TITUS
Aegidius Romanus, De regimine principum
Part No. 42
Previous part

Chapter: VI 
Capitulum VI


Sentence: 789    Wie eyn furste sulle synen rat bestellen, da by sint sechs ding zcu mereken.
Sentence: 790    Daß erste ist, ehe klerer eyn ding ist, ehe mynre ratis ys bedarff.
Sentence: 791    Unde dar umme ist da nicht not grossis ratis, sunder by sulchen dingen ist ratis not, die wir dun mogin unde dache des ungewisse syn, wie sie gescheen sullen.
Sentence: 792    Unde dar umme sal man sulche wise da by habin, wenne eyn geschaffte wirt vor bracht, dar uff man wile rad suchen, das man vorneme mancherleie wege, da mete das gescheffte mag eynen vorgang habin, unde kyse denne us den allenf den besten, unde der gda mag lichtlicherg zcu gehen.
Sentence: 793    Das ander ist, das der furste etczlich zcu ym neme, wenne her icht dreflicher sache an ym hat, den her gedruwet unde mit den her moge da van reden unde rat zcu yn nemen.
Sentence: 794    Unde wie, wyse her sy, so sal her ym alleyne nicht glouben nach synem synne nicht fulgen, sunder die anderen syne rat geben auch horen unde denne den besten rat us kysen, wenne vil lude haben vil ratis unde bedencken auch mer wenne eyner alleyne.
Sentence: 795    Unde das ist auch da by zcu prufen, wenne der rat rorit an sonderliche unde eynliczige geschaffte unde geschicht, unde die denne dar zcu sullen wol radin, wie man is kluglich an griffe, die mussen irfaren syn, wenne da ist irfarunge nuezer unde besser wenne kunst, unde eyn irfarin man ist nuczer wenne eyn kunstiger, als Aristotiles spricht primo metaphisice.
Sentence: 796    Nu ist ist also, das vil lude habin vil irfaren unde kunnen auch bas radin wen wenyg lude adder eyner alleyne.
Sentence: 797    Das dritte ist, das man die ding, die yn dem rade gehandelt adder geseyt werden, in wenne yn missehaget als, das bose ist, als login, liebe kosen unde der glich, als eyn furste gern hort.
Sentence: 798    Das brengit eynem furstethum bewilen grossin schadin an ym habin sal.
Sentence: 799    Eyn ist, das her sy slecht unde offinbar, das andere, das an ym habin sal.
Sentence: 800    Aristotiles spricht quarto eticorum.
Sentence: 801    Sie sullen auch nicht aneyne from syn, bunder auch gancz gedruwe frunde synak des, dem sie rad gebinal, wenne eyn gedruwer frunt retdas beste nach alle synem vormoginan unde wissenheit unde nicht ding, als sie da vorkomen, sulle volfarn unde sich da by halden.
Sentence: 802    Unde dar als sie da vorkomenap, sulle volfarnaq unde sich da by halden.
Sentence: 803    Unde dar umme syn disse dry ding zcu vort an den rad gebin zcu suchen, als das sie syn frome, frunde unde wyse.
Sentence: 804    Das funffte ist, das sich eyn furste lange berade unde das, dar obir her guten rad gehabt hat, so her erste kan volfuren.
Sentence: 805    Dar umme sal man obir eyne itczliche sache, nemelich die hartte unde dreffelich ist, langen rad habin, was zcu dun daug adder nicht.
Sentence: 806    Wanne nu das wol besunnen unde irkant ist, so sal man da mede nicht harren, ab man is anders gedun kan, als Aristotiles spricht tercio eticorum.

This text is part of the TITUS edition of Aegidius Romanus, De regimine principum.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.