TITUS
Alexanderroman (Der Grosse Seelentrost)
Part No. 158
Previous part

Chapter: 4_36  
36. Das Paternoster einer Frau


Page: 156  
Line: 1    Dat was eyn ghud fruwe, de plach vele to beden. To eyner tijd bichtede se
Line: 2    eynem brodere. De vragede se, wat se plege to bedene. Se sprak: 'Ik nekan
Line: 3    nicht dan myn Pater noster; dat spreke ik al to dude: Vader vnse, de dar bist
Line: 4    an deme hemele. Dat do ik darumme, dat yk vornemen moge, wat ik spreke.
Line: 5    Wan ik dat to latine spreke, so vorneme ik des nicht, so newert my dar neyn
Line: 6    innicheit van.' Do sprak de broder: 'Wo mannich Pater noster spreke gij in
Line: 7    deme daghe?' Do sprak se: 'Wan ik to der mysse kome vnde myn Pater noster
Line: 8    spreke, ghift my god de gnade, dat yd my wol enhant gheit, so spreke ik eyn
Line: 9    halff Pater noster edder eyn ferndel edder eyn ganß. Gheyt yd my ouele enhant,
Line: 10    so spreke ik wol vertich edder veftich edder hundert.' Do sprak de broder:
Line: 11    'Wo mach dat sin, dat gij seggen, wan yd juw wol gheyt, so spreke gij eyn
Line: 12    halff edder eyn ferndel edder eyn ganß, vnde wan yd juw nicht wol enhant
Line: 13    gheit, so spreke gij vertich edder veftich edder hundert?' Do sprak de fruwe:
Line: 14    'Here, des wil ik juw berichten: Wan ik dat Pater noster beghynne vnde spreke
Line: 15    aldus: 'Vader vnse', so neme ik erst de twe wort vnde beghyrme darup to
Line: 16    trachtene, dat de hemelsche god myn vader wesen wil, vnde dat ik sin kint
Line: 17    werden mach, ofte ik suluen wil, dat ik sin erfname wesen schal, dat my de
Line: 18    hemelsche vader groter leue vnde groter truwe bewiset heuet wan yu vader
Line: 19    syme kinde. Dat he dorch mynen willen mensche wart vnde dorch mynen
Line: 20    willen so grot armode vnde so grot arbeit wol dre vnde drittich jar hebben
Line: 21    wolde. Dat he dorch mynen willen den bitteren dot liden wolde vnde so grote
Line: 22    smaheit, also yu eyn mynsche leit vppe desseme ertrike. Wur was yu eyn
Line: 23    vader, de dat liden wolde vor sin kint, dat de hemelsche vader vor my let.
Line: 24    Wanne ik alle dijt betrachte an myneme herten, so gifft my god bewile so
Line: 25    grote ynnicheit vnde soticheit, dat ik ene gantze mysse to bringe ouer deme
Line: 26    enigen worde 'Vader vnse'. Dar na bedenke ik dan, dat dar na volget: 'de dar
Line: 27    bist in deme hemele'. So beghynne ik dat to betrachten de vraude, de dar is
Line: 28    in deme hemelrike an der beschowinge des wunnentliken antlates godes vnde
Line: 29    an der bekantnisse der hilgen dreuoldicheit, an der kumpanie alle der saligen
Line: 30    hilgen. Van der betrachtunge so gift my god bewile so grote innicheit vnde
Line: 31    soticheit, dat ik ene lange tijd dar mede to bringe. Dar na so neme ik, dat dar
Line: 32    na gheit: 'ghehilget werde dyn name'. Dat betrachte ik auer myt sunderliker
Line: 33    innicheit. Also do ik al de wort, de in dem Pater noster sin; so kan ik vnder
Line: 34    eyner mysse kumme eyn halff Pater noster vtbringen; so dunket my des, dat
Line: 35    yd my wol to handen ghan heft. Wan ik auer neyne innicheit nehebbe
Line: 36    vnde neyne soticheit ne vole, so spreke ik eyn Pater noster vp dat andere vnde
Page: 157   Line: 1    newet nicht, wat yd ys, dat ik spreke. So spreke ik vnderwilen vnder eyner
Line: 2    myssen wol viftich Pater noster ane irmicheit; so dunket my des, dat yd my
Line: 3    nicht wol tohanden ghan heit.' Dusse fruwe hadde rechte leue. Also schaltu
Line: 4    leren beden myt innicheit. Lat allen, wo cleyne dat din bet sij, des yd yo innich
Line: 5    sij; wente beter is eyn Pater noster myt innicheit wan dusent ane innicheit.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.