TITUS
Alexanderroman (Wernigeroder Handschrift)
Part No. 68
Previous part

Chapter: 134  
Darius' 2. Brief an Poros


Verse: 2664    Von Dario daz puch daz

Verse: 2665    Sagt daz er umb geben
Verse: 2666    Waz mit sorgen und streben

Verse: 2667    In laid und in sorgen.
Verse: 2668    Er möht nit lenger pörgen,

Verse: 2669    Er hiez schreiben Pöro
Verse: 2670    Dem künig in India also:

Verse: 2671    'Darius, künig Persarüm
Verse: 2672    Und künig der künig terarüm.

Verse: 2673    Ich hon dir vor kürczlich
Verse: 2674    Geschriben, her, nü pit ich

Verse: 2675    Dich daz du mir hilf und rat
Verse: 2676    Gebst, e ez zu spat

Verse: 2677    Werd mir und auch dir.
Verse: 2678    Wiß daz Allexander gir

Verse: 2679    Und hoffart ist als größ,
Verse: 2680    Er maint daz sein genözz

Verse: 2681    Nit in der werlt sey.
Verse: 2682    Dar umb gestand mir bey,

Verse: 2683    Daz sein hoffart gelieg.
Verse: 2684    Wiß, ob er den sig

Verse: 2685    Nem an mir, daz er nit liez
Verse: 2686    Seinen häzz er an dich stiezz.

Verse: 2687    So wurd zu höch dann der gauch.
Verse: 2688    Dar umb loz uns dor noch

Verse: 2689    Trachten daz ez nit beschech
Verse: 2690    Und daz man in von uns sech

Verse: 2691    Vertriben und geschant.'
Verse: 2692    Do Porüs daz erkant,

Verse: 2693    Den brief und waz er tüt,
Verse: 2694    Er schraib uber laüt

Verse: 2695    Daz er nicht liez erschrecken sich.
Verse: 2696    'Wiß sicher daz ich

Verse: 2697    Dir komen wil mit großer mäht
Verse: 2698    Kürczich, als ich hon aht

Verse: 2699    Ze drücken seinen uber müt,
Verse: 2700    Den er an mangem fursten tüt.'




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.