móðri mart sceið riðit,
Verse: 4 svangri und sǫðli, simul forbergis."
Strophe: 43
Verse: 1 "Sveinn þóttir þú siðlauss vera,
Verse: 2 þá er þú Gullnis geitr mólcaðir,
Verse: 3 enn í annat sinn Imðar dóttir,
Verse: 4 tǫtrughypia; vill þú tǫlo lengri?"
Strophe: 44
Verse: 1 "Fyrr vilda ec at Frecasteini
Verse: 2 hrafna seðia á hræom þínom,
Verse: 3 enn tícr yðrar teygia at solli
Verse: 4 eða gefa gǫltom; deili grǫm við þic!"
Strophe: 45
Verse: 1 "Væri ycr, Sinfiotli, somra myclo
Verse: 2 gunni at heyia oc glaða ǫrno,
Verse: 3 enn sé ónýtom orðom at bregðaz,
Verse: 4 þótt hringbrotar heiptir deili.
Strophe: 46
Verse: 1 Þicciat mér góðir Granmars synir,
Verse: 2 þó dugir siclingom satt at mæla;
Verse: 3 þeir hafa marcat á Móinsheimom,
Verse: 4 at hug hafa hiorom at bregða."
Strophe: 47
Verse: 1 Þeir af ríki renna léto
Verse: 2 Svipuð oc Sveggiuð, Sólheima til,
Verse: 3 dala dǫggótta, døcqvar hlíðir;
Verse: 4 scalf Mistar marr, hvars megir fóro.
Strophe: 48
Verse: 1 Motto þeir tiggia í túnhliði,
Verse: 2 sǫgðo stríðliga stilli qvómo;
Verse: 3 úti stóð Hǫðbroddr, hiálmi faldinn,
Verse: 4 hugði hann ióreið ættar sinnar:
Verse: 5 "Hví er hermðar litr á Hniflungom?"
Strophe: 49
Verse: 1 "Snúaz hér at sandi snofgir kiólar,
Verse: 2 racca hirtir oc rár langar,
Verse: 3 scildir margir, scafnar árar,
Verse: 4 gǫfuct lið gylfa, glaðir Ylfingar.
Strophe: 50
Verse: 1 Ganga fimtán fólc up á land,
Verse: 2 þó er í Sogn út siau þúsundir;
Verse: 3 liggia hér í grindom fyr Gnipalundi
Verse: 4 brimdýr blásvort oc búin gulli.
Verse: 5 Þar er miclo mest mengi þeira,
Verse: 6 muna nú Helgi hiorþing dvala."
Strophe: 51
Verse: 1 "Renni raucn bitluð til reginþinga,
Verse: 2 enn Sporvitnir at Sparinsheiði,
Verse: 3 Mélnir oc Mýlnir til Myrcviðar!
Verse: 4 látið engi mann eptir sitia,
Verse: 5 þeira er benlogom bregða kunni.
Strophe: 52
Verse: 1 Bióði þér Hǫgna oc Hrings sonom,
Verse: 2 Atla oc Yngva, Ǫlf inom gamla;
Verse: 3 þeiro giarnir gunni at heyia,
Verse: 4 látom Vǫlsunga viðrnám fá!"
Strophe: 53
Verse: 1 Svipr einn var þat, er saman qvómo
Verse: 2 fǫlvir oddar at Frecasteini;
Verse: 3 ey var Helgi, Hundings bani,
Verse: 4 fyrstr í fólki, þar er firar bǫrðuz,
Verse: 5 ostr á ímo, alltrauðr flugar;
Verse: 6 sá hafði hilmir hart móðacarn.
Strophe: 54
Verse: 1 Kómo þar ór himni hiálmvitr ofan
Verse: 2 - óx geira gnýr -, þær er grami hlífðo;
Verse: 3 þá qvað þat Sigrún - sárvitr flugo,
Verse: 4 át hálo scær af Hugins barri -:
Strophe: 55
Verse: 1 "Heill scaltu, vísi, virða nióta,
Verse: 2 áttstafr Yngva, oc una lífi,
Verse: 3 er þú felt hefir inn flugartrauða
Verse: 4 iofur, þann er olli ægis dauða.
Strophe: 56
Verse: 1 Oc þér, buðlungr, samir bæði vel
Verse: 2 rauðir baugar oc in ríkia mær;
Verse: 3 heill scaltu, buðlungr, bæði nióta
Verse: 4 Hǫgna dóttur oc Hringstaða,
Verse: 5 sigrs oc landa; þá er sócn lokit."
Verse: 1 Frá Hiorvarði oc Sigrlinn.
Verse: 2 Hiorvarðr hét konungr. Hann átti fiórar konor. Ein hét
Verse: 3 Álfhildr, sonr þeira hét Heðinn; ǫnnor hét Særeiðr,
Verse: 4 þeira sonr hét Humlungr; in þriðia hét Sinrióð, þeira sonr
Verse: 5 hét Hymlingr. Hiorvarðr konungr hafði þess heit strengt,
Verse: 6 at eiga þá kono, er hann vissi vænsta. Hann spurði, at
Verse: 7 Sváfnir konungr átti dóttur allra fegrsta, sú hét Sigrlinn.
Verse: 8 Iðmundr hét iarl hans. Atli var hans sonr, er fór at
Verse: 9 biðia Sigrlinnar til handa konungi. Hann dvalðiz vetrlangt
Verse: 10 með Sváfni konungi. Fránmarr hét þar iarl, fóstri Sigrlinnar;
Verse: 11 dóttir hans hét Álof. Iarlinn réð, at meyiar var syniat,
Verse: 12 oc fór Atli heim.
Verse: 13 Atli iarls sonr stóð einn dag við lund noccorn; enn
Verse: 14 fugl sat í limonom uppi yfir hánom oc hafði heyrt til, at
Verse: 15 hans menn kǫlloðo vænstar konor þær, er Hiorvarðr
Verse: 16 konungr átti. Fuglinn qvacaði; enn Atli hlýddi, hvat hann
Verse: 17 sagði. Hann qvað:
Strophe: 1
Verse: 1 "Sáttu Sigrlinn, Sváfnis dóttur,
Verse: 2 meyna fegrsto í munarheimi?
Verse: 3 þó hagligar Hiorvarðz konor
Verse: 4 gumnom þiccia at Glasislundi."
Verse: 5 Atli qvað:
Strophe: 2
Verse: 1 "Mundo við Atla, Iðmundar son,
Verse: 2 fugl fróðhugaðr, fleira mæla?"
Verse: 3 Fuglinn qvað:
Verse: 4 "Mun ec, ef mic buðlungr blóta vildi,
Verse: 5 oc kýs ec, þatz ec vil, ór konungs garði."
Verse: 6 Atli qvað:
Strophe: 3
Verse: 1 "Kiósattu Hiorvarð né hans sono,
Verse: 2 né inar fǫgro fylkis brúðir,
Verse: 3 eigi brúðir, þær er buðlungr á;
Verse: 4 kaupom vel saman! þat er vina kynni."
Verse: 5 Fuglinn qvað:
Strophe: 4
Verse: 1 "Hof mun ec kiósa, hǫrga marga,
Verse: 2 gullhyrndar kýr frá grams búi,
Verse: 3 ef hánom Sigrlinn sefr á armi
Verse: 4 oc ónauðig iofri fylgir."
Verse: 5 Þetta var, áðr Atli fori. Enn er hann kom heim oc
Verse: 6 konungr spurði hann tíðinda, hann qvað:
Strophe: 5
Verse: 1 "Hǫfom erfiði oc ecci ørindi;
Verse: 2 mara þraut óra á meginfialli,
Verse: 3 urðom síðan Sæmorn vaða;
Verse: 4 þá var oss syniat Sváfnis dóttur,
Verse: 5 hringom goddrar, er vér hafa vildom."
Verse: 6 Konungr bað, at þeir scyldo fara annat sinn. Fór hann
Verse: 7 siálfr. Enn er þeir kómo up á fiall, oc sá á Svávaland
Verse: 8 lanzbruna oc ióreyki stóra. Reið konungr af fiallino fram
Verse: 9 í landit oc tóc náttból við á eina. Atli helt vorð oc fór
Verse: 10 yfir ána. Hann fann eitt hús. Fugl mikill sat á húsino oc
Verse: 11 gætti oc var sofnaðr. Atli scaut spióti fuglinn til bana,
Verse: 12 enn í húsino fann hann Sigrlinn, konungs dóttur, oc Álofo,
Verse: 13 iarls dóttur, oc hafði þær báðar braut með sér. Fránmarr
Verse: 14 iarl hafði hamaz í arnar líki oc varit þær fyr hernom með
Verse: 15 fiolkyngi.
Verse: 16 Hróðmarr hét konungr, biðill Sigrlinnar. Hann drap
Verse: 17 Svávakonung oc hafði rænt oc brent landit.
Verse: 18 Hiorvarðr konungr fecc Sigrlinnar, enn Atli Álofar.
Verse: 19 Hiorvarðr oc Sigrlinn átto son mikinn oc vænan. Hann
Verse: 20 var þǫgull; ecci nafn festiz við hann. Hann sat á
Verse: 21 haugi; hann sá ríða valkyrior nío, oc var ein gǫfugligust.
Verse: 22 Hon qvað:
Strophe: 6
Verse: 1 "Síð mundu, Helgi, hringom ráða,
Verse: 2 rícr rógapaldr, né Rǫðulsvǫllom
Verse: 3 - ǫrn gól árla -, ef þú æ þegir,
Verse: 4 þóttu harðan hug, hilmir, gialdir."
Strophe: 7
Verse: 1 "Hvat lætr þú fylgia Helga nafni,
Verse: 2 brúðr biartlituð, allz þú bióða ræðr?
Verse: 3 hygg þú fyr ǫllom atqvæðom vel!
Verse: 4 Þigg ec eigi þat, nema ec þic hafa."
Strophe: 8
Verse: 1 "Sverð veit ec liggia í Sigarshólmi,
Verse: 2 fiórom færa enn fimm togo;
Verse: 3 eitt er þeira ǫllom betra,
Verse: 4 vígnesta bǫl, oc varið gulli.
Strophe: 9
Verse: 1 Hringr er í hialti, hugr er í miðio,
Verse: 2 ógn er í oddi, þeim er eiga getr;
Verse: 3 liggr með eggio ormr dreyrfáðr,
Verse: 4 enn á valbǫsto verpr naðr hala."
Verse: 5 Eylimi hét konungr. Dóttir hans var Sváva. Hon var
Verse: 6 valkyria oc reið lopt oc lǫg. Hon gaf Helga nafn þetta oc
Verse: 7 hlífði hánom opt síðan í orrostom.
Verse: 8 Helgi qvað:
Strophe: 10
Verse: 1 "Ertattu, Hiorvarðr, heilráðr konungr,
Verse: 2 fólcs oddviti, þóttu frægr sér;
Verse: 3 léztu eld eta iofra bygðir,
Verse: 4 enn þeir angr við þic ecci gorðo.
Strophe: 11
Verse: 1 Enn Hróðmarr scal hringom ráða,
Verse: 2 þeim er átto órir niðiar;
Verse: 3 sá séz fylkir fæst at lífi,
Verse: 4 hyggz aldauðra arfi at ráða."
Verse: 5 Hiorvarðr svaraði, at hann myndi fá lið Helga, ef hann
Verse: 6 vill hefna móðurfǫður síns. Þá sótti Helgi sverðit, er
Verse: 7 Sváva vísaði hánom til. Þá fór hann oc Atli oc feldo
Verse: 8 Hróðmar oc unno mǫrg þrecvirki. Hann drap Hata iotun,
Verse: 9 er hann sat á bergi noccoro. Helgi oc Atli lágo scipom í
Verse: 10 Hatafirði. Atli helt vorð inn fyrra hlut nætrinnar.
Verse: 11 Hrímgerðr, Hata dóttir, qvað:
Strophe: 12
Verse: 1 "Hverir ro hǫlðar í Hatafirði?
Verse: 2 scioldom er tialdat á scipom yðrom;
Verse: 3 frocnliga látið, fát hygg ec yðr siázc;
Verse: 4 kennit mér nafn konungs!"
Verse: 5 Atli qvað:
Strophe: 13
Verse: 1 "Helgi hann heitir, enn þú hvergi mátt
Verse: 2 vinna grand grami;
Verse: 3 iárnborgir ro um ǫðlings flota,
Verse: 4 knegoð oss fálor fara."
Strophe: 14
Verse: 1 "Hvé þic heitir (qvað Hrímgerðr) halr inn ámátki,
Verse: 2 hvé þic kalla konir?
Verse: 3 fylkir þér trúir, er þic í fǫgrom lætr
Verse: 4 beiz stafni búa."
Strophe: 15
Verse: 1 "Atli ec heiti, atall scal ec þér vera,
Verse: 2 mioc em ec gífrom gramastr;
Verse: 3 úrgan stafn ec hefi opt búit
Verse: 4 oc qvalðar qveldriðor.
Strophe: 16
Verse: 1 Hvé þú heitir, hála nágráðug?
Verse: 2 nefndu þinn, fála, fǫður!
Verse: 3 nío rǫstom er þú scyldir neðarr vera,
Verse: 4 oc vaxi þér á baðmi barr!"
Strophe: 17
Verse: 1 "Hrímgerðr ec heiti, Hati hét minn faðir,
Verse: 2 þann vissa ec ámátcastan iotun;
Verse: 3 margar brúðir hann lét frá búi tecnar,
Verse: 4 unz hann Helgi hió."
Strophe: 18
Verse: 1 "Þú vart, hála, fyr hildings scipom
Verse: 2 oc látt í fiarðar mynni fyrir;
Verse: 3 ræsis recca er þú vildir Rán gefa,
Verse: 4 ef þér komið í þverst þvari."
Strophe: 19
Verse: 1 "Duliðr ertu nú, Atli, draums qveð ec þér vera,
Verse: 2 síga lætr þú brýnn fyr brár;
Verse: 3 móðir mín lá fyr mildings scipom,
Verse: 4 ec drecþa Hlǫðvarðz sonom í hafi.
Strophe: 20
Verse: 1 Gneggia myndir þú, Atli, ef þú geldr né værir,
Verse: 2 brettir sinn Hrímgerðr hala;
Verse: 3 aptarla hiarta hygg ec at þitt, Atli, sé,
Verse: 4 þótt þú hafir reina rǫdd."
Strophe: 21
Verse: 1 "Reini mun þér ec þiccia, ef þú reyna knátt
Verse: 2 oc stíga ec á land af legi;
Verse: 3 ǫll muntu lemiaz, ef mér er alhugat,
Verse: 4 oc sveigia þinn hala, Hrímgerðr."
Strophe: 22
Verse: 1 "Atli, gacc þú á land, ef afli treystiz,
Verse: 2 oc hittomc í víc Varins!
Verse: 3 rifia rétti er þú munt, reccr, fá,
Verse: 4 ef þú mér í krymmor kømr."
Strophe: 23
Verse: 1 "Munca ec ganga, áðr gumnar vacna,
Verse: 2 oc halda of vísa vorð;
Verse: 3 era mér ørvænt, nær óro kømr
Verse: 4 scass up undir scipi."
Strophe: 24
Verse: 1 "Vaki þú, Helgi, oc bot við Hrímgerði,
Verse: 2 er þú lézt hǫggvinn Hata;
Verse: 3 eina nótt kná hon hiá iofri sofa,
Verse: 4 þá hefir hon bǫlva botr."
Strophe: 25
Verse: 1 "Loðinn heitir, er þic scal eiga, leið ertu mann-kyni;
Verse: 2 sá býr í Þolleyio þurs,
Verse: 3 hundvíss iotunn, hraunbúa verstr;
Verse: 4 sá er þér macligr maðr."
Strophe: 26
Verse: 1 "Hina vildo heldr, Helgi, er réð hafnir scoða
Verse: 2 fyrri nótt með firom;
Verse: 3 margullin mær mér þótti afli bera;
Verse: 4 hér sté hon land af legi
Verse: 5 oc festi svá yðarn flota.
Verse: 6 Hon ein því veldr, er ec eigi mác
Verse: 7 buðlungs mǫnnom bana."
Strophe: 27
Verse: 1 "Heyrðu nú, Hrímgerðr, ef ec boti harma þér,
Verse: 2 segðu gørr grami:
Verse: 3 var sú ein vættr, er barg ǫðlings scipom,
Verse: 4 eða fóro þær fleiri saman?"
Strophe: 28
Verse: 1 "Þrennar níundir meyia, þó reið ein fyrir,
Verse: 2 hvít und hiálmi mær;
Verse: 3 marir hristuz, stóð af mǫnom þeira
Verse: 4 dǫgg í diúpa dali,
Verse: 5 hagl í háva viðo;
Verse: 6 þaðan kømr með ǫldom ár;
Verse: 7 alt var mér þat leitt, er ec leitc."
Strophe: 29
Verse: 1 "Austr líttu nú, Hrímgerðr, er þic lostna hefr
Verse: 2 Helgi helstǫfom;
Verse: 3 á landi oc á vatni borgit er lofðungs flota
Verse: 4 oc siclings mǫnnom iþ sama.
Strophe: 30
Verse: 1 Dagr er nú, Hrímgerðr, enn þic dvalða hefir
Verse: 2 Atli til aldrlaga;
Verse: 3 hafnar marc þyccir hloglict vera,
Verse: 4 þars þú í steins líki stendr."
Verse: 5 Helgi konungr var allmikill hermaðr. Hann kom til
Verse: 6 Eylima konungs oc bað Svávo, dóttur hans. Þau Helgi
Verse: 7 oc Sváva veittuz várar oc unnuz furðo mikit. Sváva
Verse: 8 var heima með feðr sínom, enn Helgi í hernaði. Var Sváva
Verse: 9 valkyria enn sem fyrr.
Verse: 10 Heðinn var heima með fǫður sínom, Hiorvarði konungi,
Verse: 11 í Nóregi. Heðinn fór einn saman heim ór scógi
Verse: 12 iólaaptan oc fann trollkono; sú reið vargi oc hafði orma
Verse: 13 at taumom, oc bauð fylgð sína Heðni. "Nei," sagði hann.
Verse: 14 Hon sagði: "Þess scaltu gialda at bragarfulli."
Verse: 15 Um qveldit óro heitstrengingar. Var fram leiddr sonargǫltr,
Verse: 16 lǫgðo menn þar á hendr sínar, oc strengðo menn
Verse: 17 þá heit at bragarfulli. Heðinn strengði heit til Svávo,
Verse: 18 Eylima dóttur, unnusto Helga, bróður síns, oc iðraðiz
Verse: 19 svá mioc, at hann gecc á braut villistígo suðr á lǫnd oc
Verse: 20 fann Helga, bróður sinn.
Verse: 21 Helgi qvað:
Strophe: 31
Verse: 1 "Komðu heill, Heðinn! hvat kantu segia
Verse: 2 nýra spialla ór Nóregi?
Verse: 3 hví er þér, stillir, støct ór landi
Verse: 4 oc ert einn kominn oss at finna?"
Strophe: 32
Verse: 1 "Mic hefir myclo glopr meiri sóttan,
Verse: 2 ec hefi kerna ina konungborno,
Verse: 3 brúði þína, at bragarfulli."
Strophe: 33
Verse: 1 "Sacaz eigi þú! sǫnn muno verða
Verse: 2 ǫlmál, Heðinn, occor beggia;
Verse: 3 mér hefir stillir stefnt til eyrar,
Verse: 4 þriggia nátta, scylac þar koma;
Verse: 5 if er mér á því, at ec aptr koma;
Verse: 6 þá má at góðo goraz slíct, ef scal."
Strophe: 34
Verse: 1 "Sagðir þú, Helgi, at Heðinn væri
Verse: 2 góðs verðr frá þér oc giafa stórra;
Verse: 3 þér er somra sverð at rióða
Verse: 4 enn frið gefa fiándom þínom."
Verse: 5 Þat qvað Helgi, þvíat hann grunaði um feigð sína oc
Verse: 6 þat, at fylgior hans hǫfðo vitiað Heðins, þá er hann sá
Verse: 7 konona ríða varginom.
Verse: 8 Álfr hét konungr, sonr Hróðmars, er Helga hafði vǫll
Verse: 9 haslaðan á Sigarsvelli á þriggia nátta fresti.
Verse: 10 Þá qvað Helgi:
Strophe: 35
Verse: 1 "Reið á vargi, er recqvið var,
Verse: 2 flióð eitt, er hann fylgio beiddi;
Verse: 3 hon vissi þat, at veginn myndi
Verse: 4 Sigrlinnar sonr á Sigarsvǫllom."
Verse: 5 Þar var orrosta mikil, oc fecc þar Helgi banasár.
Strophe: 36
Verse: 1 Sendi Helgi Sigar at ríða
Verse: 2 eptir Eylima eingadóttur;
Verse: 3 biðr brálliga búna verða,
Verse: 4 ef hon vill finna fylki qviqvan.
Strophe: 37
Verse: 1 "Mic hefir Helgi hingat sendan,
Verse: 2 við þic, Sváva, siálfa at mæla;
Verse: 3 þic qvaz hilmir hitta vilia,
Verse: 4 áðr ítrborinn ǫndo týndi."
Strophe: 38
Verse: 1 "Hvat varð Helga, Hiorvarðz syni?
Verse: 2 mér er harðliga harma leitat;
Verse: 3 ef hann sær um léc eða sverð um beit,
Verse: 4 þeim scal ec gumna grand um vinna."
Strophe: 39
Verse: 1 "Fell hér í morgon at Frecasteini
Verse: 2 buðlungr, sá er var baztr und sólo;
Verse: 3 Álfr mun sigri ǫllom ráða,
Verse: 4 þótt þetta sinn þǫrfgi væri."
Strophe: 40
Verse: 1 "Heil verðu, Sváva! Hug scaltu deila,
Verse: 2 siá mun í heimi hinztr fundr vera;
Verse: 3 tiá buðlungi bloða undir,
Verse: 4 mér hefir hiorr komið hiarta iþ næsta.
Strophe: 41
Verse: 1 Bið ec þic, Sváva - brúðr, grátattu! -,
Verse: 2 ef þú vill míno máli hlýða,
Verse: 3 at þú Heðni hvílo gorvir
Verse: 4 oc iofur ungan ástom leiðir."
Strophe: 42
Verse: 1 "Mælt hafða ec þat í munarheimi,
Verse: 2 þá er mér Helgi hringa valði:
Verse: 3 myndiga ec lostig at liðinn fylki
Verse: 4 iofur ókunnan armi veria."
Strophe: 43
Verse: 1 "Kysto mic, Sváva! kem ec eigi áðr
Verse: 2 Rógheims á vit né Rǫðulsfialla,
Verse: 3 áðr ec hefnt hefic Hiorvarðz sonar,
Verse: 4 þess er buðlungr var beztr und sólo."
Verse: 5 Helgi oc Sváva er sagt at væri endrborin.
Verse: 1 Frá Vǫlsungom.
Verse: 2 Sigmundr konungr, Vǫlsungs sonr, átti Borghildi af
Verse: 3 Brálundi. Þau héto son sinn Helga, oc eptir Helga
Verse: 4 Hiorvarðzsyni. Helga fóstraði Hagall.
Verse: 5 Hundingr hét rícr konungr. Við hann er Hundland
Verse: 6 kent. Hann var hermaðr mikill oc átti marga sono, þá
Verse: 7 er í hernaði vóro. Ófriðr oc dylgior vóro á milli þeira
Verse: 8 Hundings konungs oc Sigmundar konungs; drápo hvárir
Verse: 9 annarra frondr. Sigmundr konungr oc hans ættmenn héto
Verse: 10 Vǫlsungar oc Ylfingar.
Verse: 11 Helgi fór oc niósnaði til hirðar Hundings konungs á
Verse: 12 laun. Hæmingr, sonr Hundings konungs, var heima. Enn
Verse: 13 er Helgi fór í brot, þá hitti hann hiarðarsvein oc qvað:
Strophe: 1
Verse: 1 "Segðu Homingi, at Helgi man,
Verse: 2 hvern í brynio bragnar feldo;
Verse: 3 ér úlf grán inni hǫfðot,
Verse: 4 þar er Hamal hugði Hundingr konungr."
Verse: 5 Hamall hét sonr Hagals. Hundingr konungr sendi
Verse: 6 menn til Hagals at leita Helga. Enn Helgi mátti eigi
Verse: 7 forðaz annan veg, enn tóc klæði ambáttar oc gecc at mala.
Verse: 8 Þeir leitoðo oc fundo eigi Helga. Þá qvað Blindr inn
Verse: 9 bǫlvísi:
Strophe: 2
Verse: 1 "Hvǫss ero augo í Hagals þýio,
Verse: 2 era þat karls ætt, er á qvernom stendr;
Verse: 3 steinar rifna, støccr lúðr fyrir.
Strophe: 3
Verse: 1 Nú hefir hǫrð domi hildingr þegit,
Verse: 2 er vísi scal valbygg mala.
Verse: 3 Heldr er somri hendi þeiri
Verse: 4 meðalkafli enn mǫndultré."
Verse: 5 Hagall svaraði oc qvað:
Strophe: 4
Verse: 1 "Þat er lítil vá, þótt lúðr þrumi,
Verse: 2 er mær konungs mǫndul hrorir;
Verse: 3 hon scævaði scýiom efri
Verse: 4 oc vega þorði sem víkingar,
Verse: 5 áðr hana Helgi hǫpto gorði;
Verse: 6 systir er hon þeira Sigars oc Hǫgna,
Verse: 7 því hefir ǫtul augo Ylfinga man."
Verse: 8 Undan komz Helgi oc fór á herscip. Hann feldi Hunding
Verse: 9 konung oc var síðan kallaðr Helgi Hundingsbani.
Verse: 10 Hann lá með her sinn í Brunavágom oc hafði þar
Verse: 11 strandhǫgg, oc áto þar hrátt. Hǫgni hét konungr. Hans
Verse: 12 dóttir var Sigrún, hon varð valkyria oc reið lopt oc lǫg;
Verse: 13 hon var Sváva endrborin. Sigrún reið at scipom Helga
Verse: 14 oc qvað:
Strophe: 5
Verse: 1 "Hverir láta flióta fley við bacca,
Verse: 2 hvar, hermegir, heima eigoð?
Verse: 3 hvers bíðit ér í Brunavágom,
Verse: 4 hvert lystir yðr leið at kanna?"
Strophe: 6
Verse: 1 "Hamall lætr flióta fley við bacca,
Verse: 2 eigom heima í Hléseyio;
Verse: 3 bíðom byriar í Brunavágom,
Verse: 4 austr lystir oss leið at kanna."
Strophe: 7
Verse: 1 "Hvar hefir þú, hilmir, hildi vacþa
Verse: 2 eða gǫgl alin Gunnar systra?
Verse: 3 hví er brynia þín blóði stoccin,
Verse: 4 hví scal und hiálmom hrátt kiot eta?"
Strophe: 8
Verse: 1 "Þat vann næst nýs niðr Ylfinga
Verse: 2 fyr vestan ver, ef þic vita lystir,
Verse: 3 er ec biorno tóc í Bragalundi
Verse: 4 oc ætt ara oddom saddac.
Strophe: 9
Verse: 1 Nú er sagt, mær, hvaðan sacar gorðoz;
Verse: 2 því var á legi mér lítt steict etið".
Strophe: 10
Verse: 1 "Víg lýsir þú, varð fyr Helga
Verse: 2 Hundingr konungr hníga at velli;
Verse: 3 bar sócn saman, er sefa hefndoð,
Verse: 4 oc busti blóð á brimis eggiar."
Strophe: 11
Verse: 1 "Hvat vissir þú, at þeir sé,
Verse: 2 snót svinnhuguð, er sefa hefndo?
Verse: 3 margir ro hvassir hildings synir
Verse: 4 oc ámunir ossom niðiom."
Strophe: 12
Verse: 1 "Varca ec fiarri, fólcs oddviti,
Verse: 2 gær á morgon grams aldrlocom;
Verse: 3 þó tel ec slogian Sigmundar bur,
Verse: 4 er í valrúnom vígspioll segir.
Strophe: 13
Verse: 1 Leit ec þic um sinn fyrr á langscipom,
Verse: 2 þá er þú bygðir blóðga stafna
Verse: 3 oc úrsvalar unnir léco;
Verse: 4 nú vill dyliaz dǫglingr fyr mér,
Verse: 5 enn Hǫgna mær Helga kennir."
Verse: 6 Granmarr hét rícr konungr, er bió at Svarinshaugi.
Verse: 7 Hann átti marga sono: Hǫðbroddr, annarr Guðmundr,
Verse: 8 þriði Starcaðr. Hǫðbroddr var í konungastefno; hann
Verse: 9 fastnaði sér Sigrúno, Hǫgna dóttur. Enn er hon spyrr
Verse: 10 þat, þá reið hon með valkyrior um lopt oc um lǫg at
Verse: 11 leita Helga.
Verse: 12 Helgi var þá at Logafiollom oc hafði bariz við Hundings
Verse: 13 sono. Þar feldi hann þá Álf oc Eyiólf, Hiorvarð oc
Verse: 14 Hervarð, oc var hann allvígmóðr, oc sat undir Arasteini.
Verse: 15 Þar hitti Sigrún hann, oc rann á háls hánom oc kysti
Verse: 16 hann oc sagði hánom erindi sitt, svá sem segir í
Verse: 17 Vǫlsungaqviðo inni forno:
Strophe: 14
Verse: 1 Sótti Sigrún sicling glaðan,
Verse: 2 heim nam hon Helga hǫnd at sokia;
Verse: 3 kysti oc qvaddi konung und hiálmi,
Verse: 4 þá varð hilmi hugr á vífi.
Strophe: 15
Verse: 1 Fyrr léz hon unna af ǫllom hug
Verse: 2 syni Sigmundar, enn hon séð hafði.
Strophe: 16
Verse: 1 "Var ec Hǫðbroddi í her fǫstnuð,
Verse: 2 enn iofur annan eiga vildac;
Verse: 3 þó siámc, fylkir, fronda reiði,
Verse: 4 hefi ec míns fǫður munráð brotið."
Strophe: 17
Verse: 1 Nama Hǫgna mær of hug mæla,
Verse: 2 hafa qvaz hon Helga hylli scyldo.
Strophe: 18
Verse: 1 "Hirð eigi þú Hǫgna reiði,
Verse: 2 né illan hug ættar þinnar!
Verse: 3 þú scalt, mær ung, at mér lifa,
Verse: 4 ætt áttu, in góða, er ec siámc."
Verse: 5 Helgi samnaði þá miclom scipaher oc fór til Frecasteins,
Verse: 6 oc fengo í hafi ofviðri mannhætt. Þá qvómo leiptr yfir
Verse: 7 þá, oc stóðo geislar í scipin. Þeir sá í loptino, at valkyrior
Verse: 8 nío riðo, oc kendo þeir Sigrúno. Þá lægði storminn, oc
Verse: 9 qvómo þeir heilir til lanz.
Verse: 10 Granmars synir sáto á biargi noccoro, er scipin sigldo
Verse: 11 at landi. Guðmundr hlióp á hest oc reið á niósn á bergit
Verse: 12 við hǫfnina; þá hlóðo Vǫlsungar seglom. Þá qvað Guðmundr,
Verse: 13 svá sem fyrr er ritað í Helgaqviðo:
Verse: 14 "Hverr er fylkir, sá er flota stýrir
Verse: 15 oc feicnalið forir at landi?"
Verse: 16 Sinfiotli, Sigmundar sonr, svaraði, oc er þat enn ritað.
Verse: 17 Guðmundr reið heim með hersǫgo. Þá sǫmnoðo
Verse: 18 Granmars synir her. Kómo þar margir konungar. Þar
Verse: 19 var Hǫgni, faðir Sigrúnar, oc synir hans Bragi oc Dagr.
Verse: 20 Þar var orrosta mikil, oc fello allir Granmars synir oc
Verse: 21 allir þeira hǫfðingiar, nema Dagr, Hǫgna sonr, fecc grið
Verse: 22 oc vann eiða Vǫlsungom.
Verse: 23 Sigrún gecc í valinn oc hitti Hǫðbrodd at kominn
Verse: 24 dauða. Hon qvað:
Strophe: 25
Verse: 1 "Muna þér Sigrún frá Sefafiollom,
Verse: 2 Hǫðbroddr konungr, hníga at armi;
Verse: 3 liðin er ævi - opt náir hrævi
Verse: 4 gránstóð gríðar - Granmars sona."
Verse: 5 Þá hitti hon Helga oc varð allfegin. Hann qvað:
Strophe: 26
Verse: 1 "Erat þér at ǫllo, alvitr, gefið,
Verse: 2 þó qveð ec nocqvi nornir valda;
Verse: 3 fello í morgon at Frecasteini
Verse: 4 Bragi oc Hǫgni, varð ec bani þeira.
Strophe: 27
Verse: 1 Enn at Styrkleifom Starcaðr konungr,
Verse: 2 enn at Hlébiorgom Hrollaugs synir;
Verse: 3 þann sá ec gylfa grimmúðgastan,
Verse: 4 er barðiz bolr, var á brot hǫfuð.
Strophe: 28
Verse: 1 Liggia at iorðo allra flestir
Verse: 2 niðiar þínir, at nám orðnir;
Verse: 3 vantattu vígi, var þér þat scapað,
Verse: 4 at þú at rógi rícmenni vart."
Verse: 5 Þá grét Sigrún. Hann qvað:
Strophe: 29
Verse: 1 "Huggastu, Sigrún! Hildr hefir þú oss verið;
Verse: 2 vinnat scioldungar scǫpom."
Verse: 3 "Lifna mynda ec nú kiósa, er liðnir ero,
Verse: 4 oc knætta ec þér þó í faðmi felaz."
Verse: 5 Þetta qvað Guðmundr, Granmars sonr:
Strophe: 19
Verse: 1 "Hverr er scioldungr, sá er scipom stýrir,
Verse: 2 lætr gunnfana gullinn fyrir stafni?
Verse: 3 þiccia mér friðr í farar broddi,
Verse: 4 verpr vígroða um víkinga."
Verse: 5 Sinfiotli qvað:
Strophe: 20
Verse: 1 "Hér má Hǫðbroddr Helga kenna,
Verse: 2 flótta trauðan, í flota miðiom;
Verse: 3 hann hefir eðli ættar þinnar,
Verse: 4 arf Fiorsunga, und sic þrungit."
Strophe: 21
Verse: 1 "Því fyrr scolo at Frecasteini
Verse: 2 sáttir saman um sacar doma.;
Verse: 3 mál er, Hǫðbroddr, hefnd at vinna,
Verse: 4 er vér lægra hlut lengi bárom."
Strophe: 22
Verse: 1 "Fyrr mundu, Guðmundr, geitr um halda,
Verse: 2 oc bergscorar brattar klífa,
Verse: 3 hafa þér í hendi heslikylfo;
Verse: 4 þat er þér blíðara enn brimis dómar."
Strophe: 23
Verse: 1 "Þér er, Sinfiotli, somra myclo
Verse: 2 gunni at heyia oc glaða ǫrno,
Verse: 3 enn ónýtom orðom at bregða,
Verse: 4 þótt hildingar heiptir deili.
Strophe: 24
Verse: 1 Þiccit mér góðir Granmars synir,
Verse: 2 þó dugir siclingom satt at mæla;
Verse: 3 þeir merct hafa á Móinsheimom,
Verse: 4 at hug hafa hiorom at bregða;
Verse: 5 ero hildingar hølzti sniallir."
Verse: 6 Helgi fecc Sigrúnar, oc átto þau sono. Var Helgi
Verse: 7 eigi gamall. Dagr, Hǫgna sonr, blótaði Óðin til
Verse: 8 fǫðurhefnda. Óðinn léði Dag geirs síns. Dagr fann Helga,
Verse: 9 mág sinn, þar sem heitir at Fioturlundi. Hann lagði í
Verse: 10 gognom Helga með geirnom. Þar fell Helgi. Enn Dagr
Verse: 11 reið til fialla oc sagði Sigrúno tíðindi:
Strophe: 30
Verse: 1 "Trauðr em ec, systir, trega þér at segia,
Verse: 2 þvíat ec hefi nauðigr nipti grotta:
Verse: 3 fell í morgon und Fioturlundi
Verse: 4 buðlungr, sá er var beztr í heimi
Verse: 5 oc hildingom á hálsi stóð."
Strophe: 31
Verse: 1 "Þic scyli allir eiðar bíta,
Verse: 2 þeir er Helga hafðir unna,
Verse: 3 at ino liósa Leiptrar vatni
Verse: 4 oc at úrsvǫlom Unnar steini.
Strophe: 32
Verse: 1 Scríðiat þat scip, er und þér scríði,
Verse: 2 þótt óscabyrr eptir leggiz;
Verse: 3 rennia sá marr, er und þér renni,
Verse: 4 þóttu fiándr þína forðaz eigir.
Strophe: 33
Verse: 1 Bítia þér þat sverð, er þú bregðir,
Verse: 2 nema siálfom þér syngvi um hǫfði.
Verse: 3 Þá væri þér hefnt Helga dauða,
Verse: 4 ef þú værir vargr á viðom úti,
Verse: 5 auðs andvani oc allz gamans,
Verse: 6 hefðir eigi mat, nema á hræom spryngir."
Verse: 7 Dagr qvað:
Strophe: 34
Verse: 1 "Or ertu, systir, oc ervita,
Verse: 2 er þú broðr þínom biðr forscapa;
Verse: 3 einn veldr Óðinn ǫllo bǫlvi,
Verse: 4 þvíat með sifiungom sacrúnar bar.
Strophe: 35
Verse: 1 Þér býðr bróðir bauga rauða,
Verse: 2 ǫll Vandilsvé oc Vígdali;
Verse: 3 hafðu hálfan heim harms at gioldom,
Verse: 4 brúðr baugvarið, oc burir þínir!"
Strophe: 36
Verse: 1 "Sitca ec svá sæl at Sefafiollom,
Verse: 2 ár né um nætr, at ec una lífi,
Verse: 3 nema at liði lofðungs lióma bregði,
Verse: 4 renni und vísa Vígblær þinig,
Verse: 5 gullbitli vanr, knega ec grami fagna.
Strophe: 37
Verse: 1 Svá hafði Helgi hrodda gorva
Verse: 2 fiándr sína alla oc frondr þeira,
Verse: 3 sem fyr úlfi óðar rynni
Verse: 4 geitr af fialli, geisca fullar.
Strophe: 38
Verse: 1 Svá bar Helgi af hildingom
Verse: 2 sem ítrscapaðr ascr af þyrni,
Verse: 3 eða sá dýrkálfr, dǫggo slunginn,
Verse: 4 er øfri ferr ǫllom dýrom
Verse: 5 oc horn glóa við himin siálfan."
Verse: 6 Haugr var gorr eptir Helga. Enn er hann kom til
Verse: 7 Valhallar, þá bauð Óðinn hánom ǫllo at ráða með sér.
Verse: 8 Helgi qvað:
Strophe: 39
Verse: 1 "Þú scalt, Hundingr, hveriom manni
Verse: 2 fótlaug geta oc funa kynda,
Verse: 3 hunda binda, hesta gæta,
Verse: 4 gefa svínom soð, áðr sofa gangir."
Verse: 5 Ambót Sigrúnar gecc um aptan hiá haugi Helga oc
Verse: 6 sá, at Helgi reið til haugsins með marga menn.
Verse: 7 Ambót qvað:
Strophe: 40
Verse: 1 "Hvárt ero þat svic ein, er ec siá þicciomz,
Verse: 2 eða ragna rǫc, ríða menn dauðir?
Verse: 3 er ióa yðra oddom keyrit,
Verse: 4 eða er hildingom heimfor gefin?"
Strophe: 41
Verse: 1 "Era þat svic ein, er þú siá þicciz,
Verse: 2 né aldar rof, þóttu oss lítir,
Verse: 3 þótt vér iói óra oddom keyrim,
Verse: 4 né er hildingom heimfor gefin."
Verse: 5 Heim gecc ambót oc sagði Sigrúno:
Strophe: 42
Verse: 1 "Út gacc þú, Sigrún frá Sefafiollom,
Verse: 2 ef þic fólcs iaðar finna lystir;
Verse: 3 up er haugr lokinn, kominn er Helgi;
Verse: 4 dólgspor dreyra, dǫglingr bað þic,
Verse: 5 at þú sárdropa svefia scyldir."
Verse: 6 Sigrún gecc í hauginn til Helga oc qvað:
Strophe: 43
Verse: 1 "Nú em ec svá fegin fundi ocrom
Verse: 2 sem átfrekir Óðins haucar,
Verse: 3 er val vito, varmar bráðir,
Verse: 4 eða dǫgglitir dagsbrún siá.
Strophe: 44
Verse: 1 Fyrr vil ec kyssa konung ólifðan,
Verse: 2 enn þú blóðugri brynio kastir;
Verse: 3 hár er þitt, Helgi, hélo þrungit,
Verse: 4 allr er vísi valdǫgg sleginn,
Verse: 5 hendr úrsvalar Hǫgna mági;
Verse: 6 hvé scal ec þér, buðlungr, þess bót of vinna?"
Strophe: 45
Verse: 1 "Ein veldr þú, Sigrún frá Sefafiollom,
Verse: 2 er Helgi er harmdǫgg sleginn;
Verse: 3 grætr þú, gullvarið, grimmom tárom,
Verse: 4 sólbiort, suðron, áðr þú sofa gangir;
Verse: 5 hvert fellr blóðuct á brióst grami,
Verse: 6 úrsvalt, innfiálgt, ecca þrungit.
Strophe: 46
Verse: 1 Vel scolom drecca dýrar veigar,
Verse: 2 þótt mist hafim munar oc landa;
Verse: 3 scal engi maðr angrlióð qveða,
Verse: 4 þótt mér á briósti beniar líti;
Verse: 5 nú ero brúðir byrgðar í haugi,
Verse: 6 lofða dísir, hiá oss liðnom."
Verse: 7 Sigrún bió sæing í hauginom.
Strophe: 47
Verse: 1 "Hér hefi ec þér, Helgi, hvílo gorva,
Verse: 2 angrlausa mioc, Ylfinga niðr;
Verse: 3 vil ec þér í faðmi, fylkir, sofna,
Verse: 4 sem ec lofðungi lifnom myndac."
Strophe: 48
Verse: 1 "Nú qveð ec enscis ørvænt vera,
Verse: 2 síð né snimma, at Sefafiollom,
Verse: 3 er þú á armi ólifðom sefr,
Verse: 4 hvít, í haugi, Hǫgna dóttir,
Verse: 5 oc ertu qvic, in konungborna.
Strophe: 49
Verse: 1 Mál er mér at ríða roðnar brautir,
Verse: 2 láta fǫlvan ió flugstíg troða;
Verse: 3 scal ec fyr vestan vindhiálms brúar,
Verse: 4 áðr Salgofnir sigrþióð veki."
Verse: 5 Þeir Helgi riðo leið sína; enn þær fóro heim til boiar.
Verse: 6 Annan aptan lét Sigrún ambót halda varð á hauginom.
Verse: 7 Enn at dagsetri, er Sigrún kom til haugsins . . .
Verse: 8 Hon qvað:
Strophe: 50
Verse: 1 "Kominn væri nú, ef koma hygði,
Verse: 2 Sigmundar burr frá sǫlom Óðins;
Verse: 3 qveð ec grams þinig grænaz vánir,
Verse: 4 er á asclimom ernir sitia
Verse: 5 oc drífr drótt ǫll draumþinga til."
Strophe: 51
Verse: 1 "Verðu eigi svá or, at ein farir,
Verse: 2 dís scioldunga, draughúsa til;
Verse: 3 verða ǫflgari allir á nóttom
Verse: 4 dauðir dólgar, mær, enn um daga liósa."
Verse: 5 Sigrún varð scammlíf af harmi oc trega.
Verse: 6 Þat var trúa í fornescio, at menn væri endrbornir,
Verse: 7 enn þat er nú kǫlluð kerlingavilla. Helgi oc Sigrún er kallat
Verse: 8 at væri endrborin. Hét hann þá Helgi Haddingiascaði,
Verse: 9 enn hon Kára, Hálfdanar dóttir, svá sem qveðit er í
Verse: 10 Károlióðom, oc var hon valkyria.
Verse: 1 Sigmundr, Vǫlsungs sonr, var konungr á Fraclandi. Sinfiotli
Verse: 2 var elztr hans sona, annarr Helgi, þriði Hámundr.
Verse: 3 Borghildr, kona Sigmundar, átti bróður, er hét . . . . .
Verse: 4 Enn Sinfiotli, stiúpsonr hennar, oc . . . . báðo einnar
Verse: 5 kono báðir, oc fyrir þá sǫc drap Sinfiotli hann. Enn er
Verse: 6 hann kom heim, þá bað Borghildr hann fara á brot,
Verse: 7 enn Sigmundr bauð henni fébotr, oc þat varð hon at
Verse: 8 þiggia. Enn at erfino bar Borghildr ǫl. Hon tóc eitr, mikit
Verse: 9 horn fult, oc bar Sinfiotla. Enn er hann sá í hornit, skilði
Verse: 10 hann, at eitr var í, oc mælti til Sigmundar: "Gioróttr er
Verse: 11 dryccrinn, ái." Sigmundr tóc hornit ok dracc af. Svá er
Verse: 12 sagt at Sigmundr var harðgorr, at hvárki mátti hánom
Verse: 13 eitr granda útan né innan. Enn allir synir hans stóðuzc
Verse: 14 eitr á hǫrund útan. Borghildr bar annat horn Sinfiotla,
Verse: 15 oc bað drecca, oc fór alt sem fyrr. Oc enn iþ þriðia sinn
Verse: 16 bar hon hánom hornit, oc þó ámælisorð með, ef hann
Verse: 17 drycci eigi af. Hann mælti enn sem fyrr við Sigmund.
Verse: 18 Hann sagði: "Láttu grǫn sía þá, sonr!" Sinfiotli dracc oc
Verse: 19 varð þegar dauðr.
Verse: 20 Sigmundr bar hann langar leiðir í fangi sér oc kom at
Verse: 21 firði einom mióvom oc lǫngom, oc var þar scip eitt lítið
Verse: 22 oc maðr einn á. Hann bauð Sigmundi far of fiorðinn.
Verse: 23 Enn er Sigmundr bar líkit út á scipit, þá var bátrinn
Verse: 24 hlaðinn. Karlinn mælti, at Sigmundr scyldi fara fyrir
Verse: 25 innan fiorðinn. Karl hratt út scipino oc hvarf þegar.
Verse: 26 Sigmundr konungr dvalðiz lengi í Danmorc í ríki Borghildar,
Verse: 27 síðan er hann fecc hennar. Fór Sigmundr þá suðr
Verse: 28 í Fracland, til þess ríkis, er hann átti þar. Þá fecc hann
Verse: 29 Hiordísar, dóttur Eylima konungs. Þeira sonr var Sigurðr.
Verse: 30 Sigmundr konungr fell í orrosto fyrir Hundings sonom.
Verse: 31 Enn Hiordís giptiz þá Álfi, syni Hiálprecs konungs. ax
Verse: 32 Sigurðr þar up í barnæsco.
Verse: 33 Sigmundr oc allir synir hans vóro langt um fram alla
Verse: 34 menn aðra um afl oc vǫxt oc hug oc alla atgervi. Sigurðr
Verse: 35 var þó allra framarstr, oc hann kalla allir menn í fornfroðom
Verse: 36 um alla menn fram oc gǫfgastan herkonunga.
Verse: 1 Grípir hét sonr Eylima, bróðir Hiordísar. Hann réð
Verse: 2 lǫndom oc var allra manna vitrastr oc framvíss.
Verse: 3 Sigurðr reið einn saman oc kom til hallar Grípis. Sigurðr
Verse: 4 var auðkendr. Hann hitti mann at máli úti fyrir hǫllinni;
Verse: 5 sá nefndiz Geitir. Þá qvaddi Sigurðr hann máls oc spyrr:
Strophe: 1
Verse: 1 "Hverr byggir hér borgir þessar,
Verse: 2 hvat þann þióðkonung þegnar nefna?"
Verse: 3 "Grípir heitir gumna stióri,
Verse: 4 sá er fastri ræðr foldo oc þegnom."
Strophe: 2
Verse: 1 "Er horscr konungr heima í landi,
Verse: 2 mun sá gramr við mic ganga at mæla?
Verse: 3 máls er þarfi maðr ókunnigr,
Verse: 4 vil ec fliótliga finna Grípi."
Strophe: 3
Verse: 1 "Þess mun glaðr konungr Geiti spyria,
Verse: 2 hverr sá maðr sé, er máls qveðr Grípi."
Verse: 3 "Sigurðr ec heiti, borinn Sigmundi,
Verse: 4 enn Hiordís er hilmis móðir."
Strophe: 4
Verse: 1 Þá gecc Geitir Grípi at segia:
Verse: 2 "Hér er maðr úti, ókuðr, kominn;
Verse: 3 hann er ítarligr at áliti,
Verse: 4 sá vill, fylkir, fund þinn hafa."
Strophe: 5
Verse: 1 Gengr ór scála scatna dróttinn
Verse: 2 oc heilsar vel hilmi komnom:
Verse: 3 "Þiggðu hér, Sigurðr! væri somra fyrr,
Verse: 4 enn þú, Geitir, tac við Grana siálfom!"
Strophe: 6
Verse: 1 Mæla námo oc mart hiala,
Verse: 2 þá er ráðspakir reccar funduz.
Verse: 3 "Segðu mér, ef þú veizt, móðurbróðir:
Verse: 4 hvé mun Sigurði snúna ævi?"
Strophe: 7
Verse: 1 "Þú munt maðr vera mæztr und sólo
Verse: 2 oc hæstr borinn hveriom iofri,
Verse: 3 giofull af gulli, enn gløggr flugar,
Verse: 4 ítr áliti oc í orðom spacr."
Strophe: 8
Verse: 1 "Segðu, gegn konungr, gerr, enn ec spyria
Verse: 2 snotr, Sigurði, ef þú siá þicciz:
Verse: 3 hvat mun fyrst goraz til farnaðar,
Verse: 4 þá er ór garði emc genginn þínom?"
Strophe: 9
Verse: 1 "Fyrst muntu, fylkir, fǫður um hefna
Verse: 2 oc Eylima allz harms reca;
Verse: 3 þú munt harða Hundings sono,
Verse: 4 snialla, fella, mundu sigr hafa."
Strophe: 10
Verse: 1 "Segðu, ítr konungr, ættingi, mér,
Verse: 2 heldr horscliga, er við hugat mælom:
Verse: 3 sérðu Sigurðar snǫr brǫgð fyrir,
Verse: 4 þau er hæst fara und himinscautom?"
Strophe: 11
Verse: 1 "Mundu einn vega orm inn frána,
Verse: 2 þann er gráðugr liggr á Gnitaheiði;
Verse: 3 þú munt báðom at bana verða,
Verse: 4 Regin oc Fáfni, rétt segir Grípir."
Strophe: 12
Verse: 1 "Auðr mun orinn, ef ec eflic svá
Verse: 2 víg með virðom, sem þú víst segir;
Verse: 3 leið at huga oc lengra seg:
Verse: 4 hvat mun enn vera ævi minnar?"
Strophe: 13
Verse: 1 "Þú munt finna Fáfnis boli
Verse: 2 oc up taca auð inn fagra,
Verse: 3 gulli hloða á Grana bógo;
Verse: 4 ríðr þú til Giúca, gramr vígrisinn."
Strophe: 14
Verse: 1 "Enn scaltu hilmi í hugazroðo,
Verse: 2 framlyndr iofurr, fleira segia;
Verse: 3 gestr em ec Giúca, oc ec geng þaðan:
Verse: 4 hvat mun enn vera ævi minnar?"
Strophe: 15
Verse: 1 "Sefr á fialli fylkis dóttir,
Verse: 2 biort, í brynio, eptir bana Helga;
Verse: 3 þú munt hǫggva hvǫsso sverði,
Verse: 4 brynio rísta með bana Fáfnis."
Strophe: 16
Verse: 1 "Brotin er brynia, brúðr mæla tecr,
Verse: 2 er vacnaði víf ór svefni;
Verse: 3 hvat mun snót at heldr við Sigurð mæla,
Verse: 4 þat er at farnaði fylki verði?"
Strophe: 17
Verse: 1 "Hon mun ríkiom þér rúnar kenna,
Verse: 2 allar, þær er aldir eignaz vildo,
Verse: 3 oc á mannz tungo mæla hveria,
Verse: 4 lif með læcning; lifðu heill, konungr!"
Strophe: 18
Verse: 1 "Nú er því lokit, numin ero froði,
Verse: 2 oc em braut þaðan búinn at ríða;
Verse: 3 leið at huga oc lengra seg:
Verse: 4 hvat mun meirr vera minnar ævi?"
Strophe: 19
Verse: 1 "Þú munt hitta Heimis bygðir
Verse: 2 oc glaðr vera gestr þióðkonungs;
Verse: 3 farið er, Sigurðr, þatz ec fyrir vissac,
Verse: 4 scala fremr enn svá fregna Grípi."
Strophe: 20
Verse: 1 "Nú fær mér ecca orð, þaztu mæltir,
Verse: 2 þvíat þú fram um sér, fylkir, lengra;
Verse: 3 veiztu ofmikit angr Sigurði,
Verse: 4 því þú, Grípir, þat gerra segia."
Strophe: 21
Verse: 1 "Lá mér um osco ævi þinnar
Verse: 2 liósast fyrir líta eptir;
Verse: 3 rétt emca ec ráðspacr taliðr,
Verse: 4 né in heldr framvíss, farit, þatz ec vissac."
Strophe: 22
Verse: 1 "Mann veit ec engi fyr mold ofan,
Verse: 2 þann er fleira sé fram enn þú, Grípir;
Verse: 3 scalattu leyna, þótt liótt sé,
Verse: 4 eða mein goriz á mínom hag."
Strophe: 23
Verse: 1 "Era með lǫstom lǫgð ævi þér,
Verse: 2 láttu, inn ítri, þat, ǫðlingr, nemaz!
Verse: 3 þvíat uppi mun, meðan ǫld lifir,
Verse: 4 naddéls boði, nafn þitt vera."
Strophe: 24
Verse: 1 "Verst hyggiom því, verðr at sciliaz
Verse: 2 Sigurðr við fylki at sógoro;
Verse: 3 leið vísa þú - lagt er alt fyrir -,
Verse: 4 morr, mér, ef þú vilt, móðurbróðir!"
Strophe: 25
Verse: 1 "Nú scal Sigurði segia gerva,
Verse: 2 allz þengill mic til þess neyðir;
Verse: 3 mundo víst vita, at vætki lýgr:
Verse: 4 dogr eitt er þér dauði ætlaðr."
Strophe: 26
Verse: 1 "Vilcat ec reiði rícs þióðkonungs,
Verse: 2 góðráðs, at heldr, Grípis, þiggia;
Verse: 3 nú vilc víst vita, þótt viltki sé:
Verse: 4 hvat á sýnt Sigurðr sér fyr hǫndom?"
Strophe: 27
Verse: 1 "Flióð er at Heimis, fagrt álitom
Verse: 2 - hana Brynhildi bragnar neina -,
Verse: 3 dóttir Buðla, enn dýrr konungr
Verse: 4 harðugðict man, Heimir, foðir."
Strophe: 28
Verse: 1 "Hvat er mic at því, þótt mær sé,
Verse: 2 fǫgr áliti, fodd at Heimis?
Verse: 3 þat scaltu, Grípir, gorva segia,
Verse: 4 þvíat þú ǫll um sér ørlǫg fyrir."
Strophe: 29
Verse: 1 "Hon firrir þic flesto gamni,
Verse: 2 fǫgr áliti fóstra Heimis;
Verse: 3 svefn þú né sefr, né um sacar domir,
Verse: 4 gáraðu manna, nema þú mey sér."
Strophe: 30
Verse: 1 "Hvat mun til lícna lagt Sigurði?
Verse: 2 segðu, Grípir, þat, ef þú siá þicciz;
Verse: 3 mun ec meyna mundi kaupa,
Verse: 4 þá ina fǫgro fylkis dóttur?"
Strophe: 31
Verse: 1 "Iþ munoð alla eiða vinna,
Verse: 2 fullfastliga, fá munoð halda;
Verse: 3 verið hefir þú Giúca gestr eina nótt,
Verse: 4 mantattu horsca Heimis fóstro."
Strophe: 32
Verse: 1 "Hvárt er þá, Grípir? get þú þess fyr mér!
Verse: 2 sér þú geðleysi í grams scapi?
Verse: 3 er ec scal við mey þá málom slíta,
Verse: 4 er ec allz hugar unna þóttomc."
Strophe: 33
Verse: 1 "Þú verðr, siclingr, fyr svicom annars,
Verse: 2 mundo Grímhildar gialda ráða;
Verse: 3 mun bióða þér biarthaddað man,
Verse: 4 dóttur sína, dregr hon vél at gram."
Strophe: 34
Verse: 1 "Mun ec við þá Gunnar gorva hleyti
Verse: 2 oc Guðrúno ganga at eiga?
Verse: 3 fullqvæni þá fylkir væri,
Verse: 4 ef meintregar mér angraðit."
Strophe: 35
Verse: 1 "Þic mun Grímhildr gorva véla,
Verse: 2 mun hon Brynhildar biðia fýsa
Verse: 3 Gunnari til handa, Gotna drótni;
Verse: 4 heitr þú fliótliga for fylkis móður."
Strophe: 36
Verse: 1 "Mein ero fyr hǫndom, má ec líta þat,
Verse: 2 ratar gorliga ráð Sigurðar,
Verse: 3 ef ec scal morrar meyiar biðia
Verse: 4 ǫðrom til handa, þeirar ec unna vel."
Strophe: 37
Verse: 1 "Er munoð allir eiða vinna,
Verse: 2 Gunnarr oc Hǫgni, enn þú, gramr, þriði,
Verse: 3 þvíat litom víxla, er á leið eroð,
Verse: 4 Gunnarr oc þú, Grípir lýgr eigi."
Strophe: 38
Verse: 1 "Hví gegnir þat? hví scolom scipta
Verse: 2 litom oc látom, er á leið erom?
Verse: 3 þar mun fláræði fylgia annat,
Verse: 4 atalt með ǫllo: enn segðu, Grípir!"
Strophe: 39
Verse: 1 "Lit hefir þú Gunnars oc læti hans,
Verse: 2 mælsco þína oc meginhyggior;
Verse: 3 mundu fastna þér framlundaða
Verse: 4 fóstro Heimis, sér vætr fyr því."
Strophe: 40
Verse: 1 "Verst hyggiom því, vándr munc heitinn,
Verse: 2 Sigurðr, með seggiom, at sógoro;
Verse: 3 vilda ec eigi vélom beita
Verse: 4 iofra brúði, er ec ozta veitc."
Strophe: 41
Verse: 1 "Þú munt hvíla, hers oddviti,
Verse: 2 mærr, hiá meyio, sem þín móðir sé;
Verse: 3 því mun uppi, meðan ǫld lifir,
Verse: 4 þióðar þengill, þitt nafn vera.
Strophe: 43
Verse: 1 Saman muno brullaup bæði druccin,
Verse: 2 Sigurðar oc Gunnars, í sǫlom Giúca;
Verse: 3 þá hǫmom víxlit, er it heim komit,
Verse: 4 hefir hvárr fyr því hyggio sína."
Strophe: 42
Verse: 1 "Mun góða qván Gunnarr eiga,
Verse: 2 mærr, með mǫnnom - mér segðu, Grípir! -,
Verse: 3 þóat hafi þriár nætr þegns brúðr hiá mér,
Verse: 4 snarlynd, sofit? slícs eroð domi.
Strophe: 44
Verse: 1 Hvé mun at ynði eptir verða
Verse: 2 mægð með mǫnnom? mér segðu, Grípir!
Verse: 3 mun Gunnari til gamans ráðit
Verse: 4 síðan verða, eða siálfom mér?"
Strophe: 45
Verse: 1 "Minnir þic eiða, máttu þegia þó,
Verse: 2 antu Guðrúno góðra ráða:
Verse: 3 enn Brynhildr þicciz, brúðr, vargefin,
Verse: 4 snót fiðr vélar sér at hefndom."
Strophe: 46
Verse: 1 "Hvat mun at bótom brúðr sú taca,
Verse: 2 er vélar vér vífi gerðom?
Verse: 3 hefir snót af mér svarna eiða,
Verse: 4 enga efnda, enn unat lítit."
Strophe: 47
Verse: 1 "Mun hon Gunnari gorva segia,
Verse: 2 at þú eigi vel eiðom þyrmðir,
Verse: 3 þá er ítr konungr af ǫllom hug,
Verse: 4 Giúca arfi, á gram trúði."
Strophe: 48
Verse: 1 "Hvat er þá, Grípir? get þú þess fyr mér!
Verse: 2 mun ec saðr vera at sǫgo þeiri?
Verse: 3 eða lýgr á mic lofsæl kona
Verse: 4 oc á siálfa sic? segðu, Grípir, þat!"
Strophe: 49
Verse: 1 "Mun fyr reiði ríc brúðr við þic
Verse: 2 né af oftrega allvel scipa;
Verse: 3 viðr þú góðri grand aldregi,
Verse: 4 þó ér víf konungs vélom beittoð."
Strophe: 50
Verse: 1 "Mun horscr Gunnarr at hvǫton hennar,
Verse: 2 Guthormr oc Hǫgni ganga síðan?
Verse: 3 muno synir Giúca á sifiugom mér
Verse: 4 eggiar rióða? enn segðu, Grípir!"
Strophe: 51
Verse: 1 "Þá er Guðrúno grimt um hiarta,
Verse: 2 er broðr hennar þér til bana ráða,
Verse: 3 oc at ǫngo verðr ynði síðan
Verse: 4 vitro vífi; veldr því Grímildr.
Strophe: 52
Verse: 1 Því scal hugga þic, hers oddviti,
Verse: 2 sú mun gipt lagit á grams ævi:
Verse: 3 munat mætri maðr á mold koma,
Verse: 4 und sólar siot, enn þú, Sigurðr, þiccir."
Strophe: 53
Verse: 1 "sciliomc heilir! Munat scǫpom vinna,
Verse: 2 nú hefir þú, Grípir, vel gort, sem ec beiddac;
Verse: 3 fliótt myndir þú fríðri segia
Verse: 4 mína ævi, ef þú mættir þat."
Verse: 1 Sigurðr gecc til stóðs Hiálprecs oc kaus sér af hest
Verse: 2 einn, er Grani var kallaðr síðan. Þá var kominn Reginn
Verse: 3 til Hiálprecs, sonr Hreiðmars. Hann var hveriom manni
Verse: 4 hagari, oc dvergr of vǫxt; hann var vitr, grimmr oc fiolkunnigr.
Verse: 5 Reginn veitti Sigurði fóstr oc kenzlo ok elscaði
Verse: 6 hann mioc. Hann sagði Sigurði frá forellri síno oc þeim
Verse: 7 atburðom, at Óðinn oc Honir oc Loki hǫfðo komit til
Verse: 8 Andvarafors; í þeim forsi var fiolði fisca. Einn dvergr hét
Verse: 9 Andvari, hann var lǫngom í forsinom í geddo líki oc fecc
Verse: 10 sér þar matar. "Otr hét bróðir várr", qvað Reginn, "er opt
Verse: 11 fór í forsinn í otrs líki. Hann hafði tekit einn lax oc sat á
Verse: 12 árbaccanom oc át blundandi. Loki laust hann með steini
Verse: 13 til bana. Þóttuz æsir mioc hepnir verið hafa oc flógo
Verse: 14 belg af otrinom. Þat sama kveld sótto þeir gisting til
Verse: 15 Hreiðmars oc sýndo veiði sína. Þá tóco vér þá hǫndom
Verse: 16 oc lǫgðom þeim fiorlausn at fylla otrbelginn með gulli
Verse: 17 oc hylia útan oc með rauðo gulli. Þá sendo þeir Loca
Verse: 18 at afla gullzins. Hann kom til Ránar oc fecc net hennar
Verse: 19 oc fór þá til Andvarafors oc kastaði netino fyrir geddona;
Verse: 20 enn hon hlióp í netit. Þá mælti Loki:
Strophe: 1
Verse: 1 "Hvat er þat fisca, er renn flóði í?
Verse: 2 - kannat sér við víti varaz;
Verse: 3 hǫfuð þitt leystu helio ór,
Verse: 4 finn mér lindar loga!"
Strophe: 2
Verse: 1 "Andvari ec heiti, Óinn hét minn faðir,
Verse: 2 margan hefi ec fors um farið;
Verse: 3 aumlig norn scóp oss í árdaga,
Verse: 4 at ec scylda í vatni vaða."
Strophe: 3
Verse: 1 "Segðu þat, Andvari (qvað Loki), ef þú eiga vill
Verse: 2 líf í lýða sǫlom:
Verse: 3 hver giold fá gumna synir,
Verse: 4 ef þeir hǫggvaz orðom á?
Strophe: 4
Verse: 1 "Ofrgiold fá gumna synir,
Verse: 2 þeir er Vaðgelmi vaða;
Verse: 3 ósaðra orða, hverr er á annan lýgr,
Verse: 4 of lengi leiða limar."
Verse: 5 Loki sá alt gull, þat er Andvari átti. Enn er hann
Verse: 6 hafði fram reitt gullit, þá hafði hann eptir einn hring, oc
Verse: 7 tóc Loki þann af hánom. Dvergrinn gecc inn í steininn oc
Verse: 8 mælti:
Strophe: 5
Verse: 1 "Þat scal gull, er Gustr átti,
Verse: 2 broðrom tveim at bana verða,
Verse: 3 oc ǫðlingom átta at rógi;
Verse: 4 mun míns fiár mangi nióta."
Verse: 5 Æsir reiddo Hreiðmari féiþ oc tráðo up otrbelginn
Verse: 6 oc reisto á fotr. Þá scyldo æsirnir hlaða upp gullino oc
Verse: 7 hylia. Enn er þat var gort, gecc Hreiðmarr fram oc sá
Verse: 8 eitt granahár, oc bað hylia. Þá dró Óðinn fram hringinn
Verse: 9 Andvaranaut oc hulði hárit.
Strophe: 6
Verse: 1 "Gull er þér nú reitt (qvað Loki), enn þú giold hefir
Verse: 2 mikil míns hǫfuðs;
Verse: 3 syni þínom verðra sæla scǫpuð,
Verse: 4 þat verðr yccarr beggia bani."
Verse: 5 Hreiðmarr sagði:
Strophe: 7
Verse: 1 "Giafar þú gaft, gaftattu ástgiafar,
Verse: 2 gaftattu af heilom hug;
Verse: 3 fiorvi yðro scyldot ér firðir vera,
Verse: 4 ef ec vissa þat fár fyrir."
Strophe: 8
Verse: 1 "Enn er verra - þat vita þicciomc -
Verse: 2 niðia stríð um nept;
Verse: 3 iofra óborna hygg ec þá enn vera,
Verse: 4 er þat er til hatrs hugað."
Strophe: 9
Verse: 1 "Rauðo gulli (qvað Hreiðmarr) hugg ec mic ráða muno,
Verse: 2 svá lengi sem ec lifi;
Verse: 3 hót þín hroðomc ecci lyf,
Verse: 4 oc haldit heim heðan!"
Verse: 5 Fáfnir oc Reginn krǫfðo Hreiðmar niðgialda eptir
Verse: 6 Otr, bróður sinn. Hann qvað nei við. Enn Fáfnir lagði
Verse: 7 sverði Hreiðmar, fǫður sinn, sofanda. Hreiðmarr kallaði
Verse: 8 á dotr sínar:
Strophe: 10
Verse: 1 "Lyngheiðr oc Lofnheiðr, vitið míno líf farit!
Verse: 2 mart er, þat er þǫrf þiár."
Verse: 3 Lyngheiðr svaraði:
Verse: 4 "Fá mun systir, þótt fǫður missi,
Verse: 5 heina hlýra harms."
Strophe: 11
Verse: 1 "Al þú þó dóttur (qvað Hreiðmarr), dís úlfhuguð,
Verse: 2 ef þú getrað son við siclingi;
Verse: 3 fá þú mey mann í meginþarfar!
Verse: 4 þá mun þeirar sonr þíns harms reca."
Verse: 5 Þá dó Hreiðmarr. Enn Fáfnir tóc gullit alt. Þá beiddiz
Verse: 6 Reginn at hafa fǫðurarf sinn; enn Fáfnir galt þar nei við.
Verse: 7 Þá leitaði Reginn ráða við Lyngheiði, systor sína, hvernig
Verse: 8 hann scyldi heimta fǫðurarf sinn. Hon qvað:
Strophe: 12
Verse: 1 "Bróður qveðia scaltu blíðliga
Verse: 2 arfs oc oðra hugar;
Verse: 3 era þat hoft, at þú hiorvi scylir
Verse: 4 qveðia Fáfni fiár."
Verse: 5 Þessa hluti sagði Reginn Sigurði. Einn dag, er hann
Verse: 6 kom til húsa Regins, var hánom vel fagnat.
Verse: 7 Reginn qvað:
Strophe: 13
Verse: 1 "Kominn er hingat konr Sigmundar,
Verse: 2 seggr inn snarráði, til sala várra;
Verse: 3 móð hefir meira enn maðr gamall,
Verse: 4 oc er mér fangs vón at frecom úlfi.
Strophe: 14
Verse: 1 Ec mun foða fólcdiarfan gram;
Verse: 2 nú er Yngva konr með oss kominn;
Verse: 3 siá mun ræsir rícstr und sólo,
Verse: 4 þrymr um ǫll lǫnd ørlǫgsímo."
Verse: 5 Sigurðr var þá iafnan með Regin, oc sagði hann
Verse: 6 Sigurði, at Fáfnir lá á Gnitaheiði oc var í orms líki; hann
Verse: 7 átti ægishiálm, er ǫll qviqvindi hrodduz við.
Verse: 8 Reginn gerði Sigurði sverð, er Gramr hét. Þat var
Verse: 9 svá hvast, at hann brá því ofan í Rín oc lét reca ullarlagð
Verse: 10 fyrir straumi, oc tóc í sundr lagðinn sem vatniþ. Því
Verse: 11 sverði klauf Sigurðr í sundr steðia Regins.
Verse: 12 Eptir þat eggiaði Reginn Sigurð at vega Fáfni. Hann
Verse: 13 sagði:
Strophe: 15
Verse: 1 "Hátt muno hlæia Hundings synir,
Verse: 2 þeir er Eylima aldrs synioðo,
Verse: 3 ef meirr tiggia munar at sokia
Verse: 4 hringa rauða enn hefnd fǫður."
Verse: 5 Hiálprecr konungr fecc Sigurði scipalið til fǫðurhefnda.
Verse: 6 Þeir fengo storm mikinn oc beitto fyrir bergsnǫs
Verse: 7 nacqvara. Maðr einn stóð á bergino oc qvað:
Strophe: 16
Verse: 1 "Hverir ríða þar Rævils hestom
Verse: 2 hávar unnir, haf glymianda?
Verse: 3 seglvigg ero sveita stoccin,
Verse: 4 munat vágmarar vind um standaz."
Verse: 5 Reginn svaraði:
Strophe: 17
Verse: 1 "Hér ero vér Sigurðr á sætriám,
Verse: 2 er oss byrr gefinn við bana siálfan;
Verse: 3 fellr brattr breki brǫndom hæri,
Verse: 4 hlunnvigg hrapa; hverr spyrr at því?"
Strophe: 18
Verse: 1 "Hnicar héto mic, þá er Hugin gladdi
Verse: 2 Vǫlsungr ungi oc vegit hafði.
Verse: 3 Nú máttu kalla karl af bergi,
Verse: 4 Feng eða Fiolni; far vil ec þiggia."
Verse: 5 Þeir vico at landi, oc gecc karl á scip, oc lægði þá veðrit.
Strophe: 19
Verse: 1 "Segðu mér þat, Hnicarr, allz þú hvárttveggia veizt,
Verse: 2 goða heill oc guma:
Verse: 3 hver bǫzt ero, ef beriaz scal,
Verse: 4 heill at sverða svipon?"
Verse: 5 Hnicarr qvað:
Strophe: 20
Verse: 1 "Mǫrg ero góð, ef gumar vissi,
Verse: 2 heill at sverða svipon;
Verse: 3 dyggia fylgio hygg ec ins døcqva vera
Verse: 4 at hrottameiði hrafns.
Strophe: 21
Verse: 1 Þat er annat, ef þú ert út um kominn
Verse: 2 oc ert á braut búinn:
Verse: 3 tvá þú lítr á tái standa
Verse: 4 hróðrfúsa hali.
Strophe: 22
Verse: 1 Þat er iþ þriðia, ef þú þióta heyrir
Verse: 2 úlf und asclimom:
Verse: 3 heilla auðit verðr þér af hiálmstǫfom,
Verse: 4 ef þú sér þá fyrri fara.
Strophe: 23
Verse: 1 Engr scal gumna í gogn vega
Verse: 2 síð scínandi systor mána;
Verse: 3 þeir sigr hafa, er siá kunno,
Verse: 4 hiorleics hvatir, eða hamalt fylkia.
Strophe: 24
Verse: 1 Þat er fár mikit, ef þú foti drepr,
Verse: 2 þars þú at vígi veðr:
Verse: 3 tálar dísir standa þér á tvær hliðar
Verse: 4 oc vilia þic sáran siá.
Strophe: 25
Verse: 1 Kemðr oc þveginn scal konna hverr
Verse: 2 oc at morni mettr;
Verse: 3 þvíat ósýnt er, hvar at apni kømr;
Verse: 4 illt er fyr heill at hrapa."
Verse: 5 Capitulum.
Verse: 6 Sigurðr átti orrosto micla við Lyngva, Hundings
Verse: 7 son, oc broðr hans. Þar fell Lyngvi oc þeir þrír broðr.
Verse: 8 Eptir orrosto qvað Reginn:
Strophe: 26
Verse: 1 "Nú er blóðugr ǫrn bitrom hiorvi
Verse: 2 bana Sigmundar á baki ristinn;
Verse: 3 ǫngr er fremri, sá er fold ryði,
Verse: 4 hilmis arfi, oc Hugin gladdi."
Verse: 1 Heim fór Sigurðr til Hiálprecs. Þá eggiaði Reginn
Verse: 2 Sigurð til at vega Fáfni. Sigurðr oc Reginn fóro up á
Verse: 3 Gnitaheiði oc hitto þar slóð Fáfnis, þá er hann screið til
Verse: 4 vatz. Þar gorði Sigurðr grǫf micla á veginom, oc gecc
Verse: 5 Sigurðr þar í. Enn er Fáfnir screið af gullino, blés hann
Verse: 6 eitri, oc hraut þat fyr ofan hǫfuð Sigurði. Enn er Fáfnir
Verse: 7 screið yfir grǫfna, þá lagði Sigurðr hann með sverði til
Verse: 8 hiarta. Fáfnir hristi sic oc barði hǫfði oc sporði. Sigurðr
Verse: 9 hlióp ór grǫfinni, oc sá þá hvárr annan. Fáfnir qvað:
Verse: 10 Frá dauða Fáfnis.
Strophe: 1
Verse: 1 "Sveinn oc sveinn, hveriom ertu sveini um borinn,
Verse: 2 hverra ertu manna mǫgr?
Verse: 3 er þú á Fáfni rautt þinn inn frána mæki:
Verse: 4 stǫndomc til hiarta hiorr."
Verse: 5 Sigurðr dulði nafns síns, fyr því at þat var trúa
Verse: 6 þeira í fornescio, at orð feigs mannz mætti mikit, ef hann
Verse: 7 bǫlvaði óvin sínom með nafni. Hann qvað:
Strophe: 2
Verse: 1 "Gǫfuct dýr ec heiti, enn ec gengit hefc
Verse: 2 inn móðurlausi mǫgr;
Verse: 3 fǫður ec ácca, sem fira synir,
Verse: 4 geng ec æ einn saman."
Strophe: 3
Verse: 1 "Veiztu, ef fǫður né áttað, sem fira synir,
Verse: 2 af hverio vartu undri alinn?"
Strophe: 4
Verse: 1 "Ætterni mitt qveð ec þér ókunnict vera
Verse: 2 oc mic siálfan iþ sama;
Verse: 3 Sigurðr ec heiti, Sigmundr hét minn faðir,
Verse: 4 er hefc þic vápnom vegit."
Strophe: 5
Verse: 1 "Hverr þic hvatti, hví hvetiaz lézt,
Verse: 2 míno fiorvi at fara?
Verse: 3 inn fráneygi sveinn, þú áttir fǫður bitran,
Verse: 4 áburno sciór á sceið."
Strophe: 6
Verse: 1 "Hugr mic hvatti, hendr mér fulltýðo
Verse: 2 oc minn inn hvassi hiorr;
Verse: 3 fár er hvatr, er hrøðaz tecr,
Verse: 4 ef í barnæsco er blauðr."
Strophe: 7
Verse: 1 "Veit ec, ef þú vaxa næðir fyr þinna vina briósti,
Verse: 2 sæi maðr þic vreiðan vega;
Verse: 3 nú ertu haptr oc hernuminn,
Verse: 4 æ qveða bandingia bifaz."
Strophe: 8
Verse: 1 "Því bregðr þú nú mér, Fáfnir, at til fiarri siác
Verse: 2 mínom feðr munom;
Verse: 3 eigi em ec haptr, þótt ec væra hernumi,
Verse: 4 þú fannt, at ec lauss lifi."
Strophe: 9
Verse: 1 "Heiptyrði ein telr þú þér í hvívetna,
Verse: 2 enn ec þér satt eitt segic:
Verse: 3 iþ gialla gull oc iþ glóðrauða fé,
Verse: 4 þér verða þeir baugar at bana."
Strophe: 10
Verse: 1 "Fé ráða scal fyrða hverr
Verse: 2 æ til ins eina dags,
Verse: 3 þvíat eino sinni scal alda hverr
Verse: 4 fara til heliar heðan."
Strophe: 11
Verse: 1 "Norna dóm þú munt fyr nesiom hafa
Verse: 2 oc ósvinnz apa;
Verse: 3 í vatni þú drucnar, ef í vindi ror:
Verse: 4 alt er feigs forað."
Strophe: 12
Verse: 1 "Segðu mér, Fáfnir, allz þic fróðan qveða
Verse: 2 oc vel mart vita:
Verse: 3 hveriar ro þær nornir, er nauðgǫnglar ro
Verse: 4 oc kiósa moðr frá mǫgom?"
Strophe: 13
Verse: 1 "Sundrbornar mioc segi ec at nornir sé,
Verse: 2 eigoð þær ætt saman;
Verse: 3 sumar ero áskungar, sumar álfkungar,
Verse: 4 sumar dotr Dvalins."
Strophe: 14
Verse: 1 "Segðu mér þat, Fáfnir, allz þic fróðan qveða
Verse: 2 oc vel mart vita:
Verse: 3 hvé sá hólmr heitir, er blanda hiorlegi
Verse: 4 Surtr oc æsir saman?"
Strophe: 15
Verse: 1 "Óscópnir hann heitir, enn þar ǫll scolo
Verse: 2 geirom leica goð;
Verse: 3 Bilrǫst brotnar, er þeir á brot fara,
Verse: 4 oc svima í móðo marir.
Strophe: 16
Verse: 1 Ægishiálm bar ec um alda sonom,
Verse: 2 meðan ec um meniom lág;
Verse: 3 einn rammari hugðomc ǫllom vera,
Verse: 4 fannca ec marga mǫgo."
Strophe: 17
Verse: 1 "Ægishiálmr bergr einugi,
Verse: 2 hvars scolo vreiðir vega;
Verse: 3 þá þat finnr, er með fleirom kømr,
Verse: 4 at engi er einna hvatastr."
Strophe: 18
Verse: 1 "Eitri ec fnæsta, er ec á arfi lá
Verse: 2 miclom míns fǫður."
Strophe: 19
Verse: 1 "Inn fráni ormr, þú gorðir fræs micla
Verse: 2 oc gazt harðan hug;
Verse: 3 heipt at meiri verðr hǫlða sonom,
Verse: 4 at þann hiálm hafi."
Strophe: 20
Verse: 1 "Ræð ec þér nú, Sigurðr, enn þú ráð nemir
Verse: 2 oc ríð heim heðan!
Verse: 3 it gialla gull oc it glóðrauða fé,
Verse: 4 þér verða þeir baugar at bana."
Strophe: 21
Verse: 1 "Ráð er þér ráðit, enn ec ríða mun til þess gullz,
Verse: 2 er í lyngvi liggr;
Verse: 3 enn þú, Fáfnir, ligg í fiorbrotom,
Verse: 4 þar er þic Hel hafi!"
Strophe: 22
Verse: 1 "Reginn mic réð, hann þic ráða mun,
Verse: 2 hann mun ocr verða báðom at bana;
Verse: 3 fior sitt láta hygg ec at Fáfnir myni,
Verse: 4 þitt varð nú meira megin."
Verse: 5 Reginn var á brot horfinn, meðan Sigurðr vá Fáfni,
Verse: 6 oc kom þá aptr, er Sigurðr strauc blóð af sverðino.
Verse: 7 Reginn qvað:
Strophe: 23
Verse: 1 "Heill þú nú, Sigurðr! nú hefir þú sigr vegit
Verse: 2 oc Fáfni um farið;
Verse: 3 manna þeira, er mold troða,
Verse: 4 þic qveð ec óblauðastan alinn."
Strophe: 24
Verse: 1 "Þat er óvíst at vita, þá er komom allir saman,
Verse: 2 sigtíva synir,
Verse: 3 hverr óblauðastr er alinn;
Verse: 4 margr er sá hvatr, er hior né rýfr
Verse: 5 annars brióstom í."
Strophe: 25
Verse: 1 "Glaðr ertu nú, Sigurðr, oc gagni feginn,
Verse: 2 er þú þerrir Gram á grasi;
Verse: 3 bróður minn hefir þú beniaðan,
Verse: 4 oc veld ec þó siálfr sumo."
Strophe: 26
Verse: 1 "Þú því rétt, er ec ríða scyldac
Verse: 2 heilog fioll hinig;
Verse: 3 fé oc fiorvi réði sá inn fráni ormr,
Verse: 4 nema þú frýðir mér hvatz hugar."
Verse: 5 Þá gecc Reginn at Fáfni oc scar hiarta ór hánom
Verse: 6 með sverði, er Riðill heitir, oc þá dracc hann blóð ór
Verse: 7 undinni eptir.
Strophe: 27
Verse: 1 "Sittu nú, Sigurðr, enn ec mun sofa ganga,
Verse: 2 oc halt Fáfnis hiarta við funa!
Verse: 3 eiscǫld ec vil etinn láta
Verse: 4 eptir þenna dreyra drycc."
Verse: 5 Sigurðr qvað:
Strophe: 28
Verse: 1 "Fiarri þú gect, meðan ec á Fáfni rauþc
Verse: 2 minn inn hvassa hior;
Verse: 3 afli míno atta ec við orms megin,
Verse: 4 meðan þú í lyngvi látt."
Verse: 5 Reginn qvað:
Strophe: 29
Verse: 1 "Lengi liggia létir þú þann lyngvi í,
Verse: 2 inn aldna iotun,
Verse: 3 ef þú sverðz né nytir, þess er ec siálfr gorða,
Verse: 4 oc þíns ins hvassa hiors."
Verse: 5 Sigurðr qvað:
Strophe: 30
Verse: 1 "Hugr er betri, enn sé hiors megin,
Verse: 2 hvars vreiðir scolo vega;
Verse: 3 þvíat hvatan mann ec sé harliga vega
Verse: 4 með slævo sverði sigr.
Strophe: 31
Verse: 1 Hvǫtom er betra, enn sé óhvǫtom,
Verse: 2 í hildileic hafaz;
Verse: 3 glǫðom er betra, enn sé glúpnanda,
Verse: 4 hvat sem at hendi kømr."
Verse: 5 Sigurðr tóc Fáfnis hiarta oc steicþi á teini. Er hann
Verse: 6 hugði, at fullsteict væri, oc freyddi sveitinn ór hiartano,
Verse: 7 þá tóc hann á fingri sínom oc scyniaði, hvárt fullsteict
Verse: 8 væri. Hann brann oc brá fingrinom í munn sér. Enn er
Verse: 9 hiartblóð Fáfnis kom á tungo hánom, oc scilði hann fuglsrǫdd.
Verse: 10 Hann heyrði, at igðor klǫcoðo á hrísino. Igðan qvað:
Strophe: 32
Verse: 1 "Þar sitr Sigurðr, sveita stoccinn,
Verse: 2 Fáfnis hiarta við funa steikir;
Verse: 3 spacr þotti mér spillir bauga.,
Verse: 4 ef hann fiorsega fránan æti."
Strophe: 33
Verse: 1 "Þar liggr Reginn, ræðr um við sic,
Verse: 2 vill tæla mǫg, þann er trúir hánom;
Verse: 3 berr af reiði rǫng orð saman,
Verse: 4 vill bǫlva smiðr bróður heina."
Strophe: 34
Verse: 1 "Hǫfði scemra láti hann inn hára þul
Verse: 2 fara til heliar heðan!
Verse: 3 ǫllo gulli þá kná hann einn ráða,
Verse: 4 fiolð, því er und Fáfni lá."
Strophe: 35
Verse: 1 "Horscr þotti mér, ef hafa kynni
Verse: 2 ástráð mikit yðvar systra;
Verse: 3 hygði hann um sic oc Hugin gleddi;
Verse: 4 þar er mér úlfs vón, er ec eyro séc."
Strophe: 36
Verse: 1 "Erat svá horscr hildimeiðr,
Verse: 2 sem ec hers iaðar hyggia myndac,
Verse: 3 ef hann bróður lætr á brot komaz,
Verse: 4 enn hann ǫðrom hefr aldrs of syniat."
Strophe: 37
Verse: 1 "Mioc er ósviðr, ef hann enn sparir
Verse: 2 fiánda inn fólcscá,
Verse: 3 þar er Reginn liggr, er hann ráðinn hefr;
Verse: 4 kannat hann við slíco at siá."
Strophe: 38
Verse: 1 "Hǫfði scemra láti hann þann inn hrímkalda iotun
Verse: 2 oc af baugom búa;
Verse: 3 þá mundu fiár, þess er Fáfnir réð,
Verse: 4 einvaldi vera."
Strophe: 39
Verse: 1 "Verðra svá ríc scǫp, at Reginn scyli
Verse: 2 mitt banorð bera;
Verse: 3 þvíat þeir báðir broðr scolo brálliga
Verse: 4 fara til Heliar heðan."
Verse: 5 Sigurðr hió hǫfuð af Regin, oc þá át hann Fáfnis hiarta
Verse: 6 oc dracc blóð þeira beggia, Regins oc Fáfnis. Þá heyrði
Verse: 7 Sigurðr, hvar igðor mælto:
Strophe: 40
Verse: 1 "Bitt þú, Sigurðr, bauga rauða,
Verse: 2 era konunglict qvíða mǫrgo;
Verse: 3 mey veit ec eina, myclo fegrsta,
Verse: 4 gulli godda, ef þú geta mættir.
Strophe: 41
Verse: 1 Liggia til Giúca gronar brautir,
Verse: 2 fram vísa scǫp fólclíðondom;
Verse: 3 þar hefir dýrr konungr dóttur alna,
Verse: 4 þá mundu, Sigurðr, mundi kaupa.
Strophe: 42
Verse: 1 Salr er á há Hindarfialli,
Verse: 2 allr er hann útan eldi sveipinn;
Verse: 3 þann hafa horscr halir um gorvan
Verse: 4 ór ódøccom agnar lióma.
Strophe: 43
Verse: 1 Veit ec á fialli fólcvitr sofa,
Verse: 2 oc leicr yfir lindar váði;
Verse: 3 Yggr stacc þorni: aðra feldi
Verse: 4 hǫr-Gefn hali, enn hafa vildi.
Strophe: 44
Verse: 1 Knáttu, mǫgr, siá mey und hiálmi,
Verse: 2 þá er frá vígi Vingscorni reið;
Verse: 3 máat Sigrdrífa svefni bregða,
Verse: 4 scioldunga niðr, fyr scǫpom norna."
Verse: 5 Sigurðr reið eptir slóð Fáfnis til bolis hans oc fann
Verse: 6 þat opit, oc hurðir af iárni oc gætti; af iárni vóro oc allir
Verse: 7 timbrstoccar í húsino, enn grafit í iorð niðr. Þar fann
Verse: 8 Sigurðr stórmikit gull oc fyldi þar tvær kistor. Þar tóc
Verse: 9 hann ægishiálm oc gullbrynio oc sverðit Hrotta oc marga
Verse: 10 dýrgripi oc klyfiaði þar með Grana. Enn hestrinn vildi
Verse: 11 eigi fram ganga, fyrr enn Sigurðr steig á bac hánom.
Verse: 1 Sigurðr reið up á Hindarfiall oc stefndi suðr til
Verse: 2 Fraclanz. Á fiallino sá hann liós mikit, svá sem eldr
Verse: 3 brynni, oc liómaði af til himins. Enn er hann kom at, þá
Verse: 4 stóð þar scialdborg oc up ór merki. Sigurðr gecc í scialdborgina
Verse: 5 oc sá, at þar lá maðr oc svaf með ǫllom hervápnom.
Verse: 6 Hann tóc fyrst hiálminn af hǫfði hánom. Þá sá hann,
Verse: 7 at þat var kona. Brynian var fǫst, sem hon væri holdgróin.
Verse: 8 Þá reist hann með Gram frá hǫfuðsmátt bryniona
Verse: 9 í gognom niðr, oc svá út í gognom báðar ermar. Þá tóc
Verse: 10 hann brynio af henni; enn hon vacnaði, oc settiz hon up
Verse: 11 oc sá Sigurð oc mælti:
Strophe: 1
Verse: 1 "Hvat beit brynio, hví brá ec svefni?
Verse: 2 hverr feldi af mér fǫlvar nauðir?"
Verse: 3 Hann svaraði:
Verse: 4 "Sigmundar burr, sleit fyr scǫmmo
Verse: 5 hrafns hrælundir hiorr Sigurðar."
Strophe: 2
Verse: 1 "Lengi ec svaf, lengi ec sofnuð var,
Verse: 2 lǫng ero lýða læ;
Verse: 3 Óðinn því veldr, er ec eigi máttac
Verse: 4 bregða blunnstǫfom."
Verse: 5 Sigurðr settiz niðr oc spyrr hana nafns. Hon tóc þá
Verse: 6 horn, fult miaðar, oc gaf hánom minnisveig.
Strophe: 3
Verse: 1 "Heill dagr, heilir dags synir,
Verse: 2 heil nótt oc nipt!
Verse: 3 óreiðom augom lítið ocr þinig,
Verse: 4 oc gefit sitiondom sigr!
Strophe: 4
Verse: 1 Heilir æsir, heilar ásynior,
Verse: 2 heil siá in fiolnýta fold!
Verse: 3 mál oc manvit gefit ocr mærom tveim
Verse: 4 oc læcnishendr, meðan lifom!"
Verse: 5 Hon nefndiz Sigrdrífa oc var valkyria. Hon sagði,
Verse: 6 at tveir konungar bǫrðuz; hét annarr Hiálm-Gunnarr,
Verse: 7 hann var þá gamall oc inn mesti hermaðr, oc hafði
Verse: 8 Óðinn hánom sigri heitið; enn
Verse: 9 "annar hét Agnarr, Auðo bróðir,
Verse: 10 er vætr engi vildi þiggia."
Verse: 11 Sigrdrífa feldi Hiálm-Gunnar í orrostonni. Enn Óðinn
Verse: 12 stacc hana svefnþorni í hefnd þess oc qvað hana aldri
Verse: 13 scyldo síðan sigr vega í orrosto oc qvað hana giptaz
Verse: 14 scyldo. "Enn ec sagðac hánom, at ec strengðac heit þar
Verse: 15 í mót at giptaz ǫngom þeim manni, er hroðaz kynni."
Verse: 16 Hann segir oc biðr hana kenna sér speki, ef hon vissi
Verse: 17 tíðindi ór ǫllom heimom.
Verse: 18 Sigrdrífa qvað:
Strophe: 5
Verse: 1 "Biór fori ec þér, brynþings apaldr,
Verse: 2 magni blandinn oc megintíri;
Verse: 3 fullr er hann lióða oc lícnstafa,
Verse: 4 góðra galdra oc gamanrúna.
Strophe: 6
Verse: 1 Sigrúnar þú scalt kunna, ef þú vilt sigr hafa,
Verse: 2 oc rísta á hialti hiors,
Verse: 3 sumar á véttrimom, sumar á valbǫstom,
Verse: 4 oc nefna tysvar Tý.
Strophe: 7
Verse: 1 Ǫlrúnar scaltu kunna, ei þú vill, annars qvæn
Verse: 2 vélit þic í trygð, ef þú trúir;
Verse: 3 á horni scal þær rísta oc á handar baki
Verse: 4 oc merkia á nagli Nauð.
Strophe: 8
Verse: 1 Full scal signa oc við fári siá
Verse: 2 oc verpa lauki í lǫg:
Verse: 3 þá ec þat veit, at þér verðr aldri
Verse: 4 meinblandinn mioðr.
Strophe: 9
Verse: 1 Biargrúnar scaltu kunna, ef þú biarga vilt
Verse: 2 oc leysa kind frá konom;
Verse: 3 á lófa þær scal rísta oc of liðo spenna
Verse: 4 oc biðia þá dísir duga.
Strophe: 10
Verse: 1 Brimrúnar scaltu gera, ef þú vilt borgit hafa
Verse: 2 á sundi seglmǫrom;
Verse: 3 á stafni scal rísta oc á stiórnar blaði
Verse: 4 oc leggia eld í ár;
Verse: 5 era svá brattr breki né svá blár unnir,
Verse: 6 þó kømztu heill af hafi.
Strophe: 11
Verse: 1 Limrúnar scaltu kunna, ef þú vilt læcnir vera
Verse: 2 oc kunna sár at siá;
Verse: 3 á berki scal þær rísta oc á baðmi viðar.
Verse: 4 þeim er lúta austr limar.
Strophe: 12
Verse: 1 Málrúnar scaltu kunna, ef þú vilt, at mangi þér
Verse: 2 heiptom gialdi harm;
Verse: 3 þær um vindr, þær um vefr,
Verse: 4 þær um setr allar saman,
Verse: 5 á því þingi, er þióðir scolo
Verse: 6 í fulla dóma fara.
Strophe: 13
Verse: 1 Hugrúnar scaltu kunna, ef þú vilt hveriom vera
Verse: 2 geðsvinnari guma;
Verse: 3 þær of réð, þær of reist,
Verse: 4 þær um hugði Hroptr,
Verse: 5 af þeim legi, er lekið hafði
Verse: 6 ór hausi Heiddraupnis
Verse: 7 oc ór horni Hoddrofnis.
Strophe: 14
Verse: 1 Á biargi stóð með Brimis eggiar,
Verse: 2 hafði sér á hǫfði hiálm.
Verse: 3 Þá mælti Míms hǫfuð
Verse: 4 fróðlict iþ fyrsta orð,
Verse: 5 oc sagði sanna stafi.
Strophe: 15
Verse: 1 Á scildi qvað ristnar, þeim er stendr fyr scínanda goði,
Verse: 2 á eyra Árvacrs oc á Alsvinnz hófi,
Verse: 3 á því hvéli, er snýz undir reið Rungnis,
Verse: 4 á Sleipnis tǫnnom oc á sleða fiotrom,
Strophe: 16
Verse: 1 á biarnar hrammi oc á Braga tungo,
Verse: 2 á úlfs klóm oc á arnar nefi,
Verse: 3 á blóðgom vængiom oc á brúar sporði,
Verse: 4 á lausnar lófa oc á lícnar spori,
Strophe: 17
Verse: 1 á gleri oc á gulli oc á gumna heillom,
Verse: 2 í víni oc virtri oc vilisessi,
Verse: 3 á Gungnis oddi oc á Grana briósti,
Verse: 4 á nornar nagli oc á nefi uglo.
Strophe: 18
Verse: 1 Allar vóro af scafnar, þær er vóro á ristnar,
Verse: 2 oc hverfðar við inn helga mioð,
Verse: 3 oc sendar á víða vega.
Verse: 4 Þær ro með ásom, þær ro með álfom,
Verse: 5 sumar með vísom vǫnom,
Verse: 6 sumar hafa mennzcir menn.
Strophe: 19
Verse: 1 Þat ero bócrúnar, þat ero biargrúnar.
Verse: 2 oc allar ǫlrúnar,
Verse: 3 oc mætar meginrúnar,
Verse: 4 hveim er þær kná óviltar oc óspiltar
Verse: 5 sér at heillom hafa;
Verse: 6 nióttu, ef þú namt,
Verse: 7 unz riúfaz regin.
Strophe: 20
Verse: 1 Nú scaltu kiósa, allz þér er kostr um boðinn,
Verse: 2 hvassa vápna hlynr;
Verse: 3 sǫgn eða þǫgn hafðu þér siálfr í hug!
Verse: 4 ǫll ero mein of metin."
Strophe: 21
Verse: 1 "Munca ec floia, þótt mic feigan vitir,
Verse: 2 emca ec með bleyði borinn;
Verse: 3 ástráð þín ec vil ǫll hafa,
Verse: 4 svá lengi sem ec lifi."
Strophe: 22
Verse: 1 "Þat ræð ec þér iþ fyrsta, at þú við frondr þína
Verse: 2 vammalauss verir;
Verse: 3 síðr þú hefnir, þótt þeir sacar gori,
Verse: 4 þat qveða dauðom duga.
Strophe: 23
Verse: 1 Þat ræð ec þér annat, at þú eið né sverir,
Verse: 2 nema þann er saðr sé;
Verse: 3 grimmir símar ganga at trygðrofi,
Verse: 4 armr er vára vargr.
Strophe: 24
Verse: 1 Þat ræð ec þér þriðia, at þú þingi á
Verse: 2 deilit við heimsca hali;
Verse: 3 þvíat ósviðr maðr lætr opt qveðin
Verse: 4 verri orð, enn viti.
Strophe: 25
Verse: 1 Alt er vant, ef þú við þegir;
Verse: 2 þá þiccir þú með bleyði borinn
Verse: 3 eða sǫnno sagðr;
Verse: 4 hættr er heimisqviðr,
Verse: 5 nema sér góðan geti.
Verse: 6 Annars dags láttu hans ǫndo farit
Verse: 7 oc launa svá lýðom lygi!
Strophe: 26
Verse: 1 Þat ræð ec þér it fiórða, ef býr fordæða,
Verse: 2 vammafull, á vegi:
Verse: 3 ganga er betra, enn gista sé,
Verse: 4 þótt þic nótt um nemi.
Strophe: 27
Verse: 1 Forniósnar augo þurfo fira synir,
Verse: 2 hvars scolo vreiðir vega;
Verse: 3 opt bǫlvísar konor sitia brauto nær,
Verse: 4 þær er deyfa sverð oc sefa.
Strophe: 28
Verse: 1 Þat ræð ec þér it fimta, þóttu fagrar sér
Verse: 2 brúðir becciom á:
Verse: 3 sifia silfr látaðu þínom svefni ráða,
Verse: 4 teygiattu þér at kossi konor!
Strophe: 29
Verse: 1 Þat ræð ec þér it sétta, þótt með seggiom fari
Verse: 2 ǫlðrmál til ǫfug:
Verse: 3 druccinn deila scalattu við dólgviðo,
Verse: 4 margan stelr vín viti.
Strophe: 30
Verse: 1 Sǫngr oc ǫl hefr seggiom verit
Verse: 2 mǫrgom at móðtrega,
Verse: 3 sumom at bana, sumom at bǫlstǫfom;
Verse: 4 fiolð er, þat er tregr fira.
Strophe: 31
Verse: 1 Þat ræð ec þér it siaunda, ef þú sacar deilir
Verse: 2 við hugfulla hali:
Verse: 3 beriaz er betra, enn brenna sé
Verse: 4 inni auðstǫfom.
Strophe: 32
Verse: 1 Þat ræð ec þér it átta, at þú scalt við illo siá
Verse: 2 oc firraz flærðarstafi;
Verse: 3 mey þú teygiat né mannz kono,
Verse: 4 né eggia ofgamans!
Strophe: 33
Verse: 1 Þat ræð ec þér it níunda, at þú nám biargir,
Verse: 2 hvars þú á foldo finnr,
Verse: 3 hvárz ero sóttdauðir eða ero sædauðir
Verse: 4 eða ero vápndauðir verar.
Strophe: 34
Verse: 1 Laug scal gora, þeim er liðnir ero,
Verse: 2 þvá hendr oc hǫfuð,
Verse: 3 kemba oc þerra, áðr í kisto fari,
Verse: 4 oc biðia sælan sofa.
Strophe: 35
Verse: 1 Þat ræð ec þér it tíunda, at þú trúir aldri
Verse: 2 várom vargdropa,
Verse: 3 hvárstu ert bróður bani,
Verse: 4 eða hafir þú feldan fǫður:
Verse: 5 úlfr er í ungom syni, "
Verse: 6 þótt sé hann gulli gladdr.
Strophe: 36
Verse: 1 Sacar oc heiptir hyggiat svefngar vera,
Verse: 2 né harm in heldr;
Verse: 3 vitz oc vápna vant er iofri at fá,
Verse: 4 þeim er scal fremstr með firom.
Strophe: 37
Verse: 1 Þat ræð ec þér it ellipta, at þú við illo sér
Verse: 2 hvern veg at vinom.
Verse: 3 Langt líf þicciomcac lofðungs vita,
Verse: 4 rǫmm ero róg of risin."
Verse: 1 "Hvat hefir Sigurðr til saca unnit,
Verse: 2 er þú frocnan vill fiorvi næma?"
Strophe: 2
Verse: 1 "Mér hefir Sigurðr selda eiða,
Verse: 2 eiða selda, alla logna;
Verse: 3 þá vélti hann mic, er hann vera scyldi
Verse: 4 allra eiða einn fulltrúi."
Strophe: 3
Verse: 1 "Þic hefir Brynhildr bǫl at gerva
Verse: 2 heiptar hvattan, harm at vinna;
Verse: 3 fyrman hon Guðrúno góðra ráða,
Verse: 4 enn síðan þér sín at nióta."
Strophe: 4
Verse: 1 Sumir úlf sviðo, sumir orm sniðo,
Verse: 2 sumir Gothormi af gera deildo,
Verse: 3 áðr þeir mætti, meins um lystir,
Verse: 4 á horscom hal hendr um leggia.
Strophe: 6
Verse: 1 Úti stóð Guðrún, Giúca dóttir,
Verse: 2 oc hon þat orða allz fyrst um qvað:
Verse: 3 "Hvar er nú Sigurðr, seggia dróttinn,
Verse: 4 er frondr mínir fyrri ríða?"
Strophe: 7
Verse: 1 Einn því Hǫgni andsvor veitti:
Verse: 2 "Sundr hǫfom Sigurð sverði hǫgginn,
Verse: 3 gnapir æ grár iór yfir gram dauðom."
Strophe: 8
Verse: 1 Þá qvað þat Brynhildr, Buðla dóttir:
Verse: 2 "Vel scolot nióta vápna oc landa;
Verse: 3 einn myndi Sigurðr ǫllo ráða,
Verse: 4 ef hann lengr litlo lífi heldi.
Strophe: 9
Verse: 1 Væria þat somt, at hann svá réði
Verse: 2 Giúca arfi oc Gota mengi,
Verse: 3 er hann fimm sono at fólcræði,
Verse: 4 gunnar fúsa, getna hafði."
Strophe: 10
Verse: 1 Hló þá Brynhildr - bor allr dunði -
Verse: 2 eino sinni af ǫllom hug:
Verse: 3 "Lengi scoloð nióta landa oc þegna,
Verse: 4 er þér frocnan gram falla létoð."
Strophe: 11
Verse: 1 Þá qvað þat Guðrún, Giúca dóttir:
Verse: 2 "Mioc mælir þú miclar firnar;
Verse: 3 gramir hafi Gunnar, gǫtvað Sigurðar!
Verse: 4 heiptgiarns hugar hefnt scal verða."
Strophe: 5
Verse: 1 Soltinn varð Sigurðr sunnan Rínar,
Verse: 2 hrafn at meiði hátt kallaði:
Verse: 3 "Ycr mun Atli eggiar rióða,
Verse: 4 muno vígscá of viða eiðar."
Strophe: 12
Verse: 1 Fram var qvelda, fiolð var druccit,
Verse: 2 þá var hvívetna vilmál talið;
Verse: 3 sofnoðo allir, er í sæing qvómo,
Verse: 4 einn vacþi Gunnarr ǫllom lengr.
Strophe: 13
Verse: 1 Fót nam at hrora, fiolð nam at spialla,
Verse: 2 hitt herglǫtuðr hyggia téði,
Verse: 3 hvat þeir í bǫðvi báðir sǫgðo,
Verse: 4 hrafn ey oc ǫrn, er þeir heim riðo.
Strophe: 14
Verse: 1 Vacnaði Brynhildr, Buðla dóttir,
Verse: 2 dís scioldunga, fyr dag litlo:
Verse: 3 "Hvetið mic eða letið mic - harmr er unninn -,
Verse: 4 sorg at segia eða svá láta!"
Strophe: 15
Verse: 1 Þǫgðo allir við því orði,
Verse: 2 fár kunni þeim flióða látom,
Verse: 3 er hon grátandi gorðiz at segia,
Verse: 4 þat er hlæiandi hǫlða beiddi.
Strophe: 16
Verse: 1 "Hugða ec mér, Gunnarr, grimt í svefni,
Verse: 2 svalt alt í sal, ættac sæing kalda;
Verse: 3 enn þú, gramr, riðir, glaums andvani,
Verse: 4 fiotri fatlaðr í fiánda lið.
Verse: 5 Svá mun ǫll yðor ætt Niflunga
Verse: 6 afli gengin: eroð eiðrofa.
Strophe: 17
Verse: 1 Mantattu, Gunnarr, til gorva þat,
Verse: 2 er þit blóði í spor báðir rendot;
Verse: 3 nú hefir þú hánom þat alt illo launat,
Verse: 4 er hann fremstan sic finna vildi.
Strophe: 18
Verse: 1 Þá reyndi þat, er riðit hafði
Verse: 2 móðigr á vit mín at biðia,
Verse: 3 hvé herglǫtuðr hafði fyrri
Verse: 4 eiðom haldit við inn unga gram.
Strophe: 19
Verse: 1 Benvǫnd of lét, brugðinn gulli,
Verse: 2 margdýrr konungr á meðal occar;
Verse: 3 eldi vóro eggiar útan gorvar,
Verse: 4 enn eitrdropom innan fáðar."
Strophe: S.
Verse: 1 Frá dauða Sigurðar.
Verse: 2 Hér er sagt í þessi qviðo frá dauða Sigurðar, oc
Verse: 3 vícr hér svá til, sem þeir dræpi hann úti. Enn sumir
Verse: 4 segia svá, at þeir dræpi hann inni í reccio sinni sofanda.
Verse: 5 Enn þýðverscir menn segia svá, at þeir dræpi hann úti
Verse: 6 í scógi. Oc svá segir í Guðrúnar qviðo inni forno,
Verse: 7 at Sigurðr oc Giúca synir hefði til þings riðit, þá er hann
Verse: 8 var drepinn. Enn þat segia allir einnig, at þeir svico hann
Verse: 9 í trygð oc vógo at hánom liggianda oc óbúnom.
Verse: 10 Guðrún sat yfir Sigurði dauðom. Hon grét eigi sem
Verse: 11 aðrar konor, enn hon var búin til at springa af harmi. Til
Verse: 12 gengo bæði konor oc karlar at hugga hana; enn þat var
Verse: 13 eigi auðvelt. Þat er sǫgn manna, at Guðrún hefði etið
Verse: 14 af Fáfnis hiarta oc hon scilði því fugls rǫdd. Þetta er
Verse: 15 enn qveðit um Guðrúno:
Verse: 1 Ár var, þaz Guðrún gorðiz at deyia,
Verse: 2 er hon sat sorgfull yfir Sigurði;
Verse: 3 gerðit hon hiúfra né hǫndom slá,
Verse: 4 né qveina um sem konor aðrar.
Strophe: 2
Verse: 1 Gengo iarlar alsnotrir fram,
Verse: 2 þeir er harðz hugar hána lǫtto;
Verse: 3 þeygi Guðrún gráta mátti,
Verse: 4 svá var hon móðug, mundi hon springa.
Strophe: 3
Verse: 1 Sáto ítrar iarla brúðir,
Verse: 2 gulli búnar, fyr Guðrúno;
Verse: 3 hver sagði þeira sinn oftrega,
Verse: 4 þann er bitrastan um beðit hafði.
Strophe: 4
Verse: 1 Þá qvað Giaflaug, Giúca systir:
Verse: 2 "Mic veit ec á moldo munar lausasta;
Verse: 3 hefi ec fimm vera forspell beðit,
Verse: 4 þriggia dotra, þriggia systra,
Verse: 5 átta broðra, þó ec ein lif."
Strophe: 5
Verse: 1 Þeygi Guðrún gráta mátti;
Verse: 2 svá var hon móðug at mǫg dauðan
Verse: 3 oc harðhuguð um hrer fylkis.
Strophe: 6
Verse: 1 Þá qvað þat Herborg, Húnalanz drótning:
Verse: 2 "Hefi ec harðara harm at segia:
Verse: 3 mínir siau synir sunnan lanz,
Verse: 4 verr inn átti, í val fello;
Strophe: 7
Verse: 1 faðir oc móðir, fiórir broðr,
Verse: 2 þau á vági vindr of léc,
Verse: 3 barði bára við borðþili.
Strophe: 8
Verse: 1 Siálf scylda ec gǫfga, siálf scylda ec gǫtva,
Verse: 2 siálf scylda ec hǫndla helfor þeira;
Verse: 3 þat ec alt um beið ein misseri,
Verse: 4 svá at mér maðr engi munar leitaði.
Strophe: 9
Verse: 1 Þá varð ec hapta oc hernuma
Verse: 2 sams misseris síðan verða;
Verse: 3 scylda ec screyta oc scúa binda
Verse: 4 hersis qván hverian morgin.
Strophe: 10
Verse: 1 Hon ogði mér af afbrýði,
Verse: 2 oc hǫrðom mic hǫggom keyrði;
Verse: 3 fann ec húsguma hvergi in betra,
Verse: 4 enn húsfreyio hvergi verri."
Strophe: 11
Verse: 1 Þeygi Guðrún gráta mátti;
Verse: 2 svá var hon móðug at mǫg dauðan
Verse: 3 oc harðhuguð um hrer fylkis.
Strophe: 12
Verse: 1 Þá qvað þat Gullrǫnd, Giúca dóttir:
Verse: 2 "Fá kanntu, fóstra, þótt þú fróð sér,
Verse: 3 ungo vífi annspioll bera."
Verse: 4 Varaði hon at hylia um hrør fylkis.
Strophe: 13
Verse: 1 Svipti hon blæio af Sigurði
Verse: 2 oc vatt vengi fyr vífs kniám:
Verse: 3 "Líttu á liúfan, legðu munn við grǫn,
Verse: 4 sem þú hálsaðir heilan stilli."
Strophe: 14
Verse: 1 Á leit Guðrún eino sinni;
Verse: 2 sá hon dǫglings scǫr dreyra runna,
Verse: 3 fránar siónir fylkis liðnar,
Verse: 4 hugborg iofurs hiorvi scorna.
Strophe: 15
Verse: 1 Þá hné Guðrún hǫll við bólstri;
Verse: 2 haddr losnaði, hlýr roðnaði,
Verse: 3 enn regns dropi rann niðr um kné.
Strophe: 16
Verse: 1 Þá grét Guðrún, Giúca dóttir,
Verse: 2 svá at tár flugo tresc í gognom,
Verse: 3 oc gullo við gæss í túni,
Verse: 4 morir fuglar, er mær átti.
Strophe: 17
Verse: 1 Þá qvað þat Gullrǫnd, Giúca dóttir:
Verse: 2 "Ycrar vissa ec ástir mestar
Verse: 3 manna allra fyr mold ofan;
Verse: 4 unðir þú hvárki úti né inni,
Verse: 5 systir mín, nema hiá Sigurði."
Strophe: 18
Verse: 1 "Svá var minn Sigurðr hiá sonom Giúca,
Verse: 2 sem væri geirlaucr ór grasi vaxinn,
Verse: 3 eða væri biartr steinn á band dreginn,
Verse: 4 iarcnasteinn yfir ǫðlingom.
Strophe: 19
Verse: 1 Ec þóttac oc þióðans reccom
Verse: 2 hverri hærri Herians dísi;
Verse: 3 nú em ec svá lítil, sem lauf sé
Verse: 4 opt í iolstrom, at iofur dauðan.
Strophe: 20
Verse: 1 Sacna ec í sessi oc í sæingo
Verse: 2 míns málvinar, valda megir Giúca;
Verse: 3 valda megir Giúca míno bǫlvi
Verse: 4 oc systr sinnar sárom gráti.
Strophe: 21
Verse: 1 Svá ér um lýða landi eyðit,
Verse: 2 sem ér um unnoð eiða svarða;
Verse: 3 mana þú, Gunnarr, gullz um nióta,
Verse: 4 þeir muno þér baugar at bana verða,
Verse: 5 er þú Sigurði svarðir eiða.
Strophe: 22
Verse: 1 Opt var í túni teiti meiri,
Verse: 2 þá er minn Sigurðr sǫðlaði Grana,
Verse: 3 oc þeir Brynhildar biðia fóro,
Verse: 4 armrar vættar, illo heilli."
Strophe: 23
Verse: 1 Þá qvað þat Brynhildr, Buðla dóttir:
Verse: 2 "Vǫn sé sú vættr vers oc barna,
Verse: 3 er þic, Guðrún, gráz um beiddi
Verse: 4 oc þér í morgon málrúnar gaf."
Strophe: 24
Verse: 1 Þá qvað þat Gullrǫnd, Giúca dóttir:
Verse: 2 "Þegi þú, þióðleið, þeira orða!
Verse: 3 urðr ǫðlinga hefir þú æ verið;
Verse: 4 recr þic alda hverr illrar scepno,
Verse: 5 sorg sára siau konunga,
Verse: 6 oc vinspell vífa mest.
Strophe: 25
Verse: 1 Þá qvað þat Brynhildr, Buðla dóttir:
Verse: 2 "Veldr einn Atli ǫllo bǫlvi,
Verse: 3 of borinn Buðla, bróðir minn;
Strophe: 26
Verse: 1 þá er við í hǫll húnscrar þióðar
Verse: 2 eld á iofri ormbeðs litom,
Verse: 3 þess hefi ec gangs goldit síðan,
Verse: 4 þeirar sýnar, sámc ey."
Strophe: 27
Verse: 1 Stóð hon und stoð, strengði hon elvi;
Verse: 2 brann Brynhildi, Buðla dóttur,
Verse: 3 eldr ór augom, eitri fnæsti,
Verse: 4 er hon sár um leit á Sigurði.
Verse: 5 Guðrún gecc þaðan á braut til scógar á eyðimercr oc
Verse: 6 fór alt til Danmarcar oc var þar með Þóro, Háconar
Verse: 7 dóttur, siau misseri.
Verse: 8 Brynhildr vildi eigi lifa eptir Sigurð. Hon lét drepa
Verse: 9 þræla sína átta oc fimm ambóttir. Þá lagði hon sic
Verse: 10 sverði til bana, svá sem segir í Sigurðarqviðo inni
Verse: 11 scǫmmo.
Verse: 1 Qviða Sigurðar.
Strophe: 1
Verse: 1 Ár var, þatz Sigurðr sótti Giúca,
Verse: 2 Vǫlsungr ungi, er vegit hafði;
Verse: 3 tóc við trygðom tveggia broðra,
Verse: 4 selduz eiða eliunfrocnir.
Strophe: 2
Verse: 1 Mey buðo hánom oc meiðma fiolð,
Verse: 2 Guðrúno ungo, Giúca dóttur;
Verse: 3 drucco oc domðo dogr mart saman,
Verse: 4 Sigurðr ungi oc synir Giúca.
Strophe: 3
Verse: 1 Unz þeir Brynhildar biðia fóro,
Verse: 2 svá at þeim Sigurðr reið í sinni,
Verse: 3 Vǫlsungr ungi, oc vega kunni;
Verse: 4 hann um ætti, ef hann eiga knætti.
Strophe: 4
Verse: 1 Seggr inn suðroni lagði sverð necqvið,
Verse: 2 mæki málfán, á meðal þeira;
Verse: 3 né hann kono kyssa gerði,
Verse: 4 né húnscr konungr hefia sér at armi;
Verse: 5 mey frumunga fal hann megi Giúca.
Strophe: 5
Verse: 1 Hon sér at lífi lǫst né vissi
Verse: 2 oc at aldrlagi ecci grand,
Verse: 3 vamm þat er væri eða vera hygði.
Verse: 4 Gengo þess á milli grimmar urðir.
Strophe: 6
Verse: 1 Ein sat hon úti aptan dags,
Verse: 2 nam hon svá bert um at mælaz:
Verse: 3 "Hafa scal ec Sigurð - eða þó svelti! -"
Verse: 4 mǫg frumungan, mér á armi.
Strophe: 7
Verse: 1 Orð mæltac nú, iðromc eptir þess,
Verse: 2 qván er hans Guðrún, enn ec Gunnars;
Verse: 3 liótar nornir scópo oss langa þrá."
Strophe: 8
Verse: 1 Opt gengr hon innan, illz um fyld,
Verse: 2 ísa oc iocla, aptan hvern,
Verse: 3 er þau Guðrún ganga á beð
Verse: 4 oc hana Sigurðr sveipr í ripti,
Verse: 5 konungr inn húnsci, qván friá sína.
Strophe: 9
Verse: 1 "Vǫn geng ec vilia, vers oc beggia,
Verse: 2 verð ec mic gola af grimmom hug."
Strophe: 10
Verse: 1 Nam af þeim heiptom hvetiaz at vígi:
Verse: 2 "Þú scalt, Gunnarr, gerst um láta
Verse: 3 míno landi oc mér siálfri;
Verse: 4 mun ec una aldri með ǫðlingi.
Strophe: 11
Verse: 1 Mun ec aptr fara, þars ec áðan varc,
Verse: 2 með nábornom niðiom mínom;
Verse: 3 þar mun ec sitia oc sofa lífi,
Verse: 4 nema þú Sigurð svelta látir
Verse: 5 oc iofur ǫðrom oðri verðir.
Strophe: 12
Verse: 1 Látom son fara feðr í sinni!
Verse: 2 scalat úlf ala ungan lengi;
Verse: 3 hveim verðr hǫlða hefnd léttari
Verse: 4 síðan til sátta, at sonr lifi."
Strophe: 13
Verse: 1 Reiðr varð Gunnarr oc hnipnaði,
Verse: 2 sveip sínom hug, sat um allan dag;
Verse: 3 hann vissi þat vilgi gorla,
Verse: 4 hvat hánom væri vinna somst,
Verse: 5 eða hánom væri vinna bezt,
Verse: 6 allz sic Vǫlsung vissi firðan
Verse: 7 oc at Sigurð sǫcnuð mikinn.
Strophe: 14
Verse: 1 ùmist hann hugði iafnlanga stund;
Verse: 2 þat var eigi árar títt,
Verse: 3 at frá konungdóm qvánir gengi;
Verse: 4 nam hann sér Hǫgna heita at rúnom,
Verse: 5 þar átti hann allz fulltrúa.
Strophe: 15
Verse: 1 "Ein er mér Brynhildr ǫllom betri,
Verse: 2 um borin Buðla, hon er bragr qvenna;
Verse: 3 fyrr scal ec míno fiorvi láta,
Verse: 4 enn þeirar meyiar meiðmom týna.
Strophe: 16
Verse: 1 Villdu ocr fylki til fiár véla?
Verse: 2 gott er at ráða Rínar málmi
Verse: 3 oc unandi auði stýra
Verse: 4 oc sitiandi sælo nióta."
Strophe: 17
Verse: 1 Eino því Hǫgni annsvor veitti:
Verse: 2 "Samir eigi ocr slíct at vinna,
Verse: 3 sverði rofna svarna eiða,
Verse: 4 eiða svarna, unnar trygðir.
Strophe: 18
Verse: 1 Vitoma við á moldo menn in sælli,
Verse: 2 meðan fiórir vér fólki ráðom
Verse: 3 oc sá inn húnsci herbaldr lifir,
Verse: 4 né in mætri mægð á moldo,
Verse: 5 ef vér fimm sono foðom lengi,
Verse: 6 áttomgóða oxla knættim.
Strophe: 19
Verse: 1 Ec veit gorla, hvaðan vegir standa:
Verse: 2 ero Brynhildar brec ofmikil."
Strophe: 20
Verse: 1 "Við scolom Guthorm gorva at vígi,
Verse: 2 yngra bróður, ófróðara;
Verse: 3 hann var fyr útan eiða svarna,
Verse: 4 eiða svarna, unnar trygðir."
Strophe: 21
Verse: 1 Dælt var at eggia óbilgiarnan,
Verse: 2 stóð til hiarta hiorr Sigurði.
Strophe: 22
Verse: 1 Réð til hefnda hergiarn í sal
Verse: 2 oc eptir varp óbilgiornom;
Verse: 3 fló til Guthorms Grams ramliga
Verse: 4 kynbirt iárn ór konungs hendi.
Strophe: 23
Verse: 1 Hné hans um dólgr til hluta tveggia;
Verse: 2 hendr oc haufuð hné á annan veg,
Verse: 3 enn fótahlutr fell aptr í stað.
Strophe: 24
Verse: 1 Sofnuð var Guðrún í sæingo,
Verse: 2 sorga laus, hiá Sigurði;
Verse: 3 enn hon vacnaði vilia firð,
Verse: 4 er hon Freys vinar flaut í dreyra.
Strophe: 25
Verse: 1 Svá sló hon svára sínar hendr,
Verse: 2 at rammhugaðr reis up við beð:
Verse: 3 "Grátaðu, Guðrún, svá grimmliga,
Verse: 4 brúðr frumunga, þér broðr lifa.
Strophe: 26
Verse: 1 Á ec til ungan erfinytia,
Verse: 2 kannat hann firraz ór fiándgarði;
Verse: 3 þeir sér hafa svárt oc dátt
Verse: 4 enn nær numit nýlig ráð.
Strophe: 27
Verse: 1 Ríðra þeim síðan, þótt siau alir,
Verse: 2 systor sonr slícr at þingi;
Verse: 3 ec veit gorla, hví gegnir nú:
Verse: 4 ein veldr Brynhildr ǫllo bǫlvi.
Strophe: 28
Verse: 1 Mér unni mær fyr mann hvern,
Verse: 2 enn við Gunnar grand ecci vannc;
Verse: 3 þyrmða ec sifiom, svornom eiðom,
Verse: 4 síðr værac heitinn hans qvánar vinr."
Strophe: 29
Verse: 1 Kona varp ǫndo, enn konungr fiorvi;
Verse: 2 svá sló hon svára sinni hendi,
Verse: 3 at qváðo við kálcar í vá
Verse: 4 oc gullo við gæss í túni.
Strophe: 30
Verse: 1 Hló þá Brynhildr, Buðla dóttir,
Verse: 2 eino sinni af ǫllom hug,
Verse: 3 er hon til hvílo heyra knátti
Verse: 4 giallan grát Giúca dóttur.
Strophe: 31
Verse: 1 Hitt qvað þá Gunnarr, gramr haucstalda:
Verse: 2 "Hlæraðu af því, heiptgiorn kona,
Verse: 3 glǫð á gólfi, aþ þér góðs viti.
Verse: 4 Hví hafnar þú inom hvíta lit,
Verse: 5 feicna foðir? hygg ec, at feig sér.
Strophe: 32
Verse: 1 Þú værir þess verðust qvenna,
Verse: 2 at fyr augom þér Atla hiøggim,
Verse: 3 sæir broðr þínom blóðuct sár,
Verse: 4 undir dreyrgar, knættir yfir binda."
Strophe: 33
Verse: 1 "Frýra maðr þér engi, Gunnarr, hefir þú fullvegit,
Verse: 2 lítt sézc Atli ófo þína;
Verse: 3 hann mun yccar ǫnd síðari
Verse: 4 ok æ bera afl it meira.
Strophe: 34
Verse: 1 Segia mun ec þér, Gunnarr - siálfr veiztu gorla -,
Verse: 2 hvé ér yðr snemma til saca réðot;
Verse: 3 varðcat ec til ung, né ofþrungin,
Verse: 4 fullgodd fé á fleti bróður.
Strophe: 35
Verse: 1 Né ec vilda þat, at mic verr ætti,
Verse: 2 áðr þér Giúcungar riðot at garði,
Verse: 3 þrír á hestom, þióðkonungar;
Verse: 4 enn þeira for þǫrfgi væri.
Strophe: 39
Verse: 1 Þeim hétomc þá,
Verse: 2 er með gulli sat á Grana bógom;
Verse: 3 varat hann í augo yðr um lícr,
Verse: 4 né á engi hlut at álitom;
Verse: 5 þó þicciz ér þióðkonungar.
Strophe: 36
Verse: 1 Oc mér Atli þat einni sagði,
Verse: 2 at hvárki léz hǫfn um deila,
Verse: 3 gull né iarðir, nema ec gefaz létac,
Verse: 4 oc engi hlut auðins fiár,
Verse: 5 þá er mér ióðungri eigo seldi,
Verse: 6 oc mér ióðungri aura talði.
Strophe: 37
Verse: 1 Þá var á hvorfon hugr minn um þat,
Verse: 2 hvárt ec scylda vega eða val fella,
Verse: 3 bǫll, í brynio, um bróður sǫc.
Verse: 4 Þat myndi þá þióðkunt vera,
Verse: 5 mǫrgom manni at munar stríði.
Strophe: 38
Verse: 1 Létom síga sáttmál occor;
Verse: 2 léc mér meirr í mun meiðmar þiggia,
Verse: 3 bauga rauða, burar Sigmundar,
Verse: 4 né ec annars mannz aura vildac,
Strophe: 40
Verse: 1 unnac einom, né ýmissom;
Verse: 2 bióat um hverfan hug men- Scǫgul;
Verse: 3 alt mun þat Atli eptir finna,
Verse: 4 er hann mína spyrr morðfor gorva,
Strophe: 41
Verse: 1 at þeygi scal þunngeð kona
Verse: 2 annarrar ver aldri leiða;
Verse: 3 þá mun á hefndom harma minna."
Strophe: 42
Verse: 1 Up reis Gunnarr, gramr verðungar,
Verse: 2 oc um háls kono hendr um lagði;
Verse: 3 gengo allir, oc þó ýmsir,
Verse: 4 af heilom hug, hána at letia.
Strophe: 43
Verse: 1 Hratt af hálsi hveim þar sér,
Verse: 2 léta mann sic letia langrar gǫngo.
Strophe: 44
Verse: 1 Nam hann sér Hǫgna hvetia at rúnom:
Verse: 2 "Seggi vil ec alla í sal ganga,
Verse: 3 þína með mínom - nú er þǫrf mikil -,
Verse: 4 vita, ef meini morðfor kono,
Verse: 5 unz af méli enn mein komi;
Verse: 6 þá látom því þarfar ráða."
Strophe: 45
Verse: 1 Eino því Hǫgni andsvor veitti:
Verse: 2 "Letia maðr hána langrar gǫngo,
Verse: 3 þars hon aptrborin aldri verði!
Verse: 4 Hon krǫng of komz fyr kné móður,
Verse: 5 hon æ borin óvilia til,
Verse: 6 mǫrgom manni at móðtrega."
Strophe: 46
Verse: 1 Hvarf sér óhróðugr andspilli frá,
Verse: 2 þar er mǫrc menia meiðmom deildi.
Strophe: 47
Verse: 1 Leit hon um alla eigo sína,
Verse: 2 soltnar þýiar oc salkonor;
Verse: 3 gullbrynio smó - vara gott í hug -,
Verse: 4 áðr sic miðlaði mækis eggiom.
Strophe: 48
Verse: 1 Hné við bólstri hon á annan veg,
Verse: 2 oc hiorunduð hugði at ráðom:
Strophe: 49
Verse: 1 "Nú scolo ganga, þeir er gull vili
Verse: 2 oc minna því at mér þiggia;
Verse: 3 ec gef hverri um hroðit sigli,
Verse: 4 bóc oc blæio, biartar váðir."
Strophe: 50
Verse: 1 Þǫgðo allir, hugðo at ráðom,
Verse: 2 oc allir senn annsvor veitto:
Verse: 3 "Ornar soltnar, munom enn lifa,
Verse: 4 verða salkonor somð at vinna."
Strophe: 51
Verse: 1 Unz af hyggiandi hǫrscrýdd kona,
Verse: 2 ung at aldri, orð viðr um qvað:
Verse: 3 "Vilcat ec mann trauðan né torbonan
Verse: 4 um óra sǫc aldri týna.
Strophe: 52
Verse: 1 Þó mun á beinom brenna yðrom
Verse: 2 færi eyrir, þá er ér fram komið,
Verse: 3 neit Menio góð, mín at vitia.
Strophe: 53
Verse: 1 Seztu niðr, Gunnarr! mun ec segia þér
Verse: 2 lífs ørvæna liósa brúði;
Verse: 3 muna yðvart far alt í sundi,
Verse: 4 þótt ec hafa ǫndo látið.
Strophe: 54
Verse: 1 Sátt munoð iþ Guðrún, snemr, enn þú hyggir;
Verse: 2 hefir kunn kona við konungi
Verse: 3 daprar miniar at dauðan ver.
Strophe: 55
Verse: 1 Þar er mær borin, móðir foðir;
Verse: 2 sú mun hvítari enn inn heiði dagr,
Verse: 3 Svanhildr, vera, sólar geisla.
Strophe: 56
Verse: 1 Gefa mundu Guðrúno góðra noccorom,
Verse: 2 sceyti scoða scatna mengi;
Verse: 3 munað at vilia, versæl, gefin;
Verse: 4 hána mun Atli eiga ganga,
Verse: 5 of borinn Buðla, bróðir minn.
Strophe: 57
Verse: 1 Margs á ec minnaz, hvé við mic fóro,
Verse: 2 þá er mic sára svicna hǫfðot;
Verse: 3 vaðin at vilia varc, meðan ec lifðac.
Strophe: 58
Verse: 1 Muntu Oddrúno eiga vilia,
Verse: 2 enn þic Atli mun eigi láta;
Verse: 3 iþ munoð lúta á laun saman,
Verse: 4 hon mun þér unna, sem ec scyldac,
Verse: 5 ef ocr góð um scǫp gerði verða.
Strophe: 59
Verse: 1 Þic mun Atli illo beita,
Verse: 2 mundu í ǫngan ormgarð lagiðr.
Strophe: 60
Verse: 1 Þat mun oc verða þvígit lengra,
Verse: 2 at Atli mun ǫndo týna,
Verse: 3 sælo sinni oc sona lífi.
Verse: 4 Þvíat hánom Guðrún grýmir á beð,
Verse: 5 snǫrpom eggiom, af sárom hug.
Strophe: 61
Verse: 1 Somri væri Guðrún, systir occor,
Verse: 2 frumver sínom fylgia dauðom,
Verse: 3 ef henni gæfi góðra ráð,
Verse: 4 eða ætti hon hug oss um lícan.
Strophe: 62
Verse: 1 Óǫrt mæli ec nú, enn hon eigi mun
Verse: 2 of óra sǫc aldri týna;
Verse: 3 hána muno hefia hávar báror
Verse: 4 til Iónacrs óðaltorfo.
Strophe: 63
Verse: 1 ero í varúðom Iónacrs sonom;
Verse: 2 mun hon Svanhildi senda af landi,
Verse: 3 sína mey oc Sigurðar.
Strophe: 64
Verse: 1 Hána muno bíta Bicca ráð,
Verse: 2 þvíat Iormunreccr óþarft lifir;
Verse: 3 þá er ǫll farin ætt Sigurðar,
Verse: 4 ero Guðrúnar groti at fleiri.
Strophe: 65
Verse: 1 Biðia mun ec þic bonar einnar,
Verse: 2 sú mun í heimi hinzt bon vera:
Verse: 3 láttu svá breiða borg á velli,
Verse: 4 at undir oss ǫllom iafnrúmt sé,
Verse: 5 þeim er sulto með Sigurði.
Strophe: 66
Verse: 1 Tialdi þar um þá borg tioldom oc scioldom,
Verse: 2 valarift vel fáð oc Vala mengi;
Verse: 3 brenni mér inn húnsca á hlið aðra.
Strophe: 67
Verse: 1 Brenni inom húnsca á hlið aðra
Verse: 2 mína þióna, meniom gǫfga,
Verse: 3 tveir at hǫfðom, oc tveir haucar;
Verse: 4 þá er ǫllo scipt til iafnaðar.
Strophe: 68
Verse: 1 Liggi occar enn í milli málmr hringvariðr,
Verse: 2 egghvast iárn, svá endr lagið,
Verse: 3 þá er við bæði beð einn stigom
Verse: 4 oc hétom þá hióna nafni.
Strophe: 69
Verse: 1 Hrynia hánom þá á hæl þeygi
Verse: 2 hlunnblic hallar, hringi litcuð,
Verse: 3 ef hánom fylgir ferð mín heðan;
Verse: 4 þeygi mun vár for aumlig vera.
Strophe: 70
Verse: 1 Þvíat hánom fylgia fimm ambóttir,
Verse: 2 átta þiónar, eðlom góðir,
Verse: 3 fóstrman mitt oc faðerni,
Verse: 4 þat er Buðli gaf barni síno.
Strophe: 71
Verse: 1 Mart sagða ec, mynda ec fleira,
Verse: 2 er mér meirr miotuðr málrúm gæfi;
Verse: 3 ómon þverr, undir svella,
Verse: 4 satt eitt sagðac, svá mun ec láta."
Verse: 1 Eptir dauða Brynhildar vóro gor bál tvau, annat Sigurði,
Verse: 2 oc brann þat fyrr, enn Brynhildr var á ǫðro brend, oc
Verse: 3 var hon í reið, þeiri er guðvefiom var tiolduð. Svá er
Verse: 4 sagt, at Brynhildr óc með reiðinni á helveg oc fór um tún,
Verse: 5 þar er gýgr noccor bió. Gýgrin qvað:
Verse: 6 Brynhildr reið helveg.
Strophe: 1
Verse: 1 "Scaltu í gognom ganga eigi
Verse: 2 grióti studda garða mína;
Verse: 3 betr semði þér borða at rekia,
Verse: 4 heldr enn vitia vers annarrar.
Strophe: 2
Verse: 1 Hvat scaltu vitia af Vallandi,
Verse: 2 hvarfúst hǫfuð, húsa minna?
Verse: 3 þú hefir, Vár gullz, ef þic vita lystir,
Verse: 4 mild, af hǫndom mannz blóð þvegit."
Verse: 5 Þá qvað Brynhildr:
Strophe: 3
Verse: 1 "Bregðu eigi mér, brúðr, ór steini,
Verse: 2 þótt ec værac í víkingo;
Verse: 3 ec mun occar oðri þiccia,
Verse: 4 hvars menn eðli occart kunno."
Verse: 5 Gýgr qvað:
Strophe: 4
Verse: 1 "Þú vart, Brynhildr, Buðla dóttir,
Verse: 2 heilli versto í heim borin;
Verse: 3 þú hefir Giúca um glatat bornom
Verse: 4 oc búi þeira brugðit góðo."
Verse: 5 Brynhildr qvað:
Strophe: 5
Verse: 1 "Ec mun segia þér, svinn, ór reiðo,
Verse: 2 vitlaussi mioc, ef þic vita lystir,
Verse: 3 hvé gorðo mic Giúca arfar
Verse: 4 ástalausa oc eiðrofa.
Strophe: 6
Verse: 1 Lét hami vára hugfullr konungr,
Verse: 2 átta systra, undir eic borit;
Verse: 3 var ec vetra tólf, ef þic vita lystir,
Verse: 4 er ec ungom gram eiða seldac.
Strophe: 7
Verse: 1 Héto mic allir í Hlymdǫlom
Verse: 2 Hildi undir hiálmi, hverr er kunni.
Strophe: 8
Verse: 1 Þá lét ec gamlan á Goðþióðo
Verse: 2 Hiálm-Gunnar næst heliar ganga;
Verse: 3 gaf ec ungom sigr Auðo bróður;
Verse: 4 þá varð mér að inn ofreiðr um þat.
Strophe: 9
Verse: 1 Lauc hann mic scioldom í Scatalundi,
Verse: 2 rauðom oc hvítom, randir snurto;
Verse: 3 þann bað hann slíta svefni mínom,
Verse: 4 er hvergi lanz hroðaz kynni.
Strophe: 10
Verse: 1 Lét um sal minn, sunnanverðan,
Verse: 2 hávan brenna her allz viðar;
Verse: 3 þar bað hann einn þegn yfir at ríða,
Verse: 4 þannz mér forði gull, þatz und Fáfni lá.
Strophe: 11
Verse: 1 Reið góðr Grana, gullmiðlandi,
Verse: 2 þars fóstri minn fletiom stýrði;
Verse: 3 einn þótti hann þar ǫllom betri,
Verse: 4 víkingr Dana, í verðungo.
Strophe: 12
Verse: 1 Sváfo við oc unðom í sæing einni,
Verse: 2 sem hann minn bróðir um borinn væri;
Verse: 3 hvártki knátti hǫnd yfir annat
Verse: 4 átta nóttom occart leggia.
Strophe: 13
Verse: 1 Því brá mér Guðrún, Giúca dóttir,
Verse: 2 at ec Sigurði svæfac á armi;
Verse: 3 þá varð ec þess vís, er ec vildigac,
Verse: 4 at þau vélto mic í verfangi.
Strophe: 14
Verse: 1 Muno við ofstríð allz til lengi
Verse: 2 konor oc karlar qvicqvir foðaz;
Verse: 3 Við scolom ocrom aldri slíta,
Verse: 4 Sigurðr, saman - søcstu, gýgiarkyn!"
Verse: 1 Gunnarr oc Hǫgni tóco þá gullit alt, Fáfnis arf.
Verse: 2 Ófriðr var þá milli Giúcunga oc Atla. Kendi hann
Verse: 3 Giúcungom vǫld um andlát Brynhildar. Þat var til sætta,
Verse: 4 at þeir scyldo gipta hánom Guðrúno, oc gáfo henni
Verse: 5 óminnisveig at drecca, áðr hon iátti at giptaz Atla. Synir
Verse: 6 Atla vóro þeir Erpr oc Eitill. Enn Svanhildr var Sigurðar
Verse: 7 dóttir oc Guðrúnar.
Verse: 8 Atli konungr bauð heim Gunnari oc Hǫgna oc sendi
Verse: 9 Vinga eða Knéfrǫð. Guðrún vissi vélar oc sendi með
Verse: 10 rúnom orð, at þeir scyldo eigi koma, oc til iartegna sendi
Verse: 11 hon Hǫgna hringinn Andvaranaut oc knýtti í vargshár.
Verse: 12 Gunnarr hafði beðit Oddrúnar, systor Atla, oc gat eigi;
Verse: 13 þá fecc hann Glaumvarar, enn Hǫgni átti Kostbero.
Verse: 14 Þeira synir vóro þeir Sólarr oc Snævarr oc Giúki. - Enn
Verse: 15 er Giúcungar kómo til Atla, þá bað Guðrún sono sína, at
Verse: 16 þeir bæði Giúcungom lífs. Enn þeir vildo eigi. Hiarta var
Verse: 17 scorit ór Hǫgna, enn Gunnarr settr í ormgarð. Hann sló
Verse: 18 hǫrpo oc svæfði ormana, enn naðra stacc hann til lifrar.
Verse: 19 Þióðrecr konungr var með Atla oc hafði þar látið
Verse: 20 flesta alla menn sína. Þióðrecr oc Guðrún kærðo harma
Verse: 21 sín á milli. Hon sagði hánom oc qvað:
Verse: 1 Mær var ec meyia, móðir mic foddi,
Verse: 2 biort, í búri, unna ec vel broðrom;
Verse: 3 unz mic Giúki gulli reifði,
Verse: 4 gulli reifði, gaf Sigurði.
Strophe: 2
Verse: 1 Svá var Sigurðr uf sonom Giúca,
Verse: 2 sem væri gronn laucr ór grasi vaxinn,
Verse: 3 eða hiortr hábeinn um hvǫssom dýrom,
Verse: 4 eða gull glóðrautt af grá silfri.
Strophe: 3
Verse: 1 Unz mér fyrmunðo mínir broðr,
Verse: 2 at ec ætta ver ǫllom fremra;
Verse: 3 sofa þeir né máttoð né of sacar doma,
Verse: 4 áðr þeir Sigurð svelta létoð.
Strophe: 4
Verse: 1 Grani rann at þingi, gnýr var at heyra,
Verse: 2 enn þá Sigurðr siálfr eigi kom;
Verse: 3 ǫll vóro sǫðuldýr sveita stoccin,
Verse: 4 oc of vanið vási und vegondom.
Strophe: 5
Verse: 1 Gecc ec grátandi við Grana roða,
Verse: 2 úrughlýra, ió frá ec spialla;
Verse: 3 hnipnaði Grani þá, drap í gras hǫfði;
Verse: 4 iór þat vissi: eigendr né lifðot.
Strophe: 6
Verse: 1 Lengi hvarfaðac, lengi hugir deilduz,
Verse: 2 áðr ec of frægac fólcvorð at gram.
Strophe: 7
Verse: 1 Hnipnaði Gunnarr, sagði mér Hǫgni
Verse: 2 frá Sigurðar sárom dauða:
Verse: 3 "Liggr of hǫggvinn fyr handan ver
Verse: 4 Gothorms bani, of gefinn úlfom.
Strophe: 8
Verse: 1 Líttu þar Sigurð á suðrvega!
Verse: 2 þá heyrir þú hrafna gialla,
Verse: 3 ǫrno gialla, æzli fegna,
Verse: 4 varga þióta um veri þínom."
Strophe: 9
Verse: 1 "Hví þú mér, Hǫgni, harma slíca,
Verse: 2 vilia laussi, vill um segia?
Verse: 3 þitt scyli hiarta hrafnar slíta
Verse: 4 víð lǫnd yfir, enn þú vitir manna."
Strophe: 10
Verse: 1 Svaraði Hǫgni sinni eino,
Verse: 2 trauðr góðs hugar, af trega stórom:
Verse: 3 "Þess áttu, Guðrún, groti at fleiri,
Verse: 4 at hiarta mitt hrafnar slíti."
Strophe: 11
Verse: 1 Hvarf ec ein þaðan, annspilli frá,
Verse: 2 á við, lesa varga leifar;
Verse: 3 gerðiga ec hiúfra né hǫndom slá,
Verse: 4 né kveina um sem konor aðrar,
Verse: 5 þá er sat soltin um Sigurði.
Strophe: 12
Verse: 1 Nótt þótti mér niðmyrcr vera,
Verse: 2 er ec sárla satc yfir Sigurði;
Verse: 3 úlfar þóttomz ǫllo betri,
Verse: 4 ef þeir léti mic lífi týna
Verse: 5 eða brendi mic sem birkinn við.
Strophe: 13
Verse: 1 Fór ec af fialli fimm dogr talið,
Verse: 2 unz ec hǫll Hálfs, háva, þecþac.
Strophe: 14
Verse: 1 Sat ec með Þóro siau misseri,
Verse: 2 dotr Háconar, í Danmorco;
Verse: 3 hon mér at gamni gullbócaði
Verse: 4 sali suðrona oc svani dansca.
Strophe: 15
Verse: 1 Hǫfðo við á scriptom, þat. er scatar léco,
Verse: 2 oc á hannyrðom hilmis þegna,
Verse: 3 randir rauðar, recca Húna,
Verse: 4 hiordrót, hiálmdrót, hilmis fylgio.
Strophe: 16
Verse: 1 Scip Sigmundar scriðo frá landi,
Verse: 2 gyltar grímor, grafnir stafnar;
Verse: 3 byrðo við á borða, þat er þeir bǫrðuz,
Verse: 4 Sigarr oc Siggeirr, suðr á Fióni.
Strophe: 17
Verse: 1 Þá frá Grímildr, gotnesc kona,
Verse: 2 hvat ec væra hyggiuð;
Verse: 3 hon brá borða oc buri heimti,
Verse: 4 þrágiarnliga, þess at spyria,
Verse: 5 hverr vildi son systor bota,
Verse: 6 eða ver veginn vildi gialda.
Strophe: 18
Verse: 1 Gerr léz Gunnarr gull at bióða,
Verse: 2 sacar at bota, oc iþ sama Hǫgni;
Verse: 3 hon frétti at því, hverr fara vildi
Verse: 4 vigg at sǫðla, vagn at beita,
Verse: 5 hesti ríða, hauki fleygia,
Verse: 6 ǫrom at scióta af ýboga.
Strophe: 19
Verse: 1 Valdarr Dǫnom með Iarizleifi,
Verse: 2 Eymóðr þriði með Iarizscári;
Verse: 3 inn gengo þá, iofrom líkir,
Verse: 4 Langbarðz liðar, hǫfðo loða rauða,
Verse: 5 screyttar brynior, steypta hiálma,
Verse: 6 scálmom girðir, hǫfðo scarar iarpar.
Strophe: 20
Verse: 1 Hverr vildi mér hnossir velia,
Verse: 2 hnossir velia oc hugat mæla,
Verse: 3 ef þeir mætti mér margra súta
Verse: 4 trygðir vinna, né ec trúa gerðac.
Strophe: 21
Verse: 1 Forði mér Grímildr full at drecca,
Verse: 2 svalt oc sárlict, né ec sacar munðac;
Verse: 3 þat var um aukit urðar magni,
Verse: 4 svalkǫldom sæ oc sonardreyra.
Strophe: 22
Verse: 1 Vóro í horni hvers kyns stafir
Verse: 2 ristnir oc roðnir - ráða ec né máttac -,
Verse: 3 lyngfiscr langr, lanz Haddingia
Verse: 4 ax óscorit, innleið dýra.
Strophe: 23
Verse: 1 Vóro þeim bióri bǫl mǫrg saman,
Verse: 2 urt allz viðar oc acarn brunninn,
Verse: 3 umdǫgg arins, iðrar blótnar,
Verse: 4 svíns lifr soðin, þvíat hon sacar deyfði.
Strophe: 24
Verse: 1 Enn þá gleymðo, er getið hǫfðo,
Verse: 2 ǫll iofurs iórbiúg í sal;
Verse: 3 qvómo konungar fyr kné þrennir,
Verse: 4 áðr hon siálfa mic sótti at máli.
Strophe: 25
Verse: 1 "Gef ec þér, Guðrún, gull at þiggia,
Verse: 2 fiolð allz fiár, at þinn fǫður dauðan,
Verse: 3 hringa rauða, Hlǫðvés sali,
Verse: 4 ársal allan, at iofur fallinn.
Strophe: 26
Verse: 1 Húnscar meyiar, þær er hlaða spioldom
Verse: 2 oc gora gull fagrt, svá at þér gaman þicci;
Verse: 3 ein scaltu ráða auði Buðla,
Verse: 4 gulli gǫfguð oc gefin Atla."
Strophe: 27
Verse: 1 "Vilc eigi ec með veri ganga
Verse: 2 né Brynhildar bróður eiga;
Verse: 3 samir eigi mér, við son Buðla
Verse: 4 ætt at auca né una lífi."
Strophe: 28
Verse: 1 "Hirðaðu hǫlðom heiptir gialda,
Verse: 2 þvíat vér hǫfom valdit fyrri;
Verse: 3 svá scaltu láta, sem þeir lifi báðir,
Verse: 4 Sigurðr oc Sigmundr, ef þú sono foðir."
Strophe: 29
Verse: 1 "Máca ec, Grímildr, glaumi bella
Verse: 2 né vígrisins vánir telia,
Verse: 3 síz Sigurðar sárla drucco
Verse: 4 hrægífr, Huginn hiartblóð saman."
Strophe: 30
Verse: 1 "Þann hefi ec allra ættgǫfgastan
Verse: 2 fylki fundit, oc framarst necqvi;
Verse: 3 hann scaltu eiga, unz þic aldr viðar,
Verse: 4 verlaus vera, nema þú vilir þenna."
Strophe: 31
Verse: 1 "Hirða þú bióða bǫlvafullar,
Verse: 2 þrágiarnliga, þær kindir mér!
Verse: 3 Hann mun Gunnar grandi beita
Verse: 4 oc ór Hǫgna hiarta slíta.
Verse: 5 Muncað ec letia, áðr lífshvatan
Verse: 6 eggleics hvǫtuð aldri næmic."
Strophe: 32
Verse: 1 Grátandi Grímildr greip við orði,
Verse: 2 er burom sínom bǫlva vætti
Verse: 3 oc mǫgom sínom meina stórra:
Strophe: 33
Verse: 1 "Lǫnd gef ec enn þér, lýða sinni,
Verse: 2 Vínbiorg, Valbiorg, ef þú vill þiggia;
Verse: 3 eigðu um aldr þat oc uni, dóttir!"
Strophe: 34
Verse: 1 "Þann mun ec kiósa af konungom
Verse: 2 oc þó af niðiom nauðig hafa;
Verse: 3 verðr eigi mér verr at ynði,
Verse: 4 né bǫl broðra at bura scióli."
Strophe: 35
Verse: 1 Senn var á hesti hverr drengr lítinn,
Verse: 2 enn víf valnesc hafit í vagna;
Verse: 3 vér siau daga svalt land riðom,
Verse: 4 enn aðra siau unnir kníðom.
Verse: 5 Enn ina þriðio siau þurt land stigom.
Strophe: 36
Verse: 1 Þar hliðverðir hárar borgar
Verse: 2 grind upp luco, áðr í garð riðom.
Strophe: 37
Verse: 1 Vacþi mic Atli, enn ec vera þóttomz
Verse: 2 full illz hugar at frondr dauða.
Strophe: 38
Verse: 1 "Svá mic nýliga nornir vekia,
Verse: 2 vílsinnis spá vildi at ec réða;
Verse: 3 hugða ec þic, Guðrún, Giúca dóttir,
Verse: 4 læblǫndnom hior leggia mic í gognom."
Strophe: 39
Verse: 1 "Þat er fyr eldi, er iárn dreyma,
Verse: 2 fyr dul oc vil drósar reiði;
Verse: 3 mun ec þic við bǫlvi brenna ganga,
Verse: 4 lícna oc læcna, þótt mér leiðr sér."
Strophe: 40
Verse: 1 "Hugða ec hér í túni teina fallna,
Verse: 2 þá er ek vildigac vaxna láta,
Verse: 3 rifnir með rótom, roðnir í blóði,
Verse: 4 bornir á becci, beðit mic at tyggva.
Strophe: 41
Verse: 1 Hugða ec mér af hendi hauca fliúga,
Verse: 2 bráða lausa, bǫlranna til;
Verse: 3 hiorto hugða ec þeira við hunang tuggin,
Verse: 4 sorgmóðs sefa, sollin blóði.
Strophe: 42
Verse: 1 Hugða ec mér af hendi hvelpa losna,
Verse: 2 glaums andvana, gylli báðir;
Verse: 3 hold hugða ec þeira at hræom orðit,
Verse: 4 nauðigr nái nýta ec scyldac."
Strophe: 43
Verse: 1 "Þar muno seggir um soing doma
Verse: 2 oc hvítinga hǫfði næma;
Verse: 3 þeir muno feigir fára nátta
Verse: 4 fyr dag litlo dróttom bergia."
Strophe: 44
Verse: 1 "Læga ec síðan - né ec sofa vildac -
Verse: 2 þrágiarn í kǫr; þat man ec gorva."
Verse: 2 Herkia hét ambót Atla; hon hafði verið frilla hans.
Verse: 3 Hon sagði Atla, at hon hefði séð Þióðrec oc Guðrúno bæði
Verse: 4 saman. Atli var þá allókátr. Þá qvað Guðrún:
Verse: 1 "Hvat er þér, Atli? æ, Buðla sonr,
Verse: 2 - er þér hryggt í hug; hví hlær þú æva?
Verse: 3 hitt myndi oðra iorlom þiccia,
Verse: 4 at við menn mæltir ok mic sæir."
Strophe: 2
Verse: 1 "Tregr mic þat, Guðrún, Giúca dóttir:
Verse: 2 mér í hǫllo Herkia sagði,
Verse: 3 at þit Þióðrecr undir þaki svæfit
Verse: 4 oc léttliga líni verðiz."
Strophe: 3
Verse: 1 "Þér mun ec allz þess eiða vinna,
Verse: 2 at inom hvíta helga steini,
Verse: 3 at ec við Þióðmars son þatki áttac,
Verse: 4 er vorð né verr vinna knátti.
Strophe: 4
Verse: 1 Nema ec hálsaða heria stilli,
Verse: 2 iofur óneisinn, eino sinni;
Verse: 3 aðrar vóro ocrar spekior,
Verse: 4 er við hǫrmug tvau hnígom at rúnom.
Strophe: 5
Verse: 1 Hér kom Þióðrecr með þriá togo,
Verse: 2 lifa þeir né einir, þriggia tega manna;
Verse: 3 hrincto mic at broðrom oc at brynioðom,
Verse: 4 hrincto mic at ǫllom haufuðniðiom.
Strophe: 6
Verse: 1 Sentu at Saxa, sunnmanna gram!
Verse: 2 hann kann helga hver vellanda."
Strophe: 7
Verse: 1 Siau hundruð manna í sal gengo,
Verse: 2 áðr qvæn konungs í ketil toki.
Strophe: 8
Verse: 1 "Kemra nú Gunnarr, kalliga ec Hǫgna,
Verse: 2 sécca ec síðan svása broðr;
Verse: 3 sverði myndi Hǫgni slícs harms reca,
Verse: 4 nú verð ec siálf fyr mic synia lýta."
Strophe: 9
Verse: 1 Brá hon til botz biortom lófa,
Verse: 2 oc hon up um tóc iarcnasteina:
Verse: 3 "Sé nú seggir - sycn em ec orðin,
Verse: 4 heilagliga -, hvé siá hverr velli."
Strophe: 10
Verse: 1 Hló þá Atla hugr í briósti,
Verse: 2 er hann heilar sá hendr Guðrúnar:
Verse: 3 "Nú scal Herkia til hvers ganga,
Verse: 4 sú er Guðrúno grandi vænti."
Strophe: 11
Verse: 1 Sáat maðr armlíct, hverr er þat sáat,
Verse: 2 hvé þar á Herkio hendr sviðnoðo;
Verse: 3 leiddo þá mey í mýri fúla,
Verse: 4 svá þá Guðrún sinna harma.
Verse: 1 Heiðrecr hét konungr; dóttir hans hét Borgný. Vilmundr
Verse: 2 hét, sá er var friðill hennar. Hon mátti eigi foða
Verse: 3 born, áðr til kom Oddrún, Atla systir; hon hafði verit
Verse: 4 unnusta Gunnars, Giúca sonar. Um þessa sǫgo er hér
Verse: 5 qveðit.
Verse: 1 Heyrða ec segia í sǫgom fornom,
Verse: 2 hvé mær um kom til Mornalanz;
Verse: 3 engi mátti fyr iorð ofan
Verse: 4 Heiðrecs dóttur hiálpir vinna.
Strophe: 2
Verse: 1 Þat frá Oddrún, Atla systir,
Verse: 2 at sú mær hafði miclar sóttir;
Verse: 3 brá hon af stalli stiórnbitloðom,
Verse: 4 oc á svartan sǫðul of lagði.
Strophe: 3
Verse: 1 Lét hon mar fara moldveg sléttan,
Verse: 2 unz at hári kom hǫll standandi,
Verse: 3 oc hon inn um gecc endlangan sal;
Verse: 4 svipti hon sǫðli af svǫngom ió,
Verse: 5 oc hon þat orða allz fyrst um qvað:
Strophe: 4
Verse: 1 "Hvat er frægst á foldo,
Verse: 2 eða hvat er hléz Húnalanz?"
Verse: 3 "Hér liggr Borgný, of borin verkiom,
Verse: 4 vina þín, Oddrún, vittu, ef þú hiálpir!"
Strophe: 5
Verse: 1 "Hverr hefir vísir vamms um leitað?
Verse: 2 hví ero Borgnýiar bráðar sóttir?"
Strophe: 6
Verse: 1 "Vilmundr heitir vinr haucstalda;
Verse: 2 hann varði mey varmri blæio,
Verse: 3 fimm vetr alla, svá hon sinn fǫður leyndi."
Strophe: 7
Verse: 1 Þær hycc mælto þvígit fleira,
Verse: 2 gecc mild fyr kné meyio at sitia;
Verse: 3 ríct gól Oddrún, ramt gól Oddrún,
Verse: 4 bitra galdra, at Borgnýio.
Strophe: 8
Verse: 1 Knátti mær oc mǫgr moldveg sporna,
Verse: 2 born þau in blíðo við bana Hǫgna;
Verse: 3 þat nam at mæla mær fiorsiúca,
Verse: 4 svá at hon ecci qvað orð iþ fyrra:
Strophe: 9
Verse: 1 "Svá hiálpi þér hollar vættir,
Verse: 2 Frigg oc Freyia oc fleiri goð,
Verse: 3 sem þú feldir mér fár af hǫndom."
Strophe: 10
Verse: 1 "Hnécað ec af því til hiálpar þér,
Verse: 2 at þú værir þess verð aldregi;
Verse: 3 hét ec oc efndac, er ec hinig mælta,
Verse: 4 at ec hvívetna hiálpa scyldac,
Verse: 5 þá er ǫðlingar arfi scipto."
Strophe: 13
Verse: 1 Þá nam at setiaz sorgmóð kona,
Verse: 2 at telia bǫl af trega stórom:
Strophe: 14
Verse: 1 "Var ec up alin í iofra sal
Verse: 2 - flestr fagnaði - at fira ráði.
Verse: 3 Unða ec aldri oc eign fǫður,
Verse: 4 fimm vetr eina, svá at minn faðir lifði;
Strophe: 15
Verse: 1 þat nam at mæla mál iþ efsta
Verse: 2 siá móðr konungr, áðr hann sylti:
Verse: 3 Mic bað hann goða gulli rauðo
Verse: 4 oc suðr gefa syni Grímildar;
Strophe: 16
Verse: 1 qvaða hann ina oðri alna myndo
Verse: 2 mey í heimi, nema miotuðr spilti."
Strophe: 11
Verse: 1 "Or ertu, Oddrún, oc ørvita,
Verse: 2 er þú mér af fári flest orð of qvað;
Verse: 3 enn ec fylgðac þér á fiorgynio,
Verse: 4 sem við broðrom tveim of bornar værim."
Strophe: 12
Verse: 1 "Man ec, hvat þú mæltir enn um aptan,
Verse: 2 þá er ec Gunnari gerðag drecco;
Verse: 3 slícs domi qvaðattu síðan mundo
Verse: 4 meyio verða nema mér einni.
Strophe: 16
Verse: 1 Enn hann Brynhildi bað hiálm geta,
Verse: 2 hana qvað hann óscmey verða scyldo.
Strophe: 17
Verse: 1 Brynhildr í búri borða racþi,
Verse: 2 hafði hon lýði oc lǫnd um sic;
Verse: 3 iorð dúsaði oc uphiminn,
Verse: 4 þá er bani Fáfnis borg um þátti.
Strophe: 18
Verse: 1 Þá var víg vegit vǫlsco sverði,
Verse: 2 oc borg brotin, sú er Brynhildr átti;
Verse: 3 vara langt af því, heldr válítið,
Verse: 4 unz þær vélar vissi allar.
Strophe: 19
Verse: 1 Þess lét hon harðar hefndir verða,
Verse: 2 svá at vér ǫll hǫfom ornar raunir;
Verse: 3 þat mun á hǫlða hvert land fara,
Verse: 4 er hon lét sveltaz at Sigurði.
Strophe: 20
Verse: 1 Enn ec Gunnari gatc at unna,
Verse: 2 bauga deili, sem Brynhildr scyldi.
Strophe: 21
Verse: 1 Buðo þeir Atla bauga rauða
Verse: 2 oc broðr mínom botr ósmár;
Verse: 3 bauð hann enn við mér bú fimtán,
Verse: 4 hliðfarm Grana, ef hann hafa vildi.
Strophe: 22
Verse: 1 Enn Atli qvaz eigi vilia
Verse: 2 mund aldregi at megi Giúca;
Verse: 3 þeygi við máttom við munom vinna,
Verse: 4 nema ec helt hǫfði við hringbrota.
Strophe: 23
Verse: 1 Mælto margir mínir niðiar,
Verse: 2 qvóðuz ocr hafa orðit bæði;
Verse: 3 enn mic Atli qvað eigi myndo
Verse: 4 lýti ráða né lǫst gora.
Strophe: 24
Verse: 1 Enn slícs scyli synia aldri
Verse: 2 maðr fyr annan, þar er munuð deilir.
Strophe: 25
Verse: 1 Sendi Atli áro sína
Verse: 2 um myrqvan við, mín at freista;
Verse: 3 oc þeir qvómo, þar er þeir koma né scyldoð,
Verse: 4 þá er breiddo við blæio eina.
Strophe: 26
Verse: 1 Buðo við þegnom bauga rauða,
Verse: 2 at þeir eigi til Atla segði;
Verse: 3 enn þeir óliga Atla sǫgðo
Verse: 4 oc hvatliga heim scundoðo.
Strophe: 27
Verse: 1 Enn þeir Guðrúno gorla leyndo,
Verse: 2 þvíat hon heldr vita hálfo scyldi.
Strophe: 28
Verse: 1 Hlymr var at heyra hófgullinna,
Verse: 2 þá er í garð riðo Giúca arfar;
Verse: 3 þeir ór Hǫgna hiarta scáro,
Verse: 4 enn í ormgarð annan lǫgðo.
Strophe: 29
Verse: 1 Var ec enn farin eino sinni
Verse: 2 til Geirmundar, gorva dryccio;
Verse: 3 nam horscr konungr hǫrpo sveigia,
Verse: 4 þvíat hann hugði mic til hiálpar sér,
Verse: 5 kynrícr konungr, of koma mundo.
Strophe: 30
Verse: 1 Nam ec at heyra ór Hléseyio,
Verse: 2 hvé þar af stríðom strengir mælto;
Verse: 3 bað ec ambáttir búnar verða,
Verse: 4 vilda ec fylkis fiorvi biarga.
Strophe: 31
Verse: 1 Létom flióta far sund yfir,
Verse: 2 unz ec alla sác Atla garða.
Strophe: 32
Verse: 1 Þá kom in arma út scævandi,
Verse: 2 móðir Atla, hon scyli morna!
Verse: 3 Oc Gunnari gróf til hiarta,
Verse: 4 svá at ec máttigac morom biarga.
Strophe: 33
Verse: 1 Opt undromc þat, hví ec eptir mác,
Verse: 2 línvengis Bil, lífi halda,
Verse: 3 er ec ógnhvǫtom unna þóttomz,
Verse: 4 sverða deili, sem siálfri mér.
Strophe: 34
Verse: 1 Saztu oc hlýddir, meðan ec sagðac þér
Verse: 2 mǫrg ill um scǫp mín oc þeira;
Verse: 3 maðr hverr lifir at munom sínom -
Verse: 4 nú er um genginn grátr Oddrúnar."
Verse: 1 Guðrún, Giúca dóttir, hefndi broðra sinna, svá sem
Verse: 2 frægt er orðit: hon drap fyrst sono Atla, enn eptir drap
Verse: 3 hon Atla oc brendi hǫllina oc hirðina alla. Um þetta er
Verse: 4 siá qviða ort.
Verse: 1 Atli sendi ár til Gunnars
Verse: 2 kunnan segg at ríða, Knéfrǫðr var sá heitinn;
Verse: 3 at gǫrðom kom hann Giúca oc at Gunnars hǫllo,
Verse: 4 becciom aringreypom oc at bióri svásom.
Strophe: 2
Verse: 1 Drucco þar dróttmegir - enn dyliendr þǫgðo-
Verse: 2 vín í valhǫllo, vreiði sáz þeir Húna;
Verse: 3 kallaði þá Knéfrǫðr kaldri rǫddo,
Verse: 4 seggr inn suðroni - sat hann á becc hám -:
Strophe: 3
Verse: 1 "Atli mic hingat sendi ríða ørindi,
Verse: 2 mar inom mélgreypa, Myrcvið inn ókunna,
Verse: 3 at biðia yðr, Gunnarr, at iþ á becc komit,
Verse: 4 með hiálmom aringreypom, at sokia heim Atla.
Strophe: 4
Verse: 1 Scioldo knegoð þar velia oc scafna asca,
Verse: 2 hiálma gullroðna oc Húna mengi,
Verse: 3 silfrgylt sǫðulklæði, serki valrauða,
Verse: 4 dafar, darraða, drǫsla mélgreypa.
Strophe: 5
Verse: 1 Vǫll léz ycr oc mundo gefa víðrar Gnitaheiðar,
Verse: 2 af geiri giallanda oc af gyltom stǫfnom,
Verse: 3 stórar meiðmar oc staði Danpar,
Verse: 4 hrís þat iþ mora, er meðr Myrcvið kalla."
Strophe: 6
Verse: 1 Hǫfði vatt þá Gunnarr oc Hǫgna til sagði:
Verse: 2 "Hvat ræðr þú ocr, seggr inn ori, allz við slíct heyrom?
Verse: 3 gull vissa ec ecci á Gnitaheiði,
Verse: 4 þat er við ættima annat slíct.
Strophe: 7
Verse: 1 Siau eigo við salhús, sverða full,
Verse: 2 hverio ero þeira hiolt ór gulli;
Verse: 3 minn veit ec mar beztan, enn mæki hvassastan,
Verse: 4 boga beccsoma, enn brynior ór gulli,
Verse: 5 hiálm oc sciold hvítastan, kominn ór hǫll Kiárs;
Verse: 6 einn er minn betri, enn sé allra Húna."
Strophe: 8
Verse: 1 "Hvat hyggr þú brúði bendo, þá er hon ocr
Verse: 2 baug sendi,
Verse: 3 varinn váðom heiðingia? hygg ec, at hon vornuð
Verse: 4 byði;
Verse: 5 hár fann ec heiðingia ríðit í hring rauðom:
Verse: 6 ylfscr er vegr occarr, at ríða ørindi."
Strophe: 9
Verse: 1 Niðiargi hvǫtto Gunnar né náungr annarr,
Verse: 2 rýnendr né ráðendr, né þeir er ríkir vóro;
Verse: 3 qvaddi þá Gunnarr, sem konungr scyldi,
Verse: 4 mærr, í mioðranni, af móði stórom:
Strophe: 10
Verse: 1 "Rístu nú, Fiornir, láttu á flet vaða
Verse: 2 greppa gullscálir með gumna hǫndom!
Strophe: 11
Verse: 1 Úlfr mun ráða arfi Niflunga,
Verse: 2 gamlir granverðir, ef Gunnars missir,
Verse: 3 birnir blacfiallir bíta þreftǫnnom,
Verse: 4 gamna greystóði, ef Gunnarr né kømrað."
Strophe: 12
Verse: 1 Leiddo landrǫgni lýðar óneisir,
Verse: 2 grátendr, gunnhvata, ór garði Húna;
Verse: 3 þá qvað þat inn ori erfivorðr Hǫgna:
Verse: 4 "Heilir farit nú oc horscir, hvars ycr hugr teygir!"
Strophe: 13
Verse: 1 Fetom léto frocnir um fioll at þyria
Verse: 2 marina mélgreypo, Myrcvið inn ókunna;
Verse: 3 hristiz ǫll Húnmǫrc, þar er harðmóðgir fóro,
Verse: 4 ráco þeir vannstyggva vǫllo algrona.
Strophe: 14
Verse: 1 Land sá þeir Atla oc liðsciálfar diúpar,
Verse: 2 Bicca greppa standa á borg inni há,
Verse: 3 sal um suðrþióðom, sleginn sessmeiðom,
Verse: 4 bundnom rǫndom, bleicom scioldom,
Verse: 5 dafar, darraða; enn þar dracc Atli
Verse: 6 vín í valhǫllo; verðir sáto úti,
Verse: 7 at varða þeim Gunnari, ef þeir hér vitia qvomi
Verse: 8 með geiri giallanda at vekia gram hildi.
Strophe: 15
Verse: 1 Systir fann þeira snemst, at þeir í sal qvómo,
Verse: 2 broðr hennar báðir, bióri var hon lítt druccin:
Verse: 3 "Ráðinn ertu nú, Gunnarr, hvat muntu, rícr, vinna
Verse: 4 við Húna harmbrǫgðom? hǫll gacc þú ór snemma!
Strophe: 16
Verse: 1 Betr hefðir þú, bróðir, at þú í brynio forir,
Verse: 2 sem hiálmom aringreypom, at siá heim Atla;
Verse: 3 sætir þú í sǫðlom sólheiða daga,
Verse: 4 nái nauðfǫlva létir nornir gráta,
Verse: 5 Húna scialdmeyiar hervi kanna,
Verse: 6 enn Atla siálfan létir þú í ormgarð koma;
Verse: 7 nú er sá ormgarðr ycr um fólginn."
Strophe: 17
Verse: 1 "Seinað er nú, systir, at samna Niflungom,
Verse: 2 langt er at leita lýða sinnis til,
Verse: 3 of rosmofioll Rínar, recca óneissa."
Strophe: 18
Verse: 1 Fengo þeir Gunnar oc í fiotur setto,
Verse: 2 vinir Borgunda, oc bundo fastla.
Strophe: 19
Verse: 1 Siau hió Hǫgni sverði hvǫsso,
Verse: 2 enn inom átta hratt hann í eld heitan;
Verse: 3 svá scal frocn fiándom veriaz,
Verse: 4 sem Hǫgni varði hendr Gunnars.
Strophe: 20
Verse: 1 Frágo frocnan, ef fior vildi,
Verse: 2 Gotna þióðann, gulli kaupa.
Strophe: 21
Verse: 1 "Hiarta scal mér Hǫgna í hendi liggia,
Verse: 2 blóðuct, ór briósti scorið baldriða,
Verse: 3 saxi slíðrbeito, syni þióðans."
Strophe: 22
Verse: 1 Scáro þeir hiarta Hialla ór briósti,
Verse: 2 blóðuct, oc á bióð lǫgðo oc báro þat fyr Gunnar.
Strophe: 23
Verse: 1 Þá qvað þat Gunnarr, gumna dróttinn:
Verse: 2 "Hér hefi ec hiarta Hialla ins blauða,
Verse: 3 ólíct hiarta Hǫgna ins frocna,
Verse: 4 er mioc bifaz, er á bióði liggr;
Verse: 5 bifðiz hálfo meirr, er í briósti lá."
Strophe: 24
Verse: 1 Hló þá Hǫgni, er til hiarta scáro
Verse: 2 qvicqvan kumblasmið, klecqva hann sízt hugði;
Verse: 3 blóðuct þat á bióð lǫgðo oc báro fyr Gunnar.
Strophe: 25
Verse: 1 Mærr qvað þat Gunnarr, geir-Niflungr:
Verse: 2 "Hér hefi ec hiarta Hǫgna ins frocna,
Verse: 3 ólíct hiarta Hialla ins blauða,
Verse: 4 er lítt bifaz, er á bióði liggr,
Verse: 5 bifðiz svági mioc, þá er í briósti lá.
Strophe: 26
Verse: 1 Svá scaltu, Atli, augom fiarri,
Verse: 2 sem munt meniom mínom verða;
Verse: 3 er und einom mér ǫll um fólgin
Verse: 4 hodd Niflunga: lifira nú Hǫgni.
Strophe: 27
Verse: 1 Ey var mér týia, meðan við tveir lifðom,
Verse: 2 nú er mér engi, er ec einn lific;
Verse: 3 Rín scal ráða rógmálmi scatna,
Verse: 4 sú in áskunna, arfi Niflunga,
Verse: 5 í veltanda vatni lýsaz valbaugar,
Verse: 6 heldr enn á hǫndom gull scíni Húna bornom."
Strophe: 28
Verse: 1 "ùqvið ér hvélvǫgnom! haptr er nú í bǫndom."
Strophe: 29
Verse: 1 Atli inn ríki reið Glaum mǫnom,
Verse: 2 sleginn rógþornom, sifiungr þeira;
Verse: 3 Guðrún sigtíva
Verse: 4 varnaði við tárom, vaðin í þyshǫllo.
Strophe: 30
Verse: 1 "Svá gangi þér, Atli, sem þú við Gunnar áttir
Verse: 2 eiða opt um svarða oc ár of nefnda,
Verse: 3 at sól inni suðrhǫllo oc at Sigtýs bergi,
Verse: 4 hǫlqvi hvílbeðiar oc at hringi Ullar."
Strophe: 28
Verse: 1 Oc meirr þaðan menvorð bituls,
Verse: 2 dólgrǫgni, dró til dauðs scócr.
Strophe: 31
Verse: 1 Lifanda gram lagði í garð,
Verse: 2 þann er scriðinn var, scatna mengi,
Verse: 3 innan ormom; enn einn Gunnarr,
Verse: 4 heiptmóðr, hǫrpo hendi kníði.
Verse: 5 Glumðo strengir; svá scal gulli
Verse: 6 frocn hringdrifi við fira halda.
Strophe: 32
Verse: 1 Atli lét lanz síns á vit
Verse: 2 ió eyrscán aptr frá morði;
Verse: 3 dynr var í garði, drǫslom of þrungit,
Verse: 4 vápnsǫngr virða, vóro af heiði komnir.
Strophe: 33
Verse: 1 Út gecc þá Guðrún, Atla í gogn,
Verse: 2 með gyltom kálki, at reifa giold rǫgnis:
Verse: 3 "Þiggia knáttu, þengill, í þinni hǫllo
Verse: 4 glaðr at Guðrúno gnadda niflfarna."
Strophe: 34
Verse: 1 Umðo ǫlscálir Atla, vínhǫfgar,
Verse: 2 þá er í hǫll saman Húnar tǫlðuz,
Verse: 3 gumar gransíðir, gengo inn hvárir.
Strophe: 35
Verse: 1 Scævaði þá in scírleita, veigar þeim at bera,
Verse: 2 afkár dís, iofrom, oc ǫlkrásir valði,
Verse: 3 nauðug, neffǫlom, enn níð sagði Atla:
Strophe: 36
Verse: 1 "Sona hefir þinna, sverða deilir,
Verse: 2 hiorto hrædreyrug við hunang of tuggin;
Verse: 3 melta knáttu, móðugr, manna valbráðir,
Verse: 4 eta at ǫlkrásom, oc í ǫndugi at senda.
Strophe: 37
Verse: 1 Kallaraðu síðan til kniá þinna
Verse: 2 Erp né Eitil, ǫlreifa tvá;
Verse: 3 séraðu síðan í seti miðio
Verse: 4 gullz miðlendr geira scepta,
Verse: 5 manar meita né mara keyra."
Strophe: 38
Verse: 1 Ymr varð á becciom, afkárr sǫngr virða,
Verse: 2 gnýr und guðvefiom, gréto born Húna,
Verse: 3 nema ein Guðrún, er hon æva grét
Verse: 4 broðr sína berharða oc buri svása,
Verse: 5 unga, ófróða, þá er hon við Atla gat.
Strophe: 39
Verse: 1 Gulli seri in gaglbiarta,
Verse: 2 hringom rauðom reifði hon húskarla;
Verse: 3 scǫp lét hon vaxa, enn scíran málm vaða,
Verse: 4 æva flióð ecci gáði fiarghúsa.
Strophe: 40
Verse: 1 Óvarr Atli, móðan hafði hann sic druccit,
Verse: 2 vápn hafði hann ecci, varnaðit hann við Guðrúno;
Verse: 3 opt var sá leicr betri, þá er þau lint scyldo
Verse: 4 optarr um faðmaz fyr ǫðlingom.
Strophe: 41
Verse: 1 Hon beð broddi gaf blóð at drecca,
Verse: 2 hendi helfússi, oc hvelpa leysti;
Verse: 3 hratt fyr hallar dyrr, oc húskarla vacþi,
Verse: 4 brandi, brúðr, heitom; þau lét hon giold broðra.
Strophe: 42
Verse: 1 Eldi gaf hon þá alla, er inni vóro
Verse: 2 oc frá morði þeira Gunnars komnir vóro ór Myrc-heimi;
Verse: 3 forn timbr fello, fiarghús ruco,
Verse: 4 bor Buðlunga, brunno oc scialdmeyiar
Verse: 5 inni, aldrstamar, hnigo í eld heitan.
Strophe: 43
Verse: 1 Fullrott er um þetta; ferr engi svá síðan
Verse: 2 brúðr í brynio broðra at hefna;
Verse: 3 hon hefir þriggia þióðkonunga
Verse: 4 banorð borið, biort, áðr sylti.
Verse: 1 Frétt hefir ǫld ófo, þá er endr um gorðo
Verse: 2 seggir samkundo, sú var nýtt fæstom;
Verse: 3 oxto einmæli, yggt var þeim síðan,
Verse: 4 oc iþ sama sonom Giúca, er vóro sannráðnir.
Strophe: 2
Verse: 1 Scǫp oxto scioldunga - scyldoat feigir -,
Verse: 2 illa réz Atla, átti hann þó hyggio;
Verse: 3 feldi stoð stóra, stríddi sér harðla,
Verse: 4 af bragði boð sendi, at qvæmi brát mágar.
Strophe: 3
Verse: 1 Horsc var húsfreyia, hugði at manviti,
Verse: 2 lag heyrði hon orða, hvat þeir á laun mælto;
Verse: 3 þá var vant vitri, vildi hon þeim hiálpa,
Verse: 4 scyldo um sæ sigla, enn siálf né komscat.
Strophe: 4
Verse: 1 Rúnar nam at rísta, rengði þær Vingi
Verse: 2 - fárs var hann flýtandi -, áðr hann fram seldi;
Verse: 3 fóro þá síðan sendimenn Atla
Verse: 4 um fiorð Líma, þar er frocnir bioggo.
Strophe: 5
Verse: 1 Ǫlværir urðo oc elda kyndo,
Verse: 2 hugðo vætr véla, er þeir vóro komnir;
Verse: 3 tóco þeir fórnir, er þeim fríð sendi,
Verse: 4 hengðo á súlo, hugðoð þat varða.
Strophe: 6
Verse: 1 Kom þá Kostbera, qvæn var hon Hǫgna,
Verse: 2 kona kapps gálig, oc qvaddi þá baða;
Verse: 3 glǫð var oc Glaumvor, er Gunnarr átti,
Verse: 4 fellzcað saðr sviðri, sýsti um þǫrf gesta.
Strophe: 7
Verse: 1 Buðo þeir heim Hǫgna, ef hann þá heldr fori;
Verse: 2 sýn var svipvísi, ef þeir sín gæði;
Verse: 3 hét þá Gunnarr, ef Hǫgni vildi,
Verse: 4 Hǫgni því nítti, er hinn um réði.
Strophe: 8
Verse: 1 Báro mioð mærar, margs var allz beini,
Verse: 2 fór þar fiolð horna, unz þótti fulldruccið,
Strophe: 9
Verse: 1 Hiú gorðo hvílo, sem þeim hogst þótti.
Verse: 2 Kend var Kostbera, kunni hon scil rúna,
Verse: 3 inti orðstafi at eldi liósom;
Verse: 4 gæta varð hon tungo í góma báða:
Verse: 5 váro svá viltar, at var vant at ráða.
Strophe: 10
Verse: 1 Sæing fóro síðan sína þau Hǫgni;
Verse: 2 dreymði dróttláta, dulði þess vætki,
Verse: 3 sagði horsc hilmi, þegars hon réð vacna:
Strophe: 11
Verse: 1 "Heiman goriz þú, Hǫgni, hygðu at ráðom!
Verse: 2 fár er fullrýninn, far þú í sinn annat!
Verse: 3 Réð ec þær rúnar, er reist þín systir:
Verse: 4 biort hefir þér eigi boðið í sinn þetta.
Strophe: 12
Verse: 1 Eitt ec mest undromc - mácað ec enn hyggia -,
Verse: 2 hvat þá varð vitri, er scyldi vilt rísta;
Verse: 3 þvíat svá var ávísat, sem undir væri
Verse: 4 bani yccarr beggia, ef iþ brálla qvæmið;
Verse: 5 vant er stafs vífi, eða valda aðrir."
Strophe: 13
Verse: 1 "Allar ro illúðgar (qvað Hǫgni), áca ec þess kynni,
Verse: 2 vilca ec þess leita, nema launa eigim;
Verse: 3 ocr mun gramr gulli reifa glóðrauðo,
Verse: 4 óomc ec aldregi þótt vér ógn fregnim."
Strophe: 14
Verse: 1 "Stopalt munoð ganga, ef iþ stundit þangat,
Verse: 2 ycr mun ástkynni eigi í sinn þetta.
Verse: 3 Dreymði mic, Hǫgni, dyliomc þat eigi:
Verse: 4 ganga mun ycr andæris, eða ella hroðomc.
Strophe: 15
Verse: 1 Blæio hugða ec þína brenna í eldi,
Verse: 2 hryti hár logi hús mín í gognom."
Strophe: 16
Verse: 1 "Liggia hér línklæði, þau er lítt rokit,
Verse: 2 þau muno brát brenna, þar er þú blæio sátt."
Strophe: 17
Verse: 1 "Biorn hugða ec hér inn kominn, bryti up stocca,
Verse: 2 hristi svá hramma, at vér hrodd yrðim;
Verse: 3 munni oss mǫrg hefði, svá at vér mættim ecci;
Verse: 4 þar var oc þrǫmmon þeygi svá lítil."
Strophe: 18
Verse: 1 "Veðr mun þar vaxa, verða ótt snemma;
Verse: 2 hvítabiorn hugðir: þar mun hregg austan."
Strophe: 19
Verse: 1 "Ǫrn hugða ec hér inn fliúga at endlǫngo húsi,
Verse: 2 þat mun oss driúgt deilaz, dreifði hann oss
Verse: 3 ǫll blóði;
Verse: 4 hugða ec af heitom, at væri hamr Atla."
Strophe: 20
Verse: 1 "Slátrom sýsliga, siám þá roðro;
Verse: 2 opt er þat fyr oxnom, er ǫrno dreymir;
Verse: 3 heill er hugr Atla, hvatki er þic dreymir."
Verse: 4 Lokit því léto, líðr hver roða.
Strophe: 21
Verse: 1 Vǫcnoðo velborin, var þar sams domi,
Verse: 2 gættiz þess Glaumvor, at væri grand svefna;
Verse: 3 . . . . við Gunnarr at fá tvær leiðir.
Strophe: 22
Verse: 1 "Gorvan hugða ec þér gálga, gengir þú at hanga,
Verse: 2 æti þic ormar, yrða ec þic qviqvan,
Verse: 3 gorðiz rǫc ragna; ráð þú, hvat þat væri!
Strophe: 24
Verse: 1 Blóðgan hugða ec mæki borinn ór serc þínom,
Verse: 2 illt er svefn slícan at segia nauðmanni;
Verse: 3 geir hugða ec standa í gognom þic miðian,
Verse: 4 emioðo úlfar á endom báðom."
Strophe: 25
Verse: 1 "Raccar þar renna, ráðaz mioc geyia,
Verse: 2 opt verðr glaumr hunda fyr geira flaugon."
Strophe: 26
Verse: 1 "Á hugða ec hér inn renna at endilǫngo húsi,
Verse: 2 þyti af þiósti, þeystiz uf becci;
Verse: 3 bryti fotr ycra broðra hér tveggia,
Verse: 4 gerðit vatn vægia; vera mun þat fyr necqvi.
Strophe: 28
Verse: 1 Konor hugðac dauðar koma í nótt hingat,
Verse: 2 værit vart búnar, vildi þic kiósa,
Verse: 3 byði þér brálliga til beccia sinna;
Verse: 4 ec qveð aflima orðnar þér dísir."
Strophe: 29
Verse: 1 "Seinat er at segia, svá er nú ráðit;
Verse: 2 forðomca for þó, allz þó er fara ætlað;
Verse: 3 mart er mioc glíclict, at munim scammæir."
Strophe: 30
Verse: 1 Líto, er lýsti, létuz þeir fúsir
Verse: 2 allir up rísa, ǫnnor þau lǫtto;
Verse: 3 fóro fimm saman, fleiri til vóro
Verse: 4 hálfo húskarlar, hugat var því illa.
Verse: 5 Snævarr oc Sólarr, synir vóro þeir Hǫgna,
Verse: 6 Orcning þann héto, er þeim enn fylgði;
Verse: 7 blíðr var bǫrr scialdar, bróðir hans qvánar.
Strophe: 31
Verse: 1 Fóro fagrbúnar, unz þau fiorðr skilði,
Verse: 2 lǫtto á valt liósar, létoat heldr segiaz.
Strophe: 32
Verse: 1 Glaumvor qvað at orði, er Gunnarr átti,
Verse: 2 mælti hon við Vinga, sem henni vert þótti:
Verse: 3 "Veitcað ec, hvárt verð launið at vilia ossom;
Verse: 4 glopr er gestz qváma, ef í goriz nacqvað."
Strophe: 33
Verse: 1 Sór þá Vingi, sér réð hann lítt eira:
Verse: 2 "Eigi hann iotnar, ef hann at yðr lygi,
Verse: 3 gálgi gorvallan, ef hann á grið hygði."
Strophe: 34
Verse: 1 Bera qvað at orði, blíð í hug sínom:
Verse: 2 "Sigli þér sælir, oc sigr árnið,
Verse: 3 fari, sem ec fyrir mælic! fæsc eigi því níta."
Strophe: 35
Verse: 1 Hǫgni svaraði - hugði gott nánom -:
Verse: 2 "Huggizc iþ, horscar, hvégi er þat gorviz!
Verse: 3 mæla þat margir, missir þó stórom,
Verse: 4 mǫrgom ræðr litlo, hvé verðr leiddr heiman."
Strophe: 36
Verse: 1 Sásc til síðan, áðr í sundr hyrfi;
Verse: 2 þá hygg ec scǫp scipto, scilðuz vegir þeira.
Strophe: 37
Verse: 1 Róa námo ríki, rifo kiol hálfan,
Verse: 2 beysto bacfǫllom, brugðuz heldr reiðir;
Verse: 3 hǫmlor slitnoðo, háir brotnoðo,
Verse: 4 gerðot far festa, áðr þeir frá hyrfi.
Strophe: 38
Verse: 1 Litlo oc lengra - loc mun ec þess segia -
Verse: 2 bo sá þeir standa, er Buðli átti;
Verse: 3 hátt hricþo grindr, er Hǫgni kníði.
Strophe: 39
Verse: 1 Orð qvað þá Vingi, þatz án væri:
Verse: 2 "Farið firr húsi! flátt er til sokia,
Verse: 3 brát hefi ec ycr brenda, bragðz scoloð hǫggnir;
Verse: 4 fagrt bað ec ycr qvámo, flátt var þó undir,
Verse: 5 ella heðan bíðit, meðan ec høgg yðr gálga!"
Strophe: 40
Verse: 1 Orð qvað hitt Hǫgni - hugði lítt vægia -,
Verse: 2 varr at vættugi, er varð at reyna:
Verse: 3 "Hirða þú oss hroða, hafðu þat fram sialdan!
Verse: 4 ef þú eycr orði, illt mundo þér lengia."
Strophe: 41
Verse: 1 Hrundo þeir Vinga oc í hel drápo,
Verse: 2 exar at lǫgðo, meðan í ǫnd hixti.
Strophe: 42
Verse: 1 Flycþuz þeir Atli oc fóro í brynior,
Verse: 2 gengo svá gorvir, at var garðr milli;
Verse: 3 urpuz á orðom allir senn reiðir:
Verse: 4 "Fyrr várom fullráða at firra yðr lífi."
Strophe: 43
Verse: 1 "Á sér þat illa, ef hǫfðot áðr ráðit;
Verse: 2 enn eroð óbúnir, oc hǫfom einn feldan,
Verse: 3 lamðan til heliar, liðs var sá yðvars."
Strophe: 44
Verse: 1 Óðir þá urðo, er þat orð heyrðo,
Verse: 2 forðoðo fingrom oc fengo í snori,
Verse: 3 scuto scarpliga oc scioldom hlífðuz.
Strophe: 45
Verse: 1 Inn kom þá annspilli, hvat úti drýgðo,
Verse: 2 hátt fyr hǫllo; heyrðo þræl segia.
Strophe: 46
Verse: 1 Ǫtul var þá Guðrún, er hon ecca heyrði,
Verse: 2 hlaðin hálsmeniom, hreytti hon þeim gervǫllom,
Verse: 3 sløngði svá silfri, at í sundr hruto baugar.
Strophe: 47
Verse: 1 Út gecc hon síðan, ypþit lítt hurðom,
Verse: 2 fóra fælt þeygi, oc fagnaði komnom;
Verse: 3 hvarf til Niflunga, sú var hinzt qveðia,
Verse: 4 fylgði saðr slíco, sagði hon mun fleira:
Strophe: 48
Verse: 1 "Leitaða ec í lícna, at letia ycr heiman,
Verse: 2 scǫpom viðr mangi, oc scoloð þó hér komnir."
Verse: 3 Mælti af manviti, ef myndo sættaz,
Verse: 4 ecci at réðuz, allir ní qváðo.
Strophe: 49
Verse: 1 Sá þá sælborin, at þeir sárt léco,
Verse: 2 hugði á harðræði oc hrauzc ór sciccio;
Verse: 3 nøcþan tóc hon mæki oc niðia fior varði,
Verse: 4 hog var at hialdri, hvars hon hendr festi.
Strophe: 50
Verse: 1 Dóttir lét Giúca drengi tvá hníga,
Verse: 2 bróður hió hon Atla, bera varð þann síðan,
Verse: 3 scapþi hon svá scoro, sceldi fót undan.
Strophe: 51
Verse: 1 Annan réð hon hǫggva, svá at sá upp reisat,
Verse: 2 í helio hon þann hafði; þeygi henni hendr sculfo.
Strophe: 52
Verse: 1 Þiorco þar gorðo, þeiri var við brugðit;
Verse: 2 þat brá um alt annat, er unno born Giúca;
Verse: 3 svá qváðo Niflunga, meðan siálfir lifðo,
Verse: 4 scapa sócn sverðom, slítaz af brynior,
Verse: 5 hǫggva svá hiálma, sem þeim hugr dygði.
Strophe: 53
Verse: 1 Morgin mest vágo, unz miðian dag líddi,
Verse: 2 ótto alla oc ǫndurðan dag;
Verse: 3 fyrr var fullvegit, flóði vǫllr blóði;
Verse: 4 átián, áðr fello, efri þeir urðo,
Verse: 5 Bero tveir sveinar oc bróðir hennar.
Strophe: 54
Verse: 1 Rǫscr tóc at roða, þótt hann reiðr væri:
Verse: 2 "Illt er um lítaz, yðr er þat kenna;
Verse: 3 várom þrír tigir, þegnar vígligir,
Verse: 4 eptir lifom ellifo; ór er þar brunnit.
Strophe: 55
Verse: 1 Broðr várom fiórir, er Buðla mistom,
Verse: 2 hefir nú Hel hálfa, hǫggnir tveir liggia.
Strophe: 56
Verse: 1 Mægð gat ec micla - mácac því leyna -,
Verse: 2 kono váliga, cnáca ec þess nióta;
Verse: 3 hliótt áttom sialdan, síz komt í hendr ossar,
Verse: 4 firðan mic frondom, fé opt svikinn;
Verse: 5 sendoð systr Helio, slícs ec mest kennomc."
Strophe: 57
Verse: 1 "Getr þú þess, Atli, gerðir svá fyrri:
Verse: 2 móður tóct mína oc myrðir til hnossa,
Verse: 3 svinna systrungo sveltir þú í helli;
Verse: 4 hloglict mér þat þiccir, er þú þinn harm tínir,
Verse: 5 goðom ec þat þacca, er þér gengz illa."
Strophe: 58
Verse: 1 "Eggia ec yðr, iarlar, auca harm stóran
Verse: 2 vífs ins vegliga, vilia ec þat líta;
Verse: 3 kostit svá keppa, at kløcqvi Guðrún!
Verse: 4 siá ec þat mættac, at hon sér né ynðit.
Strophe: 59
Verse: 1 Takit ér Hǫgna oc hyldit með knífi,
Verse: 2 scerið ór hiarta, scoloð þess gorvir;
Verse: 3 Gunnar grimmúðgan á gálga festit,
Verse: 4 bellit því bragði, bióðit til ormom!"
Verse: 5 Hǫgni qvað:
Strophe: 60
Verse: 1 "Gor, sem til lystir! glaðr munc þess bíða,
Verse: 2 rǫscr munc þér reynaz, reynt hefi ec fyrr
Verse: 3 brattara;
Verse: 4 hǫfðot hneccing, meðan heilir várom,
Verse: 5 nú erom svá sárir, at þú mátt siálfr valda."
Strophe: 61
Verse: 1 Beiti þat mælti - bryti var hann Atla -:
Verse: 2 "Tǫco vér Hialla, enn Hǫgna forðom!
Verse: 3 hǫgom vér hálft yrkiom, hann er scapdauði,
Verse: 4 lifira svá lengi, lǫscr mun hann æ heitinn."
Strophe: 62
Verse: 1 Hroddr var hvergætir, helta in lengr rúmi,
Verse: 2 kunni kleccr verða, kleif í rá hveria;
Verse: 3 vesall léz vígs þeira, er scyldi váss gialda,
Verse: 4 oc sinn dag dapran, at deyia frá svínom,
Verse: 5 allri ørkosto, er hann áðr hafði.
Strophe: 63
Verse: 1 Tóco þeir brás Buðla oc brugðo til knífi,
Verse: 2 opþi illþræli, áðr odds kendi;
Verse: 3 tóm léz at eiga, teðia vel garða,
Verse: 4 vinna iþ vergasta, ef hann við rétti;
Verse: 5 feginn léz þó Hialli, at hann fior þægi.
Strophe: 64
Verse: 1 Gættiz þess Hǫgni - gerva svá færi -,
Verse: 2 at árna ánauðgom, at undan gengi:
Verse: 3 "Fyrir qveð ec mér minna, at fremia leic þenna,
Verse: 4 hví mynim hér vilia heyra á þá scræcton?"
Strophe: 65
Verse: 1 Þrifo þeir þióðgóðan, þá var kostr engi
Verse: 2 reccom racclátom ráð enn lengr dvelia;
Verse: 3 hló þá Hǫgni, heyrðo dagmegir,
Verse: 4 keppa hann svá kunni, qvǫl hann vel þolði.
Strophe: 66
Verse: 1 Hǫrpo tóc Gunnarr, hrorði ilqvistom;
Verse: 2 slá hann svá kunni, at snótir gréto;
Verse: 3 klucco þeir karlar, er kunno gørst heyra;
Verse: 4 rícri ráð sagði, raptar sundr brusto.
Strophe: 67
Verse: 1 Dó þá dýrir, dags var heldr snemma,
Verse: 2 léto þeir á lesti lifa íþrótta.
Strophe: 68
Verse: 1 Stórr þóttiz Atli, sté hann um þá báða;
Verse: 2 horscri harm sagði oc réð heldr at bregða:
Verse: 3 "Morginn er nú, Guðrún, mist hefir þú þér hollra,
Verse: 4 sums ertu siálfscapa, at hafi svá gengit."
Strophe: 69
Verse: 1 "Feginn ertu, Atli, ferr þú víg lýsa,
Verse: 2 á muno þér iðrar, ef þú alt reynir;
Verse: 3 sú mun erfð eptir - ec kann þér segia -:
Verse: 4 illz gengz þér aldri, nema ec oc deyia."
Strophe: 70
Verse: 1 "Kannca ec slícs synia, sé ec til ráð annað,
Verse: 2 hálfo hógligra - hǫfnom opt góðo -:
Verse: 3 mani mun ec þic hugga, mætom ágætom,
Verse: 4 silfri snæhvíto, sem þú siálf vilir."
Strophe: 71
Verse: 1 "Ón er þess engi, ec vil því níta,
Verse: 2 sleit ec þá sáttir, er vóro sacar minni;
Verse: 3 afkár ec áðr þóttac, á mun nú goða,
Verse: 4 hræfða ec um hotvetna, meðan Hǫgni lifði.
Strophe: 72
Verse: 1 Alin við up vórom í eino húsi,
Verse: 2 lécom leic margan oc í lundi óxom,
Verse: 3 goddi ocr Grímildr gulli oc hálsmeniom;
Verse: 4 bana mundo mér broðra bota aldregi,
Verse: 5 né vinna þess ecci, at mér vel þicci.
Strophe: 73
Verse: 1 Kostom drepr qvenna karla ofríki,
Verse: 2 í kné gengr hnefi, ef qvistir þverra,
Verse: 3 tré tecr at hníga, ef høggr tág undan;
Verse: 4 nú máttu einn, Atli, ǫllo hér ráða."
Strophe: 74
Verse: 1 Gnótt var grunnýðgi, er gramr því trúði,
Verse: 2 sýn var sveipvísi, ef hann sín gæði.
Verse: 3 Krǫpp var þá Guðrún, kunni um hug mæla,
Verse: 4 létt hon sér gerði, léc hon tveim scioldom.
Strophe: 75
Verse: 1 Oxti hon ǫldryccior at erfa broðr sína,
Verse: 2 samr lézc oc Atli at sína gorva.
Strophe: 76
Verse: 1 Lokit því léto, lagat var dryccio;
Verse: 2 sú var samkunda við svorfon ofmicla;
Verse: 3 strǫng var stórhuguð, stríddi hon ætt Buðla,
Verse: 4 vildi hon ver sínom vinna ofrhefndir.
Strophe: 77
Verse: 1 Loccaði hon litla oc lagði við stocci;
Verse: 2 glúpnoðo grimmir oc gréto þeygi,
Verse: 3 fóro í faðm móður, frétto, hvat þá scyldi.
Strophe: 78
Verse: 1 "Spyrit lítt eptir! spilla ætla ec báðom,
Verse: 2 lyst váromc þess lengi, at lyfia ycr elli."
Verse: 3 "Blót, sem vilt, bornom, bannar þat mangi,
Verse: 4 scǫmm mun ró reiði, ef þú reynir gorva."
Strophe: 79
Verse: 1 Brá þá barnæsco broðra in kappsvinna,
Verse: 2 sciptit scapliga, scar hon á háls báða.
Verse: 3 Enn frétti Atli, hvert farnir væri
Verse: 4 sveinar hans leica, er hann sá þá hvergi.
Strophe: 80
Verse: 1 "Yfir ráðomc ganga, Atla til segia,
Verse: 2 dylia munc þic eigi, dóttir Grímildar;
Verse: 3 glaða mun þic minnzt, Atli, ef þú gerva reynir:
Verse: 4 vacþir vá micla, er þú vátt broðr mína.
Strophe: 81
Verse: 1 Svaf ec mioc sialdan, síðans þeir fello,
Verse: 2 hét ec þér hǫrðo, hefi ec þic nú mintan;
Verse: 3 morgin mér sagðir, man ec enn þann gerva,
Verse: 4 nú er oc aptann, átt þú slíct at frétta.
Strophe: 82
Verse: 1 Maga hefir þú þinna mist, sem þú sízt scyldir;
Verse: 2 hausa veiz þú þeira hafða at ǫlscálom,
Verse: 3 drýgða ec þér svá dryccio: dreyra blett ec þeira.
Strophe: 83
Verse: 1 Tóc ec þeira hiorto oc á teini steictac,
Verse: 2 selda ec þér síðan, sagðag, at kálfs væri;
Verse: 3 einn þú því ollir, ecci réttu leifa,
Verse: 4 tǫggtu tíðliga, trúðir vel ioxlom.
Strophe: 84
Verse: 1 Barna veiztu þinna - biðr sér fár verra - . . .
Verse: 2 hlut veld ec mínom, holomc þó ecci."
Strophe: 85
Verse: 1 "Grimm vartu, Guðrún, er þú gera svá máttir,
Verse: 2 barna þinna blóði at blanda mér dryccio;
Verse: 3 snýtt hefr þú sifiungom, sem þú sízt scyldir,
Verse: 4 mér lætr þú oc siálfom millom illz lítið."
Strophe: 86
Verse: 1 "Vili mér enn væri at vega þic siálfan,
Verse: 2 fát er fullilla farið við gram slícan;
Verse: 3 drýgt þú fyrr hafðir, þat er menn domi vissoð,
Verse: 4 til heimsco, harðræðis, í heimi þessom;
Verse: 5 nú hefir þú enn aukit, þat er nú áðan frágom,
Verse: 6 greipt glop stóran, gert hefir þú þitt erf."
Strophe: 87
Verse: 1 "Brend mundu á báli oc barið grióti áðr,
Verse: 2 þá hefir þú árnat, þaztu æ beiðiz."
Verse: 3 "Seg þér slícar sorgir ár morgin!
Verse: 4 fríðra víl ec dauða fara í liós annat."
Strophe: 88
Verse: 1 Sáto samtýnís, senduz fárhugi,
Verse: 2 henduz heiptyrði, hvártki sér unði.
Verse: 3 Heipt óx Hniflungi, hugði á stórræði,
Verse: 4 gat fyr Guðrúno, at hann væri grimmr Atla.
Strophe: 89
Verse: 1 Kómo í hug henni Hǫgna viðfarar,
Verse: 2 talði happ hánom, ef hann hefnt ynni;
Verse: 3 veginn var þá Atli, var þess scamt bíða,
Verse: 4 sonr vá Hǫgna oc siálf Guðrún.
Strophe: 90
Verse: 1 Rǫscr tóc at roða, racþiz ór svefni,
Verse: 2 kendi brát benia, banz qvað hann þǫrf ǫnga:
Verse: 3 "Segit iþ sannasta: hverr vá son Buðla?
Verse: 4 emca ec lítt leikinn, lífs tel ec vón ǫnga."
Strophe: 91
Verse: 1 "Dylia mun þic eigi dóttir Grímildar:
Verse: 2 látomc því valda, er líðr þína ævi,
Verse: 3 enn sumo sonr Hǫgna, er þic sár moða."
Strophe: 92
Verse: 1 "Vaðit hefir þú at vígi, þótt værið scaplict;
Verse: 2 illt er vin véla, þannz þér vel trúir.
Verse: 3 Beiddr fór ec heiman, at biðia þín, Guðrún;
Strophe: 93
Verse: 1 leyfð vartu eccia, léto stórráða,
Verse: 2 varða ván lygi, er vér um reyndom;
Verse: 3 fórtu heim hingat, fylgði oss herr manna,
Verse: 4 alt var ítarlict um órar ferðir.
Strophe: 94
Verse: 1 Margs var allz sómi, manna tíginna,
Verse: 2 naut vóro orin, nutom af stórom;
Verse: 3 þar var fiolð fiár, fengo til margir.
Strophe: 95
Verse: 1 Mund galt ec morri, meiðma fiolð þiggia,
Verse: 2 þræla þriá tigo, þýiar siau góðar;
Verse: 3 somð var at slíco, silfr var þó meira.
Strophe: 96
Verse: 1 Léztu þér alt þiccia, sem ecci væri,
Verse: 2 meðan lǫnd þau lágo, er mér leifði Buðli;
Verse: 3 gróftu svá undir, gerðirat hlut þiggia.
Verse: 4 Sværo léztu þína sitia opt grátna,
Verse: 5 fanca ec í hug heilom hióna vætr síðan."
Strophe: 97
Verse: 1 "Lýgr þú nú, Atli, þótt ec þat lítt rokia;
Verse: 2 heldr var ec hog sialdan, hóftu þó stórom;
Verse: 3 bǫrðuz ér broðr ungir, báruz róg milli,
Verse: 4 hálft gecc til heliar ór húsi þíno;
Verse: 5 hroldi hotvetna, þat er til hags scyldi.
Strophe: 98
Verse: 1 Þriú vórom systkin, þóttom óvægin,
Verse: 2 fórom af landi, fylgðom Sigurði;
Verse: 3 scæva vér létom, scipi hvert várt stýrði,
Verse: 4 ǫrcoðom at auðno, unz vér austr qvómom.
Strophe: 99
Verse: 1 Konung drápom fyrstan, kurom land þaðra,
Verse: 2 hersar oss á hǫnd gengo, hrozlo þat vissi;
Verse: 3 vágom ór scógi, þannz vildom sycnan,
Verse: 4 settom þann sælan, er sér né áttið.
Strophe: 100
Verse: 0 Dauðr varð inn húnsci, drap þá brát kosti,
Verse: 1 strangt var angr ungri eccio nafn hlióta;
Verse: 2 qvǫl þótti qvicri at koma í hús Atla,
Verse: 3 átti áðr kappi, illr var sá missir.
Strophe: 101
Verse: 0 Komtaðu af því þingi, er vér þat frægim,
Verse: 1 at þú sǫc sóttir né slecþir aðra;
Verse: 2 vildir á valt vægia, enn vætki halda,
Verse: 3 kyrt um því láta."
Strophe: 102
Verse: 0 "Lýgr þú nú, Guðrún, lítt mun við botaz
Verse: 1 hluti hvárigra, hǫfom ǫll scarðan;
Verse: 2 gorðu nú, Guðrún, af gozco þinni
Verse: 3 ocr til ágætis, er mic út hefia."
Strophe: 103
Verse: 0 "Knǫrr mun ec kaupa oc kisto steinda,
Verse: 1 vexa vel blæio at veria þitt líki,
Verse: 2 hyggia á þǫrf hveria, sem við holl værim."
Strophe: 104
Verse: 0 Nár varð þá Atli, niðiom stríð oxti,
Verse: 1 efndi ítrborin alt þaz réð heita;
Verse: 2 fróð vildi Guðrún fara sér at spilla,
Verse: 3 urðo dvǫl dogra, dó hon í sinn annað.
Strophe: 105
Verse: 0 Sæll er hverr síðan, er slíct getr foða
Verse: 1 ióð at afreki, sems ól Giúki;
Verse: 2 lifa mun þat eptir á landi hverio,
Verse: 3 þeira þrámæli, hvargi er þióð heyrir.
Verse: 2 Guðrún gecc þá til sævar, er hon hafði drepit Atla,
Verse: 3 gecc út á sæinn oc vildi fara sér. Hon mátti eigi søcqva.
Verse: 4 Rac hana yfir fiorðinn á land Iónacrs konungs. Hann
Verse: 5 fecc hennar.
Verse: 6 Þeira synir vóro þeir Sǫrli oc Erpr oc Hamðir. Þar
Verse: 7 foddiz up Svanhildr, Sigurðar dóttir. Hon var gipt
Verse: 8 Iormunrecc inum ríkia. Með hánom var Bicci. Hann
Verse: 9 réð þat, at Randvér, konungs sonr, scyldi taca hana. Þat
Verse: 10 sagði Bicci konungi. Konungr lét hengia Randvé, enn
Verse: 11 troða Svanhildi undir hrossa fótom. Enn er þat spurði
Verse: 12 Guðrún, þá qvaddi hon sono sína.
Verse: 1 Þá frá ec senno slíðrfengligsta,
Verse: 2 trauð mál, talið af trega stórom,
Verse: 3 er harðhuguð hvatti at vígi
Verse: 4 grimmom orðom Guðrún sono.
Strophe: 2
Verse: 1 "Hví sitit, hví sofit lífi?
Verse: 2 hví tregrað ycr teiti at mæla?
Verse: 3 er Iormunreccr yðra systor,
Verse: 4 unga at aldri, ióm of traddi,
Verse: 5 hvítom oc svortom, á hervegi,
Verse: 6 grám, gangtǫmom Gotna hrossom.
Strophe: 3
Verse: 1 Urðoa iþ glíkir þeim Gunnari,
Verse: 2 né in heldr hugðir, sem var Hǫgni;
Verse: 3 hennar myndoð iþ hefna leita,
Verse: 4 ef iþ móð ættið minna broðra
Verse: 5 eða harðan hug Húnkonunga."
Strophe: 4
Verse: 1 Þá qvað þat Hamðir, inn hugomstóri:
Verse: 2 "Lítt mundir þú leyfa dáð Hǫgna,
Verse: 3 þá er Sigurð vǫcþo svefni ór;
Verse: 4 bocr vóro þínar, inar bláhvíto,
Verse: 5 roðnar í vers dreyra, fólgnar í valblóði.
Strophe: 5
Verse: 1 Urðo þér broðra hefndir
Verse: 2 slíðrar oc sárar, er þú sono myrðir;
Verse: 3 knættim allir Iormunrecci,
Verse: 4 samhyggiendr, systor hefna.
Strophe: 6
Verse: 1 Berið hnossir fram Húnkonunga!
Verse: 2 hefir þú ocr hvatta at hiorþingi."
Strophe: 7
Verse: 1 Hlæiandi Guðrún hvarf til scemmo,
Verse: 2 kumbl konunga ór kerom valði,
Verse: 3 síðar brynior, ok sonom forði;
Verse: 4 hlóðuz móðgir á mara bógo.
Strophe: 8
Verse: 1 Þá qvað þat Hamðir, inn hugomstóri:
Verse: 2 "Svá komaz meirr aptr, móður at vitia,
Verse: 3 geir-Niorðr, hniginn á Goðþióðo,
Verse: 4 at þú erfi at ǫll oss dryccir,
Verse: 5 at Svanhildi oc sono þína."
Strophe: 9
Verse: 1 Guðrún grátandi, Giúca dóttir,
Verse: 2 gecc hon tregliga á tái sitia,
Verse: 3 oc at telia, táruchlýra,
Verse: 4 móðug spioll á margan veg:
Strophe: 10
Verse: 1 "Þriá vissa ec elda, þriá vissa ec arna,
Verse: 2 var ec þrimr verom vegin at húsi;
Verse: 3 einn var mér Sigurðr ǫllom betri,
Verse: 4 er broðr mínir at bana urðo.
Strophe: 11
Verse: 1 Svára sára sácað ec né kunna,
Verse: 2 meirr þóttuz mér um stríða,
Verse: 3 er mic ǫðlingar Atla gáfo.
Strophe: 12
Verse: 1 Húna hvassa hét ec mér at rúnom;
Verse: 2 máttigac bǫlva botr um vinna,
Verse: 3 áðr ec hnóf hǫfuð af Hniflungom.
Strophe: 13
Verse: 1 Gecc ec til strandar, grǫm varc nornom,
Verse: 2 vilda ec hrinda stríð grið þeira;
Verse: 3 hófo mic, né drecþo, hávar báror,
Verse: 4 því ec land um stéc, at lifa scyldac.
Strophe: 14
Verse: 1 Gecc ec á beð - hugðac mér fyr betra -
Verse: 2 þriðia sinni þióðkonungi;
Verse: 3 ól ec mér ióð, erfivorðo,
Verse: 4 Iónacrs sonom.
Strophe: 15
Verse: 1 Enn um Svanhildi sáto þýiar,
Verse: 2 er ec minna barna bazt fullhugðac;
Verse: 3 svá var Svanhildr í sal mínom,
Verse: 4 sem væri somleitr sólar geisli.
Strophe: 16
Verse: 1 Godda ec gulli oc guðvefiom,
Verse: 2 áðr ec gæfac Goðþióðar til;
Verse: 3 þat er mér harðast harma minna
Verse: 4 of þann inn hvíta hadd Svanhildar:
Verse: 5 auri trǫddo und ióa fótom.
Strophe: 17
Verse: 1 Enn sá sárastr, er þeir Sigurð minn,
Verse: 2 sigri ræntan, í sæing vágo;
Verse: 3 enn sá grimmastr, er þeir Gunnari,
Verse: 4 fránir ormar, til fiors scriðo;
Verse: 5 enn sá hvassastr, er til hiarta
Verse: 6 konung óblauðan qviqvan scáro.
Strophe: 18
Verse: 1 Fiolð man ec bǫlva . . .
Verse: 2 Beittu, Sigurðr, inn blacca mar,
Verse: 3 hest inn hraðfora, láttu hinig renna!
Verse: 4 sitr eigi hér snør né dóttir,
Verse: 5 sú er Guðrúno gæfi hnossir.
Strophe: 19
Verse: 1 Minnztu, Sigurðr, hvat við mæltom,
Verse: 2 þá er við á beð bæði sátom,
Verse: 3 at þú myndir mín, móðugr, vitia,
Verse: 4 halr, ór helio, enn ec þín ór heimi.
Strophe: 20
Verse: 1 Hlaðit ér, iarlar, eikikǫstinn,
Verse: 2 látið þann und hilmi hæstan verða!
Verse: 3 megi brenna brióst bǫlvafult eldr,
Verse: 4 . . . . um hiarta þiðni sorgir!"
Strophe: 21
Verse: 1 Iorlom ǫllom óðal batni,
Verse: 2 snótom ǫllom sorg at minni,
Verse: 3 at þetta tregróf um talið væri.
Verse: 1 Sprutto á tái tregnar íðir,
Verse: 2 groti álfa in glýstǫmo;
Verse: 3 ár um morgin manna bǫlva
Verse: 4 sútir hveriar sorg um qveyqva.
Strophe: 2
Verse: 1 Vara þat nú né í gær,
Verse: 2 þat hefir langt liðit síðan,
Verse: 3 er fát fornara, fremr var þat hálfo,
Verse: 4 er hvatti Guðrún, Giúca borin,
Verse: 5 sono sína unga at hefna Svanhildar.
Strophe: 3
Verse: 1 "Systir var yccor Svanhildr um heitin,
Verse: 2 sú er Iormunreccr ióm um traddi,
Verse: 3 hvítom oc svortom, á hervegi,
Verse: 4 grám, gangtǫmom Gotna hrossom.
Strophe: 4
Verse: 1 Eptir er ycr þrungit þióðkonunga,
Verse: 2 lifið einir ér þátta ættar minnar.
Strophe: 5
Verse: 1 Einstoð em ec orðin sem ǫsp í holti,
Verse: 2 fallin at frondom sem fura at qvisti,
Verse: 3 vaðin at vilia sem viðr at laufi,
Verse: 4 þá er in qvistscoða kømr um dag varman."
Strophe: 6
Verse: 1 Hitt qvað þá Hamðir, inn hugomstóri:
Verse: 2 "Lítt myndir þú þá, Guðrún, leyfa dáð Hǫgna,
Verse: 3 er þeir Sigurð svefni ór vǫcþo,
Verse: 4 saztu á beð, enn banar hlógo.
Strophe: 7
Verse: 1 Bocr vóro þínar, inar bláhvíto,
Verse: 2 ofnar vǫlondom, fluto í vers dreyra.
Verse: 3 Svalt þá Sigurðr, saztu yfir dauðom,
Verse: 4 glýia þú né gáðir, Gunnarr þér svá vildi.
Strophe: 8
Verse: 1 Atla þóttiz þú stríða at Erps morði
Verse: 2 oc at Eitils aldrlagi, þat var þér enn verra;
Verse: 3 svá scyldi hverr ǫðrom veria til aldrlaga
Verse: 4 sverði sárbeito, at sér né stríddit."
Strophe: 9
Verse: 1 Hitt qvað þá Sǫrli - svinna hafði hann hyggio -:
Verse: 2 "Vilcat ec við móður málom scipta;
Verse: 3 orðz þiccir enn vant ycro hváro:
Verse: 4 hvers biðr þú nú, Guðrún, er þú at gráti né færat?
Strophe: 10
Verse: 1 Broðr grát þú þína oc buri svása,
Verse: 2 niðia náborna, leidda nær rógi;
Verse: 3 ocr scaltu oc, Guðrún, gráta báða,
Verse: 4 er hér sitiom feigir á mǫrom, fiarri munom deyia."
Strophe: 11
Verse: 1 Gengo ór garði, gorvir at eiscra,
Verse: 2 liðo þá yfir, ungir, úrig fioll,
Verse: 3 mǫroni húnlenzcom, morðz at hefna.
Strophe: 14
Verse: 1 Þá qvað þat Erpr eino sinni
Verse: 2 - mærr um léc á mars baki -:
Verse: 3 "Illt er blauðom hal brautir kenna."
Verse: 4 Kóðo harðan mioc hornung vera.
Strophe: 12
Verse: 1 Fundo á stræti stórbrǫgðóttan:
Verse: 2 "Hvé mun iarpscammr ocr fultingia?"
Strophe: 13
Verse: 1 Svaraði inn sundrmoðri, svá qvaz veita mundo
Verse: 2 fulting frondom, sem fótr ǫðrom.
Verse: 3 "Hvat megi fótr foti veita,
Verse: 4 né holdgróin hǫnd annarri?"
Strophe: 15
Verse: 1 Drógo þeir ór scíði scíðiiárn,
Verse: 2 mækis eggiar, at mun flagði;
Verse: 3 þverðo þeir þrótt sinn at þriðiungi,
Verse: 4 léto mǫg ungan til moldar hníga.
Strophe: 16
Verse: 1 Scóco loða, scálmir festo,
Verse: 2 oc goðbornir smugo í guðvef.
Strophe: 17
Verse: 1 Fram lágo brautir, fundo vástígo
Verse: 2 oc systor son sáran á meiði,
Verse: 3 vargtré vindkǫld vestan boiar;
Verse: 4 trýtti æ trǫno hvǫt, títt varat biðia.
Strophe: 18
Verse: 1 Glaumr var í hǫllo, halir ǫlreifir,
Verse: 2 oc til Gota ecci gerðot heyra,
Verse: 3 áðr halr hugfullr í horn um þaut.
Strophe: 19
Verse: 1 Segia fóro Iormunrecci,
Verse: 2 at sénir vóro seggir und hiálmom:
Verse: 3 "Roðit ér um ráð! ríkir ero komnir,
Verse: 4 fyr mátcom hafið ér mǫnnom mey um tradda."
Strophe: 20
Verse: 1 Hló þá Iormunreccr, hendi drap á kampa,
Verse: 2 beiddiz at brǫngo, bǫðvaðiz at víni;
Verse: 3 scóc hann scǫr iarpa, sá á sciold hvítan,
Verse: 4 lét hann sér í hendi hvarfa ker gullit.
Strophe: 21
Verse: 1 "Sæll ec þá þottomc, ef ec siá knætta
Verse: 2 Hamði oc Sǫrla í hǫllo minni;
Verse: 3 buri mynda ec þá binda með boga strengiom,
Verse: 4 góð born Giúca, festa á gálga."
Strophe: 22
Verse: 1 Hitt qvað þá Hróðrglǫð, stóð uf hléðom,
Verse: 2 mæfingr mælti við mǫg þenna:
Verse: 3 "Þvíat þat heita, at hlýðigi myni;
Verse: 4 mega tveir menn einir tío hundruð Gotna
Verse: 5 binda eða beria í borg inni há?"
Strophe: 23
Verse: 1 Styrr varð í ranni, stucco ǫlscálir,
Verse: 2 í blóði bragnar lágo, komið ór briósti Gotna.
Strophe: 24
Verse: 1 Hitt qvað þá Hamðir, inn hugomstóri:
Verse: 2 "Æstir, Iormunreccr, occarrar qvámo,
Verse: 3 broðra sammoðra, innan borgar þinnar.
Verse: 4 Fotr sér þú þína, hǫndom sér þú þínom,
Verse: 5 Iormunreccr, orpit í eld heitan."
Strophe: 25
Verse: 1 Þá hraut við inn reginkunngi,
Verse: 2 baldr í brynio, sem biorn hryti:
Verse: 3 "Grýtið ér á gumna, allz geirar né bíta,
Verse: 4 eggiar né iárn, Iónacrs sono."
Strophe: 26
Verse: 1 Hitt qvað þá Hamðir, inn hugomstóri:
Verse: 2 "Bǫl vanntu, bróðir, er þú þann belg leystir,
Verse: 3 opt ór þeim belg bǫll ráð koma."
Strophe: 27
Verse: 1 "Hug hefðir þú, Hamðir, ef þú hefðir hyggiandi;
Verse: 2 mikils er á mann hvern vant, er manvitz er."
Strophe: 28
Verse: 1 "Af væri nú haufuð, ef Erpr lifði,
Verse: 2 bróðir occarr inn bǫðfrocni, er við á braut
Verse: 3 vágom,
Verse: 4 verr inn vígfrocni - hvǫttomc at dísir -,
Verse: 5 gumi inn gunnhelgi -gorðomz at vígi -.
Strophe: 29
Verse: 1 Ecci hygg ec ocr vera úlfa domi,
Verse: 2 at vit mynim siálfir um sacaz,
Verse: 3 sem grey norna, þau er gráðug ero
Verse: 4 í auðn um alin.
Strophe: 30
Verse: 1 Vel hǫfom við vegit, stǫndom á val Gotna,
Verse: 2 ofan, eggmóðom, sem ernir á qvisti;
Verse: 3 góðs hǫfom tírar fengið, þott scylim nú eða í gær deyia,
Verse: 4 qveldlífir maðr ecci eptir qvið norna."
Strophe: 31
Verse: 1 Þar fell Sǫrli at salar gafli,
Verse: 2 enn Hamðir hné at húsbaki.
Verse: 3 Þetta ero kǫlluð Hamðismál in forno.
Verse: 1 Senn vóro æsir allir á þingi
Verse: 2 oc ásynior allar á máli,
Verse: 3 oc um þat réðo, ríkir tívar,
Verse: 4 hví væri Baldri ballir draumar.
Strophe: 2
Verse: 1 Upp reis Óðinn, alda gautr,
Verse: 2 oc hann á Sleipni sǫðul um lagði;
Verse: 3 reið hann niðr þaðan Niflheliar til,
Verse: 4 motti hann hvelpi, þeim er ór helio kom.
Strophe: 3
Verse: 1 Sá var blóðugr um brióst framan,
Verse: 2 oc galdrs fǫður gó um lengi;
Verse: 3 fram reið Óðinn, foldvegr dunði,
Verse: 4 hann kom at hávo Heliar ranni.
Strophe: 4
Verse: 1 Þá reið Óðinn fyr austan dyrr,
Verse: 2 þar er hann vissi vǫlo leiði;
Verse: 3 nam hann vittugri valgaldr qveða,
Verse: 4 unz nauðig reis, nás orð um qvað:
Strophe: 5
Verse: 1 "Hvat er manna þat, mér ókunnra,
Verse: 2 er mér hefir aukit erfit sinni?
Verse: 3 var ec snivin snióvi oc slegin regni
Verse: 4 oc drifin dǫggo, dauð var ec lengi."
Strophe: 6
Verse: 1 "Vegtamr ec heiti, sonr em ec Valtams;
Verse: 2 segðu mér ór helio - ec man ór heimi -:
Verse: 3 hveim ero beccir baugom sánir,
Verse: 4 flet fagrliga flóð gulli?"
Strophe: 7
Verse: 1 "Hér stendr Baldri of brugginn mioðr,
Verse: 2 scírar veigar, liggr scioldr yfir,
Verse: 3 enn ásmegir í ofvæni.
Verse: 4 Nauðug sagðac, nú mun ec þegia."
Strophe: 8
Verse: 1 "Þegiattu, vǫlva! þic vil ec fregna,
Verse: 2 unz alkunna, vil ec enn vita:
Verse: 3 hverr man Baldri at bana verða
Verse: 4 oc Óðins son aldri ræna?"
Strophe: 9
Verse: 1 "Hǫðr berr hávan hróðrbarin þinig;
Verse: 2 hann man Baldri at bana verða
Verse: 3 oc Óðins son aldri ræna.
Verse: 4 Nauðug sagðac, nú mun ec þegia."
Strophe: 10
Verse: 1 "Þegiattu, vǫlva! þic vil ec fregna,
Verse: 2 unz alkunna, vil ec enn vita:
Verse: 3 hverr man heipt Heði hefnt of vinna,
Verse: 4 eða Baldrs bana á bál vega?"
Strophe: 11
Verse: 1 "Rindr berr Vála í vestrsǫlom,
Verse: 2 sá man Óðins sonr einnættr vega;
Verse: 3 hǫnd um þvær né hǫfuð kembir,
Verse: 4 áðr á bál um berr Baldrs andscota.
Verse: 5 Nauðug sagðac, nú mun ec þegia."
Strophe: 12
Verse: 1 "Þegiattu, vǫlva! þic vil ec fregna,
Verse: 2 unz alkunna, vil ec enn vita:
Verse: 3 hveriar ro þær meyiar, er at muni gráta
Verse: 4 oc á himin verpa hálsa scautom?"
Strophe: 13
Verse: 1 "Ertattu Vegtamr, sem ec hugða,
Verse: 2 heldr ertu Óðinn, aldinn gautr."
Verse: 3 "Ertattu vǫlva, né vís kona,
Verse: 4 heldr ertu þriggia þursa móðir."
Strophe: 14
Verse: 1 "Heim ríð þú, Óðinn, oc ver hróðigr!
Verse: 2 Svá komit manna meirr aptr á vit,
Verse: 3 er lauss Loki líðr ór bǫndom
Verse: 4 oc ragna rǫc riúfendr koma."
Verse: 1 Svá segia menn í fornom sǫgom, at einnhverr af ásom,
Verse: 2 sá er Heimdallr hét, fór ferðar sinnar oc fram með
Verse: 3 sióvarstrǫndo noccorri, kom at einom húsabo oc nefndiz Rígr.
Verse: 4 Eptir þeiri sǫgo er qvæði þetta:
Strophe: 1
Verse: 1 Ár qváðo ganga gronar brautir
Verse: 2 ǫflgan oc aldinn, ás kunnigan,
Verse: 3 ramman oc rǫsqvan, Ríg stíganda.
Strophe: 2
Verse: 1 Gecc hann meirr at þat miðrar brautar,
Verse: 2 kom hann at húsi, hurð var á gætti;
Verse: 3 inn nam at ganga, eldr var á gólfi;
Verse: 4 hión sáto þar, hár, at árni,
Verse: 5 Ái oc Edda, aldinfalda.
Strophe: 3
Verse: 1 Rígr kunni þeim ráð at segia;
Verse: 2 meirr settiz hann miðra fletia,
Verse: 3 enn á hlið hvára hión salkynna.
Strophe: 4
Verse: 1 Þá tóc Edda øcqvinn hleif,
Verse: 2 þungan oc þyccan, þrunginn sáðom;
Verse: 3 bar hon meirr at þat miðra scutla,
Verse: 4 soð var í bolla, setti á bióð;
Verse: 5 var kálfr soðinn, krása beztr;
Verse: 6 reis hann upp þaðan, réz at sofna.
Strophe: 5
Verse: 1 Rígr kunni þeim ráð at segia;
Verse: 2 meirr lagðiz hann miðrar reccio,
Verse: 3 en á hlið hvára hión salkynna.
Strophe: 6
Verse: 1 Þar var hann at þat þriár nætr saman;
Verse: 2 gecc hann meirr at þat miðrar brautar,
Verse: 3 liðo meirr at þat mánuðr nío.
Strophe: 7
Verse: 1 Ióð ól Edda, ióso vatni
Verse: 2 hǫrvi svartan, héto Þræl.
Strophe: 8
Verse: 1 Hann nam at vaxa oc vel dafna;
Verse: 2 var þar á hǫndom hroccit scinn,
Verse: 3 kropnir knúar,
Verse: 4 fingr digrir, fúllict andlit,
Verse: 5 lotr hryggr, langir hælar.
Strophe: 9
Verse: 1 Nam hann meirr at þat magns um kosta,
Verse: 2 bast at binda, byrðar gørva;
Verse: 3 bar hann heim at þat hrís gerstan dag.
Strophe: 10
Verse: 1 Þar kom at garði gengilbeina;
Verse: 2 aurr var á iliom, armr sólbrunninn,
Verse: 3 niðrbiúgt er nef, nefndiz Þír.
Strophe: 11
Verse: 1 Miðra fletia meirr settiz hon;
Verse: 2 sat hiá henni sonr húss;
Verse: 3 roddo oc rýndo, reccio gørðo,
Verse: 4 Þræll oc Þír, þrungin dogr.
Strophe: 12
Verse: 1 Born ólo þau, biuggo oc unðo;
Verse: 2 hygg ec, at héti Hreimr oc Fiósnir,
Verse: 3 Klúrr oc Kleggi, Kefsir, Fúlnir,
Verse: 4 Drumbr, Digraldi, Drǫttr oc Hǫsvir,
Verse: 5 Lútr oc Leggialdi; lǫgðo garða,
Verse: 6 acra tǫddo, unno at svínom,
Verse: 7 geita gætto, grófo torf.
Strophe: 13
Verse: 1 Dotr vóro þær Drumba oc Kumba,
Verse: 2 Øcqvinkálfa oc Arinnefia,
Verse: 3 Ysia oc Ambát, Eikintiasna,
Verse: 4 Tǫtrughypia oc Trǫnobeina;
Verse: 5 þaðan ero komnar þræla ættir.
Strophe: 14
Verse: 1 Gecc Rígr at þat réttar brautir,
Verse: 2 kom hann at hǫllo, hurð var á scíði;
Verse: 3 inn nam at ganga, eldr var á gólfi;
Verse: 4 hión sáto þar, heldo á sýslo.
Strophe: 15
Verse: 1 Maðr telgði þar meið til rifiar;
Verse: 2 var scegg scapat, scǫr var fyrir enni,
Verse: 3 scyrto þrǫngva; scoccr var á gólfi.
Strophe: 16
Verse: 1 Sat þar kona, sveigði rocc,
Verse: 2 breiddi faðm, bió til váðar.
Verse: 3 Sveigr var á hǫfði, smoccr var á bringo,
Verse: 4 dúcr var á hálsi, dvergar á ǫxlom.
Verse: 5 Afi oc Amma átto hús.
Strophe: 17
Verse: 1 Rígr kunni þeim ráð at segia;
Strophe: 19
Verse: 1 reis frá borði, réð at sofna;
Verse: 2 meirr lagðiz hann miðrar reccio,
Verse: 3 en á hlið hvára hión salkynna.
Strophe: 20
Verse: 1 Þar var hann at þat þriár nætr saman;
Verse: 2 gecc hann meirr at þat miðrar brautar,
Verse: 3 liðo meirr at þat mánuðr nío.
Strophe: 21
Verse: 1 Ióð ól Amma, ióso vatni,
Verse: 2 kǫlloðo Karl, kona sveip ripti,
Verse: 3 rauðan oc rióðan, riðoðo augo.
Strophe: 22
Verse: 1 Hann nam at vaxa oc vel dafna;
Verse: 2 øxn nam at temia, arðr at gørva,
Verse: 3 hús at timbra oc hlǫðor smíða,
Verse: 4 karta at gørva oc keyra plóg.
Strophe: 23
Verse: 1 Heim óco þá hanginluclo,
Verse: 2 geitakyrtlo, gipto Karli;
Verse: 3 Snør heitir sú; settiz undir ripti;
Verse: 4 biuggo hión, bauga deildo,
Verse: 5 breiddo blæior oc bú gørðo.
Strophe: 24
Verse: 1 Born ólo þau, biuggo oc unðo;
Verse: 2 hét Halr oc Drengr, Hǫlðr, Þegn oc Smiðr,
Verse: 3 Breiðr, Bóndi, Bundinsceggi,
Verse: 4 Búi oc Boddi, Brattsceggr oc Seggr.
Strophe: 25
Verse: 1 Enn héto svá ǫðrom nǫfnom:
Verse: 2 Snót, Brúðr, Svanni, Svarri, Spracci,
Verse: 3 Flióð, Sprund oc Víf, Feima, Ristill;
Verse: 4 þaðan ero komnar karla ættir.
Strophe: 26
Verse: 1 Gecc Rígr þaðan réttar brautir;
Verse: 2 kom hann at sal, suðr horfðo dyrr,
Verse: 3 var hurð hnigin, hringr var í gætti.
Strophe: 27
Verse: 1 Gecc hann inn at þat, gólf var stráð;
Verse: 2 sáto hión, sáz í augo,
Verse: 3 Faðir oc Móðir, fingrom at leica.
Strophe: 28
Verse: 1 Sat húsgumi oc sneri streng,
Verse: 2 álm of bendi, ǫrvar scepti;
Verse: 3 enn húskona hugði at ǫrmom,
Verse: 4 strauc of ripti, sterti ermar.
Strophe: 29
Verse: 1 Keisti fald, kinga var á bringo,
Verse: 2 síðar sloðor, serc bláfán;
Verse: 3 brún biartari, brióst liósara,
Verse: 4 háls hvítari hreinni miollo.
Strophe: 30
Verse: 1 Rígr kunni þeim ráð at segia;
Verse: 2 meirr settiz hann miðra fletia,
Verse: 3 enn á hlið hvára hión salkynna.
Strophe: 31
Verse: 1 Þá tóc Móðir merctan dúc,
Verse: 2 hvítan af hǫrvi, hulði bióð;
Verse: 3 hon tóc at þat hleifa þunna,
Verse: 4 hvíta af hveiti, oc hulði dúc.
Strophe: 32
Verse: 1 Fram setti hon scutla fulla,
Verse: 2 silfri varða, setti á bióð,
Verse: 3 fán oc flesci oc fugla steicta;
Verse: 4 vín var í kǫnno, varðir kálcar;
Verse: 5 drucco oc domðo, dagr var á sinnom.
Strophe: 33
Verse: 1 Rígr kunni þeim ráð at segia.
Verse: 2 Reis Rígr at þat, reccio gerði;
Verse: 3 þar var hann at þat þriár nætr saman;
Verse: 4 gecc hann meirr at þat miðrar brautar,
Verse: 5 liðo meirr at þat mánuðr nío.
Strophe: 34
Verse: 1 Svein ól Móðir, silki vafði,
Verse: 2 ióso vatni, Iarl léto heita;
Verse: 3 bleict var hár, biartir vangar,
Verse: 4 ǫtul vóro augo sem yrmlingi.
Strophe: 35
Verse: 1 Upp óx þar Iarl á fletiom;
Verse: 2 lind nam at scelfa, leggia strengi,
Verse: 3 álm at beygia, ǫrvar scepta,
Verse: 4 flein at fleygia, frǫccor dýia,
Verse: 5 hestom ríða, hundom verpa,
Verse: 6 sverðom bregða, sund at fremia.
Strophe: 36
Verse: 1 Kom þar ór runni Rígr gangandi,
Verse: 2 Rígr gangandi, rúnar kendi;
Verse: 3 sitt gaf heiti, son kvez eiga;
Verse: 4 þann bað hann eignaz óðalvǫllo,
Verse: 5 óðalvǫllo, aldnar bygðir.
Strophe: 37
Verse: 1 Reið hann meirr þaðan myrcan við,
Verse: 2 hélug fioll, unz at hǫllo kom;
Verse: 3 scapt nam at dýia, scelfði lind,
Verse: 4 hesti hleypti oc hiorvi brá;
Verse: 5 víg nam at vekia, vǫll nam at rióða,
Verse: 6 val nam at fella, vá til landa.
Strophe: 38
Verse: 1 Réð hann einn at þat átián búom.
Verse: 2 Auð nam scipta, ǫllom veita
Verse: 3 meiðmar oc mǫsma, mara svangrifia;
Verse: 4 hringom hreytti, hió sundr baug.
Strophe: 39
Verse: 1 Óco ærir úrgar brautir,
Verse: 2 kómo at hǫllo, þar er Hersir bió;
Verse: 3 motti hann miófingraðri,
Verse: 4 hvítri oc horscri, héto Erno.
Strophe: 40
Verse: 1 Báðo hennar oc heim óco,
Verse: 2 gipto Iarli, gecc hon und líni;
Verse: 3 saman biuggo þau oc sér unðo,
Verse: 4 ættir ióco oc aldrs nuto.
Strophe: 41
Verse: 1 Burr var inn elzti, enn Barn annat,
Verse: 2 Ióð oc Aðal, Arfi, Mǫgr,
Verse: 3 Niðr oc Niðiungr - námo leica -,
Verse: 4 Sonr oc Sveinn - sund oc tafl -;
Verse: 5 Kundr hét einn, Konr var inn yngsti.
Strophe: 42
Verse: 1 Upp óxo þar Iarli bornir;
Verse: 2 hesta tǫmðo, hlífar bendo,
Verse: 3 sceyti scófo, scelfðo asca.
Strophe: 43
Verse: 1 Enn Konr ungr kunni rúnar,
Verse: 2 ævinrúnar oc aldrrúnar;
Verse: 3 meirr kunni hann mǫnnom biarga,
Verse: 4 eggiar deyfa, ægi lægia.
Strophe: 44
Verse: 1 Klǫc nam fugla, kyrra elda, .
Verse: 2 sæva of svefia, sorgir lægia,
Verse: 3 afl oc eliun átta manna.
Strophe: 45
Verse: 1 Hann við Ríg iarl rúnar deildi,
Verse: 2 brǫgðom beitti oc betr kunni;
Verse: 3 þá ǫðlaðiz oc þá eiga gat
Verse: 4 Rígr at heita, rúnar kunna.
Strophe: 46
Verse: 1 Reið Konr ungr kiorr oc scóga,
Verse: 2 kólfi fleygði, kyrði fugla.
Strophe: 47
Verse: 1 Þá qvað þat kráca - sat qvisti ein -:
Verse: 2 "Hvat scaltu, Konr ungr, kyrra fugla?
Verse: 3 heldr mætti þér hestom ríða
Verse: 4 oc her fella.
Strophe: 48
Verse: 1 Á Danr oc Danpr dýrar hallir,
Verse: 2 oðra óðal, enn ér hafit;
Verse: 3 þeir kunno vel kiól at ríða,
Verse: 4 egg at kenna, undir riúfa."
Verse: 1 Hér hefr upp Hyndlolióð, qveðit um Óttar heimsca.
Strophe: 1
Verse: 1 "Vaki, mær meyia, vaki, mín vina,
Verse: 2 Hyndla systir, er í helli býr!
Verse: 3 nú er rǫcr rǫcra, ríða við scolom
Verse: 4 til Valhallar oc til vés heilags.
Strophe: 2
Verse: 1 Biðiom Heriafǫðr í hugom sitia!
Verse: 2 hann geldr oc gefr gull verðugom;
Verse: 3 gaf hann Hermóði hiálm oc brynio,
Verse: 4 enn Sigmundi sverð at þiggia.
Strophe: 3
Verse: 1 Gefr hann sigr sumom, enn sumom aura,
Verse: 2 mælsco mǫrgom oc manvit firom;
Verse: 3 byri gefr hann brǫgnom, enn brag scáldom,
Verse: 4 gefr hann mansemi mǫrgom recci.
Strophe: 4
Verse: 1 Þór mun hon blóta, þess mun hon biðia,
Verse: 2 at hann æ við þic einart láti;
Verse: 3 þó er honom ótítt við iotuns brúðir.
Strophe: 5
Verse: 1 Nú tactu úlf þinn einn af stalli,
Verse: 2 lát hann renna með runa mínom!"
Verse: 3 "Seinn er gǫltr þinn goðveg troða,
Verse: 4 vil ec ei mar minn mætan hloða.
Strophe: 6
Verse: 1 Flá ertu, Freyia, er þú freistar mín,
Verse: 2 vísar þú augom á oss þannig,
Verse: 3 er þú hefr ver þinn í valsinni,
Verse: 4 Óttar iunga, Innsteins bur." .
Strophe: 7
Verse: 1 "Dulin ertu, Hyndla, draums ætlig þér,
Verse: 2 er þú qveðr ver minn í valsinni,
Verse: 3 þar er gǫltr glóar, gullinbursti,
Verse: 4 Hildisvíni, er mér hagir gørðo,
Verse: 5 dvergar tveir, Dáinn oc Nabbi.
Strophe: 8
Verse: 1 Sennom við ǫr sǫðlom! sitia við scolom
Verse: 2 oc um iofra ættir doma,
Verse: 3 gumna þeira, er frá goðom qvómo.
Strophe: 9
Verse: 1 Þeir hafa veðiat valamálmi,
Verse: 2 Óttarr iungi oc Angantýr;
Verse: 3 scylt er at veita, svá at scati inn ungi
Verse: 4 fǫðurleifð haf eptir frondr sína.
Strophe: 10
Verse: 1 Hǫrg hann mér gerði, hlaðinn steinom,
Verse: 2 nú er griót þat at gleri orðit;
Verse: 3 rauð hann í nýio nauta blóði,
Verse: 4 æ trúði Óttarr á ásynior.
Strophe: 11
Verse: 1 Nú láttu forna niðia talða
Verse: 2 oc upp bornar ættir manna:
Verse: 3 hvat er Scioldunga, hvat er Scilfinga,
Verse: 4 hvat er Ǫðlinga, hvat er Ylfinga,
Verse: 5 hvat er hǫlðborit, hvat er hersborit,
Verse: 6 mest manna val und miðgarði?"
Strophe: 12
Verse: 1 "Þú ert, Óttarr, borinn Innsteini,
Verse: 2 enn Innsteinn var Álfi inom gamla,
Verse: 3 Álfr var Úlfi, Úlfr Sæfara,
Verse: 4 enn Sæfari Svan inom rauða.
Strophe: 13
Verse: 1 Móður átti faðir þinn meniom gǫfga,
Verse: 2 hygg ec at hon héti Hlédís gyðia;
Verse: 3 Fróði var faðir þeirar, enn Friaut móðir,
Verse: 4 ǫll þótti ætt sú með yfirmǫnnom.
Strophe: 14
Verse: 1 Áli var áðr ǫflgastr manna,
Verse: 2 Hálfdan fyrri, hæstr Scioldunga;
Verse: 3 fræg vóro fólcvíg, þau er framir gerðo,
Verse: 4 hvarfla þótto hans verc með himins scautom.
Strophe: 15
Verse: 1 Eflðiz hann við Eymund, oztan manna,
Verse: 2 enn hann Sigtrygg sló með svǫlom eggiom;
Verse: 3 eiga gecc Álmveig, ozta kvinna,
Verse: 4 ólo þau oc átto átián sono.
Strophe: 16
Verse: 1 Þaðan ero Scioldungar, þaðan ero Scilfingar,
Verse: 2 þaðan Ǫðlingar, þaðan Ynglingar,
Verse: 3 þaðan hǫlðborit, þaðan hersborit,
Verse: 4 mest manna val und miðgarði;
Verse: 5 alt er þat ætt þín, Óttarr heimsci.
Strophe: 17
Verse: 1 Var Hildigunn hennar móðir,
Verse: 2 Svóvo barn oc Sækonungs;
Verse: 3 alt er þat ætt þín, Óttarr heimsci;
Verse: 4 varðar, at viti svá, viltu enn lengra?
Strophe: 18
Verse: 1 Dagr átti Þóro, drengiamóður;
Verse: 2 óluz í ætt þar oztir kappar:
Verse: 3 Fraðmarr oc Gyrðr oc Frecar báðir,
Verse: 4 Ámr oc Iosurmarr, Álfr inn gamli;
Verse: 5 varðar, at viti svá, viltu enn lengra?
Strophe: 19
Verse: 1 Ketill hét vinr þeira, Klypps arfþegi"
Verse: 2 var hann móðurfaðir móður þinnar;
Verse: 3 þar var Fróði fyrr enn Kári,
Verse: 4 inn eldri var Álfr um getinn.
Strophe: 20
Verse: 1 Nanna var næst þar, Nǫcqva dóttir,
Verse: 2 var mǫgr hennar mágr þíns fǫður;
Verse: 3 fyrnd er sú mægð, fram tel ec lengra;
Verse: 4 kunna ec báða Brodd oc Hǫrvi;
Verse: 5 alt er þat ætt þín, Óttarr heimsci.
Strophe: 21
Verse: 1 Ásólfr oc Ísólfr, Ǫlmóðs synir
Verse: 2 oc Scúrhildar, Sceccils dóttur,
Verse: 3 scaltu til telia scatna margra;
Verse: 4 alt er þat ætt þín, Óttarr heimsci.
Strophe: 22
Verse: 1 Gunnarr bálcr, Grímr arðscafi,
Verse: 2 iárnscioldr Þórir, Úlfr gínandi,
Strophe: 23
Verse: 1 Búi oc Brámi, Barri oc Reifnir,
Verse: 2 Tíndr oc Tyrfingr oc tveir Haddingiar;
Verse: 3 alt er þat ætt þín, Óttarr heimsci.
Strophe: 24
Verse: 1 Áni, Ómi óro bornir,
Verse: 2 Arngríms synir oc Eyfuro;
Verse: 3 brǫcon berserkia bǫls margskonar,
Verse: 4 um lǫnd oc um lǫg, sem logi fori;
Verse: 5 alt er þat ætt þín, Óttarr heimsci.
Strophe: 25
Verse: 1 Kunna ec báða Brodd oc Hǫrvi;
Verse: 2 vóro þeir í hirð Hrólfs ins gamla,
Verse: 3 allir bornir frá Iormunreki,
Verse: 4 Sigurðar mági - hlýð þú sǫgo minni! -,
Verse: 5 fólcom grimms, þess er Fáfni vá.
Strophe: 26
Verse: 1 Sá var vísir frá Vǫlsungi,
Verse: 2 oc Hiordís frá Hrauðungi,
Verse: 3 enn Eylimi frá Ǫðlingom;
Verse: 4 alt er þat ætt þín, Óttarr heimsci.
Strophe: 27
Verse: 1 Gunnarr oc Hǫgni, Giúca arfar,
Verse: 2 oc iþ sama Guðrún, systir þeira;
Verse: 3 eigi var Guthormr Giúca ættar,
Verse: 4 þó var hann bróðir beggia þeira;
Verse: 5 alt er þat ætt þín, Óttarr heimsci.
Strophe: 28
Verse: 1 Haraldr hilditǫnn, borinn Hroreki,
Verse: 2 sløngvanbauga, sonr var hann Auðar,
Verse: 3 Auðr diúpauðga Ívars dóttir,
Verse: 4 enn Ráðbarðr var Randvés faðir;
Verse: 5 þeir vóro gumnar goðom signaðir;
Verse: 6 alt er þat ætt þín, Óttarr heimsci.
Strophe: 29
Verse: 1 Vóro ellifo æsir talðir,
Verse: 2 Baldr er hné við banaþúfo;
Verse: 3 þess léz Váli verðr at hefna,
Verse: 4 síns bróður sló hann handbana;
Verse: 5 alt er þat ætt þín, Óttarr heimsci.
Strophe: 30
Verse: 1 Var Baldrs faðir Burs arfþegi,
Verse: 2 Freyr átti Gerði, hon var Gymis dóttir,
Verse: 3 iotna ættar, oc Aurboðo;
Verse: 4 þó var Þiazi þeira frondi,
Verse: 5 scautgiarn iotunn, hans var Scaði dóttir.
Strophe: 31
Verse: 1 Mart segiom þér oc munom fleira,
Verse: 2 vǫromz, at viti svá, viltu enn fleira?
Strophe: 32
Verse: 1 Haki var Hvæðno hóti beztr sona,
Verse: 2 enn Hvæðno var Hiorvarðr faðir,
Verse: 3 Heiðr oc Hrossþiófr Hrímnis kindar.
Strophe: 33
Verse: 1 Ero vǫlor allar frá Viðólfi,
Verse: 2 vitcar allir frá Vilmeiði,
Verse: 3 enn seiðberendr frá Svarthǫfða,
Verse: 4 iotnar allir frá Ymi komnir.
Strophe: 34
Verse: 1 Mart segiom þér oc munom fleira,
Verse: 2 vǫromz, at viti svá, viltu enn lengra?
Strophe: 35
Verse: 1 Varð einn borinn í árdaga,
Verse: 2 rammaukinn mioc, rǫgna kindar;
Verse: 3 nío báro þann, naðgǫfgan mann,
Verse: 4 iotna meyiar við iarðar þrǫm.
Strophe: 36
Verse: 1 Mart segiom þér oc munom fleira,
Verse: 2 vǫromz, at viti svá, viltu enn lengra?
Strophe: 37
Verse: 1 Hann Giálp um bar, hami Greip um bar,
Verse: 2 bar hann Eistla oc Eyrgiafa;
Verse: 3 hann bar Úlfrún oc Angeyia,
Verse: 4 Imðr oc Atla oc Iárnsaxa.
Strophe: 38
Verse: 1 Sá var aukinn iarðar megni,
Verse: 2 svalkǫldom sæ oc sonardreyra.
Strophe: 39
Verse: 1 Mart segiom þér oc munom fleira,
Verse: 2 vǫromz, at viti svá, viltu enn lengra?
Strophe: 40
Verse: 1 Ól úlf Loki við Angrboðo,
Verse: 2 enn Sleipni gat við Svaðilfara;
Verse: 3 eitt þótti scass allra feicnast,
Verse: 4 þat var bróður frá Býleistz komit.
Strophe: 41
Verse: 1 Loki át af hiarta lindi brendo,
Verse: 2 fann hann hálfsviðinn hugstein kono;
Verse: 3 varð Loptr qviðugr af kono illri,
Verse: 4 þaðan er á foldo flagð hvert komit.
Strophe: 42
Verse: 1 Haf gengr hríðom við himin siálfan,
Verse: 2 líðr lǫnd yfir, enn lopt bilar;
Verse: 3 þaðan koma snióvar oc snarir vindar;
Verse: 4 þá er í ráði, at regn um þrióti.
Strophe: 43
Verse: 1 Varð einn borinn ǫllom meiri,
Verse: 2 sá var aukinn iarðar megni;
Verse: 3 þann qveða stilli stórauðgastan,
Verse: 4 sif sifiaðan siotom gørvǫllom.
Strophe: 44
Verse: 1 Þá kemr annarr, enn mátcari,
Verse: 2 þó þori ec eigi þann at nefna;
Verse: 3 fáir siá nú fram um lengra,
Verse: 4 enn Óðinn man úlfi mota."
Strophe: 45
Verse: 1 "Ber þú minnisǫl mínom gelti,
Verse: 2 svát hann ǫll muni orð at tína
Verse: 3 þessar roðo á þriðia morni,
Verse: 4 þá er þeir Angantýr ættir rekia."
Strophe: 46
Verse: 1 "Snúðu burt heðan! sofa lystir mic,
Verse: 2 fær þú fát af mér fríðra kosta;
Verse: 3 hleypr þú, eðlvina, úti á náttom,
Verse: 4 sem með hǫfrom Heiðrún fari.
Strophe: 47
Verse: 1 Rannt at Oði ey þreyiandi,
Verse: 2 scutuz þér fleiri und fyrirscyrto;
Verse: 3 hleypr þú, eðlvina, úti á náttom,
Verse: 4 sem með hǫfrom Heiðrún fari."
Strophe: 48
Verse: 1 "Ec slæ eldi of íviðio,
Verse: 2 svá at þú eigi kemz á burt heðan."
Strophe: 49
Verse: 1 "Hyr sé ec brenna, enn hauðr loga,
Verse: 2 verða flestir fiorlausn þola;
Verse: 3 ber þú Óttari biór at hendi,
Verse: 4 eitri blandinn mioc, illo heili!"
Strophe: 50
Verse: 1 "Orðheill þín scal engo ráða,
Verse: 2 þóttu, brúðr iotuns, bǫlvi heitir;
Verse: 3 hann scal drecca dýrar veigar,
Verse: 4 bið ec Óttari ǫll goð duga."
Verse: 1 Nú ero komnar til konungs húsa
Verse: 2 framvísar tvær, Fenia ok Menia;
Verse: 3 þær ro at Fróða, Friðleifs sonar,
Verse: 4 mátcar meyiar, at mani hafðar.
Strophe: 2
Verse: 1 Þær at lúðri leiddar vóro,
Verse: 2 ok grióz griá gangs of beiddo;
Verse: 3 hét hann hvárigri hvíld né ynði,
Verse: 4 áðr hann heyrði hlióm ambátta.
Strophe: 3
Verse: 1 Þær þyt þulo þǫgnhorfinnar:
Verse: 2 "leggiom lúðra, léttom steinom!"
Verse: 3 bað hann enn meyiar, at þær mala scyldo.
Strophe: 4
Verse: 1 Sungo oc slungo snúðgasteini,
Verse: 2 svá at Fróða man flest sofnaði;
Verse: 3 þá qvað þat Menia, var til meldrs komin:
Strophe: 5
Verse: 1 "Auð mǫlom Fróða. mǫlom alsælan,
Verse: 2 mǫlom fiolð fiár á feginslúðri!
Verse: 3 siti hann á auði, sofi hann á dúni,
Verse: 4 vaki hann at vilia! þá er vel malit.
Strophe: 6
Verse: 1 Hér scyli engi ǫðrom granda,
Verse: 2 til bǫls búa né til bana orca,
Verse: 3 né hǫggvagi hvǫsso sverði,
Verse: 4 þóat bana bróður bundinn finni."
Strophe: 7
Verse: 1 Enn hann ecci qvað orð it fyrra:
Verse: 2 "Sofið eigi it né of sal gaucar,
Verse: 3 eða lengr, enn svát lióð eitt qveðac."
Strophe: 8
Verse: 1 "Vartattu, Fróði, fullspacr of þic,
Verse: 2 málvinr manna, er þú man keyptir;
Verse: 3 kaustu at afli oc at álitom,
Verse: 4 enn at ætterni ecci spurðir.
Strophe: 9
Verse: 1 Harðr var Hrungnir oc hans faðir,
Verse: 2 þó var Þiazi þeim ǫflgari;
Verse: 3 Iði oc Aurnir, ocrir niðiar,
Verse: 4 broðr bergrisa, þeim erom bornar.
Strophe: 10
Verse: 1 Komia Grotti ór griá fialli,
Verse: 2 né sá inn harði hallr ór iorðo,
Verse: 3 né moli svá mær bergrisa,
Verse: 4 ef vissi vit vætr til hennar.
Strophe: 11
Verse: 1 Vér vetr nío vórom leicor,
Verse: 2 ǫflgar, alnar fyr iorð neðan;
Verse: 3 stóðo meyiar at meginvercom,
Verse: 4 forðom siálfar setberg ór stað.
Strophe: 12
Verse: 1 Veltom grióti of garð risa,
Verse: 2 svá at fold fyrir fór sciálfandi;
Verse: 3 svá sløngðom vit snúðgasteini
Verse: 4 hǫfgahalli, at halir tóco.
Strophe: 13
Verse: 1 Enn vit síðan á Svíðióðo,
Verse: 2 framvísar tvær, í fólc stigom;
Verse: 3 beittom biorno, enn brutom scioldo,
Verse: 4 gengom í gegnom gráserkiat lið.
Strophe: 14
Verse: 1 Steypþom stilli, studdom annan,
Verse: 2 veittom góðom Gothormi lið;
Verse: 3 vara kyrrseta, áðr Knúi felli.
Strophe: 15
Verse: 1 Fram heldom því þau misseri,
Verse: 2 at vit at kǫppom kendar vórom;
Verse: 3 þar scorðo vit scǫrpom geirom
Verse: 4 blóð ór beniom oc brand ruðom.
Strophe: 16
Verse: 1 Nú erom komnar til konungs húsa,
Verse: 2 miskunnlausar, oc at mani hafðar;
Verse: 3 aurr etr iliar, enn ofan kulði,
Verse: 4 drǫgom dólgs siotul; daprt er at Fróða.
Strophe: 17
Verse: 1 Hendr scolo hvílaz, hallr standa mun.
Verse: 2 malit hefi ec fyr mic mitt of leiti."
Verse: 3 "Munoma hǫndom hvíld vel gefa,
Verse: 4 áðr fullmalit Fróða þicci.
Strophe: 18
Verse: 1 Hendr scolo hǫndla harðar triónor,
Verse: 2 vápn valdreyrug, vaki þú, Fróði!
Verse: 3 vaki þú, Fróði, ef þú vill hlýða
Verse: 4 sǫngom ocrom oc sǫgom fornom.
Strophe: 19
Verse: 1 Eld sé ec brenna fyr austan borg,
Verse: 2 vígspioll vaca, þat mun viti kallaðr;
Verse: 3 mun herr koma hinig af bragði
Verse: 4 oc brenna bo fyr buðlungi.
Strophe: 20
Verse: 1 Munat þú halda Hleiðrar stóli,
Verse: 2 rauðom hringom né regingrióti.
Verse: 3 Tǫcom á mǫndli, mær, scarpara!
Verse: 4 eroma varmar í valdreyra.
Strophe: 21
Verse: 1 Mól míns fǫður mær ramliga,
Verse: 2 þvíat hon feigð fira fiolmargra sá;
Verse: 3 stucco stórar støðr frá lúðri,
Verse: 4 iárni varðar, mǫlom enn framarr!
Strophe: 22
Verse: 1 Mǫlom enn framarr! mun Yrso sonr
Verse: 2 við Hálfdana hefna Fróða;
Verse: 3 sá mun hennar heitinn verða
Verse: 4 burr oc bróðir; vitom báðar þat."
Strophe: 23
Verse: 1 Mólo meyiar, megins kostoðo,
Verse: 2 óro ungar í iotunmóði;
Verse: 3 sculfo scaptré, scauz lúðr ofan,
Verse: 4 hraut inn hǫfgi hallr sundr í tvau.
Strophe: 24
Verse: 1 Enn bergrisa brúðr orð um qvað:
Verse: 2 "Malit hǫfom, Fróði, sem munom hætta,
Verse: 3 hafa fullstaðit flióð at meldri."
Verse: 1 Hlǫðr var þar borinn í Húnalandi,
Verse: 2 saxi oc með sverði, síðri brynio,
Verse: 3 hiálmi hringreifðom, hvǫssom mæki,
Verse: 4 mari vel tǫmom á mǫrc inni helgo.
Verse: 5 Nú spyrr Hlǫðr fráfall fǫður síns, oc þat með, at
Verse: 6 Angantýr bróðir hans var til konungs tekinn yfir alt þat ríki,
Verse: 7 sem faðir þeira hafði átt. Nú vilia þeir Humli konungr oc
Verse: 8 Hlǫðr, at hann fari at krefia arfs Angantý bróður sinn,
Verse: 9 fyrst með góðom orðom, sem hér segir:
Strophe: 2
Verse: 1 Hlǫðr reið austan, Heiðrecs arfi,
Verse: 2 kom hann at garði, þar er Gotar byggia,
Verse: 3 á Árheima, arfs at qveðia;
Verse: 4 þar dracc Angantýr erfi Heiðrecs konungs.
Strophe: 3
Verse: 1 Segg fann hann úti fyr sal hávom,
Verse: 2 oc síðfǫrlan síðan qvaddi:
Verse: 3 "Inn gacctu, seggr, í sal hávan,
Verse: 4 bið mér Angantý annspioll bera!"
Verse: 5 Maðrinn gecc inn fyrir konunginn oc qvað:
Strophe: 4
Verse: 1 "Hér er Hlǫðr kominn, Heiðrecs arfþegi,
Verse: 2 bróðir þinn inn bǫðscái;
Verse: 3 mikill er sá maðr ungr á mars baki,
Verse: 4 vill nú, þióðann, við þic tala."
Verse: 5 Enn er konungr heyrði þetta, þá varpaði hann knífinom
Verse: 6 á borðit, enn sté undan borðino oc steypti yfir sic brynio,
Verse: 7 oc hvítan sciold í hǫnd, enn sverðit Tyrfing í aðra hǫnd.
Verse: 8 Þá gerðiz gnýr mikill í hǫllinni, sem hér segir:
Strophe: 5
Verse: 1 Rymr var í ranni, riso með góðom,
Verse: 2 vildi hverr heyra, hvat Hlǫðr mælti,
Verse: 3 oc þat er Angantýr annsvor veitti.
Verse: 4 Þá mælti Angantýr konungr oc qvað:
Strophe: 6
Verse: 1 "Heill kom þú, Hlǫðr, Heiðreki foddr,
Verse: 2 bróðir minn, gacc á becc sitia!
Verse: 3 dreccom Heiðrecs hollar veigar,
Verse: 4 feðr ocrom, fyrstom manna,
Verse: 5 vín eða mioð, hvárt þér vildara þyccir."
Verse: 6 Hlǫðr qvað:
Strophe: 7
Verse: 1 "Til annars vér hingat fórom, enn ǫl at drecca,
Verse: 2 eða þiggia, þióðann, þínar veigar.
Strophe: 8
Verse: 1 Hafa víl ec hálft alt, þat er Heiðrecr átti,
Verse: 2 kú oc af kálfi, qvern þiótandi,
Verse: 3 al oc af oddi, einom scatti,
Verse: 4 þý oc af þræli oc þeira barni.
Strophe: 9
Verse: 1 Hrís þat it mæta, er Myrcviðr heitir,
Verse: 2 grǫf þá ina góðo, er stendr á gǫto þióðar,
Verse: 3 steinn þann inn fagra, er stendr á stǫðom Danpar,
Verse: 4 hálfar herváðir, þær er Heiðrecr átti,
Verse: 5 lǫnd oc lýða oc liósa bauga".
Verse: 6 Þá segir Angantýr: "Eigi ertu til lanz þessa kominn með
Verse: 7 lǫgom, oc rangt viltu bióða." Þá qvað Angantýr:
Strophe: 10
Verse: 1 "Bresta mun fyrr, bróðir, lind in blichvíta,
Verse: 2 oc kaldr geirr koma við annann,
Verse: 3 oc margr gumi í gras hníga,"
Verse: 4 áðr enn ec Tyrfing í tvau deila
Verse: 5 eða þér, Humlungr, hálfan arf gefa.
Strophe: 11
Verse: 1 Ec mun bióða þér fagrar veigar,
Verse: 2 fé oc fiolð meiðma, sem mic fremst tíðir;
Verse: 3 tólf hundruð gef ec þér manna, tólf hundruð gef ec
Verse: 4 þér mara,
Verse: 5 tólf hundruð gef ec þér scálca, þeira er sciold bera.
Strophe: 12
Verse: 1 Manni gef ec hveriom mart at þiggia,
Verse: 2 annat oðra, enn hann á ráði;
Verse: 3 mey gef ec hveriom manni at þiggia,
Verse: 4 meyio spenni ec hverri men at hálsi.
Strophe: 13
Verse: 1 Mun ec um þic sitianda silfri mæla,
Verse: 2 enn ganganda þic gulli steypa,
Verse: 3 svá at á vego alla velti baugar;
Verse: 4 þriðiung Goðþióðar, því scaltu einn ráða."
Verse: 5 Gizurr Grýtingaliði, fóstri Heiðrecs konungs, var þá
Verse: 6 með Angantý konungi, oc var þá ofrgamall. Oc er hann
Verse: 7 heyrði boð Angantýs, þótti hánom hann ofmikit bióða, oc
Verse: 8 qvað þá:
Strophe: 14
Verse: 1 "Þetta er þiggianda þýiar barni,
Verse: 2 barni þýiar, þótt sé borinn konungr;
Verse: 3 þá hornungr á haugi sat,
Verse: 4 er ǫðlingar arf scipto."
Verse: 5 Hlǫðr reiddiz nú mioc, er hann var hornungr kallaðr.
Verse: 6 . Humli spyrr nú alt tal þeira. Varð hann þá reiðr mioc,
Verse: 7 ef Hlǫðr dótturson hans scyldi ambáttarson heita, oc qvað
Verse: 8 þá:
Strophe: 15
Verse: 1 "Sitia scolo vér í vetr oc sælliga lifa,
Verse: 2 drecca oc doma dýrar veigar,
Verse: 3 kenna Húnom hervápn at búa,
Verse: 4 þau er diarfliga scolom fram bera.
Strophe: 16
Verse: 1 Vel scolom vér þér, Hlǫðr, herlið búa
Verse: 2 oc framliga hildi heyia;
Verse: 3 með tólfvetra gǫmlo mengi oc tvævetrom fola,
Verse: 4 svá scal Húna her of safna."
Verse: 5 Þenna vetr sáto þeir Humli oc Hlǫðr um kyrt. Um
Verse: 6 várit drógo þeir her saman svá mikinn, at aleyða var eptir
Verse: 7 vígra manna í Húnalandi. . Sem þessi herr kom saman,
Verse: 8 riðo þeir scóg þann, er Myrcviðr heitir, er scilr Húnaland
Verse: 9 oc Gotaland. Enn sem þeir kómo af scóginom, þá vóro
Verse: 10 bygðir stórar oc vellir sléttir, oc á vǫllonom stóð borg ein
Verse: 11 fǫgr. Enn þar réð fyrir Hervor, systir Angantýs konungs,
Verse: 12 oc Ormarr fóstri hennar. Vóro þau sett þar til landgæzlo
Verse: 13 fyrir her Húna, oc hǫfðo þau þar mikit lið.
Verse: 14 Þat var einn morgon í sólar uprás, at Hervor stóð
Verse: 15 up á kastala einom yfir borgarhliði. Hon sá ióreyki stóra
Verse: 16 suðr til scógarins, svá lǫngom fal sólina. Því næst sá hon
Verse: 17 glóa undir ióreycnom, sem á gull eitt liti, fagra scioldo oc
Verse: 18 gulli lagða, gylta hiálma oc hvítar brynior. Sá hon þá,
Verse: 19 at þetta var herr Húna oc mikill fiolði. Hervor gecc
Verse: 20 ofan scyndilega oc kallar lúðrsvein, oc bað blása saman lið.
Verse: 21 Oc síðan mælti Hervor: "Takið vápn yðor oc búiz til
Verse: 22 orrosto, en þú, Ormarr, ríð í mót Húnom ok bióð þeim
Verse: 23 orrosto fyrir borgarhliði ino syðra".
Verse: 24 Ormarr qvað:
Strophe: 17
Verse: 1 "Scal ec víst ríða oc rǫnd bera .
Verse: 2 Gota þióðom gunni at heyia."
Verse: 3 Þá reið Ormarr af borginni oc í mót hernom. Hann
Verse: 4 kallaði hátt oc bað þá ríða til borgarinnar: "oc úti fyrir
Verse: 5 borgarhliðonom suðr á vǫllonom, þar býð ec yðr til
Verse: 6 orrosto. Bíði þeir þar annarra, er fyrr koma!" . Riðo
Verse: 7 þau nú út af borginni með hernom móti Húnom, oc hófz
Verse: 8 þar allmikil orrosta. Enn með því at Húnar hafa lið miclo
Verse: 9 meira, sneri mannfallino í lið þeira Hervarar. Oc uni síðir
Verse: 10 fell Hervor oc mikit lið umhverfis hiá henni. .
Verse: 11 Ormarr reið dag oc nótt, sem mest mátti hann, á fund
Verse: 12 Angantýs konungs í Árheima. Húnar taca nú at heria
Verse: 13 um landit víða oc brenna. Oc sem Ormarr kom fyrir
Verse: 14 Angantý konung, þá qvað hann:
Strophe: 18
Verse: 1 "Sunnan em ec kominn at segia spioll þessi:
Verse: 2 sviðin er ǫll Myrcheiðr,
Verse: 3 drifin ǫll Goðþióð gumna blóði.
Strophe: 19
Verse: 1 Mey veit ec Heiðrecs,
Verse: 2 systor þína, signa til iarðar;
Verse: 3 hafa Húnar hána felda
Verse: 4 oc marga aðra yðvarra þegna.
Strophe: 20
Verse: 1 Léttari gorðiz hon at bǫð enn við biðil roða,
Verse: 2 at leic ísarna enn at lundar gǫngo."
Verse: 3 Angantýr konungr, þá er hann heyrði þetta, brá hann
Verse: 4 grǫnom oc varð seint til orða oc mælti þetta um síðir:
Strophe: 21
Verse: 1 "Óbróðurliga vartu leikin, in ágæta systir."
Verse: 2 Oc síðan leit hann yfir hirðina, oc var ecci mart. Hann
Verse: 3 qvað þá:
Strophe: 22
Verse: 1 "Mioc vórom vér margir, er vér mioð druccom,
Verse: 2 nú erom vér færi, er vér fleiri scyldom.
Strophe: 23
Verse: 1 Sé ec eigi mann þann í míno liði,
Verse: 2 þótt ec biðia oc baugom kaupa,
Verse: 3 er muni ríða oc rǫnd bera,
Verse: 4 oc þeira Húna herlið finna."
Verse: 5 Gizurr gamli sagði:
Strophe: 24
Verse: 1 "Ec mun þic enscis eyris krefia,
Verse: 2 né sciallanda scarfs ór gulli;
Verse: 3 þó mun ec ríða oc rǫnd bera,
Verse: 4 gumna þióðom gunni at bióða."
Verse: 5 Gizurr herklæddiz með góðom herklæðom oc hlióp á
Verse: 6 hest sinn. Þá mælti hann til konungs:
Strophe: 25
Verse: 1 "Hvar scal ec Húnom hervíg kenna?"
Verse: 2 Angantýr qvað:
Strophe: 26
Verse: 1 "Kendu at Dilgio oc á Dúnheiði
Verse: 2 oc á þeim ǫllom Iassarfiollom!
Verse: 3 þar opt Gotar gunni háðo
Verse: 4 oc fagran sigr frægir vágo."
Verse: 5 Nú reið Gizurr burt oc þar til hann kom í her Húna.
Verse: 6 Hann reið eigi nær enn svá, at hann mátti tala við þá.
Verse: 7 Þá kallar hann hári rǫddo oc qvað:
Strophe: 27
Verse: 1 "Felmtr er yðro fylki, feigr er yðvarr vísir,
Verse: 2 gnæfar yðr gunnfani, gramr er yðr Óðinn.
Strophe: 28
Verse: 1 Býð ec yðr at Dilgio oc á Dúnheiði
Verse: 2 orrosto, undir Iassarfiollom;
Verse: 3 hrósi yðr at hái hveriom,
Verse: 4 oc láti svá Óðinn flein fliúga, sem ec fyrir mæli!"
Verse: 5 Þá er Hlǫðr hafði heyrt orð Gizurar, þá qvað hann:
Strophe: 29
Verse: 1 "Taki þér Gizur,
Verse: 2 mann Angantýs, kominn af Árheimom."
Verse: 3 Humli konungr sagði:
Strophe: 30
Verse: 1 "Eigi scolom árom spilla, þeim er fara einir saman "
Verse: 2 Gizurr mælti:
Strophe: 31
Verse: 1 "Eigi gora Húnir oss felmtraða né hornbogar yðrir.
Verse: 2 Gizurr drap þá hest sinn með sporom oc reið á fund
Verse: 3 Angantýs konungs oc gecc fyrir hann oc qvaddi hann
Verse: 4 vel. Konungr spyrr, hvárt hann hafi fundit konunginn.
Verse: 5 Gizurr mælti: "Talaða ec við þá oc stefnda ec þeim á
Verse: 6 vígvǫll á Dúnheiði í Dingiodǫlom." Angantýr spyrr, hvat
Verse: 7 mikit lið Húnar hafa. Gizurr mælti:
Strophe: 32
Verse: 1 "Mikit er þeira mengi,
Verse: 2 sex ein ero seggia fylki,
Verse: 3 í fylki hverio fimm þúsundir,
Verse: 4 í þúsund hverri þrettán hundruð manna,
Verse: 5 í hundraði hverio halir fiórtalðir."
Verse: 6 Angantýr spyrr nú til Húna hers; þá sendi hann alla
Verse: 7 vego menn frá sér oc stefndi hveriom manni til sín, er
Verse: 8 hánom vildi lið veita oc vápnom mætti valda. Fór hann
Verse: 9 þá á Dúnheiði með lið sitt, oc var þat allmikill herr. Kom
Verse: 10 þá á móti hánom herr Húna, oc hǫfðo þeir lið hálfo meira.
Verse: 11 At ǫðrom degi hófo þeir sína orrosto oc bǫrðuz allan
Verse: 12 þann dag, oc fóro at qveldi í herbúðir sínar. Þeir bǫrðuz
Verse: 13 svá átta daga, at hǫfðingiar vóro enn heilir, enn engi vissi
Verse: 14 manntal, hvat mart fell. Enn bæði dag oc nótt dreif lið
Verse: 15 til Angantýs af ǫllom vegom, oc þá kom svá, at hann
Verse: 16 hafði eigi færa fólc enn í fyrsto. Varð nú orrostan enn
Verse: 17 ákafari. Vóro Húnir allákafir, oc sá þá sinn kost, at sú
Verse: 18 ein var lífs ván, er þeir sigroðuz, oc illt myndi Gota
Verse: 19 griða at biðia. Gotar vorðo frelsi sitt oc fóstriorð fyrir
Verse: 20 Húnom, stóðo því fast oc eggiaði hverr annann. Þá er
Verse: 21 á leið daginn, gorðo Gotar atgǫngo svá harða, at fylkingar
Verse: 22 Húna svignoðo fyrir. Oc er Angantýr sá þat, gecc hann
Verse: 23 fram ór scialdborginni oc í ǫndverða fylking, oc hafði í
Verse: 24 hendi Tyrfing oc hió þá bæði menn oc hesta. Raufz þá
Verse: 25 scialdborg fyrir Húna konungom, oc sciptuz þeir broðr
Verse: 26 hǫggom víð. Þá fell Hlǫðr oc Humli konungr, oc þá brast
Verse: 27 flótti á Húnom. Enn Gotar drápo þá oc feldo svá mikinn
Verse: 28 val, at ár stemduz oc fello ór vegom, enn dalir vóro fullir
Verse: 29 af hestom oc dauðom mǫnnom oc blóði.
Verse: 30 Angantýr konungr gecc þá at kanna valinn oc fann
Verse: 31 Hlǫð bróður sinn. Þá qvað hann:
Strophe: 33
Verse: 1 "Bauð ec þér, bróðir, basnir óscerðar,
Verse: 2 fé oc fiolð meiðma, sem mic fremst tíddi;
Verse: 3 nú hefr þú hvárki hildar at gioldom
Verse: 4 liósa bauga né land ecci.
Strophe: 34
Verse: 1 Bǫlvat er ocr, bróðir, bani em ec þinn orðinn;
Verse: 2 þat mun enn uppi: illr er dómr norna."
Verse: 1 Oc er Hildibrandr frá þetta, at kappar hans vóro
Verse: 2 drepnir, þá kom á hann bersercsgangr, oc sneriz þegar til
Verse: 3 ferðar oc mælti: "eigi scal þat mælt, at ec hætta mǫnnom
Verse: 4 mínom út, enn þorac eigi siálfr at beriaz." Enn í vanstilli
Verse: 5 þesso, er á hánom var, oc hann var á ferðina kominn, þá
Verse: 6 sá hann son sinn oc drap hann þegar.
Verse: 7 Síðan óc hann upp með ánni Rín til móz við Ásmund.
Verse: 8 Þann sciold hafði hann, er á vóro marcaðir menn svá
Verse: 9 margir, sem hann hafði drepit. Enn er Ásmundr spurði
Verse: 10 þetta, þá bióz hann til móz við Hildibrand. Enn þegar er
Verse: 11 þeir funduz, þá bǫrðuz þeir, oc vóro flest hǫgg orit stór.
Verse: 12 Enn er þeir hǫfðo lengi bariz af mikilli reiði, þá neytti
Verse: 13 Hildibrandr afls, oc hió til Ásmundar af ǫllo afli tveim
Verse: 14 hǫndom. Oc í því, er sverð kom í hiálminn, þá brast þat
Verse: 15 sundr undir hialtino, oc fór brandrinn greniandi niðr
Verse: 16 í ána. Enn hann var þá sárr mǫrgom sárom. Síðan qvað
Verse: 17 hann vísor þessar:
Strophe: 1
Verse: 1 Mioc er vandgætt, hvé verða scal
Verse: 2 of borinn ǫðrom at banorði;
Verse: 3 þic Drótt of bar af Danmorco,
Verse: 4 enn mic siálfan á Svíðióðo.
Strophe: 2
Verse: 1 Tveir vóro þeir tyrvir giarnir,
Verse: 2 Buðlanautar, nú er brotinn annarr;
Verse: 3 svá hǫfðo dvergar dauðir smíðat,
Verse: 4 sem engi mun áðr né síðan.
Strophe: 3
Verse: 1 Stendr mér at hǫfði hlíf in brotna;
Verse: 2 ero þar talðir tigir ins átta
Verse: 3 manna þeira, er ec at morði varð.
Strophe: 4
Verse: 1 Liggr þar inn svási sonr at hǫfði,
Verse: 2 eptirerfingi, er ec eiga gat;
Verse: 3 óviliandi aldrs syniaðag.
Strophe: 5
Verse: 1 Bið ec þic, bróðir, bonar einnar,
Verse: 2 einnar bonar, eigi þú synia!
Verse: 3 mic scaltu veria váðom þínom,
Verse: 4 sem fiorsbani fár annars mun.
Strophe: 6
Verse: 1 Nú verð ec liggia, lífs andvana,
Verse: 2 mæki undaðr, þeim er magnar sár.
Verse: 3 Eptir þat dó Hildibrandr Húna kappi, oc gorði Ásmundr
Verse: 4 virðoliga leizlo hans oc hugði þá illa síno verki.
Verse: 1 Hár segir, at hann (Gylfi) komi eigi heill út, nema
Verse: 2 hann sé fróðari, oc
Verse: 3 "stattu fram, meðan þú fregn!
Verse: 4 sitia scal, sá er segir."
Verse: 2 Niorðr á þá kono, er Scaði heitir, dóttir Þiaza
Verse: 3 iotuns. Scaði vill hafa bústað þann, er átt hafði faðir
Verse: 4 hennar; þat er á fiollom nocqvorom, þar sem heitir
Verse: 5 Þrymheimr. Enn Niorðr vill vera nær sæ. Þau sættuz á
Verse: 6 þat, at þau scyldo vera nío nætr í Þrymheimi, enn þá
Verse: 7 aðrar nío at Nóatúnom. Enn er Niorðr kom aptr til
Verse: 8 Nóatúna af fiallino, þá qvað hann þetta:
Verse: 9 {a} "Leið eromc fioll, varca ec lengi á,
Verse: 10 nætr einar nío;
Verse: 11 úlfa þytr mér þótti illr vera
Verse: 12 hiá sǫngvi svana."
Verse: 13 Þá qvað Scaði þetta:
Verse: 14 {b} "Sofa ec né máttac sævar beðiom á
Verse: 15 fugls iarmi fyrir;
Verse: 16 sá mic vecr, er af víði kemr,
Verse: 17 morgin hverian már."
Verse: 2 Oc enn segir hann (Heimdallr) siálfr í Heimdalargaldri:
Verse: 3 "Nío em ec moðra mǫgr,
Verse: 4 nío em ec systra sonr."
Strophe: 4
Verse: 1 Gna.
Verse: 2 {Die 14. asin ist} Gná, hana sendir Frigg í ýmsa heima
Verse: 3 at ørindom sínom. Hon á þann hest, er renn lopt oc lǫg
Verse: 4 oc heitir Hófvarpnir. Þat var eitt sinn, er hon reið, at
Verse: 5 vanir nocqvorir sá reið hennar í loptino. Þá mælti einn:
Verse: 6 {a} "Hvat þar flýgr, hvat þar ferr
Verse: 7 eða at lopti líðr?"
Verse: 8 Hon svaraði:
Verse: 9 {b} "Né ec flýg, þó ec fer
Verse: 10 oc at lopti líð,
Verse: 11 á Hófvarpni, þeim er Hamscerpir
Verse: 12 gat við Garðrofo."
Verse: 2 Því næst sendo æsir um allan heim ørindreca at
Verse: 3 biðia, at Baldr væri grátinn ór helio. Enn allir gerðo þat,
Verse: 4 menninir oc kyqvindin oc iorðin oc steinarnir oc tré
Verse: 5 oc allr málmr, svá sem þú munt sét hafa, at þessir lutir
Verse: 6 gráta, þá er þeir koma ór frosti oc í hita. Þá er sendimenn
Verse: 7 fóro heim oc hǫfðo vel rekit sín ørindi, finna þeir í helli
Verse: 8 nocqvorom, hvar gýgr sat. Hon nefndiz Þǫcc. Þeir
Verse: 9 biðia hana gráta Baldr ór helio. Hon svarar:
Verse: 10 "Þǫcc mun gráta þurrom tárom
Verse: 11 Baldrs bálfarar;
Verse: 12 kycs né dauðs nautca ec karls sonar,
Verse: 13 haldi Hel, því er hefir!"
Verse: 14 Enn þess geta menn, at þar haf verit Loki, Laufeyiar
Verse: 15 sonr, er flest hefir illt gert með ásom.
Verse: 2 Þá fór Þórr til ár þeirar, er Vimur heitir, allra á mest.
Verse: 3 Þá spenti hann sic megingiorðom oc studdi forstreymis
Verse: 4 Gríðarvǫl, enn Loki helt undir megingiarðar. Ok þá er
Verse: 5 Þórr kom á miðia ána, þá óx svá mioc áin, at uppi braut
Verse: 6 á ǫxl hánom. Þá qvað Þórr þetta:
Verse: 7 "Vaxattu nú, Vimur, allz mic þic vaða tíðir
Verse: 8 iotna garða í;
Verse: 9 veiztu, ef þú vex, at þá vex mér ásmegin
Verse: 10 iafnhátt upp sem himinn."
Verse: 2 Enn er Þórr kom til Geirroðar, þá var þeim félǫgom
Verse: 3 vísat fyrst í gestahús til herbergis, oc var þar einn stóll til
Verse: 4 sætis, oc sat þar Þórr. Þá varð hann þess varr, at stóllinn
Verse: 5 fór undir hánom upp at ræfri. Hann stacc Gríðarveli
Verse: 6 upp í raptana oc lét sígaz fast á stólinn. Varð þá brestr
Verse: 7 mikill, oc fylgði scræcr. Þar hǫfðo verit undir stólinom
Verse: 8 dotr Geirroðar, Giálp oc Greip, oc hafði hann brotit
Verse: 9 hrygginn í báðom. Þá qvað Þórr:
Verse: 10 "Eino sinni neytta ec allz megins
Verse: 11 iotna gǫrðom í,
Verse: 12 þá er Giálp oc Greip, dotr Geirroðar,
Verse: 13 vildo hefia mic til himins."
Verse: 2 Í Ásgarði fyrir durom Valhallar stendr lundr, sá er
Verse: 3 Glasir er kallaðr, enn lauf hans alt er gull rautt, svá
Verse: 4 sem hér er qveðit, at
Verse: 5 Glasir stendr með gullno laufi
Verse: 6 fyr Sigtýs sǫlom.
Verse: 7 Sá er viðr fegrstr með goðom oc mǫnnom.
Verse: 2 Þessi ero hestaheiti í Þórgrímsþulo:
Verse: 3 {a} Hrafn oc Sleipnir, hestar ágætir,
Verse: 4 Valr oc Léttfeti, var þar Tialdari,
Verse: 5 Gulltoppr oc Goti, getit heyrða ec Sóta,
Verse: 6 Mór oc Lungr með Mari.
Verse: 7 {b} Vigg oc Stúfr var með Scævaði,
Verse: 8 Þegn knátti Blaccr bera,
Verse: 9 Silfrtoppr oc Sinir, svá heyrða ec Fács of getit,
Verse: 10 Gullfaxi oc Iór með goðom.
Verse: 11 {c} Blóðughófi hét hestr, er bera qváðo
Verse: 12 ǫflgan Atriða;
Verse: 13 Gísl oc Falhófnir, Glær oc Sceiðbrimir,
Verse: 14 þar var oc Gyllis of getit.
Verse: 2 Þessi oxnaheiti ero í Þórgrímsþulo:
Verse: 3 Gamalla uxna nǫfn hefi ec gerla fregit,
Verse: 4 þeira Rauðs oc Hæfis, Rekinn oc Kýrr,
Verse: 5 Himinhriótr oc Apli, Arfr oc Arfuni.
Verse: 2 Þessir (hestar) ero enn talðir í Alsvinnz málom:
Verse: 3 {a} Dagr reið Drǫsli, enn Dvalinn Móðni,
Verse: 4 Hiálmþér Háfeta, enn Haki Fáki;
Verse: 5 reið bani Belia Blóðughófa,
Verse: 6 enn Scævaði scati Haddingia.
Verse: 7 {b} Vésteinn Vali, enn Vífill Stúfi,
Verse: 8 Meinþiófr Mói, enn Morginn Vacri,
Verse: 9 Áli Hrafni, er til íss riðo;
Verse: 10 enn annarr austr und Aðilsi,
Verse: 11 grár, hvarfaði, geiri undaðr.
Verse: 12 {c} Biorn reið Blacci, enn Biárr Kerti,
Verse: 13 Atli Glaumi, enn Aðils Slungni,
Verse: 14 Hǫgni Hǫlqvi, enn Haraldr Fǫlqvi,
Verse: 15 Gunnarr Gota, enn Grana Sigurðr,
Verse: 16 (Ullr ýmissom, enn Óðinn Sleipni.)
Verse: 1 Fioturrinn heitir Gleipnir, er hánom (Fenrisúlfi)
Verse: 2 heldr. Gervir vóro tveir fiotrar til hans fyrst, þeir Drómi
Verse: 3 oc Loðingr, oc helt hvárgi; þá var Gleipnir síðan gerr
Verse: 4 ór sex hlutom:
Verse: 5 Ór kattar dyn oc ór kono sceggi,
Verse: 6 ór fiscs anda oc ór fugla miólc,
Verse: 7 ór biargs rótom oc ór biarnar sinom,
Verse: 8 ór því var hann Gleipnir gerr.
Verse: 1 Flugo hrafnar tveir af Hnicars ǫxlom,
Verse: 2 Huginn til hanga, en á hræ Muninn.
Verse: 2 Nú scýtr Sinfiotli blóðreflinom fyrir ofan hellona oc
Verse: 3 dregr fast; sverðit bitr hellona. Sigmundr tecr nú
Verse: 4 blóðrefilinn, oc risto nú í milli sín hellona oc létta eigi fyrr,
Verse: 5 enn lokit er at rísta. Sem qveðit er:
Verse: 6 risto af magni micla hello
Verse: 7 Sigmundr hiorvi oc Sinfiotli.
Verse: 2 Síðan ríðr Sigurðr oc hefir Gram í hendi oc bindr gullspora
Verse: 3 á fotr sér. Grani hleypr fram at eldinom, er hann
Verse: 4 kendi sporans. Nú verðr gnýr mikill, er eldrinn tóc at
Verse: 5 osaz, enn iorð tóc at sciálfa; loginn stóð við himinn.
Verse: 6 Þetta þorði engi at gera fyrr, oc var, sem hann riði í
Verse: 7 myrqva. Þá lægðiz eldrinn; enn hann gecc af hestinom
Verse: 8 inn í salinn. Svá er qveðit:
Verse: 9 {a} Eldr nam at osaz, enn iorð at sciálfa,
Verse: 10 oc hár logi við himni gnæfa;
Verse: 11 fár treystiz þar fylkis recca
Verse: 12 eld at ríða né yfir stíga.
Verse: 13 {b} Sigurðr Grana sverði keyrði,
Verse: 14 eldr slocnaði fyr ǫðlingi,
Verse: 15 logi allr lægðiz fyr lofgiornom,
Verse: 16 blico reiði, er Reginn átti.
Verse: 2 Brynhildr svarar: "Sigurðr vá at Fáfni, oc er þat
Verse: 3 meira vert enn alt ríki Gunnars konungs." Svá sem qveðit
Verse: 4 er:
Verse: 5 "Sigurðr vá at ormi, enn þat síðan mun
Verse: 6 engom fyrnaz, meðan ǫld lifir;
Verse: 7 enn hlýri þinn hvárki þorði
Verse: 8 eld at ríða né yfir stíga."
Verse: 2 Sigurðr gecc í brot. Svá segir í Sigurðarqviðo:
Verse: 3 Út gecc Sigurðr annspialli frá,
Verse: 4 hollvinr lofða, oc hnipnaði,
Verse: 5 svá at ganga nam gunnar fúsom
Verse: 6 sundr of síðor sercr iárnofinn.
Verse: 2 Þeir (Gunnarr oc Hǫgni) tóco orm einn oc af vargsholdi
Verse: 3 oc léto sióða oc gáfo hánom (Guthormi) at eta, sem
Verse: 4 scáldit qvað:
Verse: 5 Sumir viðfisca tóco, sumir vitnishræ scífðo,
Verse: 6 sumir Guthormi gáfo gera hold
Verse: 7 við mungáti oc marga hluti
Verse: 8 aðra í tyfrom.
Copyright TITUS Project,
Frankfurt a/M, 10.12.2008.
No parts of this document may be republished in any form
without prior permission by the copyright holder.