TITUS
Lamprecht, Alexander (Basler Bearbeitung)
Part No. 108
Previous part

Chapter: 292  
Nachruf auf Alexander


Verse: 4697    Ich wil oͮch niut getagen,
Verse: 4698    ein teil siner gelegenheit sagen

Verse: 4699    sines libes und siner tag.
Verse: 4700    er was [nach] des buͦches sag

Verse: 4701    ein man ze kurcz noch ze lang,
Verse: 4702    weder ze gros noch ze kranch,

Verse: 4703    ze rechtter mas gelibet.
Verse: 4704    die jstorij von im schribet,

Verse: 4705    sin oͮgen stuͦnden im froͤlich,
Verse: 4706    doch eins dem andren niut gelich.

Verse: 4707    munt und wangen wol gevar.
Verse: 4708    an gliden waz er krefftig gar,

Verse: 4709    er waz ein über stark man,
Verse: 4710    doch gesigt im an

Verse: 4711    vil dicke zorn und win,
Verse: 4712    daz er an wicze muͦste sin;

Verse: 4713    so er der was sunder,
Verse: 4714    so hatte er liste wunder.

Verse: 4715    er was, als die geschrifft zalt,
Verse: 4716    driu und drissig jor alt;

Verse: 4717    da er ze achtzehen joren kam,
Verse: 4718    do huͦb sich sin stritten an,

Verse: 4719    daz dreib er siben jor
Verse: 4720    on underlos, daz ist wor.

Verse: 4721    die acht jor jn sinem rich
Verse: 4722    die leptte er gar fridlich;

Verse: 4723    mit früeden butte er da
Verse: 4724    die goͮtte stat Allexandrya.

Verse: 4725    die geschrifft seit uns für war,
Verse: 4726    daz im in sibenzehen jor
Verse: 4727    alle heidenschafft wer under denig gar.

Verse: 4728    er wart geborn an dem sechsten dag
Verse: 4729    des monets genner, do starb er an dem vierden dag

Verse: 4729a    in dem monat abbrellen.




Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.