TITUS
Alexanderroman (Wernigeroder Handschrift)
Part No. 62
Previous part

Chapter: 116a  
Alexander schleicht sich in Darius' Lager


Verse: 2349    Dez morgens, so ez tägt,
Verse: 2350    Sagt der unverczagt

Verse: 2351    Den fürsten die gesiht.
Verse: 2352    Nu hiez er geriht

Verse: 2353    Zu im komen vil drat
Verse: 2354    Emulum: 'nü rät

Verse: 2355    An,' sprach Allexander,
Verse: 2356    'Ich hann nymmant der

Verse: 2357    Mir als nücz sey dar zü
Verse: 2358    Als du.' -- 'her, ich tü

Verse: 2359    Waz ir haist und gebiet.'
Verse: 2360    Allexander dannen schied

Verse: 2361    Und Emulus mit im.
Verse: 2362    Er sprach: 'nü vernym.

Verse: 2363    Wann ich köm hin ein,
Verse: 2364    Du solt hie außen sein.

Verse: 2365    Der mir in dem sloff köm,
Verse: 2366    Der lat mir nit scham

Verse: 2367    Noch lald beschechen hie.'
Verse: 2368    In die stat er gieng.

Verse: 2369    Da er zu der porten köm,
Verse: 2370    Do sachen in die leüt an:

Verse: 2371    Sein angesiht gab solhen glast
Verse: 2372    Daz menlich ab dem gast

Verse: 2373    Erschrackent und sprachent wer er wër.
Verse: 2374    Er sprach: 'Allexander

Verse: 2375    Hat mich gesant zu Dario,
Verse: 2376    Ich sol im sagen so.'

Verse: 2377    Da er für den künig köm
Verse: 2378    Und sein angesicht vernam,

Verse: 2379    So daüht all Perser
Verse: 2380    Wie ez ain got wer,

Verse: 2381    So licht waz sein schein.
Verse: 2382    Er sprach zu im: 'mein

Verse: 2383    Her hat mich her
Verse: 2384    Gesant Allexander,

Verse: 2385    Und haist mich dir sagen
Verse: 2386    War umb du verczagen

Verse: 2387    Tust alhie, war umb dü
Verse: 2388    Nit zu vechten ziehest nü,

Verse: 2389    Daz du im snel angesigst
Verse: 2390    Oder von im nider ligest?

Verse: 2391    Kömpst du zu veld gefarn,
Verse: 2392    Zu stund kümpt mit scharn

Verse: 2393    Gegen dir der degen güt.
Verse: 2394    Der hat manlichen müt:

Verse: 2395    Er sleht dich und dein her
Verse: 2396    Sicherlichen on alle wer.'

Verse: 2397    Der edel künig Darius
Verse: 2398    Zu dem poten süß

Verse: 2399    Sprach: 'ich prüf on der red dein
Verse: 2400    Daz sie aüz höchmütigem schrein

Verse: 2401    Gat, und wer ez Allexander
Verse: 2402    Selber, ez genung wer.'

Verse: 2403    Der künig tugentreich
Verse: 2404    Nam den poten herleich

Verse: 2405    Und fürt in pey der hant
Verse: 2406    In daz haus. zu hant

Verse: 2407    Die tysch würden da gedekt
Verse: 2408    Und dor auf gerekt

Verse: 2409    Waz zu wirtschaft geczam:
Verse: 2410    Da waz wild und zam.

Verse: 2411    Nü hiez der künig den poten da
Verse: 2412    Gen im uber siczen sa:

Verse: 2413    Sein wart da gepflogen wöl.
Verse: 2414    Ains ich euch sagen söl,

Verse: 2415    War auz man tranck und äzz,
Verse: 2416    Daz daz allez wäz

Verse: 2417    Von silber und von gold vein.
Verse: 2418    So man ander waid schankt ein,

Verse: 2419    So stiez der pot daz vaz
Verse: 2420    In den püsen, wißt daz,

Verse: 2421    Da er trank auzz vör.
Verse: 2422    Man sprach: 'sich waz der tör

Verse: 2423    Tut, wie schent er sich!
Verse: 2424    Daz ist zu mal unerlich.'

Verse: 2425    Luczel er sich dor an
Verse: 2426    Kert. so man daz ezzen dann

Verse: 2427    Wolt dannen tragen,
Verse: 2428    Da wolt er nit verdagen

Verse: 2429    Er nem die schüßeln zu im.
Verse: 2430    Die diener sprachen: 'künig, vernym

Verse: 2431    Selczeinew geschicht und mer
Verse: 2432    Von disem poten her,'

Verse: 2433    Und sagten im als ez waz.
Verse: 2434    Der künig pöt daz nymmant daz

Verse: 2435    Zwrnt, 'und sprecht nit!'
Verse: 2436    Daz taten sie gar geriht.

Verse: 2437    Die tysch trüg mann dannen.
Verse: 2438    Darius begand

Verse: 2439    Den poten frogen und sprach,
Verse: 2440    Da er in an sach:

Verse: 2441    'Sag mir umb waz,
Verse: 2442    Waz silbers und trinkfäz

Verse: 2443    Ist hewt für dich kömen,
Verse: 2444    Daz hast du alles genomen?

Verse: 2445    Ich frag doch dar umb nicht
Verse: 2446    Daz ez mich befilt iht

Verse: 2447    Und dir dar umb trag
Verse: 2448    Hazz: dar umb ich ez frag

Verse: 2449    Nit: ich het euch nit gelann
Verse: 2450    On mein gab hynnan gan:

Verse: 2451    Dann daz ez mich besünder
Verse: 2452    Nympt ain groß wünder

Verse: 2453    Daz ir ez selber habt genomen.
Verse: 2454    Dez wolt ich gern zu end komen.'

Verse: 2455    'Dez wil ich euch verjechen,
Verse: 2456    War umb ez ist beschechen.

Verse: 2457    Haist manlich gedagen,
Verse: 2458    Ich wil ez offenlich sagen.'

Verse: 2459    Aller meniclich mann sweygen hiezz.
Verse: 2460    Allexander nit enliezz

Verse: 2461    Er sagt waz er maint da mit:
Verse: 2462    'In meins hern hof ist sytt,

Verse: 2463    Dez diener ich pin,'
Verse: 2464    (Er het nit gern under in

Verse: 2465    Gesagt daz er ez waz)
Verse: 2466    'Ez sey schußel oder trinkfaz

Verse: 2467    Daz man yglichem lat.
Verse: 2468    Meins hern hof so stät

Verse: 2469    Und sol lang also stann:
Verse: 2470    Dar umb hon ich ez getön

Verse: 2471    Und maint daz ewr hof ste
Verse: 2472    Als Allexanders oder më.'

Verse: 2473    Doch liez er all dä
Verse: 2474    Daz geschyrr yesa.

Verse: 2475    Die ritter retten under in:
Verse: 2476    'Hat Allexander den sin,

Verse: 2477    Wir sullen zu im kerren,
Verse: 2478    So mag sich selden mëren

Verse: 2479    Und hailes vil.'
Verse: 2480    Zu dem selben zil

Verse: 2481    Schied Allexander dänn
Verse: 2482    Dez pesten so er kan.

Verse: 2483    Do vand er den gesellen sein
Verse: 2484    Emulum, der sein

Verse: 2485    Het gepieten alda.
Verse: 2486    Mit dem rait er sa

Verse: 2487    Zu den seinen: da er sie fänd,
Verse: 2488    Do wurden sie zu hant

Verse: 2489    Fro, daz sie in an der stünd
Verse: 2490    Frölich sohen und gesünd.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.