TITUS
Author: Wirnt 
Wirnt von Grafenberg
Book: Wigalois 
Wigalois, der Ritter mit dem Rade


On the basis of the edition by
Wirnt von Grafenberg,
Wigalois. Der Ritter mit dem Rade.
Hrsg. v. J.M.N. Kapteyn.
Erster Band: Text.
Bonn 1926
entered by Friedrich Michael Dimpel,
Erlangen 2001-2007;
TITUS version by Jost Gippert
Frankfurt a/M, 13.4.2002 / 2.3.2003 / 6.9.2010

[For easy referencing, the poem was divided into verse groups, each ending in a threefold rhyme structure. J.G.]



Verse group: (1) 
Verse: 1    Wer hât mich guoter ûf getân?
Verse: 2    sî ez iemen der mich kan

Verse: 3    beidiu lesen und verstên,
Verse: 4    der sol genâde an mir begên,

Verse: 5    ob iht wandels an mir sî,
Verse: 6    daz er mich doch lâze vrî

Verse: 7    valscher rede: daz êret in.
Verse: 8    ich weiz wol daz ich niene bin

Verse: 9    geliutert und gerihtet
Verse: 10    noch sô wol getihtet

Verse: 11    michn velsche lîhte ein valscher man,
Verse: 12    wan sich niemen vor in kan

Verse: 13    behüeten wol, swie rehte er tuot.
Verse: 14    dehein rede ist sô guot

Verse: 15    sine velschen si, daz weiz ich wol.
Verse: 16    swaz ich valsches von in dol,

Verse: 17    owê, wem sol ich daz klagen?
Verse: 18    ich wilz et harte ringe tragen,
Verse: 19    mac ich der besten lop bejagen.


Verse group: (2) 
Verse: 20    Swer nâch êren sinne,
Verse: 21    triuwe und êre minne,

Verse: 22    der volge guoter lêre -
Verse: 23    daz vürdert in vil sêre -

Verse: 24    unde vlîze sich dar zuo
Verse: 25    wie er nâch den getuo

Verse: 26    den diu werlt des besten giht,
Verse: 27    und die man doch dar under siht

Verse: 28    nâch gotes lône dienen hie;
Verse: 29    den volge wir, wan daz sint die

Verse: 30    den got hie sælde hât gegeben
Verse: 31    und dort ein êweclîchez leben;
Verse: 32    dar nâch wir alle sulen streben.


Verse group: (3) 
Verse: 33    Wær ich ein alsô wiser man
Verse: 34    daz ich wol möhte - als ich doch kan -

Verse: 35    gesprechen nâch des herzen gir!
Verse: 36    leider, nû geswîchent mir

Verse: 37    beidiu zunge und ouch der sin,
Verse: 38    daz ich der rede niht meister bin

Verse: 39    die ich ze sprechen willen hân,
Verse: 40    wan daz ichz dar ûf hân getân

Verse: 41    daz ich mînen willen hie
Verse: 42    gerne erzeicte - wesse ich wie -

Verse: 43    daz ez die wîsen dûhte guot.
Verse: 44    got gebe mir sin und in den muot

Verse: 45    daz si mirz vervâhen wol.
Verse: 46    ich bin noch ganzer sinne hol;

Verse: 47    des sprich ich nâch kindes sit.
Verse: 48    erziuge ich hie iht guotes mit,

Verse: 49    ob mîn geist gevüeget daz,
Verse: 50    des sol man mir danken baz

Verse: 51    dan einem sinne rîchen man,
Verse: 52    der meister ist und sprechen kan:
Verse: 53    der hât des mêr dan ich getân.


Verse group: (4) 
Verse: 54    Man sol mir des genâde sagen
Verse: 55    daz ich her in mînen tagen

Verse: 56    mich dar ûf geflizzen hân,
Verse: 57    sît ich mich guotes êrst versan,

Verse: 58    wie ich mit mîner zungen daz
Verse: 59    verdiente daz die wîsen baz

Verse: 60    mich mit ir gruoze hêten doch;
Verse: 61    adez bin ich erlâzen noch;

Verse: 62    daz machet mîn grôz unheil
Verse: 63    und mîn boser sin ein teil.

Verse: 64    waz frumt den rîchen argen man,
Verse: 65    der al der werlt guotes erban,

Verse: 66    ob er tûsent marke
Verse: 67    heizet in sîner arke

Verse: 68    vil vaste besliezen?
Verse: 69    wer mac des geniezen,

Verse: 70    ern wellez teilen unde geben?
Verse: 71    an dem honige ist mir vergeben,

Verse: 72    wand ich durch [minen] bosen gemach
Verse: 73    mînen schaden übersach,
Verse: 74    des ist mîn leben immer swach.


Verse group: (5) 
Verse: 75    Si wellent daz daz iht witze sîn,
Verse: 76    swer rôtez golt under diu swîn

Verse: 77    werfe und edel gesteine:
Verse: 78    des vreuwent si sich doch kleine:

Verse: 79    si wâren ie vür daz golt
Verse: 80    der vil trüeben lachen holt;

Verse: 81    dâ bewellent si sich inne. -
Verse: 82    swer guote rede minne

Verse: 83    und si gerne hore sagen,
Verse: 84    der sol mit zühten gedagen

Verse: 85    und merken si rehte: daz ist im guot.
Verse: 86    si getiuret [vil] manges mannes muot,

Verse: 87    wand er vernimt vil lîhte dâ
Verse: 88    des er sich gebezzert sâ;
Verse: 89    daz getiuret in oft anderswâ.

Verse group: (6) 
Verse: 90    Sô spricht vil lîhte ein tumber man
Verse: 91    eine rede, der si gemerken kan

Verse: 92    daz si dem ze staten kumt
Verse: 93    und im an sînen siten vrumt.

Verse: 94    swâ von dem guoten guot geschiht,
Verse: 95    daz dunket die bosen gar enwiht,

Verse: 96    wand in vil wênic ze herzen gât
Verse: 97    guotiu rede und guot getât.

Verse: 98    si bietent lîhte dôren dar:
Verse: 99    ir muot stêt aber anders war:

Verse: 100    an valsch und an bôsheit.
Verse: 101    swaz den von mir wirt geseit,

Verse: 102    daz ruofte ich gerner in einen walt:
Verse: 103    dâ vünde ich doch die tagalt
Verse: 104    daz mir mîn ôre würde erschalt.


Verse group: (7) 
Verse: 105    Hie vinde ich anders lônes niht
Verse: 106    wan swaz er horet oder siht,

Verse: 107    des spot er gerne swâ er mac;
Verse: 108    daz ist des valschen widerslac;

Verse: 109    swaz dem von mir wirt geseit
Verse: 110    êren oder vrümicheit,

Verse: 111    des nimt er vil kleine war;
Verse: 112    er lât ez durch diu ôren gar,

Verse: 113    zem einen în, zem andern ûz.
Verse: 114    ezn vrumt in niht umb ein grûz

Verse: 115    swaz ich im [guotes] gesagen kan,
Verse: 116    wand im sîn valschez herze erban

Verse: 117    guotes unde êren.
Verse: 118    wer mac den guot gelêren

Verse: 119    der ein valschez herze treit?
Verse: 120    er bewillet sich mit [der] bôsheit

Verse: 121    als sich daz swîn mit horwe tuot.
Verse: 122    zem besten rihtet iuwern muot.
Verse: 123    nu volget mir: ez wirt iu guot.


Verse group: (8) 
Verse: 124    Mîn kunst diu was verborgen ie,
Verse: 125    die wold ich nu offen hie,

Verse: 126    ob ich mit mînem munde
Verse: 127    nöhte swære stunde

Verse: 128    den liuten senfte machen,
Verse: 129    und von solhen sachen

Verse: 130    daz guot ze horen wære.
Verse: 131    nu wil ich iu ein mære

Verse: 132    sagen, als ez mir ist geseit.
Verse: 133    zeiner ganzen wârheit

Verse: 134    trûwe ich ez niht bringen;
Verse: 135    wan eines wil ich dingen:

Verse: 136    daz ir durch iuwer hövischeit
Verse: 137    dem tihtær des genâde seit

Verse: 138    der ditze hât getihtet,
Verse: 139    mit rîmen wol berihtet,

Verse: 140    wan ditz ist sîn êrstez werc.
Verse: 141    er heizet Wirnt von Grâvenberc.

Verse: 142    der werlte ze minnen
Verse: 143    enblient erz sînen sinnen:
Verse: 144    ir gruoz wil er gewinnen.


Verse group: (9) 
Verse: 145    Ez was hie bevor, sô man seit,
Verse: 146    ein künic, der ie nâch êren streit,

Verse: 147    des nam wîten ist erkant;
Verse: 148    Britanjâ hiez sîn lant,

Verse: 149    selbe hiez er Artûs;
Verse: 150    ze Karidôl het er hûs.

Verse: 151    mit solhen vreuden stuont ez dô
Verse: 152    daz uns daz nu machet vrô

Verse: 153    sô man der herren vrümicheit
Verse: 154    uns niwan mit worten seit

Verse: 155    die dô des hoves pflâgen;
Verse: 156    die muosen dicke wâgen

Verse: 157    durch lop den lîp: daz was ir sit.
Verse: 158    dâ muosen si verdienen mit

Verse: 159    die stat zer tavelrunde.
Verse: 160    swer daz verdienen kunde

Verse: 161    daz er der taveln reht besaz,
Verse: 162    den hêt man immer deste baz.

Verse: 163    ouch ist ê oft vil geseit
Verse: 164    von der herren vrümicheit

Verse: 165    und von des küniges milte,
Verse: 166    den des niht bevilte

Verse: 167    swaz er êren möhte bejagen;
Verse: 168    des muoz man von im immer sagen;

Verse: 169    beidiu sîn nam und sîn lant
Verse: 170    diu sint manigem erkant

Verse: 171    der ir dewederz nie gesach.
Verse: 172    von dem mir nie guot geschach

Verse: 173    dem wil ich doch sprechen guot,
Verse: 174    ob er daz beste gerne tuot;
Verse: 175    daz was von kinde ie mîn muot.


Verse group: (10) 
Verse: 176    Als ichz vernomen hân,
Verse: 177    sô lac daz hûs an einer plân.

Verse: 178    ein grôz fôreis dar an stiez.
Verse: 179    der künic daz vil selten liez

Verse: 180    ern rite baneken darin.
Verse: 181    ez was der rîter gewin

Verse: 182    und ir aller bestez spil
Verse: 183    daz si âventiure vil

Verse: 184    dâ zallen zîten vunden.
Verse: 185    daz jagen mit den hunden

Verse: 186    was dâ under wîlen grôz.
Verse: 187    durch den walt ein wazzer vlôz

Verse: 188    vür daz hûs an einer sît;
Verse: 189    daz was eben unde wît,

Verse: 190    besetzet vil hêrlîche
Verse: 191    mit mangem vürsten rîche,

Verse: 192    die alle gehûset hêten drin.
Verse: 193    ez was der geste gewin

Verse: 194    daz si alle umb êre striten;
Verse: 195    deheine vrümcheit si vermiten,

Verse: 196    daz beste si alle tâten.
Verse: 197    daz hûs was wol berâten

Verse: 198    mit vil grôzer rîcheit,
Verse: 199    als uns diu âventiure seit;
Verse: 200    ir guot was mangem man bereit.


Verse group: (11) 
Verse: 201    Des küniges hûs enmitten lac.
Verse: 202    der, nâch dem alten site, pflac

Verse: 203    die rîter alle enpfâhen wol;
Verse: 204    er was reiner tugent vol,

Verse: 205    gewizzen unde stæte;
Verse: 206    âne valsche ræte

Verse: 207    minnet er iegelîchen man;
Verse: 208    daz was hêrlîch getân.

Verse: 209    als ez von im geschriben stêt,
Verse: 210    wol tûsent rîter er hêt

Verse: 211    ze gesinde tägelîche;
Verse: 212    der iegelîcher was sô rîche

Verse: 213    an rossen und an gewande,
Verse: 214    an bürgen und an lande,

Verse: 215    daz im nihtes gebrast;
Verse: 216    dar zuo hêt er mangen gast,

Verse: 217    den er von sîner hant beriet;
Verse: 218    von im niemen ungetrostet schiet;

Verse: 219    er lôste den recken dicke ir pfant;
Verse: 220    des ist noch sîn nam erkant
Verse: 221    von sîner milte über älliu lant.


Verse group: (12) 
Verse: 222    Ein palas hêt diu künigîn
Verse: 223    daz was märmelsteinîn,

Verse: 224    gezieret wol begarwe,
Verse: 225    von vier hande varwe:

Verse: 226    rôt, brûn, weitîn und gel;
Verse: 227    daz hûs daz was sinwel,

Verse: 228    beliewet umb und umbe wol.
Verse: 229    rîcher vrouwen was ez vol;

Verse: 230    vil manic maget sûberlîch
Verse: 231    dienten aller tägelîch

Verse: 232    der rîchen küniginne.
Verse: 233    ouch hêt si dar inne

Verse: 234    rîcheit und vreude vil.
Verse: 235    aller hande seitspil

Verse: 236    die juncvrouwen kunden;
Verse: 237    daz hôrte man zallen stunden

Verse: 238    in den gewelben schellen;
Verse: 239    der kleinen hunde bellen

Verse: 240    dar inne vaste klingen;
Verse: 241    mangen vogel singen

Verse: 242    in den liewen über al:
Verse: 243    galander unde nahtegal

Verse: 244    iegelîcher sîne stimme sanc.
Verse: 245    die vrouwen dûhte diu wîle unlanc;
Verse: 246    des sagten si dem künige danc.


Verse group: (13) 
Verse: 247    Nu hêt der künic einen sit -
Verse: 248    dâ was sîn hof getiuret mit -

Verse: 249    daz er ze tische nie gesaz
Verse: 250    des morgens, ê er eteswaz

Verse: 251    von âventiure hêt vernomen.
Verse: 252    eins tages was ez alsô komen,

Verse: 253    daz doch selten dâ geschach -
Verse: 254    daz man niht âventiure sach

Verse: 255    unze wol nâch mittem tage;
Verse: 256    daz was des ingesindes klage;

Verse: 257    si stuonden an der warte hie.
Verse: 258    diu edel küniginne gie

Verse: 259    von den rîtern ûf ir sal.
Verse: 260    dô sach si bî der mûr zetal

Verse: 261    einen schonen rîter haben;
Verse: 262    der was geriten an den graben.

Verse: 263    der vrouwen was er unbekant.
Verse: 264    ein sper vuort er in der hant.

Verse: 265    von scharlachen was er gekleit,
Verse: 266    sîn pfärt was rôt daz er reit,
Verse: 267    sîn hâr gemischet unde reit.


Verse group: (14) 
Verse: 268    Als er die küniginne sach,
Verse: 269    vil gezogenlîche er dô sprach

Verse: 270    ûf gnâde bin ich komen her;
Verse: 271    nu gewert mich, vrouwe, des ich ger,

Verse: 272    durch wîplîche güete:
Verse: 273    sô ist mîn gemüete

Verse: 274    geprîset immer mêre;
Verse: 275    nu enpfâhet durch iuwer êre

Verse: 276    mîn bet genædiclîche,
Verse: 277    daz iuch diu Sælde rîche."

Verse: 278    nu sprechet, rîter, wes ir gert."
Verse: 279    vrouwe, daz ich werde gewert."

Verse: 280    nû saget mir doch: wes?"
Verse: 281    vrouwe, niwan des:

Verse: 282    daz ir von mir geruochet nemen
Verse: 283    einen gürter, der wol möhte gezemen

Verse: 284    al der werlte vrouwen;
Verse: 285    den lâz ich iuch schouwen.

Verse: 286    behaltet in unz morgen vruo.
Verse: 287    trage iuch iuwer muot dar zuo.

Verse: 288    sô habet iun zeigen von mir;
Verse: 289    sî ab, vrouwe, daz ir

Verse: 290    den gürtel niht behalten welt,
Verse: 291    sô wil ich in als ein helt

Verse: 292    morgen holen hie durch strît
Verse: 293    ze rehter âventiure zît;
Verse: 294    od ich bin der hie tôt gelît."


Verse group: (15) 
Verse: 295    Diu vrouwe sprach daz si getân;
Verse: 296    ich wil âne bosen wan

Verse: 297    von iu die gâbe enpfâhen hie;
Verse: 298    alsô doch - ich sagiu, wie -

Verse: 299    daz ich iuch, rîter, niht entwer:
Verse: 300    ir sult morgen komen her

Verse: 301    und holt den gürtel; daz ist mîn rât.
Verse: 302    ich schaffez wol daz ez sô ergât

Verse: 303    daz ir behaltet iuwer lebben.
Verse: 304    nu wizzet, ich hân iu wol gegeben

Verse: 305    daz ich daz tuon durch iuwer bet
Verse: 306    mit willen hie an dirre stet
Verse: 307    daz ich durch man ê nie getet."


Verse group: (16) 
Verse: 308    Den gürtel leite er ûf daz sper;
Verse: 309    mit guotem willen reicht er

Verse: 310    der vrouwen sîne gâbe dô;
Verse: 311    er neic ir unde sprach alsô

Verse: 312    nu lât mich iuwer hulde haben;
Verse: 313    ich wil rîten von dem graben

Verse: 314    wider zuo dem walde."
Verse: 315    dôreit er alsô balde

Verse: 316    daz sîn dâ niemen war genam
Verse: 317    unz er ze sînen knappen kam.

Verse: 318    die wârn mit grôzen vreuden dâ;
Verse: 319    si sâhen in zuo rîten sâ.

Verse: 320    nu lâze wir den rîter sîn.
Verse: 321    den gürtel hât diu künigîn;

Verse: 322    der rieme was alsô getân
Verse: 323    daz ich iu niht gesagen kan

Verse: 324    welher hande er wære;
Verse: 325    er was ninder lære

Verse: 326    von gesteine noch von golde;
Verse: 327    swer einen wünschen solde,

Verse: 328    dern würde nimmer alsô guot.
Verse: 329    der küniginne riet ir muot

Verse: 330    daz si den gürtel umbe bant;
Verse: 331    dô hêt diu vrouwe sâ zehant

Verse: 332    vreude unde wîsheit:
Verse: 333    sine truobte deheiner slahte leit,

Verse: 334    die sprâche kunde si alle wol,
Verse: 335    ir herze daz was vreuden vol,

Verse: 336    swaz spils man dâ begunde,
Verse: 337    si dûhte des wie siz kunde;

Verse: 338    dehiener kunst ir niht gebrast.
Verse: 339    si dûhte daz der selbe gast

Verse: 340    wol möhte sîn ein rîcher künic;
Verse: 341    er dûhte si biderbe unde vümic

Verse: 342    als ez wol an dem gürtel schein.
Verse: 343    si schuof daz ir her Gâwein

Verse: 344    würde brâht ûf den sal.
Verse: 345    von den liewen gie si zetal

Verse: 346    wider sitzen an ir stat;
Verse: 347    die vruowen si alle sitzen bat.

Verse: 348    her Gâwein kom als si gebôt.
Verse: 349    ern vorhte deheiner slahte nôt;
Verse: 350    des gelac vil manger von im tôt.


Verse group: (17) 
Verse: 351    Diu vrouwe in zuo ir sitzen hiez.
Verse: 352    si wesse wol daz er niht enliez

Verse: 353    swes si in bat ern tæte daz;
Verse: 354    ir geviel sîn vuore deste baz.

Verse: 355    si sprach helt, nu râtet mir,
Verse: 356    wand ich erkenne wol daz ir

Verse: 357    habt sô tugenthaften muot
Verse: 358    daz ir nimmer missetuot:

Verse: 359    daz hât man ofte an iu gesehen.
Verse: 360    ein âventiure ist mir geschehen,

Verse: 361    die wil ich iuch wizzen lân;
Verse: 362    ich bedarf wol iuwers râtes dran."

Verse: 363    waz welt ir der rede mê?
Verse: 364    si sagt im als ich iu ê.

Verse: 365    als er von ir hêt vernomen
Verse: 366    wie der rîter dar was komen

Verse: 367    und wies umb den gürtel stuont,
Verse: 368    dô tet er als die wîsen tuont:

Verse: 369    eine wîle er swîgende saz.
Verse: 370    mit bedâhtem muote sprach er daz

Verse: 371    nu wizzet, vrouwe hêre,
Verse: 372    ez wær wider iuwer êre

Verse: 373    und würde ein bosez mære,
Verse: 374    swie guot der gürtel wære,

Verse: 375    und engæbet ir in im niht wider.
Verse: 376    vrouwe, irn sult niht nider

Verse: 377    lâzen iuwern hôhen muot
Verse: 378    durch deheiner slahte guot:

Verse: 379    ir sît dar zuo ze rîche;
Verse: 380    und wizzet wærliche:

Verse: 381    swie sîn dar nâch werde rât,
Verse: 382    kumt er morgen, als er hât,
Verse: 383    gelobet, daz man in bestât."


Verse group: (18) 
Verse: 384    Diu rede hêt ein ende hie.
Verse: 385    her Gâwein zem gesinde gie

Verse: 386    und sagt in die geschiht dô;
Verse: 387    des wurden die rîter alle vrô.

Verse: 388    des andern morgens kom durch strît
Verse: 389    ze rehter âventiure zît

Verse: 390    der vil tugenthafte gast
Verse: 391    gewâfent daz im nihts gebrast.

Verse: 392    ern vorhte deheiner slahte nôt.
Verse: 393    ein ravît reit er daz was rôt,

Verse: 394    daz gie ze sprunge schône.
Verse: 395    sin zimier was ein krône;

Verse: 396    ein grôz rubîn dar inne lac;
Verse: 397    diu krône lûhte als der tac

Verse: 398    von golde und von gesteine.
Verse: 399    sîn angest diu was kleine.

Verse: 400    sîn wâfenroc von borten was;
Verse: 401    ein samît grüene alsam ein gras

Verse: 402    was ze der banier gesniten.
Verse: 403    sus kom der rîter dar geriten.

Verse: 404    ûf sînem schilte lac ein ar;
Verse: 405    der was von rôtem golde gar,

Verse: 406    daz ander von lazûre.
Verse: 407    sus reit er zuo der mûre,

Verse: 408    dâ er die küniginne vant.
Verse: 409    sînen helm er abe bant

Verse: 410    und sazte in ûf den satelbogen.
Verse: 411    er was höfsch und wol erzogen.

Verse: 412    sin houbet daz entwâfent er,
Verse: 413    an die mûre leint er sîn sper.

Verse: 414    dô er die küniginne ersach,
Verse: 415    mit grôzen zühten er dô sprach

Verse: 416    edle vrouwe, horet mich
Verse: 417    durch iuwer güete; des ger ich.

Verse: 418    wert mich mit gnædeclîchen sit
Verse: 419    eins dinges, des ich iuch bit:

Verse: 420    daz ir die gâbe behaltet hie."
Verse: 421    si sprach rîter, des enwart mir nie

Verse: 422    ze muote, daz geloubet mir;
Verse: 423    edel rîter, jâne sult ir

Verse: 424    solher dinge niht harte gern
Verse: 425    der man iuch niht mac gewern;
Verse: 426    ich wil der rede von iu enbern.


Verse group: (19) 
Verse: 427    Herre, nemt den gürtel wider."
Verse: 428    si liez in schône vallen nider

Verse: 429    von der mûre ûf sîn knie;
Verse: 430    mit der hant ern ouch enpfie.

Verse: 431    als er die vrouwen zürnen spach,
Verse: 432    der rîter offenlîche sprach

Verse: 433    swer ie durch hövischeit gestreit,
Verse: 434    der gewinne in mit manheit

Verse: 435    an mir: des hât er êre;
Verse: 436    od ichn wil nimmer mêre

Verse: 437    des hoves wort gesprechen;
Verse: 438    sol ich niht zerbrechen

Verse: 439    mîn sper vor der pforte hie,
Verse: 440    sôn geschach hie âventiure nie."

Verse: 441    der vrouwen neic er sâ zehant.
Verse: 442    sînen helm er ûf bant

Verse: 443    und reit vermezzenlîche dan
Verse: 444    vür daz hûs ûf die plân.

Verse: 445    die von der tavelrunde
Verse: 446    sprâchen mit einem munde

Verse: 447    wâ nu schilt unde sper!
Verse: 448    harnasch und ors her!"

Verse: 449    und swer ê bereit wart,
Verse: 450    der was der êrste an die vart.

Verse: 451    Kalî den schilt ze halse nam;
Verse: 452    mit zorne er ûz ze velde kam:

Verse: 453    er wolde bejagen den gewin.
Verse: 454    mit grôzen schanden vlôs er in,

Verse: 455    wand in der rîter niderstach -
Verse: 456    daz ez diu küniginne sach -

Verse: 457    von dem orse ûf daz gras.
Verse: 458    Didones der næhste was;

Verse: 459    der rief in rîterlîche an;
Verse: 460    dô kêrte er als ein küene man

Verse: 461    und stach in von dem rosse nider.
Verse: 462    gegen dem walde kêrte wider.

Verse: 463    Segremors erreit in dô;
Verse: 464    mit dem teilt er den gürtel sô

Verse: 465    daz er mit leide den langen tac
Verse: 466    betoubet ûf dem velde lac.

Verse: 467    Miljanz, der tugentrîche man,
Verse: 468    der reit in rîterlîche an;

Verse: 469    den stach er nider ûf die plan;
Verse: 470    daz was im selten ê getân.

Verse: 471    ichn kan si niht genennen gar,
Verse: 472    wan daz diu tugenthafte schar

Verse: 473    von der tavelrunde
Verse: 474    in vil kurzer stunde

Verse: 475    wart dâ sigelôs ersehen;
Verse: 476    owê, wie mohte daz ie geschehen!

Verse: 477    alle die nâch dem rîter riten
Verse: 478    die kunde er des vil wol erbiten

Verse: 479    daz si in liezen rîten dan.
Verse: 480    an dem velde lac manic man

Verse: 481    der des ungewon was;
Verse: 482    bedecket was daz grüene gras

Verse: 483    mit den schilten eteswâ;
Verse: 484    diu ros liefen ledic dâ,

Verse: 485    als ein stuot wær ûz geslagen;
Verse: 486    man sach da mangen în tragen

Verse: 487    der ê schône was ûz geriten.
Verse: 488    si möhten in gerne hân vermiten,
Verse: 489    wan si dâ schande von im liten.


Verse group: (20) 
Verse: 490    Nu reit der rîter sâ zehant
Verse: 491    dâ er sîne knappen vant.

Verse: 492    die wâren sîns gelückes vrô;
Verse: 493    mit vreuden enpfiengen si in dô.

Verse: 494    den helm man im abe bant;
Verse: 495    selbe schut er sîn îsengewant

Verse: 496    in den schilt zuo im dâ.
Verse: 497    zwêne knappen hiez er sâ

Verse: 498    an daz fôreis rîten.
Verse: 499    er sprach ir sult dâ bîten

Verse: 500    unz ir daz vil rehte erspehet
Verse: 501    daz ir einen rîter sehet

Verse: 502    von dem hûse rîten her;
Verse: 503    den erkenn ich wol, wandaz ist der

Verse: 504    dem an deheinem strîte nie
Verse: 505    von sîner zagheit missegie;
Verse: 506    gegen dem wil ich ruowen hie.


Verse group: (21) 
Verse: 507    Die knappen riten vür den walt.
Verse: 508    ir vreude diu was manicvalt.

Verse: 509    si warten, als er in gebôt.
Verse: 510    dô hôrten si vil grôze nôt

Verse: 511    von der mässenîe klage.
Verse: 512    der hof enwart nie vor dem tage

Verse: 513    geletzet alsô sêre.
Verse: 514    diu künigîn Ginovêre

Verse: 515    saz mit grôzem jâmer hie:
Verse: 516    irn geschach dâ vor sô leide nie.

Verse: 517    nû wâfent sich her Gâwein,
Verse: 518    der ie in rîters êren schein.

Verse: 519    ûf sîn ors saz er.
Verse: 520    man reichte im schilt unde sper.

Verse: 521    sus reit er vür daz bürgetor;
Verse: 522    dâ sâhen in die knappen vor.

Verse: 523    er reit stätelîche dan.
Verse: 524    ze strîte was er ein wîse man,

Verse: 525    wan er hêt ofte vil gestriten,
Verse: 526    durch manheit ûf den lîp geriten.

Verse: 527    er stapfet sanfte, im was niht gâcli.
Verse: 528    daz ingesinde sach im nâch

Verse: 529    und bat got sînes lîbes pflegen.
Verse: 530    si hêten sich sîn gar bewegen,

Verse: 531    wan daz im nie misselanc.
Verse: 532    daz gevilde daz was harte lanc;

Verse: 533    daz reit er gegen dem walde nider.
Verse: 534    die zwêne knappen lîten wider

Verse: 535    und sagten im er kæme dâ.
Verse: 536    der rîter hiez sich wâfen sâ.

Verse: 537    den gürtel gurter umbe sich;
Verse: 538    wan durch sîn kraft, so dûhte mich

Verse: 539    im wær dâ misselungen.
Verse: 540    diu ors ze samne sprungen

Verse: 541    dô si ein ander sâhen.
Verse: 542    si begunden vaste gâhen;

Verse: 543    diu ors nâmens mit den sporn;
Verse: 544    ir ietweder hêt erkorn

Verse: 545    den andern underz kinnebein;
Verse: 546    dô huop sich under in zwein

Verse: 547    ein harte schoniu rîterschaft,
Verse: 548    wan ir ietweders schaft

Verse: 549    brast ze mangen stücken;
Verse: 550    dô muosen si zücken

Verse: 551    diu swert von den sîten;
Verse: 552    hie huop sich schonez strîten

Verse: 553    enzwischen in beiden.
Verse: 554    wer solde si dâ scheiden,

Verse: 555    sît dâ niemen bî in was?
Verse: 556    si erbeizten nider ûf daz gras.

Verse: 557    diu ors enhêten in niht getân
Verse: 558    si liezen über sich selben gân.

Verse: 559    si hêten beide ganze kraft
Verse: 560    und vâhten ouch mit meisterschaft,

Verse: 561    wan si kunenz beide wol.
Verse: 562    mir ist leit, daz ichz sagfen sol

Verse: 563    daz dem herren Gâwein ie
Verse: 564    an dem strîte missegie;

Verse: 565    doch wil ich im des prîses jehen:
Verse: 566    im wære des lasters niht geschehen

Verse: 567    wan durch den gürtel, den er truoc:
Verse: 568    der steine kraft in nider sluoc;

Verse: 569    dâ von der gast den sic gewan.
Verse: 570    er wær sîn anders gar erlân.

Verse: 571    des wart her Gâwein vil unvrô.
Verse: 572    der dedel rîter vienc in dô;

Verse: 573    in sîn gezelt zôch er in;
Verse: 574    daz was ein rîterlîch gewin.

Verse: 575    owê, daz dem herren Gâwein ie
Verse: 576    von deheinem manne missegie:
Verse: 577    wan bezzer rîter dern wart nie.


Verse group: (22) 
Verse: 578    Als diu sicherheit wart getân,
Verse: 579    dô reit der gevangen man

Verse: 580    mit dem herren durch den walt.
Verse: 581    diu klage was vil manicvalt

Verse: 582    dâ ze hove von der geschiht.
Verse: 583    künc Artûs was da heime niht:

Verse: 584    er was ûz an daz gejeit.
Verse: 585    dô er kom, dô was im leit

Verse: 586    und truobet sêre sînen muot,
Verse: 587    daz sô manic rîter guot

Verse: 588    geschendet was von einem man.
Verse: 589    ouch was des ingesindes wân

Verse: 590    daz her Gâwein wære erslagen;
Verse: 591    daz begundens alle klagen.

Verse: 592    sîn schande was im doch sô geschehen
Verse: 593    daz ir deheiner si hêt ersehen:

Verse: 594    dâ von was ez in unkunt.
Verse: 595    ezn kæme ouch nimmer vür mîn munt,

Verse: 596    hêt mirz ein knappe niht geseit
Verse: 597    zeiner ganzen wârheit,
Verse: 598    wider den ich alle wîle streit.


Verse group: (23) 
Verse: 599    Nu riten die zwên küene man
Verse: 600    mit vil grôzen vreuden dan

Verse: 601    und kômen in ein wilde lant.
Verse: 602    der herre den gürtel abe bant

Verse: 603    als er die vreise vor im sach.
Verse: 604    zem herren Gâwein er dô sprach

Verse: 605    herre und lieber geselle,
Verse: 606    seht ir daz gevelle

Verse: 607    und die steinwende?
Verse: 608    daz ist âne wende

Verse: 609    wirn müezen rîten dar an.
Verse: 610    nu nemt den gürtel den ich hân;

Verse: 611    behalt in unz an iuwern tôt
Verse: 612    und sît sicher vor aller nôt:

Verse: 613    wan daz ir siglôs sît ersehen
Verse: 614    daz ist von sîner kraft geschehen.

Verse: 615    ichn zel mirz ze deheiner vrümicheit,
Verse: 616    wand ir habt grôze manheit

Verse: 617    begangen allez iuwer leben;
Verse: 618    man hât iu ie den prîs gegeben

Verse: 619    an rehter rîterschefte.
Verse: 620    daz mir von mîner krefte

Verse: 621    diu êre sî gevallen hie,
Verse: 622    den gelouben gewan ich nie,

Verse: 623    wan daz ist ie âne wân
Verse: 624    ezn habe der steine kraft getân.

Verse: 625    iun mac nû nimmer missegên;
Verse: 626    ân angest müget ir bestên

Verse: 627    swaz vreise ir in der werlte welt."
Verse: 628    mit triuwen neic im dô der helt;

Verse: 629    der gâbe wart er harte vrô.
Verse: 630    er gnâdet im und gurte dô

Verse: 631    den gürtel under sîn îsengwant.
Verse: 632    dâ von enpfienc er zehant

Verse: 633    vil grôze sterke und manheit.
Verse: 634    ûf den berc er dô reit

Verse: 635    nâch dem herren in ein lant.
Verse: 636    ich wæn ie iemen würde erkant

Verse: 637    ein lant sô vreuden rîche:
Verse: 638    ez bluot allez gelîche,

Verse: 639    bluomen unde boume.
Verse: 640    wie er in einem troume

Verse: 641    wære, des bedûhte in sâ.
Verse: 642    der vogel sanc was michel dâ.

Verse: 643    daz lant gar âne liute was:
Verse: 644    niwan bluomen unde gras

Verse: 645    der was daz gevilde vol.
Verse: 646    diu ougen weide tet im wol.

Verse: 647    swie ichz doch kurzlîche sage,
Verse: 648    si wârn geriten zwelf tage.

Verse: 649    des drîzehenden morgens vruo
Verse: 650    kômen si geriten zuo

Verse: 651    einem wazzer daz was breit.
Verse: 652    der rîter ez zetal reit

Verse: 653    durch einen wünniclichen walt;
Verse: 654    der was ze vreuden wol gestalt

Verse: 655    von loube und von gesange.
Verse: 656    den riten si unlange

Verse: 657    unz er eine strâze vant;
Verse: 658    diu wîste in in sîn ewigen lant.
Verse: 659    die reise hêt er wol bewant.


Verse group: (24) 
Verse: 660    Mit mæren vertriben si den tac.
Verse: 661    nu sâhen si wâ vor in lac

Verse: 662    ein burc harte veste,
Verse: 663    diu schonest und diu beste

Verse: 664    die si ie gesâhen;
Verse: 665    der begundens nâhen.

Verse: 666    ein wîtiu stat lac vor dem tor,
Verse: 667    dâ wâren tiefe graben vor.

Verse: 668    ein boumgart umb daz hûs lac:
Verse: 669    den bevridet ein vestez hac.

Verse: 670    sus riten si durch die stat.
Verse: 671    den herren Gâwein dô bat

Verse: 672    der künic willekomen sîn.
Verse: 673    er sprach ditze lant ist mîn

Verse: 674    von dem walde unz an daz mer,
Verse: 675    und möhte ich ûz komen mit her

Verse: 676    vür die berge, geloubet daz:
Verse: 677    nie dehein künic besaz

Verse: 678    sîn lant sô gwalticlîche -
Verse: 679    ich betzwünge wol älliu rîche."

Verse: 680    sus reit er vür daz bürgetor;
Verse: 681    dâ stuonden edel knappen vor,

Verse: 682    rîter unde knehte,
Verse: 683    die in nâch sînem rehte

Verse: 684    enpfiengen küniclîche.
Verse: 685    er nam gesellichlîche

Verse: 686    den herren Gâwein bî der hant.
Verse: 687    den helm man im abe bant

Verse: 688    und vuorte in an guot gemach.
Verse: 689    ze sînen knappen er dô sprach

Verse: 690    nu badet den rîter schône
Verse: 691    daz ichs iu immer lône."

Verse: 692    abe schut er sîn îsengwant.
Verse: 693    si vuorten in enwec zehant

Verse: 694    und batten in rîterlîche.
Verse: 695    der wirt der was rîche;

Verse: 696    daz wol an dem gesinde schein.
Verse: 697    sich kleite der herre Gâwein

Verse: 698    mit wîzer lînwæte;
Verse: 699    ein juncvrouwe in næte

Verse: 700    in einen roc pfellin;
Verse: 701    mit einem pelze härmîn

Verse: 702    was er gefurrieret;
Verse: 703    sus wart er gezieret.

Verse: 704    her gâwein was ein schone man.
Verse: 705    des selben pfelles leite er an

Verse: 706    einen mantel, der was wît.
Verse: 707    nu kom ein bote - des was zît,

Verse: 708    der hiez in ûf ezzen gân;
Verse: 709    der künic wolde ins niht erlân

Verse: 710    ern müese sîn gemazze sîn;
Verse: 711    ze kemenâten az diu künigîn:

Verse: 712    daz schuof der wirt durch sîn gemach.
Verse: 713    an disen dingen er wol sach

Verse: 714    daz sîn wille und sîn muot
Verse: 715    was reine unde guot:
Verse: 716    er tet im als man vriunden tuot.


Verse group: (25) 
Verse: 717    Man gap im guote spîse dâ.
Verse: 718    dô man gaz, dô fuorte in sâ

Verse: 719    der künic zuo den vrouwen;
Verse: 720    die mohte er gerne schouwen.

Verse: 721    als er in den sal gie,
Verse: 722    diu küniginne in enpfie,

Verse: 723    dar nâch ein sô schoniu maget
Verse: 724    daz ninder lebte, sman saget,

Verse: 725    ir gelîche bî der zît;
Verse: 726    si was benamen âne strît

Verse: 727    diu schonest die er ie gesach;
Verse: 728    des prîses ir diu werlt jach.

Verse: 729    si enzunde im herze unde muot.
Verse: 730    in dûhte daz wesen bî ir guot,

Verse: 731    wan dâ was schone unde jugent,
Verse: 732    gewizzen unde ganziu tugent,

Verse: 733    geburt unde sinne;
Verse: 734    si möhte wol keiserinne

Verse: 735    von ir tugent sîn gewesen.
Verse: 736    wer möhte ouch noch vor ir genesen

Verse: 737    diu sô schone wære?
Verse: 738    wir sulen guotiu mære

Verse: 739    von den reinen wîben sagen
Verse: 740    und ir leit mir leide klagen,
Verse: 741    die sich mit zühten kunnen trage.


Verse group: (26) 
Verse: 742    Als uns diu âventiure seit,
Verse: 743    sô was diu juncvrouwe gekleit

Verse: 744    nâch ir rehte harte wol,
Verse: 745    als ein edel maget sol.

Verse: 746    sie truoc einen roc wîten,
Verse: 747    von zwein samîten

Verse: 748    gesniten vil gelîche,
Verse: 749    eben unde rîche;

Verse: 750    der eine was grüene alsam ein gras,
Verse: 751    der ander rôter varwe was,

Verse: 752    mit golde wôl gezieret.
Verse: 753    der was gefurrieret

Verse: 754    mit vil grôzem vlîze:
Verse: 755    herme vil wîze

Verse: 756    hêt er bedecket;
Verse: 757    der pelz was gestrecket

Verse: 758    neben dem rocke gelîche.
Verse: 759    gerigen meisterlîche

Verse: 760    ein hemde was dar under;
Verse: 761    des nam den rîter wunder

Verse: 762    daz ez sô rehte lûter was:
Verse: 763    als ein liehtez spiegelglas

Verse: 764    was daz selbe hemde;
Verse: 765    ez dûhte in harte vremde

Verse: 766    daz ez sô kleine mohte sîn;
Verse: 767    ez was wîz sîdîn

Verse: 768    mit guldîner næte.
Verse: 769    ouch gezam vil wol der wæte

Verse: 770    ein gürtel den diu maget truoc;
Verse: 771    daz was ein borte guot genuoc

Verse: 772    von golde und von gesteine,
Verse: 773    grôz unde kleine.

Verse: 774    ûz einem smaragde was,
Verse: 775    rehte grüene alsam ein gras,

Verse: 776    diu rinke wol ergraben,
Verse: 777    von golde ein ar dar ûf erhaben

Verse: 778    mit gesmelze harte wæhe;
Verse: 779    daz werc daz was spæhe.

Verse: 780    daz diu spängel solden sîn
Verse: 781    daz wâren tier guldîn,

Verse: 782    geworht mit grôzem vlîze;
Verse: 783    dâ enzwischen berle wîze

Verse: 784    wâren gestecket.
Verse: 785    sus was er bedecket

Verse: 786    mit edelem gesteine.
Verse: 787    ichn gesach ir nie deheine -

Verse: 788    geworht âne zungen -
Verse: 789    diu sô wol bedrungen

Verse: 790    mit gezierde wære
Verse: 791    als an disem mære.

Verse: 792    ouch was ein edele rubîn
Verse: 793    durch sînen wünniclîchen schîn

Verse: 794    in den gürtel vor geleit;
Verse: 795    als si dehein swachez leit

Verse: 796    truobte in ir gemüete,
Verse: 797    sô benam des steines güete

Verse: 798    mit süezem schîne ir ungemach,
Verse: 799    sô si sîn varwe rehte ersach;
Verse: 800    an tugende was er niht swach.


Verse group: (27) 
Verse: 801    Sich hêt diu maget rîche
Verse: 802    vil harte hövischlîche

Verse: 803    in einen mantel gevangen,
Verse: 804    wîten unde langen,

Verse: 805    genagelt wol mit golde,
Verse: 806    bezogen als si wolde

Verse: 807    mit einer veder härmîn;
Verse: 808    dâ wâren gesniten în

Verse: 809    von einer hiute vischîn -
Verse: 810    der hâr daz was weitîn,

Verse: 811    brâht von Iberne -
Verse: 812    mâne unde sterne;

Verse: 813    daz zierte die veder harte wol;
Verse: 814    harmzagel was si vol

Verse: 815    innen bestecket;
Verse: 816    die veder hêt bedecket

Verse: 817    ein alsô guot siglât
Verse: 818    daz diu werlt niht bezzers hât.

Verse: 819    ouch wâren diu tassel
Verse: 820    beidiu rôt unde gel,

Verse: 821    ergraben harte kleine
Verse: 822    ûz einem edeln steine

Verse: 823    mit heidenischem liste:
Verse: 824    der was ein âmatiste,

Verse: 825    daz ander was ein jâchant.
Verse: 826    ein zobel reichte ir ûf die hant,

Verse: 827    der was swarz unde breit,
Verse: 828    gemischet grâ unde reit,
Verse: 829    als noch manec vrouwe treit.


Verse group: (28) 
Verse: 830    An ir houbetloche vor
Verse: 831    was der herre Amor

Verse: 832    ergraben meisterlîche,
Verse: 833    rehte dem gelîche

Verse: 834    als ez leben solde;
Verse: 835    eine strâle von golde

Verse: 836    hêt er in der zeswen hant,
Verse: 837    in der andern einen brant;

Verse: 838    daz werc was guot und kleine,
Verse: 839    ûz eim karfunkelsteine

Verse: 840    ergraben harte schône;
Verse: 841    kleine als ein bône

Verse: 842    was der selbe stein.
Verse: 843    vor der juncvrouwen er schein

Verse: 844    des nahtes swâ si gie;
Verse: 845    dehein vinster er dâ lie

Verse: 844    dâ diu juncvrouwe inne was;
Verse: 845    des tages glaster als ein glas.

Verse: 846    dâ hafte si ir buosem mit
Verse: 847    nach der Kärlinge sit.

Verse: 848    si was wol grôzer dinge wert;
Verse: 849    swes ir lîp zer werlte gert,
Verse: 850    des hât diu sælde si gewert.


Verse group: (29) 
Verse: 851    Diu maget truoc ein schapel,
Verse: 852    daz was weitîn unde gel,

Verse: 853    rôt, brûn unde wîz;
Verse: 854    dar an lac vil grôzer vlîz

Verse: 855    von golde und von sîden.
Verse: 856    swer daz nu wolde nîden

Verse: 857    daz si sô schône was gekleit,
Verse: 858    daz wær ein michel tôrheit,

Verse: 859    wan es ist âne ir aller schaden
Verse: 860    swaz ich ûf si mac geladen

Verse: 861    von sîden und von borten
Verse: 862    und von gezierde, mit worten.

Verse: 863    ir zöpfe wârn gebunden,
Verse: 864    mit golde wol bewunden

Verse: 865    unz an des hâres ende;
Verse: 866    sô keiserlîch gebende

Verse: 867    truoc diu maget reine.
Verse: 868    ir hâr daz was kleine,

Verse: 869    goltvar unde reit;
Verse: 870    ir scheitel wîz und niht ze breit.

Verse: 871    diu stirne was ir sinwel.
Verse: 872    eben und lûter was ir vel,

Verse: 873    von rôsen varwe wîze
Verse: 874    getempert mit vlîze.

Verse: 875    ir brâ brûn, sleht unde smal.
Verse: 876    dâ bî hiengen ir zetal

Verse: 877    reide löcke goltvar.
Verse: 878    ir ougen lûter unde klâr.

Verse: 879    ez wære wîp oder man,
Verse: 880    swen si güetlîche an

Verse: 881    mit lachenden ougen sach,
Verse: 882    swaz dem leides ie geschach

Verse: 883    des was zehant vergezzen.
Verse: 884    diu Sælde hêt si besezzen.

Verse: 885    ir ôren [wârn] ze rehte gar,
Verse: 886    als si wæren erwünschet dar,

Verse: 887    von liehtvarwer wîze,
Verse: 888    nâch dem gotes vlîze

Verse: 889    beidiu krump unde hol.
Verse: 890    diu nase [was ir] geschaffen alsô wol:

Verse: 891    swer si immer solde sehen,
Verse: 892    dern möhte niht wandels dran erspehen

Verse: 893    sine stüende gevüeclîche
Verse: 894    dem antlütz wol gelîche.

Verse: 895    diu hiufelîn [wârn ir] rôsenvar,
Verse: 896    daz antlütze lûter gar

Verse: 897    von roete und von wîze,
Verse: 898    als si got mit vlîze

Verse: 899    gemischet hêt begarwe.
Verse: 900    mit alsô liehter varwe

Verse: 901    was ir lîp über al
Verse: 902    linde und eben hin zetal.

Verse: 903    daz was dâ wol erzeiget:
Verse: 904    der Wunsch hêt sich geneiget

Verse: 905    vil gar in ir gewalt.
Verse: 906    ir munt der was sô wol gestalt

Verse: 907    und sô minniclîche,
Verse: 908    und hêt si im gelîche

Verse: 909    sîne mâge alle ersterbet,
Verse: 910    in selben sô verderbet

Verse: 911    daz er vil kûme mohte genesen -
Verse: 912    und soldez dannoch alsô wesen

Verse: 913    daz er si kuste an ir munt,
Verse: 914    sô wær vergezzen sâ zestunt

Verse: 915    aller sîner swære,
Verse: 916    als ez nie worden wære.

Verse: 917    ir zene wîz, eben und kleine,
Verse: 918    ûz vil lûterm beine

Verse: 919    zesamene gestecket;
Verse: 920    der munt hêt si bedecket

Verse: 921    mit rôsenvarwer roete. -
Verse: 922    daz ich mich nû noete

Verse: 923    der gedanke alsô verre,
Verse: 924    ich wæne ez mir niht werre,

Verse: 925    wan von gedanken kumt der muot
Verse: 926    der dem lîbe sanfte tuot. -

Verse: 927    ouch was ir diu kel
Verse: 928    sleht unde sinwel,

Verse: 929    harmwîz, als er jach
Verse: 930    der die juncvrouwen sach;

Verse: 931    ein breiter zobel drumbe gie,
Verse: 932    der ir vil lützel sehen lie,
Verse: 933    wand er den hals gar umbe vie.


Verse group: (30) 
Verse: 934    Michn triegen danne die sinne mîn,
Verse: 935    si möhte wol under ir hemde sîn

Verse: 936    ein sô schoene crêatiure,
Verse: 937    vil reine und sô gehiure,

Verse: 938    von eim sô süezen lîbe
Verse: 939    daz ich wæn ie von wîbe

Verse: 940    reiner lîp würde geborn.
Verse: 941    diu Sælde hêt ir gesworn

Verse: 942    ze belîben mit ir stæte
Verse: 943    immer under ir wæte.

Verse: 944    des was ir schoener lîp wol wert,
Verse: 945    wan swes diu Sælde ze gesellen gert

Verse: 946    der muoz gar âne wandel sîn;
Verse: 947    daz was wol an der mägde schîn,

Verse: 948    wan si vor allem valsche was
Verse: 949    lûter als ein spiegelglas.

Verse: 950    des nam der rîter an ir war;
Verse: 951    ir grôziu schoene truoc in dar;
Verse: 952    des minnet er si von herzen gar.


Verse group: (31) 
Verse: 953    Diu maget diu was rîche.
Verse: 954    vil gezogenlîche

Verse: 955    saz si wider an ir stat.
Verse: 956    der wirt den herren Gâwein bat

Verse: 957    ze leisten sîne sicherheit;
Verse: 958    er sprach "herre ich bins bereit,

Verse: 959    wand ich alsô gesworen hân."
Verse: 960    die maget hiez er ûf stân

Verse: 961    und sprach "sô nemt ze wîbe
Verse: 962    dise maget iuwerm lîbe

Verse: 963    ze triuwen und ze rehter ê."
Verse: 964    der herre Gâwein sprach "owê,

Verse: 965    ich wæne es iu niht ernst sî!
Verse: 966    ich lieze drumb al die werlt vrî,

Verse: 967    ob sî mîn eigen wære,
Verse: 968    daz ich mîne swære

Verse: 969    mit ir vertrîben solde!
Verse: 970    wan ez got wolde

Verse: 971    daz si mîn vrouwe solde sîn,
Verse: 972    sô hêt alrêrst diu sælde mîn

Verse: 973    mîn vreude gar gekroenet
Verse: 974    und oesterlîch geschoenet,

Verse: 975    wan swaz ich her gedienet hân,
Verse: 976    sît ich mich guotes êrst versan,

Verse: 977    allen guoten wîben,
Verse: 978    daz muoz nû belîben;

Verse: 979    ich müge es lôn von ir gehaben,
Verse: 980    mîn vreude ist êwiclîch begraben

Verse: 981    mit jâmer unz an mînen tôt.
Verse: 982    hêt ich alle mîne nôt

Verse: 983    erliten durch die schoenen maget,
Verse: 984    sôn würde si nimmer mê geklaget,

Verse: 985    wan si erliuht daz herze mîn
Verse: 986    rehte alsô der sunnen schîn

Verse: 987    tuot den liehten sumertac.
Verse: 988    mit lobe ich niht verenden mac

Verse: 989    ir schoene und ir gewizzen,
Verse: 990    wan hêt sich ie gevlizzen

Verse: 991    Ovîdîus mit lobe dar,
Verse: 992    ern möhte si niht volloben gar."

Verse: 993    si bedorfte wol schoene unde jugent,
Verse: 994    gewizzen unde ganzer tugent,

Verse: 995    sît si nam ein der tiurste man
Verse: 996    der rîters namen ie gewan;
Verse: 997    den mohte ouch si mit êren hân.


Verse group: (32) 
Verse: 998    Dô sînen ernst der wirt ersach,
Verse: 999    zem herren Gâwein er dô sprach

Verse: 1000    "sît ez nu got gevüeget hât,
Verse: 1001    an dem daz dinc allez stât,

Verse: 1002    daz iu diu magt beschaffen ist,
Verse: 1003    sô gebe iu unser herre Krist

Verse: 1004    beiden sælde und êre!"
Verse: 1005    der rede enwart niht mêre.

Verse: 1006    des wart der rîter harte vrô.
Verse: 1007    ze sînen triuwen nam er si dô;

Verse: 1008    sam tet in diu reine maget,
Verse: 1009    weinende, als mir ist gesaget.

Verse: 1010    der künic wolds getroestet hân,
Verse: 1011    daz si ir weinen hêt verlân,

Verse: 1012    mit worten; dô nemohter.
Verse: 1013    des küniges swester tohter

Verse: 1014    was diu maget wol getân.
Verse: 1015    dô in der segen war getân,

Verse: 1016    küssende er si umbe vie;
Verse: 1017    der rîter mit ir slâfen gie;
Verse: 1018    im geschach dâ vor sô liebe nie.


Verse group: (33) 
Verse: 1019    Nû wart im daz reine wîp
Verse: 1020    liep alsam sîn eigen lîp.

Verse: 1021    sus ruowet er nâch sîner vart,
Verse: 1022    unz diu vrouwe swanger wart

Verse: 1023    bî im eines kindes.
Verse: 1024    ouch was des gesindes

Verse: 1025    vreude von dem gaste grôz,
Verse: 1026    wand in der arbeit niht verdrôz

Verse: 1027    swâ er in gedienen mohte,
Verse: 1028    iegelîchem als im tohte.

Verse: 1029    rîterschefte was dâ vil;
Verse: 1030    mit hunden und mit vederspil

Verse: 1031    reit der gast, als im gezam.
Verse: 1032    er hêt erworben daz sîn nam

Verse: 1033    von sîner tugent was erkant;
Verse: 1034    er zierte wol des küniges lant,
Verse: 1035    wan sîn gelîchen niemen vant.


Verse group: (34) 
Verse: 1036    Uf des küniges veste
Verse: 1037    was daz aller beste

Verse: 1038    werc von rôtem golde
Verse: 1039    gegozzen, als er wolde:

Verse: 1040    ein rat, enmitten ûf den sal;
Verse: 1041    daz gienc ûf und zetal;

Verse: 1042    dâ wâren bilde gegozzen an,
Verse: 1043    iegelîchz geschaffen als ein man.

Verse: 1044    hie sigen diu mit dem rade nider,
Verse: 1045    sô stigen dandern ûf wider;

Verse: 1046    sus gienc ez umbe an der stat;
Verse: 1047    daz was des gelückes rat.

Verse: 1048    ez hêt ein pfaffe gemeistert dar;
Verse: 1049    von rôtem golde waas ez gar.

Verse: 1050    ez bezeichent daz dem wirte nie
Verse: 1051    an deheinem dinge missegie,
Verse: 1052    wan daz gelücke volget im ie.


Verse group: (35) 
Verse: 1053    Nû was des wol ein halbez jâr
Verse: 1054    daz der gast was komen dar.

Verse: 1055    eins tages er trûrende gie.
Verse: 1056    vil grôzer jâmer in gevie:

Verse: 1057    in truoc sîn herze und sîn sin
Verse: 1058    zuo der mässenîe hin

Verse: 1059    und zuo der tavelrunde.
Verse: 1060    die strâze er vil wol kunde

Verse: 1061    wider in sîns herren lant.
Verse: 1062    her Gâwein gie sâ zehant

Verse: 1063    ze sînem wîbe; als er die sach,
Verse: 1064    mit grôzem jâmer er dô sprach

Verse: 1065    "got müez iu den lîp bewarn;
Verse: 1066    vrouwe, ich wil von hinnen varn

Verse: 1067    mit urloube drîe tage."
Verse: 1068    die lüge tet er durch die klage:

Verse: 1069    er vorhte ir jâmer und ir nôt.
Verse: 1070    beidiu trüebe unde rôt

Verse: 1071    wurden ir ougen an der stat.
Verse: 1072    vil sêre siuftunde si in bat,

Verse: 1073    wand ir sagte ir swærre muot,
Verse: 1074    als er mir selben ofte tuot,

Verse: 1075    daaz er ze lange wolde sîn. -
Verse: 1076    si sprach "lieber herre mîn,

Verse: 1077    belîbet hie, daz ist mîn rât;
Verse: 1078    mîn dinc mir angestlîche stât;

Verse: 1079    daz seht ir, unde wizzet wol
Verse: 1080    daz ich grôzen kumber dol

Verse: 1081    von mîner swære die ich hân.
Verse: 1082    herre, ir sult hie bestân

Verse: 1083    unz ir beseht wiez mir ergê:
Verse: 1084    ez kumt vil lîhte daz ir ê

Verse: 1085    niht wider komt, ichn sî genesen;
Verse: 1086    des müese ich immer jâmerc wesen."

Verse: 1087    dochn trûwet si der geschiht niht.
Verse: 1088    owê, waz des noch geschiht

Verse: 1089    daz man wol verswüere!
Verse: 1090    daz er alsô gevüere

Verse: 1091    dâ hêt er weizgot vür gesworn,
Verse: 1092    wand er ze stæte hêt erkorn

Verse: 1093    daz wesen sînem lîbe
Verse: 1094    bî sînem reinen wîbe.

Verse: 1095    im was daz leider unerkant
Verse: 1096    daz niemen mohte in daz lant

Verse: 1097    ân des küniges geleite komen;
Verse: 1098    und hêt er sichs vil wol bewart

Verse: 1099    sô hêt er sichs vil wol bewart
Verse: 1100    daz ez im immer ûf die vart

Verse: 1101    alsô komen wære.
Verse: 1102    sus benam er ir ir swære:

Verse: 1103    er sprach vrouwe, gehabt iuch wol,
Verse: 1104    wand ich immer mit iu dol

Verse: 1105    beidiu liep unde leit;
Verse: 1106    iu ist von mir unverseit

Verse: 1107    minne unde triuwe;
Verse: 1108    ich wil iu âne riuwe

Verse: 1109    immer wesen undertân.
Verse: 1110    ir sult ez niemen wizzen lân

Verse: 1111    daz ich hinnen rîten wil;
Verse: 1112    ich kum iu in vil kurzem zil

Verse: 1113    michn irres danne der bitter tôt
Verse: 1114    od sô ungevüegiu nôt

Verse: 1115    die niemen müge erwenden;
Verse: 1116    dise reise wil ich enden

Verse: 1117    daz sîn niemen werde gewar
Verse: 1118    war ich welle od wie ich var;
Verse: 1119    daz ist nâch mînem willen gar."


Verse group: (36) 
Verse: 1120    Diu vrouwe wart des trôstes vrô:
Verse: 1121    si wânde ez ergienge alsô.

Verse: 1122    dô kuste er si und schiet dan;
Verse: 1123    sinen willen wesse dehein man.

Verse: 1124    ûf sîn ors saz er zehant,
Verse: 1125    verholn nam er sîn îsengwant

Verse: 1126    und reit ûz vil balde
Verse: 1127    die strâze gegen dem walde.

Verse: 1128    ich wil iu ein wunder sagen:
Verse: 1129    daz er dar reit in zwelf tagen,

Verse: 1130    daz reit er wider ein halbez jâr.
Verse: 1131    alsus kom er geriten dar

Verse: 1132    ze Kardiôl vür daz hûs.
Verse: 1133    nu was der künic Artûs

Verse: 1134    gegangen vür daz bürgetor;
Verse: 1135    dâ hôrte man in klagen vor

Verse: 1136    sînen neven, den hern Gâwein.
Verse: 1137    in dirre klage dô erschein

Verse: 1138    sîn wâfen an dem schilte.
Verse: 1139    künc Artûs der milte

Verse: 1140    lief gegen im und enpfienc in dô.
Verse: 1141    daz gesinde wart allez vrô;

Verse: 1142    riter unde knehte
Verse: 1143    enpfiengen in wol von rehte,

Verse: 1144    wand er hêt tugenthaften muot;
Verse: 1145    er was getriuwe unde guot,

Verse: 1146    vor allem valsche wol behuot.
Verse: 1147    Dô vlugen diu mære

Verse: 1148    daz er komen wære
Verse: 1149    von hûse ze hûse.

Verse: 1150    mit dem künige Artûse
Verse: 1151    gienc er zuo den vrouwen sâ.

Verse: 1152    diu küniginne enpfienc in dâ
Verse: 1153    und ir vrouwen über al;

Verse: 1154    zuo in saz er ûf den sal.
Verse: 1155    si vrâgeten in der mære

Verse: 1156    wiez im ergangen wære;
Verse: 1157    des sagte er in genuoc;

Verse: 1158    sîner geschiht er nie gewuoc,
Verse: 1159    wan in sîn herze dar wider truoc.

Verse: 1160    Nu nam er des vil rehte war
Verse: 1161    daz er die mässenîe gar

Verse: 1162    dâ vant als er si gelâzen hêt,
Verse: 1163    und daz der hof ganzer stêt,

Verse: 1164    des vreut er sich vil sêre.
Verse: 1165    diu künigin Ginovêre

Verse: 1166    hiez sîn rîterlîche pflegen.
Verse: 1167    dône wolde iedoch der degen

Verse: 1168    niht turnieren als ê,
Verse: 1169    wan im tet der jâmer wê

Verse: 1170    nâch sînen schoenen wîbe.
Verse: 1171    er gedâhte ob ich belîbe

Verse: 1172    lenger hie, des gwinne ich schaden."
Verse: 1173    sîn stæter muot begunde in laden

Verse: 1174    wider in sîns geswîgen lant.
Verse: 1175    vil tougenliche gie er zehant

Verse: 1176    eine vür daz bürgetor;
Verse: 1177    dâ vant er sîne knappen vor.

Verse: 1178    er sprach bringet mir mîn ors her,
Verse: 1179    harnasch, schilt unde sper,

Verse: 1180    und saget niemen mîne vart."
Verse: 1181    vil snelle ez im brâht wart;

Verse: 1182    dô saz er ûf und reit zehant;
Verse: 1183    ouch brâhtens im sîn îsengwant

Verse: 1184    in den walt, als er gebôt.
Verse: 1185    in twanc diu minnende nôt

Verse: 1186    unz si in dar ûf brâhte
Verse: 1187    daz er dar wîder gâhte

Verse: 1188    dâ er sin wîp hêt verlân.
Verse: 1189    die knappen riten mit im dan.

Verse: 1190    sus reit er umbe ein ganzes jâr
Verse: 1191    unz er diu lant älliu gar

Verse: 1192    vor den bergen durch reit.
Verse: 1193    daz was ein verlorniu arbeit:

Verse: 1194    als ichz ofte hân vernommen,
Verse: 1195    in daz lant moht niemen komen

Verse: 1196    ern hêt den gürtel den er lie
Verse: 1197    sînen wîbe, dô er die

Verse: 1198    aller jungest mit jâmer sach.
Verse: 1199    sînes herzen ungemach

Verse: 1200    wart dâ von sô grôz
Verse: 1201    daz in des lebens gar verdrôz;
Verse: 1202    das ouch sîn lîp vil wênic genôz.


Verse group: (37) 
Verse: 1203    Dô er mit vrâge daz bevant
Verse: 1204    dazniemen mohte in daz lant

Verse: 1205    vor den hôhen bergen komen,
Verse: 1206    als er die wârheit hêt vernommen,

Verse: 1207    dô teter als der biderbe man,
Verse: 1208    der sich des wol getroesten kan

Verse: 1209    swes er niht gehaben mac.
Verse: 1210    swer ie guoter sinne pflac,

Verse: 1211    der habe ouch noch denselben sit:
Verse: 1212    dâ vristet er sîn êre mit.

Verse: 1213    sus reit er (wider) zuo des küniges hûs.
Verse: 1214    nu was der milte Artûs

Verse: 1215    mit rîterschefte an der plân;
Verse: 1216    dâ kam ouch her Gâwein an

Verse: 1217    geriten zuo des küniges schar.
Verse: 1218    des tages was sîn zwei jâr

Verse: 1219    daz sîn wîp was genesen.
Verse: 1220    hie lâze wir den rîter wesen

Verse: 1221    und sagen wiez dem kinde ergie.
Verse: 1222    sîn reiniu muoter woldez nie

Verse: 1223    von ir gelâzen einen tac;
Verse: 1224    vor liebe si sîn selbe pflac

Verse: 1225    und ander manic vrouwe hêr.
Verse: 1226    in einem jâre wuohs ez mêr

Verse: 1227    dan ein anderz in zwein tuo.
Verse: 1228    man lêrtez spâte unde vruo

Verse: 1229    gewizzen unde güete.
Verse: 1230    ouch was sîn gemüete

Verse: 1231    zallen dingen veste;
Verse: 1232    ez tet niwan daz beste;

Verse: 1233    von rehte muosez sælic sîn.
Verse: 1234    ez zôch ein rîchiu künigin

Verse: 1235    unze zuo zwelf jâren;
Verse: 1236    die dô die tiursten wâren

Verse: 1237    und die besten rîter dâ,
Verse: 1238    die underwunden sich sîn sâ;

Verse: 1239    si lêrtenz rîten unde gên,
Verse: 1240    mit zühten sprechen unde stên.

Verse: 1241    des volget er in, wan er was guot,
Verse: 1242    zallen dingen wol gemuot.
Verse: 1243    daz beste ie nâch dem besten tuot.


Verse group: (38) 
Verse: 1244    Nu gap im got in sîner jugent
Verse: 1245    schoenen lîp und ganze tugent;

Verse: 1246    die behielt er an sîn ende.
Verse: 1247    âne missewende

Verse: 1248    lebt er in sîner kintheit.
Verse: 1249    sîn dienst was allen den bereit

Verse: 1250    die sîn von im geruochten;
Verse: 1251    die gâbe ouch an in suochten,

Verse: 1252    den gap er als in tohte,
Verse: 1253    swen erz gewinnen mohte.

Verse: 1254    aller hande rîter spil
Verse: 1255    lêrten in die rîter vil:

Verse: 1256    buhurdieren unde stechen,
Verse: 1257    diu starken sper zebrechen,

Verse: 1258    schirmen unde schiezen.
Verse: 1259    swen in die rîter liezen,

Verse: 1260    sô nâmen in die vrouwen wider:
Verse: 1261    man vuorte in ûf unde nider.

Verse: 1262    von sîner tugent daz geschach
Verse: 1263    daz man in zallen zîten sach

Verse: 1264    gerner danne ein andern man.
Verse: 1265    wol in, der da verdienen kan

Verse: 1266    daz in diu werlt gerne siht
Verse: 1267    und daz manim des besten giht!

Verse: 1268    dem hât got sælden vil gegeben;
Verse: 1269    er mac ouch deste gerner leben.

Verse: 1270    sîn sælde hât ie des gegert
Verse: 1271    daz er den liuten würde wert;
Verse: 1272    des wart ouch er von in gewert.


Verse group: (39) 
Verse: 1273    Nu hêt er vorders vil vernommen
Verse: 1274    wie sîn vater dar was komen,

Verse: 1275    wand im wart ofte vür geleit
Verse: 1276    sînes vater vrümicheit,

Verse: 1277    wie manhaft er wære.
Verse: 1278    sîne wessen ab niht der mære

Verse: 1279    ob er wære in deheiner nôt;
Verse: 1280    weder er lebte od wære tôt,

Verse: 1281    daz was in allen unbekant.
Verse: 1282    der juncherre ez sît bevant.

Verse: 1283    in sînen vreuden truobte in ie
Verse: 1284    daz er sînen vater nie

Verse: 1285    gesach bî allen sînen tagen.
Verse: 1286    daz begunde er tougenliche klagen

Verse: 1287    und gie zuo der muoter sîn
Verse: 1288    und zuo der edeln künigin,

Verse: 1289    diu hêt in ûz der toufe erhaben.
Verse: 1290    er sprach: "vrouwe, lât mich haben

Verse: 1291    iuwer hulde und iuwern segen.
Verse: 1292    got müez iuwer beider pflegen

Verse: 1293    und geruoche iuch vor dem tôde bewarn.
Verse: 1294    ich wil benamen hinnen varn,

Verse: 1295    in mîner jugent erwerben daz
Verse: 1296    daz man mich von rehte baz

Verse: 1297    erkenne danne ein andern man,
Verse: 1298    als mîn vater hât getân.

Verse: 1299    waz sol mir mîn starker lîp,
Verse: 1300    und sol ich mich nu als ein wîp

Verse: 1301    verligen in disem lande hie?
Verse: 1302    ich wil den suochen von dem mir ie

Verse: 1303    tugent unde manheit
Verse: 1304    allez mîn leben ist geseit;

Verse: 1305    daz ist mîn vater, her Gâwein,
Verse: 1306    der ie in rîters êren schein,

Verse: 1307    als ichz von im hân vernommen.
Verse: 1308    ichn wil nimmer wider komen

Verse: 1309    ez ensî daz ich in gesehe,
Verse: 1310    swaz halt mir dar nâch geschehe;

Verse: 1311    des gunnet mir, wand ez muoz sîn.
Verse: 1312    vrouwe und liebiu muoter mîn,

Verse: 1313    mir seit daz mîn gedinge
Verse: 1314    daz ich in wider bringe;
Verse: 1315    got gebe daz mir gelinge!"


Verse group: (40) 
Verse: 1316    Dô man sîn ernest rehte ersach,
Verse: 1317    sîn muoter, vrouwe Flôrîe, sprach

Verse: 1318    "lieber sun, nu volge mir,
Verse: 1319    wan du erkennest wol daz wir

Verse: 1320    sîn hân gebiten (wol) zweinzic jâr.
Verse: 1321    hie bî mahtu nemen war,

Verse: 1322    als ichz von im hân vernommen,
Verse: 1323    lebter, er wære wider komen.

Verse: 1324    ich erkande sîne triuwe wol;
Verse: 1325    er was ganzer triuwen vol.

Verse: 1326    owê, daz ich in ie erkôs
Verse: 1327    mir ze vriun, sît in verlôs

Verse: 1328    sô wunderlîche, ichn weiz wie.
Verse: 1329    sîn gelîche dern wart nie

Verse: 1330    und wirt ouch nimmer mê geborn.
Verse: 1331    sol ich in alsô hân verlorn,

Verse: 1332    sô muoz ich jâmer unde nôt
Verse: 1333    lîden unz an mînen tôt.

Verse: 1334    herre got, der mägde kint,
Verse: 1335    sît dir diu herze offen sint

Verse: 1336    und alle willen ûf getân,
Verse: 1337    wie hâstu mich alsô verlân!

Verse: 1338    keiser, herre, reiner Krist,
Verse: 1339    sît dir niht verborgen ist

Verse: 1340    und ân dich niht genesen mac,
Verse: 1341    lâ mich geleben noch den tac

Verse: 1342    daz ich gesehe den ich trage
Verse: 1343    in mînem herzen alle tage
Verse: 1344    beidiu mit jâmer und mit klage!"


Verse group: (41) 
Verse: 1345    An ir gebærden daz wol schein
Verse: 1346    daz ir der herre Gâwein

Verse: 1347    was liep als ir eigen lîp.
Verse: 1348    si sprach: "herre, nû belîp,

Verse: 1349    lieber sun, bî mir hie,"
Verse: 1350    er sprach "liebiu muoter, wie

Verse: 1351    sol mîn nam werden erkant
Verse: 1352    ichn rîte ûz in andriu lant,

Verse: 1353    als mîn vater her in tet?
Verse: 1354    ir sult lâzen iuwer bet.

Verse: 1355    ich wil verdienen der besten gruoz
Verse: 1356    und daz man mich erkennen muoz,

Verse: 1357    od ich verliuse mînen lîp.
Verse: 1358    swer sînen rât læt an diu wîp,

Verse: 1359    dern ist niht ein wîser man.
Verse: 1360    deheim dinc mich des erwenden kan

Verse: 1361    mîn lîp dern müeze gewâget sîn."
Verse: 1362    herre und lieber sun mîn,

Verse: 1363    sît ichs dich niht erwenden kan,
Verse: 1364    sô nim ein kleinôt daz ich hân;

Verse: 1365    behaltez unz an dînen tôt,
Verse: 1366    und wis sicher vor aller nôt;

Verse: 1367    daz ist ein gürtel, den mir lie
Verse: 1368    dîn vater, dô er jungest gie

Verse: 1369    von mir und urloup hêt genommen
Verse: 1370    als er wider solde komen.

Verse: 1371    an mîne sêle bevalch er mir
Verse: 1372    daz ich den gürtel gæbe dir,

Verse: 1373    als ich dir geseit hân -
Verse: 1374    ob du immer würdest ze man,

Verse: 1375    swen du woldest hinnen varn.
Verse: 1376    du solt den gürtel sô bewarn

Verse: 1377    daz sîn iemen werde gewar."
Verse: 1378    vil heize weinde gap si in dar;

Verse: 1379    er kuste si und neic ir dô.
Verse: 1380    die vrouwen wurden alle unvrô.

Verse: 1381    sus nam er urloup unde reit.
Verse: 1382    daz gelücke was im ie bereit;
Verse: 1383    des erziuget er grôze manheit.


Verse group: (42) 
Verse: 1384    Sîn muoter, vrouwe Flôrîe, stuont
Verse: 1385    mit grôzem jâmer, sô die tuont

Verse: 1386    den grôz herzeleit geschiht.
Verse: 1387    ir jâmer hal sich lenger niht

Verse: 1388    dô si in von ir rîten sach.
Verse: 1389    mit grôzer klage si dô sprach

Verse: 1390    owê, ich vil armez wîp!
Verse: 1391    waz sol mir guot unde lîp?

Verse: 1392    waz sol mir schoene unde jugent,
Verse: 1393    gewizzen unde ganziu tugent?

Verse: 1394    ich hân verlorn den tiursten man
Verse: 1395    den wîp ze vriunde ie gewan,

Verse: 1396    dar zuo mîn einigez kint.
Verse: 1397    herre got, sît dir sint

Verse: 1398    älliu dinc undertân
Verse: 1399    und ân dich niht genesen kan,

Verse: 1400    sô bevilhe ich hiute in dînem segen
Verse: 1401    mîn kint, daz sîn ruochest pflegen

Verse: 1402    an dirre vart, durch dînen tôt.
Verse: 1403    beschirme in, herre, vor grôzer nôt

Verse: 1404    und sende in mir gesunden wider!"
Verse: 1405    in der klage dô reit er nider

Verse: 1406    von dem hûse durch die stat.
Verse: 1407    daz liut im allez heiles bat;

Verse: 1408    daz machet sîn vil reiner muot;
Verse: 1409    er was gewizzen unde guot,
Verse: 1410    den tumben tump, den wîsen vruot.


Verse group: (43) 
Verse: 1411    Sus reit er verre durch diu lant,
Verse: 1412    und was im dannoch unbekant

Verse: 1413    war er kêren wolde;
Verse: 1414    ern wesse war er solde;

Verse: 1415    in disen sorgen reit er.
Verse: 1416    nu kom gegen im geloufen her

Verse: 1417    ûf dem wege ein garzûn.
Verse: 1418    der truoc einen schaprûn,

Verse: 1419    gesniten von fritschâle;
Verse: 1420    mit rôtem zendale

Verse: 1421    was er gefurrieret.
Verse: 1422    sîn huot was gezieret

Verse: 1423    mit bluomen und mit loube.
Verse: 1424    sus lief er in dem stoube.

Verse: 1425    des rôten seites von der gran
Verse: 1426    truoc er einen roc an,

Verse: 1427    gebrîst mit grôzem vlîze;
Verse: 1428    hantschuohe wîze

Verse: 1429    hêt er an den henden.
Verse: 1430    den stap begunde er wenden

Verse: 1431    nâch der garzûne sit:
Verse: 1432    dâ vürdert er sîn loufen mit.

Verse: 1433    sîne hosen wâren guot genuoc;
Verse: 1434    zwêne brisschuoch er an truoc.

Verse: 1435    und als er im sô nâhen kam,
Verse: 1436    sînen huot er abe nam;

Verse: 1437    hie mit eret er in alsô.
Verse: 1438    der juncherre gruozte in dô

Verse: 1439    und vrâget in der mære
Verse: 1440    wes garzûn er wære.

Verse: 1441    er sprach "des aller tiursten man
Verse: 1442    der künicrîche ie gewan:

Verse: 1443    des küniges von Britanje.
Verse: 1444    der hât mich zlspanje

Verse: 1445    nâch rîtern ûz gesant
Verse: 1446    ez hât der künic von Engellant

Verse: 1447    einen turnei wider in genomen;
Verse: 1448    dar suln im die rîter komen

Verse: 1449    ze Karidôl vür sîn hûs;
Verse: 1450    dâ sol der künic Artûs

Verse: 1451    wol driu tûsent rîter haben;
Verse: 1452    durch daz hân ich mich ûz erhaben."

Verse: 1453    der juncherre sprach "nu sage mir mê
Verse: 1454    wiez in sînem hove stê."

Verse: 1455    er sprach "herre, ich sagiu daz:
Verse: 1456    in nie deheinem hove baz;

Verse: 1457    dâ ist grôz rîterschaft
Verse: 1458    und alles des diu überkraft

Verse: 1459    des man ze vreuden gert.
Verse: 1460    komt ir dar, ir wert gewert

Verse: 1461    swes iu der muot erdenken kan.
Verse: 1462    dâne zwîvelt nimmer an,
Verse: 1463    wand ichz wol erkunnet hân."


Verse group: (44) 
Verse: 1464    "Nu zeige mir den wec dar."
Verse: 1465    er sprach "nu nemt der strâze war

Verse: 1466    die ich her komen bin;
Verse: 1467    diu treit iuch vil rehte hin

Verse: 1468    ze Karidôl vür daz hûs;
Verse: 1469    dâ ist der künic Artûs

Verse: 1470    mit grôzen hôchziten."
Verse: 1471    zehant begunder rîten

Verse: 1472    und kom dar an dem niunden tage.
Verse: 1473    nâch des garzûnes sage

Verse: 1474    vant er michel vreude dâ.
Verse: 1475    ûf den hof reit er sâ,

Verse: 1476    dâ manic âventiure geschach.
Verse: 1477    bî einer linden er dô sach

Verse: 1478    ligen einen breiten stein,
Verse: 1479    des tugent im inz herze schein,

Verse: 1480    gevieret und niht sinwel;
Verse: 1481    striemen rôt unde gel

Verse: 1482    giengen dar durch eteswâ;
Verse: 1483    daz ander teil daz was blâ,

Verse: 1484    lûter als ein spiegelglas.
Verse: 1485    sô grôziu tugent an im was

Verse: 1486    daz deheiner slahte man
Verse: 1487    der ie deheinen valsch gewan
Verse: 1488    die hant niht mohte gelâzen dran.


Verse group: (45) 
Verse: 1489    Zuo der linden reit der gast,
Verse: 1490    sîn pfärt hafter an einen ast

Verse: 1491    und saz enmitten ûf den stein.
Verse: 1492    sîn herze was âne mein

Verse: 1493    und ledic aller bôsheit;
Verse: 1494    sîn muot ie nâch dem besten streit.

Verse: 1495    swer ie dhein untugent begie,
Verse: 1496    dern mohte dem steine nâher nie

Verse: 1497    komen dan eins klâfters lanc;
Verse: 1498    si tâten alle widerwanc,

Verse: 1499    sô si zem steine wolden gên;
Verse: 1500    si muosen alle hôher stên.

Verse: 1501    ezn was dâ vor nie geschehen
Verse: 1502    daz ie iemen würde ersehen

Verse: 1503    ûf demselben steine,
Verse: 1504    niwan der künic [al] eine:

Verse: 1505    der was âne wandel gar.
Verse: 1506    her Gâwein der reichte dar

Verse: 1507    mit der hant, und niht baz;
Verse: 1508    ich sagiu wie er verworhte daz

Verse: 1509    er zem steine niht moht komen,
Verse: 1510    als ichz ofte hân vernomen:

Verse: 1511    eine maget wol getân
Verse: 1512    die greif er über ir willen an,

Verse: 1513    sô daz si weinde unde schrê.
Verse: 1514    deheiner slahte untugent mê

Verse: 1515    er von sîner kintheit nie
Verse: 1516    unz an sînen tôt begie;
Verse: 1517    diu selbe in zuo dem steine niht lie.


Verse group: (46) 
Verse: 1518    Dô man den knappen dar ûf sach,
Verse: 1519    einem rîter wart vil gâch

Verse: 1520    vür den künic, und sprach alsô
Verse: 1521    "herre, ir sult wesen vrô!

Verse: 1522    ein âventiure ist hie geschehen:
Verse: 1523    ich hân ûf dem steine ersehen

Verse: 1524    sitzen einen jungelinc."
Verse: 1525    daz dûhte si alle samt ein dinc

Verse: 1526    grôz unde wunderlich.
Verse: 1527    der edeln rîter iegelîch

Verse: 1528    îlte vür den andern dar
Verse: 1529    und nâmen der geschiht war.

Verse: 1530    der künic stuont [ûf] von sîner stat;
Verse: 1531    die vrouwen er dô gên bat

Verse: 1532    mit im zuo dem steine nider;
Verse: 1533    des satzte sich ir deheiniu wider.

Verse: 1534    dô daz gesinde in gerne sach,
Verse: 1535    der künic zuo den vrouwen sprach

Verse: 1536    "enpfâhe wir in des ist er wert,
Verse: 1537    und wizzet, swes er an mich gert

Verse: 1538    im ze vrumen, daz ist getân;
Verse: 1539    und wil er hie bî mir bestân,

Verse: 1540    ich behalte in nâch sînem rehte.
Verse: 1541    rîter unde knehte

Verse: 1542    die giengen mit im über al
Verse: 1543    zuo dem steine hin zetal;
Verse: 1544    mit vreuden rûmten si den sal.

Verse group: (47) 
Verse: 1545    Dem juncherren was unbekant
Verse: 1546    wiez umb den stein was gewant;

Verse: 1547    hêt erz von iemen ê vernomen,
Verse: 1548    er wære benamen drûf niht komen.

Verse: 1549    als er den künic her sach gên,
Verse: 1550    dô begunde er von dem steine stên.

Verse: 1551    sin gebærde diu was sæliclich:
Verse: 1552    die hende habte er vür sich

Verse: 1553    vil harte gezogenlîche.
Verse: 1554    künc Artûs der rîche

Verse: 1555    der hiez in willekomen sîn,
Verse: 1556    und diu edel künigîn;

Verse: 1557    dar nâch diu mässenîe gar.
Verse: 1558    si nâmen an im beider war

Verse: 1559    lîbes unde muotes:
Verse: 1560    dône vundens niht wan guotes,

Verse: 1561    wand er was alles valsches blôz;
Verse: 1562    dar zuo was sîn sælde grôz;
Verse: 1563    der beider er von rehte genôz.

Verse group: (48) 
Verse: 1564    Der künic vrâget in [der] mære
Verse: 1565    war wolde od wer er wære.

Verse: 1566    er sprach "herre, niwan her;
Verse: 1567    ichn kan iu niht gesagen wer

Verse: 1568    ich von mînem vater bin."
Verse: 1569    der [edel] künic bat aber in

Verse: 1570    im sagen sînen namen sâ
Verse: 1571    und mit im beliben dâ.

Verse: 1572    er sprach "herre, daz si getân;
Verse: 1573    ich wilz iuch gerne wizzen lân:

Verse: 1574    Gwi von Gâlois bin ich genant.
Verse: 1575    beslozzen ist daz selbe lant

Verse: 1576    von danne ich bin geborn.
Verse: 1577    ze herren hân ich iuch erkorn,

Verse: 1578    ob ir geruochet behalten mich;
Verse: 1579    mit mînem dienest wolde ich

Verse: 1580    erwerben des ich [ie] hân gegert,
Verse: 1581    ob ich der êren wære wert,

Verse: 1582    daz ich rîter würde hie;
Verse: 1583    des hân ich gedinget ie,

Verse: 1584    wan diu werlt alsô zergêt
Verse: 1585    daz nimmer dehein hof gestêt

Verse: 1586    mit sô ganzer rîterschaft;
Verse: 1587    aller vreuden überkraft

Verse: 1588    hân ich in kurzen stunden
Verse: 1589    in iuwerm hove vunden.

Verse: 1590    enpfâhet mich als ichs hân gegert!"
Verse: 1591    er sprach "juncherre, sît gewert

Verse: 1592    aller iuwer bete hie."
Verse: 1593    in sin genâde er in enpfie

Verse: 1594    und bevalch in an der stet,
Verse: 1595    nâch der küniginne bet,

Verse: 1596    sînem vater, dem herren Gâwein.
Verse: 1597    dô was under in zwein

Verse: 1598    diu grôze triuwe unbekant
Verse: 1599    die kint ie ze vater vant:

Verse: 1600    ir deweder erkante den andern dâ.
Verse: 1601    her Gâwein underwant sich sâ

Verse: 1602    des knaben mit sîner lêre;
Verse: 1603    des gewan er vrum und êre.

Verse: 1604    den besten was er undertân;
Verse: 1605    mit rede hêt er den valschen man;
Verse: 1606    ir deheinen er nie ze vînt gewan.


Verse group: (49) 
Verse: 1607    Dem künige wart er heimlich
Verse: 1608    und diente im aller tägelich

Verse: 1609    als er beste kunde.
Verse: 1610    den von der tavelrunde

Verse: 1611    was er allen vil bereit:
Verse: 1612    ze turnein er mit in reit,

Verse: 1613    und swâ man manheit begie,
Verse: 1614    dâ versûmte er sich nie

Verse: 1615    ern wær zevorderst an der schar;
Verse: 1616    si muosen es alle nemen war.

Verse: 1617    sîn manheit diu was harte grôz;
Verse: 1618    gelückes er dar zuo genôz

Verse: 1619    daz im vil selten missegie,
Verse: 1620    wand er hêt vor ougen ie
Verse: 1621    got, der die sînen nie verlie.


Verse group: (50) 
Verse: 1622    Dô dem künige wart geseit
Verse: 1623    sîn vil grôziu manheit,

Verse: 1624    des wundert in und wart sîn vrô.
Verse: 1625    eine hôchzît gebôt er dô;

Verse: 1626    dar kom manic vürste rîch.
Verse: 1627    hiu hôchzît wart vil lobelich

Verse: 1628    dâ der knappe nam daz swert.
Verse: 1629    er was sol rîterschefte wert;

Verse: 1630    die enpfienc ouch er mit vreuden dâ.
Verse: 1631    diu küniginne sande im sâ

Verse: 1632    sehs rîter kleider;
Verse: 1633    diu wâren der beider

Verse: 1634    von scharlach und von pfelle.
Verse: 1635    her Gâwein, sîn geselle,

Verse: 1636    gap im ein ravît daz was guot;
Verse: 1637    daz vreute sêre sinen muot.

Verse: 1638    der künic im zwelf knappen liez;
Verse: 1639    dar zuo er im geben hiez

Verse: 1640    swaz er haben solde,
Verse: 1641    iegelîchez als er wolde.

Verse: 1642    daz geschach, als ich iu sage,
Verse: 1643    an dem heiligen pfingestage

Verse: 1644    daz der knappe swert nam.
Verse: 1645    und als er messe vernam,

Verse: 1646    die pfaffen gâben im den segen.
Verse: 1647    dô gurte umbe sich der degen

Verse: 1648    ein swert, daz dehein man
Verse: 1649    nie dhein bezzerz gewan.

Verse: 1650    ez half im sît ûz manger nôt,
Verse: 1651    er behieltz ouch unz an sînen tôt;

Verse: 1652    daz gap im her Gâwein dâ.
Verse: 1653    der milte künic reichte im sâ

Verse: 1654    den schilt selbe und einen schaft.
Verse: 1655    sich huop dâ michel rîterschaft

Verse: 1656    und schoene buhurdieren
Verse: 1657    mit rîchen banieren.

Verse: 1658    sus wart her Gwîgâlois ze man
Verse: 1659    mit rîterschefte ûf der plân;
Verse: 1660    der künic hêt wol zim getân.


Verse group: (51) 
Verse: 1661    Dô sich der buhurt zerlie,
Verse: 1662    der künic ûf den sal gie,

Verse: 1663    mit im der junge swertdegen
Verse: 1664    der kunde wol der êren pflegen,

Verse: 1665    dar nâch die rîter über al.
Verse: 1666    sich huop dar inne grôzer schal

Verse: 1667    und manger hande seitspil;
Verse: 1668    floiten und tambûren vil

Verse: 1669    die hullen wider ein ander dâ.
Verse: 1670    der milte künic vuorte in sâ

Verse: 1671    zuo der tavelrunde
Verse: 1672    und gap im an der stunde

Verse: 1673    der taveln reht unde stat,
Verse: 1674    als in diu mässenie bat.

Verse: 1675    ouch gap er im ze gesellen sâ
Verse: 1676    den aller tiursten rîter dâ:

Verse: 1677    daz was mîn herre Gâwein,
Verse: 1678    der ie gar âne wandel schein;

Verse: 1679    des wurdens beide harte vrô.
Verse: 1680    den spilliuten gap man dô

Verse: 1681    pfärit, silber und gewant;
Verse: 1682    si wurden alle sâ zehant

Verse: 1683    von den gâben rîche
Verse: 1684    und lobten alle gelîche

Verse: 1685    den rîter und die hôchzît.
Verse: 1686    si spilten alle en widerstrît

Verse: 1687    vor der tavelrunde,
Verse: 1688    iegelîcher als er kunde.

Verse: 1689    man gap in allen wirtschaft
Verse: 1690    und alle des die überkraft

Verse: 1691    des man zem lîbe gerte.
Verse: 1692    diu hôchzît diu werte

Verse: 1693    mit vreuden dâ, als ich iu sage,
Verse: 1694    nâch pfingesten vierzehen tage.

Verse: 1695    dô diu ende hêt genomen,
Verse: 1696    die geste die dar wâren komen

Verse: 1697    die nâmen alle urloup dâ
Verse: 1698    ze hove und ouch anderswâ.

Verse: 1699    dô hiez der künic Artûs
Verse: 1700    tragen in sîn muoshûs

Verse: 1701    die pfelle ungeschrôten,
Verse: 1702    mangen samît rôten,

Verse: 1703    grâ, härmîn unde bunt;
Verse: 1704    dar zuo gap er manic pfunt

Verse: 1705    und schoeniu ros den gesten;
Verse: 1706    er kunde wol enbresten

Verse: 1707    ieglîchem nâch sîner werdichkeit;
Verse: 1708    sîn guot was dô der werlt bereit,
Verse: 1709    als man noch hiute von im seit.


Verse group: (52) 
Verse: 1710    Mit urloube ritens alle dan,
Verse: 1711    als ich iu geseit hân,

Verse: 1712    ieglîcher heim ze lande.
Verse: 1713    Der künic hêt ân schande

Verse: 1714    die hôchzît gehabet alsô
Verse: 1715    daz sîn liut was allez vrô

Verse: 1716    dô siz alsus verenden.
Verse: 1717    Zen næhsten sunewenden,

Verse: 1718    dô der künic ze tische saz
Verse: 1719    und innen des dô er az,

Verse: 1720    kom ein maget rîche
Verse: 1721    geriten hövischlîche

Verse: 1722    mit ir getwerge ûf den sal,
Verse: 1723    dâ die rîter über al

Verse: 1724    an dem tische sâzen,
Verse: 1725    trunken unde âzen.

Verse: 1726    Si reit ein phärit daz was blanc;
Verse: 1727    ir getwerc huop ûf unde sanc

Verse: 1728    ein lict sô wünniclîche
Verse: 1729    daz si alle gelîche

Verse: 1730    ir selber vergâzen
Verse: 1731    die in dem sale sâzen.

Verse: 1732    Als ez ist geseit mir,
Verse: 1733    ûf dem phärit hinder ir

Verse: 1734    stuont ez, swar si reit;
Verse: 1735    ûf ir ahseln hêt ez geleit

Verse: 1736    sîne hende beide.
Verse: 1737    Diu maget vuorte ze kleide

Verse: 1738    ein scharlaches kappen an.
Verse: 1739    Si was sô rehte wol getân

Verse: 1740    daz ir des prîses jâhen
Verse: 1741    alle die si gesâhen.

Verse: 1742    Ir houbt was ungebunden,
Verse: 1743    ir zöpfe wol bewunden

Verse: 1744    mit golde unz an daz ende;
Verse: 1745    daheiner slahte gebende

Verse: 1746    vuorte diu maget mêre.
Verse: 1747    Diu juncvrouwe hêre

Verse: 1748    reit dâ si den künic sach.
Verse: 1749    Vil gezogenlîche si dô sprach

Verse: 1750    "herre her künic, mich hât gesant
Verse: 1751    mîn vrouwe her in iuwer lant;

Verse: 1752    ir dienest hât si iu enboten.
Verse: 1753    Bî deheinem andern boten

Verse: 1754    wolde si iuz enbieten.
Verse: 1755    Ir vriunde ir daz rieten

Verse: 1756    daz si helfe suochte hie:
Verse: 1757    von disem hove sagt man ie

Verse: 1758    wie vrume riter hie wæren,
Verse: 1759    und daz si niht verbæren

Verse: 1760    daheiner slahte manheit.
Verse: 1761    Nu si iu offenlîch geseit

Verse: 1762    ein grôziu âventiure;
Verse: 1763    diu ist vil ungehiure

Verse: 1764    und bitter, gelîch dem tôde gar.
Verse: 1765    Wer vehten welle, der hebe sich dar!

Verse: 1766    Des vindet er dâ vil guot stat.
Verse: 1767    Er wirt sin âne zwîvel sat,

Verse: 1768    wan dâ ist manger tôt gelegen."
Verse: 1769    Gwîgâlois der tuire degen,

Verse: 1770    stuont ûf zer selben stunde
Verse: 1771    von der tavelrunde -

Verse: 1772    mit urloube wart daz getân,
Verse: 1773    vür den künic gienc er stân.

Verse: 1774    Er sprach "lieber herre mîn,
Verse: 1775    nu lât an mir daz werden schîn

Verse: 1776    daz ir niemen niht verseit;
Verse: 1777    iuwer gâbe ist allen den bereit

Verse: 1778    die ir von iu geruochent,
Verse: 1779    swâ siz ze rehte suochent:

Verse: 1780    gewert mich, herre, des ich ger;
Verse: 1781    sô hat mich diu Sælde her

Verse: 1782    wol geleitet mîne tage;
Verse: 1783    mîner swære die ich trage

Verse: 1784    der wirde ich ledic zehant.
Verse: 1785    Herre künic, nu sît gemant

Verse: 1786    daz iuwer milte mir werde erkant."
Verse: 1787    Dô daz gesinde sîne bet

Verse: 1788    gehôrte, die ere mit vlize tet,
Verse: 1789    des nam si michel wunder

Verse: 1790    und swigen alle besunder.
Verse: 1791    Der künic sprach "nu sît gewert

Verse: 1792    alles des ir an mich gert,
Verse: 1793    daz mînem namen rehte stê

Verse: 1794    und mir niht an mîn êre gê."
Verse: 1795    Er sprach "ichn ger niht vürbaz

Verse: 1796    wan daz mir werde erloubet daz
Verse: 1797    ich die âventiure hol;

Verse: 1798    sô habet ir mir gegeben wol.
Verse: 1799    Wer weiz ob ichz erwerben soll".

Verse: 1800    Diu rede wart im ungemach.
Verse: 1801    Den jungen rîterer an sach

Verse: 1802    und waz im sîn arbeit
Verse: 1803    von allen sînen sinnen leit

Verse: 1804    die er wolde lîden.
Verse: 1805    Er sprach "wolt ir vermîden

Verse: 1806    diese reise durch mîne bet,
Verse: 1807    ich wolde iuch rîchen hie ze stet."

Verse: 1808    "neinâ, herre!" sprach er dô,
Verse: 1809    "jâne mac ich nimmer werden vrô -

Verse: 1810    irn erloubet mir die selben vart."
Verse: 1811    Zehant si im erloubet wart.

Verse: 1812    Daz wart der juncvrouwen leit;
Verse: 1813    mit zorne si von dannen reit,

Verse: 1814    daz si ze niemen niht ensprach.
Verse: 1815    Ich sagiu wâ von daz geschach:

Verse: 1816    si vorhte daz si ir arbeit
Verse: 1817    verlür von sîner kintheit,

Verse: 1818    durch daz er sô junc was.
Verse: 1819    Si begunde vür daz palas

Verse: 1820    mit grôzer klage rîten;
Verse: 1821    sine wolde sîn niht bîten,
Verse: 1822    swie wol er kunde strîten.


Verse group: (53) 
Verse: 1823    Sus reit si gegen dem walde.
Verse: 1824    Die knappen brâhten im balde

Verse: 1825    ors, harnasch unde sper
Verse: 1826    und einen schoenen schilt her,

Verse: 1827    der was swarz alsam ein kol;
Verse: 1828    dâ was enmitten ûffe wol

Verse: 1829    ein rat von rotem golde erhaben;
Verse: 1830    daz wolde er zeinem wâfen haben

Verse: 1831    dâ man in bî erkande.
Verse: 1832    Diu künigin im sande

Verse: 1833    einen wâfenroc ze stiure
Verse: 1834    zuo der âventiure,

Verse: 1835    der was mit golde durchslagen;
Verse: 1836    den solde er durch ir willen tragen;
Verse: 1837    des begunde er ir genâde sagen.


Verse group: (54) 
Verse: 1838    Nu nam er urloup vin in dâ;
Verse: 1839    dem milten künige neic er sâ

Verse: 1840    und der mässenie gar.
Verse: 1841    "herre got, nu bewar

Verse: 1842    dem rîter sînen schoenen lîp!"
Verse: 1843    sprach dâ man unde wîp;

Verse: 1844    si wunschten im alle heiles hâch.
Verse: 1845    Dem rîter was zer vreise gâch,

Verse: 1846    wand er hêt eins lewen muot:
Verse: 1847    swaz vreislîch was daz dûhte in guot;

Verse: 1848    des kom er ofte in grôze nôt.
Verse: 1849    Sîn dienst er in allen bôt;
Verse: 1850    sus nam err urloup in den tôt.


Verse group: (55) 
Verse: 1851    Her Gâwein dô mit im gie:
Verse: 1852    von des râte kom er nie.

Verse: 1853    Ir geselleschaft was harte guot:
Verse: 1854    beidiu ir herze und ir muot

Verse: 1855    wârn einander heimlîch;
Verse: 1856    deiswâr, daz was billîch,

Verse: 1857    sît si eines lîbes wâren.
Verse: 1858    Ir ougen es niht verbâren

Verse: 1859    sine lachten ofte ein ander an.
Verse: 1860    Her Gâwein, der küene man,

Verse: 1861    wâfent in selbe mit sîner hant;
Verse: 1862    einen helm er im ûf bant,

Verse: 1863    dar ûf ein rat von golde gie.
Verse: 1864    Daz wâfen minnet der rîter ie,

Verse: 1865    wand einez gienc ûf und zetal
Verse: 1866    mit listen in sîns neven sal:

Verse: 1867    durch daz truoc er daz rat,
Verse: 1868    als in des sîn herze bat,

Verse: 1869    zeiner zimiere.
Verse: 1870    Ein rîchiu baniere

Verse: 1871    wart im gebunden an sîn sper.
Verse: 1872    Uf sin ors saz er;

Verse: 1873    daz was starc unde guot:
Verse: 1874    des wart der rîter wol gemuot.

Verse: 1875    Schilt und sper reicht man im dar;
Verse: 1876    dô was er gewâfent gar.

Verse: 1877    Den hern Gâwein bevalch er got;
Verse: 1878    vil grôzer jâmer âne spot

Verse: 1879    wart dâ zwischen in beiden
Verse: 1880    dô si sich muosen scheiden.

Verse: 1881    Sus reit her Gwigâlois von dan.
Verse: 1882    Im bât dâ guotes manic man;

Verse: 1883    dâ von muos er gelücke hân.
Verse: 1884    Der mägde îlte er balde nâch.
Verse: 1885    Vor zorne was ir alsô gâch


Verse group: (56) 
Verse: 1886    daz si sin niht wolde bîten;
Verse: 1887    deste balder muose er rîten.

Verse: 1888    Dô daz getwerc den rîter sach,
Verse: 1889    ze sîner juncvrouwen ez (dô) sprach

Verse: 1890    "dort kumt der rîter her geriten;
Verse: 1891    des solde wir dâ hân gebiten:

Verse: 1892    des hêt er êre und stüende iu wol.
Verse: 1893    Ez kumt vil lîhte daz im sol

Verse: 1894    dirre prîs gevallen
Verse: 1895    vor den rîten allen;

Verse: 1896    er ist lîhte als manhaft
Verse: 1897    und hât alsô grôze kraft

Verse: 1898    sam der aller tiurste dâ."
Verse: 1899    Diu juncvroue sprach "nu lâ

Verse: 1900    die rede, wan diu ist enwiht;
Verse: 1901    ich erkenne disse rîters niht:

Verse: 1902    her Gâwein wart mir genant;
Verse: 1903    den erkennet man über älliu lant

Verse: 1904    von sîner grôzen manheit.
Verse: 1905    Swaz er strîtes ie gestreit,

Verse: 1906    daz im dar an nie missegie,
Verse: 1907    daz hôrte ich von im sagen ie.

Verse: 1908    Der wær mit uns gerîten dan,
Verse: 1909    hêt dirre sîne bet verlân;
Verse: 1910    dâvon ich im niht êren gan."


Verse group: (57) 
Verse: 1911    Dô si die rede gar gesprach,
Verse: 1912    den jungen rîter si dô sach

Verse: 1913    enneben ir rîten sâ zehant.
Verse: 1914    Den helm vuort er in einer hant,

Verse: 1915    entwâfent was sîn houbet.
Verse: 1916    Er sprach "vrouwe, erloubet

Verse: 1917    mir daz ich mit iu var."
Verse: 1918    Daz widersaget si im gar.

Verse: 1919    Dô bat er si sô sêre
Verse: 1920    unz az diu maget hêre

Verse: 1921    in dô mit ir rîten hiez.
Verse: 1922    Dô si ir zorn ein teil verliez

Verse: 1923    und ir grôziu swære,
Verse: 1924    dô saget er ir mære

Verse: 1925    und kurzet ir die stunde,
Verse: 1926    als er beste kunde,

Verse: 1927    unz das der âbent ane gie.
Verse: 1928    Si sprach "rîter, râtet wie

Verse: 1929    od wâ wir hînt belîben
Verse: 1930    dâ wir die naht vertrîben."

Verse: 1931    "liebiu vrouwe, swâ ir welt."
Verse: 1932    Si sprach "ich weiz einen helt,

Verse: 1933    des hûs ist hie nâhen bî;
Verse: 1934    ichn weiz ab wie sîn nam sî,

Verse: 1935    wan eine dinc ist mir bekannt:
Verse: 1936    ez ist umb in alsô gewant:

Verse: 1937    er hât wunderlîche sit,
Verse: 1938    dâ er sîn brôt vristet mit.

Verse: 1939    Desn ist daheiner slahte rât:
Verse: 1940    swer sô rîters namen hât,

Verse: 1941    will er des nahtes dâ ruowe hân,
Verse: 1942    ern müeze in eine bestân

Verse: 1943    ûf dem velde mit rîterschaft.
Verse: 1944    Und ist er dan sô manhaft

Verse: 1945    daz erin überrwindet,
Verse: 1946    ich sagiu daz: er vindet

Verse: 1947    von gemache dâ swes er gert,
Verse: 1948    wand er wirt von im gewert

Verse: 1949    sô guoter handelunge dâ
Verse: 1950    die niemen vünde anderswâ.

Verse: 1951    Stichet ab in der wirt nider,
Verse: 1952    sô muoz er danne blôzer wider

Verse: 1953    scheiden gar ân sîne habe.
Verse: 1954    Mich dunket guot wir tuon uns abe

Verse: 1955    der ruopwe und rîten anderswâ:
Verse: 1956    si ist boese ze gewinnen dâ."
Verse: 1957    Diu rede misseviel im sâ.


Verse group: (58) 
Verse: 1958    Er sprach "vruowe, nein durch got!
Verse: 1959    Ich will allez iuwer gebot

Verse: 1960    leisten an dingen;
Verse: 1961    mir muoz hie gelingen,

Verse: 1962    od ich verliuse swaz ich hân."
Verse: 1963    Er was des muotes gar ein man,

Verse: 1964    wand er daz nie bevlôch
Verse: 1965    swaz ze manheit gezôch

Verse: 1966    dâne wære er starke gerne mit;
Verse: 1967    daz was von kinde ie sîn sit.

Verse: 1968    Daz hûs was om sô nâhen
Verse: 1969    daz si dar abe sâhen

Verse: 1970    den gast gewâfent rîten.
Verse: 1971    Der wirt wolde niht bîten;

Verse: 1972    sînen harnasch hiez er bringen.
Verse: 1973    Er wânde im solde gelingen

Verse: 1974    als im ofte ê was getân.
Verse: 1975    Leider, dô truoc in sîn wân!

Verse: 1976    Im was ze gâch an die vart.
Verse: 1977    Zehant als er gwwâfent wart,

Verse: 1978    dô brâhten im die knappen dar
Verse: 1979    ein ors, daz was bedecket gar

Verse: 1980    mit einer grôpiere.
Verse: 1981    Der wirt was vil schiere

Verse: 1982    ûf daz ors gesprungen.
Verse: 1983    Die garzûn nâch im dungen;

Verse: 1984    die truogen schilt unde sper.
Verse: 1985    Si liefen ûz nâch im her

Verse: 1986    vaste vür den burcgraben.
Verse: 1987    Si wolden daz gewis haben

Verse: 1988    si würden alle rîche;
Verse: 1989    dô geriet ez mislîche.

Verse: 1990    Der gast den helm ûf bant;
Verse: 1991    von der straze kêrt er zehant

Verse: 1992    gegen dem wirte ûf die plân.
Verse: 1993    Si liezen zuo einander gân

Verse: 1994    swaz diu ors mohten gevarn.
Verse: 1995    Si kunden sich beide wol bewarn;

Verse: 1996    iedoch sô stach der junge gast
Verse: 1997    sîn sper daz ez durch in brast

Verse: 1998    ander halbe eins klâfters lanc.
Verse: 1999    Ez geschach ein teil ân sînen danc

Verse: 2000    daz er in alsô hêt erslagen;
Verse: 2001    daz wil ich iu vür wâr sagen,
Verse: 2002    wand er begundez von herzen klagen.


Verse group: (59) 
Verse: 2003    Sich huop ein jæmerlîchiu nôt
Verse: 2004    dô si gesâhen daz er tôt

Verse: 2005    von dem orse viel ûf daz gras.
Verse: 2006    swaz dâ ingesindes was,

Verse: 2007    daz huop sich mit klage dar.
Verse: 2008    diu juncvrouwe sprach "[nu] nemt war

Verse: 2009    welch ein mort ir habt getân!
Verse: 2010    wir mugen hie nu niht bestân;

Verse: 2011    wir sulen vürbaz rîten,
Verse: 2012    dâ wir des tages bîten,
Verse: 2013    ê si hie mit uns strîten."


Verse group: (60) 
Verse: 2014    Der geschiht wâren si vil unvrô;
Verse: 2015    von dem tôten ilten si dô

Verse: 2016    bî einem wazzer hin ze tal.
Verse: 2017    dâ hôrten si die nahtegal

Verse: 2018    singen vaste gegen der naht.
Verse: 2019    daz gevilde was bedaht

Verse: 2020    mit grase und mit loube dâ.
Verse: 2021    die gesellen enwessen wâ

Verse: 2022    si möhten beliben unz an den tac.
Verse: 2023    ein fôreis in dâ nâhen lac;

Verse: 2024    dâ erbeizte diu juncvrouwe zuo.
Verse: 2025    si beliben dâ unz morgen vruo

Verse: 2026    sô si beste mahten.
Verse: 2027    sine kunden niht betrahten

Verse: 2028    war si rîten vürbaz;
Verse: 2029    diu ungeschiht vuocte in daz;

Verse: 2030    doch tâtens als der biderbe man:
Verse: 2031    swenne erz niht gebezzern kan,

Verse: 2032    sô dunket ez in ein rât
Verse: 2033    swaz er danne hât,
Verse: 2034    als ez im an die nôt gât.


Verse group: (61) 
Verse: 2035    Der juncvrouwen schuofen si gemach;
Verse: 2036    daz getwerc des grüenen loubes brach

Verse: 2037    und bette ir nider ûf daz gras,
Verse: 2038    wand ez an einer wisen was.

Verse: 2039    dô si eine wile gelâgen
Verse: 2040    und ir gemaches pflâgen,

Verse: 2041    dô hôrtens eine stimme
Verse: 2042    klägelîch und grimme

Verse: 2043    in dem walde, bi einem sê
Verse: 2044    ruofen vaste "wê! wê!"

Verse: 2045    als daz dâ vürhtet den tôt
Verse: 2046    der rîter sprach "hoert ir die nôt

Verse: 2047    und die klage die daz hât?
Verse: 2048    vrouwe, ist ez iuwer rât,

Verse: 2049    sô wil ich rîten dar,
Verse: 2050    daz ich uns rehte ervar

Verse: 2051    waz daz si daz dâ klaget.'
Verse: 2052    des antwurt im diu maget;

Verse: 2053    si sprach "nu tuot als ir welt.'
Verse: 2054    zehant dô reit der helt

Verse: 2055    als in lêrte sîn sin.
Verse: 2056    diu naht was wol halbiu hin

Verse: 2057    und schein der mâne gegen dem tage.
Verse: 2058    sus reit der rîter nâch der klage,

Verse: 2059    als diu stimme vor im hal,
Verse: 2060    den walt ûf und ze tal.

Verse: 2061    der was rûch und enge;
Verse: 2062    durch dorne und durch gedrenge

Verse: 2063    vuor er wol eine mîle.
Verse: 2064    nu sach er bî der wile

Verse: 2065    sitzen zwêne starke risen
Verse: 2066    bi einem viure ûf den wisen,

Verse: 2067    die bî dem sêwe lâgen.
Verse: 2068    einer juncvrouwen si dâ pflâgen

Verse: 2069    leider über ir willen.
Verse: 2070    sine mohten si niht gestillen

Verse: 2071    mit deheiner slahte bet:
Verse: 2072    daz trûten ir unsanfte tet,

Verse: 2073    wan si was in gar ze kranc.
Verse: 2074    sus wolden si über ir danc

Verse: 2075    ir willen mit ir gehabet hân;
Verse: 2076    des wart ir jâmer alsô getân

Verse: 2077    daz ez in muose erbarmen.
Verse: 2078    si hêt mit beiden armen

Verse: 2079    der eine an sich gedrücket.
Verse: 2080    si bêten si gezücket

Verse: 2081    dem milten künige Artûs
Verse: 2082    ze Karidôl vor sinem hûs;

Verse: 2083    des was michel klage dâ.
Verse: 2084    die edeln rîter enwessen wâ

Verse: 2085    si hin wâren gekêret;
Verse: 2086    des was ir herze gesêret
Verse: 2087    und ouch der hof gunêret.


Verse group: (62) 
Verse: 2088    Dô der rîter rehte ersach
Verse: 2089    der juncvrouwen ungemach,

Verse: 2090    daz begunde im an sîn herze gân.
Verse: 2091    ezn sol ouch noch dhein biderbe man

Verse: 2092    nimmer gerne übersehen,
Verse: 2093    swâ dehein schade mac geschehen

Verse: 2094    deheinem reinen wîbe,
Verse: 2095    ern wendez mit sînem lîbe;

Verse: 2096    daz ist mîn sit und ouch mîn rât,
Verse: 2097    wan swaz diu werlt vreude hât,

Verse: 2098    diu kumt uns von den wîben.
Verse: 2099    wie möhte wir vertrîben

Verse: 2100    die langen naht und unser leit
Verse: 2101    niwan mit ir sælicheit?

Verse: 2102    unser vreude wære enwiht
Verse: 2103    und hête wir der wîbe niht.

Verse: 2104    got müez in genædic wesen!
Verse: 2105    wirn möhten ân si niht genesen.

Verse: 2106    daz bedâhte der rîter guot,
Verse: 2107    wand er was ie vil wol gemuot,
Verse: 2108    als der biderbe gerne tuot.


Verse group: (63) 
Verse: 2109    Sîn ors nam er mit den sporn;
Verse: 2110    den einen risen hêt er erkorn

Verse: 2111    dâ er bî dem viure saz.
Verse: 2112    mit dem sper stach er daz

Verse: 2113    ez im durch daz herze brast.
Verse: 2114    der an der rise zarte einen ast

Verse: 2115    von einem boume, der was grôz;
Verse: 2116    des er jedoch niht vil genôz.
Verse: 2116    [wand er sich in die este slôz]


Verse group: (64) 
Verse: 2117    der rîter ouch erbeizet was
Verse: 2118    zuo zim ûf daz grüene gras

Verse: 2119    und liefen beide einander an.
Verse: 2120    si wârn zwêne bereite man

Verse: 2121    des muotes sam der kraft;
Verse: 2122    daz schein wol an ir rîterschaft.

Verse: 2123    der rise mit dem aste
Verse: 2124    treip in harte vaste

Verse: 2125    hinder sich in ein dickez hac,
Verse: 2126    daz dâ nâhen bi im lac;

Verse: 2127    dâ entweich der edel rîter in.
Verse: 2128    daz tet er niwan durch den sin

Verse: 2129    daz er in slüege ân sinen schaden:
Verse: 2130    sô kunde er in ze hûse laden.

Verse: 2131    dô enpfie der rise wunden vil.
Verse: 2132    sus spilten si des tôdes spil

Verse: 2133    unz daz der tac ûf gie.
Verse: 2134    eine wunden dô der rise enpfie

Verse: 2135    von im, diu nam im sine kraft;
Verse: 2136    des wart der rîter sigehaft.

Verse: 2137    in sîn gewalt muos er sich geben
Verse: 2138    durch daz er in lieze leben;

Verse: 2139    dar über swuor er einen eit
Verse: 2140    daz er die maget âne leit

Verse: 2141    bræhte dem künige Artûs
Verse: 2142    ze Karidôl wider in sin hûs,

Verse: 2143    unde sîn dar inne bît
Verse: 2144    unz er dar nâch im rît;

Verse: 2145    hie was er gevangen mit.
Verse: 2146    Bi den zîten was der sit:

Verse: 2147    dâ behielten si ir triuwe mit
Verse: 2148    swer deheinen eit zebrach,

Verse: 2149    swâ man den immer mê gesach,
Verse: 2150    der was ungenæme,

Verse: 2151    den liuten widerzæme,
Verse: 2152    als der tôtsieche man

Verse: 2153    der von der werlte wirt getân.
Verse: 2154    des muosen si ir sicherheit,

Verse: 2155    ez wær in liep ode leit,
Verse: 2156    behalten, als man in gebôt,

Verse: 2157    od an den êren ligen tôt;
Verse: 2158    des wær ouch noch der werlte nôt.

Verse: 2159    Nu hêt sich diu reine maget
Verse: 2160    beidiu verweinet und verklaget

Verse: 2161    daz si vil kûme mohte geleben.
Verse: 2162    dô wart ir ein trôst gegeben

Verse: 2163    daz si wider solde varn.
Verse: 2164    den tôten mohtens niht bewarn;

Verse: 2165    der lac dâ als im gezam.
Verse: 2166    der rise die juncvrouwen nam,

Verse: 2167    als der rîter im gebôt.
Verse: 2168    sins lieben gesellen tôt

Verse: 2169    klagte er âne mâze.
Verse: 2170    sus vuorens âne strâze

Verse: 2171    unz er die juncvrouwen vant;
Verse: 2172    diu begunde sâ zehant

Verse: 2173    ûf ir wec rîten:
Verse: 2174    sine wolde sîn niht bîten.

Verse: 2175    der rise nam urloup [von im] dâ;
Verse: 2176    engegen Britanje gienc er sâ

Verse: 2177    und brâhte die maget hêre
Verse: 2178    der küniginne Ginovêre

Verse: 2179    und dem künige Artûs
Verse: 2180    ze Karidôl wider in sîn hûs.

Verse: 2181    des wart diu mässenîe vrô;
Verse: 2182    dem edeln rîter gnâdetens dô

Verse: 2183    der triuwen und der êren.
Verse: 2184    der [rîter] begunde kêren

Verse: 2185    sîner juncvrouwen nâch.
Verse: 2186    der was von im harte gâch,

Verse: 2187    wand ez was ir vil leit
Verse: 2188    daz er iender mit ir reit.

Verse: 2189    swaz er manheit begie,
Verse: 2190    die wolde si geprîsen nie:

Verse: 2191    ez dûhte si allez kleine
Verse: 2192    wider die al eine

Verse: 2193    diu im ze tuone sît geschach.
Verse: 2194    gezogenlîche der rîter sprach

Verse: 2195    "edliu maget, hoeret mich!
Verse: 2196    erloubet mir, vrouwe, daz ich

Verse: 2197    mit iu rîte disen tac."
Verse: 2198    wand er solher zühte pflac

Verse: 2199    daz er daz bewarte ie
Verse: 2200    daz er wider ir willen nie

Verse: 2201    deheiner slahte dinc getet
Verse: 2202    ern erwürbez ê mit siner bet;
Verse: 2203    daz bescheinder ir an manger stet.


Verse group: (65) 
Verse: 2204    Daz getwerc begunde mit im bîten
Verse: 2205    unz si si des überstrîten

Verse: 2206    daz si im sîn gunde.
Verse: 2207    an derselben stunde

Verse: 2208    lief vor in ein bräkelîn
Verse: 2209    daz niht schoeners mohte sîn.

Verse: 2210    daz was blanc über al;
Verse: 2211    niwan ein ôre was im val,

Verse: 2212    daz ander rôt alsam ein bluot.
Verse: 2213    des wart diu maget wol gemuot,

Verse: 2214    wande si des selbe jach
Verse: 2215    daz si nie deheinez gesach

Verse: 2216    daz ir z ihte mære
Verse: 2217    wider daz selbe wære.

Verse: 2218    des wart der rîter harte vrô.
Verse: 2219    daz hündelîn vienc er dô

Verse: 2220    und legtez vür si ûf ir kleit.
Verse: 2221    des wart diu maget vil gemeit;
Verse: 2222    mit grôzen vreuden si dô reit.


Verse group: (66) 
Verse: 2223    Ditz was nâch mittem morgen.
Verse: 2224    si rîten âne sorgen

Verse: 2225    gegen einem vinstern tan;
Verse: 2226    dar ûz reit ein michel man,

Verse: 2227    des hâr was swarz alsam ein kol,
Verse: 2228    ieslîch loc bewunden wol

Verse: 2229    mit sîden und mit golde,
Verse: 2230    gezieret als er wolde.

Verse: 2231    sin ros swarz unde guot.
Verse: 2232    von bluomen vuorte er einen huot;

Verse: 2233    mit [grüenem] tymît was er gekleit
Verse: 2234    zer geselleschefte er reit.

Verse: 2235    si wârn ein ander unbekant.
Verse: 2236    einen knüttel vuorte er in der hant,

Verse: 2237    mit riemen wol bewunden.
Verse: 2238    ich wæne er mit den hunden

Verse: 2239    was gerîten in den walt.
Verse: 2240    sin muot ze zorne wart gestalt

Verse: 2241    dô er sîn hündelîn ersach.
Verse: 2242    wider die juncvrouwen er sprach

Verse: 2243    "ir sult wizzen, vrouwelîn,
Verse: 2244    dirre kleine hunt ist mîn.

Verse: 2245    seit mir, wer hât iun gegeben?
Verse: 2246    benamen ez gêt im an sîn leben!

Verse: 2247    si sprach "dirre rîter hie."
Verse: 2248    er sprach "wie getorst ir ie

Verse: 2249    gevâhen mînen schoenen hunt?
Verse: 2250    heizeten lâzen an dirre stunt

Verse: 2251    balde ûf die strâze nider,
Verse: 2252    oder irn komt nimmer wider

Verse: 2253    mit deheinen iuwern êren
Verse: 2254    und müezt wider kêren

Verse: 2255    mit ungesundem libe."
Verse: 2256    "diu rede zæme einem wîbe",

Verse: 2257    sprach her Gwîgâlois der degen,
Verse: 2258    "und wil unser got pflegen,

Verse: 2259    sô sul wir êre unde leben
Verse: 2260    umb sô lihte sache niht geben.

Verse: 2261    ich wæn der hunt ist iuwer niht;
Verse: 2262    muot ir anders von uns iht

Verse: 2263    nach êren und mit minnen,
Verse: 2264    daz mugt ir wol gewinnen.

Verse: 2265    swaz ab uns da von geschiht,
Verse: 2266    wirn geben iu des hundes niht

Verse: 2267    durch boese rede noch durch drô."
Verse: 2268    mit zorne kêrte der herre dô

Verse: 2269    über daz [breite] gevilde
Verse: 2270    gegen der [grôzen] wilde,

Verse: 2271    swaz daz ros mohte gevarn.
Verse: 2272    her Gwîgâlois muose sich bewarn

Verse: 2273    als er beste kunde,
Verse: 2274    wand er zer selben stunde

Verse: 2275    gwâfent dar wider wolde komen;
Verse: 2276    als hêten siz von im vernomen.

Verse: 2277    des wart der rîter harte vrô,
Verse: 2278    wan sin muot der stuont alsô
Verse: 2279    ern vorhte deheines mannes drô.


Verse group: (67) 
Verse: 2280    Die strâze rîten si als ê.
Verse: 2281    ir vreude wart dô micheis mê

Verse: 2282    dan ir dâ vor wære
Verse: 2283    mit mangem guoten mære

Verse: 2284    vertriben si die selben zît.
Verse: 2285    nu korn der rîter her durch strît

Verse: 2286    gewâfent von der wilde;
Verse: 2287    über daz [grôze] gevilde

Verse: 2288    kom er gewalopieret.
Verse: 2289    in heim der was gezieret

Verse: 2290    mit einem swanen härmîn,
Verse: 2291    snabel und vüeze guldîn:

Verse: 2292    ditz selbe wâfen vuort er.
Verse: 2293    mit hôhem muote kêrter her;

Verse: 2294    daz schein an sînem geverte wol.
Verse: 2295    swaz dem manne geschehen sol,

Verse: 2296    daz geschiht im âne wende;
Verse: 2297    sînes lîbes ende

Verse: 2298    wær dâ vürnames niht gewesen,
Verse: 2299    wan daz er doch niht solde genesen.

Verse: 2300    nu sach der junge rîter daz.
Verse: 2301    sînem rosse gurte er baz,

Verse: 2302    zehant er wider ûf saz;
Verse: 2303    ze manheit wart er nie laz.

Verse: 2304    den schilt er an sich gevie,
Verse: 2305    daz starke sper er sîgen lie,

Verse: 2306    sîn ors er mit den sporn nam;
Verse: 2307    mit solher kraft er an in kam

Verse: 2308    daz er daz sper durch in stach
Verse: 2309    daz man ez ander halbe sach.

Verse: 2310    der ander schaft sô gar zebrach
Verse: 2311    daz dehein schade geschach

Verse: 2312    dem rîter, als ez solde sîn.
Verse: 2313    gevrîet was daz hündelîn

Verse: 2314    von der justiure.
Verse: 2315    die kirchen wârn dâ tiure;

Verse: 2316    des belac er ûf dem velde dâ.
Verse: 2317    der rîter hafte sîn ors sâ

Verse: 2318    bî dem zoume an einen dorn.
Verse: 2319    daz wær bî disen zîten vlorn,

Verse: 2320    als ich michs versinnen kan:
Verse: 2321    ir ist nu wênic, sin vuortenz dan,

Verse: 2322    man züge im nû den harnasch abe,
Verse: 2323    dar zuo alle sîne habe;

Verse: 2324    daz was ab do wider dem sit:
Verse: 2325    swer ez tet, der vlôs dâ mit

Verse: 2326    alsô gar sîn êre
Verse: 2327    daz er nimmer mêre

Verse: 2328    ze rîterschefte mohte komen;
Verse: 2329    im wurde sîn êre gar benomen.

Verse: 2330    swer hiute daz selbe tæte,
Verse: 2331    sô belibe vil lîht stæte

Verse: 2332    allez rîterlîche reht.
Verse: 2333    swer vil kûme wære kneht,

Verse: 2334    der wil nu rîter werden;
Verse: 2335    des müezen die werden

Verse: 2336    der bœsen engelten.
Verse: 2337    jâ geniuzet man vil selten

Verse: 2338    der bœsen gesellen.
Verse: 2339    got müeze si vellen

Verse: 2340    die dem immer swert gegeben
Verse: 2341    der daz rîterlîche leben

Verse: 2342    niht behalten künne,
Verse: 2343    und der von sînem künne

Verse: 2344    niht dar zuo sî geborn!
Verse: 2345    daz alte reht hab wir verlorn.

Verse: 2346    daz was ê guot, sô man seit;
Verse: 2347    mit valsche und mit bôsheit
Verse: 2348    ist ez nû leider hin geleit.


Verse group: (68) 
Verse: 2349    Dô er den sic dâ genam,
Verse: 2350    als ez dem helde wol gezam,

Verse: 2351    dô reit diu maget wol getân
Verse: 2352    mit ir geselleschefte dan

Verse: 2353    beidiu berge unde tal,
Verse: 2354    dâ vil manic stimme hal,

Verse: 2355    grôz unde kleine.
Verse: 2356    eine juncvrouwen al eine

Verse: 2357    sâhen si vür sich rîten.
Verse: 2358    bî den selben zîten

Verse: 2359    was daz gewonlîch,
Verse: 2360    si wære arm ode rîch,

Verse: 2361    daz si wol mohte durch ir muot
Verse: 2362    rîten swar si dûhte guot,

Verse: 2363    unbesprochen und âne leit.
Verse: 2364    daz was dô gewonheit,

Verse: 2365    swâ man deheine rîten sach,
Verse: 2366    daz ir niemen niht ensprach.

Verse: 2367    nu ist diu werlt valschaft
Verse: 2368    und ist âne meisterschaft

Verse: 2369    beidiu liute unde lant.
Verse: 2370    eine vrouwen die man hât erkant

Verse: 2371    an ir êren stæte,
Verse: 2372    diu nimmer missetæte

Verse: 2373    durch deheiner slahte guot, -
Verse: 2374    sô sint die valschen sô gemuot

Verse: 2375    daz si sô stæte niht mac gesîn
Verse: 2376    sine slahen ir doch ein kläpfelîn

Verse: 2377    mit worten und mit vâre.
Verse: 2378    ezn mac nû zewâre

Verse: 2379    ein vrouwe vür ir hûs niht komen,
Verse: 2380    als ichz ofte hân vernomen,

Verse: 2381    man spreche si gê durch bôsheit.
Verse: 2382    reht und zuht ist hin geleit;

Verse: 2383    man kapfet nû die valschen an!
Verse: 2384    swer der werlt gespotten kan,

Verse: 2385    des lache wir und merken daz.
Verse: 2386    deiswâr, wir tæten michel baz

Verse: 2387    und vlühe wir si alle tage.
Verse: 2388    swer immer bœsiu mære gesage

Verse: 2389    von den guoten wîben,
Verse: 2390    des vreude müeze belîben

Verse: 2391    mit jâmer unz an sîn ende,
Verse: 2392    wan si sint âne wende

Verse: 2393    der werlte ein vil süezez spil.
Verse: 2394    got gebe in sælde und vreuden vil!
Verse: 2395    des ich in immer wünschen wil.


Verse group: (69) 
Verse: 2396    Als ich iu ê hân geseit,
Verse: 2397    mit grôzer klage diu maget reit

Verse: 2398    über die strâze al eine;
Verse: 2399    ir vreude diu was kleine.

Verse: 2400    si reit ein pfärit wol getân,
Verse: 2401    unz ûf sîn knie reicht im diu man,

Verse: 2402    daz was rôt alsam ein bluot.
Verse: 2403    ir gereite daz was harte guot

Verse: 2404    von golde und von gesteine.
Verse: 2405    ouch vuorte diu maget reine

Verse: 2406    einen roc von plîâte.
Verse: 2407    von rôtem siglâte

Verse: 2408    vuorte si eine kappen an;
Verse: 2409    ein veder, wîz alsam ein swan,

Verse: 2410    daz niht edlers mohte sîn,
Verse: 2411    diu was guot härmîn,

Verse: 2412    drin gefurrieret,
Verse: 2413    mit zobeln wol gezieret.

Verse: 2414    ir zöpfe wârn enpflohten gar;
Verse: 2415    ûf den satel reichte ir hâr,

Verse: 2416    daz was goltvar unde reit;
Verse: 2417    dar ûf ein huot der was breit,

Verse: 2418    von pfânvedern gestricket wol.
Verse: 2419    ir herze daz was jâmers vol;

Verse: 2420    si klaget unde weinde
Verse: 2421    als siz von herzen meinde;

Verse: 2422    man mohte vil wol an ir sehen
Verse: 2423    daz ir leide was geschehen,

Verse: 2424    wan si vil jæmerlîche schrê
Verse: 2425    ,owê mir armen wîbe, wê!
Verse: 2426    ditz leit daz klage ich immer mê.'


Verse group: (70) 
Verse: 2427    Vôr jâmer si daz übersach
Verse: 2428    daz si wider si niht sprach,

Verse: 2429    dô si die strâze vür si reit.
Verse: 2430    dem edeln rîter was vil leit

Verse: 2431    ir kumber und ir swære.
Verse: 2432    wer diu maget wære,

Verse: 2433    daz was den gesellen unbekant.
Verse: 2434    her Gwîgâlois sprach zehant

Verse: 2435    ,vrouwe, ich wil daz besehen
Verse: 2436    waz der mägde sî geschehen

Verse: 2437    od waz ir leides werre.'
Verse: 2438    si sprach ,lieber herre,

Verse: 2439    nu tuot als ir gebietet,
Verse: 2440    wan swaz ir mir gerietet,

Verse: 2441    sô tæte ich doch nâch mîner kür;
Verse: 2442    welt ir dar, sô rîtet vür

Verse: 2443    und ervart dâ swaz ir welt.'
Verse: 2444    ,ich tuon vil gerne' sprach der helt.

Verse: 2445    sîn manheit dûhte si dannoch kranc;
Verse: 2446    dâ von er allez über ir danc

Verse: 2447    nâch der âventiure reit.
Verse: 2448    mit bet er si des überstreit

Verse: 2449    daz si in mit ir rîten lie.
Verse: 2450    dheinen gedingen gwan sie nie,

Verse: 2451    swaz manheit er begienge,
Verse: 2452    daz in daz iht vervienge

Verse: 2453    ern hêt den tôt doch an der hant,
Verse: 2454    wand ir was daz wol bekant

Verse: 2455    daz diu âventiure
Verse: 2456    was sô ungehiure,

Verse: 2457    swer si wolde erwerben,
Verse: 2458    daz der dâ müese ersterben

Verse: 2459    ezn wolde got dan understên;
Verse: 2460    ân den mohtez niht ergên.

Verse: 2461    si vorhte sîner kintheit;
Verse: 2462    dâ von was ir sîn arbeit
Verse: 2463    und sîn rîten mit ir leit.


Verse group: (71) 
Verse: 2464    Her Gwîgâlois, der küene man,
Verse: 2465    lie sîn ros ze sprunge gân

Verse: 2466    engegen der mägde wol getân.
Verse: 2467    diu was, als ich gesaget hân,

Verse: 2468    schœne und alsô rîche
Verse: 2469    daz ich wæn ir gelîche

Verse: 2470    in dem lande iht wære.
Verse: 2471    dô si in grôzer swære

Verse: 2472    was sô rehte sûberlîch,
Verse: 2473    owê, wem was si gelîch

Verse: 2474    ê si daz leit gewünne!
Verse: 2475    daz si von küniges künne

Verse: 2476    sô rehte schœniu wære geborn,
Verse: 2477    des möhte ein tôre hân gesworn.

Verse: 2478    ez schein wol an ir rîchen wât
Verse: 2479    daz si deheinen unrât

Verse: 2480    hêt von armuote.
Verse: 2481    vil sêre si daz muote

Verse: 2482    daz der rîter zuo ir reit;
Verse: 2483    daz machet ir kumber und ir leit
Verse: 2484    diu si von gewalte leit.


Verse group: (72) 
Verse: 2485    Dô er ir sô nâhen kam
Verse: 2486    daz er ir leides war genam

Verse: 2487    und ir kumber rehte ersach,
Verse: 2488    vil gezogenlîche er sprach

Verse: 2489    ,got minne iuch, liebiu vrouwe mîn!
Verse: 2490    mac daz in iuwern hulden sîn

Verse: 2491    daz ir mirz geruochet sagen,
Verse: 2492    sô wil ich mit iu gerne tragen

Verse: 2493    iuwern kumber und iuwer nôt,
Verse: 2494    od ich lig ûf der verte tôt.

Verse: 2495    ich hân daz wol an iu ersehen
Verse: 2496    daz iu schade ist geschehen;

Verse: 2497    ouch wolde ichz gerne wizzen baz.'
Verse: 2498    ,waz mohte mich gehelfen daz?'

Verse: 2499    sprach diu maget wol getân
Verse: 2500    ,irn moht ez doch niht understân;

Verse: 2501    wan mir daz selbe leit geschach
Verse: 2502    daz ez vil manic rîter sach

Verse: 2503    den ez an ir herze gie;
Verse: 2504    diene mohten ez erwenden nie.

Verse: 2505    ich sage iuz doch - waz wirret daz? -:
Verse: 2506    über drî mîle ode baz

Verse: 2507    dâ lît rîter harte vil,
Verse: 2508    als ich iu nu sagen wil.

Verse: 2509    ichn weiz ob irz ê habt vernomen
Verse: 2510    war umbe si alle dar sint komen,

Verse: 2511    iegelîcher mit sîner vriundin:
Verse: 2512    dâ was ein rîterlîch gewin;
Verse: 2513    den verlôs ich; des ich trûric bin.


Verse group: (73) 
Verse: 2514    Ez hêt der künic von Îrlant
Verse: 2515    durch âventiure dar gesant

Verse: 2516    daz schœnest pfärt deich ie gesach
Verse: 2517    und einen sitich, der wol sprach

Verse: 2518    swaz er sprechen wolde.
Verse: 2519    in einem hûse von golde

Verse: 2520    was er beworht; daz ist mir kunt:
Verse: 2521    daz koste mê dan tûsent pfunt

Verse: 2522    von golde und von gesteine.
Verse: 2523    daz werc daz was kleine,

Verse: 2524    geworht vil meisterlîche
Verse: 2525    und was gevuoclîche

Verse: 2526    gesetzet zwischen die satelbogen.
Verse: 2527    ir wænt des lîhte ich habe gelogen;

Verse: 2528    daz ich iu sage daz ist wâr.
Verse: 2529    ez wârn die satelbogen gar

Verse: 2530    von wîzem helfenbeine,
Verse: 2531    mit golde und mit gesteine

Verse: 2532    wol gefüllet über al.
Verse: 2533    ein pfelle der was hin zetal

Verse: 2534    drin gefurrieret.
Verse: 2535    daz pfärit was gezieret

Verse: 2536    mit einem zoume, des nam ich war,
Verse: 2537    der was von rôtem golde gar.

Verse: 2538    daz der zügel solde sîn,
Verse: 2539    daz wâren borten guldîn,

Verse: 2540    geworht mit grôzem vlîze;
Verse: 2541    von berlen vil wîze

Verse: 2542    knöpfe wârn geworht daran.
Verse: 2543    daz pfärt was blanc als ein swan,

Verse: 2544    wol geschicket, und wol getân.
Verse: 2545    daz winster ôre und sîn man

Verse: 2546    diu wâren rôt zinobervar;
Verse: 2547    daz zeswe ôre was im gar

Verse: 2548    swarz alsam ein kol.
Verse: 2549    ein swarziu strieme teilte ez wol

Verse: 2550    nâch dem rücke hin zetal
Verse: 2551    unz ûf den zagel, der was [im] val,

Verse: 2552    beidiu lanc unde breit.
Verse: 2553    als ich iu ê hân geseit,

Verse: 2554    daz pfärit wart gezogen dar
Verse: 2555    niwan under der vrouwen schar;

Verse: 2556    die muosen zeinem ringe stên.
Verse: 2557    man hiez die rîter dar gên

Verse: 2558    daz si die vrouwen sæhen.
Verse: 2559    swelher si des jæhen

Verse: 2560    daz si diu schœnest wære dâ,
Verse: 2561    der gæbe ouch man daz pfärit sâ,

Verse: 2562    wand ez der künic von Îrlant
Verse: 2563    ûf die rede hêt dar gesant.

Verse: 2564    sus kômens zuo der vrouwen schar
Verse: 2565    und nâmen der [aller] schœnsten war
Verse: 2566    diu under in was komen dar.


Verse group: (74) 
Verse: 2567    Dô si si gar besâhen,
Verse: 2568    die rîter mir des jâhen

Verse: 2569    ich wær diu schœnest under in,
Verse: 2570    ich solde ouch haben den gewin.

Verse: 2571    der rede wart ich harte vrô;
Verse: 2572    daz pfärt antwurte man mir dô,

Verse: 2573    den sitich und swaz drûffe lac
Verse: 2574    und ein getwerc daz sîn pflac;
Verse: 2575    daz hêt gelebet mangen tac.


Verse group: (75) 
Verse: 2576    Als ich mich sîn underwant,
Verse: 2577    dô kom ein rîter sâ zehant,

Verse: 2578    der was michel unde rôt.
Verse: 2579    daz schœne pfärt er mir verbôt;

Verse: 2580    er zôch ez mit gewalte hin
Verse: 2581    und gap ez sîner vriundin.

Verse: 2582    daz was den rîtern allen leit;
Verse: 2583    nu pflac er solher manheit

Verse: 2584    daz in dâ niemen torste bestân
Verse: 2585    ezn müese im an den lîp gân.

Verse: 2586    des zôch erz hin ungestriten;
Verse: 2587    alsô bin ich dan geriten.

Verse: 2588    daz ist mîn klage und tuot mir wê!
Verse: 2589    der sitich jæmerlîche schrê

Verse: 2590    bescheidenlîche als ein man
Verse: 2591    zehant als er sichs versan

Verse: 2592    daz in der rôte rîter nam.
Verse: 2593    den schalt er unde was im gram;

Verse: 2594    er klaget mich, daz hôrte ich wol.
Verse: 2595    daz gevilde ist rîter vol

Verse: 2596    und sîgent ouch iemitten zuo.
Verse: 2597    si ligent dâ unz morgen vruo;

Verse: 2598    sô scheidet sich diu rîterschaft.
Verse: 2599    herre got, durch dîne kraft

Verse: 2600    nu rihte mir!' sprach diu maget;
Verse: 2601    "mîn leit daz sî dir gesaget,
Verse: 2602    wan dir diu werlt älliu klaget."


Verse group: (76) 
Verse: 2603    "Vrouwe", sprach der rîter dô,
Verse: 2604    "sît der rede ist alsô,

Verse: 2605    sô sulen wir mit minnen
Verse: 2606    daz pfärt wider gewinnen

Verse: 2607    und swaz er iu genomen hât."
Verse: 2608    diu vrouwe sprach "die rede lât;

Verse: 2609    irn wæret dan so manhaft
Verse: 2610    daz ir im mit rîterschaft

Verse: 2611    den sic möht behaben an;
Verse: 2612    des hân ich abe deheinen wân,

Verse: 2613    wan niemen lebt bî dirre zît
Verse: 2614    der wider in deheinen strît

Verse: 2615    gehaben müge ân den tôt."
Verse: 2616    der rîter sprach "daz wære ein nôt

Verse: 2617    sold er uns allen an gesigen;
Verse: 2618    ich wil dâ tôt von im geligen,

Verse: 2619    ode er tuot iu, vrouwe, reht.
Verse: 2620    ist er ein sô guot kneht

Verse: 2621    als man iu gesaget hât,
Verse: 2622    ich weiz wol daz er mich bestât.

Verse: 2623    nu rîtet vur und wîset mich dar!"
Verse: 2624    diu vrouwe sprach "nu sagt mir: war?"

Verse: 2625    "hin, dâ die rîter sint."
Verse: 2626    "deiswâr, sô duht ir mich ein kint,

Verse: 2627    unde wolt ir den bestân
Verse: 2628    dem sô manic biderbe man

Verse: 2629    an rîterschaft des prîses jach
Verse: 2630    und als ich selbe an im wol sach.

Verse: 2631    iu ist sîn manheit unkunt."
Verse: 2632    die maget bat er unz an die stunt.

Verse: 2633    swie ez ir doch wære leit,
Verse: 2634    daz ers mit guote des überstreit
Verse: 2635    daz si mit im wider reit.


Verse group: (77) 
Verse: 2636    Sus rîtens mit einander dan,
Verse: 2637    daz getwerc, die mägde und der man.

Verse: 2638    mit mangem guoten mære
Verse: 2639    vertreip er in ir swære

Verse: 2640    und kurzet in die stunde,
Verse: 2641    als er vil wol kunde,

Verse: 2642    unz si sô nâhen kâmen
Verse: 2643    daz si den schal vernâmen

Verse: 2644    von den rîtern über al.
Verse: 2645    daz gevilde was ûf und zetal

Verse: 2646    vollez paveIûne geslagen.
Verse: 2647    si sâhens schoeniu wâfen tragen;

Verse: 2648    dise turnierten dâ,
Verse: 2649    sô schirmten die anderswâ;

Verse: 2650    si sâhen buhurdieren,
Verse: 2651    die knappen justieren,

Verse: 2652    tanzen unde singen,
Verse: 2653    schiezen unde springen;

Verse: 2654    als ich iu nu sagen wil,
Verse: 2655    aller hande rîterspil
Verse: 2656    was dâ âne mâzen vil.


Verse group: (78) 
Verse: 2657    Dô daz her Gwîgalois ersach,
Verse: 2658    ze sîner juncvrouwen er [dô] sprach

Verse: 2659    diu in dar gewîset hêt
Verse: 2660    "ichn kan niht wizzen -wiez hie stêt

Verse: 2661    und erkenne ouch ir deheinen;
Verse: 2662    zeiget mir doch den einen

Verse: 2663    der iu daz pfärt genomen hât;
Verse: 2664    des ist deheiner slahte rât

Verse: 2665    iune müeze reht von im geschehen,
Verse: 2666    od er mich dâ tôten vor im sehen

Verse: 2667    ern welle mir rîterschaft versagen."
Verse: 2668    vil ungelîch tet er einem zagen.

Verse: 2669    des wart diu maget harte vrô;
Verse: 2670    mit willen zeiget si im dô

Verse: 2671    dâ der rôte rîter lac,
Verse: 2672    der grôzer hôchverte pflac,
Verse: 2673    diu dem manne ist gar ein slac.


Verse group: (79) 
Verse: 2674    Si sprach "nu seht hin ûf daz velt!
Verse: 2675    dâ stêt ein harte schoene gezelt

Verse: 2676    von samît rôt unde blâ;
Verse: 2677    mit golde ist ez eteswa

Verse: 2678    gevüllet meisterlîche.
Verse: 2679    der rîter der ist rîche;

Verse: 2680    daz schînet an sînem geverte wol,
Verse: 2681    swaz ich leides von im dol,

Verse: 2682    daz rihte, herre got, enzît!
Verse: 2683    mîn niftel im dâ nâhen lît,

Verse: 2684    des küniges tohter von Persîâ;
Verse: 2685    in der gezelte was ich da;

Verse: 2686    mit der suln wir belîben:
Verse: 2687    diu kan uns woI vertrîben

Verse: 2688    die zît mit vreuden, deist ir sit;
Verse: 2689    da liebet si sich den liuten mit.

Verse: 2690    si siht uns gerne, daz weiz ich wol,
Verse: 2691    wand ir herze ist tugent vol;
Verse: 2692    des willen si geniezen sol."


Verse group: (80) 
Verse: 2693    Mit vreuden ritens über daz velt
Verse: 2694    vür vil manic schoene gezelt.

Verse: 2695    dô si die maget sâhen
Verse: 2696    mit vreuden wider gâhen

Verse: 2697    der daz pfärit was genomen,
Verse: 2698    und den rîter mit ir komen

Verse: 2699    mit sîner juncvrouwen,
Verse: 2700    dô wart dâ michel schouwen

Verse: 2701    von den liuten über al
Verse: 2702    zehant als daz mære erschal

Verse: 2703    war umb der rîter dar was komen.
Verse: 2704    als irz dâ vor habt vernomen,

Verse: 2705    er wolde verliesen dâ sîn leben,
Verse: 2706    ode man muose wider geben

Verse: 2707    der mägde ir pfärit und ir guot.
Verse: 2708    er tet als der biderbe tuot,
Verse: 2709    dem ie zem besten stêt sîn muot.


Verse group: (81) 
Verse: 2710    Des kuniges tohter von Persîâ
Verse: 2711    diu saz in ir gezelte dâ

Verse: 2712    mit vreuden, als ir sit was.
Verse: 2713    ein schoeniu maget vor ir las,

Verse: 2714    an einern buoche ein mære
Verse: 2715    wie Troje zevuort wære

Verse: 2716    und wie jæmerlîche
Verse: 2717    Enêas der rîche

Verse: 2718    sich danne staI mit sînem her
Verse: 2719    vor den Kriechen ûf daz mer,

Verse: 2720    wie in vrouwe Dîdô enpfie
Verse: 2721    und wiez im dar nâh ergie,

Verse: 2722    als ez iu ofte ist geseit.
Verse: 2723    innen des ir niftel reit

Verse: 2724    mit ir geselleschefte dar;
Verse: 2725    des nam diu küniginne war.

Verse: 2726    daz mære man dô belîben lie.
Verse: 2727    diu vrouwe mit ir gesinde gie

Verse: 2728    und enpfie vil minniclîche
Verse: 2729    die gesellen alle gelîche.

Verse: 2730    ir nifteln nam si bî der hant;
Verse: 2731    diu tet ir schiere daz erkant

Verse: 2732    wie sî der rîter het wider braht,
Verse: 2733    als ichs dâ vor hân gedaht.

Verse: 2734    des namn si michel wunder
Verse: 2735    und gedâhte iedoch darunder

Verse: 2736    "wære er nihit sô manhaft,
Verse: 2737    ern hêt sich dirre rîterschaft

Verse: 2738    nimmer underwunden."
Verse: 2739    die vrouwen im enbunden

Verse: 2740    die riemen alle sâ zehant.
Verse: 2741    dô schuter sîn îsengwant

Verse: 2742    in sînen schilt ûf das gras.
Verse: 2743    vil snelle im bereitet was

Verse: 2744    nach sînem willen ein reinez bat,
Verse: 2745    als es diu küniginne bat,

Verse: 2746    und harte guotiu kleider;
Verse: 2747    diu wâren der beider

Verse: 2748    von pfelle und von rôsâte:
Verse: 2749    diu vrouwe was mit râte

Verse: 2750    gevaren von ir lande;
Verse: 2751    deheinen mangel si erkande;
Verse: 2752    ir milte was âne schande.


Verse group: (82) 
Verse: 2753    Als der rîter wart gekleit,
Verse: 2754    dô saz er ûf unde reit

Verse: 2755    dâ er den rôten rîter vant,
Verse: 2756    die maget nam er bî der hant

Verse: 2757    der er gewalt hêt getan.
Verse: 2758    si giengen beidiu vür in stân

Verse: 2759    in sîn gezelt dâ er lac.
Verse: 2760    vil grôzer hôchverte er pflac;

Verse: 2761    er hêt sich hövischlîche
Verse: 2762    ûf einen kulter rîche

Verse: 2763    in sîner amien schôz geleit.
Verse: 2764    waz touc nu mêr dâ von geseit?
Verse: 2765    diu was ze wunsche wol gekleit.


Verse group: (83) 
Verse: 2766    Der sitich stuont vor in und sprach
Verse: 2767    als er die juncvrouwen sach

Verse: 2768    "willekomen, liebiu vrouwe mîn!"
Verse: 2769    ich sold et iuwer zerehte sîn;

Verse: 2770    mit gewalte bin ich iu benomen.
Verse: 2771    von swelhem dinge daz sî komen,

Verse: 2772    daz nider got und rihtez hie,
Verse: 2773    wand er gestuont dem rehten ie."

Verse: 2774    daz gap dem rîter guoten muot.
Verse: 2775    guot trôst was ie zer noete guot:

Verse: 2776    swie manhaft ein herze sî,
Verse: 2777    ist dâ niht guotes trôstes bî,

Verse: 2778    ez kumt vil lîhte daz ez verzaget.
Verse: 2779    swer ouch dem sînen kumber klaget

Verse: 2780    der im deheines guotes gan
Verse: 2781    und in ouch niht getroesten kan,
Verse: 2782    der dunket mich niht ein wîser man.


Verse group: (84) 
Verse: 2783    Als ir der herre wart gewar,
Verse: 2784    mit hôhem muote sprach er dar

Verse: 2785    "wen suochet ir, junger rîter, hie
Verse: 2786    mit iuwer âmîen, die

Verse: 2787    ir dâ leitet bî der hant?"
Verse: 2788    der rîter sprach "wær iu bekant

Verse: 2789    ir geburt und ir leben,
Verse: 2790    sô solt ir ir wider geben

Verse: 2791    daz pfärt daz ir erteilet wart.
Verse: 2792    mit ir bin ich hie ûf der vart

Verse: 2793    als ich iuch des biten wil.
Verse: 2794    swie mir der bet doch sî ze vil

Verse: 2795    - wand ich iu niht gedienet hân -,
Verse: 2796    iedoch sô tuon ichz ûf den wân,

Verse: 2797    gewert ir mich der selben gebe,
Verse: 2798    daz ichz diene die wîle ich lebe.

Verse: 2799    ouch sult ir bedenken daz
Verse: 2800    ir habt darumbe grôzen haz

Verse: 2801    von den liuten über al.
Verse: 2802    sô ist iu das der meiste val

Verse: 2803    daz ir gewalt an ir begêt,
Verse: 2804    daz iu doch niht ze tuone stêt,
Verse: 2805    wan si daz pfärt mit rehte hêt,


Verse group: (85) 
Verse: 2806    Durch got, erkennet ir ir reht!"
Verse: 2807    der rîter sprach "herre guot kneht,

Verse: 2808    ich wil iu râten waz ir tuot:
Verse: 2809    nu lêrt iuch selben, daz ist iu guot.

Verse: 2810    ir mugt mich niht gelêren,
Verse: 2811    wand ich wil mîner êren

Verse: 2812    an iuch lâzen sô ich minnest mac;
Verse: 2813    daz was ie der tumben slac

Verse: 2814    daz si sich durch ir tumpheit
Verse: 2815    ofte grôzer arbeit

Verse: 2816    underwindent; waz hilft si daz?"
Verse: 2817    der rîter sprach "nu tuot ir baz,

Verse: 2818    sît ir sô rehte wîse sît!
Verse: 2819    deiswâr, daz lâze ich âne nît.

Verse: 2820    welt ir der juncvrouwen mîn
Verse: 2821    gnâden und rehtes wider sîn

Verse: 2822    mit iuwerm gwalte den ir traget,
Verse: 2823    sô sî iu von mir widersaget;

Verse: 2824    ich wil iuch mit der gôtes kraft
Verse: 2825    und mit rehter rîterschaft

Verse: 2826    morgen bestên ûf der plân;
Verse: 2827    als ich mich vermezzen hân.

Verse: 2828    vür wâr wil ich iu daz sagen:
Verse: 2829    mac ich den sic dâ bejagen,

Verse: 2830    sô volget uns daz pfärit hin;
Verse: 2831    gevalle ab mir der ungewin,

Verse: 2832    sô tuot ir dar nach als ir welt."
Verse: 2833    des lachet dô der helt

Verse: 2834    und wart der rede harte vrô,
Verse: 2835    wan sîn muot der stuont alsô

Verse: 2836    er vuor niwan nâch manheit;
Verse: 2837    swaz er dâ vor ie gestreit

Verse: 2838    des hêt er ie doch den sic genomen;
Verse: 2839    daz was von sîner sterke komen,

Verse: 2840    als hêten siz von im vernomen.
Verse: 2841    Im was der bart und daz hâr

Verse: 2842    beidiu rôt, viurvar.
Verse: 2843    von den selben hoere ich sagen

Verse: 2844    daz si valschiu herze tragen;
Verse: 2845    des gelouben hân ich niht:

Verse: 2846    swie man den getriuwen siht,
Verse: 2847    in swelher varwe er schînet,

Verse: 2848    sîn herze sich doch pînet
Verse: 2849    ûf triuwe und ûf güete

Verse: 2850    ob ein walscher blüete
Verse: 2851    als ein rôse diu dâ stêt,

Verse: 2852    ûz im doch niwan valschez gêt.
Verse: 2853    swie sîn hâr ist getan,

Verse: 2854    ist et er ein getriuwer man,
Verse: 2855    diu varwe im niht geschaden kan.

Verse: 2856    Der herre der was rîche;
Verse: 2857    an manheit sîn gelîche

Verse: 2858    der was ninder in der schar.
Verse: 2859    ez hêt von im, daz ist wâr,

Verse: 2860    vil manger sînen lîp verlorn;
Verse: 2861    er was von Mannesvelt geborn,

Verse: 2862    der grâve Hojir was er genant;
Verse: 2863    durch manheit in vremdiu lant

Verse: 2864    was er gevaren mangen tac;
Verse: 2865    rîterschaft was sîn bejac.

Verse: 2866    als ich iu nu sagen wil,
Verse: 2867    êren unde guotes vil

Verse: 2868    hêt er erworben mit sîner hant;
Verse: 2869    zlspanje was er wol bekant,

Verse: 2870    swie er ein Sahse wære;
Verse: 2871    im was dâ heime unmære

Verse: 2872    sich ze verligen einen tac,
Verse: 2873    wan mit gemache niemen mac

Verse: 2874    grôze êre erwerben,
Verse: 2875    "von rehte sol er verderben

Verse: 2876    der dâ heime sich verlît
Verse: 2877    und sich vlîzet zaller zît

Verse: 2878    daz sînem lîbe sanfte sî,
Verse: 2879    wan boese gemach ist êren vrî.

Verse: 2880    swer sich an êren wil erholn,
Verse: 2881    der muoz benamen kumber doln

Verse: 2882    und underwîlen arbeit.
Verse: 2883    ez wirt vil selten hirz erjeit

Verse: 2884    mit slâfendem hunde;
Verse: 2885    træges wolves munde

Verse: 2886    geschiht von spîse selten guot;
Verse: 2887    der dinge was er wol behuot:

Verse: 2888    ern hêt sich heime niht verlegen.
Verse: 2889    mit sîner kunst wânde der degen

Verse: 2890    den rîter überwinden;
Verse: 2891    ern trûwet an im niht vinden

Verse: 2892    alsô grôze meisterschaft.
Verse: 2893    dâ was kunst unde kraft,

Verse: 2894    sælde unde manheit;
Verse: 2895    diu hêt got an in geleit;
Verse: 2896    dâ mit erz allez überstreit,


Verse group: (86) 
Verse: 2897    Dô man sîn ernest rehte ersach,
Verse: 2898    der grave zuo dem rîter sprach

Verse: 2899    "herre, bereit iuch dar zuo:
Verse: 2900    kumt her wider morgen vruo,

Verse: 2901    als ir messe habt vernomen,
Verse: 2902    und lâze wir dar zuo komen

Verse: 2903    rîter unde vrouwen,
Verse: 2904    die ez wellen schouwen.

Verse: 2905    sît ir dan sô manhaft,
Verse: 2906    daz ir mir mit rîterschaft

Verse: 2907    den sic muget behaben an,
Verse: 2908    ich wirde iu gerne undertân

Verse: 2909    swes ir mir gebietet,
Verse: 2910    ich vürhte ab ir genietet

Verse: 2911    iuch ê der rîterschefte.
Verse: 2912    irn habt niht ganzer krefte;

Verse: 2913    der sinne sît ir gar ein kint;
Verse: 2914    iuwer kraft diu ist ein wint

Verse: 2915    wider einen starken man,
Verse: 2916    ezn welle got dan understân,

Verse: 2917    ir müezet uns hie lâzen ein pfant."
Verse: 2918    her Gwîgâlois sprach sâ zehant

Verse: 2919    ez müez under uns beiden
Verse: 2920    got ze rehte scheiden;

Verse: 2921    dem wil ichz enpfelhen gar,
Verse: 2922    wand er nam ie des rehten war;

Verse: 2923    ân in kan ich niht strîten.
Verse: 2924    ich wil nu wider rîten

Verse: 2925    mit urloube zer vrouwen mîn.
Verse: 2926    "got müez iu genædic sîn!"

Verse: 2927    sprach diu vrouwe und der man.
Verse: 2928    sus reit her Gwîgâlois von dan
Verse: 2929    mit der mägde wol getân.


Verse group: (87) 
Verse: 2930    Diu mære vlugen über daz velt
Verse: 2931    von der hütte in daz gezelt

Verse: 2932    wie ein rîter wære komen,
Verse: 2933    als irz ê habt vernomen,

Verse: 2934    mit der mägde wol getân:
Verse: 2935    der wolde den graven bestân

Verse: 2936    der der rôte rîter hiez,
Verse: 2937    dar umbe daz er niht enliez

Verse: 2938    niwan durch sînen übermuot
Verse: 2939    der magde ir pfärit und ir guot,

Verse: 2940    daz ir erteilte manic man;
Verse: 2941    dar umbe wolde er in bestân

Verse: 2942    eine ûf der heide
Verse: 2943    ir einem ze leide,

Verse: 2944    wand erz mit deheinen minnen
Verse: 2945    mohte wider gwinnen.

Verse: 2946    dô bat dâ man unde wîp
Verse: 2947    daz got sînen jungen lîp

Verse: 2948    vriste unde behuote.
Verse: 2949    si gunden in ir muote

Verse: 2950    dem jungen rîter glückes wol;
Verse: 2951    daz doch dem manne helfen sol

Verse: 2952    ob im diu werlt guotes gan,
Verse: 2953    wan swer daz verdienen kan

Verse: 2954    daz im diu werlt sprichet guot,
Verse: 2955    der sol vor leide sîn behuot,

Verse: 2956    wand ir ist leider nû niht vil
Verse: 2957    die diu sælde ûf ir zil

Verse: 2958    sô gärliche lâze
Verse: 2959    daz si mit der mâze

Verse: 2960    älliu dinc verenden.
Verse: 2961    got müeze im helfe senden

Verse: 2962    der ir lop erwerben sol,
Verse: 2963    wan si ist leider valsches vol.

Verse: 2964    dâ von muoz er sîn erwelt
Verse: 2965    der zem besten wirt gezelt;
Verse: 2966    daz bejagt her Gwîgâlois der helt.


Verse group: (88) 
Verse: 2967    Mit vreuden gie diu naht hin.
Verse: 2968    des andern morgens wâfent in

Verse: 2969    diu künigîn von Persîâ
Verse: 2970    und vil manic vrouwe dâ

Verse: 2971    mit vlize in sîn îsengwant
Verse: 2972    unde vuorten in zehant:

Verse: 2973    dâ er messe vernam,
Verse: 2974    als ez dem helde wol gezam,

Verse: 2975    von den drin genenden.
Verse: 2976    dô si ir bet verenden

Verse: 2977    und messe wart gesungen,
Verse: 2978    die rîter zuo im drungen

Verse: 2979    und trôsten in als einen man
Verse: 2980    dem diu werlt guotes gan.

Verse: 2981    sîn ors wart im gezogen dar;
Verse: 2982    daz was wol bedecket gar

Verse: 2983    mit einer kovertiure,
Verse: 2984    im wart dâ ze stiure.

Verse: 2985    gegeben manic reiner segen.
Verse: 2986    si bâten sîn got alle pflegen

Verse: 2987    beidiu arme und rîche.
Verse: 2988    vil vermezzenlîche

Verse: 2989    spranc er ûf daz ors sîn.
Verse: 2990    den schilt reicht im diu kunigîn,

Verse: 2991    daz sper diu maget wol getân
Verse: 2992    der er gewalt hêt getân

Verse: 2993    mit dem er solde strîten.
Verse: 2994    nu sach er gegen im rîten

Verse: 2995    den selben rîter sâ zehant.
Verse: 2996    der was dâ bî wol bekant:

Verse: 2997    sîn wafen daz was allez rôt;
Verse: 2998    an sînem schilte was der Tôt

Verse: 2999    gemâlet vil griulîche.
Verse: 3000    "wichâ, herre, wîche!"

Verse: 3001    die garzûn alle riefen
Verse: 3002    die dâ vor irn liefen.

Verse: 3003    si wârn siges an im gewon.
Verse: 3004    dô schiet ab in dâ von

Verse: 3005    sîn unreht und sîn hôchvart.
Verse: 3006    ein rinc in gemachet wart

Verse: 3007    daz si zesamne mohten komen,
Verse: 3008    mit nîde wurden dô genomen

Verse: 3009    diu ors beidiu mit den sporn.
Verse: 3010    dâ wart manic sper verlorn

Verse: 3011    in vil kurzen stunden.
Verse: 3012    der rôte hêt dâ vunden

Verse: 3013    alrêrst sînen gestrîten.
Verse: 3014    si begunden vaste rîten

Verse: 3015    beide einander ûf daz leben.
Verse: 3016    dem jungen rîter wart gegeben

Verse: 3017    ein starkez sper in sîne hant.
Verse: 3018    dô kêrte er an den wîgant

Verse: 3019    nâch sînes vater lêre.
Verse: 3020    dône mohter niht mêre

Verse: 3021    gewern vor dem kinde:
Verse: 3022    er stach in alsô swinde

Verse: 3023    von dem orse ûf daz gras
Verse: 3024    daz im der sprâche zerunnen was.

Verse: 3025    daz was im dâ vor nie geschehen.
Verse: 3026    zesamne begundens alle sehen,
Verse: 3027    mit worten im des prîses jehen.


Verse group: (89) 
Verse: 3028    Von dem orse erbeizter nider.
Verse: 3029    der grâve kom ze sinnen wider;

Verse: 3030    er spranc ûf und lief in an.
Verse: 3031    wolde er daz erwendet hân,

Verse: 3032    daz hêt er ê vil wol getân
Verse: 3033    dô er sich ligende niht versan.

Verse: 3034    daz liez er durch sîn êre.
Verse: 3035    des leit er deste mêre

Verse: 3036    von im slege âne nôt.
Verse: 3037    er hêt in nâch ûf sînen tôt

Verse: 3038    gespart, als vil manger tuot
Verse: 3039    der durch sînen hôhen muot

Verse: 3040    sînes vîndes schônet,
Verse: 3041    wand er im des lônet

Verse: 3042    mit dem tôde, swenne er mac.
Verse: 3043    dâ gie slac wider slac;

Verse: 3044    ir deweder dem andern niht vertruoc.
Verse: 3045    der grâve doch den rîter sluoc

Verse: 3046    unz an des kreizes ende.
Verse: 3047    dô zarten ir gebende

Verse: 3048    die vrouwen vor leide;
Verse: 3049    sich huop ûf der heide

Verse: 3050    von den vrouwen an dem tage
Verse: 3051    vil grôzer jâmer unde Mage.

Verse: 3052    ez rief diu maget wol getân
Verse: 3053    mit jamer unsern herren an

Verse: 3054    durch die er die nôt bestuont,
Verse: 3055    als die getriuwen tuont.

Verse: 3056    si sprach "herre, reiner got,
Verse: 3057    nu ist ez allez in dîm gebot:

Verse: 3058    der werlte tôt und ir leben;
Verse: 3059    geruoche mînem kempfen geben

Verse: 3060    mit dîner helfe ganze kraft
Verse: 3061    an dirre herten rîterschaft,

Verse: 3062    wan du, keiser, vil wol weist,
Verse: 3063    vater, sun, hêrre geist,

Verse: 3064    daz er gewalt an mir begêt."
Verse: 3065    dô die klage der rîter hêt

Verse: 3066    vernomen von den vrouwen,
Verse: 3067    dô begunder vaste houwen;

Verse: 3068    beidiu schilt und îsengwant
Verse: 3069    sluoc er im allez von der hant

Verse: 3070    und treip in durch den kreiz wider.
Verse: 3071    man sach daz bluot vallen nider

Verse: 3072    von den starken wunden,
Verse: 3073    sus wart er überwunden

Verse: 3074    von dem jungen rîter dâ.
Verse: 3075    dô muos er im sichern sâ

Verse: 3076    swaz er in tuon hieze,
Verse: 3077    daz er des niht enlieze;

Verse: 3078    dar umbe liez er im sîn leben.
Verse: 3079    daz pfärit muose er wider geben

Verse: 3080    und den sitech âne danc.
Verse: 3081    daz im dâ sô wol gelanc,

Verse: 3082    des wart daz liut allez vrô.
Verse: 3083    mit grôzem schalle vuorte in dô

Verse: 3084    diu künigîn von Persîâ
Verse: 3085    durch ruowe in ir gezelt sâ.

Verse: 3086    ouch volget im dar in
Verse: 3087    sîn vil rîterlîch gewin

Verse: 3088    und die rîter âne zal.
Verse: 3089    sich huop dâ vil grôzer schal.
Verse: 3090    ir vreude was des rôten val,


Verse group: (90) 
Verse: 3091    Dô er den pris dâ hêt bejaget,
Verse: 3092    als ich iu nu hân gesaget,

Verse: 3093    den grâven hiez er sichern des: -
Verse: 3094    welt irz vernemen, ich sag iu wes -

Verse: 3095    daz er und sîn vriundin
Verse: 3096    vüeren gegen Britanje hin

Verse: 3097    zem milten künige Artûs
Verse: 3098    und dâ wæren in sînem hûs

Verse: 3099    unz er dar nâch im kæme;
Verse: 3100    swer daz gerne vernæme

Verse: 3101    wer in dar hêt gesant,
Verse: 3102    daz erz im alsô tæte erkant:

Verse: 3103    "daz hât der rîter mit dem rade."
Verse: 3104    der grâve sprach "daz wær mir schade

Verse: 3105    sold ich iuch niht erkennen baz."
Verse: 3106    der rîter sprach "wie kæme daz?"

Verse: 3107    "dâ vüert vil manic man daz rat
Verse: 3108    der nimmer kumt an iuwer stat

Verse: 3109    an geburt und an manheit.
Verse: 3110    dar umb wære ez mir leit

Verse: 3111    und wesse gerne iuwern namen.
Verse: 3112    irn durft iuch nimmer des geschamen

Verse: 3113    daz iu an mir gelungen ist,
Verse: 3114    wan daz weiz unser herre Krist

Verse: 3115    daz ez mir nie mê geschach.
Verse: 3116    der junge rîter aber dô sprach

Verse: 3117    "ich wil mich iu nennen
Verse: 3118    daz ir mich mügt erkennen,

Verse: 3119    sît irs sô vlîziclîche gert,
Verse: 3120    wand irs sît aller êren wert.

Verse: 3121    ich bin Gwîgâlois genant
Verse: 3122    und hân gedâht mit mîner hant

Verse: 3123    der besten lop erwerben
Verse: 3124    od mänlîch ersterben;

Verse: 3125    alsô bin ich ûz gevarn."
Verse: 3126    "herre, got muez iuch bewarn."

Verse: 3127    sprach der grave Hojir
Verse: 3128    "und gevüege uns noch daz wir

Verse: 3129    mit vreuden müezen ein ander sehen;.
Verse: 3130    swaz mir von iu ist geschehen

Verse: 3131    des wil ich niht laster hân.
Verse: 3132    dô nam er urloup und schiet dan

Verse: 3133    engegen Britanje,als er gebôt.
Verse: 3134    dâ wurden liehtiu ougen rôt

Verse: 3135    dô sich diu rîterschaft zerliez;
Verse: 3136    dem herren Gwîgâlois gehiez

Verse: 3137    geselleschaft vil manger dâ.
Verse: 3138    sus schieden sich die rîter sâ

Verse: 3139    beidiu mit vreuden und mit klage.
Verse: 3140    ez was wol nâch mittem tage

Verse: 3141    und hêten zît ze rîten
Verse: 3142    die dâ niht wolden bîten

Verse: 3143    unz an den andern morgen.
Verse: 3144    dâ was unverborgen

Verse: 3145    triuwe unde minne;
Verse: 3146    mit worten und mit sinne

Verse: 3147    erbuten siz ein ander wol,
Verse: 3148    als ein vriunt dem andern sol

Verse: 3149    der im dienstes ist bereit
Verse: 3150    und im ganze triuwe treit
Verse: 3151    ân aller slahte bôsheit.


Verse group: (91) 
Verse: 3152    Sus schieden si sich alle dâ.
Verse: 3153    diu künigîn von Persîâ

Verse: 3154    bat den rîter mit ir varn.
Verse: 3155    er sprach "vrouwe, ich muoz bewarn

Verse: 3156    daz ich mich iht versûme;
Verse: 3157    jâ erbat ich des vil kûme

Verse: 3158    die lieben juncvrouwen mîn
Verse: 3159    diu min geleite dar sol sîn

Verse: 3160    daz si hie her mit mir reit."
Verse: 3161    diu vrouwe sprach "herre, seit,

Verse: 3162    war sol si iuch leiten?"
Verse: 3163    "des wil ich iuch bereiten:

Verse: 3164    zeiner âventiure
Verse: 3165    diu ist sô ungehiure

Verse: 3166    daz si niemen mac bestân
Verse: 3167    ezn müeze im an den lîp gân;

Verse: 3168    dar an ich mich niht sûmen wil.
Verse: 3169    dô wart im genigen vil

Verse: 3170    von den vrouwen über al;
Verse: 3171    diu dienest wâren âne zal

Verse: 3172    diu man den rîter ane bôt.
Verse: 3173    sus nam er urloup in den tôt

Verse: 3174    und gnâdet der kuniginne
Verse: 3175    triuwen unde minne

Verse: 3176    die si im bescheinde.
Verse: 3177    ir niftel sêre weinde

Verse: 3178    und kuste die vrouwen alle.
Verse: 3179    sus vuor si mit schalle

Verse: 3180    und mit grôzer rîcheit.
Verse: 3181    ir spîse was allen den bereit

Verse: 3182    die si wolden ezzen.
Verse: 3183    an ir was niht vergezzen

Verse: 3184    deheiner slahte güete,
Verse: 3185    wand ir reinez gemüete
Verse: 3186    ie nach êren blüete.


Verse group: (92) 
Verse: 3187    Her Gwîgâlois und diu maget
Verse: 3188    von der ich iu nu hân gesaget

Verse: 3189    der er daz pfärt wider gewan,
Verse: 3190    die rîten mit ein ander dan,

Verse: 3191    diu juncvrouwe und diu zwei getwerc,
Verse: 3192    über einen hôhen berc

Verse: 3193    durch michel waltgevelle nider.
Verse: 3194    dô kômen si ze der strâze wider

Verse: 3195    die diu maget vür si reit
Verse: 3196    dô si klagte ir herzeleit.

Verse: 3197    sînen zoum vie si mit der hant;
Verse: 3198    si sprach "rîter, sît gemant

Verse: 3199    iuwer güete und iuwer êren,
Verse: 3200    daz ir geruochet kêren

Verse: 3201    mit mir heim ze lande
Verse: 3202    (des sît ir âne schande -

Verse: 3203    ich bit iuch sîn vil verre -
Verse: 3204    daz ez iu unser herre

Verse: 3205    vergelten müez durch sînen tôt!),
Verse: 3206    az ich verdiene die grôzen nôt

Verse: 3207    die ir durch mich habt erliten
Verse: 3208    er sprach "vrouwe, lât iuwer biten;

Verse: 3209    ir sult sîn nicht ze harte gern,
Verse: 3210    wand ichn mac iuch [sîn] nicht gewern.

Verse: 3211    ich muoz in kurzer zît bestân,
Verse: 3212    als ich mich an genomen hân,

Verse: 3213    die âventiure ze Korntîn;
Verse: 3214    dar sol ich mit der vrouwen mîn

Verse: 3215    komen sô ich schierest mac.
Verse: 3216    ez würde mîner êren slac

Verse: 3217    ob ich die lieze under wegen.
Verse: 3218    got müez iuwers lîbes pflegen,

Verse: 3219    und gebe iu sælde und êre!
Verse: 3220    wan swaz ich mich nu mêre

Verse: 3221    sûmte hie, des gwünne ich schaden."
Verse: 3222    si mohte in niht sô vil geladen

Verse: 3223    sin verlür ir vlêhen und ir bet.
Verse: 3224    dô er nicht nâch ir willen tet,

Verse: 3225    dô klaget si und weinde als ê.
Verse: 3226    ir jâmers wart dô michels mê

Verse: 3227    dan sîn dâ vor wære gewesen;
Verse: 3228    vor leide trûwet si niht genesen,

Verse: 3229    und wære ir verre baz geschehen
Verse: 3230    hêt si den rîter nie gesehen,

Verse: 3231    wand ir von sîner hinvart
Verse: 3232    ir reinez herze beswæret wart,
Verse: 3233    mit jâmer êwiclîch bespart.


Verse group: (93) 
Verse: 3234    Dô si ir bet niht vervie
Verse: 3235    und ez an ein scheiden gie,

Verse: 3236    daz si daz gänzlîche ersach,
Verse: 3237    zem jungen rîter si dô sprach

Verse: 3238    "sît ir mich nicht mugt gewern,
Verse: 3239    sô wil ouch ich der gâbe enbern

Verse: 3240    die ich von iu enpfangen hân.
Verse: 3241    ir wænt des lîhte ich habez getân

Verse: 3242    ze minnern mîne armuot?
Verse: 3243    ich hân lant unde guot,

Verse: 3244    liute und êren alsô vil
Verse: 3245    daz ich der gâbe niht enwil.

Verse: 3246    ir sult von rehte iuwern gewin
Verse: 3247    geben iuwer vriundin,

Verse: 3248    wand ich sîn guoten rât hân."
Verse: 3249    dô muose daz pfärit dâ bestân:

Verse: 3250    si treipz von ir mit slegen dô;
Verse: 3251    des wart der rîter vil unvrô,

Verse: 3252    wand er sis alles widerstreit,
Verse: 3253    ez wære im liep ode leit.
Verse: 3254    sus nam si urloup unde reit.


Verse group: (94) 
Verse: 3255    Der rîter sich dô underwant
Verse: 3256    des schoenen pfärdes sâ zehant

Verse: 3257    und alles des dar ûffe lac
Verse: 3258    und eins getwerges daz sîn pflac;

Verse: 3259    daz gap er der juncvrouwen sîn.
Verse: 3260    dô hêt ouch si daz hündelîn

Verse: 3261    daz er dem rîter an gewan,
Verse: 3262    als ich iu ê gesaget hân.

Verse: 3263    die zwô gâbe hêt si dô
Verse: 3264    von im; der wart si harte vrô.

Verse: 3265    iedoch hêt si deheinen trôst
Verse: 3266    daz ir vrouwe würde erlôst

Verse: 3267    mit sîner manheit von ir nôt
Verse: 3268    und vorhte ouch daz im der tôt

Verse: 3269    da wære beschert; daz was ir klage
Verse: 3270    in ir muote alle tage,

Verse: 3271    wand er dûhte si ze kranc.
Verse: 3272    dannoch reit er über ir danc

Verse: 3273    mit ir; si liezz ab âne zorn
Verse: 3274    wan si die reise niht hêt verlorn:

Verse: 3275    si hêt erworben an der vart,
Verse: 3276    als ez dô gahtet wart,

Verse: 3277    baz danne ze tûsent marken;
Verse: 3278    des begunde ir herze starken

Verse: 3279    in vil hôhem muote,
Verse: 3280    wan von grôzem guote

Verse: 3281    stîgent diu herze hô;
Verse: 3282    von armuot wirt niemen vrô.

Verse: 3283    daz hôrte ich ie die wîsen sagen
Verse: 3284    daz die rîchen hôhe tragen,
Verse: 3285    die armen trûren unde klagen.


Verse group: (95) 
Verse: 3286    Mit vreuden riten si dô dan.
Verse: 3287    der getwerge einez in began

Verse: 3288    sagen schoeniu mære,
Verse: 3289    wer sîn herre wære

Verse: 3290    der ez dar hêt gesant,
Verse: 3291    und wiez stüende in Irlant.

Verse: 3292    hie mit kurztez in den tac,
Verse: 3293    wan man mit guoten mæren mac

Verse: 3294    und mit reinen wîben
Verse: 3295    die zît wol vertrîben;

Verse: 3296    sus treip ez in di zît hin.
Verse: 3297    nu sâhen si wâ vor in

Verse: 3298    verre ûf einem gevilde
Verse: 3299    in einer grôzen wilde

Verse: 3300    ein schoende gezelt was ûf geslagen.
Verse: 3301    wie dem wære, daz wil ich iu sagen:

Verse: 3302    ez was hôch, sinwel und wît,
Verse: 3303    gel und rôt an einer sît,

Verse: 3304    diu ander wîz unde blâ;
Verse: 3305    ein hirzgehürne was dâ

Verse: 3306    von golde drûf gestecket,
Verse: 3307    die snüere wârn gestrecket

Verse: 3308    vaste mit starken kîlen;
Verse: 3309    ouch wâren ze zwein zîlen

Verse: 3310    drumbe gestecket vünfzic sper.
Verse: 3311    nune wessen die gesellen wer

Verse: 3312    under dem gezelte lac.
Verse: 3313    innen des entweich der tac

Verse: 3314    der naht mit sînem glaste.
Verse: 3315    dô îlten si vil vaste

Verse: 3316    engegen dem gezelte sâ,
Verse: 3317    wan die gesellen enwessen wâ

Verse: 3318    si die selben naht vertriben
Verse: 3319    dâ si sô rîterlîche beliben.

Verse: 3320    ouch was dem rîter dar vil ger:
Verse: 3321    dô er ersach sô manic sper

Verse: 3322    umb daz gezelt stecken,
Verse: 3323    daz begunde an im dô wecken

Verse: 3324    beidiu manheit unde kraft.
Verse: 3325    er gedâhte "ich vinde dâ rîterschaft:

Verse: 3326    dar nâch ich ie gevaren bin;
Verse: 3327    ich wil bejagen dâ gewin,
Verse: 3328    od ich scheide gevangen hin."


Verse group: (96) 
Verse: 3329    Der des gezeltes herre was,
Verse: 3330    dem was dar under ûf ein gras

Verse: 3331    gebettet hövischlîche
Verse: 3332    mit einem kulter rîche

Verse: 3333    von zweier hande pfellen.
Verse: 3334    und als er die gesellen

Verse: 3335    zuo im sach rîten,
Verse: 3336    niht lenger wolder bîten:

Verse: 3337    er gie engegen in und enpfie si wol,
Verse: 3338    als ein wirt den gast sol

Verse: 3339    der genâden an in gert;
Verse: 3340    sus wurden si von im gewert

Verse: 3341    vil guoter handelunge dâ.
Verse: 3342    wider den rîter sprach er sâ

Verse: 3343    mit dem die juncvrouwe reit
Verse: 3344    "herre, enwære ez iu nicht leit,

Verse: 3345    ich vrâget iuch gerne mære
Verse: 3346    war iuwer wille wære

Verse: 3347    mit dirre juncvrouwen.
Verse: 3348    iu ist der schilt zehouwen

Verse: 3349    iuwer wâfenroc verschrôten:
Verse: 3350    ir habt gemachet tôten

Verse: 3351    ode vil sêre wunden;
Verse: 3352    des hât wol enpfunden

Verse: 3353    der liehte helm mit dem rade.
Verse: 3354    sî ez iu niht grôzer schade,

Verse: 3355    sô lât mich wizzen war ir welt."
Verse: 3356    dô sprach her Gwîgâlois der helt

Verse: 3357    "sît ez mir niht verboten wart,
Verse: 3358    ich sagiu wol mîne vart:

Verse: 3359    disiu maget wart gesant
Verse: 3360    ze Britanje in daz lant

Verse: 3361    mînem herren, dem künige Artûs,
Verse: 3362    ze Kardiôl in sîn hûs,

Verse: 3363    als ir si sehet rîten hie.
Verse: 3364    der künic si minniclîche enpfie

Verse: 3365    und diu mässenîe gar.
Verse: 3366    ûf der genâde kom si dar

Verse: 3367    ob iemen wære under in
Verse: 3368    der einen rîterlîchen gwin

Verse: 3369    ze Korntîn getorste holn;
Verse: 3370    er müese dâ grôzen kumber doln

Verse: 3371    dar under den gewizzen tôt.
Verse: 3372    dô underwant ich mich der nôt,

Verse: 3373    als ich iu nu hân geseit.
Verse: 3374    ez was aber ir vil leit,

Verse: 3375    wand ich dûhte et si ze kranc.
Verse: 3376    sus bin ich allez über ir danc

Verse: 3377    mit ir geriten her.
Verse: 3378    got gebe mir daz ich mîn sper
Verse: 3379    dâ sô vertuo als ich des ger!"


Verse group: (97) 
Verse: 3380    Dô der herre daz hêt vernomen
Verse: 3381    warumb od wie er dar was komen

Verse: 3382    und sîne jugent rehte ersach,
Verse: 3383    des nam in wunder unde sprach

Verse: 3384    "mich dunket des: ir sît ze kint;
Verse: 3385    iuwer kraft diu ist ein wint

Verse: 3386    zer selben âventiure,
Verse: 3387    wan si ist ze holen tiure,

Verse: 3388    als ich iu nu sagen wil:
Verse: 3389    ich hân dâ gesellen vil

Verse: 3390    verloren von der selben nôt;
Verse: 3391    ez sint dâ gelegen tôt

Verse: 3392    die tiursten von dem lande,
Verse: 3393    an den ich wol erkande

Verse: 3394    ganze manheit unde kraft,
Verse: 3395    und die ir zît mit rîterschaft

Verse: 3396    grôzen prîs erwurben.
Verse: 3397    sît die dâ verdurben,

Verse: 3398    wie möht iu gelingen?
Verse: 3399    welt ir den prîs erringen,

Verse: 3400    sô volget mînem râte:
Verse: 3401    ich hân vruo und spâte

Verse: 3402    dar nâch geriten wol zehen jâr,
Verse: 3403    biz ich mîne gesellen gar

Verse: 3404    hân verlorn und ouch daz guot.
Verse: 3405    sît wir nu beide einen muot

Verse: 3406    haben zuo der selben nôt,
Verse: 3407    sô lâze wir ez hie den tôt

Verse: 3408    alsô gerne scheiden
Verse: 3409    enzwischen uns beiden

Verse: 3410    und sweder unser hie gesige,
Verse: 3411    ob der ander niht tôt gelige,

Verse: 3412    der danne den sich habe verlorn,
Verse: 3413    daz der wider âne zorn

Verse: 3414    ze lande var, daz ist mîn rât;
Verse: 3415    swer ab danne gesiget hât,

Verse: 3416    der vüere den prîs ze Korntîn;
Verse: 3417    dâ lâze er alrêrst werden schîn
Verse: 3418    ob er guot rîter künne sîn."


Verse group: (98) 
Verse: 3419    Her Gwîgâlois was ein man
Verse: 3420    der nie zagheit gewan

Verse: 3421    noch nie bôsheit begie;
Verse: 3422    sîn herze dâ von vreude vie

Verse: 3423    als im dehein manheit
Verse: 3424    ze tuone wart vür geleit.

Verse: 3425    dô er vernam des rîters muot,
Verse: 3426    das vreute er sich und dûhte in guot,

Verse: 3427    wand er hêt sich des bewegen
Verse: 3428    swes iemen wolde mit im pflegen

Verse: 3429    ze rîterlîcher manheit,
Verse: 3430    dar ûf was sin lîp bereit,

Verse: 3431    wand er ie nâch êren ranc.
Verse: 3432    der rede sagter dem herren danc,

Verse: 3433    wand er wol sach daz sîn muot
Verse: 3434    was ze rîterschefte guot;

Verse: 3435    des wart her Gwîgâlois vil vrô.
Verse: 3436    wider den rîter sprach er dô

Verse: 3437    "herre , welt ir des niht enbern
Verse: 3438    ichn müeze iuch strîtes hie gewern,

Verse: 3439    sô teilt mit mir gelîche:
Verse: 3440    der sper sît ir ze rîche

Verse: 3441    und habt driu schoeniu ros hie
Verse: 3442    und zwelf vrume knappen, die

Verse: 3443    wartent iuwer, daz ist ir reht;
Verse: 3444    sô hân ab ich deheinen kneht,

Verse: 3445    niwan mîn ors und min sper;
Verse: 3446    niht mêr gesindes brâhte ich her

Verse: 3447    noch helfe ze disem strîte;
Verse: 3448    anders ich niht rîte

Verse: 3449    niwan mîn ors den langen tac;
Verse: 3450    dâ von ez niht getûren mac

Verse: 3451    zer selben rîterschefte.
Verse: 3452    ouch hân ich lützel krefte

Verse: 3453    ir seht wol selbe ich bin ein kint."
Verse: 3454    dô sprach der herre "sît iu [nu] sint

Verse: 3455    diu ors und knappen tiure,
Verse: 3456    sô gibe ich iu ze stiure

Verse: 3457    daz beste ors daz ich hân;
Verse: 3458    dar zuo sô sîn iu undertân

Verse: 3459    sehs knappen die ich brâhte her;
Verse: 3460    und nemt vünf und zweinzic sper

Verse: 3461    daz ir des strîtes iht abe gêt."
Verse: 3462    dô erz alsus geteilet hêt,

Verse: 3463    des vreute sich der küene man.
Verse: 3464    sehs knappen hiez er vür sich stân;

Verse: 3465    die tâten im des sicherheit
Verse: 3466    daz im ir dienest wære bereit

Verse: 3467    an dem selben strîte.
Verse: 3468    nu was ez an der zîte

Verse: 3469    das man solde ezzen;
Verse: 3470    desn wart niht vergezzen

Verse: 3471    im engæbe der wirt wirtschaft
Verse: 3472    und alles des die überkraft

Verse: 3473    des er haben mohte,
Verse: 3474    als ez im ze nemen tohte.

Verse: 3475    dar nâch bettet man in
Verse: 3476    under daz gezelt hin

Verse: 3477    beidiu ûf loube und ûf gras;
Verse: 3478    vil manic guot kulter was

Verse: 3479    ûf daz loup gedecket;
Verse: 3480    dar ûf wâren gestrecket

Verse: 3481    vil wîziu lîlachen.
Verse: 3482    die knappen hiez man wachen

Verse: 3483    die naht mit vlîze unz an den tac.
Verse: 3484    ein walt in dâ nâhen lac,

Verse: 3485    dar inne manic nahtegal
Verse: 3486    uobte ir wünniclîchen schal;
Verse: 3487    diu vreude in in daz herze hal.


Verse group: (99) 
Verse: 3488    nâch der naht erschein der tac
Verse: 3489    nâch sînem sit, als er ie pflac.

Verse: 3490    die knappen wârn alle bereit.
Verse: 3491    si hêten ûf diu ors geleit

Verse: 3492    satel und kovertiure.
Verse: 3493    zir zweier justiure

Verse: 3494    was in allen harte ger.
Verse: 3495    harnasch, schilt und sper

Verse: 3496    wâren bereit in beiden.
Verse: 3497    dô begunden sich dâ kleiden

Verse: 3498    die herren an ir slâfstet;
Verse: 3499    dar nâch sprâchens ir gebet

Verse: 3500    und bevulhen got beide ir nôt,
Verse: 3501    wand ir einem was der tôt

Verse: 3502    beschert von dem andern dâ.
Verse: 3503    dô hiezen si sich wâfen sâ

Verse: 3504    ir ietweders knappen; die
Verse: 3505    dienten ir herren hie

Verse: 3506    als si geteilet wâren.
Verse: 3507    dem herren begunde swâren

Verse: 3508    sîn mout harte sêre;
Verse: 3509    wan daz er durch sîn êre

Verse: 3510    den strît niht mohte lân,
Verse: 3511    er hêt sichs gerne abe getân,

Verse: 3512    wand in wîssagte sîn muot,
Verse: 3513    als er den liuten ofte tuot

Verse: 3514    die vor in wizzen den tôt
Verse: 3515    und die doch durch der êren nôt

Verse: 3516    den lîp verliesent, als er dâ.
Verse: 3517    den schilt hiez er im reichen sâ

Verse: 3518    und saz ûf daz ors sîn.
Verse: 3519    zwêne schefte îwîn,

Verse: 3520    dar an wâren starkiu sper,
Verse: 3521    die brâhten in die knappen her.

Verse: 3522    si liezen von ein ander gân
Verse: 3523    daz si ir puneiz möhten hân

Verse: 3524    und kêrten gegen ein ander wider;
Verse: 3525    diu sper druhten si dô nider,

Verse: 3526    als si truoc ir gelust;
Verse: 3527    durch die schilte ûf die brust

Verse: 3528    si sô vaste stâchen
Verse: 3529    daz die schefte brâchen.

Verse: 3530    dô nâmen si zwei andriu sper;
Verse: 3531    zuo ein ander was in ger;

Verse: 3532    zesamne kêrten si dô dâ
Verse: 3533    sô vaste daz die schefte sâ

Verse: 3534    sich zarten von den îsen.
Verse: 3535    daz golt begunde rîsen

Verse: 3536    von den schilten ûf daz gras.
Verse: 3537    an in beiden dannoch was

Verse: 3538    ganziu manheit unde kraft;
Verse: 3539    ir deweder deheiner rîterschaft

Verse: 3540    sô starker nie begunde;
Verse: 3541    in vil kurzer stunde

Verse: 3542    verstâchen si diu sper gar.
Verse: 3543    zaller jungest brâhte man dar

Verse: 3544    zwêne schefte eschîn,
Verse: 3545    als es leider solde sîn

Verse: 3546    des herren tôt an der stat.
Verse: 3547    her Gwîgâlois der rîter bat

Verse: 3548    baz ze velde kêren;
Verse: 3549    des endorfte er in niht lêren,

Verse: 3550    wand ers im selbe hêt gedâht.
Verse: 3551    dô wurden si zesamne brâht

Verse: 3552    von den starken rossen wider.
Verse: 3553    her Gwîgâlois der druhte nider

Verse: 3554    daz sper mit beiden handen;
Verse: 3555    sînen zorn begunde er anden,

Verse: 3556    als in sîn vater lêrte;
Verse: 3557    und dô er an in kêrte,

Verse: 3558    daz starke sper er durch in stach
Verse: 3559    daz man in dâ tôten sach

Verse: 3560    vallen nider ûf daz gras.
Verse: 3561    vil grôziu klage umb in dâ was:

Verse: 3562    von den liuten über al
Verse: 3563    wart dâ ein jæmerlîcher schal;

Verse: 3564    si klagten alle des rîter val.
Verse: 3565    Er was wol grôzer klage wert,

Verse: 3566    wand er hêt ie des gegert
Verse: 3567    daz im der êren krône

Verse: 3568    zu jungest wær zu lône
Verse: 3569    gevallen umb sîn arbeit.

Verse: 3570    daz hêt der tôt nu hin geleit,
Verse: 3571    als er noch vil ofte tuot:

Verse: 3572    er nidert mangen hôhen muot
Verse: 3573    und zevüeret die rîcheit

Verse: 3574    diu lange zesamne ist geleit.
Verse: 3575    er gît ouch ie nâch liebe leit.

Verse: 3576    Her Gwîgâlois, der küene man
Verse: 3577    hiez die knappen wür sich stân.

Verse: 3578    swie ez in doch wære leit,
Verse: 3579    si tâten im des sicherheit -

Verse: 3580    als si ûf den heiligen swüeren -
Verse: 3581    daz si ze Britanje vüeren

Verse: 3582    zem milten künige Artûs
Verse: 3583    und sîn dâ biten in sînem hûs

Verse: 3584    biz er nâch in koeme dar.
Verse: 3585    des swuoren si und liezenz wâr,

Verse: 3586    swie leide in von im wære geschehen.
Verse: 3587    doch wolden si daz gerne sehen

Verse: 3588    wer er wære; daz was ir muot.
Verse: 3589    dô namen si ir herren guot,

Verse: 3590    beidiu ros und ouch gewant;
Verse: 3591    si bunden ûf diu pfärt zehant

Verse: 3592    swaz si tragen solden.
Verse: 3593    den tôten si niht wolden

Verse: 3594    lâzen an der walstat;
Verse: 3595    her Gwîgâlois die knappen bat

Verse: 3596    daz si in ze kirchen bræhten
Verse: 3597    und sîner sêle gedæhten

Verse: 3598    mit almuosen und mît messen,
Verse: 3599    swaz si ze tuone wessen

Verse: 3600    sîner sêle ze trôste
Verse: 3601    daz si von der helle erlôste

Verse: 3602    daz si sich des vlizzen,
Verse: 3603    und im niht harte wizzen

Verse: 3604    umb ir lieben herren tôt;
Verse: 3605    si sæhen wol es gienge im nôt.
Verse: 3606    dô tâten si als er gebôt.


Verse group: (100) 
Verse: 3607    Si nâmen urloup von im dâ.
Verse: 3608    der rîter huop sich danne sâ,

Verse: 3609    als in diu maget lêrte;
Verse: 3610    mit vreuden er dô kêrte

Verse: 3611    mit ir heim ze lande.
Verse: 3612    si mohte wol âne schande

Verse: 3613    sîn rîten mit ir dô vertragen.
Verse: 3614    alrêrst begunde si im sagen

Verse: 3615    ir mære, dô im dâ gelanc,
Verse: 3616    und sagte im sîner noete danc.

Verse: 3617    si sprach herre, geloubet daz
Verse: 3618    mir geviel nie rîter baz

Verse: 3619    dan ir an rehter manheit.
Verse: 3620    nu habt ir iu daz vür geleit

Verse: 3621    daz ir den lîp verliesen welt
Verse: 3622    od riterlîche als ein helt

Verse: 3623    der werlte lop erringen;
Verse: 3624    under den zwein dingen

Verse: 3625    muoz iu morgen einz geschehen.
Verse: 3626    wil ez got, sô sul wir sehen

Verse: 3627    noch hînt daz lant ze Korntîn,
Verse: 3628    dar ûz diu liebe vrouwe mîn

Verse: 3629    in ir kintheit wart vertriben.
Verse: 3630    ir landes ist ir niht beliben

Verse: 3631    niwan ein burc, diu lît dran,
Verse: 3632    daz nie dehein künic gewan

Verse: 3633    ein hûs sô rehte veste;
Verse: 3634    ez ist ein berc, der beste

Verse: 3635    den ie dehein man gesach.
Verse: 3636    ezn wære dehein wîp sô swach

Verse: 3637    sine behieltez mir lîhter wer
Verse: 3638    immer vor des küniges her.

Verse: 3639    dar ûf ist diu vrouwe mîn,
Verse: 3640    daz niht schoeners möhte sîn

Verse: 3641    in dirre werlte dan si ist.
Verse: 3642    nu hât ir unser herre Krist

Verse: 3643    nâch ir ahte ein kleinez leben
Verse: 3644    in ir kintheit gegeben,

Verse: 3645    als ich iu nu sagen wil.
Verse: 3646    ir vater der hêt êren vil

Verse: 3647    und diu liebe vrouwe mîn:
Verse: 3648    daz guote lant ze Korntîn

Verse: 3649    daz was ir eigen beider.
Verse: 3650    mit grôzer klage leider

Verse: 3651    sî wir dâ von gescheiden:
Verse: 3652    daz bûwet nû ein heiden;

Verse: 3653    Rôaz von Glois ist er genant;
Verse: 3654    sîn manheit diu ist erkant

Verse: 3655    als wîte sô diu werlt ist.
Verse: 3656    er hât durch sînen zouberlist

Verse: 3657    beidiu sêle unde leben
Verse: 3658    einem tievel gegeben;

Verse: 3659    der tuot durch in wunders vil:
Verse: 3660    er vüeget im allez daz er wil;

Verse: 3661    alsô gevuocter im daz lant.
Verse: 3662    daz was im ê vil unbekant

Verse: 3663    ob er dâ künic solde sîn;
Verse: 3664    nû hât er goldes vollen schrîn;
Verse: 3665    daz was des lieben herren mîn.


Verse group: (101) 
Verse: 3666    Welt irz vernemen, ich sagiu wie
Verse: 3667    der heiden daz ane gevie

Verse: 3668    daz er uns von dem lande schiet,
Verse: 3669    als imz sîn herre der tievel riet.

Verse: 3670    ez lît enhalp Korntîn
Verse: 3671    ein rîchiu grâfschaft, diu ist sîn;

Verse: 3672    die brâhte in sîn vater an.
Verse: 3673    nu wart der ungetriuwe man

Verse: 3674    mînem herren heimlîch
Verse: 3675    und diente im aller tägelîch

Verse: 3676    als er sîn eigen wære.
Verse: 3677    mit mangem guten mære

Verse: 3678    vreut er im ofte sînen muot,
Verse: 3679    als der ungetriuwe tuot:

Verse: 3680    swen er dem manne schaden wil,
Verse: 3681    sô sagt er guoter mære vil,

Verse: 3682    und lachet in valschlîche an;
Verse: 3683    als tet der ungetriuwe man.

Verse: 3684    mîn herre der was guot
Verse: 3685    unde hêt so reinen muot

Verse: 3686    daz er sichs niht bedâhte
Verse: 3687    unz ez im den schaden brâhte

Verse: 3688    dâ von er den lîp verlôs.
Verse: 3689    owê, daz er ie erkôs

Verse: 3690    im ze vriunde ein den man
Verse: 3691    der nie deheine triuwe gewan!

Verse: 3692    deiswâr, daz was niht wol getân.
Verse: 3693    Sîn hûs was im bereit

Verse: 3694    und sîn guot unverseit;
Verse: 3695    er hêt in in sîner pflege

Verse: 3696    und beriet in alle wege
Verse: 3697    durch sîne grôze manheit.

Verse: 3698    dâ wider gedâht er im leit
Verse: 3699    ze tuone alle tägelîch.

Verse: 3700    daz was iedoch unbillîch
Verse: 3701    daz er wider minne

Verse: 3702    sîne valsche sinne
Verse: 3703    im ze schaden kêrte,

Verse: 3704    als in sin schande lêrte.
Verse: 3705    eins morgens dô der tac ûf gie

Verse: 3706    und daz der wahtær verlie
Verse: 3707    die huote an der zinne,

Verse: 3708    als er des wart inne
Verse: 3709    daz diu porte was ûf getân,

Verse: 3710    dô kom der ungetriuwe man
Verse: 3711    daz sîn niemen wart gewar

Verse: 3712    mit vier hundert rîtern dar;
Verse: 3713    die wârn ze harnasche gar.

Verse: 3714    Als er daz bürgetor gevie,
Verse: 3715    sîn ors er dô stên lie

Verse: 3716    und îlte mit zorne ûf den sal,
Verse: 3717    dâ die rîter über al

Verse: 3718    mit grôzen zühten sliefen.
Verse: 3719    die vînde si an liefen

Verse: 3720    und sluogen daz gesinde
Verse: 3721    von kinde ze kinde,

Verse: 3722    von manne ze manne;
Verse: 3723    nieman mohte danne

Verse: 3724    dem gâhen tôde enbresten;
Verse: 3725    dâ lac von den gesten

Verse: 3726    vil manic edel rîter tôt.
Verse: 3727    owê der klägelîchen nôt

Verse: 3728    daz si alsô verdurben
Verse: 3729    und âne wer ersturben!

Verse: 3730    wie möhte ein mort groezer wesen!
Verse: 3731    man liez ir einen niht genesen.

Verse: 3732    dâ wart mîn lieber herre erslagen;
Verse: 3733    den sol diu werlt immer klagen:

Verse: 3734    an im was manheit unde jugent,
Verse: 3735    sterke, wîsheit unde tugent;

Verse: 3736    mit disen dingen minnet er ie
Verse: 3737    die werlt, und vergaz doch nie

Verse: 3738    sîn der imz gegeben hêt,
Verse: 3739    in des gewalt diu werlt stêt;

Verse: 3740    dem diente mîn lieber herre
Verse: 3741    und minnet in alsô verre

Verse: 3742    mit almuosen und mit messen
Verse: 3743    daz ims die liute wessen.

Verse: 3744    ich wil iu sagen wes er pflac:
Verse: 3745    ern liez nie deheinen tac

Verse: 3746    ern teilte selbe mit sîner hant;
Verse: 3747    swaz er armer liute vant,

Verse: 3748    die beriet der tugentrîche man.
Verse: 3749    des sol in got geniezen lân,
Verse: 3750    wand er im ie was undertân.


Verse group: (102) 
Verse: 3751    Mîn altvrouwe was gevarn -
Verse: 3752    als si got wolde bewarn

Verse: 3753    und ez ir sælde solde sîn -
Verse: 3754    ûz dem lande ze Korntîn

Verse: 3755    ûf ir hûs ze Roimunt,
Verse: 3756    daz tuon ich iu entiuschen kunt:

Verse: 3757    Künigesberc hieze ez hie -
Verse: 3758    daz ir ir vater zeigen lie

Verse: 3759    und allez daz dar umbe lît.
Verse: 3760    mîn juncvrouwe was zer selben zît

Verse: 3761    dô ditze mort hie geschach,
Verse: 3762    als es mîn vrouwe selbe jach,

Verse: 3763    niwan drîer jâr alt.
Verse: 3764    nû ist si sô wol gestalt

Verse: 3765    und hât einen sô schoenen lîp
Verse: 3766    daz wæn iender lebe ein wîp

Verse: 3767    in allem disem rîche
Verse: 3768    diu sich ir gelîche.

Verse: 3769    si hât schoene unde jugent,
Verse: 3770    geburt unde ganze tugent.

Verse: 3771    ich erkenne wol ir reinen muot:
Verse: 3772    si ist gewizzen unde guot.

Verse: 3773    mîn vruowe pfligt ir harte wol,
Verse: 3774    als ein muoter ir tohter sol:

Verse: 3775    si hât si in ir huote
Verse: 3776    mit lîbe und mit guote.

Verse: 3777    durch ir schoene hât manic man
Verse: 3778    ze Korntîn den lîp verlân

Verse: 3779    und lît ouch noch vil manger tôt.
Verse: 3780    owê der klägelîchen nôt!
Verse: 3781    noch machet si liehtiu ougen rôt.


Verse group: (103) 
Verse: 3782    Ich sagiu wie daz komen ist:
Verse: 3783    wir haben vunden einen list

Verse: 3784    der uns benamen vrumen muoz
Verse: 3785    und sol uns leides werden buoz.

Verse: 3786    wirn wellen die juncvruowen mîn
Verse: 3787    ân daz lant ze Korntîn

Verse: 3788    nieman geben ze wîbe,
Verse: 3789    wan der mit sînem lîbe

Verse: 3790    daz guote lant erwerben mac;
Verse: 3791    der hât ouch danne vür den tac

Verse: 3792    genuoc ze geben swem er wil;
Verse: 3793    sô wirt im daz beste spil

Verse: 3794    daz man im gît ze wîbe
Verse: 3795    eine magt diu sînem lîbe

Verse: 3796    wirt ein übergulde:
Verse: 3797    swer die êrsten schulde

Verse: 3798    von ir lîbe nemen sol,
Verse: 3799    dem wirt herzenlîche wol,

Verse: 3800    wand ez hât diu sælicheit
Verse: 3801    ir wunsch sô gar an si geleit
Verse: 3802    daz si mit lobe die krône treit.


Verse group: (104) 
Verse: 3803    Ich lâze iuch morgen an ir sehen
Verse: 3804    daz ir des selbe müezet jehen.

Verse: 3805    ob diu werlt einem man
Verse: 3806    älliu wære undertân,

Verse: 3807    und daz im gelîche
Verse: 3808    älliu künicrîche

Verse: 3809    dienten gar vür eigen,
Verse: 3810    dem enkunde ich niht gezeigen

Verse: 3811    noch gerâten ze wîbe
Verse: 3812    deheine magt diu sînem lîbe

Verse: 3813    sô rehte wol gezæme
Verse: 3814    und diu ouch sô genæme

Verse: 3815    an allen dingen wære;
Verse: 3816    si ist unwandelbære

Verse: 3817    an lîbe und an sinnen.
Verse: 3818    sold ich die schoenen minnen,

Verse: 3819    daz ich niht wære ein wîp,
Verse: 3820    dar umbe wolde ich mînen lîp

Verse: 3821    immer vüeren veile
Verse: 3822    und wolde in urteile

Verse: 3823    mîne sêle setzen."
Verse: 3824    sus begunde si in wetzen

Verse: 3825    unde reizen ûf den tôt.
Verse: 3826    des was ir weizgot vil unnôt,

Verse: 3827    wand er pflac solher manheit
Verse: 3828    daz sîn lîp was bereit

Verse: 3829    allen [den] die sîn geruochten,
Verse: 3830    die ez an in suochten

Verse: 3831    und die sîn wert wâren.
Verse: 3832    er hêt in sînen jâren

Verse: 3833    und in sîner kintheit
Verse: 3834    der werlte lop alsô bejeit

Verse: 3835    daz man sîn noch gedenken muoz.
Verse: 3836    swer welle daz im werde buoz

Verse: 3837    sîner schande die er hât,
Verse: 3838    der lâze sîne missetât
Verse: 3839    und volge den besten; deist mîn rât.


Verse group: (105) 
Verse: 3840    Her Gwîgâlois sprach zuo der maget,
Verse: 3841    dô si im alsô hêt gesaget

Verse: 3842    juncvrouwe, nu sagt mir mê
Verse: 3843    wiez umb die âventiure stê

Verse: 3844    und wer mich dar bringe
Verse: 3845    od mit welhem dinge

Verse: 3846    ich si vinde; daz tuot mir kunt."
Verse: 3847    dô sprach diu maget an der stunt

Verse: 3848    herre, daz wil ich iu sagen
Verse: 3849    und wil iuch des niht verdagen

Verse: 3850    daz iu dar zuo gevrumen mac:
Verse: 3851    nimmer wirt dehein tac

Verse: 3852    man sehe vür daz hûs gân
Verse: 3853    ein tier, daz ist sô wol getân,

Verse: 3854    und wil ich im der wârheit jehen,
Verse: 3855    daz ich niht schoeners hân gesehen;

Verse: 3856    ich sagiu wiez geschaffen ist:
Verse: 3857    ez hât unser herre Krist

Verse: 3858    sînen vlîz dar an geleit.
Verse: 3859    daz tier ûf sînem houbet treit

Verse: 3860    eine guldîne krône;
Verse: 3861    diu ist bewahsen schône

Verse: 3862    mit zwein swarzen hornen;
Verse: 3863    mit beiden orten vornen

Verse: 3864    ist si sô bewunden
Verse: 3865    daz wir niht enkunden

Verse: 3866    mit deheinen unsern sinnen
Verse: 3867    si dâ von gewinnen,

Verse: 3868    ob ez uns sîn gunde.
Verse: 3869    ez hât in sînem munde

Verse: 3870    die hitze, als ichz hân vernomen,
Verse: 3871    daz niemen mac dar zuo komen

Verse: 3872    der im iht schaden wil;
Verse: 3873    vrumer rîter hât ez vil

Verse: 3874    mit im geleitet in den tôt.
Verse: 3875    welt ir bestên die selben nôt,

Verse: 3876    sô merket rehte war ez var.
Verse: 3877    von sînem houbet ist ez gar

Verse: 3878    geschaffen als ein lêbart.
Verse: 3879    ez hât erkorn im eine vart,

Verse: 3880    diu ist niemen mê bekant:
Verse: 3881    einen stîc in daz lant,

Verse: 3882    durch den walt, zuo Korntîn;
Verse: 3883    dâ sult ir im volgen în."
Verse: 3884    er sprach triuwen, daz sol sîn!"


Verse group: (106) 
Verse: 3885    Dô er daz wort vol sprach,
Verse: 3886    die schoenen burc er do sach

Verse: 3887    bî im ligen nâhen;
Verse: 3888    dar ûz si gegen in sâhen

Verse: 3889    einen rîter gwâfent rîten,
Verse: 3890    als er wolde strîten.

Verse: 3891    er reit ein ors wol getân.
Verse: 3892    einen wîzen halsberc vuorter an;

Verse: 3893    den bedahte ein grüener wâfenroc;
Verse: 3894    dar ûf was ein rêchboc

Verse: 3895    gesniten von samîte
Verse: 3896    an ietwederre sîte.

Verse: 3897    sîn helm der was rîche,
Verse: 3898    vil harte höveschliche

Verse: 3899    mit rôten keln bedecket;
Verse: 3900    dar umbe was gestrecket;

Verse: 3901    ein strieme wîz härmîn;
Verse: 3902    oben was gestecket drîn

Verse: 3903    ein schüzzel von golde,
Verse: 3904    dâ bî man wizzen solde

Verse: 3905    daz er dâ truhsæze was.
Verse: 3906    ein timît grüene alsam ein gras

Verse: 3907    was gebunden an sîn sper.
Verse: 3908    einen niuwen schilt vuort er ;

Verse: 3909    dâ was daz tier gemâlet an,
Verse: 3910    als ich iu gesaget hân,

Verse: 3911    daz in dâ leiten solde;
Verse: 3912    von lazûre und von golde

Verse: 3913    was ez harte rîche
Verse: 3914    gevüllet meisterlîche;

Verse: 3915    daz was ir wâfen ze Roimont.
Verse: 3916    der rîter sprach "nu tuot mir kunt

Verse: 3917    und sagt mir rehte, wer ist der
Verse: 3918    der dort kumt geriten her ?

Verse: 3919    ich wæne er pris welle bejagen."
Verse: 3920    si sprach "herre, daz wil ich iu sagen:

Verse: 3921    ez ist ein der tiurste man
Verse: 3922    der rîters namen ie gewan

Verse: 3923    an tugent und an manheit ;
Verse: 3924    iu ist von im vil unverseit

Verse: 3925    swes ir mit im beginnen welt;
Verse: 3926    des lîbes ist er gar ein helt

Verse: 3927    und ist truhsæze hie,
Verse: 3928    rîterschaft die minnet er ie.

Verse: 3929    vermoide er iuch, sô ist mîn rât
Verse: 3930    daz ir in gerne rîten lât,

Verse: 3931    wand iuch dâ misselingen mac."
Verse: 3932    der rîter sprach "daz wære ein slac

Verse: 3933    aller mînen êren
Verse: 3934    und im kêren,

Verse: 3935    sît ich nach rîterschefte var;
Verse: 3936    des himels keiser mich bewar!
Verse: 3937    ich wil benamen gegen im dar."


Verse group: (107) 
Verse: 3938    Sus kêrter über die heide.
Verse: 3939    die herren begunden beide

Verse: 3940    die schilte vazzen vür diu knie;
Verse: 3941    ir ietwedre sîgen lie

Verse: 3942    gegen dem andern sînen schaft;
Verse: 3943    sus kômen sie mit grôzer kraft

Verse: 3944    zesamne uf der heide;
Verse: 3945    si verstâchen beide

Verse: 3946    alsô rîterlîche ir sper
Verse: 3947    daz niemen kunde wizzen wer

Verse: 3948    daz sîne baz hêt vertân.
Verse: 3949    der truhsæze reit in wider an;

Verse: 3950    bi dem zoume viene ern dô
Verse: 3951    vil minniclîche und sprach alsô

Verse: 3952    "ir sult hie willekomen sîn
Verse: 3953    und wizzet bî den triuwen mîn

Verse: 3954    daz iu mîn dienest ist bereit."
Verse: 3955    nu sach er wâ dort her reit

Verse: 3956    diu maget wider in daz lant
Verse: 3957    die sîn vrouwe hêt ûz gesant.

Verse: 3958    vor ir zôch man ir gewin
Verse: 3959    gegen der schoenen bürge hin:

Verse: 3960    den sitich, daz phart wol getân
Verse: 3961    als ez mit manheit gewan

Verse: 3962    her Gwîgâlois, der wîgant.
Verse: 3963    der truhsæze nam in bî der hant

Verse: 3964    und kêrte dâ diu maget reit;
Verse: 3965    sin getriuwer grouz was ir bereit,

Verse: 3966    wan si hêt grôze nôt erliten.
Verse: 3967    mit ein ander si dô riten,

Verse: 3968    die drî gesellen an den berc;
Verse: 3969    vor in zôch daz getwere

Verse: 3970    daz schoene pfärit mit der hant;
Verse: 3971    sus brahte diu maget in daz lant
Verse: 3972    dar nâch si ûz was gesant.


Verse group: (108) 
Verse: 3973    Rîter unde knehte
Verse: 3974    jegelîcher nâch sînem rêhte

Verse: 3975    enpfienc den rîter und die maget;
Verse: 3976    in beiden was dâ unversaget

Verse: 3977    guot gemach und êre,
Verse: 3978    und kunden si iht mêre

Verse: 3979    in ze liebe hân erdaht,
Verse: 3980    daz wære benamen dâ volbrâht,

Verse: 3981    wand in geviel nie rîter baz.
Verse: 3982    si sprâchen alle "ist er daz

Verse: 3983    den der künic Artus
Verse: 3984    mîner vrouwen her ze hus

Verse: 3985    ze helfe hât gesant,
Verse: 3986    und der uns daz reine lant

Verse: 3987    erledigen sol ze Korntîn ?
Verse: 3988    der sol hie willekomen sîn

Verse: 3989    uns allen ze trôste!
Verse: 3990    der mange sêle erlôste

Verse: 3991    ûz der helle mît sîner kraft
Verse: 3992    und der âne meisterschaft

Verse: 3993    die werlt alle werden hiez
Verse: 3994    und der den vâlant verstiez

Verse: 3995    von dem himelrîche
Verse: 3996    durch daz er im gelîche

Verse: 3997    wolde setzen sînen stuol -
Verse: 3998    er warf in in der helle pfuol :

Verse: 3999    alsô müez vallenvon sîner hant
Verse: 4000    der heidenische vâlant

Verse: 4001    der mangen rîter hât erslagen!
Verse: 4002    got sol im niht mê vertragen

Verse: 4003    sînen vil grôzen übermuot
Verse: 4004    und sînen gwalt den er tuot."
Verse: 4005    diu rede dûhte den rîter guot.


Verse group: (109) 
Verse: 4006    Ein ende hêt diu klage dô;
Verse: 4007    si lachten alle und wâren vrô.

Verse: 4008    diu magt bevalch den wîgant
Verse: 4009    dem truhsæzen bî der hant

Verse: 4010    und den besten rîtern dâ.
Verse: 4011    zuo ir vrouwen gie si sâ;

Verse: 4012    der brâhte si liebiu mære
Verse: 4013    wie mit ir komen wære

Verse: 4014    der aller besten rîter ein
Verse: 4015    den diu sunne ie beschein;

Verse: 4016    den hêt der künic Artûs
Verse: 4017    ir ze helfe in ir hûs

Verse: 4018    von sîner mässenîe gesant.
Verse: 4019    dô neic diu vrouwe in daz lant

Verse: 4020    dem künige von Britanie.
Verse: 4021    diu süeze gamanje

Verse: 4022    enpfie vil wol die reinen maget.
Verse: 4023    owî, waz dâ wartgesaget

Verse: 4024    mære von ir reise!
Verse: 4025    si zalte mange vreise

Verse: 4026    die si von vorhten leit
Verse: 4027    als ir geselle streit.

Verse: 4028    ouch lie si ir vrouwen
Verse: 4029    diu kleinôt schouwen

Verse: 4030    diu ir her Gwîgâlois gewan,
Verse: 4031    als ich iu gesaget hân,

Verse: 4032    mit micheler manheit.
Verse: 4033    ir getwerc daz phärit vür si reit

Verse: 4034    und vuorte den sitich und den hunt;
Verse: 4035    dô ahten si vür tûsent pfunt

Verse: 4036    daz gereite und daz vogelhûs.
Verse: 4037    dem milten künige Artûs

Verse: 4038    gnâdeten si der êren.
Verse: 4039    diu magt begunde mêren

Verse: 4040    dem jungen rîter sînen prîs:
Verse: 4041    si lobet in en mangen wîs

Verse: 4042    vor ir juncvrouwen:
Verse: 4043    wie wol er kunde houwen

Verse: 4044    helm unde schilte
Verse: 4045    und daz in niht bevilte

Verse: 4046    ze tuone durch dehein wîp;
Verse: 4047    er wolde verliesen sînen lîp

Verse: 4048    durch si, des wær im gedaht;
Verse: 4049    sus hêt si in ûz brâht.

Verse: 4050    des wart diu wirtinne vrô.
Verse: 4051    ir juncvrouwen gnadete si dô

Verse: 4052    der ängestlîchen arbeit
Verse: 4053    die si ûf der verte leit,
Verse: 4054    als si ir selbe hêt geseit.


Verse group: (110) 
Verse: 4055    Nu berieten sich die drîe,
Verse: 4056    diu schoene Lârîe,

Verse: 4057    ir muoter und diu selbe maget
Verse: 4058    diu in diu mære hêt gesaget,

Verse: 4059    wie man den rîter enpfienge
Verse: 4060    daz er dâ von gevienge

Verse: 4061    guoten willen in den tôt.
Verse: 4062    allen ir vrouwen si gebôt

Verse: 4063    daz si sich rîche kleiten
Verse: 4064    und sich dar zuo bereiten,

Verse: 4065    als er în gienge,
Verse: 4066    daz man in sô enpfienge

Verse: 4067    daz er dâ von würde vrô;
Verse: 4068    daz lobten si mit willen dô.

Verse: 4069    Nêrejâ diu maget hiez
Verse: 4070    diu von dem rîter trôst gehiez,

Verse: 4071    mit der er dar komen was.
Verse: 4072    in einen garten ûf ein gras

Verse: 4073    vuort in der truhsæz bî der zhant;
Verse: 4074    dô schuter abe sîn îsengwant

Verse: 4075    under einer linden grüene;
Verse: 4076    her Gwîgâlois der küene

Verse: 4077    kuolte sich und ruowet dâ.
Verse: 4078    dô brâhte im Nêreja

Verse: 4079    von pfelle harte rîch gewant;
Verse: 4080    daz hêt ze liebe im gesant

Verse: 4081    diu schoene magt Larie;
Verse: 4082    ez was ir von Syrîe

Verse: 4083    verre gesant über sê.
Verse: 4084    noch brâht im diu maget mê:

Verse: 4085    lînwât, wîz alsam ein snê.
Verse: 4086    zuo zim saz si ûf den klê.

Verse: 4087    sus kleite sich der küene man.
Verse: 4088    zwo scharlaches hosen streich er an

Verse: 4089    mit grôzem vlîze an diu bein.
Verse: 4090    ôwî, wie wol et an im schein

Verse: 4091    geburt unde manheit!
Verse: 4092    gewizzen unde sælicheit

Verse: 4093    hêt got mit vlîze an in geleit.
Verse: 4094    Dô der rîter wart gekleit
Verse: 4095    und er nâch sîner arbeit


Verse group: (111) 
Verse: 4096    so minniclîche gâbe enphie,
Verse: 4097    des gnâdeter got unde gie

Verse: 4098    mit der juncvrouwen hin
Verse: 4099    vür die edeln künigin

Verse: 4100    dâ diu ûf ir sal saz.
Verse: 4101    ôwî, herre got, wâz

Verse: 4102    er dâ schoener vrouwen vant!
Verse: 4103    die hêten sich in rîch gewant

Verse: 4104    gekleit manger slahte,
Verse: 4105    iegelîche nâch ir ahte.

Verse: 4106    vünfzic was ir über al;
Verse: 4107    drîzic lâze ich âne zal

Verse: 4108    sô daz ich si niht prîse,
Verse: 4109    wan si niht in der wîse

Verse: 4110    gelîch den zweinzic wâren
Verse: 4111    an geburt noch an gebâren,

Verse: 4112    an schoene noch an rîcheit;
Verse: 4113    die zweinzic wâren sô gekleit

Verse: 4114    von pfelle und von samîte
Verse: 4115    daz ich dâ wider strîte

Verse: 4116    daz man nu iht vinde
Verse: 4117    under deheinem gesinde

Verse: 4118    alsô rîche vrouwen.
Verse: 4119    dô begunder umbe schouwen

Verse: 4120    und nam ir aller rehte war;
Verse: 4121    dô wâren si ze lobe gar

Verse: 4122    und ze wunsche wol gestalt;
Verse: 4123    ir sælde diu was manicvalt

Verse: 4124    an lîbe und an gewizzen;
Verse: 4125    des besten si sich vlizzen

Verse: 4126    vür ein ander alle dâ.
Verse: 4127    dô sach er under in sitzen sâ

Verse: 4128    vrouwen Lârîen, die schoenen maget
Verse: 4129    von der schoene im was gesaget

Verse: 4130    michel wunder; daz was ouch wâr;
Verse: 4131    got hêt sînen vlîz gar

Verse: 4132    ze wunsche wol an si geleit:
Verse: 4133    an lîbe und an sælicheit

Verse: 4134    diu reine vür si alle was
Verse: 4135    geliutertals ein spiegelglas.

Verse: 4136    hie vant er sînes herzen bluot.
Verse: 4137    beidiu lîp unde muot

Verse: 4138    gap er ir tougenlîche dâ.
Verse: 4139    vrou Minne vie den rîter sâ

Verse: 4140    und zôch in in ir hamît
Verse: 4141    gewalticlîche âne strît,

Verse: 4142    daz er sich niht mohte erwern;
Verse: 4143    er muose ir sichern unde swern

Verse: 4144    ze tuone swaz si duhte guot;
Verse: 4145    ze gîsel muose er ir den muot

Verse: 4146    geben und daz herze sîn,
Verse: 4147    daz diu beidiu muosen sîn

Verse: 4148    ir gevangen biz an ir tôt;
Verse: 4149    swaz man ze tuone im gebot

Verse: 4150    durch si, daz dûhte in allez swach,
Verse: 4151    swie im doch sîn herze brach

Verse: 4152    dô er die schoenen alrêst sach.
Verse: 4153    Vrou Minne nam in mit ir kraft

Verse: 4154    und zôch in in ir meisterschaft
Verse: 4155    gewalticlîche âne wer;

Verse: 4156    der ê vlühtic tet ein her
Verse: 4157    und mangen vrumen rîter vie,

Verse: 4158    dern kunde sich gevristen nie
Verse: 4159    mit deheiner sîner kraft
Verse: 4160    ern müese dulden meisterschaft


Verse group: (112) 
Verse: 4161    von der starken minne.
Verse: 4162    hie liez er sîne sinne

Verse: 4163    bî der mägde wol getân;
Verse: 4164    ir grôziu schoene gesigte im an

Verse: 4165    daz er ir nimmer mê vergaz,
Verse: 4166    wan si sîn herze dâ besaz

Verse: 4167    mit jâmer, so daz im nie mê
Verse: 4168    von deheiem wîbe geschach sô wê.

Verse: 4169    des gwaltes was er ungewon;
Verse: 4170    ich sagiu daz im dâ von

Verse: 4171    deste wirs muose sîn.
Verse: 4172    gegen im gie diu künigîn;

Verse: 4173    ir tohter nam si bî der hant;
Verse: 4174    diu schoenen Lârîe was si genant

Verse: 4175    si enpfiengen in mit triuwen wol,
Verse: 4176    als man [die] lieben vriunt sol;

Verse: 4177    dar nâch die vrouwen über al.
Verse: 4178    vil grôziu vreude âne schal

Verse: 4179    huop sich mit zühten under in dâ.
Verse: 4180    diu vrouwe hiez in sitzen sâ

Verse: 4181    und klaget im ir herzeleit;
Verse: 4182    der rîter sprach " ich bin bereit

Verse: 4183    durch iuch ze rîten in den tôt;
Verse: 4184    ezn ist deheimn sô grôziu nôt

Verse: 4185    ichn bestê si gerne und sî ir vrô,
Verse: 4186    ob der rede ist alsô

Verse: 4187    als mir Nêrejâ hât gesaget:
Verse: 4188    daz man daz lant und die maget

Verse: 4189    mit manheit erwerben sol.
Verse: 4190    ez tuot mir sanfte unde wol,

Verse: 4191    swaz löeides mir dâ von geschuht."
Verse: 4192    diu vrouwe sprach "ichn hils iuch niht,

Verse: 4193    wand ichz alsô gevestent hân -
Verse: 4194    gesiget ir dem helden an -

Verse: 4195    daz ich gote getrûwe wol
Verse: 4196    daz ichz vch geben sol,

Verse: 4197    mit mannen und mit mâgen.
Verse: 4198    do begunde in des betragen

Verse: 4199    daz er sich sûmen solde;
Verse: 4200    mit urloube er dô wolde

Verse: 4201    gegen dem lande sîn geriten.
Verse: 4202    dô begunde in diu maget biten

Verse: 4203    daz er belibe mit ir die naht;
Verse: 4204    daz gap im vreude unde maht,

Verse: 4205    wand er die schoenen gerne sach.
Verse: 4206    mit grôzen zühten er dô sprach

Verse: 4207    "ir sult gebieten über mich,
Verse: 4208    wan swaz ir welt, daz tuon ich;

Verse: 4209    und swizzet sicherlîche:
Verse: 4210    wæren mîn älliu rîche,

Verse: 4211    sô daz ich ein keiser wære
Verse: 4212    der eren ich enbære

Verse: 4213    ê ich verlieze iuwer gebot.
Verse: 4214    ir sult ez lâzen âne spot

Verse: 4215    daz ich iuch, vrouwe, minne,
Verse: 4216    wand ir habt mîne sinne

Verse: 4217    gevangen und daz herze mîn;
Verse: 4218    die müezen bî iu immer sîn

Verse: 4219    mit triuwen biz an mînen tôt."
Verse: 4220    vür ir vüeze er sich bôt

Verse: 4221    mit ûf gerahten henden
Verse: 4222    er sprach "sich muoz verenden

Verse: 4223    mîn lîp nâch iuwern gnâden gar;
Verse: 4224    dise reise die ich var

Verse: 4225    dâ ich den lîp verliesen sol
Verse: 4226    daz tuot mir herzenlîche wol,

Verse: 4227    wand ez durch iuch geschehen muoz."
Verse: 4228    der mägde kuste er an den vuoz

Verse: 4229    vor vreuden und ergap sich ir.
Verse: 4230    er sprach "vrouwe, ditz ist mir

Verse: 4231    diu meiste vreude diech ie gewan
Verse: 4232    daz ich die vreise sol bestân

Verse: 4233    dâ mit man iuch erwerben mac;
Verse: 4234    got lâze mich den selben tac

Verse: 4235    gelebene daz ich in bestê,
Verse: 4236    swie halt mir dar nâch ergê,

Verse: 4237    der iuch des landes verstôzen hât!"
Verse: 4238    "got gebe iu helfe unde rât!"

Verse: 4239    sprach diu maget wol getân.
Verse: 4240    den rîter hiez si ûf stân

Verse: 4241    und erzeicte im mit den ougen
Verse: 4242    vor ir muoter tougen

Verse: 4243    daz er ir was alsam der lîp.
Verse: 4244    des pflegent noch diu reinen wîp

Verse: 4245    daz si in diu herze sehent,
Verse: 4246    dar inne suochet unde spehent

Verse: 4247    durch des mannes ougen,
Verse: 4248    wan swaz daz herze tougen

Verse: 4249    wider den vriunt valsches hât,
Verse: 4250    daz ouge ez nimmer verlât

Verse: 4251    ezn meldez mit dem blicke;
Verse: 4252    ez wenket harte dicke

Verse: 4253    an im ûf unde nider
Verse: 4254    und züclet sich vil gâhes wider;

Verse: 4255    ezn siht niht güetlîche dar,
Verse: 4256    niwan daz ez neme war

Verse: 4257    ob iht ze merken an im sî;
Verse: 4258    dâ erkennet die valschen bî.

Verse: 4259    als ich mich versinnen kan:
Verse: 4260    swâ diu ougen ein ander an

Verse: 4261    lange sehent âne wanc,
Verse: 4262    daz dâ herze und [ir] gedanc

Verse: 4263    mit triuwen zuo ein ander stât;
Verse: 4264    swâ ab der blic sô schiere ergât,

Verse: 4265    dâ enist niht ganzer triuwe bî,
Verse: 4266    ezn kome alsô daz ez sî

Verse: 4267    daz sîn die liute werden gwar:
Verse: 4268    sô lâze er sîn sehen gar,
Verse: 4269    ern blicke dan underwîlen dar.


Verse group: (113) 
Verse: 4270    Als tet im diu reine maget.
Verse: 4271    waz dâ mære wart gesaget

Verse: 4272    under in von guoten dingen!
Verse: 4273    si kunden im wol geringen

Verse: 4274    sînen muot mit süzen spil;
Verse: 4275    dâ was kurzewîle vil

Verse: 4276    von süezer ougen weide.
Verse: 4277    ezn geschach nie man so leide

Verse: 4278    und solder under in sîn gewesen,
Verse: 4279    er wær vor leidgar genesen,

Verse: 4280    wan dâ was michel rîchheit.
Verse: 4281    innen des wart in geseit

Verse: 4282    si solden ûf ezzen gân.
Verse: 4283    den rîter hiez man ûf stân

Verse: 4284    von der kurzwîle;
Verse: 4285    ez dûhte in wolein mîle

Verse: 4286    dô er von ir ze tische gie.
Verse: 4287    groezer êre erbôt man nie,

Verse: 4288    weder ê noch sît, deheinem man
Verse: 4289    als im mit willen dâ wart getân.

Verse: 4290    dô si mit vreuden gâzen
Verse: 4291    und dar nâch gesâzen,

Verse: 4292    die vrouwen gâben im guot naht;
Verse: 4293    sus schieden si sich âne braht.

Verse: 4294    der tac hêt ein ende hie.
Verse: 4295    her Gwîgâlois dô slafen gie

Verse: 4296    ûf einen wünniclichen sal.
Verse: 4297    dâ sach er von der mûre zetal

Verse: 4298    eine brunst in dem walde;
Verse: 4299    dô vrâget er alsô balde

Verse: 4300    wâ diu brunst möhte sîn.
Verse: 4301    si sprâchen "ez ist ze Korntîn,

Verse: 4302    dâ unser herre nam den tôt.
Verse: 4303    man hoeret dâ ein jâmer unde nôt

Verse: 4304    die langen naht unz an den tac.
Verse: 4305    niemen ez erleschen mac

Verse: 4306    unz daz der tac ûf gêt;
Verse: 4307    daz hûs ab danne dâ ganzez stêt,

Verse: 4308    unverbrunnen alsam ê.
Verse: 4309    man hoeret dâ niwan wê! wê!

Verse: 4310    schrîen die langen naht;
Verse: 4311    des tages ist ez âne braht

Verse: 4312    und alles schalles lære.
Verse: 4313    ez ist uns ein swære

Verse: 4314    daz wir des niht megen gesehen
Verse: 4315    wâ von od wie ez sî geschehen.

Verse: 4316    ez hâtz getriben wol zehen jâr:
Verse: 4317    des nahtes sô verbrinnet ez gar

Verse: 4318    und stet iedoch des tages dâ."
Verse: 4319    der rîter sprach "nu saget mir wâ

Verse: 4320    diu stâze durch den walt gê."
Verse: 4321    der truhsæze sprach "owê!

Verse: 4322    jâne gêt niht weges leider dar:
Verse: 4323    ein breitez mos hât ez gar

Verse: 4324    umbevangen und ein sê.
Verse: 4325    ichn kom dar in nimmer mê

Verse: 4326    sît mîn vrouwe vertriben wart.
Verse: 4327    ouch gêt dar in deheinen vart

Verse: 4328    niwan en zwein enden;
Verse: 4329    die sint mit steinwenden

Verse: 4330    beslozzen und mit huote,
Verse: 4331    sô daz des iemen muote

Verse: 4332    daz er dar in kêre
Verse: 4333    er engelte sîn vil sêre,

Verse: 4334    ezn volge einer dem tiere dar
Verse: 4335    der nâch der âventiure var:

Verse: 4336    den leitez âne schaden dar in.
Verse: 4337    der teile ouch danne den gewin

Verse: 4338    mit swelhem vriunde er welle!
Verse: 4339    ich will sîn geselle

Verse: 4340    nimmer werden, swiez mir ergê;
Verse: 4341    ichn weiz et wiez dar umbe stê:
Verse: 4342    wirn gesehen ir deheinen nimmer mê."


Verse group: (114) 
Verse: 4343    "Der al die werlt geschaffen hât,
Verse: 4344    der gebe mir helfe unde rât

Verse: 4345    und trôst ze mîner reise,
Verse: 4346    wand ich die selben vreise

Verse: 4347    mir ze vreuden hân erwelt,"
Verse: 4348    sô sprach her Gwîgâlois der helt;

Verse: 4349    "ez wirt mir einvil süeziu nôt
Verse: 4350    und sol ich duch si ligen tôt

Verse: 4351    dich ich ze vrouwen hân erkorn;
Verse: 4352    ich muoz und wil ir sîn geborn

Verse: 4353    ze dienest swar ich kêre!"
Verse: 4354    der rede entwart niht mêre,

Verse: 4355    wand im was ruowe harte not;
Verse: 4356    guot naht er in dô bôt.

Verse: 4357    sus ruowet er unz an den tac.
Verse: 4358    sîns rosses man mit vlîze pflac;

Verse: 4359    ez wart dâ harte wol beslagen.
Verse: 4360    sîn îsengwant daz hiez man tragen

Verse: 4361    balde in eine vegevaz;
Verse: 4362    mit solhem vlîze vegt man daz

Verse: 4363    er wart lûter als ein îs.
Verse: 4364    si vürderten in en mangen wîs

Verse: 4365    zer ängestlîchen reise.
Verse: 4366    sîn muot in in die vreise

Verse: 4367    und in solhen kumber stiez
Verse: 4368    dar zuo im niemen trôst gehiez;

Verse: 4369    an gotes gnâde erz allez liez.
Verse: 4370    Des morgens dô der tac ûf gie,

Verse: 4371    sîn sorge in niht slâfen lie
Verse: 4372    und der jâmer nâch der maget.

Verse: 4373    sîn herze was vil unverzaget;
Verse: 4374    des gnôz er an vil manger stat.
Verse: 4375    eine messe er im dô singen bat


Verse group: (115) 
Verse: 4376    von dem hêren geiste
Verse: 4377    und bat got aller meiste

Verse: 4378    siges durch die reinen maget,
Verse: 4379    wand im vür wâr was gesaget

Verse: 4380    ob er den sic genæme dâ,
Verse: 4381    man gæbe im mit stæte sâ

Verse: 4382    die schoenen magt ze wîbe,
Verse: 4383    ze vreuden sînem lîbe;

Verse: 4384    des vreute sich der küene man.
Verse: 4385    dô daz ambet wart getân

Verse: 4386    und sich der pfaffe engarte,
Verse: 4387    dô stuont er unde warte

Verse: 4388    wen er im gæbe den segen,
Verse: 4389    als wir zer noete hiute pflegen.

Verse: 4390    der priester kom vil schiere wider;
Verse: 4391    mit grôzem jâmer kniete er nider

Verse: 4392    vür den alter mit gebet.
Verse: 4393    eine kefsen nam er an der stet,

Verse: 4394    diu was heilctuomes vol;
Verse: 4395    mit rôtem golde was si wol

Verse: 4396    gezieret und mit gesteine;
Verse: 4397    von wîzen helfenbeine

Verse: 4398    was der kefsen daz ander teil.
Verse: 4399    der priester was gar âne meil

Verse: 4400    und ledic aller bôsheit;
Verse: 4401    sîn hâr war gâr unde reit,

Verse: 4402    sîn bart lanc unde breit;
Verse: 4403    mit rîcher wat was er gekleit:

Verse: 4404    sîn pelzder was lûter grâ,
Verse: 4405    mit einem samît der was blâ

Verse: 4406    bezogen [vil] meisterlîche,
Verse: 4407    gevidert was er rîche

Verse: 4408    mit einem zobel spanne breit;
Verse: 4409    der priester hêt an sich geleit

Verse: 4410    einen mantel der was luhsîn;
Verse: 4411    der slaht moht er niht bezzer sîn,

Verse: 4412    mit einem siglât bedaht.
Verse: 4413    die liute liezen alle ir braht

Verse: 4414    und neicte sich der junge degen.
Verse: 4415    der priester gap im dô den segen

Verse: 4416    als er beste kunde:
Verse: 4417    mit kefsen und mit munde

Verse: 4418    segent er in in den tôt.
Verse: 4419    dâ wart vil manic ouge rôt

Verse: 4420    dô im der segen wart gegeben.
Verse: 4421    "herre got, vrist im sîn leben

Verse: 4422    und gip im sige unde kraft
Verse: 4423    zer ängeslîchen rîterschoft

Verse: 4424    und behalte im sînen jungen lîp"
Verse: 4425    sprach dâ man unde wîp,

Verse: 4426    "wand er ist alles guotes wert."
Verse: 4427    der priester strihte im umb sîn swert

Verse: 4428    einen brief, der gap im veste muot:
Verse: 4429    vür älliu zouber was er guot.

Verse: 4430    des gnâter im und bevalch sich got.
Verse: 4431    dar nâch schiere kom ein bot,

Verse: 4432    der hiez in enbîzen gân.
Verse: 4433    der imbiz wart vil schiere getân;

Verse: 4434    ringiu spîse was im bereit
Verse: 4435    ze sîner grozen arbeit.

Verse: 4436    von dem tische gienc er zehant
Verse: 4437    dâ er die vrouwen alle vant

Verse: 4438    und nam urloup von in sâ.
Verse: 4439    sîn vestez herze liez er dâ

Verse: 4440    bî der mägde wol getân;
Verse: 4441    ir krankez herze vuorte er dan.

Verse: 4442    nu sprechet wie sîn werde rât
Verse: 4443    der ein krankez herze hât

Verse: 4444    als er ez strîte rîten sol?
Verse: 4445    dâ stuont im der gedinge wol

Verse: 4446    und der muot den im gît
Verse: 4447    diu süeze minne zaller zît;
Verse: 4448    ditz allez reizte ûf den strît.


Verse group: (116) 
Verse: 4449    Hie neic er dem gesinde
Verse: 4450    von kinde ze kinde,

Verse: 4451    von manne ze manne;
Verse: 4452    dem rîter volget danne

Verse: 4453    ein segen meiniclîche:
Verse: 4454    si bâten alle gelîche

Verse: 4455    got daz er sîn gedæhte
Verse: 4456    und in wider bræhte

Verse: 4457    mit sige und mit gesunde
Verse: 4458    got enwolde sô manegen munde

Verse: 4459    sîne gnâde niht versagen:
Verse: 4460    er liez in an der vart bejagen

Verse: 4461    solhen prîs der in noch wert;
Verse: 4462    des hêt der rîter ie gegert.

Verse: 4463    man brâhte in sîn ors zehant,
Verse: 4464    sper, schilt und îsengwant;

Verse: 4465    dô wâfent sich der junge degen.
Verse: 4466    des lîbes hêt er sich bewegen.

Verse: 4467    vrouwe Lârîe sande im dô
Verse: 4468    eine gâbe, der wart er harte vrô:

Verse: 4469    ez was ein tasche pfellîn;
Verse: 4470    ein brôt daz was geleit dar în,

Verse: 4471    geworht mit grôzer meisterschaft:
Verse: 4472    von wurzen hêt ez solhe kraft

Verse: 4473    daz in lie diu hungers nôt
Verse: 4474    als erz engegen dem munde bôt;

Verse: 4475    ez gap im muot und solhe maht:
Verse: 4476    er wære gewesen siben

Verse: 4477    naht in einem walde âne maz
Verse: 4478    als er sîn ein lützel gaz;

Verse: 4479    des gnâter ir wol tûsent stunt.
Verse: 4480    nu kom ein bot, der tet im kunt,

Verse: 4481    als erz ouch ê hêt venomen,
Verse: 4482    daz tier wær vür die burc komen

Verse: 4483    und gienge gegen dem walde.
Verse: 4484    danne kêrte er balde

Verse: 4485    mit jâmer vür daz bürgetor;
Verse: 4486    dâ sach er daz tier vor

Verse: 4487    gegen dem walde kêren;
Verse: 4488    sîne reise begunde er mêren

Verse: 4489    wand im was zuo dem tiere gâch.
Verse: 4490    daz gesinde segent im nâch

Verse: 4491    und antwurt in in gotes pflege.
Verse: 4492    her Gwîgâlois kêrt von dem wege

Verse: 4493    ein engez pfat, daz was niht breit,
Verse: 4494    unz er daz schoene tier erreit.

Verse: 4495    als er im sô nahen kam
Verse: 4496    daz ez sîn rehte war genam,

Verse: 4497    dô spiltez gegen im als ein hunt;
Verse: 4498    mit sînen spiel tet ez im kunt

Verse: 4499    daz er im willekomen was;
Verse: 4500    ez legte sich vür in ûf daz gras

Verse: 4501    und gnâte im sîner künfte dar.
Verse: 4502    des wart er an im wol gewar,

Verse: 4503    wand ez vil güetlîche tet.
Verse: 4504    nâch im kêrte er von der stet

Verse: 4505    ein pfat, daz was vil enge;
Verse: 4506    durch michel gedrenge

Verse: 4507    reit er in kurzer wîle
Verse: 4508    baz danne zwelf mîle;
Verse: 4509    sus vuoren si mit île.


Verse group: (117) 
Verse: 4510    Hie hêt der walt ein ende;
Verse: 4511    bî einer steinwende

Verse: 4512    kômen si vür daz bürgetor;
Verse: 4513    dâ lâgen wilde graben vor;

Verse: 4514    die wâren sô vreislîche tief,
Verse: 4515    als ein man dar în rief,

Verse: 4516    daz ez vil kûme her ûf hal;
Verse: 4517    dâ wâren pfîlære hin ze tal

Verse: 4518    geworht mit grôzer krefte,
Verse: 4519    dar ûf mit meisterschefte

Verse: 4520    ein brücke was geslihtet,
Verse: 4521    ein slegetor [was] gerihtet

Verse: 4522    von den pfîlæren enbor;
Verse: 4523    dâ was gehftet an daz tor.

Verse: 4524    als daz tier zuo gie,
Verse: 4525    der portenære ez sîgen lie

Verse: 4526    und haftez ûf die brücke nider.
Verse: 4527    in sîn hûs gienc er wider:

Verse: 4528    er erkande sînen blâst wol;
Verse: 4529    sô grôzer hitze was ez vol,

Verse: 4530    an swaz ez in der werlte blies,
Verse: 4531    daz bran zehant als ein mies,

Verse: 4532    steine und îsen als ein strô.
Verse: 4533    nâch dem tiere reit er dô

Verse: 4534    ze Korntîn in daz lant;
Verse: 4535    daz was eben als ein hant,

Verse: 4536    wol gebûwen über al;
Verse: 4537    dâ lac ûf und zetal

Verse: 4538    wînwähse harte vil.
Verse: 4539    dô sach er sîner ougen spil

Verse: 4540    vor im: einen turnei;
Verse: 4541    dâ wart vil manic sper enzwei

Verse: 4542    in kurzer wîle gestochen,
Verse: 4543    die starken schilte zebrochen

Verse: 4544    von slegen und von stichen;
Verse: 4545    si jagten und entwichen

Verse: 4546    ze rehte als si solden;
Verse: 4547    daz wart dâ wol vergolden

Verse: 4548    beidiu mit stichen und mit slegen;
Verse: 4549    enzwischen zwein breiten wegen

Verse: 4550    was diu storîe;
Verse: 4551    hundert unde drîe

Verse: 4552    was der rîter und niht mê;
Verse: 4553    man hôrte dâ niwan "wê! wê!"

Verse: 4554    vor in kreigieren dâ.
Verse: 4555    her Gwîgalois bedâhte sich sâ

Verse: 4556    ezn wæren rehte liute niht;
Verse: 4557    ir rîterschaft dûht in enwiht

Verse: 4558    und nam ir aller wâfen war;
Verse: 4559    daz was in einer varwe gar,

Verse: 4560    rehte swarz alsam ein kol;
Verse: 4561    mit zinober wâren wol

Verse: 4562    rôtiu viur gemâlet drin.
Verse: 4563    in twanc sîn manheit und sîn sin

Verse: 4564    daz er sîn sper an der stet
Verse: 4565    mit einer rîchen jost vertet

Verse: 4566    durch sîne liebe âmîen,
Verse: 4567    die schonen Lârîen.

Verse: 4568    "zevalier!" begunder schrîen.
Verse: 4569    Dô er daz sper hêt vertân,

Verse: 4570    beidiu schaft und îsen bran
Verse: 4571    swâ ez an si ruorte;

Verse: 4572    sîn ors in danne vuorte
Verse: 4573    baz danne rehte reise.

Verse: 4574    ern kom in solhe vreise
Verse: 4575    von sô grôzer hitze nie.
Verse: 4576    er gedâhte "herre got, wie


Verse group: (118) 
Verse: 4577    stêt ez umb dise rîterschaft
Verse: 4578    daz beidiu îsen unde schaft

Verse: 4579    an in sô gar ist verbrant?
Verse: 4580    und wær mit doch daz nû erkant

Verse: 4581    wes gesinde ez wære,
Verse: 4582    sô vrâget ich si der mære

Verse: 4583    unz ich ervüere ir leben gar."
Verse: 4584    von der jæmerlîchen schar

Verse: 4585    kêrte der edel rîter dô;
Verse: 4586    ir valschiu vreude tet in unvrô,

Verse: 4587    wand er wol sach daz in daz leben
Verse: 4588    got ze buoze hêt gegeben.

Verse: 4589    von den rîtern wart im gâch;
Verse: 4590    dem tiere kêrte er aber nâch

Verse: 4591    vür daz hûs ze Korntîn.
Verse: 4592    an des gezierde was wol schîn

Verse: 4593    daz daz lant rîche was;
Verse: 4594    diu mûre glaste alsam ein glas

Verse: 4595    lûter unde reine,
Verse: 4596    von edelm märmelsteine

Verse: 4597    geworht vil meisterlîche;
Verse: 4598    ein palas harte rîche

Verse: 4599    lac enmitten drinne
Verse: 4600    gemûrt mit grôzem sinne

Verse: 4601    von lûtern kristallen -
Verse: 4602    daz muose im wol gevallen,

Verse: 4603    mit vlîze gewelbet âne dach;
Verse: 4604    durch die mûre man wol sach

Verse: 4605    allez daz dar inne was,
Verse: 4606    wan si was lûter als ein glas;

Verse: 4607    daz hûs was erbûwen wol
Verse: 4608    und maniger gezierde vol.

Verse: 4609    ouch lac ein anger vor dem tor
Verse: 4610    ûf einem breiten steine enbor

Verse: 4611    nâhen bî der strâze;
Verse: 4612    schône âne mâze

Verse: 4613    ein boum dar ûf gebelzet was
Verse: 4614    rehte enmitten in daz gras,

Verse: 4615    des schat den anger gar bevie;
Verse: 4616    von sînem süezen bluote gie

Verse: 4617    ein smac reine unde guot;
Verse: 4618    der gap kraft und guoten muot.

Verse: 4619    dar engegen daz tier kêrte,
Verse: 4620    als ez diu gwonheit lêrte,

Verse: 4621    dâ der schone anger lac.
Verse: 4622    nimmer wart dehein tac

Verse: 4623    ezn kome dar zer selben stunt;
Verse: 4624    sîn süezer smac was im wol kunt.

Verse: 4625    ûf den anger spranc ez sâ;
Verse: 4626    daz tier wart verwandelt dâ

Verse: 4627    zehant von sîner wilde
Verse: 4628    in eines mannes bilde;

Verse: 4629    der hêt zöpfe alsam ein wîp;
Verse: 4630    beidiu sîn wât und sîn lîp

Verse: 4631    diu wâren lieht sunnen var,
Verse: 4632    lûter und sô rehte klâr

Verse: 4633    daz ez im in diu ougen schein
Verse: 4634    als ein lieht karfunkelstein;

Verse: 4635    sîn houbet daz was schône
Verse: 4636    gezieret mit der krône

Verse: 4637    die daz tier hêt dar getragen.
Verse: 4638    her Gwîgâlois bi sînen tagen

Verse: 4639    sô vremdes nie niht gesach.
Verse: 4640    des erkom er sêre unde sprach

Verse: 4641    "herre got, waz sol daz sîn?"
Verse: 4642    zuo dem man wold er dar în

Verse: 4643    erbeizet sîn sâ zehant;
Verse: 4644    dô was der anger âne want

Verse: 4645    beslozzen mit gotes tougen;
Verse: 4646    swie in doch sîniu ougen

Verse: 4647    vor im offen sâhen,
Verse: 4648    ern mohte niht genâhen

Verse: 4649    dem manne den er bî im sach.
Verse: 4650    daz muote in sêre unde sprach

Verse: 4651    "sag an, sît du mensche bist,
Verse: 4652    ob du geloubest an Krist

Verse: 4653    und wiez umb dîn leben stê;
Verse: 4654    dir ist nû wol, ê was dir wê.

Verse: 4655    als ich mich versinnen kan,
Verse: 4656    got hât wunder an dir getân:
Verse: 4657    ê wærd ein tier, nû bist ein man."


Verse group: (119) 
Verse: 4658    Er sprach "den du mir hâst genant,
Verse: 4659    der sol mir immer sîn bekant

Verse: 4660    und geloube daz er wârre Krist
Verse: 4661    ie was und immer ist,

Verse: 4662    daz âne in niht genesen mac;
Verse: 4663    ich hân verdienet sînen slac

Verse: 4664    leider mir und sînen zorn;
Verse: 4665    des bin ich armiu sêle verlorn

Verse: 4666    ern welle mir genædic wesen:
Verse: 4667    âne in trûwe ich niht genesen.

Verse: 4668    ditz ist mîn ruowe die ich hân,
Verse: 4669    als ich von den wîzen gân

Verse: 4670    des tages ie ze dirre stunt;
Verse: 4671    niht mê ruowe ist mir kunt

Verse: 4672    als ich dich nû bewîse:
Verse: 4673    zeinem paradîse

Verse: 4674    gap mir got ditz ze lône hie;
Verse: 4675    daz verdienet ich, ich sage dir wie:

Verse: 4676    ich was herre über ditze lant
Verse: 4677    unde stuont gar in mîner hant

Verse: 4678    beidiu liute unde guot;
Verse: 4679    dô gap mir got sô guoten muot

Verse: 4680    daz ich die armen an dise stat
Verse: 4681    zallen zîten komen bat;

Verse: 4682    ich teilte in selbe mit mîner hant,
Verse: 4683    swaz ich armer liute vant;

Verse: 4684    die beriet ich mit der spîse.
Verse: 4685    ditz selbe paradîse

Verse: 4686    gap mir got ze lône
Verse: 4687    und dise liehte krône

Verse: 4688    die ich hie mit vreuden trage.
Verse: 4689    du solt merken waz ich dir sage."

Verse: 4690    "daz tuon ich gerne" sprach der degen.
Verse: 4691    er sprach "ez ist hie bî gelegen

Verse: 4692    ein wurm nû wol zehen jâr;
Verse: 4693    der hât ditze lant gar

Verse: 4694    verwüest unz an daz wilde mos;
Verse: 4695    beidiu man unde ros

Verse: 4696    treit er hin âne wer;
Verse: 4697    von sînem stanke verdürbe ein her

Verse: 4698    der im ûz dem halse gêt;
Verse: 4699    und wizze et daz, wer in bestêt,

Verse: 4700    der hât den tôt an der hant.
Verse: 4701    nu hât dich got her gesant

Verse: 4702    daz du uns erledigen solt;
Verse: 4703    dâ mit erwirbestu den solt

Verse: 4704    des du immer vrô maht sîn:
Verse: 4705    Lârîen, die tohter mîn,
Verse: 4706    dar zuo ditz lant ze Korntîn.


Verse group: (120) 
Verse: 4707    Ouch wil ich dir sagen mê:
Verse: 4708    diu rîterschaft die du ê

Verse: 4709    sæhe bî der strâze;
Verse: 4710    der wîze ist âne mâze

Verse: 4711    grôz und sô jæmerlîch
Verse: 4712    daz ir note ist niht gelîch;

Verse: 4713    swie vrolîch si dâ rîten,
Verse: 4714    si sint doch zallen zîten

Verse: 4715    in der helle viure;
Verse: 4716    ruowe ist in tiure;

Verse: 4717    daz tuot mir wê und muoz ez klagen:
Verse: 4718    si wurden alle [bî] mir erlagen

Verse: 4719    dô mir der ungetriuwe man
Verse: 4720    an guoten triuwen an gewan

Verse: 4721    mînen lîp und ditze lant.
Verse: 4722    Rôaz von Glois ist er genant;

Verse: 4723    ez ist manic zierre degen
Verse: 4724    vin sîner hant hie tôt gelegen

Verse: 4725    die nâch der âventiure riten;
Verse: 4726    si habent hie alsô gestriten

Verse: 4727    daz si ir êre gar verlurn
Verse: 4728    und ouch den tôt von im kurn.

Verse: 4729    sîn hûs daz lît hie nâhen bî.
Verse: 4730    und wizze iedoch, swie küene er sî,

Verse: 4731    ern getorste den wurm nie bestân,
Verse: 4732    swie er im doch habe getân

Verse: 4733    solhen schaden manegen tac
Verse: 4734    den er niht überwinden mac

Verse: 4735    an sînen liuten die er hât."
Verse: 4736    der rîter sprach "nu gip mir rât

Verse: 4737    durch die gotes güete
Verse: 4738    wie ich mich behüete

Verse: 4739    vor des wurmes stanke,
Verse: 4740    daz ich dirs immer danke,

Verse: 4741    die wîl ich lebe, mit mîm gebet."
Verse: 4742    der schone man brach an der stet

Verse: 4743    von dem boume einen bluot.
Verse: 4744    er sprach "nu nim! ditz ist dir guot,

Verse: 4745    daz dir dehein boser smac
Verse: 4746    von sîner süeze geschaden mac,

Verse: 4747    und rît vür daz bürgetor;
Verse: 4748    dâ stecket ein glävîe vor,

Verse: 4749    die brâhte mir ein engel her;
Verse: 4750    niht ist daz dâ vor gewer,

Verse: 4751    horn, stein noch îsengewant,
Verse: 4752    man steche dâ durch unz an die hant.

Verse: 4753    si wart genomen, ich sage dir wâ:
Verse: 4754    in der innern Indîâ

Verse: 4755    dâ ist einer slahte stâl
Verse: 4756    daz hât von golde rôtiu mâl

Verse: 4757    und ist sô herte daz ez den stein
Verse: 4758    rehte snîdet als ein zein.

Verse: 4759    si stecket in der steinwant.
Verse: 4760    nu min si, helt, in dîne hant

Verse: 4761    und rît ûf die heide;
Verse: 4762    er ist an sîner weide

Verse: 4763    als der âbent ane gêt;
Verse: 4764    swaz lentiges dan dâ bestêt,

Verse: 4765    liute od vihe, daz treit er hin;
Verse: 4766    ze vlühte habe niemen sin,

Verse: 4767    wand er erloufet, swenne er wil,
Verse: 4768    daz wilde tier als er spil.

Verse: 4769    man enmac in niht gesêren
Verse: 4770    mit geschozze noch mit gêren;

Verse: 4771    ouch ist dehein gesmîde
Verse: 4772    daz den wurm snîde

Verse: 4773    wan diu glävîe eine;
Verse: 4774    in einem holen steine

Verse: 4775    ist er gelegen manegen tac,
Verse: 4776    dâ in niht gewinnen mac.

Verse: 4777    du erslehst den wurm, daz ist wâr;
Verse: 4778    du verliusest ab von im sô gar

Verse: 4779    dîne kraft daz dir nie mê
Verse: 4780    von deheinem strîte geschach sô wê;

Verse: 4781    die nôt soltu bedenken ê."
Verse: 4782    Her Gwîgalois mit vreuden sprach

Verse: 4783    "wol mich, daz ez mir ie geschach
Verse: 4784    daz ich die magt ervehten sol!

Verse: 4785    ez tuot mir herzenlîche wol
Verse: 4786    daz ich hie strîtes vinde stat."

Verse: 4787    "jâ, benamen, du wirst sîn stat!"
Verse: 4788    sprach der wundern schone man.

Verse: 4789    "nâch dînem willen muoz ergân
Verse: 4790    allez des dîn herze gert;

Verse: 4791    des bistu weizgot wol wert;
Verse: 4792    du solt von rehte sîn ein helt,

Verse: 4793    wan dîn vater ist erwelt,
Verse: 4794    der süeze her Gâwein,

Verse: 4795    zuo dem besten rîter ein
Verse: 4796    den diu sunne ie beschein."

Verse: 4797    Der junge rîter aber dô sprach
Verse: 4798    "du erkennest den ich nie geschach."

Verse: 4799    "zwâre, du hâst!" er sprach "nein."
Verse: 4800    "ez ist der selbe Gâwein

Verse: 4801    dem der künic Artûs
Verse: 4802    ze Karidôl in sînem hûs

Verse: 4803    sîn êre gar bevolhen hât,
Verse: 4804    an dem der hof aller stât."

Verse: 4805    "sô dir got, ist ez wâr?"
Verse: 4806    "[zwâr,] ichn liuge dir niht umb ein hâr."

Verse: 4807    "her Gâwein wart er mir genant;
Verse: 4808    mir was ab daz unbekant

Verse: 4809    ob er mîn vater wære;
Verse: 4810    nu vreuwe ich mich der mære

Verse: 4811    daz mir von sîner vrümicheit
Verse: 4812    sô mangen enden ist geseit;

Verse: 4813    ouch hân ichz selbe wol gesehen."
Verse: 4814    "sælde und êre müez dir geschehen!"

Verse: 4815    sô sprach diu sêle "nu gêt mir zuo
Verse: 4816    diu zît daz ich unz morgen vruo

Verse: 4817    in dem hûse brinnen sol;
Verse: 4818    dar nâch ist mir immer wol.

Verse: 4819    ich hân gebüezet zehen jâr;
Verse: 4820    dar nâch bin ich ledic gar

Verse: 4821    mîner sünden die ich ie getet.
Verse: 4822    du solt, helt, mit dîm gebet

Verse: 4823    gedenken der vil armen schar
Verse: 4824    diu vor mir in daz hûs var,

Verse: 4825    wan diu ist leidr unerlôst;
Verse: 4826    du bist ir helfe und ir trôst

Verse: 4827    als ich dir ê hân gesaget,
Verse: 4828    dir wirt daz lant und diu maget,

Verse: 4829    dar zuo rîche dienstman,
Verse: 4830    wan du gesigest dem heiden an

Verse: 4831    des leit ich ie mit leide truoc;
Verse: 4832    an guoten triuwen er mich sluoc;

Verse: 4833    durch daz ich im mîn dienest bôt,
Verse: 4834    dâ von kom ich in dise nôt;
Verse: 4835    des lît mîn armer lîp nu tôt."


Verse group: (121) 
Verse: 4836    Dô si die rede vol sprach,
Verse: 4837    her Gwîgâlois dô rîten sach

Verse: 4838    vür sich dâ, des nam er war,
Verse: 4839    die vil jæmerlîchen schar

Verse: 4840    ûf den er sîn sper vertet;
Verse: 4841    si erbeizten alle an der stet

Verse: 4842    dô si zem anger kâmen;
Verse: 4843    ir sper si alle nâmen

Verse: 4844    ûf ir ahsel und zugen hin,
Verse: 4845    einer nâch dem andern, in

Verse: 4846    durch daz schoene bürgetor.
Verse: 4847    her Gwîgâlois der nam dâ vor

Verse: 4848    die glävîen in sîne hant;
Verse: 4849    diu stahte in der steinwant

Verse: 4850    als in einer tanne.
Verse: 4851    "rîter, hebt iuch danne!"

Verse: 4852    sprach der ûf dem anger saz.
Verse: 4853    "unser herre got gebe iu daz

Verse: 4854    ir den sic erwerbet hie!"
Verse: 4855    von dem anger er dô gie

Verse: 4856    in tieres wîs, alsam ê;
Verse: 4857    sîner rede enwart niht mê;

Verse: 4858    sus gienc ez in das hûs dan;
Verse: 4859    von sînem blâste ez dô bran

Verse: 4860    daz man ez harte wîten sach,
Verse: 4861    daz sît nimmer mê geschach,

Verse: 4862    wan got hêt sînem zorn verlân.
Verse: 4863    der junge rîter huop sich dan

Verse: 4864    mit grôzem herzeleide
Verse: 4865    über die wilden heide.

Verse: 4866    diu liehte sunne under gie.
Verse: 4867    einen stîc her Gwîgâlois gevie,

Verse: 4868    der truoc in hin zuo einem sê,
Verse: 4869    dâ vil jæmerlîche schrê

Verse: 4870    ein schoene wîp nâch wîbes sit;
Verse: 4871    dâ si ir leit erzeiget mit.

Verse: 4872    dar begunde der rîter gâhen.
Verse: 4873    dô er ir kom sô nâhen

Verse: 4874    daz er ir ungebærde ersach,
Verse: 4875    daz beswârte in sêrc unde sprach

Verse: 4876    "owê, ir vil sælic wîp,
Verse: 4877    warumbe quelt ir iuwern lîp,

Verse: 4878    waz leides ist iu hie geschehen?"
Verse: 4879    er mohte vil wol an ir sehen

Verse: 4880    daz ir von herzen leide was,
Verse: 4881    si was gevallen ûf daz gras

Verse: 4882    mit gezartem gebende;
Verse: 4883    ir vil wîze hende

Verse: 4884    brach si und ir rîch gewant;
Verse: 4885    in solhem jâmer er si vant

Verse: 4886    daz ez in muose erbarmen:
Verse: 4887    mit nackenden armen,

Verse: 4888    mit zevuortem hâre;
Verse: 4889    ez was ir lîp ze wâre,

Verse: 4890    swâ er blahte, alsam ein snê;
Verse: 4891    ir grôziu klage tet im wê;

Verse: 4892    daz erzeiget er sît mit werken wol.
Verse: 4893    ir brust was swarz alsam ein kol,

Verse: 4894    daz bluot darunder geloufen;
Verse: 4895    mit slegen und mit roufen

Verse: 4896    hêt si ir lîp verderbet
Verse: 4897    und vil nâch gar ersterbet.

Verse: 4898    sus lac iu vrouwe âne maht,
Verse: 4899    der liehte tac was ir ein naht,

Verse: 4900    sîne gehôrte noch gesach;
Verse: 4901    von herzeleide ir daz geschach.
Verse: 4902    der rîter aber zuo ir sprach


Verse group: (122) 
Verse: 4903    "Owê, vrouwe, wie tuot ir sô?
Verse: 4904    gehabt iuch wol und sît vrô ;

Verse: 4905    daz ir sælic müezet sîn!
Verse: 4906    wand ich durch iuch den lîp mîn

Verse: 4907    wâgen wil unz in den tôt,
Verse: 4908    ob ich dâ mit iuwer nôt

Verse: 4909    erwenden mac und iuwer leit;
Verse: 4910    liebiu vrouwe mîn, nu seit

Verse: 4911    waz iu leides werre."
Verse: 4912    diu vrouwe sach vil verre

Verse: 4913    ûf ze got unde sprach,
Verse: 4914    dô si den rîter bî ir sach,

Verse: 4915    "owê, lieber herre, owê!
Verse: 4916    jâ muoz ich trûren immer mê

Verse: 4917    mîner klage gêt mir nôt.
Verse: 4918    wolde got wan wære ich tôt,

Verse: 4919    sô hêt mîn klage ein ende.
Verse: 4920    herre got, nu sende

Verse: 4921    mir den tôt, sît ich sîn bit!
Verse: 4922    dâ hât mîn leit ein ende mit.

Verse: 4923    herre got, wie tuostu sô?
Verse: 4924    von dînen gnâden was ich vrô:

Verse: 4925    mir hêt zer werlte ein süezez leben
Verse: 4926    dîn reiniu gotheit gegeben;

Verse: 4927    des bin ich nû beroubet.
Verse: 4928    mîn vreude diu ist betoubet

Verse: 4929    von herzenlîchem leide!
Verse: 4930    herre got, nu scheide

Verse: 4931    die sêle von mînem lîbe,
Verse: 4932    wan mir armen wîbe

Verse: 4933    nimmer liep mac geschehen
Verse: 4934    sît ich in tôten hân gesehen

Verse: 4935    den ich ze vreuden hêt erkorn.
Verse: 4936    owê daz ich ie wart geborn!
Verse: 4937    wie jæmerlîche er ist verlorn!"


Verse group: (123) 
Verse: 4938    Nâch der klage si sich sluoc.
Verse: 4939    der rîter ir daz niht vertruoc;

Verse: 4940    er erbeizte von dem orse nider.
Verse: 4941    diu vrouwe begunde sich roufen wider,

Verse: 4942    ir kleit zerren alsam ê.
Verse: 4943    der rîter sprach "desn wirt niht mê."

Verse: 4944    ir wîze hende er gevie;
Verse: 4945    mit bet er si des übergie

Verse: 4946    daz si im begunde sagen
Verse: 4947    wie der wurm hêt hin getragen

Verse: 4948    an der wîle ir lieben man.
Verse: 4949    si sprach "herre, got hât getân

Verse: 4950    an mir des ich in nie gebat:
Verse: 4951    wir wârn geriten an dise stat,

Verse: 4952    ich und mîn vriunt, mit vederspil;
Verse: 4953    dô wart mir mîner vreuden zil

Verse: 4954    in kurzer wîle geslagen nider,
Verse: 4955    daz nimmer wirt gerihtet wider.

Verse: 4956    daz tet der grôze wurm Pfetân,
Verse: 4957    der micheln schaden hie hât getân;

Verse: 4958    er truoc in selbe vierden hin,
Verse: 4959    diu starken ors under in

Verse: 4960    als ez ein niht wære.
Verse: 4961    wie er mich verbære,

Verse: 4962    des nimt mich michel wunder;
Verse: 4963    von mînem vriunt besunder

Verse: 4964    ich an daz velt beizen reit;
Verse: 4965    dâ von der tôt mich vermeit.
Verse: 4966    daz sî dir, herre got, gekleit!"


Verse group: (124) 
Verse: 4967    Der rîter sprach "wâ kêrter hin?"
Verse: 4968    si sprach "herre, habt ir den sin

Verse: 4969    daz ir in bestên welt?"
Verse: 4970    "jâ ich, gerne" sprach der helt.

Verse: 4971    "owê, herre, sô sît ir tôt."
Verse: 4972    "waz, darumbe? ich bin durch nôt

Verse: 4973    von Britanje her gevarn."
Verse: 4974    "herre, got müez iuch bewarn!"

Verse: 4975    sprach daz vreudelôse wîp.
Verse: 4976    "ich weiz wol daz ir iuwern lîp

Verse: 4977    habt verlorn âne wer."
Verse: 4978    "nu sî got der mich ner"

Verse: 4979    sprach der rîter "swar ich var;
Verse: 4980    ich wil benamen nâch im dar

Verse: 4981    dâ er iuwern vriunt hât,
Verse: 4982    swie sîn dar nâch werde rât."

Verse: 4983    si sprach "herre, nu seht daz pfat
Verse: 4984    daz er mit sînen vüezen trat,

Verse: 4985    und volget im vil rehte nâch;
Verse: 4986    er gêt vil sanfte, im ist niht gâch,

Verse: 4987    wand er ist ân angest gar."
Verse: 4988    von der vrouwen kêrter dar

Verse: 4989    nâch dem pfat, durch den walt;
Verse: 4990    sîn sorge was vil manicvalt.

Verse: 4991    dô nam er ûz der taschen sîn
Verse: 4992    daz brôt und daz blüemelîn

Verse: 4993    des süeze gap im guoten muot:
Verse: 4994    vür übeln smac was ez guot.

Verse: 4995    ab dem brôte beiz er zehant;
Verse: 4996    sus warnet sich der wîgant

Verse: 4997    zuo der ängestlîchen nôt;
Verse: 4998    ez dûhte in ein vil reinez brôt,

Verse: 4999    wand imz sîn vrouwe hêt gegeben
Verse: 5000    ze vristen an der nôt sîn leben;

Verse: 5001    ez gap im alsô grôze maht
Verse: 5002    daz er vrôlîche vaht.
Verse: 5003    ditz was vil nâhen bî der naht.


Verse group: (125) 
Verse: 5004    Sus reit er einen berc zetal.
Verse: 5005    dâ hôrte er mangen grôzen val

Verse: 5006    von den starken esten;
Verse: 5007    die boume begunden bresten

Verse: 5008    dâ der wurm hin sleif;
Verse: 5009    swaz er mit dem zagel begreif,

Verse: 5010    daz brach er allez nâch im nider;
Verse: 5011    sîner sterke was niht wider.

Verse: 5012    vil schiere sach der küene man
Verse: 5013    den ungevüegen wurm Pfetân

Verse: 5014    vor im eislîche gên.
Verse: 5015    er gedâhte und sol ich dich bestên,

Verse: 5016    daz ist mir ein ängestlîchiu nôt! -
Verse: 5017    waz dar umbe, lige ich tôt?"

Verse: 5018    des hêt er sich vil schiere bewegen;
Verse: 5019    vür sich tet er den gotes segen

Verse: 5020    dô er den wurm rehte ersach;
Verse: 5021    in sînem herzen er des jach

Verse: 5022    daz sô ungehiure
Verse: 5023    deheine crêâtiure

Verse: 5024    ie gesæhe dehein man.
Verse: 5025    ich sagiu wie er was getân,

Verse: 5026    als er sît selbe jach
Verse: 5027    der in bescheidenlîche sach:

Verse: 5028    sîn houbt was âne mâze grôz,
Verse: 5029    swarz, rûch; sîn snabel blôz,

Verse: 5030    eins klâfters lanc, wol ellen breit,
Verse: 5031    vor gespitzet, unde sneit

Verse: 5032    als ein niuwesliffen sper;
Verse: 5033    in sînem giele hêt er

Verse: 5034    lange zene als ein swîn;
Verse: 5035    breite schuopen hürnîn

Verse: 5036    wâren an im über al;
Verse: 5037    von dem houbet hin ze tal

Verse: 5038    stuont ûf im ein scharfer grât,
Verse: 5039    als der kokodrille hât,

Verse: 5040    dâ er die kiele kliubet mit;
Verse: 5041    der wurm hêt nâch wurmes sit

Verse: 5042    einen zagel langen;
Verse: 5043    dâ mit hêt er bevangen

Verse: 5044    vier rîter lussam,
Verse: 5045    die er vor dem walde nam,

Verse: 5046    als im diu vrouwe hêt geseit
Verse: 5047    durch die er nâch dem wurme reit.

Verse: 5048    vil kûme hêten si ir leben;
Verse: 5049    der zagel was umb si gegeben

Verse: 5050    wol mit drin valten;
Verse: 5051    sus hêt er si behalten,

Verse: 5052    als er si ezzen wolde.
Verse: 5053    ern trûwet niht daz er solde

Verse: 5054    sterben von deheinem man.
Verse: 5055    einen kamp hêt er als ein han,

Verse: 5056    wan daz er ungevüege was;
Verse: 5057    sîn bûch was grüene alsam ein gras,

Verse: 5058    diu ougen rôt, sîn sîte gel;
Verse: 5059    der wurm der was sinwel

Verse: 5060    als ein kerze hin zetal;
Verse: 5061    sîn scharfer grât der was val;

Verse: 5062    zwei ôren hêt er als ein mûl;
Verse: 5063    sîn âtem stanc, wand er was vûl,

Verse: 5064    wirs dan ein âs daz lange zît
Verse: 5065    an der heizen sunnen lît;

Verse: 5066    ouch hêt er vil unsüeze
Verse: 5067    als ein grîfe vüeze,

Verse: 5068    die wâren rûch als ein ber;
Verse: 5069    zwei schoeniu vetiche hêt er

Verse: 5070    gelîch ein pfâwen gevider:
Verse: 5071    sîn hals was im vil nider

Verse: 5072    gebogen ûf daz grüene gras;
Verse: 5073    sîn drozze gar von knurren was,

Verse: 5074    als ein steinbockes horn.
Verse: 5075    von im was manic lîp verlorn;
Verse: 5076    ouch muos er den tôt dâ korn.


Verse group: (126) 
Verse: 5077    Als er den wurm rehte ersach,
Verse: 5078    dô blihter ûf unde sprach

Verse: 5079    nu hilf, keiser, herre got,
Verse: 5080    daz mich dirre tievels bot

Verse: 5081    iht scheide von dem lîbe,
Verse: 5082    daz ich dem süezen wîbe

Verse: 5083    erledige ir gesellen.
Verse: 5084    du solt den tievel vellen,

Verse: 5085    wand er der werlte schaden tuot."
Verse: 5086    der segen gap im vesten muot

Verse: 5087    zuo der ängestlîchen nôt.
Verse: 5088    sus kêrte der riter in den tôt

Verse: 5089    gegen dem wurme vreissam;
Verse: 5090    mit beiden handen er dô nam

Verse: 5091    die glävîe, wan si was starc;
Verse: 5092    dô truoc in sîn schoene marc

Verse: 5093    ûf den wurm dâ er gie;
Verse: 5094    die glävîe er sîgen lie

Verse: 5095    daz sîn der wurm niht ensach;
Verse: 5096    durch sîn herze er im stach

Verse: 5097    den schaft unz an die hant gar
Verse: 5098    ê er des mannes würde gewar:
Verse: 5099    sô snellîche kom er dar.


Verse group: (127) 
Verse: 5100    Als er des stiches dâ enpfant,
Verse: 5101    dô begunder lüewen sâ zehant

Verse: 5102    daz der walt al erhal.
Verse: 5103    sich huop dâ manic grôzer val

Verse: 5104    von den starken esten;
Verse: 5105    die boume begunden bresten

Verse: 5106    dâ der wurm nâch im sluoc;
Verse: 5107    sîn snellez ors in danne truoc.

Verse: 5108    die vier gesellen liez er dâ;
Verse: 5109    nâch dem rîter kêrter sâ

Verse: 5110    und hêt in harte schiere ervarn;
Verse: 5111    sîn kraft moht in des niht bewarn

Verse: 5112    ern zarte im abe daz îsen;
Verse: 5113    die ringe begunden rîsen

Verse: 5114    als ez wære ein dürrez strô;
Verse: 5115    dem edeln rîter nam er dô

Verse: 5116    sîne kraft und sînen sin;
Verse: 5117    alsô töunde druhte er in

Verse: 5118    daz im daz bluot zer nase dranc
Verse: 5119    und ouch zen ôren ûz spranc;

Verse: 5120    sus warf er in als einen bal
Verse: 5121    eine rise hin zetal;

Verse: 5122    dâ belac er bî dem breiten sê.
Verse: 5123    owê, jâmer und owê,

Verse: 5124    daz er sô jæmerlîche lac
Verse: 5125    des herze ie niwan tugent pflac!

Verse: 5126    er hêt daz swert in sîner hant;
Verse: 5127    beidiu schilt und îsengwant

Verse: 5128    wâren an im zedrücket.
Verse: 5129    sîn leben hêt gezücket

Verse: 5130    der tôt vil nâch mit jâmer hin:
Verse: 5131    âne maht und âne sin

Verse: 5132    belac der rîter mit dem rade
Verse: 5133    ûf des breiten sêwes stade.

Verse: 5134    ouch was der übel wurm tôt,
Verse: 5135    von dem daz lant grôze nôt

Verse: 5136    hêt gehabet mangen tac.
Verse: 5137    daz schoene ros ouch bî im lac

Verse: 5138    zezerret und zebrochen;
Verse: 5139    sus hêt er sich gerochen;
Verse: 5140    ouch lac er dâ erstochen.


Verse group: (128) 
Verse: 5141    Als ich iu ê gesaget hân,
Verse: 5142    diu vrouwe diu dâ klagte ir man,

Verse: 5143    der was ir gesinde komen;
Verse: 5144    daz hêt ouch si zuo zir genomen

Verse: 5145    und îlte dem pfade balde nâch.
Verse: 5146    zir gesellen was ir gâch

Verse: 5147    daz si den tôt mit im dâ kür:
Verse: 5148    dâ hêt si niht die werlt vür

Verse: 5149    genomen gar vür eigen;
Verse: 5150    si mohte lihte erzeigen

Verse: 5151    got ir herze und ir muot,
Verse: 5152    wand er übel unde guot

Verse: 5153    erkennet ê dan ez geschiht;
Verse: 5154    vor den werken er wol siht

Verse: 5155    swaz daz mensche tuon wil;
Verse: 5156    sinem gewalte ist niht ze vil.

Verse: 5157    er reiner got bekande wol
Verse: 5158    daz ir herze was triuwen vol,

Verse: 5159    wand im triuwe liep ist;
Verse: 5160    dô liez er si in kurzer vrist

Verse: 5161    vinden ir vil lieben man.
Verse: 5162    dâ hêt er wunder an getân

Verse: 5163    daz er sîn leben ie behielt,
Verse: 5164    sô vaste sô der wurm vielt

Verse: 5165    umb in sînen starken zagel.
Verse: 5166    er druhte nider als der hagel

Verse: 5167    allez daz er begreif,
Verse: 5168    swâ der wurm hin sleif.

Verse: 5169    owê der jæmerlîchen nôt!
Verse: 5170    die drîe gesellen wâren tôt

Verse: 5171    und lâgen bî im nâhen.
Verse: 5172    dô si die rîter sâhen

Verse: 5173    dir ir mâge wâren,
Verse: 5174    dô begunden si gebâren

Verse: 5175    daz ez was zerbarmen.
Verse: 5176    diu vrouwe mit beiden armen

Verse: 5177    ir gesellen umbe vie.
Verse: 5178    si sprach lieber herre, wie

Verse: 5179    gehabt ir iuch? mugt ir genesen?"
Verse: 5180    jâ, wil mir got gnædic wesen,"

Verse: 5181    sprach der halptôte man,
Verse: 5182    ân den ich niht genesen kan,

Verse: 5183    sô trûwe ich wol mîn werde rât.
Verse: 5184    ein rîter mich erlediget hât

Verse: 5185    und dise tôten drîe;
Verse: 5186    mit einer glävîe

Verse: 5187    sluoc er in daz ichz sach;
Verse: 5188    groezer liep mir nie geschach,

Verse: 5189    wand ich was et vil nâch tôt."
Verse: 5190    dô wart [dâ] vil manic ouge rôt

Verse: 5191    vor vreuden und vor leide,
Verse: 5192    wan si tâten beide,

Verse: 5193    si lachten unde weinden,
Verse: 5194    mit vreuden si daz meinden -

Verse: 5195    daz ir herre was genesen;
Verse: 5196    dâ wider muosens alle wesen

Verse: 5197    trûric von den tôten;
Verse: 5198    daz si sô unverschrôten

Verse: 5199    âne wer verlurn ir lîp,
Verse: 5200    daz klaget man unde wîp.

Verse: 5201    deiswâr, si wâren klägelîch;
Verse: 5202    geburt unde guotes rîch;
Verse: 5203    des alles wâren si gelîch.


Verse group: (129) 
Verse: 5204    Diu vrouwe ir gesellen nam.
Verse: 5205    als ez ir êren wol gezam,

Verse: 5206    die tôten hiez sî bâren
Verse: 5207    die mit ir dâ wâren

Verse: 5208    ûf diu ros, und vuorte hin
Verse: 5209    beidiu vlust und gewin:

Verse: 5210    die rîter hêt si dâ verlorn;
Verse: 5211    dâ wider hêt si ir erkorn

Verse: 5212    daz ze gewinne dazs ir man
Verse: 5213    lendigen wider gwan

Verse: 5214    den der wurm hêt hin getragen.
Verse: 5215    vor vreuden wolde si niht klagen.

Verse: 5216    die rîter kêrten balde
Verse: 5217    mit jâmer ûz dem walde

Verse: 5218    gegen des herren veste.
Verse: 5219    dâne was dehein gebreste

Verse: 5220    êren noch des guotes.
Verse: 5221    diu vrouwe was ir muotes

Verse: 5222    rîche alsam der tac
Verse: 5223    daz daz hûs sô nâhen lac,

Verse: 5224    in einer halben mîle.
Verse: 5225    in vil kurzer wîle

Verse: 5226    kômens vür daz bürgetor;
Verse: 5227    dâ was michel jâmer vor

Verse: 5228    und von klage grôzer braht.
Verse: 5229    innen des hêt diu naht

Verse: 5230    den tac gar verdrungen.
Verse: 5231    si dûhte in wære gelungen

Verse: 5232    daz si ir herren brâhten wider.
Verse: 5233    von den rossen huop man nider

Verse: 5234    die drîe tôten sâ zehant;
Verse: 5235    vil grôze klage man dâ vant

Verse: 5236    under dem gesinde;
Verse: 5237    ir jâmer wart vil swinde

Verse: 5238    die ir mâge wâren;
Verse: 5239    die tôten ûf den bâren

Verse: 5240    truoc man zuo der wahte.
Verse: 5241    salben manger slahte

Verse: 5242    hiez ir diu vrouwe gwinnen;
Verse: 5243    sus vuorte si mit minnen

Verse: 5244    ir gesellen an guot gemach,
Verse: 5245    dâ im allez guot geschach.
Verse: 5246    diu vrouwe ersûfte unde sprach


Verse group: (130) 
Verse: 5247    Herre geselle, du solt mir sagen
Verse: 5248    ob der wurm sî erslagen."

Verse: 5249    jâ, benamen, wand ich daz sach
Verse: 5250    daz ein rîter durch in stach

Verse: 5251    und daz sîn lût sô vaste schal
Verse: 5252    daz ez durch den walt hal.

Verse: 5253    ouch liez er uns vallen dâ
Verse: 5254    nâch dem rîter kêrter sâ;

Verse: 5255    ich weiz wol si sint beidiu tôt."
Verse: 5256    owê danne! sô wær mîn nôt

Verse: 5257    und mîn klage geniuwet;
Verse: 5258    sîn lîp mich immer riuwet,

Verse: 5259    wand er iuch erlôste,
Verse: 5260    herre, mir ze trôste."

Verse: 5261    sî sprach herre, hât er den lîp
Verse: 5262    verloren umb mich armez wîp,

Verse: 5263    sô wær ich bezzer ungeborn."
Verse: 5264    der herre sprach lâ dînen zorn

Verse: 5265    und dîn ungemüete:
Verse: 5266    waz ob diu gotes güete

Verse: 5267    in durch sîne triuwe ernert?"
Verse: 5268    diu vrouwe sprach der mir ervert

Verse: 5269    ob der selbe rîter lebe,
Verse: 5270    der hât immer mîne gebe!"

Verse: 5271    si hêt an guote grôze kraft,
Verse: 5272    wande sî eine grâfschaft

Verse: 5273    hêt in dem lande;
Verse: 5274    ir namen man erkande

Verse: 5275    in dem lande verre.
Verse: 5276    Morâl hiez der herre;

Verse: 5277    an sîner gebürte was er grôz,
Verse: 5278    vil wol der vürsten genôz;

Verse: 5279    guoter bürge hêt er drî.
Verse: 5280    disiu lac sô nâhen bî

Verse: 5281    dem sêwe daz er rehte vür
Verse: 5282    der vrouwen kemenâten tür

Verse: 5283    sluoc, als ez wint was.
Verse: 5284    dar ûz wâren an das gras

Verse: 5285    gegangen sehs vrouwen
Verse: 5286    zuo dem sêwe schouwen.

Verse: 5287    der mânc lûterlîche schein.
Verse: 5288    nu sâhen si wâ vor in ein

Verse: 5289    schiffelîn vlôz ûf dem sê;
Verse: 5290    dar an wan niht liute mê

Verse: 5291    niwan ein wîp und ir man;
Verse: 5292    den lac grôziu armuot an;

Verse: 5293    si hêten sehs kindelîn;
Verse: 5294    deste spâter muosens sîn

Verse: 5295    nâch ir gewerfte ûf den sê
Verse: 5296    geltes hêten si niht mê

Verse: 5297    niwan ein schif daz si truoc;
Verse: 5298    als in ir dinc ze heile sluoc,

Verse: 5299    sô bejagten si vil kûme ir brôt;
Verse: 5300    der hunger tet in grôzer nôt;

Verse: 5301    ditze was gar ir genist.
Verse: 5302    nu lie si unser herre Krist

Verse: 5303    ze trôste den armen kinden
Verse: 5304    des selben nahtes vinden

Verse: 5305    dâ von ir armuot zergie.
Verse: 5306    got der was erbarmic ie;

Verse: 5307    daz erzeiget er an manger stet,
Verse: 5308    wan swer mit lûterm gebet

Verse: 5309    an in genâde suochet,
Verse: 5310    sîn barmunge in beruochet,

Verse: 5311    als wirz an den buochen lesen
Verse: 5312    ern welle uns genædic wesen,
Verse: 5313    unser einer möhte niht genesen.


Verse group: (131) 
Verse: 5314    Sus liez er sich erbarmen
Verse: 5315    die selben gotes armen

Verse: 5316    und wîste si zuo des sêwes stade,
Verse: 5317    dâ der rîter mit dem rade

Verse: 5318    lac als ein tôter man
Verse: 5319    nâch grase wolde er ûz gân,

Verse: 5320    und vant in alsô ligen dâ;
Verse: 5321    sînem wîbe wincter sâ.

Verse: 5322    er sprach hoere her ze mir:
Verse: 5323    ein wunder wil ich zeigen dir;

Verse: 5324    nu sich, hie lît ein tôter man;
Verse: 5325    der hât den besten harnasch an

Verse: 5326    den ich ie mê gesach."
Verse: 5327    daz wîp zuo dem manne sprach

Verse: 5328    geselle, lâ dîn grasen sîn;
Verse: 5329    hie mit suln unser kindelîn

Verse: 5330    werden wol berâten."
Verse: 5331    ich sagiu wie sim tâten:

Verse: 5332    sîn houbt daz was gekêret nider;
Verse: 5333    daz rihten si ze berge wider;

Verse: 5334    von bluote wârn die riemen
Verse: 5335    sô herte daz sie niemen

Verse: 5336    wol entstricken mohte;
Verse: 5337    dô in daz niene tohte,

Verse: 5338    dô begunden si si snîden.
Verse: 5339    daz er daz muose lîden

Verse: 5340    daz im ein man und ein wîp
Verse: 5341    alsô entnacten sînen lîp,

Verse: 5342    daz möhte got erbarmen.
Verse: 5343    si zugen im von den armen

Verse: 5344    harnasch unde wâfenroc.
Verse: 5345    sus lac er stille alsam ein stoc

Verse: 5346    mit bluote gar berunnen;
Verse: 5347    und hêt er sich versunnen,

Verse: 5348    sô wære ez im beliben dâ.
Verse: 5349    daz wîp ersach den gürtel sâ;

Verse: 5350    der vreute harte sêre ir muot,
Verse: 5351    wand er dûhte et si vil guot;

Verse: 5352    vor dem manne si in stal;
Verse: 5353    zesamne want sin als ein bal

Verse: 5354    daz si ins niht sehen liez;
Verse: 5355    in ir biutel si in stiez.

Verse: 5356    owê, daz ez ie geschach
Verse: 5357    daz dehein wîp sô swach

Verse: 5358    den gürtel in ir hant genam!
Verse: 5359    dem andern tâten si alsam;

Verse: 5360    sus entnacten si in gar.
Verse: 5361    nu nemt, ir guoten liute, war

Verse: 5362    wie jæmerlîch der rîter lac:
Verse: 5363    im was naht unde tac

Verse: 5364    allez ungemeine;
Verse: 5365    sîn leben daz was kleine;

Verse: 5366    iedoch was im der lîp warm.
Verse: 5367    innen des zôch er den arm

Verse: 5368    nâher zuo dem lîbe baz;
Verse: 5369    daz übel wîp ervorhte daz.

Verse: 5370    si sprach nu sich, lieber man,
Verse: 5371    got hât wol zuns getân

Verse: 5372    mit dirre grôzen rîcheit;
Verse: 5373    nu si dir daz vür wâr geseit

Verse: 5374    und lebt er unz an den tac,
Verse: 5375    daz es uns wol geschaden mac;

Verse: 5376    wir suln in baz toeten."
Verse: 5377    des soltu mich niht noeten"

Verse: 5378    sprach der vil getriuwe man,
Verse: 5379    wand er doch niht genesen kan."

Verse: 5380    zwâre er tuot" er sprach niht!"
Verse: 5381    woch, ez dûhte dich ie enwiht

Verse: 5382    swaz ich guotes ie getet."
Verse: 5383    den rîter nam si an der stet

Verse: 5384    bî dem hâre und zôch in
Verse: 5385    gegen dem breiten sêwe hin

Verse: 5386    als si in wolde ertrenken.
Verse: 5387    er sprach mahtu gedenken,

Verse: 5388    sælic wîp, hin ze got?
Verse: 5389    nu was doch daz von sîm gebot

Verse: 5390    daz daz schiffelîn hie her stiez."
Verse: 5391    daz übel wîp er niht enliez

Verse: 5392    dem rîter nemen sînen lîp.
Verse: 5393    ez ist ouch noch ein übel wîp

Verse: 5394    wirser danne dehein man,
Verse: 5395    wan si niht bedenken kan

Verse: 5396    waz ir dar nâch kümftic sî.
Verse: 5397    diu edeln wîp diu sint vrî

Verse: 5398    alles übels, daz weiz ich wol:
Verse: 5399    ir reiniu herze sint güete vol.

Verse: 5400    wol in der daz verdienen kan
Verse: 5401    daz in ein edliu vrouwe an

Verse: 5402    niwan güetlîche siht;
Verse: 5403    erwirbet er dâ anders niht,

Verse: 5404    sô vreut ez in doch verre baz
Verse: 5405    danne ob er verdienet daz,

Verse: 5406    daz im ein unedel wîp
Verse: 5407    gæbe guot unde lîp:

Verse: 5408    swem si vreude wellent geben
Verse: 5409    der mac wol deste gerner leben;

Verse: 5410    dâ von man die vrouwen sol
Verse: 5411    âne mâze haben wol;
Verse: 5412    ir lôn daz gît vil süezen zol.


Verse group: (132) 
Verse: 5413    Ditz was dem hûs sô nâhen
Verse: 5414    daz die vrouwen sâhen

Verse: 5415    den halsberc wîzen
Verse: 5416    und den helm glîzen

Verse: 5417    gegen dem mânen dâ er schein.
Verse: 5418    nu was der sehs vrouwen ein

Verse: 5419    gegangen dar dâ si wol sach
Verse: 5420    swaz man dâ tet unde sprach.

Verse: 5421    ich hân oft vernomen daz,
Verse: 5422    daz man ûf dem wazzer baz

Verse: 5423    verrer hoere dan anderswâ;
Verse: 5424    alsô tet diu vrouwe dâ.

Verse: 5425    si sach wol daz daz übel wîp
Verse: 5426    dem rîter entnacte sînen lîp

Verse: 5427    alsô gar daz dehein
Verse: 5428    vadem an sîm lîbe schein;

Verse: 5429    sus lac er sinne und guotes blôz;
Verse: 5430    ern schamte sich niht hâres grôz,

Verse: 5431    wand ern hôrte noch ensach
Verse: 5432    swaz im leides dâ geschach.

Verse: 5433    nu sach daz herze übel wîp
Verse: 5434    daz sîn wünniclîcher lîp

Verse: 5435    sûberlîch und süeze was;
Verse: 5436    vür in kniete si ûf daz gras

Verse: 5437    und nam sînes lîbes war;
Verse: 5438    dô was er ze wunsche gar

Verse: 5439    wol geschicket über al;
Verse: 5440    sîn hâr was reit unde val,

Verse: 5441    sîn lîp wîz alsam ein snê.
Verse: 5442    dô ersûfte si und sprach owê,

Verse: 5443    ditz ist der aller schoenste man
Verse: 5444    des ich künde ie gewan!

Verse: 5445    mich wundert waz im sî geschehen;
Verse: 5446    in hât niwan der wurm ersehen;

Verse: 5447    an des weide ist er komen;
Verse: 5448    der hât ouch im den lîp benomen,

Verse: 5449    wan swaz dem lendes widervert,
Verse: 5450    daz ist benamen unernert.

Verse: 5451    ditz möhte wol ein vürste sîn;
Verse: 5452    daz ist an sînem wâfen schîn,

Verse: 5453    wan daz ist von golde gar."
Verse: 5454    mit ir goufen truoc si dar

Verse: 5455    des wazzers unde gôz im in;
Verse: 5456    vil lützel maht âne sin

Verse: 5457    enpfie der edel rîter dâ.
Verse: 5458    der gebûr rief dem wîbe sâ;

Verse: 5459    er sprach nu trac den harnasch an:
Verse: 5460    wir suln von dem walde dan

Verse: 5461    balde varn ê ez tage."
Verse: 5462    dô schiet daz wîp mit grôzer klage

Verse: 5463    von dem schoenen lîbe.
Verse: 5464    dem vil übeln wîbe

Verse: 5465    gap diu minne guoten muot,
Verse: 5466    als sie noch vil mangem tuot,

Verse: 5467    wan sie dem kucte sîn leben
Verse: 5468    dem si den tôt ê wolde geben;

Verse: 5469    daz machet sîn vil süezer lîp.
Verse: 5470    ich hoere sagen daz diu wîp

Verse: 5471    nâch grôzer ungüete
Verse: 5472    vil snelle guot gemüete

Verse: 5473    gevâhent von der minne;
Verse: 5474    als ich mich versinne,

Verse: 5475    sô ist mit in daz beste leben
Verse: 5476    daz got der werlte hât gegeben.

Verse: 5477    diu reinen wîp sint alle guot;
Verse: 5478    si geben ofte guoten muot
Verse: 5479    dem der nâch ir willen tuot.


Verse group: (133) 
Verse: 5480    In disen sorgen vuorens dan,
Verse: 5481    daz übel wîp und ir man,

Verse: 5482    wie si ir vunt sô bræhten dar
Verse: 5483    daz sîn niemen würde gewar

Verse: 5484    vür daz hûs in sînem glêt,
Verse: 5485    den er dâ geziunet hêt

Verse: 5486    mit rôre und mit rîse.
Verse: 5487    sus vluzzen si vil lîse

Verse: 5488    unz si ze stade kâmen.
Verse: 5489    den harnasch si dô nâmen

Verse: 5490    und truogen in in ir gemach
Verse: 5491    der vrouwen einiu daz ersach,

Verse: 5492    wand ez was bî ir nâhen.
Verse: 5493    si begunde dar gâhen

Verse: 5494    und luoget durch den zûn dar in;
Verse: 5495    dô sach si allen ir gewin:

Verse: 5496    helm, schilt und îsengwant;
Verse: 5497    ein vackel wart ûf gebrant;

Verse: 5498    dâ bî kosten si ir vunt,
Verse: 5499    der was bezzer danne tûsent pfunt,

Verse: 5500    von golde und von gesteine.
Verse: 5501    ir angest diu was kleine:

Verse: 5502    si wândenz hân verborgen;
Verse: 5503    dô kom ez in ze sorgen

Verse: 5504    daz ez diu vrouwe hêt ersehen.
Verse: 5505    ein man sol ê vil rehte erspehen

Verse: 5506    daz sîn iemen werde gewar,
Verse: 5507    ê er mit tougen dingen dar

Verse: 5508    kome dâz im geschaden mac;
Verse: 5509    ditz ist mîn sit des ich ie pflac.

Verse: 5510    diu vrouwe nam sîn rehte war
Verse: 5511    unz si ersach diu wâfen gar.

Verse: 5512    dô kom ein hunt und bal si an;
Verse: 5513    zir gespiln vlôch si dan.

Verse: 5514    ditz was wol umbe mitte naht.
Verse: 5515    der vrouwen einiu sprach nu maht

Verse: 5516    du uns sagen: wâ wær du hin?
Verse: 5517    dunket dich daz ein guot sin

Verse: 5518    daz du eine von uns gêst?
Verse: 5519    ez kumt vil lîhte daz du bestêst

Verse: 5520    alle dîne unêre dâ."
Verse: 5521    si sprach vrouwe, di rede lâ:

Verse: 5522    ich was niwan zuo dem sê."
Verse: 5523    nu sich, daz ez dir immer mê

Verse: 5524    geschehe! daz wil ich râten dir.
Verse: 5525    ir vrouwen, ez ist zît daz wir

Verse: 5526    gên ze kemenâten."
Verse: 5527    vil lîse si dô trâten

Verse: 5528    und giengen zuo ir vrouwen sâ.
Verse: 5529    diu saz mit grôzer klage dâ

Verse: 5530    bî ir vriunde; der gehabt sich wol;
Verse: 5531    ir herze was ab leides vol

Verse: 5532    umb den rîter, der sîn leben
Verse: 5533    durch si dem tôde hêt gegeben.

Verse: 5534    si sprach ich sol den rîter klagen,
Verse: 5535    wand er durch mich hât erslagen

Verse: 5536    und durch sîne manheit
Verse: 5537    den wurm, der vil grôziu leit

Verse: 5538    disem lande hât getân.
Verse: 5539    beidiu wîp unde man

Verse: 5540    die sîn den tages immer vrô
Verse: 5541    daz si unser herre alsô

Verse: 5542    von dem wurme erlediget hât;
Verse: 5543    ez ist mîn bet und ouch mîn rât,

Verse: 5544    als man sich des tages enstê,
Verse: 5545    daz daz lantvolc allez gê

Verse: 5546    mit ir kriuze in den walt
Verse: 5547    und loben in des gewalt

Verse: 5548    unde des vil süezer trôst
Verse: 5549    si von dem tievel hât erlôst;

Verse: 5550    sô wil ouch ich den selben man
Verse: 5551    mit allen den die ich hân
Verse: 5552    suochen der ez hât getân.


Verse group: (134) 
Verse: 5553    Sîn ors was guot daz er reit,
Verse: 5554    sîn schoener lip [der] was gekleit

Verse: 5555    mit einem halsberge der was wîz;
Verse: 5556    an sînem helme lac grôzer vlîz

Verse: 5557    von gesteine und von golde
Verse: 5558    geworht als er wolde;

Verse: 5559    enmitten ûf dem helme ein rat;
Verse: 5560    daz lief umbe an der stat

Verse: 5561    als er buhurdierte;
Verse: 5562    ein rîcher zobel [der] zierte

Verse: 5563    den liehten helm über al;
Verse: 5564    von golde ein lîste niht ze smal

Verse: 5565    lac im ob den ougen;
Verse: 5566    dar under was vil tougen

Verse: 5567    der helm lûter als ein glas;
Verse: 5568    von genageltem pfelle was

Verse: 5569    sîn wâfenroc, daz marhte ich wol;
Verse: 5570    sîn schilt [was] swarz alsam ein kol,

Verse: 5571    darûffe ein rat von golde.
Verse: 5572    ob ich wünschen solde

Verse: 5573    einen rîter im gelîchen,
Verse: 5574    alsô tugendtrîchen,

Verse: 5575    daz enmöhte weizgot niht geschehen;
Verse: 5576    dâ von wil ich im jehen

Verse: 5577    [des] prîses vür alle diech ie gesach:
Verse: 5578    er was ein krône und ein dach

Verse: 5579    rehter rîterschefte,
Verse: 5580    wand er mit sîner krefte

Verse: 5581    und mit sîner manheit
Verse: 5582    allez disse landes leit

Verse: 5583    ze vreuden hât gemachet,
Verse: 5584    daz manic herze lachet

Verse: 5585    dem der übel wurm Pfetân
Verse: 5586    ofte leide hât getân

Verse: 5587    an vriunden und an guote.
Verse: 5588    nu haben in ir huote

Verse: 5589    alle die mich minnen
Verse: 5590    daz si mir gewinnen

Verse: 5591    doch den lîp, ob er nicht lebe;
Verse: 5592    dar umb enpfâhet ir die gebe

Verse: 5593    daz iu nie deheiner vart
Verse: 5594    alsô wol gelônet wart.

Verse: 5595    michn triegen danne die sinne mîn,
Verse: 5596    sô mohtez wol ein rîter sîn

Verse: 5597    von der tavelrunde,
Verse: 5598    wand ich zeiner stunde

Verse: 5599    der selben rîter einen sach
Verse: 5600    daz er wol hundert sper zerbrach

Verse: 5601    und zwelf vrume rîter vie;
Verse: 5602    bezzer rîter wurden nie

Verse: 5603    dan sie selben rîter sint;
Verse: 5604    bî den zîten was ich ein kint

Verse: 5605    dô ich den selben rîter sach,
Verse: 5606    wan diu rîterschaft geschach

Verse: 5607    vor mînes vater hûse;
Verse: 5608    von dem künige Artûse

Verse: 5609    kom er dar durch rîterschaft;
Verse: 5610    er hêt ellen unde kraft

Verse: 5611    und hiez der herre Gâwein;
Verse: 5612    an sînem schilte was ein

Verse: 5613    guldîn tavelrunde
Verse: 5614    geworht daz niemen kunde

Verse: 5615    ein gewæfen dem gelîche
Verse: 5616    vinden alsô rîche;

Verse: 5617    dar inne was, geloubet mirz,
Verse: 5618    von krîden gemâlt ein wîzer hirz

Verse: 5619    ûf einem berge guldîn:
Verse: 5620    daz selbe wâfen daz was sîn

Verse: 5621    der die rîter alle vie;
Verse: 5622    diu tavel diu dar umbe gie

Verse: 5623    die nevuorte dehein man,
Verse: 5624    als ichz vernomen hân,

Verse: 5625    wan der mit grôzer arbeit
Verse: 5626    und mit sîner manheit

Verse: 5627    die stat hêt errungen;
Verse: 5628    swem sô was gelungen,

Verse: 5629    der vuorte die tavelrunde
Verse: 5630    daz man dâ bî kunde

Verse: 5631    sehen unde wizzen daz
Verse: 5632    er zer tavelrunde saz;

Verse: 5633    daz selbe wâfen ich wol sach,
Verse: 5634    dô mir daz herzeleit geschach,

Verse: 5635    an des rîters schilte,
Verse: 5636    den des niht bevilte

Verse: 5637    ern rit durch mich in den tôt.
Verse: 5638    ob ich den klage, des gêt mir nôt,

Verse: 5639    wand er iuch, herre, erlôste
Verse: 5640    uns allen ze trôste.

Verse: 5641    ich hêt mich iuwer gar bewegen;
Verse: 5642    niwan durch den selben degen
Verse: 5643    ir wært benamen dâ tôt gelegen."


Verse group: (135) 
Verse: 5644    Daz diu vrouwe hêt gesaget,
Verse: 5645    daz mahrte diu vil schoene maget,

Verse: 5646    wan si daz ersehen hêt
Verse: 5647    dâ man ez truoc in den glêt,

Verse: 5648    helm, schilt und isengwant.
Verse: 5649    ûf stuont diu maget sâ zehant;

Verse: 5650    vür ir vrouwen kniete si dô
Verse: 5651    vil gezogenlîche und sprach alsô

Verse: 5652    genâde, liebiu vrouwe mîn!
Verse: 5653    sol daz in iuwern hulden sîn

Verse: 5654    und mac ich sîn geniezen,
Verse: 5655    sô wil ich iu entsliezen

Verse: 5656    ein verholnez mære,
Verse: 5657    dâ mit sich iuwer swære

Verse: 5658    vil lîhte verendet.
Verse: 5659    vrouwe, nu sendet

Verse: 5660    mit mir einen boten dar."
Verse: 5661    diu vrouwe sprach nu sage, war?"

Verse: 5662    si sprach vrouwe, an eine stat
Verse: 5663    dâ den helm und daz rat

Verse: 5664    hât verborgen ein armer man.
Verse: 5665    als ichz von iu vernomen hân,

Verse: 5666    sô ist ez rehte" sprach diu maget
Verse: 5667    als ir uns allen hât gesaget."

Verse: 5668    sô dir got, hâst du wâr?"
Verse: 5669    zwâre, vrouwe, ich sach ez gar,

Verse: 5670    helm, schilt und îsengwant."
Verse: 5671    diu vrouwe sprach ist dir bekant

Verse: 5672    ob der rîter ouch dâ sî?"
Verse: 5673    vrouwe, ich sach dâ niemen bî,

Verse: 5674    niwan ein wîp und ir man."
Verse: 5675    diu vrouwe sprach nû wol dan,

Verse: 5676    rîter unde vrouwen!
Verse: 5677    ich wil die wârheit schouwen

Verse: 5678    wâ der harnasch sî genomen."
Verse: 5679    si sprach vrouwe, ich sach si komen

Verse: 5680    in einem schiffe über den sê.
Verse: 5681    ichn kan iu niht gesagen mê

Verse: 5682    wan daz sin truogen in den glêt
Verse: 5683    der bî uns nâhen stêt;

Verse: 5684    des nam ich alles rehte war."
Verse: 5685    diu vrouwe sprach nu wîse mich dar."

Verse: 5686    sus stuont si ûf und gie dan.
Verse: 5687    dô vunden si den armen man

Verse: 5688    sitzen bî sînem viure.
Verse: 5689    gnâde was im tiure,

Verse: 5690    dar zuo sælde unde guot;
Verse: 5691    ez hêt diu grôze armuot

Verse: 5692    zuo im gehûset in den glêt,
Verse: 5693    dâ selten vreude bî bestêt:

Verse: 5694    diu armuot mit jâmer lît,
Verse: 5695    diu rîcheit niwan vreude gît.

Verse: 5696    dô saz er und betrahte
Verse: 5697    wie er sô manger slahte

Verse: 5698    gezierde von golde
Verse: 5699    sô verkoufen solde

Verse: 5700    daz sîn niemen würde gewar.
Verse: 5701    innen des dô kômen dar

Verse: 5702    die vrouwen alle vür den glêt,
Verse: 5703    den er vil vaste beslozzen hêt.

Verse: 5704    diu vrouwe sprach tuo ûf die tür!"
Verse: 5705    der arme man sprach her vür

Verse: 5706    herre got, waz sol daz sîn?"
Verse: 5707    diu vrouwe sprach lâ mich dar în,

Verse: 5708    od du verliust dînen lîp."
Verse: 5709    nu erkande si wol daz arme wîp.

Verse: 5710    si sprach ez ist mîn vrouwe.
Verse: 5711    lieber man, nu schouwe

Verse: 5712    wie wir sîn verrâten."
Verse: 5713    die tür si ûf tâten

Verse: 5714    und erschrihten hârte sêre dâ von,
Verse: 5715    wan si wârn des ungewon

Verse: 5716    daz si sô spâte iht gienge dâ.
Verse: 5717    diu vrouwe sprach zem manne sâ

Verse: 5718    lieber man, nu tuo durch mich,
Verse: 5719    dar umbe wil ich rîchen dich,

Verse: 5720    eine sache der ich dich bit;
Verse: 5721    dâ verdienstu benamen mit

Verse: 5722    daz dir immer vrumen muoz."
Verse: 5723    der vrouwen viel er vür den vuoz

Verse: 5724    und sprach gebietet über mich:
Verse: 5725    swaz ir gebietet daz tuon ich."

Verse: 5726    diu vrouwe hiez in ûf stân.
Verse: 5727    si sprach du solt mich sehen lân

Verse: 5728    den schilt und daz îsengwant;
Verse: 5729    dar umbe wil ich dir zehant

Verse: 5730    beidiu lîhen unde geben
Verse: 5731    daz du mit vreuden wol maht leben."

Verse: 5732    des begunde er ir genâde sagen.
Verse: 5733    daz îsengwant wart getragen

Verse: 5734    vür die edeln vrouwen dô.
Verse: 5735    si sprach nu wolde ich wesen vrô

Verse: 5736    der mir saget mære
Verse: 5737    wâ der rîter wære

Verse: 5738    des der harnasch ist gewesen;
Verse: 5739    wesse ich ob er wære genesen,

Verse: 5740    sô wær mîn leit verendet."
Verse: 5741    er sprach vrouwe, nu sendet

Verse: 5742    mit mir iuwern boten dan,
Verse: 5743    und welt ir michs geniezen lân,
Verse: 5744    sô zeige ich iu den selben man.


Verse group: (136) 
Verse: 5745    Diu vrouwe sprach entriuwen, jâ."
Verse: 5746    dô gap si im mit vreuden dâ

Verse: 5747    drîzic huobe zeigen
Verse: 5748    und hiez im ûz zeigen

Verse: 5749    daz beste hûs, als er si bat,
Verse: 5750    daz inder stuont in der stat.

Verse: 5751    sus gwan der arme rîchen muot,
Verse: 5752    sælde, sin unde guot.

Verse: 5753    dô vrâget mich mîn kranker sin,
Verse: 5754    des ich gar âne zwîvel bin -

Verse: 5755    sag an, Wirnt, ist daz wâr:
Verse: 5756    mac iemen âne guot gar

Verse: 5757    al der werlt genæmen sîn?"
Verse: 5758    des antwurt ich dem sinne mîn

Verse: 5759    zwâre, jâ! des dunket mich."
Verse: 5760    entriuwen, anders wæne ab ich;

Verse: 5761    waz vrumt dir lîp unde muot,
Verse: 5762    bistu gar âne guot?"

Verse: 5763    nu hoere, daz wil ich dir sagen
Verse: 5764    wie ich ir minne wil bejagen:

Verse: 5765    ich wil zuo den besten gên
Verse: 5766    und wil mit mîner kunst begên

Verse: 5767    und mit mînen zühten daz,
Verse: 5768    daz ich in gevalle baz

Verse: 5769    danne ein guotes rîcher man
Verse: 5770    der deheiner slahte vuoge kan."

Verse: 5771    daz lâ sîn" sprach der sin.
Verse: 5772    sît ich dir sô nütze bin,

Verse: 5773    ich vrum dir als ich beste kan;
Verse: 5774    dân gezwîvel nimmer an."

Verse: 5775    der rede wart ich harte vrô
Verse: 5776    und behabte iedoch den strît alsô

Verse: 5777    daz werder ist ein sinnic man
Verse: 5778    dem der in erkennen kan

Verse: 5779    danne ein man der allen rât
Verse: 5780    âne ganze sinne hât;
Verse: 5781    die rede ir mich niht liegen lât.


Verse group: (137) 
Verse: 5782    Der vrouwen was zer verte ger.
Verse: 5783    si sprach nu brinc balde her

Verse: 5784    ein schif daz uns alle trage."
Verse: 5785    diu naht entweich dem liehten tage,

Verse: 5786    wand er schône ûf gie.
Verse: 5787    den harnasch si zem hûse lie

Verse: 5788    ir rîtern und ir vrouwen;
Verse: 5789    dô begunden si in schouwen.

Verse: 5790    sus vuor si von dem hûse dan.
Verse: 5791    Gwîgâlois, der arme man,

Verse: 5792    der hêt sich ûf gerihtet.
Verse: 5793    sîn hâr was ungeslihtet,

Verse: 5794    bluotic und zeworren.
Verse: 5795    an einen dürren storren

Verse: 5796    leinet er sich biz er bekam.
Verse: 5797    michel wunder in des nam

Verse: 5798    wie er dar komen wære
Verse: 5799    gewandes alsô lære.

Verse: 5800    dô er sich alsô nacket sach,
Verse: 5801    wider sich selben er dô sprach

Verse: 5802    Gwîgâlois, mahtu mir sagen:
Verse: 5803    waz wunders hât dich her getragen

Verse: 5804    od wie stêt dîn dinc alsô?
Verse: 5805    deiswâr, gestuont dîn herze ie hô

Verse: 5806    von minnen, ode wurd ie rîch,
Verse: 5807    dem bistu leider ungelîch.

Verse: 5808    allez mîn leben ist ein troum.
Verse: 5809    ich bin gesetzet an disen boum

Verse: 5810    rehte als ich wilde sî.
Verse: 5811    herre got, nu wis mir bî!

Verse: 5812    des bit ich dich durch dînen tôt:
Verse: 5813    ichn kom nie in sô grôze nôt!

Verse: 5814    ob ich mich reht versinne,
Verse: 5815    sô was diu küniginne

Verse: 5816    mîn muoter, von Syrîe
Verse: 5817    diu süeze Flôrîe.

Verse: 5818    mîn oeheim hiez Jôram,
Verse: 5819    der ze Karidôl nam

Verse: 5820    den rîtern allen dâ ir prîs;
Verse: 5821    er was starc unde wîs.

Verse: 5822    mîn vater hiez her Gâwein
Verse: 5823    und was der besten rîter ein,

Verse: 5824    als mir der schoene man jach
Verse: 5825    den ich zer âventiure sach.

Verse: 5826    Lârîe hiez diu vrouwe mîn;
Verse: 5827    durch der schoene woldich sîn

Verse: 5828    und durch ir lant tôt gelegen;
Verse: 5829    des hêt ich mich vil gar bewegen

Verse: 5830    zer grôzen âventiure.
Verse: 5831    nû bin ich ungehiure.

Verse: 5832    waz touc diu rede? si ist enwiht.
Verse: 5833    Gwîgâlois heize ich niht;

Verse: 5834    ich bin et sus ein armman
Verse: 5835    und sol bûwen disen tan
Verse: 5836    als mîn vater hât getân."


Verse group: (138) 
Verse: 5837    Sus hêt er verzwîvelt gar
Verse: 5838    daz sîner getæte iht wære wâr

Verse: 5839    od daz er ie würde rîch,
Verse: 5840    wan dem saz er ungelîch.

Verse: 5841    vil schône schein der liehte tac.
Verse: 5842    nu sach er wâ bî im lac

Verse: 5843    diu tiure tasche pfellîn
Verse: 5844    die im diu liebe vrouwe sîn

Verse: 5845    gap ze stiure in den tôt;
Verse: 5846    dar inne lac daz reine brôt

Verse: 5847    verborgen und der süeze bluot.
Verse: 5848    des wart er vrô und dûhte in guot

Verse: 5849    daz im iht beliben was;
Verse: 5850    nider greif er ûf daz gras

Verse: 5851    und nam die taschen in die hant.
Verse: 5852    mit jâmer wart er dô ermant

Verse: 5853    der schoenen magt Lârîen.
Verse: 5854    owê" begunder schrîen

Verse: 5855    daz ich ie wart geborn!
Verse: 5856    nu hân ich guot und sin verlorn;
Verse: 5857    dar zuo lîd ich den gotes zorn."


Verse group: (139) 
Verse: 5858    Ditz jæmerlîche wort owê"
Verse: 5859    erhôrte diu vrouwe ûf dem sê,

Verse: 5860    wand ez nâhen bî ir geschach.
Verse: 5861    zuo dem manne si dô sprach

Verse: 5862    lieber man, du solt mir sagen,
Verse: 5863    eine stimme hoere ich hie klagen,

Verse: 5864    ob du wizzest wâ ez sî."
Verse: 5865    vrouwe, ez ist hie nâhen bî,

Verse: 5866    dâ ich den tôten rîter liez."
Verse: 5867    daz schif dô zuo dem stade stiez

Verse: 5868    in eine grôze wilde.
Verse: 5869    dâ was dehein gevilde

Verse: 5870    niwan berge unde tal,
Verse: 5871    mit starken boumen über al

Verse: 5872    bewahsen und vervallen.
Verse: 5873    mit ir gesellen allen

Verse: 5874    diu vrouwe ûz dem schiffe gie.
Verse: 5875    vil grôzer jâmer si gevie

Verse: 5876    daz si den rîter alsô vant.
Verse: 5877    diu scham hiez in sâ zehant

Verse: 5878    von den liuten vliehen.
Verse: 5879    dô begunde in nider ziehen

Verse: 5880    sînes lîbes siecheit.
Verse: 5881    diu scham in dô des überstreit

Verse: 5882    daz er von den liuten lief.
Verse: 5883    diu vrouwe im dô nâch rief.

Verse: 5884    si sprach herre, wâ welt ir hin?
Verse: 5885    gewunnet ir ie guoten sin,

Verse: 5886    deiswâr, dem tuot ir ungelîch.
Verse: 5887    nu kêret wider: ich mache iuch rîch;

Verse: 5888    alles des ir an mich gert
Verse: 5889    des sît benamen von mir gewert.

Verse: 5890    ich sihe wol daz iu wê tuor
Verse: 5891    diu scham [und] iuwer armuot

Verse: 5892    und iuwers lîbes siecheit.
Verse: 5893    ich wil mit triuwen iuwer leit

Verse: 5894    wenden, swâ ich mac, zehant.
Verse: 5895    iuwer schoene îsengwant

Verse: 5896    daz ist gevüeret von dem wege;
Verse: 5897    ich hân ez allez in mîner pflege,

Verse: 5898    als ich iuz behalten hân.
Verse: 5899    sît got sô wol hât getân

Verse: 5900    daz ir, herre, genesen sît,
Verse: 5901    ir sult ez haben âne strît.

Verse: 5902    nu kêret wider, rîter guot,
Verse: 5903    wand iuwer tugenthafter muot

Verse: 5904    und iuwer grôziu manheit
Verse: 5905    die nâmen mir mîn herzeleit

Verse: 5906    und gâben mir vreude wider.
Verse: 5907    dô ich mit grôzem jâmer nider

Verse: 5908    was gevallen ûf daz gras,
Verse: 5909    als mir mîn vriunt gezücket was,

Verse: 5910    sô kômet ir und trôstet mich.
Verse: 5911    diu selbe vrouwe bin ich

Verse: 5912    die ir dâ vundet mit grôzer klage.
Verse: 5913    ir sult gelouben daz ich iu sage:

Verse: 5914    ich tuon allez daz ir welt."
Verse: 5915    alrêrst bekande sich der helt

Verse: 5916    und gedâhte ir leides harte wol.
Verse: 5917    diu scham treip in in ein hol

Verse: 5918    dâ vor grôz gerüne was;
Verse: 5919    beidiu mies unde gras

Verse: 5920    brach er vür sînen lîp.
Verse: 5921    dô rief im aber daz reine wîp,

Verse: 5922    wan der walt was sô grôz
Verse: 5923    daz si ir suochens niht genôz.

Verse: 5924    si sprach herre, sît ir guot
Verse: 5925    od gwunnet ir ie guoten muot

Verse: 5926    von deheinem reinen wîbe,
Verse: 5927    sô lât iuwerm lîbe

Verse: 5928    bieten gemach und êre."
Verse: 5929    dône barc er sich niht mêre;

Verse: 5930    er lie sich alsô nacket sehen.
Verse: 5931    daz wære weizgot niht geschehen,

Verse: 5932    wan durch sîne vrouwen.
Verse: 5933    alsus liez er sich schouwen:

Verse: 5934    die sîte kêrte er gegen ir dar,
Verse: 5935    daz si dâ bî næme war

Verse: 5936    daz im diu scham wê tet.
Verse: 5937    einen pelz zôch si an der stet

Verse: 5938    ab ir, der was lûter grâ;
Verse: 5939    den sande si dem rîter dâ;
Verse: 5940    hie mit kleite er sich sâ.


Verse group: (140) 
Verse: 5941    Als er bedahte sînen lîp,
Verse: 5942    dô gie gegen im daz reine wîp.

Verse: 5943    vil minniclîch enpfie si in
Verse: 5944    und leite in an daz schif hin.

Verse: 5945    si sprach lieber herre mîn,
Verse: 5946    ir sult mir willekomen sîn

Verse: 5947    hie in disem lande.
Verse: 5948    ich weiz wol iu ist ande

Verse: 5949    iuwer grôziu armuot;
Verse: 5950    gehabt iuch wol: ich gibiu guot

Verse: 5951    und schaffe iu solhen gemach
Verse: 5952    daz iu nie baz geschach,

Verse: 5953    ob irz von mir nemen welt."
Verse: 5954    vil gerne, vrouwe" sprach der helt.

Verse: 5955    im was gemaches harte nôt.
Verse: 5956    in hêt vil nâch der bitter tôt

Verse: 5957    mit sîner kraft gezücket hin.
Verse: 5958    dô hêt er maht unde sin,

Verse: 5959    sô daz er sich wol versan.
Verse: 5960    mit der vrouwen vuor er dan

Verse: 5961    ûf ir hûs an guot gemach,
Verse: 5962    dâ im allez guot geschach.

Verse: 5963    der wirt selbe gegen im gie.
Verse: 5964    vil minniclîche er in enpfie,

Verse: 5965    dar nâch daz liut über al.
Verse: 5966    sich huop dâ ein vil grôzer schal

Verse: 5967    und gedranc von dem gesinde.
Verse: 5968    diu wîp mit ir kinde

Verse: 5969    diu liefen ûz der stat dar
Verse: 5970    und nâmen des rîters war,

Verse: 5971    der den wurm hêt erslagen.
Verse: 5972    si begunden im genâde sagen

Verse: 5973    und danken sîner manheit.
Verse: 5974    dô badet man in, und wart gekleit

Verse: 5975    dar nâch mit sô rîcher wât
Verse: 5976    daz diu werlt niht bezzers hât.

Verse: 5977    diu vrouwe hiez in mit ir gân
Verse: 5978    in eine kemenâten dan,

Verse: 5979    dâ im allez guot geschach.
Verse: 5980    an disen dingen er wol sach

Verse: 5981    daz si in mit triuwen meinde
Verse: 5982    als si im wol bescheinde,

Verse: 5983    wan si in mit willen werte
Verse: 5984    swes er an si gerte.

Verse: 5985    ouch was er sô bescheiden daz
Verse: 5986    er niht gerte vürbaz

Verse: 5987    noch von niemen niht des nam
Verse: 5988    des im ze nemen niht gezam;
Verse: 5989    des was geprîset ie sîn nam.


Verse group: (141) 
Verse: 5990    Dô er guot gemach dâ vant
Verse: 5991    und sînen siechtuom überwant,

Verse: 5992    des begunde er got genâde sagen,
Verse: 5993    dar under tougenlîche klagen

Verse: 5994    den gürtel und sîn îsengwant.
Verse: 5995    er gedâhte nû sol ich zehant

Verse: 5996    gegen der âventiure varn;
Verse: 5997    wâ mit sol ich mich bewarn

Verse: 5998    sît ich den gürtel han verlorn
Verse: 5999    den ich ze trôste hêt erkorn

Verse: 6000    zallen mînen dingen?
Verse: 6001    noch muoz mir gelingen

Verse: 6002    zer selben âventiure;
Verse: 6003    sin ist nie sô ungehiure

Verse: 6004    ichn welle dâ tôt geligen,
Verse: 6005    od mit der gotes kraft gesigen.

Verse: 6006    noch mac sîn alles werden rât.
Verse: 6007    ich weiz wol, swer den gürtel hât,

Verse: 6008    daz er mirs niht wieder gît;
Verse: 6009    dâ von sol ich ze dirre zît

Verse: 6010    niht vil dar nâch gevrâgen.
Verse: 6011    den lîp wil ich dâ wâgen

Verse: 6012    durch si, der mîn herze gert;
Verse: 6013    und gît man mir mîn schoenez swert,

Verse: 6014    ein ors und mîn îsengwant,
Verse: 6015    sô wil ich rîten zehant

Verse: 6016    zer âventiure, swâ diu ist."
Verse: 6017    nu kom diu vrouwe an der vrist

Verse: 6018    zuo im gegangen unde sprach,
Verse: 6019    wande si wol an im sach

Verse: 6020    daz sîn guot gemüete
Verse: 6021    vil grôziu swære müete;

Verse: 6022    daz siht ouch noch ein ieslîch man
Verse: 6023    mit lîhter kunst dem andern an

Verse: 6024    daz sîn herze swære treit,
Verse: 6025    swen er in sîne hant leit,

Verse: 6026    daz houbet und ez geneiget hât;
Verse: 6027    dar nâch gap si im rât

Verse: 6028    und trôst ze sîner swære -
Verse: 6029    si sprach herre, wære

Verse: 6030    iuwer herze und iuwer muot
Verse: 6031    dem gelîch als ir tuot,

Verse: 6032    daz wær mir inniclîche leit.
Verse: 6033    lieber herre mîn, nu seit

Verse: 6034    mir war umb ir trûric sît."
Verse: 6035    er sprach vrouwe, dâ hân ich zît

Verse: 6036    zer âventiure ze rîten."
Verse: 6037    si sprach welt ir da strîten?"

Verse: 6038    jâ, vrouwe, ich hâns gesworn."
Verse: 6039    owê, sô sît ir verlorn."

Verse: 6040    zwâre, vrouwe, nein ich,
Verse: 6041    und welt ir berâten mich,

Verse: 6042    sô wirt er strîtes von mir gwert.
Verse: 6043    wirt mir mîn harnasch und mîn swert

Verse: 6044    und ein guot ors gegeben,
Verse: 6045    deiswâr, sô mac ich mîn leben

Verse: 6046    gerne wâgen ûf den trôst
Verse: 6047    daz daz lant werde erlôst,

Verse: 6048    ob ich dem heiden an gesige;
Verse: 6049    ist abe daz ich dâ tôt gelige,

Verse: 6050    sô ist manic tuirre rîter tôt.
Verse: 6051    nu helft mir, vrouwe, zuo der nôt,

Verse: 6052    daz ich diu âventiure
Verse: 6053    iht gar ân iuwer stiure

Verse: 6054    alsô vehten müeze;
Verse: 6055    des suoche ich iuwer vüeze.

Verse: 6056    ir seht wol ich bin nacket gar,
Verse: 6057    iedoch wil ich benamen dar;

Verse: 6058    aslô bin ich ûz gevarn."
Verse: 6059    herre, got müez iuch bewarn!

Verse: 6060    des ist iu benamen nôt:
Verse: 6061    ir welt in den gewissen tôt.

Verse: 6062    sît ich iuch niht erwenden kan,
Verse: 6063    sô nemt ein ors daz ich hân,

Verse: 6064    bezzer danne hundert marc;
Verse: 6065    daz ist schoene unde starc.

Verse: 6066    dar zuo gibe ich iu zehant
Verse: 6067    daz aller beste îsengwant

Verse: 6068    daz ie dehein keiser getruoc,
Verse: 6069    dar umbe Brîen Lâmêren sluoc

Verse: 6070    an guoten triuwen dâ er lac.
Verse: 6071    des ist nû vil manic tac

Verse: 6072    daz ez mîn herre, [der] künc Jorêl,
Verse: 6073    Minem wirte bevalch an sîne sêl

Verse: 6074    daz erz behielte unz an die zît
Verse: 6075    swen sîn tohter würde gehît

Verse: 6076    zeinem biderben manne,
Verse: 6077    daz er den harnasch danne

Verse: 6078    im gæbe ze sînem lîbe.
Verse: 6079    er wart von einem wîbe

Verse: 6080    verstoln einem getwerge
Verse: 6081    alrêrst ûz einem berge,

Verse: 6082    dâ ez in mit listen gar
Verse: 6083    hêt geworht wol drîzîc jâr.

Verse: 6084    er ist als ein hemde ringe,
Verse: 6085    mit deheiner slahte dinge

Verse: 6086    mac man in zerbrechen
Verse: 6087    noch dar durch gestechen.

Verse: 6088    welher hande der harnasch sî,
Verse: 6089    und wære er al der werlte bî,

Verse: 6090    daz ez iemen errâte, des isr er vrî.
Verse: 6091    Ich sagiu wie in Lâmwer gewan,

Verse: 6092    als ichz ê vernomen hân.
Verse: 6093    dô man im saget mære

Verse: 6094    daz der harnasch wære
Verse: 6095    in dem lande ze Lîbîâ,

Verse: 6096    dar vuor er mit here sâ
Verse: 6097    und beroubet die stat und daz lant,

Verse: 6098    unz daz man im daz îsengwant
Verse: 6099    in sîn gezelt muose tragen.

Verse: 6100    sît wart er darumb erslagen.
Verse: 6101    daz tet Brîen, der bruoder sîn.

Verse: 6102    der brâht ez zuo Korntîn
Verse: 6103    Jorel, dem lieben herren mîn.

Verse: 6104    Er bevalch ez mînem wirte hie.
Verse: 6105    sît wart ez gezeiget nie

Verse: 6106    deheinem manne, geloubet daz.
Verse: 6107    nu hête wir michel reht, swaz

Verse: 6108    wir iuch möhten gêren
Verse: 6109    und iuwer liep gemêren,

Verse: 6110    daz wir des niht enliezen.
Verse: 6111    diu vrouwe hiez entsliezen

Verse: 6112    den sarbalc dâ er inne lac.
Verse: 6113    dô schut man in ûz an den tac.

Verse: 6114    als er den harnasch rehte ersach,
Verse: 6115    zem reinen wîbe er dô sprach -

Verse: 6116    diu was ein bluome der güete,
Verse: 6117    ir herze in tugent blüete -

Verse: 6118    genâde, vrouwe, dirre gebe,
Verse: 6119    und wizzet, [daz] die wîle ich lebe,

Verse: 6120    daz ich ez immer dienen wil;
Verse: 6121    dirre gebe ist mir ze vil."

Verse: 6122    sînen harnasch truoc man dar.
Verse: 6123    der was zebrochen alsô gar

Verse: 6124    daz er im ze nihze entouc.
Verse: 6125    daz reine wîp in niht betrouc

Verse: 6126    an disem, wan dehein man
Verse: 6127    bezzern harnasch nie gewan.

Verse: 6128    sînen halsberc liez er dâ;
Verse: 6129    in disen begunde in wâfen sâ

Verse: 6130    der wirt und diu wirtin.
Verse: 6131    er sprach herre, nu vüert ir hin

Verse: 6132    wæn ich in den gewissen tôt,
Verse: 6133    wan daz ir aller iuwer nôt

Verse: 6134    sô wol habt überwunden"
Verse: 6135    die vrouwen im dô bunden

Verse: 6136    die îsenhosen an diu bein.
Verse: 6137    sîn herze was herte als ein stein,

Verse: 6138    wand ez nie dâ von erkam
Verse: 6139    swaz er untrôstes ie vernam.

Verse: 6140    die zît hêt er dâ wol vertriben,
Verse: 6141    wand er die naht was dâ beliben.

Verse: 6142    nû was ditz an dem andern tage.
Verse: 6143    ob ir welt daz ich in sage

Verse: 6144    wie er zuo der âventiure rit,
Verse: 6145    sô swîget und horetz mit guotem sit.

Verse: 6146    als er wart gewâfent gar,
Verse: 6147    dô brâhte man im den helm dar

Verse: 6148    mit dem rade guldin;
Verse: 6149    den bant im ûf daz houbet sîn

Verse: 6150    der wirt selbe mit sîner hant.
Verse: 6151    an ein sper man im dô bant

Verse: 6152    einen samît der was rôt:
Verse: 6153    daz bezeichent daz er in den tôt

Verse: 6154    des tages rîten solde.
Verse: 6155    der wirt im dô wolde

Verse: 6156    gegeben hân ze stiure
Verse: 6157    zuo der âventiure

Verse: 6158    einen schilt von eines grîfen klâ.
Verse: 6159    den hiez er im behalten dâ;
Verse: 6160    sînem schilt brâht man im sâ.


Verse group: (142) 
Verse: 6161    Den vuorte er durch diu mære
Verse: 6162    daz er ein rîter wære

Verse: 6163    von der tavelrunde,
Verse: 6164    daz man dâ bî kunde

Verse: 6165    sehen unde wizzen daz
Verse: 6166    er zer tavelrunde saz.

Verse: 6167    sînem wâfenroc leit er an;
Verse: 6168    der was rîche und wol getân,

Verse: 6169    wan daz er was durchstochen
Verse: 6170    und mangen ende zebrochen;

Verse: 6171    den vuorte der helt mêre
Verse: 6172    durch sîner vrouwen êre

Verse: 6173    danne durch sîn armuot;
Verse: 6174    er dûhte in bezzer danne guot.

Verse: 6175    sîn swert striht im daz süeze wîp
Verse: 6176    vil heize weinde umb den lîp

Verse: 6177    und vlêget got vil tiure
Verse: 6178    daz er die âventiure

Verse: 6179    in dâ lieze erwerben,
Verse: 6180    und daz in niht verderben

Verse: 6181    lieze diu gotes güete.
Verse: 6182    dehein ungeloube in müete

Verse: 6183    in dem hûse noch ûf dem wege;
Verse: 6184    er liez ez allez an gotes pflege.

Verse: 6185    swaz im des morgens wider lief
Verse: 6186    od swie vil diu krâ gerief,

Verse: 6187    swie vil der mûsære umbe gevlouc,
Verse: 6188    der ungeloube in niht betrouc.

Verse: 6189    wand er dâ niht ûf ahte.
Verse: 6190    wir hân nu manger slahte

Verse: 6191    bôsheit und gelouben,
Verse: 6192    dâ mit wir uns rouben

Verse: 6193    aller unser sælicheit:
Verse: 6194    ez ist vil mangem manne leit

Verse: 6195    swen im ein wîp daz swert gît;
Verse: 6196    daz lie der rîter âne nît;

Verse: 6197    ern ahte dar ûf niht ein hâr,
Verse: 6198    ez wære gelogen ode wâr;

Verse: 6199    er hêt in gotes gnâde ergeben
Verse: 6200    beidiu sêle unde leben.

Verse: 6201    swaz im des morgens wider gie,
Verse: 6202    dazn gevlôch der rîter nie,
Verse: 6203    wan guoten glouben hêt er ie.


Verse group: (143) 
Verse: 6204    Dô nam er urloup von in dâ.
Verse: 6205    wirt und vrouwen neic er sâ

Verse: 6206    und gnâdet in alles guotes,
Verse: 6207    der werke und ir muotes,

Verse: 6208    dar nâch dem gesinde über al.
Verse: 6209    vil manic guot wunsch âne zal

Verse: 6210    wart im gegeben an der stat.
Verse: 6211    daz liut im allez heiles bat

Verse: 6212    und segenten in in den tôt.
Verse: 6213    sîn dienst er dô in allen bôt

Verse: 6214    und bat den reinen wirt sâ
Verse: 6215    daz er die glävîen dâ

Verse: 6216    bî dem wurme suochte
Verse: 6217    und si im behalten ruochte

Verse: 6218    unz er dar wider kæme,
Verse: 6219    ob er den sic genæme

Verse: 6220    zer selben âventiure.
Verse: 6221    dô gelobt der wirt vil tiure

Verse: 6222    daz er gerne tæte
Verse: 6223    swes er in gebæte.

Verse: 6224    diu vrouwe sprach herre mîn,
Verse: 6225    wir suln iu beidiu immer sîn

Verse: 6226    bereit unsers muotes,
Verse: 6227    lîbes unde guotes,

Verse: 6228    wand iuwer grôziu manheit
Verse: 6229    diu benam mir mîn herzeleit.

Verse: 6230    dô ich in grôzem jâmer lac
Verse: 6231    und deheiner slahte vreude pflac,

Verse: 6232    dô kômet ir und trôstet mich;
Verse: 6233    dâ von ist michel reht daz ich

Verse: 6234    iu dienstes wes undertân
Verse: 6235    swâ ich mac unde kan.

Verse: 6236    ouch bit wir iuch vil verre,
Verse: 6237    ob iuch unser herre

Verse: 6238    den sic lâze erwerben dâ,
Verse: 6239    daz ir danne her wider sâ

Verse: 6240    an guot gemach rîtet
Verse: 6241    als ir dâ gestrîtet."

Verse: 6242    er sprach vrouwe, daz sî getân!
Verse: 6243    iuwer bet bin ich undertân
Verse: 6244    ob mir got des lîbes gan."


Verse group: (144) 
Verse: 6245    Sin ors wart im gezogen dar;
Verse: 6246    daz was in einer varwe gar

Verse: 6247    rehte rôt als ein bluot;
Verse: 6248    dar ûf saz der rîter guot.

Verse: 6249    man reichte im schilt unde sper.
Verse: 6250    von dem hûse kêrt er

Verse: 6251    eine strâze, diu was wol gebant;
Verse: 6252    diu solde in tragen in daz lant

Verse: 6253    ze Glois, dâ der heiden saz.
Verse: 6254    sîn manic gemüete vuocte im daz

Verse: 6255    er die strâze übersach.
Verse: 6256    einem stîge volget er nâch

Verse: 6257    ûz gegen der linken hant,
Verse: 6258    der was grasic unde ungebant.

Verse: 6259    er truoc in verre in den walt,
Verse: 6260    dâ manic boum was gevalt

Verse: 6261    und grôze ronen lâgen.
Verse: 6262    dô begunde in des betrâgen

Verse: 6263    daz er sîn ors allez zôch.
Verse: 6264    ze stîgen er die ronen vlôch.

Verse: 6265    an ein wazzer er dô reit,
Verse: 6266    daz was tief und sô breit

Verse: 6267    daz niht vurtes darüber gie.
Verse: 6268    er gedâhte herre got, wie
Verse: 6269    kum ich über daz wazzer hie?"


Verse group: (145) 
Verse: 6270    Sîn ors hafter vaste
Verse: 6271    zeinem starken aste,

Verse: 6272    wand ern mohte niht vürbaz.
Verse: 6273    swie snel er wære, sîn gên was laz,

Verse: 6274    wand er muose sliefen dâ.
Verse: 6275    nu sach er ûf dem wazzer sâ

Verse: 6276    vliezen einen kleinen vlôz,
Verse: 6277    den ein starkiu wide slôz

Verse: 6278    bî einem stecken zuo dem stade;
Verse: 6279    dar kom der rîter mit dem rade

Verse: 6280    von des waldes enge
Verse: 6281    gesloffen durch gedrenge.

Verse: 6282    er nam den vlôz und zôch in dan
Verse: 6283    dâ er sîn ors hêt lâzen stân.

Verse: 6284    nu was bî im ein holer stein.
Verse: 6285    ûz dem hole sach er ein

Verse: 6286    wîp gegen im loufen dar,
Verse: 6287    diu was in einer varwe gar

Verse: 6288    swarz, rûch als ein ber.
Verse: 6289    vil groziu schone was der

Verse: 6290    und guot gebærde tiure,
Verse: 6291    wan si was ungehiure:

Verse: 6292    ir hâr enpflohten unde lanc,
Verse: 6293    zetal in ir buoc ez swanc.

Verse: 6294    daz houbet grôz, ir nase vlach.
Verse: 6295    daz wîp ûz grôzer riuhe sach

Verse: 6296    als zwô kerzen brünnen dâ.
Verse: 6297    ir brâ lanc unde grâ,

Verse: 6298    grôze zene, wîten munt:
Verse: 6299    zwei ôren hêt si als ein hunt,

Verse: 6300    diu hiengen nider spanne breit.
Verse: 6301    als uns diu âventiure seit,

Verse: 6302    sô was diu schone Lârîe
Verse: 6303    schoner danne ir driê.

Verse: 6304    der rücke was ir ûf gebogen,
Verse: 6305    dâ engegen ein hover ûz gezogen

Verse: 6306    ob dem herzen als ein huot.
Verse: 6307    hêt iemen von ir hôhen muot,

Verse: 6308    dern sach der vrouwen Enîten niht,
Verse: 6309    wan der herre Hartman giht,

Verse: 6310    daz wær gar ûz dem strîte
Verse: 6311    ezn wære vrouwe Enîte

Verse: 6312    ze Kardiol diu schonste maget,
Verse: 6313    als im sîn meister hêt gesaget.

Verse: 6314    ir brüste nider hiengen;
Verse: 6315    die sîten si beviengen

Verse: 6316    gelîch zwein grôzen taschen dâ.
Verse: 6317    als ein grîfe hêt si klâ

Verse: 6318    an den vingern allen.
Verse: 6319    rôt und linde ballen

Verse: 6320    die man an schonen vrouwen siht,
Verse: 6321    ich wæne wol dern hêt si niht:

Verse: 6322    si wârn ir herte als einem bern.
Verse: 6323    swen si ir minne solde wern,

Verse: 6324    daz wær ein sûrez trûten.
Verse: 6325    ir lîp der vrouwen Jeschûten

Verse: 6326    diu dâ was sô sælden rîch,
Verse: 6327    was des tages ungelîch

Verse: 6328    dô si in ir gezelte slief
Verse: 6329    und si Parzivâl an lief.

Verse: 6330    als in lêrte diu muoter sîn,
Verse: 6331    er zôch ir abe ein vingerlîn

Verse: 6332    und nam ir vürspan âne ir danc.
Verse: 6333    ein lützel er mit ir geranc

Verse: 6334    und kuste si an ir rôten munt
Verse: 6335    âne sin: im was unkunt

Verse: 6336    waz es dem herzen vreude gît;
Verse: 6337    dar umbe leit si kumber sît.

Verse: 6338    si wârn gelîch, als ich ez weiz,
Verse: 6339    reht als ein bin einer geiz.

Verse: 6340    disiu was ungehiure;
Verse: 6341    sô was Jeschûten tiure

Verse: 6342    swaz vrouwen lîbe ie missezam.
Verse: 6343    daz lop gît ir her Wolfram,

Verse: 6344    ein wîse man von Eschenbach;
Verse: 6345    sîn herze ist ganzes sinnes dach;
Verse: 6346    leien munt nie baz gesprach.


Verse group: (146) 
Verse: 6347    Daz wîp dûht in unsüeze:
Verse: 6348    starkiu bein, krumbe vüeze

Verse: 6349    hêt si, sus was si gestalt.
Verse: 6350    ein kurziu naht diu machet in alt

Verse: 6351    swer bî ir solde sîn gelegen;
Verse: 6352    sô süezer minne kunde si pflegen.

Verse: 6353    si hiez diu starke Rûel
Verse: 6354    und was so vreislîche snel

Verse: 6355    daz ir dehein tier entran.
Verse: 6356    Ferôz geheizen was ir man.

Verse: 6357    den sluoc Flojîr von Belamunt;
Verse: 6358    den zôch er an des sêwes grunt

Verse: 6359    mit im töunde in sîner nôt;
Verse: 6360    dâ lâgens bî ein ander tôt.

Verse: 6361    sus verlôs si ir lieben man;
Verse: 6362    des wolde si in engelten lân.

Verse: 6363    si lief zuo im âne wer;
Verse: 6364    ir einer sterke was im ein her.

Verse: 6365    desn trûwet der junge rîter niht.
Verse: 6366    von missetriuwe vil ofte geschiht

Verse: 6367    daz den liuten missegêt.
Verse: 6368    swer daz gerne understêt,

Verse: 6369    der sî gewarnet zaller zît:
Verse: 6370    vil lîhte erz anders missegît.

Verse: 6371    alsô übergap erz dâ.
Verse: 6372    daz starke wîp begreif in sâ,

Verse: 6373    wan si endûhte in des niht wert
Verse: 6374    daz er gegen ir sîn swert

Verse: 6375    immer gevuorte,
Verse: 6376    wan grôziu tugent ruorte

Verse: 6377    sîn herze zallen stunden.
Verse: 6378    als er wære gebunden,

Verse: 6379    sô truoc in diu tiuvelin
Verse: 6380    under ir starken armen hin.

Verse: 6381    swie starc der rîter wære
Verse: 6382    und swie wîten mære

Verse: 6383    wær sîn grôziu manheit,
Verse: 6384    diu selbe vrouwe ungemeit

Verse: 6385    truoc in hin als einen sac.
Verse: 6386    owê, daz ich disen tac

Verse: 6387    ie gelebte!"sprach der degen.
Verse: 6388    nû ist mîn kraft gar gelegen;

Verse: 6389    waz touc mir mîn manheit?
Verse: 6390    ditz ist ein jæmerlîchez leit!

Verse: 6391    sol ich alsô verderben
Verse: 6392    und âne wer ersterben

Verse: 6393    von dirre crêatiure?"
Verse: 6394    si tet imz allez tiure

Verse: 6395    beidiu sprechen unde regen.
Verse: 6396    vrouwe Lûnete kunde pflegen

Verse: 6397    des rîters mit dem lewen baz,
Verse: 6398    dô er gevangen bî ir saz.

Verse: 6399    diusiu tet als ir gezam:
Verse: 6400    dem jungen rîter si dô nam

Verse: 6401    die kraft und sîne sinne;
Verse: 6402    guotes wîbes minne

Verse: 6403    was ir trûten ungelîch;
Verse: 6404    sus sint die minne mislîch:
Verse: 6405    diu eine ist arm, diu ander rîch.


Verse group: (147) 
Verse: 6406    Rûel diu ungehiure
Verse: 6407    ergatzt in der âventiure

Verse: 6408    und swaz im liebes ie geschach.
Verse: 6409    daz swert si im von der sîten brach

Verse: 6410    und zôch im abez îsengewant;
Verse: 6411    mit einer wide si im bant

Verse: 6412    beide hende hinder sich.
Verse: 6413    owê leider, nu dunket mich

Verse: 6414    daz er mit sînem lîbe
Verse: 6415    iht kome von disem wîbe,

Verse: 6416    des wær er weizgot unwert!
Verse: 6417    si zôch im ûz sîn eigen swert;

Verse: 6418    bî dem hâre vuorte sin hin;
Verse: 6419    über ein ronen druhte in

Verse: 6420    daz wîb bei sînem hâre, ôwe!
Verse: 6421    nu sprechet, wiez im dâ ergê.

Verse: 6422    daz swert swanc si gegen im her.
Verse: 6423    in dirre nôt gedâht er

Verse: 6424    der schonen magt Lârîen.
Verse: 6425    sîn ors gegunde schrîen

Verse: 6426    und ze weien sêre.
Verse: 6427    dem wîbe enwart niht mêre

Verse: 6428    wan daz sin alsô ligen liez;
Verse: 6429    daz swert si in die scheide stiez

Verse: 6430    und vlôch ûz dem hol zehant
Verse: 6431    ûf ein ander steinwant

Verse: 6432    ein pfat, daz was vil enge,
Verse: 6433    durch michel gedrenge.

Verse: 6434    waz dem wîbe wære,
Verse: 6435    welt ir daz selbe mære

Verse: 6436    horen, daz will ich iu sagen:
Verse: 6437    den wurm den dâ hêt erslagen

Verse: 6438    der rîter mit sîner hant,
Verse: 6439    der kom zuo der steinwant

Verse: 6440    vil oft mit solchen schalle
Verse: 6441    daz die berge alle

Verse: 6442    schullen von sînem lûte
Verse: 6443    nâch des tievels trûte;

Verse: 6444    der wurm wesse si dâ wol.
Verse: 6445    si entran im ofte ûz dem hol

Verse: 6446    ûf ein ander steinwant
Verse: 6447    als ir der zagel wær verbrannt.

Verse: 6448    si vorhte ir sêre; des gienc ir nôt:
Verse: 6449    swaz er begreif, daz was tôt;

Verse: 6450    niemen mohte sich sîn erwern
Verse: 6451    noch vor sînem stanke ernern;

Verse: 6452    dâ von vlôch des tievels trût.
Verse: 6453    dô si erhôrte des rosses lût,

Verse: 6454    dô wânde si er kæme dâ;
Verse: 6455    von dem rîter vlôch si sâ,

Verse: 6456    wan si entrûwet niht genesen,
Verse: 6457    als ez sîn sælde solde wesen

Verse: 6458    der dâ vor ir gebunden lac;
Verse: 6459    vür den trôst sîn zwîvel wac.
Verse: 6460    ditz was wol umbe mitten tac.


Verse group: (148) 
Verse: 6461    Wem kom der tôt sô nâhen ie?
Verse: 6462    âne den tôt gevreischt ich nie

Verse: 6463    angestlîcher iemen ligen;
Verse: 6464    des leben was im gar verzigen.

Verse: 6465    dô si daz swert gegen im swanc,
Verse: 6466    dôn hêt er des deheinen (ge)danc

Verse: 6467    daz er iht lenger solde leben,
Verse: 6468    hêt imz got niht gegeben.

Verse: 6469    des genâde ist niht gelîch;
Verse: 6470    daz erzeiget er aller tägelîch;

Verse: 6471    er nidert hôch gemüete
Verse: 6472    und hohet alls güete;

Verse: 6473    er ermet unde rîchet,
Verse: 6474    den rîchen er gelîchet

Verse: 6475    dem armen, swenne er will.
Verse: 6476    ditz was sînes gwaltes spil,

Verse: 6477    daz er disem küenen man
Verse: 6478    sînen trôst an gewan,

Verse: 6479    den sîn herze ungerne liez;
Verse: 6480    in ganzen zwîvel er in stiez,

Verse: 6481    dâ von er sîne vreude lie.
Verse: 6482    got der was genædic ie;
Verse: 6483    daz erzeigter an disem rîter hie.


Verse group: (149) 
Verse: 6484    Dô er sus an dem tôde lac
Verse: 6485    und daz sîn leben zem tôde wac,

Verse: 6486    dô kom er im ze trôste;
Verse: 6487    sîn erbarmunge in erlôste

Verse: 6488    daz im dehein schade geschach
Verse: 6489    wan daz er vreise vor im sach.

Verse: 6490    dô daz wîp von im dan
Verse: 6491    gevlôch und der gebunden man

Verse: 6492    in dem hole niemen sach,
Verse: 6493    dô stuont er ûf unde sprach

Verse: 6494    "nu hilf mir, herre, süezer got!
Verse: 6495    lâ dîn genâde und dîn gebot

Verse: 6496    an mir schînen: daz êret dich.
Verse: 6497    mit dîner kraft enbinde mich,

Verse: 6498    daz mir mînen jungen lîp
Verse: 6499    iht beneme ein solch wîp

Verse: 6500    diu der helle zæme.
Verse: 6501    wær si doch sô genæme

Verse: 6502    daz ich si möchte an gesehen,
Verse: 6503    sô wær mir deste baz geschehen.

Verse: 6504    herre got, erhore mich!"
Verse: 6505    in dirre bet sô lôste sich

Verse: 6506    diu starke wide dâ er mit
Verse: 6507    gebunden was nâch diebes sit.

Verse: 6508    dô sich diu starke wide enbant
Verse: 6509    und im enbunden wart sîn hant,

Verse: 6510    sînen êrsten grif den tet er nider
Verse: 6511    nâch sînem swerte, daz nam er wider

Verse: 6512    dâ erz bî im ligen sach.
Verse: 6513    er kuste daran unde sprach

Verse: 6514    "ô wol mich, swert, daz ich dich hân!
Verse: 6515    nûn ist weder wîp noch man

Verse: 6516    der mich binde âne wer;
Verse: 6517    ûf dînem knopfe ich des swer

Verse: 6518    die wîle ich daz swert tragen will:
Verse: 6519    ez sî ernest ode ein spil,

Verse: 6520    daz ez mir nimmer mê geschiht,
Verse: 6521    swâ mîn ouge iht des siht

Verse: 6522    daz mînem lîbe geschaden mac,
Verse: 6523    ichn slahe ie doch den ersten slac

Verse: 6524    dem daz ungehiure sî.
Verse: 6525    ditz was aller triuwen vrî,

Verse: 6526    ez hêt mir anders widergesaget.
Verse: 6527    ezn wirt hie nû niht mê geklaget

Verse: 6528    sît ich mîn swert wider hân."
Verse: 6529    sînen harnasch schutter an

Verse: 6530    und gie von dem steine nider
Verse: 6531    balde ze sînem orse wider.

Verse: 6532    von dem aste erz enbant
Verse: 6533    und zôch ez an den vlôz zehant;

Verse: 6534    mit einem aste schielt er in
Verse: 6535    über das breite wazzer hin

Verse: 6536    anderhalbe an daz stat;
Verse: 6537    vil snelle er dâ abe trat

Verse: 6538    und zôch daz ors nâch im dan.
Verse: 6539    sus was genesen der küene man

Verse: 6540    von dirre crêatiure.
Verse: 6541    gegen der âventiure

Verse: 6542    kêrte der edel rîter sâ.
Verse: 6543    eien stîc den vant er dâ,

Verse: 6544    der truoc in an die strâze wider.
Verse: 6545    gegen Glois reit er nider.

Verse: 6546    von der brücke stahten her
Verse: 6547    gegen im sehzig starkiu sper

Verse: 6548    eine mîle ûf dem wege.
Verse: 6549    diu hêt ein rîter in sîner pflege,

Verse: 6550    der was ze harnasche wol,
Verse: 6551    als ze strîte ein rîter sol.

Verse: 6552    er reit ein ors swarz gevar,
Verse: 6553    mit einer kovertiure gar

Verse: 6554    bedecket von samîte;
Verse: 6555    an der zeswen sîte

Verse: 6556    was si grüene alsam ein gras;
Verse: 6557    dâ zer winstern hant si was

Verse: 6558    tunkel rôt als ein bluot.
Verse: 6559    sîn schilt was niuwe unde guot;

Verse: 6560    daz diu buckel solde sîn,
Verse: 6561    daz was ein bloume guldîn,

Verse: 6562    geworht mit grôzem vlîze;
Verse: 6563    von liehter varwe wîze

Verse: 6564    was der schilt über al;
Verse: 6565    von rôtem golde ein lîste smal

Verse: 6566    was geleit ûf den rant;
Verse: 6567    drinne - dâ bî daz was bekannt

Verse: 6568    daz er von Glois ein rîter was -
Verse: 6569    ein sûl, diu glaste als ein glas

Verse: 6570    von lâzûre und von golde;
Verse: 6571    als er leben solde,

Verse: 6572    Machmet dar ûffe saz;
Verse: 6573    dâ bî man solde wizzen daz

Verse: 6574    sich niht erwerte sîm gebot;
Verse: 6575    durch daz vuort er der heiden got.
Verse: 6576    daz wâfen was des rîtes spot.


Verse group: (150) 
Verse: 6577    Ouch vuorte der selbe tievels trût
Verse: 6578    an im eines lewen hût

Verse: 6579    ob einem halsberge wîz.
Verse: 6580    an sînem helme lac grozer vlîz

Verse: 6581    von golde und gesteine,
Verse: 6582    grôz unde kleine,

Verse: 6583    daz was mit vlîze geleit dar în;
Verse: 6584    zaller obrist ein rubîn,

Verse: 6585    der was grozer danne ein ei;
Verse: 6586    den liehten helm teilte enzwei

Verse: 6587    von rôtem golde ein lîste smal.
Verse: 6588    von dem rubîn hin ze tal

Verse: 6589    lützel sîn ob dem satel schein:
Verse: 6590    grôze arme und kurziu bein

Verse: 6591    hêt er nâch der getwerge sit.
Verse: 6592    ich wæn ie iemen baz gestrit

Verse: 6593    danne der vil kurze man
Verse: 6594    dâ vil ofte hêt getan.

Verse: 6595    der âventiure huot er
Verse: 6596    vil mangen tac, daz diu sper

Verse: 6597    niemen gar wider in vertet;
Verse: 6598    ez hêt gesiget an der stet

Verse: 6599    sîn hant an mangem rîter guot,
Verse: 6600    dem vil hôhe stuont sîn muot.

Verse: 6601    swie kurz er wære, sîn kraft was grôz.
Verse: 6602    er hiez der küene Karriôz.

Verse: 6603    sîn muoter was ein wildes wîp;
Verse: 6604    dâ von was im sîn kurzer lîp

Verse: 6605    aller rûch unde stark.
Verse: 6606    sîn gebeine was âne marc

Verse: 6607    nâch dem geslähte der muoter sîn;
Verse: 6608    deste sterker muose er sîn.

Verse: 6609    einem man was er ein her.
Verse: 6610    de lewen vienc er âne wer

Verse: 6611    und sluoc in mit nacter hant;
Verse: 6612    bî der hût was daz bekannt

Verse: 6613    die er dâ ze kleide truoc,
Verse: 6614    daz er den lewen eine sluoc.

Verse: 6615    Karriôz leisierte dort
Verse: 6616    gegen den speren an sîn ort

Verse: 6617    und was im daz vil ungemach
Verse: 6618    daz er disen rîter sach

Verse: 6619    sô vrävelîch dâ rîten.
Verse: 6620    daz er wolde strîten

Verse: 6621    mit im, des gedâht er.
Verse: 6622    mit zorne nam er daz êrste sper,

Verse: 6623    wand ez stahte bî im dâ.
Verse: 6624    gegen dem gaste kêrte er sâ

Verse: 6625    mit hôhem muote, mit ganzer kraft.
Verse: 6626    er vreute sich der rîterschaft

Verse: 6627    und der jost die er dâ nam;
Verse: 6628    her Gwîgâlois der tet alsam;

Verse: 6629    in beiden was zesamne ger.
Verse: 6630    mit ganzer kunst si diu sper

Verse: 6631    under die arme sluogen;
Verse: 6632    zesamne si dô truogen

Verse: 6633    diu ors sô krefticlîche
Verse: 6634    daz si verstâchen glîche

Verse: 6635    mit einer rîchen jost diu sper.
Verse: 6636    ir ietweder gâhte her

Verse: 6637    nâch einem sper an sîn ort,
Verse: 6638    daz ir deweder dehwein wort

Verse: 6639    zuo dem andern nie gesprach;
Verse: 6640    von hôhem muote daz geschach.

Verse: 6641    Karriôz dem was unwert
Verse: 6642    daz er die jost hêt gewert

Verse: 6643    âne vallen wider in.
Verse: 6644    nâch ganzem strîte ranc ie sîn sin.
Verse: 6645    gegen dem gaste kêrte er hin.


Verse group: (151) 
Verse: 6646    Her Gwîgâlois was bereit;
Verse: 6647    mit sînem sper er gegen im reit;

Verse: 6648    an manheit verzaget er nie.
Verse: 6649    Karriôz in dô enpfie

Verse: 6650    mit einem sper daz was starc.
Verse: 6651    zesamne truogen si diu marc

Verse: 6652    mit gelîcher gir, mit solher kraft
Verse: 6653    daz ir ietweders schaft

Verse: 6654    zebrochen in die lüfte spranc
Verse: 6655    und daz diu ros gelîchen wanc

Verse: 6656    an die hahsen tâten nider.
Verse: 6657    ir ietweder gâhte wider

Verse: 6658    dâ er daz næhste sper vant.
Verse: 6659    sus verstâchen si zehant

Verse: 6660    diu sper mit solhem nîde gar
Verse: 6661    daz die schilde goltvar

Verse: 6662    vür stiche wâren dehein guot.
Verse: 6663    dannoch was ir beider muot

Verse: 6664    unverschert an manheit;
Verse: 6665    ir ganziu kraft diu was bereit;
Verse: 6666    ir einen der tôt doch dâ versneit.


Verse group: (152) 
Verse: 6667    Dô in der sper gar zeran
Verse: 6668    und Karriôz sich des versan,

Verse: 6669    eien kolben er gevienc,
Verse: 6670    der im an dem arme hienc;

Verse: 6671    der was von stâle harte grôz.
Verse: 6672    in beide hende er in slôz

Verse: 6673    und reit den jungen rîter an.
Verse: 6674    Gwîgâlois, der küene man,

Verse: 6675    von im nie einen trit gevlôch.
Verse: 6676    sîn swerrt er ûz der scheide zôch

Verse: 6677    und sluoc in ûf den rubîn,
Verse: 6678    daz vil manic liehter schîn

Verse: 6679    von viure gegen im glaste.
Verse: 6680    Karriôz ouch vaste

Verse: 6681    mit sînem kolben ûf in sluoc.
Verse: 6682    ir dwerder dem andern niht vertruoc.

Verse: 6683    dem jungen rîter vrumte daz
Verse: 6684    er ze orse kunde baz

Verse: 6685    strîten danne der kurze man.
Verse: 6686    des kraft was ab sô getân

Verse: 6687    und sîn grôziu manheit:
Verse: 6688    hêt er sich im niht entseit,

Verse: 6689    als er den slac gegen im bôt,
Verse: 6690    er wær von sînen slegen tôt.

Verse: 6691    her Gwîgâlois mit kündicheit
Verse: 6692    wider disem rîter streit

Verse: 6693    unz daz der âbent ane gie.
Verse: 6694    sîn kunst in dô dâ vervie

Verse: 6695    und sîn swert, wan daz was guot,
Verse: 6696    daz er im durch den stâlhuot

Verse: 6697    sluoc eine tiefe wunden.
Verse: 6698    als er der hêt enpfunden,

Verse: 6699    dô was im zuo dem gaste ger.
Verse: 6700    mit beiden handen reicht er

Verse: 6701    nâch im mit grimmen muote.
Verse: 6702    her Gwîgalois mit houte

Verse: 6703    allez vor im wancte dan
Verse: 6704    unz er im aber an gewan

Verse: 6705    einen slac alsam ê;
Verse: 6706    der tet im herzenlîche wê,

Verse: 6707    als er dâ zehant jach,
Verse: 6708    wand er im durch die brust stach

Verse: 6709    mit des schoenen swertes ort.
Verse: 6710    der kurze man der schrei mort

Verse: 6711    und oymê, des giens im nôt:
Verse: 6712    derselbe slac gap im den tôt,
Verse: 6713    des gwalt do über in gebôt.


Verse group: (153) 
Verse: 6714    Als er des tôdes rehte empfant,
Verse: 6715    gegen Glois vlôch er zehant

Verse: 6716    und schrei sô lute daz erschal
Verse: 6717    beidiu berge unde tal

Verse: 6718    und daz der luft sich gegen im kloup.
Verse: 6719    von siner vluht wart der stoup

Verse: 6720    alsô grôz ûf dem wege
Verse: 6721    daz er ûz sîner ougen pflege

Verse: 6722    kom in kurzer wîle,
Verse: 6723    swie er im doch mit île

Verse: 6724    ûf dem wege volget nâch.
Verse: 6725    her Gwîgâlois dô vorm sach

Verse: 6726    einen nebel der was swarz,
Verse: 6727    alse swebel unde harz

Verse: 6728    ensamet brunnen beide
Verse: 6729    über al ûf der heide.

Verse: 6730    dar în vlôch der kurze man;
Verse: 6731    dâ gesiget ouch im der tôt an.

Verse: 6732    der nebel ûz einem mose gie;
Verse: 6733    die aventiure er bevie

Verse: 6734    umbe und umbe als ein rinc.
Verse: 6735    ditz was ein harte vremdez dinc

Verse: 6736    daz nieman her ûz noch drin,
Verse: 6737    als ichs bewîset bin,

Verse: 6738    weder reit noch engie
Verse: 6739    unz daz diu sunne ir schîn verlie,

Verse: 6740    sô daz si entweich der naht;
Verse: 6741    sô was niwan daz mos bedaht;

Verse: 6742    dar ûf legt sich der nebel nider;
Verse: 6743    mit der naht steic er ie wider.

Verse: 6744    ditz was ein vil kurziu zît.
Verse: 6745    an der wîle hêt sich der strît

Verse: 6746    verendet zwischen in beiden;
Verse: 6747    der tôt hêt si gescheiden,

Verse: 6748    als ich iu ê gesaget hân.
Verse: 6749    Karriôz sich niht versan

Verse: 6750    und wolde durch den nebel dan
Verse: 6751    gevlohen sîn; dô was er an

Verse: 6752    in gevallen als ein harz.
Verse: 6753    sin wâfen daz was ellez swarz

Verse: 6754    daz ê in liehter varwe schein;
Verse: 6755    sin ros was als ein bechstein

Verse: 6756    erstarret und bestecket;
Verse: 6757    der nebel hêt in bedecket

Verse: 6758    dicker danne eins mannes hant;
Verse: 6759    alsô tôten er in vant

Verse: 6760    swenne der nebel nider gie,
Verse: 6761    swaz er under im bevie,

Verse: 6762    daz lîmte er zesamne gar.
Verse: 6763    dô des der riter wart gewar

Verse: 6764    der nâch der âventiure reit,
Verse: 6765    sîn rîten er dar în vermeit

Verse: 6766    unz er sich ûf das mos gelie.
Verse: 6767    eine strâze er dô gevie,

Verse: 6768    diu was gebrücket über daz mos;
Verse: 6769    dar an trouc in sîn schoenez ros,

Verse: 6770    nu was diu selbe strâze
Verse: 6771    wol eines schuzzes mâze

Verse: 6772    gebrücket meisterlîche;
Verse: 6773    da ûf harte rîche

Verse: 6774    von marmel ein tor gemûret lac,
Verse: 6775    des ein rat von êre pflac;

Verse: 6776    daz lief umbe vor dem tor
Verse: 6777    ûf îsenînen siulen enbor.

Verse: 6778    ez treip ein wazzer daz was grôz;
Verse: 6779    durch daz vûle mos ez vlôz.

Verse: 6780    daz rat mit keften umbe gie;
Verse: 6781    durch daz tor ez niemen lie.

Verse: 6782    daz hêt Rôaz gemeistert dar.
Verse: 6783    mit scharfen swerten was ez gar

Verse: 6784    und mit kolben wol beslagen.
Verse: 6785    wer möht solhes iht an getragen

Verse: 6786    daz in beschirmet vor den slegen?
Verse: 6787    gegen dem tor hielt der degen,

Verse: 6788    wand ern mohte niht vürbaz.
Verse: 6789    vil vliziclîch versouchte er daz

Verse: 6790    bî dem tore al umbe dâ;
Verse: 6791    dône mohte er ninder anderswâ

Verse: 6792    vür komen wan zem tor;
Verse: 6793    dâ lif abe daz rat vor

Verse: 6794    und houte wol der porte
Verse: 6795    mit mangen scharfen orte.

Verse: 6796    dâ von sîn herze jâmer vie.
Verse: 6797    er gedâhte "herre got, wie

Verse: 6798    sol ich nu komen in daz lant?
Verse: 6799    du hâst mich allez her gesant

Verse: 6800    durch vil mange vreise;
Verse: 6801    hilf mir, daz ich reise

Verse: 6802    volbringe als ich hân gedâht,
Verse: 6803    sô hâstuz alles zende brâht

Verse: 6804    mit gnædiclîcher güete.
Verse: 6805    herre got, nu hüete

Verse: 6806    mîn mit dîner krefte hie!
Verse: 6807    ichn kom in solhe vreise nie."
Verse: 6808    der nebel dô wider ûf gie.

Verse: 6809    Des wart der rîter gewar
Verse: 6810    unz daz er sich versûmte gar

Verse: 6811    daz der nebel disehalp sîn
Verse: 6812    mit des leihten mânen schîn

Verse: 6813    gesteic wol zweier schefte hôch.
Verse: 6814    zuo der porte er dô vloch.

Verse: 6815    dône mohter vür noch hinder sich;
Verse: 6816    diu vancnüs die was jæmerlîch,

Verse: 6817    wand in da neimen lôste.
Verse: 6818    nu sprecht wer im ze trôste

Verse: 6819    dâ mohte komen an der stat!
Verse: 6820    vor im umbe lief daz rat,

Verse: 6821    hinder im der nebel stoup,
Verse: 6822    des tropfe velwet grüenez loup.

Verse: 6823    nûne mohte er vür noch wider.
Verse: 6824    von sînem orse erbeizter nider

Verse: 6825    und want sîne hende.
Verse: 6826    hie was der ellende

Verse: 6827    gevangen âne mannes hant!
Verse: 6828    alrêrst wart im untrôst erkant.

Verse: 6829    owê der nôt die er dâ vant!
Verse: 6830    Dô der rîter daz ersach

Verse: 6831    daz im leit und ungemach
Verse: 6832    sô ofte an sîner vart geschach,
Verse: 6833    wider sich selben er dô sprach


Verse group: (154) 
Verse: 6834    "noch mac mîn wol werden rât:
Verse: 6835    wea got mit mir gedâht hât,

Verse: 6836    daz muoz benamen doch geschehen;
Verse: 6837    ich wil ouch im des siges jehen.

Verse: 6838    war umb gehabe ich mich niht wol?
Verse: 6839    wan swaz mir geschehen sol,

Verse: 6840    dazn mac doch niemen understên."
Verse: 6841    die müede begunde in ane gên

Verse: 6842    und der slâf nâch sîner nôt.
Verse: 6843    ûf sînen arm er sich bot

Verse: 6844    an einem stein der dâ lac.
Verse: 6845    sîns rosses er bî dem zoume pfla,

Verse: 6846    des swertes mit der zeswen hant.
Verse: 6847    er sprach "herre, dir ist bekant

Verse: 6848    des mannes herze und sîn mout.
Verse: 6849    du maht wol übel unde gout

Verse: 6850    an mir begên, swerderz du wil.
Verse: 6851    nu soltu dînes gwaltes spil,

Verse: 6852    herre, an mir erzeigen hie,
Verse: 6853    wand ich dich mit herzen ie

Verse: 6854    in mîner jugent geminnet hân,
Verse: 6855    sît ich mich goutes êrst versan.

Verse: 6856    herre got, dir sî gegeben
Verse: 6857    mîn vil zwîvellichez leben

Verse: 6858    in dîne grôze erbarmicheit,
Verse: 6859    wan du erkennest wol herzeleit."
Verse: 6860    hie mit der slâf im an gestreit.


Verse group: (155) 
Verse: 6861    In dirre nôt entslief er.
Verse: 6862    nû habt iu ze râten wer

Verse: 6863    im dâ koeme ze trôste
Verse: 6864    od wer in erlôste.

Verse: 6865    daz tet der süezen magde kint.
Verse: 6866    von des krefte wæte ein wint;

Verse: 6867    der sluoc den nebel vaste nider
Verse: 6868    in daz vûle wazzer wider,

Verse: 6869    daz zer selben stunde
Verse: 6870    daz wazzer begunde

Verse: 6871    dicken von des nebels kraft
Verse: 6872    als vaste daz wol ein schaft

Verse: 6873    dar inne bestecket wære.
Verse: 6874    got ist niht ze swære

Verse: 6875    noch ze grôz sîner kraft.
Verse: 6876    er hât in sîner meisterschaft

Verse: 6877    alle crêatiure,
Verse: 6878    boese unde tiure.

Verse: 6879    die himel stênt in sîm gebot;
Verse: 6880    aller dinge ist er got

Verse: 6881    und diu oberiste krône.
Verse: 6882    swer nâch sînem lône

Verse: 6883    gedienent, der ist sælden kint.
Verse: 6884    ze troste sande er im den wint.

Verse: 6885    den nebel er in daz wazzer treip,
Verse: 6886    daz sîn niht vil dar obe beleip;

Verse: 6887    dâ von ez sîn vliezen lie.
Verse: 6888    daz rat dô nie mêr umbe gie;

Verse: 6889    ez stuont under dem bürgetot.
Verse: 6890    vil michel schal huop sich dâ vor:

Verse: 6891    von sînem kerren daz ez tet
Verse: 6892    der rîter spranc uf an der stet

Verse: 6893    von einem herten troume.
Verse: 6894    daz ors an dem zoume

Verse: 6895    begunde snarchen unde streben,
Verse: 6896    wand ez entrûwet niht lenger leben.

Verse: 6897    dô der rîter het ersehen
Verse: 6898    daz diu geschiht dâ was geschehen,

Verse: 6899    des wart er herzenlîche vrô.
Verse: 6900    einen laden nam er dô.

Verse: 6901    der lac bî im nâhen dâ.
Verse: 6902    in daz rat er leit in sâ

Verse: 6903    und zôch sîn ors drüber zehant.
Verse: 6904    got hêt in durch daz rat gesant

Verse: 6905    nâch sînem willen, als er in bat.
Verse: 6906    dô er von dem rade getrat

Verse: 6907    und sîn ors zuo im gespranc,
Verse: 6908    des sagte er im vil grôzen danc

Verse: 6909    von des genâde ez was geschehen.
Verse: 6910    dô er wolde umbe sehen

Verse: 6911    nâch der âventiure
Verse: 6912    dô hôrter ungehuire

Verse: 6913    eine stimme gegen im schrîen
Verse: 6914    owê, dîner âmîen!

Verse: 6915    diu mac wol klagen: du lîst hie tôt!
Verse: 6916    von dînem bluote werdent rôt

Verse: 6917    und missevar die bluomen hie."
Verse: 6918    diu stimme dô ir schrîen lie.
Verse: 6919    vür den manen ein wolken gie.


Verse group: (156) 
Verse: 6920    Dô der starke wint gelac,
Verse: 6921    der nebel steic, als er ê pflac,

Verse: 6922    ûf gegen dem wolken wider.
Verse: 6923    daz wazzer vlôz zem rade nider

Verse: 6924    und treip ez umbe nâch sîm sit
Verse: 6925    hie was diu âventiure mit

Verse: 6926    beslozzen, als mir ist geseit.
Verse: 6927    her Gwîgâlois mit sorgen reit

Verse: 6928    dô er ûf sîn ors gesaz.
Verse: 6929    diu naht wart sô vinster daz

Verse: 6930    er den wec niht mohte hân.
Verse: 6931    in dirre vinster lief in an

Verse: 6932    ein vremdiu crêatiure;
Verse: 6933    diu bestuont in mit viure.

Verse: 6934    si hêt ein houbet als ein hunt,
Verse: 6935    lange zene, wîten munt,

Verse: 6936    diu ougen tief, viurvar;
Verse: 6937    niderhalp der gürtel gar

Verse: 6938    hêt si eines rosses lîp.
Verse: 6939    weder ez man ode wîp

Verse: 6940    wære, des enweiz ich niht.
Verse: 6941    al uns diu âventiure giht,

Verse: 6942    ob imen daz geloubet -
Verse: 6943    enzwischen gürtel und houbet

Verse: 6944    was sie geschaffen als ein man;
Verse: 6945    breite schoupen wâren dran

Verse: 6946    gewahsen herter danne ein stein;
Verse: 6947    die selben schoupen mohte dehein

Verse: 6948    wâfen wol gesnîden.
Verse: 6949    des muose der rîter lîden

Verse: 6950    von ir grôze swære.
Verse: 6951    waz geschepfte ware,

Verse: 6952    desn kan ich iu niht gesagen.
Verse: 6953    er sach si einen haven tragen,

Verse: 6954    der was grôz, êrîn ;
Verse: 6955    mit listen was ein viuwer drîn

Verse: 6956    gemachet, so daz bran
Verse: 6957    swaz ez wart geworfen an:

Verse: 6958    bein, isen unde stein.
Verse: 6959    daz selbe viur mohte dehein

Verse: 6960    wazzer niht erleschen sô
Verse: 6961    ezn brünne drinne als ein strô;

Verse: 6962    daz selbe viur warf si in an.
Verse: 6963    nu begunde daz ors von ir dan

Verse: 6964    sêre vliehen; des gien im nôt,
Verse: 6965    wandez vorhte den grimmen tôt.

Verse: 6966    dô si im mangen wurf getet,
Verse: 6967    daz ors sich an einer stet

Verse: 6968    niht mohte enthalten, wandez bran
Verse: 6969    sô sêre daz daz blout ran

Verse: 6970    von im ûf daz grüene gras.
Verse: 6971    dô des deheinrât was

Verse: 6972    sîn ors müese verbrinnen dâ,
Verse: 6973    ûf die erde erbeizter sâ

Verse: 6974    und klaget got sîne nôt.
Verse: 6975    den schilt er gegen dem wurfe bôt

Verse: 6976    den der vâlant ûf in tet.
Verse: 6977    zehant enzunde sich daz bret

Verse: 6978    und verbran im von der hant;
Verse: 6979    sîn wafenroc ouch gar verswant

Verse: 6980    von dem selben viure.
Verse: 6981    nu seht, welch âventiure

Verse: 6982    durch sînen muot er muose doln!
Verse: 6983    über einen schrit wold ich niht holn

Verse: 6984    den kumber und die arbeit
Verse: 6985    dei er von sînem muote leit!
Verse: 6986    daz sî iu vür wâr geseit.


Verse group: (157) 
Verse: 6987    Her Gwîgâlois hie blôzer stêt;
Verse: 6988    niht mê er ze schirme hêt

Verse: 6989    niwan sîn barez îsengwant.
Verse: 6990    vil schiere wart im daz bekant

Verse: 6991    daz sînen halsberge lieht
Verse: 6992    daz selbe listviuwer nieht

Verse: 6993    mohte geschade; des wart er vrô.
Verse: 6994    an die geschepfte lief er dô.

Verse: 6995    ouch was ir sô ger an in
Verse: 6996    daz si von dem slage hin

Verse: 6997    niht entweich den er tet.
Verse: 6998    des wart ir an der selben stet

Verse: 6999    daz vierde bein abe geslagen;
Verse: 7000    dazn sol niemen guoter klagen.

Verse: 7001    dô dirre tievel daz hêt ersehen
Verse: 7002    daz im der schade was geschehen,

Verse: 7003    dô warf er den haven dar
Verse: 7004    mit dem viure ûf in gar,

Verse: 7005    daz beidiu helm und swert bran.
Verse: 7006    von dem rîter woldez dan

Verse: 7007    gevlohen sîn sâ zehant.
Verse: 7008    dô wart im mit voller hant

Verse: 7009    geslagen ein tiefiu wunde.
Verse: 7010    von sînem bluote begunde

Verse: 7011    daz viur erleschen dâ ez bran
Verse: 7012    swâ ez kom gesprungen an.

Verse: 7013    dô des der rîter wart gewar,
Verse: 7014    nâch dem bluote greif er dar

Verse: 7015    dâ ez bî im swebte;
Verse: 7016    swâ daz viuwer klebte,

Verse: 7017    daz bluot er dar an streich;
Verse: 7018    zehant daz viur dâ von entweich.

Verse: 7019    sus ernerte sich der degen:
Verse: 7020    und hêt sîn got niht gepflegen,

Verse: 7021    er wær ze tôde dâ verbrant.
Verse: 7022    von im vlôch der vâlant,

Verse: 7023    beidiu man unde ros,
Verse: 7024    gegen dem nebel ûf daz mos

Verse: 7025    und gal sô vreislîche
Verse: 7026    daz daz ertrîche

Verse: 7027    nâch im hal dâ er lief.
Verse: 7028    ûf Glois dô ein stimme rief

Verse: 7029    wâ nû, Rôaz! diu êre ist tôt.
Verse: 7030    hoerst du niht Marrîên nôt,

Verse: 7031    der mit sînem viure
Verse: 7032    pflac der âventiure

Verse: 7033    alle naht? den hoere ich klagen;
Verse: 7034    ich wæne wol er ist erslagen.

Verse: 7035    diu âventiure diu ist entrant,
Verse: 7036    wan dir ist komen in daz lant

Verse: 7037    der dich ganzes strîtes wert,
Verse: 7038    des du ie hâst gegert.

Verse: 7039    sît Marrîên erslagen ist,
Verse: 7040    daz in aller sîn list

Verse: 7041    vor dem tôde niht mohte ernern,
Verse: 7042    sô muostu dich vil kecke wern,

Verse: 7043    od du verliusest dîn schoene wîp,
Verse: 7044    êre, guot und ouch den lîp.

Verse: 7045    ez mac dir wol ze schaden komen
Verse: 7046    daz du den strît dir hâst genomen

Verse: 7047    ze vehten wider in eine.
Verse: 7048    wir müezen alle gemeine

Verse: 7049    im dienstes wesen undertân,
Verse: 7050    gesigt er dînen listen an,

Verse: 7051    wan des hâstu ie gesworn.
Verse: 7052    helt nu rich dînen zorn,
Verse: 7053    od du hâst guot und lîp verlorn!"


Verse group: (158) 
Verse: 7054    Nâch dirre rede diu stimme sweic.
Verse: 7055    der mâne ûz von dem wolken steic

Verse: 7056    und wart sîn schîn lûter gar.
Verse: 7057    dô nam der rîter umb sich war

Verse: 7058    wie daz lant wære getân;
Verse: 7059    dô sach er Glois vor im stân.

Verse: 7060    daz was ein schoene kastel
Verse: 7061    hôch, wît und sinwel,

Verse: 7062    gemûrt mit grôzem vlîze wol.
Verse: 7063    von marmel swarz als ein kol

Verse: 7064    wâren gepfîlært dâ vor
Verse: 7065    in die burc zwei wîtiu tor;

Verse: 7066    daz ander teil der mûre was
Verse: 7067    rôt, grüene als ein gras,

Verse: 7068    von marmelsteine gezieret,
Verse: 7069    mit golde geparrieret,

Verse: 7070    gelûtert als ein agstein.
Verse: 7071    swâ der mâne dar an schein,

Verse: 7072    dâ glaste si als ein spiegelglas.
Verse: 7073    vür daz tor gesetzet was

Verse: 7074    ein grôziu sûl von êre;
Verse: 7075    dien vint man ninder mêre

Verse: 7076    in der werlte anderswâ
Verse: 7077    niwan in Korinthîâ:

Verse: 7078    als êre ist rehte lûter gar
Verse: 7079    als der regenboge gevar,

Verse: 7080    daz man sich drinne möhte ersehen;
Verse: 7081    des muoz man den heiden jehen

Verse: 7082    grôzes listes ze Korntîn.
Verse: 7083    oben was ein rubîn

Verse: 7084    darinne beworht als ein huot;
Verse: 7085    des schîn was ze sehen guot

Verse: 7086    und gap dem herzen wünne.
Verse: 7087    als ein stern dâ brünne,

Verse: 7088    sô brehende er zallen stunden;
Verse: 7089    mit golde was er gebunden.

Verse: 7090    des huoten zwêne rîter dâ,
Verse: 7091    die wâren beide von alter grâ,

Verse: 7092    baz danne hundert jâr alt;
Verse: 7093    ir berte wâren wol gestalt,

Verse: 7094    lanc, dic, ze mâze breit,
Verse: 7095    ir hâr gevlohten unde reit,

Verse: 7096    mit borten wol bewunden.
Verse: 7097    die huoten zallen stunden

Verse: 7098    der siule under einer linden;
Verse: 7099    sine mohte niemen vinden

Verse: 7100    âne wer ze deheiner zît;
Verse: 7101    si wâren ie bereit ûf strît

Verse: 7102    und huoten ouch der porte
Verse: 7103    mit ir scharfem orte

Verse: 7104    beidiu naht unde tac.
Verse: 7105    dô im diu burc sô nâhen lac

Verse: 7106    und er die zwêne rîter sach
Verse: 7107    wider sich selben er dô sprach

Verse: 7108    wes sol ich hie nu lenger stên?
Verse: 7109    ich wil gegen der bürge gên

Verse: 7110    sît ich mîn ors nu hân verlôrn;
Verse: 7111    daz ist unwendic, nu sîz verkorn!"

Verse: 7112    sus gienc er gegen dem bürgetor.
Verse: 7113    sîne hende habter enbor

Verse: 7114    und sach vil tiure hin ze got.
Verse: 7115    er sprach herre, nâch dîm gebot

Verse: 7116    wil ich sêle unde leben
Verse: 7117    in dîne erbarmunge geben,

Verse: 7118    daz du mir ruochest ze helfen hie;
Verse: 7119    swaz ich hân gestriten ie,

Verse: 7120    daz tet ich âne meisterschaft,
Verse: 7121    bärlîch mit dîner kraft;

Verse: 7122    nu hilf mir, herre, des ist mir nôt,
Verse: 7123    daz die liehten bluomen rôt

Verse: 7124    mîn bluot iht roeter mache;
Verse: 7125    daz mînes tôdes iht lache

Verse: 7126    diu ungetriuwe heidenschaft.
Verse: 7127    nu hilf mir, herre, mit dîner kraft,

Verse: 7128    daz ich gesige dem heiden an;
Verse: 7129    sô hâstu wol ze mir getân

Verse: 7130    und ouch volendet mîne gir.
Verse: 7131    herre got, des hilf du mir;
Verse: 7132    sô wil ich immer dienen dir."


Verse group: (159) 
Verse: 7133    Zuo den alten er dô gie.
Verse: 7134    die hêten sich gewâfent hie

Verse: 7135    und sâzen ûf einer grêde.
Verse: 7136    der herren schilte bêde

Verse: 7137    die hiengen an der mûre enbor
Verse: 7138    an zwein nageln vor dem tor.

Verse: 7139    sus kom der junge rîter dar,
Verse: 7140    daz ir deweder des wart gewar,

Verse: 7141    unz er den næchsten schilt gevienc,
Verse: 7142    der an der mûre bî im hienc.

Verse: 7143    zehant als er den schilt begreif,
Verse: 7144    sîn sorge im ein teil entsleif

Verse: 7145    und gewan ze strîte vesten muot;
Verse: 7146    der schilt was im ze schirmen guot.

Verse: 7147    des wurden die rîter vil unvrô;
Verse: 7148    mit grozem nîde liefen dô

Verse: 7149    dise zwêne küene man
Verse: 7150    mit ganzer kunst den einen an

Verse: 7151    und triben in von der porte nider.
Verse: 7152    her Gwîgâlois der sluoc wider

Verse: 7153    under wîlen nâch sîner maht.
Verse: 7154    mit listen er sus mit in vaht:

Verse: 7155    er schirmet mange wîle;
Verse: 7156    dar nâch sluoc er mit île,

Verse: 7157    daz sîu swert vil ofte erklanc
Verse: 7158    und daz ûz den helmen spranc

Verse: 7159    daz viuwer zallen stunden.
Verse: 7160    der eine im eine wunden

Verse: 7161    durch den liehten helm sluoc.
Verse: 7162    den slac er im dô niht vertruoc:

Verse: 7163    den schilt begunder vazzen baz
Verse: 7164    und trat sô nâhen zuo im daz

Verse: 7165    er in wol mohte erreichen;
Verse: 7166    daz swert begunder sleichen

Verse: 7167    under sînem schilte hin
Verse: 7168    und stach im dâ zem gêren in

Verse: 7169    eine wunden diu was wît,
Verse: 7170    daz er dar nâch in kurzer zît

Verse: 7171    tôter viel ûf daz gras.
Verse: 7172    der ander des vil vlîzic was

Verse: 7173    daz er geræche sînen tôt:
Verse: 7174    den schilt er allez vür sich bôt

Verse: 7175    und sluoc ûf in sô vaste
Verse: 7176    daz daz viuwer glaste

Verse: 7177    gegen des liehten mânen schîn
Verse: 7178    und daz daz rat guldîn

Verse: 7179    vil mange scharten dâ enpfie.
Verse: 7180    mit slegen er dô ûf in gie,

Verse: 7181    als in sîn ellen lêrte;
Verse: 7182    daz bluot vil vaste rêrte

Verse: 7183    der junge mit starken wunden.
Verse: 7184    als er der hêt enpfunden,

Verse: 7185    der alte sprach nu lât mich leben!
Verse: 7186    ich wil iu sichern unde geben

Verse: 7187    mînen lîp in iuwer gebot
Verse: 7188    und swer iu bî dem oberisten got

Verse: 7189    daz ich iu diene die wîle ich lebe;
Verse: 7190    und lât ir mir daz zeiner gebe,

Verse: 7191    edel rîter, von iu hân,
Verse: 7192    sô wil ich werden iuwer man

Verse: 7193    und wil iu leisten triuwe
Verse: 7194    immer âne riuwe."

Verse: 7195    der rîter sprach daz sî getân!"
Verse: 7196    vür in begunde der alte man

Verse: 7197    vallen balde ûf sîniu knie.
Verse: 7198    in sîne gnâde er in enpfie

Verse: 7199    und kusten ein ander beide.
Verse: 7200    diu swert si in die scheide

Verse: 7201    mit ganzem vride stiezen;
Verse: 7202    mit triuwen si gehiezen

Verse: 7203    ein ander rehte geselleschaft.
Verse: 7204    diu hêt stæte und ganze kraft

Verse: 7205    under in beiden unz an ir tôt.
Verse: 7206    der alte sprach iuwer nôt

Verse: 7207    diu ist noch unverendet;
Verse: 7208    gît got daz hie geschendet

Verse: 7209    den heiden iuwer manheit,
Verse: 7210    sô habt ir âne arbeit

Verse: 7211    daz lant immer mêre,
Verse: 7212    liute, guot und êre;

Verse: 7213    dar zuo gît man iu die maget,
Verse: 7214    von der schoene man wunder saget,

Verse: 7215    der disiu lant solden sîn,
Verse: 7216    Glois unde Korntîn.

Verse: 7217    mit gewalte ez ir benomen ist;
Verse: 7218    habt ir nu kraft und guoten list,

Verse: 7219    des wirt iu benamen nôt;
Verse: 7220    ir sult ich wern, od ir sît tôt."
Verse: 7221    des volget er im sît erz gebôt.


Verse group: (160) 
Verse: 7222    Er sprach herre, nu sît gemant,
Verse: 7223    welt ir die maget und daz lant

Verse: 7224    erwerben hie, daz ir iuch wert.
Verse: 7225    ist daz iuch got hie ernert,

Verse: 7226    sô habt ir iuwer arbeit
Verse: 7227    vil sæliclîche an geleit.

Verse: 7228    ich sagiu daz vür dise stat
Verse: 7229    dehein rîter nie getrat

Verse: 7230    nâch strîte durch daz bürgetor:
Verse: 7231    man vant ie strîtes gnuoc dâ vor

Verse: 7232    von uns unz an dise stunt.
Verse: 7233    nu ist er tôt und bin ich wunt;

Verse: 7234    daz ist uns von iu geschehen.
Verse: 7235    ich wil iu gerne siges jehen,

Verse: 7236    wand ir sît aller êren wert,
Verse: 7237    der iuch got wol hât gewert,

Verse: 7238    ob ir in der burc gesiget.
Verse: 7239    ist ab daz ir dâ tôt geliget,

Verse: 7240    sô habt ir michel arbeit
Verse: 7241    verlorn in iuwer kintheit."

Verse: 7242    sus sâzen si dâ bêde
Verse: 7243    durch ruowe ûf einer grêde

Verse: 7244    unz si gewunnen niuwe maht.
Verse: 7245    ditz was wol nâch mitter naht.

Verse: 7246    her Gwîgâlois zem alten sprach,
Verse: 7247    dô er die burc beslozzen sach

Verse: 7248    wer entsliuzet mir daz tor?
Verse: 7249    mich dunket, ich sî ze lange hie vor;

Verse: 7250    mîner vreude wil ich ende geben,
Verse: 7251    od mit vreuden lenger leben;

Verse: 7252    des helfet mir, sô sît ir guot."
Verse: 7253    er sprach ich sagiu waz ir tuot:

Verse: 7254    nu rüeret den rinc mit der hant;
Verse: 7255    sâ sô wirt iu daz bekant

Verse: 7256    waz innerhalp der porte ist."
Verse: 7257    dô sûmte er sich unlange vrist;

Verse: 7258    urloup nam er von im dâ.
Verse: 7259    den rinc begunder rüeren sâ

Verse: 7260    sô vaste daz diu burc erhal.
Verse: 7261    zehant huop sich sô grôzer schal

Verse: 7262    als al diu werlt dâ brünne;
Verse: 7263    ez was dehein wünne

Verse: 7264    in dem hûse noch dâ vor;
Verse: 7265    mir zorne slôz man ûf daz tor.

Verse: 7266    dô daz her Gwîgâlois ersach,
Verse: 7267    vil herzenlîche er dô sprach

Verse: 7268    und tet daz kriuze dâ vür sich
Verse: 7269    herre got, behüete mich

Verse: 7270    und wis mîn geleite hie!"
Verse: 7271    in die burc er dô gie;
Verse: 7272    baz gezierde gesach er nie.


Verse group: (161) 
Verse: 7273    In sîner nôt nam er des war
Verse: 7274    daz diu mûre innen gar

Verse: 7275    gegen im von rôtem golde schein
Verse: 7276    und daz vil manic edel stein

Verse: 7277    gegen dem andern glaste;
Verse: 7278    sus gleiz ez allez vaste:

Verse: 7279    die steine gegen dem golde nider,
Verse: 7280    und daz golt gegen in wider.

Verse: 7281    daz was guot ougen weide;
Verse: 7282    in allem sînem leide

Verse: 7283    die gezierde er gerne sach.
Verse: 7284    zehant ein blic vor im geschach,

Verse: 7285    der lûhte rehte alsam der tac;
Verse: 7286    nâch dem blicke kom ein slac

Verse: 7287    als diu burc in einer var
Verse: 7288    zesamne wolde bresten gar,

Verse: 7289    und wart sô vinster umb die want
Verse: 7290    daz er vor im sîne hant

Verse: 7291    niht wol mohte gekiesen.
Verse: 7292    den lîp wânder verliesen

Verse: 7293    in dem selben schalle dâ.
Verse: 7294    sîn schoenez swert vuorter sâ

Verse: 7295    und stuont ze wer als ein ber.
Verse: 7296    dar nâch giengen gegen im her

Verse: 7297    zwelf mägde sûberlîch;
Verse: 7298    der selben mägde ieslîch

Verse: 7299    truoc ein kerzen, diu vaste bran;
Verse: 7300    vil guotiu kleider hêtens an

Verse: 7301    von bunt und von samîte,
Verse: 7302    an ietwederre sîte

Verse: 7303    geteilet gel unde rôt.
Verse: 7304    ir gruoz im dâ deheiniu bôt;

Verse: 7305    si stuonden neben ein ander dâ.
Verse: 7306    von den liehten gesach er sâ.

Verse: 7307    ein palas wart dâ ûf getân,
Verse: 7308    dar în die mägde begunden gân,

Verse: 7309    daz was schoene und sô wît
Verse: 7310    daz er vordes noch sît

Verse: 7311    schoener palas nie gesach;
Verse: 7312    dar în gienc in der rîter nâch

Verse: 7313    und als er zuo in wolde gân,
Verse: 7314    eine porte sach er offen stân

Verse: 7315    von im wol eines wurfes lanc;
Verse: 7316    dar ûz Rôaz gewâfent dranc.

Verse: 7317    vor im mit zouber ein wolken gie;
Verse: 7318    daz wolken sâhen alle die

Verse: 7319    vor im giengen unde nâch;
Verse: 7320    her Gwîgâlois sîn niht ensach.

Verse: 7321    dar inne vuor er der sîn pflac
Verse: 7322    beidiu naht unde tac

Verse: 7323    und dem er sêle unde leben
Verse: 7324    in sîn gebot hêt gegeben.

Verse: 7325    daz was ein tievel, der im ie
Verse: 7326    half unde riet wie

Verse: 7327    er im verlür die sêle gar.
Verse: 7328    ûf den gedingen kom er dar

Verse: 7329    daz si im würde âne strît,
Verse: 7330    wan des dûhte in michel zît.

Verse: 7331    dô wânde Rôaz er wolde im dâ
Verse: 7332    helfen als er anderswâ

Verse: 7333    mit sînen listen hêt getân:
Verse: 7334    dô was gewarnet der junge man

Verse: 7335    mit einem brieve, der im wart
Verse: 7336    gestricket an sîner vart

Verse: 7337    umb sîn swert mit gebet,
Verse: 7338    und mit dem kriuze, daz er tet

Verse: 7339    vür sich dô er zem tor în gie.
Verse: 7340    dâ von getorste der tievel nie

Verse: 7341    zuo im komen nâher baz.
Verse: 7342    vil sêre schûhte der heiden daz;

Verse: 7343    iedoch was er sô manhaft
Verse: 7344    daz er wol mit sîner kraft

Verse: 7345    vor in beiden trûwet genesen,
Verse: 7346    ob ir zwêne wærn gewesen.

Verse: 7347    dâ überdâhte er sich an,
Verse: 7348    wand ez gesigt ein kurzer man

Verse: 7349    vil oft mit kunst an einem der
Verse: 7350    spannen lenger ist dan er.
Verse: 7351    ze strîte was in beiden ger.


Verse group: (162) 
Verse: 7352    Beslozzen wurden dô die tür.
Verse: 7353    Rôaz der gie gewâfent vür,

Verse: 7354    michel als ein gîgant.
Verse: 7355    ein swert truoc er in der hant

Verse: 7356    des ecke nâch dem tôde sneit;
Verse: 7357    daz was wol einer spannen breit.

Verse: 7358    einen schilt er ze schirmen truoc,
Verse: 7359    dâ hêt ein man an genuoc

Verse: 7360    ze tragen übern rücke;
Verse: 7361    er wære zeiner brücke

Verse: 7362    gnuoc starc gewesen über einen bach;
Verse: 7363    dar an er gemâlet sach,

Verse: 7364    als der wirt wolde,
Verse: 7365    von lâzûre und von golde

Verse: 7366    einen tracken vreislîch;
Verse: 7367    von golde was ein buckel rîch

Verse: 7368    und von gesteine drûf geslagen.
Verse: 7369    den moht er mit êren tragen;

Verse: 7370    ze strîte was er wol bereit.
Verse: 7371    eine brünje hêt er an geleit

Verse: 7372    über eine wîzen halsberc,
Verse: 7373    daz was heidenischez werc

Verse: 7374    von breiten blechen hürnîn;
Verse: 7375    mit golde wârn geleit dar în

Verse: 7376    rubîn und manic edel stein,
Verse: 7377    der glast dâ wider ein ander schein,

Verse: 7378    saphîre und berillen.
Verse: 7379    er hêt nâch sînem willen

Verse: 7380    einen helm herter danne ein glas,
Verse: 7381    der ouch des selben stâles was

Verse: 7382    ûz der innern Indîâ,
Verse: 7383    als diu glävîe die er dâ

Verse: 7384    in dem wurme stecken lie.
Verse: 7385    umb den helm ein lîste gie

Verse: 7386    von golde zweier vinger breit;
Verse: 7387    oben was dar in geleit

Verse: 7388    mit gesmelze ein adamas;
Verse: 7389    von golde drûf gemeistert was

Verse: 7390    ein tracke als er lebte
Verse: 7391    und ob dem helme swebte.

Verse: 7392    sîn îsenhosen die wârn guot.
Verse: 7393    sîn herze hêt eins lewen muot

Verse: 7394    ze mänlîchem strîte.
Verse: 7395    sîn wîp, diu vrouwe Japhîte,

Verse: 7396    nâch im mit hôhem muote gie;
Verse: 7397    vor ir zwelf mägde, die

Verse: 7398    wâren sûberlîch genuoc.
Verse: 7399    eine kerzen ir ieslîchiu truoc,

Verse: 7400    grôz, gwunden, diu vaste bran.
Verse: 7401    guotiu kleider hêtens an

Verse: 7402    von pfelle, roc unde dach;
Verse: 7403    gefurrieret man darunder sach

Verse: 7404    lûter veder die wârn bunt.
Verse: 7405    grôziu swære was in unkunt

Verse: 7406    und der wunsch geteilet sô
Verse: 7407    daz si von schulde wâren vrô.

Verse: 7408    ir zobel wâren rîche;
Verse: 7409    ie zwô und zwô gelîche

Verse: 7410    neben ein ander giengen.
Verse: 7411    über die mäntel hiengen

Verse: 7412    ir zöpfe verre hin zetal,
Verse: 7413    wol bewunden über al

Verse: 7414    mit borten und mit sîden.
Verse: 7415    swer von in solde lîden

Verse: 7416    trûten unde minne,
Verse: 7417    dem wæren sîne sinne

Verse: 7418    wol getiuret dâ von.
Verse: 7419    armuot wârens ungewon:

Verse: 7420    ez schein wol an ir rîchen wât
Verse: 7421    daz dehein unrât

Verse: 7422    ir deheiniu nie gewan.
Verse: 7423    ie neben zwein ein spilman

Verse: 7424    vil süeze videlunde gie,
Verse: 7425    der deheiner dem andern nie

Verse: 7426    einen grif übersach.
Verse: 7427    zaller jungest gie dar nâch

Verse: 7428    diu schoene vrouwe Japhîte.
Verse: 7429    daz was gar ûz dem strîte

Verse: 7430    sine wær diu schoenest under in.
Verse: 7431    einen mantel truoc si zobelîn,

Verse: 7432    bedaht mit einem pfelle,
Verse: 7433    den hêt ir ir geselle

Verse: 7434    verre brâht über sê;
Verse: 7435    die würme Salamandrê

Verse: 7436    worhten in in dem viure;
Verse: 7437    dâ von was er tiure

Verse: 7438    und müelîch ze gwinnen
Verse: 7439    andern küniginnen.

Verse: 7440    ir muoter was der selbe berc
Verse: 7441    dâ noch daz sîdîne werc

Verse: 7442    die würme Salamandrê
Verse: 7443    inne würkent alsam ê.

Verse: 7444    der berc ist hol unde wît,
Verse: 7445    mit kreften brinnet er zaller zît

Verse: 7446    in der grôzen Asîâ.
Verse: 7447    dem wurme Salamandrâ

Verse: 7448    durch sîn wunder hât got gegeben
Verse: 7449    in dem viure ein vremdez leben,

Verse: 7450    als wirz an den buochen lesen.
Verse: 7451    niht lebendes drinne mac genesen,

Verse: 7452    ezn verbrinne ze pulver gar;
Verse: 7453    des habt ir ofte genomen war.
Verse: 7454    ditz mære sage ich iu vür wâr.


Verse group: (163) 
Verse: 7455    Sus kom diu vrouwe Japhîte
Verse: 7456    zuo ir vriundes strîte

Verse: 7457    gegangen harte schône.
Verse: 7458    eine guldîne krône

Verse: 7459    truoc diu vrouwe hêre.
Verse: 7460    an ir was vrouwen êre

Verse: 7461    und ganziu triuwe veste.
Verse: 7462    deheiner slahte gebreste,

Verse: 7463    der ie an deheinem wîbe wart,
Verse: 7464    des was ir lîp vil wol bewart,

Verse: 7465    wan daz si ungetoufet was;
Verse: 7466    lûter als ein spiegelglas

Verse: 7467    was si vor anderm meine.
Verse: 7468    vrouwe Japhîte diu reine

Verse: 7469    ûf eine hôhe brücke saz,
Verse: 7470    daz nie dehein brücke baz

Verse: 7471    von betten wart geslihtet,
Verse: 7472    mit tepten wol berihtet,

Verse: 7473    und mit liehten pfellen.
Verse: 7474    dô sach si ir gesellen

Verse: 7475    gewâfent gegen dem gaste gên.
Verse: 7476    die mägde hiez si hôher stên

Verse: 7477    alle neben ein ander dâ.
Verse: 7478    sus huop sich der strît sâ

Verse: 7479    under den herren beiden.
Verse: 7480    geboten hêt der heiden

Verse: 7481    allen den sînen daz
Verse: 7482    benamen bî ir lîbe, swaz

Verse: 7483    im geschaden möhte ein man,
Verse: 7484    swâ si daz möhten understân

Verse: 7485    mit werken od mit ræten,
Verse: 7486    daz si des nicht entæten.

Verse: 7487    ouch was diu vrouwe Japhîte
Verse: 7488    niht strenge an dem strîte

Verse: 7489    swaz er ze lâzen ir gebôt:
Verse: 7490    ê wær si gelegen tôt,

Verse: 7491    swaz er si lâzen hieze,
Verse: 7492    ê si daz niht enlieze.

Verse: 7493    daz wær ouch noch guot wîbes sit,
Verse: 7494    daz si iht harte wider strit

Verse: 7495    und daz mit willen tæte
Verse: 7496    swes si ir vriunt gebæte,
Verse: 7497    sô belibe ir minne stæte.


Verse group: (164) 
Verse: 7498    Rôaz mit zorne zuo im gie;
Verse: 7499    unminniclîche er in enpfie

Verse: 7500    ûf den schilt mit starken slegen.
Verse: 7501    dô entweich im der werde degen

Verse: 7502    mit scherme allez ûf den sal.
Verse: 7503    ouch sluoc er daz der halm erschal

Verse: 7504    under wîlen, als er mohte.
Verse: 7505    swen im sîn slahen tohte,

Verse: 7506    sô sluoc er, daz der schiltes rant
Verse: 7507    sich vil vaste unz ûf die hant

Verse: 7508    kloup engegen der buckel nider.
Verse: 7509    sô treip in abe der heiden wider

Verse: 7510    mit starken slegen gegen der tür.
Verse: 7511    sus entweich er wider unde vür

Verse: 7512    mit listen vür die vrouwen.
Verse: 7513    die schilte wurden zehouwen

Verse: 7514    vil sêre von in beiden.
Verse: 7515    sin getorste niemen scheiden,

Verse: 7516    noch dar zuo gesprechen ein wort,
Verse: 7517    wan der wære gewesen mort

Verse: 7518    von im. des hêt er gesworn.
Verse: 7519    den selben strît hêt er erkorn

Verse: 7520    im ze vehten eine.
Verse: 7521    vrouwe Japhîte diu reine

Verse: 7522    klagte des jungen rîters nôt.
Verse: 7523    si was gewis daz im der tôt

Verse: 7524    dâ von ir vriunde wære beschert.
Verse: 7525    und ist daz er sich des erwert,

Verse: 7526    sô hât ir huote diu sælicheit
Verse: 7527    mit vlîze wol an in geleit,

Verse: 7528    wan sô hât der rîter gar
Verse: 7529    swaz im leides ie gewar

Verse: 7530    mit liebe überwunden
Verse: 7531    und ganze vreude vunden.

Verse: 7532    des was ab si gar âne wân,
Verse: 7533    wan der künic Rôaz, ir man,

Verse: 7534    was ein helt ze sîner hant;
Verse: 7535    sînen gelîchen niemen vant

Verse: 7536    über al die heidenschaft;
Verse: 7537    er hêt mänlîche kraft

Verse: 7538    und ganze kunst ze strîte;
Verse: 7539    des sluoc er wunden wîte;

Verse: 7540    dâ von wart manger sigelôs
Verse: 7541    der sînen lîp von im verlôs.

Verse: 7542    er was gar âne triuwe;
Verse: 7543    sîn herze dâ von riuwe

Verse: 7544    und vil grôze swære gevie,
Verse: 7545    swen er ze guote iht begie;

Verse: 7546    grimmes muotes was er vol.
Verse: 7547    daz erzeiget er disem rîter wol,

Verse: 7548    wand er mit slegen ûf in gie.
Verse: 7549    er sluoc in daz er an diu knie

Verse: 7550    kom vor vrouwen Japhîten.
Verse: 7551    ditz was ein hertez strîten,

Verse: 7552    wandez muose gelten gar,
Verse: 7553    swaz si beide brâhten dar:

Verse: 7554    den lîp, guot und êre.
Verse: 7555    her Gwîgâlois vil sêre

Verse: 7556    sich schamen des begunde
Verse: 7557    und spranc ûf an der stunde,

Verse: 7558    als ez im nie wære geschehen.
Verse: 7559    die vrouwen begunder an sehen;

Verse: 7560    der schoene gap im solhe maht
Verse: 7561    daz er aber mit kreften vaht.

Verse: 7562    dâ von wil ich den vrouwen jehen,
Verse: 7563    daz ir minniclîchez sehen

Verse: 7564    des mannes herze enzündet;
Verse: 7565    ir grôziu schoene schündet

Verse: 7566    ûf aller slahte vrümicheit,
Verse: 7567    ze tugent und ze manheit.

Verse: 7568    daz hoere ich die vrumen sagen,
Verse: 7569    die von in dicke müezen tragen

Verse: 7570    grôze liebe und herzeleit.
Verse: 7571    mîn lop wær in baz bereit,

Verse: 7572    wær mir ir heimlîche bekant;
Verse: 7573    sus schrîb ich mit vremder hant,

Verse: 7574    als der mit golde umbe gêt
Verse: 7575    des in niht grûzwert bestêt.

Verse: 7576    wær ich ein sô werder kneht
Verse: 7577    daz mir ir güete und ir reht

Verse: 7578    baz kunt würde getân,
Verse: 7579    sô schribe ich baz dan ich noch hân;
Verse: 7580    des sint si sus von mir erlân.


Verse group: (165) 
Verse: 7581    Nâch vrouwen minne lît manger tôt;
Verse: 7582    si vüegent jâmer unde nôt,

Verse: 7583    herzeliebe und herzeleit.
Verse: 7584    dise rîter wârn bereit

Verse: 7585    ze dienen nâch ir hulden.
Verse: 7586    der heiden tet ez von schulden,

Verse: 7587    wand er hêt ein schoene wîp;
Verse: 7588    dirre liez ab sînen lîp

Verse: 7589    bliuwen und zehouwen
Verse: 7590    durch sîne liebe vrouwen,

Verse: 7591    die schoenen magt Lârîen,
Verse: 7592    die er zeiner âmîen

Verse: 7593    sînem lîbe hêt erkorn
Verse: 7594    ist daz ez dâ niht wirt verlorn.

Verse: 7595    daz bewarte ouch er vil vaste.
Verse: 7596    der heiden von dem gaste

Verse: 7597    eine wunden in ein bein enpfie
Verse: 7598    diu im an daz herze gie,

Verse: 7599    dâ von er an der stunde
Verse: 7600    vil sêre hinken begunde.

Verse: 7601    dô daz sîn schoene wîp ersach,
Verse: 7602    von grôzem leide ir herze brach;

Verse: 7603    ir swære begunde stîgen
Verse: 7604    und ir vreude sîgen;

Verse: 7605    ir schoene verwandelt sich dâ gar
Verse: 7606    ir antlütze wart missevar,

Verse: 7607    daz ê in hôhem gemüete
Verse: 7608    baz danne ein rôse blüete,

Verse: 7609    ir swæere daz bescheinde
Verse: 7610    daz si in mit triuwen meinde;

Verse: 7611    diu ougen ir über liefen;
Verse: 7612    vil mangen siuften tiefen

Verse: 7613    den nam si ûf von herzen
Verse: 7614    umb ir gesellen smerzen;

Verse: 7615    der tet ir inniclîche wê.
Verse: 7616    dise zwene rîter als ê

Verse: 7617    ein ander vaste umbe triben,
Verse: 7618    unz daz in niht was beliben

Verse: 7619    der schilte wan die riemen.
Verse: 7620    dô schiet si leider niemen,

Verse: 7621    vrouwen, rîter noch kneht;
Verse: 7622    ir gir was zesamne sleht

Verse: 7623    beiden ûf des todes wan;
Verse: 7624    dazn getorste niemen understân.

Verse: 7625    valsches slôz, untriuwen zil
Verse: 7626    daz was der heiden, der daz spil

Verse: 7627    sinem muote hêt erkorn,
Verse: 7628    dar inne der tôt als ein dorn

Verse: 7629    in dem meien blüete,
Verse: 7630    zorn und ungeüüete,

Verse: 7631    daz uns tuot wê, daz tet im wol.
Verse: 7632    sîn barmunge alsam ein kol

Verse: 7633    was, daz gar erloschen ist.
Verse: 7634    des leben hêt deheine vrist,

Verse: 7635    swen sîn mortgirigiu hant
Verse: 7636    an deheinem strîte überwant:
Verse: 7637    des leben wart des tôdes pfant.


Verse group: (166) 
Verse: 7638    Dô vahten si unz an die zit
Verse: 7639    daz ir rîterlicher strît

Verse: 7640    mit grôzem jâmer ende nam.
Verse: 7641    ir ietweder âne scham

Verse: 7642    vil grôze slege da enpfie.
Verse: 7643    geselleschaft diu was hie

Verse: 7644    under in beiden tiure.
Verse: 7645    ir helme mlt viure

Verse: 7646    vil ofte wurden bedaht;
Verse: 7647    sus vâhten si die langen naht.

Verse: 7648    si muosen sich vil vaste wern
Verse: 7649    und mit starken slegen nern,

Verse: 7650    wand ez galt lîp unde guot.
Verse: 7651    si hêten beide mannes muot,

Verse: 7652    beidiu kunst unde kraft;
Verse: 7653    da von was diu rîterschaft

Verse: 7654    herte undet in beiden.
Verse: 7655    her Gwîgâlois den heiden

Verse: 7656    mit des swertes orte nam.
Verse: 7657    dô er im sô nahen kam,

Verse: 7658    er kloup im brunje und îsengwant;
Verse: 7659    durch die brust er im zehant

Verse: 7660    sluoc eine starke wunden,
Verse: 7661    dâ von er überwunden

Verse: 7662    sich dem tôde muose ergeben.
Verse: 7663    sus endet sich der werlte leben;

Verse: 7664    vreude, guot und êre
Verse: 7665    des wirt in niht mêre

Verse: 7666    dan mir des keisers krône;
Verse: 7667    wan swer nâch gotes lône

Verse: 7668    in dirre werlt gedienet hât,
Verse: 7669    swen ez im an die zît gât

Verse: 7670    daz er niht lenger leben sol,
Verse: 7671    der vert sæliclîche wol;

Verse: 7672    alsô müeze ouch uns geschehen.
Verse: 7673    da vrouwe Japhite hêt ersehen

Verse: 7674    daz ir man da tôter lac,
Verse: 7675    ir süezen sit si verpflac

Verse: 7676    und zarte ir sîdîn gewant;
Verse: 7677    mit grôzem jâmer si zehant

Verse: 7678    über in lief dâ er lac.
Verse: 7679    von sînem tôde si erschrac

Verse: 7680    sô sêre daz ir herze brast
Verse: 7681    Iûte als ein dürrer ast,

Verse: 7682    swâ man den bricht enzwei,
Verse: 7683    si viel über in und schrei

Verse: 7684    ein sô jæmerlîche stimme,
Verse: 7685    dehein man wær sô grimme

Verse: 7686    des muotes noch des herzen,
Verse: 7687    hêt er ir jâmers smerzen

Verse: 7688    und ir grôze klage ersehen,
Verse: 7689    im wæer ze weinen geschehen.

Verse: 7690    den helm bant si im abe
Verse: 7691    mit sô grôzer ungehabe

Verse: 7692    daz ez was zerbarmen;
Verse: 7693    mit ir wîzen armen

Verse: 7694    druhte si in alsô tôten
Verse: 7695    an sich; er was verschrôten,

Verse: 7696    mit bluote berunnen gar;
Verse: 7697    des nam si vil Iützel war;

Verse: 7698    si kuste in, als er wære gesunt,
Verse: 7699    vil dicke an sînen tôten munt

Verse: 7700    und weinde in jæmerlîche an.
Verse: 7701    si sprach "owê, lieber man,

Verse: 7702    nu hâstu dînen schoenen lîp
Verse: 7703    verloren umb mich armez wîp;

Verse: 7704    daz tuot mîn herzelîche wê;
Verse: 7705    ouch sol ich mich niht sumen mê

Verse: 7706    ichn werde dîn geselle
Verse: 7707    ze himel od zer helle,

Verse: 7708    swederhalp wir müezen sîn;
Verse: 7709    owê, lieber herre mîn,

Verse: 7710    daz ich dich tôten ie gesach"
Verse: 7711    ir hâr si ûz der swarten brach;

Verse: 7712    daz was minniclîch gevar,
Verse: 7713    reit unde lanc gar.

Verse: 7714    si sprach "wa nu Machmêt?"
Verse: 7715    dîne helfe ich ie hêt

Verse: 7716    ze ganzem trôste und dîn gebot;
Verse: 7717    Machmêt, vil süezer got,

Verse: 7718    ich hân dich geminnet ie;
Verse: 7719    wem hâstu mich nu lâzen hie?

Verse: 7720    er lît tôter hie vor mir,
Verse: 7721    den ich bevalch mit dienest dir,

Verse: 7722    sît ich sîn kunde alrerst gewan.
Verse: 7723    owê, Rôaz, vil lieber man,

Verse: 7724    ich muoz dich klagen, des gêt mir nôt;
Verse: 7725    von dînem tôde bin ich tôt;

Verse: 7726    du wære mîn herze wnd mîn lîp,
Verse: 7727    ich dîn herze und dîn wîp;

Verse: 7728    wir hêten beidiu einen muot:
Verse: 7729    swaz ich wolde, daz dûht dich guot;

Verse: 7730    swaz du woldest, daz wolde ouch ich
Verse: 7731    nu hât der ganze wille sich

Verse: 7732    von dînem tôde gescheiden
Verse: 7733    enzwischen uns beiden;

Verse: 7734    sît dîn herz ie was mîn
Verse: 7735    und aller wille dîn,
Verse: 7736    sô sol dîn tôt mîn tôt ouch sîn!"


Verse group: (167) 
Verse: 7737    Si huop in in ir schôze hie;
Verse: 7738    rnit beiden armen si in umbvie

Verse: 7739    mit sô jæmerlîcher klage,
Verse: 7740    swie truckenlîche ichz dâ sage,

Verse: 7741    da von ir herze dürkel wart.
Verse: 7742    owê der klägelîchen vart

Verse: 7743    und der jæmerlîchen nôt!
Verse: 7744    sus lac si klagend ob im tôt.

Verse: 7745    swie si wær ein heidenin,
Verse: 7746    ganze triuwe und stæten sin

Verse: 7747    mit liebe si an in kerte,
Verse: 7748    als si diu minne lerte,

Verse: 7749    herzeliebe ist arbeit;
Verse: 7750    ir ende bringet herzeleit.

Verse: 7751    daz wart wol an der vrouwen schîn;
Verse: 7752    wær si niht ein heidenîn,

Verse: 7753    sô müese ich klagen ir jamers nôt.
Verse: 7754    hie lâgen samet vieriu tôt:

Verse: 7755    zwô sêle und zwêne libe;
Verse: 7756    dem manne und sînem wîbe,

Verse: 7757    der sêle vor got sint erslagen;
Verse: 7758    solhen tôt sol man klagen.

Verse: 7759    wol in, der dern entrinnen mac
Verse: 7760    und der den êwiclîchen tac

Verse: 7761    verdienet; der hât wol gevarn.
Verse: 7762    er ist ein sælic muoterbarn,

Verse: 7763    swer dise werlt gebûwet alsô
Verse: 7764    daz sînes tôdes sîn sêle ist vrô;

Verse: 7765    des leider nû niht vil ergêt.
Verse: 7766    her Gwîgâlois gestriten hêt,

Verse: 7767    daz er des bluotes was ersigen;
Verse: 7768    er hêt sich alsô gar erwigen

Verse: 7769    daz er vür tôt ouch lac aldâ,
Verse: 7770    sich huop vil groziu klage sâ;

Verse: 7771    in dem hûse über al
Verse: 7772    wart ein jæmerlîcher schal

Verse: 7773    von dem gesinde daz dâ was.
Verse: 7774    si liefen ûf den palas

Verse: 7775    schrîunde owê, und rouften sich;
Verse: 7776    ir klage diu was jæmerlîch

Verse: 7777    umb ir herren der was erslagen.
Verse: 7778    ouch muosen si von schulden klagen

Verse: 7779    des reinen wîbes triuwe,
Verse: 7780    diu von herzenriuwe

Verse: 7781    durch ir gesellen lac dâ tôt,
Verse: 7782    als ir der minne kraft gebôt.

Verse: 7783    diu twinget manic herze;
Verse: 7784    ir ende ist jâmers smerze,

Verse: 7785    als ich iu hie bescheide;
Verse: 7786    liep zergêt mit leide.

Verse: 7787    alsô zergienc ir vreude gar,
Verse: 7788    die si mit ganzer liebe dar
Verse: 7789    hêten braht vil manic jâr.


Verse group: (168) 
Verse: 7790    Owê dir, tôt! du bist ein hagel;
Verse: 7791    vil bitter riuwe treit dîn zagel

Verse: 7792    und jæmerlîchez ende;
Verse: 7793    dîn slôz und dîn gebende

Verse: 7794    bindet und besliuzet daz
Verse: 7795    dâ von diu ougen werdent naz:

Verse: 7796    daz ist jâmer unde leit.
Verse: 7797    ein rîter hie dîn wâfen treit,

Verse: 7798    der ez ie vil gerne gap.
Verse: 7799    sin hant vil mangen in daz grap

Verse: 7800    mit rîters were hât geleit.
Verse: 7801    sold ich von sîner manheit

Verse: 7802    nu sagen und von sîner kraft,
Verse: 7803    die er begie mit rîterschaft,

Verse: 7804    und wie er muose strîten,
Verse: 7805    dô er die vrouwen Japhiten

Verse: 7806    mit dem hoesten prîse erwarp,
Verse: 7807    dâ manic edel vürste starp

Verse: 7808    vor Babylôn von sîner hant -
Verse: 7809    âvoy, wie wol dâ wart bekant

Verse: 7810    sîn kraft und sîn manheit!
Verse: 7811    mit rîterlîcher were er reit

Verse: 7812    durch die poinder mit slegen wider.
Verse: 7813    von sîner jost viel dâ nider

Verse: 7814    vil manic stolzer Babylôn
Verse: 7815    dô den künic von Ascalôn

Verse: 7816    valte dâ sîn lanze;
Verse: 7817    der tet im fîanze:

Verse: 7818    daz spricht entiuschen sicherheit.
Verse: 7819    Rôaz sô rîterlîche streit

Verse: 7820    daz er den prîs dâ gewan,
Verse: 7821    als er ê oft hêt getân:

Verse: 7822    in einem strîte vor Dômas,
Verse: 7823    da manic rîcher vürste was,

Verse: 7824    künige, grâven, herzogen,
Verse: 7825    sîn pris sô hôhe dâ wart gezogen

Verse: 7826    daz in niemen mohte erlangen.
Verse: 7827    erslagen und gevangen

Verse: 7828    vuort er die vürsten in die stat.
Verse: 7829    sîn pris sagt in dâ allen mat;
Verse: 7830    sus steic er ie daz hoechste pfat.


Verse group: (169) 
Verse: 7831    Swaz er mit sîner manheit
Verse: 7832    ganzes lobes hêt bejeit

Verse: 7833    Vil rîterlîche sîne tage,
Verse: 7834    daz wirt ze lanc, ob ich daz sage;

Verse: 7835    da von wil ichz nû verdagen.
Verse: 7836    hie was grôz weinen unde klagen

Verse: 7837    von den mägden wol getân.
Verse: 7838    der tac begunde ouch ûf gân;

Verse: 7839    entslozzen wurden diu bürgetor.
Verse: 7840    dâ saz ein alter vürste vor,

Verse: 7841    der grâve Adân von Alârîe.
Verse: 7842    sîner bruoder drîe

Verse: 7843    sluoc Rôaz mit sîner hant.
Verse: 7844    sînen lîp und ouch sîn lant

Verse: 7845    muos er in sînen gwalt geben.
Verse: 7846    alsô liez er in dô leben

Verse: 7847    daz er sîn portenære
Verse: 7848    unz an sîn ende wære;

Verse: 7849    des hêt er sîne sicherheit.
Verse: 7850    ditz was ein jæmerlîchez leit

Verse: 7851    daz ouch bî im dâ lac erslagen
Verse: 7852    der gwalticlîche solde tragen

Verse: 7853    in dem lande ze Mirmidône
Verse: 7854    beidiu zepter unde krône.

Verse: 7855    den vie Rôaz vor Dômas,
Verse: 7856    wand er im dâ vor lange was

Verse: 7857    herzenlîche vînt gewesen.
Verse: 7858    durch vrouwen bet liez er genesen

Verse: 7859    den selben vürsten, dô ern vie;
Verse: 7860    er muose ouch dirre porte hie

Verse: 7861    hüeten unz an sînen tôt,
Verse: 7862    als im diu sicherheit gebôt

Verse: 7863    die er Rôaz hêt getan.
Verse: 7864    nu erhôrte ir klage der grâve Adân

Verse: 7865    und ir jæmerlîchen schal,
Verse: 7866    der sich dâ huop ûf dem sal

Verse: 7867    von den mägden wol getân,
Verse: 7868    und daz daz tor wart ûf getân.

Verse: 7869    des nam in wunder und gie dar.
Verse: 7870    dô vant er daz gesinde gar

Verse: 7871    in jæmerlîcher riuwe.
Verse: 7872    ir klage diu was niuwe

Verse: 7873    umb den wirt der was erslagen.
Verse: 7874    ouch muosen si mit triuwen klagen

Verse: 7875    die reinen wirtinne,
Verse: 7876    diu guotes wîbes sinne

Verse: 7877    brahte unz an ir ende.
Verse: 7878    âne missewende

Verse: 7879    lac diu vrouwe Japhîte tôt;
Verse: 7880    des twanc si ganzer triuwe nôt

Verse: 7881    und herzenlîchiu rninne.
Verse: 7882    sêle, lîp und sinne

Verse: 7883    schiet diu herzeleide.
Verse: 7884    nu seht wer si dâ scheide,

Verse: 7885    herzeliep od herzeleit,
Verse: 7886    wie wirt daz gänzlich geseit?

Verse: 7887    sit ich sîn niht gesagen kan,
Verse: 7888    wâ ist nû ein wîser man,

Verse: 7889    der mir den strît bescheide?
Verse: 7890    starp si von herzeleide,

Verse: 7891    daz muose von herzeliebe sîn;
Verse: 7892    diu gap ir herzen solhen pîn

Verse: 7893    da von ir schoener lîp verdarp.
Verse: 7894    ich wæns et von in beiden starp;

Verse: 7895    anders ich mich niht verstên.
Verse: 7896    sold ich dem strîte nach gên,

Verse: 7897    sô wurde der rede lîhte ze vil;
Verse: 7898    dâ von ich mich niht sûmen wil

Verse: 7899    an der âventiure.
Verse: 7900    ist dehein crêatiure

Verse: 7901    diu ganzer triuwe geniezen sol,
Verse: 7902    so genist mîn vrouwe Japhîte wol,
Verse: 7903    wan si was ganzer triuwe vol.


Verse group: (170) 
Verse: 7904    Hie ist diu âventiure geholt.
Verse: 7905    wâ ist nu der minne solt,

Verse: 7906    des wunsches âmîe,
Verse: 7907    diu schoene Lârîe?

Verse: 7908    hie lît ir vriunt, her Gwîgâlois,
Verse: 7909    den der milte Britanois,

Verse: 7910    der künic Artûs, hât gesant
Verse: 7911    zer âventiure, daz er daz lant

Verse: 7912    solde erwerben und die maget.
Verse: 7913    owê, daz den niemen klaget!

Verse: 7914    er lît hie leider âne kraft,
Verse: 7915    der mit rehter rîterschaft

Verse: 7916    und mit ganzer manheit,
Verse: 7917    als uns diu âventiure seit,

Verse: 7918    vil mangen hôhen prî gewan.
Verse: 7919    er lac dâ als ein tôter man

Verse: 7920    âne kraft und âne sîn.
Verse: 7921    die juncvrouwen hêten in

Verse: 7922    von dem houbte entwâfent gar
Verse: 7923    und nâmen des vil rehte war

Verse: 7924    ob er lebte od wære tôt.
Verse: 7925    dô waren im diu hiufel rôt:

Verse: 7926    und allez lebelîch getân.
Verse: 7927    da wolde in erslagen hân

Verse: 7928    vor leide diu vil süeze schar.
Verse: 7929    des wart der grâve Adân gewar;

Verse: 7930    vil sêre muot in sîn ungemach.
Verse: 7931    er lief über in und sprach

Verse: 7932    "ey, guoten vrouwen! habt ir den muot
Verse: 7933    daz ir disem rîter guot

Verse: 7934    sînen lîp nemen welt,
Verse: 7935    der rîterlîche als ein helt

Verse: 7936    die âventiure erstrîten hât?
Verse: 7937    daz ist ein grôziu missetât,

Verse: 7938    wand er durch vrouwen minne
Verse: 7939    lîp, guot und sinne

Verse: 7940    hât verloren vil nâch gar.
Verse: 7941    nu nemt, ir edeln vrouwen, war,

Verse: 7942    swâ ein sô guot rîter lebe,
Verse: 7943    wie mangem herzen er vreude gebe.

Verse: 7944    lât mich in neren ob ich müge;
Verse: 7945    jâ wæn ie wîbes brust gesüge

Verse: 7946    bezzer rîter dan er ist.
Verse: 7947    nu gebet sînem leben vrist

Verse: 7948    unz erz verliese als ers ger;
Verse: 7949    jâ kan er wol mit sînem sper

Verse: 7950    rîterlîchen tôt bejagen.
Verse: 7951    würd er von wîbes hant erslagen,

Verse: 7952    des leben âne missetât
Verse: 7953    sîne zît behalten hât

Verse: 7954    und der von sîner manheit
Verse: 7955    den aller hoechsten prîs nu treit,
Verse: 7956    daz würde ein jæmerlîchez leit.


Verse group: (171) 
Verse: 7957    Ir mugt in gerne lazen leben.
Verse: 7958    iun mac sîn tôt doch niht gegeben

Verse: 7959    die vrouwen noch den wirt wider.
Verse: 7960    sîn übermuot der valte in nider

Verse: 7961    und sîn gewalt den er begie
Verse: 7962    an dirre juncvrouwen hie,

Verse: 7963    vrouwen Lârîen, der schoenen maget.
Verse: 7964    der sluoc er, als mir ist gesaget

Verse: 7965    ir vater, der hie schône
Verse: 7966    truoc zepter unde krône

Verse: 7967    nâch küniclîcher werdecheit.
Verse: 7968    nu hât errochen daz selbe leit

Verse: 7969    dirre hert mit sîner hant!
Verse: 7970    dem erteile ich maget unde lant.

Verse: 7971    ouch wil ich im vür disen tac,
Verse: 7972    swâ ich kan unde mac,

Verse: 7973    mit lîbe und mit guote
Verse: 7974    dienen nach sînem muote;

Verse: 7975    daz ist mîn reht: ich bin sîn man;
Verse: 7976    swaz man im tuot od hat getan,

Verse: 7977    daz hilfe ich rechen swâ er wil,
Verse: 7978    Ich bin komen ûf daz zil

Verse: 7979    daz mînes leides wirdet rât;
Verse: 7980    mîn sicherheit ein ende hât

Verse: 7981    die ich dem künige hêt getân
Verse: 7982    ich solde nimmer komen dan,

Verse: 7983    die wîle er lebte, von dem tor;
Verse: 7984    dâ hüete ouch nû ein ander vor!

Verse: 7985    der mich da von enbunden hât,
Verse: 7986    dem sol mîn helfe und mîn rât

Verse: 7987    immer undertænic sîn.
Verse: 7988    nu stêt ûf, lieber herre mîn!
Verse: 7989    ich tuon iu helfe mit triuwen schîn."


Verse group: (172) 
Verse: 7990    Er rihte in ûf und sach in an.
Verse: 7991    sin härsenier daz was im dan

Verse: 7992    von dem houbte enbunden gar.
Verse: 7993    von bluote diu wangen und sîn hâr

Verse: 7994    diu waren jæmerlîch getân.
Verse: 7995    owê, sprach der grâve Adân

Verse: 7996    "dîner lieben âmîen,
Verse: 7997    der schoenen magt Lârîen!

Verse: 7998    diu muoz immer sîn unvrô,
Verse: 7999    verdirbt dîn schoener lîp alsô

Verse: 8000    in ir minne dienest hie.'
Verse: 8001    von dem namen dô gevie

Verse: 8002    kraft der halptôte man;
Verse: 8003    er sûfte sêre und sach si an

Verse: 8004    die bi im dâ wâren dô
Verse: 8005    des wart der grâve Adân vil vrô;

Verse: 8006    er sprach 'herre, gehabt iuch wol!
Verse: 8007    iuwer leit sich hie enden sol.

Verse: 8008    ez hât erstriten iuwer hant
Verse: 8009    eine schoene maget und ein lant

Verse: 8010    dem sich niht gelîchen mac.'
Verse: 8011    nu was ez alsô hôher tac

Verse: 8012    daz diu sunne erzeicte ir schin.
Verse: 8013    dô weinde manic heidenin

Verse: 8014    von hôher geburt ûz Asîâ
Verse: 8015    ir vil lieben vrouwen dâ,

Verse: 8016    die getriuwen vrouwen Japhîten.
Verse: 8017    ezn lebte bi den zîten

Verse: 8018    dehein vrouwe mit sô reinen siten.
Verse: 8019    owe, wan solde ich guotes biten

Verse: 8020    ir sêle der lîp alsô verdarp!
Verse: 8021    diu vrouwe von herzeleide starp.

Verse: 8022    ich geloube daz si sûl genesen;
Verse: 8023    diu wâre riuwe ist gewesen

Verse: 8024    ir touf an ir ende.
Verse: 8025    herre got, nu sende

Verse: 8026    ze schirme ir dine barmicheit,
Verse: 8027    diu manger sêle ist bereit.

Verse: 8028    herre, getûrre es iemen gern,
Verse: 8029    sô soltu si genaden wern,

Verse: 8030    daz si genieze ir triuwe:
Verse: 8031    ir touf was diu riuwe

Verse: 8032    die si dolte umb ir liep.
Verse: 8033    dô kom der tôt als ein diep

Verse: 8034    und stal dem reinen wîbe
Verse: 8035    daz leben ûz ir lîbe.

Verse: 8036    als ich iu ê hân geseit,
Verse: 8037    herzeliebe ist arbeit;
Verse: 8038    ir ende bringet herzeleit.


Verse group: (173) 
Verse: 8039    Diu burc glaste als ein glas.
Verse: 8040    niht rîter mêr dar ûffe was,

Verse: 8041    niwan dise zwene man,
Verse: 8042    her Gwîgâlois und grâve Adân.

Verse: 8043    ich sagiu wâ von daz geschach
Verse: 8044    daz man niht rîlter drûffe sach:

Verse: 8045    der künic was ân angest gar
Verse: 8046    daz durch daz tor iemen dar

Verse: 8047    möhte komen vor dem rade;
Verse: 8048    ouch was sîn angest ein ander schade:

Verse: 8049    er vorhte daz ir minne
Verse: 8050    vil lîhte diu küniginne

Verse: 8051    gewante an einen andern man.
Verse: 8052    deiswâr, desn hêt si niht getân,

Verse: 8053    daz erzeiget si an ir tôde sît ?
Verse: 8054    wan daz diu liebe zaller zit

Verse: 8055    ir liep vil gerne mit huote hat.
Verse: 8056    an ir was aller huote rât,
Verse: 8057    wan si was âne missetat.


Verse group: (174) 
Verse: 8058    Vierzic was der vrouwen;
Verse: 8059    dar under mohte man schouwen

Verse: 8060    vil grôzen jâmer unde klage.
Verse: 8061    vür war ich iu ein mære sage:

Verse: 8062    ich wil geîlchen dirre nôt
Verse: 8063    eine; vil edeln vürsten tôt

Verse: 8064    von Merân, da ich jâmer sach
Verse: 8065    und von klage den ungemach

Verse: 8066    von der werlte wunne,
Verse: 8067    ez möhte diu liehte sunne

Verse: 8068    ir schin da von verlorn han.
Verse: 8069    daz tâten vrouwen wol getan,

Verse: 8070    geboren von der hoehsten art
Verse: 8071    diu ie in der werlte wart.

Verse: 8072    dâ was solch jamer unde klage,
Verse: 8073    ob ich min herze hie ganzez trage,

Verse: 8074    daz ich des niht gelouben mac.
Verse: 8075    ich hôrte dâ mangen grôzen krac

Verse: 8076    von reiner vrouwen herzen;
Verse: 8077    diu truogen jamers smerzen

Verse: 8078    umb des edeln vürsten tôt.
Verse: 8079    si sîn sêle in deheiner nôt,

Verse: 8080    dâ nini si ûz, il reiner Krist!
Verse: 8081    wan du sô bescheiden bist

Verse: 8082    daz du der reinen wîbe klagen
Verse: 8083    und sîne nôt niht solt vertragen.

Verse: 8084    gedenke bî dîner menscheit
Verse: 8085    wie broede süeze ir leben treit,

Verse: 8086    und gip daz wir verdienen hie
Verse: 8087    die vreude die dhein ôre nie

Verse: 8088    gehôrte noch nie ouge ersach
Verse: 8089    noch nie munt dâ von gesprach

Verse: 8090    daz sich iht gelîche dar.
Verse: 8091    herre, nim dîner geschehe war
Verse: 8092    e dan si verzwîvele gar.


Verse group: (175) 
Verse: 8093    Got müeze im dort genæedic sîn!
Verse: 8094    nu wil ich an die rede mîn

Verse: 8095    wider grîfen dâ ich si lie.
Verse: 8096    her Gwîgâlois der lac hie

Verse: 8097    under der trûrigen schar.
Verse: 8098    ein reiner muot erkucte im gar

Verse: 8099    daz herze und sîne sinne.
Verse: 8100    er sprach 'owe, minne,

Verse: 8101    gêret sî dîn süezer nam!
Verse: 8102    dir solde niemen wesen gram;

Verse: 8103    du bist ze sprechen ein lindez wort
Verse: 8104    und treist iedoch vil scharfen ort

Verse: 8105    und eine herte snîde.
Verse: 8106    waz ich von dir lîde

Verse: 8107    kumbêrs und han erliten!
Verse: 8108    du hâst ze nahen mir gesniten

Verse: 8109    enmitten durch daz herze mîn!
Verse: 8110    vrouwe Minne, ich muoz sîn

Verse: 8111    dîn gevangen; du hâst mich gar
Verse: 8112    mit dîner kraft gezogen dar

Verse: 8113    da von ich niht gewenken mac.
Verse: 8114    jâ ist si mines herzen tac

Verse: 8115    und der wunsch mîner sinne.
Verse: 8116    vrouwe Larîe, küniginne,

Verse: 8117    wenne' sol ich dich gesehen!
Verse: 8118    mîniu ougen kunden rehte spehen

Verse: 8119    dô si dir prîses jâhen!
Verse: 8120    wenne kum ich dir sô nâhen

Verse: 8121    daz sich min herze erküele an dir!
Verse: 8122    du solt von rehte werden mir,

Verse: 8123    wand ich dich, vrouwe, erstriten han.'
Verse: 8124    sin gebærde wart alsô getan

Verse: 8125    sam si bî im wære da.
Verse: 8126    grâve Adan der vienc in sa;

Verse: 8127    bî dem arme zôch er in dan.
Verse: 8128    er sprach 'herre, gedenket dâr ân

Verse: 8129    daz iu nû daz wæcgest sî
Verse: 8130    und lât solhe gedanke vrî.

Verse: 8131    iuwer leit daz sol nu ende haben.
Verse: 8132    die tôten laze wir begraben

Verse: 8133    und haben uns an der vreuden vart.'
Verse: 8134    der rede im dô gevolget wart

Verse: 8135    dô sich her Gwîgâlois versan.
Verse: 8136    Rôaz der wart verstolen dan

Verse: 8137    zehant von der tievel schar
Verse: 8138    daz sîn da niemen wart gewar

Verse: 8139    unz daz man in ûz solde tragen;
Verse: 8140    dô huop sich alrêrst grozez klagen

Verse: 8141    und weinen von den vrouwen.
Verse: 8142    'hie bi mugt ir schouwen?'

Verse: 8143    sprach her Gwîgâlois der degen
Verse: 8144    'daz unser toufe und unser segen

Verse: 8145    ein schirm vür den tievel ist.
Verse: 8146    wolt ir gelouben an Krist,

Verse: 8147    nâch dem wir kristen sîn genant,
Verse: 8148    sô enpfienget ir zehant

Verse: 8149    der engel genôzschaft
Verse: 8150    und enmöhte iu niht des tievels kraft

Verse: 8151    geschaden noch sîn arger list
Verse: 8152    vor dem der uns dâ schirmende ist,

Verse: 8153    wan daz ist der wâre got.
Verse: 8154    wir gelouben daz in sînem gebot

Verse: 8155    ist swaz ie geschaffen wart
Verse: 8156    und daz er schirmet und bewart

Verse: 8157    swaz sin genâde erkennet.
Verse: 8158    unser gloube in alsô nennet:

Verse: 8159    vater, sun, herre geist.
Verse: 8160    sô ist daz unser volleist,

Verse: 8161    der gotes sun, der mâgde kint.
Verse: 8162    die an disem glouben sint

Verse: 8163    und behaltent kristen e,
Verse: 8164    die sint ze gnaden immer me.
Verse: 8165    nu schaffe daz ez iu alsam ergê!


Verse group: (176) 
Verse: 8166    ' Mit triuwen sprach der grave Adân
Verse: 8167    'ich wirde im gerne undertân

Verse: 8168    swer vor dem tievel mich bewart.
Verse: 8169    ez ist ein jæmerlîchiu vart

Verse: 8170    sol nu der mensche ze helle varn.
Verse: 8171    mac iuwer segen mich bewarn

Verse: 8172    vor der helle und kristen ê,
Verse: 8173    sône wil ich mich niht sûmen mê

Verse: 8174    ich enpfâhe der kristen e zehant.
Verse: 8175    solde mîn sêle des wesen pfant

Verse: 8176    des der lip hie begât,
Verse: 8177    und daz ir nimmer würde rât,

Verse: 8178    sône het ich hie niht wol gevarn;
Verse: 8179    den selben tôt sol ich bewarn.

Verse: 8180    vervluochet sî diu heidenschaft,
Verse: 8181    sit an ir des tievels kraft

Verse: 8182    sinen gwalt mac erzeigen.
Verse: 8183    ich wil mich da hin neigen

Verse: 8184    da sîn gewalt ende hât
Verse: 8185    und mîner sele wirdet rât.

Verse: 8186    wa nû der touf? ich bin bereit,
Verse: 8187    sit ûz unser ê hin treit

Verse: 8188    der tievel einen sô werden man.
Verse: 8189    miner sêle ich niemen gan

Verse: 8190    wan dem der si geschaffen hat,
Verse: 8191    in des gewalt diu werlt stât,

Verse: 8192    der ie was und immer ist.
Verse: 8193    den nennet ir den waren Krist;

Verse: 8194    der ist den ich da meine;
Verse: 8195    er ist got alters eine

Verse: 8196    und iedoch endriu genamt;
Verse: 8197    sin gotheit diu ist ensamt

Verse: 8198    und immer ungescheiden.
Verse: 8199    swie gar ich sî ein heiden,

Verse: 8200    von dem gedanke kom ich nie
Verse: 8201    ichn minnet iedoch den gotie

Verse: 8202    der uns geschuof von nihte.
Verse: 8203    nu bin ich an die rihte

Verse: 8204    alrerst des gelouben komen;
Verse: 8205    dâ von ich wunder han vernomen,

Verse: 8206    dem wil ouch ich nu volgen nach;
Verse: 8207    zer toufe wart dem graven gâch.

Verse: 8208    dône was niht pfaffen bî im dâ.
Verse: 8209    her Gwîlgalois der sprach sâ

Verse: 8210    'wir sulen bîten, grave Adân,
Verse: 8211    got hat wol zuo uns getân:

Verse: 8212    er hat mir den sic gegeben
Verse: 8213    und iu daz êwige leben

Verse: 8214    geoffent genædiclîche;
Verse: 8215    sus sî wir beide rîche

Verse: 8216    von gotes gnaden worden.
Verse: 8217    ir sult in Kristes orden

Verse: 8218    die toufe enpfâhen und kristen e;
Verse: 8219    ich wil benamen nû niht me

Verse: 8220    mîn leit mit solhem jâmer klagen.
Verse: 8221    wir sulen got genade sagen
Verse: 8222    und unser liep mit vreuden tragen.'


Verse group: (177) 
Verse: 8223    Des volget im der grâve Adan.
Verse: 8224    ir klage wart dô hin getan;

Verse: 8225    ze vreuden rihten si ir leben.
Verse: 8226    guot trôst den vrouwen wart gegeben

Verse: 8227    von dem jungen wirte da.
Verse: 8228    vrouwen Japhîten truoc man sâ

Verse: 8229    mit grôzer klage vür daz tor;
Verse: 8230    da legt man die reinen vor

Verse: 8231    in einen rôten jâchant.
Verse: 8232    den sarc man da stênde

Verse: 8233    vant ûf zwein siulen êrîn.
Verse: 8234    zwei glas gesetzet wâren dar în

Verse: 8235    zir vüezen und zir houbet,
Verse: 8236    ichn weiz ob irz geloubet ?

Verse: 8237    diu warn gefult mit balsamô;
Verse: 8238    den zunde man, und brinnet alsô

Verse: 8239    noch hiute, als mir ist geseit.
Verse: 8240    ûf den sarc wart geleit

Verse: 8241    ein saphir lâzûrvar.
Verse: 8242    den sarc hêt gemeistert dar

Verse: 8243    Rôaz dô er gewaltes pflac.
Verse: 8244    wart Gahmuret ze Baldac

Verse: 8245    von dem bâruc bestatet baz,
Verse: 8246    deiswar, daz laze ich ane haz,

Verse: 8247    wand er hât grôze rîcheit.
Verse: 8248    umb disen sarc wart geleit

Verse: 8249    von golde ein grôzez vingerlîn: ?
Verse: 8250    dar an was ir triuwe schîn

Verse: 8251    zwô hende nach der triuwe.
Verse: 8252    mit herzenlîcher riuwe

Verse: 8253    vrouwe Japhîte wart begraben.
Verse: 8254    mit guldînen buochstaben

Verse: 8255    gesmelzet ûf den jâchant
Verse: 8256    ein epitâfîum man vant

Verse: 8257    gebrievet von ir tôde hie,
Verse: 8258    heidenisch und franzois, wie

Verse: 8259    si starp von herzeleide.
Verse: 8260    die schrift sagten beide

Verse: 8261    'hie lît in disem steine
Verse: 8262    vrouwe Japhîte diu reine,

Verse: 8263    der ganzer tugent niht gebrast.
Verse: 8264    ir kiuscbe truoc der eren last.

Verse: 8265    an stæte gewancte nie ir muot;
Verse: 8266    si was gewizzen unde guot

Verse: 8267    und truoc die waren minne.
Verse: 8268    mit zühticlîchem sinne

Verse: 8269    lebt si nach wîplîchem sit;
Verse: 8270    dem volget ganze triuwe mit.

Verse: 8271    si was geborn von hôher art.
Verse: 8272    getriuwer wîp niene wart

Verse: 8273    geborn noch sô valschlôs.
Verse: 8274    ir schcenen lîp si verlôs

Verse: 8275    von herzenlîcher riuwe;
Verse: 8276    den tôt gap ir diu triuwe

Verse: 8277    die si Rôaz, dem heiden, truoc,
Verse: 8278    den Gwîgâlois, der kristen, sluoc.

Verse: 8279    diu vrouwe was ein heidenin;
Verse: 8280    von disem lîbe schiet si hin

Verse: 8281    leider ungetoufet,
Verse: 8282    im selben er sælde koufet

Verse: 8283    swer umb den andern vrumt gebet.
Verse: 8284    nu wünschet gnâden an dirre stet

Verse: 8285    der sêle, swer die schrift hie lese,
Verse: 8286    daz ir got genædic wese

Verse: 8287    durch sîne grôze erbarmicheit,
Verse: 8288    wan si den tôt von triuwen leit;
Verse: 8289    diu riuwe ir abe daz herze sneit.'


Verse group: (178) 
Verse: 8290    Beslozzen wart der edel stein.
Verse: 8291    an ietwederm orte schein

Verse: 8292    von golde ein rinc spanne wît;
Verse: 8293    dâ mit was zer selben zît

Verse: 8294    der saphir ûf den sarc gehaben.
Verse: 8295    von golde ein roucbvaz was ergraben

Verse: 8296    besigelt ûf den jâchant,
Verse: 8297    dar inne man zallen zîten vant

Verse: 8298    mit süezem smacke brinnen dâ
Verse: 8299    diu reinen thymîâmatâ.

Verse: 8300    in ir minne dienest hie.'
Verse: 8301    grôz rîcheit dran gekêret,

Verse: 8302    under einem gewelbe märmelîn;
Verse: 8303    der gap wider ein ander schîn,

Verse: 8304    rôt, grüene, weitîn und gel.
Verse: 8305    daz gewelbe daz was sinwel,

Verse: 8306    mit gemælde wol gezieret,
Verse: 8307    von golde geparrieret.

Verse: 8308    ditz was der heiden bethûs.
Verse: 8309    der rîche künic Artûs

Verse: 8310    möhte mit aller sîner habe
Verse: 8311    die gezierde an dem grabe

Verse: 8312    niht hân erziuget und den stein,
Verse: 8313    dô er aller rîchest schein,

Verse: 8314    dar inne diu vrouwe bestatet was.
Verse: 8315    der estrich was als ein glas

Verse: 8316    lûter, grüene, spiegelvar.
Verse: 8317    daz gewelbe hêt gemeistert dar

Verse: 8318    Rôaz durch sînen hôhen muot.
Verse: 8319    er hêt âne mâze guot;

Verse: 8320    daz schein an der gezierde wol.
Verse: 8321    nu was sîn hôchvart als ein kol

Verse: 8322    mit dem lîbe erloschen gar.
Verse: 8323    sus wârn verendet sîniu jâr,

Verse: 8324    als ich iu gesaget hân
Verse: 8325    dô diu bivilde wart getân,

Verse: 8326    [dô] giengen die vrouwen wol getân
Verse: 8327    und daz gesinde mit klage dan

Verse: 8328    dâ her Gwîgâlois dô stuont.
Verse: 8329    si tâten als die wîsen tuont,

Verse: 8330    die âne helfe mit leide lebent
Verse: 8331    und sich dem zwîvel gar ergebent:

Verse: 8332    si ergâben sich in sîn gebot
Verse: 8333    und manten in bî dem wâren got

Verse: 8334    daz er bedæhte ir swære
Verse: 8335    und in genædic wære;

Verse: 8336    si wolden im wesen undertân.
Verse: 8337    des antwurt in der grâve Adân

Verse: 8338    an der selben stunde,
Verse: 8339    wand er die sprâche kunde,

Verse: 8340    heidenisch und franzois.
Verse: 8341    er sprach "mîn herre, her Gwîgâlois

Verse: 8342    der wil iu gerne wesen guot,
Verse: 8343    ob ir nâch sînem willen tuot;
Verse: 8344    daz ist sîn rede und ouch sîn muot."


Verse group: (179) 
Verse: 8345    Si sprâchen "herre, wir sîn bereit
Verse: 8346    im nâch sîner werdicheit

Verse: 8347    ze dienen als sîn wille gert.
Verse: 8348    er ist sô biderbe und sô wert

Verse: 8349    daz er uns niht verderben lât.
Verse: 8350    swaz mîn herre hie gelâzen hât,

Verse: 8351    daz nem er gar in sîne pflege."
Verse: 8352    sus wîsten si in von dem wege

Verse: 8353    und zeicten im silber unde golt.
Verse: 8354    si wurden im von herzen holt

Verse: 8355    durch sîne tugent reine.
Verse: 8356    golt und edel gesteine

Verse: 8357    des vant er âne mâzen vil;
Verse: 8358    dô was ab sîner vreuden zil

Verse: 8359    von im ze verre; daz tet im wê.
Verse: 8360    geltes engerte er niht mê

Verse: 8361    wan daz er sîne âmîen,
Verse: 8362    die schoenen Lârîen,

Verse: 8363    dâ bî im hêt nâch sîner nôt.
Verse: 8364    dem grâven Adân er gebôt.

Verse: 8365    swaz er dâ guotes vünde,
Verse: 8366    daz er sichs underwünde

Verse: 8367    und ez im behielte durch sîn bet;
Verse: 8368    sus underwant sich an der stet

Verse: 8369    der grâve alles des dâ was.
Verse: 8370    dô giengens ûf den palas.

Verse: 8371    dâ vunden si den halsberc
Verse: 8372    und daz heidenische werc

Verse: 8373    dar inne Rôaz wart erslagen;
Verse: 8374    daz hiez der alte grâve tragen

Verse: 8375    in ein kemenâten von dem wege.
Verse: 8376    dô hêt er gar in sîner pflege

Verse: 8377    daz hûs und alle die rîcheit
Verse: 8378    diu dâ zesamne was geleit,

Verse: 8379    und swaz diu mûre umbe vie.
Verse: 8380    mit dem grâven der dô gie

Verse: 8381    in eine kemenâten dan;
Verse: 8382    dâ entwâfent in der grâve Adân

Verse: 8383    und wuosch im sîne wunden;
Verse: 8384    dar nâch wart er gebunden

Verse: 8385    mit vil grôzem vlîze wol.
Verse: 8386    sîn herze wart dâ vreuden vol,

Verse: 8387    wand er hêt überwunden gar
Verse: 8388    swaz im leides ie gewar;
Verse: 8389    diu sælde was sîn geleite dar.


Verse group: (180) 
Verse: 8390    Dô gebunden wart der degen
Verse: 8391    und eine wîle was gelegen

Verse: 8392    durch ruowe und einen slâf getet,
Verse: 8393    dô entwachte er und sprach sîn gebet.

Verse: 8394    er genâdet got vil tougen
Verse: 8395    mit wazzerrîchen ougen

Verse: 8396    der genâden die er an im begie.
Verse: 8397    dar nâch er mit dem grâven gie

Verse: 8398    dâ er den tisch gerihtet vant;
Verse: 8399    dô saz er und enbeiz zehant.

Verse: 8400    der grâve truoc im die spîse dar
Verse: 8401    vil williclîch dô nam er war

Verse: 8402    daz sîn triuwe und sîn muot
Verse: 8403    wider in was ganz unde guot;

Verse: 8404    dône hêt er deheinen zwîvel mê.
Verse: 8405    im tet niwan der jâmer wê

Verse: 8406    nâch der mägde wol getân;
Verse: 8407    der was sîn lîp undertân

Verse: 8408    mit herzen und mit sinne
Verse: 8409    er truoc die wâren minne

Verse: 8410    ir mit ganzer stæticheit.
Verse: 8411    ouch was si dar an verzeit

Verse: 8412    daz er iht lebte; daz was ir klage
Verse: 8413    in ir muote alle tage,

Verse: 8414    wan si im guoten willen truoc;
Verse: 8415    sîn leit ir an daz herze sluoc,
Verse: 8416    des si doch niemen zuo gewuoc.


Verse group: (181) 
Verse: 8417    Als der helt enbizzen was,
Verse: 8418    dô gienc er von dem palas

Verse: 8419    durch schouwen vür daz bürgetor;
Verse: 8420    dâ vant er gesatelt vor

Verse: 8421    ein harte schoene kastelân.
Verse: 8422    dô bat in der grâve Adân

Verse: 8423    dar ûffe erringen sînen muot
Verse: 8424    des volget er im und dûhte in guot.

Verse: 8425    dô er ûf daz ros gesaz,
Verse: 8426    sîns jâmers er ein teil vergaz

Verse: 8427    und vie ze vreuden niuwen muot,
Verse: 8428    als der guote rîter tuot

Verse: 8429    wen er ze velde kumt geriten
Verse: 8430    und er nâch rîterlîchen siten

Verse: 8431    sîn ros ze rehte ersprenget
Verse: 8432    und im daz wol verhenget

Verse: 8433    nâch sînem willen als er wil.
Verse: 8434    dâ hebet sich reht rîterspil

Verse: 8435    swâ der vil zesamne kumt
Verse: 8436    den beidiu kunst und ellen vrumt;

Verse: 8437    dâ wirt gehurt unde geslagen,
Verse: 8438    dâ von si mâl müezen tragen

Verse: 8439    grôze wunden unde biulen
Verse: 8440    von swerten und von kiulen;

Verse: 8441    ouch wirt verstochen lîhte ein sper
Verse: 8442    sô dort kumt gevaren her

Verse: 8443    ein poinder der niht vrides gert.
Verse: 8444    ein kranker zügel unlange wert

Verse: 8445    ern breste von zügen lîhte enzwei
Verse: 8446    würde genomen ein turnei

Verse: 8447    von den ôsterherren ûf daz Sant,
Verse: 8448    dâ würde gevaterschaft entrant

Verse: 8449    sô sich die poinder vlæhten
Verse: 8450    und nâch gewinne dæhten.

Verse: 8451    ich hân ir sliche wol ersehen,
Verse: 8452    wie si nâch guote kunnen spehen

Verse: 8453    sô sich der poinder wirret
Verse: 8454    und si diu stat niht irret.

Verse: 8455    dâ mac verliesen wol ein man
Verse: 8456    der niht mit rîterschefte kan

Verse: 8457    swaz er ze velde bringet.
Verse: 8458    nu hêt vil wol geringet

Verse: 8459    der junge rîter sînen muot.
Verse: 8460    daz ros was im vür trûren guot;

Verse: 8461    sîn geverte im niuwe vreude gap.
Verse: 8462    er reit ez in den walap

Verse: 8463    dar nâch in die rabîne;
Verse: 8464    er liez die schenkel sîne

Verse: 8465    ze rehte vliegen gegen den man.
Verse: 8466    swer nu rîter prüeven kan

Verse: 8467    und an in rehten prîs erspehen,
Verse: 8468    hêt er den rîter dô gesehen,
Verse: 8469    er müese im ganzes prîses jehen.


Verse group: (182) 
Verse: 8470    Sus reit er gegen der burc wider;
Verse: 8471    von dem rosse erbeizter nider

Verse: 8472    und haftez vür daz bürgetor
Verse: 8473    an einer linden ast enbor.

Verse: 8474    sînen willen hêt ez wol getân.
Verse: 8475    dô gie gegen im der grâve Adân,

Verse: 8476    mit im sehs videlære:
Verse: 8477    die wolden im sîne swære

Verse: 8478    mit videlen vertrîben.
Verse: 8479    dô begunden si ez rîben

Verse: 8480    mit künsticlîchen griffen,
Verse: 8481    unz im was gar entsliffen

Verse: 8482    diu swære von dem herzen sîn,
Verse: 8483    wan dazu ein grôzer jâmers pîn

Verse: 8484    versigelt enmitten drinne lac
Verse: 8485    des er zallen zîten pflac.

Verse: 8486    swie manger hande vreude er sach,
Verse: 8487    sîn herze iedoch des einen jach

Verse: 8488    "mirn wirt nimmer jâmers buoz
Verse: 8489    ich enpfâhe ir minne und ir gruoz

Verse: 8490    der güete mir sô nâhen lît."
Verse: 8491    ditz was sîn stætliclîcher strît.

Verse: 8492    dô die herren sâhen
Verse: 8493    daz diu sunne nâhen

Verse: 8494    ir louf hêt verendet gar,
Verse: 8495    dô nâmen si des nebels war

Verse: 8496    den man dâ nider sîgen sach.
Verse: 8497    her Gwîgâlois zem grâven sprach

Verse: 8498    "heizet den harnasch bringen her,
Verse: 8499    iuwern schilt und iuwer sper,

Verse: 8500    und rîtet ouch selbe mit mir dar.
Verse: 8501    ich wil der zît nemen war

Verse: 8502    wenne der nebel nider gê.
Verse: 8503    wir suln daz rat stellen ê.

Verse: 8504    ich wil ûz ze Joraphas,
Verse: 8505    dâ ich gester morgen was,

Verse: 8506    zem grâven Môrâle."
Verse: 8507    dô nam er deheine twâle;

Verse: 8508    er wâfent sich und reit von dan.
Verse: 8509    dô volget im der grâve Adân

Verse: 8510    zuo dem rade dâ ez gie.
Verse: 8511    daz wazzer er dô ûf vie;

Verse: 8512    zehant gestuont daz selbe rat.
Verse: 8513    den getriuwen grâven er dô bat

Verse: 8514    daz er des landes huote;
Verse: 8515    des wolde er im mit guote

Verse: 8516    gerne lônen; daz lobt ouch er.
Verse: 8517    er sprach "herre, iuwer gewer

Verse: 8518    wil ich des landes gerne sîn.
Verse: 8519    ich nim daz ûf die triuwe mîn

Verse: 8520    daz ichz iu behalte,
Verse: 8521    wan mich mac mit gewalte

Verse: 8522    nieman dâ von gescheiden.
Verse: 8523    swie ich sî ein heiden,

Verse: 8524    ich gestên iu zaller iuwer nôt
Verse: 8525    michn irre es danne der bitter tôt."

Verse: 8526    des gnâdeter im und wart sîn vrô.
Verse: 8527    durch daz tor reit er dô.

Verse: 8528    geoffent wart diu selbe vart
Verse: 8529    diu mit dem rade was bespart

Verse: 8530    an der selben stunde.
Verse: 8531    der grâve dem herren gunde

Verse: 8532    mit triuwen grôzer êren.
Verse: 8533    dannen begunder kêren

Verse: 8534    die strâze gegen Joraphas.
Verse: 8535    dô kom er dâ erbeizet was

Verse: 8536    grâve Môrâl mit den sînen.
Verse: 8537    sîne triuwe liez er schînen

Verse: 8538    dô er den rîter komen sach.
Verse: 8539    wider die sînen er dô sprach

Verse: 8540    "dort kumt ein rîter geriten her!
Verse: 8541    ich wæne wol daz ist der

Verse: 8542    gester morgen von uns schiet."
Verse: 8543    ieslîcher dô besonder riet

Verse: 8544    "nein! der schilt ist im ze glanz,
Verse: 8545    unverhouwen unde ganz."

Verse: 8546    "dâ ist ein boie geslagen an
Verse: 8547    von golde; den vüert der grâve Adân

Verse: 8548    anders niht wan durch den list
Verse: 8549    daz er ein gevangen ist."

Verse: 8550    "ditz ors ist blanc, daz sîn was rôt."
Verse: 8551    "waz ob er lebet?" "nein, er ist tôt!"

Verse: 8552    "wer weiz daz?" - nû vuort er daz rat
Verse: 8553    verhouwen, des sîn herze ie bat;
Verse: 8554    dô erkanden si in an der stat.


Verse group: (183) 
Verse: 8555    Zen orsen si dô sprungen.
Verse: 8556    dô wart sêre gedrungen,

Verse: 8557    gehurt durch sine liebe dar.
Verse: 8558    vil schiere der riter wart gewar

Verse: 8559    daz ez vriunde wären;
Verse: 8560    dône wolde er ir niht vâren.

Verse: 8561    sîn sper hât er gesenket nider;
Verse: 8562    daz zuhte er ûf vil gâhes wider.

Verse: 8563    der grâve Môrâl enpfienc in dô,
Verse: 8564    dar nâch die riter; si wären vrô

Verse: 8565    daz er sô sigelîche reit.
Verse: 8566    der grâve sprach 'herre, seit

Verse: 8567    ob ir ze Glois habt gestriten?'
Verse: 8568    er sprach mit zühticlîchen siten

Verse: 8569    'jâ, des ist unlougen.'
Verse: 8570    des getriuwen grâven ougen

Verse: 8571    vor vreuden über liefen dô.
Verse: 8572    er sprach 'lieber herre, sô

Verse: 8573    sult ir uns wærlîche sagen
Verse: 8574    ob der heiden si erslagen.'

Verse: 8575    'jâ, benamen' sprach der degen.
Verse: 8576    'sîn hôher muot der ist gelegen

Verse: 8577    und sîn gewalt den er begie.'
Verse: 8578    vor liebe er in dô umbe vie

Verse: 8579    und kuste in an die hende sîn.
Verse: 8580    er sprach 'lieber herre min,

Verse: 8581    nû ist ergangen des ich bat.
Verse: 8582    ouch sol ich hie an dirre stat

Verse: 8583    mîniu lêhen von iu hân.
Verse: 8584    ich wil werden iuwer man

Verse: 8585    und leisten swes ir, herre, gert,
Verse: 8586    wand ir sit aller êren wert.

Verse: 8587    iu hât verdienet iuwer hant
Verse: 8588    eine schoene maget und zwei lant;

Verse: 8589    dâ von ir mugt nâch wunsche leben;
Verse: 8590    diu Sælde hât iu wol gegeben.

Verse: 8591    ouch wil ich iu vür wâr sagen:
Verse: 8592    iuwer houbet sol zwô kröne tragen:

Verse: 8593    diu eine hoeret ze Korntîn,
Verse: 8594    diu ander ze Joraphîn;

Verse: 8595    daz lant lit an dem lebermer.
Verse: 8596    si sît gwesen mit solher wer

Verse: 8597    sit Rôaz der lande pflac
Verse: 8598    daz sin gewalt dâ ringe wac.

Verse: 8599    si wârn dem künige undertân
Verse: 8600    oo dâ von ich ê gesprochen hân,

Verse: 8601    den Rôaz der heiden sluoc;
Verse: 8602    die krône er gwalticlîche truoc.

Verse: 8603    si dienent gerne iuwer hant
Verse: 8604    swen in diu wârheit wirt bekant

Verse: 8605    daz Rôaz erslagen ist.
Verse: 8606    herre, nu tuot niht lenger vrist;

Verse: 8607    enpfâhet mich, als ich hân gegert!'
Verse: 8608    er sprach 'herre, des sît gewert.'

Verse: 8609    dô wart gevolget sîner bet:
Verse: 8610    er enpfie in und lêch hin an der stet

Verse: 8611    daz im sîn vatêr niht lâzen hêt;
Verse: 8612    diu êre die zagen gar vergêt!

Verse: 8613    dô diu rede verendet wart,
Verse: 8614    der grâve huop sich an die vart,

Verse: 8615    er und ein sîn dienestman,
Verse: 8616    gegen Glois ûf die plân.

Verse: 8617    den herren bat er bîten dâ.
Verse: 8618    vür daz tor rante er sâ;

Verse: 8619    dâ bî habt der grâve Adân;
Verse: 8620    den bat er sich wizzen lân

Verse: 8621    ob der heiden wære erslagen.
Verse: 8622    er sprach 'jâ. Ouch sult ir klagen

Verse: 8623    mîner vrouwen Japhîten nôt,
Verse: 8624    diu lac vor leide nâch im tôt.

Verse: 8625    ouch muoz ich von schulden klagen
Verse: 8626    einen künic der lît hie erslagen,

Verse: 8627    Gârel von Mirmidône.
Verse: 8628    in dem selben lône

Verse: 8629    lît Karrîôz und Marrîên.
Verse: 8630    in des gebot ich hie stên

Verse: 8631    der daz allez hât getân.
Verse: 8632    swâ ich im gedienen kan,

Verse: 8633    deiswâr, des ist er unbehert:
Verse: 8634    sîn manheit mit sælden vert.

Verse: 8635    er ritet gegen Joraphas
Verse: 8636    ze iuwerm hûse, dâ er ê was;

Verse: 8637    ir sult in wol enpfâhen dâ.'
Verse: 8638    er sprach 'ich tuon.' dô kêrter sâ

Verse: 8639    von der hôhen brücke nider
Verse: 8640    ze sînem lieben herren wider.

Verse: 8641    den helm er im abe bant;
Verse: 8642    sper, schilt und îsengwant

Verse: 8643    hiez er die knappen vüeren dô.
Verse: 8644    si lobten got und wurden vrô

Verse: 8645    daz im sô wol gelungen was.
Verse: 8646    sus kômen si ze Joraphas

Verse: 8647    geriten vür daz bürgetor.
Verse: 8648    dâ was michel vreude vor

Verse: 8649    von manger hande seitspil;
Verse: 8650    man hôrte dâ busûnen vil

Verse: 8651    bläsen nâch der heiden sit;
Verse: 8652    dâ sluogens unde wurfen mit

Verse: 8653    die tambûr mit behendicheit;
Verse: 8654    der galm dâ wider ein ander streit

Verse: 8655    sô daz diu burc al erhal.
Verse: 8656    von dem tor gie lier zetâl

Verse: 8657    engegen im diu wirtin.
Verse: 8658    si hiez in willekomen sin

Verse: 8659    und kuste in an sinen munt.
Verse: 8660    die andern vrouwen tâten im kunt

Verse: 8661    ir gruoz nâch wîplîchem' sit.
Verse: 8662    ob er zuo den vrouwen rit?

Verse: 8663    nein, er was erbeizet vor.
Verse: 8664    si truogen in mit gedrange enbor

Verse: 8665    die in dâ gerne sähen.
Verse: 8666    dâ was grôz enpfähen

Verse: 8667    von dem wirte und von den sinen;
Verse: 8668    si liezen an im schînen

Verse: 8669    daz er in liep ze herren was.
Verse: 8670    sus ruowet er dâ ze Joraphas

Verse: 8671    unz daz man sîne âmîen,
Verse: 8672    die schoenen magt Lârîen,

Verse: 8673    brähte dar von Roimunt.
Verse: 8674    den vürsten allen tet man kunt

Verse: 8675    mit den boten in diu lant,
Verse: 8676    die âventiure hêt entrant
Verse: 8677    von hôher art eins heldes hant.


Verse group: (184) 
Verse: 8678    Den vürsten allen wart enboten,
Verse: 8679    beidiu mit brieven und mit boten,

Verse: 8680    daz si kæmen ze Korntîn:
Verse: 8681    dâ solden si ze dem hove sin

Verse: 8682    über sehs wochen.
Verse: 8683    sus wart der hof gesprochen

Verse: 8684    über diu lant wîten.
Verse: 8685    loufen unde rîten

Verse: 8686    hiez man die boten sâ zehant
Verse: 8687    mit den brieven in diu lant.

Verse: 8688    der grâve bereite sich dar zuo
Verse: 8689    daz er des andern morgens vruo

Verse: 8690    rit gegen Roimunt.
Verse: 8691    diu mære wurden wîten kunt

Verse: 8692    daz Rôaz wære erslagen;
Verse: 8693    daz hôrte man Iützel iemen klagen.

Verse: 8694    des andern morgens der grâve gie
Verse: 8695    vür sînen herren, dâ er enpfie

Verse: 8696    einen brief und sîne botschaft
Verse: 8697    als ez sînes herzen kraft

Verse: 8698    und rehtiu liebe meinde;
Verse: 8699    daz er sît wol bescheinde.

Verse: 8700    der selbe brief besigelt was
Verse: 8701    under einem adamas

Verse: 8702    in ein guldîn vingerlin;
Verse: 8703    der stein solde ein zeichen sîn

Verse: 8704    sîner stæten minne.
Verse: 8705    mit worten und mit sinne

Verse: 8706    enbôt er sîner âmîen,
Verse: 8707    der schoenen magt Lârîen,

Verse: 8708    sînen gruoz und allez guot,
Verse: 8709    als noch vil dicke ein rîter tuot

Verse: 8710    dar er herzeliebe treit
Verse: 8711    und der sîn dienest ist bereit.

Verse: 8712    der grâve nam urloup und schiet dan;
Verse: 8713    mit im sîner dienestman

Verse: 8714    driu hundert und ein sin genôz;
Verse: 8715    der was von gebürte grôz,

Verse: 8716    des grâven sun von Lêodarz;
Verse: 8717    der was geheizen Bejolarz,

Verse: 8718    sîn muoter Bejolâre,
Verse: 8719    diu süeze und diu kläre;

Verse: 8720    der bruoder was der grâve Môrâl.
Verse: 8721    dô nâmen si niht lenger twâl;

Verse: 8722    uz dem lande si dô riten
Verse: 8723    nâch der vrouwen; diu hât erliten

Verse: 8724    vil jâmers nâch dem rîter guot;
Verse: 8725    des was getrüebet ir der muot

Verse: 8726    und ir herze an vreuden wunt,
Verse: 8727    sus kâmen si ze Roimunt

Verse: 8728    geriten an dern næchsten tage.
Verse: 8729    ir grôzen jâmer und ir klage

Verse: 8730    die boten in benâmen;
Verse: 8731    dô si zeir. hûse kâmen,

Verse: 8732    si wurden wol enpfangen.
Verse: 8733    der grâve kom gegangen

Verse: 8734    vür sîne vrouwen Lârîen,
Verse: 8735    des wunsches amîen.

Verse: 8736    sînen mantel er von im gap.
Verse: 8737    ditz was der rede urhap:

Verse: 8738    'vrouwe, iu enbiut mîn herre
Verse: 8739    sînen dienest alsô verre,

Verse: 8740    der den heiden hât erslagen,
Verse: 8741    daz ichz sô wol niht kan gesagen

Verse: 8742    als ez sin herze meinet;
Verse: 8743    daz er iu wol bescheinet

Verse: 8744    ob ir des, vrouwe, geruochet
Verse: 8745    sin dienest gnâde suochet

Verse: 8746    und ob er rehtes geniezen sol.
Verse: 8747    sin hant diu hât verdienet wol

Verse: 8748    daz iuwer minne im lône:
Verse: 8749    iuwer lant und iuwer krône

Verse: 8750    hât min her Gwîgâlois erstriten
Verse: 8751    und kumbers vil durch iuch erliten.

Verse: 8752    er sendet iu ditz vingerlin;
Verse: 8753    der stein sol ein zeichen sin

Verse: 8754    siner stæten minne
Verse: 8755    dô sach si darinne

Verse: 8756    gebrievet durch den adamas
Verse: 8757    daz diu maget gerne las.
Verse: 8758    der brief alsus geschriben was:


Verse group: (185) 
Verse: 8759    Tröst in mînem leide,
Verse: 8760    des wunsches ougen weide

Verse: 8761    sit ir und der sælden spil.
Verse: 8762    mit liebe ich immer grüezen wil.

Verse: 8763    iuwern minniclîchen lîp.
Verse: 8764    ich hân iuch vür älliu wîp

Verse: 8765    erwelt mir ze lône.
Verse: 8766    mîner vreuden krône,

Verse: 8767    vrouwe Lârîe, daz sît ir.
Verse: 8768    nu komet und enpfâhet von mir

Verse: 8769    iuwer krône und iuwer lant;
Verse: 8770    daz hât mîn sælde und min hant

Verse: 8771    erlediget und diu gotes kraft.
Verse: 8772    triuwe und rehte geselleschaft

Verse: 8773    die leiste ich iu mit stæticheit.
Verse: 8774    min herze iu wâre minne treit.

Verse: 8775    ich bin als iuwer wille gert.
Verse: 8776    si ich sô biderbe und sô wert,

Verse: 8777    sô komet unde heilet mich.
Verse: 8778    iuwer gevangen bin ich;

Verse: 8779    an mir ligent iuweriu bant.'
Verse: 8780    niht mê si dâ geschriben vant.
Verse: 8781    (laz golt leit si an die hant.


Verse group: (186) 
Verse: 8782    Uf stuont diu maget rîche.
Verse: 8783    vil gezogenlîche

Verse: 8784    neic si des herren botschaft
Verse: 8785    und antwurt ir vil endehaft.

Verse: 8786    si sprach 'gnâde mînes herren;
Verse: 8787    im sol unlange werren

Verse: 8788    der kumber den er von mir hât;
Verse: 8789    ich gibe im helfe unde rät

Verse: 8790    und mînen lîp ze lône.
Verse: 8791    hât ich tûsent krône,

Verse: 8792    die solden im wesen undertân.
Verse: 8793    er hât sô vil durch mich getân

Verse: 8794    daz ichs im gerne lônen wil,
Verse: 8795    beidiu mit ernste und mit spiI,

Verse: 8796    swie er sin geruochet.
Verse: 8797    swaz sîn wille suochet

Verse: 8798    an mir, daz hât er vunden;
Verse: 8799    ich heile im sîne wunden

Verse: 8800    oo und gibe im solher minne teil
Verse: 8801    dâ von sîn herze wirdet geil.

Verse: 8802    ich wilz nu sprechen überlût:
Verse: 8803    er was doch mînes herzen trût;

Verse: 8804    ich hêt in mir ze liebe erkorn;
Verse: 8805    er wart ze trôste mir geborn;

Verse: 8806    wol der muoter diu in gebar;
Verse: 8807    nâch sinem willen ich gerne var

Verse: 8808    durch sine liebe swar er wil;
Verse: 8809    des gibe ich iu niht lenger zil.

Verse: 8810    wil min vrouwe, ich bin bereit!
Verse: 8811    swaz mîn munt iht anders seit,

Verse: 8812    daz ist niht mînes herzen wort,
Verse: 8813    wan daz hât er bi im dort

Verse: 8814    und ich daz sîne bi mir hie;
Verse: 8815    der selbe wehsel ergie

Verse: 8816    enzwischen uns beiden
Verse: 8817    dô wir uns muosen scheiden.'

Verse: 8818    vor vreuden si dô weinde.
Verse: 8819    diu wârheit daz bescheinde

Verse: 8820    daz ir der helt liep was.
Verse: 8821    si sprach 'ist er ze Joraphas?'

Verse: 8822    der grâve sprach 'vrouwe, jâ.
Verse: 8823    alsô wunder ruowet er dâ

Verse: 8824    und hât uns her nâch iu gesant.'
Verse: 8825    diu schoene maget gie zehant

Verse: 8826    vür ir muoter, die künigîn.
Verse: 8827    si sprach 'vrouwe und muoter mîn,

Verse: 8828    sit uns got erhoeret hât,
Verse: 8829    sô ist mîn bet unde min rät

Verse: 8830    daz wir hie niht lenger sîn;
Verse: 8831    wir sulen varn zuo Korntîn

Verse: 8832    in daz künicrîche.'
Verse: 8833    daz lobten dô gelîche

Verse: 8834    die dâ gesinde wâren,
Verse: 8835    wan si in zehen jâren

Verse: 8836    daz lant nie gesâhen.
Verse: 8837    si begunden alle gâhen

Verse: 8838    und bereiten sich zer heimvart.
Verse: 8839    vil manger sprach 'ô wol mich wart,

Verse: 8840    daz ich sol ze lande varn!
Verse: 8841    got müeze sînen lîp bewarn

Verse: 8842    der uns daz lant geoffent hât!'
Verse: 8843    schoene pfärt und rîchiu wât

Verse: 8844    den vrouwen wart zer reise brâht.
Verse: 8845    belîbens was in ungedâht;

Verse: 8846    der verte wârens alle vrô.
Verse: 8847    ûf die soumære luot man dô

Verse: 8848    manger hande rîcheit:
Verse: 8849    golt, gesteine, pfelle breit,
Verse: 8850    vil gezierde wart darûf geleit.


Verse group: (187) 
Verse: 8851    Diu altvrouwe Amênâ hiez.
Verse: 8852    die burc si mit gedinge liez

Verse: 8853    ir truhsæzen Azzadac,
Verse: 8854    der manheit unde triuwen pflac.

Verse: 8855    sus vuoren si mit vreuden dan.
Verse: 8856    die vart ich niht geprüeven kan

Verse: 8857    sô wol als si geschicket was.
Verse: 8858    von Roimunt ze Joraphas

Verse: 8859    die köche riten vür enwec.
Verse: 8860    der vrouwen garzûn,

Verse: 8861    Schandalec, der hât sich nâch in ûz erhaben;
Verse: 8862    sîne gesellen und die knaben

Verse: 8863    die man zer küchen ouch bedarf
Verse: 8864    die truogen kröul die wären scharf

Verse: 8865    den treip man die soume nâch.
Verse: 8866    die knappen man dô ziehen sach

Verse: 8867    diu ors dar nâch in einer schar;
Verse: 8868    den volget daz gesinde gar.

Verse: 8869    dar nâch die stolzen vrouwen riten;
Verse: 8870    die vuorten kappen wol gesniten

Verse: 8871    von brûnem scharlachen.
Verse: 8872    mit schimpfe und mit lachen

Verse: 8873    die rîter kurzten in die vart.
Verse: 8874    ie zwein ein vrouwe bevolhen wart

Verse: 8875    der si mit vlîze pflagen.
Verse: 8876    sîne dorfte niht betragen

Verse: 8877    der schimpflichen mære;
Verse: 8878    verswunden was ir swære

Verse: 8879    und ir vreude ûf gestigen.
Verse: 8880    zwô busûne selten swigen;

Verse: 8881    die blies man daz engegen hal
Verse: 8882    beidiu berge unde tal.

Verse: 8883    sus vuoren si mit rîcheit.
Verse: 8884    nach der schar hinden reit

Verse: 8885    des wunsches âventiure,
Verse: 8886    der sælden krêatiure,

Verse: 8887    vrouwe Lârîe, der vreuden kranz.
Verse: 8888    ir gereite was von golde glanz

Verse: 8889    und von gesteine lieht gevar;
Verse: 8890    sus glast ez wider einander gar.

Verse: 8891    den sitîch man ir ze næhist zôch
Verse: 8892    diu wîbes missewende vlôch.

Verse: 8893    daz schoene pfärt diu maget reit
Verse: 8894    als ez her Gwîgâlois erstreit

Verse: 8895    mit rîterschefte ûf einer plân,
Verse: 8896    dâ von er grôzen prîs gewan.

Verse: 8897    eine kappen vuorte diu maget guot
Verse: 8898    von pfelle; rôt als ein bluot

Verse: 8899    was daz golt drîn geweben,
Verse: 8900    die hêt ir grâve Môrâl gegeben

Verse: 8901    ze stiure zuo ir heimvart,
Verse: 8902    diu im sit wol vergolten wart;

Verse: 8903    dâ was gefurrieret in
Verse: 8904    ein veder wîz härmîn;

Verse: 8905    dâ vor ein zobel ze rehte breit;
Verse: 8906    ûf die kappen wârn geleit

Verse: 8907    borten mit gesteine.
Verse: 8908    ouch vuorte diu maget reine

Verse: 8909    ûf ir houbet einen huot;
Verse: 8910    der was von pfâvedern guot

Verse: 8911    mit rôtem golde wol durchleit.
Verse: 8912    ir muoter nâhen bî ir reit;

Verse: 8913    die zoumte hovelîche
Verse: 8914    Bejolarz der riche.

Verse: 8915    ir pfärt was swarz und ir gewant;
Verse: 8916    dâ bî der jâmer was bekant

Verse: 8917    den si nach ir gesellen truoc,
Verse: 8918    den Rôaz der heiden sluoc;

Verse: 8919    aller vreuden si verpflac
Verse: 8920    sît daz ir vreude an irn gelac.

Verse: 8921    Môrâl der grâve zoumte dô
Verse: 8922    vrouwen Lârîen und was des vrô

Verse: 8923    daz si sô rehte schoene was.
Verse: 8924    sus brâhte er si ze Joraphas

Verse: 8925    mit vreuden in ir eigen lant,
Verse: 8926    dâ si den helt mit vreuden vant;

Verse: 8927    des twanc in grôzer liebe kraft.
Verse: 8928    er was mit siner geselleschaft

Verse: 8929    ûz ze velde gegen in komen,
Verse: 8930    wand er die botschaft hêt vernomen

Verse: 8931    von ir garzûne Schandalec.
Verse: 8932    der was an loufe alsô quec

Verse: 8933    daz er vor in daz botenbrôt
Verse: 8934    enpfie, dâ mit er sine nôt

Verse: 8935    überwant mit rîcheit.
Verse: 8936    her Gwîgâlois mit vreuden reit

Verse: 8937    von Joraphas ûf die plân
Verse: 8938    engegen der mägde wol getân;
Verse: 8939    der was sîn lîp undertân.


Verse group: (188) 
Verse: 8940    Mit im vil stolzer rîter riten,
Verse: 8941    die ouch des vil kûme erbiten

Verse: 8942    daz si ir vrouwen solden sehen.
Verse: 8943    der schoene muose er prîses jehen

Verse: 8944    swer ir lîp ie gesach;
Verse: 8945    dar zuo was ir herzen dach

Verse: 8946    gewizzen, scham und güete;
Verse: 8947    ir antlütze daz blüete

Verse: 8948    als ein rôse wol gevar;
Verse: 8949    ir lîp was âne wandel gar.

Verse: 8950    diu sælde ir ouch mit vlîze pflac.
Verse: 8951    ir beider jâmer dâ gelac

Verse: 8952    dô si her Gwîgâlois ersach.
Verse: 8953    sîn munt ûz grôzen vreuden sprach

Verse: 8954    'ô wol mich wart, vil lieber got!
Verse: 8955    mir hât dîn helfe und dîn gebot

Verse: 8956    dise magt ze vreuden brâht.
Verse: 8957    des ich mir selbe niht hât gedâht,

Verse: 8958    daz hâstu mir gevüeget.
Verse: 8959    der Aren mich genüeget

Verse: 8960    die du mir, herre, hâst gegeben,
Verse: 8961    und læestu mir ze vreuden leben

Verse: 8962    dise maget wol getân,
Verse: 8963    die ich mir ze tröste hân

Verse: 8964    erkoren und ze vreuden gar.'
Verse: 8965    vor liebe wart er missevar

Verse: 8966    dô er zuo ir kam geriten;
Verse: 8967    diu minne sîn herze hêt versniten.

Verse: 8968    ir schoeniu varwe ouch wandel nam;
Verse: 8969    ir wîplîch kiusche und ir scham

Verse: 8970    machte si rôt und dar nâch bleich.
Verse: 8971    ir ganziu varwe ir entweich

Verse: 8972    dô si den helt bî ir sach,
Verse: 8973    der vil minniclîche sprach

Verse: 8974    'Lârîe, liebiu vrouwe mîn,
Verse: 8975    ir sult mir willekomen sîn

Verse: 8976    ze trôste nâch mînem leide.
Verse: 8977    mîns herzen ougen weide

Verse: 8978    sît ir und miner vreuden kraft.
Verse: 8979    stæte und rehte geselleschaft

Verse: 8980    die sult ir mir erzeigen.
Verse: 8981    ich wil mit dienest neigen

Verse: 8982    mînen lîp in iuwer gebot,
Verse: 8983    wand ich hân iuch mir nâch got

Verse: 8984    zeiner gebieterinne erkorn.
Verse: 8985    min arbeit ist niht verlorn

Verse: 8986    ob iuwer minne mir lônen wil.'
Verse: 8987    dô wart im gedanket vil

Verse: 8988    von der mägde wol getan.
Verse: 8989    si sach in guetlîche an,

Verse: 8990    wan si truoc im holden muot.
Verse: 8991    si sprach 'mîn lîp und ouch mîn guot

Verse: 8992    daz sol iu, lieber herre mîn,
Verse: 8993    immer undertænic sîn.

Verse: 8994    krône, zepter und mîn lant
Verse: 8995    daz hât erlediget iuwer hant;

Verse: 8996    des ich iu gerne lônen wil
Verse: 8997    beidiu mit ernest und mit spil

Verse: 8998    nach iuwerm willen als ir gert;
Verse: 8999    iuwer werder prîs ist lônes wert.

Verse: 9000    ir sult iuch underwinden mîn;
Verse: 9001    in iuwer pflege wil ich sîn,

Verse: 9002    ich und mîn gesinde gar.
Verse: 9003    vrouwe Amênâ reichte im dar

Verse: 9004    ir tohter zoum mit der hant;
Verse: 9005    her Gwîgâlois sich underwant

Verse: 9006    alrêrst sîner amîen,
Verse: 9007    der schoenen magt Lârîen

Verse: 9008    des wart er herzenlîche vrô
Verse: 9009    gegen der burc reit er dô

Verse: 9010    mit vroelîchem schalle.
Verse: 9011    die rîter begunden alle

Verse: 9012    vor ir buhurdieren
Verse: 9013    mit rîchen banieren.

Verse: 9014    von hurte die schilte gâben schal
Verse: 9015    sô daz manic knie geswal

Verse: 9016    von hurte und von gedrenge.
Verse: 9017    diu strâze wart vil enge

Verse: 9018    von der edeln rîterschaft.
Verse: 9019    dâ wart zebrochen manic schaft

Verse: 9020    von slegen und von hurte enzwei.
Verse: 9021    ez wære worden ein turnei,

Verse: 9022    hêten si ir harnasch gehabet.
Verse: 9023    desn wirt iu dehein eit gestabet:

Verse: 9024    dâ was vil manic rîter guot,
Verse: 9025    dem sô hôhe stuont sin muot

Verse: 9026    von den vrouwen die dâ riten
Verse: 9027    daz si nach rîterlîchen siten

Verse: 9028    diu ors mit hurte umbe triben,
Verse: 9029    unz in niht vil was beliben

Verse: 9030    der schilte ganz an dem spil.
Verse: 9031    ouch was dâ spilliute vil,

Verse: 9032    die ir kunst [ouch] uobten dâ.
Verse: 9033    zwô busûne blies man sâ

Verse: 9034    vil krefticlîche vor dem tor.
Verse: 9035    man vant dâ michel vreude vor

Verse: 9036    von dem liute daz dâ was.
Verse: 9037    sus brâhte:, der helt ze Joraphas

Verse: 9038    die magt mit grôzer hêrschaft.
Verse: 9039    aller vreuden überkraft

Verse: 9040    vunden si nâch ir willen dâ.
Verse: 9041    ir juncvrouwen enpfie dô sâ

Verse: 9042    vrou Bêlêâre, diu wirtîn,
Verse: 9043    dar nâch die zwô künigîn.

Verse: 9044    die vrouwen vuorte si von dem wege
Verse: 9045    in ir heimliche pflege,

Verse: 9046    dâ in allez guot geschach
Verse: 9047    und nâch ir willen guot gemach;
Verse: 9048    der handelunge man prîses jach.


Verse group: (189) 
Verse: 9049    Her Gwîgâlois durch sîne zuht
Verse: 9050    vermeit der wâren minne vruht,

Verse: 9051    daz er ir minne niene pflac
Verse: 9052    noch bi der schoenen nie gelac

Verse: 9053    unz daz er si ze stæte nam.
Verse: 9054    dô diu zît des hoves kam,

Verse: 9055    die vürsten riten in daz lant
Verse: 9056    nâch den der helt hât gesant.

Verse: 9057    Rîâl, der kunic von Jeraphîn,
Verse: 9058    kom mit den gesellen sîn

Verse: 9059    gevaren vrümiclîche;
Verse: 9060    er wolde sîn künicrîche

Verse: 9061    enpfâhen von des heldes hant
Verse: 9062    der den heiden überwant.

Verse: 9063    vür Korntîn ûf daz velt
Verse: 9064    wart vil manic hôch gezelt

Verse: 9065    von pfelle geslagen ûf daz gras.
Verse: 9066    swaz volkes mit dem künige was

Verse: 9067    gevarn von sînem lande,
Verse: 9068    die riten helfande,

Verse: 9069    als uns diu âventiure giht.
Verse: 9070    daz selbe lant hât rosse niht,

Verse: 9071    niwan helfande;
Verse: 9072    die ziehents in dem lande.

Verse: 9073    der brâhte der künic zweinzic dar.
Verse: 9074    die truogen sîn gesinde gar,

Verse: 9075    dar zuo grôze rîcheit:
Verse: 9076    zobelbelge und Pfelle breit,

Verse: 9077    härmîn, bunt unde grâ;
Verse: 9078    niht ander kleider vint man dâ;

Verse: 9079    des brâhte der künic wunder dar.
Verse: 9080    ouch kom geriten ein ander schar

Verse: 9081    vür daz hûs ze Korntîn:
Verse: 9082    an den was grôz[er] jâmer schîn

Verse: 9083    drî vürsten riche und wol bekant.
Verse: 9084    Medärie hiez ir lant;

Verse: 9085    von danne wären si geborn.
Verse: 9086    ir herren hêten si verlorn

Verse: 9087    ûf dem gevilde bi Roimunt;
Verse: 9088    er wart von einer joste wunt

Verse: 9089    mit einem sper von Angran
Verse: 9090    sô sêre daz der werde man

Verse: 9091    sich dem tôde muose ergeben.
Verse: 9092    ich sagiu wer im nam daz leben:

Verse: 9093    her Gwîgâlois, der wîgant.
Verse: 9094    der herre wart mir sus genant:

Verse: 9095    der werde künic Schaffilûn;
Verse: 9096    Medârie und Belakûn,

Verse: 9097    diu lant wâren im undertân
Verse: 9098    sus verlôs der werde man

Verse: 9099    an rîterschefte sînen lîp.
Verse: 9100    den solden klagen älliu wîp:

Verse: 9101    sîn dienst in allen was bereit.
Verse: 9102    durch [die] vrouwen Lârîen er reit

Verse: 9103    die âventiure erwerben;
Verse: 9104    ein jost diu lêrte in sterben

Verse: 9105    ûf dern gevilde bî Roimunt.
Verse: 9106    den selben vürsten was unkunt

Verse: 9107    daz ir herre wart erslagen,
Verse: 9108    wan diez in wider solden sagen,

Verse: 9109    die muosen ir sicherheit bewarn;
Verse: 9110    ze Britanje wâren si gevarn,

Verse: 9111    als in her Gwîgâlois gebôt.
Verse: 9112    die vürsten klagten ir herren tôt

Verse: 9113    offenlîche und tougen,
Verse: 9114    mit vliezenden ougen.

Verse: 9115    si riten pfärt diu wâren kranc.
Verse: 9116    ir hâr und ir berte lanc,

Verse: 9117    ungeschorn und ungetwagen.
Verse: 9118    ûf ir schilte wârn geslagen

Verse: 9119    bâre von rôtem golde,
Verse: 9120    dâ bi man sehen solde

Verse: 9121    daz ir herre was erslagen;
Verse: 9122    sus sach man si den künic klagen

Verse: 9123    mit herzenlîcher riuwe.
Verse: 9124    daz schuof ir grôziu triuwe;
Verse: 9125    ir klage diu was niuwe.


Verse group: (190) 
Verse: 9126    Dar kom vrouwe êlamîe geriten,
Verse: 9127    durch die der helt hêt gestriten,

Verse: 9128    her Gwîgâlois, der werde man,
Verse: 9129    der er daz pfärt wider gewan,

Verse: 9130    als ich dâ vor hân geseit.
Verse: 9131    diu kom mit grôzer rîcheit

Verse: 9132    gevaren und mit grôzer kraft.
Verse: 9133    vil werde geselleschaft

Verse: 9134    vuorte diu maget rîche:
Verse: 9135    zwelf mägde sûberlîche,

Verse: 9136    wol gekleit unde geriten;
Verse: 9137    niht nâch wîplîchen siten:

Verse: 9138    si vuorten mannes kleider an
Verse: 9139    und hêtenz ofte guot getân

Verse: 9140    an manger rîterschefte
Verse: 9141    mit wîplîcher krefte.

Verse: 9142    vil schoeniu ors zôch man vor in.
Verse: 9143    vrouwe êlamîe diu künigin

Verse: 9144    brâhte die wünniclîchen schar
Verse: 9145    in ir geselleschefte dar.

Verse: 9146    si wârn von âlârîe geborn
Verse: 9147    und hêten ir wîpheit verkorn

Verse: 9148    und rîterschaft an sich genomen.
Verse: 9149    ich sagiu wâ von daz was komen

Verse: 9150    diu ir aller vrouwe was,
Verse: 9151    der en wart vor Dômas

Verse: 9152    gevangen an einem strîte.
Verse: 9153    nâch dem selben zîte

Verse: 9154    nam si an sich rîters leben;
Verse: 9155    des wart ir hôher prîs gegeben.

Verse: 9156    si was ein maget wol getân.
Verse: 9157    ir en hiez der grâve Adân,

Verse: 9158    den Rôaz der heiden vie
Verse: 9159    dâ schoeniu rîterschaft ergie.

Verse: 9160    an einer schumpfentiure
Verse: 9161    valt in der ungehiure

Verse: 9162    hinder daz ors; daz was im leit;
Verse: 9163    und nam dâ sîne sicherheit
Verse: 9164    als ich iu dâ vor hân geseit.


Verse group: (191) 
Verse: 9165    Diu schoene magt Marine hiez.
Verse: 9166    deheine rîterschaft si enliez

Verse: 9167    dâ man prîs solde bejagen,
Verse: 9168    man müese von ir getât dâ sagen

Verse: 9169    und von ir gesellen.
Verse: 9170    si kunde wol gevellen

Verse: 9171    mit rehter jost die riter nider.
Verse: 9172    beidiu vor des und ouch sider

Verse: 9173    an rîterschefte ir magetuom
Verse: 9174    bejaget rîterlîchen ruom.

Verse: 9175    si was ir guotes milte.
Verse: 9176    ûf kleidern und ûf schilte

Verse: 9177    truoc si lewen guldîn.
Verse: 9178    vrouwe êlamîe, diu künigîn

Verse: 9179    vuor nâch wîplîchem sit;
Verse: 9180    dem volgten riche vürsten mit,

Verse: 9181    grâven unde herzogen."
Verse: 9182    si was dar an niht betrogen

Verse: 9183    sine hêt rîcheit genuoc.
Verse: 9184    ze Tyrô si [die] krône truoc;

Verse: 9185    über al daz künicrîche
Verse: 9186    gebôt si gwalticlîche.

Verse: 9187    si was ein maget, niht ein wîp,
Verse: 9188    und wolde des rîters lîp

Verse: 9189    mit ir schoene erworben hân
Verse: 9190    der ir daz pfärt wider gewan.

Verse: 9191    dô was min vrouwe Lârîe,
Verse: 9192    des wunsches âmîe

Verse: 9193    an wîbes schoene wandels bar;
Verse: 9194    ir grôziu schoene erlaschte gar

Verse: 9195    aller wîbe schoene
Verse: 9196    die schellen gâben gedoene

Verse: 9197    an vrouwen êlamîen gereite,
Verse: 9198    geworht Mit arbeite

Verse: 9199    von gold vil meisterlîche.
Verse: 9200    diu küniginne rîche

Verse: 9201    erbeizte an einer wisen dâ
Verse: 9202    vür daz hûs; dô vant si sâ

Verse: 9203    ir gezelte ûf geslagen von
Verse: 9204    samîte, daz hêt getragen

Verse: 9205    ein starkiu olbende dar:
Verse: 9206    die snüere wârn von sîden gar;
Verse: 9207    darûffe stuont ein guldîn ar.


Verse group: (192) 
Verse: 9208    Dar kômen von der heidenschaft
Verse: 9209    geriten mit grôzer kraft

Verse: 9210    zwêne künige ûz Asîâ;
Verse: 9211    die wolden ir swester dâ,

Verse: 9212    die getriuwen Japhîten, holn,
Verse: 9213    die in der tôt hêt verstoln.

Verse: 9214    dô ditz jæmerlîche leit
Verse: 9215    den edeln künigen wart geseit

Verse: 9216    si huoben sich mit klage dar.
Verse: 9217    ir herze wurden vreuden bar;

Verse: 9218    daz si wol bescheinden:
Verse: 9219    si klagten unde weinden,

Verse: 9220    als ir triuwe in gebôt,
Verse: 9221    des vil reinen wîbes tôt.

Verse: 9222    die künige hiezen beide,
Verse: 9223    als ich iu hie bescheide,

Verse: 9224    Zaradech und Panschavar.
Verse: 9225    ûf die rede kômen si dar

Verse: 9226    daz si daz vil getriuwe wîp,
Verse: 9227    der süezen vrouwen Japhiten lîp,

Verse: 9228    mit in gevüeret wolden haben.
Verse: 9229    dô was ir reiner lîp begraben

Verse: 9230    und mit gezierde bestatet sô
Verse: 9231    daz sis ze sehen wâren vrô.

Verse: 9232    vür wâr wil ich iu sagen daz:
Verse: 9233    wart ie dehein wîp bestatet baz,
Verse: 9234    daz wil ich lâzen âne haz.


Verse group: (193) 
Verse: 9235    Ouch kâmen ûz der heidenschaft
Verse: 9236    durch vreude und durch rîterschaft

Verse: 9237    herzogen unde grâven vil.
Verse: 9238    Korntîn, der vreuden zil

Verse: 9239    wart daz hûs dâ genant,
Verse: 9240    wan man dâ zallen ziten vant

Verse: 9241    vreude nâch des herzen gir
Verse: 9242    sus sagt diu âventiure mir

Verse: 9243    sit daz sîn begunde pflegen
Verse: 9244    Gwîgâlois, der werde degen,

Verse: 9245    und mîn vrouwe Lârîe
Verse: 9246    der zweier kurtôsîe

Verse: 9247    sich zern wunsche hêt geweten;
Verse: 9248    si wâren ninder ûz getreten;

Verse: 9249    ir zuht stuont an der mâzen zil;
Verse: 9250    des wurden si geprîset vil.

Verse: 9251    dô si zem hove wâren komen,
Verse: 9252    der namen ir wol habt vernomen,

Verse: 9253    und der ich niht genennen kan,
Verse: 9254    dô mohte man schouwen ûf der plân

Verse: 9255    vil manic hêrlîch gezelt;
Verse: 9256    dâ was rîcheite gelt

Verse: 9257    wider einander gekêret.
Verse: 9258    diu velt wârn gehêret

Verse: 9259    mit banieren und mit schilten.
Verse: 9260    die edeln riter spilten

Verse: 9261    aller hande rîterspil.
Verse: 9262    man vant dâ kurzewîle vil,

Verse: 9263    al, des mannes muot was.
Verse: 9264    her Gwîgâlois von Joraphas

Verse: 9265    mit schalle küniclîche reit
Verse: 9266    und manic rîter gemeit,

Verse: 9267    wol gekleit unde geriten.
Verse: 9268    ob rîterschaft dâ würde vermiten?

Verse: 9269    nein, deiswâr! si tâtenz dâ
Verse: 9270    verre baz dan anderswâ,

Verse: 9271    wan dâ reit der sælden spil,
Verse: 9272    der schoene ich niht gelîchen wil,

Verse: 9273    diu süeze magt Lârîe,
Verse: 9274    des wunsches âmîe.

Verse: 9275    âvoy, wie stolzlîch si reit!
Verse: 9276    mit rotêm sâmit gekleit

Verse: 9277    was diu maget wol getân;
Verse: 9278    dâ engegen ir munt von roete bran

Verse: 9279    als ein vil edel rubîn.
Verse: 9280    an ir schoene was wol schîn

Verse: 9281    daz ir der wunsch gedâhte:
Verse: 9282    got si zer werlte brâhte

Verse: 9283    dô ze vreuden stuont sîn muot.
Verse: 9284    ezn gebluote nie schoener bluot

Verse: 9285    dan ir antlütze lieht.
Verse: 9286    mîn herze kan erdenken nieht

Verse: 9287    noch si mîn munt geprîsen sô
Verse: 9288    sine wære verre schoener dô

Verse: 9289    si zem hove kom geriten;
Verse: 9290    zwô liehte varwe an ir strîten

Verse: 9291    rôt und wîz alsam ein snê;
Verse: 9292    doch behabte diu roete ir strîtes mê,

Verse: 9293    wand ez was in der sumerzît
Verse: 9294    sô diu hitze roete gît.

Verse: 9295    bi ir reit der werde degen,
Verse: 9296    des pflac der wäre gotes segen,

Verse: 9297    her Gwîgâlois, der triuwen stam.
Verse: 9298    von sîner manheit was sîn nam

Verse: 9299    gebreitet als der sunnen schîn.
Verse: 9300    sin herze truoc vil hôhen pin

Verse: 9301    nâch der mägde wol getân,
Verse: 9302    daz er si muose sehen an

Verse: 9303    und doch ir minne niene pflac.
Verse: 9304    vil gelich ir beider minne wac;

Verse: 9305    diu herzeliebe under in zwein
Verse: 9306    alsô gesamet wart enein;
Verse: 9307    daz sît wol an ir stete schein.


Verse group: (194) 
Verse: 9308    Die vürsten und ir dienestman
Verse: 9309    die in wâren undertân

Verse: 9310    enpfiengen wol den werden degen,
Verse: 9311    der des landes solde pflegen,

Verse: 9312    und ir rehte vrouwen.
Verse: 9313    man mohte wunder schouwen

Verse: 9314    von der vreude die man dâ vant.
Verse: 9315    dâ was mit vreuden gar daz lant,

Verse: 9316    iegelîch volc nâch sînem sit.
Verse: 9317    dâ bliesen busûnære mit

Verse: 9318    in vier enden ûf der plân.
Verse: 9319    dâ wart diu rîterschaft getân

Verse: 9320    die man wol prisen mohte;
Verse: 9321    dehein zage niht entohte

Verse: 9322    under der tugenthaften schar,
Verse: 9323    wan dâ wârn die besten gar

Verse: 9324    von allem dem rîche.
Verse: 9325    die enpfiengen rîterlîche

Verse: 9326    den herren und die künigîn.
Verse: 9327    Sus brâhte man si ze Korntîn

Verse: 9328    mit rîterlîchem schalle.
Verse: 9329    des vreuten si sich alle

Verse: 9330    die zem lande hôrten;
Verse: 9331    mit vreuden si dô stôrten

Verse: 9332    ir vil jæmerlîche tage,
Verse: 9333    die si mit riuwiclîcher klage

Verse: 9334    hâten gehabt wol zehen jâr;
Verse: 9335    die verkrten sich nu gar

Verse: 9336    ze vreuden von ir zweier ê.
Verse: 9337    dône wart dâ niht gebiten mê,

Verse: 9338    diu vrouwe vuor an ir gemach.
Verse: 9339    her Gwîgâlois zen gesten sprach

Verse: 9340    sinen gruoz vil minniclîche
Verse: 9341    und bat si alle gelîche

Verse: 9342    im dâ willekornen sîn.
Verse: 9343    sus besaz dô Korntîn

Verse: 9344    her Gwîgâlois mit rîcheit.
Verse: 9345    dâ was solch wirtschaft bereit

Verse: 9346    die ich niht wol kan gesagen.
Verse: 9347    nach sînem willen zuo zwelf tagen

Verse: 9348    beliben die vürsten dâ.
Verse: 9349    zwei herhorn blies man sâ

Verse: 9350    vil krefticlîche vor dem tor.
Verse: 9351    alle die dâ wâren vor,

Verse: 9352    die kômen ûf den palas.
Verse: 9353    vrouwe Lârîe ouch komen was,

Verse: 9354    gekroenet als ein keiserîn.
Verse: 9355    ein ander kröne guldîn

Verse: 9356    truoc vor ir vrouwe Marine,
Verse: 9357    diu in rîters schîne

Verse: 9358    hât vil reinen magetuom,
Verse: 9359    wan daz diu vrouwe durch ir ruom

Verse: 9360    wolde versuochen rîters leben.
Verse: 9361    si kunde wol nâch êren geben

Verse: 9362    und mit zühten wesen vrô.
Verse: 9363    ir kiusche behielt si alsô

Verse: 9364    daz diu nie besprochen wart;
Verse: 9365    Sus was ir wîpheit bewart

Verse: 9366    âne valsch unz an die zît
Verse: 9367    daz si zer ê sich habte sît;
Verse: 9368    des was ir ganzez lop vil wît.


Verse group: (195) 
Verse: 9369    Rîâl, der künic von jeraphîn,
Verse: 9370    sît ez sîn reht solde sîn,

Verse: 9371    nam des jungen rîters swert,
Verse: 9372    des ecke der êren hât gegert

Verse: 9373    daz manz sô werdiclîche truoc,
Verse: 9374    dô ez den starken heiden sluoc,

Verse: 9375    daz ez von sinen slegen nie
Verse: 9376    deheiner slahte mâl enpfie;

Verse: 9377    daz truoger vor der vrouwen bar.
Verse: 9378    und die glavîe bluotvar

Verse: 9379    der grâve Môrâl vor ir truoc
Verse: 9380    dâ mit er den wurm sluoc

Verse: 9381    der grôzen mort hêt getân
Verse: 9382    an vil mangem werden man

Verse: 9383    und sô verwuost hêt daz lant
Verse: 9384    daz man da wênic liute vant;

Verse: 9385    des wart der helt geprîset vil.
Verse: 9386    vrouwe Lârîe, der sælden spil,

Verse: 9387    gegen irn mit hôhem muote gie.
Verse: 9388    bî der hant si in gevie

Verse: 9389    dem man sô hôhes prîses jach.
Verse: 9390    wider in si minniclîche sprach

Verse: 9391    'her Gwîgâlois, mîn amîs,
Verse: 9392    sit ir nu tragt den hoehsten pris

Verse: 9393    von iuwer, ellenthafter hant,
Verse: 9394    sô nemt die krône und mîn lant

Verse: 9395    und mînen lîp in iuwer gebot.
Verse: 9396    herre, ich hân iuch mir nâch got

Verse: 9397    ze tröste mînem lîbe erkorn;
Verse: 9398    swaz ich vreuden hân verlorn,

Verse: 9399    der mugt ir wol ergetzen mich.
Verse: 9400    herre, nu tuot alsô daz ich

Verse: 9401    und ir mit triuwen sîn enein
Verse: 9402    sô daz diu herze under uns zwein

Verse: 9403    stæte liebe einander tragen.
Verse: 9404    des leit ich wil mit leide klagen

Verse: 9405    und des vreude ich vrô wil sîn,
Verse: 9406    daz sît ir; ich tuon iu schîn

Verse: 9407    daz iuwer minne mir nâhen gêt.
Verse: 9408    in iuwerm gebot mîn lîp hie stêt;

Verse: 9409    swaz ir welt, daz wil ouch ich.'
Verse: 9410    der rede vreute der rîter sich

Verse: 9411    und genâdet ir an der stunde
Verse: 9412    als er beste kunde

Verse: 9413    mit worten und mit herzen,
Verse: 9414    wand er des jâmers smerzen

Verse: 9415    dannoch unverendet truoc,
Verse: 9416    des er doch niemen zuo gewuoc.

Verse: 9417    herzeliebe ist ein schûr,
Verse: 9418    dem lîbe ein herter nâchgebûr;
Verse: 9419    ir süeze wirt vil ofte sûr.


Verse group: (196) 
Verse: 9420    Rîâl, der künic von Jeraphîn,
Verse: 9421    gap die lieben vrouwen sîn

Verse: 9422    irn ze stæte nâch ir bet;
Verse: 9423    mit rehter ê wart an der stet

Verse: 9424    diu stæte gevestent under in dâ.
Verse: 9425    ein vingerlîn daz legte er sâ

Verse: 9426    der juncvrouwen an ir hant;
Verse: 9427    dâ wider gap si in daz lant

Verse: 9428    und vrâget die helde mære
Verse: 9429    ob daz ir wille wære.

Verse: 9430    dô wart ein vroelîcher schal
Verse: 9431    von dem liute über

Verse: 9432    al daz si sîn alle wæren vrô.
Verse: 9433    vrouwe Lârîe satzte im dô

Verse: 9434    ûf sîn houbet schône
Verse: 9435    die guldînen krône

Verse: 9436    und bevalch in sîne hant
Verse: 9437    ir lîp, ir liute und ir lant

Verse: 9438    mit einem zepter guldîn.
Verse: 9439    dô kuste er die künigîn

Verse: 9440    und nam si in sînen gwalt.
Verse: 9441    mit ir minne si im galt
Verse: 9442    sine nôt clô mê dan tûsentvalt.


Verse group: (197) 
Verse: 9443    Dô disiu rede verendet was,
Verse: 9444    dô huop sich ûf dem palas

Verse: 9445    von vreuden harte grôzer schal.
Verse: 9446    die tische wâren über al

Verse: 9447    geriht nâch küniclîchem sit.
Verse: 9448    den truhsæzen giengen mit

Verse: 9449    busûner die in bliesen vor.
Verse: 9450    man warf die tambûr

Verse: 9451    enbor mit slegen daz der wîte sal
Verse: 9452    dem gedoene engegen hal.

Verse: 9453    man gap dâ grôze wirtschaft
Verse: 9454    und aller vreuden überkraft

Verse: 9455    sâhen si die wîle man az.
Verse: 9456    her Gwîgalois der künic vergaz

Verse: 9457    alles sînes leides hie.
Verse: 9458    dô er von dem tische gie,

Verse: 9459    die maget nam er bî der hant.
Verse: 9460    mit vreuden giengen si zehant

Verse: 9461    von den liuten an ir gemach.
Verse: 9462    ob ie rîter baz geschach von wîbe

Verse: 9463    dez liez er âne haz;
Verse: 9464    geschach ouch ie vrouwen baz

Verse: 9465    von manne, dez lie si âne nît;
Verse: 9466    daz erzeicten si einander sît

Verse: 9467    mit herzenlîcher minne,
Verse: 9468    wand ir zweier sinne

Verse: 9469    mit ganzen triuwen wurden enein
Verse: 9470    sô daz diu herze under in zwein

Verse: 9471    hêten beidiu einen muot;
Verse: 9472    swaz si wolde, daz dûhte in guot;

Verse: 9473    ouch was sîn wille der vrouwen jâ.
Verse: 9474    sus versigelt diu minne dâ

Verse: 9475    mit herzeliebe ir herze enein
Verse: 9476    sô daz diu liebe under in zwein

Verse: 9477    eines willen pflâgen.
Verse: 9478    niemen darf des vrâgen

Verse: 9479    ob si die naht iht wæren vrô.
Verse: 9480    jâ si, deiswâr, ir vreude was sô

Verse: 9481    daz ich der niht gelîchen mac.
Verse: 9482    mit herzeliebe unz an den tac

Verse: 9483    si sich underviengen.
Verse: 9484    dar nâch si beidiu giengen

Verse: 9485    wol nâch mittem morgen
Verse: 9486    mit vreuden âne sorgen

Verse: 9487    dâ man in eine messe sanc.
Verse: 9488    sich huop dâ harte grôz gedranc

Verse: 9489    dô si gekroenet giengen vür.
Verse: 9490    die kamerære bî der tür

Verse: 9491    wielken ez mit starken slegen,
Verse: 9492    nu hêt her Gwîgâlois der degen

Verse: 9493    ze Glois in die burc gesant
Verse: 9494    dâ man die juncvrouwen vant

Verse: 9495    und den getriuwen grâven Adân.
Verse: 9496    die vuorte man mit einander dan

Verse: 9497    bi der naht ze Korntîn;
Verse: 9498    si wolden ouch zer messe sîn

Verse: 9499    dâ der helt gekroenet gie.
Verse: 9500    ein bischof die bredige vie

Verse: 9501    mit sô süezen Worten an
Verse: 9502    daz der getriuwe grâve Adân

Verse: 9503    sine sünde begunde klagen.
Verse: 9504    er entslôz in die wîssagen

Verse: 9505    und die ewangêlisten
Verse: 9506    unz er mit gotes listen

Verse: 9507    und mit der rehten wârheit
Verse: 9508    ir gelouben überstreit

Verse: 9509    daz si der toufe wâren vrô.
Verse: 9510    nâch ir bet toufte man dô

Verse: 9511    vrouwen Marînen und grâven Adân,
Verse: 9512    dar nâch die magde wol getân

Verse: 9513    die vrouwe Marine brâhte dar.
Verse: 9514    dô Si getoufet waren gar

Verse: 9515    und kristen ê enpfiengen,
Verse: 9516    mit vreuden si dô giengen

Verse: 9517    vür den künic ûf den sal
Verse: 9518    dâ die vürsten über al

Verse: 9519    sâzen und die künegîn,
Verse: 9520    Rîâl der künic von Jeraphîn

Verse: 9521    sîn lant aldâ von im enpfie;
Verse: 9522    dar nâch vil manic vürste gie,

Verse: 9523    die sînes ortes wâren geil.
Verse: 9524    iedoch bleip im der bezzer teil:

Verse: 9525    dise vrouwen und diu lant
Verse: 9526    bejagt sin ellenthaftiu hant

Verse: 9527    und sînes herzet' manheit.
Verse: 9528    swer je sô grôze, nôt erleit

Verse: 9529    durch vrouwen, dem erteile ich daz
Verse: 9530    er si habe mit vlîze baz

Verse: 9531    dan einer der da heime lît
Verse: 9532    unz man im eine vrouwen gît

Verse: 9533    der eigen er wol möhte sin.
Verse: 9534    daz nim ich ûf die triuwe mîn

Verse: 9535    daz der sô wol niht wirt gepflegen
Verse: 9536    noch sô süeze bi erlegen

Verse: 9537    als der durch die man kumber hât
Verse: 9538    und diu ze hôhem gwinne stât;
Verse: 9539    ich wæn der minne nâhen gât.


Verse group: (198) 
Verse: 9540    Dar umb enweiz ich anders niht
Verse: 9541    wan als diu âventiure giht

Verse: 9542    diu mirz kunt hât getân:
Verse: 9543    diu sagt uns daz der werde man

Verse: 9544    vrouwen Lârîen pflæge alsô
Verse: 9545    daz si der pflege wære vrô.

Verse: 9546    er volzôch ir muote
Verse: 9547    mit lîbe und mit guote;

Verse: 9548    des was ir schoener lîp wol wert.
Verse: 9549    dô er die vürsten hêt gewert

Verse: 9550    ir lêhen als si an gezôch,
Verse: 9551    ir deheines muot dâ von envlôch

Verse: 9552    sine swüeren im alle hulde dâ.
Verse: 9553    dô gebôt er den vürsten sâ

Verse: 9554    daz si behielten Karles reht
Verse: 9555    und diu gerihte machten sleht

Verse: 9556    über allez sin rîche
Verse: 9557    daz wart dô stæticlîche

Verse: 9558    gevestent, als er in gebôt.
Verse: 9559    sus hêt daz lant sîne nôt

Verse: 9560    mit vreuden überwunden.
Verse: 9561    an den selben stunden

Verse: 9562    kom min her Gâwein geriten
Verse: 9563    vür die burc nâch sînen siten;

Verse: 9564    die wären harte rîterlîch
Verse: 9565    wand er was wert unde rîch

Verse: 9566    als ez an sînem geverte schein.
Verse: 9567    sus kom min her Gâwein

Verse: 9568    selbe vierde in daz lant:
Verse: 9569    die vuorten werlîche hant

Verse: 9570    êrec und mîn her Gawein,
Verse: 9571    Lanzelet und her îwein

Verse: 9572    ir geselleschaft und ir muot
Verse: 9573    was âne valsch mit triuwen guot.

Verse: 9574    si kâmen dar mit rîchheit
Verse: 9575    wol geriten und gekleit,

Verse: 9576    als ez ir Aren wol gezam;
Verse: 9577    ir severte daz was âne scham.

Verse: 9578    Ze si vuorten ingesindes vil.
Verse: 9579    busûnen unde seitspil

Verse: 9580    vor in ûf der strâze hal.
Verse: 9581    von vreuden was dâ grôzer schal

Verse: 9582    ûf dem hûse und dâ vor.
Verse: 9583    die riter giengen vür daz tor

Verse: 9584    und enpfiengen wol die geste.
Verse: 9585    dâne was dehein gebreste

Verse: 9586    des guotes noch der êren;
Verse: 9587    daz begunde man allez kêren

Verse: 9588    in ze liebe und ze guote
Verse: 9589    mit herzen und mit muote.

Verse: 9590    ir harnasch man vor in zôch.
Verse: 9591    aht ors starc und hôch

Verse: 9592    zôch man den soumen nâch,
Verse: 9593    diu man vil wol verdecket sach

Verse: 9594    mit samite der was rôt,
Verse: 9595    der ouch den schilten decke bôt

Verse: 9596    daz si dâ bî iht wærn bekant
Verse: 9597    swâ si riten durch diu lant.

Verse: 9598    Sus kâmen si ze Korntîn
Verse: 9599    der künic und diu künigîn

Verse: 9600    oo enpfiengen si mit triuwen wol,
Verse: 9601    als sun sînen vater sol.

Verse: 9602    her Gâwein in umbe vie;
Verse: 9603    vor vreuden er die zäher lie

Verse: 9604    ûf sîne wât vallen.
Verse: 9605    mit triuwen âne gallen

Verse: 9606    si sich underkusten;
Verse: 9607    des mohte si wol lusten:

Verse: 9608    si wârn ze sehen einander vrô.
Verse: 9609    vrouwe Lârîe kuste dô

Verse: 9610    die geste, als si der künic bat.
Verse: 9611    die vürsten giengen von ir stat

Verse: 9612    und enpfiengen si alle besunder.
Verse: 9613    daz was niht ein wunder

Verse: 9614    war umb si kômen in daz lant:
Verse: 9615    her Gwîgâlois der hât gesant

Verse: 9616    einen brief dem herren Gâwein,
Verse: 9617    daran ein ingesigel schein

Verse: 9618    daz er sîner muoter lie
Verse: 9619    dô er mit jâmer von ir gie

Verse: 9620    und si sît nimmer mê gesach;
Verse: 9621    dar an im doch ein leit geschach
Verse: 9622    daz sînes herzen vreude brach.


Verse group: (199) 
Verse: 9623    Der brief sagt im diu mære
Verse: 9624    wie er worden wære

Verse: 9625    künic über zwei lant
Verse: 9626    und wie sin ellenthaftiu hant

Verse: 9627    die âventiure hêt erstriten.
Verse: 9628    derselbe brief begunde in biten

Verse: 9629    und manen herzenlîche
Verse: 9630    daz er die väterlîche triuwe

Verse: 9631    an im behielte
Verse: 9632    und kæme dâ er wielte

Verse: 9633    zweir lande und ir krône;
Verse: 9634    die wæren im ze lône

Verse: 9635    gegeben umb sîn arbeit
Verse: 9636    und ein künigin gemeit

Verse: 9637    der schoene man niht gelîcht vant.
Verse: 9638    sus kam her Gâwein in daz lant

Verse: 9639    ze sînes sunes hôchvart,
Verse: 9640    dâ er vil wol enpfangen wart.

Verse: 9641    dar nâch er den wirt gevie
Verse: 9642    bî der hant unde gie

Verse: 9643    an eine heimlîche stat,
Verse: 9644    dâ er in mit jâmer bat

Verse: 9645    von sîner lieben muoter sagen.
Verse: 9646    dô huop sich êrste grôzez klagen

Verse: 9647    und herzenlîchiu swære
Verse: 9648    dô er diu gewissen mære

Verse: 9649    vernam von der muoter sîn
Verse: 9650    er sprach 'owê, künigîn,

Verse: 9651    daz ich dînwe minne enbern muoz
Verse: 9652    dîn handelunge unde dîn gruoz

Verse: 9653    was miner vreuden ôstertac,
Verse: 9654    swen ich an dînem arme lac

Verse: 9655    und dînen lîp umbe vie,
Verse: 9656    owê, sô was mir rehte wie

Verse: 9657    ich wær in dem pardîse!
Verse: 9658    dîner minne spîse

Verse: 9659    nam mir dicke mînen sin.
Verse: 9660    der jâmer gît mir ungewin.

Verse: 9661    wol der wünniclichen zît
Verse: 9662    der ich mit grôzem jâmer sît

Verse: 9663    vil herzenlîche hân gedâht,
Verse: 9664    sô diu winterlange naht

Verse: 9665    mîner swære was ze lanc
Verse: 9666    und mich diu grôze liebe twanc

Verse: 9667    diu nâhen in mînem herzen saz;
Verse: 9668    dâ von ich nimmer mê vergaz

Verse: 9669    dîner reinen güete
Verse: 9670    irn gedæhte mîn gemüete.

Verse: 9671    sus hân ich immer jâmers vil.
Verse: 9672    durch mîner vrouwen êre

Verse: 9673    ich wil allen wîben wesen holt
Verse: 9674    und si liutern als ein golt

Verse: 9675    mit worten swâ ich immer kan.
Verse: 9676    ich wil ir aller dienestman

Verse: 9677    und ir kempfe immer wesen,
Verse: 9678    wan niemen mac ân si genesen

Verse: 9679    der ir güete erkennen kan;
Verse: 9680    in solden wesen undertân

Verse: 9681    von rehte alle kröne,
Verse: 9682    wan sich ir süezem lône

Verse: 9683    nimmer niht gelîhen mac.
Verse: 9684    owê, gelebte ich noch den tac

Verse: 9685    daz ich mîn trût müese sehen,
Verse: 9686    sône möhte mir lieber niht geschehen!

Verse: 9687    daz wizze, lieber sun mîn,
Verse: 9688    nu solt ab dû mîn vreude sîn,

Verse: 9689    Sit dich mir got hât gegeben;
Verse: 9690    dîn werdicheit ist gar mîn leben.

Verse: 9691    des lobe ich unsern herren Krist
Verse: 9692    daz dir sô wol gelungen ist

Verse: 9693    und wil sîn immer wesen vrô.'
Verse: 9694    nâch der rede giengen si dô

Verse: 9695    wider zir geselleschaft.
Verse: 9696    dâ was von vreuden grôziu kraft

Verse: 9697    und minniclîcher vrouwen vil,
Verse: 9698    der schoene ist gar der vreuden zil

Verse: 9699    und werltlîchiu wünne.
Verse: 9700    der in niht guotes günne,

Verse: 9701    der müez von in gescheiden sîn.
Verse: 9702    si gebent vreude und hôhen pin,

Verse: 9703    dem herzen senlîche nôt.
Verse: 9704    wan ir gnâde, wir wæren tôt

Verse: 9705    an vreuden und an muote.
Verse: 9706    ze liebe und ze guote

Verse: 9707    geschuof si got der werlte gar.
Verse: 9708    ô wol der wünniclîchen schar

Verse: 9709    die got alsô gekroenet hât
Verse: 9710    daz gar der werlte vreude stât

Verse: 9711    an ir vil reinen güete!
Verse: 9712    si nidernt hôch gemüete

Verse: 9713    und hoehent dicke nidern muot.
Verse: 9714    wol im der nâch ir willen tuot!
Verse: 9715    ir trôst der ist nâch leide guot.


Verse group: (200) 
Verse: 9716    Dô dem herren Gâwein
Verse: 9717    vrouwen Lârîen schoene erschein

Verse: 9718    und ir lîp rehte ersach,
Verse: 9719    wider sî er güetlîche sprach

Verse: 9720    'ô wol dir, minniclîcher lîp
Verse: 9721    gebar ding schoene ie dehein wîp?

Verse: 9722    daz ist doch ungeloublich.
Verse: 9723    ich wæn got selbe worhte dich

Verse: 9724    mit siner gotlîchen hant.
Verse: 9725    swaz ich vrouwen hân erkant

Verse: 9726    od mit den ougen ie gesach,
Verse: 9727    der schoene macht dîn schoene swach

Verse: 9728    du bist ir aller spiegel.
Verse: 9729    ich hân noch her den ziegel

Verse: 9730    vür lûter glas an gesehen;
Verse: 9731    dîner schoene muoz ich prîses jehen;

Verse: 9732    du solt ir aller krône tragen.
Verse: 9733    dîn schoene mangen hât erslagen

Verse: 9734    der noch wol lebte sîne zît
Verse: 9735    ich wæn dîn süeziu minne gît

Verse: 9736    clem herzen jâmers stimme.
Verse: 9737    du bist diu wâre gimme

Verse: 9738    senlicher minne
Verse: 9739    des herzen und der sinne.

Verse: 9740    ichn gan dîn niemen alsô wol
Verse: 9741    als dem der dich dâ haben sol,

Verse: 9742    mit dem du, vrouwe, solt genesen.
Verse: 9743    ir sult mîn vreude beidiu wesen

Verse: 9744    swar ich in der werlte var.
Verse: 9745    got hât sînen vlîz gar

Verse: 9746    ze wunsche wol an iuch geleit;
Verse: 9747    und læt er iuch âne leit

Verse: 9748    alsô rnit vreuden alten,
Verse: 9749    und welt ir danne behalten

Verse: 9750    die sêle, sô wirt daz ende guot.
Verse: 9751    nu gebe er iu den selben muot

Verse: 9752    der iuwer rninne gesamnet hât;
Verse: 9753    dar zuo habt ir mînen rât

Verse: 9754    und mîne helfe die wîle ich lebe.
Verse: 9755    ich zel mirz zeiner grôzen gebe

Verse: 9756    von unsers herren barmicheit
Verse: 9757    daz er mir mîn herzeleit

Verse: 9758    mit iu beiden hât benomen.
Verse: 9759    ze vreuden bin ich wider komen

Verse: 9760    Sit ich iuch bi einander weiz. )
Verse: 9761    vrouwe Lârîe sich dô vleiz

Verse: 9762    mit gebærden und mit munde
Verse: 9763    als si beste kunde

Verse: 9764    daz si in mit triuwen meinde;
Verse: 9765    mit worten si im bescheinde

Verse: 9766    daz si sîn tohter wolde sîn;
Verse: 9767    hern Gâwein hiez si väterlîn.

Verse: 9768    sus gwan diu triuwe und ir sin
Verse: 9769    einen muot under in,
Verse: 9770    der was gescheiden ê mit drin.


Verse group: (201) 
Verse: 9771    Des küniges hôchzît diu was grôz.
Verse: 9772    ir ir deheinen des wesens dâ verdrôz.

Verse: 9773    man gap im groze wirtschaft;
Verse: 9774    dar zuo si vreuden überkraft

Verse: 9775    sâhen alle tage dâ.
Verse: 9776    niemen dorfte vrâgen 'wâ?'

Verse: 9777    wan dâ was manger hande spil
Verse: 9778    und rîterlîcher vreuden vil;

Verse: 9779    alsô vertriben si die zît.
Verse: 9780    der sal was schoene unde wît,

Verse: 9781    lûter, eben als ein glas.
Verse: 9782    vil grôzer tanz darûffe was

Verse: 9783    von rîtern und von vrouwen.
Verse: 9784    ouch stuonden in den ouwen

Verse: 9785    vil manic hêrlîch gezelt.
Verse: 9786    beidiu wisen unde velt

Verse: 9787    vollez rîterschefte lac,
Verse: 9788    dâ man buhurdierens pflac

Verse: 9789    alle tage unz an die naht.
Verse: 9790    sus was mit vreuden bedaht

Verse: 9791    daz lant, daz e jâmers pflac
Verse: 9792    vil riuwiclîche mangen tac.

Verse: 9793    êrec und mîn her Gâwein,
Verse: 9794    Lanzelet und her îwein

Verse: 9795    die buhurdierten ouch dâ vil.
Verse: 9796    sus werte daz rîterlîche spil

Verse: 9797    vollecliche zwelf tage
Verse: 9798    nâch der aventiure sage.

Verse: 9799    also diu hôchzît ende nam,
Verse: 9800    dô kom ein garzûn ane scham

Verse: 9801    ûf den sal geloufen.
Verse: 9802    der begunde sich roufen

Verse: 9803    und gebären jæmerlîche,
Verse: 9804    wand er was jamers rîche

Verse: 9805    ich wæn sin swære diu was grôz
Verse: 9806    er lief nacket unde bloz

Verse: 9807    aller hande kleider,
Verse: 9808    niwan dirre beider:

Verse: 9809    zweir schuohe und einer niderwât;
Verse: 9810    im was aller hande rât

Verse: 9811    anders vil tiure.
Verse: 9812    der brâht aventiure:

Verse: 9813    ein bluotic sper zebrochen;
Verse: 9814    dâ mit was erstochen

Verse: 9815    der künic âmîre von Lîbîâ.
Verse: 9816    daz kunt er den rîtern dâ

Verse: 9817    mit vil jæmerlîcher klage
Verse: 9818    dâ vor an dem dritten tage

Verse: 9819    was er erslagen vor Nâmûr.
Verse: 9820    daz het getân der vreuden schûr,

Verse: 9821    Lîôn der ungehiure,
Verse: 9822    mit einer jostiure.

Verse: 9823    ditz klagte er offenlîche
Verse: 9824    und rief vil jæmerlîche

Verse: 9825    'wâfen über den helt balt
Verse: 9826    der grôzen mort und gewalt

Verse: 9827    an mînem herren hât getan'
Verse: 9828    er sprach 'swer ie liep gewan

Verse: 9829    und herzenlîche trûtschaft,
Verse: 9830    habe er dar zuo ganze kraft

Verse: 9831    der triuwen und der manheit,
Verse: 9832    sô si im daz unbilde leit

Verse: 9833    daz der ungetriuwe man
Verse: 9834    an mînem herren hât getan.

Verse: 9835    er nam im sine vriundin
Verse: 9836    und vuorte si mit gewalte hin,

Verse: 9837    dô er den helt hêt erslagen.
Verse: 9838    ditz leit sol der künic klagen,

Verse: 9839    von Korntîn her Gwîgâlois;
Verse: 9840    und ist er alsô kurtois

Verse: 9841    und pfligt sô grozer manheit
Verse: 9842    alsô diu werlt von im seit,
Verse: 9843    sô sol er rechen ditze leit.


Verse group: (202) 
Verse: 9844    Mîn vrouwe und mîn herre
Verse: 9845    die wâren harte verre

Verse: 9846    durch den künic gevaren her.
Verse: 9847    nu hât geletzet in daz sper

Verse: 9848    des lebens und der hôchzît.
Verse: 9849    owê, wie jæemerlîch er lît

Verse: 9850    noch ûf dem velde unbegraben!
Verse: 9851    swelhe nu rîters namen haben,

Verse: 9852    den si daz unbilde leit.
Verse: 9853    vor leide hân ich mîniu kleit

Verse: 9854    von dem libe gerizzen.
Verse: 9855    der künic sol daz wizzen,

Verse: 9856    die vürsten und ir dienestman,
Verse: 9857    daz ditz lasten ist getân

Verse: 9858    benamen ûf ir ere.
Verse: 9859    miner vrouwen Liâmêre

Verse: 9860    der werden küniginne,
Verse: 9861    ist ir stætiu minne

Verse: 9862    mit gewalte entschumpfieret.
Verse: 9863    swen daz laster zieret,

Verse: 9864    dern kan niht leit mit leide klagen.
Verse: 9865    Lîôn der vürste hât erslagen

Verse: 9866    an mînem herren einen man
Verse: 9867    daz ich iu niht gesagen kan

Verse: 9868    wie hôhes werdes was sîn lîp.
Verse: 9869    vrouwe Larie und sîn wîp

Verse: 9870    min vrouwe Lîamêre,
Verse: 9871    ir ietwedriu sêre

Verse: 9872    der andern leit solde klagen
Verse: 9873    mit triuwen, als ich iu wil sagen.

Verse: 9874    ir väter zweier bruoder kint
Verse: 9875    wâren, die erslagen sint

Verse: 9876    leider nû vor mangem tage.
Verse: 9877    der zweier namen ich iu sage:

Verse: 9878    der ein Garez von Lîbîâ
Verse: 9879    ouch nant er den andern sa:

Verse: 9880    Lâr, der künic von Korntîn
Verse: 9881    ( nu sehet waz si einander sîn

Verse: 9882    und helfet mîner vrouwen wider!'
Verse: 9883    vor leide vrouwe Lârîe nider

Verse: 9884    umb ir nifteln laster seic.
Verse: 9885    her Gwîgâlois niht lenger sweic.

Verse: 9886    er sprach 'vrouwe, gehabt iuch wol!
Verse: 9887    ich erledige si, oder ich dol

Verse: 9888    swaz ze lîden mir geschiht.
Verse: 9889    vrouwe Lârîe, enweinet niht!

Verse: 9890    ich wil im widerbieten.'
Verse: 9891    die vürsten im do rieten

Verse: 9892    daz er sich besande baz.
Verse: 9893    si sprachen 'herre, wizzet, daz

Verse: 9894    im helfent die Särvîe;
Verse: 9895    dar zuo von Turkîe

Verse: 9896    kumt im vil manic rîter guot.
Verse: 9897    ouch tragent im vil holden muot

Verse: 9898    die Valwen und die Kriechen.
Verse: 9899    wir müezen mangen siechen

Verse: 9900    vor der stat gewinnen.
Verse: 9901    ûzen an der mûre und innen

Verse: 9902    lit dâ hoher türne vil.
Verse: 9903    da wirt benamen des tôdes spil.
Verse: 9904    nu dar, swer prîs bejagen wil!


Verse group: (203) 
Verse: 9905    êrec und sîn geselleschaft
Verse: 9906    sprâchen 'swer nu zwîvelhaft

Verse: 9907    durch dise vreise wil bestên,
Verse: 9908    dem kan daz laster niht nâhen gên

Verse: 9909    daz sînem herren und im geschiht.'
Verse: 9910    'her Gwîgâlois, nu ensûmt iuch niht!'

Verse: 9911    sprach her Gâwein der degen,
Verse: 9912    und wil got des rehten pflegen,

Verse: 9913    als er ie hât getân,
Verse: 9914    sô wæn uns niht geschaden kan.

Verse: 9915    ir habt vil guote rîterschaft,
Verse: 9916    und wellent die ir triuwen kraft

Verse: 9917    iu mit helfe erzeigen hie,
Verse: 9918    sône gewan dehein künic nie

Verse: 9919    in disem lande so mangen helt.
Verse: 9920    dise riter sint erwelt

Verse: 9921    ûz mangem künicrîche.'
Verse: 9922    dô lobten im gelîche helfe

Verse: 9923    an der stunde
Verse: 9924    mit gemeinem munde

Verse: 9925    die sîne und ouch die geste.
Verse: 9926    diu sicherheit wart veste

Verse: 9927    über den ungetriuwen man
Verse: 9928    der disen mort hêt getân

Verse: 9929    und in daz laster hêt erboten.
Verse: 9930    her Gwîgâlois do sinen boten

Verse: 9931    mit dem garzûn sande dar.
Verse: 9932    von im und von den vürsten gar

Verse: 9933    widerbôt er in die stat
Verse: 9934    Lîôn dem vürsten würde mat,

Verse: 9935    möht er, nâch sînem schache getan.
Verse: 9936    sus schiet der bot von im dan.

Verse: 9937    dem garzûn wolder kleider geben.
Verse: 9938    do sprach er 'nein! ich wil leben

Verse: 9939    mit herzeleide unz an die zît
Verse: 9940    daz gotes gerihte räche gît

Verse: 9941    nâch sînen werken über in
Verse: 9942    der mir vreude und gewin

Verse: 9943    ane schulde genomen hât.
Verse: 9944    owê der grôzen meintât,
Verse: 9945    daz si noch ungerochen stât!'


Verse group: (204) 
Verse: 9946    Sus nam er urloup und schiet dan
Verse: 9947    wider zuo dem tôten man,

Verse: 9948    der dannoch ûf dem velde lac;
Verse: 9949    des got mit sîner huote pflac

Verse: 9950    vor vogeln und vor hunden.
Verse: 9951    sin ors daz was gebunden

Verse: 9952    vil vaste an einer linden ast.
Verse: 9953    alsô gewâfent lac der gast:

Verse: 9954    sin schilt was über in geleit
Verse: 9955    nâch des landes gwonheit;

Verse: 9956    daz swert under sinem houbet lac.
Verse: 9957    ditz was der sibende tac

Verse: 9958    daz der helt was erslagen.
Verse: 9959    man sach in jæmerlîche klagen

Verse: 9960    zwene winde die bî im lâgen.
Verse: 9961    des heldes si dâ pflâgen

Verse: 9962    vor vogeln und vor wilde.
Verse: 9963    ungaz ûf dem gevilde

Verse: 9964    dolten si die hungers nôt
Verse: 9965    unz si dâ lagen bi im tôt

Verse: 9966    daz ors und sîne winde.
Verse: 9967    den schat gap in diu linde

Verse: 9968    mit ir loube daz was breit.
Verse: 9969    min vrouwe Lîamêre erleit

Verse: 9970    nâch dem helde groze pîne.
Verse: 9971    im wären die sine

Verse: 9972    gar gevangen und erslagen.
Verse: 9973    daz begunde si herzenlîche klagen

Verse: 9974    mit wîplîcher swære;
Verse: 9975    ir wart der lîp unmære

Verse: 9976    daz si ir trût het verlorn.
Verse: 9977    dô hêt ab si Lîôn erkorn

Verse: 9978    ze vreuden sînem lîbe
Verse: 9979    disem reinem wîbe

Verse: 9980    ersluoc er ir lieben man
Verse: 9981    mit einem sper von Angran.

Verse: 9982    ir grôziu schoene gap im den tôt.
Verse: 9983    der jamer ir nâch im gebôt

Verse: 9984    vil pînlîche swæere.
Verse: 9985    swie schoene ir varwe e wære,

Verse: 9986    diu erlasch nu gar und wart bleich.
Verse: 9987    ir vreude ir s gar gesweich

Verse: 9988    daz si niwan jamers pflac
Verse: 9989    beidiu naht unde tac.
Verse: 9990    des lîbes si sich gar bewac.


Verse group: (205) 
Verse: 9991    Als ir der triuwen jâmer riet,
Verse: 9992    ir schoene zöpfe si abe schriet,

Verse: 9993    die wâren lanc, ze rehte grôz;
Verse: 9994    der regen von ir ougen vlôz

Verse: 9995    an diu wange und ûf ir brust.
Verse: 9996    der bitter tôt was ir gelust;

Verse: 9997    daz erzeiget si der werlte sît.
Verse: 9998    si zarte von ir den sâmit,

Verse: 9999    der von golde gap liehten schîn,
Verse: 10000    und einen belz härmîn

Verse: 10001    von ir schoenem lîbe.
Verse: 10002    dem vil reinem wîbe

Verse: 10003    wart von herzen leide,
Verse: 10004    daz si ir ougen weide

Verse: 10005    ane schulde slahen sach.
Verse: 10006    von disem leide ir herze brach,

Verse: 10007    da von ouch si den lîp verlôs.
Verse: 10008    ir ganze sinne si verkos

Verse: 10009    mit jæmerlîcher tobeheit;
Verse: 10010    sine dolte an ir deheiniu kleit,

Verse: 10011    unz man ir huote muose haben.
Verse: 10012    'owê, wan wæer ich begraben

Verse: 10013    mit mînem süezen trûte!'
Verse: 10014    daz rief si vil lûte;

Verse: 10015    dise rede begap si nie.
Verse: 10016    swaz si ir schoenen lîbes gevie,

Verse: 10017    da[z] beiz si iæmerlîche abe.
Verse: 10018    von dirre grôzen ungehabe

Verse: 10019    vlôch si wîp unde man,
Verse: 10020    wan si was sô wol getan,

Verse: 10021    swer ir jâmer rehte ersach
Verse: 10022    daz dem ze weinen geschach.

Verse: 10023    ditz treip si als, siben tage,
Verse: 10024    daz ir jâmer und ir klage

Verse: 10025    was zallen zîten niuwe;
Verse: 10026    si truoc die waren riuwe

Verse: 10027    umbe ir gesellen tôt.
Verse: 10028    Lîôn der vürste ir dicke enbôt

Verse: 10029    sinen lîp und ouch sîn lant.
Verse: 10030    daz gienc ir allez zeiner hant;

Verse: 10031    sin trost der was ir ungehabe.
Verse: 10032    sus tet si sich der werlte abe

Verse: 10033    mit herzenlîchem sêre.
Verse: 10034    den lîp, guot und êre

Verse: 10035    verlôs si umb ir gesellen tôt;
Verse: 10036    des wart vil manic ouge rôt;
Verse: 10037    ir triuwe wac vür Karles lôt


Verse group: (206) 
Verse: 10038    dô si der vürste tote sach,
Verse: 10039    wider sich selben er dô sprach

Verse: 10040    'owê, waz hân ich getan!
Verse: 10041    ich han erslagen ir lieben man

Verse: 10042    âne schulde mit mîner hant.
Verse: 10043    owê dir, untriuwen bant,

Verse: 10044    wie mich dîn gir verleitet hât!
Verse: 10045    du gæbe mir disen boesen rât

Verse: 10046    daz ich den helt erslagen hân
Verse: 10047    niwan ûf des heiles wân

Verse: 10048    daz mir sîn schoene wîp belibe
Verse: 10049    und ich die zît rnit ir vertribe.

Verse: 10050    nu lît si hie vor leide tôt
Verse: 10051    umb ir gesellen; deist ein nôt

Verse: 10052    die ich immer klagen muoz.
Verse: 10053    ô wol dir, reines wîbes gruoz

Verse: 10054    und herzenlîchiu trûtschaft
Verse: 10055    du treist et gar der triuwen kraft

Verse: 10056    mit vil jæmerlîchen siten.'
Verse: 10057    innen des dô kam geriten

Verse: 10058    des künges bot von Korntîn.
Verse: 10059    waz sin gewerp möhte sîn,

Verse: 10060    daz was in allen unbekant.
Verse: 10061    er erbeizte und gie zehant

Verse: 10062    dâ er Lîôn den vürsten sach.
Verse: 10063    wider in er vräveliche sprach

Verse: 10064    'herre, dir widerbietent die
Verse: 10065    ioo die ich dir benenne hie

Verse: 10066    ir dienest und ir vriuntschaft:
Verse: 10067    mîn herre der künic mit sîner kaft

Verse: 10068    her Gwîgâlois von Korntîn,
Verse: 10069    Rîâl, der künic von Jeraphîn,

Verse: 10070    êrec. fil de roi Lac
Verse: 10071    und Lanzelet der Arlac,

Verse: 10072    mîns herren vater, her Gawein,
Verse: 10073    und von dem brunnen her îwein

Verse: 10074    Zaradech und Panschafar, ?
Verse: 10075    die sint von der heiden schar

Verse: 10076    zwêne künige ûz Asîâ,
Verse: 10077    die wellent ir sper dâ

Verse: 10078    durch dînen schilt verstechen
Verse: 10079    und daz laster rechen

Verse: 10080    mit swerten an dînem lîbe
Verse: 10081    daz du dem reinen wîbe

Verse: 10082    hâst erslagen ir lieben man,
Verse: 10083    der dir niht leides hêt getan.

Verse: 10084    zes küniges hochzît wolder sîn;
Verse: 10085    nu hât diu untriuwe dîn

Verse: 10086    ir gewalt an im erzeiget.
Verse: 10087    dîn hochvart wirt geneiget

Verse: 10088    und dîn gewalt verkêret
Verse: 10089    dîn vreude wirt geseret

Verse: 10090    mit herzenlîcher swære.
Verse: 10091    owê der leiden mære

Verse: 10092    daz mîn vrouwe Lîamêre ist tôt,
Verse: 10093    diu nie wart von schanden rot!

Verse: 10094    ir lîp hât si Von dir verlorn.
Verse: 10095    dar umbe hât ûf dich gesworn

Verse: 10096    der grâve Adân von âlarîe,
Verse: 10097    und dise vürsten drîe:

Verse: 10098    Darêl, Gamêr und Arîûn;
Verse: 10099    Medarie und Belacûn,

Verse: 10100    von danne sint si geborn.
Verse: 10101    ir herren habent si verlorn

Verse: 10102    ûf dem gevilde bî Roimunt.
Verse: 10103    von disen vürsten tuon ich dir kunt

Verse: 10104    daz si dir schade wellent sîn.
Verse: 10105    vrouwe êlamîe diu künigîn

Verse: 10106    widerbiutet dir ir vriuntschaft,
Verse: 10107    si und ir geselleschaft.

Verse: 10108    vrouwe Marîne und ir gespiln
Verse: 10109    die wellent hie mit dir spiln

Verse: 10110    dâ von manic ouge wirdet rôt.
Verse: 10111    daz spil wirt manges mannes tôt.

Verse: 10112    dir widerbiutet ouch Bejolarz,
Verse: 10113    des graven sun von Lêodarz

Verse: 10114    und sîn neve, der grâve Môrâl;
Verse: 10115    Ursîn und Ambigâl,

Verse: 10116    zwêne grâven von Sâlîe;
Verse: 10117    dar nâch diu massenie

Verse: 10118    widerbiutet dir ir vriuntschaft.
Verse: 10119    min herr der künic, mit siner kraft

Verse: 10120    wil dich besitzen vor der stat.
Verse: 10121    dâ wirt dîn untriuwe sat

Verse: 10122    mortlîcher dinge.
Verse: 10123    dîner vreuden klinge

Verse: 10124    muoz bresten von der meintât
Verse: 10125    die dîn hant begangen hât

Verse: 10126    an dem vürsten wol geborn.
Verse: 10127    von sinem tôde hât verlorn

Verse: 10128    ir lîp vrouwe Lîamêre,
Verse: 10129    diu mit herzen sere

Verse: 10130    vil jæmerlîche ende kos
Verse: 10131    vor leide, daz si ir trût verlos.

Verse: 10132    waz mac ich nu sprechen mê?
Verse: 10133    ir lîp der ist ein junger rê

Verse: 10134    und lît hie jæmerlîche.
Verse: 10135    nu wizze et sicherlîche

Verse: 10136    daz got den mort niht übersiht.
Verse: 10137    swaz leides dir dâ von geschiht,

Verse: 10138    dazn sol niemen guoter klagen.
Verse: 10139    nach disen zwelf tagen

Verse: 10140    sihestu minen herren hie,
Verse: 10141    dem reiner wîbe jâmer ie
Verse: 10142    vil nähen an daz herze gie.'


Verse group: (207) 
Verse: 10143    Dô Lîôn hêt vernomen
Verse: 10144    die botschaft diu im was komen,

Verse: 10145    und disen jâmer vor im sach,
Verse: 10146    daz beswârte in sêre unde sprach

Verse: 10147    'der rede wirt vil guot rät.
Verse: 10148    swer mir widerboten hät

Verse: 10149    dem entwiche ich nimmer einen vuoz.
Verse: 10150    ir vriuntschaft und ir gruoz

Verse: 10151    ist mir als in diu mîne.
Verse: 10152    vor der stat ich schîne

Verse: 10153    swen si komen, mit rîters wer.
Verse: 10154    sine bringent nie so grozez her

Verse: 10155    ichn gebe in rîterschaft genuoc.
Verse: 10156    ôwoch! daz ich den vürsten sluoc,

Verse: 10157    des trûwe ich harte wol genesen.
Verse: 10158    die mir schade wellent wesen

Verse: 10159    die komen her, swer si sîn!
Verse: 10160    ich nim daz ûf die triuwe mîn

Verse: 10161    daz si den prîs hie bejagent
Verse: 10162    den ir wîp da heimne klagent.

Verse: 10163    si wænent des ich sî ez Rôaz.
Verse: 10164    deiswar, ich trûwe verre baz

Verse: 10165    mîn lant erweren und die stat.
Verse: 10166    der rede wil ich dehein blat

Verse: 10167    legen vür mînen munt.
Verse: 10168    daz weiz ich wol und ist mir kunt

Verse: 10169    daz er den helt mit zouber sluoc
Verse: 10170    des hant vil mänlich ellen truoc.

Verse: 10171    durch daz im dâ so wol gelanc,
Verse: 10172    sô wolder über mînen danc

Verse: 10173    min lant mir an erstrîten.
Verse: 10174    er sol noch lenger bîten

Verse: 10175    mich dunket des, er sûme sich.
Verse: 10176    sin zorn unde sin gerich

Verse: 10177    ist mir als daz boeste hâr
Verse: 10178    daz ie man von im geschar.

Verse: 10179    daz soltu dînem herren sagen.
Verse: 10180    swaz er prîses hie wil bejagen,

Verse: 10181    den muoz er koufen tiure;
Verse: 10182    hie enist niht âventiure!

Verse: 10183    die sol er suochen anderswâ.
Verse: 10184    ich weiz wol, ? irn gelinge et dâ,

Verse: 10185    als im tet ze Korntîn, ?
Verse: 10186    Sol ich leben, ich tuon im schîn

Verse: 10187    daz er mîn lant und mich verbirt.
Verse: 10188    ich wil hie selbe wesen wirt.

Verse: 10189    ern hät niht rehte an mir ersehen;
Verse: 10190    ander liute sol er im spehen
Verse: 10191    die sîn ze herren wellen jehen!'


Verse group: (208) 
Verse: 10192    Der bot sprach zem wirte
Verse: 10193    sân 'hie enwirt mit rede niht getân;

Verse: 10194    die sul wir beide lazen sin;
Verse: 10195    bistu vrum, daz wirt wol schîn.

Verse: 10196    ich wil mit urloube varn.'
Verse: 10197    er sprach 'got müeze dich bewarn!

Verse: 10198    nu sage der mässenîe von mir:
Verse: 10199    und tragen si rîterlîche gir,

Verse: 10200    daz si die hie erzeigen;
Verse: 10201    ez sterben [ni]wan die veigen, ?

Verse: 10202    die lægen doch da heime tot,
Verse: 10203    daz si niht schiuhen dise nôt.'

Verse: 10204    er sprach 'herre, daz tuon ich.'
Verse: 10205    mit der rede schiedens sich.

Verse: 10206    sus vuor der bot ze Korntîn.
Verse: 10207    den künic und die künigîn

Verse: 10208    vant er und die vürsten da.
Verse: 10209    disiu mære begunder sâ

Verse: 10210    al der mässenîe sagen:
Verse: 10211    wie der künic wære erslagen,

Verse: 10212    âmîre, durch sîn schoene wîp
Verse: 10213    und wie dar nâch vor leide ir lîp

Verse: 10214    diu schoene Lîamêre
Verse: 10215    mit herzenlîchem sêre

Verse: 10216    vil jæmerlîch verkôs,
Verse: 10217    dô si ir gesellen verlôs

Verse: 10218    der ir herzen bluome was.
Verse: 10219    noch stæter danne ein adamas

Verse: 10220    was der reinen triuwe.
Verse: 10221    daz erzeicte ir grôziu riuwe

Verse: 10222    die si nach dem helde truoc
Verse: 10223    den ir grôziu schoene sluoc.

Verse: 10224    owê und wol dir, Minne!
Verse: 10225    du twingest die küniginne

Verse: 10226    gelîch der vil armen diet.
Verse: 10227    dîn kraft nie niht underschiet

Verse: 10228    dune zügest ez gar in dîn gebot.
Verse: 10229    du kanst in ernest und in spot

Verse: 10230    twingen allez daz du wil.
Verse: 10231    dîn ende daz treit jâmers vil:

Verse: 10232    den tôt er nâch im ziuhet.
Verse: 10233    swer dînem gewalte enpfliuhet,

Verse: 10234    der dunket mich ein sinnic man.
Verse: 10235    dîn kraft vil wol gemachen kan

Verse: 10236    mit leide liehtiu ougen rôt.
Verse: 10237    dâ wart vil ofte 'owê dir, tôt!'

Verse: 10238    gerüefet jæmerlîche,
Verse: 10239    dô si klägelîchze

Verse: 10240    klagten daz vil reine wîp
Verse: 10241    diu von herzeleide ir lîp

Verse: 10242    verlôs umb ir lieben man.
Verse: 10243    als ich mich versinnen kan,
Verse: 10244    daz wirt vil selten nû getan.


Verse group: (209) 
Verse: 10245    Welt ir, ich sagiu wa von:
Verse: 10246    wîlen was man ungewon

Verse: 10247    valschlîcher minne;
Verse: 10248    mit einvaltigem sinne

Verse: 10249    minten si ein ander do.
Verse: 10250    nû si wir valschlîche vrô

Verse: 10251    und minnen [ni]wan mit kündicheit.
Verse: 10252    swer nû wâre minne treit

Verse: 10253    und triuwe, der ist vil manges spot.
Verse: 10254    wîlen dô minten si got,

Verse: 10255    do het ouch ers in sîner pflege.
Verse: 10256    nu kerewir alle von dem wege

Verse: 10257    siner gebot, diu er uns lie.
Verse: 10258    dâ von solt wir bedenken wie

Verse: 10259    diu werlt sich verkêret hât;
Verse: 10260    ir vreude jæmerlîche stât;

Verse: 10261    diu reht sint gevloehet;
Verse: 10262    ir gewalt der ist gehoehet;

Verse: 10263    diu triuwe ist verschertet;
Verse: 10264    untriuwe mit nîde hertet.

Verse: 10265    diu zît hât sich verwandelt gar;
Verse: 10266    ie lanc lenger boesent diu jâr.

Verse: 10267    ezn lebt nu niemen sîne zît;
Verse: 10268    diu giticheit boese ende gît;

Verse: 10269    sus hât si sich verkêret.
Verse: 10270    ir vreude ist gesêret

Verse: 10271    mit toetlîcher sünde.
Verse: 10272    ditz ist ir urkünde:

Verse: 10273    si stêt nû, als wîlen sach
Verse: 10274    Jôhannes, dâ von er sprach

Verse: 10275    in dem heren geiste.
Verse: 10276    mit gotes volleiste

Verse: 10277    sach er die himel offen sten;
Verse: 10278    dar inne solhiu dinc begen

Verse: 10279    daz im ze schrîben wart verboten.
Verse: 10280    er sach des waren lambes boten

Verse: 10281    in sînen tougen umbe varn
Verse: 10282    und durch den himel einen arn

Verse: 10283    vliegen krefticlîche.
Verse: 10284    der rief vil jæmerlîche

Verse: 10285    'owê ir, aller muoter barn!
Verse: 10286    ir solt nach sinem willen varn

Verse: 10287    der anegenges niene hât
Verse: 10288    und des gewalt ân ende stât

Verse: 10289    und der in sîner hende
Verse: 10290    besliuzet der werlt ende,

Verse: 10291    ân des genâde niht mac gesîn;
Verse: 10292    des tuot er afle tage schîn.

Verse: 10293    sin gebot habt ir übersehen;
Verse: 10294    des muoz iu leide geschehen.

Verse: 10295    von im sit ir vervluochet
Verse: 10296    iuwers lebens er niht ruochet.'

Verse: 10297    daz ist über uns ergangen.
Verse: 10298    mit des tôdes zangen

Verse: 10299    sî wir leider hin gezogen.
Verse: 10300    diu gîticheit hât uns betrogen

Verse: 10301    und werltlîcher rîchtuom,
Verse: 10302    owê dir, rîcheit unde ruom!

Verse: 10303    dîn zierlîch gebende
Verse: 10304    wirt vil ellende
Verse: 10305    nach des lîbes ende.


Verse group: (210) 
Verse: 10306    Ichn mac ez allez errecken niht
Verse: 10307    swaz dô geschach und noch geschiht:

Verse: 10308    der mære würde gar ze vil;
Verse: 10309    da von ich mich niht sûmen wil

Verse: 10310    mit s manger umbesage.
Verse: 10311    dâ was grôz weinen unde klage

Verse: 10312    von der mässenîe.
Verse: 10313    diu künigîn Lârîe

Verse: 10314    klaget vil sêre ir nifteln tôt.
Verse: 10315    dâ wart vil manic ouge rôt.

Verse: 10316    von klägelîchem sêre.
Verse: 10317    der bot sagt in noch mêre

Verse: 10318    von Lîôn, dem vürsten balt:
Verse: 10319    daz er umb ir aller gwalt

Verse: 10320    niht engæbe daz boeste har
Verse: 10321    daz ie man von im geschar,

Verse: 10322    und daz ir aller widerbot
Verse: 10323    wær sin tägelîcher spot;

Verse: 10324    ern vörhte si ze nihte
Verse: 10325    und wolde zir angesihte

Verse: 10326    gegen in ligen mit sînem ber
Verse: 10327    . si vünden rîterlîche wer,

Verse: 10328    strenge jost und herten strit,
Verse: 10329    ob si koemen im enzît

Verse: 10330    () mit mänlîchem muote.
Verse: 10331    her Gawein der guote

Verse: 10332    und sîn gesellen [die] wurden vrô.
Verse: 10333    diu mässenîe bereit sich dô

Verse: 10334    vil snelle zuo der hervart,
Verse: 10335    da manic schilt verhouwen wart.

Verse: 10336    ouch bereite man der künigîn
Verse: 10337    da si inne solde sin

Verse: 10338    die vart durch des küniges bet,
Verse: 10339    daz ouch si vil gerne tet,

Verse: 10340    wand ez ir beider minne riet,
Verse: 10341    diu si nimmer mê geschiet.

Verse: 10342    swar min her Gwîgâlois nu rit,
Verse: 10343    vrouwe Lârîe im volget mit,

Verse: 10344    wand er die schoenen gerne sach.
Verse: 10345    er hiez bereiten durch ir gemach

Verse: 10346    ein hatte schoene kastel,
Verse: 10347    ze maze hôch und sinwel,

Verse: 10348    geriht ûf einen helfant,
Verse: 10349    daz man vil wol bedecket vant,

Verse: 10350    mit pfelle von Alexandrîe.
Verse: 10351    drinne mîn vrouwe Lârîe

Verse: 10352    mit zwelf juncvrouwen reit,
Verse: 10353    die waren rîch und gemeit.

Verse: 10354    vil groz gezierde truoc man drîn;
Verse: 10355    mit rîchen tepten sîdîn

Verse: 10356    bestreuwet man daz kastel.
Verse: 10357    ein pfelle rot unde gel

Verse: 10358    die wende al umbe gar bevienc.
Verse: 10359    enmitten dar inne hienc

Verse: 10360    ein mückennetze sîdîn.
Verse: 10361    mit golde was gehangen drîn

Verse: 10362    ein kristalle, lûterr danne ein glas,
Verse: 10363    daz vil wol gefüllet was

Verse: 10364    mit balsam der gap guoten smac;
Verse: 10365    des süeze enstrîte gegen wac

Verse: 10366    bisem und spicâ nardî.
Verse: 10367    welt ir wizzen waz daz sî?

Verse: 10368    umb den smac stêt ez so:
Verse: 10369    nie niemen wart sô unvrô,

Verse: 10370    gesmecket er sîn, sîn leit zergê.
Verse: 10371    nu hoert von sîner tugent me:

Verse: 10372    dehein suht ist so getan
Verse: 10373    und wirt diu salbe gestrichen dran,

Verse: 10374    sine müeze deste semfter sîn.
Verse: 10375    besigelt in einem rubîn

Verse: 10376    was si; dâ von mans gesach.
Verse: 10377    der was der kristallen dach

Verse: 10378    und brehende als ein kerzen lieht
Verse: 10379    dâ man des nahtes bi gesicht.

Verse: 10380    diu salbe ist tiure und unbekant;
Verse: 10381    man bringet si von des Alten lant

Verse: 10382    vil verre ûz der heidenschaft.
Verse: 10383    von solhen wurzen hât si kraft

Verse: 10384    die man mit golde wider wiget.
Verse: 10385    dâ von ir sûezer smac gesiget

Verse: 10386    von rehte allen wurzen an.
Verse: 10387    als ichz vernomen hân,
Verse: 10388    ir süeze sich niht gelichen kan.


Verse group: (211) 
Verse: 10389    Daz netze was gestricket wol;
Verse: 10390    guldîner schellen hienc ez vol

Verse: 10391    niden an dem ende;
Verse: 10392    ouch wâren die wende

Verse: 10393    mit betten umbe und umbe beleit.
Verse: 10394    von rîchen pfellen kulter breit

Verse: 10395    wâren drûf gestrecket,
Verse: 10396    die wende gar bestecket

Verse: 10397    mit bluomen, und daz hûs bestreut.
Verse: 10398    der tac, des schîn diu herze vreut,

Verse: 10399    schein al umbe durch diu glas,
Verse: 10400    swen ez an sînem zite was.

Verse: 10401    sus was gezieret schône
Verse: 10402    drinne der vreuden krône,

Verse: 10403    des wunsches âmîe,
Verse: 10404    diu künigîn Lârîe

Verse: 10405    durch gemach solde rîten.
Verse: 10406    in vil kurzen ziten

Verse: 10407    nâch ir willen was ez bereit,
Verse: 10408    gezieret mît grôzer rîcheit.

Verse: 10409    swenne diu vrouwe solde varn,
Verse: 10410    sô hiez her Gwîgâlois bewarn

Verse: 10411    mit grôzer huote daz kastel
Verse: 10412    vier grâven; die wâren snel

Verse: 10413    ze triuwen und ze manheit;
Verse: 10414    ouch was in ganzer sin bereit.

Verse: 10415    der eine hiez grâve Môrâl;
Verse: 10416    Ursîn und Ambigâl;

Verse: 10417    der vierde hiez grave Adân.
Verse: 10418    der gebot wârn undertân

Verse: 10419    hundert riter gêrte.
Verse: 10420    swar der helfant kêrte

Verse: 10421    ûf dem velde od an dem wege,
Verse: 10422    dâ hêten si in in ir pflege,

Verse: 10423    alsô diu vrouwe drûffe was.
Verse: 10424    nu kômen ûf den palas

Verse: 10425    die vürsten durch des küniges bet
Verse: 10426    und swuoren alle an der stet

Verse: 10427    ze warten dem herren Gawein,
Verse: 10428    des kunst an rîterschefte schein.

Verse: 10429    er dûhte si sô wîse
Verse: 10430    daz si von sînem prîse

Verse: 10431    nimmer möhten missevarn,
Verse: 10432    sît er daz her solde bewarn

Verse: 10433    mit sinnen und mit manheit,
Verse: 10434    des kom er in die arbeit

Verse: 10435    die er vil küme überwant.
Verse: 10436    wan daz im vreise was bekant,
Verse: 10437    ez wæer verzaget des heldes hant.


Verse group: (212) 
Verse: 10438    Dô diu hervart was bereit,
Verse: 10439    als uns diu âventiure seit,

Verse: 10440    und iegelîch riter zuo der vart
Verse: 10441    an der zal geahtet wart,

Verse: 10442    dô hêt der künic von Korntîn, ?
Verse: 10443    an dem was grôz manheit schîn, ?

Verse: 10444    sehs tûsent rîter ode mîn.
Verse: 10445    nie dehein künic wart

Verse: 10446    sô hêr im zæme solhiu rîterschaft.
Verse: 10447    er hêt wol heres groezer kraft

Verse: 10448    gevüeret, ob er wolde.
Verse: 10449    dehein rîter nâch solde

Verse: 10450    diente dâ mit sîner wer:
Verse: 10451    im was sô willic gar daz her

Verse: 10452    durch sine grôze manheit,
Verse: 10453    daz im ir dienest was bereit

Verse: 10454    mit ganzem willen, âne guot;
Verse: 10455    si truogen im alle holden muot.

Verse: 10456    ouch tâten si der künigîn
Verse: 10457    sît wol an dem strîte schîn

Verse: 10458    daz si rou ir nifteln tôt.
Verse: 10459    man sol reiner wîbe nôt

Verse: 10460    dankes nimmer übersehen.
Verse: 10461    swâ in schade mac geschehen

Verse: 10462    daz sol wenden ein ieglîch man,
Verse: 10463    wan dem herzen niemen kan

Verse: 10464    sô herzenlîche vreude geben,
Verse: 10465    als der reinen wîbe leben.

Verse: 10466    ir gewizzen und ir güete
Verse: 10467    hoehent daz gemüete

Verse: 10468    daz immer wære an vreuden tôt.
Verse: 10469    sus wendent si des herzen nôt

Verse: 10470    mit guoter hendelunge.
Verse: 10471    vervluochet si diu zunge

Verse: 10472    dâ von dehein rede gê,
Verse: 10473    diu ir lobe widerstê!

Verse: 10474    Nu hoeret wie diu hervart
Verse: 10475    geordent und geprüevet wart

Verse: 10476    ûz dem lande ze Korntîn.
Verse: 10477    Rîâl der künic von Jeraphîn

Verse: 10478    vuor ie vor mit sîner schar.
Verse: 10479    sîn banier was alsus gevar:

Verse: 10480    geteilet wîz unde rôt.
Verse: 10481    enmitten dar inne bôt

Verse: 10482    ein tier von golde liehten schîn;
Verse: 10483    daz muose wol gezieret sin,

Verse: 10484    geschicket als ein helfant:
Verse: 10485    dâ bi sîn wâfen was bekant,

Verse: 10486    swar der edel rîter vuor.
Verse: 10487    diu volge im mänlich ellen swuor.

Verse: 10488    er was ein helt, âne wân;
Verse: 10489    sîn hant vil dicke hêt getân

Verse: 10490    dâ von man im prîses jach.
Verse: 10491    die galiôte man vlühtic sach

Verse: 10492    vor im vil dicke ûf dem mer:
Verse: 10493    er hêt entschumpfiert ir wer.

Verse: 10494    ouch lâgen im gelîche,
Verse: 10495    zwei rîchiu künicrîche;

Verse: 10496    der gewaltes hêt er sich erwert.
Verse: 10497    nu hoeret wie der künic vert!

Verse: 10498    sehs helfande vuort er;
Verse: 10499    die truogen nâch des heldes ger

Verse: 10500    wîchûs unde bercvrit.
Verse: 10501    dâ riten tûsent rîter mit

Verse: 10502    und vünf tûsent sarjant;
Verse: 10503    die truogen lanzen în der hant,

Verse: 10504    buckeler, swert unde bogen.
Verse: 10505    uns enhabe diu âventiure betrogen,

Verse: 10506    si zogeten ûz dem lande dar
Verse: 10507    mit manger banier lieht gevar.

Verse: 10508    dar nâch reit diu künigîn;
Verse: 10509    an der geverte was wol schîn

Verse: 10510    daz ir des wunsches niht gebrast.
Verse: 10511    si vuorte mit ir der sælden last

Verse: 10512    ûf dem helfande, ?
Verse: 10513    geprüevet âne schande: ?

Verse: 10514    zwelf mâgde wünniclîche,
Verse: 10515    edel unde rîche,

Verse: 10516    gekleit in grüenen samît;
Verse: 10517    roc unde mantel wît

Verse: 10518    mit lûtern vedern gefurriert.
Verse: 10519    ir houbet wären geziert

Verse: 10520    mit schapeln bluomin.
Verse: 10521    ir schoene gap den andern schîn

Verse: 10522    enstrîte gegen dem liehten tage.
Verse: 10523    swie in jâmer unde klage

Verse: 10524    gæbe vrouwen Lîamêren tôt,
Verse: 10525    iedoch wârn in die münde rôt

Verse: 10526    unde ir antlütze lieht.
Verse: 10527    ouchn sol ich vergezzen nieht

Verse: 10528    wie vrouwe Lârîe was gekleit.
Verse: 10529    als uns diu âventiure seit,
Verse: 10530    ir schoene gegen der sunnen streit.


Verse group: (213) 
Verse: 10531    Ein hemde wîz als ein swan
Verse: 10532    truoc diu gespil der sælden an;

Verse: 10533    daz was von sîlden kleine.
Verse: 10534    an ietwederm beine

Verse: 10535    zwêne schuohe von borten guot.
Verse: 10536    si jehent alle daz hôhen muot

Verse: 10537    diu rîcheit dem herzen gît.
Verse: 10538    daz mac wol sîn, doch ist min strit

Verse: 10539    daz nie grôze hôchvart
Verse: 10540    dehein herze von reiner art

Verse: 10541    gewan von grôzer rîcheit.
Verse: 10542    daz sî iu allen samt geseit:

Verse: 10543    daz ungeslâhte treit übermuot.
Verse: 10544    ein pfelle, gelpfer danne ein gluot

Verse: 10545    vrouwen Lârîen was gesniten;
Verse: 10546    dem was furrieren niht vermiten

Verse: 10547    von hermen die waren blanc.
Verse: 10548    ir roc und ir mantel lanc,

Verse: 10549    wol bezogen und gesniten
Verse: 10550    nâch der Franzoiser siten,

Verse: 10551    [der mantell mit offener snüere.
Verse: 10552    nâch rîcheit gevüere

Verse: 10553    ein zobel umbe und umbe gie,
Verse: 10554    beidiu orte er bevie, ?

Verse: 10555    swarz, grâ unde breit.
Verse: 10556    diu vrouwe hêt umb sich geleit

Verse: 10557    einen riemen von iberne;
Verse: 10558    als die liehten sterne

Verse: 10559    daz edel[ge]steine darûffe lac.
Verse: 10560    ein rubîn, lieht alsam der tac

Verse: 10561    was zuo der rinken wol ergraben,
Verse: 10562    von golde ein tracke darûf erhaben.

Verse: 10563    diu vrouwe truoc ein vurspan
Verse: 10564    dâne was niht mê gesmîdes an

Verse: 10565    io niwan ein dorn guldîn;
Verse: 10566    da mit hafte si ir buosem în.

Verse: 10567    daz vürspan was ein edel stein,
Verse: 10568    der doch drier varwe schein.

Verse: 10569    daz ein teil ein stnâragde was
Verse: 10570    grüener danne dehein gras;

Verse: 10571    ein saphir was des andern schîn?,
Verse: 10572    daz dritte ein edele rubîn:

Verse: 10573    zwene lewen und ein ar.
Verse: 10574    alsus hât gemeistert dar

Verse: 10575    nach dem wunsche ditze werc
Verse: 10576    mit worten Wirnt von Grâvenberc.

Verse: 10577    der pfelle den si an ", truoc
Verse: 10578    der was von golde guot genuoc,

Verse: 10579    geworht in der heidenschaft;
Verse: 10580    da ist der sinne hoehstiu kraft,

Verse: 10581    dâ lâgen vor den vrouwen fier
Verse: 10582    wurfzabel und kurrier

Verse: 10583    geworht von helfenbeine.
Verse: 10584    mit edelem gesteine

Verse: 10585    spilten si, mit holze niht,
Verse: 10586    als man nû vrouwen spilen siht.

Verse: 10587    si hêten kurzewîle vil
Verse: 10588    von manger hande seitspil

Verse: 10589    daz die vrouwen kunden;
Verse: 10590    dâ mit si überwunden

Verse: 10591    ir jâmer und ir herzeleit.
Verse: 10592    alsus was in der wunsch bereit;
Verse: 10593    ir gespile was diu sælicheit.


Verse group: (214) 
Verse: 10594    êrec und sin geselleschaft
Verse: 10595    swenne die wolden grôze kraft

Verse: 10596    herzenlîcher vreude spehen
Verse: 10597    und minniclîche schoene sehen,

Verse: 10598    sô giengen si zer künigîn;
Verse: 10599    dâ vunden si der sælden schîn

Verse: 10600    und schoener kurzewîle vil
Verse: 10601    von zabel und von seitspil

Verse: 10602    und süeze ougen weide.
Verse: 10603    nie niemen wart sô leide,

Verse: 10604    und solder zuo den vrouwen gên,
Verse: 10605    oo ern müese leides âne gestên.

Verse: 10606    die von gebürte wâren grôz,
Verse: 10607    vürsten oder vürsten genôz,

Verse: 10608    die lie man ûf daz kastel.
Verse: 10609    dâ was diu wîle harte snel

Verse: 10610    ioio mit vreuden schiere zergangen.
Verse: 10611    wen moht dâ erlangen

Verse: 10612    dâ der wunsch geordent was?
Verse: 10613    niuwe bluomen, grüenez gras

Verse: 10614    was ie töuwigez drin gestreut.
Verse: 10615    dâ von sich lîp und herze vreut

Verse: 10616    und daz diu beidiu twinget,
Verse: 10617    dâ mit diu sælde ringet ?

Verse: 10618    daz ist der edeln vrouwen gruoz,
Verse: 10619    . den diu volge jehen muoz

Verse: 10620    daz niht dem herzen nâher gê.
Verse: 10621    dem tuont si wol unde wê, ?

Verse: 10622    die sâzen hie nâch prîses kür.
Verse: 10623    ir ougen wider unde vür

Verse: 10624    sâhen in diu herze;
Verse: 10625    dâ von vil lîhte ein smerze

Verse: 10626    moht etelîchem widervarn,
Verse: 10627    dâ vor sich niemen kan bewarn.

Verse: 10628    sus vuor diu vrouwe Lârîe,
Verse: 10629    des wunsches âmîe.

Verse: 10630    ob ir kastel vlouc ein van;
Verse: 10631    dâ was von golde gebildet an

Verse: 10632    ein tier, als daz von Roimunt
Verse: 10633    ir vriunde tet die strâze kunt

Verse: 10634    in daz lant zuo Korntîn.
Verse: 10635    sus was des selben tieres schîn

Verse: 10636    in einen swarzen samît
Verse: 10637    gesniten lanc unde wît;

Verse: 10638    daz was ir wâfen zaller stunt;
Verse: 10639    dâ bî was ir der jâmer kunt

Verse: 10640    io mit leide umb ir vater tôt,
Verse: 10641    als diu triuwe ir gebôt.
Verse: 10642    daz tier mant si der selben nôt.


Verse group: (215) 
Verse: 10643    Als ez ist geseit mir,
Verse: 10644    zwêne künige pflâgen ir:

Verse: 10645    der herre Iwein und êrec;
Verse: 10646    die riten mit ir ûf den wec.

Verse: 10647    driu tûsent riter vor und nâch,
Verse: 10648    dâ man under vüeren sach

Verse: 10649    vil liehtiu baniere.
Verse: 10650    mit golde harte ziere

Verse: 10651    vil schilte sach man glîzen,
Verse: 10652    mangen heim wîzen

Verse: 10653    gebunden ûf die soume;
Verse: 10654    rîche pfärdes zoume

Verse: 10655    mit guldînen schellen;
Verse: 10656    die hôrte, man verre hellen,

Verse: 10657    die busûn blâsen in dem her.
Verse: 10658    iegelîch man mit siner wer

Verse: 10659    reit als er kunde striten.
Verse: 10660    vil knappen sach man riten,

Verse: 10661    die schoeniu ors mit in zugen;
Verse: 10662    habiche unde valken vlugen

Verse: 10663    und aller hande vederspil.
Verse: 10664    als in kom des âbendes zil

Verse: 10665    und si diu hitze ein teil verlie,
Verse: 10666    iegelîchez sînen vogel vie

Verse: 10667    den ez vâhen solde.
Verse: 10668    als her Gawein wolde

Verse: 10669    drî künige riten nâch dem her;
Verse: 10670    die vuorten toetlîche wer:

Verse: 10671    starkiu sper von Angran.
Verse: 10672    man vuorte mit den vürsten dan

Verse: 10673    wol zweinzic vuoder oder mêr;
Verse: 10674    gabilôt und atigêr

Verse: 10675    truogen die sarjande.
Verse: 10676    sus vuor ûz sinem lande

Verse: 10677    her Gwîgâlois, der werde helt.
Verse: 10678    zwei tûsent rîter ûz erwelt

Verse: 10679    huoten hinden nâch dem her;
Verse: 10680    die vuorten vreisliche wer:

Verse: 10681    tûsent schützen mit starken bogen.
Verse: 10682    swenne die wurden ûf gezogen

Verse: 10683    und man die vînde komen sach,
Verse: 10684    sô wæer mîn lîp dâ ze swach

Verse: 10685    ze rîten under in gewesen;
Verse: 10686    ich wæn unlange wære genesen.

Verse: 10687    einen helfant zôch ein knappe kluoc
Verse: 10688    der des küniges kamer truoc

Verse: 10689    und sînen vanen vor der schar;
Verse: 10690    des muosens alle nemen war.

Verse: 10691    ez was ein swarzer samît,
Verse: 10692    gesniten lanc unde wit;

Verse: 10693    von golde ein rat darinne schein;
Verse: 10694    daz zieret manic edel stein.

Verse: 10695    der samît geblüemet was
Verse: 10696    mit dem golde von Kaukasas.

Verse: 10697    daz brehent als ein queckiu gluot
Verse: 10698    geviuret ûz der vinster tuot.

Verse: 10699    die zwêne künige uz Asîâ
Verse: 10700    zwei rîchiu banier vuorten dâ,

Verse: 10701    Zaradech und Panschavar.
Verse: 10702    ir wâfen was ein härmîn ar

Verse: 10703    in einem Pfeile von Ninivê;
Verse: 10704    der was grüene als ein klê,

Verse: 10705    gebildet mit rôtem golde gar,
Verse: 10706    da mit si pflâgen einer schar.

Verse: 10707    diu banier vlugen über velt.
Verse: 10708    vil mange hütte und gezelt

Verse: 10709    diu starken mûle truogen.
Verse: 10710    vil olbenden sluogen

Verse: 10711    die koufliute vor in hin;
Verse: 10712    die truogen rîcheit gewin,

Verse: 10713    spîse und alsô rîch gewant
Verse: 10714    daz man ninder bezzerz vant

Verse: 10715    ze Kriechen und in der heidenschaft.
Verse: 10716    sus vuor der künic mit siner kraft

Verse: 10717    vil rîterlîche vür Namûr
Verse: 10718    ze leide Liôn, der vreuden schür;
Verse: 10719    diu vart wart mangem manne sûr.


Verse group: (216) 
Verse: 10720    Si kômen an dem zwelften tage
Verse: 10721    nâch des boten widersage.

Verse: 10722    den künic Amîren brâhtens dar.
Verse: 10723    des rê wart, gebalsamt gar,

Verse: 10724    geleit in einen edeln stein
Verse: 10725    ?? ûf eine sûl, dâ durch er schein

Verse: 10726    vor der stat über al daz her.
Verse: 10727    si vunden rîterliche wer

Verse: 10728    al umbe und umbe ûf dem graben;
Verse: 10729    dâ wart vil manic strît erhaben.

Verse: 10730    diu stat lac einhalp an dem mer;
Verse: 10731    dâ was si sicher vor dem her.

Verse: 10732    ein starkiu mûre si gar bevie;
Verse: 10733    vil tief ein grabe drumbe gie,

Verse: 10734    dâ durch ein lûter wazzer vlôz;
Verse: 10735    daz was ze guoter mâze gôz,

Verse: 10736    geleit durch ein gebirge dar.
Verse: 10737    her Gwîgâlois mit sîner schar

Verse: 10738    belegt die stat unz an daz mer.
Verse: 10739    diu was berüstet wol mit wer:

Verse: 10740    () türne, bercvrit, ärker
Verse: 10741    vil âne mâze stuont der

Verse: 10742    ûf der mûre ob dem graben.
Verse: 10743    dâ man den tôt mit solde laben

Verse: 10744    und dâ mit manger wart erslagen,
Verse: 10745    des was vil ûf die wer getragen:

Verse: 10746    guot geschoz, steine vil.
Verse: 10747    ein dinc daz was des tôdes spil:

Verse: 10748    pfeterære und grôze mangen.
Verse: 10749    diu mûre was behangen

Verse: 10750    mit grôzen blochen sinwel;
Verse: 10751    diu wâren an der wer sô snel:

Verse: 10752    swen iemen an den graben gie,
Verse: 10753    und man diu bloch vallen lie,

Verse: 10754    sô hurten si die vînde wider
Verse: 10755    in den tiefen graben nider;

Verse: 10756    dâ von den lîp vil manger vlôs
Verse: 10757    des hant vil werlîch ende kôs.

Verse: 10758    aht porte giengen in die stat:
Verse: 10759    zwô warten ûf des meres stat,

Verse: 10760    die sehs her ûz an daz velt.
Verse: 10761    man vant dâ strîtes widergelt

Verse: 10762    swiez der man geruochte,
Verse: 10763    als ez sin ellen suochte.

Verse: 10764    her Gâwein, der des heres pflac
Verse: 10765    nam vride unz an den andern tac

Verse: 10766    von dem her und ûz der stat,
Verse: 10767    des man dâ beidenthalben bat.

Verse: 10768    von dern graben an diu gezelt
Verse: 10769    was ein alsô breitez velt

Verse: 10770    daz si vor schüzzen wâren vrî.
Verse: 10771    nu hoeret wie geordent sî

Verse: 10772    daz gesæze, ob ir welt.
Verse: 10773    her Gâwein, der wîse helt,

Verse: 10774    hêt geschaffet zuo dem mer
Verse: 10775    Rîâl den künic von dem her

Verse: 10776    gegen der porte diu da ûz gie;
Verse: 10777    tûsent rîter er lie.

Verse: 10778    dô lâgen dem næhsten tor
Verse: 10779    zwêne rîche künige vor:

Verse: 10780    Zaradech und Panschavar;
Verse: 10781    den lie man tûsent rîter dar,
Verse: 10782    die ir gebotes nâmen war.


Verse group: (217) 
Verse: 10783    Dô lâgen gegen der dritten porte,
Verse: 10784    vil nâch enmitten,

Verse: 10785    der künic îwein und êrec;
Verse: 10786    der hende kunden wîten wec

Verse: 10787    houwen durch die rîterschaft;
Verse: 10788    si hêten kunst unde kraft;

Verse: 10789    den wâren tûsent rîter bî.
Verse: 10790    nu hoeret wer vor der vierden sî:

Verse: 10791    her Gwîgâlois, der künic hêr,
Verse: 10792    wan dâ vant man strîtes mêr

Verse: 10793    danne vor deheinem andern tor;
Verse: 10794    dâ was her Gâwein mit im vor

Verse: 10795    und tûsent rîter ûz erkorn.
Verse: 10796    ein küniginne wol geborn

Verse: 10797    vor der vünften porte lac;
Verse: 10798    der geselleschefte pflac

Verse: 10799    vrouwe Marîne und grâve Adân;
Verse: 10800    der gebot wârn undertân

Verse: 10801    ouch tûsent rîter unverzaget.
Verse: 10802    vrouwe êlamîe hiez diu maget;

Verse: 10803    der was diu milte an geborn;
Verse: 10804    diu het ouch in ir hant gesworn.

Verse: 10805    angenomen milte schiere zergêt.
Verse: 10806    seht wie daz mülrat gestêt

Verse: 10807    swenne ez niht snelles wazzers hât!
Verse: 10808    dem gelîche ich milter liute rât

Verse: 10809    als der dem herren entwîchet,
Verse: 10810    diu erge wider slîchet

Verse: 10811    aber zuo dem herzen.
Verse: 10812    da beginnet diu milte smerzen,

Verse: 10813    wan si da niht wesen sol;
Verse: 10814    der wehsel gevellet mir niht wol!

Verse: 10815    ditz mære ist hie mit undersniten
Verse: 10816    und durch die [g]warheit geriten
Verse: 10817    den alten und den niuwen siten.


Verse group: (218) 
Verse: 10818    Vor der sehsten porte lac
Verse: 10819    der sich strîtes ouch bewac:

Verse: 10820    oo der truhsæze von Roimunt;
Verse: 10821    dem was wol strîtes vuore kunt

Verse: 10822    . bî im lac der grâve Môrâl,
Verse: 10823    Ursîn und Ambigâl;

Verse: 10824    die hâten tûsent rîter da.
Verse: 10825    her Gâwein der teilte sâ

Verse: 10826    die sarjande underz her,
Verse: 10827    iegelîchen mit sîner wer:

Verse: 10828    ûf sehs helfande
Verse: 10829    zwei hundert sarjande.

Verse: 10830    ioo die wurfen unde schuzzen
Verse: 10831    daz die zäher vluzzen

Verse: 10832    bluotic durch daz îsengwant.
Verse: 10833    iegelîcher schar ein helfant;

Verse: 10834    die kunden entwîchen unde stên,
Verse: 10835    mit strîte gegen den vînden gen:

Verse: 10836    Sus wâren si geleret.
Verse: 10837    ein gezelt daz was gehêret

Verse: 10838    dâ vrouwe Lârîe inne saz,
Verse: 10839    daz nie dehein gezelt baz

Verse: 10840    von pfelle wart gezieret,
Verse: 10841    mit golde geparrieret.

Verse: 10842    dar ûffe stuont ein guldîn tier
Verse: 10843    von edelem gesteine fier.

Verse: 10844    dar obe vlouc ein liehter van;
Verse: 10845    dâ was daz selbe tier an

Verse: 10846    mit vil lûterrn golde
Verse: 10847    gebildet als si wolde.

Verse: 10848    von leder ein huot hienc dâ bi
Verse: 10849    der daz gezelt machet vrî

Verse: 10850    des regens, sô der nider gôz.
Verse: 10851    gegen der sunnen stuont ez blôz.

Verse: 10852    vil grôziu rîcheit darunder was:
Verse: 10853    mit pfelle von Kaukasas

Verse: 10854    vil bette wârn gedecket wol;
Verse: 10855    diu sazen edler vrouwen vol.

Verse: 10856    daz selbe gezelt was sô wît
Verse: 10857    daz ich wæn deheinez sît

Verse: 10858    iernen wîter kunde gespehen.
Verse: 10859    man mohte dâ rîche vürsten sehen

Verse: 10860    rîten wider unde vür,
Verse: 10861    iegelîch rîter nâch sîner kür,

Verse: 10862    dâ er sinen vriunt gesprach
Verse: 10863    und ouch die künigîn gesach;

Verse: 10864    dar nâch si riten wider în
Verse: 10865    dâ iegelîcher solde sîn.

Verse: 10866    si hêten alle spîse genuoc.
Verse: 10867    einen market man bî in ûf sluoc;

Verse: 10868    dâ vant man michel rîcheit
Verse: 10869    von aller hande spîse bereit

Verse: 10870    und swaz man koufen wolde
Verse: 10871    von gewande und von golde,

Verse: 10872    nâch des mannes muote.
Verse: 10873    dem here schuof man huote:

Verse: 10874    hundert rîter ie von der schar,
Verse: 10875    io die daz her behuoten gar

Verse: 10876    vor den vinden unz an den tac.
Verse: 10877    vil süezes schalles man da pflac

Verse: 10878    mit hollerblasen ûf der wer.
Verse: 10879    umbe und umbe imz an daz mer

Verse: 10880    huoten si mit vlîze
Verse: 10881    unz daz des tages wlîze

Verse: 10882    ôstern durch diu wolken dranc.
Verse: 10883    von glocken hörte man mangen klan

Verse: 10884    in der stat, wan diu was wît.
Verse: 10885    io dô dûhte ouch des die ûzern zît

Verse: 10886    daz si sich bereiten
Verse: 10887    gegen den arbeiten.

Verse: 10888    ir îsenhosen schuohtens an;
Verse: 10889    dar nach vuor ein iegelîch man

Verse: 10890    der kristen was und dens gezam
Verse: 10891    da er eine messe vernam.

Verse: 10892    die vürsten und her Gawein
Verse: 10893    des âbendes wären worden enein

Verse: 10894    wen si ze sturme solden gên,
Verse: 10895    mit strite gegen den vînden stên.

Verse: 10896    der rîter ors wâren bereit,
Verse: 10897    ûf iegelîchez zwô decke geleit

Verse: 10898    von isen und von pfelle.
Verse: 10899    êrec und sîn geselle

Verse: 10900    die pflâgen einer banier lieht.
Verse: 10901    ouch sol ich vergezzen nieht

Verse: 10902    ichn sagiu wie diu geprüevet sî:
Verse: 10903    ein rôter pfelle von Arâbî,

Verse: 10904    darinne ein rat, von Ninivê
Verse: 10905    eins pfelles grüene alsam ein Klee;

Verse: 10906    der pflâgen die helde mit ir kraft
Verse: 10907    durch des küniges geselleschaft,

Verse: 10908    zuo dem si waren komen dar.
Verse: 10909    dô warte vrouwen êlamîen schar,

Verse: 10910    der edeln küniginne,
Verse: 10911    mit mänlîchem sinne

Verse: 10912    einer banier diu was bla;
Verse: 10913    mit rîter koste was aldâ

Verse: 10914    von golde ein krône drin gesniten;
Verse: 10915    mit der stolze helde riten.

Verse: 10916    dem truhsæzen von Roimunt
Verse: 10917    und sînen gesellen tet man kunt

Verse: 10918    ze warten einer banier
Verse: 10919    diu was swarz; darinne ein tier

Verse: 10920    gesniten enmitten vlouc,
Verse: 10921    mit dem golde van Azagouc

Verse: 10922    gezieret und gemeistert dâr.
Verse: 10923    sus lac der vrouwen Lârîen schar

Verse: 10924    gegen einer porte bî dem mer.
Verse: 10925    dô warens beidenthalp ze wer,
Verse: 10926    daz ûzer und daz inner her.


Verse group: (219) 
Verse: 10927    Die porte[nl wurden ûf getan.
Verse: 10928    ûz iegelîcher vlouc ein van;

Verse: 10929    vünf hundert rîter volgten nâch;
Verse: 10930    den was gegen den vînden gâch

Verse: 10931    . si hêten alle geneiget ir sper;
Verse: 10932    man dorfte niht ruofen 'herâl her!'

Verse: 10933    wan si kerten gegen der schar
Verse: 10934    da si der herte nâmen war.

Verse: 10935    die schilte druhten si an sich.
Verse: 10936    mit speren wart da manic stich

Verse: 10937    gevrumt durch daz isengwant,
Verse: 10938    daz sîn daz herze darunder enpfant.

Verse: 10939    die ûzern waren gegen in komen
Verse: 10940    und hêten alle ir ors genomen

Verse: 10941    ze beiden sîten mit den sporn.
Verse: 10942    die helde treip der grimme zorn

Verse: 10943    zem strîte und mânlîchiu gir.
Verse: 10944    durch helm und durch herseni[e]r

Verse: 10945    mit jost da manger wart erslagen.
Verse: 10946    man sach die trunzûne ragen

Verse: 10947    durch die schilte alniuwe.
Verse: 10948    sine brâchen niht ir triuwe;

Verse: 10949    beidenthalb was widerboten.
Verse: 10950    man sach vil mangen helm roten

Verse: 10951    von bluote der A lûter was.
Verse: 10952    die ringe riren als ein glas

Verse: 10953    von stichen und von starken slegen.
Verse: 10954    da lac vil manic werder degen

Verse: 10955    gehurt und geslagen nider,
Verse: 10956    dem niemen mohte gehelfen wider.

Verse: 10957    die innern entwichen vür diu tor;
Verse: 10958    da huop sich solich strîten vor

Verse: 10959    daz daz bluot nider gôz
Verse: 10960    oo und durch die wâfenröcke vlôz

Verse: 10961    . mit slegen den andern niemen trouc
Verse: 10962    daz viur ûz den helmen vlouc,

Verse: 10963    gemischet mit bluote daz was rôt.
Verse: 10964    sicherheit da niemen bôt;

Verse: 10965    dâ was dehein gevaterschaft:
Verse: 10966    ez schiet niwan des tôdes kraft

Verse: 10967    mit vil vîntlîchen slegen.
Verse: 10968    allenthalben bî den wegen

Verse: 10969    sach man die wunden töunde ligen
Verse: 10970    die des bluotes wârn ersigen,

Verse: 10971    und vil mangen tôten
Verse: 10972    der sêre was verschrôten.

Verse: 10973    mit diu het sich der sturm erhaben
Verse: 10974    die sarjande an den graben

Verse: 10975    mit antwerke giengen;
Verse: 10976    dar ûf si enpfiengen

Verse: 10977    diu bloch, sô man diu vallen lie.
Verse: 10978    daz geschoz als diu snîe gie

Verse: 10979    und die Würfe underz her.
Verse: 10980    ioo dô mischten sich ir beider wer
Verse: 10981    über den graben unz an daz mer.


Verse group: (220) 
Verse: 10982    Die helfande volgeten mit
Verse: 10983    dem her nâch ir gelêrtem sit

Verse: 10984    gegen den vinden ûf den graben.
Verse: 10985    diu wîchûs wâren darûf erhaben

Verse: 10986    gelîch hôch der mûre.
Verse: 10987    vil herte nâchgebûre

Verse: 10988    wâren in die sarjande.
Verse: 10989    ir manheit verswande

Verse: 10990    geschozzes unde steine vil.
Verse: 10991    sus spilten si des tôdes spil

Verse: 10992    vil nâch unz an mitten tac.
Verse: 10993    vil manic helt dâ bî in lac

Verse: 10994    ûzen unde innen tôt,
Verse: 10995    vil orse erslagen; von bluote rôt

Verse: 10996    wart vil manic îsengwant.
Verse: 10997    von den helden dâ verswant

Verse: 10998    mit manger rîchen jost der walt.
Verse: 10999    dâ wart vil manger abe gevalt

Verse: 11000    der sînen lîp zehant verlôs.
Verse: 11001    vrouwe Marine ir erkôs

Verse: 11002    einen grâven von Turkîe.
Verse: 11003    er und sin kumpanîe

Verse: 11004    tâten guote rîterschaft.
Verse: 11005    diu maget schiet in mit ir kraft

Verse: 11006    von allen sinen Gesellen;
Verse: 11007    si beschutte in ane vellen

Verse: 11008    und nam sine sicherheit;
Verse: 11009    in ir gezelt er dô reit.

Verse: 11010    diu maget nam ein starkez sper;
Verse: 11011    von rabîne reit si her

Verse: 11012    ir ors gegen den vînden wider;
Verse: 11013    einen vürsten stach si nider;

Verse: 11014    den zugen ir gesellen hin.
Verse: 11015    dâ huop sich vlust und gewin;

Verse: 11016    diu maget tetz dâ harte guot.
Verse: 11017    si truoc mânlîchen muot

Verse: 11018    und vil reinen magetuom.
Verse: 11019    si erwarp dâ rîterlîchen ruom

Verse: 11020    Mit sper und ouch mit schilte.
Verse: 11021    dar zuo was si milte;

Verse: 11022    diu ist der êren krône.
Verse: 11023    sus lebt diu maget schône

Verse: 11024    Mit vil ganzer werdicheit,
Verse: 11025    unz si ein scharfez sper versneit.

Verse: 11026    daz treip ein helt mit joste dar,
Verse: 11027    der herzoge Galopêar;

Verse: 11028    von Kriechen was er geborn;
Verse: 11029    ûf die brust hêt ers erkorn

Verse: 11030    und valte die maget tôte nider.
Verse: 11031    dô er wolde wenden wider,

Verse: 11032    dô erreit in der grave Adân;
Verse: 11033    mit einem sper van Angran

Verse: 11034    stach er den helt und rach die maget.
Verse: 11035    ir gelîche nie wart betaget
Verse: 11036    diu sô sêre würde geklaget.


Verse group: (221) 
Verse: 11037    êrec und her Iwein,
Verse: 11038    an ir getât dâ wol schein

Verse: 11039    daz si wâren manhaft;
Verse: 11040    si tâten solhe rîterschaft

Verse: 11041    dâ von ich wol sprechen mac.
Verse: 11042    die wîle her Gwîgâlois dâ lac

Verse: 11043    vor der stat mit sînem her.
Verse: 11044    man vant dâ rîterlîche wer

Verse: 11045    ze rosse und ouch ze vuoze;
Verse: 11046    daz was ir unmuoze.

Verse: 11047    sehs wochen alle tage
Verse: 11048    hôrten si dâ niuwe klage

Verse: 11049    'dort lît der wunt! der hie erslagen!'
Verse: 11050    man sach sich wider ein ander trage

Verse: 11051    als ein vride gegeben wart.
Verse: 11052    diu swert waren ungespart,

Verse: 11053    diu hôrte man verre klingen,
Verse: 11054    durch liehte helme dringen.

Verse: 11055    eins morgens vruo Lîôn ûz reit;
Verse: 11056    zer joste durch sîne manheit

Verse: 11057    vordert er herren Gâwein dar;
Verse: 11058    in duhte des er hêt in gar

Verse: 11059    gewalticlîche in sîner hant.
Verse: 11060    oo Lîôn der truoc den serpant

Verse: 11061    mit golde wol gezieret.
Verse: 11062    der kom gewalopieret

Verse: 11063    vür den graben ûf daz velt.
Verse: 11064    her Gawein rûmte ouch sîn gezelt;

Verse: 11065    durch sînen sun vuort er daz rat
Verse: 11066    gegen dem helde vür die stat.

Verse: 11067    von rabîne si beide riten
Verse: 11068    ze jost; nâch rîterlîchen siten

Verse: 11069    verstâchen si zwei starkiu sper.
Verse: 11070    ein ander vürste gâhte her

Verse: 11071    von der stat: Salin er hiez;
Verse: 11072    sîn manheit in niht ruowen liez.

Verse: 11073    ûf den herren Gâwein seiget er;
Verse: 11074    durch den schilt mit sînem sper

Verse: 11075    stach er im eine wunden grôz.
Verse: 11076    daz bluot dô durch die ringe vlôz;

Verse: 11077    iedoch zoumt er Lîônen dan.
Verse: 11078    dô huop sich ûz der stat sân

Verse: 11079    ze helfe im gar des vürsten kraft;
Verse: 11080    dô mischte sich diu rîterschaft.

Verse: 11081    Zaradech und Panschavar
Verse: 11082    die îlten mit ir rote dar

Verse: 11083    und valten mangen rîter nider,
Verse: 11084    der sît niht kom zer joste wider.

Verse: 11085    Rîâl, der künic von Jeraphîn,
Verse: 11086    er und die gesellen sîn

Verse: 11087    punierten under der vînde schar.
Verse: 11088    dâ wurden die helme missevar,

Verse: 11089    diu swert von bluote erblichen.
Verse: 11090    mit slegen und mit stichen

Verse: 11091    kêrten si gegen der herte.
Verse: 11092    daz inner her sich werte

Verse: 11093    mit sô mänlîcher kraft
Verse: 11094    daz manic swert unde schaft

Verse: 11095    zebrochen ûf dem velde lac.
Verse: 11096    vliehens dâ niemen pflac.
Verse: 11097    diu sunne erlûhte dô den tac.


Verse group: (222) 
Verse: 11098    Her Gwîgâlois punierte dô;
Verse: 11099    des manic herze wart unvrô.

Verse: 11100    mit im her îwein und êrec
Verse: 11101    die machten wît vil engen wec

Verse: 11102    mit stichen und mit starken slegen.
Verse: 11103    dâ viel vil manic werder degen

Verse: 11104    von den wiganden;
Verse: 11105    den walt si verswanden

Verse: 11106    an der schumpfentiure
Verse: 11107    mit maniger jostiure.,

Verse: 11108    der strit wart dâ harte grôz;
Verse: 11109    daz bluot ûf dem velde vlôz

Verse: 11110    l von wunden und von tôten
Verse: 11111    die sêre wârn verschrôten.

Verse: 11112    vil schoener rosse lac dâ erslagen;
Verse: 11113    dar ûz sach man die schefte ragen

Verse: 11114    und manger hande zeine,
Verse: 11115    grôz unde kleine.

Verse: 11116    her Gwîgâlois die poinder brach;
Verse: 11117    einen herzogen von Särvîe er stach

Verse: 11118    mit. orse betalle nider;
Verse: 11119    sus hiuw er vür unde wider.

Verse: 11120    vil mangen tôten valt er
Verse: 11121    beidiu mit swerte und mit sper,

Verse: 11122    unz er den herren Gâwein vant;
Verse: 11123    der hêt erslagen mit sîner hant

Verse: 11124    Lîônen an der stunde.
Verse: 11125    ze vliehen dô begunde

Verse: 11126    gegen der stat daz inner her;
Verse: 11127    dâ wart enschumpfiert ir wer.

Verse: 11128    der truhsæze von Roimunt
Verse: 11129    und sine gesellen an der stunt

Verse: 11130    vil mangen rîter viengen.
Verse: 11131    die sarjande giengen

Verse: 11132    mit den vînden in die stat.
Verse: 11133    dâ mohte ein man wol werden sat

Verse: 11134    strîtes, swer des gerte.
Verse: 11135    die helde man dâ werte

Verse: 11136    beidiu mit schüzzen und mit slegen.
Verse: 11137    Zaradech, ein werder degen,

Verse: 11138    der junge künic von Asîâ,
Verse: 11139    wart mit eime schuzze dâ

Verse: 11140    gevellet tôter in daz wal.
Verse: 11141    von vlühte huop sich grôzer schal.

Verse: 11142    die geste drungen durch diu tor
Verse: 11143    mit den die dâ wâren vor.

Verse: 11144    die strâze wurden enge.
Verse: 11145    des tôdes gedrenge

Verse: 11146    huop sich mit den swerten dâ.
Verse: 11147    des küniges vanen sach man sâ

Verse: 11148    mit gewalte vüeren durch die stat;
Verse: 11149    darinne von rôtem golde daz rat

Verse: 11150    vlouc gegen den lüften."
Verse: 11151    dô liezen si ir güften.

Verse: 11152    die geste gewunnen oberhant.
Verse: 11153    golt, silber und gewant

Verse: 11154    und die aller groesten rîcheit
Verse: 11155    dâ von ie wart geseit,

Verse: 11156    die nâmen die vînde dâ.
Verse: 11157    her Gwîgâlois beriet sich sâ

Verse: 11158    daz man die burgær lieze leben,
Verse: 11159    ob si sich wolden im ergeben

Verse: 11160    mit ir dienste in sînen gewalt.
Verse: 11161    gar diu stat, junge und alt,

Verse: 11162    swuoren im dô hulde.
Verse: 11163    dô liez er die schulde

Verse: 11164    und swaz im leides was getân.
Verse: 11165    er gap in einen houbetman

Verse: 11166    der des landes wielte
Verse: 11167    und im die stat behielte.

Verse: 11168    dar zuo wolder gisel haben
Verse: 11169    daz wider in immer würde erhaben

Verse: 11170    deheiner slahte sicherheit;
Verse: 11171    daz muose vesten ir aller eit.
Verse: 11172    der vride dem her dô wart geseit.


Verse group: (223) 
Verse: 11173    Namûr daz was ein herzentuom;
Verse: 11174    vil mangen rîterlîchen ruom

Verse: 11175    hêt er erworben der sîn pflac,
Verse: 11176    der tôter in dem wal gelac.

Verse: 11177    daz herzentuom und die stat,
Verse: 11178    als es diu vrouwe Lârîe bat,

Verse: 11179    lêch er dem grâven Môrâl
Verse: 11180    mit dem zepter âne twâl.

Verse: 11181    sin stæte diu was niht niuwe;
Verse: 11182    er hât ouch sîne triuwe

Verse: 11183    an sîner vrouwen behalten ie;
Verse: 11184    des man in dô geniezen lie.

Verse: 11185    drizic tûsent marc von golde
Verse: 11186    die burgær dô ze solde

Verse: 11187    gâben dem künige ir herren.
Verse: 11188    sine wolden im niht verren

Verse: 11189    ir getriuwlîch dienest und ir habe;
Verse: 11190    dâ teilte er den vürsten abe,

Verse: 11191    dem derz nemen wolde.
Verse: 11192    die sarjande mit solde

Verse: 11193    man nâch ir willen werte,
Verse: 11194    als sin der man ie gerte.

Verse: 11195    die gevangen [be]schatzte ein ieglîch man
Verse: 11196    ders ûz dem wal brâhte dan

Verse: 11197    als er hôhest mohte.
Verse: 11198    swaz den wunden tohte

Verse: 11199    die den künic hôrten an,
Verse: 11200    daz wart ze gemache in getân.

Verse: 11201    her Gâwein dô gebunden wart
Verse: 11202    und manic riter von höher art,

Verse: 11203    der rîterlîch was worden wunt.
Verse: 11204    der künic hiez dô an der stunt

Verse: 11205    die tôten alle samt begraben,
Verse: 11206    die wunden binden unde laben.

Verse: 11207    Lîôn dô schône bestatet wart,
Verse: 11208    durch daz er was von hôher art,

Verse: 11209    swie er in doch leide hêt getân.
Verse: 11210    den künic âmîren truoc man dan

Verse: 11211    mit klägelîchem sêre
Verse: 11212    dâ vrouwe Lîamêre

Verse: 11213    besigelt in einem sarke lac.
Verse: 11214    der was lieht alsam der tac

Verse: 11215    von golde und von gesteine;
Verse: 11216    dar inne lac diu reine.

Verse: 11217    der sarc der was niuwe;
Verse: 11218    Lîôn durch ir triuwe

Verse: 11219    hêt si bestatet schône.
Verse: 11220    ein guldîniu krône

Verse: 11221    was gehangen über den sarc, ?
Verse: 11222    diu koste mêr dan tûsent marc, ?

Verse: 11223    durch daz si was ein künigîn.
Verse: 11224    in den sarc zuo ir dar in

Verse: 11225    leit man dô ir gesellen.
Verse: 11226    mit vil liehten pfellen

Verse: 11227    wurden si bewunden.
Verse: 11228    an den selben stunden

Verse: 11229    satzte man darîn ein lûter glas;
Verse: 11230    mit balsam daz gevüllet was.

Verse: 11231    dâ bî was vrouwe Lârîe,
Verse: 11232    des wunsches âmîe.

Verse: 11233    si klagt vil sêre ir beider tôt.
Verse: 11234    den burgæren si daz gebôt

Verse: 11235    daz si ein kapellen mûrten dar
Verse: 11236    und daz diu würde von marmel gar.
Verse: 11237    daz gelobten si und liezenz wâr.


Verse group: (224) 
Verse: 11238    Her Gwîgâlois der künic hêr,
Verse: 11239    des landes marke besatzt er

Verse: 11240    und gebôt in allen bî der wide
Verse: 11241    guot gerihte und stæten vride.

Verse: 11242    sus kêrte er dan mit sîner schar.
Verse: 11243    der werde künic Panschafar

Verse: 11244    von Asia nam urloup sân;
Verse: 11245    sinen tôten bruoder vuorte er dan.

Verse: 11246    alsô stuont des heldes muot.
Verse: 11247    ern wolde deheiner slahte guot;

Verse: 11248    daz was iedoch dem künige leit.
Verse: 11249    mit grôzer klage er danne reit.

Verse: 11250    der ez von im nemen wolde,
Verse: 11251    mit gesteine und mit golde

Verse: 11252    vulte man in die schilte.
Verse: 11253    her Gwîgâlois was milte

Verse: 11254    bescheidenlîch wider alle diet.
Verse: 11255    ân gâbe niemen von im schiet.

Verse: 11256    vrouwe êlamîe diu künigîn
Verse: 11257    diune wolde niht lenger bî im sîn;

Verse: 11258    si nam urloup von im dâ.
Verse: 11259    den vürsten allen dancte er sâ

Verse: 11260    mit worten und mit guote,
Verse: 11261    nâch iegelîches muote.

Verse: 11262    Rîâl und die gesellen sîn
Verse: 11263    kêrten gegen Jeraphîn.

Verse: 11264    si vuorten guotes michel kraft
Verse: 11265    und vil gevangner rîterschaft.

Verse: 11266    Darêl, Gamêr und Arîûn
Verse: 11267    die kêrten gegen Belakûn.

Verse: 11268    der grâve Adân nam urloup dô;
Verse: 11269    des herze vor leide was unvrô:

Verse: 11270    des twanc in vil strengiu nôt
Verse: 11271    umb der vrouwen Marînen tôt

Verse: 11272    diu an dem strîte was gelegen.
Verse: 11273    si vuorte mit im der werde degen,

Verse: 11274    er und sîn kumpanîe,
Verse: 11275    gegen dem lande z'Alarîe.

Verse: 11276    drî graven vuortens mit in hin
Verse: 11277    gevangen; daran lac grôz gewin.

Verse: 11278    sus kêrten dan die geste;
Verse: 11279    iegelîcher an sîne veste

Verse: 11280    brâhte grôze rîcheit;
Verse: 11281    daz was den burgæren leit.

Verse: 11282    der künic die vürsten sande
Verse: 11283    gegen sinem lande

Verse: 11284    mit dem her ze Korntîn.
Verse: 11285    dô vuorter die gesellen sîn,

Verse: 11286    êrec und den herren Iwein,
Verse: 11287    Lanzelet und herren Gâwein,

Verse: 11288    und hundert rîter wol geborn,
Verse: 11289    der manheit was ûz erkorn.

Verse: 11290    daz was dô sîn gesinde.
Verse: 11291    zweinzic wol geborner kinde vuorter

Verse: 11292    und diu künigin
Verse: 11293    in daz lant ze Britanie hin.

Verse: 11294    sus vuorens âne swære.
Verse: 11295    dô brâhte in leidiu mære

Verse: 11296    ûf dem wege ein garzûn.
Verse: 11297    des roc was gel unde brûn

Verse: 11298    in ein ander geparrieret;
Verse: 11299    sin houbet was gezieret

Verse: 11300    mit einem schapel bluomîn;
Verse: 11301    ouch truoc er in den henden sîn

Verse: 11302    einen stap von helfenbeine.
Verse: 11303    der knappe lief vreuden eine,
Verse: 11304    ich wæn diu was im kleine.


Verse group: (225) 
Verse: 11305    Als er die knappen komen sach,
Verse: 11306    der garzûn trûriclîche sprach

Verse: 11307    'ei, guote knappen, tuot mir kunt
Verse: 11308    âne zorn, wider mînen munt,

Verse: 11309    wes sî ditz gesinde.'
Verse: 11310    dô sprach einez der kinde

Verse: 11311    'daz sol iu unversaget sîn:
Verse: 11312    des küniges von Korntîn,

Verse: 11313    her Gwîgâlois ist er genant.
Verse: 11314    dô sprach der garzûn zehant

Verse: 11315    'herre, zuo dem bringet mich;
Verse: 11316    mit iuwer helfe sô hân ich

Verse: 11317    minen louf wol bewendet;
Verse: 11318    ich bin zuo im gesendet.'

Verse: 11319    der juncherre sprach 'daz sî getân.'
Verse: 11320    ze sinem herren vuorter in sân.

Verse: 11321    der garzûn durch die rîter dranc;
Verse: 11322    an des küniges zoum er spranc.

Verse: 11323    her Gwîgâlois sprach wider in
Verse: 11324    'juncherre, wâ welt ir hin?'

Verse: 11325    er sprach 'herre, niwan her.'
Verse: 11326    bî der rede erkande er

Verse: 11327    sîner muoter garzûn.
Verse: 11328    der geburt was er ein Britûn.

Verse: 11329    er sprach 'du solt mir willekomen sîn!
Verse: 11330    nu sage mir von der muoter mîn,

Verse: 11331    wie sich der reine lîp gehabe;
Verse: 11332    ich weiz wol si tet sich abe

Verse: 11333    ir vreude, dô si mich verlos.
Verse: 11334    ir herze ist ganzer triuwen flôs.'

Verse: 11335    der garzûn weinende sprach,
Verse: 11336    daz ir aller vreude brach

Verse: 11337    'owê leider, jâ ist si tôt!
Verse: 11338    daz vuocte ir jamer und diu nôt

Verse: 11339    die si nâch iuwerm lîbe leit;
Verse: 11340    diu swære ir abe daz herze sneit.

Verse: 11341    si schiet mit solhen riuwen hin
Verse: 11342    daz ich des gewis bin

Verse: 11343    daz got die sêle im habe erkorn.
Verse: 11344    ir schoenen lîp hât si verlorn,

Verse: 11345    daz wizzet, von den beiden:
Verse: 11346    daz ein was daz scheiden

Verse: 11347    daz von ir tet ir lieber man,
Verse: 11348    nâch des minne ir herze bran;

Verse: 11349    daz ander daz si iuch verlos.
Verse: 11350    von disem leide si erkôs

Verse: 11351    den tôt mit jæmerlîcher klage.
Verse: 11352    ez ist hiute an dem drîzigesten tage

Verse: 11353    daz bestatet wart' diu reine
Verse: 11354    under einem edeln steine

Verse: 11355    in der stat ze Riodach;
Verse: 11356    mit mînen ougen ich daz sach.

Verse: 11357    daz vingerlîn sande si her;
Verse: 11358    daz was ir jungestiu ger

Verse: 11359    daz ich iu daz bræhte
Verse: 11360    und man da bî gedæhte

Verse: 11361    muoterlîcher triuwe
Verse: 11362    und senlîcher riuwe.'

Verse: 11363    daz vingerlîn enpfie sîn hant;
Verse: 11364    daran er geschriben vant

Verse: 11365    'owê, geselle und ouch mîn kint!
Verse: 11366    von iu mîn varwe ist worden blint,
Verse: 11367    mîn rôtez golt gar überzint.'


Verse group: (226) 
Verse: 11368    Von disem mære gestoeret wart
Verse: 11369    ir aller vreude an der vart.

Verse: 11370    her Gwîgâlois ze herren Gâwein sprach
Verse: 11371    'ditz leit ist alles leides dach

Verse: 11372    daz uns got noch ie erbôt;
Verse: 11373    unser beider lîp ist an ir tôt:

Verse: 11374    si was min muoter und iuwer wîp.
Verse: 11375    ist rehtiu konschaft ein lîp,

Verse: 11376    diu ist mit stæte iu an ir tôt.'
Verse: 11377    von dirre klage wurden rôt

Verse: 11378    ir ougen und ir herze sêr.
Verse: 11379    'waz mac ich nu sprechen mêr'

Verse: 11380    sô sprach her Gâwein der degen,
Verse: 11381    'wan daz mîn vreude sî gelegen

Verse: 11382    mit ir hiute vür disen tac
Verse: 11383    der ich mit hôhem muote ie pflac.

Verse: 11384    ichn wil konlîcher ê
Verse: 11385    mit stæte gepflegen nimmer mê,

Verse: 11386    noch rîterschaft, michn twinges nôt.
Verse: 11387    owê dir, unbescheiden tôt!

Verse: 11388    du nimest mangen schoenen lîp
Verse: 11389    und læst vil wundernaltiu wîp

Verse: 11390    leben gar über ir zil.
Verse: 11391    du gîst der werlte jâmers vil!'

Verse: 11392    sus riten si mit grôzer klage
Verse: 11393    und kômen an dem zwelften tage

Verse: 11394    in die stat ze Nantasan.
Verse: 11395    dâ was vîl manic werder man

Verse: 11396    bi Artûs, dem künige hêr.
Verse: 11397    dô si gehôrten rehte wer

Verse: 11398    dâ kæme, des wurdens alle vrô.
Verse: 11399    ûf ir ors si sâzen dô

Verse: 11400    und enpfiengen si mit rîterspil.
Verse: 11401    man sach - dâ kurzewîle vil

Verse: 11402    von rîtern und von vrouwen,
Verse: 11403    die gerne wolden schouwen

Verse: 11404    die küniginne von Korntî.
Verse: 11405    Artûs und daz wîp sîn,

Verse: 11406    mit in diu mässenîe gar,
Verse: 11407    dîe kômen ûf daz velt dar

Verse: 11408    zenpfâhen die geselleschaft
Verse: 11409    mit williges herzen kraft.

Verse: 11410    deiswâr, daz was billîch,
Verse: 11411    dar kâmen vünf vürsten rîch,

Verse: 11412    gesellen der tavelrunder,
Verse: 11413    und aller schoene ein wunder:

Verse: 11414    diu künigîn Lârîe,
Verse: 11415    des wunsches amîe.

Verse: 11416    si wurden wol enpfangen.
Verse: 11417    dô daz was ergangen,

Verse: 11418    durch die stat si dô riten
Verse: 11419    mit vil rîterlîchen siten

Verse: 11420    und kômen vür des küniges hûs.
Verse: 11421    der vil getriuwe Artûs,

Verse: 11422    sîn wîp, vrou Ginovêre,
Verse: 11423    und ander vrouwen mêre

Verse: 11424    die kômen ûf den helfant,
Verse: 11425    dâ man den wunsch von rîcheit vant

Verse: 11426    und die küniginne.
Verse: 11427    ir schoene was der minne

Verse: 11428    geleite und ir krône;
Verse: 11429    den jâmer si ze lône

Verse: 11430    gap mit süezen blicken;
Verse: 11431    si kunde wol verstricken

Verse: 11432    die sinne dem herzen
Verse: 11433    mit êwiclîchem smerzen.

Verse: 11434    der künic Artûs si enpfie,
Verse: 11435    dar nâch vrou Ginovêre gie

Verse: 11436    mit manger vrouwen wol getân.
Verse: 11437    die künigîn si kuste sân

Verse: 11438    und enpfie vil minneclîche
Verse: 11439    ir juncvrouwen alle gelîche.

Verse: 11440    dâ wart vil manic kus getan
Verse: 11441    von den vrouwen wol getân;
Verse: 11442    si giengen mit ein ander dan.


Verse group: (227) 
Verse: 11443    Diu künigîn vrouwen Lârîen nam,
Verse: 11444    als ez ir êren wol gezam,

Verse: 11445    und der künic Artûs.
Verse: 11446    si leiten si in ir hûs

Verse: 11447    mit vroelichem schalle.
Verse: 11448    die edeln rîter alle

Verse: 11449    enpfiengen vrouwen Lârîen,
Verse: 11450    des wunsches âmîen.

Verse: 11451    alle die si gesâhen
Verse: 11452    des prîses si ir jâhen

Verse: 11453    an schoene unde an sælicheit
Verse: 11454    und daz ir lîbe wære bereit

Verse: 11455    der wunsch an wîplîchem zil;
Verse: 11456    sus wart si geprîset vil

Verse: 11457    von der mâssenîe.
Verse: 11458    diu künigîn Lârîe gie

Verse: 11459    dô mit der wirtîn.
Verse: 11460    ir kamergwant truoc man

Verse: 11461    în und entladete den helfant.
Verse: 11462    künic Artûs nam bî der hant

Verse: 11463    den jungen künic von Korntîn
Verse: 11464    und den vater sîn

Verse: 11465    vuort er mit vreuden ûf den sal,
Verse: 11466    dâ daz gesinde über al

Verse: 11467    si vil williclîche enpfie.
Verse: 11468    der grâve Hojir dô gie;

Verse: 11469    er und sîne amîe,
Verse: 11470    mit rehter kurtôsîe

Verse: 11471    enpfiengen si den werden degen.
Verse: 11472    swie sîn pris wære gelegen

Verse: 11473    von des heldes manheit,
Verse: 11474    im was iedoch sin dienst bereit.

Verse: 11475    sîns gelückes wâren si alle vrô.
Verse: 11476    alrerst gevrieschen si dô

Verse: 11477    daz sîn vater was her Gâwein,
Verse: 11478    des zuht ie âne wandel schein.

Verse: 11479    der helt beleip mit vreuden dâ
Verse: 11480    siben tage, und gerte sâ

Verse: 11481    urloubes, er und sîn gespil.
Verse: 11482    si hêten ze tuonne vil

Verse: 11483    dâ heime in ir lande.
Verse: 11484    daz was in allen ande,

Verse: 11485    rîtern unde vrouwen.
Verse: 11486    doch muosen si schouwen

Verse: 11487    daz der helt danne schiet,
Verse: 11488    als im sîn unmuoze riet.

Verse: 11489    der helt urloubes gerte,
Verse: 11490    des in ungerne gewerte

Verse: 11491    sîn neve, der künic Artûs.
Verse: 11492    er sprach 'daz ir ûz mînem hûs

Verse: 11493    nû ze disen zîten
Verse: 11494    sô gâhes müezet riten,

Verse: 11495    daz ist mir inniclîche leit;
Verse: 11496    mîn dienest ist iu bereit,

Verse: 11497    dar zuo min helfe und min rät,
Verse: 11498    swenne ir mich daz wizzen lât,

Verse: 11499    wand ir mîn næhster mâge sit.
Verse: 11500    neve, ir sult vür dise zît

Verse: 11501    triuwen an mich warten
Verse: 11502    âne valsches scharten.'

Verse: 11503    her Gwîgâlois sprach âne spot
Verse: 11504    'herre, daz vergelte iu got

Verse: 11505    der rede ist mir von iu ze vil;
Verse: 11506    nu wizzet daz ich immer wil

Verse: 11507    iu dienstes wesen undertân
Verse: 11508    die wile und ich den lîp hân

Verse: 11509    .' urloup nam der helt dâ
Verse: 11510    zem künige und ouch anderswâ,

Verse: 11511    und vrouwe Lârîe, sîn gespil.
Verse: 11512    die buten dienstes harte vil

Verse: 11513    den vrouwen und der rîterschaft.
Verse: 11514    her Gâwein und sîn geselleschaft

Verse: 11515    die konduwierten si von dan,
Verse: 11516    und manic ander werder man,
Verse: 11517    der ich niht genennen kan.


Verse group: (228) 
Verse: 11518    Dô kêrte der helt gegen Korntîn;
Verse: 11519    her Gâwein, der vater sin

Verse: 11520    reit mit im besunder.
Verse: 11521    er sprach 'got hât sîn wunder

Verse: 11522    und sîn genâde an iu getân.
Verse: 11523    ir sult im wesen undertân

Verse: 11524    und minnet in herzelîche.
Verse: 11525    der sinne sît ir rîche,

Verse: 11526    des guotes und der êren;
Verse: 11527    daz sult ir allez kêren

Verse: 11528    swâ ir muget nâch sînem gebot.
Verse: 11529    swer herzelîche minnet got,

Verse: 11530    der ist behalten hie und dort.
Verse: 11531    sun, nu merket disiu wort

Verse: 11532    und behalt diu âne missetât,
Verse: 11533    daz ist mînes herzen rât:

Verse: 11534    sît bescheiden an allen dingen
Verse: 11535    und lât niht verdringen

Verse: 11536    die jugent iuwer sinne;
Verse: 11537    der iuch mit triuwen minne

Verse: 11538    an den sult ir iuch lâzen
Verse: 11539    und boeses schimpfes mâzen;

Verse: 11540    vernemet armer liute klage
Verse: 11541    und büezet ir kumber alle tage;

Verse: 11542    sît gewizzen unde guot;
Verse: 11543    den vînden traget hôhen muot,

Verse: 11544    den vriunden sît geselliclîch
Verse: 11545    und milte: sô werdet ir lobes rîch;

Verse: 11546    bietet den ge , sten êre
Verse: 11547    nâch iuwer gewizzen lære;

Verse: 11548    sît dem gehülfic unde guot
Verse: 11549    der iuwern willen gerne tuot.

Verse: 11550    disem râte volget nâch:
Verse: 11551    lât iuwern zorn niht wesen gâch;

Verse: 11552    tragt scham ob allen iuwern siten.
Verse: 11553    ich wil iuch manen unde biten

Verse: 11554    daz ir gedenket der vrouwen mîn,
Verse: 11555    bî der ich wil mit jâmer sîn,

Verse: 11556    der reinen Flôrîen.
Verse: 11557    sold ieman wâfen schrien

Verse: 11558    über gotes gwalt, daz tæte ouch ich,
Verse: 11559    wand er hat beroubet mich

Verse: 11560    miner hoehsten wunne;
Verse: 11561    si was ein brehendiu sunne

Verse: 11562    enmitten in mînem herzen.
Verse: 11563    owê des grôzen smerzen

Verse: 11564    den ich nu ewiclîche trage
Verse: 11565    mit tôtlîcher jâmers klage!'

Verse: 11566    vor leide si beide weinden;
Verse: 11567    mit triuwen si bescheinden

Verse: 11568    daz si in beiden liep was.
Verse: 11569    sîn munt von wîbe nie gelas,'

Verse: 11570    sprach her Gwîgâlois der degen,
Verse: 11571    'diu gänzlicher kunde pflegen

Verse: 11572    wîplîcher zühte;
Verse: 11573    ir herze in tugent blüete

Verse: 11574    alsô der süezen rôsen bluot
Verse: 11575    des morgens gegen der sunnen tuot.'

Verse: 11576    sus truogen si des jâmers last;
Verse: 11577    diu vreude was ir herzen gast.

Verse: 11578    ganziu triuwe ir beider pflac
Verse: 11579    imz an ir ende mangen tac.

Verse: 11580    sînen vater er mit vlîze bat
Verse: 11581    swen im der reise würde stat,

Verse: 11582    daz er koeme in sîn lant;
Verse: 11583    daz lopte her Gâwein zehant.

Verse: 11584    ein ander si dô kusten;
Verse: 11585    si truogen under ir brusten

Verse: 11586    triuwe ane wenken,
Verse: 11587    die valsch niht mohte beschrenken.

Verse: 11588    sine liebe tohter kuste er dô;
Verse: 11589    der herze wart vor leide unvrô

Verse: 11590    daz si sich muosen scheiden.
Verse: 11591    den gelieben beiden

Verse: 11592    gap der helt vil süezen segen
Verse: 11593    und bat ir got aller pflegen.

Verse: 11594    Sus nâmen si dô urloup dâ;
Verse: 11595    mit jâmer si sich schieden sâ.

Verse: 11596    her Gawein und des küniges man
Verse: 11597    die kerten gegen Nantasan,

Verse: 11598    her Gwîgâlois gegen Korntîn.
Verse: 11599    vrouwe Lârîe diu künigin

Verse: 11600    oo weinde unde was unvrô.
Verse: 11601    her Gwîgâlois si trôste dô;

Verse: 11602    mit schimpflîchem mære
Verse: 11603    benam er ir die swære.
Verse: 11604    si was untriuwen lære.


Verse group: (229) 
Verse: 11605    Sus kômen si ze Korntîn.
Verse: 11606    der künic und diu künigîn

Verse: 11607    besazen dâ ir eigen lant,
Verse: 11608    da man sît immer mêre vant

Verse: 11609    vreude nâch des herzen gir.
Verse: 11610    io ezn liege diu âventiure mir,

Verse: 11611    sit si dâ wurden sedelhaft,
Verse: 11612    vrouwen unde rîterschaft

Verse: 11613    vant man da zallen zîten vil.
Verse: 11614    die burc nant man der vreuden zil.

Verse: 11615    ein wîtiu stat dâ vor lac
Verse: 11616    wüeste vil mangen tac;

Verse: 11617    die besatzter unde bûwet si wol.
Verse: 11618    daz lant wart allez vreuden vol

Verse: 11619    von des heldes sælicheit.
Verse: 11620    got sîn dienest was bereit

Verse: 11621    mit lûterm herzen; alle tage
Verse: 11622    vernam er armer liute klage

Verse: 11623    und buozte in ir kumbers nôt,
Verse: 11624    als im diu mâze ie danne gebôt.

Verse: 11625    mit wenden lebten si ir jâr.
Verse: 11626    vrouwe Lârîe von im gebar

Verse: 11627    und von gotes stiure
Verse: 11628    einen sun, des âventiure

Verse: 11629    mir ze wilde wære,
Verse: 11630    ze krump und ze swære,

Verse: 11631    von sô wunderlîcher geschiht
Verse: 11632    daz ichz mit mînem getiht

Verse: 11633    nimmer triuwe errecken.
Verse: 11634    er muoz die sinne endecken

Verse: 11635    swer si ze rehte tihten wil;
Verse: 11636    daz mære ist hôher sinne ein zil.

Verse: 11637    der selbe sun wart genant,
Verse: 11638    sin nam wîten erkant,

Verse: 11639    Lifort Gâwânides.
Verse: 11640    sîn âventiure giht des

Verse: 11641    daz rîters tât zer werlte nie
Verse: 11642    gesteic mit wârheit hoeher ie.

Verse: 11643    er kunde mit rîcher jost diu sper
Verse: 11644    hurticlîche nâch rîters ger

Verse: 11645    in dem poinder brechen,
Verse: 11646    durch herte schilte stechen.

Verse: 11647    sîn gernder prîs nâch êren ranc.
Verse: 11648    âvoy, wie dicke im sît gelanc

Verse: 11649    an mangem herten strîte!
Verse: 11650    er sluoc wunden wîte

Verse: 11651    durch helme und durch härsenier.
Verse: 11652    der helt wart mânlich unde fier.

Verse: 11653    dise âventiure nem sich
Verse: 11654    an ein sô künstiger man

Verse: 11655    der wildiu wort künne zamen.
Verse: 11656    vremdiu mære und vremde namen

Verse: 11657    hât diu âventiure.
Verse: 11658    ich gibim daz ze stiure

Verse: 11659    swer si gerne tihten wil,
Verse: 11660    daz ich in wîse ûf ir zil

Verse: 11661    dâ si geschriben hât ein man
Verse: 11662    der ir im wol ze tihten gan,

Verse: 11663    von der wälsche in diutsche zungen.
Verse: 11664    mich hât von ir gedrungen

Verse: 11665    min krankiu kunst und mîn sin;
Verse: 11666    von ir ich sus gescheiden bin.

Verse: 11667    swie kranker kunst ich doch sî,
Verse: 11668    ich belîbe der aventiure bî.

Verse: 11669    diuhte min werc die wisen guot
Verse: 11670    und vünde ich ein sô ringen muot

Verse: 11671    der mich dâ zuo beriete,
Verse: 11672    min zunge si verschriete

Verse: 11673    . und begunde si wider lîmen
Verse: 11674    mit ganzen? niuwen rîmen.

Verse: 11675    als ich wæne, des envinde ich niht.
Verse: 11676    owê der jæmerlîchen geschiht

Verse: 11677    daz diu werlt niht vreuden hât
Verse: 11678    ir hoechstez leben mit grimme stât;

Verse: 11679    daz ist rîters orden!
Verse: 11680    ich bin wol innen worden

Verse: 11681    daz der werlte vreude sinket
Verse: 11682    und ir êre hinket;

Verse: 11683    daz prüevet in diu gîticheit,
Verse: 11684    diu boesen muot und erge treit.
Verse: 11685    owê! daz ist mîn herzeleit.


Verse group: (230) 
Verse: 11686    Ich wil daz mære volenden hie,
Verse: 11687    als michz ein knappe wizzen lie

Verse: 11688    der mirs ze tihten gunde.
Verse: 11689    niwan eines von sînem munde

Verse: 11690    enpfie ich die aventiure;
Verse: 11691    dâ von was mir tiure

Verse: 11692    daz mære an mangen enden.
Verse: 11693    minen sin wil ich wenden

Verse: 11694    an ein ander, und wizzet daz
Verse: 11695    diu wirt von mir erriten baz.

Verse: 11696    her Gwîgâlois und sîn wîp
Verse: 11697    rîcheit und êren pflac ir lîp

Verse: 11698    ân alle missewende
Verse: 11699    schône unz an ir ende.

Verse: 11700    ir reinez leben verdiente hie
Verse: 11701    daz gotes gnâde si dort enpfie

Verse: 11702    dâ tûsent jâr sint ein tac.
Verse: 11703    deheines herzen sin gemezzen mac

Verse: 11704    der vreude niht gelîche
Verse: 11705    diu ist in himelrîche;

Verse: 11706    dar uns noch got gesende
Verse: 11707    ûz disem ellende!
Verse: 11708    hie hât daz buoch ein ende.

---

Copyright TITUS Project, Frankfurt a/M, 6.9.2010. No parts of this document may be republished in any form without prior permission by the copyright holder.