TITUS
Wolfram von Eschenbach, Parzival
Part No. 51
Previous part

Chapter: 51 
51


Verse: 1    diu ist iuwers neven wîp.
Verse: 2    
umbe ir minne er gap den lîp:

Verse: 3    
daz hât mîn kus an si verkorn.
Verse: 4    
ich hân herren und den mâc verlorn.

Verse: 5    
wil iuwer muomen sun
Verse: 6    
ritterlîche vuore tuon,

Verse: 7    
daz er uns wil ergetzen sîn,
Verse: 8    
valde ich im die hende mîn.

Verse: 9    
hât er rîcheit unde prîs
Verse: 10    
und al mite Tankanîs

Verse: 11    
îsenharten gerbet hât.
Verse: 12    
der gebalsemt in dem her dort stât,

Verse: 13    
alle tage ich sîne wunden sach,
Verse: 14    
sît im diz sper sîn herze brach."

Verse: 15    
daz zôch er ûz dem buosem sîn
Verse: 16    
an einer snüere sîdîn,

Verse: 17    
hin wider hiencz der degen snel
Verse: 18    
vür sîne brust an blôzez vel.

Verse: 19    
"ez ist noch vil hôher tac.
Verse: 20    
wil mîn her Killirjacac

Verse: 21    
inz her werben als ich in bite,
Verse: 22    
rîtent im die vürsten mite."

Verse: 23    
ein vingerlîn er sande dar:
Verse: 24    
die nâch der helle wâren gevar,

Verse: 25    
die kômen, swaz vürsten was,
Verse: 26    
durch die stat ûf den palas.

Verse: 27    
lêch mit vanen hin sîn hant
Verse: 28    
von Azagouc der vürsten lant.

Verse: 29    
ieslîcher was sîns ortes geil.
Verse: 30    
doch beleip der bezzer teil




Next part



This text is part of the TITUS edition of Wolfram von Eschenbach, Parzival.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.