TITUS
Alexanderroman (Wernigeroder Handschrift)
Part No. 34
Previous part

Chapter: 49  
Brief der Fürsten an Darius


Verse: 1241    Dye fürsten die in Asya
Verse: 1242    Gewalt heten von Daria

Verse: 1243    Yrem hern, da sie heten vernomen
Verse: 1244    Den brief der in waz komen

Verse: 1245    Von yrem hern Dario,
Verse: 1246    Do antbürten sie im also:

Verse: 1247    'Künig, furst und her Persarum,
Verse: 1248    Her der herren terrarum,

Verse: 1249    Die potschaft die uns du
Verse: 1250    Hast enpoten nü,

Verse: 1251    Der sulle wir antbürt geben.
Verse: 1252    Du wiß pey unserm leben:

Verse: 1253    Du nennest Allexandrum ain kint:
Verse: 1254    Wiß daz wir von im sind

Verse: 1255    Kurczlich in grozzen schaden kömen:
Verse: 1256    Host du dez, her, nit vernomen ?

Verse: 1257    Daz dunkt unpillich gar.
Verse: 1258    Wann wizz sicherlich zwar:

Verse: 1259    Kumpst du uns nit zu hilf drät,
Verse: 1260    Vil ubel ez uns ergat.

Verse: 1261    In kann nymant machen sat
Verse: 1262    Mit streit frü und spat.

Verse: 1263    Er hat auch als manlich
Verse: 1264    Held, daz wiß sicherlich,

Verse: 1265    Daz sie menlich fürhten müß.
Verse: 1266    Wiß daz er seinen füzz

Verse: 1267    Hat geseczt als vest gar
Verse: 1268    Daz er maint zu ziehen wär

Verse: 1269    Er wil, und auch tüt.'



Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.