Doe toech Alexander voert in coninc Darius lant ende doe
Line: 2
Darius dat vernam, doe sende hi hem boden jegen; die brochten hem
Line: 3
enen brief, enen bal, enen swiep ende penningen. Alexander ontfinc
Line: 4
die boden wel ende hi las den brief voir sijn heren ende voir al sijn
Line: 5
volc ende aldus hielt den brief in: "Coninc Darius, die gruet coninc
Line: 6
Alexander, sinen knecht, ende hi laet hem weten, dat ik here ben van
Line: 7
alder werelt. Ic hebbe vernomen, dat gi mijn viant worden wilt. Mer
Line: 8
wat doet u ydel eer ende u dwase kintscheit. Ic rade u, keert weder
Line: 9
tot uwer moeder ende suget haer borsten, want gi sijt noch een kint
Line: 10
ende daerom so sende ic u enen bal, daer gi mede spelen mocht; enen
Line: 11
swiep den tol mede te driven, ende oec sende ic u penningen om
Line: 12
appelen ende peren mede to copen. Daerom laet of uwe dwase
Line: 13
kintscheit, want gi
Page of edition: [118c]
moecht geen zege vechten; want die u
Line: 14
raden, dat sijn al struucrovers." Doe Alexanders heren ende sijn volc
Line: 15
die brief gehoert hadden, doe waren sie bedroeft. Doe seide
Line: 16
Alexander: "Waerom bedroefgi u? Weet gi niet, dat die honden, die
Line: 17
alremeest bassen, lichtelic verjagen [= versagen] ende minst biten?"
Line: 18
Des anderen dages doe screef Alexander weder enen brief an Darius
Line: 19
aldus inhoudende: "Coninc Darius, het is u grote scande, dat gi een
Line: 20
kint ontsiet, nadien dat gi also machtich sijt. Gi hebt mi een bal
Line: 21
gesent; die is ront ende die werelt is ront. Dat beduut, dat ic here
Line: 22
sel wesen van alder werelt. Gi hebt mi gesent een swiep; die heeft
Line: 23
strengen; dat beduut, dat ic u volc binden sel ende u uut uwen lande
Line: 24
jaghen. Ende gi hebt mi penningen gesent; dat beduut, dat ik here sel
Line: 25
wezen over uwen scat." Doe dien brief tot Darius quam ende hien
Line: 26
overgelesen hadde, doe ontboet hi sijn heren ende sijn stede, die
Line: 27
daer woenden op die palen van sinen lande en seide: "Als dat kint
Line: 28
Alexander tot u komt, so vanctet ende brenctet tot my, ic selt
Line: 29
castien mit enen [= ener] roede ende sendent weder tot sijnre
Line: 30
moeder." Doe ontboden hem die heren ende die steden weder, dat hi
Line: 31
geen kint en was, want si hadden jegen hem gestreden ende hi hadde
Line: 32
voel volc verslegen ende den zege gewonnen. Doe quam Alexander een
Line: 33
bode, dat
Page of edition: [118d]
sijn moeder siec was. Doe ontboet hi Darius dat hi
Line: 34
hem niet en soude laten verlangen, hi soude corts tot hem comen. Doe
Line: 35
toech Alexander tot sijnre moeder ende inden wech gemoetede hem een
Line: 36
groet heer van volc. Daar street Alexander jegen ende wan den zege;
Line: 37
ende doe toech hi tot sijnre moeder ende hi vantse genesen. Doe
Line: 38
toefde hi een corte tijt bi haer en toech doe weder in coninc Darius
Line: 39
lant ende wan hem of lant, steden ende sloten. Doe hadde coninc
Line: 40
Darius enen ridder, die verwapende hem mit clederen gelijc Alexanders
Line: 41
ridderen ende quam in Alexanders heer ende reet mit hem. Ende op een
Line: 42
tijt, doe reet hi bi Alexander ende toech sijn swaert ende sloech
Line: 43
Alexander een grote wonde en woude hem doden. Die ridder wort
Line: 44
gevangen ende voir Alexander gebracht. Doe seide Alexander: "O, du
Line: 45
vrome ridder, waerom hebstu mi aldus gewont?" Do seide die ridder:
Line: 46
"Coninc Darius hadde mi sijn dochter geloeft te geven, hadde ic u
Line: 47
gedoot." Doe seide Alexander tot sinen ridderen: "Gi heren, dit is
Line: 48
een vroem ridder; ic woude, dat gi alle also vroem waert." Ende om
Line: 49
sijnre vromicheit willen, so liet hi den ridder vry gaan. Coninc
Line: 50
Darius, die hadde sijn stede ende sloten beset jegen coninc
Line: 51
Alexander. Die een stede bewaerde sijn moeder, die ander bewaerde
Line: 52
sijn wijf, die dorde
Page of edition: [119a]
bewaerden sijn kinderen. Ende Alexander
Line: 53
wan hem al die steden of, ende vinc Darius wijf ende sijn moeder ende
Line: 54
sijn kinder ende hieltse in groter eren. Doe vergaderde coninc Darius
Line: 55
syn volc ende woude jegen coninc Alexander striden. Dat vernam Darius
Line: 56
moeder ende ontboet hem ende seide:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
