TITUS
Lamprecht, Alexander (Basler Bearbeitung)
Part No. 88
Previous part

Chapter: 249  
Alexander findet einen goldenen Palast auf einem Berg


Verse: 3505    danen kert ich fürbas.
Verse: 3506    min her in grossen sorgen was

Verse: 3507    und kam zuͦ einem berg guͦt,
Verse: 3508    da wider ein wag [floz] niut ze klein

Verse: 3509    lutter und rein.
Verse: 3510    uf dem berg ein palas

Verse: 3511    mit richer kost gebuwen was,
Verse: 3512    wer dar uf woltte gan,

Verse: 3513    der muͦst in ietweder hant han
Verse: 3514    ein guldin ketten, die da hieng.

Verse: 3515    zwie tusing was der stafpen trit,
Verse: 3516    von saffir smaragten si waren.

Verse: 3517    die minen alle verbaren
Verse: 3518    den ufgang den ich alleine.

Verse: 3519    do ich hin uf kam
Verse: 3520    und des palas warnam,

Verse: 3521    mich ducht, ich wurde da gesunt.
Verse: 3522    al der welt ist unkunt

Verse: 3523    soͤlliche richeit, die ich da sach:
Verse: 3524    wende dillen und dach

Verse: 3525    alles von gold und gesteine;
Verse: 3526    venster, gros und kleine,

Verse: 3527    mit also edlem rubin.
Verse: 3528    ein bethus ersach ich hie,

Verse: 3529    die tür snel gen mir uf.
Verse: 3530    da ine vand ich wunders vil:

Verse: 3531    türne glogen zinen;
Verse: 3532    ein bet sach ich dar ine stan,

Verse: 3533    als ver daz mocht gan,
Verse: 3534    also was es behangen

Verse: 3535    mit win reben langen,
Verse: 3536    dar an truben hiengen.

Verse: 3537    an dem bette lag ein man,
Verse: 3538    der schoͤnste den ich je gesach.

Verse: 3539    er slief und hette da guͦt gemach;
Verse: 3540    er schein in grosem altter schon,

Verse: 3541    sin kleid sne wis;
Verse: 3542    in weken ich da vermeid.

Verse: 3543    gezogenlich ich da neig.



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.