TITUS
Alexanderroman (Wernigeroder Handschrift)
Part No. 53
Previous part

Chapter: 85  
Gefangennahme der Familie Darius'


Verse: 2028    Allexander begann

Verse: 2029    Ziehen zu der stat
Verse: 2030    Die yren namen hat

Verse: 2031    Batrat. da legt er sich
Verse: 2032    Für und sprach: 'ich

Verse: 2033    Wil hie opffer bringen
Verse: 2034    Den götern, daz mir gelingen

Verse: 2035    Hie müg dester paz.
Verse: 2036    Dar umb tun ich daz.'

Verse: 2037    Er erhort unerforhticlich
Verse: 2038    An die stat ritterlich,

Verse: 2039    So daz er sie zwank
Verse: 2040    Mit gewalt. unlank

Verse: 2041    Köm er hin ein
Verse: 2042    Mit gewalt on pein.

Verse: 2043    Und waz auch dar ynn
Verse: 2044    Die alt künigin,

Verse: 2045    Die Dario müter waz,
Verse: 2046    Und sein weib, wist daz,

Verse: 2047    Dar zu auch seinew kint,
Verse: 2048    Die von im geborn sind.

Verse: 2049    Do Allexander die mer
Verse: 2050    Vernam daz in der stat wer

Verse: 2051    Müter, kind und weib:
Verse: 2052    'Samer mein leib,'

Verse: 2053    Sprach der milte reich,
Verse: 2054    'Ez ist selicleich

Verse: 2055    Und wol hie ergangen.'
Verse: 2056    Dar nach unlange,

Verse: 2057    Und er alle sach het
Verse: 2058    Geordet in der stat, da ret

Verse: 2059    Er mit den hern sein:
Verse: 2060    'Wir sullent die freülein

Verse: 2061    Dann sehen und schawen
Verse: 2062    Und die jünkfrawen.'

Verse: 2063    Daz geschach da: er gieng da hin
Verse: 2064    Und enpfing die künigin

Verse: 2065    Und ir töchter Rosanne.
Verse: 2066    Waz sol ich sagen me?

Verse: 2067    Er sprach: 'ir lat geczemen
Verse: 2068    Euch daz ir euch nement

Verse: 2069    Guten müt umb die geschicht.
Verse: 2070    Mein trew dez vergicht

Verse: 2071    Euch daz ir erleich
Verse: 2072    Sult gehabt in disem reych

Verse: 2073    Werden ymmer me,
Verse: 2074    Mein müt anders stët

Verse: 2075    Nit dann daz ir mir gebt
Verse: 2076    Ewr töchter mit pet

Verse: 2077    Und daz sie künigin reich
Verse: 2078    Beleib hie erleich.'

Verse: 2079    Die fraw sprach zu stund:
Verse: 2080    'Got euch der er günd

Verse: 2081    Daz ir uns gefangen
Verse: 2082    Törst: dez nimer belangen

Verse: 2083    Hab wir, und die pët
Verse: 2084    Sol euch sein unversait.

Verse: 2085    Darius mein kint
Verse: 2086    Ist an wiczen plint,

Verse: 2087    Daz er nit die hoffart
Verse: 2088    Von im nach edler art

Verse: 2089    Legt. er sicht nit daz ir
Verse: 2090    Habt der göter gir

Verse: 2091    Und hilf und dar zu manhait
Verse: 2092    In streit, dar zu nit berait

Verse: 2093    Ist daz land in Persia.'
Verse: 2094    Allexander schied da

Verse: 2095    Von in und hiez ir pflegen
Verse: 2096    Wol, als dem degen

Verse: 2097    Geczam. do kom gerant
Verse: 2098    Pöten, die Dario bekant

Verse: 2099    Sayten laydige mër,
Verse: 2100    Daz müter und weib wer

Verse: 2101    Gefangen und die kind.
Verse: 2102    Er sprach: 'nü sind

Verse: 2103    All mein freüd do hin.'



Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.