TITUS
Alexanderroman (Der Grosse Seelentrost): Part No. 218
Subchapter: 19._Ein_Mönch,_der_Räuber_wurde
19. Ein Mönch, der Räuber wurde
Line: 18
Dat was eyn monnik, de leip vte synem orden vnde wart eyn rouer vnde
Line: 19
eyn morder vnde quam to anderen kumpanen in den wolt, dar se morden
Line: 20
scholden, vnde wart erger wan se alle weren. He ne leit neynen mynschen
Line: 21
leuen. He mordede den, den de anderen nicht morden wolden. He mordede
Line: 22
eynen mynschen also leiff alse eyne vlegen. Dar na wart he gegrepen
Line: 23
vnde wart gebracht to dem dode. Do bekande he des vnde sprak: ʼIk hebbe
Line: 24
gewesen eyn monik vnde wart eyn morder, vnde my was so wol myt den
Line: 25
sunden, dat ik dat dorste don, dat ander morder nicht don dorsten. Wan
Line: 26
ik eynem mynschen den hals intwe snet, vnde he rotelde myt der stroten, dat
Line: 27
lut was my soter wan alle de sang vnde de orgelen vnde de seiden, de ik yu
Line: 28
gehorde.ʼ
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
