TITUS Texts: Wolfram von Eschenbach, Parzival

TITUS
Wolfram von Eschenbach, Parzival
Part No. 327

Chapter: 327
327

Verse: 1    ouch wil diu edele vürstîn
Verse: 2    sô verre ziuwerm gebote sîn,

Verse: 3    daz ir diu niemen dienen lât.
Verse: 4    swie vil si dienestgeldes hât,

Verse: 5    si möhte iedoch erlangen,
Verse: 6    daz ich bin ir gevangen

Verse: 7    alsus lange hie gewesen.
Verse: 8    ob ich an vreuden sol genesen,

Verse: 9    sô helfet mir daz si êre sich
Verse: 10    sô daz ir minne ergetze mich

Verse: 11    ein teil des ich von iu verlôs.
Verse: 12    dâ mich der vreuden zil verkôs,

Verse: 13    ich hetez behalden wol, wan ir.
Verse: 14    nû helfet dirre megede mir."

Verse: 15    "daz tuon ich" sprach der Wâleis.
Verse: 16    "ist si bete volge kurteis,

Verse: 17    ich ergetze iuch gerne, wan sist doch mîn,
Verse: 18    durch die ir welt bî sorgen sîn.

Verse: 19    ich meine diu treget den bêâ curs,
Verse: 20    Condwîren âmûrs."

Verse: 21    von Janfûse diu heidenîn
Verse: 22    und Artûs und daz wîp sîn

Verse: 23    und Cunnewâre de Lalant
Verse: 24    und vrou Jeschûte von Karnant,

Verse: 25    die giengen dâ durch trœsten zuo.
Verse: 26    was welt ir daz man mêr nû tuo?

Verse: 27    Cunnewâren si gâben Clâmidê,
Verse: 28    wan dem was nâch ir minne wê.

Verse: 29    sînen lîp gap er ir ze lône
Verse: 30    und ir houbet eine krône.

This text is part of the TITUS edition of Wolfram von Eschenbach, Parzival.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.