TITUS
Seifrit, Alexander (Strassburger Fassung)
Part No. 2
Previous part

Chapter: 2  
Nectanabus wird aus Ägypten vertrieben

Von Nectanabo, ein chunig in Egipten.


Verse: 81       Ain kunigreich ist genant
Verse: 82    vor alten zeitten Egipptenlant,

Verse: 83    das ist aines der hersten
Verse: 84    gewesen und auch der ersten.

Verse: 85    ain kunig haist Nectanabus
Verse: 86    (das puech nennet in alsus),

Verse: 87    der trueg darin die chran
Verse: 88    gewaltiklich und schan.

Verse: 89    er was also kunstreich
Verse: 90    das man an weisheit sein geleich

Verse: 91    in al der welt nyndert vant.
Verse: 92    die suben kunst warn im bekant,

Verse: 93    er chund die chunst astronomey
Verse: 94    und auch die chunst nygramanczey:

Verse: 95    in den swarczen puechern
Verse: 96    chundt er mit loss versuechen

Verse: 97    und an dem gestyerm sehen
Verse: 98    was in der welt solt geschehen.




Das ain ritter dem kunig Nectanabo sagt wie der mechtig kunig Artaxses auf in wolt ziechen.


Verse: 99       Ains tag cham es also
Verse: 100    das in ain ritter macht unfro.

Verse: 101    der sagt im und warmbt in des
Verse: 102    das der chaiser Artaxerses,

Verse: 103    der gross chunig von Persia,
Verse: 104    mit gewalt chem alda

Verse: 105    mit ainem mochtigen her
Verse: 106    und mit chieln auff dem mer.

Verse: 107    er jach, er wolt das landt betwingen
Verse: 108    und in sein gewalt pringen,

Verse: 109    und sprach das er sich danach richt:
Verse: 110    sein wer wer gegen im enwicht.




Das Nectanabus zurnt an dem ritter umb solich potschaft.


Verse: 111       Der kunig anttwurt dem ritter do:
Verse: 112    'reit und phlig der huet also

Verse: 113    als ich dir enpholichen han.
Verse: 114    du redest nit als ain pider man

Verse: 115    sunder als ein vorichtiger zag.
Verse: 116    merkch recht was ich dir sag:

Verse: 117    der sig leit an der menig nit,
Verse: 118    er hat mit der mannhait phlicht;

Verse: 119    wenn dikch ein leb unverczagt
Verse: 120    ein gancz her hierssen jagt.'

Verse: 121    der chunig gepart gegen dem mẽr
Verse: 122    als im nichts dar umb wẽr,

Verse: 123    und hueb sich von dannen
Verse: 124    taugenlich von seinen mannen

Verse: 125    in sein haymlich chemnatten.
Verse: 126    ein erdein pekch er im pringen pat,

Verse: 127    regen wasser er darin gas,
Verse: 128    dar umb so warff er seinew lass.

Verse: 129    er sprach mit seinem mundt
Verse: 130    solichew wart die er wol chundt.

Verse: 131    die tivel er vast beswuer,
Verse: 132    unczt das er genczlich erfuer

Verse: 133    und auch das mit loss ervant
Verse: 134    das er muest raumen das landt

Verse: 135    ob er wolt lembtig wesen:
Verse: 136    er mocht anders nicht genesen.

Verse: 137    er czach ab sein kuniklich wat
Verse: 138    und verstalt sich auf der stat.

Verse: 139    er schar ab har und part,
Verse: 140    das er unkuniklich wart.

Verse: 141    er nam czu im von golde
Verse: 142    und von gestain was er wolde,

Verse: 143    er nam auch mit im da
Verse: 144    sumlich instrumenta,

Verse: 145    der er nicht enpern macht
Verse: 146    und im zu seiner chunst tocht.

Verse: 147    damit fuer er von dannen
Verse: 148    allain von all sein mannen

Verse: 149    und verhal also sein vart
Verse: 150    das ir nyemant inne wart,

Verse: 151    unczt das er gegen Chriechen cham.
Verse: 152    war sagen er sich an nam.




Next part


This text is part of the TITUS edition of Seifrit, Alexander (Strassburger Fassung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.