TITUS
Alexanderroman (Der Grosse Seelentrost)
Part No. 157
Previous part

Chapter: 4_35  
35. Der Wert eines Paternosters


Line: 24    Dat was eyn hillich bisschop, de scholde theen to Rome to deme pawese.
Line: 25    Do vant he eynen armen man, den nam he in syn huß vnde louede eme dat,
Line: 26    dat he eme wolde geuen de prouende alle sine leuedage also beschedeliken,
Line: 27    dat he alle dage scholde eyn Pater noster spreken vor den bisschop, vppe dat
Line: 28    god en bewarede vor allem ouele. Do beuol de bisschop syneme vogede, dat
Line: 29    he eme alle dage scholde geuen syne prouende. De bisschop toch hen
Line: 30    to Rome. Desse man sprak alle dage yo eyn Pater noster sunderliken vor den
Line: 31    bisschop, vppe dat god bewarede den bisschopp, dat em nicht boses to en
Line: 32    queme. Dat geschach enes dages, dat de voget deme armen manne syne prouende
Line: 33    vntoch. Do let de arme man dat Pater noster vnderwegen vnde ensprakes nicht.
Line: 34    In dem suluen dage quam de bisschop in so grote water nod, dat he vilna sin
Line: 35    lijff hadde vorlorn, vnde eme quam grot schade tho. Do merkede de bisschop
Page: 155   Line: 1    den dach. Dar na, do he wedder to huß quam, do vragede he den armen man,
Line: 2    ofte he eme hedde geholden sin Pater noster. 'Ja.' sprak he, 'ik hebbet geholden
Line: 3    alle dage behaluer in eme dage, do let ik dat vnder weghen. Dat was des vogedes
Line: 4    schult, de negaff my myner prouende nicht.' Do gaff de bisschop deme vogede
Line: 5    schult vnde sprak also: 'Her voget, gij hebben my groten schaden thobracht,
Line: 6    den schole gij my vprichten. Gij hebben my geschadet eyn Pater noster, dat
Line: 7    schole gij my vprichten.' De voget sprak: 'Here, entornet yuw nicht vppe mi.
Line: 8    Ik wil yuw juwe Pater noster wol vorgelden. Segget mi, wat wille gij dar vore
Line: 9    hebben?' Do sprak de bisschop: 'Varet hen tho Rome vnde vraget deme,
Line: 10    pawese, wu gut eyn Pater noster sij.' Do moste yenne voget ryden to Rome
Line: 11    to dem pawese vnde vraghen eme, wu gud eyn Pater noster were. Do sprak de
Line: 12    pauwes: 'Eyn Pater noster ys also ghut alse eyn penningk.' De voget quam
Line: 13    wedder to deme bisschoppe vnde sprak: 'Here, ik hebbe gewesen to Rome
Line: 14    to dem pawese vnde hebbe grote kost vnde grot arbeyt gehat van nichte. De
Line: 15    pawes de segede also: Eyn Pater noster ys so gud also eyn penningk. Ik wolde
Line: 16    juw gerne hundert penninge hebben gegeuen vor dijt arbeyt.' Do sprak de
Line: 17    bisschop: 'Segede de pauwest nicht, wat penningk dat yd wesen scholde, wer
Line: 18    sulueren edder gulden edder kopperen?' Do sprak de voget: 'Here, des en segede
Line: 19    he nicht.' Do sprak de bisschop: 'So ryth noch ens wedder vnde vraget, wat
Line: 20    penningk dat wesen schulle.' Do moste de voget noch ens hen thein to dem
Line: 21    pauwese vnde vragen, wat penningk dat wesen scholde. Do sprak de pauwes,
Line: 22    dat scholde wesen eyn gulden penningk. De voget quam wedder vnde segede
Line: 23    dat syneme heren, dat scholde eyn gulden penningk wesen. Do sprak de bisschop:
Line: 24    'Segede de pauwes icht, wu grot de penningk scholde wesen?' Do sprak de
Line: 25    voget: 'Here, des ne segede he my nicht.' Do sprak de bisschop: 'So thu noch
Line: 26    ens wedder vnde vrage eme, wo grot de penningk wesen scholde.' He toch
Line: 27    hen vnde vragede, wo grot de penningk wesen scholde. Do sprak de pauwes:
Line: 28    'De peningk schal also bret wesen, alse al dijt ertrike, vnde also dicke, also
Line: 29    van deme hemele to der erden.' Do quam de voget wedder to dem bisschoppe
Line: 30    vnde vel eme to vote vnde sprak: 'Leue here, dot mi gnade! Juwe Pater noster
Line: 31    en kan juw nement vorgelden. Dat ys so dure, dat vorgulde al de werlt nicht.'
Line: 32    Do irbarmede sijk de bisschop vnde dede eme gnade. -- Kint leue, hirumme
Line: 33    schaltu dyn Pater noster gerne spreken. Du neschalt ock neyn Pater noster
Line: 34    hinderen, wente hinderstu eyn Pater noster, du en kanst des nicht vorgelden
Line: 35    myt al deme gude, dat de werlt heit. Darumme enschaltu nemende hinderen
Line: 36    an synem bede, in kerken edder anders wur.

Line: 37    Kynt leue, du schalt dat Pater noster spreken myt groter innicheit. Beter ys eyn
Line: 38    Pater noster gesproken myt innicheit, wan hundert edder dusent sunder innicheit.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.