TITUS
Lamprecht, Alexander (Strassburger Bearbeitung)
Part No. 18
Previous part

Chapter: 93  
Alexander belagert Tyros


Verse: B239    gên Tiryus gezogen ward,

Verse: B240    die [er] ze besitzene erkôs.
Verse: B241    dâ er mengen hett verlôs.

Verse: B242    das mer einhalb dar umb flôs.
Verse: B243    die stat was an guote rîch.

Verse: B244    si was wol einer mîle breit.
Verse: B245    Daryo wâren si underdân.

Verse: 959       Nû vernemet ouh ein ander:
Verse: 960    zô zin sante Alexander

Verse: 961    und hiez sînen knehte
Verse: 962    sagen in vil rehte,

Verse: 963    ob si in ze kuninge wolden entfân
Verse: 964    und ime werden undertân

Verse: 965    und ime geben in sîne hant
Verse: 966    di burc unde daz lant:

Verse: 967    er wolde si lâzen leben
Verse: 968    und woldin mit êren geben

Verse: 969    und mit gnâden lâzen
Verse: 970    und faren sîne strâze.

Verse: 971    ob si des nit ne wolden,
Verse: 972    er sagetin, daz er solde

Verse: 973    ir lant zevôren
Verse: 974    und ire stat zestôren

Verse: 975    unde nemen in allen daz leben,
Verse: 976    ob si ime wolden widerstreben

Verse: 977    mit siheiner gwalt.
Verse: 978    dô wâren dar in helede balt.

Verse: 979    dô si di rede vernâmen,
Verse: 980    ze samene si quâmen.

Verse: 981    zô Alexandro si santen,
Verse: 982    wande si sîn niht nerkanten,

Verse: 983    unde hiezen ime sagen,
Verse: 984    er mohte gerne gedagen,

Verse: 985    wande si sîn niht neforhten
Verse: 986    und ze nihte ne bedorften.

Verse: 987    doch trûgen si ime willgen mût
Verse: 988    und gâben ime gerne ir gût,

Verse: 989    ob erz wolde durh minne.
Verse: 990    sus sprâchen si dar inne.

Verse: 991       Dô der bote wider quam
Verse: 992    und in Alexander vernam,

Verse: 993    und er ime gesagete rehte,
Verse: 994    waz ime di gûten knehte

Verse: 995    ûz von Tyren enboten,
Verse: 996    von zorne begunder roten

Verse: 997    vor ungemûte er nider saz;
Verse: 998    bî sîme lîbe er sih vermaz,

Verse: 999    iz gienge in allen an den leben,
Verse: 1000    daz si ime torsten widerstreben.

Verse: 1001    er solde sih wol gerechen
Verse: 1002    unde ir stat zebrechen.

Verse: 1003    Dô nam er sîner fursten drî -
Verse: 1004    ih ne weiz niht, wî ir name sî -

Verse: 1005    und sante si wider in di stat
Verse: 1006    und hîz den besten sagen daz,

Verse: 1007    war si ir wîsheit tâten,
Verse: 1008    daz si in versmâten,

Verse: 1009    der Rôme mit sîner craft
Verse: 1010    under sih hête brâht,

Verse: 1011    und alle kriechische lant
Verse: 1012    hête in sîner hant.

Verse: 1013    wes si wolden wênen
Verse: 1014    durh waz er dare quême,

Verse: 1015    daz si sih baz bedêhten.
Verse: 1016    si ne kanten in nit rehte.

Verse: 1017    er wolde mit sînen knehten
Verse: 1018    ir starke stat irvehten

Verse: 1019    und iz ne soldin niemer gefromen,
Verse: 1020    iz solde in unrehte comen,

Verse: 1021    si ne wordin ime undertân.
Verse: 1022    nû vernemet, wî iz dô quam:

Verse: 1023    dô di boten în quâmen
Verse: 1024    und di burgêre vernâmen,

Verse: 1025    waz di boten sageten,
Verse: 1026    nit langer si ne dageten,

Verse: 1027    di boten si vingen,
Verse: 1028    schiere si sie verhingen.

Verse: 1029    Dô das mêre ûz quam
Verse: 1030    und iz Alexander vernam,

Verse: 1031    dô gwan der helt gût
Verse: 1032    eines zurnigen lewen mût.

Verse: 1033    dô hîz er sîn here
Verse: 1034    mit schiffen varen in daz mere

Verse: 1035    und hîz di burg al umbevân.
Verse: 1036    daz wart schîre getân.

Verse: 1037    und alse di Tyrêre
Verse: 1038    vernâmen dise mêre,

Verse: 1039    dô schûfen si ir were
Verse: 1040    wider daz creftige here

Verse: 1041    in der burh innen
Verse: 1042    und giengen an di zinnen.

Verse: 1043    Alexander trûch in ubelen danc:
Verse: 1044    mit sturme er si sêre dwanc.

Verse: 1045    und di dar inne wâren,
Verse: 1046    daz sagih û zwâren,

Verse: 1047    di werten ire selede
Verse: 1048    alse tûrlîchen helide

Verse: 1049    und vohten sêre her ze tale.
Verse: 1050    ih wil û sagen ir zale:

Verse: 1051    man zalte si dâ zestunt
Verse: 1052    mê dan an hundrit tûsunt.

Verse: 1053    des geloube swer sô wile.
Verse: 1054    si irslûgen sô vile

Verse: 1055    Alexandris heris,
Verse: 1056    daz di unden des meris

Verse: 1057    von dem blûte wurden rôt.
Verse: 1058    der wint der tet in starke nôt

Verse: 1059    wander vil strak was
Verse: 1060    der selbe der dâ Boreas

Verse: 1061    in den bûchen heizet,
Verse: 1062    und di aller meist reizet

Verse: 1063    daz mere mit den unden.
Verse: 1064    der schiffe slûch er ze grunde

Verse: 1065    vile, daz si versunken
Verse: 1066    und di lûte dar in vertrunken.

Verse: 1067    vil manic ouh dâ irslagen lach.
Verse: 1068    dô Alexander daz gesach,

Verse: 1069    des sturmes hîz er abe stân
Verse: 1070    und hîz balde wider gân

Verse: 1071    di schif in die habe,
Verse: 1072    ob ih rehte vernomen habe.

Verse: 1073    Dô clagete Alexander
Verse: 1074    mêr dan sihein ander

Verse: 1075    sînen scaden grôze
Verse: 1076    sînen liebe wîcgenôze.

Verse: 1077    doh môser getrôsten sih
Verse: 1078    des scaden ummâzlîch,

Verse: 1079    wander was ein listich man:
Verse: 1080    vil grôze boume er gwan

Verse: 1081    und hîz si ze samene spannen
Verse: 1082    von kundigen zimbermannen

Verse: 1083    und hîz si mit steinen fullen.
Verse: 1084    daz was an sînen willen:

Verse: 1085    swanner iz gefulte vollen hôe,
Verse: 1086    daz er sîn ebinhôe

Verse: 1087    dar ûf zô den turmen brêhte
Verse: 1088    und lange boume dar abe rihte,

Verse: 1089    di ûf di zinnen mohten gân.
Verse: 1090    mit nîde wolder si bestân.

Verse: 1091       Eilif tûsint von sînen here
Verse: 1092    santer nâh boumen von den mere

Verse: 1093    und hîz di boume vellen
Verse: 1094    und berchfride stellen

Verse: 1095    ûf einen berch, heizet Lybanus,
Verse: 1096    dâ ûf stêt manic cêdrus.

Verse: 1097    Lybanus in Arabien stêt,
Verse: 1098    dâ der Iordanis ûz gêt.

Verse: 1099    Lybanus ist ouh der selbe walt,
Verse: 1100    den der kuninc Salemon galt

Verse: 1101    wider einen kuninc, der hîz Hyram.
Verse: 1102    dem gab er halb Galileam,

Verse: 1103    wandime di boume wol gevielen
Verse: 1104    ze zimbrin und ze kielen,

Verse: 1105    ze balken und ze sûlen.
Verse: 1106    man saget, daz holz gefûlen

Verse: 1107    ne muge niemer mê
Verse: 1108    durh regen noh durh snê.

Verse: 1109    Dô Arabes daz befunden,
Verse: 1110    di Tyro gûtis gunden,

Verse: 1111    nit langer si ne twalten:
Verse: 1112    di iren walt falten,

Verse: 1113    unsamfte si ane quâmen,
Verse: 1114    ein phant si in nâmen

Verse: 1115    und irslûgen ir dâ zestunt
Verse: 1116    mêr dan ein dûsunt.

Verse: 1117    dô Alexander daz vernam,
Verse: 1118    vier dûsint er dô nam

Verse: 1119    ûz von sînen here.
Verse: 1120    daz ander lîz er bî dem mere

Verse: 1121    und beval iz zwein fursten,
Verse: 1122    di iz wol bewaren tursten,

Verse: 1123    di er mit ime brâht hatte.
Verse: 1124    der einer hîz Glatte,

Verse: 1125    der ander was Perdix genant,
Verse: 1126    den bevalch er mit sîner hant

Verse: 1127    di er dâ wolde lâzen,
Verse: 1128    unde vôr dô sîne strâze

Verse: 1129    hin zô den walde
Verse: 1130    vil wunderlîchen balde

Verse: 1131    und bewarte sîne holden,
Verse: 1132    di ime dâ zimberen solden

Verse: 1133    ebenhô und berchfride,
Verse: 1134    di behûtter mit fride

Verse: 1135    biz daz werc bereitet wart.
Verse: 1136    dô karter an di widervart.

Verse: 1137       Alle di wîle dô Alexandris here
Verse: 1138    nâh den boumen fûr von dem mere,

Verse: 1139    dô wurden di Tyrêre
Verse: 1140    di rîchen burgêre

Verse: 1141    beide stolz unde balt.
Verse: 1142    si ranten ûz mit gwalt.

Verse: 1143    starke si sih râchen,
Verse: 1144    ein castel si zebrâchen

Verse: 1145    undir Alexandris man.
Verse: 1146    stolzlîche hûben siz an

Verse: 1147    eines morgenis frû
Verse: 1148    mit fûre giengen si ime zû.

Verse: 1149    si slûgen unde viengen,
Verse: 1150    swaz si ir begiengen.

Verse: 1151    swem des bedûhte,
Verse: 1152    daz er untflîhen nit ne mohte,

Verse: 1153    der sencte sih an der stunt
Verse: 1154    nider an des meres grunt.

Verse: 1155    vor wâr ih û daz sage,
Verse: 1156    daz man si in allem dem tage

Verse: 1157    nie nîren gesach,
Verse: 1158    biz man di gruntfeste brach:

Verse: 1159    dô vant man si an des meres grunt.
Verse: 1160    di quâmen wider ûz gesunt.

Verse: 1161       Dô daz castel zebrochen wart,
Verse: 1162    dâ hûb sih dâ ein sturm hart.

Verse: 1163    dâ wart michel gedôz.
Verse: 1164    dâ was der strît vil grôz,

Verse: 1165    dâ si volgeten den vanen.
Verse: 1166    daz wart sêre ze banen

Verse: 1167    dem, der iz mit dem lîbe galt.
Verse: 1168    an zwei hundrit wurden gezalt,

Verse: 1169    di den lîb dâ verlorn
Verse: 1170    und den bitteren tôt corn.

Verse: 1171    di dâ lâgen irslages,
Verse: 1172    daz wil ih û wêrlîchen sagen,

Verse: 1173    di wâren Alexandris man,
Verse: 1174    alsih mih versinnen kan.

Verse: 1175    di von Tyre schieden dannen
Verse: 1176    gesunt mit irn mannen,

Verse: 1177    vil lutzil ir tôt bliben.
Verse: 1178    stolzlîche si triben

Verse: 1179    di Kriechen von der vesten.
Verse: 1180    dô was dâ den gesten

Verse: 1181    gescadit vil sêre.
Verse: 1182    dô êrist quam ir hêre

Verse: 1183    ze strîte harte wol gare
Verse: 1184    mit einer gewâfinder schare.

Verse: 1185    dô entwichen ime di gaste
Verse: 1186    in di burch vaste.

Verse: 1187       Dô Alexander sih bedâhte,
Verse: 1188    waz er getûn mahte,

Verse: 1189    er hîz insamt heften
Verse: 1190    di schif mit manniscreften.

Verse: 1191    er hîz si starke spannen
Verse: 1192    mit îsenînen lannen

Verse: 1193    ein benebin daz ander.
Verse: 1194    ouch hîz Alexander

Verse: 1195    di schif mit hûten bezîhen,
Verse: 1196    daz di unden dar în nit ne gîen.

Verse: 1197    des nam man gûte goume.
Verse: 1198    von den langisten boumen,

Verse: 1199    di si ieren hatten,
Verse: 1200    berchfride si dar ûf sazten

Verse: 1201    und tribin si zô den zinnen.
Verse: 1202    alsus wolder gewinnen

Verse: 1203    Tyrum di hêre stat.
Verse: 1204    di dâ bî dem mere lach.

Verse: 1205       Diz sult ir rehte merken:
Verse: 1206    dô hîz er starc gewerke

Verse: 1207    machen ûffe schîben
Verse: 1208    und zô der stat trîben

Verse: 1209    und hîz di mûren howen
Verse: 1210    mit stehelînen gezowen.

Verse: 1211    dô irhûb sih ein sturm grôz.
Verse: 1212    starke man warf unde scôz

Verse: 1213    von den einen zô den anderen.
Verse: 1214    sêre mohtes deme wunderen,

Verse: 1215    der ie diheinen sturm gesach.
Verse: 1216    von der werlde, di dâ tôt lac,

Verse: 1217    wart daz mere al ein blût.
Verse: 1218    des wôhs Alexandro sîn mût,

Verse: 1219    er bestunt si mit nîde.
Verse: 1220    von den berhfriden,

Verse: 1221    di wâren hôer dan di turme,
Verse: 1222    dô bestunt er si mit sturme.

Verse: 1223    dâ wurden di scônen swibogen
Verse: 1224    in daz wazzer gezogen

Verse: 1225    und di gemôseten steine.
Verse: 1226    der mûren brach dô eine

Verse: 1227    Alexander und di geste,
Verse: 1228    di dâ was di beste.

Verse: 1229       Dô si zer anderen mûren quâmen,
Verse: 1230    cêdirboume si nâmen

Verse: 1231    unde lange tannen:
Verse: 1232    bercfride hîz man spannen

Verse: 1233    und rihte si ûf mit listen
Verse: 1234    und sazte si zô der vesten.

Verse: 1235    dô steich Alexander
Verse: 1236    und manic man ander

Verse: 1237    ûf di uberisten were
Verse: 1238    und hîz sturmen sîn here.

Verse: 1239    dâ nider an der erden
Verse: 1240    hîz er den sturm werden.

Verse: 1241    dô hîz man werch ûf schîben,
Verse: 1242    zô der mûren trîben.

Verse: 1243    mit gezowe man di mûre brach.
Verse: 1244    vil manic man dâ tôt lach.

Verse: 1245    man mohte dâ scowen wunder,
Verse: 1246    sêre vaht Alexander.

Verse: 1247    sîn schilt der was elfinbein,
Verse: 1248    bezzer ne wart nie nehein.

Verse: 1249    sîn helm der was ouh alsô gût,
Verse: 1250    daz nehein swert dar durh wût.

Verse: 1251    ouh heter umbe di sîten
Verse: 1252    ein swert von gûter snîten

Verse: 1253    und an der hant einen gêren.
Verse: 1254    er frumte manigen sêren.

Verse: 1255    daz sagih û vor ungelogen.
Verse: 1256    dô gesah er den herzogen,

Verse: 1257    dem Tyre was undertân,
Verse: 1258    vor sih ûf di mûren stân.

Verse: 1259    den scôz er mit den gêren durh
Verse: 1260    und faltin tôt in di burch.

Verse: 1261       Dô tete der kuninc einen sprunc
Verse: 1262    und mit ime manic helt junc

Verse: 1263    nider ûf di zinnen.
Verse: 1264    di burg wolden si winnen.

Verse: 1265    vier tûsint lûtis mit ime spranc,
Verse: 1266    ellenthaft was ire gedanc;

Verse: 1267    mir ne betriege mîn wân:
Verse: 1268    dâ spranc iteslîch man,

Verse: 1269    daz er nâh der stunt
Verse: 1270    niemer mêr ne wart gesunt.

Verse: 1271    dâ was michele nôt.
Verse: 1272    hundrit sneller helede tôt

Verse: 1273    von dem springene lach.
Verse: 1274    ouh liden michil ungemach

Verse: 1275    die kriechischen geste,
Verse: 1276    dâ si brâchen di veste

Verse: 1277    nider zô der erden.
Verse: 1278    nie ne mohte werden

Verse: 1279    ein mûre, di bezzer wâre
Verse: 1280    daz sagih û zwâre.

Verse: 1281       Dâ was daz velt vil wît.
Verse: 1282    dâ was der bitteriste strît,

Verse: 1283    von dem ih ie gehôrte sagen.
Verse: 1284    man ne sah dâ niemannen verzagen.

Verse: 1285    man mohte dâ degene scowen
Verse: 1286    durh den helmen verhowen.

Verse: 1287    man sah dâ manigen rîter junc
Verse: 1288    durh den halsberch sô verwunt,

Verse: 1289    daz er nit ne gnas
Verse: 1290    in den strîte, der dâ was.

Verse: 1291    durh di schilde fûr der gêr
Verse: 1292    und mahete manigen helt sêr.

Verse: 1293    in den selben nîtspile
Verse: 1294    leit ungemachis vile

Verse: 1295    der eine joh der ander.
Verse: 1296    der wunderlîh Alexander

Verse: 1297    der machete in den stunden
Verse: 1298    freislîche wunden.

Verse: 1299    er irslûc des lûtes de menige.
Verse: 1300    gebeizet was sîn brunie

Verse: 1301    in eines wurmes blûte.
Verse: 1302    manigen helt gûten

Verse: 1303    irlôseter des lîbes.
Verse: 1304    des sît âne zwîbel.

Verse: 1305    sîn brunie was hurnîn vil vast.
Verse: 1306    er hete manige grôze list.

Verse: 1307    ih wil û wêrlîchen sagen:
Verse: 1308    vor den, di dâ lâgen irslagen,

Verse: 1309    sô ne mohte nieman
Verse: 1310    ûf die erden gegân,

Verse: 1311    sô vil lach ir dâ tôt,
Verse: 1312    daz dâ ingagen wurden rôt

Verse: 1313    des tiefen meris unden.
Verse: 1314    in den selbin stunden

Verse: 1315    di helede von Tyre,
Verse: 1316    des lebenes vil gîre,

Verse: 1317    di fuhten sô di wilden swîn,
Verse: 1318    wene daz nit solde sîn

Verse: 1319    ir lebenes dô mê.
Verse: 1320    in was in beidenthalben wê.

Verse: 1321    eine vil lange wîle
Verse: 1322    flugen di phîle

Verse: 1323    alse der snê unde der regen.
Verse: 1324    dâ bleib manic tûre degen.

Verse: 1325       Dâ fuhten Alexandris man,
Verse: 1326    alsiz heleden wol gezam.

Verse: 1327    doh brâchen si Tyrêre durh
Verse: 1328    und wichen wider in di burch.

Verse: 1329    Alexander tet in unreht.
Verse: 1330    er verlôs dâ manigen tûren kneht.

Verse: 1331    vil zurnic wart er dô.
Verse: 1332    mit nîde ginc er der porten zô:

Verse: 1333    di dar ûffe wâren,
Verse: 1334    di tâten ime scaden mâren.

Verse: 1335    di porte hete drî turme;
Verse: 1336    dâ geschît er abe mit zurne,

Verse: 1337    wandime dâ leides vil gescach.
Verse: 1338    mit sînen fursten er dô sprah

Verse: 1339    und nam iren heimlîchen rât,
Verse: 1340    wî er gehandelte di tât.

Verse: 1341    er sprach: 'nû râtent mir, des ist zît,
Verse: 1342    wandir vil wîse lûte sît:

Verse: 1343    nement nû dise di uberin hant,
Verse: 1344    sô spottet man unser in daz lant.'

Verse: 1345       Ime rieten sîne fursten,
Verse: 1346    di ime râten tursten,

Verse: 1347    daz er sante ubir sê
Verse: 1348    und lieze heris comen mê

Verse: 1349    und hieze mangen rihten
Verse: 1350    und tête di turme brechen

Verse: 1351    mit sturmes gewalt.
Verse: 1352    schiere wurden dâ gestalt

Verse: 1353    zwô und sibinzich mangen
Verse: 1354    mit hurden wol behangen,

Verse: 1355    gemannet unde geseilet.
Verse: 1356    di wurden in drî geteilet

Verse: 1357    und wurden getriben zô der burch.
Verse: 1358    dô wâre dâ eines friden durht.

Verse: 1359    in di burch wurfen si dô
Verse: 1360    beide spâte unde frô

Verse: 1361    kriechisc fûr unde wite,
Verse: 1362    daz was Alexandris site:

Verse: 1363    kriechisc fûr cunder wirken
Verse: 1364    und ne liez daz niemanne merken,

Verse: 1365    von wilhen listen daz quam,
Verse: 1366    daz iz in den wazzere bran.

Verse: 1367    daz warf er în zô der burh.
Verse: 1368    dâ mite branter di turme durh

Verse: 1369    und manigen vil herten stein.
Verse: 1370    dô ne bleib der burgêre nehein,

Verse: 1371    si ne môsten von den zinnen gân,
Verse: 1372    wande si ne tursten dâ niwit langer stân

Verse: 1373    vor des fûris forhten.
Verse: 1374    Alexander dranc zô der porten,

Verse: 1375    mit nîde er si der nider brach.
Verse: 1376    sîner helede vil dâ tôt lach.

Verse: 1377    ime wâre doch leides me geschît,
Verse: 1378    ne forhten si daz fûr nit

Verse: 1379    unde maniger mangen worf.
Verse: 1380    sô solde ime ouh di burh

Verse: 1381    wesen vil tûre,
Verse: 1382    ne hêter si mit den fûre

Verse: 1383    und mit den mangen nit bestân.
Verse: 1384    daz sult ir wizzen âne wân.

Verse: 1385       Alexander wolde sih vollen rechen:
Verse: 1386    er hîz di turme nider brechen,

Verse: 1387    di daz fûr hete verlâzen.
Verse: 1388    der rîchestin burgêre, di dar inne sâzen,

Verse: 1390    hîz er drî dûsint fâhen
Verse: 1391    und blinden unde hâen

Verse: 1392    wider sînen fursten drîn,
Verse: 1393    di er sante dar în.

Verse: 1394    des siges, des er dâr nam,
Verse: 1395    wêre er ein wol bedâht man,

Verse: 1396    er ne wurdis niemer frô;
Verse: 1397    wandiz gescah ime alsô,

Verse: 1398    daz ime mê lûte tôt bleip,
Verse: 1399    des sagen ih û di wârheit,

Verse: 1400    dan der in Tyro wâre
Verse: 1401    geste oder burgêre.

Verse: 1402       Zestôret lach dô Tyrus.
Verse: 1403    di stifte sint der kuninc Apollonius,

Verse: 1404    von dem di bûch sagent noh,
Verse: 1405    den der kuninc Antioch

Verse: 1406    ubir mere jagete,
Verse: 1407    wander ime sagite

Verse: 1408    ein rêtisle mit forhten.
Verse: 1409    daz was mit bedecketen worten

Verse: 1410    gescriben in einen brief,
Verse: 1411    daz er sînes selbes tohter beslief.

Verse: 1412    ouh ist Tyrus di selbe stat,
Verse: 1413    dâr Chananea unsen hêren bat,

Verse: 1414    daz er si getrôste
Verse: 1415    und ir tobter lôste

Verse: 1416    mit sîner volleiste
Verse: 1417    von den ubilen geiste.

Verse: 1418    dâ gewerte si unser hêre
Verse: 1419    durh sînes selbes êre

Verse: 1420    unde machete dâ zestunt
Verse: 1421    ir tohter gesunt.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.