TITUS
Alexanderroman (Der Grosse Seelentrost)
Part No. 48
Previous part

Chapter: 2_14  
14. Verspottung des hl. Peter (von Mailand)


Line: 9    In der predeker orden dar was eyn broder, de hette Broder Peter. Deme
Line: 10    beuoil de pawes, dat he predeken scholde wedder de vngelouigen heyden vnde
Line: 11    de kettere sint geheten. Do he dat bot vullenbringen wolde, do wart he gemarteret
Line: 12    dorch den rechten gelouen. Dar na dede he vele tekene. Do sat eyn
Line: 13    man ouer der taflen vnde ath vnde beghan to schimpene vppe syne tekene
Line: 14    vnde sprak aldus: 'Is de Peter hillich, so geue god, dat yk dessen bete nummer
Line: 15    in bringen mote.' Do bleff eme de bette in dem munde stekene vnde nekunde
Line: 16    en noch vt noch in bringen vnde was vil na geworget. Do louede he in syneme
Line: 17    herten, ofte ome god hulpe, dat he nummer mer vppe godes hilgen schympen
Line: 18    wolde. Aldus wart he geloset vnde behelt syn leuen. -- Kint leue, darumme ne
Line: 19    schaltu godes hilgen nicht beschimpen.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.