TITUS
Ulrich von Eschenbach, Alexander
Part No. 161
Previous part

Chapter: 253a  
Wilde Menschen


Verse: 22093       Von dannen kam er in ein lant,
Verse: 22094    dâ er grôʒe waʒʒer vant,

Verse: 22095    dâ bî wîp unde man
Verse: 22096    alle ungecleidet gân,

Verse: 22097    von houbt biʒ ûf den fuoʒ ze tal
Verse: 22098    als die tier rûch überal.

Verse: 22099    in dem waʒʒer und ûf der erden
Verse: 22100    heten wonunge die unwerden.

Verse: 22101    als schiere dô sie sâhen
Verse: 22102    in daʒ her nâhen,

Verse: 22103    dâ liefen sie daʒ waʒʒer în,
Verse: 22104    gar sie burgen iren schîn,

Verse: 22105    daʒ man ir nihtes niht ensach.
Verse: 22106    daʒ was dem fürsten ungemach.

Verse: 22107    er wolt ir gerne zwei hân.



Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.