TITUS
Anna von Koeln, Liederbuch
Part No. 32
Previous part

Song: 41.  
Manuscript page: 64b-67a 
Carmen


Strophe: 1  
Verse: 1     Myr geleiffden eyn jongelinck
Verse: 2     mynnenclich gar wail gestalt,
Verse: 3     he hait hartz, moit ind alle myn synne
Verse: 4     in syn gewalt;
Verse: 5     dat ich neit stedich by em en byn
Verse: 6     mit hertz, myt syn
Verse: 7     inde myt alle dat ich byn,
Verse: 8     dat koempt van mynen schulden.

Strophe: 2  
Verse: 1     Synt dat by mynen schulden koempt,
Verse: 2     datz myr doch leit.
Verse: 3     Ich wilt eme selver clagen,
Verse: 4     dat it myr neit bes en geit;
Verse: 5     so hilpt he myr ind gyfft mir macht
Verse: 6     ind dartzo krafft
Verse: 7     ind goede gedacht,
Verse: 8     dat ich by em wil bliven.

Strophe: 3  
Verse: 1     He hait so vil vur mich gedaen;
Verse: 2     it weir wonder grois,
Verse: 3     dat ich em neit lieff en soulde haen
Verse: 4     bis in den doit;
Verse: 5     ich wil em lieff haen sonder bedwanck
Verse: 6     myt ganssen anvanck,
Verse: 7     aen allen wanck
Verse: 8     wil ich eme stedich bliven.

Strophe: 4  
Verse: 1     Woult du wyssen, wen ich meyne,
Verse: 2     ich sagen dir,
Verse: 3     it is Jhesus van Nazarenen,
Verse: 4     he is by myr;
Verse: 5     so wan ich haen eyn hartze reyne
Verse: 6     ind yn alleyne
Verse: 7     ind anders geyne
Verse: 8     alleyn dar yn wil laissen.

Strophe: 5  
Verse: 1     Als die becoiringen comen
Verse: 2     vur myns hertzen doir,
Verse: 3     so wil ich mych laissen duncken,
Verse: 4     dair sy eyn grois geck voir;
Verse: 5     ind treckt mych vast van achter an
Verse: 6     ind dan staen
Verse: 7     ind reden han
Verse: 8     by Jhesum, mynen heren.

Strophe: 6  
Verse: 1     Als mych der geck vast treckt
Verse: 2     ind he neit aff en leist,
Verse: 3     so gryff ich den staff des cruytz
Verse: 4     ind slae yn dan dair myt,
Verse: 5     dat he neder velt zo der erden,
Verse: 6     so leist he mych gewerden
Verse: 7     ind volherden
Verse: 8     in mynen goeden wercken.

Strophe: 7  
Verse: 1     Als ich den eynen geck
Verse: 2     dan aff geslagen haen,
Verse: 3     so coempt gerynge eyn ander
Verse: 4     ind treckt mych wederom an;
Verse: 5     so synt myr de gecken allwege by,
Verse: 6     so wa ich sy,
Verse: 7     ych byn droeff off blyde,
Verse: 8     ich en kan on neit ontrynnen.

Strophe: 8  
Verse: 1     Den besten syn, den ich dar op weis,
Verse: 2     dat is der gene,
Verse: 3     so wie heir neit en stryt,
Verse: 4     de en verkryget ouch geynen loen;
Verse: 5     sus wil ich bliven in den stryd
Verse: 6     mit ganssen vlyt
Verse: 7     zo alre tzyt,
Verse: 8     up dat ich die gecken verwynne.

Strophe: 9  
Verse: 1     O goede Jhesus, stant myr by
Verse: 2     zo alre tzyt,
Verse: 3     want van myr
Verse: 4     selver en haen ich neit dan all gebrechen,
Verse: 5     hilpe myr,
Verse: 6     dat ich gecken verwynne,
Verse: 7     mych selver bekenne
Verse: 8     myt eynen ganssen volherden.

Strophe: 10  
Verse: 1     So wat bekoringen dattu verhenges,
Verse: 2     die up mych komen,
Verse: 3     dat ich dar in lydsam byn,
Verse: 4     dat mach mych vromen;
Verse: 5     ind dar dir danckbar byn
Verse: 6     myt hartz, myt syn,
Verse: 7     sa war ich byn,
Verse: 8     du sals mych wail verloesen.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.