TITUS
Alexanderroman (Wernigeroder Handschrift)
Part No. 51
Previous part

Chapter: 83  
Ein verkleideter Perser verletzt Alexander


Verse: 1967    Da der streit waz hert,
Verse: 1968    Darins diener ainer fert

Verse: 1969    Her gar ritterlich
Verse: 1970    Mit seinem swert feintlich

Verse: 1971    Und gab Allexander
Verse: 1972    Ainen slag, daz er

Verse: 1973    Ain tail do von ward
Verse: 1974    Wund. da er daz behard,

Verse: 1975    Er kert sich gen im ritterlich
Verse: 1976    Und sprach zu im: 'ich

Verse: 1977    Sich daz du zu mir
Verse: 1978    Gehörst: du sag mir,

Verse: 1979    Waz host du gerochen,
Verse: 1980    Daz du mich host gestochen?'

Verse: 1981    Er sprach: 'her, genad mich.
Verse: 1982    Darius diener pin ich

Verse: 1983    Und hon daz zaichen dein
Verse: 1984    An mir: daz hiez mein

Verse: 1985    Hërr und künig Darius:
Verse: 1986    Daz tet ich alsus.

Verse: 1987    Und wer daz mir gelüng
Verse: 1988    Und im dein haubt bring,

Verse: 1989    Er geb mir zu hant
Verse: 1990    Sein töchter an mein hant.'

Verse: 1991    Allexander bat im geben
Verse: 1992    Rat sein werd degen.

Verse: 1993    Ainer sprach: 'man sol in
Verse: 1994    Hähen.' so waz ains sin

Verse: 1995    Mann solt in ertrencken.
Verse: 1996    Ainer sprach man künd erdencken

Verse: 1997    Nit waz todez er wirdïg wer.
Verse: 1998    Da sprach Allexander:

Verse: 1999    'Ir habt mir nit reht
Verse: 2000    Geraten noch sleht.

Verse: 2001    Wer solher urteil uber in
Verse: 2002    Sprach, so wer mein synn

Verse: 2003    Daz man den töten sölt.
Verse: 2004    Ob ich nü hiez und wolt

Verse: 2005    Daz ir auch slugt Darium,
Verse: 2006    Sagt an, war umb

Verse: 2007    Wolt ir dez nit tün?
Verse: 2008    Dar umb sol er sün

Verse: 2009    Von mir haben und huld
Verse: 2010    All hie umb die schuld.'

Verse: 2011    Er sprach zu im: 'haim gank'
Verse: 2012    Dez sagt im der held dank.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.