TITUS
Physiologus: Wiener Prosa
Part No. 21
Previous part

Chapter: 19   Link to Physiol1 Link to Physiol3
Paragraph: 1     An dem salmen der nach dem zehinzigistin ist, stet daz des mannes jungent werde erniuwot also des Aran. Sus zellit Phisiologus des Aran geslahte: so er alt wirdit, so swarent ime die federen unt tunchelint diu ougin. So suochet er einen vil chochin binnnen unte fliuget von deme brunnen uf zuo deme sunnen. da brennet er sine Item: 151r  federen unt vellet nider in den brunnen, den er irchos. daz tuot er dristunt, so wirt er gejunget unte gesehente.
Paragraph: 2     Also scol der menniske tuon sweder er si Jude oder unseres geslahtes, der die alten sunte an ime habet unt dei ougen sines heizen betunchelot sint. er denche wie min trehtin sprach: "<N>ieman nimach ze gotes riche chomen, er newerde zwire geborn, werltliche unt geistliche, daz der heilige touf ist." So er getoufet wirt so ist er gejunget also der Are.
Paragraph: 3     <A>ve zellit Sante Augustinus von dem Aran: "So er alt wirt so wahsit sin oberer snabel so lang daz er ezzen nemach".
Paragraph: 4     <S>o vert er zuo eineme staine unt brichit den snabil unt izzit danne, so lange so got wil.
Paragraph: 5     <S>o unsich unsere sunte uberwahsint, Item: 151v  die des Aren snabil bizeichenint,so sculn wir den stein suochen, den heiligen Christ, daz er unsere sunte uns verlazze unte erniuwe unsich mit der heiligen toufe, daz wir daz heilige wizzot nemen muozin.
Paragraph: 6     Sus zellit beatus Jeronimus: "so der Are alt wirdit, so fliugit er uf an den luft unt brennit sine federen unt vellet danne in sin nest. so ziehent in seine jungen, uns er federen gewinnit, als er e hete."
Paragraph: 7     So sculn wir gebrennit werden mit den gnaden des heiligen geistes, daz unsere sunte dorren muozin, unz wir ewichlichen irniuwet werden.

   
Paragraph: V1     über 1 Raum für ein Bild W.; Sus mit Initiale W.; So. mit Initiale W.; chokchin W.; deme brunnen: zweites n aus e korr. W.; brennet: zweites n z.T. zerstört W.
Paragraph: V2     ieman: davor Lücke für Initiale W.; So.: mit Initiale W.
Paragraph: V3     ue: davor Lücke für Initiale W.: Nue Graff; So: mit Initiale W.
Paragraph: V4     o: davor Lücke für Initiale W.; snabil (!) W.; izzit: lat. vivit Lauchert
Paragraph: V5     o: davor Lücke für Initiale W.; uer lazze (!): zwischen r und l Ras. W.; muo\zin (!) W.
Paragraph: V7     ewichlich Maßmann; irniuwet (!) W.; unter 7 Raum für ein Bild W.



Next part


This text is part of the TITUS edition of Physiologus: Wiener Prosa.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.