TITUS
Johannes Fischart, Geschichtsklitterung
Part No. 7
Previous part

Paragraph: 15  
Verse: 1     Wann auß eim todten, so wirt faul,
Verse: 2        Kan etwas anders werden,
Verse: 3     Gleich wie ein Roßkäfer von dem Gaul,
Verse: 4        Wie Krotten auß der Erden,
Verse: 5     Die Maden auß den faulen Käsen :
Verse: 6        Vnd wie die Glehrte halten
Verse: 7     Daß der abgang vnd das verwesen
Verse: 8        Könn ander wesen gstalten :
Verse: 9     So wird, wa etwas werden soll,
Verse: 10        Gwiß auß deß Rabelais Magen
Verse: 11     Sein Kutteln vnd seim Eierstoll
Verse: 12        Ein schön Reb fürher ragen :
Verse: 13     (Wie man dann auch find solcher mossen
Verse: 14        Daß auß S. Dominici Grab,
Verse: 15     Ein Reb sey nach seim todt fürgsprossen,
Verse: 16        Die gut Domvinischen Wein gab)
Verse: 17     Dann weil er lebet must er trincken,
Verse: 18        Vnd trincken war sein leben,
Verse: 19     Vnd wann er müd war an der lincken
Verse: 20        Must die recht das Glaß heben :
Verse: 21     Dann er gern mit der lincken tranck
Verse: 22        Weil sie ist nahe43 dem Hertzen,
Verse: 23     Auff daß es deß meh krafft empfang,
Verse: 24        Vnd kützel es zum schertzen.
Verse: 25     Solchs wust er alls wol außzurincken
Verse: 26        Weil er ein Artzet war,
Verse: 27     Daß man den44 Ring tregt an der lincken
Verse: 28        Daß es das Hertz erfahr :
Page: 10  
Verse: 29     Er tranck Jüdischen Wein allein
Verse: 30        Der nicht getauffet was,
Verse: 31     Vnd den Lateinischen Wetzstein,
Verse: 32        Den mitteln auß dem Faß.
Verse: 33     Ehe daß er einen niderstelt
Verse: 34        Hub er ein andern auff,
Verse: 35     Hiemit zu zeigen an der Welt
Verse: 36        Der Stern vnd Sonnen lauff :
Verse: 37     So bald er hat das Maul gewischt
Verse: 38        Netzt ers wider behend,
Verse: 39     Zuzeigen wie der Mon erfrischt
Verse: 40        Was die Sonn hat verbrent :
Page of re-edition: 15 
Verse: 41     Sein Gurgel starck den Wein anzog
Verse: 42        Vil besser alle stund
Verse: 43     Alß den Regen der Regenbog,
Verse: 44        O wie ein guten Schlund.
Verse: 45     Die Sonn kont nicht auff sein so frü
Verse: 46        So sah sie jn schon truncken,
Verse: 47     Der Mon konnt so spat kommen nie
Verse: 48        So sah er jn schon duncken :
Verse: 49     Vnd wann die Hundstag fulen ein
Verse: 50        So sah man jn dort sitzen
Verse: 51     Halb nackent bey dem külen Wein
Verse: 52        Vnd den Wein von sich schwitzen,
Verse: 53     Streifft seine Ermel hinter sich
Verse: 54        Vnd streckt sich auff die Matzen,
Verse: 55     Auff daß jm nichts wer hinterlich,
Verse: 56        Da fieng er an zu schmatzen,
Verse: 57     Wült sich herumb inn Wein vnd Kost
Verse: 58        Zwischen Bechern vnd Platten,
Verse: 59     Gleich wie im Mur vnd schleim ein Frosch,
Verse: 60        Lehrt seine Zung da watten.
Verse: 61     Wann er dann also gar war truncken
Verse: 62        So sang er Bachus lob,
Verse: 63     Lobt jn von seinem grossen Schuncken
Verse: 64        Vnd seiner Rebengob :
Verse: 65     Träuet alßdann Sanct Vrban auch
Page: 11  
Verse: 66        Wann er nicht schafft gut Wein
Verse: 67     Werd man jn nach dem alten brauch
Verse: 68        Werffen in Bach hinein :
Verse: 69     Sang auch von deß Grandgusiers48 Kuchen
Verse: 70        Vnd deß Gargantoa Thier,
Verse: 71     Wie es zerschmiß gantz Wäld voll Buchen
Verse: 72        Im grossen Schwantzthurnier :
Verse: 73     Auch wie Bruder Jan Onkapaunt
Verse: 74        Mit der Kreutzstangen focht,
Verse: 75     Vnd Wurstdurstpanthel Fürtz kartaunt,
Verse: 76        Vnd was Panurgus kocht.
Verse: 77     Aber der Tod der gar nicht trinckt
Verse: 78        Zucket den Trincker hin,
Verse: 79     Wiewol er rufft : dem Tod eins bringt,
Verse: 80        Heißt ein weil sitzen jn :
Page of re-edition: 16 
Verse: 81     Aber er wolt nicht sitzen nider,
Verse: 82        Wolt auch keins warten auß,
Verse: 83     Er gieng dan vor mit jm hernider
Verse: 84        Inn sein Liechtfinster Hauß :
Verse: 85     Daselbst bringt er jm Wassers gnug
Verse: 86        Auß dem Fluß Acherunt
Verse: 87     Vnd heißt jn sitzen bey dem Krug
Verse: 88        Vnd schwencken wol den Mund :
Verse: 89     Jedoch so war ist, was wir lesen,
Verse: 90        Das Wein vor Fäule bhüt,
Verse: 91     So wird deß Rabeles Nam vnd Wesen
Verse: 92        Nimmer verfaulen nit
Verse: 93     Dann er je wol beweinet war,
Verse: 94        Sein Leib vnd Därm durchweint,
Verse: 95     Wein war sein Weih vnd Balsam gar :
Verse: 96        Der Balsam hie noch scheint.
Verse: 97     Vnd nimpt mich wunder, daß jr nicht
Verse: 98        Dürmelt weil jr hie steht,
Verse: 99     Daß euch der Wein ins Haupt nicht rücht
Verse: 100        Dann diß Grab weinlet stät :
Verse: 101     Gleichwol weil jr hie bleibet stehn
Verse: 102        So steht hie nicht so schlecht,
Page: 12  
Verse: 103     Sonder ehe jr von dannen gehn
Verse: 104        So thut jm auch sein Recht,
Verse: 105     Vnd opffert jm ein Glaß mit wein
Verse: 106        Vnd gsaltzen Ränfftlin Brot,
Verse: 107     Das wird jm liber alß beten seyn,
Verse: 108        Dann beten gehöret Gott.


Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.