TITUS
Lamprecht, Alexander (Basler Bearbeitung)
Part No. 83
Previous part

Chapter: 211a  
Alexander stößt auf süßes Wasser


Verse: 3367    danen huͦben wir uns illen
Verse: 3368    uf bi dem wag vier millen,

Verse: 3369    wir sluͦgen die gezelt
Verse: 3370    da uf daz velt,

Verse: 3371    wir machtten gros fiur,
Verse: 3372    roͮber worent uns da tiur:

Verse: 3373    gen der nacht
Verse: 3374    do komen tier von grosser macht,

Verse: 3375    der durst zwang sy da.
Verse: 3376    .............................

Verse: 3377    mit tieren und mit würmen
Verse: 3378    muͦsten wir mit krefften stürmen.

Verse: 3379    vil nache all die nacht.
Verse: 3380    ze uns kam oͮch gegan

Verse: 3381    dem tiuffel glich getan,
Verse: 3382    die waren geschaffen

Verse: 3383    under den oͮgen als die affen
Verse: 3384    und hatten sechs hend.

Verse: 3385    lang waren in die zent;
Verse: 3386    die datten uns angst mit grossem leit.

Verse: 3387    ...............................
Verse: 3388    die vertriben wir mit schos

Verse: 3389    ...............................
Verse: 3390    unser not die was menigvalt.

Verse: 3391    wir verbrantten den wald
Verse: 3392    ..............................

Verse: 3393    daz wir ruͦwe moͤchen han.
Verse: 3394    nun kam us dem fiure [schier]

Verse: 3395    da har ein dier,
Verse: 3396    daz ich wirssers nie gesach,

Verse: 3397    mit sinem gehürne sluͦg und stach
Verse: 3398    sechs und drissig man

Verse: 3399    .............................
Verse: 3400    fünfzig die es erdrat;

Verse: 3401    es det uns aller früeden mat.
Verse: 3402    der nechsten nachttes da nach

Verse: 3403    komen grosse füchse oͮch,
Verse: 3404    die in den krefften woren

Verse: 3405    daz sy ossen ros und man.
Verse: 3406    fliegende swalben komen dar

Verse: 3407    gar gros als duben
Verse: 3408    mit moͤnschen zen.

Verse: 3409    sy schussen uns zuͦ der nassen,
Verse: 3410    oren oͮgen bissen sy den liutten ab

Verse: 3411    ...............................



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.