TITUS
Beatrijs
Part No. 2
Previous part

Chapter: (2) 
Verse: 37    Dese ioffrouwe en was n[iet] sond[er]
Verse: 38    
Der mi[n]nen, die g[roe]t wond[er]

Verse: 39    
Pleecht te werken acht[er] lande.
Verse: 40    
Bi wilen comter af scande,

Verse: 41    
Quale, toren, wedermoet;
Verse: 42    
Bi wilen bliscap en[de] goet.

Verse: 43    
Den wisen maect si oec soe ries
Verse: 44    
Dat hi moet bliuen int v[er]lies,

Verse: 45    
Eest hem lief{t} ofte leet.
Verse: 46    
Si dwingt sulke[n], dat hine weet

Verse: 47    
Weder spreken ofte swighen
Verse: 48    
D[aer] hi loen af waent ghecrighe[n].

Verse: 49    
Meneghe worpt si onder voet,
Verse: 50    
Die op staet alst h[aer] dunct goet.

Verse: 51    
Minne maect sulken milde
Verse: 52    
Die lieuer sine ghifte[n] hilde

Verse: 53    
Dade hijt niet bider mi[n]nen rade.
Verse: 54    
Noch vintme[n] liede soe ghestade:

Verse: 55    
Wat si hebben g[roe]t oft clene,
Verse: 56    
Dat he[n] die mi[n]ne gheeft ghemene:

Verse: 57    
Welde, bliscap ende rouwe;
Verse: 58    
Selke mi[n]ne hetic ghetrouwe.

Verse: 59    
Jn constu niet gheseggen als
Verse: 60    
Hoe uele gheluux en[de] ongheuals

Verse: 61    
Vt[er] mi[n]nen beken ronnen.
Verse: 62    
Hier o[m]me en darfme[n] n[iet] v[er]onne[n]

Verse: 63    
D[er] no[n]nen, dat si n[iet] en conste ontgae[n]
Verse: 64    
Der mi[n]nen diese hilt gheuaen;

Verse: 65    
Wa[n]t die duuel altoes begheert
Verse: 66    
De[n] me[n]sche te becorne en[d]e n[iet] en cesseert

Verse: 67    
Dach en[de] nacht, spade en[de] vroe,
Verse: 68    
Hi doeter sine macht toe.

Verse: 69    
Met quaden listen als hi wel conde
Verse: 70    
Becordise m[et] vleeschelik[er] sonde,

Verse: 71    
Die no[n]ne, dat si steruen waende.
Verse: 72    
Gode bat si ende v[er]maende,

Verse: 73    
Dat hise troeste dore sine ghenade[n].
Verse: 74    
Si sprac: 'Jc ben soe v[er]laden

Verse: 75    
Met stark[er] mi[n]nen en[de] ghewont, -
Verse: 76    
Dat weet hi dient al es cont,

Verse: 77    
Die niet en es v[er]holen, -
Verse: 78    
Dat mi die cranch[ei]t sal doen dole[n].

Verse: 79    
Jc moet leiden een and[er] leuen:
Verse: 80    
Dit abijt moetic begheuen.'


Next part



This text is part of the TITUS edition of Beatrijs.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.