TITUS
Author: God.Hagen 
Godefrit Hagen
Book: Reimchr. 
Reimchronik der Stadt Cöln

On the basis of the edition
Eberhard von Groote,
Des Meisters Godefrit Hagen, der Zeit Stadtschreibers,
Reimchronik der Stadt Cöln aus dem dreizehnten Jahrhundert,
Cöln am Rhein 1834.
entered by Daniel Kölligan,
Oxford 2007;
TITUS version by Jost Gippert
Frankfurt a/M, 26.11.2008



Section: I. 
Page of edition: 1 
Dyt is dat boich van der stede Coelne.

----------

Verse / Line: 1        Dich ewige Got van hemelrich,
Verse / Line: 2     dynen sun, de eweliche
Verse / Line: 3     mit dyr is, ind dynen hilgen geist,
Verse / Line: 4     want ir dry vermogit alremeist,
Verse / Line: 5     so bidde ich, dat ir myr doit volleist
Verse / Line: 6     zo eyme boiche, dat ich wil begynnen
Verse / Line: 7     van dingen, die zo Coelne enbynnen
Verse / Line: 8     der hilger stede sint gescheit.
Verse / Line: 9     Nu en byn ich leider so kunstich neit,
Verse / Line: 10     dat ich dat boich moge volmaichen
Verse / Line: 11     van alle den dingen ind den saichen,
Verse / Line: 12     die Coelne schade haint gedain,
Verse / Line: 13     ir dry eyn Got ir en wilt myr bestain
Verse / Line: 14     mit vrre helpen also by,
Verse / Line: 15     dat it vmmer bliue ind sy
Verse / Line: 16     warnynge der vil hilger stede,
Verse / Line: 17     der Kirst durch syner moeder beide
Verse / Line: 18     ind der hilgen die da ynne restent
Verse / Line: 19     zo Gode wert haint so geuestint,
Verse / Line: 20     dat Coelne ain alle miswende
Verse / Line: 21     ire dinck noch her zo goeden ende
Verse / Line: 22     hait braicht, die ire sint weder varen.
Verse / Line: 23     In al den dagen ind in den jaren
Verse / Line: 24     van des dat Coelne eirst kirsten wart
Page of edition: 2  Verse / Line: 25     wirt myr ze vinden alze hart,
Verse / Line: 26     die alre kunste meister is ind begyn
Verse / Line: 27     die verlein' myr kunst ind den syn,
Verse / Line: 28     dat icht also volherde,
Verse / Line: 29     dat it uns allen nutzlich werde.

Verse / Line: 30        Dich Rome houft der cristenheit
Verse / Line: 31     saich men zo ruwen ind zo leide
Verse / Line: 32     den Romeren aue gewynnen
Verse / Line: 33     die woneicht woren da enbynnen.
Verse / Line: 34     Dich haint, steide, burge inde lant,
Verse / Line: 35     die cristenheit myt irre hant
Verse / Line: 36     mit Godes helpen van hemelriche
Verse / Line: 37     betwungen und conynckriche,
Verse / Line: 38     der lude myt betwange samen
Verse / Line: 39     intfeingen cristeliche namen.
Verse / Line: 40     So wat men myt betwange deit,
Verse / Line: 41     dar zo ist irst den luden leit,
Verse / Line: 42     ouch wie it in na kome zo goede,
Verse / Line: 43     zo vromen ind zo bliden moede.

Verse / Line: 44        Reicht in sente Peters gezijden
Verse / Line: 45     woilde die cristenheit mit stryde
Verse / Line: 46     Agrippinam die starcke stat
Verse / Line: 47     aneueichten, vmb dat,
Verse / Line: 48     dat sy den cristen in hant geingen
Verse / Line: 49     ind des hilgen Cristes name intfeingen;
Verse / Line: 50     ind worden boden des gesant
Verse / Line: 51     zo Agrippin, die Coelne nu is genant.
Verse / Line: 52     Der steyde rait antwerde weder
Verse / Line: 53     ouer ho ind ouer neder,
Verse / Line: 54     dat sijs betwungen neit endede,
Page of edition: 3  Verse / Line: 55     sy woulden's ee vmmer dragen bede,
Verse / Line: 56     dat sy der cristeide saichten,
Verse / Line: 57     dat sy ire bedalle neit en aichten.
Verse / Line: 58     Sus voren die boden zo dem her weder
Verse / Line: 59     ind dat her laichte sich neder
Verse / Line: 60     mit dem gueden sente Materne
Verse / Line: 61     by Bunna, dat heis man do Berne.
Verse / Line: 62     Do dat her ein wile da gelaich,
Verse / Line: 63     Godes stymme zo sente Materne sprach:
Verse / Line: 64     "Got en wilt is neit gestaden,
Verse / Line: 65     dat ir Agrippinam moget schaden,
Verse / Line: 66     mes sende wir zo Agrippinen wert
Verse / Line: 67     iren boden, die nu weder vert;
Verse / Line: 68     so wes hie verdrait myt in,
Verse / Line: 69     dat sult ir doin noch me noch myn."
Verse / Line: 70     Dus quamen myt der Godes gnaden
Verse / Line: 71     ire boden zo houe sus sint beraden,
Verse / Line: 72     dat men sente geleirde heren,
Verse / Line: 73     dat sy des volkes moichten bekeren,
Verse / Line: 74     da en solde neyman wesen weder
Verse / Line: 75     noch der hoe noch der neder.
Verse / Line: 76     Da en boven wart gesprochen
Verse / Line: 77     der stede vryheit vnzebrochen.
Verse / Line: 78     Dus wart sente Maternus zo Agrippinam gesant,
Verse / Line: 79     die nante sy Coelne alzehant.
Verse / Line: 80     Den alden doym den dede hie wircken,
Verse / Line: 81     dat die cristen dar geingen zo kirchen.
Verse / Line: 82     In kurter Zijt myt synre zungen
Verse / Line: 83     bekeirde hie Coelle al vnbetwungen
Verse / Line: 84     ind wart cristen da sicherlich
Page of edition: 4  Verse / Line: 85     myt reinen hertzen arm ind rich
Verse / Line: 86     ind wart in beschreuen, dat sy kuren
Verse / Line: 87     scheffen, als sy daden zevoeren,
Verse / Line: 88     der stede rait ind potestait
Verse / Line: 89     so als't noch beschreuen stait.

Verse / Line: 90        Do sente Maternus synen wille erwarff,
Verse / Line: 91     do laich hie neder ind starff.
Verse / Line: 92     Alle di van syme dode hoirten sagen,
Verse / Line: 93     die begonten zo weynen ind zo clagen.
Verse / Line: 94     Sus worden boden alzehant
Verse / Line: 95     an den goeden sente Peter gesant
Verse / Line: 96     zo Rome ind braichden sy mere,
Verse / Line: 97     dat sente Maternus bleuen were,
Verse / Line: 98     doch hedde in Got so voir geeirt,
Verse / Line: 99     dat hie Agrippe hedde bekeirt
Verse / Line: 100     ind hedt sy Coelne reicht genant
Verse / Line: 101     da vns ouenge is by bekant;
Verse / Line: 102     want die hie bekeirde zo Coelne enbynnen
Verse / Line: 103     saich men Got louen ind mynnen.
Verse / Line: 104     Nu hoirt wie sente Peter sprach
Verse / Line: 105     do hie den boden hoirte ind saich:
Verse / Line: 106     "Wir in mogen syn noch neit en beiren,
Verse / Line: 107     hie sal der selen noch vil generen;
Verse / Line: 108     bode sitze weder vp dyn pert,
Verse / Line: 109     var weder zo sente Materne wert
Verse / Line: 110     ind nym hie myt dir mynen staff
Verse / Line: 111     ind do vp grauen Maternus graft
Verse / Line: 112     ind wecke in myt myme staue,
Verse / Line: 113     hie sal leuendich vs deme graue
Verse / Line: 114     myt der helpen Godes gain
Verse / Line: 115     ind Agrippina zo staden stain."
Verse / Line: 116     Des veirzein dages quam der bode weder
Verse / Line: 117     al den ryn langis her neder
Verse / Line: 118     ind weder vp groiff men dat graff
Verse / Line: 119     ind nam des goeden sente Peters staff
Verse / Line: 120     ind gaff in sente Materne in die hant,
Verse / Line: 121     do wart hie leuendich alze hant.
Verse / Line: 122     Dyt was ein wonder wonderlich,
Verse / Line: 123     des wonders wonderde sere mich,
Verse / Line: 124     die veirzijg dage laich begrauen,
Verse / Line: 125     den saich men dry buschdoym hauen
Verse / Line: 126     na syme dode in syner hant,
Verse / Line: 127     Coelne, Treir, Tungeren lant,
Verse / Line: 128     vp eynen gueden Cristus daich
Verse / Line: 129     zo allen dryn misse sprach
Verse / Line: 130     ind bleiff busschoff veirzijch jair
Verse / Line: 131     na syme dode dat is wair;
Verse / Line: 132     want syns leuens wunschden gemeyne
Verse / Line: 133     die van Coelne grois ind clein,
Verse / Line: 134     die nuwelich woren worden cristen.
Verse / Line: 135     Dus wolde Got selue geurysten
Verse / Line: 136     Maternum den hilgen heren
Verse / Line: 137     dir zo helpen Coelne ind zo eren.
Verse / Line: 138     Coelne dar an saltu dencken
Verse / Line: 139     ind la dich geine boisheit krencken.
Verse / Line: 140     Maternus nannte dich Coelne obinge
Verse / Line: 141     aller dogentlicher dinge,
Verse / Line: 142     sus wortz du eirst hillich Coelne genant
Verse / Line: 143     ind schreiff dir dar na alzehant
Verse / Line: 144     der pais unse geistlicher vader
Page of edition: 6  Verse / Line: 145     ind synt syn (a) nakomelinge allegader
Verse / Line: 146     der hilger steide syn salut;
Verse / Line: 147     van Coelne lesent die geleirden ouerlut;
Verse / Line: 148     dar zo synen paffslichen segen
Verse / Line: 149     dat en konde neyman affgelegen.
Verse / Line: 150     Seder bleiff zo Coelne sent Peters staff,
Verse / Line: 151     dat neder ende men zo Treirre gaff.

Verse / Line: 152        Herna ouer menchen daich
Verse / Line: 153     zo Coelne an lant men komen saich
Verse / Line: 154     eylff dusent hilgen die Got her gesande
Verse / Line: 155     van Engelant ind van Brittanien lande.
Verse / Line: 156     Zo Rome wert voren sy van hynne
Verse / Line: 157     durch die lieue Godes mynne.
Verse / Line: 158     Zo Rome quamen sy alle samen
Verse / Line: 159     da sy aflais al irre sunden namen.
Verse / Line: 160     Der pais Cyriacus voir myt in her weder
Verse / Line: 161     alle den ryn ze dale her neder.
Verse / Line: 162     Mit in quam zo Coelne, als ich las,
Verse / Line: 163     sente Pauwele, die busschoff zo Basele was.
Verse / Line: 164     Sus quamen sy zo Coelne an lant geuaren
Verse / Line: 165     me dan eilff dusent an eynre scharen
Verse / Line: 166     ind geingen upt lant gemein
Verse / Line: 167     junck ind alt, grois ind clein.
Verse / Line: 168     Vur konynck Ezzel quam die mere,
Verse / Line: 169     dat eyn michel her dar komen were,
Verse / Line: 170     de zo der zijt Coelne hadt belegen
Verse / Line: 171     ind myt eme menich kone degin.
Verse / Line: 172     Dat her wapende sich algelich
Verse / Line: 173     ind voir myt dem konynge riche
Verse / Line: 174     die eilff dusent mede zo verslain.
Page of edition: 7  Verse / Line: 175     Alre eirst sprach sy der konynck ane:
Verse / Line: 176     "Vrre alre herre doit sprechen mich;
Verse / Line: 177     sait eme, koninc Ezzel heischet dich."
Verse / Line: 178     Sus daden (sy) sente Vrsula komen vur in.
Verse / Line: 179     Hoirt hie yrre worde begyn:
Verse / Line: 180     "Wat is vr wille her konynck here?
Verse / Line: 181     hie is neyman de sich vrre hervere,
Verse / Line: 182     sait anders wat vr wille sy,
Verse / Line: 183     der ouerste conync wont vns by."
Verse / Line: 184     "Iunffrouwe ir sijt so wijs ind so schoin,
Verse / Line: 185     ir sult dragen myns riches crone,
Verse / Line: 186     uch will ich hain zo reichtem wiue
Verse / Line: 187     ind laissen al vr volck zo liue;
Verse / Line: 188     wie ir dat woldet weder sagen,
Verse / Line: 189     so wert ir ind vr volck erslagen.
Verse / Line: 190     Ir moicht geweldich sicherlich
Verse / Line: 191     konyngynne syn over al myn riche,
Verse / Line: 192     dat zo hait uch myn hertze erkoren,
Verse / Line: 193     want ir sijt conyngis kint geboren.
Verse / Line: 194     Id voget uch wail schone mynne,
Verse / Line: 195     dat men uch heische konyngynne."
Verse / Line: 196     Sente Vrsula sprach die suuerliche:
Verse / Line: 197     "Cleine aicht ich vp vr konynckriche,
Verse / Line: 198     want myn conync, myn amys,
Verse / Line: 199     de hait vur allen konyngen prys,
Verse / Line: 200     hie is algeweldich ind schone.
Verse / Line: 201     Conynck, die alre mynste crone,
Verse / Line: 202     die hie synen vruntynnen geit,
Verse / Line: 203     dyn conynckrich enzucht ir neit;
Verse / Line: 204     hie es euen junck ind euen alt
Page of edition: 8  Verse / Line: 205     ind hait alre dinge gewalt;
Verse / Line: 206     wilt ir eme wesen vnderdain,
Verse / Line: 207     so en maich uch neyman weder stain."
Verse / Line: 208     "Iunffrouwe gerne moicht ir verzijen
Verse / Line: 209     dis spottis ind deser raserien
Verse / Line: 210     ind keren zo myr wert vren syn.
Verse / Line: 211     We is geweldiger dan ich byn?"
Verse / Line: 212     "Dat is de den hemel zo der erden
Verse / Line: 213     geschoiff ind leis gewerden."
Verse / Line: 214     "Iunffrouwe ich sagen dir nu als e,
Verse / Line: 215     de eins stirft, hie enstirft neit me."
Verse / Line: 216     "Nu hore dan wat myn konynck dede
Verse / Line: 217     zo Coelne in deser hilger steyde
Verse / Line: 218     vmb der vil gueder lude beide,
Verse / Line: 219     nu verneympt wale dese reyde.
Verse / Line: 220     Maternum, den man grauen saich
Verse / Line: 221     ind veirzijch dage begrauen laich,
Verse / Line: 222     vermytz sente Peters staff
Verse / Line: 223     synen lijff hie eme weder gaff,
Verse / Line: 224     ind leiftde seder veirzijch jair
Verse / Line: 225     busschoff alhie, dat is offenbair.
Verse / Line: 226     Ain doden vns koninck dyne hende,
Verse / Line: 227     Got geue vns leuen sonder ende."
Verse / Line: 228     "So wil ich uch benemen dat leuen
Verse / Line: 229     ind seit, wie uch soele andert geuen.
Verse / Line: 230     Doch hait uch junffrouwe vryst ind stund,
Verse / Line: 231     doit it snel vren luden kunt,
Verse / Line: 232     sy en geuen uch myr zo wive,
Verse / Line: 233     dat ich sy noch hude neit alle entliue."
Verse / Line: 234     Sus geinck sente Vrsula die reyne
Page of edition: 9  Verse / Line: 235     sprechen ir volck algemein,
Verse / Line: 236     den pais eren geistlichen vader
Verse / Line: 237     ind die busschoue alle gader,
Verse / Line: 238     hertzogen, landesheren ind greuen:
Verse / Line: 239     "Neyman en sal sich hude erueren,
Verse / Line: 240     wir syn schuldich eynen doit,
Verse / Line: 241     Got starff, de vns allen geboit,
Verse / Line: 242     an dem cruce jemerlich
Verse / Line: 243     ind galt weder dat hemelrich
Verse / Line: 244     mit syme reynen, duren blode;
Verse / Line: 245     biddet in durch syne reyne guede,
Verse / Line: 246     dat hie vns sulchen syn verlein',
Verse / Line: 247     dat neyman syn hude enverzije
Verse / Line: 248     vmb rich entheiz off vmb goit,
Verse / Line: 249     mer dat wir samen vnse bloit
Verse / Line: 250     hude moissen sturtzen in syne ere,
Verse / Line: 251     dat verlein' vns vnse here!
Verse / Line: 252     Konynck Ezzel, den ir da halden seit
Verse / Line: 253     mit synre voilre boeser deit,
Verse / Line: 254     hait mir gegeuen vrist ind stunt,
Verse / Line: 255     dat ich't uch allen maichen kunt,
Verse / Line: 256     ich en wille mich eme zo wiue geuen,
Verse / Line: 257     hie neme vns allen vnse leuen.
Verse / Line: 258     Deden wir synen wille ind syn gebot,
Verse / Line: 259     so verloren wir vnsen lieuen Got.
Verse / Line: 260     Wir hain hie ruwe, sorge ind ellende,
Verse / Line: 261     by Gode is vreude sonder ende.
Verse / Line: 262     Den doit wil ich vil lieuer keisen,
Verse / Line: 263     dan ich myn reynicheit verleisen.
Verse / Line: 264     Here her pais, geistlicher vader,
Page of edition: 10  Verse / Line: 265     ind ir heren alle gader,
Verse / Line: 266     ich bidden uch grois ind clein,
Verse / Line: 267     suster ind broder algemein,
Verse / Line: 268     rait, wie wir Godes vianden so versagen,
Verse / Line: 269     dat wir dem lieuen Xpo behagen."
Verse / Line: 270     Der pais spraich: "ir sult sprechen vrouwe:
Verse / Line: 271     ""Vr vleein here noch vr drauwe
Verse / Line: 272     so en is neyman vnder vns alhie,
Verse / Line: 273     die uch zo eyme eynigen hare entzie.
Verse / Line: 274     Wir hain alle eynen konynck erkoren,
Verse / Line: 275     de Got ind mynsche wart geboren
Verse / Line: 276     van der reynre mait Marien,
Verse / Line: 277     des en wil wir neit verzijen,
Verse / Line: 278     dat is die reyne Ihc Crist.
Verse / Line: 279     Wir en geren egeynis liuis vrist;
Verse / Line: 280     wir mogen zo Coelne steruen gerne,
Verse / Line: 281     hie maichde weder leuendich Materne,
Verse / Line: 282     der lieue Got, der megede crone.""
Verse / Line: 283     "Nu ganck konynckynne schoin,
Verse / Line: 284     ind sage den vleischheuweren, so sy vns e hauwen,
Verse / Line: 285     so wir e den lieuen Got beschauwen,
Verse / Line: 286     Got sal vns vur dit steruen geuen
Verse / Line: 287     mit groisser vreuden ewich leuen."
Verse / Line: 288     Hierna spraichen sy al gemein
Verse / Line: 289     ir bigit grois ind clein.
Verse / Line: 290     Sente Vrsula ein wort des neit en leis
Verse / Line: 291     wat sy der pais sprechen heisch.
Verse / Line: 292     Vur den koninck quam sy weder,
Verse / Line: 293     hie heis sy sitzen neder.
Verse / Line: 294     Als scheir als sy an den conync quam,
Page of edition: 11  Verse / Line: 295     sy maichde in zornich ind gram.
Verse / Line: 296     Sy sprach: "ir vleischheuwer, nu doit uns hauwen,
Verse / Line: 297     preister, ritter ind junffrouwen!
Verse / Line: 298     Hie en is neyman de vr begert,
Verse / Line: 299     ir en sijt des archsten neit wert.
Verse / Line: 300     Bloitleser sturtzet hude vnse bloit,
Verse / Line: 301     vnse conynck is so reichte goit,
Verse / Line: 302     hie wilt dat wir zo Coelne steruen
Verse / Line: 303     ind hie den ewigen loff erweruen.
Verse / Line: 304     Sich, als du vns alle hais erslagen,
Verse / Line: 305     vnse schemde sal dich hynne jagen
Verse / Line: 306     myt groissen schanden ind schaden.
Verse / Line: 307     Vnse conync en wilt des neit gestaden,
Verse / Line: 308     dat ir der steyde schade doit,
Verse / Line: 309     da wir vur sturtzen vnse bloit.
Verse / Line: 310     Vnsen vleische is raste alhie gegeuen
Verse / Line: 311     ind sal hie zo Coelne entfain syn leuen,
Verse / Line: 312     als Got zo vrdele komen sal,
Verse / Line: 313     zo Iosephat in den soissen dal,
Verse / Line: 314     da hie die guden alle gader
Verse / Line: 315     wisit in dat rich syns vader.
Verse / Line: 316     Vleischheuwer dan geit ir myt sure
Verse / Line: 317     zo dem ewelichen vure."
Verse / Line: 318     Nu hoirt wie koninck Ezzel sprach:
Verse / Line: 319     "We hedde deser worde verdraich!
Verse / Line: 320     Hoirt hie vmb dese rasende deit!
Verse / Line: 321     En laist ir eyne vort leuen neit!"
Verse / Line: 322     Do slogen sy neder vp gemeyne
Verse / Line: 323     die eilff dusent alle vp eyne
Verse / Line: 324     veir junge magede rein,
Page of edition: 12  Verse / Line: 325     die sich in eins schiffens rouff hadt gelaicht
Verse / Line: 326     ind sich verbarch da ynne alle die naicht.
Verse / Line: 327     Alda sy in dem schiffe laich
Verse / Line: 328     sy hoirte beide ind saich,
Verse / Line: 329     als die megede ir ende namen,
Verse / Line: 330     dat die hilge engel quamen
Verse / Line: 331     ind croinden die selen algeliche
Verse / Line: 332     ind voeren vp zo hemelrich
Verse / Line: 333     mit groisser vreuden ind myt sange.
Verse / Line: 334     "Weis Got, ich hain hie alse lange
Verse / Line: 335     gelegen, wie is myr sus gescheit,
Verse / Line: 336     ich en blieue hie langer verborgen neit.
Verse / Line: 337     Al der werelde coninck ind here,
Verse / Line: 338     die sunden myn ruwent mich sere!
Verse / Line: 339     Help myr dar ich gerne were,
Verse / Line: 340     lieue Ihesus durch dyn ere
Verse / Line: 341     ind wise mich vp, Cordelin verbolgin
Verse / Line: 342     ind lais mych mynen gesellen volgen.
Verse / Line: 343     Ich en vorte schos, noch stich, noch slaich,
Verse / Line: 344     da ich dyne hulde vmb hauen maich.
Verse / Line: 345     We en solde die werelt neit begeuen
Verse / Line: 346     vmb dat ewige leuen!"
Verse / Line: 347     Sente Cordule geinck alsus vpt lant
Verse / Line: 348     ind wart doit geschossen alze hant,
Verse / Line: 349     neit verre en was it van dem ryne
Verse / Line: 350     alda sy leit irs dodes pyn.
Verse / Line: 351     Alsus verwarff die reyne schone
Verse / Line: 352     des neisten dages hemelsche crone,
Verse / Line: 353     do ire gesellen woren gestoruen
Verse / Line: 354     die dat hemelrich erworuen
Page of edition: 13  Verse / Line: 355     Sy worden alle blois gemaicht
Verse / Line: 356     ind lagen albedalle naicht.
Verse / Line: 357     Nu hoirt wat vp den seluen daich,
Verse / Line: 358     als it sente Vrsula vur sprach,
Verse / Line: 359     deme konynge ind den synen geschaich,
Verse / Line: 360     eyn michel grois vnuerdrach.
Verse / Line: 361     Des conynges ougen leis Got erschinen
Verse / Line: 362     dar zo myt eme al den synen
Verse / Line: 363     mit ouer deckden so grois ein her,
Verse / Line: 364     dat hie schentlich sunder wer
Verse / Line: 365     van Coelne vlo myt al den synen.
Verse / Line: 366     Sy wainden Coelne noch me pynen.
Verse / Line: 367     Coelne der hilgen ind reichtes genois,
Verse / Line: 368     der lichame vur Coelne lagen blois.
Verse / Line: 369     Als scheir dat die van Coelne sagen,
Verse / Line: 370     dat die hilgen so jemerlichen lagen
Verse / Line: 371     ind dat her was gevluwen
Verse / Line: 372     beyde myt laster ind ruwen,
Verse / Line: 373     sy treckden vys der stat gemein
Verse / Line: 374     rich, arm, grois ind clein
Verse / Line: 375     ind decden die hilgen weder,
Verse / Line: 376     sy grouen sy in dat ertriche neder.
Verse / Line: 377     Die selue Cordele hait Got der hoiste
Verse / Line: 378     dir Coelne zo helpe ind zo troiste
Verse / Line: 379     zo sente Iohanne laissen vinden,
Verse / Line: 380     seder hait sy doden kinden
Verse / Line: 381     mit Godes helpen den lijff gegeuen,
Verse / Line: 382     die noch behalden haint ir leuen;
Verse / Line: 383     seinde synt da worden die blinden,
Verse / Line: 384     men sijt da noch gnade vinden
Page of edition: 14  Verse / Line: 385     wat suchden den mynschen ane geit.
Verse / Line: 386     Dat weis men ouer al die cristenheit,
Verse / Line: 387     dat Got zo Coelne zeichen deit,
Verse / Line: 388     ain sy it en deil den bosen leit.
Verse / Line: 389     Men spricht, Got en wils neit gestaden,
Verse / Line: 390     dat Coelne eman moge schaden,
Verse / Line: 391     des synt sy noch alle worden gewar
Verse / Line: 392     die vp schaden ye gevoren dar.
Verse / Line: 393     Men hait gesein boislichen steruen
Verse / Line: 394     die Coelne schaden wolden weruen
Verse / Line: 395     ind zo leste van armode verderuen.
Verse / Line: 396     Got die en wilt syne hilgen neit enteruen.
Verse / Line: 397     Seder las ich ind vant geschreuen,
Verse / Line: 398     dat hie zo Coelne erslagen bleuen
Verse / Line: 399     seisdusent ind seishundert heren
Verse / Line: 400     ind seis ind seiszijch, die Gode zo eren
Verse / Line: 401     alle hie zo Coelne sturten ir bloit,
Verse / Line: 402     die edel ritter woren goit,
Verse / Line: 403     dat was sente Gereon my synen gesellen.
Verse / Line: 404     Noch wil ich uch dryhundert zellen
Verse / Line: 405     ind veirzijch, die ir ende hie namen
Verse / Line: 406     ind woren more alle samen.
Verse / Line: 407     Dese en willens neit gestaden,
Verse / Line: 408     dat yeman Coelne moge schaden,
Verse / Line: 409     als man wail offenbair saich
Verse / Line: 410     vp der hilger more daich,
Verse / Line: 411     do der hertzoge van Lumburch
Verse / Line: 412     ind der here van Valckenburch
Verse / Line: 413     Coelnere mure braichen dur,
Verse / Line: 414     dat wart in doch harde suyr,
Page of edition: 15  Verse / Line: 415     want sy vp arch in Coelne quamen,
Verse / Line: 416     dat sy da schentlich ende namen.
Verse / Line: 417     Wa geleiffde ye mynsche dat,
Verse / Line: 418     dat in der werelde eynche stat
Verse / Line: 419     so menschen hilgen busschoff gewunne,
Verse / Line: 420     als Coelne; die en beschint neit die sunne.
Verse / Line: 421     Dat wist ain'saiche neit
Verse / Line: 422     dat Coellen is eren vil gescheit.
Verse / Line: 423     Der lieue Got der mois is walden,
Verse / Line: 424     dat sy it myt duchden vort behalden
Verse / Line: 425     moisse, darzo syn sun ind der hilge geist,
Verse / Line: 426     dese dry vermogen alre meist. -

Verse / Line: 427        In des pais Siluesters gezijden
Verse / Line: 428     dede der keiser Constantin ryden
Verse / Line: 429     synen bode zo Rome wert,
Verse / Line: 430     de myt haisten hynne vert
Verse / Line: 431     an sente Siluester den groissen heren
Verse / Line: 432     ind saichte eme, dat der keiser were
Verse / Line: 433     van Constantinopolim Constantin
Verse / Line: 434     malait der lieue here syn;
Verse / Line: 435     hie hedde gehoirt wirlichen sagen,
Verse / Line: 436     wolde hie, hie moicht it wail verjagen;
Verse / Line: 437     moichte hie it verjagen ind verdryuen,
Verse / Line: 438     hie solde is zo synen willen bliuen.
Verse / Line: 439     Sente Siluester sprach dem boden zo:
Verse / Line: 440     "Sage dyme heren, dat hie do
Verse / Line: 441     syns meisters wille ind mynen rait,
Verse / Line: 442     ain were hie dusent valt malait,
Verse / Line: 443     dat hie kome in kurter stunt
Verse / Line: 444     zo Rome in, ich maich in gesunt."
Page of edition: 16  Verse / Line: 445     Weder voir der bode an synen here
Verse / Line: 446     ind braichte eme die alre leifste mere
Verse / Line: 447     die hie van kinde ye vernam,
Verse / Line: 448     synt hie in dese werelt quam.
Verse / Line: 449     Der keiser sprach
Verse / Line: 450     da hie laich:
Verse / Line: 451     "Geuangen ind vngesunden
Verse / Line: 452     weren vngemaichs gerne entbunden,
Verse / Line: 453     ouch wie goit ir leuen sy,
Verse / Line: 454     sy weren lieuer los ind vry."
Verse / Line: 455     Sus sprach der keister Constantin:
Verse / Line: 456     "Bode, troiste dat hertze myn!"
Verse / Line: 457     "Gerne here, wolt ir komen
Verse / Line: 458     als icht vurwair hain vernomen
Verse / Line: 459     van des hilgen Kirstes cappellane
Verse / Line: 460     zo Rome; hie maicht uch suchten ane."
Verse / Line: 461     "Here bode, were it wair ind moicht it syn,
Verse / Line: 462     ain were alle dese werelt myn,
Verse / Line: 463     ich geue sy dar vmb, dat sy uch kunt,
Verse / Line: 464     dat ich weder worde gesunt."
Verse / Line: 465     "Here so doit dit pais rait
Verse / Line: 466     ind syns meisters, da it alt an stait,
Verse / Line: 467     ain wirt ir dusent valt malait,
Verse / Line: 468     hie maicht uch vp der stat gesunt,
Verse / Line: 469     dat heis hie mich uch maichen kunt."
Verse / Line: 470     Sus dede der keiser sich bereiden
Verse / Line: 471     mit vrouwen ind myt ritteren beide,
Verse / Line: 472     der hie vysseraichten vil myt eme nam,
Verse / Line: 473     als it dem keiser wail gezam.
Verse / Line: 474     Zo Rome wert voir hie richliche
Page of edition: 17  Verse / Line: 475     in syns selues keyserrich.
Verse / Line: 476     Zo Rome quam keiser Constantin
Verse / Line: 477     ind sente Helena die moder syn;
Verse / Line: 478     syn volck was als so grois,
Verse / Line: 479     dat des al die stat genois.
Verse / Line: 480     Die Romer santen eme alze hant
Verse / Line: 481     vil mench dure wert prisant,
Verse / Line: 482     hie was ir keiser ind ir here,
Verse / Line: 483     reicht was, dat sy eme boden ere.
Verse / Line: 484     Do hie sus vp synen palais was komen
Verse / Line: 485     ind syn naicht raste hadt genomen,
Verse / Line: 486     des neisten dages al dar na
Verse / Line: 487     dede hie vernemen, off alda
Verse / Line: 488     zo Rome sent Siluester were
Verse / Line: 489     syn meister ind syn lieue here.
Verse / Line: 490     Eyn syn bode antwerde eme, dat
Verse / Line: 491     sente Siluester were in der stat.
Verse / Line: 492     Hie sprach: "Vp dynen lijff beuelen ich dir,
Verse / Line: 493     dat du in dois komen zo myr,
Verse / Line: 494     want sal ich vmmerme genesin,
Verse / Line: 495     dat sal myt synre helpen wesen."
Verse / Line: 496     Do hie dem boden dit gesaichte
Verse / Line: 497     vil snel hie den pais vraichde,
Verse / Line: 498     slois der keiser vp den sal.
Verse / Line: 499     Der pais sprach: "Goit geual,
Verse / Line: 500     her keiser, geue uch, die alz ouelz boeser is,
Verse / Line: 501     dat is Cristus, des sijt gewijs."
Verse / Line: 502     "Sijt willekome pais ind here,
Verse / Line: 503     myns lijffs troist ind al myne ere
Verse / Line: 504     setz ich an uch ind mynen rait.
Page of edition: 18  Verse / Line: 505     Mir is gesaicht, weir ich malait
Verse / Line: 506     dusent valt me dan ich nu sy,
Verse / Line: 507     ir maicht is mich gentzlich vry.
Verse / Line: 508     Her pais nu wist dat sicherliche,
Verse / Line: 509     ain solde it mich
Verse / Line: 510     costen myn keiserriche,
Verse / Line: 511     ich geue't dar vmb sicherlich,
Verse / Line: 512     dat ich weder worde gesunt.
Verse / Line: 513     Her pais dat sy uch kunt,
Verse / Line: 514     moicht ir myn ouel verdryuen,
Verse / Line: 515     ich willen's in vrme rade bliuen
Verse / Line: 516     ind geloue uch her pais in truwen dat,
Verse / Line: 517     dat ich't voluoeren hie vp der stat."
Verse / Line: 518     Der pais sprach zo dem keiser weder:
Verse / Line: 519     "So leicht alle vre affgode neder
Verse / Line: 520     ind geloift sonder enichen vrist
Verse / Line: 521     gentzlich an den vil hilgen Crist,
Verse / Line: 522     de van der maget sente Marien
Verse / Line: 523     geboren wart van der conynckynnen,
Verse / Line: 524     hie sal uch gesunde verlien,
Verse / Line: 525     wilt ir in eren ind mynnen
Verse / Line: 526     ind werden cristen in syme namen
Verse / Line: 527     mit vren luden alle samen,
Verse / Line: 528     die ir dar zo brengen moicht.
Verse / Line: 529     Cristus sal uch myt synre ducht,
Verse / Line: 530     laisset ir vr vngelouuich leuen,
Verse / Line: 531     in der douffen gesuntheit geuen
Verse / Line: 532     ind maichen quijt malaterien.
Verse / Line: 533     Ihesus der magede sun Marien,
Verse / Line: 534     des mynscheit an den cruce erstarft
Page of edition: 19  Verse / Line: 535     ind vns syns vader hulde erwarff."
Verse / Line: 536     "Her pais vader so wil ich vren rait
Verse / Line: 537     reich volvoren myt der dait;
Verse / Line: 538     allet dat Got hie leis gewerden,
Verse / Line: 539     her pais, vp deser krancker erden,
Verse / Line: 540     des en were ich neit so gerne here,
Verse / Line: 541     als dat ich ey zo cristen were.
Verse / Line: 542     Here en laist it vns neit langer vristen
Verse / Line: 543     ind maicht mich snel na Xpo Xpristen.
Verse / Line: 544     Synt hie myn leit maich verdryuen,
Verse / Line: 545     ich wil myt Xpo cristen bliuen."
Verse / Line: 546     Sus dede men (dir) die douffe bereiden.
Verse / Line: 547     Der keiser moiste sich entkleiden
Verse / Line: 548     ind al naicht in die douffe gain
Verse / Line: 549     ind wart reicht cristen gedain.
Verse / Line: 550     Do hie in der douffen sas,
Verse / Line: 551     wart eme al sins ouels bas.
Verse / Line: 552     Als scheir als hie da cristen was (wart)
Verse / Line: 553     hie cleide sich weder myt der vart
Verse / Line: 554     ind geinck wail genesen ind clair
Verse / Line: 555     mit Siluestere vur den altair
Verse / Line: 556     sente Peters des groissen heren
Verse / Line: 557     ind gaff alda Gode zo eren
Verse / Line: 558     ind sente Petere sicherliche
Verse / Line: 559     ind sente Siluester dat roymsche rich,
Verse / Line: 560     ind hantfestinge, dat alle paise weren
Verse / Line: 561     vurwert des roymschen riches heren,
Verse / Line: 562     ind beschreiff, dat werentliche gericht
Verse / Line: 563     des pais gebode ind geschrichte
Verse / Line: 564     sulde vmmer wesen vnderdain
Page of edition: 20  Verse / Line: 565     ind worden dem paise zo reichte stain;
Verse / Line: 566     we durch vreuel zo banne queme,
Verse / Line: 567     dat it eme alle syn reicht beneme
Verse / Line: 568     ind dar na alle witzliche saichen,
Verse / Line: 569     hie in maich neyman schadehaftich maichen;
Verse / Line: 570     komet eyn richter selue zo banne,
Verse / Line: 571     hie in maich gebeiden geynem manne,
Verse / Line: 572     men en sal neyman vur eme beclagen,
Verse / Line: 573     noch ouer eyman vrdal sagen;
Verse / Line: 574     so we zo banne steit jair ind daich
Verse / Line: 575     ind die stole betwungen neit en maich,
Verse / Line: 576     den sal dar na dyt swert betwungen
Verse / Line: 577     zo Gode ind zo reichten dingen.
Verse / Line: 578     Do der pais hadde dat rich
Verse / Line: 579     in synen henden sicherlich,
Verse / Line: 580     hie besante die cardenail
Verse / Line: 581     ind vraichde sy alze mail:
Verse / Line: 582     "Mogen wir enich vrdel geuen
Verse / Line: 583     dat eyman geit an syn leuen?"
Verse / Line: 584     Sy spraichen mit eynen munde, nein,
Verse / Line: 585     anders en antwerde eme gein.
Verse / Line: 586     "So en maich dat rich an vns neit bliuen,
Verse / Line: 587     en mogen wir myt vrdel neyman intliuen.
Verse / Line: 588     Nu rait vns dan her zo, ir heren,
Verse / Line: 589     wir wir't in den wech gekeren.
Verse / Line: 590     "Dat dit riche neymannne en bliue
Verse / Line: 591     langer, dan zo syme liue
Verse / Line: 592     ind wanne dat ein keiser sterue,
Verse / Line: 593     dat it vp syn kint neit en erve
Verse / Line: 594     ind na dem eynen anderen kesen,
Page of edition: 21  Verse / Line: 595     ind wa myt hie dat riche verliese,
Verse / Line: 596     dat sal der pais eme beschriuen;
Verse / Line: 597     we it breiche, hie moiste intzat bliuen
Verse / Line: 598     ind van vns schirpe ind staff
Verse / Line: 599     ind sy des riches aff.
Verse / Line: 600     "Nu rait we die synt, die her zo dogen,
Verse / Line: 601     dat sy eynen conync keisen moigen
Verse / Line: 602     ind ich eme dat riche lie
Verse / Line: 603     ind in zo Rome keiser wie."
Verse / Line: 604     Sy spraichen alle vs eyme munde
Verse / Line: 605     als in des Got van hemele gonde:
Verse / Line: 606     "Sint Coelne zeirst kirstene name intfeinck,
Verse / Line: 607     deme stole van Rome id me aue geinck,
Verse / Line: 608     id was cristen ind getruwe,
Verse / Line: 609     dat selue is eme euen nuwe.
Verse / Line: 610     Heilger vader, it dunckt vns goit,
Verse / Line: 611     Coelne hait so mangis hilgen bloit
Verse / Line: 612     beide gehilget ind gewiet,
Verse / Line: 613     dat ir den eirsten kure liet
Verse / Line: 614     van Coelne dem ertschen busschoffe;
Verse / Line: 615     dar na zo dem seluen houe
Verse / Line: 616     keise van Mentze der busschoff,
Verse / Line: 617     also dat hie des haue loff;
Verse / Line: 618     dat derde sy der busschoff van Treir.
Verse / Line: 619     Der hilgen vursten der sint veir:
Verse / Line: 620     der Palantz greue van me ryne;
Verse / Line: 621     dar na voicht sich wail zo syn
Verse / Line: 622     der koninc van Beme an der kure;
Verse / Line: 623     die node des riches reicht verlure;
Verse / Line: 624     dar na der hertzoge van Sassenlant
Page of edition: 22  Verse / Line: 625     die here van Anehalt is genant;
Verse / Line: 626     dat seuende sy der marckgreue van Brandeberch;
Verse / Line: 627     men vare alle kirstenriche durch,
Verse / Line: 628     so en vint men neit dieser geliche
Verse / Line: 629     zo verweldigen dat riche."
Verse / Line: 630     Der pais sprach: "So wil ich in beschriuen,
Verse / Line: 631     dat sy erffliche an der kure bliuen.
Verse / Line: 632     Is hie, off wirt hie malait, den sy da keisen,
Verse / Line: 633     so mois hie dat riche verleisen;
Verse / Line: 634     is dat hie duue suchtich is,
Verse / Line: 635     den seluen maich hie syn gewis;
Verse / Line: 636     dat derde off hie ein ketzer sy,
Verse / Line: 637     ouer mytz dese dry
Verse / Line: 638     mogen wir in intsetzen by."
Verse / Line: 639     Sus dede der pais dese seuen bliuen
Verse / Line: 640     an des richs kure ind dede in beschriuen,
Verse / Line: 641     als sy eynen romschen koninc hedden gekoren
Verse / Line: 642     van reichter vrier art geboren,
Verse / Line: 643     dat sy in antwerden vp zo houe
Verse / Line: 644     van Coelne dem ertschen busschoue,
Verse / Line: 645     dan huldent eme van Coelne die burgere
Verse / Line: 646     ind haint in vur eren ouersten heren;
Verse / Line: 647     dan mois in vys synen duren
Verse / Line: 648     der ertsche busschoff zo Aiche voeren
Verse / Line: 649     vp den stoil ind sal in da wien
Verse / Line: 650     zo romschen conynge, dan maich hie lien
Verse / Line: 651     leen, die man helt van me riche
Verse / Line: 652     ind schrift dan vurwert sicherlich:
Verse / Line: 653     der Romere conynck; dat hie vmmere riche!"
Verse / Line: 654     Rome is hoift der cristenheit;
Page of edition: 23  Verse / Line: 655     i'n sprechen't durch leiff noch durch leit:
Verse / Line: 656     Wa geschaich ey steide alsulche ere,
Verse / Line: 657     dat ir busschoff ind ir here
Verse / Line: 658     der Romere conynck maichen maich,
Verse / Line: 659     die lichte Rome ney ingesaich
Verse / Line: 660     ind moissen in vort vur here halden?
Verse / Line: 661     Coelne, du salt dyne hende valden
Verse / Line: 662     zo Gode wert van hemelriche,
Verse / Line: 663     dat dyn busschoff sunderliche
Verse / Line: 664     den vryen edelen Romeren
Verse / Line: 665     eynen coninc wiet ind geit zo eren;
Verse / Line: 666     want syn eirste wirdicheit
Verse / Line: 667     der romsche coninck enfeit
Verse / Line: 668     van Coelne dem ertschen busschoffe.
Verse / Line: 669     Bys du in hulden ind in loue
Verse / Line: 670     geweist alre conynge sicherliche
Verse / Line: 671     bys an keiser Vrederich:
Verse / Line: 672     noch her haint sy dich gevriet
Verse / Line: 673     ind dyne busschoffe haint gewiet
Verse / Line: 674     ind haint geleide dir gegeuen
Verse / Line: 675     vur alle die in me riche leuen,
Verse / Line: 676     we dir zo vnreichte neme aff dyne haue,
Verse / Line: 677     dat hie des riches vede haue,
Verse / Line: 678     off eyman dyne vryet breiche,
Verse / Line: 679     dat it dat riche an eme wreche,
Verse / Line: 680     als it an keiser Otten des roden hantveste steit,
Verse / Line: 681     da syne guldene bolle ane heit.
Verse / Line: 682     Die selue keiser lee dyne busschoue
Verse / Line: 683     vur alle den vursten zo syme houe
Verse / Line: 684     dat geweldige hertzoge riche
Page of edition: 24  Verse / Line: 685     zo besitzen eweliche
Verse / Line: 686     entusschen der Maysen ind den Ryn,
Verse / Line: 687     dat is noch hude dys dagis syn.

Verse / Line: 688        Synt der keiser Vrederich starff
Verse / Line: 689     ind des riches maicht verdarff
Verse / Line: 690     ind die landes heren des duchte,
Verse / Line: 691     dat man sy twungen neit en moichte
Verse / Line: 692     in reichte, Coelne, dorste ich it sprechen,
Verse / Line: 693     wolde busschoff Coinrait brechen
Verse / Line: 694     dyne vriet; dins selues here,
Verse / Line: 695     die vur dyn reicht ind dyne ere
Verse / Line: 696     mit syme liue solde stain,
Verse / Line: 697     wolde ein nuwe muntze slain
Verse / Line: 698     beyde richen ind armen zo scaden,
Verse / Line: 699     des en wolde die stat neit gestaden.
Verse / Line: 700     Sy geingen samen den busschoff sprechen:
Verse / Line: 701     "Vnse vryheit, here, wilt ir vns brechen
Verse / Line: 702     ind vnse reicht, van alders wie it her is komen,
Verse / Line: 703     dat hait ir ducke wail vernomen.
Verse / Line: 704     Dorst wir it sprechen ain vren zorn:
Verse / Line: 705     Here als ein busschoff vns wirt gekoren,
Verse / Line: 706     so sal hie, her, vure sicherliche
Verse / Line: 707     varen an den keiser van romschen riche
Verse / Line: 708     ind sal werden des riches man.
Verse / Line: 709     so mois eme dat rich lien dan
Verse / Line: 710     muntze, tol ind gericht
Verse / Line: 711     ind gifft eme des hantveste ind geschricht.
Verse / Line: 712     Als der busschoff dit hait gedain,
Verse / Line: 713     so maich hie syn eirste muntze slain.
Verse / Line: 714     Dar na als hie zo Rome komet in die stat
Page of edition: 25  Verse / Line: 715     vmb syn pallium ind brengit dat,
Verse / Line: 716     dan so maich hie die ander muntze maichen.
Verse / Line: 717     Die derde komet van den saichen,
Verse / Line: 718     als men ouer berch dat riche
Verse / Line: 719     wilt intleiden sicherliche,
Verse / Line: 720     vert dan der busschoff ouer berch mit her
Verse / Line: 721     ind deit da vur dat riche wer,
Verse / Line: 722     als hie dan weder komen is,
Verse / Line: 723     so is man eynre muntzen gewijs.
Verse / Line: 724     So we eme syn reicht leist zo brechen,
Verse / Line: 725     here, hie en maich dar na neit sprechen:
Verse / Line: 726     "Ir hait vnreicht myt vns gedain!"
Verse / Line: 727     en wilt hie van eirst vur syn reicht neit stain.
Verse / Line: 728     Here, wulden wir vrs willen uch gestaden
Verse / Line: 729     id solde vns zo reichte vmmer schaden;
Verse / Line: 730     leissen wir uns van deser vryheit driuen,
Verse / Line: 731     zo reichte solden wir eygen bliuen."
Verse / Line: 732     Der busschoff sprach
Verse / Line: 733     do dit geschaich:
Verse / Line: 734     "Sus en doit ir durch mich noch me noch myn!"
Verse / Line: 735     Mit zorne gescheit hie van in.

Verse / Line: 736        Vpwert voir hie zo Andernaiche
Verse / Line: 737     ind dede veirzein herschiff maichen
Verse / Line: 738     ind saichte der stat syne vnhulde
Verse / Line: 739     ind dat hie eren schaden wolde
Verse / Line: 740     an liue, guede ind an eren
Verse / Line: 741     sunder enich weder keren.
Verse / Line: 742     Sus quam hie myt here her weder
Verse / Line: 743     al den Ryn zo dale her neder,
Verse / Line: 744     bys dat hie zo Dutze quam,
Page of edition: 26  Verse / Line: 745     synen leger hie zo Duytze nam.
Verse / Line: 746     Syne herschiff voren vp ind neder,
Verse / Line: 747     zo lest moisten sy vp trecken weder,
Verse / Line: 748     vur Coelne duchte sy wesen schande
Verse / Line: 749     ind treckden zo Dutze vp an me lande.
Verse / Line: 750     Zo den seluen zijden
Verse / Line: 751     dede der busschoff myt eyner bliden
Verse / Line: 752     van Dutze werpen vp Rodenburch
Verse / Line: 753     wenich vunff scheuerstein (vys) durch,
Verse / Line: 754     hie wainde myt werpene Coelne wynnen,
Verse / Line: 755     mer it was alze wijt en bynnen;
Verse / Line: 756     eme hulpen alle die landes heren,
Verse / Line: 757     nochtan bleiff Coelne in synen eren.

Verse / Line: 758        Nu hoirt, wie der busschoff sprach
Verse / Line: 759     zo synen schutzen vp eynen daich:
Verse / Line: 760     "Wir hauen's laster ind schande,
Verse / Line: 761     dat zo Coelne an dem lande
Verse / Line: 762     dusent schiff hangent an eyme seile
Verse / Line: 763     ind ein eynich en wirt vns neit zo deile;
Verse / Line: 764     vart ir vpp, off vart ir neder,
Verse / Line: 765     ir verlocket ye myt schanden weder."
Verse / Line: 766     "Here, hedt ir die schijff gerne van danne,
Verse / Line: 767     doit cost dar zo myr armen manne;
Verse / Line: 768     synt ir sy gerne van danne seit,
Verse / Line: 769     ich en lais ir ein da bliuen neit."
Verse / Line: 770     "Gerne; men gifft dir allis des du darffs."
Verse / Line: 771     "So doit myr wynnen myt der vart
Verse / Line: 772     eyne michel wynschalde,
Verse / Line: 773     eynen berchvrede stel men dryn balde,
Verse / Line: 774     pech, wint vur, swegel ind bachen,
Page of edition: 27  Verse / Line: 775     creisch vuyr sal ich in dat schijff maichen,
Verse / Line: 776     ich sal uch here in kurter stunt
Verse / Line: 777     die schiff gebrant hain in (den grunt).
Verse / Line: 778     Men erkeirde dat schiff ind dede it cleiden
Verse / Line: 779     ind na des meisters willen bereiden.
Verse / Line: 780     Dat selue schiff der meister voirte
Verse / Line: 781     den anderen so na dat it sy roirte,
Verse / Line: 782     entsticket wart dat schiff myt brande
Verse / Line: 783     ind solde zo ir Coelne, dat was schande,
Verse / Line: 784     die schiff verbernen myt kreischen vuyre
Verse / Line: 785     ind eme geueile schentliche euenture
Verse / Line: 786     ind brante sich selue zo der stunt
Verse / Line: 787     dat mannich man saich in Rynes grunt.
Verse / Line: 788     Dat kreische vuyr vlois den Ryn neder
Verse / Line: 789     al bernende, dat saich men seder.
Verse / Line: 790     Were der Ryn do alle verbrant,
Verse / Line: 791     des hedde entgulden manich lant!
Verse / Line: 792     Mennich mensche denckit, sus sal it gain,
Verse / Line: 793     ind Got deit it in anders gain.
Verse / Line: 794     Hie wil ich den van Vitenkouen
Verse / Line: 795     durch guedes rades wille louen;
Verse / Line: 796     hie sprach: "Die Coelne wolde wynnen,
Verse / Line: 797     hie in solde is myt spele neit begynnen;
Verse / Line: 798     dar zo synt sy eindreichtich en bynnen
Verse / Line: 799     myt al eren besten synnen
Verse / Line: 800     ind haint van spisen al ir gevoich
Verse / Line: 801     ind dar zo zein jair genoich.
Verse / Line: 802     Nu licht ir alhey myt groisser deit
Verse / Line: 803     ind verzert dat vr vmb neit.
Verse / Line: 804     Here, als mois myr helpen Got,
Page of edition: 28  Verse / Line: 805     die heren hauen's eren spot;
Verse / Line: 806     dar vmb laisse eynen vreden sprechen
Verse / Line: 807     ind vren ouel moit zo brechen,
Verse / Line: 808     id is in den hilgen veirzijch dagen,
Verse / Line: 809     vnse werck solden Gode behagen,
Verse / Line: 810     here men sal in deser vil hilger zijt
Verse / Line: 811     laissen has ind nijt.
Verse / Line: 812     Coelne hait uch deinstes vil gedain:
Verse / Line: 813     ich saich alhie zo Duytze stain
Verse / Line: 814     van xv. turnen ein burch so starck,
Verse / Line: 815     men en zuchde sy neit vmb l. dusent marck
Verse / Line: 816     e zo der burch neit geliche,
Verse / Line: 817     die stat van Coelne arm ind riche
Verse / Line: 818     halp sy uch (eman) maichen ayn emans danck,
Verse / Line: 819     die alle die graschaff van dem Berge twanck,
Verse / Line: 820     die synt myt irme schaden weder
Verse / Line: 821     moisten gelden ind brechen neder.
Verse / Line: 822     Here hait ouch vur ougen dat,
Verse / Line: 823     dat uch Coelne die stat
Verse / Line: 824     truwelich halp weder al Brabant
Verse / Line: 825     ind weder dat gesleichte van Lymburch myt der hant;
Verse / Line: 826     ouch hulpen sy uch myt groissen eren
Verse / Line: 827     vur Coelne den hertzoge keren
Verse / Line: 828     van Brabant ind Lymburch dat gesleichte;
Verse / Line: 829     weis Got, des sult ir nu van reichte
Verse / Line: 830     sy, here, wail geneissen laissen!
Verse / Line: 831     Nemet iren deinst in gueder maissen,
Verse / Line: 832     want als lange Coelne eindreichtich is,
Verse / Line: 833     here, des sijt sicher ind gewijs,
Verse / Line: 834     so en hoirt engein wynnen dar zo;
Page of edition: 29  Verse / Line: 835     seit anders, here, wat men do."
Verse / Line: 836     Der busschoff weder sprechen began:
Verse / Line: 837     "Van Vitekouen her Herman,
Verse / Line: 838     weint ir, off men sy yet moge scheiden?
Verse / Line: 839     (Hie hait ruwe na in beiden!)
Verse / Line: 840     Wie weis, wat Got wil laissen geschein,
Verse / Line: 841     wir sprechen van dem, dat wir da sein.
Verse / Line: 842     Moicht ich is bliuen in allen eren,
Verse / Line: 843     ich soinde mich myt den Coelneren."
Verse / Line: 844     "Van Coelne hait ir al vre ere,
Verse / Line: 845     ir heischet van Coelne busschoff, here,
Verse / Line: 846     der soenen en durft ir uch neit schamen;
Verse / Line: 847     ir en hait van Duytze neit den namen."
Verse / Line: 848     Do dese wort woren gesprochen,
Verse / Line: 849     die vientschaff wart al cebrochen
Verse / Line: 850     entusschen dem busschoff ind der steyde,
Verse / Line: 851     die yeme ye gerne deinst dede.
Verse / Line: 852     Vp eynen gueden mendeldaich
Verse / Line: 853     vol quam die sunne ind geschaich.
Verse / Line: 854     Sus quam der busschoff in Coelne weder;
Verse / Line: 855     vnlange werde die sonne seder.

Verse / Line: 856        Do die sonne was volgangen,
Verse / Line: 857     by den zijden wart geuangen
Verse / Line: 858     Herman, heren Heinrichs son des Roden,
Verse / Line: 859     die vrunden ie by stont zo noden,
Verse / Line: 860     sunder hude myt eingen listen,
Verse / Line: 861     als sy der soenen neit en wisten.
Verse / Line: 862     In over lant, dat sy uch kunt,
Verse / Line: 863     woynden sy ind woren des busschoffs vrunt.
Verse / Line: 864     Do dese mere in Coelne quam,
Page of edition: 30  Verse / Line: 865     die Cleynegedencke worden's gram
Verse / Line: 866     ind drogen's vp den busschoff has.
Verse / Line: 867     Eyns dagis dar na der busschoff sas
Verse / Line: 868     zo gerichte vp dem sale.
Verse / Line: 869     Heren Heinrichs vrunt sagen wail,
Verse / Line: 870     dat eyn da vur deme sale geinck,
Verse / Line: 871     des maich heren Heinrichs sun veinck,
Verse / Line: 872     ind wolden sich an eme erkoueren,
Verse / Line: 873     want hie was broder des van Koueren
Verse / Line: 874     ind was dar zo des busschofs maich.
Verse / Line: 875     Zo vlein en was hie neit traich,
Verse / Line: 876     do hie hoirte ind vernam,
Verse / Line: 877     dat man vmb in zo banne quam.
Verse / Line: 878     Mit helpen quam hie in den doym
Verse / Line: 879     sonder alle syner mage roym.
Verse / Line: 880     Der busschoff vraichde, wat da were.
Verse / Line: 881     Men antwerde eme weder: "Here,
Verse / Line: 882     men wilt da vren neuen van Koueren (vain),
Verse / Line: 883     off antwerde zo dode erslain."
Verse / Line: 884     "Balde so lais vns hynne gain,
Verse / Line: 885     want it is weder mich gedain."
Verse / Line: 886     Sus heisch der busschoff syn pert
Verse / Line: 887     ind reit myt zorne zo Bunne wert.

Verse / Line: 888        In der zijt dat dyt geschaich,
Verse / Line: 889     solde er Bruyn Cause eynen daich
Verse / Line: 890     halden zo Bunne vmb erff zale
Verse / Line: 891     ind getruwede eme maissen wale;
Verse / Line: 892     des wan hie vrede ind geleide
Verse / Line: 893     eme seluer ind synen vrunden beide.
Verse / Line: 894     Sus bat hie alle die vrunt die hie saich,
Page of edition: 31  Verse / Line: 895     dat sy leisden synen daich:
Verse / Line: 896     der busschoff hedde eme in guden moede
Verse / Line: 897     enboden, dat hie sonder hoede
Verse / Line: 898     vrylich zo Bunne queme
Verse / Line: 899     ind reicht van syme erue neme.
Verse / Line: 900     Her Bruyn ind syn vrunt saissen vp ir pert
Verse / Line: 901     ind reden vp zo Bunne wert.
Verse / Line: 902     Alse scheir sy zo Bunne quamen
Verse / Line: 903     ind ir herberge genamen,
Verse / Line: 904     der busschoff dede beseein wie sy vuren.
Verse / Line: 905     Men veinck sy reicht ind dede sy voeren
Verse / Line: 906     zo Godensberch ind ouch zo Are,
Verse / Line: 907     dat sy der zweyer burge ware
Verse / Line: 908     nemen, ind huden ire turne.
Verse / Line: 909     Dat dede hie, Coelne, dir zo zorne!
Verse / Line: 910     Die stat intfeinck dit in vnmoide
Verse / Line: 911     ind hadt vort vur dem busschoue hoide.
Verse / Line: 912     Der busschoff samende sich myt her,
Verse / Line: 913     als hie Coelne sonder were
Verse / Line: 914     solde wynnen alze hant.
Verse / Line: 915     Veir hundert quamen vur gerant
Verse / Line: 916     ind soichten vur sent Seuerins portzen pungeis.
Verse / Line: 917     Die betschelere van Coelne, Gode weis,
Verse / Line: 918     weder reden sy also sere,
Verse / Line: 919     dat sy namen die weder kere,
Verse / Line: 920     node seichte ich dat sy vluwen.
Verse / Line: 921     Eydoch saich men sy Coelne schuwen
Verse / Line: 922     ind ryden zo Rodenkirchen weder;
Verse / Line: 923     da laichte sich der busschoff neder.
Verse / Line: 924     Eynen Ritter leissen sy aichter in,
Page of edition: 32  Verse / Line: 925     dat was al ir bejaich ind ir gewin.
Verse / Line: 926     Do der busschoff do gesaich,
Verse / Line: 927     dat hie da zo vergeifs laich,
Verse / Line: 928     besetzen dede hie alle die straissen,
Verse / Line: 929     hie in wolde neyman in Coelne laissen
Verse / Line: 930     varen myt korne noch myt wine,
Verse / Line: 931     noch zo lande, noch ouch zo Ryne.

Verse / Line: 932        Van Valkenburch myn here Dederich,
Verse / Line: 933     eyn kone ritter ind louelich,
Verse / Line: 934     was do der stat van hertzen hult
Verse / Line: 935     ind halp ir vp duren solt.
Verse / Line: 936     Hie sprach: "Van Coelne hoirt mich ir heren!
Verse / Line: 937     Wilt ir vren schaden keren
Verse / Line: 938     ind den laster den man uch deit,
Verse / Line: 939     so doit die stat syn so bereit,
Verse / Line: 940     wanne dat wirs werden zo rade,
Verse / Line: 941     dat sich dan neyman en verspade,
Verse / Line: 942     die kome gewapent wail van pryse
Verse / Line: 943     ind ride na myr dar ich in wise.
Verse / Line: 944     Solden wir Coelne besitzen laissen
Verse / Line: 945     veirhundert in allen straissen,
Verse / Line: 946     men solde it myr zo groissen schanden
Verse / Line: 947     hie wyssen ind in allen landen."
Verse / Line: 948     Sy spraichen alle: "Wir durren ryden;
Verse / Line: 949     riuelich sullen wir myt uch stryden;
Verse / Line: 950     wir willen lieuer des lijfs verzijen,
Verse / Line: 951     dan wir die straissen neit en vryen."
Verse / Line: 952     "En wilt vrre eyn dem anderen neit entflein,
Verse / Line: 953     so sal uch eren vil geschein.
Verse / Line: 954     Der busschoff van Coelne vnse here
Page of edition: 33  Verse / Line: 955     hie neme it wale vp synen lijff ind syn ere,
Verse / Line: 956     ain hedde hie neit dan vunffhundert man
Verse / Line: 957     ind hedt ir veir dusent noch dan,
Verse / Line: 958     solde hie strydes mit uch begynnen,
Verse / Line: 959     hie weint vns den segen aue gewynnen."
Verse / Line: 960     Sus dede men sturme luden,
Verse / Line: 961     die stat wolde us varen myt luden.
Verse / Line: 962     Zo Vrechen wert voir sy myt brande,
Verse / Line: 963     dat men sein moichte in al dem lande.
Verse / Line: 964     Sy wolden komen vnuerstolen
Verse / Line: 965     ind iren vianden vnuerholen.
Verse / Line: 966     Sy quamen bernende myt vuyre,
Verse / Line: 967     sy en leissen huys, dorp noch schure,
Verse / Line: 968     sy en brenten't in dem lichten dage,
Verse / Line: 969     vp dat men sy de bas gesage.
Verse / Line: 970     Sy voren koinlich ind offenbair,
Verse / Line: 971     bys sy irre viande worden gewar.
Verse / Line: 972     Zo Vrechen quamen sy vp die baich,
Verse / Line: 973     da men den busschoff halden saich.
Verse / Line: 974     Die baich so deiff manlich duchte,
Verse / Line: 975     dat men ouer neit en moichte.
Verse / Line: 976     Snel daden sy in begaden
Verse / Line: 977     beide schuppen ind spaden,
Verse / Line: 978     den groissen graue van der baich
Verse / Line: 979     in kurter stunt men sleichten saich.
Verse / Line: 980     Mit deme sprach myn here Dederich,
Verse / Line: 981     van liue ein recke louelich,
Verse / Line: 982     ind syn broder myn here Wynant:
Verse / Line: 983     "Ir heren wert uch myt der hant!"
Verse / Line: 984     Ind myn here Herman van Meinscheit,
Page of edition: 34  Verse / Line: 985     eyn kone ritter ind gemeit:
Verse / Line: 986     "Ir sijt gebrodere ind gemage,
Verse / Line: 987     durch Got, neyman in verzage!
Verse / Line: 988     Wir willen hude myt uch steruen,
Verse / Line: 989     off ir sult ere hie erweruen!"
Verse / Line: 990     Do sprach van dem Liebarde her Iohan,
Verse / Line: 991     eyn koin, junck, gezogen man:
Verse / Line: 992     "Ere en moisse eme nummerme (me) geschein,
Verse / Line: 993     die hie dem anderen sal intflein!"
Verse / Line: 994     Syn ors myt sporen hie do nam,
Verse / Line: 995     alda hie vp die viande quam
Verse / Line: 996     ind syn sper menlichen brach,
Verse / Line: 997     der gein, der weder in da staich,
Verse / Line: 998     durch staich in ind reit in neder,
Verse / Line: 999     doit (ind) quam hie zo Coelne weder.
Verse / Line: 1000     Do geinck it alre eirst an ein ryden,
Verse / Line: 1001     an hauwen, stechen ind an stryden.
Verse / Line: 1002     Der busschoff leis sein in syner hant
Verse / Line: 1003     synen luden eynen dyamant
Verse / Line: 1004     ind sprach, sy sulden myt eme segen.
Verse / Line: 1005     Sint saich hie sy aichter dem velde liegen
Verse / Line: 1006     beide man, ors da neder,
Verse / Line: 1007     der dyamant halp in clein seder.
Verse / Line: 1008     Die van Coelne voichten allein
Verse / Line: 1009     zo rosse ind zo voisse gemein
Verse / Line: 1010     als sy is al ir leuen hetten geplogen.
Verse / Line: 1011     Die da vur ney strydens en begonde,
Verse / Line: 1012     die veinck da rittere ind wunde,
Verse / Line: 1013     die helme geingen sy da keruen,
Verse / Line: 1014     sy daden da die viande steruen,
Page of edition: 35  Verse / Line: 1015     sy drogen so broderlich ouer ein,
Verse / Line: 1016     dat it an eren vianden wail schein.
Verse / Line: 1017     Men den eirsten saich men't den busschoff goit hauen,
Verse / Line: 1018     dat hie sy dreiff weder vp den grauen.
Verse / Line: 1019     Mer weirlich der en vlo engein,
Verse / Line: 1020     ire alre hertze dachte al ein,
Verse / Line: 1021     dat sy lieuer alda sturuen,
Verse / Line: 1022     dan sy neit den segen en erworuen.
Verse / Line: 1023     Sy geingen hauwen ind keruen,
Verse / Line: 1024     men saich sy man ind ors verderuen,
Verse / Line: 1025     sy heilten vp der baich myt stryde
Verse / Line: 1026     ind werden sich myt nyde.
Verse / Line: 1027     Want van Valckenburch myn here Dederich,
Verse / Line: 1028     eyn kone man wail louelich,
Verse / Line: 1029     heilt so lange sonder rede,
Verse / Line: 1030     dat hie engein helpe en dede
Verse / Line: 1031     ind heilt vur sich moder stille,
Verse / Line: 1032     bys eyn syn ritter sprach: "Wat is vr wille?
Verse / Line: 1033     Here ir halt sus myt lutzel eren,
Verse / Line: 1034     ir en helpt myt truwen den Coelneren
Verse / Line: 1035     hie vp der stat ir viande keren."
Verse / Line: 1036     Vientlich kunde hie geberen.
Verse / Line: 1037     Do eirst reit in her Dederich
Verse / Line: 1038     eyme konen ritter wail gelich.
Verse / Line: 1039     Die z'eirst dat her weder reden,
Verse / Line: 1040     dat waren die da pyne leden.
Verse / Line: 1041     Ir etzliche bloden alse swin
Verse / Line: 1042     ind leissen doch neit ir veichten syn.
Verse / Line: 1043     Ir etzlich als sy woren mude,
Verse / Line: 1044     laifden sich myt irs selues blode.
Page of edition: 36  Verse / Line: 1045     Men en saich ney vp deser erden
Verse / Line: 1046     strydenden stryt so lange herden.
Verse / Line: 1047     Da was her Herman der Rode,
Verse / Line: 1048     de gewont was zo dem dode,
Verse / Line: 1049     ind der Iude er Daniel
Verse / Line: 1050     eyn kone burger ind snel.
Verse / Line: 1051     Ouch wie da blode ir ewelich,
Verse / Line: 1052     die als lewen werden sich,
Verse / Line: 1053     die ander alle woren so goit
Verse / Line: 1054     beide zo ros ind zo vois,
Verse / Line: 1055     dat men sy slain saich zo dale
Verse / Line: 1056     rittere, ros ind man' altzemail,
Verse / Line: 1057     die sich da weryngen vermaissen,
Verse / Line: 1058     dat sy ir pant moisten laissen.
Verse / Line: 1059     Nochtan dat sy vp den orssen saissen,
Verse / Line: 1060     moisten sy sich geuangen geuen,
Verse / Line: 1061     off sy behalden wolden ir leuen.
Verse / Line: 1062     Die vurgenger voichten als heren
Verse / Line: 1063     ind hulpen myt eren groissen eren
Verse / Line: 1064     van Coelne eren lieuen burgeren
Verse / Line: 1065     zo Vrechen al ire viande keren.
Verse / Line: 1066     Men sloich sy ind sy slogen weder
Verse / Line: 1067     ind staichen man ind ros dar neder.
Verse / Line: 1068     Do der busschoff dat gesaich
Verse / Line: 1069     dat syn volck dar neder laich
Verse / Line: 1070     ind den sege gar verlois,
Verse / Line: 1071     synen lufer hie erkois,
Verse / Line: 1072     vp dem hie sich vil balde snelde
Verse / Line: 1073     ind reit ind wichde van dem velde.
Verse / Line: 1074     Hie saich syn volck dar neder slain
Page of edition: 37  Verse / Line: 1075     ind geuangen zo Coelne wert gain.
Verse / Line: 1076     Hie in moichte in neit zo staden stain,
Verse / Line: 1077     ouch wie gerne hie it hedt gedain,
Verse / Line: 1078     hie saich man, ros liegen erslain,
Verse / Line: 1079     dat en moichte neit wale entfain;
Verse / Line: 1080     hie saich syn volck aichder velde jagen,
Verse / Line: 1081     dyt moiste eme ouel behagen,
Verse / Line: 1082     hie saich her ind hie saich dar,
Verse / Line: 1083     zo alre leste wart hie gewar,
Verse / Line: 1084     wa irre veir sich verreiden,
Verse / Line: 1085     die al den daich hadden gestreden,
Verse / Line: 1086     sy volchden den vianden an dem rucke,
Verse / Line: 1087     zo Vrechen vpt huys bys vp die brucke,
Verse / Line: 1088     do sy wainden weder keren,
Verse / Line: 1089     geuangen worden sy myt eren.
Verse / Line: 1090     Her Matheis Ouerstultz was ir ein,
Verse / Line: 1091     her Daniel der Iude, deser engein
Verse / Line: 1092     en saich men viande vermyden,
Verse / Line: 1093     men saich sy alse lewen stryden;
Verse / Line: 1094     dat derde was (als) her Peter van dem Lebarde,
Verse / Line: 1095     die vp die viande vacht so harde,
Verse / Line: 1096     dat hie des groissen prijs gewan,
Verse / Line: 1097     hie was des dagis ein kone man;
Verse / Line: 1098     dat veirde was Symon Roisgin,
Verse / Line: 1099     hie en moichte des dagis neit besser syn,
Verse / Line: 1100     hie heilt sich ey kuysch ind fyn.
Verse / Line: 1101     Zo Vrechen vp dat huys worden sy geleit
Verse / Line: 1102     id were in leiff off leit,
Verse / Line: 1103     ir wapen worden in vs gedain,
Verse / Line: 1104     men dede sy in eynen kercker gain.
Page of edition: 38  Verse / Line: 1105     Vil lude karmen sy begonden
Verse / Line: 1106     ire bitterliche wonden,
Verse / Line: 1107     die sy sin urzen ungebunden.
Verse / Line: 1108     Zo den seluen stunden
Verse / Line: 1109     vp dat huys der busschoff quam.
Verse / Line: 1110     Als scheir hie sy da vernam,
Verse / Line: 1111     men nante sy eme al myt namen.
Verse / Line: 1112     "Sich mogens alle die myne schamen,
Verse / Line: 1113     dat vnder desen ein enich man,
Verse / Line: 1114     die kome strydes e began,
Verse / Line: 1115     dat is der Iude her Daniel,
Verse / Line: 1116     hadde sy dur brochen also snel,
Verse / Line: 1117     als ein valcke der eynen vogel sleit."
Verse / Line: 1118     Ain irre alre danck hie weder reit.
Verse / Line: 1119     "Daniel wie du ouch geuangen sijs,
Verse / Line: 1120     des strydens gein ich dir den prys,
Verse / Line: 1121     drissich ritter sint myr geuangen aue
Verse / Line: 1122     ind ich byn bas an uch haue."
Verse / Line: 1123     Do der volcquich als was verwonnen,
Verse / Line: 1124     myt vreuden heym ryden begunden
Verse / Line: 1125     die van Coelle myt groissen schalle.
Verse / Line: 1126     Samen vreuden sy sich alle,
Verse / Line: 1127     want sy dryssich ritter me noch myn
Verse / Line: 1128     braichten weder zo Coelne geuangen in,
Verse / Line: 1129     ain sarianten ind ain kneichte,
Verse / Line: 1130     der en zelle ich neit van reichte.
Verse / Line: 1131     Men en saich ney lude weder komen
Verse / Line: 1132     vrolicher, als ich hain vernomen.
Verse / Line: 1133        Wa sich stede volck getruweliche,
Verse / Line: 1134        helt zo samen, dat wirt eren riche;
Page of edition: 39  Verse / Line: 1135        ind wa it van sich leist scheiden,
Verse / Line: 1136        it ruwet (sich) na arm ind riche (an) beiden.
Verse / Line: 1137        Ducke komet regen na sunnen schine,
Verse / Line: 1138        als deit ducke na vreuden pyn.

Verse / Line: 1139        Seder saich men die gemeinde samen
Verse / Line: 1140     zo Duytze sich gelich schamen,
Verse / Line: 1141     want sy dar sunder vur rait quamen
Verse / Line: 1142     ind myt der stat neit rait en namen.
Verse / Line: 1143     Sy quamen vermessen ind stultz
Verse / Line: 1144     zo Dutze varen vmb hultz.
Verse / Line: 1145     Do der greue van dem Berge dat vernam,
Verse / Line: 1146     mit veir hundert mannen vp sy quam.
Verse / Line: 1147     Sus hoiff sich da ein nuwe stryden.
Verse / Line: 1148     Zo den nemelichen zijden
Verse / Line: 1149     der greue verlois veir goede man,
Verse / Line: 1150     do man des strydes alre eirst began.
Verse / Line: 1151     Als dat der greue hoirte sagen,
Verse / Line: 1152     mit veirhundert quam hie in geslagen
Verse / Line: 1153     ind gewan vp sy alda den segen.
Verse / Line: 1154     Man saich der gemeinden neder legen
Verse / Line: 1155     wail vunffzijch man doit erslagen;
Verse / Line: 1156     dat woren bloisse lude, als ich hoirte sagen,
Verse / Line: 1157     die den wech weder zo schiffe namen,
Verse / Line: 1158     dat woren die zo Coelne in quamen.
Verse / Line: 1159     Die stat erbarmede sich deser dait;
Verse / Line: 1160     ouch wie men dar vore ain eren rait,
Verse / Line: 1161     sy en moichten den laster neit gedolen.
Verse / Line: 1162     Sy voren myt gewalt ir doden holen
Verse / Line: 1163     ind verbranten Duytze myt vuyre.
Verse / Line: 1164     Greue Aliff reit hyn zo Benzbure,
Page of edition: 40  Verse / Line: 1165     hie en dorste sy neit myt stryde bestain
Verse / Line: 1166     als hie da vuyr hadt gedain.
Verse / Line: 1167     Hie sprach: "Nu sal syn al myn lant
Verse / Line: 1168     beide verhert ind verbrant."
Verse / Line: 1169     Die van Coelne quamen myt vreden
Verse / Line: 1170     weder zo Coelne ind vnbestreden,
Verse / Line: 1171     die doden bestaden sy myt eren
Verse / Line: 1172     zo der erden, als it weren lantzheren. -

Verse / Line: 1173        Do sy vp beiden syden vrlogis woren moede,
Verse / Line: 1174     alre eirst warff busschoff Ailbreicht vmb dat goit
Verse / Line: 1175     entusschen dem busschoue ind der stede.
Verse / Line: 1176     Der eirste busschoff synen willen dede,
Verse / Line: 1177     men geloiffde eme seis dusent marck,
Verse / Line: 1178     die zo geldene harde starck
Verse / Line: 1179     der stede woren sicherlichen,
Verse / Line: 1180     ind satten eme dar vur burgen riche
Verse / Line: 1181     hundert der besten van der stat,
Verse / Line: 1182     die geloifden myt irre truwen dat,
Verse / Line: 1183     dat sy die pennynge solden gelden vp den dach,
Verse / Line: 1184     den man in der sonen dar zo besprach,
Verse / Line: 1185     ind off sy die pennynge dan neit en gulden,
Verse / Line: 1186     dat sy dar vur legen sulden
Verse / Line: 1187     in cloistrin ind da vis neit komen en solden,
Verse / Line: 1188     die vi. dusent marck weren vergulden.
Verse / Line: 1189     Do man verburchde desen schatz,
Verse / Line: 1190     quam busschoff Coinrait in die stat
Verse / Line: 1191     ind dede die richsten ane moiden,
Verse / Line: 1192     hie wolde sy eruen ind goiden,
Verse / Line: 1193     dat sy sich myt eme verbunden
Verse / Line: 1194     ind eme al sins willen gunden
Page of edition: 41  Verse / Line: 1195     ind dat sy eme gereit weren,
Verse / Line: 1196     ouch vp wen hie sich wolde keren,
Verse / Line: 1197     ind dat sy neit en bynnen der steyde
Verse / Line: 1198     in weder sprechen syner beyde.
Verse / Line: 1199     Noede irre enich dat ane veinck,
Verse / Line: 1200     want it weder die vryheit der stede geinck.
Verse / Line: 1201     Kurtlich woren sy so beraden,
Verse / Line: 1202     dat sy sins willen neit den daden.
Verse / Line: 1203     Der busschoff nam dyt in vnmoide,
Verse / Line: 1204     hie daichte it zo gelden neit myt goide,
Verse / Line: 1205     als men seder wail gesaich.
Verse / Line: 1206     Do man eme die pennynge gelaich,
Verse / Line: 1207     der busschoff in ein reichtis besante
Verse / Line: 1208     die richsten die hie bekante
Verse / Line: 1209     van den weueren ind den gemeinden.
Verse / Line: 1210     Hie geschoiff dat sy sich vereinden
Verse / Line: 1211     ind eme sworen ind hulden,
Verse / Line: 1212     dat sy eme alle helpen solden
Verse / Line: 1213     weder die besten van der stat,
Verse / Line: 1214     vmb anders neit dan vmb dat,
Verse / Line: 1215     dat sy ir vriet neit zo breichen
Verse / Line: 1216     in leissen, dat sy it hulpen wregin.
Verse / Line: 1217     Do hie (hie) sy alsus zo eme gewan
Verse / Line: 1218     ind reichtes intsetzen hie began
Verse / Line: 1219     die creftich woren van huysgenosen,
Verse / Line: 1220     hie wolde sy enteruen ind intblosen.
Verse / Line: 1221     Do die huysgenosen woren in(t)sat,
Verse / Line: 1222     do intsatte hie die scheffen van der stat
Verse / Line: 1223     ind nam ir wapen ind ir swert,
Verse / Line: 1224     wa sich ein goit man neder vert.
Page of edition: 42  Verse / Line: 1225     Syne lude der bester zweilue veingen,
Verse / Line: 1226     die ander wenich dat entgeingen,
Verse / Line: 1227     sy worden snel ind gereit
Verse / Line: 1228     in er Gerartz des greuen huys geleit,
Verse / Line: 1229     da lagen sy in zwene dage.
Verse / Line: 1230     Hoirt ein jemerliche sage,
Verse / Line: 1231     weder den, weuer her Geirlaich
Verse / Line: 1232     ind Willem van der huntzgassen sprach
Verse / Line: 1233     ind der vischer her Herman
Verse / Line: 1234     ind Everhart van Burneheym nochtan:
Verse / Line: 1235     "Busschoff here laist uch geraden,
Verse / Line: 1236     doit dese sleiffen ind braden."
Verse / Line: 1237     Stillich die ander spraichen ind reiden:
Verse / Line: 1238     "Her busschoff here doit sy seiden,
Verse / Line: 1239     off erdrenckt ind sent sy ouer see,
Verse / Line: 1240     so in hindert uch noch vns neit me."
Verse / Line: 1241     Ouch wat eman da gesaichte,
Verse / Line: 1242     der busschoff manchis deinstis daichte,
Verse / Line: 1243     den sy eme da vur hatten gedain
Verse / Line: 1244     ind leis sy stillichlichen intgain.
Verse / Line: 1245     Do sy gerumden die stat,
Verse / Line: 1246     worden nuwe scheffen gesat.
Verse / Line: 1247     Nu hoirt vort, ich sal uch numen:
Verse / Line: 1248     Geirlaich den weuer ind Coinrait Blumen,
Verse / Line: 1249     Lewe den vischer ind Hermanne
Verse / Line: 1250     den keilsticher, monich ind Iohanne,
Verse / Line: 1251     ouch was ir ein der bruwer bode
Verse / Line: 1252     ind Teilman der becker, by Gode,
Verse / Line: 1253     her Willem van der hundes gassen,
Verse / Line: 1254     en weirt neit sunde, ich solde it hassen,
Page of edition: 43  Verse / Line: 1255     dat van Coelne die hilge stat
Verse / Line: 1256     mit sulchen eselen was besat.
Verse / Line: 1257     Men do an eyme esele eins lewen hut,
Verse / Line: 1258     hie jreirt doch eins esels lut.
Verse / Line: 1259     Do in ir schiue louffende wart,
Verse / Line: 1260     ain were ir sulch van esels art,
Verse / Line: 1261     sy daden maichen pauwin hude,
Verse / Line: 1262     do in ir dinck ergeinck zo goide,
Verse / Line: 1263     ind gebeirden vil heirliche,
Verse / Line: 1264     sy beschatten arm ind riche
Verse / Line: 1265     me dan da vure were sede
Verse / Line: 1266     ind deilden dem busscoue mede.
Verse / Line: 1267     Als sy ein ordel solden sagen,
Verse / Line: 1268     sy begondins den busschoff vragen
Verse / Line: 1269     wat sy dar vmb sagen solden,
Verse / Line: 1270     dat sijs bleuen in synen hulden.
Verse / Line: 1271     Dat daden sy kurt vmb dat,
Verse / Line: 1272     sy vorten vmmer syn intsat
Verse / Line: 1273     ind daden wat der buschoff wolde,
Verse / Line: 1274     dat sy beheilden syne hulde.
Verse / Line: 1275     Sus verlois Coelne diese hilge stat,
Verse / Line: 1276     sonder dar na scheffen worden intsat,
Verse / Line: 1277     ire vryheit ind menche guede seden
Verse / Line: 1278     ind hait menchen kummer geleden.
Verse / Line: 1279     Ouch synt sint menche dinck gedreuen,
Verse / Line: 1280     die dusent valt besser weren bleuen.
Verse / Line: 1281     So myr Got de mich geboit,
Verse / Line: 1282     id is mennich goit man bleuen doit
Verse / Line: 1283     van ritteren ind van landes heren,
Verse / Line: 1284     die leuen moichten noch myt eren,
Page of edition: 44  Verse / Line: 1285     weren die gude lude bleuen
Verse / Line: 1286     in Coelne, die vs worden verdreuen!
Verse / Line: 1287     Wat van goeder art wirt geboit,
Verse / Line: 1288     dat blift barmhertzijch ind goit,
Verse / Line: 1289     want van gueder art gesleichte
Verse / Line: 1290     en sijt neit gerner dan dat reichte;
Verse / Line: 1291     so wist dar weder, dat neyt so suyr
Verse / Line: 1292     in is, as van arde ein gebuyr,
Verse / Line: 1293     wan e dat hie vp stigende is,
Verse / Line: 1294     hie is gijr ind valsch, des sijt gewijs.
Verse / Line: 1295     Coelne blifstu den beuolen,
Verse / Line: 1296     du soldes menchen laster dolen!
Verse / Line: 1297     Nochtan dat neit en is an dem bein,
Verse / Line: 1298     der hunt wilt it doch hain allein.

Verse / Line: 1299        Die reyne Got van hemelrich,
Verse / Line: 1300        du heisches Got der wonderlich,
Verse / Line: 1301        want du leis mench dinck geschein,
Verse / Line: 1302        da wonder grois wirt ane gesein!

Verse / Line: 1303        Nu hoirt wilch wonder dat geschaich
Verse / Line: 1304     vp eynen hilgen paisch daich
Verse / Line: 1305     zo wissen vrouwen in der kirchen.
Verse / Line: 1306     Sathan began nuwe schande wircken,
Verse / Line: 1307     want vischer sich do an namen
Verse / Line: 1308     heirscheffe ind zo scheffendome quamen.
Verse / Line: 1309     Die vleischmenger daichten an eren moit,
Verse / Line: 1310     sy weren besser, off als goit
Verse / Line: 1311     ind daichten ouch hirschaff erkrygen,
Verse / Line: 1312     sy en wolden neyman wichen noch swigen.
Verse / Line: 1313     Vmb eren ouermoit geschaich
Verse / Line: 1314     in der kirchen ein doitslaich
Page of edition: 45  Verse / Line: 1315     zo wissen vrouwen, dat manch man saich,
Verse / Line: 1316     vp eynen guden paisch daich
Verse / Line: 1317     entusschen in ind den besten van der stat.
Verse / Line: 1318     Die gemeinde alze male vmb dat
Verse / Line: 1319     in der hilger auent stunde
Verse / Line: 1320     heren Bruyn Hardevuyst sturmen begonde
Verse / Line: 1321     ind wonnen eme syn huys ane,
Verse / Line: 1322     des der goede man was vngewane.
Verse / Line: 1323     Want wa hie vur doitslaich geschaich,
Verse / Line: 1324     den richen man dar vmb ane sprach;
Verse / Line: 1325     neyman en dorste selue richten,
Verse / Line: 1326     als man da saich van bosen wichten,
Verse / Line: 1327     die sich selue gerichtis ane namen.
Verse / Line: 1328     Die bosen solden sich is vmmer schamen,
Verse / Line: 1329     dat kome vp sy dryssich quamen
Verse / Line: 1330     ind ein enich man vnder in gereden,
Verse / Line: 1331     die in den sege aue streden.
Verse / Line: 1332     Van Mummersloch her Lodewich,
Verse / Line: 1333     eyn burger wijs ind louelich,
Verse / Line: 1334     reit sy allein durch so mit schalle,
Verse / Line: 1335     dat sy myt schanden vluwen alle.
Verse / Line: 1336     Do sy die vlucht hadden genomen,
Verse / Line: 1337     heren Bruyns vrunt, die da waren komen
Verse / Line: 1338     als Got selue sy eme zo helpen sande,
Verse / Line: 1339     syn huys was intstickit myt brande.
Verse / Line: 1340     Nochtan so vunden sy dar bynnen
Verse / Line: 1341     die goit myt roue wolden wynnen,
Verse / Line: 1342     sulch droich dat bette, sulch den pot,
Verse / Line: 1343     dat en leis neit vngewrochen Got;
Verse / Line: 1344     sulch droich den haich ind die brantrichten,
Page of edition: 46  Verse / Line: 1345     dat irme liue wart zo leide;
Verse / Line: 1346     sulch droich bunt ind dat gra
Verse / Line: 1347     ind leis al ir pant alda.
Verse / Line: 1348     Do sy it van danne solden dragen,
Verse / Line: 1349     sy worden vp dem royue erslagen,
Verse / Line: 1350     durch dat en sal sy neyman clagen.
Verse / Line: 1351     Die scheffen zo der zijt
Verse / Line: 1352     en quamen nirgen an den stryt
Verse / Line: 1353     ain do der stryt al was gedain
Verse / Line: 1354     ind an die naicht begonde gain.
Verse / Line: 1355     Sy quamen ind namen eynen vrede
Verse / Line: 1356     ind eynen soinlichen daich da mede.
Verse / Line: 1357     Da en bynnen myt valschem rade
Verse / Line: 1358     santen sy vmb busschoue Coinrait,
Verse / Line: 1359     dat hie, als scheir als hie verneme
Verse / Line: 1360     ir boitschaff, in zo Coelne queme,
Verse / Line: 1361     da were geweist bynnen eyn stryt,
Verse / Line: 1362     des syne pant solden quijt
Verse / Line: 1363     mit rade ind irre helpen werden,
Verse / Line: 1364     dorste hie it vorderen ind herden.
Verse / Line: 1365     Als balde der busschoff dat vernam,
Verse / Line: 1366     vil balde hie zo Coelne in quam;
Verse / Line: 1367     hie moichte deilen ind keisen,
Verse / Line: 1368     des moiste hie wynnen ind neit verleisen.
Verse / Line: 1369     Der geine bleiff in synen hulden,
Verse / Line: 1370     die is myt schatze kunden verschulden;
Verse / Line: 1371     die euer neit en daden dat,
Verse / Line: 1372     die vurrumden eme die stat.
Verse / Line: 1373     Were Coelne in syner vryheit bleuen,
Verse / Line: 1374     dys spils en were allet neit gedreuen;
Page of edition: 47  Verse / Line: 1375     weren sy eindreichtich geweist ind bleuen,
Verse / Line: 1376     so hedden sy node vnder ein gestreden.
Verse / Line: 1377     Got selue en wil dar zo sein,
Verse / Line: 1378     dys strydis sal noch me geschein.
Verse / Line: 1379     Die sich des strydes neit an en namen,
Verse / Line: 1380     noch ney an den stryt en quamen,
Verse / Line: 1381     der busschoff was in also hult,
Verse / Line: 1382     hie gaff geliche in allen die schoilt;
Verse / Line: 1383     ain weren't die besten van der stat,
Verse / Line: 1384     sy en gulden de myn neit vmb dat.
Verse / Line: 1385     Seis hundert marc bezalen moisten
Verse / Line: 1386     van Coelne die edelsten ind die hoisten
Verse / Line: 1387     ind darzo besseren alze maile
Verse / Line: 1388     baruoyse dem busschoue vp dem sale.
Verse / Line: 1389     Der gemeinden seiszein erslain
Verse / Line: 1390     ind veirzijch irre dusend jagen
Verse / Line: 1391     saich men vp eynen paisch daich,
Verse / Line: 1392     da dese besserunge vmb geschaich,
Verse / Line: 1393     ind vunffzijch worden ire gewont
Verse / Line: 1394     zo der nemelichen stunt.
Verse / Line: 1395     Got en keir't ind wille't anden,
Verse / Line: 1396     Coelne blift alsus in schanden;
Verse / Line: 1397     id en is gein sonder rait,
Verse / Line: 1398     dat schinet an mencher boser dait.
Verse / Line: 1399     We sulde in rait off vrdel geuen,
Verse / Line: 1400     die gespoilt haint alle ir leuen?
Verse / Line: 1401     Wie solden die Coelne bewaren,
Verse / Line: 1402     die vischere ind beckere woren?
Verse / Line: 1403     Ich wene, ir sulch bas wissen sulde,
Verse / Line: 1404     wie manich herynck eynen virlinck gulde!

Page of edition: 48 
Verse / Line: 1405        Herna die besten van der stat
Verse / Line: 1406     claden dem busschoue dat,
Verse / Line: 1407     dat veir nuwe scheffen weren,
Verse / Line: 1408     die die stat hulpen interen;
Verse / Line: 1409     zo vnwijs beschatten sy richen ind armen,
Verse / Line: 1410     sy en leissen sich neyman erbarmen.
Verse / Line: 1411     "Zo Coellene en maich men neit en bynnen
Verse / Line: 1412     der dinge hie engein begynnen,
Verse / Line: 1413     id sy van schelden off van slain,
Verse / Line: 1414     sy maichen vns des gudes ane;
Verse / Line: 1415     id sy in verre, it sy in by,
Verse / Line: 1416     men mois it besseren weder sy.
Verse / Line: 1417     Here it is sonde ind it is schande
Verse / Line: 1418     wat volx her in komet van dem lande,
Verse / Line: 1419     id sy der arme off der riche,
Verse / Line: 1420     sy brechent eme aff dorperliche
Verse / Line: 1421     syn goit, als it vp der velen were.
Verse / Line: 1422     Dyt richtet vns van in, her busschoff here!"
Verse / Line: 1423     Der busschoff sprach: "Sal ich sy kennen,
Verse / Line: 1424     off van in richten, men sal sy nennen."
Verse / Line: 1425     "Here wir nennen dir: Vischer Herman
Verse / Line: 1426     ind Coinrait van der blumen, dan
Verse / Line: 1427     die synt die die stat verdumen,
Verse / Line: 1428     alle die ich uch hie numen,
Verse / Line: 1429     Albrecht Hoger ind Everhart
Verse / Line: 1430     van Burneheym; here myt der vart
Verse / Line: 1431     sult ir der stede hude richten
Verse / Line: 1432     van desen offenbaren wichten,
Verse / Line: 1433     sy en solen zo reichte neit scheffen bliuen,
Verse / Line: 1434     die men offenbair meyndait sijt driuen;
Page of edition: 49  Verse / Line: 1435     want sy meindedich sint ind versworen,
Verse / Line: 1436     haint sy eren scheffendoym verloren."
Verse / Line: 1437     Der busschoff sprach: "Ich bidden uch, dat ir
Verse / Line: 1438     desen ouelmoit wilt geuen myr;
Verse / Line: 1439     want ich sy scheffen hain gesat,
Verse / Line: 1440     so en were mir neit eirlich dat,
Verse / Line: 1441     dat ich sy alsus leis intsetzen,
Verse / Line: 1442     ich sal is uch anders wail ergetzen."
Verse / Line: 1443     "Here ouer ho ind neder ir sult vns richten
Verse / Line: 1444     van offenbaren boisen wichten.
Verse / Line: 1445     Da en hilpt neit here vr gebeiden,
Verse / Line: 1446     ire meindait willen wir vur uch bereiden;
Verse / Line: 1447     dyt herden van Coelne al die gesleichte,
Verse / Line: 1448     dat der busschoff in richte na reichte."
Verse / Line: 1449     Sus lut men sturme ouer al.
Verse / Line: 1450     Der busschoff geinck zo gerichte sitzen vp den sal
Verse / Line: 1451     in der gueder sente Walburgen dage
Verse / Line: 1452     ind hoirte der guder lude clage,
Verse / Line: 1453     die grois was ind jemerlich.
Verse / Line: 1454     Der busschoff bat ey vort vur sich,
Verse / Line: 1455     dat sy van der clagen leissen,
Verse / Line: 1456     sy sulden's weder in geneissen.
Verse / Line: 1457     "Here men sal vns vrdel geuen
Verse / Line: 1458     weder sy, off it kost vnse leuen.
Verse / Line: 1459     Men sal wissen, war dat goit sy komen,
Verse / Line: 1460     dat sy der stat ruflich aue haint genomen."
Verse / Line: 1461     Do dede der busschoff eins vrdels vragen,
Verse / Line: 1462     dat solde de van des aptz houe sagen
Verse / Line: 1463     ind geinck sich vys dar vp beraden.
Verse / Line: 1464     Hoirt wat die vnnutze scheffen daden:
Page of edition: 50  Verse / Line: 1465     Herman vischer roiffen began
Verse / Line: 1466     van irre weigen die gemeinde an
Verse / Line: 1467     "Ir edel gemeinde van der stat,
Verse / Line: 1468     weynende clagen wir uch dat,
Verse / Line: 1469     dat uns der stede kundige heren
Verse / Line: 1470     willent entliuen ind interen,
Verse / Line: 1471     want wir myt uch vns hain verbunden
Verse / Line: 1472     ind uch hain gehulpen zo allen stunden
Verse / Line: 1473     weder sy ind nummer uch en begeuen,
Verse / Line: 1474     als lange als wir vmmer geleuen.
Verse / Line: 1475     Sait, wilt ir den zo staden stain,
Verse / Line: 1476     die uch en paisch dage wolden erslain,
Verse / Line: 1477     off wilt ir dem busschoff stain hude by?
Verse / Line: 1478     Sait snel wat des vre wille sy.
Verse / Line: 1479     Myn here wilt an vrre syden
Verse / Line: 1480     myt syner hant noch hude stryden."
Verse / Line: 1481     Sy reiffen myt groissen schalle,
Verse / Line: 1482     dem busschoue wolden sy helpen alle.
Verse / Line: 1483     Do die besten von der stat
Verse / Line: 1484     van der gemeinden erhoirten dat,
Verse / Line: 1485     den wech benamen sy eme zo male
Verse / Line: 1486     ind der busschoff wapende sich vp me sale,
Verse / Line: 1487     Sus leiff heym wert arm ind riche
Verse / Line: 1488     ind wapenden sich geliche.
Verse / Line: 1489     Der busschoff eyne behendicheit daichte,
Verse / Line: 1490     die hie dem proiste zo reichte saichte
Verse / Line: 1491     van sente Gereoin, syme neuen:
Verse / Line: 1492     "Verstant wilchen rait ich dir geuen,
Verse / Line: 1493     nym myt dir van Vitenkouen Herman
Verse / Line: 1494     ind Peter van dem Cranen dan
Page of edition: 51  Verse / Line: 1495     ind ryt zo den besten van der stat,
Verse / Line: 1496     myt gueden truwen rait in dat,
Verse / Line: 1497     dat sy myr coinlich in hant gain,
Verse / Line: 1498     als die van sent Columben haint gedain;
Verse / Line: 1499     weren sy en gein die des gestaide,
Verse / Line: 1500     dat man in an liue off an goede schade;
Verse / Line: 1501     want die gemeinde is van den seden,
Verse / Line: 1502     dat hude ir drissich myt in streden,
Verse / Line: 1503     sy vluwen, als leiff als ir myr sijt,
Verse / Line: 1504     des laist vns bliuen sonder stryt."
Verse / Line: 1505     Des voeren hyn dese dry;
Verse / Line: 1506     zo der ryngassen reden sy,
Verse / Line: 1507     sy vunden menchen wereichtigen man.
Verse / Line: 1508     De van Vitekouen sprechen began:
Verse / Line: 1509     "Doit noch hude vnsen rait ir heren."
Verse / Line: 1510     Sus reden sy zo sent Columben
Verse / Line: 1511     ind verleiden da die dummen,
Verse / Line: 1512     sy spraichen weder sy, dat die heren
Verse / Line: 1513     van ryngassen in hant gegangen weren,
Verse / Line: 1514     dat sy ir dinck wijsslichen an veingen
Verse / Line: 1515     ind myt in vur den busschoff geingen,
Verse / Line: 1516     men solde sy anders verdryuen
Verse / Line: 1517     beide an gude ind an liuen.
Verse / Line: 1518     "Doit vnsen rait, ir blift in eren,
Verse / Line: 1519     geit snel myt vnsen heren,
Verse / Line: 1520     wir haint so vursprochen weder in,
Verse / Line: 1521     hie in sal uch schaden me noch myn;
Verse / Line: 1522     vort komt vp vnse sicherheit
Verse / Line: 1523     ind wist dat men uch neit en deit."
Verse / Line: 1524     Sus geingen sy myt in zo me sale
Page of edition: 52  Verse / Line: 1525     ind beiden des busschoffs alze mail.
Verse / Line: 1526     Zo richtz reden die dry weder
Verse / Line: 1527     zo irme heren in ryngassen weder.
Verse / Line: 1528     Ir boden myt in weder quamen,
Verse / Line: 1529     van den sy die wairheit vernamen,
Verse / Line: 1530     dat sy van sent Columben weren
Verse / Line: 1531     in d' haint gegangen na irme heren.
Verse / Line: 1532     Hoirt wie sy do ir dinck ane veingen:
Verse / Line: 1533     Zweilff koren sy vys, die myt in geingen
Verse / Line: 1534     in gewalt busschoue Coinrade.
Verse / Line: 1535     Weis Got, hie dede in vngenade:
Verse / Line: 1536     hie heilt ir zwentzijch alze mail
Verse / Line: 1537     myt eme geuangen vp me sale,
Verse / Line: 1538     veir der bester die men kante
Verse / Line: 1539     zo Cölne. Dar na hie sy sante,
Verse / Line: 1540     bys eyman reicht worde gewar,
Verse / Line: 1541     zo Lechenich, Godensberch ind zo Are.
Verse / Line: 1542     Do die anderen vernamen dat,
Verse / Line: 1543     dat meiste deil voir vs der stat.
Verse / Line: 1544     Sulche voiren in Nederlant,
Verse / Line: 1545     da sy woren wail bekant.
Verse / Line: 1546     Die anderen voeren vp den Ryn,
Verse / Line: 1547     da sy wisten den besten wyn.
Verse / Line: 1548     Die scheffen woren gueder seden,
Verse / Line: 1549     sy daden perdis vesseren smeden,
Verse / Line: 1550     eyne vesser zo zwen mannen,
Verse / Line: 1551     da sulde men sy in als zwey pert spannen.
Verse / Line: 1552     Die vesseren daden sy fenynen,
Verse / Line: 1553     dat sy sy doden myt der pynen.
Verse / Line: 1554     Do sy sy wainden vesseren als pert,
Page of edition: 53  Verse / Line: 1555     do woren sy zo Are wert;
Verse / Line: 1556     men laichte sy zo behalden zo irme vnheile
Verse / Line: 1557     ind worden in seluen synt zo deile.
Verse / Line: 1558     Wie it dar zo queme dat wirt uch wail kunt;
Verse / Line: 1559     i'n spreche neit me dan aff zo deser stunt. -
Verse / Line: 1560     Ich las eins als ich vant geschreuen,
Verse / Line: 1561     da vil heren is myt verloren bleuen,
Verse / Line: 1562     der gein ze male en is neit aff,
Verse / Line: 1563     verholen ir geselschaff;
Verse / Line: 1564     der richter in weder neit en stait
Verse / Line: 1565     offenbair boeser dait,
Verse / Line: 1566     die men sijt van bosen wichten
Verse / Line: 1567     ind van den neit en wilt richten.
Verse / Line: 1568     In Coelne is mannich jamer gescheit,
Verse / Line: 1569     dat wist vurwair, vmb anders neit,
Verse / Line: 1570     ind der guder vil verdryuen,
Verse / Line: 1571     dat royuer ind dieue vort also bliuen.
Verse / Line: 1572     Is myr dieuis dufde also leiff,
Verse / Line: 1573     bruche ich sy myt, ich byn ein deiff.
Verse / Line: 1574     Dat schait in ouch an der eren.
Verse / Line: 1575     Richteren ind landis heren,
Verse / Line: 1576     die alle vnreicht sulden keren,
Verse / Line: 1577     die sijt men stercken ind meren.
Verse / Line: 1578     Der busschoff veinck syn burgere
Verse / Line: 1579     want sy in baden, dat hie were
Verse / Line: 1580     reicht richter ouer bose wichte
Verse / Line: 1581     ind verdreiff sy da, dat was syn gerichte.
Verse / Line: 1582     Gevangen bleuen sy zwei jair,
Verse / Line: 1583     dat was in pynlich ind swair.
Verse / Line: 1584     Zweirlich zerde men vp sy
Page of edition: 54  Verse / Line: 1585     ind plaich ir ouel alda by.
Verse / Line: 1586     Also scheir sy den busschoff sagen,
Verse / Line: 1587     sy begonten eme jemerlichen clagen.
Verse / Line: 1588     Als balde der busschoff en wech quam,
Verse / Line: 1589     die ir plaich wart zornich ind gram,
Verse / Line: 1590     ind laichte sy van groisme zorne
Verse / Line: 1591     in dat vnderste van me turne.
Verse / Line: 1592     Durch dat baden sy Got den hoisten,
Verse / Line: 1593     die ewelich is, dat hie sy moiste troisten.
Verse / Line: 1594     Ze richte quam ein bode zo Are
Verse / Line: 1595     ind sprach, dat der busschoff seich ware
Verse / Line: 1596     ind dat hie ze sente Gereoin lege
Verse / Line: 1597     mit dem proifste syme mage.
Verse / Line: 1598     Ir vrunt sy des manen deden,
Verse / Line: 1599     dat sy vmb Got den busschoff beden,
Verse / Line: 1600     eren reichten lieuen heren,
Verse / Line: 1601     wan sy vur Gode vnschuldich weren
Verse / Line: 1602     weder in alle ire missedait,
Verse / Line: 1603     vp dat synre selen worde rait,
Verse / Line: 1604     dat hie it Gode dede zo eren
Verse / Line: 1605     ind gnade zo in wolde keren.
Verse / Line: 1606     Do men dem busschoff dis gewoich,
Verse / Line: 1607     hie antwerde: "It were vngevoich,
Verse / Line: 1608     dat sy in Coelne weder quemen
Verse / Line: 1609     ind den ire scheffendoym benemen,
Verse / Line: 1610     die ich zo scheffen hain gesat.
Verse / Line: 1611     Ich geloyue uch sicher dat
Verse / Line: 1612     als lange als ich leuen,
Verse / Line: 1613     dat ich sy der stat neit weder geuen."
Verse / Line: 1614     Sus laich hie neder ind starff. - (29. Sept. 1261.)

Page of edition: 55 
Verse / Line: 1615        Do in proifst Engelbrecht syn busschdoym erwarff,
Verse / Line: 1616     do wainden sy alle syn getroist
Verse / Line: 1617     ind myt vreuden syn erloist,
Verse / Line: 1618     want hie da vur hadde gesprochen:
Verse / Line: 1619     "Myn here hait truwe an uch zebrochen;
Verse / Line: 1620     als helpe myr Got, it is myr leit,
Verse / Line: 1621     dat men uch enich vnreicht deit;
Verse / Line: 1622     worde ich noch zu sulchem heren,
Verse / Line: 1623     ich solde uch al vr vnreicht keren.
Verse / Line: 1624     Ir hait myr so menchen deinst gedain,
Verse / Line: 1625     it sal uch, wilt Got, zo staden stain."
Verse / Line: 1626     Do men zo Are die mere braichte
Verse / Line: 1627     ind men vur wair die mere saichte,
Verse / Line: 1628     dat der doymproist busschoff were:
Verse / Line: 1629     "Dat is vns ein lieue mere,
Verse / Line: 1630     spraichen die geuangen myt bliden moide,
Verse / Line: 1631     als vns dinck nu kompt zo goide!
Verse / Line: 1632     He hait vns ducke entheischen wale,
Verse / Line: 1633     wir sullen ain emans weder zale
Verse / Line: 1634     quijt werden ind erloist;
Verse / Line: 1635     hie hat vns so ducke wail getroist;
Verse / Line: 1636     Got hait in vns zo heren gegeuen,
Verse / Line: 1637     dat sal vns vurderen also lange wir leuen.
Verse / Line: 1638     Want wat syn edel munt hait gesprochen,
Verse / Line: 1639     dat en wirt an vns nummer zebrochen."

Verse / Line: 1640        Der busschoff wart vyssermaissen wale
Verse / Line: 1641     intfangene zo Coelne vp dem Sale,
Verse / Line: 1642     eme wart manich guyt prysant
Verse / Line: 1643     van den burgeren gesant.
Verse / Line: 1644     Sy sworen eme ind daden hulde,
Page of edition: 56  Verse / Line: 1645     dat die stadt getruwe eme wesen sulde.
Verse / Line: 1646     Dar na en bynnen eicht dagen
Verse / Line: 1647     dede men den scheffen sagen,
Verse / Line: 1648     dat sy vur den busschoff quemen
Verse / Line: 1649     ind synen wille vernemen,
Verse / Line: 1650     die weuer, vischere ind becker woren
Verse / Line: 1651     geweist van iren kintlichen jaren.
Verse / Line: 1652     Sus quamen sy vur eren heren.
Verse / Line: 1653     Hie sprach, dat sy willekome weren.
Verse / Line: 1654     "Here, Got geue, dat ir sijt
Verse / Line: 1655     vnse busschoff worden zo gueder zijt!
Verse / Line: 1656     Vr vreuwet sich arm ind riche,
Verse / Line: 1657     dat sult ir wissen sicherliche."
Verse / Line: 1658     Sus geinck der busschoff myt in zo rade
Verse / Line: 1659     allein in syne kemenade.
Verse / Line: 1660     "Vch zo heren byn ich gesat
Verse / Line: 1661     zo berichten uch ind vre stat,
Verse / Line: 1662     dar zo des gestichtis burge ind lant;
Verse / Line: 1663     dar umb hain ich vmb uch gesant,
Verse / Line: 1664     ich will wissen vnderscheit
Verse / Line: 1665     wie it myt uch ind der stede steit
Verse / Line: 1666     ind war vmb die heren sint verdreuen
Verse / Line: 1667     van Coelne, ind ir sijt scheffen bleuen."
Verse / Line: 1668     "Here, myt vren hulden ind gnaden
Verse / Line: 1669     dar vp so mogen wir vns beraden."
Verse / Line: 1670     Sy bereiden sich kurt ind quamen,
Verse / Line: 1671     der vischer sprach vur sy alle samen:
Verse / Line: 1672     "Here, it is myt vns also bewant,
Verse / Line: 1673     ir sult vns hain in vrre hant,
Verse / Line: 1674     wir sullen uch eren ind mynnen
Page of edition: 57  Verse / Line: 1675     ind sult vns lieuer noch gewynnen.
Verse / Line: 1676     Wir sullen uch ricken wa wir kunnen;
Verse / Line: 1677     here, ir sult vns goedes myt eren gunnen,
Verse / Line: 1678     here, also dede vr vurvare.
Verse / Line: 1679     Die da geuangen leint zo Are,
Verse / Line: 1680     here, den was hie vnhult,
Verse / Line: 1681     sy haddens ducke wail verschult,
Verse / Line: 1682     sy satten sich vmmer weder in
Verse / Line: 1683     ind deinden eme noch me noch myn;
Verse / Line: 1684     sy en wolden eme gein vrdel sagen
Verse / Line: 1685     da hie goit myt moichte bejagen;
Verse / Line: 1686     sy heilten vryheit irre stat
Verse / Line: 1687     ind daden neit des hie sy bat.
Verse / Line: 1688     Do hie sy her vmb wolde verdryuen
Verse / Line: 1689     mit kinden ind ouch myt wiuen,
Verse / Line: 1690     wir hulpens eme getruwelich
Verse / Line: 1691     ind die gemeinde arm ind rich.
Verse / Line: 1692     Do vr vurvare an syme dode laich,
Verse / Line: 1693     bat men vur sy ind sprach.
Verse / Line: 1694     Vp sy en wolde hie neit verzijen
Verse / Line: 1695     here, noch die stat weder lien.
Verse / Line: 1696     Sulden wir uch moin ein ordel sagen,
Verse / Line: 1697     wir suldens, here, uch selue vragen
Verse / Line: 1698     wat wir dar vmb sagen solden,
Verse / Line: 1699     dat wirs bleuen in vren hulden.
Verse / Line: 1700     Leist ir sy weder komen,
Verse / Line: 1701     id solde uch harde clein vromen.
Verse / Line: 1702     Also lange wir vre scheffen bliuen,
Verse / Line: 1703     so moicht ir vren willen dryuen;
Verse / Line: 1704     des sulden sy uch weder stain,
Page of edition: 58  Verse / Line: 1705     als sy vren vurvare haint gedain.
Verse / Line: 1706     Halt Coelne als irt her hait vunden
Verse / Line: 1707     ind sy geuangen ind gebunden.
Verse / Line: 1708     Wir sullent vmmer so begaden,
Verse / Line: 1709     dat men vrs willen sal gestaden.
Verse / Line: 1710     Here ich wil uch die rede sleissen:
Verse / Line: 1711     ir moicht der stat nu geneissen
Verse / Line: 1712     ind quemen sy her weder in,
Verse / Line: 1713     ir moicht ir geneissen me noch myn."
Verse / Line: 1714     "Ir heren wilt ir bliuen in dem willen myn,
Verse / Line: 1715     ich laissen uch scheffen bliuen ind syn."
Verse / Line: 1716     Sy spraichen: "Here alle vren wille
Verse / Line: 1717     solen wir doin offenbair ind stille."
Verse / Line: 1718     Dar na sas der busschoff vp syn pert
Verse / Line: 1719     ind reit do zo Bunne wert.
Verse / Line: 1720     Die van Bunne, als sy solden,
Verse / Line: 1721     saich men eme sweren ind hulden,
Verse / Line: 1722     dar na die rittere ind die kneichte
Verse / Line: 1723     entfeingen irre leine zo irme reichte.

Verse / Line: 1724        Van dan voir hie vort zo Are
Verse / Line: 1725     ind heis der geuangen nemen war. -
Verse / Line: 1726     Er Rutger Ouerstultz hadde wail vernomen
Verse / Line: 1727     ind er Daniel Iude, dat zo Are solde komen
Verse / Line: 1728     der busschoff ir vil lieue here.
Verse / Line: 1729     Her Costin sprach dat hie da were
Verse / Line: 1730     van der Aducht ind wordens zo rade
Verse / Line: 1731     dese dry eins auentz spade,
Verse / Line: 1732     dat sy des morgens vro vp ir pert
Verse / Line: 1733     saissen ind reden zo Are wert.
Verse / Line: 1734     Sy spraichen: "Vns hait syn edel munt
Page of edition: 59  Verse / Line: 1735     so wale intheischen zo mencher stunt,
Verse / Line: 1736     worde hie zo busschoue ind zo eren,
Verse / Line: 1737     hie solde vns al vnse vnreicht keren."
Verse / Line: 1738     Her zo antwerde her Daniel,
Verse / Line: 1739     de wijs is ind synnes snel:
Verse / Line: 1740     "Ich en wene neit, riden wir zo eme dare,
Verse / Line: 1741     vnse vrunt en volgen vns van Are;
Verse / Line: 1742     hie sal wair halden syne wort."
Verse / Line: 1743     Alsus reden sy zo Are vort.
Verse / Line: 1744     Also scheirre sy zo Are quamen,
Verse / Line: 1745     des busschoffs lude die dry namen
Verse / Line: 1746     ind wysten sy zo eren magen
Verse / Line: 1747     dar, da sy geuangen lagen.
Verse / Line: 1748     Die geuangen wainden syn erloist
Verse / Line: 1749     ind die dry worden mistroist.
Verse / Line: 1750     Men spein sy ind heisch sy bliuen
Verse / Line: 1751     ind vrunden helpen die zijt verdriuen.
Verse / Line: 1752     Nu hoirt wie er Gerart Ouerstultz sprach
Verse / Line: 1753     alda hie geuangen laich:
Verse / Line: 1754     "Alsus so meirt sich dit gesleichte;
Verse / Line: 1755     nu is ir eilff, e war ir eicht.
Verse / Line: 1756     Nu geschut vns al euen reichte;
Verse / Line: 1757     ich wene dat it der keilstecher her zo breichte."
Verse / Line: 1758     Her Daniel der Iude sprach: "Ir heren,
Verse / Line: 1759     eyn ewelich goit man maich sichs erueren!
Verse / Line: 1760     Got kurte vns vnsen ruwen,
Verse / Line: 1761     men vint an heren lutzel truwen!
Verse / Line: 1762     We solde sich des hain vermoit:
Verse / Line: 1763     der busschoff entheisch vns al goit,
Verse / Line: 1764     des quamen wir alle vp synen troist
Page of edition: 60  Verse / Line: 1765     ind wainden uch hynne hain erloist,
Verse / Line: 1766     durch truwe syn wir uch bleuen by,
Verse / Line: 1767     ouch wie it dar zo komen sy,
Verse / Line: 1768     neyman her vmb sal verzagen.
Verse / Line: 1769     Ich hain vil ducke horen sagen:
Verse / Line: 1770     geluckes rait geit vp ind neder,
Verse / Line: 1771     eyn velt, der ander stigit weder,
Verse / Line: 1772     men hait so mennich wonder vernomen,
Verse / Line: 1773     wilt Got, wir mogen scheire intkomen.
Verse / Line: 1774     Vndanck haue hie, die truren sal,
Verse / Line: 1775     na vngeual kompt geual!"
Verse / Line: 1776     Nu hoirt ein wonder dat geschaich
Verse / Line: 1777     heren Gotschalcke Ouerstultze da hie laich
Verse / Line: 1778     geuangen ind synre vrunde zein.
Verse / Line: 1779     Sy en gerde gein spilman zo sein
Verse / Line: 1780     zo Are vp dem vasten huys;
Verse / Line: 1781     er Gotschalck zemde eme ein muys
Verse / Line: 1782     ind maichde sy zo leste also zam,
Verse / Line: 1783     dat sy spelende zo eme quam
Verse / Line: 1784     wanne dat hie der muys reiff;
Verse / Line: 1785     sy was eme vs der maissen leiff,
Verse / Line: 1786     sy kurte den geuangen die zijt
Verse / Line: 1787     ind maichde sy mencher sorgen quijt.
Verse / Line: 1788     Ich wene ney deir so zam en wart,
Verse / Line: 1789     id en zoinde by wilen synen art:
Verse / Line: 1790     eyns dagis hie zornlich ir reiff,
Verse / Line: 1791     seit wa sy in ein loch eme intleiff.
Verse / Line: 1792     Hie sprach: "Vns is ouel gescheit!
Verse / Line: 1793     Wir in hadden anders spilvogeltz neit."
Verse / Line: 1794     Sy was so reicht gemelich,
Page of edition: 61  Verse / Line: 1795     dat sy ducke vreuden sich.
Verse / Line: 1796     "Myn muys die mois ich weder hauen!"
Verse / Line: 1797     Hie began na der muys grauen,
Verse / Line: 1798     als it selue Got wolde ind reit.
Verse / Line: 1799     Got en deit ain saiche neit.
Verse / Line: 1800     Hie vant des in bas was behoiff:
Verse / Line: 1801     alda hie na der muys groiff
Verse / Line: 1802     mit syner lieuer reichter hant,
Verse / Line: 1803     eyne scharpe schoin vile hie vant
Verse / Line: 1804     ind eynen yseren beissel seder.
Verse / Line: 1805     Zo richtz laichte hie sin grauen neder:
Verse / Line: 1806     "Ey Got, manch goit haistu vns gedain,
Verse / Line: 1807     du wolt vns vort in staden stain,
Verse / Line: 1808     gebenedijt sijstu lieuer vader!
Verse / Line: 1809     Vrunt ind mage wir alle gader
Verse / Line: 1810     louen hude Got van hemelrich!
Verse / Line: 1811     Hie wilt vns ledigen sicherlichen!
Verse / Line: 1812     Durt ir ind willent wirt bestain,
Verse / Line: 1813     wir sullen samen hynne gain.
Verse / Line: 1814     Seit wat helpen Got vns geit,
Verse / Line: 1815     die vile, die ir alhie seit,
Verse / Line: 1816     vant ich do ich na der muys groiff.
Verse / Line: 1817     Got weis wale wes vns is behoiff,
Verse / Line: 1818     dat hait hie herre vns zo gesant,
Verse / Line: 1819     wir willen intflein hynne alze hant.
Verse / Line: 1820     Men geit vns wasser ind broit,
Verse / Line: 1821     legen wir langer, wir weren doit.
Verse / Line: 1822     Synt vns Got helpe hait gedain,
Verse / Line: 1823     laist vns noch hynt neder gain.
Verse / Line: 1824     Der zegen pat wissen wir gereit,
Page of edition: 62  Verse / Line: 1825     wir in doin neit bas, als it nu steit.
Verse / Line: 1826     Got sal vns geleyden ind wesen by,
Verse / Line: 1827     nu sait, wat dis vre wille sy."
Verse / Line: 1828     Die eyne wolden varen, die ander bliuen
Verse / Line: 1829     beyde van vrunden ind van wyuen.
Verse / Line: 1830     Die gene die da varen wolden,
Verse / Line: 1831     spraichen: "So sy vmmer steruen solden,
Verse / Line: 1832     besser is euenture ane gegangen,
Verse / Line: 1833     dan alsus ligen swair geuangen.
Verse / Line: 1834     Die euenture is menich valt,
Verse / Line: 1835     quemen wir hynne, so weren wir balt,
Verse / Line: 1836     want bleuen wir langer in deser noit
Verse / Line: 1837     wir weren alle ain zwiuel doit.
Verse / Line: 1838     Nu laist vns balde hynne wesen,
Verse / Line: 1839     so mogen wir myt dem liue genesen."
Verse / Line: 1840     Sus wolden sy sich vp Got laissen
Verse / Line: 1841     ind varen irre straissen.
Verse / Line: 1842     Nu hoirt wie er Gotschalck saichte,
Verse / Line: 1843     deme Got die vile zo braichte:
Verse / Line: 1844     "Ir heren, it were vns lesterlich,
Verse / Line: 1845     dat ir eyn van dem anderen scheide sich:
Verse / Line: 1846     wir maichen eyn los, vp wen it valle,
Verse / Line: 1847     dat eme die anderen volgen alle."
Verse / Line: 1848     Id duchte sy goit dat men so dade,
Verse / Line: 1849     ind bleuentz alle an syme rade.
Verse / Line: 1850     Des maichden sy ein los van hultze,
Verse / Line: 1851     dat veil vp her Gotschalck Ouerstultze.
Verse / Line: 1852     Do geinck men snyden decklaichen,
Verse / Line: 1853     kogelen ind socke dan aff maichen,
Verse / Line: 1854     die manlich ouer syne schoin
Page of edition: 63  Verse / Line: 1855     vur dat gelisteren solde doin,
Verse / Line: 1856     id was geuroren ind laich grois sne,
Verse / Line: 1857     vur gelisteren hoiten sy sich de me.
Verse / Line: 1858     Dar na geinck it do an ein ylen,
Verse / Line: 1859     manlich halp dem anderen vis vilen;
Verse / Line: 1860     van mydden dage bys an die naicht
Verse / Line: 1861     vys vilden sy sich myt groisser maicht.
Verse / Line: 1862     Do geingen sy irs seluis lilaichen
Verse / Line: 1863     zo hoiffe vast knuppen ind maichen.
Verse / Line: 1864     Got selue namen sy in ir geselle
Verse / Line: 1865     ind leissen sich vp die capelle,
Verse / Line: 1866     van der capellen zo der linden neder,
Verse / Line: 1867     sy en quamen sint ney zo Are weder.
Verse / Line: 1868     Die wech van Are in wart ney me
Verse / Line: 1869     gegangen sint weder, noch e,
Verse / Line: 1870     den die geuangen Coelnere
Verse / Line: 1871     aff geingen, des halp in vnse here,
Verse / Line: 1872     der goede Got leis sy is geneissen,
Verse / Line: 1873     dat sy sich gantz vp in verleissen.
Verse / Line: 1874     Sy houen sich vpwert zo walde,
Verse / Line: 1875     sy deilden sich snel ind balde
Verse / Line: 1876     ind en wisten warwert gain.
Verse / Line: 1877     Got selue leiss it sy verstain.
Verse / Line: 1878     Do sy sich alsus bereiden
Verse / Line: 1879     ind weynende van ein scheiden,
Verse / Line: 1880     den sy van der Schurge heissen sprach zo in:
Verse / Line: 1881     "Got sy mynre worde begin!
Verse / Line: 1882     Got, die dry hilge konige sande
Verse / Line: 1883     weder vngeuangen heym zo lande
Verse / Line: 1884     vysser konynges Herodes henden,
Page of edition: 64  Verse / Line: 1885     moisse vns noch hint dar gesenden,
Verse / Line: 1886     da wir myt vreden mogen bliuen
Verse / Line: 1887     ind moisse vnse viande van vns dryuen.
Verse / Line: 1888     Nu sullen wir vns deilen in dryn."
Verse / Line: 1889     Die eyne quamen zo Sintzge in,
Verse / Line: 1890     die ander quamen zo Tonburch.

Verse / Line: 1890a     Here Gerhart Ouerstoulz, her Costin, her Peter
Verse / Line: 1890b     Iudde ind syn broeder her Daniel quamen in den
Verse / Line: 1890c     Moenichhoff zo Vndendorp, ind dae wurden sy
Verse / Line: 1890d     vruntlich intfangen van dem broeder der den hoff
Verse / Line: 1890e     verwart, ind was genoempt broeder Herman. Der
Verse / Line: 1890f     selue broeder sprach: Yr heren Got sijs geloefft
Verse / Line: 1890g     dat yr hye sijt, noch hynt will ich vre waill plegen
Verse / Line: 1890h     vnd vch zo goider rast helpen. Sij danckten eme
Verse / Line: 1890i     vnd waren vroe. Doch vorten sij dat men yn queme
Verse / Line: 1890j     nae gereden. Broeder Herman sprach wederumb
Verse / Line: 1890k     zo yn: Blijfft hier vnd schickt vre gemach. Wyr
Verse / Line: 1890l     willen goit hoide bestellen mit der Hulpe Godes.
Page of edition: 6  Verse / Line: 1890m     Do nu der auent her an quam, der vursz broeder
Verse / Line: 1890n     tuefft sij so waill, dat sji gantz vroelich wurden.
Verse / Line: 1890o     Sij sluegen yr vesseren aff die sij hadden an den
Verse / Line: 1890p     beynen vnd lyessen sij her vnd dair lygen vnd dat
Verse / Line: 1890q     was yn nae qualich bekomen. Des morgens waren
Verse / Line: 1890r     die gest vrue vp vnd woulden sich vp den wech
Verse / Line: 1890s     machen vnd hoitten sich wenich vur leyde. Siet so wart
Verse / Line: 1890t     der moenich gewair, dat die van Ayr vaste her an
Verse / Line: 1890u     quamen. Der moenich bestalt sij risch in eyn anderen
Verse / Line: 1890v     hoff ind besloiss sij vast ind hoich in eyn
Verse / Line: 1890w     groisse kesekaste, ind broeder Herman gynck weder
Verse / Line: 1890x     vp synen hoff ind dede wedervmb an syn kogelrock.
Verse / Line: 1890y     Mit demseluen so quamen die van Ayr vrue vp den
Verse / Line: 1890z     hoff ind soichten yr geuangen vmb ind vmb, ind
Verse / Line: 1890aa     sij wurden der vessere gewair, die sij aff hatten geslagen.
Verse / Line: 1890ab     Do endorst der moenich niet leuckelen, dat
Verse / Line: 1890ac     sij aldae gewest hedden ind spraechen zo eme. Here
Verse / Line: 1890ad     moenich, wyr syn her gewijst nae desen vntlouffen
Verse / Line: 1890ae     Coelneren, ind des vynden wyr sichere wairtzeichen
Verse / Line: 1890af     die vessere dae mede sij gebunden waren. Wilt yr
Verse / Line: 1890ag     behalden vre ere ind vres heren hulde, so saget vns,
Verse / Line: 1890ah     wae sij hyn syn komen, ind enwijszt yr vns die niet
Verse / Line: 1890ai     alzehant, so willen wyr den hoff anstoissen ind verbernen.
Verse / Line: 1890aj     "Yr heren, sprach der moenich, so moyss
Verse / Line: 1890ak     myr Got helpen, hude morgen an der dage roit
Verse / Line: 1890al     ijlden sij van hynne ind dochte sij nochtant zo spade
Verse / Line: 1890am     syn, want sij in vorten waren van vre zokumpste.
Verse / Line: 1890an     Sij zoigen enwech vnd sachten myr niet, wae sij hyn
Verse / Line: 1890ao     woulden." Die Ruyter enverliessens yn niet, he hette
Page of edition: 66  Verse / Line: 1890ap     sij verborgen. Ind dair durch quame he in groisse
Verse / Line: 1890aq     anxst ind noit. Mer so wat sij eme dreuweden off
Verse / Line: 1890ar     daeden, he bleiff vmber stede vp eyme worde. Die
Verse / Line: 1890as     van Air saegen den casten an, dae die gefangen
Verse / Line: 1890at     in verborgen waren. Ind so wae stroe off korn
Verse / Line: 1890au     lach, dae staechen sy durch mit geleyen ind swerden.
Verse / Line: 1890av     Die Gefangen in dem kesecasten laegen in
Verse / Line: 1890aw     groisser anxst vnd noit. Sy sweisden van enxten
Verse / Line: 1890ax     as eyn beer.

Verse / Line: 1891     groisser worde hadden sy hude.
Verse / Line: 1892     Do sy in gesoichten ind neit in vunden
Verse / Line: 1893     ind samen enwech gain begonden,
Verse / Line: 1894     ire hertzen worden da getroist
Verse / Line: 1895     ind reichte also erloist,
Verse / Line: 1896     alse die dry kinder, die da lagen
Verse / Line: 1897     in dem vuyrigen ouen ind sagen,
Verse / Line: 1898     dat dat vuyr al vmb sy brante
Verse / Line: 1899     ind Got sy doch leuendich heym gesante.
Verse / Line: 1900     Nu wist vur wair, dat Gode weis,
Verse / Line: 1901     id was in der casten vil heis;
Verse / Line: 1902     sy verlangede vil sere
Verse / Line: 1903     wanne dat der monich ir here
Verse / Line: 1904     in brechte lieue goede mere,
Verse / Line: 1905     dat van Are die riddere
Verse / Line: 1906     weder heym gereden weren
Verse / Line: 1907     ind sy moichten danne keren.
Verse / Line: 1908     Do sy enwech woren gereden,
Verse / Line: 1909     vrolich quam der monich geschreden,
Page of edition: 67  Verse / Line: 1910     mit groisser vreuden hie sy intslois
Verse / Line: 1911     des irre engein in verdrois.
Verse / Line: 1912     Ir sult dat wissen sonder wain,
Verse / Line: 1913     do die caste wart vp gedain,
Verse / Line: 1914     id rouchde her vs also sere,
Verse / Line: 1915     als it ein vnstickit ouen were.
Verse / Line: 1916     Vrolich geingen sy her vur,
Verse / Line: 1917     als vyssen eynen bernenden vuyre.
Verse / Line: 1918     "Ir heren, began der monich sagen,
Verse / Line: 1919     balde maicht uch zo Remagen,
Verse / Line: 1920     doit uch da voeren ouer Ryn
Verse / Line: 1921     ind geit dar, da ir sicher weint syn."
Verse / Line: 1922     Sus quamen sy hyn zo Remagen
Verse / Line: 1923     des auentz vur vnser vrouwen dage.
Verse / Line: 1924     In eins vischers huys dat sy quamen
Verse / Line: 1925     alda sy herberge in namen
Verse / Line: 1926     ind aissen den auent burn ind broit,
Verse / Line: 1927     vp dat sy in hulpe visser alre noit,
Verse / Line: 1928     die reyne magit ind vrie,
Verse / Line: 1929     Cristus moder, die reyne Marie.
Verse / Line: 1930     Des auentz do sy hadden gessen
Verse / Line: 1931     ind verholen wainden hain gesessen,
Verse / Line: 1932     quam ein scheuelinck de sy kante
Verse / Line: 1933     ind sy reichte myt namen nante.
Verse / Line: 1934     "Her Gerart ir en durft uch neit entsein,
Verse / Line: 1935     vch en sal gein arch van myr geschein,
Verse / Line: 1936     vrre armer mage byn ich ein,
Verse / Line: 1937     vch en maich hie schaden man en gein."
Verse / Line: 1938     Des antwerde eme her Gerart:
Verse / Line: 1939     "Wir willens verdienen vp der uart,
Page of edition: 68  Verse / Line: 1940     dat ir seit, wie wir hynne komen
Verse / Line: 1941     ind hie neit werden vernomen."
Verse / Line: 1942     "So myr Got van hemelriche,
Verse / Line: 1943     ir en licht hie neit sicherliche,
Verse / Line: 1944     ir sult myt mir noch hint bliuen,'
Verse / Line: 1945     ich wil die zijt myt uch verdryuen,
Verse / Line: 1946     ich sal uch wair ir wilt geleiden,
Verse / Line: 1947     dar zo sullen wir vns vro bereyden."
Verse / Line: 1948     Id duchte sy alle veir goit gedain,
Verse / Line: 1949     dat sy myt eme solden gain.
Verse / Line: 1950     "Ich hain vur bereit mich dar zo,
Verse / Line: 1951     dat ich uch guede herberge do."
Verse / Line: 1952     Sy spraichen: "Als ir wilt so solen wir komen,
Verse / Line: 1953     synt wir vren wille hain vernomen."
Verse / Line: 1954     Nu hoirt wie der verreder dede,
Verse / Line: 1955     hie geinck zo dem richter van der steyde:
Verse / Line: 1956     "Her richter ich byn her komen,
Verse / Line: 1957     dry hundert marck wille ich uch vromen,
Verse / Line: 1958     maich ich is dryssich marck geneissen,
Verse / Line: 1959     ich doin uch guede pant dar vur besleissen."
Verse / Line: 1960     "Brengestu dat pant noch her zo myr,
Verse / Line: 1961     dryssich marck die geue ich dir."
Verse / Line: 1962     "Gerne; ich gain uch holen dit pant."
Verse / Line: 1963     Ind geinck na den vieren altze hant:
Verse / Line: 1964     "Wail vp ir heren ind wale dane!
Verse / Line: 1965     Doit vre ouercleider ane!
Verse / Line: 1966     Vch en maich gein arch hie geschein,
Verse / Line: 1967     des sult ir uch zo myr versein."
Verse / Line: 1968     Her Gerart Ouerstultz hie sprach:
Verse / Line: 1969     "Got die die naicht ind den daich
Page of edition: 69  Verse / Line: 1970     allen creaturen hait zo guede
Verse / Line: 1971     geschaffen, neme vns in syne hoede!
Verse / Line: 1972     Syn sun ind Marien beide
Verse / Line: 1973     die nemen vns in ir geleide!
Verse / Line: 1974     Marie moder ind magit,
Verse / Line: 1975     dyn leiff kint hait vns bejagit
Verse / Line: 1976     vur den vient ewelichen vrede,
Verse / Line: 1977     reine maget, nu da vns mede
Verse / Line: 1978     vrede geuen dyn lieues kint
Verse / Line: 1979     vur alle die vns nu vngenedich sint,
Verse / Line: 1980     so wirlich syne mynscheit an dem cruce starff
Verse / Line: 1981     ind vns syns lieuen vaders hulde erwarff,
Verse / Line: 1982     ind want hint dyn auent is
Verse / Line: 1983     ind des lieuen Cristus geweldich bis,
Verse / Line: 1984     so mois du vns hint maichen hult
Verse / Line: 1985     alle die vns hassent ain vnse schult."
Verse / Line: 1986     Sus worden sy alle veir geleit
Verse / Line: 1987     zo heren Aliffe an des richters hus gereit.
Verse / Line: 1988     Hie heis sy wesen alle wilkome,
Verse / Line: 1989     sy antwerden: "Got geue uch ere ind vrome."
Verse / Line: 1990     Nu hoirt wie her Gerart sprach
Verse / Line: 1991     also scheir hie den richter saich:
Verse / Line: 1992     "Wir syn her komen myt euenturen
Verse / Line: 1993     zo Godes truwen ind zo uren,
Verse / Line: 1994     dat ir vns herbercht ouer naiht,
Verse / Line: 1995     sente Marie hait vns her zo uch braicht,
Verse / Line: 1996     sy deit vns gantz vp uch versein
Verse / Line: 1997     vns sulle al goit an uch geschein.
Verse / Line: 1998     Ir sijt van so goeden arde komen,
Verse / Line: 1999     dat hain wir ducke wail vernomen,
Page of edition: 70  Verse / Line: 2000     vre edelcheit en sal des neit gestaden,
Verse / Line: 2001     dat vns eyman by uch moge schaden;
Verse / Line: 2002     durch gnade hain wir uch gesoicht,
Verse / Line: 2003     nu doit vre gnade myt vns ind vre zucht."
Verse / Line: 2004     "Nu blift; doin ich uch vngenade,
Verse / Line: 2005     dat mich Got nummerme berade."
Verse / Line: 2006     Sy bleuen ind der verreder geinck;
Verse / Line: 2007     mit vreuden sy der wirt intfeinck.
Verse / Line: 2008     "Ir sult van hertzen blide syn,
Verse / Line: 2009     morne vro helpe ich uch ouer Ryn
Verse / Line: 2010     ind brenge uch da ir sicher sijt
Verse / Line: 2011     durch dat sijt aller sorgen quijt.
Verse / Line: 2012     Dat bose wicht, dat uch zo mir braichte
Verse / Line: 2013     mit bedeckden worden zo myr saichte:
Verse / Line: 2014     "Maich ich is dryssich marck geneissen,
Verse / Line: 2015     ich doin uch noch hynt besleissen
Verse / Line: 2016     van dryn hundert marcken ein pant."
Verse / Line: 2017     Dat syn hertze sy geschant!
Verse / Line: 2018     Hie woulde uch michel dure geuen!
Verse / Line: 2019     Dat hie myt schaden moisse leuen!
Verse / Line: 2020     Dan Iudas de den lieuen Kirst
Verse / Line: 2021     den juden sonder eynchen virst
Verse / Line: 2022     neit dan vmb dryssich pennynge gaff,
Verse / Line: 2023     dar vmb dede hie sich boislich aff
Verse / Line: 2024     seit wa hie sich selue erheinck,
Verse / Line: 2025     dat was der loyn den he is intfeinck.
Verse / Line: 2026     Wir wolden dat sy alle den loin intfeingen
Verse / Line: 2027     die an einchen manne Iudas art begeingen!
Verse / Line: 2028     Nur ir en sijt Gode neit gelich,
Verse / Line: 2029     ir en hait neit gedain weder mich,
Page of edition: 71  Verse / Line: 2030     geit slaiffen; Got moisse uch bewaren;
Verse / Line: 2031     ich wille ouer Ryn morn mit uch varen."
Verse / Line: 2032     Also scheir als it dagen began,
Verse / Line: 2033     der richter in ein schijff gewan.
Verse / Line: 2034     De Ryn der geinck so starck myt yse,
Verse / Line: 2035     dat it node geuaren hedde enich wise.
Verse / Line: 2036     Zo schiffe geingen sy gereit.
Verse / Line: 2037     Seit wat die goede Marie deit:
Verse / Line: 2038     id was der hemelscher konynginnen daich;
Verse / Line: 2039     eyn alsulch zeichen men da saich,
Verse / Line: 2040     als Got dat mer van ein gescheiden heis,
Verse / Line: 2041     da hie die juden dur leis,
Verse / Line: 2042     also scheit sich dat ijs,
Verse / Line: 2043     des sain wir Marien prys.
Verse / Line: 2044     Sy voren durch ind saissen neder,
Verse / Line: 2045     aichter in geinck dat ys zo houff weder.
Verse / Line: 2046     Also balde sy ouer quamen
Verse / Line: 2047     ir viande sy aichter in vernamen;
Verse / Line: 2048     sy voren vrolich ind vnuerborgen,
Verse / Line: 2049     in en moichte neyman na geuolgen.
Verse / Line: 2050     Er Aliff der riche sprechen began:
Verse / Line: 2051     "Sente Marien en deinde ney man,
Verse / Line: 2052     eme en geschege goit da van.
Verse / Line: 2053     Wisset dat ich uch lieuer hain,
Verse / Line: 2054     ain zwiuel ir hait ir deinst gedain,
Verse / Line: 2055     want men sijt uch vr dinck na wunschen gain."
Verse / Line: 2056     "Ir sprechet als ein versunnen man
Verse / Line: 2057     de vns godis ind eren gan,
Verse / Line: 2058     da soelen wir uch alle vnse leuen
Verse / Line: 2059     vnsen deinst vmb geuen."
Page of edition: 72  Verse / Line: 2060     Alsus quamen sy zo Syberch
Verse / Line: 2061     zo den maichen vp den berch

Verse / Line: 2061a     Do yr viande, des bysschoffs dienre, yn niet
Verse / Line: 2061b     volgen mochten, so woulden sij yn doch laissen
Verse / Line: 2061c     wissen, wye idt mit den geuangen Coelneren gelegen
Verse / Line: 2061d     were, vnd quamen zo eme vnd clachten ym jemerlich,
Verse / Line: 2061e     wie die vursz geuangen jiii Man intgangen
Verse / Line: 2061f     weren, ind zo Remagen ouer Rijn geuaren, ind by
Verse / Line: 2061g     auenturen dair vmbtrint weren neder geslagen.
Verse / Line: 2061h     Do der bysschoff gewar wart, dat sij dae waren by
Verse / Line: 2061i     den moenchen, so schreyf ...

Verse / Line: 2062     dar beschreiff in by synen hulden,
Verse / Line: 2063     dat sy eme die scheffen halden sulden.
Verse / Line: 2064     Sus en dorsten sy da neit bliuen
Verse / Line: 2065     ind geingen des naichtz den Ryn zo dale dryuen
Verse / Line: 2066     bys zo Numegen in des riches stat,
Verse / Line: 2067     sus bleuen sy vry ind vnbeschat.

Verse / Line: 2068        Herna der busschoff Engelbreicht,
Verse / Line: 2069     vmb gewalt ind vmb vnreicht
Verse / Line: 2070     dat eme geschaich, van Tonburch
Verse / Line: 2071     mit here belaich hie die burch.
Verse / Line: 2072     Nu hoirt wat alda geschaich.
Verse / Line: 2073     Die wile hie vur der burch laich,
Verse / Line: 2074     die vs Colne woren verdreuen
Page of edition: 73  Verse / Line: 2075     ere vrunt, die in Coelne woren bleuen,
Verse / Line: 2076     spraichen die heren van Valckenburch:
Verse / Line: 2077     "Vr broder leit vur Tonburch
Verse / Line: 2078     der busschoff, vnser alre here.
Verse / Line: 2079     Wa is die helpe off ouch die ere,
Verse / Line: 2080     die eme van der steyde gescheit?
Verse / Line: 2081     Die dunckt vns clein als reichte neit!
Verse / Line: 2082     Die scheffen, die da sint gesat,
Verse / Line: 2083     die nement goit van der stat
Verse / Line: 2084     beyde van armen ind van richen,
Verse / Line: 2085     dat eme gein schatz maich gelichen.
Verse / Line: 2086     Dyt sprechen wir vmb des busschofs ere.
Verse / Line: 2087     Men spricht, hie sy bekummert sere
Verse / Line: 2088     ind syne cost sy harde starck:
Verse / Line: 2089     dat sy eme leinden zein dusent marck,
Verse / Line: 2090     here, dat schait in also vele,
Verse / Line: 2091     als die ein marck myt spele
Verse / Line: 2092     verlore; dat were clein schade.
Verse / Line: 2093     Vns wondert, war vmb hie des gestade,
Verse / Line: 2094     dat sy gebruchent so grois ein goit,
Verse / Line: 2095     da men eme engeynen deinst aue endoit."
Verse / Line: 2096     "Ir heren nu helpt her zo raden:
Verse / Line: 2097     die gemeinde die steit in zo staden;
Verse / Line: 2098     dat myn broder eyner dinge begonde,
Verse / Line: 2099     die hie neit volbrengen en konde,
Verse / Line: 2100     dat is eme zo lesterlich.
Verse / Line: 2101     Ir heren nu bescheidet mich
Verse / Line: 2102     wie syn wille moge volgain,
Verse / Line: 2103     dar na maich hie it ane vain.
Verse / Line: 2104     Ich sal in dan brengen al dar zo,
Page of edition: 74  Verse / Line: 2105     dat hie weder vren willen do."
Verse / Line: 2106     "Here wir sullen dar zo alle vnse vrunt
Verse / Line: 2107     neymen, ind don't uch morne kunt."
Verse / Line: 2108     Van Valckenburch myn here Dederich
Verse / Line: 2109     hie en leis neit vergessen sich,
Verse / Line: 2110     dat sy des auendes weder in
Verse / Line: 2111     spraichen vmb syns broder gewin.
Verse / Line: 2112     Hie wiste sins broder cost so grois,
Verse / Line: 2113     dat hie de noder neit en genois.
Verse / Line: 2114     Des anderen dages quamen sy weder
Verse / Line: 2115     ind laichten alle zale neder.
Verse / Line: 2116     Vrolich her Dederich zo in sprach:
Verse / Line: 2117     "Got selue geue uch goeden daich!
Verse / Line: 2118     Vch lone, de alle dinck wail vermaich
Verse / Line: 2119     ind ye dat beste gerne saich."
Verse / Line: 2120     "Ir heren, sprach myn here Dederich
Verse / Line: 2121     eyme gueden man wail gelich,
Verse / Line: 2122     nu begint der worde, da wir sy leissen,
Verse / Line: 2123     ich hoffen vre vrunt sullens geneissen."
Verse / Line: 2124     "So rame wir vur vnsen heren vromen,
Verse / Line: 2125     hie laisse vnse vrunt in Coelne komen,
Verse / Line: 2126     sy solen eme zo staden stain
Verse / Line: 2127     ind zo allen dingen syn vnderdain.
Verse / Line: 2128     Her Herman der greue is ein man,
Verse / Line: 2129     de zo allen dingen geraden kan
Verse / Line: 2130     ind syn eydom, her Mathis der vait,
Verse / Line: 2131     die gereit sal syn zo'ller dait,
Verse / Line: 2132     de vnsen heren maich komen zo eren,
Verse / Line: 2133     mit anderen vrunden die buyssen sint,
Verse / Line: 2134     koment sy vs, sy sollent als ein wint
Page of edition: 75  Verse / Line: 2135     dese starcke nuwe scheffen wesin,
Verse / Line: 2136     vur den neyman en maich genesen
Verse / Line: 2137     id sy der arme, it sy der riche,
Verse / Line: 2138     sy brechent eme aue dorporliche
Verse / Line: 2139     beide syn gelt ind ouch syn goit,
Verse / Line: 2140     sy dryuent so groissen ouermoit,
Verse / Line: 2141     sy enschonent richen noch armen.
Verse / Line: 2142     Myn here Dederich dat laist uch erbarmen
Verse / Line: 2143     ind helpet vnsen vrunden weder vmb in."
Verse / Line: 2144     "Vrre zwentzijch solen geuen me noch myn
Verse / Line: 2145     dan vunffzein hundert marck an eyme knuppe,
Verse / Line: 2146     da vnse here synen kummer myt bestuppe."
Verse / Line: 2147     "Here hie willen wirs ane bliuen,
Verse / Line: 2148     vnsen here doit vns weder beschriuen
Verse / Line: 2149     vren broder busschoff Engelbreichte,
Verse / Line: 2150     dat hie vns vort halde in vnsme reichte
Verse / Line: 2151     ind als vnse vrunt hie sint en bynnen.
Verse / Line: 2152     Doit in ein hys zymmeren begynnen
Verse / Line: 2153     vur Tonborch ind besitzen dat,
Verse / Line: 2154     dat hie kome myt luden in die stat,
Verse / Line: 2155     wir sullen eme gereit doin vp dey porten,
Verse / Line: 2156     so en darff hie engein lude intforten.
Verse / Line: 2157     Hie sal komen vp den sal,
Verse / Line: 2158     na den scheffen hie dan senden sal,
Verse / Line: 2159     dat sy gemeine vur in komen
Verse / Line: 2160     ind spreiche: "Ir heren ich hain vernomen
Verse / Line: 2161     van uch also groisse meindait,
Verse / Line: 2162     dat myne man ind ouch myn rait
Verse / Line: 2163     sprechent, leis icht vngewrochen,
Verse / Line: 2164     myr en worde nummer goit gesprochen,
Page of edition: 76  Verse / Line: 2165     want ir en laist der stede me noch myn
Verse / Line: 2166     van Cölne, der ich doch here byn.""
Verse / Line: 2167     Sus maich men sy vp dem sale vain
Verse / Line: 2168     ind in irs selues vesseren slain.
Verse / Line: 2169     Wir sullen darzo vnse helpe geuen
Verse / Line: 2170     ind vur vnsen heren setzen vnse leuen:
Verse / Line: 2171     zein dusent marck ind ein keselinc stein
Verse / Line: 2172     die mogen in schaden allein."
Verse / Line: 2173     Doe antwerde myn here Dederich:
Verse / Line: 2174     "Der vunffzeinhundert marck maicht sicher mich
Verse / Line: 2175     ind doit vre vrunt snel komen in,
Verse / Line: 2176     vr rait is goit ind vr begin;
Verse / Line: 2177     ich wil al dinck legen neder
Verse / Line: 2178     ind brengen uch den breiff besegelt weder,
Verse / Line: 2179     sus sijt ir sicher ind myn here
Verse / Line: 2180     e hie her in zo Coelne kere."
Verse / Line: 2181     Sus quamen her in irre zwentzijch waile,
Verse / Line: 2182     die sonder reicht ind sonder zale
Verse / Line: 2183     vysser Coelne woren verdreuen,
Verse / Line: 2184     ind synt seder in irme reichten bleuen.
Verse / Line: 2185     Myn here Dederich sas vp syn pert
Verse / Line: 2186     ind reit zo synen broder wert;
Verse / Line: 2187     hie begonte eme vrolichen sagen,
Verse / Line: 2188     wie hie hette ouerdragen
Verse / Line: 2189     mit den besten van der stat.
Verse / Line: 2190     Waile beuele dem busschoue dat
Verse / Line: 2191     ind dede snel ind gereit
Verse / Line: 2192     als hie vor beschreuen steit.
Verse / Line: 2193     Zo Coelne quam hie in myt eren
Verse / Line: 2194     ind veinck die scheffen sunder weren
Page of edition: 77  Verse / Line: 2195     ind sy esele sich vermoden;
Verse / Line: 2196     off sy die werelt solden entgoiden
Verse / Line: 2197     ind so reichte lesterliche
Verse / Line: 2198     royuen beide arm ind riche,
Verse / Line: 2199     sy soelent arnen sicherliche.
Verse / Line: 2200     "Ir en wiset mich den schatz
Verse / Line: 2201     den ir genomen hait van der stat,
Verse / Line: 2202     sijt des sicher sonder wain,
Verse / Line: 2203     ich doin uch in dat selue yseren slain,
Verse / Line: 2204     dat ir van Coelne den burgeren
Verse / Line: 2205     dadet maichen, ir groisse heren;
Verse / Line: 2206     want ich weis wail dat vur wair,
Verse / Line: 2207     dat ir hait me dan seuen jair
Verse / Line: 2208     tol ind assyse van der stat
Verse / Line: 2209     genomen ind dar zo beschat,
Verse / Line: 2210     noch in hain ich neit vernomen,
Verse / Line: 2211     war de schatz sy hynnekomen."
Verse / Line: 2212     "Here war sulden wir in anders keren,
Verse / Line: 2213     dan der stede zo vromen ind zo eren?
Verse / Line: 2214     Wir hain da myt biwilen geeirt
Verse / Line: 2215     ind an vre vrunt deinst gekeirt,
Verse / Line: 2216     wir sullen uch noch dienen vort."
Verse / Line: 2217     "Balde doit hyn dese wort!
Verse / Line: 2218     Ir hait so meindeitlich beschat
Verse / Line: 2219     van Coelne die vil reyne stat
Verse / Line: 2220     ind so gebloset alle geliche,
Verse / Line: 2221     dat sichs beclait arm ind riche.
Verse / Line: 2222     Ir en weirt neit vollen goit
Verse / Line: 2223     zo dryuen sulchen ouermoit.
Verse / Line: 2224     Ir woirt ein deil zo ho geulogen,
Page of edition: 78  Verse / Line: 2225     dat sal vch dreigen ind hait bedroigen!"
Verse / Line: 2226     Der busschoff sprach de is neit in hal:
Verse / Line: 2227     "Her Peter leidit sy vnden in den sal
Verse / Line: 2228     ind schoit sy myt den seluen schoynen
Verse / Line: 2229     die sy den wolden ane doin,
Verse / Line: 2230     die myn here ind myn vurvare
Verse / Line: 2231     durch sy veinck ind sante zo Are."
Verse / Line: 2232     Sus leite men sy zo mail neder
Verse / Line: 2233     ind sloich sy in die vesseren seder
Verse / Line: 2234     die men den gueden luden solde vmb slain,
Verse / Line: 2235     die sy verreiden ind daden vain.
Verse / Line: 2236     Sy woren gemaicht myt fenyn,
Verse / Line: 2237     des leden irre veir des dodes pine,
Verse / Line: 2238     in deme sale sturuen sy.
Verse / Line: 2239     Hy maich men wail prouen by,
Verse / Line: 2240     dat Got geschein leis reicht gerichte
Verse / Line: 2241     vmb meindait boeser wichte;
Verse / Line: 2242     manich hie but dem anderen val
Verse / Line: 2243     ind velt in den seluen dal.
Verse / Line: 2244     "Here, sprach de van Vitekouen
Verse / Line: 2245     zo dem busschoue vp dem sale en bouen,
Verse / Line: 2246     here troist sy dat dy sich neit ervorten,
Verse / Line: 2247     heischt in die slussel van den porten
Verse / Line: 2248     dat man uch balde geue die,
Verse / Line: 2249     ir en wilt neit dat enich arch geschey
Verse / Line: 2250     entusschen den guden luden van der stat
Verse / Line: 2251     ind die sich weder sy hain gesat."
Verse / Line: 2252     Sus daden sy die slussel holen
Verse / Line: 2253     van den sy da woren beuolen.
Verse / Line: 2254     Da worden die portzen besat
Page of edition: 79  Verse / Line: 2255     van des busschoffs wegen van der stat.
Verse / Line: 2256     Weis Got, her na nu
Verse / Line: 2257     begunde der busschoff synen bv;
Verse / Line: 2258     an dem turne de zo Beyen steit
Verse / Line: 2259     maichde men eyne burch gereit
Verse / Line: 2260     ind eynen graue vmb gainde
Verse / Line: 2261     ind eyne mure dar vmb stainde
Verse / Line: 2262     gewichhuset ind gezynnet wale.
Verse / Line: 2263     Die turn den Ryn neder zo dale,
Verse / Line: 2264     durch den men hene geinck zo Ryle
Verse / Line: 2265     dede hie maichen in kurter wile
Verse / Line: 2266     so vast, so starck ind also goit,
Verse / Line: 2267     dat hie des hadt vasten moit,
Verse / Line: 2268     dat der list neyman en moicht begynnen
Verse / Line: 2269     da hie den turn myt moichte gewynnen.

Verse / Line: 2270        Do die nuwe scheffen vernamen,
Verse / Line: 2271     dat die alden weder quamen,
Verse / Line: 2272     an dem busschoue suchten sy gnade;
Verse / Line: 2273     sy wolden allis dinges in syme rade
Verse / Line: 2274     bliuen ind vp in seluer gain,
Verse / Line: 2275     dat hie sy deit vs den vesseren slain.
Verse / Line: 2276     Der busschoff sprach: "Noch neit ir heren,
Verse / Line: 2277     men sal uch noch bas schetzen leren
Verse / Line: 2278     ind wie ir sult schetzunge keren
Verse / Line: 2279     weder vrme reichten heren!"
Verse / Line: 2280     Sus sturuen irre veir vnden in dem sale,
Verse / Line: 2281     die ander versmeden wale
Verse / Line: 2282     ind worden so wale van houe,
Verse / Line: 2283     dat sy rait gauen dem busschoue.
Verse / Line: 2284     Nu moicht ir horen wonder grois;
Page of edition: 80  Verse / Line: 2285     die veir die da bleuen doit
Verse / Line: 2286     daden die selue vesseren smedin
Verse / Line: 2287     mit fenyne, da sy aue ledin
Verse / Line: 2288     den doit ind iemerlichen sturuen.
Verse / Line: 2289     Die gene seder die stat erworuen,
Verse / Line: 2290     den sy den doit wainden hain gegeuen
Verse / Line: 2291     ind benamen in da myt ire leuen.
Verse / Line: 2292     Hie by sijt sicher ind gewijs,
Verse / Line: 2293     dat der goide Got ein reicht richter is.
Verse / Line: 2294     Da der vischer rait weder geuen wart,
Verse / Line: 2295     bleiff der buschoff den gueden luden hart.
Verse / Line: 2296     Ouch wie ir pennynge worden genomen,
Verse / Line: 2297     dat sy weder in Coelne solden komen,
Verse / Line: 2298     so heis men sy doch en buyssen bliuen,
Verse / Line: 2299     dat saich men die verreder dryuen.
Verse / Line: 2300     Do wart ein ander daich gesaicht
Verse / Line: 2301     ind in dat cloister zo Wier gelaicht,
Verse / Line: 2302     dat sy alle samen dar quemen
Verse / Line: 2303     in des busschoffs wille alda vernemen.
Verse / Line: 2304     Dar quamen sy vp den seluen daich;
Verse / Line: 2305     der busschoff die wile zo dem Brole laich,
Verse / Line: 2306     ind sante van Vitenkouen heren Hermanne
Verse / Line: 2307     ind heren Peter van dem Kranen van danne.
Verse / Line: 2308     Zo deme Wier quamen sy geuaren
Verse / Line: 2309     alda die guede lude van Coelne waren.
Verse / Line: 2310     Dese zwene spraichen weder sy:
Verse / Line: 2311     "Vnse here is zo dem Brule hie by,
Verse / Line: 2312     ir heren ir moist alle hie bliuen,
Verse / Line: 2313     wir woren vns heren boitschaff dryuen
Verse / Line: 2314     ind die als it reicht is vurkeren,
Page of edition: 81  Verse / Line: 2315     dan kome wir weder zo uch ir heren;
Verse / Line: 2316     hedden wyr mit der gemeinde gesprochen,
Verse / Line: 2317     vre dinck dat worde wail zobrochen."
Verse / Line: 2318     Sus reden sy vort in die stat
Verse / Line: 2319     ind saichten der stede allit dat,
Verse / Line: 2320     dat in der busschoff hadde beuolen,
Verse / Line: 2321     des sy na pyne solden dolen.
Verse / Line: 2322     Her Herman sprach van Vitenkouen
Verse / Line: 2323     vp der burgere huys en bouen:
Verse / Line: 2324     "Hoirt ir heren grois ind clein
Verse / Line: 2325     myns heren boitschaff alle gemein,
Verse / Line: 2326     die sult ir goitlichen verstain
Verse / Line: 2327     ind na synen willen laissen gain.
Verse / Line: 2328     Der busschoff vnser alre here
Verse / Line: 2329     hie wilt ain eymans weder kere
Verse / Line: 2330     der stede nuwe scheffen setzen,
Verse / Line: 2331     die uch zo vnwijs neit en beschetzen,
Verse / Line: 2332     als men bis her hait gedain
Verse / Line: 2333     ind die ir stat kunnen verstain;
Verse / Line: 2334     die burgermeister ind die amptman
Verse / Line: 2335     wilt maichen, den is myn here gan;
Verse / Line: 2336     wan e sal gain die stat zo rade
Verse / Line: 2337     id sy vro off it sy spade,
Verse / Line: 2338     dat is wille des heren myn,
Verse / Line: 2339     dat van synen wegen dar ouer syn
Verse / Line: 2340     sy zwene, die des neit en gestaden,
Verse / Line: 2341     dat sy eit raden vp vren schaden;
Verse / Line: 2342     myn here is uch gnedich ind goit
Verse / Line: 2343     die wile ir synen willen doit.
Verse / Line: 2344     Nu hoirt vort: Euer wilt myn here,
Page of edition: 82  Verse / Line: 2345     dat men in synen vromen kere
Verse / Line: 2346     beer pennynge ind wege tol;
Verse / Line: 2347     noch me myn here hauen sal
Verse / Line: 2348     alle die molen ind die assise;
Verse / Line: 2349     dat weis Herman wale der wyse
Verse / Line: 2350     war vmb myn here it doit:
Verse / Line: 2351     hie deit it allet vmb goit;
Verse / Line: 2352     myn here maich it bas versetzen,
Verse / Line: 2353     dan vischer off weuer, die uch beschetzen.
Verse / Line: 2354     We euenz malz gilt ein malder,
Verse / Line: 2355     is hie junger is hie alder,
Verse / Line: 2356     hie sal geuen seis pennynge euen,
Verse / Line: 2357     van gersten mois hie geuen seuen.
Verse / Line: 2358     Van myns heren munde sagen ich it uch nu,
Verse / Line: 2359     men sal't keren an myns heren bu.
Verse / Line: 2360     Dar zo wilt han myn here
Verse / Line: 2361     seis dusent marck, die men dar an kere.
Verse / Line: 2362     Vort sal hie uch schetzijngen laissen quijt
Verse / Line: 2363     dat ir eme dys gevolgich sijt.
Verse / Line: 2364     Dys sult ir volgen alle geliche
Verse / Line: 2365     beyde arm ind riche."
Verse / Line: 2366     Hervmb murmelden sy gemeine
Verse / Line: 2367     beide grois ind cleine.
Verse / Line: 2368     Dar na wart euer eyne stille.
Verse / Line: 2369     "Ir heren ich hain uch myns heren wille
Verse / Line: 2370     gesaicht, durch hoischeit hoirt mch vort,
Verse / Line: 2371     ich en sain uch numme dan zwey wort,
Verse / Line: 2372     die sult ir prouen algemeine:
Verse / Line: 2373     Hedde ich zwene rocke an alleine,
Verse / Line: 2374     ee ich myr eynen aff leis splijssen,
Page of edition: 83  Verse / Line: 2375     mit gewalt, ich wolde in heuer rijssen
Verse / Line: 2376     seluer vs dem rucge myn,
Verse / Line: 2377     sulde hie vmmer verloren syn,
Verse / Line: 2378     ind geuen die in hauen solde,
Verse / Line: 2379     e ich in vys ryssen laissen woulde."

Verse / Line: 2380        Do reiff der selige Euerart
Verse / Line: 2381     van dem Buttermart myt der vart:
Verse / Line: 2382     "Hoirt ir heren algemeine
Verse / Line: 2383     beyde grois ind cleine,
Verse / Line: 2384     id sy der arme it sy der riche,
Verse / Line: 2385     dyt roirt vns allen ane geliche;
Verse / Line: 2386     ir hoirt wail wa it hyn geit,
Verse / Line: 2387     an't hemde ind an't neder cleit!
Verse / Line: 2388     Balde heym arm ind riche,
Verse / Line: 2389     wapende uch algeliche!
Verse / Line: 2390     Got selue mois erbarmen dat,
Verse / Line: 2391     dat men Coelne die hilge stat
Verse / Line: 2392     mit burgen sus vmb hait besat;
Verse / Line: 2393     dat wir eygen ind beschat
Verse / Line: 2394     ewelich moissen bliuen
Verse / Line: 2395     beyde myt kinden ind myt wiuen!
Verse / Line: 2396     Dat men vns schette dat were iet:
Verse / Line: 2397     hie spricht, der rock enblift vns neit.
Verse / Line: 2398     Gevneirt sy die des beide,
Verse / Line: 2399     dat men in zo mail intkleide!
Verse / Line: 2400     Balde laist vns myt truwen nu
Verse / Line: 2401     widder wynnen vns heren bu,
Verse / Line: 2402     off hie doit vns schetzen ind vain
Verse / Line: 2403     ind vs allen eren gain!
Verse / Line: 2404     Edel recken ind heren,
Page of edition: 84  Verse / Line: 2405     laist vns allen dit vnreicht keren!
Verse / Line: 2406     Dat it ie her zo solde komen,
Verse / Line: 2407     dat der stede vryheit vns benoymen
Verse / Line: 2408     is, dat moisse Gode syn geclait!
Verse / Line: 2409     Ey wie goit were sy weder bejait!
Verse / Line: 2410     Hie vur, do man keiserlicher houe plaich,
Verse / Line: 2411     als men die burgere van Coelne comen saich,
Verse / Line: 2412     men sprach: Van Collen komen da die heren!
Verse / Line: 2413     Die wile stoint Coelne myt groissen eren.
Verse / Line: 2414     Nu hoirt ir wale, wa it hynne geit:
Verse / Line: 2415     beide an't hemde ind an't neder cleit!"
Verse / Line: 2416     Her vmb leiffen sy alze male
Verse / Line: 2417     van der burger huys zo dale
Verse / Line: 2418     heym ind wapenden sich geliche
Verse / Line: 2419     beyde arm ind riche.
Verse / Line: 2420     Snel leiff der selich Euerart
Verse / Line: 2421     vp des doms clochus myt der vart,
Verse / Line: 2422     hie dede luden die welinne
Verse / Line: 2423     zo sturme, de'n leis neyman ynne
Verse / Line: 2424     ind zo sent Mertin sturtzkoppe,
Verse / Line: 2425     do leiff mennich myt wreder kroppe,
Verse / Line: 2426     dar na alle die sturm clocken
Verse / Line: 2427     daden die vrouwen vs myt rocken
Verse / Line: 2428     louffen; dorste ich uch vurwair vort sagen,
Verse / Line: 2429     sy hedden dusent man wail erslagen.
Verse / Line: 2430     Dyt daden der vs verdreuener vrunt
Verse / Line: 2431     ind dadens den gueden luden kunt,
Verse / Line: 2432     da sy zo Wiere woren bynnen,
Verse / Line: 2433     dat sy koinlichen hulpen wynnen
Verse / Line: 2434     weder die portzen van der stat.
Page of edition: 85  Verse / Line: 2435     Der ein sprach: "Ich hain vernomen dat
Verse / Line: 2436     beide rich, arm, grois ind cleine
Verse / Line: 2437     die portze aneueichtent algemeine
Verse / Line: 2438     ind die burge willent wynnen,
Verse / Line: 2439     des sult ir myt in begynnen.
Verse / Line: 2440     Sleit myt vreuden an vre hende,
Verse / Line: 2441     vr dinck sal nemen goit ende!"
Verse / Line: 2442     "Her bode hait goeder worde danck!
Verse / Line: 2443     Wir en geingen ney so lieuen ganck,
Verse / Line: 2444     vnse leuen willen wir hude wagen
Verse / Line: 2445     beyde myt vrunden ind myt magen.
Verse / Line: 2446     Id sal vns billich wesen leit,
Verse / Line: 2447     dat men so vil unreichtis deit
Verse / Line: 2448     van Coelne der hilger vryer steide
Verse / Line: 2449     sunder reicht ind sonder reide.
Verse / Line: 2450     Van desen burgen bliuet eygen;
Verse / Line: 2451     wir sullen hude myt den viegen
Verse / Line: 2452     beyde myt richen ind armen steruen,
Verse / Line: 2453     off wir sullen hude die verderuen,
Verse / Line: 2454     die die stat sus willent enteruen;
Verse / Line: 2455     doch behalde in Got alle dat leuen!
Verse / Line: 2456     Wes vns gunnen die da vppe syn,
Verse / Line: 2457     Got do it hude an in seluen schin."
Verse / Line: 2458     Sus geinck it allet an ein iagen;
Verse / Line: 2459     men in saich neymen da verzagen;
Verse / Line: 2460     wat eynen boiche moichte dragen,
Verse / Line: 2461     junck, alt, grois ind cleine,
Verse / Line: 2462     dat leiff zo den portzen wert gemeine.
Verse / Line: 2463     Men saich die stat vp ind zo dale
Verse / Line: 2464     menich dusent man gewapent wale
Page of edition: 86  Verse / Line: 2465     mit den sy quamen zo den porten,
Verse / Line: 2466     die schos, slaich, noch worp entforten.
Verse / Line: 2467     Nochtan der ein den anderen saich
Verse / Line: 2468     geworp(en) doit, hoirt wie hie sprach:
Verse / Line: 2469     "Drait hin! Hie sal wail genesen!"
Verse / Line: 2470     Hie en leis syn sturmen dar umb neit wesen.
Verse / Line: 2471     Beltlichen geingen sy zo den duren
Verse / Line: 2472     van den burgen, wat in was zo voren,
Verse / Line: 2473     vp hacden sy ind slogent neder.
Verse / Line: 2474     Sus wonnen sy menlichen weder
Verse / Line: 2475     mit helpen irre edelre burgere
Verse / Line: 2476     veirzein portzen sonder kere,
Verse / Line: 2477     dese wonnen sy alle vp eynen daich,
Verse / Line: 2478     dat manich myt ougen ane saich,
Verse / Line: 2479     sunder vurrait, ind veingen
Verse / Line: 2480     die vp zo verre geingen.
Verse / Line: 2481     Were alsulcher stryt begonnen
Verse / Line: 2482     ind also menche burch gewunnen
Verse / Line: 2483     van al kirstenheit vp heydenschaff,
Verse / Line: 2484     men solde da vmmer sagen aff!

Verse / Line: 2485        Der goede Got ire ere ermere
Verse / Line: 2486     der vissverdreuenre burgere!
Verse / Line: 2487     Die wile men zo den portzen streit,
Verse / Line: 2488     gewapent quamen sy bereit
Verse / Line: 2489     mit den heren van Oirburch
Verse / Line: 2490     ind vielen vur die ouerste burch,
Verse / Line: 2491     die vaste was ind al vmb grauen,
Verse / Line: 2492     men saich sy starcke vurburge hauen
Verse / Line: 2493     mit dryn wich husen vmb besat,
Verse / Line: 2494     dat ein ouerbein was al der stat,
Page of edition: 87  Verse / Line: 2495     gezynnet wail was die mure,
Verse / Line: 2496     dat irme liue wart zo sure
Verse / Line: 2497     die van eirst dar vur quamen
Verse / Line: 2498     ind an dem liue schade namen.
Verse / Line: 2499     Die burch sy was gemannet wale,
Verse / Line: 2500     da wart manich roit ind vale.
Verse / Line: 2501     Sere schois men aff myt den pylen,
Verse / Line: 2502     de myn en saich men neymen ylen,
Verse / Line: 2503     sy geingen zo sturme algemeine
Verse / Line: 2504     koinlich grois ind cleine,
Verse / Line: 2505     sy heuen die mure ind ouch die portzen,
Verse / Line: 2506     der dynge sy en geyne en vorten,
Verse / Line: 2507     die men vp sy moicht begynnen,
Verse / Line: 2508     die burch wolden sy vmmer wynnen.
Verse / Line: 2509     Men warp sy so myt steynen groit
Verse / Line: 2510     dat sulche veilen neder doit;
Verse / Line: 2511     nochtan dat die eyne doit da lagen
Verse / Line: 2512     ind it die ander ane sagen,
Verse / Line: 2513     neit anders sy dar zo en daden,
Verse / Line: 2514     mer dat sy ouer die doden traden,
Verse / Line: 2515     schusse, worp, stiche noch stein
Verse / Line: 2516     der enforten sy egein;
Verse / Line: 2517     sy hewin locher durch die dure
Verse / Line: 2518     ind erslogen wat da was vur.
Verse / Line: 2519     Do dat er Mathis Ouerstultz saich,
Verse / Line: 2520     hoirt wie die koene heilt sprach:
Verse / Line: 2521     "Ir heren soilen wir dat vurburge wynnen,
Verse / Line: 2522     wir sullens alle ein anders begynnen,
Verse / Line: 2523     wir moissen stygen in zo den zynnen
Verse / Line: 2524     willen wir dat vurburge wynnen;
Page of edition: 88  Verse / Line: 2525     balde die vns goedes gunnen
Verse / Line: 2526     ind die ere ind prijs willent wynnen,
Verse / Line: 2527     hoilen vns die leideren van den kirchen,
Verse / Line: 2528     wir sullen hude wonder wircken!"
Verse / Line: 2529     Also scheir hie dat wort gesprach,
Verse / Line: 2530     hundert leideren men komen saich.
Verse / Line: 2531     Do men sy satte zo den zynnen,
Verse / Line: 2532     zo hantz saich men vlein die en bynnen
Verse / Line: 2533     vp der burch zo den duren in;
Verse / Line: 2534     alre eirst en daden sy me noch myn,
Verse / Line: 2535     sy clummen reicht in myt der vart,
Verse / Line: 2536     williger volc ney in gewart:
Verse / Line: 2537     der guede wille maicht vromen man!
Verse / Line: 2538     "We gueden vader ye gewan,
Verse / Line: 2539     sprach der greue er Herman,
Verse / Line: 2540     die werue hude prijs ind ere
Verse / Line: 2541     ind dencke, we syn vader were
Verse / Line: 2542     hie voir in vryheit ind in eren.
Verse / Line: 2543     Neyman en darff sich erueren,
Verse / Line: 2544     Got selue wilt vns eren gunnen!"
Verse / Line: 2545     Men saich die portzen alle gewonnen,
Verse / Line: 2546     do pinde sich mallich an't vurveichten
Verse / Line: 2547     dat sy die stat in vryheit breichten,
Verse / Line: 2548     do hewen sy myt gewalt weder,
Verse / Line: 2549     der burge turne worden gevalt neder,
Verse / Line: 2550     do worpen sy her vis der burch
Verse / Line: 2551     so sere zo den durren durch,
Verse / Line: 2552     dat die vordersten dar neder lagen.
Verse / Line: 2553     Also scheir dat die eichtersten sagen,
Verse / Line: 2554     mit der vart sy ouer stegen
Page of edition: 89  Verse / Line: 2555     ind zo den doren kregen.
Verse / Line: 2556     Do sprach her Rutger Ouerstultz
Verse / Line: 2557     eyn coin junck man ind stultz:
Verse / Line: 2558     "It were der stat van Coelne eyn kaff,
Verse / Line: 2559     sloge men irre ein dusent aff!
Verse / Line: 2560     Durch Got en doit noch me noch myn,
Verse / Line: 2561     mer drynget mich vur zo der doren in
Verse / Line: 2562     ind ane worde ich geworpen neder,
Verse / Line: 2563     neyman en kere durch dat weder!
Verse / Line: 2564     Drynget myt der drucht zer duren durch,
Verse / Line: 2565     alsus gewynnen wir die burch.
Verse / Line: 2566     Ich sein wale, so myr Got der goede,
Verse / Line: 2567     die van der burch sint werpens moede,
Verse / Line: 2568     sy sint verzait die da vppe sint,
Verse / Line: 2569     die burch wonne wail ein kint."
Verse / Line: 2570     Sus drungen sy ind waichden ir leuen,
Verse / Line: 2571     die burch die wart in vp gegeuen,
Verse / Line: 2572     dar zo gauen sy sich geuangen
Verse / Line: 2573     die da zo gewer hadden gegangen.
Verse / Line: 2574     Die burch besatte die stat weder.
Verse / Line: 2575     Der steyde mure, die da neder
Verse / Line: 2576     an der burch zebrochen wart,
Verse / Line: 2577     die geinck men maichen myt der vart.
Verse / Line: 2578     Men en saich ney schoinre wer
Verse / Line: 2579     hie gedain, noch ouer mer,
Verse / Line: 2580     dan vp der burch vnmanich man
Verse / Line: 2581     ind verloren sy nochtan.
Verse / Line: 2582     Da weder vart alle die werelt durch
Verse / Line: 2583     ind soicket der geliche van Airsburch,
Verse / Line: 2584     die die selue burch da wonnen,
Page of edition: 90  Verse / Line: 2585     men en sal ir neit vinden kunnen.
Verse / Line: 2586     Sy spraichen do sy die meiste pyn leden
Verse / Line: 2587     ind irs lijffs in anxste streden:
Verse / Line: 2588     "Wir sullen hude dar vmb steruen,
Verse / Line: 2589     off wir sullen vnse vryheit weder weruen!"
Verse / Line: 2590     Got ere die van Nederich,
Verse / Line: 2591     want sy lewen wale geliche
Verse / Line: 2592     quamen zo der seluer wile
Verse / Line: 2593     vur die burch neden by Ryle
Verse / Line: 2594     zo velde; en buyssen ind en bynnen
Verse / Line: 2595     saich men sy vmb ligen begynnen.
Verse / Line: 2596     Sy daden den van der burch kunt,
Verse / Line: 2597     worde enich man vnder in gewont
Verse / Line: 2598     van in zo der seluer stunt,
Verse / Line: 2599     id were der arme off der riche,
Verse / Line: 2600     sy heingen sy alle sicherliche.
Verse / Line: 2601     Hie myt ich dese rede kurte.
Verse / Line: 2602     Vp eynre karren quam die van Hurte
Verse / Line: 2603     ind er Peter van dem Kranen.
Verse / Line: 2604     Sy begonden die van der buch manen,
Verse / Line: 2605     dat sy die burch vp wolden geuen
Verse / Line: 2606     off nemen irre beider leuen.
Verse / Line: 2607     Her Peter der boitschaff so vele genois,
Verse / Line: 2608     dat der ein van der burch in schois
Verse / Line: 2609     in synen haltz dat hie verdarff
Verse / Line: 2610     ind des derden dages starff.
Verse / Line: 2611     Ouch wes der lijff hie aue verschult,
Verse / Line: 2612     der selen mois Got wesen holt!
Verse / Line: 2613     Dry dage laich men vur der burch,
Verse / Line: 2614     men vnder groiff die muren durch.
Page of edition: 91  Verse / Line: 2615     Do dat die van der burch vernamen,
Verse / Line: 2616     in also groissen anxt sy quamen,
Verse / Line: 2617     dat sy vro woren aldamede
Verse / Line: 2618     dat sy verdingden lijff ind lede.
Verse / Line: 2619     Die stat der burch sich vnderwant
Verse / Line: 2620     myt groissen vreuden altzehant.
Verse / Line: 2621     We saich je so wonderliche
Verse / Line: 2622     eyne vrie stat in eynchen riche
Verse / Line: 2623     mit burgen also vmbsat,
Verse / Line: 2624     als Coelne was die hilge stat,
Verse / Line: 2625     ind weder reicht also betwungen?
Verse / Line: 2626     Erlamen moissen noch die zungen
Verse / Line: 2627     die dar zo hulpen ind reyden!
Verse / Line: 2628     Wie dorsten sy sich des geneiden!
Verse / Line: 2629     Sint Got, de alle dinck vermaich,
Verse / Line: 2630     id so geuoge vp eynen daich,
Verse / Line: 2631     dat die van Coelne arm ind riche
Verse / Line: 2632     ane voichten ane geliche
Verse / Line: 2633     der burge veirzein ind wonnen,
Verse / Line: 2634     als in Got selue wolde gonnen,
Verse / Line: 2635     sunder vurrait sy die veingen,
Verse / Line: 2636     die vp in da zo wer geingen.
Verse / Line: 2637     Dar na vp den derden daich,
Verse / Line: 2638     als ich dat beste geprouen maich,
Verse / Line: 2639     die burch die neden stoint by Ryle
Verse / Line: 2640     die gaff men vp in kurter wile
Verse / Line: 2641     durch lijffs noit; hetz ieman schande,
Verse / Line: 2642     dat wissen wale die van dem lande.
Verse / Line: 2643     Wie hait des strydes nu den prys?
Verse / Line: 2644     Zo Coelne en is neyman so wijs,
Page of edition: 92  Verse / Line: 2645     ain were hie ein meister van Parijs,
Verse / Line: 2646     hedde hie den stryt ane gesein,
Verse / Line: 2647     hie en hulpe myr der wairheide gein,
Verse / Line: 2648     so wale voichten sy alle geliche
Verse / Line: 2649     beyde armen ind richen,
Verse / Line: 2650     dat in eyman hedt alleine,
Verse / Line: 2651     sy en hedden alle gemein.

Verse / Line: 2652        Coellene dancke aller eren Gode!
Verse / Line: 2653     Bys vnderdain syme gebode,
Verse / Line: 2654     die dich an dem cruce erloist,
Verse / Line: 2655     hie is worden dir zo troiste
Verse / Line: 2656     ind hait dich truwelich erloist.
Verse / Line: 2657     Setze vort an in alle dynen troist,
Verse / Line: 2658     beuele dich der Driueldicheide
Verse / Line: 2659     ind syner moder beyde,
Verse / Line: 2660     der reiner mait sente Marien!
Verse / Line: 2661     Dyne dinck solen alle wail gedien,
Verse / Line: 2662     la van allen ouermoede,
Verse / Line: 2663     so kompt dir alle dyn dinck zo goide.
Verse / Line: 2664     Wilt ir vur vianden genesen,
Verse / Line: 2665     so sult ir vort ein dreichtich wesen.
Verse / Line: 2666     Samen hait ir die stat gewonnen,
Verse / Line: 2667     ir sult uch samen godes gunnen;
Verse / Line: 2668     portzen ind burge beide
Verse / Line: 2669     des is sulchen manne leide.

Verse / Line: 2670        Do der busschoff dat vernam,
Verse / Line: 2671     hie wart trurich ind gram
Verse / Line: 2672     dat die burge woren verloren.
Verse / Line: 2673     Hie intfeinck des so groissen zoren,
Verse / Line: 2674     dat men in dar na menchen daich
Page of edition: 93  Verse / Line: 2675     van hertzen vro ney en saich.
Verse / Line: 2676     Hie saichte vrunden ind magen,
Verse / Line: 2677     hie solde syn leuen dar vmb wagen,
Verse / Line: 2678     off hie wreche synen anden
Verse / Line: 2679     beyde zo schaden ind zo schanden
Verse / Line: 2680     vp die van Coelne alle geliche
Verse / Line: 2681     beyde vp arm ind vp riche,
Verse / Line: 2682     moicht eme ouch eman dat besein,
Verse / Line: 2683     dat eme syn wille moicht geschein,
Verse / Line: 2684     hie wilt eme dienen al syn leuen
Verse / Line: 2685     ind guedes also vele geuen,
Verse / Line: 2686     dat eme bis an synen doit
Verse / Line: 2687     nummer en worde goedes noit.
Verse / Line: 2688     Do sprach der van Vitenkouen:
Verse / Line: 2689     "Here noch kompt irs alle enbouen!
Verse / Line: 2690     Besent alle vre deinst man
Verse / Line: 2691     ind allet dat uch guedes gan
Verse / Line: 2692     ind treckent myt eyme starcken her
Verse / Line: 2693     her vur Coelne; sonder wer
Verse / Line: 2694     sal uch sulche ere da aff geschein,
Verse / Line: 2695     die ir lieuer mogit sein,
Verse / Line: 2696     dan die uch here eyne riche gaue
Verse / Line: 2697     geue, dan ir wirt der eren aue.
Verse / Line: 2698     Dry dusent marck gewegen starck
Verse / Line: 2699     here die solden vr syn alleine,
Verse / Line: 2700     dar vur ze nemen dry steyne;
Verse / Line: 2701     durch dat doit mynen krancken rait,
Verse / Line: 2702     ir seit dat it uch zo dem besten gait."
Verse / Line: 2703     "Ich mois volgen vren rade,
Verse / Line: 2704     ain solde hie myr gain zo quode;
Page of edition: 94  Verse / Line: 2705     hie is myr noch maisse wale ergain!"
Verse / Line: 2706     "Here dat hait ir uch selue gedain.
Verse / Line: 2707     Der worde swige mir stille,
Verse / Line: 2708     want ich spach zo uren wille.
Verse / Line: 2709     Mynen rait den hait ir wail vernomen;
Verse / Line: 2710     doit vren schriuer vur uch komen,
Verse / Line: 2711     doit allen vren mannen schriuen,
Verse / Line: 2712     willen sy in vren hulden bliuen,
Verse / Line: 2713     dat sy myt den wapen en komen
Verse / Line: 2714     vur Coelne, da uch sint benomen
Verse / Line: 2715     vre burge, portzen, myt vrre stat,
Verse / Line: 2716     dat sy uch helpen wrechen dat."
Verse / Line: 2717     Als die van Vitenkouen sprach
Verse / Line: 2718     algader it also geschaich.
Verse / Line: 2719     Der buschoff gaderde menchen man,
Verse / Line: 2720     eyn michel her dat hie gewan
Verse / Line: 2721     da veil hie myt vur Coelne neder,
Verse / Line: 2722     hie wainde die burge wynnen weder.
Verse / Line: 2723     Die landis heren dat vernamen,
Verse / Line: 2724     zo Coelne sy gereden quamen,
Verse / Line: 2725     van Lutge busschoff Heinrich
Verse / Line: 2726     ind der greue van Gelre houen sich
Verse / Line: 2727     zo dem ertschen busschoue irme heren
Verse / Line: 2728     ind ander vil landis heren
Verse / Line: 2729     saich men da wert ryden
Verse / Line: 2730     zo den seluen zyden;
Verse / Line: 2731     sy boden eme vil gude daich.
Verse / Line: 2732     "Syt willekome!" hie weder sprach.
Verse / Line: 2733     Syne wort da neyman bas en kunde
Verse / Line: 2734     dan der greue van Gelre. Der begonde:
Page of edition: 95  Verse / Line: 2735     "Leit is vns here vr weder moit,
Verse / Line: 2736     als moisse vns helpen Got der guede;
Verse / Line: 2737     so wat die stat hait misdain,
Verse / Line: 2738     gebeit ir't, dat laist vns verstain.
Verse / Line: 2739     Vinden wir sy des in geinre scholt,
Verse / Line: 2740     van reichte syn wir uch so holt,
Verse / Line: 2741     sy sullen zo vren willen bliuen,
Verse / Line: 2742     off wir helpens uch verdryuen
Verse / Line: 2743     ind ain hedden sy neit misdain,
Verse / Line: 2744     sy moisten zo vren willen stain."
Verse / Line: 2745     "Er greue vre helpe versage ich neit;
Verse / Line: 2746     van Coelne is sulch laster gescheit,
Verse / Line: 2747     mir sule guedes ind leuens gebrechen,
Verse / Line: 2748     er greue ich sal mich ey so wrechen,
Verse / Line: 2749     men sal dar vmmer aue sprechen."
Verse / Line: 2750     "Here sait wat uch sy misdain;
Verse / Line: 2751     laist vns na besseringen stain."
Verse / Line: 2752     "Als men ir zwentzijch hanget sijt,
Verse / Line: 2753     den eirst ist parlamentis zijt."
Verse / Line: 2754     "Here wir syn vmb goit komen
Verse / Line: 2755     vch zo eren ind zo vromen,
Verse / Line: 2756     vnser worde en hait geynen ouel moit,
Verse / Line: 2757     so wat wir sprechen dat is vmb vr goit,
Verse / Line: 2758     eyne want steit entusschen uch ind in,
Verse / Line: 2759     die en leist uch doin me noch myn.
Verse / Line: 2760     Here durch Got laist uch geraden!
Verse / Line: 2761     Enhoirt neit vngetruwe quaiden;
Verse / Line: 2762     vp myne sele ich sal uch sagen wair,
Verse / Line: 2763     ain leicht ir vur Coelne seuen jair,
Verse / Line: 2764     dat sain ich uch sonder vair,
Page of edition: 96  Verse / Line: 2765     ir en moicht eme schaden neit ein hair!
Verse / Line: 2766     Ir sult dat mynste zo dem meisten
Verse / Line: 2767     wat sent Peter maich geleisten
Verse / Line: 2768     verzeren, e ir sy moicht gewynnen
Verse / Line: 2769     dat spreche ich here myt vrre mynnen;
Verse / Line: 2770     durch dat volcht rades, lieue here,
Verse / Line: 2771     ir sold es hauen vrome ind ere;
Verse / Line: 2772     laist vns bewerden myt der stat,
Verse / Line: 2773     wir sullen't brengen wail in dat,
Verse / Line: 2774     it sal uch sicherlichen komen
Verse / Line: 2775     beyde zo eren ind zo vromen."
Verse / Line: 2776     Der busschoff van Lucge sprach dar zo:
Verse / Line: 2777     "Ich wene landis heren en gein en do
Verse / Line: 2778     eyt anders here, wilt ir't keren vp in,
Verse / Line: 2779     dan dat uch kome zo erin.
Verse / Line: 2780     Here ich sal uch sagen wair
Verse / Line: 2781     ich lege hie xxx off xx jair,
Verse / Line: 2782     off ich die stat neit en gewynne,
Verse / Line: 2783     so vare ich doch myt laster hynne.
Verse / Line: 2784     Die guden rade volget in zijt,
Verse / Line: 2785     hie blift gerne aichter ruwen quijt.
Verse / Line: 2786     Durch dat doit myns broder rait,
Verse / Line: 2787     ir en dait uch ney so goide dait."
Verse / Line: 2788     "Her busschoff, so kere ich't vp uch landis heren,
Verse / Line: 2789     so dat ir't maicht na mynen eren."
Verse / Line: 2790     Da myt der greue van Gelre sprach:
Verse / Line: 2791     "Here dat is uch ein selich daich!
Verse / Line: 2792     Here nu geloift vns da by,
Verse / Line: 2793     wat wir maichen dat it stede sy."
Verse / Line: 2794     "Myne wort wil ich uch stede halden."
Page of edition: 97  Verse / Line: 2795     Der greue begonde sich erbalden:
Verse / Line: 2796     "Here nu sult ir myr sain,
Verse / Line: 2797     wat clagen ir vp sy wilt hain?"
Verse / Line: 2798     "Gerne ir (er?) greue, ich wil uch sagen
Verse / Line: 2799     wes ich mich vp sy beclagen:
Verse / Line: 2800     Ich wolde scheffen hain gesat
Verse / Line: 2801     in sente Peters vrie stat,
Verse / Line: 2802     zo deme benamen sy myr dat;
Verse / Line: 2803     als ich sal sagen vp der stat
Verse / Line: 2804     bru pennynge ind wintol,
Verse / Line: 2805     weder spraichen sy also wol;
Verse / Line: 2806     burgermeister ind amptman
Verse / Line: 2807     weder spraichen sy nochtan;
Verse / Line: 2808     sy weder spraichen myne assise,
Verse / Line: 2809     dat hoirt Herman wail der wise,
Verse / Line: 2810     dar zo myn burge ind myn portzen,
Verse / Line: 2811     die sente Peters lude worten
Verse / Line: 2812     vur hundert jaren hie bevoren,
Verse / Line: 2813     da ich here byn aff gekoren,
Verse / Line: 2814     dat haint sy myr aue gewonnen
Verse / Line: 2815     die mir eren neit en gunnen,
Verse / Line: 2816     her greue, de mich kosten me
Verse / Line: 2817     dan seis dusent marck; dat doit mir we
Verse / Line: 2818     ind halde(n)t noch myn volck geuangen
Verse / Line: 2819     mir zo laster ind zo schanden.
Verse / Line: 2820     Die nidige verdreuen burgere
Verse / Line: 2821     woruen mynen laster sere
Verse / Line: 2822     ind hulpen die burge wynnen
Verse / Line: 2823     ind sint zo Coelne bleuen bynnen,
Verse / Line: 2824     vp mynen laster synt sy bleuen
Page of edition: 98  Verse / Line: 2825     ind haint myn vrunt verdreuen
Verse / Line: 2826     ind al ir goit gerobit aue,
Verse / Line: 2827     dit is die clage die ich vp sy haue;
Verse / Line: 2828     die schade de myr is gescheit
Verse / Line: 2829     engulde men myt dusent punden neit.
Verse / Line: 2830     Er greue dat'z mir ein michel schade,
Verse / Line: 2831     men besey we men myr den bestaide!"
Verse / Line: 2832     "Here ich hain uch wail verstain,
Verse / Line: 2833     wir willen vmb dit beste gain,
Verse / Line: 2834     en tusschen uch ind en tusschen in
Verse / Line: 2835     weruen wir ere ind vr gewyn."
Verse / Line: 2836     Men sal den van Vitekouen
Verse / Line: 2837     durch guedis radis vil louen;
Verse / Line: 2838     hie runde dem greuen durch den munt:
Verse / Line: 2839     "Myn here en neme is neit zweilff dusent punt,
Verse / Line: 2840     her greue nu geit her myt gesunt,
Verse / Line: 2841     want dese mere is uch wail kunt."
Verse / Line: 2842     Der greue sprach vp gerach
Verse / Line: 2843     ind zornlichen in ane saich:
Verse / Line: 2844     "Ir goit man, halfon essent broit,
Verse / Line: 2845     den is nochtan mit brodis noit!"
Verse / Line: 2846     Sus keirden die landis heren
Verse / Line: 2847     weder zo den burgeren.
Verse / Line: 2848     Do sprach der greue van Gelre vort
Verse / Line: 2849     weder die stat irre alre wort:
Verse / Line: 2850     "Got geue uch ir heren guden daich,"
Verse / Line: 2851     der greue vur sy alle sprach.
Verse / Line: 2852     Der rait ind scheffen alle geliche
Verse / Line: 2853     ind die gemeinde arm ind riche
Verse / Line: 2854     gruten van Lucge den busschoff:
Page of edition: 99  Verse / Line: 2855     "Got moisse's here sin geloff,
Verse / Line: 2856     dat ir wilt zo vns komen
Verse / Line: 2857     beyde zo goide ind zo vromen,
Verse / Line: 2858     ind al gemein uch landis heren,
Verse / Line: 2859     Got van hemel moisse uch eren!
Verse / Line: 2860     Wir hoffen dat vre ewelich gerne sie,
Verse / Line: 2861     dat der steyde reicht geschey;
Verse / Line: 2862     wir bidden uch vlelich junck ind alden,
Verse / Line: 2863     dat ir vns helpen wilt behalden
Verse / Line: 2864     vnse vrieit ind vnse alde reicht,
Verse / Line: 2865     dat vns busschoff Engelbreicht
Verse / Line: 2866     vnser aller here bricht alle dage,
Verse / Line: 2867     dat maicht vns degelichis clage;
Verse / Line: 2868     wat vns dat riche hait beschreuen
Verse / Line: 2869     ind her syn in gewer bleuen
Verse / Line: 2870     van vunffzijch ind hundert iaren,
Verse / Line: 2871     als wir't wale mogen offenbaren
Verse / Line: 2872     mit hantveste ind myt geschrichte,
Verse / Line: 2873     van scheffendoym ind van gerichte,
Verse / Line: 2874     van tolle ind van geleide
Verse / Line: 2875     ind anders der stede vryheide,
Verse / Line: 2876     die wir hauen van dem riche,
Verse / Line: 2877     als ir heren alle geliche.
Verse / Line: 2878     Die vns vrien solde ind eren
Verse / Line: 2879     ind vnse vnreicht mit dem liue keren,
Verse / Line: 2880     den sijt man't alle zijt brechen.
Verse / Line: 2881     Were dat wir dat dorsten sprechen:
Verse / Line: 2882     hie solde syn nist node verderuen
Verse / Line: 2883     ind hie it synen kinden eruen.
Verse / Line: 2884     Wie hie vns smelichen vntere,
Page of edition: 100  Verse / Line: 2885     hie is doch vnser alre here,
Verse / Line: 2886     geue Got dat hie vns besser were,
Verse / Line: 2887     id were syn vrome ind ouch syn ere.
Verse / Line: 2888     Durch Got ir heren ind durch gnade,
Verse / Line: 2889     vmb vnsen deinst vroy ind spade,
Verse / Line: 2890     helpt vns myt liue ind myt rade,
Verse / Line: 2891     dat hie vns laisse in vnsme reichte,
Verse / Line: 2892     wir dienen eme gerne als syne kneichte;
Verse / Line: 2893     deit vns der busschoff Engelbreicht
Verse / Line: 2894     weder in alle vnse reicht,
Verse / Line: 2895     dat uch dar vmb duncket goit gedain,
Verse / Line: 2896     dat willen wir willich ane gain."
Verse / Line: 2897     Der greue van Gulge hie myt began,
Verse / Line: 2898     der worde ein durlistich man:
Verse / Line: 2899     "Ir heren, zo sus gedanen spele
Verse / Line: 2900     en vromet vnnutze wort neit vele;
Verse / Line: 2901     men sal entlich die wairheit sagen
Verse / Line: 2902     ind der logen neit gewagen;
Verse / Line: 2903     dar na dat men dat beste sijt,
Verse / Line: 2904     sal men brechen bosen stryt.
Verse / Line: 2905     Der busschoff vnser alre here
Verse / Line: 2906     beclait sich van uch sere
Verse / Line: 2907     van schanden, laster ind van schaden,
Verse / Line: 2908     des ir uch gerne mucht intladen.
Verse / Line: 2909     So clait ir van eme weder.
Verse / Line: 2910     Dit wille ich allit liegen neder,
Verse / Line: 2911     wilt irs in myme rade bliuen;
Verse / Line: 2912     ich willen synen vnmoit gar verdryuen.
Verse / Line: 2913     Men spricht it sy vnreicht off reicht:
Verse / Line: 2914     Linden here verwint eygen kneicht;
Page of edition: 101  Verse / Line: 2915     her vmb en sult ir neit verzagen,
Verse / Line: 2916     dat ich alsus dyt bispel sagen.
Verse / Line: 2917     Doit mynen rait, it is uch goit,
Verse / Line: 2918     ich breche vrre beider vnmoit."
Verse / Line: 2919     "Here ir sijt burger vnser steide,
Verse / Line: 2920     beide it geit reicht ind reide
Verse / Line: 2921     dat wir doin al vren rait
Verse / Line: 2922     mit worden ind myt der dait;
Verse / Line: 2923     wir durren wail an uch here
Verse / Line: 2924     setzen beide lijff ind guyt ind ere,
Verse / Line: 2925     durch dat versprecht vns die sone
Verse / Line: 2926     ind wat vns dar vmb ste zo done."
Verse / Line: 2927     "Gerne ich willens vur ramen
Verse / Line: 2928     ind en denckens mich nummer schamen.
Verse / Line: 2929     Ich wille, dat aller eirst myn here
Verse / Line: 2930     die vys verdreuene burgere,
Verse / Line: 2931     die busschoff Coinrait vp me sale
Verse / Line: 2932     mit vrdele, versteit ich wale,
Verse / Line: 2933     verzalte ind laichte vredelois
Verse / Line: 2934     want hie den has vp sy erkois,
Verse / Line: 2935     dat der busschoff Engelbreicht
Verse / Line: 2936     do weder in ire alde reicht
Verse / Line: 2937     ind vort die stat laissen in der vryheide,
Verse / Line: 2938     die ire keiser ind conynck beyde
Verse / Line: 2939     haint beschreuen ind gegeuen,
Verse / Line: 2940     dat hie in die laisse alle syn leuen
Verse / Line: 2941     ind lais die stat in sulchem reichte,
Verse / Line: 2942     als sy was vnder busschoff Engelbreichte
Verse / Line: 2943     ind ouch vnder menchen busschoue,
Verse / Line: 2944     dat hie dat swere ind geloue
Page of edition: 102  Verse / Line: 2945     beyde besegelt ind beschreuen
Verse / Line: 2946     ind vmmer in der vryheit bleuen.
Verse / Line: 2947     Ouch wat dat coste, dat leit wale,
Verse / Line: 2948     in sult is volgen alze male."
Verse / Line: 2949     "Dat sullen wir sonder weder sprechen,
Verse / Line: 2950     wat ir maicht, dat en sal neyman brechen."
Verse / Line: 2951     Hie myt voren die landis heren,
Verse / Line: 2952     wa sy hene wolden keren.
Verse / Line: 2953     "Here wir syn her zo uch komen,
Verse / Line: 2954     die stat hain wir vp vns genomen,
Verse / Line: 2955     sy deit wat wir sy heischen doin,
Verse / Line: 2956     da myt laist ir sy geroin."
Verse / Line: 2957     "Wes die stat uch dat getruwen
Verse / Line: 2958     dat solde ich node an uch schuwen."
Verse / Line: 2959     "Here so doit vns beschriuen
Verse / Line: 2960     dat it stede moege bliuen,
Verse / Line: 2961     wat wir vnder uch besprechen
Verse / Line: 2962     dat men't neit en moge brechen."
Verse / Line: 2963     "Gerne, sprach busschoff Engelbreicht,
Verse / Line: 2964     id is wail redelich ind reicht."
Verse / Line: 2965     Do dis die heren sicher waren,
Verse / Line: 2966     die sone daden sy offenbaren
Verse / Line: 2967     dem greuen van Gulge zo der stunt;
Verse / Line: 2968     irre beider werre was eme kunt.
Verse / Line: 2969     Do der greue der worde began
Verse / Line: 2970     als ein wijs gezogen man:
Verse / Line: 2971     "Here er busschoff Engelbreicht,
Verse / Line: 2972     dat wir uch vorderen dat is reicht,
Verse / Line: 2973     dar vmb syn wir her komen,
Verse / Line: 2974     dat wir uch eren ind vromen.
Page of edition: 103  Verse / Line: 2975     Here die stat sy sal uch geuen,
Verse / Line: 2976     dat ir sy vurdert al vr leuen,
Verse / Line: 2977     seis dusent marck zo einre zijt
Verse / Line: 2978     ind alre vnducht laissen quijt.
Verse / Line: 2979     Wat hie beuoren sy gescheit,
Verse / Line: 2980     des en sult ir vurbas vurderen neit.
Verse / Line: 2981     Ir sult zo Coelne varen in
Verse / Line: 2982     vp uren sal noch me noch myn,
Verse / Line: 2983     dar sal die stat vur uch gemeine
Verse / Line: 2984     komen beide grois ind clein.
Verse / Line: 2985     Dan sult ir, busschoff Engelbreicht,
Verse / Line: 2986     sy weder doin in ir alde reicht
Verse / Line: 2987     die vysverdreuen burgere,
Verse / Line: 2988     des gewint ir vrome ind ere.
Verse / Line: 2989     Ir sult die stat laissen in der vryheide,
Verse / Line: 2990     die ire keiser ind conync beide
Verse / Line: 2991     haint her besegelt ind beschreuen
Verse / Line: 2992     ind van alders her is bleuen
Verse / Line: 2993     ind ir geluwen haint dat riche,
Verse / Line: 2994     dat is vre ere sicherliche;
Verse / Line: 2995     als ir sy doit vrdels vragen,
Verse / Line: 2996     dat sullen sy uch na reichte sagen;
Verse / Line: 2997     sy sullen uch zo allen zijden eren
Verse / Line: 2998     als iren reichten lieuen heren;
Verse / Line: 2999     zo Bunne ind zo Nuysse soelen sy
Verse / Line: 3000     heren wesen tollis vry;
Verse / Line: 3001     hie myt sult ir alre veden quijt
Verse / Line: 3002     wesen beyde nu ind zo alre zijt."
Verse / Line: 3003     "Her greue, ain ist myr't swair zo doin,
Verse / Line: 3004     nochtan wille ich halden die soene."
Page of edition: 104  Verse / Line: 3005     Sy wart voluort vp dem sale
Verse / Line: 3006     ind is gehalden maissen wale. -
Verse / Line: 3007     Want do hie dat gelt gewan,
Verse / Line: 3008     zo Rome wert varen hie began
Verse / Line: 3009     vmb syn palliom; dat was dat wort,
Verse / Line: 3010     do hie quam vur den pais vort,
Verse / Line: 3011     hie began dem paise sagen
Verse / Line: 3012     ind myt weynenden ougen clagen,
Verse / Line: 3013     wie die van Coelne (eme) algemeine
Verse / Line: 3014     beyde grois ind cleine
Verse / Line: 3015     in vs der stat hedden verdreuen,
Verse / Line: 3016     eme were grois noch clein bleuen,
Verse / Line: 3017     sy nemen't eme myt gewalt
Verse / Line: 3018     ind hedden syn huys neder geualt
Verse / Line: 3019     ind syne burge eme aff gewonnen,
Verse / Line: 3020     men en solde neit gezellen kunnen
Verse / Line: 3021     den schade, die eme were gescheit.
Verse / Line: 3022     "I'n maich des lasters bergen neit,
Verse / Line: 3023     here vader; sy twungen mich,
Verse / Line: 3024     dat ich soenen moiste den kreich
Verse / Line: 3025     ind moiste in sweren ind beschriuen,
Verse / Line: 3026     dat ich ir vrunt solde vmmer bliuen.
Verse / Line: 3027     Ich bydden uch vader als mynen heren,
Verse / Line: 3028     dat ir myr helpt dyt vnreicht keren
Verse / Line: 3029     ind her vp myt myr wilt dispenseiren
Verse / Line: 3030     ind alle myne geloifde reuozeiren."
Verse / Line: 3031     Der pais vnse geistliche vader
Verse / Line: 3032     geloifte syner worde alle gader,
Verse / Line: 3033     hie dede wes in der busschoff bat
Verse / Line: 3034     ind gaff eme brieue vp die stat.

Page of edition: 105 
Verse / Line: 3035        Wie nu truwe prouen kan,
Verse / Line: 3036     die sy wie men die brieue wan!-
Verse / Line: 3037     Alsus so quam der busschoff weder,
Verse / Line: 3038     hie laichte sich zo dem Brole neder,
Verse / Line: 3039     hie enboit der stede syne vnhulde,
Verse / Line: 3040     dat hie sy van des pais wegen bannen sulde,
Verse / Line: 3041     sy en leichten't myt gelde neder.
Verse / Line: 3042     Sy en boden eme da weder,
Verse / Line: 3043     dat hie geue e der steyde scholt,
Verse / Line: 3044     war vmb dat hie ir were vnhult,
Verse / Line: 3045     dat hie dat leis verstain;
Verse / Line: 3046     wa sy ain hedden misdain,
Verse / Line: 3047     sy woldens bliuen in vrunde rade
Verse / Line: 3048     ind besseren vp gnade;
Verse / Line: 3049     so wat vrunde hie des dorste getruwen,
Verse / Line: 3050     den en wolde die stat neit schuwen.
Verse / Line: 3051     Alsus so sante hie synen broder
Verse / Line: 3052     eme an geboren van syner moder,
Verse / Line: 3053     heren Philippum van Houolz zo der stat,
Verse / Line: 3054     die anders neit en sprach, dan dat:
Verse / Line: 3055     Off sy sins heren hertze wolden
Verse / Line: 3056     hain, dat sy dat gelden solden
Verse / Line: 3057     mit nuynhundert marcken ind mit dryn,
Verse / Line: 3058     der en wolde hie laissen me noch myn.
Verse / Line: 3059     Dyt gelt dat daden sy eme geuen
Verse / Line: 3060     dat sy moichten myt vreden leuen.
Verse / Line: 3061     Sus quam der busschoff, den ich nome
Verse / Line: 3062     Ailbreicht, vp dat capittel van me dome
Verse / Line: 3063     vur die pafheit algemein.
Verse / Line: 3064     Des paifs brieue grois ind clein
Page of edition: 106  Verse / Line: 3065     die moiste men van in ceryssen.
Verse / Line: 3066     Hie sprach: "Myn here en sal nummer gewisen,
Verse / Line: 3067     wat eme die stat herre hait misdain
Verse / Line: 3068     laist hie varen ind bestain;
Verse / Line: 3069     hie in sal nummerme gewagen
Verse / Line: 3070     noch van der stat sich beclagen,
Verse / Line: 3071     dyt sal hie sweren ind beschriuen
Verse / Line: 3072     ind mois die sone stede bliuen
Verse / Line: 3073     in vrkunde der priore altze male,
Verse / Line: 3074     ind ir scheffen gedenckt dis wale,
Verse / Line: 3075     myn here helt sy sonder fale."

Verse / Line: 3076        Do dit allet was gescheit,
Verse / Line: 3077     der busschoff hoirte ein nuwe leit
Verse / Line: 3078     syngen ein ander vogelgin:
Verse / Line: 3079     "Her busschoff, wilt ir here syn
Verse / Line: 3080     van Coelne der stede, geliche
Verse / Line: 3081     ouer arm ind ouer riche
Verse / Line: 3082     neit langer dan al ur leuen,
Verse / Line: 3083     dar zo wil ich uch rait geuen."
Verse / Line: 3084     "Ia, sinck ane vogelgin,
Verse / Line: 3085     ich willen dir geuolgich syn."
Verse / Line: 3086     "Vart in zo Coelne vp vren sal
Verse / Line: 3087     ind doit dat ich uch raden sal:
Verse / Line: 3088     sijt zwene dage da vppe off dry
Verse / Line: 3089     ind we uch heymlichste sy,
Verse / Line: 3090     doit zo uch komen al verholen,
Verse / Line: 3091     ire wapen soelen syn verstolen
Verse / Line: 3092     al den luden zo der stunt,
Verse / Line: 3093     sy en soelen neymanne syn kunt;
Verse / Line: 3094     doit sagen dat ir hait gelasen,
Page of edition: 107  Verse / Line: 3095     men en sal neyman vur uch laissen.
Verse / Line: 3096     Dar na sal men grois ind clein
Verse / Line: 3097     doin komen vp den sal gemeine,
Verse / Line: 3098     ir wilt sitzen zo gerichte
Verse / Line: 3099     ind vp den hoff luden gedichte,
Verse / Line: 3100     ind doit men vren broder kunt,
Verse / Line: 3101     dat hie da sy zo der seluer stunt
Verse / Line: 3102     mit luden die dar zo dogen,
Verse / Line: 3103     die uch in noden helpen mogen;
Verse / Line: 3104     die blois dan vur gerichte stain
Verse / Line: 3105     ind weder uch haint misdain,
Verse / Line: 3106     moicht ir ain anxt laissen vain."
Verse / Line: 3107     Des radis was der busschoff vro
Verse / Line: 3108     ind dede reichte also.
Verse / Line: 3109     Do der van Valckenburch in Coelne quam
Verse / Line: 3110     ind syne herberge nam,
Verse / Line: 3111     die stat hadde wail vernomen,
Verse / Line: 3112     hie solde myt den wapen komen.
Verse / Line: 3113     Kome hadde hie neder sich gesat
Verse / Line: 3114     ind wart geuangen van der stat;
Verse / Line: 3115     mit sessen, drin ind mit vieren
Verse / Line: 3116     begunden sy sich ye bartieren;
Verse / Line: 3117     wat myt eme komen was aldar,
Verse / Line: 3118     men en wart ir eins neit gewar;
Verse / Line: 3119     sy woren kone als die muys,
Verse / Line: 3120     die sonder iagen vlut vs dem huys.
Verse / Line: 3121     Der busschoff hie geureischit wale
Verse / Line: 3122     alda hie sas vp dem sale,
Verse / Line: 3123     wie it myt dem broder stoint;
Verse / Line: 3124     hie dede als die wisen doint,
Page of edition: 108  Verse / Line: 3125     hie heis den sal vaste besleissen,
Verse / Line: 3126     hie en wainde der meren neit geneissen.
Verse / Line: 3127     Do men dit volck slois vp dem sale
Verse / Line: 3128     id beueil eme maissen wale.
Verse / Line: 3129     Da wart gedain sulch katzen sprunck
Verse / Line: 3130     van luden beide alt ind iunck
Verse / Line: 3131     zo den vinsteren vs ind sprungen neder,
Verse / Line: 3132     maisse sere ilden sy weder,
Verse / Line: 3133     sy wainden geuangen syn ind erslagen,
Verse / Line: 3134     alsus begunde sich malich clagen.
Verse / Line: 3135     Der busschoff sprach: "Hoirt mich ir heren,
Verse / Line: 3136     ir en sult uch neit erueren,
Verse / Line: 3137     ich sal van uch gain mich beraden
Verse / Line: 3138     in des lantgreuen kemenaden."
Verse / Line: 3139     Men slois die doren ouer al,
Verse / Line: 3140     sus rumde die gemeinde den sal.
Verse / Line: 3141     Die stat sich hie en bynnen bereit,
Verse / Line: 3142     des dages en daden sy eme neit;
Verse / Line: 3143     doch want die sone was zebrochen,
Verse / Line: 3144     der busschoff Ailbreicht hadde besprochen
Verse / Line: 3145     en tusschen dem busschoue ind der stede,
Verse / Line: 3146     want sy der busschoff rouuen dede
Verse / Line: 3147     zo Andernaiche ind ouch zo Bunne,
Verse / Line: 3148     "Seit wes vns der busschoff gunne,
Verse / Line: 3149     sprach zo der stat der stede rait,
Verse / Line: 3150     it is vns en kranck zoverlait
Verse / Line: 3151     dat vns vnse geistliche vader,
Verse / Line: 3152     die here is vnser alle gader,
Verse / Line: 3153     wat hie vns swirt off beschrift
Verse / Line: 3154     dat hie des ein logener blift.
Page of edition: 109  Verse / Line: 3155     So we vns anders wolde schaden,
Verse / Line: 3156     hie en soldes zo reichte neit gestaden;
Verse / Line: 3157     nu is hie der gyn alleine
Verse / Line: 3158     die vns roift algemeine.
Verse / Line: 3159     Wir gelden vreden weder in,
Verse / Line: 3160     ind hie en leist vns me noch myn;
Verse / Line: 3161     wir hain syne hulde ind syn hertze
Verse / Line: 3162     als die den ail hait myt dem stertze.
Verse / Line: 3163     Mallich see wat hie dar zo rade,
Verse / Line: 3164     hie en deit vns vrede noch gnade;
Verse / Line: 3165     id is geweist noch her syn sede,
Verse / Line: 3166     als hie vns helt dry dage vrede
Verse / Line: 3167     ind zweilff hundert marck dar vmb genam,
Verse / Line: 3168     des veirden dagis wirt hie vns gram;
Verse / Line: 3169     wnat hie is des sicher ind gewis,
Verse / Line: 3170     wanney hie myt vns zweyende is,
Verse / Line: 3171     dat hie mois hauen vnse goit;
Verse / Line: 3172     nu seit ir wat ir her vmb doit;
Verse / Line: 3173     sullen wir't iet langer dryuen,
Verse / Line: 3174     wir sullen arme katiue bliuen."
Verse / Line: 3175     Do reden beide iungen ind alden,
Verse / Line: 3176     dat men busschoff solde halden
Verse / Line: 3177     so dat men syn sicher were
Verse / Line: 3178     ind nemen iren here,
Verse / Line: 3179     dat hie die stat leis geroin
Verse / Line: 3180     ind den rouff wolde weder doin,
Verse / Line: 3181     die ere ze Bunne were gedain
Verse / Line: 3182     ind die soene neit en leisse stain,
Verse / Line: 3183     als busschoff Albreicht sus hadt gesprochen,
Verse / Line: 3184     durch wes wil hie die hedt gebrochen,
Page of edition: 110  Verse / Line: 3185     so sy kunt were al den prioren,
Verse / Line: 3186     wie lange hie sy sus wolde doren,
Verse / Line: 3187     sus en moichte mens neit laissen vur schanden,
Verse / Line: 3188     die stat en moiste den laster anden
Verse / Line: 3189     ind ouch den schade sonder reyde
Verse / Line: 3190     ind rouff, den vp sy der busschoff dede.
Verse / Line: 3191     Sus geingen die besten zo me sale
Verse / Line: 3192     da sy den busschoff wisten wale.
Verse / Line: 3193     Sy spraichen zo irme heren:
Verse / Line: 3194     "Ir en sult uch neit erueren,
Verse / Line: 3195     sonder zorn ind vnuerbolgen
Verse / Line: 3196     sult ir here vns hynne volgen,
Verse / Line: 3197     ir sult goitlich myt vns gain,
Verse / Line: 3198     die stat sal uch laissen verstain
Verse / Line: 3199     vil vnreichtis dat ir is gedain."
Verse / Line: 3200     Id behade dem busschoff maise wale,
Verse / Line: 3201     noede geinck hie myt zo dale,
Verse / Line: 3202     doch geinck hie neder van dem sale,
Verse / Line: 3203     als ich uch bescheiden wale.
Verse / Line: 3204     Id were eme leiff, it were eme leit,
Verse / Line: 3205     hie wart zo me Ros ind huys geleit,
Verse / Line: 3206     da was hie veirzein naicht myt gemaiche.
Verse / Line: 3207     Vmb alsus gedanen saiche
Verse / Line: 3208     die landis heren dit vernamen,
Verse / Line: 3209     zo Coelne in sy gereden quamen.
Verse / Line: 3210     Van Lucge der busschoff Heinrich
Verse / Line: 3211     ind syn broder an namen sich
Verse / Line: 3212     entusschen dem busschoue ind der stat,
Verse / Line: 3213     wie sy moichten soenen dat
Verse / Line: 3214     ind dar zo helpen ind raden,
Page of edition: 111  Verse / Line: 3215     dat sy myt vreden ind gnaden
Verse / Line: 3216     leiffden samen ind myt mynnen,
Verse / Line: 3217     da moichten sy ere aue gewynnen.
Verse / Line: 3218     Mit synne siit al dar zo dreuen,
Verse / Line: 3219     dat si is an veir heren bleuen.
Verse / Line: 3220     Der busschoff van Lutge was ir ein;
Verse / Line: 3221     deser veir en is egein
Verse / Line: 3222     i'n wille uch sagen wie hie sy;
Verse / Line: 3223     der greue van Gelre der ander was,
Verse / Line: 3224     da moicht ir in bekennen by;
Verse / Line: 3225     den derden den men dar zo las,
Verse / Line: 3226     dat was ein ritter vysserkoren,
Verse / Line: 3227     eyn greue zo Loin was hie geboren;
Verse / Line: 3228     dat veirde was greue Engelbrecht
Verse / Line: 3229     van der Marcken, die gerne reicht
Verse / Line: 3230     her hait geuordert al syn leuen,
Verse / Line: 3231     des is eme noch goit wort gegeuen.
Verse / Line: 3232     Dese veir saissen vnder in,
Verse / Line: 3233     die stat en solde me noch myn
Verse / Line: 3234     deme busschoue zo sonen geuen,
Verse / Line: 3235     dat hie myt vreden solde leuen
Verse / Line: 3236     sicher vort al syn iair,
Verse / Line: 3237     ain weir't der stat ein deil ze swair,
Verse / Line: 3238     dan veir dusent marck zo eyner zijt.
Verse / Line: 3239     Sus bleiff der busschoff ind syn broder quijt
Verse / Line: 3240     van Valckenburch myn here Dederich.
Verse / Line: 3241     Alsus die stat versoinde sich.
Verse / Line: 3242     Blift die sone wail behalden
Verse / Line: 3243     des sal goit gelucke walden!

Verse / Line: 3244        Also scheir der busschoff ledich wart,
Page of edition: 112  Verse / Line: 3245     men galt eme myt der vart
Verse / Line: 3246     van den veirdusent veirzeinhundert.
Verse / Line: 3247     Synt dede hie des menchen wonder,
Verse / Line: 3248     nochtan dat eme die burgere gulden
Verse / Line: 3249     ind leisten, als sy van reichte solden,
Verse / Line: 3250     hie warp vp sy synen has,
Verse / Line: 3251     noch en voir hie des ney debas.
Verse / Line: 3252     Men bereyde eme syn pert
Verse / Line: 3253     ind voir zo dem Brole wert.
Verse / Line: 3254     Als scheir hie zo dem Brole quam,
Verse / Line: 3255     nu hoirt wes hie sich ane nam.
Verse / Line: 3256     Hie dede nuwe brieue schriuen
Verse / Line: 3257     ind nuwe botschaff dryuen
Verse / Line: 3258     heren Anselme van Instingen,
Verse / Line: 3259     die archlistich was van menchen dingen.
Verse / Line: 3260     Node spreche ich ane syne ere,
Verse / Line: 3261     men sprach, hie were ein verredere.
Verse / Line: 3262     Hie quam zo Coellen in gereden
Verse / Line: 3263     ind voir wail na verreders seden.
Verse / Line: 3264     Die bruderscheffte hie besante
Verse / Line: 3265     ind die men meister da aff bekante
Verse / Line: 3266     van der gemeinen alle die besten,
Verse / Line: 3267     da men eniche maicht ane wiste,
Verse / Line: 3268     dat sy heymlich zo eme quemen
Verse / Line: 3269     ind vruntlich syn wort vernemen.
Verse / Line: 3270     Alle samen quamen sy vur in,
Verse / Line: 3271     hoirt hie syner worde begin:
Verse / Line: 3272     "Ir heren sijt Gode willekome!
Verse / Line: 3273     Ich werue vre ere ind vren vrome,
Verse / Line: 3274     nu nempt hie myns heren brieue,
Page of edition: 113  Verse / Line: 3275     truwelich deinst ind sine lieue
Verse / Line: 3276     ind deit uch vys synen munde verstain,
Verse / Line: 3277     hie en wille uch nummer aue gegain
Verse / Line: 3278     vmb die truwe die ir eme hait gedain.
Verse / Line: 3279     Nu doit myns heren brieue lesen;
Verse / Line: 3280     wilt ir eindreichtich myt in wesen,
Verse / Line: 3281     hie wilt myt uch genesen ind steruen
Verse / Line: 3282     ind na vrre ere weruen
Verse / Line: 3283     weder die ouerstoiltze burgere,
Verse / Line: 3284     die uch en laissent goit noch ere.
Verse / Line: 3285     Nu doit uch beduden den breiff,
Verse / Line: 3286     doit synen wille, it wirt uch leiff."
Verse / Line: 3287     Der breiff wart gelesen alda
Verse / Line: 3288     ind wart gedoit zo hant dar na.
Verse / Line: 3289     Der busschoff grote die broderschaff gemeine
Verse / Line: 3290     ind die gemeinde grois ind clein,
Verse / Line: 3291     ind enboit in in synen brieue
Verse / Line: 3292     truwelichen deintz ind syne lieue.
Verse / Line: 3293     "Eyns dinges wondert mich sere,
Verse / Line: 3294     sprach der breiff vur synen here,
Verse / Line: 3295     dat ir gewalt lidet van den genen
Verse / Line: 3296     ind als kneichte moisset dienen,
Verse / Line: 3297     die uch goedes ney en gunden,
Verse / Line: 3298     dat ir van den wilt syn gebunden;
Verse / Line: 3299     sy en durst neit anders dan vr bloit
Verse / Line: 3300     ind vr ere ind vre goit;
Verse / Line: 3301     sy knagent uch reicht vp den grait,
Verse / Line: 3302     dar vmb hain ich uch mynen rait
Verse / Line: 3303     gesant van Instingen den edelen man,
Verse / Line: 3304     die uch vil wale geraden kan.
Page of edition: 114  Verse / Line: 3305     Wat hie uch reit vp die burgere,
Verse / Line: 3306     seit is an mynen lijff ind an myn ere,
Verse / Line: 3307     sprach der breiff vur synen here,
Verse / Line: 3308     truweliche sal ichs bestain,
Verse / Line: 3309     ich en wils uch nummer affgegain."
Verse / Line: 3310     Do der breiff gelesen wart,
Verse / Line: 3311     sy begonten rait vragen myt der vart
Verse / Line: 3312     heren Anselme van Instingen,
Verse / Line: 3313     want hie listich were an allen dingen,
Verse / Line: 3314     dat hie in rede, wie sy betwungen
Verse / Line: 3315     moichten myt enichen vugungen
Verse / Line: 3316     die vil stoltze borgere,
Verse / Line: 3317     die in aue nemen goit ind ere.
Verse / Line: 3318     Nu hoirt wie hie weder saichte
Verse / Line: 3319     do man't alsus an in braichte:
Verse / Line: 3320     "Ir heren ir sult eyndreichtich syn (wesen)
Verse / Line: 3321     wilt ir samen vur in genesen;
Verse / Line: 3322     hait vnder uch allis dingis hale
Verse / Line: 3323     ind sament uch ze male
Verse / Line: 3324     beyde myt kneichten ind magen;
Verse / Line: 3325     wat eynen boge maich dragen
Verse / Line: 3326     ind uch neit aff en maich gain,
Verse / Line: 3327     die doit myt truwen uch by stain.
Verse / Line: 3328     Ir sult eynen dantz vp eynen dach besprechen,
Verse / Line: 3329     den sullen sy willen zo brechen,
Verse / Line: 3330     off myt beden uch anegain,
Verse / Line: 3331     dat ir den dantz laist bestain.
Verse / Line: 3332     Dan antworden: "Harde gerne!"
Verse / Line: 3333     Doch en steit is uch neit zo entberen.
Verse / Line: 3334     Last vmmer den dantz geschein,
Page of edition: 115  Verse / Line: 3335     ir suldes vren willen sein.
Verse / Line: 3336     Vrre sal syn hundert weder eynen,
Verse / Line: 3337     en laist neit leuen irre geynen
Verse / Line: 3338     alsy den dantz uch willent keren,
Verse / Line: 3339     dan so wenent sy uch interen."
Verse / Line: 3340     Alsus wart der dantz besprochen.
Verse / Line: 3341     Die burgere hedden in gerne zebrochen
Verse / Line: 3342     ind baden die heren van den kneichten,
Verse / Line: 3343     dat sy den dantz aue leichten
Verse / Line: 3344     ind sy widder moides leissen vry,
Verse / Line: 3345     sy woldens vmmer verdienen weder sy.
Verse / Line: 3346     "Gerne weren wir myt vreden
Verse / Line: 3347     so dijs dantz bleue vermeden."
Verse / Line: 3348     Die meister van den broderschaffen
Verse / Line: 3349     antworden als doren ind als affen:
Verse / Line: 3350     Sy en moichten irre kneichte neit betwungen
Verse / Line: 3351     van dantze noch van geynen dyngen.
Verse / Line: 3352     Ir wort woren so menchueldich,
Verse / Line: 3353     sy en weren der kneichte neit geweldich.
Verse / Line: 3354     Do spraichen die burgere alle geliche:
Verse / Line: 3355     "Also helpe vns Got van hemelriche!
Verse / Line: 3356     Id sal vns syn van hertzen leit
Verse / Line: 3357     ist dat it an ein stryden geit,
Verse / Line: 3358     want wirt hude vnse vruntschaff gescheyden,
Verse / Line: 3359     id ruwet die eyne van vns beiden!
Verse / Line: 3360     Also behalde vns Got hude vnse ere,
Verse / Line: 3361     als mallich gerne hude were
Verse / Line: 3362     van vns myt vreden ind gnaden
Verse / Line: 3363     mit uch. Nu'n kunne wir uch neit geraden!
Verse / Line: 3364     Dat die stat eindreichtich were,
Page of edition: 116  Verse / Line: 3365     da queme vns goit aff ind ere;
Verse / Line: 3366     nu sein wir waile, wir moissen gescheiden;
Verse / Line: 3367     na reichte helpe vns Got vns beiden.
Verse / Line: 3368     Nu sijt ir myt vns euen heren
Verse / Line: 3369     ind wilt vns vre kneichte doin interen.
Verse / Line: 3370     Is dat it wale myt vns geit,
Verse / Line: 3371     it wirt vns namails lichte leit.
Verse / Line: 3372     Gein wir ind wapen vns gereit,
Verse / Line: 3373     want it vns an vnse ere geit.
Verse / Line: 3374     Laist vns menlich vur vns sein,
Verse / Line: 3375     Got sal vns ere doin geschein,
Verse / Line: 3376     want wir myt vreden gerne weren,
Verse / Line: 3377     des sal Got vnse heil ermeren!"
Verse / Line: 3378     In beiden syden wapenden sy sich
Verse / Line: 3379     alse zo veichtene den wich.
Verse / Line: 3380     Die weuer stercden ir kneichte
Verse / Line: 3381     weder die edele gesleichte,
Verse / Line: 3382     dey her komen sint van vryer art
Verse / Line: 3383     synt dat Coelne alre eirst kirsten wart.
Verse / Line: 3384     Doch vmb vrede ind gnade
Verse / Line: 3385     worden die burgere des zo rade,
Verse / Line: 3386     dat sy heren Rutger den edelen vait
Verse / Line: 3387     sanden an der broderscheffte rait,
Verse / Line: 3388     dat hie sy durch Godes wille bede
Verse / Line: 3389     ind vil oitmoitlich in vlede,
Verse / Line: 3390     dat sy den stryt wolden begeuen
Verse / Line: 3391     ind myt vreden wolden leuen;
Verse / Line: 3392     weir in iet mysdain van den burgeren,
Verse / Line: 3393     sy wolden't besseren zo eren eryn.
Verse / Line: 3394     Der vait hie vlede in ind bat,
Page of edition: 117  Verse / Line: 3395     als in die burgere van der stat
Verse / Line: 3396     hadden gebeden truweliche,
Verse / Line: 3397     dat sy durch Got van hemelriche
Verse / Line: 3398     eren vnmoit hyn leichten
Verse / Line: 3399     ind stuyrden eren kneichten.
Verse / Line: 3400     "Ich hain die burgere so gesprochen,
Verse / Line: 3401     haint sy irgen myt weder uch zebrochen,
Verse / Line: 3402     sy sullen't vp uch seluen keren
Verse / Line: 3403     ind uch besseren zo vren eren."
Verse / Line: 3404     "Her vait doit hene dese reyde!
Verse / Line: 3405     Vnse kneicht en doint neymans bede,
Verse / Line: 3406     wir sullen hude myt vnsen kneichten
Verse / Line: 3407     vp sy getruwelichen veichten.
Verse / Line: 3408     Vnse wapen hain wir ane gedain,
Verse / Line: 3409     gein wir ind last sy vns bestain."
Verse / Line: 3410     Der vait geinck danne sonder ende,
Verse / Line: 3411     men geleis als men syn neit en kende.
Verse / Line: 3412     Do der vait ind die sine van in geingen,
Verse / Line: 3413     hort wie sy eren rait ane veingen:
Verse / Line: 3414     "Als die burger syn verslagen,
Verse / Line: 3415     wyff ind kint solen wir veriagen;
Verse / Line: 3416     gein wir, laist vns ire erue brechen,
Verse / Line: 3417     sus soelen wir vnsen ande wrechen!"
Verse / Line: 3418     Dyt erhoirte ein goit getruwe man
Verse / Line: 3419     van me Kreichmarte her Iohan,
Verse / Line: 3420     die vil balde gelouffen quam
Verse / Line: 3421     vp den Aldenmart ind vernam
Verse / Line: 3422     wa er Bruyn Hardevuyst da were.
Verse / Line: 3423     Hie vant in ind sprach: "Lieue here,
Verse / Line: 3424     wes mert ir? Men wilt uch goit ind ere
Page of edition: 118  Verse / Line: 3425     nemen ind zo dode erslain
Verse / Line: 3426     noch hude; als dat is gedain,
Verse / Line: 3427     willent sy vre kint myt vren wiuen
Verse / Line: 3428     lesterlich vs Coelne dryuen.
Verse / Line: 3429     Dyt hoirte ich die weuer ietzo sprechen;
Verse / Line: 3430     sy willent vp der stat vr erue brechen;
Verse / Line: 3431     ir en keirt it balde myt der hant,
Verse / Line: 3432     ir blifft erslagen ind geschant."
Verse / Line: 3433     Her Bruyn snel syn boden sante
Verse / Line: 3434     wa hie vrunt off mage bekante,
Verse / Line: 3435     dat sy balde gewapent quemen,
Verse / Line: 3436     ey sy sy in eren husen nemen
Verse / Line: 3437     die weuer myt eren vulen kneichten,
Verse / Line: 3438     die da quemen ind sy ane veichten
Verse / Line: 3439     woulden, doden ind verderuen
Verse / Line: 3440     ind doin sy lesterlichen steruen,
Verse / Line: 3441     ir kinder myt eren wiuen.
Verse / Line: 3442     Sus geinck men iamer dryuen.
Verse / Line: 3443     Do sy dese mere vernamen,
Verse / Line: 3444     vp den Aldenmart sy quamen
Verse / Line: 3445     eyn deil zo voisse, ein deil geredin;
Verse / Line: 3446     reicht na ritterlichen seden
Verse / Line: 3447     saich men sich die burgere scharen
Verse / Line: 3448     ind zo vienden wert varen;
Verse / Line: 3449     gezogen ind goider teiren
Verse / Line: 3450     saich men sy volgen iren baneiren,
Verse / Line: 3451     der was anderthalffhundert.
Verse / Line: 3452     We is die de des noch neit en wondert,
Verse / Line: 3453     dat men sy vnuerzait saich gain
Verse / Line: 3454     ind wail vunftdusent man bestain!
Page of edition: 119  Verse / Line: 3455     Ind is harde selden gescheit,
Verse / Line: 3456     men in sal is namails gelouuen neit.
Verse / Line: 3457     Sy trecden koinlich bys sy quamen,
Verse / Line: 3458     da sy die viande vernamen.
Verse / Line: 3459     Also scheir sy die ane sagen,
Verse / Line: 3460     reden sy sy an sonder tragen.
Verse / Line: 3461     Van Hoinbusch myn here Renart
Verse / Line: 3462     reit sy ane myt der vart.
Verse / Line: 3463     Men spricht ein dinck des sijt gewis:
Verse / Line: 3464     "Wale an gerant halff ueichten is!"
Verse / Line: 3465     Vp Kreichmart wart die stryt begonnen,
Verse / Line: 3466     da die burgere den eirsten sege wonnen,
Verse / Line: 3467     weder vunffdusent zweyhundert man.
Verse / Line: 3468     Seit wie Got selue segen kan,
Verse / Line: 3469     ind die deme hie des segen gan,
Verse / Line: 3470     dat was die die in wan.
Verse / Line: 3471     Do die burgere heilden ind streden,
Verse / Line: 3472     quam her Willem van Poilheym gereden
Verse / Line: 3473     ind clade vil iemerliche
Verse / Line: 3474     Gode vur van hemelriche:
Verse / Line: 3475     "Na, sprach hie, ir edele burgere,
Verse / Line: 3476     ezo nymt men myr goit ind ere!
Verse / Line: 3477     Die van Oirsburch gemeine
Verse / Line: 3478     sturment myn huys grois ind clein.
Verse / Line: 3479     Ir en helpt sy myr vp der stede keren,
Verse / Line: 3480     sy sullen myr wijff ind kint interen;
Verse / Line: 3481     vmb dat goit were mich clein,
Verse / Line: 3482     beheilde ich wijff ind kint allein.
Verse / Line: 3483     Der is wail dusent off me,
Verse / Line: 3484     vurseit uch wie men sy beste!"
Page of edition: 120  Verse / Line: 3485     Do sprach her Gotschalck Ouerstultz:
Verse / Line: 3486     "Der sege is hie so na gewonnen,
Verse / Line: 3487     wilt vns Got geluckes gunnen,
Verse / Line: 3488     de vns noch gehulpen heift,
Verse / Line: 3489     so en schait vns neyman de nu leift!"
Verse / Line: 3490     Do sprach der Iude Daniel:
Verse / Line: 3491     "So laist hynne ryden snel,
Verse / Line: 3492     laist vns strydes myt in begynnen
Verse / Line: 3493     e sy den baldeis da gewynnen!"
Verse / Line: 3494     Do sprach her Gerart Cause ind Symon Moirart:
Verse / Line: 3495     "Laissit vrolich vns hude myt der vart
Verse / Line: 3496     myt heren Willem hynne ryden,
Verse / Line: 3497     koinlich vp vnse viande stryden.
Verse / Line: 3498     Men spricht zo bispel ein wort:
Verse / Line: 3499     "Werenden henden helpe Got."
Verse / Line: 3500     Wilt Got vns reicht myt vns wagen,
Verse / Line: 3501     wir soilen so menchen viegen maichen,
Verse / Line: 3502     synt sijs neit en willent syn verdragen,
Verse / Line: 3503     men sal da dusent iair aue sagen."
Verse / Line: 3504     Sus reden myt heren Willem danne
Verse / Line: 3505     irre vunffzein deme konen manne.
Verse / Line: 3506     Durch den Putzhoff sy gereden quamen;
Verse / Line: 3507     irre viande zweyhundert dat vernamen,
Verse / Line: 3508     die verborgen lagen in Iacobs huys
Verse / Line: 3509     des verwers; wail gewapent traden sy her vs
Verse / Line: 3510     entgein die vunffzein die da quamen,
Verse / Line: 3511     die koinlich ir ors myt sporen namen
Verse / Line: 3512     ind ranten stultzlich vnder sy;
Verse / Line: 3513     sy woren irs gemodes vry
Verse / Line: 3514     ind worden geslagen also sere,
Page of edition: 121  Verse / Line: 3515     dat sy namen die weder kere.
Verse / Line: 3516     Her Gerart Causen wart so manich slaich,
Verse / Line: 3517     dat hie myt orse in deme diesen hore laich;
Verse / Line: 3518     men wolde eme des hoift sweren boissen
Verse / Line: 3519     ind hie intkrouff vp henden ind vp voissen.
Verse / Line: 3520     Vur heren Saphirs bungarde dat geschaich,
Verse / Line: 3521     des in neit wale vergessen maich.
Verse / Line: 3522     Heren Willem bleiff zo der seluer stunt
Verse / Line: 3523     syn ors ind hie selue gewont.
Verse / Line: 3524     Sus wainden sy den segen hain gehat
Verse / Line: 3525     ind kreichden dat men't hoirte ouer al die stat.
Verse / Line: 3526     Heren Willem dede sin smertze we
Verse / Line: 3527     ind reit balde vmb helpen me.
Verse / Line: 3528     Vil balde quam in helpe weder;
Verse / Line: 3529     die vor in dem hore lagen neder,
Verse / Line: 3530     die namen coinlich ouerhant;
Verse / Line: 3531     irre zwey hundert bleuen geschant.
Verse / Line: 3532     Ich wene dat neyman reicht verneme,
Verse / Line: 3533     wair der gebuyr enich queme,
Verse / Line: 3534     also worden sy zespreit.
Verse / Line: 3535     Got geue irme dantze leit;
Verse / Line: 3536     da men die tambure so sleit,
Verse / Line: 3537     zo schanden in it noch ergeit!
Verse / Line: 3538     Myn here Herman Hirmelin,
Verse / Line: 3539     eyn burger wijs, cone ind fyn,
Verse / Line: 3540     ind van Zulpge Winrich
Verse / Line: 3541     dese voichten lewen wail gelich,
Verse / Line: 3542     ind Gobel van der Santkulen
Verse / Line: 3543     en kunde gein vient entschulen.
Verse / Line: 3544     Dese an reden coinlich ind gereit
Page of edition: 122  Verse / Line: 3545     do men aderwerff myt in streit.
Verse / Line: 3546     Do men den sege alda gewan,
Verse / Line: 3547     vil balde ryden men began
Verse / Line: 3548     zo der Butgassen wert,
Verse / Line: 3549     die wart van zeinhunderden gewert,
Verse / Line: 3550     die kettene woren vur gelaicht
Verse / Line: 3551     ind vp gehauwen myt mannis craicht;
Verse / Line: 3552     wereichter lude dusent man,
Verse / Line: 3553     die alle wapen hadden an,
Verse / Line: 3554     sagen die burgere vur in stain
Verse / Line: 3555     do sy in Butgassen solden slain.
Verse / Line: 3556     Her Gerart Ouerstultz sprach myt synne:
Verse / Line: 3557     "Ich der worde myt orloue begynne,
Verse / Line: 3558     hoirt mich ir edel gesleichte!
Verse / Line: 3559     Mallich hude als ein lewe veichte,
Verse / Line: 3560     ir sijt van reichter edelre art,
Verse / Line: 3561     synt Coelne alre eirst cristen wart,
Verse / Line: 3562     van heren ind van scheffen komen,
Verse / Line: 3563     vren alderen en wart ney benomen
Verse / Line: 3564     erue, noch goit, noch scheffendoym,
Verse / Line: 3565     des en heilt ney weuer synen roym,
Verse / Line: 3566     dat it eme ey zo den eren queme,
Verse / Line: 3567     dat hie ein scheffendoym beneme
Verse / Line: 3568     off van der stede rade dreue
Verse / Line: 3569     ind hie rait off scheffen bleue.
Verse / Line: 3570     Sulden vns weuer nu verdryuen
Verse / Line: 3571     ind vns guedes heren bliuen,
Verse / Line: 3572     wir suldens vmmer hauen schande,
Verse / Line: 3573     ouch wie wir bleuen in dem lande.
Verse / Line: 3574     Vnser eitlich ste dem anderen by
Page of edition: 123  Verse / Line: 3575     reicht als hie syn broder sy.
Verse / Line: 3576     Dencket dat sy sint gesament deit;
Verse / Line: 3577     ir heren des en syn wir neit,
Verse / Line: 3578     wir syn so na vrunt ind mage,
Verse / Line: 3579     dan mallich lieuer hude sage
Verse / Line: 3580     den doit, dan dat hie schemlich vluwe.
Verse / Line: 3581     Da wirt noch hude ir alre ruwe,
Verse / Line: 3582     want ir sult myt ougen hude sein,
Verse / Line: 3583     dat sy vns schentlich sullen intflein.
Verse / Line: 3584     Nu laist vns wrechen vnsen zorn,
Verse / Line: 3585     vrunt ind mage wir syn geborn,
Verse / Line: 3586     vp die vns hie willent verdryuen
Verse / Line: 3587     beyde van kinden ind van wiuen,
Verse / Line: 3588     off sy mogen, ind intliuen!"
Verse / Line: 3589     Do begonde Heinrich van me Kranen
Verse / Line: 3590     koinlich syn ors myt sporen manen
Verse / Line: 3591     ind sturte vur den vianden neder;
Verse / Line: 3592     vroymlich erhoilde hie sich vp weder.
Verse / Line: 3593     Do Waltom van der Aducht dat gesaich
Verse / Line: 3594     dat syn swager neder laich,
Verse / Line: 3595     hie wart zornich ind gram;
Verse / Line: 3596     dat ors hie snel myt sporen nam
Verse / Line: 3597     ind dede dat alre schoinste ryden
Verse / Line: 3598     dat men gesaich in menchen zijden.
Verse / Line: 3599     Hie reit durch die zein hundert man,
Verse / Line: 3600     van den hie menchen slaich gewan.
Verse / Line: 3601     Die straisse durch quam hie gerant,
Verse / Line: 3602     die kettene hie beslossen vant,
Verse / Line: 3603     hie rante vp sy, dat sy al clanck
Verse / Line: 3604     ind zo zwen stucken spranck.
Page of edition: 124  Verse / Line: 3605     Also scheir so Waltem quam dar dur,
Verse / Line: 3606     myn here Gerart Scherffgin heilt da vur,
Verse / Line: 3607     eyn ritter koin, hoisch ind wijs.
Verse / Line: 3608     Die selue ritter beheilt den prijs
Verse / Line: 3609     van dryn dusent ritteren zo Tresenijs,
Verse / Line: 3610     dat deyde hie in ritterlichen vlijs;
Verse / Line: 3611     zo Guylche hie den prijs gewan
Verse / Line: 3612     van seis hundert ritteren als ein man;
Verse / Line: 3613     zo Nuysse, da so mennich ritter starff,
Verse / Line: 3614     da hie zo leste den prijs erwarff.
Verse / Line: 3615     Do desen man Waltem ersaich,
Verse / Line: 3616     hie moicht ir horen wie hie sprach:
Verse / Line: 3617     "A! her Gerart, vil lieue here,
Verse / Line: 3618     seit hude Got an ind vre ere!
Verse / Line: 3619     Mynen swager leis ich legin neder
Verse / Line: 3620     van me Kranen, deme ich wainde weder
Verse / Line: 3621     helpen; nu hait mich myn ors verdragen
Verse / Line: 3622     durch dusent ind bin wal durch slagen
Verse / Line: 3623     van den weueren die vns willent doden.
Verse / Line: 3624     Nu steit vns here by zo noden!"
Verse / Line: 3625     "Waltem myt eren haistu gereden,
Verse / Line: 3626     dyn riden were ouel vermeden,
Verse / Line: 3627     Got moisse syn vnse geleide,
Verse / Line: 3628     mit Godes helpen soilen wir beide
Verse / Line: 3629     also weder durch sy riden,
Verse / Line: 3630     sy solens lster ind schade liden.
Verse / Line: 3631     Ich sal noch hude dar vmb steruen,
Verse / Line: 3632     off vnse gesleichte sal is ere erweruen.
Verse / Line: 3633     Die van goeder art her sint geboren,
Verse / Line: 3634     nu slein wir vnder sy myt sporen,
Page of edition: 125  Verse / Line: 3635     neit vmb einchen ouermoit,
Verse / Line: 3636     mer zo behalden lijff ind goit,
Verse / Line: 3637     die sy vns zo nemen hey begerent,
Verse / Line: 3638     wijs synt sy die dat hude werent!"
Verse / Line: 3639     Her Gerart reit in sente Ioris syden,
Verse / Line: 3640     weder die weuer stryden.
Verse / Line: 3641     An der syden da laich Heinrich neder.
Verse / Line: 3642     Als scheir hie vp syn ors weder
Verse / Line: 3643     mit der Godis helpen quam,
Verse / Line: 3644     hie wart zornich ind gram,
Verse / Line: 3645     mit zorne hie dat ors myt sporen nam
Verse / Line: 3646     ind reit vnder alle die viande sine;
Verse / Line: 3647     eme en geschaich geine pine,
Verse / Line: 3648     sy slogen duuelich vp in,
Verse / Line: 3649     sus hoiff sich des strydis begin.
Verse / Line: 3650     Do spraichen die edele Cleynegedencke:
Verse / Line: 3651     "Durch Got, e man Heinriche krencke,
Verse / Line: 3652     ir heren laist vns samen ryden
Verse / Line: 3653     ind also myt vnsen vianden stryden,
Verse / Line: 3654     die vns an eren willent krencken,
Verse / Line: 3655     dat sijs vmmerme gedencken!"
Verse / Line: 3656     Her vp antwerden die Wysen:
Verse / Line: 3657     "Men sal alle die gene prysen,
Verse / Line: 3658     den ir viande willent schaden,
Verse / Line: 3659     dat sy des neit in gestaden.
Verse / Line: 3660     Die da wilt bliuen in eren
Verse / Line: 3661     hie sal't, maich hie it, by zijde keren;
Verse / Line: 3662     leissen wir dese weder vns segen,
Verse / Line: 3663     sy maichden vns zo hinder degen.
Verse / Line: 3664     Laist vns geraden in so we,
Page of edition: 126  Verse / Line: 3665     dat sijs gedencken vmmerme!
Verse / Line: 3666     Wir hasden vns selue altze sere,
Verse / Line: 3667     leissen wir sy treden in vnse ere."
Verse / Line: 3668     Her Bruyn Hardevuyst antwerde gaff:
Verse / Line: 3669     "E wir weren vnser eren aff,
Verse / Line: 3670     wir willen lieuer hude wagen
Verse / Line: 3671     den lijff myt vrunden ind myt magen,
Verse / Line: 3672     e wir uch edele gesleichte
Verse / Line: 3673     leissen dryuen vs vrme reichte."
Verse / Line: 3674     Sy grymmelich begonden sprechen:
Verse / Line: 3675     "Wes halden wir? Laist vns wrechen
Verse / Line: 3676     iren moit, die weuere alhie,
Verse / Line: 3677     dat in nummer goit geschey!
Verse / Line: 3678     Gesleichte ste so gesleichte by,
Verse / Line: 3679     dat it vmmer ein bispel sy!"
Verse / Line: 3680     Alsus so hoiff sich da der strijt
Verse / Line: 3681     zo der nemelicher zijt
Verse / Line: 3682     ind reden vp sy alle die gesleichte;
Verse / Line: 3683     mallich van in gebeirde reichte,
Verse / Line: 3684     als hie Dederich van Berne were,
Verse / Line: 3685     mit stryde beheilt mallich syn ere,
Verse / Line: 3686     en doch hadden si it van eirst hart.
Verse / Line: 3687     Van Hoinbusch quam myn here Reynart,
Verse / Line: 3688     ind halp sy also ryden weder,
Verse / Line: 3689     dat ir mennich laich da neder.
Verse / Line: 3690     Wat eynen vinger moicht gewegen
Verse / Line: 3691     geinck da heuen ind liegen.
Verse / Line: 3692     Myn here Gerart quam geredin
Verse / Line: 3693     Scherffgin na ritterlichen seden
Verse / Line: 3694     ind durch braich sy an eynre syden.
Page of edition: 127  Verse / Line: 3695     Intgein in begonden zijden,
Verse / Line: 3696     do in die burgere sagen komen,
Verse / Line: 3697     zo eren ind zo vromen,
Verse / Line: 3698     mit groissen slegen ind myt stichen
Verse / Line: 3699     daden sy dat die weuer wichen,
Verse / Line: 3700     der vunfe weder eynen woren.
Verse / Line: 3701     Man in vernam in menchen jaren
Verse / Line: 3702     noch ney in al mynre zijt
Verse / Line: 3703     so reichten vngewiegen stryt
Verse / Line: 3704     vp eynen pinxtandaich geschein,
Verse / Line: 3705     als des dages wart gesein.
Verse / Line: 3706     Vunffdusent van eirst weder anderhalphundert,
Verse / Line: 3707     dar na zwei hundert des mich wondert
Verse / Line: 3708     kome weder dryssich man,
Verse / Line: 3709     als ich it best geprouen kan.
Verse / Line: 3710     In Butgassen dusent waren
Verse / Line: 3711     kome weder dryhundert zworen.
Verse / Line: 3712     Da sy ze lest gauen den rucke
Verse / Line: 3713     die weuere zo irme vngelucke,
Verse / Line: 3714     so myr lijff ind so myr leuen,
Verse / Line: 3715     in weis weme ich den prijs moge geuen
Verse / Line: 3716     van den burgeren die da voichten,
Verse / Line: 3717     so goit sy mich alle gader doichten.
Verse / Line: 3718     Do die burgere wainden ryden
Verse / Line: 3719     ind vorme wesen sonder stryden,
Verse / Line: 3720     eyn nuwe stryt wart vp sy begonnen
Verse / Line: 3721     van eyme huys dat sy doch wonnen.
Verse / Line: 3722     Irre seis worpen myt steynen draff,
Verse / Line: 3723     dat in der leide duuel gaff.
Verse / Line: 3724     Men veinck sy ind worden so geslagen,
Page of edition: 128  Verse / Line: 3725     sy mogen al ir leuen da van sagen.
Verse / Line: 3726     Hedden sy ir werpen laissen stain,
Verse / Line: 3727     in were zo der zijt neit gedain.
Verse / Line: 3728     Ouer moit, (Got geue dir leit!)
Verse / Line: 3729     ind vnuerdeinde wirdicheit,
Verse / Line: 3730     dat vr mannich begert so sere,
Verse / Line: 3731     dat hie wilt syn eins anders here
Verse / Line: 3732     ind weder reicht wilt hauen ere,
Verse / Line: 3733     dat nympt gerne die weder kere!
Verse / Line: 3734     Got (en) wart (nye) sulchen luden hult,
Verse / Line: 3735     dat hait Lucifer wail verschult,
Verse / Line: 3736     want hie sich wolde gelichen
Verse / Line: 3737     Gode selue dem richen,
Verse / Line: 3738     des wart hie des hemels verstoissen
Verse / Line: 3739     mit al synen genoissen.
Verse / Line: 3740     Ich hain ducke horen sagen,
Verse / Line: 3741     vollen kopp sal men euen dragen,
Verse / Line: 3742     so we in doch vol schenckt zo maissen,
Verse / Line: 3743     hie sal sich de bas dragen laissen.
Verse / Line: 3744     Sus wilt maisse aller dinge walden.
Verse / Line: 3745     Het ir weuere maisse gehalden
Verse / Line: 3746     do ir alle wort geliche heren
Verse / Line: 3747     ind rait myt den burgeren,
Verse / Line: 3748     so weirt ir noch in vren eren.
Verse / Line: 3749     Nu wilt ir rytterscheffte leren
Verse / Line: 3750     ind wilt uch zo hoe erheuen,
Verse / Line: 3751     des moist ir uch zo valle ergeuen!
Verse / Line: 3752     Dat sy al mynen vrunden gesaicht:
Verse / Line: 3753     We da dryft so grois ouerbraicht,
Verse / Line: 3754     eme mois als Lucifer geschein,
Page of edition: 129  Verse / Line: 3755     dat hait men ducke wail gesein,
Verse / Line: 3756     der beste clemmer kompt meiste zo valle,
Verse / Line: 3757     des warnen ich myn vrunt bedalle;
Verse / Line: 3758     we gerne en midden geit vp sleichte,
Verse / Line: 3759     hie geit vaste ind dar zo reichte. -

Verse / Line: 3760        Herna quam dese leide mere
Verse / Line: 3761     vur den busschoff vren here,
Verse / Line: 3762     dat die broderschaffe weren
Verse / Line: 3763     in deinste irs vil lieuen heren
Verse / Line: 3764     des busschoffs enschunfort ind erslagen.
Verse / Line: 3765     Do dit der busschoff hoirte sagen,
Verse / Line: 3766     hie began truren ind clagen
Verse / Line: 3767     synen vrunden iemerliche:
Verse / Line: 3768     "Got vergist myn van hemelriche!
Verse / Line: 3769     I'n kan der dinge en gein begynnen,
Verse / Line: 3770     wes ich off enich myn vrunt begert,
Verse / Line: 3771     dat geit vns allet aichter wert;
Verse / Line: 3772     bleue myn vngeual lange sus groit,
Verse / Line: 3773     so were ich myr vil lieuer doit!"
Verse / Line: 3774     Her zo sprach do broder Wolfart:
Verse / Line: 3775     "Here, die ney trurich in wart,
Verse / Line: 3776     die en weis neit, wat blitschaff is.
Verse / Line: 3777     Nu sijt des sicher ind gewis,
Verse / Line: 3778     na rain komt gerne sonnen schin,
Verse / Line: 3779     durch dat so laist vren moit syn.
Verse / Line: 3780     Der kirchgere van sent Colummen
Verse / Line: 3781     ind ich, nu wist, dat wir zwene dummen
Verse / Line: 3782     noch soelen geissen in dat vat,
Verse / Line: 3783     dat uch vnderdain wirt die stat.
Verse / Line: 3784     Wir willen ryden ind sagen
Page of edition: 130  Verse / Line: 3785     den yr vrunt sint aue geslagen,
Verse / Line: 3786     willent sy uch in staden stain
Verse / Line: 3787     vp die die in schade haint gedain,
Verse / Line: 3788     ir helpt sy vs Coelne verdryuen
Verse / Line: 3789     ind doit sy irs guedes geste bliuen;
Verse / Line: 3790     wan e wir dat an sy gedragen,
Verse / Line: 3791     sy solent node weder sagen,
Verse / Line: 3792     ich hulpe in e myt mynen henden
Verse / Line: 3793     ire viende hangen ind blenden,
Verse / Line: 3794     ir laster ind ir schade beide
Verse / Line: 3795     en worde eren vienden zo leide."
Verse / Line: 3796     Sus reit broder Wolfart ind der kirchere.
Verse / Line: 3797     (Ich wene hie er Walbruns sun were,
Verse / Line: 3798     hie konde schoin machen ind knappen,
Verse / Line: 3799     hie konde sy solen ind lappen.)
Verse / Line: 3800     Sus quamen sy zo Coelne en bynnen
Verse / Line: 3801     vp rait, wie man't moichte gewynnen,
Verse / Line: 3802     den soichten sy an krancker deit,
Verse / Line: 3803     sy en quamens vur die besten neit,
Verse / Line: 3804     ind santen vmb dry edele man
Verse / Line: 3805     ind woren saltz mudder nochtan,
Verse / Line: 3806     der ney gein zo Coelne maicht gewan.
Verse / Line: 3807     Ich sal uch nomen off ich kan:
Verse / Line: 3808     Der ein heis Euerhart Neisgin,
Verse / Line: 3809     eyn vnderkouffer moichte hie syn;
Verse / Line: 3810     ich wene dat der ander were
Verse / Line: 3811     Iohan der mudder, der groisse here;
Verse / Line: 3812     dat derde was her Heintze Grune;
Verse / Line: 3813     sy lagen van dem morgen bis an die none
Verse / Line: 3814     mit broder Wolfarde ind dem kircheren
Page of edition: 131  Verse / Line: 3815     van sente Columben, dem edelen heren.
Verse / Line: 3816     Die zwein paffen reden den dryn,
Verse / Line: 3817     dyt was irs radis begin,
Verse / Line: 3818     sy solden deme van den Kreichmarte sagen,
Verse / Line: 3819     den ire vrunt zo dode weren erslagen,
Verse / Line: 3820     woulden sy dem busschoff zo staden stain
Verse / Line: 3821     vp die in seluer laster hedden gedain,
Verse / Line: 3822     der busschoff Engelbreicht hulpe syne verdriuen
Verse / Line: 3823     ind dede sy irs guedes heren bliuen.
Verse / Line: 3824     Die dry antwerden do den paffen:
Verse / Line: 3825     "Wir willen vns heren wille schaffen,
Verse / Line: 3826     hie somene sich so hie best vermaich,
Verse / Line: 3827     wir doin in (in) laissen vp eynen daich,
Verse / Line: 3828     ouch wil wirt (den) van dem Kreichmarte sagen
Verse / Line: 3829     ind den ir vrunt synt aue geslagen,
Verse / Line: 3830     dat sy neit van vns en wichen,
Verse / Line: 3831     der busschoff sole sy hogen ind richen.
Verse / Line: 3832     Dit willen wir doin al sonder laissen
Verse / Line: 3833     ind geneisen in gueder maissen.
Verse / Line: 3834     Nu swigit, vernempt vnse wort
Verse / Line: 3835     ind sait sy dem busschoue vort:
Verse / Line: 3836     Wilt hie weruen synen vromen,
Verse / Line: 3837     hie sal zo velde meichtich komen
Verse / Line: 3838     ind myt veir ind zwentzijch herschuppen zo Rine,
Verse / Line: 3839     sus brenget hie sine viande in pine.
Verse / Line: 3840     Men sal die molen aue slain
Verse / Line: 3841     ind laissen sy zo dale gain.
Verse / Line: 3842     Mit des so soelen wir myt brande
Verse / Line: 3843     den Toirmart intsticken ind zo lande
Verse / Line: 3844     den busschoff laissen in, der wilen
Page of edition: 132  Verse / Line: 3845     want zo dem brande wert sal mallich ilen,
Verse / Line: 3846     als mallich besijt sus her ind ar,
Verse / Line: 3847     so en nympt neyman vns heren war.
Verse / Line: 3848     Also als it hie vur gesprochen is
Verse / Line: 3849     maichen wirs uch sichen ind gewis.
Verse / Line: 3850     Durch dat vart ir broder Wolfart,
Verse / Line: 3851     (ir sijt van guedes preisters art,
Verse / Line: 3852     ind ir sijt van sent Columben kirchere,)
Verse / Line: 3853     an den busschoff vnsen here,
Verse / Line: 3854     sait dat hie sich besamene altze hant,
Verse / Line: 3855     dyt hait hie gereit in syner hant."
Verse / Line: 3856     Sus reden sy an den busschoff weder.
Verse / Line: 3857     Der busschoff laichte al dinck dar neder
Verse / Line: 3858     ind samende ein michel her;
Verse / Line: 3859     stillige wainde hie sonder wer
Verse / Line: 3860     Coelne als eme was gesaicht
Verse / Line: 3861     vnder sine vlogel hain braicht.
Verse / Line: 3862     Syne lude voyren vys ind in,
Verse / Line: 3863     men en hoede sich vur in noch me noch myn;
Verse / Line: 3864     hie quam meichtich myt baneiren
Verse / Line: 3865     ind began vp den Wier lotscheyren.
Verse / Line: 3866     Syn herschijff quam(en) in me Rine
Verse / Line: 3867     ind daden den molneren pine,
Verse / Line: 3868     sy voirten sy vp ind zo dale,
Verse / Line: 3869     sy wainden Coelne hauen wale.
Verse / Line: 3870     Do der busschoff lange gelaich
Verse / Line: 3871     ind syn wille neit en geschaich
Verse / Line: 3872     als van eirst weder in was gesprochen,
Verse / Line: 3873     van zorne hedde hie sy wale erstochen,
Verse / Line: 3874     die Coelne eme sus gewonnen saichten
Page of edition: 133  Verse / Line: 3875     in dat zo der wairheit neit en braichten.
Verse / Line: 3876     Do Herman der wise dit gesaich
Verse / Line: 3877     dat des busschofs wille neit en geschaich,
Verse / Line: 3878     nu moicht ir horen wie hie sprach:
Verse / Line: 3879     "Euerart Neisgin guden daich!
Verse / Line: 3880     Er Euerart Neisgin, wa sijt ir?"
Verse / Line: 3881     "Allhie byn ich; wat wilt ir myr?"
Verse / Line: 3882     "Euerart, sal men myt vursten spotten
Verse / Line: 3883     als myt doren ind myt sotten?
Verse / Line: 3884     Ir solt den Torenmart alze hant,
Verse / Line: 3885     do myn here quam, hain verbrant
Verse / Line: 3886     ind sult zo velt wert in hain gelaissen in,
Verse / Line: 3887     des in hait ir gedain me noch myn.
Verse / Line: 3888     Wist dat hie uch dar vmb sleiffen deit
Verse / Line: 3889     is dat syn wil noch volgeit."
Verse / Line: 3890     Euerart Neisgin sweich alstille,
Verse / Line: 3891     want der vischer sprach eme weder wille.
Verse / Line: 3892     Do dit die hoirten ind sagen,
Verse / Line: 3893     die myt Euerharde vp den zynnen lagen,
Verse / Line: 3894     sy slogen guede hende an in hart
Verse / Line: 3895     ind veingen in zo der vart.
Verse / Line: 3896     "Wilt ir verraden sus die stat,
Verse / Line: 3897     men sal uch setzen vp ein rat!"
Verse / Line: 3898     Sus laich der busschoff wail eicht dage
Verse / Line: 3899     vp gedroch; dat was syn meiste clage.
Verse / Line: 3900     Der goide Got hie leis da sein
Verse / Line: 3901     eyn zeichen wonderlich geschein.
Verse / Line: 3902     Der greue van Cleue eines naichtis saich
Verse / Line: 3903     in syme paulune dar hie laich,
Verse / Line: 3904     wa eine der aller schoinster iunffrouwen,
Page of edition: 134  Verse / Line: 3905     die hie myt ougen ie moichte beschauwen,
Verse / Line: 3906     gecroint myt einre guldenen cronen,
Verse / Line: 3907     hie saich der mynnentlicher schonen
Verse / Line: 3908     wail eilffdusent iunffrouwen volchden na,
Verse / Line: 3909     nochtan so saich hie eine alda,
Verse / Line: 3910     dat die selue conyngynne
Verse / Line: 3911     vmb die mure van Coelne geinck myt synne
Verse / Line: 3912     ind droich ein kertze in irre hant,
Verse / Line: 3913     die so schone ind so clair brant
Verse / Line: 3914     ind luchte daby so sere,
Verse / Line: 3915     als dat lant vol kertzen were.
Verse / Line: 3916     Wan e sy quam intgein die zynnen,
Verse / Line: 3917     hie saich sy ein cruce maichen begynnen,
Verse / Line: 3918     da sy myt sainde die stat,
Verse / Line: 3919     ir volgere daden na alle dat.
Verse / Line: 3920     Als sy dan vur die portze quamen,
Verse / Line: 3921     sy sainden die portzen alle samen.
Verse / Line: 3922     Der greue dur gerne hedde gesein,
Verse / Line: 3923     des eme neit en moichte geschein,
Verse / Line: 3924     alda hie laich vp synen bedde,
Verse / Line: 3925     dat sente Vrsule dat her gesegent hedde.
Verse / Line: 3926     Do sy sus Coelne vmb quamen,
Verse / Line: 3927     der greue saich sy alle samen
Verse / Line: 3928     ind geingen vur Wierportze stain;
Verse / Line: 3929     hie saich die portzen selue vp gain,
Verse / Line: 3930     mit wachenden ougen saich hie dat,
Verse / Line: 3931     dat sy geschart geingen in die stat
Verse / Line: 3932     vummer z'einhundert an der scharen.
Verse / Line: 3933     Hie sprach: "Nu mois mich Got bewaren!
Verse / Line: 3934     (ind veilt zo Gode syne hende,
Page of edition: 135  Verse / Line: 3935     dat hie in myt eren heym gesende
Verse / Line: 3936     ind myt behalden synen liue
Verse / Line: 3937     zo leuen kinden ind zo wiue;)
Verse / Line: 3938     so myr dat vil hilge leit,
Verse / Line: 3939     du en bliues hie langer neit."
Verse / Line: 3940     Des morgens vro began hie vp stain,
Verse / Line: 3941     her Sthevin van Sulin quam gegain
Verse / Line: 3942     ind saichte eme: "here gueden daich!"
Verse / Line: 3943     die in dem paulune mit eme laich.
Verse / Line: 3944     "Her Stevin, saicht ir dat ich hint saich?"
Verse / Line: 3945     "Here, balde her Stevin sprach,
Verse / Line: 3946     wonder hain ich hynt gesein,
Verse / Line: 3947     sicherlich des mois ich gein,
Verse / Line: 3948     ich saich hynt vmb Coelne gain
Verse / Line: 3949     eylff dusent iunffrouwen ind stain
Verse / Line: 3950     vur allen zynnen ind sainden die stat;
Verse / Line: 3951     here nochtan so saich ich dat,
Verse / Line: 3952     dat die vorderste ein gulden crone
Verse / Line: 3953     droich ind ein kertze, die also schoine
Verse / Line: 3954     luchde, droich sy in irre hant,
Verse / Line: 3955     dat men da aff saich ouer al dit lant;
Verse / Line: 3956     ich saich die portzen intgein sy vp gain,
Verse / Line: 3957     die beslossen woren ind zo gedain.
Verse / Line: 3958     Here, sint Got Coelne hilpt bewaren,
Verse / Line: 3959     so laist vns myt eren hynne varen."
Verse / Line: 3960     "Her Stevin dit selue hain ich gesein.
Verse / Line: 3961     Vns en maich gein ere alhie geschein.
Verse / Line: 3962     Doit vnse somer bereiden,
Verse / Line: 3963     der mois wir e doch beiden
Verse / Line: 3964     ind heym zo lande dryuen;
Page of edition: 136  Verse / Line: 3965     wir en willen neit langer hie bliuen;
Verse / Line: 3966     wir gein vrloff nemen zo vnsen heren
Verse / Line: 3967     ind varen heymwert dan myt eren."
Verse / Line: 3968     Her Stevin sprach: "Dat is goit gedain,
Verse / Line: 3969     nu laist vns orloff nemen gain."
Verse / Line: 3970     Hie myt sy an den busschoff quamen,
Verse / Line: 3971     zwene busschoff vonden sy samen,
Verse / Line: 3972     den busschoff van Mentze ind eren here,
Verse / Line: 3973     die sy beiden groten sere.
Verse / Line: 3974     "Her [b]usschoff, maig ind here myn,
Verse / Line: 3975     ich en maich neit langer by uch syn,
Verse / Line: 3976     mir is komen sulchen bode,
Verse / Line: 3977     vch beide beuele ich zo Gode!"
Verse / Line: 3978     "Her greue mich wondert was des walde,
Verse / Line: 3979     dat ir sus heymwert ylt so balde;
Verse / Line: 3980     is uch iet hie dat goit gescheit,
Verse / Line: 3981     ich en laissen't uch vngebessert neit.
Verse / Line: 3982     Sait anders wat der meren sy,
Verse / Line: 3983     de bas so hoden wir vns da by."
Verse / Line: 3984     "Sal ich it dan sagen uch zwen heren?"
Verse / Line: 3985     "Ia wilt ir bliuen in vren eren."
Verse / Line: 3986     "So sult ir uch van Coelne keren.
Verse / Line: 3987     Ich sain uch wes ich mich erueren:
Verse / Line: 3988     Ich sach hynt wail eilff scharen,
Verse / Line: 3989     dar vnder al eilff dusent woren
Verse / Line: 3990     ind synt ezunt zo Coelne en bynnen.
Verse / Line: 3991     Wes moichten wir weder Got begynnen!
Verse / Line: 3992     Sy geingen hint algemeine
Verse / Line: 3993     vmb Coelne grois ind cleine
Verse / Line: 3994     ind sainden die stat alsamen.
Page of edition: 137  Verse / Line: 3995     Sent Vrsula geinck vur myt namen
Verse / Line: 3996     ind droich ein kertze in irre hant,
Verse / Line: 3997     die ouerluchte al dit lant;
Verse / Line: 3998     ain hedden hundert dusent alle gebrant,
Verse / Line: 3999     dat is in alme lande bekant,
Verse / Line: 4000     men en hedde so wale da aff neit gesein,
Verse / Line: 4001     des dar ich wale myt wairheide gein."
Verse / Line: 4002     Hoirt wie der busschoff van Mentze sprach:
Verse / Line: 4003     "Vraicht is eren Stevin, der it wale saich;
Verse / Line: 4004     sait is't uch ernzt, off is't uch spot?"
Verse / Line: 4005     "Here it is wair, als helpe myr Got!"
Verse / Line: 4006     "Ich gelouens wale uch beiden.
Verse / Line: 4007     Here vader, laist uch gescheiden,
Verse / Line: 4008     laist vns varen van hynne scheiden, (keren)
Verse / Line: 4009     off ir bliuen wilt in eren."
Verse / Line: 4010     Sus gaff da mallich sinen sain
Verse / Line: 4011     ind geingen heym zo lande iain;
Verse / Line: 4012     noch van Mentze noch van Cleue
Verse / Line: 4013     so was neyman die da bleue.
Verse / Line: 4014     Ir lotschen enstickden sy myt brande,
Verse / Line: 4015     da men sy vluchtich by bekande.
Verse / Line: 4016     Sus treckde der busschoff hyn zo Bunne;
Verse / Line: 4017     wie weint ir dat hie karmen begonde!
Verse / Line: 4018     Hie sprach: "Ich hain in allen stucke
Verse / Line: 4019     beide schande ind vngelucke;
Verse / Line: 4020     i'n maich vp Coelne des neit begynnen,
Verse / Line: 4021     da myt ich ere moege wynnen!
Verse / Line: 4022     Die van Coelne mogen wail sagen,
Verse / Line: 4023     id sy gevluwen sonder jagen!
Verse / Line: 4024     Sy sint vro ind ich byn vnblide;
Page of edition: 138  Verse / Line: 4025     is't in sturme off in stryde,
Verse / Line: 4026     sy mogens wail dancken vnsme heren,
Verse / Line: 4027     sy bliuens vmmer in den eren;
Verse / Line: 4028     ouch wie eman haue dit beste,
Verse / Line: 4029     sy segent vmmer an dat leste;
Verse / Line: 4030     id is zouer dat dit doit,
Verse / Line: 4031     off ir gelucke is altze goit;
Verse / Line: 4032     id is ouch irre hilgen schult,
Verse / Line: 4033     so mogin sy in wale wesin holt.
Verse / Line: 4034     So mir Got die mich geboit,
Verse / Line: 4035     ich were lieuer myt eren doit
Verse / Line: 4036     vur Coelne in eyme stryde bleuen,
Verse / Line: 4037     dan vnuerwonnen sus verdreuen!
Verse / Line: 4038     We saich laster ye meirre geschein,
Verse / Line: 4039     dan vursten vnbestreden solden vlein!"

Verse / Line: 4040        Broder Wolfart antwerde syme heren:
Verse / Line: 4041     "Ir sult van desen vnmode keren
Verse / Line: 4042     ind laissen vren zorn!
Verse / Line: 4043     Drywerff sal mens heils korn!
Verse / Line: 4044     So myr Got, laisset vren vnmoit,
Verse / Line: 4045     vr dinck dat wirt noch allit goit!
Verse / Line: 4046     Neyman en lais't eme altze leit
Verse / Line: 4047     off eme syn dinck neit euen geit!
Verse / Line: 4048     Here, it velt ducke ein daich
Verse / Line: 4049     dat alle dat jair neit gedain en maich!"
Verse / Line: 4050     Mit dem sprach vort der kirchhere
Verse / Line: 4051     van sente Columben: "Vil lieue here,
Verse / Line: 4052     wisset dat broder Wolfhardis munt
Verse / Line: 4053     vch die wairheit hait gekont.
Verse / Line: 4054     Wir zwein wissen zwey gesleichte,
Page of edition: 139  Verse / Line: 4055     die sich vnderhassent reichte
Verse / Line: 4056     als katzen ind hunde,
Verse / Line: 4057     dat is uch ein selige stunde.
Verse / Line: 4058     Dat eyne sint die van Molegassen,
Verse / Line: 4059     die gene die sy weder hassen,
Verse / Line: 4060     dat is her Herman der greue ind syn vrunt
Verse / Line: 4061     ind er Walt(eu)er der vait, dat sy uch kunt,
Verse / Line: 4062     dese daden die Wisen ir hus zo brechen;
Verse / Line: 4063     en laist uch der reden neit vermechen,
Verse / Line: 4064     ir sult vro syn ind laichen,
Verse / Line: 4065     wir sullen't myt in also maichen
Verse / Line: 4066     ind vmmer so begadet dat,
Verse / Line: 4067     dat sy halden den segel van der stat,
Verse / Line: 4068     ich wene ir ein burgermeister is,
Verse / Line: 4069     hie hait den segel, des sijt gewis;
Verse / Line: 4070     here wir sullen heymlich ind myt stadin
Verse / Line: 4071     dit dinck nar vren willen begadin;
Verse / Line: 4072     here an wen sullen wir dit alre eirst dragen?"
Verse / Line: 4073     "Ir sult den Wisen alre eirst sagen;
Verse / Line: 4074     sy ruwit noch ir alde leit,
Verse / Line: 4075     sait in, ich sulle in syn gereit,
Verse / Line: 4076     beyde nu ind zo allen zijden
Verse / Line: 4077     en laisse ich sy geynen kummer liden."
Verse / Line: 4078     "Here dit doit ind blift gesont,
Verse / Line: 4079     wir solen in allet wail doin kunt."
Verse / Line: 4080     Hie myt reden sy in die stat
Verse / Line: 4081     ind enboden den Wisen dat,
Verse / Line: 4082     dat sy heymlich zo in quemen
Verse / Line: 4083     ind irs heren boitschaff vernemen.
Verse / Line: 4084     Die Wisen heymlichen quamen
Page of edition: 140  Verse / Line: 4085     da sy die zwene paffen vernamen
Verse / Line: 4086     ind vernamen van in stille
Verse / Line: 4087     zo mail des busschofs wille.
Verse / Line: 4088     Der boitschaff worden sy alle blide.
Verse / Line: 4089     In der nemelicher zijde
Verse / Line: 4090     ir vrunt sy alle gader besanten
Verse / Line: 4091     de s'en heymlichsten bekanten,
Verse / Line: 4092     dat sy alsamen quemen
Verse / Line: 4093     ind vil goede mere vernemen
Verse / Line: 4094     heymlich vp eynen daich,
Verse / Line: 4095     den men in allen besprach.
Verse / Line: 4096     Van der portzen her Iohan,
Verse / Line: 4097     eyn behende, listich man
Verse / Line: 4098     ind der wijste van synen magen
Verse / Line: 4099     quamen, da die zwene paffen lagen
Verse / Line: 4100     van sent Columben der kirchere
Verse / Line: 4101     ind broder Wolfart, die sy sere
Verse / Line: 4102     heissen wilkome syn.
Verse / Line: 4103     Broder Wolfart sprach: "Der here myn
Verse / Line: 4104     sent uch ir heren diesen breiff
Verse / Line: 4105     ind entbut uch al heil ind al leiff,
Verse / Line: 4106     hie wilt vr vrunt vmmer wesen,
Verse / Line: 4107     synen breiff den doit uch lesen
Verse / Line: 4108     ind sijt des sicher ind gewis,
Verse / Line: 4109     wat in dem brieue geschreuen is,
Verse / Line: 4110     dat sult ir sicher ind wair
Verse / Line: 4111     vinden vort alle vr iair.
Verse / Line: 4112     Als ir den breiff verstanden hait,
Verse / Line: 4113     so sal ich uch myns heren rait
Verse / Line: 4114     sagen ind den willen syn
Page of edition: 141  Verse / Line: 4115     ind neme't vp die sele myn,
Verse / Line: 4116     wilt ir volgen myme heren,
Verse / Line: 4117     id kompt uch zo groissen eren."
Verse / Line: 4118     "Got dancke vnsem heren ind dir bode!
Verse / Line: 4119     Sy vns willekome ind Gode!"
Verse / Line: 4120     Der breiff zo reichte gelesen wart.
Verse / Line: 4121     "Her kirchere ind er broder Wolfart,
Verse / Line: 4122     wir sullen uch gelust doin ind stille,
Verse / Line: 4123     nu sait vns vns heren wille,
Verse / Line: 4124     wir sullen eme so syn vnderdain,
Verse / Line: 4125     dat hei't in goede sal verstain."
Verse / Line: 4126     "Ir kirchere sprechet ir die wort."
Verse / Line: 4127     "Nein broder Wolfart, sait sy vort."
Verse / Line: 4128     "Gerne, broder Wolfart sprach.
Verse / Line: 4129     Do ich leste mynen heren saich,
Verse / Line: 4130     hoirt ich in duchden vre gewagen,
Verse / Line: 4131     der kirchere eme begonde sagen,
Verse / Line: 4132     wie her Dederich der Wise,
Verse / Line: 4133     die ein wijs man was van pryse
Verse / Line: 4134     ind van Molengassen dat gesleichte
Verse / Line: 4135     mit gewalt ind myt vnreichte
Verse / Line: 4136     verzalt wart ind verdreuen
Verse / Line: 4137     ind wie ir hus zo brochen bleuen."
Verse / Line: 4138     "En laist uch der zijt neit verdreissen,
Verse / Line: 4139     vrre boitschaff solt ir wail geneissen,
Verse / Line: 4140     wir sullens hauen vnsen rait
Verse / Line: 4141     ind besenden den edelen vait
Verse / Line: 4142     ind so vil gelouen ind geuen,
Verse / Line: 4143     hie sal myt vns wagen syn leuen.
Verse / Line: 4144     Geit zo der herbergen, schicket vr gemaich,
Page of edition: 142  Verse / Line: 4145     wir sullen dis doin vrunden gewach,
Verse / Line: 4146     ind als wale vns drup beraden,
Verse / Line: 4147     dat is myn here vns sal genaden
Verse / Line: 4148     ind laist uch verdreissen neit der zijt,
Verse / Line: 4149     vre pende werden wale quijt."
Verse / Line: 4150     Des neisten dagis altze hant
Verse / Line: 4151     wart der edele vait besant
Verse / Line: 4152     ind wart eme soisse vur gelaicht
Verse / Line: 4153     des busschofs helpe ind ir kraicht
Verse / Line: 4154     ind wart eme gesoisset so der munt,
Verse / Line: 4155     dat sy verdrogen zo der stunt:
Verse / Line: 4156     "Brode Wolfart ind yr kirchere
Verse / Line: 4157     vart weder an vnsen lieuen here,
Verse / Line: 4158     sait, ir hait vr boitschaff so gedreuen,
Verse / Line: 4159     dat wirs syn in vrme rade bleuen;
Verse / Line: 4160     wir willen eme sweren ind hulden,
Verse / Line: 4161     sait, dat wir lieuer steruen wolden,
Verse / Line: 4162     wir en solden eme zo hulden dienen
Verse / Line: 4163     ind vns weder setzen al den genen,
Verse / Line: 4164     die weder in haint mysdain,
Verse / Line: 4165     wilt hie vns zo staden stain.
Verse / Line: 4166     Doit in die stat komen vnsen heren,
Verse / Line: 4167     vnser sal so vil an in keren,
Verse / Line: 4168     dat eme syn wille sal geschein
Verse / Line: 4169     ind sal vil lieuer dage sein;
Verse / Line: 4170     want voren wir alsus virs myt in vort,
Verse / Line: 4171     da moisten aue spryngen wort."
Verse / Line: 4172     "Ir heren, sprach broder Wolfart,
Verse / Line: 4173     wir sullen vns heuen vp die vart,
Verse / Line: 4174     alle die wile dat sy leuen
Page of edition: 143  Verse / Line: 4175     dat sy uch nummer en begeuen,
Verse / Line: 4176     sus solen sy myt uch bestain,
Verse / Line: 4177     ir en sult in nummer aff gegain,
Verse / Line: 4178     mer ir sult in helpen weder,
Verse / Line: 4179     ir viande druckt in neder,
Verse / Line: 4180     dyt sult ir in doin gelouen,
Verse / Line: 4181     sus kompt ir al vrie dings enbouen;
Verse / Line: 4182     dan sullen wir sprechen den edelen vait
Verse / Line: 4183     ind geuen eme sulchen rait,
Verse / Line: 4184     (die vil gerne vre hulde
Verse / Line: 4185     here weder hauen solde)
Verse / Line: 4186     dat hie diesen luden behulplich sy
Verse / Line: 4187     ind ste in myt truwen by.
Verse / Line: 4188     Ir sult eme vr hulde weder geuen
Verse / Line: 4189     ind vurderen al vr leuen.
Verse / Line: 4190     Here wir sullen eme dar enbouen
Verse / Line: 4191     die stat doin pennynge gelouen,
Verse / Line: 4192     dat hie zo den Wisen wolde slain
Verse / Line: 4193     ind ir viande bestain;
Verse / Line: 4194     spricht hie zo der gemeinden ein wort,
Verse / Line: 4195     so geit hie alle vr wille vort,
Verse / Line: 4196     haint sy in zo eyme houftman,
Verse / Line: 4197     sy wenent alle segen dan.
Verse / Line: 4198     Here en laist vns neit langer bliuen,
Verse / Line: 4199     laist vns ryden dit dinck voldryuen,
Verse / Line: 4200     ir sult vil kurtlichen sein
Verse / Line: 4201     dat alle vr wille sal geschein."
Verse / Line: 4202     Der busschoff sprach: "Dese zale
Verse / Line: 4203     behait myr vssermaissen wale!
Verse / Line: 4204     Men do in schriuen myne brieue,
Page of edition: 144  Verse / Line: 4205     sait in myne hulde ind myne lieue,
Verse / Line: 4206     dyt sal syn ein geloue breiff,
Verse / Line: 4207     wat ir da maicht, dat is mir leiff."
Verse / Line: 4208     Van heren Hermans des greuen schulden,
Verse / Line: 4209     die gerne sich noch wrechen solden
Verse / Line: 4210     vp in ind ander die dat reiden,
Verse / Line: 4211     dat sy den schade in den laster leden,
Verse / Line: 4212     da hoirt ich antwerden mynen heren:
Verse / Line: 4213     "Dat in darff in neyman miskeren,
Verse / Line: 4214     want ich ducke wail vernomen,
Verse / Line: 4215     dat sy van der bester art sint herkomen
Verse / Line: 4216     ind van den altzten geschleichte,
Verse / Line: 4217     durch dat so moit it sy van reichte
Verse / Line: 4218     ind is in van hertzen leit,
Verse / Line: 4219     dat it in eirgen missegeit;
Verse / Line: 4220     willent sy sich myt myr verbunden,
Verse / Line: 4221     sy vreuwent sichs myt wijff ind kinden."
Verse / Line: 4222     "Ir heren wilt ir sweren myme heren,
Verse / Line: 4223     hie hilpt uch al vren laster keren;
Verse / Line: 4224     vre viande dat sint die sine,
Verse / Line: 4225     sy daden eme laster ind pyne;
Verse / Line: 4226     myn here sal dar vmb steruen
Verse / Line: 4227     mit uch, off hie hilpt sy uch verderuen.
Verse / Line: 4228     Nochtan is hie ein ander rait,
Verse / Line: 4229     hie is er Rutger der edel vait,
Verse / Line: 4230     de verloren hait myns heren hulde,
Verse / Line: 4231     dat hie uch truwelich helpen wolde
Verse / Line: 4232     ind vre viande drucken neder,
Verse / Line: 4233     hie gewynne myns heren hulde weder.
Verse / Line: 4234     Sleit her Rutger an mynen heren,
Page of edition: 145  Verse / Line: 4235     die gemeinde sal gerne an uch dan keren,
Verse / Line: 4236     wat uch dar vmb duncket goit gedain,
Verse / Line: 4237     kurtlich laisset vns dat verstain."
Verse / Line: 4238     Van der Portzen her Iohan
Verse / Line: 4239     vur sy alle sprechen began:
Verse / Line: 4240     "Got dancke vnsem lieuen heren,
Verse / Line: 4241     gueder grois ind aller eren
Verse / Line: 4242     van sente Columben her kirchere
Verse / Line: 4243     ind ir broder Wolfart here!
Verse / Line: 4244     Vnse here sal gerne zo vns komen
Verse / Line: 4245     zo vren eren ind zo vromen.
Verse / Line: 4246     Als helpe myr Got van hemelriche,
Verse / Line: 4247     ir sijt beraden vil wijsliche!
Verse / Line: 4248     Men solde it eme zo reichte prysen
Verse / Line: 4249     die uch alre eirst nante die Wisen;
Verse / Line: 4250     myn here sal uch richen weder
Verse / Line: 4251     ind al vre viande drucken neder!"
Verse / Line: 4252     Sus quamen sy weder an vren heren:
Verse / Line: 4253     "Ir moicht wail Gode dancken sere,
Verse / Line: 4254     vrs geluckes rait hadde sich verkeirt,
Verse / Line: 4255     des wort ir ind vr vrunt erueirt;
Verse / Line: 4256     nu kompt it vp synen ganck weder;
Verse / Line: 4257     die da aff geuallen woren neder,
Verse / Line: 4258     sy sullen snel weder vp stygen,
Verse / Line: 4259     ir sult is al vren wille erkrygen!
Verse / Line: 4260     Wat wir den Wisen vur gesaichten,
Verse / Line: 4261     zo goeden ende wir dat braichten.
Verse / Line: 4262     Here ir sult varen in die stat,
Verse / Line: 4263     vur al wair sain wir uch dat,
Verse / Line: 4264     die Wisen sullen uch alle sweren,
Page of edition: 146  Verse / Line: 4265     des moicht ir vil node entberen;
Verse / Line: 4266     sy sullen uch truwe geuen
Verse / Line: 4267     als lange als sy leuen,
Verse / Line: 4268     dat sy solen weder stain
Verse / Line: 4269     den die uch laster haint gedain;
Verse / Line: 4270     sy sullen uch here syn verbunden,
Verse / Line: 4271     dat sy uch helpen zo allen stunden;
Verse / Line: 4272     weder die Ouerstultze ind ir mage
Verse / Line: 4273     solen sy alt dat setzen in wage,
Verse / Line: 4274     dat in Got hait verluwen,
Verse / Line: 4275     des sult ir in reicht getruwen.
Verse / Line: 4276     Sy saint, der Wisen sy so vil,
Verse / Line: 4277     sy ouer geint sy wale myt allem spele.
Verse / Line: 4278     Here sprecht, dat men vre pert bereide,
Verse / Line: 4279     her zo en hoirt gein beide;
Verse / Line: 4280     die guede smede haint eynen seden;
Verse / Line: 4281     Als dat yseren heis is so willent sijs smeden;
Verse / Line: 4282     vrs willen sal bas werden begonnen,
Verse / Line: 4283     dan wir't uch gesagen kunnen.
Verse / Line: 4284     Wir essen ind maichen vns zo den perden,
Verse / Line: 4285     id sal vns wale zo wissen werden."
Verse / Line: 4286     Als scheir do der busschoff gas,
Verse / Line: 4287     zo den Wisen reit hie in die stat.
Verse / Line: 4288     Sy spraichen, dat ir vil lieue here
Verse / Line: 4289     Gode willekome were.
Verse / Line: 4290     Sy sworen ind spraichen eme zo hulden
Verse / Line: 4291     dat sy eme vmmer dienen wolden,
Verse / Line: 4292     id were daich, it were naicht,
Verse / Line: 4293     hie hedde it so vruntlich an sy braicht.
Verse / Line: 4294     "Ich doin uch mirre vruntschaff schin
Page of edition: 147  Verse / Line: 4295     behalde ich vort dat leuen myn.
Verse / Line: 4296     Wie steit it uch myt den wapen by?
Verse / Line: 4297     Ich wene ir lutzel mit uch sy."
Verse / Line: 4298     "Her wir sullen der genoich gewynnen."
Verse / Line: 4299     "So wil ichs alre eirst begynnen.
Verse / Line: 4300     Geit her zo myr broder Wolfart;
Verse / Line: 4301     nu doit in geuen hundert marck,
Verse / Line: 4302     da sy alre eirst wapen myt gelden;
Verse / Line: 4303     dat en sal vrre gein melden,
Verse / Line: 4304     noch wiue noch kinde sagen,
Verse / Line: 4305     dat ir myt myr hait ouerdragen.
Verse / Line: 4306     Ich sain uch heren wat ich raden,
Verse / Line: 4307     dat ir myt vil guden staden
Verse / Line: 4308     mit eirst vr dinck anevait
Verse / Line: 4309     ind dat ir uch neit en vergeit.
Verse / Line: 4310     Als ir der gemeinden sicher sijt,
Verse / Line: 4311     dan bescheit daich ind ein zijt,
Verse / Line: 4312     da ir zo houffe kompt gemeine
Verse / Line: 4313     ind besteit in zo geuen stryt allein."
Verse / Line: 4314     "Here wir sullen gerne myt vrme rade
Verse / Line: 4315     alle vnse dinck doin vro ind spade."
Verse / Line: 4316     Hie myt geingen sy gesunt.

Verse / Line: 4317        Dar na in vnlanger stunt
Verse / Line: 4318     heis der busschoff, dat men sy cleide
Verse / Line: 4319     mit scharlaichen ind gronen beide,
Verse / Line: 4320     dat men in der geue zwentzijch par,
Verse / Line: 4321     vp dat sy de bas worden gewar,
Verse / Line: 4322     dat der busschoff ir lieue here
Verse / Line: 4323     mit gantzen truwen ir vrunt were.
Verse / Line: 4324     Sus geingen irre zwentzijch der Wisen,
Page of edition: 148  Verse / Line: 4325     des moichten sy den busschoff prysen,
Verse / Line: 4326     mit scharlaichen ind gronen vndersneden,
Verse / Line: 4327     gecleit na ritterlichen seden.
Verse / Line: 4328     Do die Ouerstultze sagen
Verse / Line: 4329     die Wisen dese cleider dragen,
Verse / Line: 4330     der greue myn here Herman
Verse / Line: 4331     begonde sy vragen an,
Verse / Line: 4332     off sy yet hedden vernomen
Verse / Line: 4333     wan in die cleider weren komen.
Verse / Line: 4334     "Ia, der busschoff hait sy gegeuen!"
Verse / Line: 4335     "So mir myn lijff ind myn leuen,
Verse / Line: 4336     weme dat men so groisse gaue gift, (geit)
Verse / Line: 4337     zo vergeiffs en is it neit!
Verse / Line: 4338     Die vruntschaff vnder in is clein,
Verse / Line: 4339     ich raden't dat wir't alle gemein
Verse / Line: 4340     kurtlich geissent in dat vas,
Verse / Line: 4341     dat sy vp vns laissen allen has,
Verse / Line: 4342     so dat wir sicher vur sy sin,
Verse / Line: 4343     dat rade ich by der selen myn,
Verse / Line: 4344     so goit is it wesen myt gemaiche
Verse / Line: 4345     ind sicher slaiffen vnder daiche."
Verse / Line: 4346     Do Herman sine wort hadde vs gelaicht:
Verse / Line: 4347     "Vede is zo allen zijden goit aff gelaicht,
Verse / Line: 4348     her Mathis der vait dat sprach,
Verse / Line: 4349     men bespreche eynen mynnentlichen daich,
Verse / Line: 4350     wir hain vnder vns gemeine vrunt,
Verse / Line: 4351     den doin wir dese mere kunt
Verse / Line: 4352     ind laissen sy vmb dat beste weruen,
Verse / Line: 4353     e dan wir vnder ein verderuen;
Verse / Line: 4354     ouch laist vns dat kurtlich enden,
Page of edition: 149  Verse / Line: 4355     dat wir na dem greuen van Guylche senden,
Verse / Line: 4356     dat hie myt luden snel wil komen,
Verse / Line: 4357     wir schriuen eme wat wir hain vernomen,
Verse / Line: 4358     laist vns wesen die wile in hoeden,
Verse / Line: 4359     so doin wir alze vruden.
Verse / Line: 4360     Neyman en ge vnder sy allein,
Verse / Line: 4361     laist vns samen gain gemein,
Verse / Line: 4362     off eyman wille ane gain,
Verse / Line: 4363     dat wir in mogen weder stain;
Verse / Line: 4364     want wie wir segelois bleuen,
Verse / Line: 4365     wir weren doit ind verdreuen."
Verse / Line: 4366     Her vmb worden alze hant
Verse / Line: 4367     die Hardevuyste besant
Verse / Line: 4368     ind andere irre gemeine vrunt.
Verse / Line: 4369     Die Ouerstultze daden in kunt,
Verse / Line: 4370     wie der busschoff cleider hedde gegeuen
Verse / Line: 4371     den Wisen vp ir ere ind ir leuen
Verse / Line: 4372     ind hundert marck pennynge zo volleisten,
Verse / Line: 4373     dat sy die bas moichten geleisten
Verse / Line: 4374     wapen ind wes in were noit,
Verse / Line: 4375     vp heren Hermans des greuen doit
Verse / Line: 4376     ind syner vrunde, we die weren
Verse / Line: 4377     sulde men intliuen ind interen.
Verse / Line: 4378     Die Hardevuste spraichen: "Sijt in hoeden
Verse / Line: 4379     bys wir dese dinck vergoiden;
Verse / Line: 4380     wir willens gain eynen daich sprechen
Verse / Line: 4381     ind die vede, off Got wilt, zebrechen,
Verse / Line: 4382     die en tusschen uch is ind vnder in,
Verse / Line: 4383     so en darff vort me noch myn;
Verse / Line: 4384     eyn wort helt noch den alden sede:
Page of edition: 150  Verse / Line: 4385     Da got hude is, da is vrede."
Verse / Line: 4386     Alsus mens eynen daich besprach
Verse / Line: 4387     ind vp den nemelichen daich,
Verse / Line: 4388     do der greue van Gulche den vernam,
Verse / Line: 4389     mit dryn hunderden hie gereden quam
Verse / Line: 4390     ind began myt vlisse sprechen,
Verse / Line: 4391     hie wolde die vede zo breichen,
Verse / Line: 4392     vp dat die stat eindreichtich were,
Verse / Line: 4393     so beheilden sy ir stat ind ir ere.
Verse / Line: 4394     Zo sent Laurencio wart der dach besprochen,
Verse / Line: 4395     die vede wart alda zo brochen,
Verse / Line: 4396     alsus als ich uch sagen sal.
Verse / Line: 4397     Sy geingen irs dinges al
Verse / Line: 4398     die Wysen ind der greue her Herman
Verse / Line: 4399     vp den greue van Gulche ind noch veir man,
Verse / Line: 4400     die wille ich uch offenbaren,
Verse / Line: 4401     ich sain uch wie die veir waren:
Verse / Line: 4402     Her Bruyn Hardevuyst ind her Heinrich
Verse / Line: 4403     syn broder, die namen't vp sich
Verse / Line: 4404     ind van der Portzen myn here Gerart,
Verse / Line: 4405     her Iohan Marsilis son der veirde wart.
Verse / Line: 4406     Dese vunfe en woldens neit entberen,
Verse / Line: 4407     die Wisen en moisten sweren,
Verse / Line: 4408     wat sonen sy vnder in bespreichen,
Verse / Line: 4409     dat sy die nummer en zebreichen.
Verse / Line: 4410     Sus sworen die Wisen heymlich
Verse / Line: 4411     vp dem licham Godes van hemelrich,
Verse / Line: 4412     wat sonen sy vnder in bespreichen,
Verse / Line: 4413     dat sy die nummer en zebreichen.
Verse / Line: 4414     Nu hoirt wie der greue van Guylche sprach
Page of edition: 151  Verse / Line: 4415     do hie die Wisen ane saich:
Verse / Line: 4416     "Hoirt ir Wisen, ich wille uch sagen
Verse / Line: 4417     wie wir der sonen syn ouerdragen:
Verse / Line: 4418     Men sal in vrbore der steyde
Verse / Line: 4419     setzen eyne alsulchen bede,
Verse / Line: 4420     da myt men gelde der steide schoult,
Verse / Line: 4421     dar zo vordert ind sijt in holt
Verse / Line: 4422     ain weder zale ind sonder zorn
Verse / Line: 4423     als ir heren hait gesworen;
Verse / Line: 4424     men sal uch heren van der beden,
Verse / Line: 4425     dat ir myt mynnen ind myt vreden
Verse / Line: 4426     vort myt in sijt al vr leuen,
Verse / Line: 4427     seis hundert marck zo vorentz geuen;
Verse / Line: 4428     so wie ir dit weder spreicht,
Verse / Line: 4429     so wist dat ir die sone zobreicht
Verse / Line: 4430     ind wert meyneidich, dat Got en wille;
Verse / Line: 4431     ir sult offenbair ind stille
Verse / Line: 4432     vort me vnder uch wesin
Verse / Line: 4433     ind myt ein steruen ind genesen."
Verse / Line: 4434     Hie myt swegen die Wisen stille
Verse / Line: 4435     ind bleuens doch in bosen wille.
Verse / Line: 4436     Hie myt began der rait gescheiden
Verse / Line: 4437     ind wainden der sonen van in beiden.
Verse / Line: 4438     Herna wart die beide gesat
Verse / Line: 4439     vp rich ind arm van der stat
Verse / Line: 4440     ind wart in gekundicht, wat
Verse / Line: 4441     mallich van in gelden solde
Verse / Line: 4442     ind wan e men dat gelt hauen wolde.
Verse / Line: 4443     Eyn daich wart dar zo vp gelaicht
Verse / Line: 4444     ind wart der steyde vur gesaicht
Page of edition: 152  Verse / Line: 4445     Do geingen die Wysen heymliche
Verse / Line: 4446     beyde an arm ind an riche
Verse / Line: 4447     ind spraichen, wie sy des gestaden wolden
Verse / Line: 4448     dat in die Ouerstoltze solden
Verse / Line: 4449     brechen sus jemerlichen aff ir goit,
Verse / Line: 4450     wie sy is hedden so goeden moit?
Verse / Line: 4451     Sy spraichen: "Moichten wir des weder stain,
Verse / Line: 4452     id worde vns vnlange gedain."
Verse / Line: 4453     "Wilt ir vns helpen weder sy,
Verse / Line: 4454     so blift ir vmmer beden vry,
Verse / Line: 4455     vnberouft ind vnbeschat
Verse / Line: 4456     die zo Coelne wonent in der stat."
Verse / Line: 4457     Samt sich verb(r)ant sus algeliche
Verse / Line: 4458     die gemeinde arm ind riche
Verse / Line: 4459     mit den Wisen grois ind clein
Verse / Line: 4460     weder die Ouerstultze algemein,
Verse / Line: 4461     dat sy sy ane veichten solden
Verse / Line: 4462     wanne dat die Wisen wolden.
Verse / Line: 4463     Sus quam die mere, die ney gelach,
Verse / Line: 4464     also scheir als dit gelaich (geschaich?),
Verse / Line: 4465     die dat den Ouerstoltzen saichte
Verse / Line: 4466     ind heren Hermanne zo oren braichte
Verse / Line: 4467     dem greuen, dem maise wale
Verse / Line: 4468     behait alsus gedane zale:
Verse / Line: 4469     "Sere hie sich an eren krencket,
Verse / Line: 4470     die na soenen veden dencket!
Verse / Line: 4471     Verreder solen sone sweren
Verse / Line: 4472     ind na breichen begeren!
Verse / Line: 4473     Vp myne sele ind vp myn ere,
Verse / Line: 4474     ich wainde die sone stede were.
Page of edition: 153  Verse / Line: 4475     Nu laist vns na dem greuen senden
Verse / Line: 4476     e sy vns krencken off schenden."
Verse / Line: 4477     Sus wart vmb den greue gesant.
Verse / Line: 4478     Hie quam snel ind alze hant.
Verse / Line: 4479     Als dat die Ouerstultze vernamen,
Verse / Line: 4480     zo dem greuen dat (dar?) sy quamen
Verse / Line: 4481     ind der greue her Herman
Verse / Line: 4482     die alsus sprechen began:
Verse / Line: 4483     "Hiere die van Molegassen
Verse / Line: 4484     solde Got ind alle die werelt hassen!
Verse / Line: 4485     Here wa wart dat ye gesein,
Verse / Line: 4486     (wilt Got, it en sal nummer geschein!)
Verse / Line: 4487     wat goede lude swerent ind sprechent,
Verse / Line: 4488     dat sy dat liegen ind brechent!
Verse / Line: 4489     Here nochtan maich men't den Wisen
Verse / Line: 4490     zo reichte louen ind prysen!
Verse / Line: 4491     Sy haint myt der gemeinden ouerdragen,
Verse / Line: 4492     wir solen verdreuen syn ind erslagen;
Verse / Line: 4493     here it duncket vns allit syn verloren
Verse / Line: 4494     dat sy uch geloift hain ind gesworen!
Verse / Line: 4495     Durch Got here, des rait vns, e
Verse / Line: 4496     dan men vns morde ind ersle,
Verse / Line: 4497     wie men in so weder ste,
Verse / Line: 4498     dat sijs gedencken vmmerme!"
Verse / Line: 4499     Der greue antworden in began
Verse / Line: 4500     als ein wijs gezogen man:
Verse / Line: 4501     "Meyneidige ind logenere
Verse / Line: 4502     erkrygent selden vrome ind ere;
Verse / Line: 4503     men sijt sy des selden begynnen
Verse / Line: 4504     da sy ere myt gewynnen!
Page of edition: 154  Verse / Line: 4505     Ir heren nu rait selue her zo
Verse / Line: 4506     wat men snel her weder do."
Verse / Line: 4507     "Here den burgermeister den doit besenden,
Verse / Line: 4508     die der stede segel hai(n)t vnder henden."
Verse / Line: 4509     Sus wart her Lodewich besant.
Verse / Line: 4510     Hie quam zo richte ind altze hant.
Verse / Line: 4511     Men heis in dat segel van der steide.
Verse / Line: 4512     "Da en hoirte weder dreuwe noch bede,
Verse / Line: 4513     dat ich it vmmerme gegeue
Verse / Line: 4514     also lange als ich leue!"
Verse / Line: 4515     "In truwen ind ir geuangen sijt,
Verse / Line: 4516     off ir wert des segels quijt."
Verse / Line: 4517     Do er Lodewich geuangen wart,
Verse / Line: 4518     syn kneicht leiff balde myt der vart
Verse / Line: 4519     ind dede it den Wisen kunt.
Verse / Line: 4520     Sy houen sich zo der seluer stunt
Verse / Line: 4521     snellich in die mutate ligen,
Verse / Line: 4522     zo den canonigen wert sy krygen,
Verse / Line: 4523     da sy in wale seis wechen lagen
Verse / Line: 4524     beide myt vrunden ind myt magen.
Verse / Line: 4525     Hie en bynnen her Lodewich entgenck,
Verse / Line: 4526     den men vmb dat segel veinck.

Verse / Line: 4527        Nv moicht ir horen wat geschaich
Verse / Line: 4528     vp den nemelichen daich,
Verse / Line: 4529     do die seis wechen vmb quamen.
Verse / Line: 4530     Die Wisen harde wale vernamen,
Verse / Line: 4531     wie der greue ind die sine saissen
Verse / Line: 4532     in er Parfusen hus ind aissen,
Verse / Line: 4533     der edel vait alda myt in,
Verse / Line: 4534     dat sy sich huden des die myn,
Page of edition: 155  Verse / Line: 4535     ind hadde der gemeynen gegeuen
Verse / Line: 4536     rait vmb alle der geinre leuen,
Verse / Line: 4537     die deme greuen woren hult.
Verse / Line: 4538     Des en hadde der greue neit verschult.
Verse / Line: 4539     Die Wisen wapenden sich snelliche
Verse / Line: 4540     ind die gemeinde arm ind riche
Verse / Line: 4541     ind wainden den greuen hain vonden
Verse / Line: 4542     ouer taiffelen zo den seluen stunden,
Verse / Line: 4543     ind der Ouerstultze ein michel deil
Verse / Line: 4544     wainden sy da nemen in ir seil.
Verse / Line: 4545     Der greue zo hant dit vernam
Verse / Line: 4546     vp synen lufart dat hie quam
Verse / Line: 4547     ind geinck da mallich hene veigen,
Verse / Line: 4548     da en were neit goit langer gelegen.
Verse / Line: 4549     Als sy sus den greuen wainden vinden,
Verse / Line: 4550     sy daden ir baneire vp bynden
Verse / Line: 4551     ind treckden da sy den greuen wisten,
Verse / Line: 4552     den sy wainden gryffen myt listen,
Verse / Line: 4553     ind als sy quamen vur dat hus,
Verse / Line: 4554     sy en vonden katze noch die mus;
Verse / Line: 4555     sy worden zornich ind gram,
Verse / Line: 4556     dat in der greue alsus intquam.
Verse / Line: 4557     Ire zorn quam syme huys zo sure,
Verse / Line: 4558     sy worpen't neder myt dem vuyr.
Verse / Line: 4559     Mit dem quam der vait geredin
Verse / Line: 4560     gewapent na ritterlichen seden.
Verse / Line: 4561     En were der greue entwichen neit,
Verse / Line: 4562     in weis wat eme da were gescheit.
Verse / Line: 4563     Die wile dat die Wisen waren
Verse / Line: 4564     bekummert myt irre scharen
Page of edition: 156  Verse / Line: 4565     mit des greuen hus, wapenden sich
Verse / Line: 4566     die Ouerstoltze ir ewelich.
Verse / Line: 4567     Do des greuen hus was al verbrant,
Verse / Line: 4568     sy treckden snel ind altzo hant
Verse / Line: 4569     vur die portzen; die wonnen sy
Verse / Line: 4570     alle zo male bis vp dry.
Verse / Line: 4571     Do men die portzen sus gewan,
Verse / Line: 4572     der edel vait sprechen began:
Verse / Line: 4573     "Ir heren ir en keirt van den portzen neit,
Verse / Line: 4574     bis dat ir uch wail vurbeseit,
Verse / Line: 4575     wir ir sy nu ind zo aller zijt
Verse / Line: 4576     behalt ind des sicher sijt."
Verse / Line: 4577     Hie en bynnen quam ein rich man,
Verse / Line: 4578     die dem vaide sagen began:
Verse / Line: 4579     "Her vait wilt ir hauen ere,
Verse / Line: 4580     ind groissis schatz werden here,
Verse / Line: 4581     so rijt balde in Viltzengraue
Verse / Line: 4582     ind in Ryngassen; die haue
Verse / Line: 4583     die van uch alda wirt gewonnen,
Verse / Line: 4584     en sal men neit gezellen konnen;
Verse / Line: 4585     ir sult sy sonder wer wynnen,
Verse / Line: 4586     sich en dar weren neyman begynnen,
Verse / Line: 4587     sint der greue entfluwen is,
Verse / Line: 4588     des sijt sicher ind gewijs;
Verse / Line: 4589     vre weder saichen sint entwichen
Verse / Line: 4590     ind vs der stat, wene ich, gestrichen,
Verse / Line: 4591     her vait heft uch balde van hynne,
Verse / Line: 4592     e ein ander den schatz gewynne!"
Verse / Line: 4593     "So myr myn lijff ind myn leuen,
Verse / Line: 4594     so wil ich richtes dar wert heuen!
Page of edition: 157  Verse / Line: 4595     Nu volcht myr hude arm ind riche,
Verse / Line: 4596     ir blift is heren sicherliche;
Verse / Line: 4597     vp wen ich vare, off wair ich vare,
Verse / Line: 4598     durch Got, so nempt myns liues ware!"
Verse / Line: 4599     "Ir vait wir solen so zo uch sein,
Verse / Line: 4600     dat uch en sal gein arch geschein;
Verse / Line: 4601     nu mois is vns Got selue gonnen,
Verse / Line: 4602     hude wirt haue ind goit gewonnen,
Verse / Line: 4603     wir werden noch hude so riche, ir heren,
Verse / Line: 4604     wir en sullen neit wissen war goit keren!"

Verse / Line: 4605        Die Ouerstultze wail vernamen,
Verse / Line: 4606     dat der vait ind ir viande quamen.
Verse / Line: 4607     Her Gotschalck Ouerstultz begonde sein, -
Verse / Line: 4608     ind heis sy vallen vp ir knein, -
Verse / Line: 4609     wa ein preister braichte gedragen
Verse / Line: 4610     Godes licham ind begond sagen:
Verse / Line: 4611     "Ir heren nu biddet al gelich
Verse / Line: 4612     den richen Got van hemelriche,
Verse / Line: 4613     des licham wir hie komen sein,
Verse / Line: 4614     dat na reichte vns mois geschein;
Verse / Line: 4615     als wirlich wir des syn gewis,
Verse / Line: 4616     dat Godes son algeweldich is,
Verse / Line: 4617     so moisse hie it hude selue wrechen,
Verse / Line: 4618     die vnder vns vrede ind sone brechen,
Verse / Line: 4619     ind van Molengassen dem gesleichte
Verse / Line: 4620     dat richte Got hude reicht
Verse / Line: 4621     ind die gerne in vreden werin,
Verse / Line: 4622     die behalde Got hude in eren!"
Verse / Line: 4623     Mit dem quam her Bruyn Scherffgin
Verse / Line: 4624     ind dede in vruntschaff schin
Page of edition: 158  Verse / Line: 4625     ind her Hilger van der Stessen
Verse / Line: 4626     mit den vrunden sin wale vermessen.
Verse / Line: 4627     Die Ouerstultze spraichen zo den heren,
Verse / Line: 4628     dat sy Gode willekome weren.
Verse / Line: 4629     Nu hoirt wie er Hilger sprach:
Verse / Line: 4630     "Ich sain uch ir heren wat ich saich
Verse / Line: 4631     ind vil guder lude sagen,
Verse / Line: 4632     dat der Wisen hende lagen
Verse / Line: 4633     vp dem gebenediden lichame
Verse / Line: 4634     vns heren ind sworen samen,
Verse / Line: 4635     dat sy nummer en solden wrechen
Verse / Line: 4636     vede vp uch, noch vrede zo brechen;
Verse / Line: 4637     wert uch, ir sult myt vreuden sein,
Verse / Line: 4638     dat uch ere sal geschein!
Verse / Line: 4639     Der duuel schent sy alsamen
Verse / Line: 4640     die meyneide swerent myt Godes namen!
Verse / Line: 4641     Got lais't vns zo dem besten gain,
Verse / Line: 4642     ir helpen sal vil an vns slain!"
Verse / Line: 4643     Die Cleingedencke quamen als heren;
Verse / Line: 4644     men wainde ein wile dat sy viande weren,
Verse / Line: 4645     bys dat sy also na dar quamen,
Verse / Line: 4646     dat die Ouerstultze ir groisse vernamen.
Verse / Line: 4647     Sy sprachen: "Ir heren sijt vnuerzait,
Verse / Line: 4648     Godes vrunt haint drucke prijs beiait,
Verse / Line: 4649     Got sal vnse helper wesen starck,
Verse / Line: 4650     sy versmeden seis hundert marck
Verse / Line: 4651     ind sworen Gode ind uch vruntschaff,
Verse / Line: 4652     des steint sy Gode ind ouch uch aff,
Verse / Line: 4653     des sal in Got hude weder stain
Verse / Line: 4654     ind sal uch ind vns zo dem besten gain;
Page of edition: 159  Verse / Line: 4655     meyneidige bliuent alle geschant,
Verse / Line: 4656     dat haint die Wisen in der hant."
Verse / Line: 4657     Heren Bruyns Hardevuyst broder, her Heinrich,
Verse / Line: 4658     sprach eynen goeden manne wail gelich;
Verse / Line: 4659     men sal it vmmer eme zo reichte prysen:
Verse / Line: 4660     do hie saich syn mage die Wisen
Verse / Line: 4661     meindedich werden ind truwelois,
Verse / Line: 4662     da men zo vrunde in myt verlois,
Verse / Line: 4663     vmb ir vntruwe was hie weder sy
Verse / Line: 4664     ind stoint den Ouerstultzen by.
Verse / Line: 4665     Mich dunckt syn truwe hait dat verschult,
Verse / Line: 4666     dat sy eme zo reichte solen wesen hult.
Verse / Line: 4667     Die Ouerstoltze ye bas vernamen
Verse / Line: 4668     dat der vait ind gemeinde quamen.
Verse / Line: 4669     Hoirt wie syn dinck do ane veinck.
Verse / Line: 4670     Her Zander Iude do balde geinck
Verse / Line: 4671     vp den Torenmart als ein here,
Verse / Line: 4672     hie reiff luder stymmen sere,
Verse / Line: 4673     oue da rittere off sariant were,
Verse / Line: 4674     off schutze, die der steyde ir ere
Verse / Line: 4675     hulpen behalden, sy wolden eme gebin,
Verse / Line: 4676     dat hie is de bas moichte al syn leuen.
Verse / Line: 4677     Do her Vrederich van Bickenbaich dat vernam
Verse / Line: 4678     dat neyman in syn helpe en quam:
Verse / Line: 4679     "Synt wir der stede noit hain vernomen,
Verse / Line: 4680     wir willen ir zo helpen komen,
Verse / Line: 4681     neit vmb haue noch vmb goit,
Verse / Line: 4682     hait ir gesellen mynen moit."
Verse / Line: 4683     Syner gesellen spraichen zweilue geliche:
Verse / Line: 4684     "Als helpe vns Got van hemelriche,
Page of edition: 160  Verse / Line: 4685     id dunckt vns allen goit gedain
Verse / Line: 4686     dat wir der stede in staden stain!"
Verse / Line: 4687     Sy wapenden sich snel ind quamen,
Verse / Line: 4688     eicht armburst in ire hant sy namen
Verse / Line: 4689     wale bereit ind vp gespannen;
Verse / Line: 4690     sy quamen myt zwelff guden mannen,
Verse / Line: 4691     als sy it des dages wail daden schin.
Verse / Line: 4692     Men heisch sy Gode willekome syn.
Verse / Line: 4693     Her Mathis Ouerstultz sprach
Verse / Line: 4694     do hie dat volck komen saich:
Verse / Line: 4695     "Wat solen wirs vur keren?"
Verse / Line: 4696     Her Frederiche sprach: "Rijt myt gemaiche ir heren,
Verse / Line: 4697     heist vre lude stain ind geroin,
Verse / Line: 4698     ir sult wail sein wat wir sullen doin;
Verse / Line: 4699     als men viende komen sijt,
Verse / Line: 4700     dan eirst is it doins zijt."
Verse / Line: 4701     Die Ouerstultze richt vernamen
Verse / Line: 4702     dat ir viande vp sy quamen;
Verse / Line: 4703     nu hoirt wie hier Mathis sprach,
Verse / Line: 4704     do hie die viende komen saich:
Verse / Line: 4705     "Hude rade ich vrunden ind magen
Verse / Line: 4706     durch Got dat sy neit en verzagen,
Verse / Line: 4707     noch vrre gein dem anderen entflie;
Verse / Line: 4708     wir sein vp vns komen hie
Verse / Line: 4709     die vns off sy mogen verderuen
Verse / Line: 4710     beide an liue, an goede, an eruen;
Verse / Line: 4711     wir konnen ouel bidden broit,
Verse / Line: 4712     wir en hain goit, kint, noch wijff geuloit,
Verse / Line: 4713     vns is vil besser ein eirlich doit.
Verse / Line: 4714     So myr Got die mich geboit,
Page of edition: 161  Verse / Line: 4715     da wir schentlich vns verdriuen
Verse / Line: 4716     leissen myt kinden ind myt wiuen,
Verse / Line: 4717     id solde vns namails ruwen sere,
Verse / Line: 4718     solden wir nu werden bedelere!
Verse / Line: 4719     Noch hude sal men vrunt hie sein,
Verse / Line: 4720     des sal men noch hernamails gein!
Verse / Line: 4721     Mallich were hude sins selues leuen!
Verse / Line: 4722     Got selue hait vns helpe gegeuen,
Verse / Line: 4723     der wir, off Got wil, soelen geneisen!
Verse / Line: 4724     Die myt armbursten konnen scheissen,
Verse / Line: 4725     sy sullen vianden geraden we.
Verse / Line: 4726     En erbeit neit dat men vp uch sle,
Verse / Line: 4727     hait den vurslaich, sleit slaich myt slage,
Verse / Line: 4728     versteit vil reicht wat ich uch sage,
Verse / Line: 4729     sleit bitterlich vp sy myt nide,
Verse / Line: 4730     en roket neit wie vil ire vp uch stryde;
Verse / Line: 4731     sege en hait an vil volckes neit,
Verse / Line: 4732     hie wirt, den in Got selue geit;
Verse / Line: 4733     bit des Got alle van hemelriche,
Verse / Line: 4734     dat hie vns helpe vederliche,
Verse / Line: 4735     als wirlich wir gerne in vreden weren,
Verse / Line: 4736     so behalde hie vns hude in eren!"
Verse / Line: 4737     "Got vil gnedich vader! Amen!"
Verse / Line: 4738     spraichen die Ouerstultze alle samen.
Verse / Line: 4739     Mit dem gredin quam der vait,
Verse / Line: 4740     die schutzen haddens kurten rait,
Verse / Line: 4741     sy veilen vur den heuberch neder,
Verse / Line: 4742     sy schussen so sere weder
Verse / Line: 4743     vp die gemeind(i)e die da quamen;
Verse / Line: 4744     do sy die pile scharp vernamen,
Page of edition: 162  Verse / Line: 4745     balde sy aichter rugge traden
Verse / Line: 4746     ind die myn zo stryde daden.
Verse / Line: 4747     Do begonde men rouffen ind sagen,
Verse / Line: 4748     die gemeinde vluwen alse zagen,
Verse / Line: 4749     mit des die kettene men zebrach
Verse / Line: 4750     die vur her Hermans hus des greuen laich,
Verse / Line: 4751     ind alse scheir sy zobrochen wart,
Verse / Line: 4752     die Ouerstultze quamen myt der vart
Verse / Line: 4753     eyn deil zo voisse, ein deil geredin,
Verse / Line: 4754     als Dederich van Berne sy streden;
Verse / Line: 4755     dryhundert wenich off myn
Verse / Line: 4756     saich men sich deilen da in dryn.
Verse / Line: 4757     Her Mathis myt synre geselschaff
Verse / Line: 4758     die eme Got zo helpen gaff,
Verse / Line: 4759     saich men vromelichen stryden
Verse / Line: 4760     vur dem heuberge an der syden.
Verse / Line: 4761     In mitz in der straissen quam geredin
Verse / Line: 4762     der vait; die geredin myt eme stredin.
Verse / Line: 4763     Als scheir als her Gotschalck saich
Verse / Line: 4764     Ouerstultz, vp den vait hie staich;
Verse / Line: 4765     her Herman der Rode ind Rutger van Gale
Verse / Line: 4766     dese dry braichen vp in zemale
Verse / Line: 4767     ind gauen eme so menchen groissen slaich,
Verse / Line: 4768     dat men dat vur da vs spryngen saich.
Verse / Line: 4769     Men sloich in sere ind hie sloich weder,
Verse / Line: 4770     hie wart geslagen so dar neder,
Verse / Line: 4771     dat hie ney vp en gestoint seder,
Verse / Line: 4772     so woren eme erslagen syn leder.
Verse / Line: 4773     Die in dar braichten in dat leit
Verse / Line: 4774     daden reicht als der kreiftz deit
Page of edition: 163  Verse / Line: 4775     wanne dat men na eme veit,
Verse / Line: 4776     vil balde hie aichter rucge geit,
Verse / Line: 4777     als her Willem van Polim ind ander daden,
Verse / Line: 4778     die den vait myt in dar komen baden,
Verse / Line: 4779     den dede hie grois ind rich geheis
Verse / Line: 4780     ind nam eme dat leuen, Gode weis.
Verse / Line: 4781     Hoirt wie die selue Willem sprach
Verse / Line: 4782     do hie den vait doit ligen saich:
Verse / Line: 4783     "Eme en is der sege neit al benomen,
Verse / Line: 4784     die myt dem liue hie maich intkomen."
Verse / Line: 4785     Sus spraichen sy in seluen zo ruwen,
Verse / Line: 4786     die deme vaide lesterlich intfluwen
Verse / Line: 4787     ind entheissen hadden wale;
Verse / Line: 4788     mit laster entfluwen sy eme zo male.
Verse / Line: 4789     Do sus der vait verwonnen laich,
Verse / Line: 4790     nu hoirt wie her Mathis sprach:
Verse / Line: 4791     "Die heuft vnser viande leit neder,
Verse / Line: 4792     Got, vnse houft, dat was eme weder,
Verse / Line: 4793     dat was syner vntruwen scholt,
Verse / Line: 4794     hie nam siluer ind vnse golt
Verse / Line: 4795     ind geinck vns aff in guden truwen,
Verse / Line: 4796     dat maich nu wale die sele ruwen!
Verse / Line: 4797     Myn here Heinrich Cleinegedanck,
Verse / Line: 4798     Got weis uch vrre truwen danck!
Verse / Line: 4799     Ir seit hie zeindusent man off me,
Verse / Line: 4800     die vns zeiszeinen sint gegeuen e
Verse / Line: 4801     ind vns, off sy moichten, erslain;
Verse / Line: 4802     nu sal't Got hude ane vain.
Verse / Line: 4803     Her Herman Cleinegedanck sijt des gewijs,
Verse / Line: 4804     dat Got hude vns voirveichter is,
Page of edition: 164  Verse / Line: 4805     hundert dusent laissent uch allein,
Verse / Line: 4806     reicht als ir were neit dan ein;
Verse / Line: 4807     eyn slaich van vns sal hundert slain,
Verse / Line: 4808     laist vns sy coinlich ane gain!"
Verse / Line: 4809     Da myt dranck vur er Heinrich
Verse / Line: 4810     deme coynen Heynen wail gelich,
Verse / Line: 4811     ind syn broder myn here Herman
Verse / Line: 4812     schuffeirden des dagis menchen man
Verse / Line: 4813     ind myt in vele van den Cleinengedencken
Verse / Line: 4814     saich men die Wisen sere krencken.
Verse / Line: 4815     Do saich her Mathis ind vernam,
Verse / Line: 4816     dat hie vp heren Lodewige quam
Verse / Line: 4817     heren Heinrichs son des Wisen broder;
Verse / Line: 4818     hie sturte reicht vp in syn roder
Verse / Line: 4819     ind began vp eren Mathis sprechen:
Verse / Line: 4820     "Her moder son, nu sullen wir wrechen
Verse / Line: 4821     vre groisse kundicheit ind ouerbraicht,
Verse / Line: 4822     die ir vns ducke hait vurgelaicht!
Verse / Line: 4823     Ir kundich schalck, ir sult vr leuen
Verse / Line: 4824     vp der stat hie drum geuen!"
Verse / Line: 4825     Her Mathis hoischlichen sprach:
Verse / Line: 4826     "Als Got wilt ind men noch saich!"
Verse / Line: 4827     Mit deme sloich her Mathis eme einen slaich,
Verse / Line: 4828     dat hie vil na dar neder laich.
Verse / Line: 4829     Her Zander Iude die geinck
Verse / Line: 4830     by her Mathise ind intfeinck
Verse / Line: 4831     heren Lodewichs wort in fellen mode,
Verse / Line: 4832     hie sweir: "So myr Got der guede,
Verse / Line: 4833     dat ir ye vp mynen heren
Verse / Line: 4834     sprechen dorst, dat hie were
Page of edition: 165  Verse / Line: 4835     eyn moder son, it cost vr leuen,
Verse / Line: 4836     off ich sal dat myn dar vmb geuen!"
Verse / Line: 4837     Da myt durch dranck sy der kone Costin
Verse / Line: 4838     van der Aducht: "By der selen myn,
Verse / Line: 4839     it en sal neyman dan ich wrechen,
Verse / Line: 4840     ich sal eme syn zunge dar vmb zebrechen,
Verse / Line: 4841     dat hie den horen son ie gesprach,
Verse / Line: 4842     it wirt hude sin Domes daich!"
Verse / Line: 4843     Sus gauen sy eme so groisse slege,
Verse / Line: 4844     dat hie in intran ouer die stege
Verse / Line: 4845     zo sent Ioris wert.
Verse / Line: 4846     Hoirt wes hie begert,
Verse / Line: 4847     hie wilt in die mutate weder
Verse / Line: 4848     ind Gerart Ouerstultz leiff in neder.
Verse / Line: 4849     Do hie vp wainde stain,
Verse / Line: 4850     sy zwene begunden vp in slain
Verse / Line: 4851     her Rutger Ouerstultz ind Heinrich
Verse / Line: 4852     van dem Cranen; ir eweliche
Verse / Line: 4853     sloich vp in so bitterlichen sere,
Verse / Line: 4854     dat hie den preister heis ind vnse here.
Verse / Line: 4855     "Her burgermeister, sprach her Rutger,
Verse / Line: 4856     Godis licham is so geher,
Verse / Line: 4857     dat ir ind alle die meyneit sweren
Verse / Line: 4858     by Gode Godes licham solen intberen!"
Verse / Line: 4859     Mit deme so wart eme ein slaich,
Verse / Line: 4860     dat hie vur doit sint vmmer laich.
Verse / Line: 4861     Her Mathis geinck vp der ander siden
Verse / Line: 4862     do eirst vp syn viande stryden
Verse / Line: 4863     ind quam vp ver Yden kint der roder,
Verse / Line: 4864     hie en sloich vp sy neit die noder,
Page of edition: 166  Verse / Line: 4865     ind vp die van der alder Beerin.
Verse / Line: 4866     Do geinck it sich alre eirst an ein weren!
Verse / Line: 4867     Da en saich men Vogel van dem Aren
Verse / Line: 4868     des dages engeynen vient sparen.
Verse / Line: 4869     Nu wist vurwair, dat alda wart
Verse / Line: 4870     der stryt an beiden siden hart.
Verse / Line: 4871     Her Mathis Ouerstoltz reiff an:
Verse / Line: 4872     "Edele vrunt myn ind mage, wale dane!
Verse / Line: 4873     Mallich sle slaich myt slage,
Verse / Line: 4874     id is hie reicht gesat vp die wage,
Verse / Line: 4875     irre sint zein dusent off myn me
Verse / Line: 4876     die vnsme liue sint gewe;
Verse / Line: 4877     vns goitz ind vnser eren
Verse / Line: 4878     laist vns sy menlich wederkeren,
Verse / Line: 4879     so dat sy sichs vmmer erueren,
Verse / Line: 4880     sus mogen sy an vns stryden leren!"
Verse / Line: 4881     Da myt dranck durch her Zander
Verse / Line: 4882     der Iude ind vait bas dan ein ander,
Verse / Line: 4883     wat it eme an syn leuen geinck,
Verse / Line: 4884     wist dat hie menchen slaich intfeinck.
Verse / Line: 4885     Als dede her Peter der broder syn
Verse / Line: 4886     ind van der Aducht her Costin
Verse / Line: 4887     mit dem lieuen broder syn,
Verse / Line: 4888     sy quamen gewapent als fyn.
Verse / Line: 4889     Heren Mathis myt synre scharen
Verse / Line: 4890     ich saich da geynen vient sparen.
Verse / Line: 4891     Dyt saich her Heyman Cleynegedanck,
Verse / Line: 4892     mit gewalt hie durch sy alle dranck,
Verse / Line: 4893     ind syn broder myn here Herman
Verse / Line: 4894     de is goeden prijs alda gewan.
Page of edition: 167  Verse / Line: 4895     Men saich sy veichten also sere,
Verse / Line: 4896     als it Witge ind Heyman were;
Verse / Line: 4897     so wat in volchde in irre scharen
Verse / Line: 4898     saich men menlich vurwert varen.
Verse / Line: 4899     Die Ouerstoltze ir viande strichen
Verse / Line: 4900     sonder rode, dat sy in entwichen.
Verse / Line: 4901     Do dat sy vp der breider syden
Verse / Line: 4902     sagen, do geinck it an ein stryden.
Verse / Line: 4903     Her Rutger ind Heinrich van dem Kranen
Verse / Line: 4904     begonden ire gesellen manen.
Verse / Line: 4905     Die schutzen schussen do also,
Verse / Line: 4906     dat die gemeinde al gader vlo.
Verse / Line: 4907     Die kone ricken ind die iungen
Verse / Line: 4908     die Ouerstoiltze, ire viande twungen
Verse / Line: 4909     vp beiden siden van der straissen,
Verse / Line: 4910     dat sy in den segen moisten laissen
Verse / Line: 4911     ind wichen myt zechlicher vorten
Verse / Line: 4912     reicht in zo der Korenporten.
Verse / Line: 4913     Die mitz in dem diesen wege redin,
Verse / Line: 4914     sagen dat dese sege stredin
Verse / Line: 4915     ind die Wisen laster ledin;
Verse / Line: 4916     vngemaichs sy neit vermedin.
Verse / Line: 4917     Van der Portzen her Iohan,
Verse / Line: 4918     eyn kundich, stoiltz, bedrogen man,
Verse / Line: 4919     synen vrunden zo sprechen began:
Verse / Line: 4920     "Iren Marsilis son Iohan,
Verse / Line: 4921     nu sprecht balde vren broder an!
Verse / Line: 4922     Her Richwin, vrunt Grin, snel wol dan!
Verse / Line: 4923     Is dat wir sy hie neit en keren,
Verse / Line: 4924     sy dryuent vns van alre eren!"
Page of edition: 168  Verse / Line: 4925     Sus reden sy bas neder wert
Verse / Line: 4926     mit vnureuden; orse ind pert
Verse / Line: 4927     begonden sy vp ir viande keren,
Verse / Line: 4928     die weder reden sy als heren.
Verse / Line: 4929     Wilt ir wissen wie die weren,
Verse / Line: 4930     die men neit en moichte erueren,
Verse / Line: 4931     dat was her Gerart Scherffgin
Verse / Line: 4932     ind Herman die lieue neue syn;
Verse / Line: 4933     Her Peter ind er Daniel,
Verse / Line: 4934     zwene gebrodere starck ind snel,
Verse / Line: 4935     koin, wijs ind iren vrunden
Verse / Line: 4936     hait men sy noch getruwe vonden,
Verse / Line: 4937     ir altuorderen heissen sy Iuden,
Verse / Line: 4938     die myn darff it die kinder moeden;
Verse / Line: 4939     wat viande des dages vp sy quamen,
Verse / Line: 4940     die eichterdin sich al samen;
Verse / Line: 4941     mit groissen slegen ind myt strichen
Verse / Line: 4942     daden sy da die viande wichen;
Verse / Line: 4943     i'n sprechen neit, dat sijt deden allein,
Verse / Line: 4944     vre helpere daden't alle gemeine.
Verse / Line: 4945     Her Hilger van der Stessen
Verse / Line: 4946     myt den koenen sonen syn,
Verse / Line: 4947     myt anderen synen lieuen neuyn,
Verse / Line: 4948     geingen da slaich myt slage geuen,
Verse / Line: 4949     mit deme her Herman Hirmelin,
Verse / Line: 4950     eyn coin burgere ind fyn,
Verse / Line: 4951     sloich vp her Marsilis son her Iohan,
Verse / Line: 4952     dat hie myt laster weich van danne.
Verse / Line: 4953     Da heilt Rutger der iunge van Galin
Verse / Line: 4954     braichte her Iohan zo sulcher qualin,
Page of edition: 169  Verse / Line: 4955     den men heisset van der Porten,
Verse / Line: 4956     dat hie sinis so was ervorten,
Verse / Line: 4957     dat hie dat ors van eme wande.
Verse / Line: 4958     Vlo hie, dat was sonder schande;
Verse / Line: 4959     men spricht, it sy bas wale gevluwen,
Verse / Line: 4960     dan ouel geuoichten myt vntruwen.
Verse / Line: 4961     Her Philips Quattermart ind Costin
Verse / Line: 4962     Ouerstultz slogen den Gryn,
Verse / Line: 4963     den men heisset her Richwin,
Verse / Line: 4964     dat hie syn laichen do leis syn,
Verse / Line: 4965     en wisset neit van siner pinen,
Verse / Line: 4966     dat hie begonde grynen.
Verse / Line: 4967     Her Philipse bleiff syn ros da doit,
Verse / Line: 4968     eme was do grines meirre noit.
Verse / Line: 4969     Iacob Keselinck des dages streit
Verse / Line: 4970     als ein kone heilt deit
Verse / Line: 4971     mit vrouden, ind wart geschossen da,
Verse / Line: 4972     dat hie des eichten dais dar na
Verse / Line: 4973     durch leifde ind durch truwe starff
Verse / Line: 4974     ind hie vrunden vmb ere warff;
Verse / Line: 4975     biddet dat eme hude moisse geuen
Verse / Line: 4976     Got dat eweliche leuen.
Verse / Line: 4977     Do geinck it eirst an ein veichten
Verse / Line: 4978     van ritteren, burgeren ind kneichten,
Verse / Line: 4979     ind voichten so gelich sere,
Verse / Line: 4980     dat men kome wiste we der beste were.
Verse / Line: 4981     Doch myt gewalt da durch dranck
Verse / Line: 4982     vmb dit vurveichten ain emantz danck
Verse / Line: 4983     eyn kone, wijs, gezogen man,
Verse / Line: 4984     her Gerart Cause; hie began
Page of edition: 170  Verse / Line: 4985     dat swert nemen in beide hende,
Verse / Line: 4986     eynen smeirre sloich hie durch syn hende,
Verse / Line: 4987     dat eme dat swert keirde an den oren.
Verse / Line: 4988     Nu hoirt van dem reichten doren.
Verse / Line: 4989     Hie reiff eme: "Rijs in des duuels namen, rijs!"
Verse / Line: 4990     ind vlo geschaft als ein vladenbijs
Verse / Line: 4991     mit eynen wilden blodigen munde,
Verse / Line: 4992     die zunge heinck eme vs als eyme hunde,
Verse / Line: 4993     so wie in eit begonde vragen,
Verse / Line: 4994     hie sprach, it were allit doit geslagen.
Verse / Line: 4995     Die gemeinde begonde's sich erueren
Verse / Line: 4996     ind began durch die Hoenportze keren.
Verse / Line: 4997     Die selue her Gerart Cause streit
Verse / Line: 4998     vort vp die viande gereit;
Verse / Line: 4999     syn willich ind syn kone hertze
Verse / Line: 5000     braicht den vianden groissen smertze.
Verse / Line: 5001     Da men vp beiden syden der baich
Verse / Line: 5002     so vromelichen stryden saich,
Verse / Line: 5003     da erkonde sich mallich so sere,
Verse / Line: 5004     als hie Dederich van Berne were.
Verse / Line: 5005     Die vnder in woren geredin
Verse / Line: 5006     den ridenden den sege aff stredin,
Verse / Line: 5007     mit groissen slegen ind myt stichin
Verse / Line: 5008     daden (dat) sy ir viande wichen
Verse / Line: 5009     ind sonder wer durch die Hoenportze
Verse / Line: 5010     vluwen vaste durch liues vorte.
Verse / Line: 5011     Die zo voisse woren vp beyder syden
Verse / Line: 5012     der straissen, saich men sege stryden
Verse / Line: 5013     van den Ouerstultzen ind van Korinportzen,
Verse / Line: 5014     die slaich, noch stich, noch doit en vorten;
Page of edition: 171  Verse / Line: 5015     want wie sy segelois werin bleuen,
Verse / Line: 5016     so weren sy doit ind verdreuen.
Verse / Line: 5017     Da saich men dat lesterlichste vlein,
Verse / Line: 5018     dat men in hundert iaren saich geschein.
Verse / Line: 5019     Der selige Cause her Gerart
Verse / Line: 5020     halp, dat die schumferture wart
Verse / Line: 5021     ind were doch nummerme gescheit,
Verse / Line: 5022     en hetz Got van hemel gehenget neit.
Verse / Line: 5023     Ind wisset dat Frederich Schiechtere
Verse / Line: 5024     des dagis vaicht altz Heyme were
Verse / Line: 5025     ind ver Hadewige son Iohan
Verse / Line: 5026     streit des dagis bas dan enich man.
Verse / Line: 5027     Na der schumferturen saich men alda
Verse / Line: 5028     die Ouerstoltze iren vianden na
Verse / Line: 5029     bys an die Hoenportze ryden.
Verse / Line: 5030     Vp sy begonde allein stryden
Verse / Line: 5031     Gotschalck vern Yden son der roden,
Verse / Line: 5032     den die Wisen leissen in noden.
Verse / Line: 5033     Gerne hedden sy in alle geualt
Verse / Line: 5034     ind hie intstoint in myt gewalt,
Verse / Line: 5035     bys die geredene vp in quamen,
Verse / Line: 5036     die ir ors myt sporen namen.
Verse / Line: 5037     Der eyne was der Iode Daniel,
Verse / Line: 5038     der ander Costen Crop, die reden snel
Verse / Line: 5039     dry werff vp vort ind weder,
Verse / Line: 5040     nochtan en reden sy in neit neder.
Verse / Line: 5041     Zo lest quam her Scherfgin her Gerart,
Verse / Line: 5042     die reit in neder myt der vart.
Verse / Line: 5043     Mit groisser pinen ind noden
Verse / Line: 5044     sy den starcken man da doden.
Page of edition: 172  Verse / Line: 5045     Do wainden sy quijt syn van stryde
Verse / Line: 5046     ind woren van hertzen blyde.
Verse / Line: 5047     Seit, zo den nemlichen stonden
Verse / Line: 5048     die Wisen anderwerff begonden
Verse / Line: 5049     besamenen sich by sent Steffain
Verse / Line: 5050     ind woren helpen noch in wane.
Verse / Line: 5051     Die Ouerstoltze dit vernamen,
Verse / Line: 5052     die sonder merren vp sy quamen.
Verse / Line: 5053     Als scheir als dat die Wisen sagen,
Verse / Line: 5054     sy en begonden vmb geinen wech vragen,
Verse / Line: 5055     sy reden snel ors ind pert
Verse / Line: 5056     zo cloisteren ind zo kirchen wert.
Verse / Line: 5057     Iohan vern Hadewige son,
Verse / Line: 5058     eyn reck snel, starck ind kone,
Verse / Line: 5059     durch reit ind verbartierde sy so,
Verse / Line: 5060     dat sy woren leuens vro,
Verse / Line: 5061     die da quamen vs synen handen,
Verse / Line: 5062     die vluwen die Wisen zo lest myt schanden.
Verse / Line: 5063     Men leist, dat hie vurmails ein man
Verse / Line: 5064     zein dusenden den sege ane gewan
Verse / Line: 5065     ind veriade sy grois ind clein:
Verse / Line: 5066     als dede Iohan dese al gemein.
Verse / Line: 5067     Iohan is als vil als Godis gnade.
Verse / Line: 5068     Ich wene Got it vur sy alle dade.
Verse / Line: 5069     Vil selich sy die moder dan,
Verse / Line: 5070     die ey gedroich sulchen Iohan!
Verse / Line: 5071     Nu versteit alle mynen sin
Verse / Line: 5072     ain sijt ir wiser dan ich byn,
Verse / Line: 5073     des en haue neyman wonder,
Verse / Line: 5074     dat die Wisen sus geingen vnder.
Page of edition: 173  Verse / Line: 5075     Sy in wolden neit langer vnreicht wirken
Verse / Line: 5076     ind voren in cloister ind in kirchen.
Verse / Line: 5077     Alsus gewerdent dis dagis noch hude
Verse / Line: 5078     vil mencherhande cloister lude!

Verse / Line: 5079        Die Ouerstoltze wail vernamen,
Verse / Line: 5080     dat diese alsus zo cloister quamen.
Verse / Line: 5081     Eynen boden den sy wail bekanten
Verse / Line: 5082     zo dem greuen van Gulche sy santen.
Verse / Line: 5083     Die bode in kurtlichen vant
Verse / Line: 5084     hie by zo Meichterin alze hant.
Verse / Line: 5085     Also scheir hie den greuen saich,
Verse / Line: 5086     lachende weder in hie sprach:
Verse / Line: 5087     "Here it is ein selich daich,
Verse / Line: 5088     men sals ouer dusent iair doin gewach!
Verse / Line: 5089     Synt ir vs Coelne sijt gereden
Verse / Line: 5090     hait Got selue vur uch gestreden,
Verse / Line: 5091     hie hait ouch selue vr gerut.
Verse / Line: 5092     Ir wort in vrme hus gesoit
Verse / Line: 5093     wale van dusenden ind neit vonden,
Verse / Line: 5094     die vp vre vrunt stryden begonden
Verse / Line: 5095     ind wolden hain erslagen.
Verse / Line: 5096     Die seluen vluwen alse zagen.
Verse / Line: 5097     Here er greue, als help mir Got
Verse / Line: 5098     ind sine hilge zein gebot,
Verse / Line: 5099     die Ouerstultze en hadden neit zwein ind seiszijch man
Verse / Line: 5100     do men eirst den stryt an began,
Verse / Line: 5101     der woren zein dusent oue me
Verse / Line: 5102     die irme liue woren gevee.
Verse / Line: 5103     Nu seit dan wilch helper dat Got sy
Verse / Line: 5104     die so steit synen vrunden by!"
Page of edition: 174  Verse / Line: 5105     Der greue sprach do dit geschaich:
Verse / Line: 5106     "Vrunt myn, dem Got hilpt die hait gedain,
Verse / Line: 5107     want eme en maich neyman weder stain!
Verse / Line: 5108     Balde doit vis vnse pert,
Verse / Line: 5109     wir sullen ryden zo Coelne wert
Verse / Line: 5110     vnse vrunt myt vreuden weder sein,
Verse / Line: 5111     in sal noch eren vil me geschein."
Verse / Line: 5112     Her weder quam der greue do
Verse / Line: 5113     des anderen morgens harde vro.
Verse / Line: 5114     Mit vreuden grote hie sine vrunt,
Verse / Line: 5115     als daden sy in zo der seluer stunt.
Verse / Line: 5116     "Van Gulche greue ind lieue here",
Verse / Line: 5117     sprach der alre eirsamste burgere,
Verse / Line: 5118     den men vs Coelne in hundert iaren
Verse / Line: 5119     zo houe off zo dage saich geuaren,
Verse / Line: 5120     van Korenportze greue Herman,
Verse / Line: 5121     vort sine wort alsus began:
Verse / Line: 5122     "Den reynen Got van hemelrich
Verse / Line: 5123     en moichten wir alle sicherlich,
Verse / Line: 5124     noch vrunt en gein, die vns ane geit,
Verse / Line: 5125     off an dat zeinde lit besteit,
Verse / Line: 5126     in vollen gerne noch gelouen,
Verse / Line: 5127     die vns so vederlich hie en bouen
Verse / Line: 5128     al vnsen vianden hait braicht
Verse / Line: 5129     ind so vederlich altzijt vur vns vaicht.
Verse / Line: 5130     Aller dinge is hie geweldich
Verse / Line: 5131     ind reicht richter ouer al syn riche.
Verse / Line: 5132     Want het it mynschen hertze erdaicht,
Verse / Line: 5133     als ich hie vur dir hain gesaicht,
Verse / Line: 5134     zo sprechen dat wonder wort,
Page of edition: 175  Verse / Line: 5135     id lude in logelichen vort,
Verse / Line: 5136     men en moichtes geleuuen neit,
Verse / Line: 5137     des wonders des vns is gescheit.
Verse / Line: 5138     Wir en haintz intgen Got neit verscholt,
Verse / Line: 5139     dat hie vns so vederlichen holt
Verse / Line: 5140     geweist hait in kurten zijden,
Verse / Line: 5141     in allen noden ind in stryden.
Verse / Line: 5142     Her greue, ich wene sint Gotz geburde
Verse / Line: 5143     mit wairheide ye vernomen worde,
Verse / Line: 5144     dat kome zwein ind seiszijch man,
Verse / Line: 5145     vp die men eirst stryden began,
Verse / Line: 5146     zein dusent moichten weder stain,
Verse / Line: 5147     als wir myt Godis helpen hain gedain,
Verse / Line: 5148     geschumfert ind vmme geslagen,
Verse / Line: 5149     ain solden wir't uch neit selue sagen;
Verse / Line: 5150     sy haint groisser meindait intgulden
Verse / Line: 5151     here, als sy billich solden.
Verse / Line: 5152     Wir geingen allis dingis vp uch in rait,
Verse / Line: 5153     aller vedin ind aller mysdait,
Verse / Line: 5154     sy sworen vp dem licham vns heren,
Verse / Line: 5155     dat sy vns vorderin solden ind eren
Verse / Line: 5156     ind so solden wir sy weder;
Verse / Line: 5157     nu wolden sy vns slain dar neder,
Verse / Line: 5158     beide interuen ind intliuen
Verse / Line: 5159     ind lesterlich vs Coelne dryuen,
Verse / Line: 5160     beide myt kinden ind myt wiuen
Verse / Line: 5161     ind in Coelne neit langer bliuen.
Verse / Line: 5162     Sus haint sy Gode ind vns gebrochen,
Verse / Line: 5163     dat hait Got selue an in gewrochen.
Verse / Line: 5164     Nu gait vns rait wie wirs begynnen,
Page of edition: 176  Verse / Line: 5165     dat wir sy vs den cloisteren gewynnen
Verse / Line: 5166     ind doin in dat sy vns wolden doin,
Verse / Line: 5167     so laissent sy vns vort me geroin;
Verse / Line: 5168     want wa sy bleuen in dem lande,
Verse / Line: 5169     sy bruwen vp vns nuwe schande."
Verse / Line: 5170     Do begonde der greue sprechen:
Verse / Line: 5171     "Id is pynlich mutate brechen,
Verse / Line: 5172     men en sal neit arch myt arge wrechen,
Verse / Line: 5173     mit lieuen sal men vnmoit brechen.
Verse / Line: 5174     Doch raden ich dat groissen ind cleinen
Verse / Line: 5175     van uch sich wapenen alle gemeine."
Verse / Line: 5176     Dyt daden sy ind quamen weder
Verse / Line: 5177     mit hoen rossen ind neder.
Verse / Line: 5178     "Nu laist vns myt vreuden riden
Verse / Line: 5179     ind danckens den genen die da liden."
Verse / Line: 5180     Vnder wegin da sy redin,
Verse / Line: 5181     des anderen dagis do sy hadden gestreden
Verse / Line: 5182     mit groissen vlise weder sy,
Verse / Line: 5183     sy stoinden in do myt truwen by.
Verse / Line: 5184     E der greue noch queme zo sent Gereon,
Verse / Line: 5185     quamen eme zo helpen gewapent schone
Verse / Line: 5186     ind den Ouerstultzen zein hundert man,
Verse / Line: 5187     spreiche ich me, i'n loge neit nochtan.
Verse / Line: 5188     Als it den luden wail geit,
Verse / Line: 5189     so sint in ir vrunt gereit,
Verse / Line: 5190     ind als in misvallen is,
Verse / Line: 5191     so in haint sy kome eynen gewis.
Verse / Line: 5192     Do sy sente Gereone in dat cloister quamen,
Verse / Line: 5193     irre viande ein deil sy da vernamen.
Verse / Line: 5194     Als scheir sy der greue saich,
Page of edition: 177  Verse / Line: 5195     her Richwin Gryn hie weder in sprach:
Verse / Line: 5196     "Here, durch Got sijt vns genedich!
Verse / Line: 5197     Wir bekennen vns meindedich!
Verse / Line: 5198     Durch Got doit vns doch gnade
Verse / Line: 5199     mit vre helpen ind myt rade,
Verse / Line: 5200     dat men vns alhie neit entliue
Verse / Line: 5201     ind ewelich vns vs Coelne driue!
Verse / Line: 5202     Here wir syns wail wert
Verse / Line: 5203     dat vns laster weder vert!"
Verse / Line: 5204     "Her Grin dat deit vr groisse vntruwe,
Verse / Line: 5205     dat irs nu hait aichter ruwe."
Verse / Line: 5206     Der greue dede syne heuscheit
Verse / Line: 5207     als der edele vur sich deit
Verse / Line: 5208     ind sprach: "Her Richwin Grin,
Verse / Line: 5209     ich wil uch geleiden ouer Ryn,
Verse / Line: 5210     vmb deintz den ir myr hait gedain,
Verse / Line: 5211     dat ir myn huys hait laissen stain."
Verse / Line: 5212     "A durch Got, here, sijt vns gnedich,
Verse / Line: 5213     ain syn wir weder uch misdedich!
Verse / Line: 5214     Got vergaff die in in syn hertze staich,
Verse / Line: 5215     da meirre dinck here ane laich!"
Verse / Line: 5216     "Her Grin, so mois ich't uch vergeuen,
Verse / Line: 5217     id geinck uch anders an vr leuen
Verse / Line: 5218     ind den Wisen vren vrunden.
Verse / Line: 5219     Ich wil uch zo desen stunden
Verse / Line: 5220     ouer den Ryn doin geleiden
Verse / Line: 5221     ind doin edoch vnreicht beiden."
Verse / Line: 5222     Sus worden sy in ein schiff gesat
Verse / Line: 5223     ind rumden Coelne die guede stat.
Verse / Line: 5224     Zo Duytze sy zo lande quamen,
Page of edition: 178  Verse / Line: 5225     den wech sy vort zo Bunne namen.

Verse / Line: 5226        Meindedigen ind logenere,
Verse / Line: 5227     verreder ind drogenere
Verse / Line: 5228     verleisent gerne ir werelt ere,
Verse / Line: 5229     dar zo sint sy Gode vnmere.
Verse / Line: 5230     We geue eme ere off selicheit,
Verse / Line: 5231     de weder Got van hemel deit!
Verse / Line: 5232     Ain hedde hie hundert dusent man,
Verse / Line: 5233     wolde Got, hie verlore nochtan.
Verse / Line: 5234     Ir heren van Coelne arm ind riche,
Verse / Line: 5235     durch Got leift vort broderliche
Verse / Line: 5236     ind hait zo allen zijden vur ougen,
Verse / Line: 5237     dat Got vntruwe neit en wilt dougen.
Verse / Line: 5238     Kundicheit noch gewalt ind ouerbraicht
Verse / Line: 5239     dese hait die geweldige Godis craicht
Verse / Line: 5240     also in Coelne weder standin,
Verse / Line: 5241     dat sijs noch bleuen sint in schanden.
Verse / Line: 5242     Ouch wie vil ir were die sich da heilden
Verse / Line: 5243     an die gene, die vnreichtis weilden,
Verse / Line: 5244     gedenckt wie Coelne vre vrie stat
Verse / Line: 5245     mit burgen eins was besat
Verse / Line: 5246     vmb dat, dat vremde lude weren
Verse / Line: 5247     geweldich vrs gudis, liffs ind eren;
Verse / Line: 5248     laist alle vede ind ouermoit;
Verse / Line: 5249     neyman en halde sich vur vil zo goit
Verse / Line: 5250     ind laist uch neit van ein scheiden
Verse / Line: 5251     noch den lieuen, noch den leiden,
Verse / Line: 5252     noch durch vede, noch durch has,
Verse / Line: 5253     noch vmb goit ind vmb schatz.
Verse / Line: 5254     Wilt ir behalden vre stat,
Page of edition: 179  Verse / Line: 5255     so en doit anders neit dan dat,
Verse / Line: 5256     (dan) dat ir by ein sijt myt truwen,
Verse / Line: 5257     so entfeirt uch Got allen ruwen;
Verse / Line: 5258     vortet Got ind halt den vur heren,
Verse / Line: 5259     doit eme al vr dait zo eren,
Verse / Line: 5260     byddet, dat hie vr vort wil walden,
Verse / Line: 5261     off ir vre ere wilt behalden
Verse / Line: 5262     ind die reyne magit vrie,
Verse / Line: 5263     die moder syn sente Marie;
Verse / Line: 5264     die vnreicht vort dan vp uch dryft,
Verse / Line: 5265     so wisset, dat hei's gelestert bliue.-

Verse / Line: 5266        Zo Bunne quamen in die Wisen,
Verse / Line: 5267     der wise Herman began sy prysen
Verse / Line: 5268     ind heis sy willekome syn.
Verse / Line: 5269     "Ich neme't vp die sele myn,
Verse / Line: 5270     sprach her Willem van der Huntzgassen,
Verse / Line: 5271     vch heren van Molengassen
Verse / Line: 5272     vch gescheide reicht, als vns geschaich!"
Verse / Line: 5273     Herman der wise vurwert sprach:
Verse / Line: 5274     "Wir syn ein deil zo lange bliuen
Verse / Line: 5275     van Coelne vs der goeder stat verdreuen;
Verse / Line: 5276     synt wir alsus syn komen samen,
Verse / Line: 5277     vnser en geyn en darff sich des anders schamen;
Verse / Line: 5278     wir sullen myt der Godis gnaden
Verse / Line: 5279     dar zo helpen ind dar zo raden,
Verse / Line: 5280     dat vns beiden noch sal komen
Verse / Line: 5281     zo groissen eren ind zo vromen.
Verse / Line: 5282     Vre vrunt synt noch zo Coelne en bynnen
Verse / Line: 5283     ind sullen ir noch me gewynnen;
Verse / Line: 5284     willen wir syn samen myt truwen,
Page of edition: 180  Verse / Line: 5285     id kompt vnsen vianden noch zu ruwen."
Verse / Line: 5286     Do sprach van der Portzen her Iohan:
Verse / Line: 5287     "Laist vns zo samen sweren dan
Verse / Line: 5288     ind myt truwen samen wesin,
Verse / Line: 5289     samen steruen ind genesen;
Verse / Line: 5290     durch eins heren wille sin wir bleuen
Verse / Line: 5291     ind goitz ind eren vs verdreuen."
Verse / Line: 5292     Mit dem sprach er Richwin Gryn:
Verse / Line: 5293     "Willen wir vnder vns getruwe syn,
Verse / Line: 5294     ich weis noch vrunt zo Coelne bynnen,
Verse / Line: 5295     wes wir samen wolden begynnen,
Verse / Line: 5296     sy solden lijff, goit ind mage
Verse / Line: 5297     mit vns setzen morne in wage."
Verse / Line: 5298     Sus sworen sy zo houffe truwe,
Verse / Line: 5299     sy solden wrechen iren ruwe
Verse / Line: 5300     ind Coelne myt rade weruen,
Verse / Line: 5301     off sy solden dar vmb steruen.
Verse / Line: 5302     Her Willem van Poillem sprach her zo:
Verse / Line: 5303     "Ich sain uch heren wat dan mallich do,
Verse / Line: 5304     laist vns dencken vro inde spade
Verse / Line: 5305     vp die vil groisse vngenade,
Verse / Line: 5306     die vns is in Coelne gedain
Verse / Line: 5307     ind laist vns dar na stain,
Verse / Line: 5308     wir wir in Coelne weder brechen
Verse / Line: 5309     ind vnsen laster da in wrechen."
Verse / Line: 5310     Do begonden sy alle dar vmb steruen,
Verse / Line: 5311     off sy solden die stat weder weruen;
Verse / Line: 5312     dyt heisch mallich den anderen bergin
Verse / Line: 5313     ind geinck mallich zo synre herbergen.
Verse / Line: 5314     Seder do sy zo houfe quamen,
Page of edition: 181  Verse / Line: 5315     maniges rades sy sich ane namen.
Verse / Line: 5316     Die Wisen daden schriuen brieue
Verse / Line: 5317     ind entboden vruntschaff ind lieue
Verse / Line: 5318     eren magen in die stat
Verse / Line: 5319     ind dat sy woruen dat
Verse / Line: 5320     weder die gemeinde, alsy vernemen
Verse / Line: 5321     dat sy weder in Coelne quemen,
Verse / Line: 5322     dat in sy myt truwen stoinden by;
Verse / Line: 5323     der busschoff solde sy maichen vry
Verse / Line: 5324     schetzingen, tollis ind assisen.
Verse / Line: 5325     Alsus schreuen her die Wisen
Verse / Line: 5326     ind dat men in weder schreue
Verse / Line: 5327     wa an is die gemeinde bleue.
Verse / Line: 5328     Der gemeinden maicht men besprach zo hant
Verse / Line: 5329     ind worden breue weder gesant:
Verse / Line: 5330     Breichten sy vunff hundert man,
Verse / Line: 5331     quemen sy in zo Coelne dan,
Verse / Line: 5332     die gemeinde solde an sy slain
Verse / Line: 5333     ind neyman moge'n weder stain.
Verse / Line: 5334     Deser boitschaff worden sy alle blide.
Verse / Line: 5335     "Nu rade men dar zo bizijde,
Verse / Line: 5336     sprach van der Portzen her Iohan,
Verse / Line: 5337     wie wir Coelne komen an
Verse / Line: 5338     ind wanne vns die vunffhundert komen,
Verse / Line: 5339     als ir in dem brieue hait vernomen."
Verse / Line: 5340     Do sprach der wise Herman:
Verse / Line: 5341     "Ir heren, ich weis eynen man,
Verse / Line: 5342     gespreche ich den ain emans danck,
Verse / Line: 5343     alle vnse dinck sal hain vurganck."
Verse / Line: 5344     Dem vischere wart do beuolen,
Page of edition: 182  Verse / Line: 5345     dat hie den man dede holen.
Verse / Line: 5346     Der vischer en wolde neit erin sonder
Verse / Line: 5347     wesen ind begeinck wonderliche wonder.
Verse / Line: 5348     Hie sante in Coelne, it is vngelogin,
Verse / Line: 5349     vmb eynen man, die in den bogin
Verse / Line: 5350     neist Vlre portzen wonechtich was;
Verse / Line: 5351     sonder breiff eme der bode las,
Verse / Line: 5352     als scheir hie sine wort verneme,
Verse / Line: 5353     dat hie balde zo Bunne queme,
Verse / Line: 5354     Herman der vischer wolde in sprechen
Verse / Line: 5355     ind allen synen kumber brechen.
Verse / Line: 5356     Die selue man heisch Haueneit
Verse / Line: 5357     ind droich vp't lant kertzen goit leit.
Verse / Line: 5358     Sulge lude die gulden dat,
Verse / Line: 5359     so galt Coelne die goede stat,
Verse / Line: 5360     die riche is michel ind starck
Verse / Line: 5361     weder in vmb vunff ind zwenzijch marck;
Verse / Line: 5362     der wise vischer her Herman
Verse / Line: 5363     en bezailde ir neit dan vunff nochtan.
Verse / Line: 5364     Alsus voir dan her Haueneit
Verse / Line: 5365     ind dede allit dat hie eme reit
Verse / Line: 5366     der keilsticher her Herman
Verse / Line: 5367     ind van der Portzen her Iohan.
Verse / Line: 5368     Zo Coelne zo richtz hie weder quam,
Verse / Line: 5369     nu hoirt wes hie sich an nam.
Verse / Line: 5370     Zo richte hie zo grauen hie began,
Verse / Line: 5371     die erde hie vs gewan,
Verse / Line: 5372     die droich hie des naichtes her ind dar,
Verse / Line: 5373     dat men der neit en wart gewar.
Verse / Line: 5374     In dem bogen groiff hie neder,
Page of edition: 183  Verse / Line: 5375     des dais deckde hie die kule weder.
Verse / Line: 5376     Als deiff groiff hie neder wert,
Verse / Line: 5377     dat men da durch ors ind pert,
Verse / Line: 5378     als men en buyssen dede aff die erde,
Verse / Line: 5379     moichte'n leiden myt geberde.
Verse / Line: 5380     Veirzein naicht dreiff hie desen oiff,
Verse / Line: 5381     dat hie vur sich alsus groiff
Verse / Line: 5382     neist Vlre portzen in dem bogen,
Verse / Line: 5383     des mennich goit man bleiff bedrogen.
Verse / Line: 5384     Do dat loch volgrauen wart,
Verse / Line: 5385     weder zo Bunne mit der vart
Verse / Line: 5386     maichde hie sich her Haueneit
Verse / Line: 5387     ind droich myt eme kertzen goit leit.
Verse / Line: 5388     In Bunne geinck hie altze hant,
Verse / Line: 5389     alda hie den keilsticher vant,
Verse / Line: 5390     den vischer Herman synen heren
Verse / Line: 5391     ind braichte lieue mere,
Verse / Line: 5392     wie dat loch were volgrauen,
Verse / Line: 5393     sy solden Coelne weder hauen,
Verse / Line: 5394     dat sy quemen als sy wolden
Verse / Line: 5395     wie sy iren willen hauen solden,
Verse / Line: 5396     so sy van buyssen aff deden die erde,
Verse / Line: 5397     sy voren in myt orsse ind myt perde.
Verse / Line: 5398     Vrolichen antwerde in her Herman:
Verse / Line: 5399     "Haueneit du wirtz ein selich man!
Verse / Line: 5400     Als lange als wir vmmer geleuen
Verse / Line: 5401     wir en sullen dich nummer begeuen!
Verse / Line: 5402     Nu sal vnse dinck ergain zo goide!"
Verse / Line: 5403     ind sante mit bliden moide
Verse / Line: 5404     na her Willem van der Hundissgassen
Page of edition: 184  Verse / Line: 5405     ind na den van Molegassen
Verse / Line: 5406     ind na her Willem van Poillem,
Verse / Line: 5407     dat sy zo eme quemen dar heym,
Verse / Line: 5408     hie hedde vernomen alsulche mere,
Verse / Line: 5409     der hie van hertzen blide were,
Verse / Line: 5410     dat sy zo eme quemen bizijde,
Verse / Line: 5411     sy soldens vmmer bliuen blide
Verse / Line: 5412     ind solde in zo eren ind zo vromen
Verse / Line: 5413     ind zo groissen goide komen.
Verse / Line: 5414     Vrolich sy zo eme quamen.
Verse / Line: 5415     Die selue mere sy vernamen,
Verse / Line: 5416     wie dat loch vol grauen were
Verse / Line: 5417     vmb eren vrome ind vmb ir ere.
Verse / Line: 5418     Her Haueneit sprechen began:
Verse / Line: 5419     "Da mogen wail vunff dusent man,
Verse / Line: 5420     so ir en buyssen aff doit die erde,
Verse / Line: 5421     trecken durch myt orsse ind mit perde,
Verse / Line: 5422     dat wist vur wair, in einre naicht,
Verse / Line: 5423     also hain ich't uch vurgesaicht,
Verse / Line: 5424     so wat ich uch gelouit hain,
Verse / Line: 5425     mit truwen hain ich dat voldain."
Verse / Line: 5426     "Her Haueneit des hait ir ere
Verse / Line: 5427     ind sult is vmmer bliuen here!"
Verse / Line: 5428     "Ir heren, sprach her Herman,
Verse / Line: 5429     nu steit vp ind gein wir dan
Verse / Line: 5430     samen in myne kemenade
Verse / Line: 5431     ind werden eins anders dar zo rade."
Verse / Line: 5432     Do sy in die kemenade quamen,
Verse / Line: 5433     hie sprach: "Ich willens vur ramen:
Verse / Line: 5434     Sy (synt?) wir bereit wissen den bogen,
Page of edition: 185  Verse / Line: 5435     vnser veir ryden an den hertzogen
Verse / Line: 5436     van Lumburch an mynen heren Walrauen
Verse / Line: 5437     ind sagen eme, dat wir hauen
Verse / Line: 5438     eyn portze van Coelne in vnser hant,
Verse / Line: 5439     als vns die brieue syn gesant
Verse / Line: 5440     ind der gemeinden syn gewis,
Verse / Line: 5441     als it in den geschreuen is,
Verse / Line: 5442     dat dar zo vrunt ind vnse mage
Verse / Line: 5443     lijff ind goit myt vns in wage
Verse / Line: 5444     willent setzen, kome wir in die stat,
Verse / Line: 5445     mit truwen haint sy vns beschreuen dat,
Verse / Line: 5446     dat hie dat vurwair wisse wale;
Verse / Line: 5447     der en is neit zwey hundert ain zale,
Verse / Line: 5448     die vns solden weder stain,
Verse / Line: 5449     ain solde it an ein stryden gain,
Verse / Line: 5450     sy haint die richeit van der stat
Verse / Line: 5451     ind den alre meisten schatz.
Verse / Line: 5452     Wir sprechen: "Her hertzoge here,
Verse / Line: 5453     wilt ir gewynnen goit ind ere,
Verse / Line: 5454     so helpet vns Coelne weder wynnen.
Verse / Line: 5455     Al vnser viande goit da en bynnen
Verse / Line: 5456     dat sal vr, here, syn allein,
Verse / Line: 5457     dar zo sal die stat gemeine
Verse / Line: 5458     vch eren ind syn vnderdain,
Verse / Line: 5459     alsus hait sy vns laissen verstain.
Verse / Line: 5460     Brenget vunffhundert man gereit,
Verse / Line: 5461     so en is neyman de uch weder steit.
Verse / Line: 5462     Ir gewinnet in Coelne den schatz,
Verse / Line: 5463     vrs kindes kint sals mogen de bas.
Verse / Line: 5464     Ir sult den schatz dan na uch rucken,
Page of edition: 186  Verse / Line: 5465     ir moicht da myt al vre viande drucken."
Verse / Line: 5466     Do sy dis daden gewaich,
Verse / Line: 5467     der hertzoge antwerde ind sprach:
Verse / Line: 5468     "Nu sait myr, wie ind wa by
Verse / Line: 5469     dat ich deser dinge sicher sy?"
Verse / Line: 5470     "Here wir sin's gisel myt vnsme liue,
Verse / Line: 5471     wilt ir, myt kinde ind myt wiue,
Verse / Line: 5472     so dat ir des alles syt gewis
Verse / Line: 5473     dan van vns weder uch gesprochen is
Verse / Line: 5474     ind sult dat wissen sicherliche,
Verse / Line: 5475     ir moicht vil wale ein konynckriche
Verse / Line: 5476     mit dem schatze gelden, weir't veile,
Verse / Line: 5477     die uch in Coelne wirt zo deile."
Verse / Line: 5478     Guede geloifde willicht den doren,
Verse / Line: 5479     want it lut soisse in synen oren!
Verse / Line: 5480     Eydoch antwerde der hertzoge:
Verse / Line: 5481     "Node geinge ich vmb myt gedroge!
Verse / Line: 5482     Sal ich deser dinge myt uch begynnen,
Verse / Line: 5483     so mois ich ritterschaft gewynnen
Verse / Line: 5484     vmb groisse haue ind dure schult."
Verse / Line: 5485     "Here dat siluer ind dat goilt
Verse / Line: 5486     dat uch in Coelne werden sal,
Verse / Line: 5487     des en sal syn gein gezal;
Verse / Line: 5488     durch dat in beit in sicherliche,
Verse / Line: 5489     ir sult sy hogen ind maichen riche,
Verse / Line: 5490     dat sy zo uch komen heymeliche,
Verse / Line: 5491     ind beschrift in der more daich,
Verse / Line: 5492     dat sijs neyman en doin gewach
Verse / Line: 5493     ind des naichtes zo uch komen
Verse / Line: 5494     id soele uch al vr leuen vromen.
Page of edition: 187  Verse / Line: 5495     Zo Coelne, here, vur Vlre portzen,
Verse / Line: 5496     da sult ir in ryden sonder vorten.
Verse / Line: 5497     Kompt, here, in der mydder naicht,
Verse / Line: 5498     so in wirt it vnsen vianden neit gesaicht."
Verse / Line: 5499     Do sy des daden gewach,
Verse / Line: 5500     nu hoirt wie der hertzoge sprach:
Verse / Line: 5501     "Weint ir dat ich ein zage sy?"
Verse / Line: 5502     "Nein here, wir en sprechent neit da by,
Verse / Line: 5503     want wie it die viande vernemen,
Verse / Line: 5504     it were vns leit dat sy intquemen
Verse / Line: 5505     ind uch intfeirden vren schatz.
Verse / Line: 5506     Als ir geweldich zo Coelne sijt,
Verse / Line: 5507     dan eirst so wirt der busschoff quijt.
Verse / Line: 5508     Alsus moicht ir in allen stucken
Verse / Line: 5509     vre viande nederen ind drucken."
Verse / Line: 5510     "Ir heren, e dan die reise bleue,
Verse / Line: 5511     ich rede e an den greue van Cleue
Verse / Line: 5512     ind willen weder in begaden,
Verse / Line: 5513     dat hie vns her zo ste zo stadin
Verse / Line: 5514     ind der here van Valckenburch."
Verse / Line: 5515     Sus reit der hertzoge van Lymburch
Verse / Line: 5516     an den greue van Cleue heren Dederich,
Verse / Line: 5517     die geloifde eme sicherliche,
Verse / Line: 5518     dat hie queme in der more naicht
Verse / Line: 5519     vur Coelne myt al siner maicht.
Verse / Line: 5520     Sus dede der greue ind besande
Verse / Line: 5521     die edelsten van al neder lande,
Verse / Line: 5522     den hie riche geloifde dede.
Verse / Line: 5523     Sulche quamen durch sine bede,
Verse / Line: 5524     die ander quamen vmb soilt,
Page of edition: 188  Verse / Line: 5525     den geloifde hie siluer ind goilt
Verse / Line: 5526     ind sprach: "Is dat wir Coelne wynnen,
Verse / Line: 5527     ich sal uch alle eruen da en bynnen."
Verse / Line: 5528     Dorste ich it vur eyne wairheit sagen,
Verse / Line: 5529     der hertzoge ind der greue woren ouerdragen
Verse / Line: 5530     ind van Valckenburch her Dederich,
Verse / Line: 5531     dat van in dryn ir eweliche,
Verse / Line: 5532     were dat sy Coelne gewonnen,
Verse / Line: 5533     des solde mallich dem anderen gunnen,
Verse / Line: 5534     dat sy da van maichden dry steyde,
Verse / Line: 5535     da sy in hedden gerichte ind beide.
Verse / Line: 5536     Alsus beduncket mich sicherliche,
Verse / Line: 5537     dat kome eman is also riche,
Verse / Line: 5538     dat hie iet rucke wie hie ste
Verse / Line: 5539     na goede, hie en gewynne's me.
Verse / Line: 5540     Dyt is der heren vngeuoich:
Verse / Line: 5541     kome spricht ir enich, ich hain genoich.

Verse / Line: 5542        Sus voir der greue myt syme her
Verse / Line: 5543     van Cleue ligen in'd Mer.
Verse / Line: 5544     Do die van Nuysse vernamen dat,
Verse / Line: 5545     vil vaste slussen sy ir stat,
Verse / Line: 5546     ain worde it in ein deil zo suyr,
Verse / Line: 5547     sy hoiten ire portzen ind ir mure
Verse / Line: 5548     ind leissen neyman vs noch in,
Verse / Line: 5549     ain moichten sijs hain grois gewin.
Verse / Line: 5550     Ich arme man quam durstich dar vur,
Verse / Line: 5551     i'n vant offen portze noch dur
Verse / Line: 5552     ind was do sent Peters bode.
Verse / Line: 5553     Ich bat sy by den guden Gode,
Verse / Line: 5554     want ich hungerich ind durstich were,
Page of edition: 189  Verse / Line: 5555     do sy mich in leissen dur sent Peters ere.
Verse / Line: 5556     "Bode so geit zo Coelne wert, dat is uch't beste,
Verse / Line: 5557     ind sait, in koment noch hint geste."
Verse / Line: 5558     Ich sprach: "Wie sullen die syn?"
Verse / Line: 5559     "Ich nemen't vp die sele myn,
Verse / Line: 5560     dat was der greue van Cleue."
Verse / Line: 5561     "So were myr leit dat ich hie bleue."
Verse / Line: 5562     Sus geinck ich zo Grymmynchusen essen,
Verse / Line: 5563     ind als ich kome was gesessen,
Verse / Line: 5564     so sein ich wa da her vert
Verse / Line: 5565     des greuen her zo Coelne wert.
Verse / Line: 5566     Zo lest wart ich des greuen gewar
Verse / Line: 5567     zo aller eichterst an der schar;
Verse / Line: 5568     ich begaff dat essen ind geinck vegin,
Verse / Line: 5569     so ich mich balste moicht bewegin.
Verse / Line: 5570     So mir die lieue Godis craicht,
Verse / Line: 5571     it was die iemerlichste naicht
Verse / Line: 5572     van ryfe kalt ind van winde,
Verse / Line: 5573     die ich ye geleifde her van kinde!
Verse / Line: 5574     Weis Got, sy redin myr zo balde,
Verse / Line: 5575     dat dede myr dat bitterliche kalde.
Verse / Line: 5576     Hie (ich?) wolde Coelne gewarnet hain,
Verse / Line: 5577     hedde ich sy wale mogen vur gain,
Verse / Line: 5578     ey doch volchde hie (ich?) in doch achter mede,
Verse / Line: 5579     ouch wie balde dat men rede.
Verse / Line: 5580     Do dat her an dat Poilemre hultz quam,
Verse / Line: 5581     wist wat hie (ich?) hoirte ind vernam,
Verse / Line: 5582     dat der greue sprach van Cleue:
Verse / Line: 5583     "Mir were vil besser dat ich bleue,
Verse / Line: 5584     (weder eynen synen kemenere)
Page of edition: 190  Verse / Line: 5585     dese reise geit mir an myn ere,
Verse / Line: 5586     want myr is reicht zo mude noch,
Verse / Line: 5587     als ich zo Coelne durch ein loch
Verse / Line: 5588     sule kruffen anderwerff; bi Gode,
Verse / Line: 5589     ich were myr lieuer zo Hilkeroide!
Verse / Line: 5590     "Vil hertze lieue heren myn,
Verse / Line: 5591     sprach der kemenere syn,
Verse / Line: 5592     wilt ir dan bliuen sonder wort,
Verse / Line: 5593     so laist vr lude ryden vort.
Verse / Line: 5594     Rijt en lutzel by syden her,
Verse / Line: 5595     bys al vurleden is vr her."
Verse / Line: 5596     Sus dede der greue ind keirde syn pert
Verse / Line: 5597     ind reit zo Hilkeroide wert.
Verse / Line: 5598     Syn volck reit vort an den hertzoge
Verse / Line: 5599     van Lumburch ind krouff durch den boge.
Verse / Line: 5600     Da was der here van Valckenburch
Verse / Line: 5601     ind dede Vlre portze hauwen durch,
Verse / Line: 5602     des sich der greue van Cleue intsaich;
Verse / Line: 5603     synen luden na also geschach
Verse / Line: 5604     ind als dat loch durch hauwen wart,
Verse / Line: 5605     der here voir in myt der vart
Verse / Line: 5606     beide durch loch ind durch bogen
Verse / Line: 5607     ind voren halden by den hertzogen.
Verse / Line: 5608     Den perden daden sy aff ye doch
Verse / Line: 5609     die sedele ind treckden durch dat loch.
Verse / Line: 5610     Als scheir sy dar durch quamen,
Verse / Line: 5611     ir sulge herberge namen,
Verse / Line: 5612     sy voren in hus ind in schuren,
Verse / Line: 5613     sy wainden guder euenturen.
Verse / Line: 5614     Mit dem der vischer her Herman
Page of edition: 191  Verse / Line: 5615     zo dem hertzogen sprechen began:
Verse / Line: 5616     "Deser reysen here is wail begonnen,
Verse / Line: 5617     synt ir Coelne hait gewonnen,
Verse / Line: 5618     here nu treckt vort in desen gardin,
Verse / Line: 5619     hie sult ir der gemeinden wardin,
Verse / Line: 5620     wir gein zo in in die stat
Verse / Line: 5621     ind sain vnsen vrunden dat,
Verse / Line: 5622     here, dat ir en bynnen muren sijt,
Verse / Line: 5623     dat sy zo uch komen in zijt.
Verse / Line: 5624     Here, als it schone daich
Verse / Line: 5625     ind mallich sich bekennen maich,
Verse / Line: 5626     so soelen wir die viande soicken
Verse / Line: 5627     ind vinden sy vp eren douchen."
Verse / Line: 5628     Sus treckde der hertzoge in den garden
Verse / Line: 5629     ind solde der gemeinden warden.
Verse / Line: 5630     Hie hoirte zo hant eynen man,
Verse / Line: 5631     die heis Vinckilbart Herman,
Verse / Line: 5632     die den Ouerstultzen gudis gonde,
Verse / Line: 5633     als balde hie gelouffen konde
Verse / Line: 5634     in Viltzengrauen dat hie leiff
Verse / Line: 5635     ind in Ryngassen, lude hie reiff:
Verse / Line: 5636     "Wafene, uch sint die viande by!
Verse / Line: 5637     Vur Vlre portzen haldent sy!
Verse / Line: 5638     Sy willent uch doden ind verdryuen
Verse / Line: 5639     beyde myt kinden ind myt wiuen!
Verse / Line: 5640     Steit vp, wapent uch, des is noit,
Verse / Line: 5641     off sy sleint uch vp uren bedde doit!"
Verse / Line: 5642     Hie myt bereide mallich sich
Verse / Line: 5643     alse zo veichtene eynen wich.
Verse / Line: 5644     Sy hadden wale da vur vernomen
Page of edition: 192  Verse / Line: 5645     dat viende solden vp sy komen.
Verse / Line: 5646     So wie sich eirst moichte bereiden,
Verse / Line: 5647     de en wolde des anderen neit beiden,
Verse / Line: 5648     ey doch sy alsamen quamen.
Verse / Line: 5649     Da sy die viande vernamen
Verse / Line: 5650     ind ouch myt ougen an sagen:
Verse / Line: 5651     "Ich sain uch vrunden ind magen,
Verse / Line: 5652     vre ere leit hie vp der wagen,
Verse / Line: 5653     began her Mathis Ouerstultz sagen,
Verse / Line: 5654     die gene die ir da seit halden,
Verse / Line: 5655     mogen sy irs willen walden,
Verse / Line: 5656     sy doint allen lesterlichen doit!
Verse / Line: 5657     So myr Got de mich geboit,
Verse / Line: 5658     volcht myr e wir noch hude steruen!
Verse / Line: 5659     Wir sullen ir so vil verderuen,
Verse / Line: 5660     dat men't na maich bederue clagen
Verse / Line: 5661     ind ouer hundert iair dar aff sagen!"
Verse / Line: 5662     Dyt sprach ein der koinste man
Verse / Line: 5663     den die werelt ye gewan.
Verse / Line: 5664     "Ir heren in myme mois garden
Verse / Line: 5665     solen wir der viande warden!"
Verse / Line: 5666     Sus quamen die viende myt vieren
Verse / Line: 5667     mit vpgebunden baneyren.
Verse / Line: 5668     Vur sloich der here van Valckenburch
Verse / Line: 5669     ind der hertzoge van Limburch,
Verse / Line: 5670     in volchde manich edel man,
Verse / Line: 5671     die ich wail nante nochtan;
Verse / Line: 5672     node nente ich sy al samen,
Verse / Line: 5673     ir vrunt solden sichs na mails schamen.
Verse / Line: 5674     Mit veirzijgen irre dryhundert streden
Page of edition: 193  Verse / Line: 5675     ritter van pryse wail gereden;
Verse / Line: 5676     die veirzijch weder myt eine streden
Verse / Line: 5677     reicht na ritterlichen seden.
Verse / Line: 5678     Sy worden gedain aichter wert
Verse / Line: 5679     mit groissen slegen ind ir pert.
Verse / Line: 5680     Wie sy aichterwert worden gedain,
Verse / Line: 5681     so sere saich men sy weder slain,
Verse / Line: 5682     dat dat vuyr vys den helmen spranck,
Verse / Line: 5683     des moissen sy vmmer hauen danck.
Verse / Line: 5684     Der veirtzijger was wale ein ewelich
Verse / Line: 5685     Dederige van Berne wail geliche.
Verse / Line: 5686     Her Mathis sy alre eirst weder reit,
Verse / Line: 5687     des hie so groissen smertz leit,
Verse / Line: 5688     dat hie vur doit dar neder laich.
Verse / Line: 5689     Do dat syn lieue sun gesaich,
Verse / Line: 5690     die da was genant Gerart,
Verse / Line: 5691     so reichte zornich hie da wart,
Verse / Line: 5692     dat hie ein ax van zorne nam,
Verse / Line: 5693     wat hie der viende bequam
Verse / Line: 5694     die sloich hie so bitterlichen neder,
Verse / Line: 5695     dat sy neit vp en stoinden weder.
Verse / Line: 5696     Her Peter Iude quam gerant
Verse / Line: 5697     als ein kone wigant,
Verse / Line: 5698     die leider doit bleiff vp der stat.
Verse / Line: 5699     Her Costin Crop die node dat
Verse / Line: 5700     gesaich, die keirde syn pert
Verse / Line: 5701     vil snel zo der gemeinden wert.
Verse / Line: 5702     Hie vlede der gemeinre deit:
Verse / Line: 5703     "Seit heren, wa da neder leit,
Verse / Line: 5704     her Mathis ind Peter der Iude!
Page of edition: 194  Verse / Line: 5705     Dur die reyne Godes gude
Verse / Line: 5706     doit it uch hude selue zo eren,
Verse / Line: 5707     helpet vns der stede viande keren,
Verse / Line: 5708     die uch ind vns willent verdryuen
Verse / Line: 5709     beide des goitz ind intliuen!
Verse / Line: 5710     Edel gemeinde hait vur ougen dat,
Verse / Line: 5711     dat wir samen in deser hilger stat
Verse / Line: 5712     vp syn geuoit ind gezogen!
Verse / Line: 5713     Helpt vns ind uch weder den hertzoge
Verse / Line: 5714     van Lumburch ind weder die van me lande;
Verse / Line: 5715     wir sullens vmmer hauen schande
Verse / Line: 5716     solden sy vns alsus verdryuen
Verse / Line: 5717     ind vns gudis heren bliuen!"
Verse / Line: 5718     Her zo vil balde ein selich man
Verse / Line: 5719     luder stymmen antworden began:
Verse / Line: 5720     "Laist vns byzijde in weder stain,
Verse / Line: 5721     off sy soilen dat kint in der weigen slain!"
Verse / Line: 5722     Dit entsaich sich die gemeinde,
Verse / Line: 5723     die Got selue so vereinde,
Verse / Line: 5724     dat sy gelich alsamen
Verse / Line: 5725     den burgeren zo helpen quamen.
Verse / Line: 5726     Do geinck it eirst an ein stryden
Verse / Line: 5727     ind saich me lude pine liden,
Verse / Line: 5728     want mallich wolde da ere erweruen.
Verse / Line: 5729     Do begonden die ritter helm keruen;
Verse / Line: 5730     mit den helm exen ind myt swerden
Verse / Line: 5731     slogen sy ros ind man zo der erden.
Verse / Line: 5732     Ir heren in dem mois garden,
Verse / Line: 5733     da sy in der gemeinden solden warden,
Verse / Line: 5734     quam die gemeinde iren burgeren
Page of edition: 195  Verse / Line: 5735     zo helpen myt al eren eren.
Verse / Line: 5736     Sy dreuen samen aichterwert
Verse / Line: 5737     die ritter, ros, man ind pert;
Verse / Line: 5738     die sy zo vrunde wainden hauen
Verse / Line: 5739     dreuen sy aichterwert in eynen grauen,
Verse / Line: 5740     do sy sus dar neder sturten.
Verse / Line: 5741     Ich wil uch dese rede kurten:
Verse / Line: 5742     Wat ir da doit bleiff, off geuangen,
Verse / Line: 5743     worden gewont in eren wangen
Verse / Line: 5744     ind vmb ir houft also geslagen,
Verse / Line: 5745     dat men sijs noch sijt zeichen dragen.-
Verse / Line: 5746     Do sus schumfeirt wart dat her,
Verse / Line: 5747     der hertzoge van Lumburch begaff sin wer
Verse / Line: 5748     ind krouff weder durch synen bogen.
Verse / Line: 5749     Eyn burger volchde dem hertzogen,
Verse / Line: 5750     die in weder entusschen dem grauen veinck.
Verse / Line: 5751     Alsus der hertzoge weder geinck
Verse / Line: 5752     anderwerff zo dem loche durch;
Verse / Line: 5753     hie were bas bleuen zo Lumburch.
Verse / Line: 5754     Der hertzoge solde billicher hassen
Verse / Line: 5755     her Willem van der Huntzgassen,
Verse / Line: 5756     wan Coelne die hilge stat.
Verse / Line: 5757     Herman der vischer de'm dat
Verse / Line: 5758     reit, dat hie sus zo Coelne bynnen
Verse / Line: 5759     queme hie, hie solde it wale gewynnen,
Verse / Line: 5760     der bleuen dry doit in der stat,
Verse / Line: 5761     gesleift ind vp rader gesat;
Verse / Line: 5762     sy weren zo Bunne bleuen bas.
Verse / Line: 5763     Do die gemeinde dit gesaich,
Verse / Line: 5764     dat er Mathis da neder laich,
Page of edition: 196  Verse / Line: 5765     vur doit braichten sy in vs gedragen
Verse / Line: 5766     ind begonden eme sagen,
Verse / Line: 5767     dat her Peter erslagen were.
Verse / Line: 5768     "Durch Got ind sent Peters ere
Verse / Line: 5769     en kummert uch neit myt vnsen doden!
Verse / Line: 5770     Geit, helpt den leuendigen zo eren noden!
Verse / Line: 5771     Got hait vns noch in allen zijden
Verse / Line: 5772     gehulpen here'n allen stryden
Verse / Line: 5773     ind die lieue moder syn.
Verse / Line: 5774     Dat is der gelouue myn,
Verse / Line: 5775     Got do hude Coelne erweruen,
Verse / Line: 5776     die vrolicher wil ich steruen!"
Verse / Line: 5777     Sus geingen sy alle stryden weder
Verse / Line: 5778     ind slogen man ind ros dar neder,
Verse / Line: 5779     sus worden entschuffeirt die heren
Verse / Line: 5780     ind Coelne bleiff in synen eren.

Verse / Line: 5781        We vernam ey landis heren
Verse / Line: 5782     mit sulchen schanden ind vneren
Verse / Line: 5783     stillich brechen in eine stat!
Verse / Line: 5784     Die werelt spricht gemeine dat,
Verse / Line: 5785     id sy mordere ind dieue sede.
Verse / Line: 5786     Da woren dry hundert wail mede,
Verse / Line: 5787     als man spricht, edelre manne,
Verse / Line: 5788     der en quam ney gein myt eren danne,
Verse / Line: 5789     want sy quamen in slaiffenre deit,
Verse / Line: 5790     als Iudas do hie Got verreit
Verse / Line: 5791     vmb goit ind vmb morden;
Verse / Line: 5792     ain weir't in wail zo schanden worden,
Verse / Line: 5793     so en spreiche doch neyman anders neit,
Verse / Line: 5794     in en were alreicht gescheit. -

Page of edition: 197 
Verse / Line: 5795        Her Mathis , de sy eirst an reit,
Verse / Line: 5796     van wonden hie sulchen smertzen leit,
Verse / Line: 5797     dat hie van dem orsse veil durch noit
Verse / Line: 5798     ind bleiff des vunfsten dagis doit.
Verse / Line: 5799     Her Peter Iude quam na gerant,
Verse / Line: 5800     eyn schoin, kone wigant
Verse / Line: 5801     ind (van) Vrechen her Iohan,
Verse / Line: 5802     eyn goit, hoisch, gezogen man
Verse / Line: 5803     ind dar na Heynman van dem Aren;
Verse / Line: 5804     ere selen mois Got bewaren!
Verse / Line: 5805     Dese veir verloren des strytz ir leuen
Verse / Line: 5806     durch truwe; Got mois in dar vmb geuen
Verse / Line: 5807     eweliche vreude in hemelriche,
Verse / Line: 5808     des biddit myt myr algelich!

Verse / Line: 5809        Ir alle die mich horen myt oren,
Verse / Line: 5810     gelouft myr armen dummen doren,
Verse / Line: 5811     were Coelne komen in ir gewalt,
Verse / Line: 5812     da en were junck noch alt,
Verse / Line: 5813     noch vrunt noch vient in bleuen,
Verse / Line: 5814     hie en were enterft ind verdreuen.
Verse / Line: 5815     Nu sijt ir alle in einre scholt,
Verse / Line: 5816     mallich sy vort dem anderen hult
Verse / Line: 5817     mit gantzen truwen ind halt uch samen;
Verse / Line: 5818     ich en dar mich neit des radis schamen;
Verse / Line: 5819     bit Got dat truwe in Coelne bliue
Verse / Line: 5820     ind die vntruwe vs verdriue.
Verse / Line: 5821     Wolden die eyne die anderen noch verdriuen,
Verse / Line: 5822     ir solde so clein in Coelne bliuen,
Verse / Line: 5823     ir en sult it neit wale mogen vur walden
Verse / Line: 5824     dat ir in Coelne moicht behalden.
Page of edition: 198  Verse / Line: 5825     Nu is uch ein lere bleuen,
Verse / Line: 5826     die uch her Dauit hait beschreuen:
Verse / Line: 5827     Wilt ir uch vur vntruwen schamen
Verse / Line: 5828     ind broderlichen leuen dragen (samen?),
Verse / Line: 5829     so sal uch Got zo staden stain,
Verse / Line: 5830     deme alle dinck sint vnderdain.
Verse / Line: 5831     Hie en leist dich Coelne nit verderuen,
Verse / Line: 5832     noch van vianden ersteruen,
Verse / Line: 5833     die die dry hilge koninge sande
Verse / Line: 5834     mit vredin vs Herodis lande
Verse / Line: 5835     ind weder myt vreden in ir lant,
Verse / Line: 5836     die dir Coelne hait gesant
Verse / Line: 5837     beide zo helpen ind zo vromen.
Verse / Line: 5838     Weren sy zo Herodese komen,
Verse / Line: 5839     Herodes hedde sy doin intliuen,
Verse / Line: 5840     Got wolde sy doin in vreden bliuen
Verse / Line: 5841     ind hait sy gesant vmb vrede alher,
Verse / Line: 5842     dat in en schade vient noch her.
Verse / Line: 5843     So we den vreden noch hait zo brochen,
Verse / Line: 5844     die hait Got selue her gewrochen,
Verse / Line: 5845     ind we in vmmer gebrechin denckit,
Verse / Line: 5846     Got selue in an der eren krenckit,
Verse / Line: 5847     als it noch her komen is,
Verse / Line: 5848     des is vurwair Coelne gewis.

Verse / Line: 5849        Coelne du maicht is wale wesen blide,
Verse / Line: 5850     want dyr hilpt in allen stryde
Verse / Line: 5851     sente Peter dyn patroin,
Verse / Line: 5852     (ind) der gode sent Gereoin,
Verse / Line: 5853     syner gesellen is noch me.
Verse / Line: 5854     Weder zo Coelne sint gegeuen,
Page of edition: 199  Verse / Line: 5855     seis dusent in einre geselschaff euen
Verse / Line: 5856     ind seis hundert, die dir Got gaff
Verse / Line: 5857     zo helpen ind seis ind seiszijch, die dir neit aff
Verse / Line: 5858     en geingen, des gelouue myr.
Verse / Line: 5859     Coelne dese alle helpent dir.
Verse / Line: 5860     Florencius die vil groisse here
Verse / Line: 5861     ind sente Victor der segere,
Verse / Line: 5862     der guede sent Cassius,
Verse / Line: 5863     deser houft heren heischen sus,
Verse / Line: 5864     Godis ritter sint sy genant
Verse / Line: 5865     ind helpent dir Coelne myt der hant.
Verse / Line: 5866     Ouch helpent dir der hilger conynge dry
Verse / Line: 5867     ind steint dir myt truwen by,
Verse / Line: 5868     mit alme hemelschen her
Verse / Line: 5869     doint sy myt dyr Coelne wer.
Verse / Line: 5870     Melchior ind Iaspar,
Verse / Line: 5871     dat derde is her Balthesar,
Verse / Line: 5872     Felix, Nabor, Gregorius,
Verse / Line: 5873     dese restent in der konynge hus
Verse / Line: 5874     ind bleuen Godis mertelere,
Verse / Line: 5875     dese veichtent Coelne vur dine ere,
Verse / Line: 5876     Cosmas myt sent Damiane,
Verse / Line: 5877     sente Georis ind syn sege vane
Verse / Line: 5878     solen dich leides maichen ane.
Verse / Line: 5879     Machabei ind sente Gere,
Verse / Line: 5880     sente Seuerin die groisse here,
Verse / Line: 5881     sente Anno ind sente Kunbert
Verse / Line: 5882     haint myt eren dich her gewert.
Verse / Line: 5883     Die more die in Coelne ir bloit
Verse / Line: 5884     sturten, die haint Got also goit,
Page of edition: 200  Verse / Line: 5885     dat Got hilpt Coelne myt der hant
Verse / Line: 5886     ind den hilgen die hie vur sint genant.
Verse / Line: 5887     Ouch wie sondich eman in Coelne sy,
Verse / Line: 5888     doch steit Got synen hilgen by;
Verse / Line: 5889     hie en wilt neit vmb myn sundich leuen
Verse / Line: 5890     sine hilgen ind vre stat begeuen.
Verse / Line: 5891     Coelne reichte dir geschaich
Verse / Line: 5892     als Iudas Machabeus sprach,
Verse / Line: 5893     do hie mennich dusent viende saich
Verse / Line: 5894     vp in komen vmb vngemaich,
Verse / Line: 5895     do sprach der koinste wigant
Verse / Line: 5896     die ey man wart bekant,
Verse / Line: 5897     off van wiue ey geboren:
Verse / Line: 5898     "Wir hain goit, lant ind lijff verloren,
Verse / Line: 5899     wir en weren't hude myt der hant,
Verse / Line: 5900     wir interen vns ind vnse lant,
Verse / Line: 5901     dar zo zostorent sy vnsen ewen,
Verse / Line: 5902     koinlich wert uch als lewen
Verse / Line: 5903     ind laist vns samen ere erweruen
Verse / Line: 5904     weder die, die vns hude willent enteruen."
Verse / Line: 5905     Alsus sprach eins morgens vro
Verse / Line: 5906     her Iudas synen luden zo.
Verse / Line: 5907     Sy antwerden ind spraichen,
Verse / Line: 5908     want in der lude vil gebraichen:
Verse / Line: 5909     "So mannich dusent so wir sein,
Verse / Line: 5910     wie moicht vns here dat geschein,
Verse / Line: 5911     dat wir den sege in aue stredin?
Verse / Line: 5912     Vns were stredens bas vermedin,
Verse / Line: 5913     want luzzel volx myt muden ledin
Verse / Line: 5914     hait selden her wail gestredin;
Page of edition: 201  Verse / Line: 5915     ir is hundert dusent weder vns vunffhundert,
Verse / Line: 5916     id is, here, wonder, dat uch des neit en wondert;
Verse / Line: 5917     ir heischt sy vns lichtlichen bestain,
Verse / Line: 5918     seit wie it vns wail moichte ergain.
Verse / Line: 5919     Do begonde her Iudas sagen:
Verse / Line: 5920     "Neyman en sal sich da verzagen
Verse / Line: 5921     da men vp syn leuen kompt gevaren,
Verse / Line: 5922     noch alsulchen vient sparen,
Verse / Line: 5923     want sege en leit an vil volckes neit,
Verse / Line: 5924     hie wirt den hie Got van hemel geit."
Verse / Line: 5925     Sus bestoint sy Iudas myt konre hant
Verse / Line: 5926     ind werde sins vader lant,
Verse / Line: 5927     dar zo syn volck, lijff, goit ind ere.
Verse / Line: 5928     Sus daden die goden Coelnere;
Verse / Line: 5929     sy en sparden edelen man noch here,
Verse / Line: 5930     sy veingen ind slogen neder
Verse / Line: 5931     alle die in woren weder.
Verse / Line: 5932     Sonder eine die van Cleue
Verse / Line: 5933     wen'ich dat vngevangen bleue,
Verse / Line: 5934     hie voir da hie sich sicher wiste
Verse / Line: 5935     als die duue zo irme niste.
Verse / Line: 5936     Ich wil uch die wairheit sagen,
Verse / Line: 5937     van Coelne vlo mennich sonder iagen
Verse / Line: 5938     vs dem loche weder heym,
Verse / Line: 5939     als der ol voirt (olband) zo Iherusalem
Verse / Line: 5940     durch einre nailden ouge crouff;
Verse / Line: 5941     selich was hie, die durch dat loch slouff!
Verse / Line: 5942     Nv helpe vr eiclich dem anderen raden,
Verse / Line: 5943     wie ir uch ind vre stat vur schaden
Verse / Line: 5944     behoit, vulbehalt vre ere;
Page of edition: 202  Verse / Line: 5945     mallich syn hertze dar zo kere,
Verse / Line: 5946     halt vrede vnder uch, dat is myn rait,
Verse / Line: 5947     want die werelt in vnureden stait.
Verse / Line: 5948     Gedenckit wat spils myt uch gedreuen
Verse / Line: 5949     sy hie beuoren; were Coelne bleuen,
Verse / Line: 5950     alsulche wainden, die reyne stat
Verse / Line: 5951     also gewynnen durch ein gat,
Verse / Line: 5952     dat sult ir wissen sicherlich,
Verse / Line: 5953     in Coelne en were arm noch riche,
Verse / Line: 5954     als ich it van buyssen hain vernomen
Verse / Line: 5955     in landen dar ich in byn komen,
Verse / Line: 5956     hie in were sicherlichen bleuen
Verse / Line: 5957     vntlijfft, interfft ind verdreuen.
Verse / Line: 5958     Noch rade ich, Coelne bys in hoeden
Verse / Line: 5959     vur den, die dic(h) wolden intguden,
Verse / Line: 5960     ouch wie sy dich myt dem munde mynnen,
Verse / Line: 5961     ir hertze meint ein anders en bynnen.
Verse / Line: 5962     Byddet den vader, den son ind den hilgen geist,
Verse / Line: 5963     want sy dry vermogen alre meist,
Verse / Line: 5964     ind die reine magit vrie
Verse / Line: 5965     die moder Godis sente Marie,
Verse / Line: 5966     dat sy uch reichten vrede geue
Verse / Line: 5967     ind vur Gode sy dat werue
Verse / Line: 5968     eyn hertze, wil ind einen moit
Verse / Line: 5969     ind dat zo allen dingen goit.
Verse / Line: 5970     Got sal dir vmb dyn rein leuen
Verse / Line: 5971     den ewelichen vrede geuen.
Verse / Line: 5972     Ich wene hei's ney vrome in gewan,
Verse / Line: 5973     we zo arge vp Coelne ye eit began.
Verse / Line: 5974     Ich saich burge maichen begynnen,
Page of edition: 203  Verse / Line: 5975     ich saich sy ouch brechen ind wynnen,
Verse / Line: 5976     da men Coelne myt wainde twingen
Verse / Line: 5977     ind vs syme reichte brengen.
Verse / Line: 5978     Wes da zo vnreichte wirt begonnen,
Verse / Line: 5979     da is selden ere myt gewonnen. -

Verse / Line: 5980        E dan der busschoff geuangen bleue
Verse / Line: 5981     ind eman lochis strijt gedreue,
Verse / Line: 5982     die stat saich degelichs ind vernam,
Verse / Line: 5983     dat busschoff Engelbreicht ir was so gram,
Verse / Line: 5984     dat hie die besten wolde verdryuen
Verse / Line: 5985     beyde myt kinden ind myt wiuen;
Verse / Line: 5986     dar zo wie hie sy moichte interuen
Verse / Line: 5987     ind an eren dar zo verderuen.
Verse / Line: 5988     Wa it an lijff geit ind an ere,
Verse / Line: 5989     der wise denckt vur wie hie it kere.
Verse / Line: 5990     Do dit die besten van Coelne vernamen,
Verse / Line: 5991     sy schufen dat sy alle zo houfe quamen
Verse / Line: 5992     ind hadden des iren rait,
Verse / Line: 5993     zo keren sus gedane dait.
Verse / Line: 5994     Sus vonden vnder in die gesleichte
Verse / Line: 5995     (behalden alle ire busschoue reichte,)
Verse / Line: 5996     dat sy koren veir landis heren,
Verse / Line: 5997     die in hulpen al vnreicht keren,
Verse / Line: 5998     ind zo allen wislichen saichen,
Verse / Line: 5999     dat sy die burgere sulden maichen
Verse / Line: 6000     ind dar vmb erfliche rente geuen,
Verse / Line: 6001     dat sy in hulpen al ir leuen
Verse / Line: 6002     neit dan zo allen reichten dingen
Verse / Line: 6003     ind al eren nakomelingen.
Verse / Line: 6004     Dar zo reiden sy vp dry vrie man,
Page of edition: 204  Verse / Line: 6005     die in helpen solden nochtan.
Verse / Line: 6006     Do sy sus samen ouerdrogen,
Verse / Line: 6007     sy duchte bes her zo gevogen
Verse / Line: 6008     der greue van Gelre, want hie were
Verse / Line: 6009     eyn edel, geweldich, rich here.
Verse / Line: 6010     Alsus wart hie zo richt besant;
Verse / Line: 6011     ind der greue van Gulche altze hant;
Verse / Line: 6012     dar na der greue van dem Berge;
Verse / Line: 6013     des veirden ich uch neit en berge,
Verse / Line: 6014     dat is der greue van Katzenellenbogen,
Verse / Line: 6015     die ney off selden hait gelogen.
Verse / Line: 6016     Do koren sy van Vrentze den heren,
Verse / Line: 6017     want hie goit ritter ind nauredich were,
Verse / Line: 6018     ind van Ysenburch den edelen man
Verse / Line: 6019     ind heren Werner van Rode nochtan.
Verse / Line: 6020     Dese seuene quamen zo Coelne en bynnen,
Verse / Line: 6021     men saich sy alle samen burgeschaff gewynnen
Verse / Line: 6022     ind verbunden sich myt der stede,
Verse / Line: 6023     dat sy durch leiff noch durch beide
Verse / Line: 6024     dat nummer gelaissen en solden,
Verse / Line: 6025     dese seuene en wolden
Verse / Line: 6026     der steide helpen zo irme reichte,
Verse / Line: 6027     da men't myt wairheit an sy breichte,
Verse / Line: 6028     behalden reicht irre eren
Verse / Line: 6029     die dan in den zijden weren.
Verse / Line: 6030     Dat daden sy allit vmb dat gude
Verse / Line: 6031     ind vernam it der busschoff in vnmode.
Verse / Line: 6032     Hie daichte, wie hie dis dede wer
Verse / Line: 6033     ind samende stillich ein her,
Verse / Line: 6034     mit dem hie sy maichde eme vnderdain,
Page of edition: 205  Verse / Line: 6035     die den Coelneren zo staden wolden stain.
Verse / Line: 6036     Hie daichte: Coelne en maichs du neit gewynnen,
Verse / Line: 6037     du salt is alre eirst begynnen
Verse / Line: 6038     vp den van Gulche den greuen,
Verse / Line: 6039     de by den besten noch is bleuen.

Verse / Line: 6040        Do dem busschoue syn her wart,
Verse / Line: 6041     hie voir zo Sintzge myt der vart.
Verse / Line: 6042     Ouch wie it des richis were,
Verse / Line: 6043     vp dat sy vr goit ind vr ere
Verse / Line: 6044     beheilden, so wart in van me greuen
Verse / Line: 6045     beschreuen, dat sy sich ergeuen.
Verse / Line: 6046     Der greue daichte in synen moit,
Verse / Line: 6047     id worde weder eme also goit,
Verse / Line: 6048     wie hie dar na myt syme kunne
Verse / Line: 6049     des busschoffs ouerhant gewonne.
Verse / Line: 6050     Do der busschoff Sintzge gewan,
Verse / Line: 6051     van dan volchde eme menich man.
Verse / Line: 6052     Vort treckde hie in des greuen lant,
Verse / Line: 6053     men staich an vuyr ind brant,
Verse / Line: 6054     des busschoffs volck was ain vresen
Verse / Line: 6055     ind maichde wedewen ind weisen.
Verse / Line: 6056     Sy daichten dat lant also verherin,
Verse / Line: 6057     dat sich neyman en moichte erwerin.
Verse / Line: 6058     Der greue alle syne vrunt besante
Verse / Line: 6059     die wile men syn lant verbrante,
Verse / Line: 6060     dat sy snel quemen ind neit en bleuen,
Verse / Line: 6061     off hie bleue enterft ind verdreuen.
Verse / Line: 6062     Do der greue van Gelre dit vernam,
Verse / Line: 6063     hie besamende sich balde ind quam
Verse / Line: 6064     beide myt vrunden ind magen,
Page of edition: 206  Verse / Line: 6065     die des greuen laster node sagen.
Verse / Line: 6066     Do der greue van Gulche sy gesaich,
Verse / Line: 6067     nu moicht ir horen wie hie sprach
Verse / Line: 6068     zo me greuen van Gelre: "Swager myn,
Verse / Line: 6069     Gode ind mir moist willekome syn!
Verse / Line: 6070     Ich clage uch dat der busschoff myn here
Verse / Line: 6071     mir wilt benemen goit ind ere,
Verse / Line: 6072     want ich der Coelnere helper byn,
Verse / Line: 6073     behalden syme reichte me noch myn.
Verse / Line: 6074     Hie spricht hie wilt vns vur verdriuen
Verse / Line: 6075     ind alsus here van Coelne bliuen."
Verse / Line: 6076     "Swager nu en erveirt uch neit,
Verse / Line: 6077     want groisse wort en byndent neit!
Verse / Line: 6078     Got sal vns helpen ind dat reichte,
Verse / Line: 6079     dar zo vrunt mage ind gesleichte;
Verse / Line: 6080     syn gesamende deit sal eme hude intflein,
Verse / Line: 6081     swager dat sult ir hude myt ougen sein.
Verse / Line: 6082     Bestain wir sy richtz, dat is vns vrome,
Verse / Line: 6083     e in eman zo helpen kome.
Verse / Line: 6084     Swager snel volcht myr vmb dat,
Verse / Line: 6085     ich sal uch wisen dat gewat!"
Verse / Line: 6086     Sus begonden sy vp beiden siden
Verse / Line: 6087     vmb dat gewat rennen ind ryden.
Verse / Line: 6088     Der greue dat gewat gewan
Verse / Line: 6089     ind myt eme menich kone man.
Verse / Line: 6090     Der busschoff hadde ir zweire als vele nochtan.
Verse / Line: 6091     Als scheir sy dat gewat gewonnen,
Verse / Line: 6092     des volcwichs wart da begonnen.
Verse / Line: 6093     Van eirst was hie starck ind hart,
Verse / Line: 6094     da en wart vient noch vrunt gespart.
Page of edition: 207  Verse / Line: 6095     Der greue wart aichterwert gedain,
Verse / Line: 6096     zo leste begonde hie weder stain
Verse / Line: 6097     myt starcker helpe siner vrunde,
Verse / Line: 6098     dat des busschoffs volck da vlein begonde.
Verse / Line: 6099     Der busschoff reit war hie wolde
Verse / Line: 6100     ind en wiste doch neit war hie soulde.
Verse / Line: 6101     Hie moichte wail syn intreden,
Verse / Line: 6102     wolde hie strydins hain vermedin.
Verse / Line: 6103     Der stryt wart eme also hart,
Verse / Line: 6104     dat hie alda geuangen wart
Verse / Line: 6105     ind myt eme manich edel man,
Verse / Line: 6106     die ich genomen neit en kan.
Verse / Line: 6107     Sonder ein die van Cleue
Verse / Line: 6108     wene ich dat hie vngeuangen bleue;
Verse / Line: 6109     wart hie ouch geuangen da,
Verse / Line: 6110     so entgeinck hie andersswa.
Verse / Line: 6111     Des sijt sicher ind gewijs,
Verse / Line: 6112     dat hie noch vngeuangen is.
Verse / Line: 6113     Der busschoff wart zo Nydecken braicht
Verse / Line: 6114     ind in starck yseren gelaicht,
Verse / Line: 6115     da bleiff hie veirdehalff iair geuangen,
Verse / Line: 6116     des in wale sere moicht verlangen.
Verse / Line: 6117     Manich parlemunt wart dar vmb begont,
Verse / Line: 6118     ind als men't eme na dede kunt,
Verse / Line: 6119     so in duchte it in neit wesin goit.
Verse / Line: 6120     Zo leste geweichde eme synen moit
Verse / Line: 6121     die Got, die alle dinck vermaich.
Verse / Line: 6122     Zo busschoue Albrechte hie sprach:
Verse / Line: 6123     "Wat ir vur mich durt doin beschriuen,
Verse / Line: 6124     ain zwiuel, da wil ich ane bliuen!"
Page of edition: 208  Verse / Line: 6125     Do sprach der busschoff Albreicht:
Verse / Line: 6126     "Van Coelne busschoff Engelbrecht,
Verse / Line: 6127     busschoffe solen syn gereicht,
Verse / Line: 6128     dat is ein beschreuen reicht,
Verse / Line: 6129     ind guder dede syn ein sterre,
Verse / Line: 6130     zo luchten beide na ind verne;
Verse / Line: 6131     goit bispel sal men an uch sein,
Verse / Line: 6132     so maich uch ere ind goit geschein;
Verse / Line: 6133     wat uch weder moitz sy gescheit,
Verse / Line: 6134     des en sult ir uch laissen gedencken neit;
Verse / Line: 6135     halt vre truwe ind wair vre wort,
Verse / Line: 6136     so geit vr dinck myt eren vort;
Verse / Line: 6137     wat men geloift dat sal men leisten
Verse / Line: 6138     beide den mynsten ind den meisten,
Verse / Line: 6139     want wirt ein man ein logenere,
Verse / Line: 6140     hie doit syn sele ind verlust syn ere;
Verse / Line: 6141     maicht vrede in lande ind in steden,
Verse / Line: 6142     so soelen die gueden vur uch beiden;
Verse / Line: 6143     noch durch bede noch durch haue
Verse / Line: 6144     in sijt reichtis gerichtis aue,
Verse / Line: 6145     ain sonde deit men reicht gerichte
Verse / Line: 6146     ouer boisheit boser wichte;
Verse / Line: 6147     eirt vre rittere ind vre burgere,
Verse / Line: 6148     so haldent sy uch weder vre ere;
Verse / Line: 6149     sint sy uch hult ind vnderdain,
Verse / Line: 6150     gein vrre nabere maich uch weder stain,
Verse / Line: 6151     des sijt sicher sonder wain.
Verse / Line: 6152     Doit dat, dan eirst hait ir verschoilt,
Verse / Line: 6153     dat uch wirt alle die werelt hoilt,
Verse / Line: 6154     want deit ir nu vren dingen vnreicht,
Page of edition: 209  Verse / Line: 6155     ich wene it uch eyne nuwe schande breichte."
Verse / Line: 6156     "Busschoff Albreicht ir sait myr reicht,
Verse / Line: 6157     sprach der busschoff Engelbreicht,
Verse / Line: 6158     nu laisse ich uch der sonen walden,
Verse / Line: 6159     wie ir sy maicht ich wil sy halden,
Verse / Line: 6160     sy en wirt van myr nummer zo brochen."
Verse / Line: 6161     "Here dyt is wale gesprochen.
Verse / Line: 6162     Here men hait mich doin verstain,
Verse / Line: 6163     meister Bernart haue eynen (ban) gedain
Verse / Line: 6164     vp die vmb vr in komen weruen;
Verse / Line: 6165     die dat woruen, die wolden mit (in't) verderuen.
Verse / Line: 6166     So is Godes deinst in der hilger stat
Verse / Line: 6167     van Coelne verboden vmb dat,
Verse / Line: 6168     dat sy solen syn dem greuen holt,
Verse / Line: 6169     des menich dusent is ane schoilt.
Verse / Line: 6170     We weiz wie hoilt dem anden sy?
Verse / Line: 6171     Is er uch eit vil gewesen by?
Verse / Line: 6172     Here, in veirdenhaluen iare,
Verse / Line: 6173     sijt irs wail worden gewar!
Verse / Line: 6174     Vre priore ind vre pafheit nochtan
Verse / Line: 6175     twanck men ouermitz den ban,
Verse / Line: 6176     dat sy samen in Coelne neit en bleuen,
Verse / Line: 6177     vmb dat sy egeine arbeit vmb uch en dreuen.
Verse / Line: 6178     Die vr vs komen sus wolden keren,
Verse / Line: 6179     sy woren vrre renten heren,
Verse / Line: 6180     want uch dit vp hindernisse is gedain
Verse / Line: 6181     ind zo meirre schanden maich ergain.
Verse / Line: 6182     Vur uch ind vre paffheit sult ir stain,
Verse / Line: 6183     sus maicht ir uch seluen zo heren
Verse / Line: 6184     ind al vnreicht moicht ir keren.
Page of edition: 210  Verse / Line: 6185     Ir sult uch selue ind ouch sy
Verse / Line: 6186     allis bannes maichen vry
Verse / Line: 6187     ind beroift an den romschen stoil
Verse / Line: 6188     vp schade, des ir ind vr pafheit hait voil.
Verse / Line: 6189     Ir sult vre paffen ind vre canonige,
Verse / Line: 6190     preitger, mynrebroder monche
Verse / Line: 6191     mit gehoirsamgeide twingen,
Verse / Line: 6192     dat sy ouer al vr buschdom singen.
Verse / Line: 6193     Here men leis die cardenale
Verse / Line: 6194     van vrre wegen altzemail
Verse / Line: 6195     des (dei?) vnreichte benne verstain,
Verse / Line: 6196     die meister Bernart hedde gedain
Verse / Line: 6197     vp die alle, die uch zo vromen
Verse / Line: 6198     gearbeiden her vmb vr vs komen.
Verse / Line: 6199     Sus wart meister Bernart besant
Verse / Line: 6200     ind myt woren sere geschant,
Verse / Line: 6201     wie hie die benne dorste geuen,
Verse / Line: 6202     die uch here geingen an vr leuen.
Verse / Line: 6203     Sy spraichen, hie en solde vmb vr vskomen
Verse / Line: 6204     neit weruen, noch vren vromen,
Verse / Line: 6205     dat yseren moicht uch so verderuen,
Verse / Line: 6206     dat ir in geuencnisse moistet steruen.
Verse / Line: 6207     Hie wart vale ind wart roit,
Verse / Line: 6208     hie erueirde sich ind loich sonder noit,
Verse / Line: 6209     her busschoff here, ir (hie) saicht uch doit,
Verse / Line: 6210     off also na weir(t) ir dem dode,
Verse / Line: 6211     dat hie dar vmb sege node,
Verse / Line: 6212     dat vre vrunt enich goit dem greuen
Verse / Line: 6213     van Gulge vmb vr zo (vs) komen geuen.
Verse / Line: 6214     Die Cardenale spraichen samen:
Page of edition: 211  Verse / Line: 6215     Ir sult uch noch lesterlichen schamen,
Verse / Line: 6216     dat ir vs gauet ie sulchen ban,
Verse / Line: 6217     den men vnreicht geprouen kan.
Verse / Line: 6218     Des worden eme die cardenale so gram
Verse / Line: 6219     dat hie ney seder
Verse / Line: 6220     ind (vnder) sy weder
Verse / Line: 6221     en dorste komen noch en quam.
Verse / Line: 6222     Dat hie is sus is in schanden bleuen,
Verse / Line: 6223     dat is vurwair her heym beschreuen.
Verse / Line: 6224     Here dit en laist uch neit werden leit;
Verse / Line: 6225     appelleirt vur uch ind vre paffheit,
Verse / Line: 6226     sus bespreche ich eirst die sone,
Verse / Line: 6227     ain kummer steit it uch zo doin,
Verse / Line: 6228     dan sain ich uch die sone vort
Verse / Line: 6229     off ir uch haldet an myne wort."
Verse / Line: 6230     "Sait vort ind hait is goeden danck,
Verse / Line: 6231     ich appelleir ind gebeiden sanck,
Verse / Line: 6232     als hie vur beschreuen hait,
Verse / Line: 6233     dit is myn wille ind ouch myn rait."
Verse / Line: 6234     "Here vort sult ir vp urs broder doit verzijen
Verse / Line: 6235     ind der steide weder vre hulde lien
Verse / Line: 6236     ind laissen sy in al der vryheide,
Verse / Line: 6237     die sy van keiser ind conynge beide
Verse / Line: 6238     ind van alder gewoinden her haint braicht,
Verse / Line: 6239     dat sult ir in halden alle vnuersaicht.
Verse / Line: 6240     Vredit sy, dat doit ir sonder schande,
Verse / Line: 6241     beide zo wasser ind zo lande;
Verse / Line: 6242     sy gein ryden off vleissen,
Verse / Line: 6243     maicht here, dat sy vr geneissen,
Verse / Line: 6244     ir gewintz beide vrome ind ere;
Page of edition: 212  Verse / Line: 6245     weder sulen sy uch halden vur here
Verse / Line: 6246     ind doin wat sy uch schuldich sint,
Verse / Line: 6247     ir sijt ir vader, sy sint vre kint,
Verse / Line: 6248     durch den lieuen Got van hemelrich,
Verse / Line: 6249     nu handelt sy vort vederliche!
Verse / Line: 6250     Ir en sult gein dinck vort vp sy wrechen,
Verse / Line: 6251     noch myt clagen vp sy sprechen,
Verse / Line: 6252     die uch hie beuoren sint gescheit
Verse / Line: 6253     en laist ir uch gedencken neit,
Verse / Line: 6254     want it ruwit sy ind is in leit.
Verse / Line: 6255     Nu doit als Got van hemel deit:
Verse / Line: 6256     In so wilcher zijt dat der sundere
Verse / Line: 6257     syne sunden ersucht ind sine sere
Verse / Line: 6258     ruwent, so vergeit sy eme vnse here,
Verse / Line: 6259     nu (ind) spricht, hie en wilre nummerme gedencken
Verse / Line: 6260     dat sy an der selen moge krencken,
Verse / Line: 6261     deit hie vort syme dinge reicht.
Verse / Line: 6262     Her an denckit busschoff Engelbreicht;
Verse / Line: 6263     allen ouelmoit sult ir in vergeuen,
Verse / Line: 6264     sy sullen uch dienen al vr leuen
Verse / Line: 6265     ind sus bliue die sone stede.
Verse / Line: 6266     Godes vient were hie, die it weder dede!"
Verse / Line: 6267     "Busschoff Ailbreicht, ich hain gesprochen
Verse / Line: 6268     van myr en were sy ney zebrochen,
Verse / Line: 6269     der gude Got der mois is walden,
Verse / Line: 6270     dat sy ewelich bliue behalden!"

Verse / Line: 6271        Die sone sy do geschach
Verse / Line: 6272     vp eynen gueden maindaich
Verse / Line: 6273     reicht na paischen veirzein naicht.
Verse / Line: 6274     Zo Coelne wart der busschoff braicht
Verse / Line: 6275     in't munster der guder sent Marien
Verse / Line: 6276     zo den greden; da saich men verzijen
Verse / Line: 6277     vp Coelne busschoff Engelbreichte
Verse / Line: 6278     ind bereiff sich anderwerff reichte.
Verse / Line: 6279     Die sone Meister Godefrit ouer las,
Verse / Line: 6280     die der stede schriuer was;
Verse / Line: 6281     die sone wart also gelesen,
Verse / Line: 6282     dat sy vmmer gevrunde solden wesen;
Verse / Line: 6283     des gonne vns Got van hemelrich,
Verse / Line: 6284     des biddet beide arm ind riche!
Verse / Line: 6285     Na Godes geburt dusent iair
Verse / Line: 6286     zweyhundert ind seuentzijch dat is wair,
Verse / Line: 6287     Meister Godefrit Hagene maichde mich allein,
Verse / Line: 6288     nu biddet syner selen gudes gemeine!

Verse / Line: 6289        Amen Amen Amen Amen Amen

---

This text is part of the TITUS edition of Godefrit Hagen, Reimchronik der Stadt Coeln.

---

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.