TITUS
Alexanderroman (Der Grosse Seelentrost): Part No. 216
Subchapter: 17._Unkeusche_Gedanken
17. Unkeusche Gedanken
Line: 18
Kynt leue, ik wil dij eyn ander seggen, dat vele swarer ys: Heuestu eynen
Line: 19
vnkuschen danken vnde bewerestu dyn herte mede, vnde ys dij wol myt
Line: 20
deme danken, du woldest dat node don, dar du vp denkest, du denkest myt
Line: 21
behagunge vp vnkuscheyt, nochtan so woldestu dat node don, de danke is
Line: 22
eyn houet sunde vor gode darumme, dat du deme danken nicht wedersteyst.
Line: 23
Se scholen dij myshagen, du schalt se misprisen, dij schal dar vnwerde to wesen.
Line: 24
Deistu des nicht, spelestu myt den danken, ys dij wol dar mede, du deyst eyne
Line: 25
houet sunde, allene dat du dat node vulbrengen woldest myt den werken,
Line: 26
dat du denkest. Dijt sulue schaltu ok vornemen myt anderen danken aldus:
Line: 27
Du heuest enen man, deme du nicht gunstich enbist. Du woldest eme node
Line: 28
led don, dat he vor dij gebunden lege, du woldest ene node slan, doch denkestu
Line: 29
also, sloge ene eyn ander, dat were dij leff, du gundestes eme wol, de danke
Line: 30
ys eyn houet sunde. Du woldest eme node sin huß affbernen, doch dedet
Line: 31
eyn ander, dat were dij leff, de danke ys eyn houetsunde, isset also, dat he dij
Line: 32
nicht myshaghet. Du woldest eme node sin gut vorstelen edder nemen edder
Line: 33
entwunschen, doch so steyt din herte also, offte eme sin gud vorstolen worde
Line: 34
edder vorloret vp der see edder anders wur dat were dij leff, vnde dat were
Page: 216
Line: 1
dij eyn vraude, de danke ys eyn houetsunde, isset also, dat he dij behaghet
Line: 2
vnde weddersteistu deme danken nicht. Also ysset ock vmme de vnkuschen
Line: 3
danken. Is dij wol dar mede vnde negest dynen mot willynges to den danken,
Line: 4
dat is dij eyn houetsunde, allene du de vnkuschet node don woldest.
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
