TITUS
Der juengere Sigenot
Part No. 25
Previous part

Verse group: 25 
Strophe 25


Verse: 1    Sîn slege sint sô grûsenlich.'
Verse: 2    Dô sprach von Bern her Dieterich
Verse: 3    'Hiltbrant, du solt widerkêren.
Verse: 4    Ich wil dich nit fürbaz rîten lân.'
Verse: 5    Her Hiltebrant, der werde man,
Verse: 6    Der umbvie sîn hêren:
Verse: 7    'Nu tüeje iuch got sigehaft
Verse: 8    Und daz iu wol gelinge,
Verse: 9    Und daz des übeln tiufels kraft
Verse: 10    An iu niht verdringe.'
Verse: 11    Dô schieden siu sich beide sant.
Verse: 12    Sô fuor wider hein gen Berne
Verse: 13    Der alte Hiltebrant.



Next part


This text is part of the TITUS edition of Der juengere Sigenot.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.