TITUS
Alexanderroman (Wernigeroder Handschrift)
Part No. 66
Previous part

Chapter: 124  
Darius' 4. Brief an Alexander


Verse: 2599    'Ich hon oft in hoffart
Verse: 2600    Geschriben dir in hocher art

Verse: 2601    Solhe wort der ich mich
Verse: 2602    Nü scham zu schreiben sicherlich.

Verse: 2603    Doch wil ich dir rat
Verse: 2604    Geben daz du spat

Verse: 2605    Und frü seist gedenckig
Verse: 2606    Daz du pist töttig:

Verse: 2607    Und uber heb dich nit ze vil.
Verse: 2608    Daz du mir on disem zil

Verse: 2609    Host gesiget an,
Verse: 2610    Dor umb nit beganc

Verse: 2611    Dich in hoffart raichen.
Verse: 2612    Dez gib ich dir ain zaichen

Verse: 2613    Von Xerses von Persya,
Verse: 2614    Der von hoffart yesa

Verse: 2615    Kom daz er verlözz
Verse: 2616    Land, leut: da von erkös

Verse: 2617    Ich disew land, die yeczo
Verse: 2618    Dir undertenig sind so

Verse: 2619    Durch mein hoffart worden.
Verse: 2620    Ich pit dich dürch den orden

Verse: 2621    Dez adels und der purt dein
Verse: 2622    Daz du mir daz weyp mein,

Verse: 2623    Muter und die kind
Verse: 2624    Die pey dir gefangen sind,

Verse: 2625    Wider gebest: ich wil dir geben
Verse: 2626    Den schacz, der pey meinem leben

Verse: 2627    Und meiner fordern ist
Verse: 2628    Geporgen gewesen lang frist.

Verse: 2629    Dar zu wirt dir undertann
Verse: 2630    Persa und Medan,

Verse: 2631    Die land, die die gotter dir
Verse: 2632    Hand geordet von mir.'




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.