TITUS
Brandane
Part No. 22
Previous part

Chapter: 22     
Verse: 1557     Doe voer die goede sente Brandaen
Verse: 1558     Metten Gods zeghe beuaen

Verse: 1559     Toten ouersten hende [= ende]
Verse: 1560     Onder eene steenwende;

Verse: 1561     Daes saghen sie alse bernenden voghele varen
Verse: 1562     Huut [= uut] eenen bernenden berghe te waren

Verse: 1563     Van menegherande tonghen,
Verse: 1564     Die hel [= el] niet en zonghen

Verse: 1565     Dan o wy ende wach ende wee;
Verse: 1566     Eene grondeloze zee

Verse: 1567     Slouch daervp die west zijde ane,
Verse: 1568     So datment hoerde dane

Verse: 1569     Ouer meneghe mile.
Verse: 1570     Daer na in corter wile

Verse: 1571     Saghen si huut [= uut] eenen berghe slaen
Verse: 1572     Eene vlamme so ghedaen,

Verse: 1573     Daer die gleinstren hute [= ute] vloghen
Verse: 1574     Also groet al een houen [= ouen]

Verse: 1575     Ende colen also groot als maste
Verse: 1576     Daer was pijne ende onraste

Verse: 1577     Huut [= uut] dien seluen berghe ran
Verse: 1578     Een water sulc en sach noint man,

Verse: 1579     Het was zwart ende het wiel;
Verse: 1580     Bander zijde daer hute [= ute] viel

Verse: 1581     Een water ende een wint ghereede,
Verse: 1582     Die also cout waren beede,

Verse: 1583     Dat nye couder dinc ghewart;
Verse: 1584     Daer hadden si moylike vaert.

Verse: 1585     Vp deen zijde was hitte menichfout,
Verse: 1586     Vp dander zijde waest so cout

Verse: 1587     Dat den bomen in dien tijden
Verse: 1588     Die scorse scoolden vanden zijden.

Verse: 1589     Doe so hiet sente Brandaen
Verse: 1590     Hem allen ten riemen gaen;

Verse: 1591     Beede moonken ende scipman,
Verse: 1592     Alle vinghen si daer an.

Verse: 1593     Daer en wilden si niet letten meer.
Verse: 1594     Daer si waren commen eer Manuscript page: 188c  [188c]

Verse: 1595     Binnen eenen daghe gheuaren,
Verse: 1596     Ghekeerden si cume in .ij. iaren.


Next part


This text is part of the TITUS edition of Brandane.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.