TITUS
Hartmann von Aue, Erec
Part No. 12
Previous part

Verse group: (12) 
Verse: 1100    wider entwichen in daz lant
Verse: 1101    
(daz was karadigân genant),

Verse: 1102    
der hirz was gejaget,
Verse: 1103    
als iu ê ist gesaget.

Verse: 1104    
was ez alsô ergangen
Verse: 1105    
daz den hirz hete gevangen

Verse: 1106    
der künec artûs mit sîner hant.
Verse: 1107    
daz reht daz von wart benant

Verse: 1108    
daz was im gevallen,
Verse: 1109    
daz er undern megeden allen

Verse: 1110    
eine küssen solde,
Verse: 1111    
swelhe er wolde.

Verse: 1112    
si ze karadigân wâren komen,
Verse: 1113    
wolde der künec hân genomen

Verse: 1114    
sîn reht nâch der gewonheit.
Verse: 1115    
dôz im ze rehte wart geseit,

Verse: 1116    
bat in diu künegîn
Verse: 1117    
daz ez gevristet müeste sîn

Verse: 1118    
unz sim gesagete mære
Verse: 1119    
wiez ergangen wære

Verse: 1120    
und waz ir geschach ze leide
Verse: 1121    
von dem ritter ûf der heide,

Verse: 1122    
und sagete im vil rehte wie
Verse: 1123    
ez ir des selben tages ergie.

Verse: 1124    
si sprach ʽgeselle, ich wil dir klagen:
Verse: 1125    
sus und wart mîn maget geslagen

Verse: 1126    
und Êrec fil de roi lac.
Verse: 1127    
umbe den selben geiselslac

Verse: 1128    
schiet er vor leide
Verse: 1129    
von mir ûf der heide.

Verse: 1130    
er sprach: ʽgeloubet, vrouwe mîn,
Verse: 1131    
ich wil iu immer vremde sîn

Verse: 1132    
ze britanje in dem lande,
Verse: 1133    
ichn gereche mîne schande.

Verse: 1134    
und ob ich mich errechen mac,
Verse: 1135    
kum ich über den dritten tac.'

Verse: 1136    
herre, der ist morgen.
Verse: 1137    
gedingen unde sorgen

Verse: 1138    
hân ich umbe den jungelinc,
Verse: 1139    
wie stên sîniu dinc.

Verse: 1140    
ich enmohte in nie erwenden.
Verse: 1141    
got welle in uns senden.

Verse: 1142    
geselle, bite ich dich
Verse: 1143    
durch sîne liebe und durch mich

Verse: 1144    
daz dîns rehtes niht ennemest
Verse: 1145    
ê daz danne vernemest

Verse: 1146    
wie im sîn dinc ergangen .
Verse: 1147    
mir wære liep, er wære ouch .

Verse: 1148    
bît niuwan unz morgen vruo:
Verse: 1149    
gelinget im, er kumt dar zuo.'

Verse: 1150    
disiu bete was getân
Verse: 1151    
ûf dem hûs ze karadigân.

Verse: 1152    
hete walwân und der vriunt sîn,
Verse: 1153    
der truhsæze keîin,

Verse: 1154    
sich ze handen gevangen
Verse: 1155    
und wâren gegangen

Verse: 1156    
niulîch von den vrouwen
Verse: 1157    
vür daz kastel schouwen.

Verse: 1158    
beide si sâhen
Verse: 1159    
disen ritter zuo gâhen

Verse: 1160    
verre ûz dem walde.
Verse: 1161    
tâten siz balde

Verse: 1162    
der küneginne kunt.
Verse: 1163    
ûf stuont si zestunt:

Verse: 1164    
ir vrouwen si zuo ir nam,
Verse: 1165    
an ein venster si kam,

Verse: 1166    
daz si war næme
Verse: 1167    
wer geriten kæme.

Verse: 1168    
stuont si und diu ritterschaft
Verse: 1169    
ein ander zwîvelhaft

Verse: 1170    
wer der ritter möhte gesîn.
Verse: 1171    
sprach diu künegîn:

Verse: 1172    
ʽez ist benamen der man,
Verse: 1173    
als ich verre kiesen kan

Verse: 1174    
und als mir mîn gemüete seit,
Verse: 1175    
dem Êrec nâch reit.

Verse: 1176    
sehet, ir sint drîe:
Verse: 1177    
daz getwerc und sîn âmîe

Verse: 1178    
rîtent mit im dort her.
Verse: 1179    
ez ist nieman wan er.

Verse: 1180    
vert er sam er rîte
Verse: 1181    
ûzer einem strîte.

Verse: 1182    
ez mac iu sîn erkant,
Verse: 1183    
im ist der schilt unz an die hant

Verse: 1184    
vil nâch verhouwen gar,
Verse: 1185    
sîn harnasch aller bluotvar.

Verse: 1186    
ich wil iu zewâre sagen,
Verse: 1187    
er hât Êrecken erslagen

Verse: 1188    
und ist durch ruom her komen
Verse: 1189    
daz er den sige hât genomen.

Verse: 1190    
oder er hât den ritter gesant
Verse: 1191    
sigelôsen in diz lant

Verse: 1192    
durch unsers hoves êre
Verse: 1193    
des selben gedinge ich sêre.'

Verse: 1194    
jâhen si alle der künegîn,
Verse: 1195    
der eintwederz möhte wol sîn.

Verse: 1196    
ê diu rede wære getân,
Verse: 1197    
îdêrs ûf karadigân

Verse: 1198    
gegenwürtic über den hof reit
Verse: 1199    
zeinem steine, der was breit,
Next part



This text is part of the TITUS edition of Hartmann von Aue, Erec.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.