TITUS
Alexanderroman (Der Grosse Seelentrost)
Part No. 117
Previous part

Chapter: 3_40  
40. Ein Jüngling und Maria


Page: 123  
Line: 1    Dat was eyn jungeling, deme hadde sin vader grot gut geeruet. Dat brachte
Line: 2    he altomale to vnde wart so arm, dat he nicht ne hadde. To eyner tijd, do he
Line: 3    sere bedrouet was, do quam de ouele geyst to em vnde sprak: 'Ik proue wol,
Line: 4    worumme du bedrouet bist. Wultu volgen myme rade, ik wil dij rijke maken.'
Line: 5    Do sprak yenne: Wat du wult, dat wil ik don, vppe dat du mek rijke makest.'
Line: 6    De vient sprak: 'Du schalt vorsaken dines godes, de dijk geschapen heit.' Dat
Line: 7    dede yenne vnde vorsok synes godes. Do sprak de vient: 'Du schalt ok vorsaken
Line: 8    syner moder, de my vele schaden gedan heuet.' Des ne wolde he neynewijs
Line: 9    don. Do vor de vient van eme. De jungelingk genk in de kerken, dar vnser
Line: 10    leuen fruwen bilde stunt, vnde beghan se antoropen. To der suluen tijd quam
Line: 11    ghan eyn rydder, deme stunt des jungelinges ghut to pande. De rydder sach
Line: 12    dat, dat vnse leue fruwe ere leue kint satte vp dat altar vnde vel eme to vote
Line: 13    vnde sprak: 'Ik bidde dij, leue sone vor den jungelingk. Vorgiff eme
Line: 14    synen broke dorch mynen willen.' Do sprak vnse leue here Ihesus Christus:
Line: 15    'Moder, ik neplege dij nicht to weygerne dorch der bruste willen, dar du my
Line: 16    mede gesoget heuest. Ik vorgeue eme alle syne sunde dorch dynen willen.'
Line: 17    Do stunt de jungelingk vp vnde dankede vnser leuen fruwen. Do nam de
Line: 18    rydder den jungelingk to sijk vnde vragede eme, wat de sake weren. Do segede
Line: 19    he eme alle dingk. Do gaff eme de rydder syne dochter vnde gaff eme alle
Line: 20    sin gud wedder, vnde he wart dar na eyn ghut mynsche.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.