TITUS
Alexanderroman (Der Grosse Seelentrost)
Part No. 37
Previous part

Chapter: 2_3  
3. Der Bruder eines Dechanten


Page: 39  
Line: 1    Dat was eyn deken, de hadde syme brodere gedan van des stichtes gude
Line: 2    twintich mark. De deken starff. De domheren maneden den broder vmme
Line: 3    dat gud. He vorsokos. Se dreuen ene to eyden, he swor eynen meynen eyd
Line: 4    vnde gingk to huß. Do he halff wech to hus quam, do bleff he stane vnde en
Line: 5    mochte eynen vot nergen ghan. Darto ware he stum vnde nekunde eyn wort
Line: 6    nicht spreken. Do gengk he to synen heren vnde bekande synes brokes vnde
Line: 7    louede vnsem leuen heren, dat he de schult gerne gelden wolde vnde en
Line: 8    wolde nummer vnrechte sweren. Do wart he sprekene vnde gande.
Line: 9    Kynt leue, du en schalt neynen losen eyth sweren myt neynerleye valscher list,
Line: 10    wente god nemet den eyd also, alse yenne mynsche, deme du swerest. Vnde
Line: 11    alsodane listige eyde dat synt meyn eyde, de vordomet de sele. Dar van wil
Line: 12    ik dij eyn bilde seggen:



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.