TITUS
Alexanderroman (Der Grosse Seelentrost)
Part No. 114
Previous part

Chapter: 3_37  
37. Ein Mönch und das Ave Maria


Page: 122  
Line: 1    Dat was eyn ghut eynuoldich monik, de plach des, wan he genk vor vnser
Line: 2    leuen fruwen bilde, so sprak he syn Aue Maria. To eyner tijd sprak he aldus
Line: 3    to vnser leuen fruwen: 'lk grote dij alle tijd, vnde du en antwordest my nummer.
Line: 4    War vmme lestu dat:' Dar na quam he to eyner tijd vor vnser leuen fruwen
Line: 5    bilde vnde sprak: 'Ghegrotet sijstu, Maria, vul aller gnaden. God is myt
Line: 6    dij. Du bist benediet bouen allen fruwen vnde benediet is de vrucht dynes liues.'
Line: 7    Do sprak vnse leue fruwe wedder to eme: 'Vnde du schalt ok werden benediet.'
Line: 8    -- Kint leue, darumme schaltu gerne vnse leuen fruwen eren vnde
Line: 9    groten myt dyneme Aue Maria. Vnde dat machstu spreken to latine edder to
Line: 10    dude, wu du wult, war dij aller meyst ynnicheit van kumpt.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.