TITUS
Seifrit, Alexander (Strassburger Fassung)
Part No. 114
Previous part

Chapter: 266  
Aristoteles' (und Olympias') Brief an Alexander

Dar nach Olympias und Aristos Allexandro brieff wider santten.


Verse: 7929       Do Olympias die chunygin

Verse: 7930    diser mer was warden inn,
Verse: 7931    die frewt sich gar ser des

Verse: 7932    und auch Aristotiles.
Verse: 7933    sy schriben im hin wider also:

Verse: 7934    'dem chaiser Allexandro,
Verse: 7935    aller chunig herr

Verse: 7936    paid nachant und verr,
Verse: 7937    dem gewaltigen und dem grossen,

Verse: 7938    dem sich nyemant chan genossen,
Verse: 7939    enpeut ich, die lieb muetter dein,

Verse: 7940    Olimpias die chuniginn,
Verse: 7941    und auch Aristotiles:

Verse: 7942    wiss das wir uns frewen des
Verse: 7943    das es dir zu aller frist

Verse: 7944    geluklich ergangen ist!
Verse: 7945    du pist aller ern wert

Verse: 7946    und alles lobs auf der erd.
Verse: 7947    wir sagen lob und er den gottern,

Verse: 7948    die dir dissew er haben erpotten,
Verse: 7949    die weil wir ainen tag geleben,

Verse: 7950    davon das sy dir habent geben
Verse: 7951    wicz und synn, macht und chraft.

Verse: 7952    das du pist warden sighaft
Verse: 7953    und das du gewaltiklich

Verse: 7954    betwungen hast allew reich
Verse: 7955    und das dich zu chainer stundt

Verse: 7956    nyemant uber wynnden chundt,
Verse: 7957    das zell wir besunder

Verse: 7958    fuer ein grosses wunder.
Verse: 7959    iedoch dein werich geleich

Verse: 7960    synd all mit all wunderlich.
Verse: 7961    selig sullen die fursten sein

Verse: 7962    die dir in den notten dein
Verse: 7963    und auch in den willden landen

Verse: 7964    also hilfflich sind bestanden.
Verse: 7965    du solt wissen werlich

Verse: 7966    das deinew werich wunderlich
Verse: 7967    und auch dein wunderleichew tatt

Verse: 7968    geleichnuss mit den gotten hat.'



Next part


This text is part of the TITUS edition of Seifrit, Alexander (Strassburger Fassung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.