TITUS
Wolfram von Eschenbach, Parzival
Part No. 696
Previous part

Chapter: 696 
696


Verse: 1    got müeze ir wîplîch êre sehen!
Verse: 2    ich wil immer vrouwen sælden jehen:

Verse: 3    ich schame mich noch sô sêre,
Verse: 4    ungerne ich gein in kêre."

Verse: 5    "ez muoz doch sîn" sprach Gâwân.
Verse: 6    der vuorte Parzivâlen dan,

Verse: 7    dâ in kusten vier künegîn.
Verse: 8    die herzogîn ez lêrte pîn,

Verse: 9    daz si den küssen solde,
Verse: 10    der ir gruozes dô niht wolde,

Verse: 11    dô si minne und ir lant im bôt
Verse: 12    (des kom si hie von schame in nôt),

Verse: 13    dô er vor Lôgrois gestreit
Verse: 14    und si sô verre nâch im reit.

Verse: 15    Parzivâl der klâre
Verse: 16    wart des âne vâre

Verse: 17    überparlieret,
Verse: 18    daz wart gekondewieret

Verse: 19    elliu schame ûz sînem herzen dô.
Verse: 20    âne blûkeit wart er vrô.

Verse: 21    Gâwân von rehten schulden
Verse: 22    gebôt bî sînen hulden

Verse: 23    vroun Bênen, daz ir süezer munt
Verse: 24    Itonjê des niht tæte kunt,

Verse: 25    "daz mich der künec Gramoflanz
Verse: 26    sus hazzet um sînen kranz

Verse: 27    und daz wir morgen ein ander strît
Verse: 28    suln geben ze rehter kamphes zît.

Verse: 29    mîner swester soltû des niht sagen
Verse: 30    und solt dîn weinen gar verdagen."




Next part


This text is part of the TITUS edition of Wolfram von Eschenbach, Parzival.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.