TITUS
Alexanderroman (Wernigeroder Handschrift)
Part No. 4
Previous part

Chapter: 5  
Neptanabus in Makedonien


Verse: 127    Also chöm Neptanabus
Verse: 128    Zu dem künig Philippus

Verse: 129    Von Macedon in Kriechen land
Verse: 130    Als ein gast unerkand.

Verse: 131    Nu köm ez also
Verse: 132    Daz der künig von Macedo,

Verse: 133    Der da Philippus hiez,
Verse: 134    Von einem künig, der an in stiezz,

Verse: 135    Köm zu krieg, daz er mit maht
Verse: 136    Wolt ziehen, so er het aht:

Verse: 137    Als er auch tet, und zoch
Verse: 138    Auf sein veind mit fursten höch

Verse: 139    Und auch mit ainer grozzen schar.
Verse: 140    Do dez der künig ward gewar,

Verse: 141    Er köm mit ainem grozzen her
Verse: 142    Und seczt manlich sich zu wer.

Verse: 143    Da erhub sich ain streit,
Verse: 144    Do von manig wund weit

Verse: 145    Wart da vil ritterlich gehawen:
Verse: 146    Da von daz graz in den awͤen

Verse: 147    Ward von dem haißen plut vall
Verse: 148    Da vil manig helt zu tal,

Verse: 149    Der ritterlich da nam sein end.
Verse: 150    Da nü der abent wart bekend,

Verse: 151    Da nam künig Philip den sig,
Verse: 152    Der ander den underlig,

Verse: 153    So daz er sich und sein land
Verse: 154    Must geben an dez künigs hand.

Verse: 155    Dez siges half dem künig da
Verse: 156    Ein würm, den er sach sa

Verse: 157    Gar frevelich gebarn.
Verse: 158    Er het in seinen jarn

Verse: 159    Nye beschawt so fraidig kunder:
Verse: 160    Und nam in auch ain großes wünder,

Verse: 161    Als der streit ein end nam,
Verse: 162    Zu hant der würm da verswand.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.