TITUS
Anna von Koeln, Liederbuch
Part No. 67
Previous part

Song: 80  
Manuscript page: 170b-172a 


Strophe: 1  
Verse: 1     Mit vrouden quam der engel van der hogen zynnen,
Verse: 2     he sprach: Got grusse uch, werde maget,
Verse: 3     yr syt so reyne van bynnen.
Verse: 4     Der hilge geist leist uch verstain,
Verse: 5     dat yr Gotz son nu sulde ontfaen,
Verse: 6     mit vrouden ich uch dat ynnen.

Strophe: 2  
Verse: 1     Doe sy dat horde, eyn troisterynne der armen,
Verse: 2     sy meynde, dat comen were de zyt,
Verse: 3     dat sich Got woelde erbarmen
Verse: 4     all over syn vrunt, die waren in noit,
Verse: 5     die da riepen om den troist
Verse: 6     mit suchten ind ouch myt carmen.

Strophe: 3  
Verse: 1     Der engel sprach: Du edel vrucht gehoere,
Verse: 2     dat sich Got an dir ermynschen wilt,
Verse: 3     dat macht al sorge dure,
Verse: 4     Dar is dyn edel kuyscher lyf,
Verse: 5     alle deser werelt leit verdriff
Verse: 6     boven allen creaturen.

Strophe: 4  
Verse: 1     Maria sprach: Myn gayn ind alle myn zelde
Verse: 2     dat setzen ich ynnichlich in Got,
Verse: 3     myn sele in syn gewelde;
Verse: 4     were hemelrich ind ertrich myn,
Verse: 5     so en gerden ich nemant meir dan syns,
Verse: 6     want he ys dat formelose bilde.

Strophe: 5  
Verse: 1     Der engel stont in hoegentlichen mode,
Verse: 2     he sprach: Dyn jonferlicher lyf
Verse: 3     neimt Got selver in syn hode.
Verse: 4     Dyr ys geloift eyn kendelyn,
Verse: 5     Got selver wilt der vader syn,
Verse: 6     o du edel werde gude.

Strophe: 6  
Verse: 1     Maria sprach: Mir en voeget geyn langer beiden
Verse: 2     tzo deser boetschap dyn,
Verse: 3     so wil ich mich bereiden.
Verse: 4     Der hilge geist moes mich durchvaren
Verse: 5     ind mir myn reinicheit bewaren,
Verse: 6     van Gode neit zo scheiden.

Strophe: 7  
Verse: 1     Maria slois yr hertz up sonder sorgen.
Verse: 2     Sy ontfinck dar in dat ewige wort
Verse: 3     aen mans perschoen verborgen.
Verse: 4     Ir wist, dat alle vermogenheit
Verse: 5     leit in Gotz wirdicheit,
Verse: 6     dat is kunt vrouwen ind man.

Strophe: 8  
Verse: 1     Myt vrouden rych scheit der engel van danne,
Verse: 2     he wyst Marien up den rechten wech
Verse: 3     tzo der moder sent Johannis.
Verse: 4     Der engel voir zo hemel wart,
Verse: 5     Maria die bleif myt God bewart,
Verse: 6     do scheyn der lychte morgen.
Verse: 7     Amen.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.