TITUS
Theophil
Part No. 2
Previous part

Chapter: (2)  
(D)USSE NABESCREUEN PREDEGHE
HORDE THEOPHILUS.

TEMA PREDICATORIS: VIDIT JHESUS HOMINEM
SEDENTEM IN THEOLONIE [= THELONIO].


Verse: 310     God vorlene vns alle syne synne,

Verse: 311     Vnde geuen vns syne gotliken mynne,
Verse: 312     Vrede vnde syne gnade to reden,

Verse: 313     Dat ed anname(n) mote wesen.
Verse: 314     Ik han eyn wort to latine gelesen,

Verse: 315     Dat weit vil mennich gud cristen,
Verse: 316     Dat bescriuet vns de ewangelisten.

Verse: 317     Dat wil ik na beduden
Verse: 318     Vor allen cristenluden.

Verse: 319     Ere wy de rede begynnen,   Manuscript page: 150r  [150r]
Verse: 320     So grote wi erst de koninghinne

Verse: 321     Myt eynem "Pater noster" vorwar,
Verse: 322     Vnde myt eynem "Aue Maria" clar,

Verse: 323     Dat se my vorlyge to redenne eyn clene,
Verse: 324     Dat wy getrostet werdden [= werden] algemeyne,

Verse: 325     Vnde God, Godes sone,
Verse: 326     Ghelouet werde an synem trone.

Verse: 327     DAT SCHACH TO HANT DAR NA,
Verse: 328     EYN ISLIK SPREKE EYN "AUE MARIA".

Verse: 329     (S)unte Matheus sprak also:
Verse: 330     Dat steit bescreuen in ewangelio:

Verse: 331     Vidit Jhesus hominem sedentem in theolonie [= thelonio].
Verse: 332     Dat sprak Jhesus vnse here

Verse: 333     Vnde sach sitten eynen tolnere
Verse: 334     An sinem tollen openbar -

Verse: 335     Dat was ome alto swar -
Verse: 336     He sprak: Volge my du!

Verse: 337     Alsus, salghe minsche, su!
Verse: 338     He volgede ome to hant,

Verse: 339     Vnde [= Ihesus?] sande on in alle lant.
Verse: 340     Erst was he eyn tolnere,

Verse: 341     Nu is he eyn apostel vnde eyn predeghere.
Verse: 342     He was eyn sunder openbar,   Manuscript page: 150v  [150v]

Verse: 343     Nu gheit he in Cristus scar.
Verse: 344     Erst was om rech(te) vnde vnrechte like,

Verse: 345     Nu leret he den wech to dem himmelrike.
Verse: 346     Eya, wes sundighestu dik [= dicke]?

Verse: 347     Nu heftu di to sunden vorplicht.
Verse: 348     Kere weder vnde twiuel nicht.

Verse: 349     We willen di lefliken entfan,
Verse: 350     So du nu hebbest (wedder) vns ghedan.

Verse: 351     Mark an Marien Magdalenen,
Verse: 352     Wo se to gnaden queme.

Verse: 353     Se was to mennigen stunden
Verse: 354     Myt seuen duuelen bebunden.

Verse: 355     Tohant do se gnade san,
Verse: 356     Godes torne se gans vorwan.

Verse: 357     Loue, sunder, an koning Dauid,
Verse: 358     De lach an sunden menche tijd;

Verse: 359     Do he gnade begerende was,
Verse: 360     God halp om, dat he genas.

Verse: 361     Wy lesen an sunte Peters boke,
Verse: 362     Wo ho Godes drie vorsoke.

Verse: 363     He swor by duren worden,
Verse: 364     So gy in dusser passien mogen horen:

Verse: 365     Summe dat werde hilghe licht,   Manuscript page: 151r  [151r]
Verse: 366     Ik bekenne Godes namen nicht.

Verse: 367     An der suluen stunde
Verse: 368     He bewenede syne sunde.

Verse: 369     Ome wart so vele gaade [= gnade] bereit,
Verse: 370     Dat he is eyn vorste der apostelheit.

Verse: 371     Merke, sunder, Godes mildicheit,
Verse: 372     Wo grot dat se is vnde breit.

Verse: 373     Twiuel nicht also eyn har.
Verse: 374     Got nympt diner alle tijd war,

Verse: 375     Wor du in der werlde varest,
Verse: 376     Vp dat du van sunden latest.

Verse: 377     O wy, du twiuelere,
Verse: 378     Du bist doch gans vnmere.

Verse: 379     Wan du twiuelst an Jhesum Crist,
Verse: 380     So bistu argher, wen de duuel ist.

Verse: 381     Du bist myt senden oghen blint,
Verse: 382     Dat du nicht louest an Marien kint,

Verse: 383     De di heft bitterliken erlost,
Verse: 384     De is din leuent vnde dyn trost.

Verse: 385     Du bist ghescreuen an sine vote
Verse: 386     Mit eynem griffel vnsote.

Verse: 387     Du bist ok alle tijd an sinen henden,   Manuscript page: 151v  [151v]
Verse: 388     He hef dy gelost van des duuels benden.

Verse: 389     Du bist ghescreuen an syn herte,
Verse: 390     He leit dorch dy grote smerte

Verse: 391     Vtwendich vnde inwendich vnde nicht stille.
Verse: 392     Sunder, dat leit he dorch dinen willen!

Verse: 393     Eftu nu gnade to ome sokest,
Verse: 394     Vnde syn bod rokest,

Verse: 395     He enwel diner nicht vortigen.
Verse: 396     Des bidde wy alle Marien,

Verse: 397     Dat se alle werden vntbunden
Verse: 398     Van oren groten houetsunden,

Verse: 399     De an sinem denste werden vunden.
Verse: 400     Alle, de nu Godes wort

Verse: 401     Myt innicheit hebben gehort,
Verse: 402     De scullen aflates so vele hauen:

Verse: 403     Eft se hedden gewesen to dem hilgen graue
Verse: 404     Ouer meres, syt bericht,

Verse: 405     Ome [= On] enworde so vele aflates nicht.
Verse: 406     Hirvmme, leuen salighen lude,

Verse: 407     Nu dancket Gode hude
Verse: 408     Vnde [= Vmme] alle synen gnaden,   Manuscript page: 152r  [152r]

Verse: 409     De he hir heft ghedan.
Verse: 410     Gif [= Gy] salighe man vnde vif [= wif],

Verse: 411     Iwe zele vnde jwe lif
Verse: 412     Bevele ek hute vnsem heren

Verse: 413     Vnde Marien nu vnde jummer mere.
Verse: 414     (D)O SPRAK THEOPHILUS

Verse: 415     JAMERLIKEN ALSUS:
Verse: 416     O we, ik vil kloker man;

Verse: 417     Myne oghen latet my bister gan,
Verse: 418     Dat ik bin sus sere ghedouet,

Verse: 419     Dat ik bin so dum:
Verse: 420     Des is my myn munt worden stum.

Verse: 421     Ik bin also eyn gok.
Verse: 422     Myne oren synt my worden dof,

Verse: 423     Des wil ik my lange doren,
Verse: 424     Dat ik nicht kan Godes wort horen.

Verse: 425     Ik han vorsellet eynen kop:
Verse: 426     Ik han dat lange leuent

Verse: 427     Gar vmme eyn kort gegheuen;
Verse: 428     Des mot ik sin vorloren

Verse: 429     Vnde de zele io tovoren,
Verse: 430     Id were beter, dat ik nicht were boren.

Verse: 431     O wy, wat scal ik vil armen,   Manuscript page: 152v  [152v]
Verse: 432     We wil sik ouer my vorbarmen?

Verse: 433     To weme mach ik wiken?
Verse: 434     Ik han God van himelrike

Verse: 435     Vnde alle sine hilgen vorsworen.
Verse: 436     Ik were beter vngheboren!

Verse: 437     Ik han my to spade bedacht:
Verse: 438     Ik mot sorgen dach vnde nacht.

Verse: 439     Ik wil doch wederkeren
Verse: 440     To eyner vrowen heren,

Verse: 441     De is gheheten Maria.
Verse: 442     To der scal my gnade werden

Verse: 443     Vp dusser jamerliken erden:
Verse: 444     To der scal my werden gnaden,

Verse: 445     To or wil ek iu spaden [= my spoden?].
Verse: 446     Dat scal vorweruen de maget gut,

Verse: 447     Se is aller gnade eyn ouervlot.
Verse: 448     (T)HEOPHILE SPRAK: Ik grote dy, Maria, du edele vad,

Verse: 449     Du bist aller sunde(r) eyn tovorlat.
Verse: 450     Du bist aller salden eyn scrin,

Verse: 451     Vt dek, edele keyseryn,
Verse: 452     Nu vnde jummer gnade vlot.   Manuscript page: 153r  [153r]

Verse: 453     God gaf sik in dynen schot
Verse: 454     Vnde kos dy to eyner trutinnen,

Verse: 455     Dat du scoldest gnade winnen.
Verse: 456     Den armen sundern to vromen,

Verse: 457     De vte dem wege sint ghekomen.
Verse: 458     Du bist eyn edele leydesterne

Verse: 459     Buten dem wege verne.
Verse: 460     Help my weder in den wech:

Verse: 461     Wente du bist beide bruge vnde stech.
Verse: 462     Alle de to dy komen,

Verse: 463     De werden dem duuel ghenomen.
Verse: 464     (T)HEOPHOLE SPRAK: Vro were [= Vrowe], ik han sere misse ghedan,

Verse: 465     Ik dor myn oghen nicht upslan
Verse: 466     To dem almechtigen Gode,

Verse: 467     Du enwillest syn myn bode
Verse: 468     Vnde eyn hulperinne.

Verse: 469     Help my, dat ik gnade wynne
Verse: 470     Myt dinem saligen bede,

Verse: 471     Dar is my hulpen mede.
Verse: 472     Vrowe, sprek din salige wort,

Verse: 473     Dat is vor alle dingk gehort.
Verse: 474     Wente dyn kint Jhesus Crist   Manuscript page: 153v  [153v]

Verse: 475     Wil dy twiden, wes du biddende bist.
Verse: 476     (M)ARIA SPRAK: Theophile, dyn venne[= wenen]

Verse: 477     Kan dy gar luttich renne [= renen].
Verse: 478     Du heft ghelegen dre daghe

Verse: 479     An wenende vnde an groter clage.
Verse: 480     Ek han des nicht vornomen,

Verse: 481     Dat dy iemant sy to hulpe komen.
Verse: 482     We scal vnde we mach dyn hulper syn?

Verse: 483     THEOPHILE SPRAK: Dat scaltu, vil leue keyserin.
Verse: 484     MARIA SPRAK: Wes scol ek siner [= diner] plegen?

Verse: 485     Jo hastu myner vorteghen,
Verse: 486     Myner vnde mynes kindes

Verse: 487     Vnde alles himelschen ghesindes
Verse: 488     An himel vnde an erden.

Verse: 489     Dyn hulp kan ek nicht werden.
Verse: 490     Wolde iemant dy to hulpe komen,

Verse: 491     Ik wolde dy gherne darto vromen.
Verse: 492     (T)HEOPHILE SPRAK: Ach du edele rose van Jericho,

Verse: 493     Wo trostestu my armen also!
Verse: 494     Du bist io der gna(den) vul.

Verse: 495     De engele schone to di sprak: -
Verse: 496     Goteliken dat ghescach: -   Manuscript page: 154r  [154r]

Verse: 497     Aue gracia plena etc.
Verse: 498     Woldestu dorch my alleyne

Verse: 499     Vorleysen dynen namen reyne,
Verse: 500     Des wolde ek schemen vor dy.

Verse: 501     Nu bidde dyn leue kint vor my;
Verse: 502     Dat ek vel boses han ghedan,

Verse: 503     Des geyt my grote twe [=rwe?] an.
Verse: 504     Ik wil gerne don noch dynem willen.

Verse: 505     MARIA SPRAK: Nu liche stille,
Verse: 506     Ik wil gan to mynem kinde.

Verse: 507     Kan ik dy gnade vinden,
Verse: 508     Ik wil dyn trvwe bode syn.

Verse: 509     THEOPHILE SPRAK: Dat do, vil edele keyserin.
Verse: 510     MARIA SPRAK: Ek bidde dy, leue kint myn,

Verse: 511     Dat du willest twiden my.
Verse: 512     Dar is ghekomen eyn vil arme,

Verse: 513     Lat dyne gnade (sin) vorbarmen.
Verse: 514     De heft dre daghe leghen,

Verse: 515     Dat he nu heft entswegen,
Verse: 516     Nicht wen wenen vnde gillen.

Verse: 517     Gunne my, dat ik one mote stillen
Verse: 518     Vnde lat my delghen syne trene.   Manuscript page: 154v  [154v]

Verse: 519     Wente ek bin de reyne,
Verse: 520     Dar de sunder an kre [= scre?]:

Verse: 521     Salue regina misericordie.
Verse: 522     Ik hete eyn moder, also ek weit,

Verse: 523     Aller barmherticheit
Verse: 524     Vul trostes vnde vul gnade,

Verse: 525     Des sunders heil, des duuels scade.
Verse: 526     Ek bin gheheten morgenrot.

Verse: 527     Des bidde ek dy dorch dinen dot:
Verse: 528     Ik hete eyn scrin der salden,

Verse: 529     Lat my nu syner walden.
Verse: 530     Des bidde ek dy, kint vnde here,

Verse: 531     Dorch dines sulues ere.
Verse: 532     (M)ARIA SPRAK: Vil leue kint, wes swichtu?

Verse: 533     Antworde diner moder nu.
Verse: 534     Dencke, leue kint, do wi vns beide

Verse: 535     Van dem ertrike scheiden,
Verse: 536     Dat du my do geuest de walt,

Verse: 537     He were junk edder alt,
Verse: 538     Dat ik mochte vor one dinghen,

Verse: 539     Vnde one to gnaden bringen.
Verse: 540     Wultu my de gnade benemen,   Manuscript page: 155r  [155r]

Verse: 541     Dat is my gar vnbequem(e).
Verse: 542     Du heft my lef, vnde ek ok dy.

Verse: 543     Ik bidde, dat den sunder latest my,
Verse: 544     Vnde latest vorgan dyn vngemote.

Verse: 545     Ik wil seyn, wu ik vor one bote
Verse: 546     Siner groten sunde swere.

Verse: 547     JHESUS SPRAK: Moder, wes biddestu so sere
Verse: 548     Vor dat stinkende as,

Verse: 549     Dar nu reynicheit inne was?
Verse: 550     He heft vorsaken diner,

Verse: 551     Also heft he ok myner.
Verse: 552     Hedde he dyner nicht vorteghen,

Verse: 553     Ome hedde dat sin vorgheuen,
Verse: 554     Dat he hedde gnade wunnen.

Verse: 555     My deden we myne wunden,
Verse: 556     Do he myner also vorsok,

Verse: 557     Vnde [= Vmme] de vrucht, de he my gedruch.
Verse: 558     MARIA SPRAK: Sin scrien vor mynen oghen

Verse: 559     Des enkan ek nicht lenger dogen.
Verse: 560     JHESUS SPRAK: Syn vles stincket vor mynem antlat(e),

Verse: 561     Dat is gar vter mate.
Verse: 562     Darvmme sage ik di, moter myn,   Manuscript page: 155v  [155v]

Verse: 563     Ik wil al vnghebeiden syn.
Verse: 564     MARIA SPRAK: Vil leue kint,

Verse: 565     Do so soyke ek, wur dine vote synt;
Verse: 566     Sint du my nicht twiden w(i)lt,

Verse: 567     Dat ek werde eyn vredescilt
Verse: 568     Des armen, de dar liget

Verse: 569     Vnde grote ruwe pleghet,
Verse: 570     Nu mane ik di aller bitterheit,

Verse: 571     De ik ju dorch dinen willen leit;
Verse: 572     Dencke, kint, dat myn hant

Verse: 573     Myt kranken doken dy bewant,
Verse: 574     Do du an der krubben legest

Verse: 575     Vnde grotes armodes plegest.
Verse: 576     Su kind, dut/dat sint de brusten,

Verse: 577     De du to dinen lusten
Verse: 578     Dicke heft ghesoghen

Verse: 579     Vnde lefliken to dem mde [= munde] togen.
Verse: 580     Dencke, kint, an mynen willen,

Verse: 581     Dat ek di ernerde myt der splllen [= spillen].
Verse: 582     Dat was an den stunden,

Verse: 583     Dat wi des nicht beteren konden.
Verse: 584     Dencke, sone, dat ik vloch mannighen wech,   Manuscript page: 156r  [156r]

Verse: 585     Beyde ouer bruge vnde ouer stech.
Verse: 586     Ik toch vnde vloch hir vnde dar,

Verse: 587     In Egiptenlant vnde anders war.
Verse: 588     Denk, wat ik leyt an der stunt,

Verse: 589     Do dyn herte wart gewunt
Verse: 590     Van dem blinden iodenspere grot,

Verse: 591     Dat dat blot dorch sine [= dine] siden vlot.
Verse: 592     Leue kint, dorch alle de bitterlicheit,

Verse: 593     De ek ju dorch dinen willen leit,
Verse: 594     Efte ek di do wat gudes dede,

Verse: 595     So twide my dusser bede,
Verse: 596     Vnde lat my dussen sunder bewaren,

Verse: 597     Vnde lat one an mynen hulden varen.
Verse: 598     JHESUS SPRAK: Maria, leue moder myn,

Verse: 599     Stant vp vnde lat dyn biddent syn.
Verse: 600     Ik geue one an dine hant.

Verse: 601     Kanstu ome scicken syn pant
Verse: 602     Vnde synen suluen bref,

Verse: 603     Den he dem duuel scref,
Verse: 604     Den he hef ghescreuen,   Manuscript page: 156v  [156v]

Verse: 605     So late ek one an dynen hulden (leuen),
Verse: 606     (M)ARIA SPRAK: Theophole,

Verse: 607     Du heft dre dage vnde mere
Verse: 608     An groten ruwen ghewesen,

Verse: 609     Darvmme scaltu wol genesen.
Verse: 610     Ik han dy gnade ghewunnen,

Verse: 611     Du bist van allen sunden vntbunden.
Verse: 612     Du bist ghegeuen an myne hant,

Verse: 613     Ik wil dyne sele vnde dyn pant,
Verse: 614     Losen myt mynen henden

Verse: 615     Van des duuels benden.
Verse: 616     (T)HEOPHILE SPRAK: Ach vrowe, wo wart my de bref,

Verse: 617     De dar is in der helle dep,
Verse: 618     Vnde de inghesegel darmede?

Verse: 619     So loue ek wol der rede,
Verse: 620     Eya entorne dy nicht,

Verse: 621     Ik spreke, so id my ghe want is.
Verse: 622     Ik sage, so id my is gewand.

Verse: 623     Wente id is myn hogeste pand.
Verse: 624     MARIA SPRAK: Ik bidde di, Satanas,

Verse: 625     Du vnreyne saghe vnde twas,
Verse: 626     Dat du komest hir vore   Manuscript page: 157r  [157r]

Verse: 627     Neden ut der helle dore.
Verse: 628     Theophole sint sine sunde vorgeuen,

Verse: 629     De scal ewichliken myt my leuen.
Verse: 630     He is my bevolen to bewaren:

Verse: 631     Du scalt van ome varen
Verse: 632     Vnde halen my den bref.

Verse: 633     Darvmme ik di to my rep.
Verse: 634     (S)ATANAS SPRAK: Vrowe, des syd bericht:

Verse: 635     Van sinem breue enweyt ik nicht.
Verse: 636     He heft syk {my} myk

Verse: 637     Also sulues vorplicht
Verse: 638     Myt synes sulues breue,

Verse: 639     Ome enwerde leyde oder leue,
Verse: 640     Neymant vor one beyde,

Verse: 641     De vns anders vnrechte deyde.
Verse: 642     MARIA SPRAK: Ik beyde dy, Satanas,

Verse: 643     Du vnreyne tzaghe [= saghe] vnde twas,
Verse: 644     Dat du Theophile loslatest

Verse: 645     Solker lofte, he dy hefft gelouet,
Verse: 646     Wente he do was vordomet [= vordouet].

Verse: 647     Nu is he wedder synnich geworden,
Verse: 648     Vnde steit an dem himelschen orden.

Verse: 649     SATANAS SPRAK: Vrowe, des syt bericht:   Manuscript page: 157v  [157v]
Verse: 650     Van synem breue enweit ik nicht.

Verse: 651     Ik han sint so vele wunders ghedreuen,
Verse: 652     Ik en weit des nicht, wur sin bref is (ghebleuen),

Verse: 653     Wur he is vnde wur ik one leyt,
Verse: 654     Wente ik dar nicht af enweit.

Verse: 655     (M)aria (SPRAK): vore hen snelle
Verse: 656     In de afgrunt der helle,

Verse: 657     Vore de lenghe vp vnde nedder,
Verse: 658     Sok my den bref wedder.

Verse: 659     SATANAS SPRAK: Vrowe, ik sage ju ware:
Verse: 660     Ik han alle de helle dorchvaren

Verse: 661     By mynen besten synnen -
Verse: 662     Des breues kan ik nicht vinden.

Verse: 663     Ik han one ghevraget sere
Verse: 664     Mynen heren Lucifere.

Verse: 665     De heft allo [= also] ghesaghet,
Verse: 666     Des si sint so mennich iar bedaget,

Verse: 667     Dat he des breues nicht ensach.
Verse: 668     Vorwar ik dat spreken mach:   Manuscript page: 158r  [158r]

Verse: 669     We enkunnen des breues nicht vinden.
Verse: 670     MARIA SPRAK: Ik wil di noch binden

Verse: 671     Mit myner tucht vnde ghewalt,
Verse: 672     Dat du den bref wol vinden scalt.

Verse: 673     Ik beyde dy by mynem namen
Verse: 674     Vnde bi rechtem horsame,

Verse: 675     Dat du varest an dusser stunt
Verse: 676     In de helle grunt,

Verse: 677     Vnde bringhest my den bref,
Verse: 678     Den Theophile screff.

Verse: 679     He lit Lucifere vnder sinem jucke [= rucke];
Verse: 680     Sprek: Ik enbeyde om, dat he sik bucke,

Verse: 681     Dat du den bref mogest vinden.
Verse: 682     SATANAS SPRAK: Vil edele telerinne,

Verse: 683     Gif my en wenich vrist -
Verse: 684     Ik weit wol wur de bref is -

Verse: 685     Vnde lat van my dyn twingen.
Verse: 686     Ik wil one wedder bringhen.

Verse: 687     (S)ATANAS SPRAK: Here Lucifere, gif my rad:
Verse: 688     Vnse walt nu cleyne macht had,

Verse: 689     Nu Goddes moder is ghekomen,   Manuscript page: 158v  [158v]
Verse: 690     Vnde hef vns Theophilum ghenomen,

Verse: 691     De den bref hadde ghescreuen,
Verse: 692     Den ik dy hadde ghegheuen,

Verse: 693     De vnder di lit begrauen,
Verse: 694     Den wil se weder hauen.

Verse: 695     Se is vrowe vnde wi sint knechte,
Verse: 696     We enmoghen nicht weder se vechten.

Verse: 697     So wi ere van or komen,
Verse: 698     Jo beter is vnse vromen.

Verse: 699     (S)ATANAS SPRAK: Vrowe, ik kan juwer nicht leng sparen,
Verse: 700     Nemet den bref bi juwen waren.

Verse: 701     Se syn legen edder papen,
Verse: 702     Se endoruen vns nicht mer affen.

Verse: 703     Sint vns dusse is ghenomen,
Verse: 704     So enderf vns nema(n)t tokomen.

Verse: 705     Kumpt vns gemant mere,
Verse: 706     Ik wil one vneren also sere,

Verse: 707     Dat ome scal werden eyn biiacht,
Verse: 708     Dat he sine nese wol huden mach.

Verse: 709     (M)ARIA SPRAK: Nu scal [= sclap], Theophile,
Verse: 710     De heft [= Du hest] dre dage vnde mere   Manuscript page: 159r  [159r]

Verse: 711     An grotem twenge wesen.
Verse: 712     Du bist aller sorge genesen,

Verse: 713     Darvmme bistu wol genesen.



Next part


This text is part of the TITUS edition of Theophil.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.