TITUS
Wolfram von Eschenbach, Parzival
Part No. 46
Previous part

Chapter: 46 
46


Verse: 1    "gêt nâher, mîn her Razalîc:
Verse: 2    ir sult küssen mîn wîp.

Verse: 3    alsô tuot ouch ir, her Gaschier."
Verse: 4    Hiutegêren den Schotten fier

Verse: 5    bat er si küssen an ir munt,
Verse: 6    der was von sîner tjoste wunt.

Verse: 7    er bat si alle sitzen,
Verse: 8    al stênde sprach er mit witzen:

Verse: 9    "ich sæhe ouch gerne den neven mîn
Verse: 10    möhtez mit sînen hulden sîn,

Verse: 11    der in hie gevangen hât.
Verse: 12    ich enhâns von sippe deheinen rât,

Verse: 13    ich enmüeze in ledec machen."
Verse: 14    diu künegîn begunde lachen.

Verse: 15    si hiez balde nâch im springen:
Verse: 16    dort her begunde dringen

Verse: 17    der minneclîche bêâ cunt.
Verse: 18    der was von ritterschefte wunt

Verse: 19    und hetez ouch dâ vil guot getân.
Verse: 20    Gaschier der Orimân

Verse: 21    in dar brâhte, er was kurtois.
Verse: 22    sîn vater was ein Franzois,

Verse: 23    er was Kailetes swester barn.
Verse: 24    in wîbes dienste er was gevarn.

Verse: 25    er hiez Killirjacac,
Verse: 26    aller manne schœne er widerwac.

Verse: 27    dô in Gahmuret gesach
Verse: 28    (ir antlitze sippe jach,

Verse: 29    diu wâren ein ander vil gelîch),
Verse: 30    er bat die küneginne rîch




Next part


This text is part of the TITUS edition of Wolfram von Eschenbach, Parzival.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.